الفصل الثالث

رواية خيط حرير الجزء الثالث 3 بقلم نورا فريد خيط حريررواية خيط حرير الحلقة الثالثة

قام رجع لوراء بخوف لم شافها غرقانه في دمها مفيش نبض ولا نفس حط ايديه في شعره برعب و خوف اتجه ليها شالها من على الأرض راح التواليت حطها على البانيو و قعد على الارض بيفكر يكمل الخطة ازاي دخل المطبخ جاب قماشة و راح اوضته مسح الدم و اى اثر لجريمة بعدين غير هدومه و راح التواليت شالها من البانيو و خرج بيها من الشقة نزل من العمارة حطها في العربية و اتحرك و الخوف في قلبه بيبصلها ببرود ممزوج بخوف هو مش خايف عليها هو خايف من السجن بعد وقت نزل من العربية الممرضات اتجهوا ناحيته جابو ترالي حطوها عليه و دخلو غرفة العمليات مروان واقف مكانه بيفرك في ايديه خرج من المستشفى

فتح الفون و اتصل بمامته: -الحقني يا امي الام بسخرية: -اي الهانم طفشت مروان بتوتر: -انا قتلتها يا امي همسة ماتت و هروح في داهية الام اتعدلت في قعدتها بسرعة و رهب: -اي اللى حصل عملت اي يا مروان مروان: -قولت انى متجوز عليها قعدت تقل في ادابها ف علمتها الادب.. ضربتها جامد ف ماتت معرفش اي اللى حصل محستش بنفسي غير لم بقت كدا انا مش عارف اعمل اي الام بتسال و توتر: -حد من الجيران شافك و انت نازل بيها مروان: مش عارف

الام بزعيق و سرعة: -اقفل و انا جيلك ابعتلي عنوان المستشفى و انا في مسافة السكة سلام مروان قفل مع مامته و فضل واقف مكانه اما في العمارة اللى ساكنة فيها همسة كان في اتنين ستات واقفين على السلم : -مفيش صوت معقول يكونو خرجوا الجارة التانية: -خرجوا اي بس يا سميحة هما دول وش خرجوا و بعدين بقولك كنت لسه سامعة صوتهم من شوية ميكنش ياختي ماتوا مخنوقين من الغاز سميحة:

-الشر برا و بعيد بس انا قلبي مش مطمن الفار بيلعب في قلبي يا سماح جارة من فوق و هى واقفة على السلم: -متتعبوش نفسك منك ليها الاستاذ مروان راح المستشفى سماح شهقت بصدمة: -نهار اسود مستشفى ليه اي اللى حصل يا انوار انوار: -كنت بلم الغسيل و شوفته بيحطها في العربية و شكلها ميطمنش سميحة: -اشوف فيك يوم يا استاذ مروان انا عارفه ازاي البلطجي دا عايش معانا سماح: -لا هو اللى مش عارفه افهموا هى بتحب فيه اي انوار:

-انا عارفه دا لأسلوب ولا احترام كان طالع على السلم و معاه شنط هدايا : -السلام عليكم الجيران: -و عليكم السلام اكرم: -دايما متجمعين .. هى همسة مش معاكم ليه انا متعود اجيلها القيها قعدة معاكم انوار: -والله ما عارفه اقولك اي بس انا من شوية شوفت مروان شايل اختك و حطها في العربية و شكلها ميقولش خير اكرم الشنط وقعت من ايديه بصدمة و عصبية: -متعرفيش في انهي مستشفى انوار:

-لا والله انا حتي لسه بتصل بى ابراهيم جوزي علشان يكلم مروان نشوف هو في انهي مستشفى و نروحلهم نطمن عليها اكرم جري بسرعة زى المجنون سميحة: -حمدالله على سلامتك يا اكرم عمرة مقبولة باذن الله اكرم خرج من العمارة و اتصل بمروان و هو بيفتح باب العربية: -مروان انتوا في انهي مستشفى همس جرلها مروان بكدب و توتر: -مستشفى اي يا عم مفيش حاجة من دى احنا في الغردقة اكرم بغضب: -ما تبطل كدب بقا.. الجيران قالوا انك واخدها على المستشفي

مستشفى اااي مروان بتوتر: -مفيش ضغطها وطي مش اكتر اكرم بنفذ صبر: -العنوان بقولك اي مش بتسمع مروان: -حاضر العنوان*** صدقني يا اكرم حاجة بسيطة مش مستاهلة مجيك اكرم قفل الفون في وشه ركب عربيته و اتحرك على المستشفى بعد وقت كانوا واقفين في الممر قدام غرفة العمليات اكرم مسك مروان من هدومه : -عملت اااي في اختي يا واطي عملت فيهااا اي مروان بحزن و قلق مزيفين:

-معملتش حاجة ا انا كنت بتكلم في الفون سمعت صوت دب جاي من التواليت دخلت لقيتها واقعة في البانيو و راسها بتنزف جبتها على طول انا خايف عليها اوى اكرم مستحملش صوته كور ايديه و عطاه بالبوكس في انفه و قعد يضرب فيه وقعو على الارض و بقا بيضرب فيه بجنون: -خاايف عليها هى لم اتجوزتك ما شافتش منك غير المرار مش هسيبك يا ابن***** مامت مروان بصويت و بتحاول تحوش اكرم عن ابنها:

-ابعد عنه هيموت في ايدك والله العظيم ما عملها حاجة اعدم نظري و صحتي لو بكذب عليك اختك اتخبطت في البانيوو يالهوووووي الحقونا يا خلق الحقونااا يا عالم سيبههههه يا اكرم اكرم بصوت رج المستشفى: -بقولك سبيني عليييه الواطي وحياة امك مانا سيبك كل اللى فى المستشفى جاه على الصوت الامن شال أكرم من على مروان بالعافية خدوهم و حولهما لتحقيق اما عند حيدر مسح على وشه بغضب و قلق مريب: -انا مالي حاسس اني مخنوق و ان في حاجة حصلت ..

حيدر اخد العكاز من جانبه و قام خرج من اوضته و راح اوضة حياة بنته اوضهم جانب بعض فتح النور و اتجه لسريرها قعد جانبها و بيمسد على شعرها بحنان و شرود : -يا تري همس عاملة اي دلوقتي … اول مرة تكون على بالي بالشكل دا قلبي بيقول ان فيها حاجة حاسس انها مش كويسة مينفعش اكلمها اطمن عليها ربنا يحفظها و يحميها من كل سوء يارب اما في المستشفى اهل همسة جوم مامت همسة بصرخ و حادة:

-بنتك و هو لم يضربها و بموتها عادى احنااا المفروض مامنينه عليها مامت مروان بكذب: -والله العظيم ما عمل فيها حاجة اتخبطت في البانيوو صدقيني الاب بعصبية: -اوعي تحلفي كذب يا ام مروان دى مش خبطت بانيو الدكاترة لسه قايلين انها نتيجة ضرب و اللى فى جسمها دا اي ما تتكلمو ابو مروان و هو بيحاول يهدي الدنيا: -يا جماعة استهدو بالله نطمن على البت الاول و بعدين نتكلم حقوقكم على راسي من فوق بس خلينا نفهم اي اللى حصل

مامت همسة قعدت على الكرسي حطت ايديها على راسها بانهيار و دموع: -ياما جتلي و اشتكت ليا بس انا قولت كل البيوت بيحصل كدا مكنتش اعرف انها بتتعذب يا ناااس بتتعذب و انا بكدبها اااه يا بنتي اجيبك منين يا همسة اااااه بنتي راحت اخت همسة: -يا ماما هى في غيبوبة باذن الله هتفوق دلوقتي الام حضنتها و بقو بيعيطو: -اختك بتموت يا هاجر اختك راحت عبد الحميد: -يا عااايدة اااسكوتي بطلي تفويل على البت مامت مروان:

-ابوس ايدك يا عايدة خلي اكرم يتنازل عن المحضر دى بنتي سميحة الجارة: -دلوقتي بقت بنتك يا ست وفاء سماح: -استغفر الله العظيم وقت الجد يقلب الأفعى ملاك اشحال يا وليه انكي بتلعبي في دماغ ابنك و خلتيه يضربها قدام عينيك الشهر اللى فات انوار: -دا بسم الله ماشاء الله بنطلع البت من تحت ايديه بالعافية كل الشارع مش عارف يحوشه عنها و الدليل الضرب اللى من يومين و وشها الوارم و المزرق عايدة بعدت هاجر عنها و بقت بتضرب على وشها:

-نهار اسود نهااار اسود كللل دا و انا مش عارفه … و انا بقول البت مش بتجي ليه شهر بالحالو مشوفهاش يا تعب عمري و سهر الليالي يااا بنتي اااه يا اول فرحتي عبد الحميد بزعيق: -مااا تسكوتي يا عايدة حراام عليكي بتفولي عليهاا والله العظيم عايشة و هتخف باذن الله عايدة بقت بتضرب على رجليهاا: -بيقولك ارتجاج في المخ اثار نزيف هتعيش ازاى بس هتعيش ازاى عد اسبوعين كانت همسة فاقت عبد الحميد:

-مانتي اكيد هببتي حاجة علشان يتجوزك عليكي و بعدين حقه الشرع محلل اربعة اي العيب في كدا المفروض تتقبلي الموضوع و تحادي على بيتك عايدة : -و بعدين يا حبيبتي كل الرجال كدا الست ملهاش غير بيتها احنا مش باقييلك يا حبيبتي هو ممكن كلامك عصبه ف اتهور من غير قصد اكرم بيسمع بملل: -بس لو اتنازلتي عن حقك لا انتي اختك ولا انا اعرفك و تستاهلي اللى حصلك و اللى بيحصلك همسة راسها ملفوفة بالشاش المحاليل في ايديها بصة لفراغ

و دموعها بتنزل بقهرة اكبر: -انا اخدت قراري مش هرجعله مهما حصل انا مش قادره استحمل مبقتش بحس بنفسي ولا بجسمي اللى اتكسر من كتر الضرب و التعذيب ست سنين بتعذب و ساكته مش قادرة اجي على نفسي اكتر من كدا والله العظيم ما عملتو حاجة والله ما قادرة استحمل مش قادرة يا اكرم هاجر مسحت دموعها بايديها و هى مقهورة على اختها:

-همسة معاها حق يا بابا دا واحد لا ياتمن عليه ينفصلو بالمعروف كله الا الكرامة و هى استحملت كتير و بعدين يغور البيت اللى كله عذاب في عذاب الباب اتفتح و دخلت وفاء ام مروان ببرود: -ازيك يا همس شكلك احسن كتير عن الاسبوع اللى فات بصت لعايدة و عبد الحميد و اكرم و هاجر: -اخص عليكم والله زعلانة منكم بقا عايزين تضيعوا عمرا الراجل و تسجنوه علشان دافع عن عرضه و شرفو بجد اخص عليكم ليه كدا يا هموسة دا كان ناقص يجبلك حته من السماء

همسة الكل بصلها بعدم فهم و ذهول: -هو انا عملت اي مروان دخل و قال بهدوء و حنان مزيف: -حقيقي زعلان منك تستغلي حبي ليكي و تدخلي رجالة في بيتي بتخونيني مروان فتح الفون بتاعها: -ادى مكالمة بصوتها الكل بيسمع بذهول و صدمة بما فيهم همسة اللى اتسعت عينيها بصدمة مروان: -و مش بس كدا دى كمان بعتلو صورها الخاصة بصو كدا عبد الحميد شد منه الفون و شاف صور لهمسة وووو ….. لو عايز الرواية كاملة اضغط على : (رواية خيط حرير)