رواية قلب خارج السيطرة الفصل الأول 1 - بقلم نون

بطل بـ كاريزما طاغية وبطلة متمردة لا تُهزم
عندما يلتقي الإعصار بالصخرة.. من سيصمد أولاً؟
تدور أحداث الرواية حول ليل الفتاة المتمردة ذات اللسان السليط والقلب النقي التي ترفض الخضوع
تقع ليل في سلسلة من المشاكل الكوميدية تقودها في كل مرة إلى مواجهة المقدم سيف الضابط الصارم الذي يمتلك هيبة تزلزل القلوب وبروداً يستفز ليل حتى الجنون.
بين مكاتب التحقيق والحفلات الأرستقراطية تتصاعد الصراعات بين ليل العفوية وسيف الذي اعتاد السيطرة على كل شيء فهل يتمكن سيف من ترويض تمردها؟
أم أن ليل ستكون هي القضية الوحيدة التي سيعجز عن حلها وقلبه هو الثمن؟
رواية تجمع بين
خفة الظل المصرية والمواجهات الحادة والمثيرة.

أنا اسمي ليل وعندي قاعدة ثابتة في الحياة
لو الدنيا ادتك ضهرها ايديها القلم اللي يخليها تلف وتفهم إن الله حق
طبعاً عمتي نبوية شايفة إن القاعدة دي هي اللي هتخليني أعنس وأخلل جنبها وجنب جوزها أستاذ حنفي
اللي مبيعملش حاجة في حياته غير إنه يقص ضوافره ويشتكي من غلاء السكر.
كنت قاعدة في المركب مع العريس رقم 14 في القائمة
واحد اسمه مدحت
مدحت ده كان لابس قميص مشجر وتحته فانلة حمالات وبياكل لب وهو بيكلمني عن إنجازاته في توريد البطاطس
مدحت بصي يا ليل أنا عايز ست بيت شاطرة تغسل وتمسح وتقمع البامية ومتحطش روج عشان بيعملي حساسية
بصيت له بذهول وقولت ومش عايزني بالمرة أقف معاك في الغيط نحرص البطاطس من الدودة؟
مدحت بجدية والله فكرة مش وحشة بس إنتي شكلك فرفورة
في اللحظة دي ضغطي ضرب في العالي مسكت كوباية المية ودلقتها في وشه
وقولت والله الفرفورة دي هي اللي هتخليك تروح لاهلك عايم من غير مركب
مدحت صرخ والناس اتلمت وفجأة لقينا المركب بتتهز بقوة وواحد داخل علينا ببدلة رسمية ونضارة شمس الهيبة بتنطق منه.
الراجل ده بص لمدحت المبلول وبصلي وقال ببرود “إيه الدوشة دي؟ إحنا في مكان عام مش في حارة.”
مدحت وهو بيمسح وشه بالمناديل يا باشا دي شريرة دي غرقتني وضيعت هيبتي قدام السمك
الراجل بصلي من فوق لتحت وقال والآنسة بتغرقك ليه؟ عملت فيها إيه؟
ليل بثبات انفعالي يا سيادة العقيد غالباً هو عقيد من النجوم اللي على كتفه
الأستاذ عايزني أزرع بطاطس بالروج وده ضد حقوق الإنسان.
الظابط كتم ضحكته وقال للعسكري اللي وراه
خدهم هما الاتنين على البوكس خلينا نفهم الحكاية في القسم
في القسم
دخلنا المكتب وكان المكتب شيك جداً وعليه لوحة مكتوب عليها المقدم/ سيف الدين
سيف قعد وحط السلسلة بتاعته على المكتب وقال احكي يا مدحت
مدحت فضل يعيط ويقول إنه دفع حق المركب والبيبسي وإن أنا مفترية
سيف بصلي وقال وإنتي يا ليل؟
ليل يا فندم أنا كنت بدافع عن كرامة المرأة المصرية.
الأستاذ فاكرني غسالة أوتوماتيك مش بني آدمة.
سيف بابتسامة سخرية وبالنسبة لقلة الأدب والدلق؟ دي تتسمى إيه في قانونك؟
ليل تتسمى (تعديل مسار) يا فندم.
سيف هز راسه بصدمة وقال لمدحت امشي يا مدحت
المحضر ده لو اتعمل هتبقى فضيحتك بجلاجل في سوق الخضار كله.. روح.
مدحت جري وأنا قمت عشان أمشي سيف نادى عليا بصوت رجولي قوي
إستني عندك.. إنتي فاكرة إنك هتمشي كدا؟
ليل بتمثيل ليه يا فندم؟ هتحبسني عشان دلق مية؟ دي مية معدنية والله
سيف قرب مني وقال
لا.. بس إنتي لسانك أطول منك ومحتاجة حد يربيه اتفضلي امضي على التعهد ده إنك مش هتتعرضي للأستاذ مدحت تاني.
مضيت وأنا ببرطم وخرجت وأنا بقول في سري
يا ريت كل الظباط يبقوا كدا ده قمر بس غلس.
بعد أسبوع
عمتي نبوية دخلت عليا الأوضة بوش بشوش وده معناه إن في مصيبة جاية.
نبوية ليل يا بنتي في حفلة خيرية كبيرة النهاردة تبع الجمعية اللي بشتغل فيها ولازم تروحي معايا دي ناس أكابر.
طبعاً رحت عشان أهرب من زنها لبست فستان أسود سيمبل وشكلي كان يجنن.
وأنا واقفة بشرب عصير لقيت واحد واقف ورايا بيقول
يا ترى العصير ده للشرب ولا للدلق المرة دي؟
لفيت بسرعة وقلبي دق.. كان هو سيف بس المرة دي مش بالبدلة الميري
كان لابس بدلة سهرة سوداء خلتني أسرح فيه لثواني.
ليل بإرتباك حضرتك بتطاردني؟
سيف بضحكة جذابة
أنا اللي بطاردك؟ ده أنا صاحب الحفلة يا ليل.. إنتي اللي داخلة منطقتي.
وفجأة ظهر شاب رخم من بتوع إيجيبت مسك إيدي وقالي هاي ليل مش تقولي إنك جاية؟ تعالي نرقص سلود😂
سيف ملامحه اتحولت 180 درجة وقرب ببرود مرعب حط إيده على كتف الشاب وقال بصوت زي الرعد
إيديك لو لمستها تاني.. هخليك تقضي بقية الحفلة في أقرب مستشفى.. شيل إيدك عنها
الشاب خاف وانسحب وسيف بصلي وعيونه فيها نظرة غريبة وقالي
وانتي.. مش قولتلك محتاجة حد يربيكي؟ الظاهر إن المهمة دي هتبقى من نصيبي أنا.