الفصل الثاني

رواية قلب خارج السيطرة الجزء الثاني 2 بقلم نون قلب خارج السيطرةرواية قلب خارج السيطرة الحلقة الثانية فضيحة بجلاجل وسيف في اللجنه المنظر كان تريند لوحده المقدم سيف الدين بعبع القسم واقف رافع إيده وزمايله محاصرينه والعساكر بتبص بذهول يا باشا إنت سيادة المقدم سيف إيه اللي بيحصل؟ ليل بصويت درامي يستحق الأوسكار يا حضرة الظابط ده مش سيف ده انتحل صفته وسرق الدهب بتاعي وخاطفني في العربية دي إلحقوني ده معاه مطواة في الشراب

سيف بصوت فحيح الأفاعي مطواة في الشراب يا ليل؟ وكمان مزور؟ وحياة أمي لأخليكي تغسلي هدوم المساجين في قسم الأزبكية لمدة سنة الظابط زميله خالد قرب وهو بيكتم ضحكته بالعافية معلش يا سيف الإجراءات إجراءات انزل وريني الكارنيه والبطاقة وورينا الدهب ده نظامه إيه سيف نزل وهو هينفجر وليل نزلت وراه وهي بتعدل الروج ببرود فتشوه يا فندم تلاقيه مخبي المطواه في جيبه عشان يثبتني بيها

خالد الظابط بعد ما اتأكد من الأوراق بص لـ ليل وقال يا آنسة ده سيف باشا فعلاً ليل بشهقة يا مصيبتي يعني هو بجد؟ طب والدهب اللي سرقه؟ سيف بصراخ سرقته إيه يا مفترية ده أنا لسه دافع فيه 200 ألف جنيه شقيان بيهم خالد وهو بيموت من الضحك خلاص يا سيف باشا حصل خير الآنسة شكلها فرفوشة وبتهزر معاك. سيف ركب العربية ورزع الباب وركبت ليل جنبه بمنتهى الهدوء وقالت على فكرة يا سيفو بهتان الوش ده مش لايق على البدلة.. اشرب عصير ليمون

سيف بص لي بنظرة مرعبة وقال وحياة كل رصاصة خرجت من مسدسي لخليكي تندمي على الثانية اللي فكرتي فيها تشغلي دماغك عليا.. إنتي دلوقتي رسمياً في مأمورية تأديب وصلنا البيت وعمتي نبوية كانت مجهزة عشاء رومانسي عشان تحتفل بالخطوبة. سيف دخل وقعد وكان هادي بزيادة وده اللي قلقني.. الهدوء ده وراه تسونامي سيف قال لعمتي يا مدام نبوية

ليل محتاجة تتعلم أصول إدارة البيت وعشان كدا أنا قررت إنها تيجي تقعد في بيت العيلة عندي أسبوعين قبل الفرح مع والدتي الحاجة كريمة عشان تتعلم الطبيخ والهدوء. ليل باعتراض أروح فين؟ ده في أحلامك أنا مش هروح حتة. سيف بابتسامة نصر والله يا مدام نبوية أنا خايف عليها من التهور اللي بتعمله في الشارع هناك هتبقى تحت عيني وعين الوالدة

عمتي نبوية يا زين ما اخترت يا ابني خدي هدومك يا ليل وروحي معاه دي فرصة تتعلمي تبقي ست بيت بدل لسانك اللي طوله شبرين ده. وصلنا بيت سيف فيلا فخمة جداً وطلعت لنا الحاجة كريمة ست قوية وشخصيتها زي سيف بالظبط. سيف يا أمي دي ليل.. أمانة عندك عايزك تعلميها إزاي تكون حرم المقدم سيف الدين.. يعني الانضباط والنظام والمواعيد. الحاجة كريمة بصت لي من فوق لتحت وقالت دي عصعوصة خالص يا سيف دي ولا تعرف تشيل حلة محشي؟

ليل بثقة يا طنط أنا أشيل حلة المحشي وأشيل سيف نفسه لو عايزة أنا خريجة تربية رياضية ولساني بيلعب بالبيضة والحجر سيف ضحك بسخرية وقال طب ورينا شطارتك بكرة الصبح الساعة 6 طابور الصباح في المطبخ والمنيو ممبار لو نجحتي ليكي مكافأة ولو فشلتي هعملك جزاء في الحوش ليل في سرها ممبار يا سيف؟ ماشي والله لخلي الممبار ده يفرقع في وشك وإنت بتاكله ويقولك يا ليل يا عيني

تاني يوم ليل كانت في المطبخ بتمثل إنها شاطرة وحطت في خلطة الممبار شطة سوداني من النوع اللي بيخلي الواحد يشوف العصافير بتصوصو باليل على السفرة سيف قعد بهيبته والحاجة كريمة بتراقبه سيف خد أول قطمة وفجأة وشه بقى لونه أحمر وعينيه دمعت وبدأ ينهج ليل ببرود مالك يا سيفو؟ الممبار مش عاجبك؟ ده معمول بحب وشطة سيف بصوت مخنوق وهو بيشرب جردل مية إنتي إنتي حاطة إيه فيه؟ دي متفجرات مش خلطة

ليل بابتسامة بريئة أبداً يا فندم دي قرصة ودن بسيطة عشان المرة الجاية لما تفكر تعمل عليا مأمورية تأديب تفتكر إن ليل هي اللي بتوزع المهمات هنا سيف قام وقف وهو لسه وشه أحمر من الشطة وقرب منها وقال تمام يا ليل الحرب بدأت وجهزي نفسك بعد موقف الممبار المتفجر سيف كان قاعد في الصالة وشايل تلاجة مية جنبه وبص لي بنظرة وعيد وهو بيقول ماشي يا ليل.. بكرة فرح أكرم زميلي والمستوى هناك غير خالص

عايزك تكوني برنسيسة مش جعفر اللي كان في المطبخ الصبح ليل ببرود برنسيسة؟ ده أنا هخليك تمشي فخور بيا لدرجة إنك هتخاف من الحسد لقراءة الفصل التالي : لقراءة الرواية كاملة اضغط على : (رواية قلب خارج السيطرة) CaMoمنذ 4 أيام 0 3 دقائق