رواية قلوب على جرف الهاوية الفصل الحادي والعشرون 21 - بقلم الكاتبة نهى

قلوب على جرف الهاوية
للكاتبةnuha-d-h

سلوى -فرح صدك تحجين يعني هذا هو قررتي تقضين على حياتج
فرح -ليش سلوى يعني اذا انخطبت معناها قضيت على حياتي هاي بدل ما تفرحيلي وتباركيلي
سلوى-على شنو اباركلج على راسج اليابس
فرح انتي تحبينا لحسام ليش تعاندين وتكابرين
فرح -لاسلوى غلطانة ماجاي اعاند نفسي ولا جاي اعاند حسام ترة شخبصتوني بحسام كلها تصيح حسام حسام
شكو كلكم خايفين من عندة شنو يابة ترة اني مو اول ابنية ولا اخر بنية تنفصل وترجع ترتبط بواحد ثاني من جديد وترة لاتنسين هو الي عافني مو اني الي عفتة
اشو من تركني محد حجة وياه ولا واحد حاسبة وكلة خطية فرح اشو بس گادرين علية
هاي بيبي منا اكلت گلبي وكالبة الخلقة علية عبالك اني الي حرگت گلب حسام مو هو الي داسني وراح
خلاص بلعو هاي سوايتي بحسام وسكتو مثل ما گدرتو تبلعون سوايت حسام بية ورضيتو
ترة والله زهگتوني بعيشتي ما صارت لله

سلوى-كلامج كلة صحيح بس اريد اكلج اني ما اعرف شنو بگلب حسام
لكن اعرف شنو الي بگلبج انتي اختي اني واقرب انسان الج
واعرف بشنو تحسين ادري بيج كلش زين انتي تحبين حسام بس مشكلتج تردين تنتقمين من حسام على السواه بيج وهذا انتقامج عامي عيونج ومخليج متشوفين شي
فرح-اهووو هاي انتي وين رايحة فايتة زايد شنو هاي سويتيها علية فلم هندي
ترة المسألة لامسألة عناد ولا انتقام كل ما هنالك بالموضوع اني معجبة بإيهاب واشوفة مناسب الي خلاص بح انتهت السالفة يعني انتوا لازم بكلشي تخلون بي إن

((لكن مع الاسف القول ليس مثل الفعل على الاقل يحلوة كوني بگد حجايتج ))
ورة يومين كنت ستوني راجعة من الكلية وجاي انزل من السيارة ورحت على الجرس جاي ادك الباب
وجان اشوف سيارة حسام من راس الفرع جاية بتجاه بيتنا يمة جثتي كلها گامت ترجف عزة ضليت اضغط على الجرس اريد بس واحد شريف يفتحلي الباب حتى ادخل والله صارت روحي بالجرس خرب بالحظ المصخم
يمة يمة اجاني اجاني وصل من احتركو اي غير يفتحولي الصخام كعدت ادك الباب بيدي حيل ومن ورة الدك عالباب صرت عبالك ادك دمام سمعت صوت سلوى من ورة الباب جاية جاية ياستار شكو دخلو علينا داعش

فرح ولج فتحي عوبة ولج اجة الاطكع من داعش ولج اجة
حسام
والله گلبي اجة يوكف من شفتة نزل بكل سرعتة من السيارة وصرت احسب لاختي بالعد التنازلي البطيء خطوة خطوة يعني حطو روحكم بموقفي
صرت بين خطوات اختي للباب وبين خطوات حسام بتجاهي
والله احس الزمن اتوقف مثل الي يعد لقنبلة موقوتة من گد التوتر
بس كانت خطوات حسام هي الاسبق ولحك يكمشني
من زندي ويسحلني للسيارة ووكعت جنطتي والسجلات كلهم بالگاع من الخوفة اباوع عليه

حسام -تعاي ولج وين ترحين مني اليوم احرك عشيرتج بنار ونفط
فرح اني اجر بروحي من ايد حسام اريد افك نفسي منة ماكو ماكدرت -اة اة اة حسام بس افهمك بس لحظة
التفتت لاختي سلوى فتحت الباب ومدت راسهة تشوف منو بالباب
ياااا صلوات ستوج فتحتي الباب لو رايحة نايمة احسلج
هاي اختي خلصت العركة وهي ستوهة جاي تتحزم امدة حظي
فتح حسام باب السيارة ودفعني جوة وسد الباب حيل

رحت كبل نزلت جامة السيارة
فرح تستنجد بسلوى وتمد راسها من شباك السيارة
-سلوى لحكي صيحي لجدي خلي يشوف جارة لهذا المسعور
حسام -ولج هاي علمين المسعور
فرح حست على زلة السانها وشافت حسام شلون داس على بانزين السيارة وحرك بحيث بطنشت السيارة من اثر قوة انطلاقه
فرح-اة اة اة اني ماكو غيري المسعورة وستين الف مسعورة
دار وجهة علية وخزرني
اني كبل
هنا صرت مثل الصنم لا ارى لا اسمع لا اتكلم
مانطقت عبالك اذا فتحت حلگلي بحرف
راح اذكرة بوجودي وياه بالسيارة عفية خليه ناسيني
بس شينسى يفرح هذا عشم ابليس بالجنة
بقيت ساكتة بس عودك شنو ختمت القران كلة بگلبي ماظلت اية ما قريتها شراح يسوي بية
طبك السيارة قرب نفس العمارة الي ذيج المرة جابني الهة
فرح اريد اعرف اني ليش اخاف منة بس والله مو بيدي اخاف منة لان اعرفة مخبل وكلشي يطلع منة
-اكول اشو جنك حلتلك السالفة كل يوم جايبني هنا
حسام وبصوت هامس وكوة مسيطر على اعصابة
-احسنلج تنزلين هسة وياي من السيارة وانتي ساكتة ماكو تعمين على روحج اني اكلج ياهة من هسة انة ما مسؤل عن تصرفاتي
والله نزلت وتلمست مكان السجين مالتي
طبعا صارت عندي عادة صرت اخذ السجين وياي وين ما اروح اخليهة بجواريبي لان من ذاك اليوم الي سواه بية حسام واني بعد ما تركت السجين
والله العظيم اذا هسة سوة بية شي اكتلة واكتل روحي
وعلية وعلى اعدائي وشيريد يصير خيصير
فتح باب شقتة
ودخلت
التفتت عليه
واني اريد احجي
ماحسيت الا اجاني راشدي على خدي وراه راشدي لاخ واصبحت الضربات تتوالى على وجهي
اني عيوني انفتحت على وسعهن من الصدمة وصارت عيوني بعيونة وايدي على خدي
وكان يتنفس بغضب عبالك ينفث نار
حسام وهو يجرها من شعرها بعدما سحب شالهة من على راسها
حسام قرب وجهة وبكل غضب
حسام بتوعد -شوفي ولج والله وامان الله وحق الحق
ما راح اخليج تتزوجين ايهاب لو على كص ركبتي الا اسود عيشتج
مو حباً بيج هلمرة لا ولا علمود حتى تصيرين الية لا
اريد اخليج معلكة ومتعلعلة لا انتي لله وانتي لابن ادم الا اخليج تجيني برجلج تتوسلين حتى اخذج الي مرة
وگولي گال حسام
سويها وكسري حجايتي وشوفي
بقى لازمها من شعرها وهي ضلت تدفع بي
فرح -اخ حسام اذيتني عوفني الله يخليك كافي
ليش اخر حيوانة ولج انتي تلعبين علي وتغافليني اخ الله
يعني بكل عقلج اعوفج فرحانة و جايبة عريس الغفلة وجاية عالبيت بس بسيطة ولج

دفعهة عنة ووگعت على وجه بالگاع والتتفتت عليه
وصار خشمه يصب منة دم مسحتة بظهر ايدها
فرح -حسام الله يخليك بس اسمعني بس خليني افهمك مايصير هذا عنادك
ظل واكف فوگ راسهة يباوع عليها بقهر
وبعدين ورة فترة حجة بصوت تعبان منهك خاوي
ليش ولج يفرحة تدرين كلش زين گلبي يهواج وما هوى غيرج
شلون اطاج گلبج تهدمين كل الي بنيتة ولج بنيتلج بگلبي قصر سكنت حبج بي
ولج بس كليلي وين تردين توصلين بعنادج هذا
-فرح تحجي وهي موجوعة -لا حسام انت متوهم انت متحبني انت مقهور لان اول مرة بحياتك متحصل الي تريدة بس اني بالنسبة الك مسألة عناد وتحدي هذا هو كل الي بالموضوع خل انكبر عقلنا ولهنا وكافي
كلامها استفز حسام اتقدم عليها وگومها من شعرها

حسام-اخ الله لج يفرحة انتي كل حرف تنطقينة وياي تعمين على روحج ولج يا عناد يا تحدي تحجين عليه انتي تضحكين على منو ولج المسألة عندي مسألة گلب
ولج ليش النكران والتصدي وهذا الي بعيونج شنو يسمونة زين ورجفت جسمج بين ادية هاي شي يسمونهة
ولهفت حضنج لحضني شيسمونه اذا مو حب هذا لعد شنو
فرح وهي تنزل عيونها من عيون حسام -لا حسام ماكو هيج شي يتخليك اني ما احبك
قرب راسة منها وايدة بعدها لازمة شعرها حيل بحيث شهكت وونت من الالم
وهو ما انطاهة فرصة بلع اناتها وصوتها الموجوع بين شفايفة
بالبداية ضلت تدفع وتضرب بيديها الثنين
لكن هو كان له السلاح الاكثر خبرة منها
وكدر يضعف من مقاومتها الة وياخذ شفايفها الترجف وياه لنفس الطريق الي هو رايح بي وصارو اثنينهم يتبادلون
اللهفة والشوگ وصارو يعزفون ثنينهم بعناقهم نفس اللحن وكانت فرح لاتقل عن حسام بردت فعلها واحتوائها لحضن حسام صارت ايديها تتلمس اكتاف حسام بشراهة بعد ماكانت تضرب على صدره مثل المطرقة
وتحولت يد حسام على شعر فرح لمسات حنونة
بعدما ماكان يسبحها بقوة

لكن حسام هو من انهى تلك اللحضات الثمينة
بعد ماتحول الهواء الي بينهم كثيف مملوء بالمفرقعات من اثر الشغف المتبادل بينهم
حسام وهو گوة يجر نفس -وهسة بعدج تكولين يتخيلي احلفج بالله شلون ينطيج گلبج تسلمين النفس لغير حسام اسألج بالله هم راح ترجفين تحت ايدة
يفرح لاتحطمين حٍٍِْــًبٌٍـــِٓېٍٓ الج
لج انتي ملك حسام انتي روحج مو ملكج حتى تتصرفين بيها بكيفج
فرح -ما اكدر حسام ما اكدر اسلم لك النفس والروح مرة ثانية ترة مرة وحدة كانت كافية لدرجة خلتني اوصل للموت نسيت شصار بحالي ما اكدر اتعرض لخيبة امل مرة ثانية على الاقل ايهاب اني ما احبة فما راح يكدر يأذيني بيوم
وحتى لو حاول يأذيني بيوم من الايام ما راح اتألم بوقتها لان ما احبة هي المسالة مسألة احكم عقلي حسام ترة الحب يوجع صدكني الي شفتة من بعد ما ضگت لوعة حبك حرمت على گلبي يحب مرة ثانية مو وفاءاً الك لا بس تحصيناً لنفسي ما اريد اصير مغفلة مرة ثانية وما اريد اي واحد يستغلني
اسفة حسام كل الي تكدر تاخذة مني راح يكون بالقوة
فخليني اذكرك بخير واعتقني لوجه الله تعالى وخليني اروح
لكن لازال اللقاء بين ابطال روايتني لم ينتهي بعد انتظروني عمع احداث مفاجئة ومشوقة لكلا البطلين

يتبع