رواية قلوب على جرف الهاوية الفصل السابع والعشرون 27 - بقلم الكاتبة نهى

قلوب على جرف الهاوية
للكاتبة nuha-d-h

حسام
طبعا قررت ان ما اخبر اخوي علي لان الظاهر نبيل
عندة من يراقبنا ويعرف عني كلشي وما مستعد ان ارتكب اي خطاء تكون النتيجة اعرض فرح للخطر
لكن اتخذت عدة اجراءات امنية خاصة بية
في حال لا سامح الله نبيل حاول يلعب وياي بذيله
حضرت المبلغ واتصرفت مع علي اخوي بصورة جدا طبيعية وماخليت احد ينتبه على تحركاتي صحيح كان المبلغ المطلوب يكسر الظهر لكن گدرت ادبرهن بسحب كل فلوسي الي بالمصرف
يالله هذا كلة يهون لاجل عيون فرحة حسام
بس كون ترجعلي سالمة نذر علية اروح اني وياهة سوية للعمرة
وجان يجيني اتصال من نبيل يأكد على موعد ومكان التسليم والله وحضرت نفسي والمبلغ واخذت جميع الاحتياطات وحسبت احساب كل الاحتمالات
المهم كان موعد التسليم العاشرة صباحا وكان وصف المكان جدا غريب لكن من خلال الوصف كدرت اوصل للمكان المطلوب كان عبارة عن هيمة منطقة مقطوعة
بس قطع اراضي بيهن زرع قليل متناثرة يعني ارض عن ارض تبعد فد كليومترين وكفت سيارت بالمكان وانتظرتهم ورة ساعتين من الانتظار المميت الظاهر هذا اجراء احترازي حتى يتأكدون ان اني لوحدي ومحد يراقبني
وجاني اتصال من عمي
حسام-شنو نبيل ليش اتأخرتو عن موعد التسليم لايكون تفكر تلعب بذيلك وياي دير بالك والله ما ارحمك
نبيل-طول بالك ويانة ابو الشباب
شوف عيني هسة اريدك تصير حباب وتسمع وتنفذ كل كلمة اگولها الك وانت ساكت
حسام-هَـا نبيل بدت رحمة الله ترة احنا متفقنا على هيج شي
نبيل-شوف حباب ترة موقفك ضعيف فمو من مصلحتك
تعترض على اي شي انت مهمتك تنفذ وبس
حسام
اخ الله الطف بينا
حسام-والمطلوب شنو
نبيل -شوف يا ابن اخوي الوردة التفت على جهتك اليسرى راح تشوف كدامك صخرة جبيرة روح لعندها راح تلكة علاگة سودة تفتحها تلكة بيها كلبشات
شوف حباب تحط جنطة الفلوس بالارض وتبتعد عنهة وتلبس الكلبشات بيديك
حسام نفذ المطلوب
وفعلا شفت العلاكة السودة وحطيت جنطة الفلوس عالگاع
ونفذت كلشي والله ورة عشر دقايق اجت سيارتين من بعيد وحدة عالية برادو والثانية اوباما المهم نزلو اثنين ملثمين وسحبوني وحطوني بالصندوك واخذوني وياهم وما اعرف وين صار گلبي يدك مثل قرع طبول الحرب من الترقب يالله رحمتك
كنت احسب وقت سير السيارة وحسيت عليها اتوقفت
وسمعت البيبان انفتحت ونزلو منها اذن المسافة بين سيارتي والمكان الي اخذوني الة ليس بالبعيد

حلو تٌـٌـمــام هاي اول خيط
نزلوني وبديت ادفع واعاند واغلط عليهم وعلى نبيل
واجاني بوكس ببطني واحد لاخ على وجهي
احس شاغت روحي الله ياخذكم شتاكلون اولاد الابلسة
كل واحد ايدة جنهة شفل
المهم اخذوني سحل وشفتهم فتحو اقفال باب حديد مزنجر ودخلوني دفع بحيث طحت بالگاع لكن شهكت روحي من انتبهت على صرخة خوف
اخ الله هذا الصوت درت وجهي وشفتها لفرحة حسام
وانتبهت عليها شلون ركضت بكل لهفة لحضني وصرنا اثنينة كاعدين بالگاع باحضان بعض
كانت فرح لامتني لحضنها مثل الام الي تستقبل ابنها هيج كان شكلها انتبهت على عيونها شلون تخزر بيهم بغضب وكأن تريد تهجم عليهم
تركونا لوحدنا
كانت لهفتي لفرحتي متنوصف اخ الله قربت راسي على ركبتهة وشميت عطرها
افييييييش ياعطرج لج اشكد مشتاق
فرح وهي تبجي وعيونها كلها دموع
-حسام شلون وكعت بيدهم
-مو حسامج اتصلو عليه يطالبون بفدية حتى يسلموج الي بس مع كل اسف عمج كان اكبر ناقص ونذل
همست بأذنها بس لتخافين الله ويانة
فرح وهي تبتسم -ليش اجيت وراي يعني حتى هنا لاحگني ليش مخليتهم يتخلصون مني احسنلك حتى ترتاح من فرح الي ضايج منها وماتريد تشوفها
-جا ما دريتي البزون تحب خناگها ولج لو حٍٍِْــًبٌٍـــِٓېٍٓ الج علقم جان تجرعتة مثل العسل على گلبي لج انتي شتحجين شوفي هسة اني بهذا وضعي مقيد وما اعرف شنو مصيري وجنت اعرف كلش زين اذا رحت الهم ما راح يهدوني لكن كل هذا سويتة حتى بلكت الله ويحبسوني وياج واشوفج واشبع منج شوف يعني تگدرين تعتبرين هاي الهوسة كلها الي صارت
اول موعد غرامي بينا
-استغفر الله ياربي بس اني حضي هيج مواعيد الغرام تصير يعني الناس تتواعد بحديقة تحت شجرة يلتقون
واني حضي متواعد وياي بهذا المكان
حسام ببتسامة- اتحملي هذا حضج لان حسامج طلع يشتغل وية عصابة ابو طبر
سماح -احم احم نحن هنا ترة جاي تحسسوني عبالك شمعة فكر بينكم حسو بية لاترة اصيح عليكم نبيل

حسام وهو متفاجيء باللي جاي يشوفة كدامة وكانت صدمتة اكبر بعد ما سمع كل القصة من سماح وفرح
حسام -معقولة هاي شنو مداصدگ
وفجاءة التفتو كلهم على صوت الباب ينفتح وكانت المفاجئة دخول هالة ونبيل عليهم وراهم اثنين مسلحين
حسام بصدمة -هالة شجابج على نبيل شعندج وياه
هالة وبمكر-يعني اذا ما اكون يم زوجي وين تريدني اكون
-منو زوجج
هالة-حبيبي نبيل هو زوجي فّـِديتة هو الي ساعدني حتى انتقم منك واهجم حياتك كان هذا شرطي من راد يتزوجني ان يساعدني اخذ حقي منك تتذكر شلون حطمتني وشمرتني من شفت ان بعد ما اصرفلك ذبيتني ومااهتميت لتوسلاتي الك بس اني اشطر منك وعرفت العبها صح ههههههه حطمتك ولوعتك مثل ما لوعتني
حسام-يعني انتي ونبيل الي ورة سالفة اختفاء نقالي
-اي حبيبي احنا وبمساعدة حبيب الگلب نورس جان صادف مسافر بدبي واستغليت كلشي لصالحي واستغيلت شك حبيبت الگلب بيك ومن حجالي نبيل ان ان هو شافكم لازمين ايدين بعض گلي الظاهر الجماعة
راجعين وتعبج راح كلة بالشط
لكن اني هالة مو اي وحدة علية وعلى اعدائي
حسام التفت على نبيل
وبصق عليه
- والله حسافة انت تنحسب علينا عم انت اليهودي ارحم منك ومن سوايتك ليش احنا مو اتفقنا ان اني اسلمك الفلوس وتسلمني فرح ليش سويت هيج شي
نبيل -هههههههه والله ضحكتني لك انت بكل عقلك اترك بطة تبض ذهب تروح هيج من ايدي
ههههههههههههههه حبيبي انتي تسوى كومة فلوس عند جدك وابوك خليهم يبيعون الفوكاهم والجواهم حتى يشترون سلامت راسك واخوك راح يگلب الميمنة علميسرة
حتى يدبرلي جماعة يهربوني وحتى ميخسر اخوه ومرتة
هههههه
حسام وبكل قهر الدنيا گام بسرعة على حيلة وركض بتجاه عمة وهو مقيد ونطحة براسه ووكع فوگاه بالگاع
لكن واحد من الحراس ضرب حسام براسة
فرح وبصرخة ركضت على الحارس
سماح-لج فرح لا لا لكن الحارس انطاهة دفعة قوية وگعت على ظهرها وشافها حسام هدت وشلون هذا العار دفعها صااااح بكل قهر على فرح ما رادها تتأذة
حسام -لك جعفر لتكوم علينا دخيل الله ترة حسام ما ناقص
فرح رفعت راسها تنظر لحسام واتذكرت سجينتها لكن اجة واحد من الحراس فتح الكلبشات وعلك حسام بالحبال
هالة بضحكة خبيثة
- يالله سلومي شوف شغلك وياه اريد اسمع صوت صياحه من الالم يوصل لعندي
فرح وبشهگة خوف على حسام
وسماح ظلت لازمة مكانها ابد متحركت تخاف على طفلها
التفت نبيل على سماح
-شوفي ولج انتي جايج الدور بس خل اخلص العندي هلمرة صدك راح تصيرين المرحومة سماح انة الج
فرح
خفت من سمعت كلامه هذا شنو من انسان
يمة شفتهم طلعو وبقى بس هذا
واجة الثاني ربط ادية ورجلية بالحبل وربط ايدين سماح ورجليهة سودة علية شفت شلون انگلب وجهة اصفر كركم خفت عليها وهي حامل
والله طلعو وتركونة
وبقى واحد منهم الظاهر هو هذا سالم الي لمس وجهي باول يوم الي هنا
شفتة شلون شك قميص حسام وحسام كان مربطينة بالحبال المعلگة وبدة وياه التعذيب اخ الله بالقران ما احجيلكم على حسام شلون اتلوة من الالم
اني اباوع عليه شلون يتعذب وصرت اصرخ وية كل ضربة ينضربها حسام والله المنظر كان جدا قاسي وصعب ان تشوف حبيبك يتعذب وانت تتفرگع عليه
بس اني ما استسلمت وتذكرت السجين الصغيرة والله واجة يومج كمت احرك بنفسي حتى اطلعها من الجوراب
وبالف ياعلي يالله طلعت بس احس روحي طلعت
وبقيت مستمرة اصرخ حتى اضيع السالفة انتبهلي حسام على حركتي وشافني شنو طلعت من جورابي
وطبك وياي علخطة وكعد يساير فرح
حسام وبالم-ههههههه هي هاي التكدر عليها هي هاي كل قوتك ولك شمالك تضرب مثل البنات خايب اضرب عدل
غمز لفرح
حسام اجتني لطمة على وجهي احس طشرت الدم كلة من حلگي
حسام يتكلم بالالغاز مع فرح
-لك جعفر انة بشاربك الحك علية اتورطت على عمري واستفزيت الشفل ابن الشفل
الحارس-لك صگط منو البنية انة الك الا اعلمك
فرح
كانت كل ضربة لحسام تخليني اتحرك بسرعة وافكر
والله استداريت واني گاعدة بوضعية الجلوس وصارت ايدية المربوطات للخلف عالسجين وكدرت الزم السجين باطراف ايدية ودخلتها بين ايدية وكعدت احرك بيهة للاعلى وللاسفل وحسيت اتجرحت ايدية لان السجين كلش حادة والله وكدرت افتح ايدية وصارت عيني بعين حسام
حسام شاف فرح نجحت بفتح الحبال وكعدت تفتح رجليها وما يعرف بعدها شنو خطت فرح بعد ما فتحت الحبال
لكن هو كلش تعب من التعذيب باد حيلة
وصار كوة يطلع الصوت
-لك جعيفر شنو نمت اي مو حسام خلص بانزينة
الحارس-هَـا ولك تعبت هههههه اذا انت تعبت فانة ماتعبت واريد اتفنن بتعذيبك
حسام يرفع راسة ووجهة كلة مزورك ابتسم
- احلف والله مرتين
لكن حسام فتح عيونة على وسعهن من شاف فرح شلون ركضت وبكل سرعتها وحطت السجين بحتف الحارس الي وكع بالكاع وما انطتة مجال بسرعة ركضت على حسام وفتحت الحبال بالسجين وكان الموقف جداً سريع كلشي تم بلحظات لكن كانت اللحظات بين الهلع والخوف
حسام استلم الحارس ضرب بوكسات وبعدين ربط الحارس بمكانه وعلگه بالحبال وفرح حطت السجين برگبة الحارس
شوف ولك هسة تنطي صوت لصاحبك حتى يفتح الباب بسرعة كللهم دكو الباب حيل وهو يجي يفتح الكم
والله ودگت فرح الباب حيل قوي قبلها فتحت قيود اختها
وحسام لف القميص الواكع بالگاع وحشرة بحلك الحارس والله وصدك اجة الحارس الثاني وفتح الباب وحسام استلمة ضرب
حسام بصوت عالي
فرح اخذي سماح وطلعي بيها بسرعة بسرعة
فرح اخذت سماح وطلعت وشفت كان الوقت عصر والله ركضت بيها على جهة الزرع
فرح-سموحة خية بس خفي رجلج شوية وياي بس على مانوصل للزرع حتى مايكدرون يشوفونة
سمعت صوت رمي من وراهة التفتت شافت نبيل يرمي
فرح
جمدت بدمي وصرت واكفة اني واختي بنص الساحة
انتبهت على نبيل وجه السلاح بتجاهي اني وسماح
رمة اول وحدة بتجاهنا بس ما صابتنا لكن ثاني وحدة
كبل شفت واحد صار كبالي اني واختي واشوفلك اجت الطلقة بحسام
اني بوقتها اتوقف عندي الزمن
وصرخت بخوف على حسام وكع بحضني وبعدها
سمعت اصوات سيارات ورمي
حسمام وبصوت واهن
انبطحو ولاترفعون راسكم من الگاع
حسام بصوت قريب على الاغماء
-واخيرا اجة علي

يتبع