رواية قلوب على جرف الهاوية الفصل التاسع عشر 19 - بقلم الكاتبة نهى

قلوب على جرف الهاوية
للكاتبة Nuha-d-h

فرح
رجعت للبيت واني اعصابي منهارة من ورة الي سواه بية حسام
نزلت من سيارتة رجل تضرب برجل من الخوف
فرح وهي تتذكر
حسام -بسيطة انة اعلمج
ولج انتي تتحديني لعد الا اشوفج حسام شيكدر يسوي
حسيت بفداحة الخطاء مالتي كان ما لازم اعاند وياه
وخصوصا احنا وضعنا مو طبيعي وكلة مشاكل كان لازم كفًا. للمشاكل لو صاعدة وساكتة
بسً جا شلون ووفرح والسانها منو يردة
ديالله هاج استلمي
وكف السيارة
قرب عمارة
ونزل وسحبني ونزلني من السيارة طبعا اني شنو تذبحوني قطرة دم مابية كعدت اجر بنفسي منة وانتر بايدي اريد اخلص روحي ماكو
دفعني بسرعة بالمصعد وسد الباب ركضت اريد اطلع رجع سحبني للخلف والباب انسد وداس دكمة عالسريع وحست علمصعد اتحرك
فرح وهي تجر بيدها-اخ ايدي لك عوف اترك ايدي كسرتها
كعدت اضرب بذراعة وكتفة
فرح-والله اذا ما تركتني الم العالم عليك واگول خطفني

شنو الفايدة عبالك جاي اضرب بحايط ابد ما اتحرك
والله وصل المصعد ودفعني كدامة واني رجعت درت عليه
-حسام لاتتخبل رجاءاً رجعني للبيت وهذا هو عرفت خطائي بعد ما اعاند
حسام وهو يسحبها بتجاه باب بصفهم ويدفعها لداخل الشقة
حسام-اگول مو جنج متأخرة شوية باعترافج بالغلط

اتقدم وكعد يفتح دكم القميص وعيونة بعيوني
هسة اراويج من شيصير بيج من تتحديني

فرح كان حسام يحجي ويتقدم علية واني جسمي كلة يرجف من الخوف
فرح-اة اة حسام بلا سوادين هذا هو عرفت اني غلطانة يالله كافي وبعد راح ابطل اعاندك بس رجعني ولاتسوي هاي الحركات مال المخابيل
حسام -يعني مو بيدج بعدج مصرة تتجاوزين تگولين مخبل انتي هذا السانج راح يعم عليج وينرادلة كص واني اعرف شلون اخلي يبطل يلاسن ويحترم

حسا رحت گبل عليها
وشلتها على جتفي وصار راسها ورة ظهري حسيت بيها شهگت وگعدت تضرب على ظهري بثنين اديها لكن
انا بعد فوت الفوت ماينفع الصوت
فرح-ولك مخبل عوفني والله اسود عيشتك لك شتريد تسوي بية عوفني

حسام
خرب بالحظ بعدة السانها يكنس ويرش ابد مابطل ملاسن
حسام وهو يشمر فرح على للسرير وينزع قميصه
فرح بخوف
بعد ما شمرني حسام على ظهري بالسرير لوهلة ظليت متمددة مصدومة لكن اتلاحگت لنفسي و كعدت ورجعت بكعدتي للخلف على السرير وهو يتقدم وثنى ركبتة وصعد على السرير
اني بحياتي كلها ماخايفة على نفسي بگد هاي المرة
هي تبتعد وهو يقترب رادت تشرد للجهة الثانية للسرير لكن هو كان اسرع منها وسحب رجليها وحطها بين رجليه
وصار فوكها وقرب راسة منها
وفرح بقت تقاوم بديها ورجليها لكن اثناء مقاومتها انرفعت التنورة ليفوك وبانت سيقانها ومعالم جسمها امام نظر حسام وكأنها كانت تدعوه الى اللمس
واصبحت الانفاس السريعة المتلاحقة تملىء الجو
قرب وجه من عندها وشم ريحة عطرها كان متمركز خلف اذانه
حسام اخ الله حسيت برعشة جسمها من جواي

كانت نيتي وياها بس مجرد تهديد حتى تـُـــوب تعاند وتكسر حجايتي لكن حاليا وهي بين ادية احس جاي افقد السيطرة والموضوع جاي يطلع من ادية ما اعرف ليش فقدت من حسيت بملمسها وايدي على بشرتها
حسيت عبالك نار تجوي
اقتربت منها وفتحت اول دكمتين من قميصها
وردت اهجم عليها لكن صدمتني نظرة الخوف والترجي الي بعيونها
فرح بترجي وبصوت ضعيف-لااااحساااام لا احلفك بعزيز گلبك لاا تأذيني

كبل حسيت على نفسي ووضعي وياهة مو اني الي اكسر ببنية وهاي مو اي بنية هاي فرحة گلبي الما تمت
لا مستحيل اسوي وياهة هيج
هي من جانت حلالي ما اتجاوزت عليها وقللت من قيمتها
كمت من عليها وشمرت الغطا عليها ورحت درت وجهي عنها اخذت قميصي وطلعت
ورحت كعدت بالصالة واخذتلي جكارة وكعدت ادخن
حتى اهدي اعصابي الي بعدها هايجة على الي كانت متمددة تحت جسمي سحبت نفس من الجيكارة
حسيت بيدي بعدها ترتعش اخ يابة لحدهسة لمسة جسمها جوة ايدي شلون ناعمة وخام اخ الله الهمني الصبر الصبر

فرح
كمت ارجف من الخوف ما اعرف شبية استاهل الي صار كلة من جوة راسي لو بس الساني يبطل جان اني بخير انة جبتة النفسي
كمت دكمت قميصي وايدية ترجف وعدلت شالي ونزلت تنورتي واني جسمي لحد هسة كلة يهتز من الصدمة والارتباك
اول مرة بحياتي يقترب مني رجال لهاي الدرجة من القرب
ما اعرف شصار بية من اثر المشاعر المتضاربة من جميع النواحي
رحت طلعت برة للصالة واني مدنكة وعيني ابد ما حطيتها بعينة هو شافني گام بسرعة واتجه للباب
يالله امشي خل اوصلج للبيت
وخلي هذا درس الج حتى مرة لاخ تبطلين تعاندين وتكسرين كلمتي لاتخلين راسج براسي صدگيني تتأذين واكسرة
وهذا السانج ضبي من تمدين السانج عرفي ويامن بالاول دتحجين وبعدين احجي و حشمي المقابيل
هاي المرة عدت لكن المرة الثانية ما اضمنلج صبري

فرح وهي تصحى على طرق باب الغرقة
وهي تمسح دموعها بسرعة
فرح-احم منو
سرور -فرح اني سرور فتحي
كامت فرح وفتحت الباب لسرور
-هلو سرور فوتي دخلي جوة
-شلونج فروحة اشو اليوم مانزلتي جوة ولاتغديتي ويانة
تدرين جدي كل يوم يسألني عليج ويگلي روحي شوفي اختج
فرح وتبتسم بستهزاء-لايكون حن علينا الشايب
سرور-لاتحجي على جدي هيج والله هو اطيب واحن واحد علينا ودائما اشوف بعيونة شايل همنا
فرح-هاي من شوكت هذا الحجي قبل قتل سماح لو بعد ما كسر بختي بزواجي اشو اني ماجاي اشوف الحنان الي انتي جاي تحجين عنة
سرور-اي مو حقج انت گاضيتها كاعدة ببرجج العالي وحضرتج ماتقبلين تتنازلين وتتكرمين وتشوفين الناس الداير ما دايرج وتختلطين بيهم ترة صدگي كلهم يحبوج
-ليش هو اني شحصلت منهم من عاشرتهم بس الالم والجرح والهضم
لاحبيبتي سرور بعدج صغيرة وما تفتهمين شي
ليش همة مو نفسهم الي هدرو دم اختي مو همة نفسهم الي كسروني مو همة نفسهم الي اذوج لاعفية سرور لاتكعدين تفتحين جروح قديمة اكل عليها الدهر وشرب عوفيني هيج احسنلي
سرور-جدي طلب يشوفج
-وهسة هذا شيريد مني هو اللاخ
-تدرين فرح صرت اخاف منج وعليج من تصرفاتج وبرودج وين راحت فرح اختي ام گلب الجبير
انتي هواي اتغيرتي حتى علينا احنا خواتج صرتي باردة ويانة
لاتگليلي هذا الجفاء كلة حتى تحمين نفسج من الاذية والالم لاغلطانة ترة انتي جاي تخلطين بين الجفة وبين الانعزال
فرح انتي هذا برودج عزلج وبعدج عني وعن سلوى وعن الكل
هذا غلط الي جاي تسوينة بنفسج ترة انتي جاي تحطمين نفسج والحواليج
فرح-اهوووو سرور اشو گمتي تلقين علية محاضرات
بالحياة رحمة على والديج عوفيني بحالي الي بية كافيني
سرور -شفتي شلون من اكلج انتي عازلة نفسج وعايشة لوحدج بقوقعة ومالج غرض بية وبسلوى
فرح-ليش انتو شبيكم
سرور- تدرين سلوى من بعد سواية حسام وياج قررت ان تفسخ خطوبتها من نواف لان صارت هواي مشاكل بينها وبين نواف
فرح-يعني شنو ما افتهمت قصدج يعني سلوى فسخت خطوبتها بسببي
سرور -لا مو بسببج لكن سلوى طلبت من نواف ان يأجل العرس بعد سنة من عهد مشكلتج گالت ما اكدر اعوفها واتزوج بهاي الفترة مااگدر اعوفها وهي نفسيتها تعبانة ولا ينطيني گلبي اخليها تشوفني شلون فرحانة والبس بدلة العرس واعرس وهي هذا كلة انحرمت من عندة
لكن نواف اعترض وما وافقها الراي واصر ان يتزوجون بس سلوى رفضت وفسخت الخطوبة
تدرين من بعد موقفج وية جدي وكلامج امام الكل
بعد محد كام يتعرض النا ولا واحد كام يسمعنا حجي او كلام زايد صار الكل يسوي. احساب النا لمشاعرنا لذلك جدي كان واحد منهم من سمع سلوى فسخت خطوبتها ما اصر عليها
يعني هي لو كانت فاسخة بذيج الايام اتوقع كان جبروها وزوجوهة غصب لكن هسة هواي اشياء اتغيرت من بعد ما انتي وكفتي الكل وسمعتي الكل بأن احنا لحمنا مر

فرح ومثل الي كانت بغيبوبة وصحت هاي من شوكت اختي هيج صاير بحالها
واشوفها تتجنب تگعد وياي
اثاري الحزن والهم مالي گلبها
فرح-وهسة سلوى شنو وضعها
سرور- هو هنا المصيبة سمعت من بنت عمو جواد فاطمة گالت همة جاي يدورون على مرة لنواف
فرح -عزة العزاني يمة اختي تموت والله من قهرها
سرور-اي واخيراً كدرت انتزع منج مشاعر تحسسني ان انتي بعدج فرح ام گلب الجبير
فرح-سرور مو وكتج عفية احجي لي وهسة شنو سلوى درت بنواف يردون يزوجونة لو بعدها
سرور -لا ما تدري لعد اني ليش جايتج وصارلي ساعة احجي وياج
فرح بغيض-ولج انتي صارلج ساعة جنتي تنطين محاضرات وما فتي بالموضوع هسة يالله نطقتي خرب حظي انتي شلون بيج وبهاي فهاوتج
بس عفية سرور تكدرين تتاكدين نواف موجود ببيتهم لو لا
سرور هسة انتظريني

فرح نزلت ورة سرور عالمطبخ وسويتلي اكلة خفيفة لان جعت ما متغدية وظالة على لحم بطني من الصبح
دخلت سلوى من الكراج ومبين عليها كانت تغسل بالكراج ودخلت ولونها مخطوف
جنت اكل بلفتي بس شكلها خوفني تركت اللفة عالنص ورحت لعندها
شنو شبيج سلوى لونج مخطوف
سلوى-هَـا لا هيج ماكو شي
شفتها راحت للثلاجة وطلعت من الفريز علاكة اللحم وراحت للسنك فتحت البوري على اللحم انتبهت عليها كل ساعة تلتفت عالباب وكأن كانت تتوقع او بالاحرى تتأمل دخول احد علينا
وفعلا كان توقعي بمحلة ورة عشر دقايق دخل نواف وشفت نظراتة شلون تدور على سلوى بس انصدم من شافني وحسيت بي كان يتمنى اني مموجودة بالمطبخ حتى ياخذ راحتة بالكلام
اني هم ما گلت باطل
طلعت من المطبخ بس قبل لا اطلع
واني دايرة وجهي
-شوف نواف ترة سلوى تحبك بس خلي ببالك الي سوتة سلوى اي بنية بمكانها كان راح تسوي هيج
لاتنسى ترة اني اختها وكنت واگعة بشدة وامر بمرحلة حرجة وما هان عليها تتركني بهيج وقت
بس هذا موقفها لازم يخليك تتمسك بيها اكثر لان ثبتت ان هي كفو وبساعة الشدة ماتتخلى عن احبابها
ترة هي كانت تخاف على مشاعري ومتريد تجرحني وتفرح بزواجه واني حزنانة
بس هي بهاي غلطانة بالعكس هي متعرف ان سعادتي من سعادتها
نواف المفروض المثلك عندة هيج جوهرة ميخاف على نفسه وبيتة لان هي الي راح تسندك وتوگف وياك وتداري مشاعرك وما راح بيوم يهون عليها زعلك وما يوم راح تعوفك لوحدك مع همومك
خلصت كلامي وما انتظرت جوابه تركتهم لوحدهم وطلعت

يتبع