تحميل رواية قلوب علي كذب بقلم مريم احمد pdf
بقلم مريم احمد
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
اقرأ قلوب علي كذب بقلم مريم احمد.
الفصل 11
ابتسمت سحر و ردت عليها
سحر...بخير يا حبيبتي
كملت كلامها و هي بتسألها
سحر...اختك عاملة ايه؟
ابتسمت حلا و هزت دماغها و هي حسة بالاحراج من عمتها ان محدش ف العيلة بيسأل عنها غير هي و سليم يعتبر و احيانا ابوها..
اتكلمت سحر بضيق و هي بتقول
سحر...ولا تضايقي كدا المهم امك تكون فرحانة يعلم ربنا اني معملتلهاش حاجة عشان تكرهني كدا
اتكلمت حلا بأمل و هي بتقولها
حلا...ان شاء الله هيجي وقت و الخلاف دا يروح لحاله
هزت سحر دماغها و قالتلهم
سحر...انا هروح لمروة انا بقى
هزت دينا دماغها بمعنى " ماشي " و قالتلها
دينا...لو لاقيتي ندى سلميلي عليها
سحر...طيب
و خرجت من الفيلا و سابتهم
اتكلمت دينا و هي بتقول لحلا بابتسامة
دينا...اتصاحبت على واخدة معايا ف الكلية يا حلا بس حقيقي سكرة اوي
ابتسمت حلا و قالتلها
حلا...اسمها ايه ؟
دينا...داليا
اسم حلا دماغها بابتسامة و قالتلها
حلا...نبقى نخرج كلنا ف يوم
...لا اله الا الله محمد رسول الله...
عدى وقت كانت سارة و عهد وصلوا و اول م سارة لاقيت سحر راحتلها بابتسانة و هي بتقولها
سارة...ازي حضرتك يا طنط
ابتسمت سحر و قالتلها
سحر...الحمدلله يا حبيبتي انتي عاملة ايه
هزت سارة دماغها و قالتلها
سارة...الحمدلله
ضحكت سحر و هي بتقول
سحر...خلصتي كليتك اهو اجي انا و موسى نطلب ايدك بقى
ابتسمت سارة بكسوف و قالتلها
سارة...لسة ناوية اشتغل يا طنط
اتكلمت سحر بضيق و هي بتقولها
سحر...يا سلام دا بدل م تبقي معززة مكرمة ف بيتك و مع ذلك موسى معتقدش انه هيرفض انك تشتغلي
بصت سارة لأمها بمعنى انها تنهي الحوار دا و رقية قالت لسحر
رقية...و يا. سحر دينا عاملة ايه دلوقتي
هزت سحر دماغها بمعنى كويسة و مردتش عليها لأنها شافت عهد واقفة مع ندى بعيد شوية عنهم و ندى بتوريها حاجات على الاي باد و من الواضح انهم الفساتين لأن عهد كانت بتتناقش معاها
اتكلمت سحر و هي بتقولها
↚
سحر...تعالي يا حبيبتي واقفة ليه
بصتلها عهد لما حست ان الكلام ليها و قالتلها
عهد...انا؟
هزت سحر دماغها و قالتلها
سحر...اومال انا مش تيجي تسلمي
ابتسمت عهد بتوتر و هي مستغربة و قالتلها
عهد...محبتش اقطع كلامكوا بس
و راحتلهم و سلمت عليهم و سحر قالتلها
سحر...انتي تبقي مين ؟
عهد...انا صاحبة سارة و ندى و كنت مع سارة ف الكلية
هز سحر دماغها و قالتلها
سحر...ساكنة فين؟
كانوا كلهم متضايقين من سحر حتى مروة و رقية مع انهم مش بيحبوا عهد ، و عهد طبعا عرفت شخصية سحر من كتر اسألتها انها بتحب تعرف كل حاجة عن اللي حواليها لأن في زيها بالظبط ف الحي السكني اللي عهد عايشة فيه باختلاف بس ان دي من طبقة معيشة مختلفة عنهم
كانت عارفة انها مش هتخلص من اسألتها و قررت انها تنهي الموضوع بذكاء ضحكت و هي بتقولها
عهد...لية صرفتي نظر من سارة و ناويتي تيجي تخطبيني انا لموسى؟
كلامها ضحك الكل الا سحر اللي مجرد انها ابتسمت و هزت دماغها و هي بتقولها
سحر... دا انتي شكلك ناصحة و مبتجاوبيش على الاسئلة اللي مش عايزة تجابيلها
اتكلمت ندى و هي بتقول لعهد عشان تخلص من الرغي دا
ندى... يلا يا عهد الخطوبة بعد بكرة و انا مش عارفة احدد الفستان
و خدت عهد و سارة من ايدهم و راحة ناحية السلم
وجهت سحر كلامها لمروة و رقية و هي بتقولهم
سحر...البت دي بترد متخلوش البنات تتكلم معاها هتعلمهم يردوا على الناس
قالت رقية بضيق
رقية...عن اذنكوا انا
و قامت و سابتهم و مروة فضلت تتكلم مع سحر
...لا اله الا انت سبحانك اني كنت من الظالمين
في اوضة ندى
كانوا التلاتة قاعدين بيتكلموا
عهد...هي مين طنط دي
سارة...صاحبة ماما و طنط مروة
هزت عهد دماغها و قالت لسارة و هي بتضحك
عهد...انتي لو وافقتي على موسى ربنا يعينك شكلها هتبقى من الحموات الفظاع بجد
ضحكت سارة و قالتلها
سارة...انتي عارفة مين موسى دا يا عهد ؟!
هزت عهد دماغها بنفي و سارة قالتلها
سارة...يبقى صاحب ابية و شغال معاه ف الشركة
هزت عهد دماغها و ندى قالتلها
ندى...بس؟
كملت سارة كلامها و هي بتقول
سارة...و دكتور جامعة !
سألتها ندى تاني و هي بتقولها
ندى...بس؟
سارة...شغال ف نفس الجامعة اللي احنا فيها بس ف كلية الهندسة
ابتسم عهد و قالتلها
عهد...ما شاء الله
و ندى سألتها للمرة التالتة
ندى...بس؟
ضحكت عهد و سارة قالتلها بزهول
سارة...ايوا يا ندى هو في ايي
اتكلمت ندى و هي بتقول لعهد
ندى...و طنط سحر تبفى صاحبة ماما و طنط رقية من زمااان اوي من وقت م كان يوسف و موسى ف الكلية تقريبا
كملت و هي بتبص لسارة
ندى...و بيحبها و عايز يجي يتقدملها
بصت عهد لسارة بفرحة لأنه شخص ناجح و قالتلها
عهد...بجددد يا سااارة
ابتسمت سارة و قالتلها
سارة...بس انا مش موافقة
خدت عهد المخدة بتاعة الكنبة من جمبها و حدفتها على سارة و سارة قالتلها باستغراب
سارة...اييه انا حرة لية اتخطب لحد يفضل يقولي متروحيش هنا و يلا نخرج و مانا عازماكوا و الكلام الرخم دا
ضحكت ندى و سارة قالت لعهد و هي بتغير الموضوع
سارة...المهم دلوقتي
بصتلها عهد بانتباه و سارة ضحطكت و هي بتقولها
سارة...طنط سحر تبقى عمة سليم خطيب ندى
رفعت عهد حواجبها بصدمة و زهول و قالت لندى بحزن
عهد...يا عينييي
ضحكت ندى و قالتلها
ندى...عادي بقى م امه و اخواته مبيحبونيش برضو.
ابتسمتلها عهد و هي زعلانة عشانها و سارة رطعت تتكلم معاهم تاني عشان ندى متزعلش
...سبحانك اللهم و بحمدك اشهد ان لا اله الا انت استغفرك و اتوب اليك
عدى يومين و كانت خطوبة ندى
كانت عهد و داليا واقفين مع سارة اللي مكانتش بتتكلم معاهم اصلا
اتكلمت داليا و هي بتقولها
داليا...مالك يا سارة
هزت سارة دماغها بنفي و قالتهم بقلة حيلة
سارة...هروح اشوف طنط سحر بتناديلي
ضحكت عهد و داليا سألتها باستغراب و هي بتقولها
داليا...هو في ايه؟
هزت عهد دماغها بنفي و قالتلها
عهد...ولا حاجة
سكتت داليا و بعدين قالتلها
داليا...انا هروح ارد على ماما
هزت عهد دماغها بمعنى ماشي و فضلت هي واقفة لوحدها مستنياهم
بس اتهضت لما سمعت صوت بيقولها
._عقبال خطوبتنا ووووووو
ععععع
↚
كانت واقفة لوحدها ف الخطوبة بعد م سارة راحت تشوف سحر و داليا راحت تكلم امهم
اتفاجئت لما سمعت صوت بيقولها
._عقبال خطوبتنا
و بالفعل مكنش حد غيره هو " يوسف "
ابتسمت بسخرية و اتكلمت و هي بتقول
عهد...دا على اساس اني مجنونة عشان اوافق اتخطبلك ولا ايه
ضحك و قالها
يوسف...لا ان جيتي للحق ف انا اللي مجنون
هزت دماغها و قالتله
عهد..طب كويس انك عارف يا بشمهندس
و مشيت راحت لسارة بعد م اقنعت نفسها ان سحر بأسألتها و تطفلها احسن بكتيير من انها تتكلم مع اللي اسمه يوسف دا
مسك التليفون و بعتلها رسالة على الواتساب بيقولها فيها
يوسف..." كلها مسألة وقت مش اكتر كدا كدا هتبقي خطيبتي ها "
بس هي مخدتش بالها من التليفون اصلا
راحله محمد و هو بيقوله
محمد...امك بتنادي عليك بقالها ساعة
هز يوسف دماغه يمين و شمال و قاله
يوسف...مخدش بالي
هز محمد دماغه و قاله
محمد...طيب روح شوفها كانت عايزة ايه
و مشيوا راحوا لطربيزة العيلة
....لا اله الا الله وحده لا شريك له
عند عهد و سارة
كانوا هما الاتنين حرفيا هيتجننوا و يخلصوا نن اسألة سحر و الي زاد بقى ان داليا كمان كانت بتتسأل معاهم
سحر...عندك كام سنة ؟
ردت عليها داليا بسؤال و هي بتقولها
داليا.. طنط هو حضرتك موظفة ؟
استغربت سحر و قالتلها
سحر...و انتي بتسألي لية ؟
هزت داليا دماغها بلامبالاه و قالتلها
داليا...ابدا اصل حضرتك عمالة تسألينا ف اسألها متسألنهاش غير و احنا بنعمل البطاقة تقريبا
حاولوا سارة و عهد انهم ميضحاكوش على منظر سحر و الضيق اللي ظهر على تعابير وشها
جيه وقت البوفية
اتكلمت سارة و هي بتقولهم
سارة...طب يلا يا جماعة عشان انا جوعت الصراحة
و قاموا هما التلاتة يروحوا عند البوفية
كانت داليا بتتكلم مع سارة عن سحر و هي بتسألها مين دي
و عهد كانت واقفة بعيد عنهم بشوية صغيرين لأنها كانت ماسكة تليفونها و مخدش بالها انهم مشيوا شوية
سمعته و هو بيقولها
يوسف...مش حلو الاكل ولا اية
مردتش عليه و هو قالها
يوسف...اطلبلك اكل دليفري طيب
مردتش عليه و هو قالها بهزار
يوسف...انتي اتخرستي ولا ايه ؟
كلمته ضايقتها جدا و اتكلمت و هي بتقوله
عهد...اسمع لو فاكر باللي بتقوله دا انك كدا ظريف و انا هوافق يبقى تنسى خالص ماشي انا استحالة اصلا اخليك تيجي تكلم ابويا
ابتسم و اتكلم بسخرية على كلامها و هو بيقولها
يوسف...و مين قالك اصلا اني عايز اعرف رأيك ولا فقرارك انا اصلا مكلم ابوكي من اسبوع و اتفق معايا اني هاجي انا و اهلي يوم الجمعة اللي هو بعد بكرة يعني
اتصدمت عهد و معرفتش ترد عليه و هي مش مستوعبة ازاي ابوها مقلهاش و هو مشي لما جت سارة و داليا
اتكلمت سارة بزهول و هي بتشاور على الطبق اللي ف ايد عهد
سارة...ايه دا يا عهد معقولة كل دا و محطتيش اي حاجة عشان تاكلي
بس عهد كانت بتفكر لية ابوها مقلهاش و مردتش عليهم و دا خلاهم يستغربوا جدا
داليا...عهد انتي كويسة ؟
قالت سؤالها و هزت كتف عهد و دا خلى عهد تفوق اخيرا من تفكيرها
اتكلمت عهد و هي بتقول لداليا
عهد...داليا انا عايزة امشي
استغربت داليا و قالتها
داليا....هو في ايه
اتضايقت عهد جدا و قالتلها
عهد...سمعتي انا قولت ايه عايزة تفضلي هنا انتي حرة بس انا همشي
زعلت داليا من اسلوبها ف الكلام معاها و بصت لسارة و سارة بصتلها بمعنى معلش و قالت لعهد
سارة...خلاص يا عهد بس خليكوا شوية عشان ندى متزعلش
اتكلمت عهد بضيق و هي بتقولها
عهد...معلش بس انا فعلا عايزة امشي
بصت لداليا و قالتلها
عهد...هتفضلي ؟
↚
هزت داليا دماغها بمعنى لأ و مشيت هي و عهد و سارة رجعت تاني لطربيزة اهلها بس اتنهدت بضيق لما لاقيت سحر موجودة
اتكلمت سحر و هي بتقولها
سحر...اومال فين عهد ؟
سارة...مشيت هي و داليا
اتكلم محمد باستغراب و قال
محمد...هي داليا كانت هنا؟
هزت سارة دماغها و قالتله
سارة...ايوا
...سبحانك اللهم و بحمدك اشهد ان لا اله الا انت استغفرك و اتوب اليك
عدى وقت مش قليل كانت عهد و داليا وصلوا البيت
و اول هالة شافتهم قالتلهم
هالة...ايه دا سيف كان لسة هروح يجيبكوا!!
اتكلمت عهد و هي بتقولها
عهد..هو بابا رجع ؟
هزت هالة دماغها و قالتلها
هالة...ايوا ف البلكونة هو و سيف
مشيت عهد للبلكونة و هالة بصت لداليا باستغراب و هي بتقولها
هالة...هو في ايه
هزت داليا دماغها يمين و شمال بعدم معرفة و قالتلها بزعل
داليا...معرفش بجد و اتعصبت عليا اصلا
طبطبت هالة على كتفها و قالتلها
هالة...حقك عليا انا يا بنتي
...لا اله الا الله محمد رسول الله
في البلكونة اتكلمت عهد و هي بتقول لأبوها مع مراعاة انها تتكلم بأدب عشان ميزعلش منها
عهد...بابا هو ليه حضرتك مقولتليش ان يوسف اتفق معاك على معاد
اتكلم صادق بزهول و هو بيقولها
صادق...هي امك مقالتلكيش
خلص سؤاله و بص لسيف و هي اتفاجئت ان امها عارفة و اللي فاجأها اكتر ان كلام سيف
سيف...انا النفروض قولتلها و هي قالتلي هتقولها
ابتسمت عهد و قالتلهم
عهد...واو بجد مش مصدقة ان كلكوا تبقوا عارفين و انا لأ !!!
استغرب صادق و قالها
صادق...في ايه يا عهد انا و اخوكي ديما ف الشغل و امك تلاقيها نسيت عادي
سكتت عهد و متكلمتش و سيف قالها
سيف...انتي مضايقة ؟
هزت عهد دماغها و قالتله
عهد...ايوا يا سيف
رد عليها صادق و هو بيقولها
صادق...لية يا بنتي دا بني ادم ناجح ف حياته و الف مين تتمنى انها تعيش ربع العيشة اللي هتعيشيها دا كفاية انك مش هتبقي شايلة هم القرش زيي انا و امك
عهد..الف واخدة غيري بس مش انا يا بابا كان لازم تقولولي
زعل سيف عليها و صادق اتكلم و هو بيقولها
صادق...يعني كنتي عايواني ارفض من قبل حتى م يجوا و نتكلم دي اني اصول دي دا رحيم اللي محدش فينا كان طايق فكرة انه يخطب بنت عمك جيه هو و اهله
رد سيف و هو بيقول
سيف...خلاص يا عهد متزعليش
هزت عهد دماغها و قالتله
عهد...يعني انتوا هتبقوا مبسوطين لما يجوا يعني تمام انا بقى مش هخرج و ابقوا بلغوهم رفضي عن اذنكوا
قالت كلامها و مشيت ف اتجاه اوضتها
و سيف قال لصادق
سيف...زعلت؟
صادق...عشان مش عارفة مصلحتها انا لو مش متأكد انه بيحبها استحالة كنت وافق اصلا
...لا اله الا الله وحده لا شريك له
عند يوسف
كان واقف هو و محمد بيتكلموا
محمد...مش فاهم يعني انت ناوي تقولهم امتى انك رايح تخطب يعني يوميها؟؟
يوسف...اكيد مش يوميها يعني بس ف نفس الوقت انا متأكد ان امي مش بتحبها و انها مش هتوافق ف عشان كدا مقولتش لحد
كمل بتهديد و هو بيقول
يوسف...و محدش يعرف يا محمد غيرك عشان لو عرفت ان حد عرف هتبقى انت و
قاطع محمد كلامه و هو بيقوله
محمد...يا عم مش هقول لحد اسكت بقى
هز يوسف دماغه بمعنى ماشي
....سبحانك اللهم و بحمدك اشهد ان لا اله الا انت استغفرك و اتوب اليك
في اوضة عهد كانت داليا قاعدة معاها و هي بتقولها
داليا...يا عهد في ايه ما تتكلمي !!
ردت عليها عهد و هي الدموع ف عيونها و بتقولها
عهد...انتي كنتي عارفة ان يوشف جاي بعد بكرة يتقدملي؟
اتصدمت داليا و قالتلها
داليا...نعممم هو يوسف هيتقدملك يا عهد؟؟
استغربت عهد بس هزت دماغهت بمعنى ايوا و قالتلها
عهد...و كلهم كانوا عارفين و مقالوليش
اتكلمت داليا و هي بتسألها و بتقولها
داليا...هو انتي مش موافقة؟
هزت عهد دماغها بنفي و قالتلها
عهد..انتي بجد بتسألي اكيد لأ
ابتسمت داليا و قالتلها
داليا...خلاص يا عهد متزعليش يعني اصلا احسن دا بني ادم مغرور
هزت عهد دماغها و قالتلها بتوعد
عهد...و انا بقى هرفض وووو
ععع
↚
تاني يوم ف بيت صادق
كانت عهد ف اوضتها باصة للتليفون اللي بيرن للمرة الخمسة و مبتردش
اتنهدت بحزن و ضيق لأنها عارفة ان سارة بتصعب عليها نفسها و بتزعل بسرعة
خدت التليفون و ردت و هي زعلانة منها و قالتلها
عهد...ايوا
جالها صوت سارة اللي بيلومها و هي بتقول
سارة...كل دي اتصالات يا عهد !!
ردت عليها عهد بزعل و هي بتقولها
عهد... انا اصلا زعلانه منك جدا
استغربت سارة و اتكلمت و سألتها
سارة...انا عملت اية !!
ردت عليها عهد بضيق و هي بتقولها
عهد... عشان تبقي عارفة ان يوسف كلم بابا عشان يطلب ايدي و معرفتينيش و انتي عارفة كويس اوي كمية الخناقات و الاخانة اللي كان بيهنهالي اول م عرفتك يا سارة
نزلت كل كلمة عهد قالتلها على دماغ سارة زي الصعقة حرفيا و مبقتش عارفة ترد تقول اية على الكلام اللي اول مرة تسمعه دا
سارة...يوسف مين انتي تقصدي ابية ؟
ابتسمت عهد بسخرية و هي بتقولها
عهد...تصدقي
هزت سارة دماغها يمين و شمال و قالتلها
سارة...عهد انا بجد اول مرة اسمع الكلام دا انا مكنتش اعرف اي حاجة
اتكلمت عهد بسخرية و هي بتقولها
عهد...لا بجد عايزة تقنعيني انه مقالكوش يعني
سارة...ايوا يا عهد مقالناش انا عن نفسي مكنتش اعرف حاجة
سكتت عهد و متكلمتش لعدة ثواني و بعدين اتكلمت و قالتلها و هي بتنهي المكالمة
عهد...ماشي يا سارة سلام
اتكلمت سارة بحزن و هي بتقولها
سارة...سلام
نزلت التليفون من على ودنها و هي مش فاهمه لية يوسف مقالهومش حاجة
بس افتكرت انه مش بيروح الشركة انهاردة و قالت انه اكيد ف المكتب و خرجت من اوضتها و هي ناوية تروح و تسأله
....لا اله الا الله وحده لا شريك له لله الملك و لله الحمد يحيي و يميت و هو حي لا يموت
خرجت عهد من اوضتها و هي رايحة المطبخ عشان تجيب ازازة ماشية
لاقيت امها ف المطبخ و بتقولها
هالة...ابوكي قالي انك زعلانة مني و حقك طبعا بس عايزاكي تعرفي اني اتلهيت و انتي ديما برة البيت ف التدريب
هزت عهد دماغها و قالتلها
عهد...بس انتي عارفة ان اخر يوم ف التدريب كان من يومين كنتي تقدري تقوليلي يا ماما بدل م ابقى ف الخطوبة و اتفاجئ بيه و هو بيقولي !
هزت هالة دماغها و قالتلها
هالة...طب متزعليش مني
ابتسمت عهد و حضنتها و قالتلها
عهد...عمري م ازعل منك ابدا
ابتسمتلها هالة و قالتلها
هالة...عهد عايزة اقولك حاجة
هزت عهد دماغها و قالتلها
عهد...قولي
هالة... ادي ليوسف فرصة و بلاش ترفضيه على طول كدا
اضايقت عهد و قالتلها
عهد...بصي يا ماما انا استحالة اديله فرصة عشان انتي متعرفيش الشخص دا انا بكرهه قد اية
اتكلمت هالة و هي بتقولها
هالة...لا انا عارفة يا عهد و عارفة انه مكانش بيحب سارة تكلمك و كل دا سارة لما جت هنا اول م عرفناها قالته بس بجد يا عهد هتبقي عايشة ف مستوى مادي حلو مش هتبقي شايلة هم زيي انا و ابوكي كدا
سكتت عهد و متكلمتش و بعدين قالت لهالة
عهد...ماشي بس لو حسيت اني مضايقة ساعتها هتسمعوا كلامي و الموضوع هيتفركش ماشي
هزت هالة دماغها و قالتلها
هالة... ماشي يا حبيبتي
سألتها عهد و هي بتقولها
عهد...داليا نزلت ؟
هزت هالة دماغها و قالتلها
هالة...ايوا من بدري
ابتسمت عهد و قالتلها
عهد ... بحبها جدا يا ماما بحسها اختي الصغيرة ربنا يوفقها ف حياتها يا رب
ابتسمت هالة و قالتلها بحب
هالة...امين يا رب العالمين
...سبحانك اللهم و بحمدك اشهد ان لا اله الا انت استغفرك و اتوب اليك
في قصر فاروق الحديدي
خبطت سارة على مكتب يوسف و لما سمعت صوته بيسمحلها بالدخول دخلت و راحت للكرسي اللي قدام المكتب
يوسف... عايزة حاجة يا سارة ؟
سألته و هي بتقوله بلوم
سارة...لية مقولتليش يا أبية انك رايح بكرة تخطب عهد!!
اتكلم يوسف بضيق و هو بيقولها
يوسف...محمد اللي قال صح ؟
ابتسم و قالتله بحزن
سارة...هو انت كنت معرف محمد و انا لأ يا ابية !!
سكت يوسف و بعدين قالها
يوسف.. مين قالك؟
سارة...عهد اللي قالتلي يا ابية و شكرا اولا عشان خليتها تزعل مني و ثانيا عشان عرفت الكل الا انا كأني بكرهك مثلا
كانت هتقوم و تخرج من المكتب بس هو قالها
يوسف...سارة محدش يعرف خاحة و محمد انا قولتله امبارح ساعة خطوبة ندى و كدا كدا كنت هقولكوا انهاردة اصلا
اتكلمت سارة بحزن و هي بتقوله
سارة...لية مقولتش
يوسف...انتي اكتر واحدة عارفة ان امك مبتحبش عهد صح
هزت سارة دماغها بمعنى ايوا و يوسف كمل كلامه و هو بيقول
يوسف...و انا لو كنت اتكلمت وقتها و قولت كانت هتعمل خناقة
هزت سارة دماغها و قالتله
سارة...و انت فاكر انها كدا مش هترفض يعني و مش هتعمل خناقة؟
كملت بسخرية من كلامه و هي بتقوله
سارة...مش بعيد متروحش معاك اصلا
هز يوسف دماغه بلامبالاه و قالها
يوسف...و من امتى ماما كانت ماما بجد و بتهتم باللي بنقوله ولا بتروح معانا ف حتة يا سارة ؟
سكتت سارة بحزن لأنها كانت ديما بتحاول تنسى قسوة امها عليهم و انها حتى مراحتش معاها حفلة تخرجها ولا اي حاجة
سألته و هي بتقوله
سارة...ابيه هو انت بحب عهد. فعلا؟
رد عليها بسخرية و قالها
يوسف...اومال هخطبها لية
↚
هزت دماغها بعدم معرفة و قالتله
سارة.. معرفش بس اصلك ديما كنت بتكرهها و مش بتحبها عشان مستواها المادي غيرنا و انها ملهاش سلطات زينا
اتكلم يوسف و هو بيقولها بابتسامة
يوسف...بصي يا سارة هقولك نصيحة
هزت دماغها بمعنى ماشي و هو اتكلم
يوسف...مهما كان شخص بيكرهه بنت لأي سبب ف حاجة واحدة بس ممكن تخليه يفكر انه يخطبها
هزت دماغها بمعنى ايه و قالتله بسؤال
سارة...اية هي ؟
رد عليها و هو بيقولها
يوسف...انها تبقى ديما حطة كرامتها قصاد عيونها و انها متبقاش من البنات اللي اي حاجة تعيك و متعرفش تجيب حقها و حق كرامتها و بصراحة عهد كانت ديما معززة نفسها و معززة كرامتها
هزت دماغها بمعنى ماشي و هو قالها
يوسف...عشان كدا من زمان و انا بقولك مش كل حاحة تعيطي و تزعلي
ردت عليه بحزن و هي بتقوله
سارة...يا أبية مببقاش قصدي اعيط بس انا لما بتحصل حاجة تزعلني بتخنق و دموعي بتعيط لوحدها
ضحك على كلامها و قالها
يوسف...حتى دموعك بتعيط
ضحكت على كلامه و قالتله
سارة...بتتريق عليا يا ابية ؟
هز دماغه بنفي و قالها
يوسف...انا اقدر اتريق عليكي برضو
ضحكت على كلامه و هو كمان ضحك و بعدين خرجت راحت لندى
....لا اله الا الله محمد رسول الله
في بيت صادق
كانت عهد قاعدة ف الصالة و ماسكة التليفون و متجاهلة سيف اخوها تماما عكس العادي انهم ديما بيتكلموا و هالة لحظت دا و بصت لسيف بمعنى انها زعلانة
و هو كان اصلا عارف انها زعلانة منه ف قرر انه يكسر الصمت دا و يتكلم
سيف...عهد قومي اعمليلي فطار
مردتش عليه و فضلت باصة للتليفون و هو خطبت على ايد الكنبة و قالها
سيف...م تقومي تعمليلي سندويتش جبنة يا بنتي!!
بصتله عهد من زعيقه بس اضايقت اكتر لما لاقيته بيكمل كلامه بكل لامبالاه و هو بيقول
سيف...و قطعي طماطم و اعملي كوباية شاي بنعناع
ابتسمت بسخرية و قالتله
عهد..تايهه انت متعرفش طريق المطبخ ؟
اتكلمت هالة بحدة و هي بتقولها
هالة....بت اتكلمي مع اخوكي كدا
بصت لأمها بلوم و متكلمتش و هو قالها
سيف...اخلصي هو حتى يوم الاجازة هتعصبوني مش كفاية الشغل
اتكلمت بضيق و هي بتقوله
عهد...روح انت يا سيف انا فعلا مش هعملك حاجة و ياريت متتكلمش معايا تاني اصلا
اتعصبت هالة و قالتلها
هالة...انتي اتهبلتي يا بت، في حد يقول لأخوه كداا!!
اتكلمت عهد و هي بتقولها
عهد...خلاص على ايه تتعصبوا كلكوا مني انا همشي خالص اصلا المفروض اول يوم شغل ليا كان انهاردة و انا مرضتش انزل
هزت هالة دماغها و قالتلها
هالة...طب روحي اعملي فطار لأخوكي يلا دا كويس اصلا اننا بنشوفه لأنه ديما ف سكن الشغل و تلاقيه مش بيلاقي اكل هناك
ضحك سيف و قالها
سيف...مش للدرجادي يا حاجة
قلبت عهد عيونها بملل من هزار سيف
و هو كان هيتكلم بس لاقى تليفونه بيرد ف اتكلم و هو بيقولها
سيف... عهد بجد اعمليلي فطار عشان غالبا هنزل
قال كلامه و دخل البلكونة و هي لاقيت هالة بتبصلها بتحذير انها متعاندش و تقوم تعمل الفطار لأخوها
قامت و راحت للمطبخ و هي مضايقة من سيف و هالة قالتلها
هالة...اتعصبي كمان و كسري البلاط من عصبيتك يا استاذة عهد
اتكلمت عهد و هي ف المطبخ و بتقولها بخوف
عهد...انا متعصبتش
مردتش هالة عليها و عهد بدأت تعمل الفطار لأخوها
...سبحانك اللهم و بحمدك اشهد ان لا اله الا انت استغفرك و اتوب اليك
في قصر فاروق الحديدي
كانوا كلهم قاعدين حولين السفرة بيفطروا
اتكلم يوسف و هو بيقولهم
يوسف...انا نويت اخطب
الخبر فرح بعضهم و ضايق بعضهم و صدم بعضهم
اتكلم فاروق بفرحة و هو بيقوله
فاروق...بجد
ابتسم يوسف و هز فاروق دماغه و قاله
فاروق..هخلص شغل الشركة انهاردة عشان ابقى فاضي اجي معاك
ابتسمله يوسف و سارة كانت مستنية تعرف رد امها و كانت مستنياها تتكلم و يا ريتها م اتكلمت
سألته رقية و. هي باصة ف الطبق اللي قدامها
رقية... مين البنت اللي هتناسب عيلتنا و امتى هتروح ؟
اتكلمت سارة بصدمة و هي بتعيد كلمة امها تاني
سارة...هتروح؟
كملت بسؤال و هي بتقول
سارة...هو حضرتك مش هتيجي معانا !!
تجاهلت سؤال بنتها و وجهت كلامها لوسف و هي بتقوله بحدة بعد م حست انها عهد
رقية...مـيـن الـبـنـت يـا يـوسـف؟
يوسف...عهد
وقع الخبر على رقية زي الصعقة و مروة ابتسمت و هي شمتانه فيها
اتكلمت بصوت واطي عشان محدش يسمعها غير رقية اللي كانت قاعدة جمبها
مروة...مو.تي بحسرتك بقى
و بعدين قالت ليوسف بفرحة مزيفة
مروة...الف الف مبروك يا يوسف و برافو عليك انك اختار واحدة ماما بتحبها جدا زي عهد
كان قصدها انها تغيظ رقية و تحر.ق دمها بس اتصدمت لما سمعت كلام محمد اللي خلاها تحس ان الدنيا بتلف بيها من صدمتها
محمد...انا كمان كلمت استاذ صادق انهاردة و اتفقت معاه ان بكرة هتقدم لداليا
صقفت ندى بفرحة و هي بتقوله
ندى...بجددد يااا محمدد!!!
هز دماغه بمعنى ايوا و سارة ابتسمت و هي فرحانة بس قلقها و توترها من ردة فعل مروة و رقية كانوا مخلينها مش قادرة تبين فرحتها زي ندى
بصت مروة لندى بغضب و حدة و قالتلها بعصبية
مروة...اخـرسـيي خـاالـص انـتـييي دلـوقـتـييي!!
سكتت ندى و بصتلها سارة انها متزعلش و مروة وجهت كلامها لمحمد و هي بتقوله
مروة...يعني اية الكلام دا هي دي منظر عيلة نناسبها اصلا!!
الفصل 12
كان لسة محمد هيتكلم بس هي سبقته و هي بتزعق بصدمة و غضب و هي بتقوله
مروة... يعني اية اتفقت مع ابوها تطلب أيدها انطققققق ووووو
ععع
↚
اتكلمت مروة بغضب و هي بتقوله
مروة... يعنييي اييية رايح تتقدملهااا و ازااي متعرفنيش قبل م تتفق مع ابوها
ابتسمت رقية بسخرية و قالتلها
رقية...لا م خلاص بقى كل واحد فيهم نسي امه و انه المفروض يعرفها
كملت بعصبية و هي بتقول
رقية...خلااااص اعتبرووونا موووتنااا
اتكلمت سارة و هي خايفة انها تخسر امها بالرغم من ان امها مش بتكلمهم اصلا
سارة...متقوليش. كدا
اتكلم فاروق اخيرا و هو بيقول
فاروق...مش عايز صوت كملوا فطاركوا و بعد الفطار نتكلم
رقية...عن اذنكوا
و قامت و سابتهم و مروة وجهت كلامها لمحمد و قالت
مروة...هي كلمة واحدة يا محمد حالا تتصل بأبوها و تلغي معاه الاتفاق
ض
اضايق محمد جدا و قالها
محمد...و انا استحالة اصغر نفسي و ارجع ف كلمتي
ردت عليه مروة بغضب و هي بتقوله
مروة...و انا مش هروح معاك ابقى روح لوحدك و اتفق لوحدك و انسى امك دي خااالص
قالت كلامها قامت طلعت اوضتها و يوسف بص لمحمد من ردة فعل رقية و مروة و ندى بصت لسارة بحزن على عهد و داليا
اتكلم فاروق و هو بيقولهم
فاروق...دا قراركوا و انا مربتش احفادي انهم يرجعوا ف قرار هما قرروه و انا هاجي معاكم
ابتسمتله ندى و محمد تليفونه رن و كان اللوا
محمد...عن اذنكوا هرد على التليفون
و قام و سابهم
اتكلمت سارة و هي بتقول ليوسف
سارة...هتعمل اية زي م توقعت ان ماما احتمال متروحش معاك بكرة
يوسف...في ايه يا سارة ،هي من امتى ماما بتيجي معانا ف اي حتة ولا تعرف عننا حاجة اصلا
هزت سارة دماغها و فاروق قال ليوسف
فاروق...تعالى يا يوسف على المكتب عايز اتكلم معاك شوية
هز يوسف دماغه و طلعوا هما الاتنين و ندى قامت راحت للكرسي اللي جمب سارة و قالتلها
ندى...زعلت اوي
هزت سارة دماغها و قالتلها
سارة...ايوا
...سبحانك اللهم و بحمدك اشهد ان لا اله الا انت استغفرك و اتوب اليك
في بيت صادق
كانت عهد قاعدة ف الصالة و امها قاعدة بتقطف ملوخية على السفرة
اتكلمت هالة و هي بتقولها
هالة...تعالي ساعديني بدل م انتي مبتعمليش حاجة طيب
قامت عهد و راحتلها خدت عود ملوخية و هالة اتكلمت معاها و هي بتقولها
هالة...جهزتي الفستان بتاع بكرة ؟
هزت عهد دماغها بنفي و هالة قالتلها بضيق
هالة...لية يا عهد
سابت عهد الملوخية و كانت هتقوم، اتكلمت هالة و هي بتقولها
هالة...رايحة فين و سايباني
عهد...هروح اشوف فستان !!
هزت هالة دماغها بنفي و قالتلها
هالة...ساعديني الاول عشان الحق اخلص الغدى قبل م ابوكي و داليا يرجعوا
خدت عهد الملوخية تاني و بدأت تقطعها
هالة...اخوكي جاي بكرة بإذن الله
هزت عهد دماغها بمعنى ماشي و قالتلها
عهد...شكرا
استغربت هالة و قالتلها
هالة...لية ؟
ابتسمت عهد و قالت
عهد...على اللي بتعملوه عشاني..شكرا ليكوا كلكوا
ابتسمت هالة و قالتلها
هالة...لو تعرفي كلنا بنحبك قد ايه و بنتمنالك الخير يا عهد مش هتزعلي مننا كدا
اتكلمت عهد بحزن و هي بتقولها
عهد...انـ انا بس خايفة انـ انه يكون بيضحك بمشاعري و يخليني احبه و بعدين يسيبني
استغربت هالة من اللي عهد بتقوله بس سؤال عهد فاجئها جدا
عهد...ايه اللي يخلي واحد يحب واحدة هو كان بيكرهها يا ماما و كل م يشوفها يهينها ؟!
مدتش فرصة لأمها انها ترد عليها و كملت كلامها و هي بتقول
عهد...و بعدين دا دا اصلا بني ادم تفكيره سطحي جدا ازاي يعني شخص يكرهه شخص تاني لمجرد ان مستواه المادي اقل شوية عنه او حتى مش شوية اقل كتير ايه التخلف و التفكير المحدود دا بجد !
سكتت هالة بحزن و هي شايفة كمية الصراعات اللي بتدور ف دماغ بنتها من وقت م عرفت يوسف مكنتش عارفة تعملها ايه غير انها قالتلها
هالة...بصي يا عهد يا حبيبتي
بصتلها عهد و هي مستنية تسمع اي كلمة تدل ان امها هتلغي الموضوغ كله...بس كلام امها خيب املها
هالة...اولا الحب و ندبضات القلب مش بإيدينا ممكن يكون من الاول مكنش بيكرهك يعني و انتي تعرفي سارة بقالك يجي سنة و اكتر كمان و انا عرفناهم و هما كمان عرفوكي و انتي تبارك الله محترمة و متربية و مؤدبة و دا كفيل جدا يخليه يفكر انه يخطبك
كانت عهد هتتكلم بس هالة منعتها لما قالتلها
هالة...اسمعيني بس للأخر
هزت عهد دماغها بمعنى حاضر و هالة كملت كلامها و قالتلها
هالة...تاني حاجة بقى ف انا قولتلك اننا مش هنضايقك بس انتي اديله فرصة و لو حسيتي انك مضايقة قولي عادي بس تكوني اديتي نفسك و ليه فرصة و انتي وافقتي صح
هزت عهد دماغها بمعنى ايوا و هالة ابتسمت و قالتلها
هالة...خلاص يا قلب امك زعلانة لية
سكتت عهد و هالة قالتلها بتحذير
هالة...بس اوعي يا عهد تفكري ان يحصل اي مشكلة عشان تفركشي الخطوبة و خلاص ... عشان يمكن هو بيحبك فعلا و وقتها هتكوني عايشة ف مستوى مادي كويس و حياتك مستقرة و انتي اللي تخربي الموضوع وحد غيره يجي يتقدملك و تعيشي ف مستوى مادي مش كويس كدا و وقتها يبقى انتي السبب
بصتلها عهد و هي مصدومة من ان امها عرفت انها قررت تعمل اي خناقة و خلاص عشان الموضوع يتفركش
ابتسمت هالة و قالتلها
هالة...يلا قومي شوفي كدا فستان حلو
بصت عهد للملوخية و قالتلها
عهد...هساعدك!
هزت هالة دماغها برفض و قالتلها
هالة...لأ سبيلي انا الملوخية و انتي قومي يلا
باست عهد ايد امها و هالة سحبت ايدها بسرعة و هي بتقولها
هالة...يا بت ايدي كلها طينة من الملوخية
ابتسمتلها عهد و قالتلها
عهد...و اية يعني مش ايد امي دي ولا الملوخية غيرتها؟
ضحكت هالة بحب على كلام بنتها و دعيتلها و عهد باست ايدها و قامت
...سبحانك اللهم و بحمدك اشهد ان لا اله الا انت استغفرك و اتوب اليك
في قصر فاروق الحديدي في مكتبه
كان فاروق بيتكلم مع يوسف و هو بيقوله
فاروق...مش عهد دي صاحبة اختك؟
هز يوسف دماغه و قاله
يوسف... بالظبط
اتكلم فاروق و هو بيقول
فاروق...على ما افتكر يعني انك كنت بتزعل اختك و تسيبها تعيط بالايام عشان مش عايزها تصاحب البنت دي
سكت يوسف و مردش و فاروق قاله
فاروق...معقولة تكون حبيتها؟
افتكر يوسف انه مش موافق زي م امه مش موافقة و قاله باستغراب
يوسف...هو في اية يا جدو ؟
اتكلم فاروق بحدة و هو بيقوله
↚
فاروق...انا هنا اللي اسأل و انت تجاوب انت هتحقق معايا عشان بتكلم معاك ولا اييه
سكت يوسف و مردش و فاروق قاله بحدة و ضيق
فاروق...اسمع لو كنت ناوي تضحك بمشاعر البت و تخليها تحبك و تفرح بالمستوى المادي اللي هتكون عايشاه و تسيبها و كأنك بتقولها دا مقامك و انها مش مقام عيلتنا يبقى تنسى خااالص عشان انا مش هوافق على المهزلة دي تحصل ابدا
سكت يوسف و فاروق قاله بسخرية
فاروق...سكت يعني؟
كمل بزهول و هو بيقوله
فاروق...انت كنت ناوي تعمل كدا فعلا !!
كمل بزهول اكبر و هو بيقوله
فاروق...كنت ناوية تكسر قلب البنت و بعد م تخطبها و تفسخ الخطوبة !!
اتكلم يوسف بزهول و هو بيقول
يوسف...في ايه يا جدو و انا لية اصلا اروح اخطب واحدة و الناس كلها هتعرف من الصحافة و اسيبها قصد يعني !!
سكت فاروق و يوسف قاله
يوسف...جدو انا بحبها بجد ..بحبها لأنها ديما صاينة كرامتها و مقبلتش اني اهينها و انا معتقدش اني ممكن اروح اخطب واحد ة تخليني ازعقلها ولا اتعصب عليها عادي لمجرد انها هي و اهلها معاها فلوس زينا و بصراحة اغلب العائلات اللي نعرفهم من زمايل بقى ولا معارف كدا ف لما لاقيت عهد شخصيتها قوية و نش ضعيفة و كمان مؤدبة نسيت موضوع طبقات المعيشة و كل الكلام دا و بعدين انا مش فاهم انتوا مضايقين لية هو انتوا مش كنتوا كل شوية تقولولي انا محمد اننا نخطب ؟
ابتسم فاروق و قاله
فاروق...معدش مضايق غير امك و عمتك
سكت يوسف و فاروق قاله
فاروق... انا مبسوط منك انك خيبت قلقي
ابتسم يوسف و رد عليه و هو بيقوله
يوسف...حركات العيال دي مش ف عيلتنا
ضحك لما افتكر كلام جده و كرر الكلام و هو بيقول
يوسف...قال اخطبها عشان تفرح بالمستوى اللي هتعيش فيه و بعدين اسيبها قال
ضحك فاروق و بعدين قاله بحدة
فاروق...انت بتتريق على كلامي!!
ضحك يوسف و قاله
يوسف...ابدا
...لا اله الا الله محمد رسول الله
دخل محمد القصر و هو كله غضب و عصبية
سألته ندى اللي كانت خارجة رايحة الكلية و هي مستغربة من غضبة
ندى...مالك يا محمد؟
سكت و مردش و ندى قالتله
ندى...في ايه بس
بس اتفضت من مكانها و رجعت خطويتين من خوفها من ازاز الفازة اللي محمد حدفها على الارض من غضبه
نزل يوسف و فاروق و الكل على الصوت و هما مخضوضين
اتكلم فاروق و هو بيقوله
فاروق...ايه يابني في اية !!
رد عليه محمد و هو مضايق و بيقوله
محمد...في ان البية اللوا كلمني و قالي اني لازم اسافر لمأمورية انهااردة!!!
استغرب يوسف و قاله
يوسف...فاجأة كدا!
رد عليه محمد و هو صوته مسمع ف ريسبشن القصر كله من غضبه و هو بيقول
محمد...ايوااا لأن البيه اللي اسمه احمد حد ضرب عليه رصا.ص و هو مروح امبارح و هو ف المستشفى
قفلت سارة و ندى حواجبهم بصدمة و حزن على اللي اسمه احمد اللي هما ميعرفوهوش اصلا بس مجرد كلمة " رصا.ص " خليتهم يخافوا و يزعلوا
كمل محمد كلامه بغضب و هو بيقول
محمد...و كدا مش هعرف اروح بكرة لصادق بعد م اقولتله كلمة اللوا هيخليني ارجع فيها
زغرطت مروة بفرحة و بس سكتت لما الكل بصلها و بالذات فاروق اللي كان بيبصلها بغضب اعمى ، و بصت لرقية بفرحة ان ابنها مش هيتقدم لداليا
اتكلم فاروق و قاله
فاروق...مقولتلوش لية يشوف ظابط غيرك طيب؟
رد عليه محمد و هو مضايق و بيقوله
محمد...قالي محدش بكفائتك انت و احمد و اني انا لازم اروح بداله
هز فاروق دماغه و قاله بحكمة
فاروق...دي حاجة لمصلحتك على فكرة
استغرب محمد و مروة اتكلم بفرحة و هي بتقول
مروة...طبعا لمصلحته قال كان عايز يخطب البت دي قال
اتكلم فاروق بحدة و هو بيقولها
فاروق...اخرسي يا مرووووة
سكتت مروة بخوف من غضب ابوها و محمد سأل فاروق و هو بيقوله
محمد...ازاي !!
رد عليه فاروق و هو مبتسم و بيقوله
فاروق...كل حاجة طبعا ليها مزايا و عيوب و طبعا مضايقين انك هترجع ف كلمتك و لكن دا شئ غصب عنك و هيأكد لصادق انك ناجح ف شغلك و مستقر و وقتها هيكون مطمن على بنت اخوه انها هتعيش حياة كريمة و مستقلة
سكت محمد و يوسف هز دماغه بموافقة على كلام فاروق
اتكلم فاروق و هو بيقوله
فاروق...اتصل بيه و عرفه
هز محمد دماغه بمعنى حاضر و خرج للجنينة و فاروق قال لندى
فاروق...روحي كليتك يلا عشان متتأخريش
هزت ندى دماغها و خرجت و فاروق وجهه كلامه لسارة و هو بيقولها
فاروق...و انتي من ساعة م خلصتي تدريب الا م لقيتك واخدة نفسك و خارجة و بتقوليلنا انك رايحة الشغل !
اتصدمت سارة و قالتله
سارة...للدرجادي زهقتوا مني !!
ضحك فاروق على سارة و قالها
فاروق...مش اوي
هزت سارة دماغها وقالتله
سارة...تمام يا جدو ماشي ماشي
ضحك فاروق و يوسف و فاروق قالها
فاروق...هتنزلي الشغل امتى بجد
سارة...بكرة
ضحك يوسف و قال لفاروق بسخرية
يوسف...هيجي بكرة بإذن الله هتقولك بعده
هزت سارة دماغها باستهزاء من سخرية يوسف عليها و فاروق قالها بتحذير
فاروق...خلي بالك انتي هتبقي زيك زي اي واحدة ف الشركة لا انا ولا اخوكي هنتصرف لو قصرتي ف شغلك ولا اتجازيتي على اهمالك لشغلك
هزت سارة دماغها و قالتله
سارة...حاضر
... سبحانك اللهم و بحمدك اشهد ان لا اله الا انت استغفرك و اتوب اليك
تاني يوم
كانت رقية نازلة من سلم القصر
اتكلمت مروة و علي مستغربة و بتقولها
مروة... انتي رايحة فين؟
ابتسمت رقية بسخرية و قالتلها
رقية... رايحة اعرف الناس الي ابني عايز يناسب عيلتنا بيهم ان في فرق كبير اوي بينا
ابتسمت مروة و قالتلها
مروة...طبعا زي م توقعت اكيد مش هتروحي كدا و خلاص بعد م قولتي ليوسف انك مش رايحة
مردتش رقية عليها و بصت لسارة اللي بصتلها بزهول و قالتلها
سارة...هو حضرتك جاية معانا ولا ايه!
هزت رقية دماغها و قالتلها
رقية...ايوا
ابتسمت سارة بفرحة و قالتلها
سارة... بجدد يا ماما عهد كويسة اوي هي و اهلها
بصتلها رقية و متكلمتش و مروة ضحكت و دا خلى سارة تضايق جدا
اتكلم فاروق و هو بيقول
فاروق...رني يا بنتي على اخوكي اسأليه هو فين هنتأخر
جه صوت يوسف اللي كان لسة واصل القصر و هو معاه بوكية ورد شكله قمة ف الروعة و ريحة الورد الطبيعية تجنن و ايده التانية فيها علبة شوكولاته من افخم الأنواع في مصر
يوسف...اما جيت اهو
و بص للحاجة اللي جابها و قال لفاروق
يوسف...حلو كدا ؟
هز فاروق دماغه بتأكيد و ابتسمت رقية بسخرية و قالتله
رقية...لية كل دا ؟؟
يوسف...الحاجة على قد مقام الناس !
ردت عليه رقية باستهزاء و هي بتقوله
رقية...و كل دا مقامهم؟
اتصدمت سارة من اهانة امها لأهل صاحبتها و صاحبتها و يوسف برضو اما مروة ف ضحكت بخفة و صوت واطي على كلام رقية
اتكلم فاروق بضيق و هو بيقول
فاروق...اتفضلوا يلا مش عايزين نتأخر اكتر من كدا
هز يوسف دماغه و مشيوا كلهم و كان هو قلقان ان امه تقول اي حاجة تحرج بيها اخر عهد وووو
ععع
↚
كانت عهد جهزت و كانت قاعدة ف اوضتها بتفكر هل فعلا يوسف بيحبها ولا لا كانت نفسها ترفض من اول م عرفت انه هيتقدملها
خبط باب اوضتها اتكلمت عهد و هي بتقول
عهد...اتفضل
اتفتح الباب و دخلت داليا اللي بصتلها بانبهار من شكلها و قالتلها
داليا...شكلك حلو
ابتسمت عهد و قالتلها
عهد...بجد
هزت داليا دماغها و متكلمتش و هالة جت و قالتلها
هالة...اخوكي وصل
ابتسمت عهد و قالتلها
عهد...كويس
قالت هالة باستغراب و هي باصة للساعة
هالة...معرفش هما كدا اتأخروا تقريبا
قالت عهد بسرعة
عهد...احسن يا رب ما يجوا
قفلت هالة حواجبها باستغراب و داليا قالت
داليا...امين يا رب
اتكلمت هالة و هي بتقول لداليا
هالة...دا بدل م تعقليها و تقوليلها تدي نفسها فرصة !
قالتلها داليا بزهول
داليا...و هي مش موافقة اية لازمته بقى اننا نضغط عليها
بصت عهد لأمها و هالة نفخت بزهق منهم
قامت عهد و خرجت من اوضتها، قالت داليا باستغراب
داليا...رايحة فين؟
اتكلمت عهد و هي مكمله طريقها
عهد...ىايحة اشوف اي حاجة اكلها
و دخلت المطبخ و هالة قالت
هالة...ريحتها هتبقى طبيخ !
و خرجت راحتلها بسرعة بس اتصدمت لما لاقيت عهد حطة علبة الملوحة على رخامة المطبخ و عيش و لسة هتاخد سمكة من العلبة ، شدت هالة العلبة بسرعة و هي بتقولها بغضب
هالة...انتي بتعملييي اييييه
سكتت عهد و هي مزهولة من زعيق امها و قالت قالت بغضب
هالة...دا انتي مُصرة تطفشيهم بقى
ابتسمت عهد بزهول من تفكير امها و قالتلها
عهد...جعانة مفطرتش !!
ابتسمت هالة بسخرية و قالتلها
هالة...حد قالك متفطريش ؟
عهد...انا مش باكل الفول و الطعمية و الجبنة خلصت امبارح !!
جيه سيف على صوتهم و هو بيقول بقرف
سيف...اف ايه الريحة دي
ردت عليه هالة بسخرية و هي بتقوله
هالة...اف ؟
و رجعت بصت لعلبة الملوحة و هي بتقول
هالة...حد يقول على الملوحة اف دا انت مبتفهمش
اتكلمت عهد بحزن و هي بتقوله
عهد...يا سيف مش راضة تخليني افطر
قالت هالة بغضب
هالة...و هو في حد بيفطر ملوحة ايه عايزة تقهر.ي معدتك؟؟
ابتسم سيف و قال لعهد
سيف...هتلاقي ف التلاجة علب خدي علبة منهم هتلاقي فيها سندويتشات لانشون و جبنه رومي اللي بتحبيهم
هزت عهد دماغها يمين و شمال برفض و قالتله
عهد...لأ انت اكيد جبتهم عشان الناس اللي جاية
سيف...فيه كتير الحمدلله خدي علبه و افطري انتي و داليا لو مكانتش فطرت هي كمان
هزت عهد دماغها و سيف خرج و عهد كانت هتروح للتلاجة بس هالة ضربت ايدها و هي بتقولها
هالة...بس انا هجيبهالك
عهد...ايه دا اشمعنااا
ردت هالة عليها و هي بتقولها
هالة...افرض وقعتي باقي العلب ما انا عارفاكي
سكتت عهد و هالي
هالة اديتها العلبة و ف الوقت دا الباب خبط
اتصدمت هالة و شمت ايدها مكان الملوحة و هي بتقول لعهد
هالة...كله بسببك انتي
اتكلمت عهد و هي بتقوله
عهد...ماما العلبة كانت نضيفها عشان مستخدمنهاش قبل كدا كفاية وسواس بقى
بصتلها هالة بغضب و عهد خدت سندويتش من العلبة و هالة قالتلها
هالة...روحي اوضتك بسرعة بسرعة انجزي
بصت عهد ع الصالة تتأكد ان مفيش حد و راحت لأوضتها و هي بتاكل السندويتش
نفخت هالة بضيق منها و خرجت لما سمعت صوت صادق بيرحب بيهم
اتكلمت و هي الابتسامة على وشها و بتقولهم
هالة...اهلا اهلا نورتونا
ابتسم فاروق لصادق و سيف و يوسف برضو ابتسملهم و سلم عليهم
اما سارة ف ابتسمت لهالة بحب و حضنتها و طبعا رقية كانت شايفة سارة و هي عيونها بتطلع شرارات غضب
لاحظت هالة نظراتها و قالتلها
هالة...ازيك انتي اكيد ام يوسف
بصت سارة لرقية و رقية هزت دماغها بكل تكبر و اتكلمت و هي بتعيد كلام هالة تاني
رقية...بالظبط انا ام يوسف !
هزت هالة دماغها و صادق قالهم
صادق...اتفضلوا يلا اكيد مش هنقف نتكلم على الباب
و راحوا كلهم لأوضة الصالون و رقية كانت بتبص على المكان و هي مستغربة جدا و بتبص لأبنها بغضب
اتكلم فاروق و هو بيقول لصادق
فاروق...انا ابقى جد يوسف
هز صادق دماغه و قاله
صادق...اهلا بحضرتك
ابتسم فاروق و قاله
فاروق...طبعا سارة انتوا عارفينها
ابتسمت هالة و هي باصة لسارة و قالت
هالة...اية اللي عارفينها دي معزتها ف قلبي زي عهد و داليا بالظبط
ابتسمتلها سارة بحب و رقية اتكلمت بزهق خفيف و هي بتقول
رقية..اومال فين عهد؟
صادق...روحي هاتيها يا هالة
هزت هالة دماغها و سارة قالتلها
سارة...خليكي ما..احم خليكي يا طنط هروح انا
بصتلها امها بزهول و هالة قالتلها
هالة...طيب يا حبيبتي هتلاقيها هي و داليا ف اوضتها
هزت سارة دماغها و راحتلها و يوسف قال لفاروق بهزار
يوسف...سيف المهندس المتفوق اللي كان سبب من الاسباب اللي موقعالك شركتك يا جدو
ضحك سيف و فاروق و فضلوا يتكلموا كلهم
...سبحانك اللهم و بحمدك اشهد ان لا اله الا انت استغفرك و اتوب اليك
كانت عهد قاعدة ف اوضتها بتاكل خبط الباب راحت داليا فتحت الباب و اتفاجئت بسارة
حضنتها بفرحة و عهد اول م شافتها راحتلها بسرعة حضنتها
قالت سارة ليها بحزن
سارة...عهد انا بجد مكنتش اعرف حاجة
قفلت عهد حواجبها و قالتلها
عهد...انتي لسة فاكرة يا سارة
سارة...مش عايزاكي تبقي زعلانة مني بس
ابتسمت عهد و قالتلها
عهد...لأ مش زعلانة
جت هالة و هي بتقول لسارة
هالة...بقى تروحي تجيبيها تأخريها اكتر
ضحكت سارة و هالة قالت لعهد
هالة...يلا عشان رقية بتسأل عليكي
↚
ضرب قلب عهد بقلق و سارة ابتسمتلها و خرجوا كلهم
اول م رقية شافتها بصتلها من فوق لتحت بتكبر و هالة لاحظت دا
اتكلمت هالة و هي بتقولها
هالة...البصة دي معناها اية بقى ؟
ضحكت بخفة و كملت كلامها و قالت
هالة...انا عارفة ان بنتي قمر اهم حاجة بس قولي تبارك الله عشان بنتي متتحسدش
اتصدمت رقية من كلام هالة و قالت بسخرية
رقية...و انا هحسدها لية ؟
هزت هالة دماغها و قالتلها
هالة...الانسان ممكن يحسد نفسه عادي
ابتسمت عهد لأمها و طبطبت على ايدها و هي قاعدة جمبها
اتكلمت رقية و هي بتقول لعهد
رقية...بما ان دي قاعدة تعارف بقى ف انا عايزة اعرف انتي كنتي ف مدرسة اية
بصت رقية ليوسف و قالت
رقية...ابني كان في مدرسة دولية ف انجلترا
ابتسمت عهد و قالتلها
عهد...اعذريني يا طنط بس اللي اعرفه ان الناس بتسأل اسئلة تاني خالص زي انتي خريجة اية بتشتغلي ولا لا لكن اول مرة اعرف ان حد يسأل عن المدرسة ؟
هزت رقية دماغها و قالتلها بابتسامة كلها كبرياء
رقية...دوري اني اسأل و انتي تجاوبي
اضايقت هالة منها جدا و صادق كمان بس عهد اتكلمت و هي على وشها نفس الابتسامة الجميلة و قالتلها
عهد...لأ خالص لية يعني احنا مش ف محكمة ولا تحقيق ..و رغم كدا هرد على سؤال حضرتك بالاجابة اللي حضرتك عايزة تسمعيها ..ايوا انا مكنتش ف مدرسة دولية زي ابنك كدا كويس ؟
مردتش رقية عليها و يوسف كان مضايق من ان امه مُصرة انها تخرج عهد و اهلها
بصت رقية لهالة و قالتلها
رقية...بصي يا مدام هالة عشان القعدة دي متطولش لأني مخنوقة اصلا ..مخبيش عليكي انا من وقت م يوسف قالي انه عايز يخطب ابنك و انا ضغطي عالي
بص يوسف لجده و هي حاسس بالاحراج من كلام امه و سيف بص لأخته و ابوه بضيق من الكلام اللي رقية بتقوله
اما هالة ف ابتسمت و قالتلها
هالة...لية يا حبيبتي؟
هزت رقية دماغها و قالتلها
رقية...هقولك لية ..لأن المسافة بينهم بعيدة اوي احنا بنناسب عيلة و انا ابني من زمان و هو متفوق و مجتهد و ذاكر و دخل كلية هندسة و تفوق ف دراسته و اتخرج باعلى التقديرات و اشتغل و اجتهد ف شغله و اسس فروووع لشركته دا غير مدرسته و كمية المصاريف اللي صرفناها. عليه من صغره عشان اسم يوسف لبرة مصر زي دلوقتي.. عارفة صرفنا كام ؟
هزت هالة دماغها برفض و قالتلها بابتسامة
هالة...ميهمنيش اني اعرف كل دا يا حبيبتي
هزت رقية دماغها بنفي و قالتلها باصرار ضيق
رقية...لأ طبعا لازم تعرفي و تعرفي بنتك انها غلطت لنا دخلت نفسها ف حياتنا و اتصاحبت على بنتي و بنت عمتها و بعد كل دا ابني جاي يقهرني و يقولي انه عايز يخطبها و حتى لو هما الاتنين موافقين انهم يتخطبوا ف انا استحالة اوافق لأنكوا لا شكلنا ولا مستوانا
اضايقت عهد جدا من اهانة رقية لأهلها و يوسف قال لأمه
يوسف...اية يا ماما اللي انتي بتقوليه دا
مردتش رقية عليه و عهد قالتلها بكل كبرياء
عهد...خليني اصدم حضرتك و اقولك اني من اول م بابا قالي انكوا هتنورونا يوم الجمعة و انا مضايقة جدا. و قولتله يكلم يوسف و يبلغه برفضي بس اهلي موافقوش عارفة لية؟
ابتسمت رقية و قالتلها بسخرية
رقية...طبعا عارفة لية عشان الفرق اللي بينا و اي اهل بيبقوا بيتمنوا. لبنتهم انها تعيش عيشة احسن منهم
ابتسمت عهد و قالتلها
عهد...طبعا بس مش هو دا السبب لأن انا اهلي عمرهم م هيضغطوا عليا ف اي قرار هما مرضيوش يكلموا يوسف و يرفضوه ف التليفون عشان احنا عيلة بتفهم ف الاصول و الاحترام و بابا قالي ان مينفعش يكلمه يلغي معاه الميعاد و انكوا تيجوا تنورونا و بعدها نقولكوا قرارنا لكن انا لو عليا ف انا لحد قبل م تخبطوا على الباب بربع ساعة كنت بتمنى انكوا متجوش
بصت لداليا و قالتله
عهد...صح؟
هزت داليا دماغها بمعنى ايوا و هالة قالت لرقية
هالة...اسمحيلي بس اوضحلك حاجة عشان انتي عماله تقولي صرفنا على ابننا لحد م بقى مهندس و و و ف احنا كمان صرفنا على بنتنا و يمكن بنتنا اجتهدت ف مذاكرتها اكتر من ابنك كمان
ابتسمت رقية بسخرية و هالة قالتلها
هالة...لأ متستهزقيش بكلامي كدا انتي ابنك كان ف مدرسة دولية و كل حاجة بالنسبالكوا ماشية بالفلوس يعني لو طفل مذاكرش يقدر ابوه يدفعله فلوس و ينجح و يعدي السنة و دا بيحصل لكن انا بنتي كانت ف مدرسة عادية جدا بس ذاكرت و تعبت ف دراستها جدا و اجتهدت جدا جدا لحد م دخلت نفس الكلية اللي بنتك فيها يعني انا بنتي و بنتك واحد بل بالعكس يمكن بنتي تعبت اكتر من بنتك كمان دا يكفي اننا مش عايشين كل حاجة ف عيونا الفلوس لأ احنا عايشين مربيين بناتنا على الخير و الحب و احترام الناس يعني مفتكرش ان داليا ولا عهد لو ماشيين ف الشارع و لاقوا حد مسوى معيشتهم اقل مننا هيهنوه ..ابدا دول من و هما صغيرين ف الحضانة و هما بيحترموا الكل و الحمدلله كبروا و بقى الكل بيحبهم و دا احسن حاجة ممكن الانسان يوصلها ان ميبقاش في اي حد بيضايق من وجوده او يكون سبب ف انه يجيب التهزيق لنفسه و داليا كذلك برضو ف نفس الكلية اللي ندى فيها مع ان مجموعها كان يجيب كلية سارة و عهد
بصت لسيف و قالت
هالة....و ابني برضو منهدس محترم زيه زي ابنك بالظبط و اظن ان ابنك لسة كان بيقول ان سيف من اكتر المهندسين المتفوقين ف الشركة و انه سبب من اسباب نجاحها ف على اية بقى العجرفة من الاول ؟...اذا كنتي جاية تتكلمي النهاردة في مقامات، فأكيد الجوازة دي ملهاش ثبات، وبلاش منها أحسن
اتكلم صادق و هو. بيقولها
صادق....خلاص يا هالة
فاروق...احنا متأسفين اكيد كل اللي حصل دا سوء تفاهم
سيف...حصل خير
قال يوسف لصادق بأسف
يوسف...اكيد ماما متقصدش اي حاجة و انا لو مكنتش بحب حد مكناش جينا
الفصل 13
اضايقت رقية منه و قالت
رقية...انت بتبرر لية لأ انا اقصد لأني مش عايزة البنت دي تكون خطيبتك
غمض يوسف عيونه باحراج و ضيق و هالة قالتله
هالة...ابقى عرف ماما يا يوسف انها متفكرش تقلل من بنت امها لسة موجودة ف الدنيا عشان وقتها امها مش هتسكت ابدا
بص يوسف لأمه بلوم و رقية قالتله بضيق
رقية...مضايق مني دلوقتي بدل م تضايق ان امك بتتهزق و من مين ؟ من دول
اتكلم صادق و هو بيقولها
صادق...كتر خيرك و زي م بنتي قالت احنا بنفهم ف الاصول و بنحترم الناس ف مش هنتكلم احتراما للحج فاروق
ابتسمت رقية بسخرية و فاروق قال
فاروق...عن اذنكوا احنا بقى
قام الكل و عهد خرجت من اوضة الصالون عشان تروح اوضتها
بص يوسف لسارة انها تروحلها و بالفعل سارة راحتلها
و وقفتها ف الصالة
عهد...عايزة ايه يا سارة
اتكلمت سارة بأسف و هي بتقولها
سارة...انا اسفة اوي يا عهد اسفة بجد
مردتش عهد عليها و كانت هتمشي بس وقفها صوت سيف اللي قالها
سيف...استني يا عهد ثواني
بصتله عهد و قالتله
عهد...نعم
سيف...ثواني
فضلت عهد واقفة مكانها و فاروق و رقية نزلوا اما يوسف و سارة مكانوش نزلوا
اتكلم يوسف و هو بيقول لصادق
يوسف...صادق بيه انا ازل مرة اهتذر لحد ف حياتي بس بجد انا اسف ليكوا كلكوا
هز صادق دماغه و قاله
صادق...حصل خير يا بني
يوسف...هبقى اكلم حضرتك لأني عايز اقولك على حاجة
هز صادق دماغه بالموافقة و يوسف نزل هو و سارة
و عهد راحت لأوضتها على طول و هالة قاعدت على كرسي السفرة و هي زعلانة عليها جدا
اتكلم سيف و هو بيقول
سيف...عالم قليلة الذوق
هز صادق دماغه و هالة قالتلهم
هالة...هي الولية امه دي
اتكلم سيف و هو بيقول لصادق
سيف...كان لازم نسمع كلام عهد ؟
هز صادق دماغه بنفي و قاله
صادق...الاصول بتقول انهم كانوا يجوا الاول
داليا...انا هروحلها
و سابهم و راحت اوضة عهد
خبطت على الباب و دخلت لاقيت عهد قاعدة سرحانة و شكلها مضايق
راحت و قعدت جمبها و هي بتقولها
داليا...انتي زعلانة ؟
سكتت عهد و مردتش و داليا قالتلها
داليا...مش انتي كدا كدا مكنتيش موافقة اهو الموضوع باظ
اتكلمت عهد بغضب و هي بتقولها
عهد...انا مضايقة من اهانتها لأمي و ابويا يا داليااا انا قولتلهم من الاول اننا نرفض من برة برة و خلاااص بس كلكوا موافقتوش
طبطبت داليا على كتفها و قالتلها
داليا...متزعليش طيب
سمعت صوت رسالة جت لعهد خدت تليفونها و ادته لعهد
خدت عهد منها التليفون و لاقيته يوسف باعتلها
يوسف..." عهد متزعليش انا اسف بالنيابة عن ماما انا لو اعرف انها هتعمل كدا مكونتش جبت حد معايا غير جدو " وووو
ععع
↚
كانت قاعدة ف اوضتها بتفتكر كلام رقية لأهلها و هي مضايفة جدا
سمعت هي و داليا صوت رسالة على تليفونها ، خدت داليا التليفون و اديته لعهد و هي بتقولها
داليا....شوفي مين
خدت عهد منها الموبايل و لاقيته يوسف اللي كان بيقولها
يوسف..." عهد انا اسف بالنيابة عن ماما بسبب الكلام اللي قالته انا بس عايزك تعرفي حاجة واحدة و هي اني بحبك و زي م قولت لباباكي لو كنت اعرف انها هتقول الكلام دا مكنتش جبت حد معايا و انا جاي غير جدي!"
قرأت رسالته من ستارة الاشعارات و مردتش عليه سابت التليفون مكانه
اتكلمت داليا و هي بتقولها
داليا...مين؟
ردت عليها عهد و هي بتقولها
عهد..يوسف
رفعت داليا حاجبها بضيق و هي بتقولها
داليا...خير ؟؟
هزت عهد راسها يمين و شمال و قالت بسخرية
عهد...بيعتذر عن الكلام اللي زي السم اللي امه قالته
رفعت داليا حواجبها بدهشة و بعدين قالتلها
داليا...لا طبعا متقبليش اعتذاره
سكتت عهد و مردتش عليها و داليا خرجت و سابتها
....سبحانك اللهم و بحمدك اشهد الا اله الا انت استغفرك و اتوب اليك
في الطريق
كان يوسف ماشي بالعربية على اعلى سرعة و هو بيفكر في كلام امه
اتكلم فاروق و هو بيقوله بقلق
فاروق...حاسب يا يوسف بدل م نعمل حادثة
اتكلمت رقية بسخرية و قالتله
رقية...معلش بقى ما هو مش طايق امه عشان خايفة عليه و مش عايزة اسمه و اسم عيلتنا يناسب العيلة دي
غمض يوسف عيونه بضيق و هو بيحاول انه ميظهرش غضبه و هدى من سرعة العربية شوية عشان فاروق ميقلقش
و ف خلال وقت قياسي كان وقف العربية باهمال عند القصر و نزل و سابهم
نزلوا كلهم بعديه و دخلوا القصر ملقوهوش
اتكلمت مروة اللي كانت قاعدة ف الريسبشن و هي بتقول لرقية
مروة...عملتي اي شكل يوسف مضايق جدا
اتكلمت سارة بغضب و هي بتقولها
سارة...حضرتك كنتي عارفة؟؟؟
ابتسمتلها مروة باستفزاز و قالتلها
مروة...ايوا كنت عارفة
دمعت عيون سارة و هي حاسة الخنقة من المؤامرات اللي اهلها بيعملوها ليها هي و اخوها عشان يكسروا قلبهم و خلاص
كانت هتطلع اوضتها بس سمعت صوت يوسف لاقيته شايل شنطة كبيرة و من الواضح ان فيها حاجته
اتكلمت بقلق و خوف من فكرة انه يسافر و يسيبها و هي بتقوله
سارة...ابية انت رايح فين
مردش عليها و كان ماشي بس هي قالتله بحزن و هي ماشية جمبه
سارة...رد عليا
اتكلم بغضب و هو بيقولها
يوسف...هفور ف ستين داااهية
نزلت عيونها بحزن و هي شايفاة بيحط الشنطة ف شنطة العربية و قالتله
سارة...متسافرش و تسيبني ارجوك
غمض عيونه بحزن عليها و قالها
يوسف...ادخلي البيت يا سارة
قال كلامه و راح فتح باب العربية و اتحرك بسرعة و هي دخلت البيت و هي الدموع نازلة على وشها زي الشلالات
اتكلمت و هي بتقولهم
سارة...افرحوا اهو مشي خالص
....سبحانك اللهم و بحمدك اشهد الا اله الا انت استغفرك و اتوب اليك
عدى اسبوع كانت عهد بتنزل الشغل و كل يوم و الغريب انها مكانتش بتلاقي سارة
بس مكنتش بتكلم حد فيهم اصلا من كتر م هي مضايقة من رقية و اللي استفربته فعلا ان يوسف كان كل شوية بيتصل بيها و بيبعتلها رسايل بس هي مكانتش بترد عليه
و ف يوم كانت رايحة تعمل لقاء صحفي مع صاحب اكبر شركات و اللي كان " يوسف الحديدي "
وقفت العربية قدام الشركة
نزلت و دخلت الشركة هي و باقي الاعداد
كانوا كلهم في مكتب يوسف و هي كانت مستنية الكاميرات تجهز و الغريب ان محدش فيهم اتكلم و كأنهم ميعرفوش بعض اصلا
اتكلم واحد من الاعداد و هو بيقول
._جاهزة يا استاذة
هزت عهد دماغها و قالتله
عهد...ايوا
بدأ الاعداد يعد الوقت المتبقي عشان يشغله الكاميرا اللي كانت هتتعرض مباشر على التليفزيون
._3.2.1
بدأت عهد انها تتكلم برسمية تامة و هي بتسأل يوسف و بتقوله
عهد...المنهدس يوسف الحديدي تقدر تقولنا اية هي رؤيتك المستقبلية للشركة خلال الخمس سنين الجايين؟
اتكلم يوسف بكل رسمية و هو بيقول
يوسف...تحسين منتجاتنا اكتر و اكتر بإذن الله و زيادة الطاقة الانتاجية لتلبية الطلب المتزايد
عهد...جميل طيب و مين الشخص اللي كان له تأثير كبير في حياتك؟
ابتسم يوسف و قالها
يوسف...في الحقيقة هي واحدة عرفتها من سنة و شوية كدا بس للأسف هي زعلانة مني حاليا و بقولها على التليفزيون اهو متزعلش و اني بحبها
ابتسم الاعداد عليه و عهد كانت عارفة ان الكلام عليها بس مبينتش دا نهائي و قالتله
↚
عهد...ان شاء الله بس انا اقصد حياتك في شغلك يا استاذ يوسف
هز دماغه بتفهم و قالها
يوسف...الحقيقة جدي كان اكتر واحد بيشجعني اني انجح و طموحي متقلش
هزت عهد دماغها و قالتله
عهد...تمام
و بدأت تسأله كام سؤال تاني لحد م انهت الحوار الصحفي
كانت هتمشي بس وقفها صوته و هو بيقولها
يوسف...عهد استني
وقفت مكانها و قالتله
عهد...انا معنديش وقت و لازم امشي
يوسف...لا يا عهد انتي لازم تعرفي اني بحبك و مستحيل اخليكي زعلانة مني كدا
هزت عهد دماغها و قالتله
عهد...ماشي انا مش زعلانة
سكت يوسف لما عرف انها بتنهي الحوار و هي قالتله
عهد....عن اذنك
و مشيت و سابته
اخد تليفونها من على المكتب و رن على صادق و هو بيقوله
يوسف...استاذ صادث انا لازم اقابلك انهاردة
....لا اله الا الله محمد رسول الله
في بيت. صادق
كانت عهد قاعدة ف اوضتها و هي مستغربة ايه اللي جاب يوسف عندهم تاني
اما في الصالة
كان يوسف بيتكلم مع صادق و هالة و هو بيقولهم
يوسف...انا عايزكوا تعرفوا ان الكلام اللي هقولهولكوا دا محدش يعرفه غيركوا انتوا و امي و اختي
استغربوا جدا و هز صادق دماغه بمعنى انه يتكلم
يوسف...لما كنت صغير في ثانوي كدا كنا عايشين في انجلترا و كنت في المدرسة الدولية اللي امي قالتلكوا عليها
اتنهد و قال
يوسف...لكن للأسف حصلتلنا ظروف و
سكت شوية و بعدين قالهم ان والده اتوفى و رجع سكت تاني بحزن و هما حزنوا عليه جدا
اتكلم و قالهم
بوسف....استسمحكوا تندهوا لعهد
هزت هالة دماغها و قالتله
هالة...ثانية واحدة
و دخلت اوضة عهد و معداش عشر دقايق و خرجت عهد هي و امها
و قعدت معاهم
اتكلم يوسف و هو بيقول
يوسف...نزلنا مصر و مكانش طبعا في اي شغل يناسب واحد عنده ١٦ سنة ، اشتغلت ف قهوة عشان اعرف اصرف على اهلي و عليا
سأله صادق و هو بيقوله
صادق...و جدك كان فين !!
ابتسم يوسف و قاله
يوسف... للأسف كان في مشاكل بينا و مكانش عايز يساعدنا بأي حاجة
قفلت هالة حواحبها باستغراب لأن مينفعش يكون في مشاكل بين العيلة لأنه حرام
يوسف...بس الحمدلله الخلاف دا راح لحاله من وقت م كنت في تالتة ثانوي
هزت هالة دماغها و قالتله
هالة...الحمدلله
اتكلم يوسف و قاله
يوسف...اللي انا عايز اقوله اننا مرينا بظروف صعبة في خلال سنتين تلاتة تقريبا و انا اسف ف اللي هقوله بس للأسف امي عندها غرور و معتبرة الفترة ظي معدتش علينا لكن احنا كنا ساكنين في حارة و كنت بنزل اشتغل على القهوة و اوقات كتير مكناش بنتغدى حتى عشان نوفر الفلوس
اتصدمت عهد من اللي سمعته و صادق هز دماغه بمعنى ماشي و يوسف كمل كلامه و هو بيقولهم
يوسف...من وقت م جينا الاسبوع اللي فات و انا ببعت لعهد و برن عليها بس هي مبتردش عليا للأسف و انا مش مهم بالنسبالي رأي حد المهم اني بحبها هي ة بستسمحكوا كلكوا اني اجي انا و جدي تاني و اجدد طلبي منكوا اني اتقدملها
اتفاحئت عهد جدا و بصت لباباها اللي كان مصدوم برضو و ادرك فعلا ان الشخص اللي قدامه دا اكتر بني اظم هيحافظ على بنته
صادق...بس يا بني والدتك ؟
رد عليه يوسف و هو بيقوله
يوسف...متشيلش هم خالص انا هتصرف المهم دلوقتي انكوا توافقوا
هز صادق دماغه بمعنى ماشي و محبش انه يكسفه و قاله
صادق...هنستناكوا بإذن الله يوم السبت
ظهرت ابتسامة فرحة على وش يوسف و قاله بامتنان
يوسف...شكرا جدا
كانت كل دا داليا سامعاه و هي ف الاوضة و قررت انها تنفذ خطتها و بعتت التسجيل اللي سجلته ليوسف لرقية اللي جابت رقمها من سارة بحجة انها تحاول تقنعها انها توافق على عهد تبقى خطيبة يوسف
كتبتبلها و هي بتقولها
داليا...انا داليا و بقولك ان عهد من اكتر الاشخاص الانانيين و مبتحبش الهير لحد و قولت انقذكوا قبل م الموضوع يتم و ياريت متقوليش لحد من عيلتي اي حاجة عشان ميحصليش مشاكل
قعد يوسف شوية معاهم بناءا على طلبهم منه و عهد كانت حسة ان قلبها طاير من الفرحة لما اتأكدت فعلا انه بيحبها هي اصلا كانت بتحبه بس مكانتش سامحة لقلبها انه يعترف بدا عشان قلبها ميتكسرش لو كان يوسف مبيحبهاش
مشي يوسف و صادق قال لعهد
صادق...اظن كدا ملكيش حجة انك ترفضي
ابتسمت عهد و هزت دماغها بمعنى انها موافقة و هالة زغرطت بفرحة كبيرة وووو
ععع
↚
اتجننت رقية لما قرأت رسالة داليا و نزلت بسرعة لريسبشن القصر و هي بتنده عليه بعلو صوتها و بتقوله
رقية...يوووووسف
نزلت سارة باستغراب من صوت امها و هي بتقولها
سارة..في ايه يا ماما
نسكت رقية دراع سارة بغضب و هي عيونعا بتطلع شرارات و بتقولها بحدة
رقية...انطقييي يوسف فين!!!
هزت سارة دماغها يمين و شمال بعدم معرفة و هي بتقولها
سارة...معرفش، بجد معرفش !!
سابت رقية دراعها بزهق و هي حسة ان دماغها هتنفجـ ر من كتر غضبها
لاقيت باب القصر بيتفتح و يوسف راجع من برة
ابتسمت بسخرية و هي بتقوله
رقية...اهلا باللي اعتبر امه ماتت خلاص و رااايح يتفق مع اهل البنت اللي هزقوا امه في بيتهم!!
استغرب يوسف جدا انها عرفت و سارة بصت لأخوها بزهول و دهشة لأنها هي كمان مكنتش تعرف
اتكلم يوسف و هو بيقول لرقية
يوسف...مين قالك؟
ابتسم بسخرية و قالتله
رقية...بنت عمها
وجهت شاشة التليفون قدام عيون يوسف و قالتله بغضب
رقية...شايف قريبتها بتقول عليها ايييه قريبتها و بتحذرنا انها انانية و جشعة و انت برضو مُصر انك تروح تخطبها
اتكلم يوسف و سارة في وقت واحد و هما بيقولوا لرقية
._بس عهد مش كدا !!
بصتلهم رقية هما الاتنين و ازداد غضبها و قالت
رقية...يعنييي اييية دي بنت عمها هي اللي بتقول الكلام دا مش انااا
اتكلم يوسف و هو بيقولهم
يوسف...عن اذنكوا
و طلع على اوضته ، و رقية لاقيت فازة كبيرة على الارض جمبها راحت زقتها بكل غضب وقعت الفازة اتكسر لميلون حتة و سارة خافت من غضب امها ف طلعت هي كمان على اوضتها بسرعة
....سبحانك اللهم و بحمدك اشهد الا اله الا انت اسغفرك و اتوب اليك
في بيت صادق كانت عهد قاعدة في اوضتها مع امها و داليا
و داليا كانت حسة بشوية ندم خصوصا لما لاقيت رقية شافت رسايلها
اتكلمت و هي بتقول لعهد
داليا...بتحبيه؟
ابتسمت عهد و بصت لأمها و رجعت هزت دماغها بمعنى ايوا
ردها خلا داليا هتمو.ت من الغيظ و ذرة الندم اللي كانت في قلبها راحت
رسمت على وشها الابتسامة و قالتلها
داليا...مبروك!
ابتسمتلها عهد و في الوقت دا تليفونها رن و لاقيته يوسف
بصت لأمها و داليا و قالتلهم
عهد...هو !
ابتسمتلها هالة و قالتلها
هالة...ردي عليه طيب
هزت عهد دماغها و حطت التليفون على ودنها و هي بتقول
عهد..الو؟
جالها صوته الغضب و هو بيقولها
يوسف...اييية اللي داليا هببته داا
استغربت عهد و بصت لداليا اللي كان القلق ضرب قلبها
اتكلمت عهد و هي بتقوله باستغراب
عهد...عملت ايه داليا ؟
هنا ضربات قلبها زادد اكتر و اتأكدت ان رقية قالتله
يوسف...سجلت كلامي انهاردة و بعتته لأمي و كتبالها انك انانية و مبتحبيش الا نفسك و كلام زي دا
بصت عهد لداليا بصدمة و قالتله و هي صوتها كله اتحول للحزن و عدم التصديق
عهد...اكيد مش هي يا يوسف!
زعق يوسف بغضب من سذاجتها و قال
يوسف...بقولك مسجلة كلااامي و باعتة في الرسالة انها داليا
مردتش عهد عليه و دموعها عملت عيونها و يوسف قالها
يوسف...انا هحاول اتصرف بس البت دي مبتحبكيش يا عهد ولا بتحبلك الخير
مقدرتش عهد انها تسمع كلام اكتر من كدا و قالتله
عهد...مع السلامة يا يوسف
اول م داليا سمعت كدا قالت لهالة
داليا...هروح اعمل شاي
و عهد قفلت التليفون و فهمت انها بتهرب
راحتلها و مسكت دراعها قبل م تخرج من الاوضة و هي بتقولها
عهد...لية كدا يا داليا!!
اتفاجئت عهد من كمية الغل و الحقد اللي طالعين زي الاسهم من عيون داليا ليها
اتكلمت هالة و هي مش فاهمه حاجة و بتقول لعهد
هالة...لية اية ؟ هو في اية يا عهد ؟؟
بصتلها عهد بتوهان و هي بتقولها
عهد...كانت بتسجل كلام يوسف عشان تبعته لمامته و بتقولها عني اني انانية و مبحبش غير نفسي يا ماما
اتصدمت هالة و بعدين قالتلها
هالة...يمكن اللي اسمها رقية دي بتقول اي كلام
سكتت عهد و هي بتحاول تصدق كلام هالة بس اتصدمت. لما سمعت داليا بتقول بكل غل و حقد
داليا...لا انا فعلا عملت كدا
بصولها الاتنين بدهشة و عهد قالتلها بحزن
عهد...طب لية يا داليا !!
ضحكت داليا و قالتلها بسخرية
داليا...لية؟ يااااه يا عهد دي لية دي كلمة قليلة اوي من اللي في قلبي ليكي
ابتسمت عهد و قالتلها و هي الدموع في عيونها
عهد...و اية بقى اللي في قلبك ليا يا داليا
داليا...لأ متعديش
بصت داليا لهالة اللي كانت مصدومة و قالتلها بزهق
داليا...اطلعي برة
اتصدموا هما الاتنين من طريقة كلام داليا اللي اول مرة تتكلم بيها و عهد بصت لأمها و هزتلها دماغها بتأيد لكلام داليا عشات تعرف لية داليا عملت كدا
مكنتش هالة عايزة تخرج بس مع اصرار عهد خرجت و داليا قفلت الباب وراها بالمفتاح و رجعت بصت لعهد تاني و هي بتقولها
داليا...عايزة تعرفي عملت كدا لية
هزت عهد دماغها بمعنى ايوا و داليا قالتلها
داليا...عشان انتي ديما احسن مني
خافت عهد من نبرة الغل اللي في صوتها و داليا كملت كلامها و هي بتقول
داليا...دا كفاية ان اهلك معاكي و بيحبوكي يا شيخة و دي بيسألوا عنك
كانت عهد هتتكلم و تقولها انهم بيحبوها زيها زي عهد بس داليا سبقتها في الكلام و قالتلها
داليا...دخلتي الكلية اللي كنت بحلم بيها و انا بعد ما جبت مجموعها معرفتش اقدم فيها بسبب فلوس كليتك
دمعت عيون عهد بحزن و خوف و داليا قالتلها
↚
داليا...اوعي يا بت تكوني فاكراني كنت بحب الواد اللي اسمه رحيم دا ما انا اكيد مش هحب واخد فاشل مش لاقي شغلانة انا بس كنت عايزة اتخطب قبلك يمكن احس اني مش اقل منك اوي كدا
نزلت دموع عهد بحزن و داليا زقتها في كتفها و قالتلها بغضب
داليا...عملتيي كدا لييية ،لييية خليتينا نفسخ الخطووبة ليية
اتكلمت عهد و هي الدموع نازلة من عيونها بحزن و قهر و بتقولها
عهد...مكنتش عايزاكي تتخطبي لواحد فاشل ،كنت خايفة عليكي
زعقتلها داليا بغضب و هي بتقول
داليا...و انتي مين سمحلك انك تتصرفي في حياااتي هاا ؟مين سمحلك انك تلغيني و تبقي مديرة عن حياتي انااا انطقييي
نهت كلامها و هي بتمسك دراع عهد بقوة و غل لدرجة ان عهد حست ان دراعها هيتكسر من كتر الحقد و الغل اللي كانوا طالعين من عيون داليا
خافت عهد منها جدا و قالتلها و هي الدموع نازلة من عيونها
عهد..يا ستي حقك عليا كان المفروض ميكنش ليا دعوة و اسيبك
زقتها داليا بغضب لدرجة ان عهد كانت هتقع و قالتلها بقل
داليا...طبعا ،طبعا بتتمنيلي الشر هستنى اية منك اصلا
كانت عهد بصالها بزهول و هي عيونها مبرقة من الصدمة من كلام داليا
بصتلها داليا بقرف و تفت عليها و فتحت باب الأوضة بس اتفاجئت بقلم نازل على وشها بقوة لدرجة دماغها اتخبطت في الحيطة
و كانت صاحبة القلم دا هالة
اتكلمت هالة و هي بتقولها
هالة...اخص عليكي دا جزائنا بعد م ربناكي لما اهلك رموكي اخص انتي تتكلمي مع بنتي كدا و تكوني شايلالها كل الحقد دا في قلبك انتييي
زهقت داليا ايدها بغضب و هي بتقولها
داليا...انتوا هتذلوني عشان خليتوني عايشة معاكوا ولا اييية
زعقتلها عهد بغضب و هي بتقولها
عهد...احترمي نفسك و انتي بتكلمي اميي
بصتلها داليا نظرة رعبتها و قالتلها
داليا...اخرصي انتي
و رجعت بصت لهالة تاني و هي بتقولها
داليا...اه صحيح نشيت اقولكوا على حاجة
بصت لعهد بغضب و هي بتقولها
داليا...كنت حطالك السم في الكيكة بإيدي عشان تاكليها و يحصلك التسمم و أشفي غليلي منك بس للأسف اخوكي هو اللي كان صاحب النصيب مش انتي
ضربتها هالة بغضب و حزن و هي بتقولها
هالة...لييية تعملي كدا لييية
زقتها داليا بغضب و هالة قالتلها
هالة...اطلعي برة و مش عايزة اشوف وشك في البيت دا تاني خااالص
ابتسمت داليا بسخرية و قالتلها
داليا...لأ ما انا اكيد مش همشي و اسيبكوا كدا من غير ما اخد حقي منكوا كلكوا
اتصدموا و هالة قالتلها بجنون
هالة...حق ايييية
زقتها داليا و دخلت المطبخ بسرعة و بقت بتفتح ادراج المطبخ و تقفلها تاني
قالتلها عهد باسغراب
عهد...انتي اتجننتي
مسكت داليا سكينة و قالتلها
داليا...ابعدي احسنلك
مسكت هالة السكينة من داليا و اخدت ايد عهد و خرجت بيها بسرعة من المطبخ لما سمعت الباب بيخبط
خرجت داليا و هي باصة لعهد بكل غضب و حقد بس اتفاجئت لما لاقيت صادق رجع هو و سيف و معاهم ناس تاني تقريبا تبع مصحة نفسية
اتكلمت داليا و هي بتقولهم و هي نظرة عيونها كلها اتحولت للخوف بظل الحقد و الغل
داليا...في اية !!
مسكوها و هي بتقت بتصرخ و هي بتقول لعهد
داليا...هخرج و هاخد حقي منكم كلكوا و بالذات انتي يا عهد
وقعت عهد على الارض و هي بتعيط و مش مصدقة حضنتها هالة اللي قومتها من على الارض و صادق و سيف كانوا زعلانين عليها جدا و كانوا مصدومين من اللي بيحصل
اتكلم سيف و هو بيقول بزهول
سيف...لية !!
بس عهد مرة واحدة مبقتش شايفة قدامهة و حست بدوخة و وقعت على الارض مغمى عليها
...سبحانك اللهم و بحمدك اشهد الا اله الا انت استغفرك و اتوب اليك
بعد ست شهور في اوتيل
كانت عهد مبتسمة بفرحة و هي باصة لهالة
عهد..شكلي حلو ؟
هزت هالة دماغها و قالتلها و هي الدموع في عيونها
هالة...قمراية
ابتسمت عهد و قالتلها
عهد...يا ماما متعيطيش دا كتب كتاب يعني هفضل ازهقك مني برضو مش انتي اللي كنت بتقوليلي امتى تتجوزي عشان الصداع يسيب دماغي
هزت هالة دماغها بنفي و قالتلها
هالة...مش من قلبي
و نزلت دماعها
ضحكت عهد و قالتلها
عهد...خلاص متعيطيش دا كتب كتاب بس و بعدين كدا الواد سيف يزعل هتزعليه و هو خطوبته هو و حلا انهاردة !!
ابتسمت هالة و مسحت دموعها و خبط الباب و دخل صادق و هو بيقولها
صادق... اية القمر دا
ابتسمت عهد و قالتله
عهد...شكرا يا بابا
اتكلم صادق و هو بيقولها
صادق...طيب يلا اخوكي و حلا في القاعة و يوسف مستنيكي و المأذون موجود
ابتسمت عهد و نزلوا كلهم
و رقية اول م شافت عهد اتهدت بضيق بس ابتسمت و سارة قالتلها
سارة...عهد بتحبك يا ماما
هزت رقية دماغها بمعنى ماشي و قالتلها
رقية...و انا ولا بكرهها ولا بحبها
ضحكت سارة و قالتلها
سارة...لأ طلاما مش بتكرههيها يبقى بتحبيها انا متأكدة
ابتسمت رثية على كلام بنتها و حضنتها و سارة كانت فرحانة ان امها بقت بتسعى بكل جهدها انها تعمل اي حاحة تخليهم فرحانيين و عشان كدا وافقت ان يوسف يخطب عهد و سارة حبت تفرح امها و وافقت على موسى و اتخطبوا هما كمان
جت ندى هي و سيرين اللي كانوا بيضحكوا و قالت ندى لسارة
ندى...سارة طنط سحر مامة موسى ماسكة ودان محمد انه يسيب داليا و يخطب نجلاء بنت اختها
ضحكت سارة و رقية و ندى قالتلهم
ندى...حرفيا محمد فاضله تكة واحدة و يسيب كتب الكتاب كله و يمشي
ابتسمت سارة و هي فرحانة ان داليا اتعالجت و مبقتش بتكره ولا بتحقد على حد بس زعلت لما عرفت ان ابوها اتوفى و امها في غيبوبة بقالها سنتين
اتكلمت سارة و هي بتقولهم
سارة...بجد محمد كويس انه اثر انه ميسبهاش رغم المصحة و كل الكلام دا
هزت ندى دماغها بمعنى ايوا و قالتلها
ندى...الغريبة بجد انها صعبت على ماما و ماما حبيتها جدا
بصت سارة لأمها و قالت لندى
سارة...ما في واحدة هنا برضو بتحب عهد بس مش عايزة تتكلم
ضحكوا كلهم و سيرين قالت لرقية
سيرين...ايوا عارفة انا جو الحموات دا كانت ماما مبتحبش ندى برضو و الصراحة ولا انا
ضربتها ندى في كتفها و هي بتقولها
ندى...يعني متقوليهاش في وشي
ضحكوا كلهم و موسى جيه هو و سليم و هو بيقولهم
موسى...يلا هيكتبوا الكتاب
اتجمعوا كلهم حولين الطرابيزة اللي موجود عليها المأذون و عهد و يوسف و سليمان عم يوسف و صادق ابو عهد
و معداش دقايق و المأذون قال جملته الشهيرة و اللي هي
المأذون..." بارك الله لكما و بارك عليكما "