قصة #قلوب_يتيمه الجزء الاول
للكاتبة لينه سعد....
.............
التفتت للشباك القريب مني ...
باوعت وابتسمت ...
بدت تنزل قطرة ورة قطرة ....بدة الجو يتغير
اقتربت اكثر للشباك فتحت الجامة
غمضت عيني وبديت املي رئتي بالهوه ....
متحملت ابقة بالغرفه
عفت الاطفال ...واني ااركض بسرعه
شافتني دكتورة الاء
_ها وين فيروز
.....التفتت الهة واني ابتسم
وضليت اركض
وصلت للمر ...
بدت ابتسامتي تنعلن ...
بدت السعادة تعتلي صدري واني كانما اشوف حبيبي بعد مدة غياب
قدمت رجلي والي بدت تتنكع من قطرات المطر واني مستمتعة
رحت اوكف
وزخات المطر بدت تنزل علية
بديت ارفع ايدي واني متشوقة ....
فرحانه
.....هذا شعوري ...بس من اشوف المطر ينزل كانما انسة نفسي واني بنية جبيرة
عمري ٢٥سنة
ولازم اصير مثل اعلى للاطفال الي اعتني بيهم ...
بس بهذا الموقف انسة كلشي
وكلت لنفسي....
لو مصاير هذا الشي.....لو القدر غير مسارة
لو خلاني مثل اي بنت عادية
اتمارس حياته
بديت تندمج قطرات المطر وي دموعي لتعلن لذاكرتي احلى ايامي واني بهذاك الوكت
.................................................
قبل 30سنة او اكثر
بديت احس واسمع زقزقه العصافير
تعلن بداية يوم جديد ...
فتحت عيوني وبديت اتثاوب .....
كمت من فراشي وبديت.
اتقربت من الشباك ..وفتحت البردة
بديت اشوف خيط الفجر يبدي يظهر شوية اشوية ....
اتقدمت بخطواتي للمراية واني امشط شعري ...الطويل الاشقر الي افتحة بس وقت نومي
وبديت اضفرة
ورحت خليت الشال علية وعقدتة من فوك ...
نزلت جوة
غسلت وجي ...
وبديت اسوي الريوك ....
كملتة
وتقدمت واني افتح الباب ....
بدة الهوى البارد الي يضرب وجي
جنت احب الشتاء رغم قساوتة
بس يخليني احس بالدفو..واني من انجمع وي اهلي كدام الصوبة
وكدام الصينية
وهمة يحجون النكت ...والقصص القديمة
طلعت رحت ....للحضيرة
احلب البقرة ...
بديت احلب ...
واني مستمتعه بشغلي الي علمتني علية امي .....
...طلعت واشوف بدة النهار يعتلي اليوم
بده شعاع الشمس يصبح على مدينتي الصغيرة
جان العشب الاخضر الي يمتد بمساحة واسعه
والجبل الي يحيط هاي المدينة
جان اجمل شعور الية ...واني اتفقد هذا المنظر كل يوم الصبح
رحت دخلت جوة ....وفورت الحليب ...
وبدو يكعدون اهلي
_صباح الخير جوانا ...
_صباح الخير مامه ...
_لميتي البيض
_ياااا نسيت دقيقة واجي
....طلعت واني الملم البيض ...
الي ميكدر وند يتريك الا بيض ميحب ياكل الجبن
دخلت ...للكوخ الصغير الي موجود بي الدجاجات ....وبديت الملم البيض
طلعت حصة بيتنه
والباقي تنزل امي اتبيعه بالسوك ....هو والجبن الي انحضرة بالبيت
...........
اني جوانا كردية اعيش بدهوك بقرية كولش صغيرة ...
عندي امي الي هي كل شي بحياتي
واخوية الاصغر مني بسنه اسمة وند
واختي ثريا..اخر العنقود
اما ابوية فمتوفي من زمان
احنى هنا نعتمد على نفسنة
كلشي انسوي االجبن والزبد والكيمر
عدنة البقر والدجاج ...والخرفان ..
يعني مكتفين والحمد لله
الاشياء الي انبيعهة
نشتري بيهة طحين ..وشكر وجاي ...
والباقي احنى انصنعه حتة الزيت احنى انسوي
جانت هاي حياتي من اني وعمري صغير
وهسة دور ثريا تتعلم مثلي ..بس لان هي طفلة صف سادس
من اتروح للمتوسطة تكعد وتهتم بامور البيت
..........
_جوانا ...اليوك مشتهي كيك ام الجوز
_من اعيوني ادلل ..بس يمكن ماعندي جوز
روح لكط من الشجرة
_اهوو والله مااكدر
اريد اروح لصديقي ...عندة اسئلة مال امتحان
_ماشي لعد اروح اني
.....
بهاي الاثناء امي نزلت للسوك اتبيع الي عدنة من اغراض مصنوعه
اما اني كملت الغدة ...وبديت احضر للكيك الي مشتهي وند
بس اتذكرت ماعدي جوز
اخذت السلة ...
ورحت االاشجار الي تبعد عن بيته تقريبا اميال ...
جان الجو كولش هادىء ...
والسما ساطعه بنورة القوي
صح باردة بس الجو جان حلو .....
بديت امشي والكط من الكاع ....
جانت تاخذني رجلية ..بعمق الاشجار...بديت امشي واني اجمع ...
وبلحظة ...اقتربت واني ابدي اخذ اخر حبة جوز مشمورة بالكاع
....بس الي خطف انفاسي .....شفت شخص واكع بالكاع ....
ومرمي على وجه ...
جان كلبي يخفق بسرعه
رجعت خطوات ليورة ...
وردت انهزم وفعلا ركضت ....بس وكفت .....
ليش اركض هو واكع بالكاع . ..ليش مااشوفه
......بس خاف ميت ...وابتلي بي
روحي جوانا ...شوفي ..الج اجر
....جانت هاي الهواجس الي بداخلي ...
بين معارض وبين مؤيد.....
بس اني اتبعت كلبي وطيبتة ...
بديت اتقدم ....
واتقدم ...بكل هدوء...جانت دكات كلبي ادك بسرعه بحيث احس بنبضي وبقوته
اتقربت ....الة ومديت ايدي بخوف جبير..
هزيتة .....بس متحرك
.....هنا جان الموقف ياكد بان هو ميت ...
حركتة بقوة ....
وفجئة فز من نومتة ودار وجة ...وهو مفزوع ...
اما اني فوكعت ليورة ...
وبديت ازحف بعيد عنة .....
جنت مفزوعه ....وخايفة .....
باوعت اله .....وكتلة
_منو انت ....وشتسوي هنا ....حجيت وياه بالكردي
....باوع علية بتعب ....
وكال وهو حجايتة تعبانه
_مااعرف كردي ....
اني عربي
....حجيت وياه بالعربي المكسر
_منو انت ......وشتسوي هنا ...
جاوبني . وهو بالكوة يحجي
_عطشان.....
اتقربت منة ....لان حسيتة محتاج مساعدة ....
وكتلة
_تكدر تمشي وياي للبيت الي قريب منا ...
جاوبني
_فضل ماانساه الج خيتي ....
بس اني متصوب برجلي
...باوعت لكيت لون بنطرونه ..ممبين من الطين والدم ...
جاوبتة واني اعرف النتيجة والعقوبة الي راح اخذهة من امي ...
بس مكدرت اتركة واروح ....
اتقربت منة ...وسحبتة علمود يوكف ...
وخليت ايدة على جتفي وبديت امشي....
وهو بالكوة يمشي
جان ثكيل ....
وبالكوة شايلتة .....تعبانه ومااكدر اعوفة بعد ...
وصلت للبيت شفت وند موجود
_وند......الحكلي ...
...جان وند مشدوه من الي شايفة
اتقرب مني وهو مصدووم
_جوانا ...هذا منو
_مااعرف ...بس......ااااخ...
تعال ساعدني ظهري كام يوجعني ...
....ساعدني وند ....ودخلناه جوة ..
ورحت ركضت فرشت الة فراش بالكاع...
وخليتة علية
...رحت جبت الة مي وشربته
بديت اباوع علية اشلون يشرب وهو كانما اسبوع مشارب مي
_اشلونك هسة خيي
...باوع الية ......وجانت اعيونه سوود مثل لون الليل وحاجبة الكثيف ...
وكال
_نعمة من رب العالمين ...وهذا فضل ماانساه بعمري ...وراح يضل بركبتي ....
...بس طالب منج طلب .
_كول.....
اريد سجينة ...وحدة حادة والثانية جمرة من النار
...باوعت علية وكتلة
_شنوو.....شسوي بيهة
_اريدج وياي .....
اني مضروب طلقه ...واريد اطلعه
......شنوووو...حجيتة واني مصدوومه
اشلون ....صعبة مااكدر
_خيتي معليج انتي ...بس ساعديني اني اتصرف ...
....وفعلا وكفت يمة واني اشوف جرئته
اشلون يشك رجلة ويحفره باصبععه ويطلع الطلقه ....
مكدرت اتحمل وهو حاط وصلة بحلكة وصاك اسنونة علية
ويصرخ .......
اخر شي طلب مني اني اكوي بالسجينة الي جمرة من النار
اترددت بس شفت اصرارة
جنت خايفة حييل.....
وند جان يتابع ....وساكت ...
جبت السجينة وكويته .....
.......................
فتحت عيوني ....على ضحكات
ناس ...وكلام مااعرفه.....
بديت احس حلكي ناشف.....مابي ولانقطة مي
حاولت اكووم ....
بس مكدرت جانت قوتي خاوية ...
ضعيفه ...
بقيت كاعد ....واني اتذكر
البنت الي اجتي ساعدتني .....
جانت ملاك....عيون زرك وجه احمر
خصل من الشعر الاشگر المتناثر على وجهه
بديت اتذكر ملامحة وصوتة الدافىء ....
واتذكر اهلي الي عايفهم اسبوع ومااعرف عنهم اي شي
شفت خيال ...وكف كدامي....
_شلونك هسة ....
باوعت واني بس اتذكر صوتة جانت ملامح وجهه ممبينة ...لان الضوة وراهه
....همست بصوت ناصي ....
_الحمد لله
_جوعان اجيبلك اكل
....سكتت مكدرت احجي جنت مستحي منهه
....مااحس الا نزلت راسهة الية .....وبدت اتكومني من المخدة
...جانت ملتصقة بية وهي اتحاول اتكومني من المخدة
وتسند ظهري على المخدة
جانت قريبة حييل ....
اقرب من اي شي احسة كدامي ...
جنت مااكدر اباوع الهة ...
بس عطرهة اتسرب لانفاسي .....
خسيت بالقشعريرة .....سرت بكل جسمي
اتقرب مني اخوهة ....
وبدى يوكلني الشوربة ....
بس كتلة .
_رحم الله والديك اكدر اني اكل .....
بهاي الاثناء دخلت علينة مرة جبيرة بالعمر...
شكلهة مجان مرتاح لوجودي ....حسيت من نبرة كلامهة الي بالكردي
...بدت البنت تسالني الاسئلة مال امهة بس بالعربي...
_امي اتكول ....اشعندك هنا جاي وانت مو من اهل المحافظة
...بديت اجاوبه على الاسئلة الي من حقهم يسئلوني
_اني اشتغل بتريلة على باب الله
اجيب غراض من سليمانية وارجع لبغداد
بس صارت ليل ونمت بمكان المفروض مااروح اله بس جبرني وكتي اروح لهناك
واتعرضت لقاطعين طرق ....
واخذو السيارة ...ورادو يكتلوني بس شردت منهة وصوبوني
اني مجنت ناوي اصعد لدهوك بس صاحبي هو الي دزني لهنا ....
ومااحس الا اني امشي مسافة جبيرة ...
وصلت لهنا
وضليت اسبوع او اقل ...واني مااحس بالدنية وكاادر اعين نفسي
واكوم ....
لحد ..مااجيتي انتي
يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!