رواية قلوب يتيمه الفصل الثاني والعشرون 22 - بقلم لينه سعد

قصة #قلوب_يتيمه الجزء الثاني والعشرون
للكاتبة لينه سعد
........................

جنت كاعد بالمحل واني صافن... ومحتار...
_ليش... شنو الي اتغير.... شنو الي خلاني ابتعد عنة
مو هاي الي كتلت روحي علية...
مو هاي الي عافت اهلة علمودي...
ليش ماارغب اتقربلهه
......... من جابت نيروز واني اتغيرت حياتي وياهه
مو هاي الي اعشقهه... مو هاي الي بنظرهه منهة تسحرني...

حتى رزقي قل مو مثل قبل. ويجوز هذا سبب
كمت واني اباوع.... على زخات المطر اشلون توكع قطىة ورة قطرة
.... حسيت بالحنية اله... كلت
_اروووح... مااكدر اتحمل بعدهة بحياتي اني مشتاقلة  مااكدر ابتعد عنهه...

......................................................

... كاعدة على الجرباية اترضع بنيروز وتلعب بشعرهه الاسود الي جان يشبة شعر ابوهه
وبدت اتغني الهة اغنية كردية....
تذكرهة من جانت امهة اتغيهة لثريا...

وفيروز كاعدة يمهة تلعب بلعابتة الي جابهه اله عمهة
... جانت تتلفت كل دقيقة لامهة وهي اتغني هاي الاغنية الي لحنة حزين

سكتت جوان
.... وهي صافنة وحايرة.....
جانت مشتاقة اله بكثرة..... لاولومرة اتحس مالة ظهر ولا سند بحياتهة...

صايرلة خمس اشهر مامتقرب الية....
واني مااعرف السبب و اشلون اتصرف وياهه...
من يشوفني لو ينام... لو يطلع.... مو مثل قبل
اتغير هواي علية.... مو هذاك الي جان حنين علية
مو مثل قبل يحسيني بان اني انثى يمة
فقدت كلشي حلو..... كلشي

... بدت الدمعات تنزل وهي متحس بيهة
هو كل شي بحياتي.... وهسة يريد ياخذ كل حياتي ببعدة عني
ماحست الا على ايد صغيرة..... ايد طفولية تمسح هاي الدمعه...
_ماما... انتي تبجين
... ابتسمت لفيروز الي جانت واكفة يمي وهي اتباوع على وجي بكل حزن
_لا حبيبتي ماابجي....
... اندك الباب بهاي اللحظة
_منو
_اني.... رائد....
... دخل رائد واتقدم
.. الي كبر وصار بالمتوسطه جان ولد مؤدب ويختلف اختلاف عن امة
الي حاولت اتبعدة عن جوان وبناتهه

.... راحت تركض فيروز وتشبكة
_اي رائد.... انت كلت بس اجي اخذج للمراجيح
_هههههه اي هو اجيت اخذج انتي ونائل

ها.... خالة ترضين اخذهه..
_اي حبيبي اخذهه ودير بالك عليه...

... طلعت فيروز وهي كامشة ايد رائد بكل قوة وفرحانة بعد صبر ٣ايام.... على وعد  طلعة للمراجيح

........................................................

_دخل اصيل  للبيت وهو ملهوف لشوفتة....
واني مشتاق الهة
. بدت ايدي متشوقهة لمستة.... رفعت ايدي واني اكمش يدة الباب وبديت افتحة
فتحت الباب.... وشفتة منحنية على نيروز الي جانت بحضنهة... والي محست لدخولي للغرفة
.. بديت اتقرب منهه. وبديت احجي

... _الله يساعدج
... رفعت راسهة..... وعيونة الي مثل لون البحر تلمع..
بدت تعلن ابتسامته....
اتقربت منة وكمشتهة من جتفهة
_مشتاقلج هواي
... بدت دمعاتة تنزل....
_واني هم... مشتاقتلك هواي
.. بديت اتقرب من راسة وابوسهة....
شفت نيروز نايمه بحضنة اخذتة منهة وديتهة لكاروكهه
بعد مابستة من خدهة الترف
... التفتت على جوان الي جانت كاعدة على الجرباية وممصدكة الي ديصير
.. اتقربت منة وكومتة.....
بديت اشوف معالمهة الحزينة....
_اشبيج جوان ؟؟
_مو اني الي اشبية..... انت شنو الي جرالك
ليش اتغيرت..... كمت متحبني... احجي الصدك... مليت مني ؟؟؟
بدت اعيونة تدمع..
اصيل اني مثل الوردة بوجودك.... من تهملني اذبل ويجوز اموت
_اسم الله عليج حبيبتي.....
_احجيلي اني زوجتك.... شنو الي سويته وهيج ابتعدت عني.... تتذكر اخر مرة من اتقربت الية....
قبل لااجيب نيروز.... وبوكتة جنت تحلم... وتفز على كابوس... الي لحد هسة اراقبك وانت نايم ومامرتاح
كلت يجوز.... عندك ارهاق...
بس الارهاق ميستمر لهل مدة

.... صفن اصيل على حجي جوان
_صح اني هملتج.... بس مااعرف ليش.... والله جوان مااعرف... بس الي اعرفة واني برة اشتاقلج
ومن ادخل اتروح هاي الرغبة

_يحوز لان مامعتنية بنفسي...... دقيقة اسبح واجي

..... جانت فيروز اتريد اترجعه مثل قبل... حتى لو تختلق الاعذار اله

_لا جوان انتي حلوة بكل حالاتج... اريدج هيج على طبيعتج...

_لا اصيل بس دقيقة.....
جانت ممصدكة اجة وفتح الهة كلبة....
جانت بالنسبة اله خطوة جيدة

..... دخلت  للحمام... وهي فرحانة واخيرا رجع اصيل اله.. واخيرا راح تكمل حياتهة

...... طلعت من الحمام... واني فرحانة ومحضرة نفسي اله جنت لابسة روب وجواهه سيت نوم اخذتة وياي
... دخلت للغرفة
لكيتة نايم..... مثل طفل صغير.... حاط ايدة جوة راسة  رجلية قريبة لصدرة

نشفت شعري واني اباوع علية ومبتسمة...
بديت امشط شعري....
اتقربت منة وحجيت بكل هدوء
_اصيل..... بدت ايدي تمشي على جتفة واني مشتاقه لمستة
... شفتة كعد... وعيونة ذبلانة

... فز.... وهو يلهث... كانما تعبان
_خير حبيبي اشبيك...

... باوع علية.... وهو يلعق شفت كانما نشفت من العطش
_مابية شي... اريد اطلع

.... فزيت... واني ممصدكة الي يحجي
سحبت ايدي منة... واني ماعرف شكول
_وين اتروح.....

_ارجع للمحل... عندي شغل

.... باوعت علية وبدة الضيق يعصر كلبي.. واني ضايحة والغيرة بدت تدخل كلبي

_لعد ليش اجيت....
_مااعرف...
كام اصيل وهو يريد يطلع...

_اصيل.... انت عندك وحدة اتروح الهة
.... باوع علية كانما مامقتنع بحجيهة
اتقدمت منه وكلت
..... لاتروح تعالي يمي محتاجتك اني لتعوفني

.... شفتة غمض عينة.... وهو نفسة يصعد وينزل بقوة
_مستعجل عندي شغل

.... رحت الة وشبكتة من ظهرة وكتلة....... وبديت ابجي
_ليش اصيل..... ترة تعبت.... واني محد الي غيرك
اذا انت اتعوفني المن اروح

..... متحمل اصيل حجيهة.. كمش ايدهة ودفعهة
_كافي... تعبت... مااكدر اتقرب منج... مااريدج

... جانت كلمتة مثل الصاعقة وهو يحجية
_شنو متريدني.... اصيل اني جوان....
اني الي عفت كلشي لخاطرك..... اني الي اتحملت مذلهة اهلك لعيونك.....
اتقربت منة مرة ثانية بعد مابعدني وكلت واني امسح دموعي..

... زين ماشي لتريدني انت مو كلت راح اشتري بيت ونطلع
طلعني وكلشي مااريد منك

.... اتقرب منهة.... وهو عيونه نار
_هو هذا الي يهمج... بيت..... ليش اتريدين بيت علمود اتسرحين براحتج

.....ادموعي تنزل وصوتي اتغير واني اسمع احقر كلام يمكن اسمعه بحياتي
_انت اتكول علية. هيجي..... ليش اشفت مني
اني احبك... ومحد يملي عيني غيرك.... بس انت مااعرف اشبيك
اصيل والله احبك......

._جوان..... ارجع وكل واحد يروح لطريقة اني مااريدج بعد... تعبت عوفيني مااكدر اتقرب منج....
ابرد من اشوفج.... ماتحس نفسي رجال
بدت ادموعه تنزل.... لاول مرة اتشوفه يبجي

.... بديت ابلع ريكي.... واني اشوف اصيل مو هو... مو هذا الي حبيتة
شنو يعني يبرد...... ليش منو الغلط اني لو هو
اتقربت منة وكتلة... واني امسح دموعي والهث من البجي
_مو مهم اصيل...
يجوز مريض اتعالج اني وياك

.... باوع علية بحقد..... نظرة غريبة اول مرة اشوفه على وجة وكال
_انتي طالق

.........................................................

بديت امشي بالشارع مثل التايهة...
مااعرف وين اروح...
_اني شسويت....  من كل عقلي احجي هيج
اتذكر من شمرت نفسهة علية وتتوسل بية
_لا اصيل.... الله يخليك مااكدر اعيش من غيرك

.... بدت ادموعي تنزل واني اتذكر اشلون دفعتة برجلية...
وهي جانت لابسة هذاك سيت النوم
الي اي رجال يتمنى يشوف حبيبتة بهذا الشكل.

... وكفت واني اجر النفس بصعوبة....
_ تعبت ياربي تعبت

..... بدت تمطر.. مديت اديهة واني اشوف قطرات المطر وهي تزكع على ايدي .... ومن تمطر اتذكرهة
اتذكر تفاصيلهة.... اتذكر هي اشكد اتحب المطر
وكفت واني ممصدك الي سويتة... اشلون اكسرهة اشلون اخليهة تبجي وتتوسل بية
اني اشكد حقير....
..... كمت اركض مثل المخبل... اريد ارجع واكول الهة سامحيني مو قصدي... اني احبج... اني مااكدر اعيش بدونج... مو انتي الي متكدرين اتعيشين من دوني

... بديت اركض واركض...... وفجئة.... لكيت ضوة قوي
بدة يقترب... جان اقوة من اشعه الشمس

بديت ارتفع ليفوك كانما مثل طير ويطير لعلى مكان
... بديت اشوف السما... اشكد مغيمة... وبدت قطرات المطر.... اتزخ بقوة على وجي...
بديت ارتفع... وارتفع
وفجئة.... وكعت.....

... شفته كبالي... من هي خايفة مني بالغابة....
اتذكر من ساعدتني وشالتني وودتني لبيتهم
... اتذكر... هذيج الخصلات الي توكع على وجهة... وهي اداوي الجرح الي برجلية
... اتذكر من كمشتة من رادت توكع من الدرج....
جان اروع احساس بكلبي ينتابني...

..... اكتشفت هسة... اني احبة.... احبة لدرجة خلت كلبي يتيم بحبة...
جانت اعيونة الزرك هي اخر شي اتذكرة

... وبديت احس بحرارة تنزل على اذاني...
وبديت اباوع على الناس الي وكفت فوك راسي....
وهمة يكولون... يمعودين راح يموت شيلوووه

... بهاي اللحظة غمضت عيني واتمنيت اغمض واني بحظنه.......
...........................................................

جنت نايمة واني اتذكر ابتسامتة الي ملت حياتي
اني هسة محطمة.... يتيمة.... ارملة

... اباوع على نيروز الي تبجي وتريد ترضع...
جانت فيروز اتهز الة كاروك... وهي اتكول
_اشششش... حبيبتي ماما نايمة

... بدت ادموعي تنزل واني اشوف بناتي يتيمات.
جنت حاضنة ملابسة ونايمة...
_شنو الي صار... شنو الي صار وتحولت حياتي..
جنت مثل الاميرة واني بحظنة...
وهسة مشردة.... مالعة مكان.

... ضليت اشتم بملابسة.. واكول
_الله يرحمك اصيل.....

.... اتذكر قبل شهر.... من اجاني خبر اصيل ضربتة سيارة وهو بالمستشفى
... جنت اتمنى اموت ابمكانة... ولايتركني ويروح
هو وعدني وحلف الية مراح يتركني
مراح يعوفني.... وبالاخير..... عافني...

... بدت صرخاتي تطلع بقوة.....
اجت فيروز وهي كامشة راسي..
_ماما... لاتبجين.. اني موجودة

.... التفتت اله... واني اعيوني مابيهة اي دمع وحضنتة
_اي ماما.... بس انتم بعد بقيتولي

يتبع