رواية قلوب يتيمه الفصل الحادي والعشرون 21 - بقلم لينه سعد

قصة #قلوب_يتيمه الجزء الواحد والعشرين
للكاتبة لينه سعد
...............

متحمل اصيل كلام سميرة....
ابتعد عنة.... واتقدم من جوان وجرهه من ايدهة ودخلة الغرفه...

.... دخل للغرفة وسد الباب.... وكعد على جرباية
_تعاي كعدي واحجيلي

... اتقدمت منة واني متعحبة من تصرفه..
_اصيل معقولة صدكت بيهة..
_اني مااصدك.. اني واثق بيج.... بس اشلون حجت هيج حجي...
_والله مااعرف... بس اني هذا ميهمني ؟؟
اصيل انت صدكت كلامه

... كام وهو متوتر.... واحس بي اختنك
_جوان... بس اريد اعرف هي تتبلة عليج... خاف انتي جنتي تحجين وي بنت الجيران . لو وي نفسج وماتدرين

.... صفنت واني متعجبة.... كانما حجية مواثق بية
كمت من الجرباية واني احس بالم ببطني..... بس الالم ميعادل الالم الي بصدري
_اصيل.... والله محاجية يم احد... ولا شايفة احد

_اني امصدكج.... وهاي سميرة ليش لعد تحجي هيج
_تكرهني.....
_ليش اتكرهج... شمسوية الهه

... ابتعدت عنة..... ورجعت التفتت الة
_لان عفت سراب واخذتني

.... هنا صفن اصيل.... ومحجة
_هااا اشو سكتت..... شنو راد اتضم علية هواي
_وليش اضم عليج... قابل اتزوجت عليج
_لا مو قصة اتزوجت...... بس انت مكتلي جنت خاطب
_اي جنت خاطب وفسخت.... يعني عادي وهذا هسة مو سالفتنه..... اريدج بعد متصعدين للسطح

_اصيل... ماادري احس ابيك انت مصدك سميرة...
معقولة ممصدكني.... يعني مواثق بكلامي..
كل هذا ومتعرفني زين

_جوان..... لتلفين ودورين كتلج ماتصعدين للسطح وانتهى...
_اني تعبت.... تعبت حيل..
اكو اشياء انت متعرفة واني صابرة علمودك....
وهسة انت متثق بية.... لعد اني لويش اتحمل..
كافي اصيل... مااكدر

.... كعدت واني احجي بحركة والم ديزيد عندي
_اهووووو... اني منين الكاهه منج لو من الشغل..

.... طلع اصيل....
واني صافنة على تصرفة...
معقولة هذا اصيل.... الي كال مراح اخليج تندمين
راح اصير الج زوج واخ واهل...
اني عفت كلشي علمودة وهسة هيج يعاملني
...
حتى مكال شنو الي يصير واني ماادري بي

.... بديت اكل بنفسي... حسيت الاوكسجين ميكفيني.... بديت اختنك
..... نمت على الجرباية
.. وبدت ادموعي تنزل..
مااعرف ليش اتمنيت اني بحظن امي...
اشتاقيت لريحتة... لشبكة حظنة....
غمضت عيني..... وشبكت المخدة وبديت اشم بية..
اريد شي يذكرني بيهة يصبرني

... متحملت.... بديت اجهش وابجي بقوة.. احس نار بكلبي قوية... ومااكدر اتحملة وما اكدر اصرخ..

... كمت ولبست ربطتي.... وطلعت...
فتحت الباب واني مااحس على نفسي اريد اروح. لامي اريد اشم ريحتة
اريد احضن وند وطيبتة....
فتحت باب المطبخ... واني امشي مااحس على نفسي
.
_خالة.... وين رايحة اجي وياج... صفن رائد على جوان وهي تمشي ومجاوبتة
اول مرة يشوفه تطلع برة البيت

.... طلعت واني مااشوف منو الي بطريقي... حتى مااسمع الي يحجي وياي... طلعت للشارع
واني مااندل وين اروح.... بس مشيت ومشيت
..........................................

... جنت كاعد يم امي... واني احجي وياهه
_يوم الله يخليج.... مااريد بعد. جوان تصعد للسطح
_ماشي ميخالف... بس ليش
_انتي اشو مو هنا..... يوم طبيت لكيت عركة بالبيت وهاي جوان فقيرة ديري بالج علية...
ترة ماعدهه احد بس اني
_والله اعرف.. وهي خوش بنت مؤدبة وخلوقه.... بس شسوي لازم اتصير غيرة نسوان.
_يمة غيرة.... بس مو تهمة تكسر الركبة والبخت...

_ياااا ولك ياتهمة....
... بديت احجي الهة... الي صار......
وامي كالت.. لاتصدك هاي سميرة اتخربط ابكيفهه بالحجي... روح لمربتك راضيهة ترة خوش مرة

.... طلعت من غرفه امي.... والاكي رائد جاي علية
_هااا عمو. .
_عمو جوان طلعت... ومااخذتني وياهه

..... صفنت........ ورجلية كامت ترجف....
_شنو.....
رحت ركض لغرفتنة لكيتة ماكو....
طلعت بالشارع اركض.

... معقولة... تطلع.. وين اتروح وماتعرف شي
... بديت اركض مثل المخبل
.. عرفت اني قسيت علية..... ادري بيهة تتحمل لخاطري .

... شفتة من بعيد تمشي....
رحت اركض وراهه....
اتقربت منه......
_جواان
.... التفتت علية.... وعيونة دم..... ودموعهة تجري
_اصيل..... اريد امي...
اريد اشم ريحة مزرعتنه والجبل.... اريد هوى دهوك

.... متحملت حجيهة حسيتة ضعيفة... ومكسورة
رحت شبكتة..... ومااحس بنفسي الا بجيت

... اما هي......
بدت تصرخ بقوة........
فزيت....
_جواان.... اشبيج
_اصيل... الم ديموتني.... بطني

... خفت.... وكفت تكسي ورحت للمستشفى

.......................................................

دخلت البيت اني وامي وجوان.....
والي احلى شي جان ويانة بنتي... ""فيروز"""
.. جانت نسخة من جوان.... بيضة وشكرة وعيون زرك

.... جانت الفرحة متسع كلبي..
اتذكر من جنت خايف.... واني اسمع عياطهة...
وكلماتة الكردية وهي اتنادي لامهه

حسيت جنت قاسي وياهه
بدت اعيوني ادمع... واني اسمع صرخاتة الي اتوجع كلبي... بعد مادخلتة غرفة العمليات.. رحت لامي
وجبت غراض الطفل
... بس الحقد الي بكلبي على سميرة بعد.
كلت بس خلي تطلع من المستشفى واني الهةدخلنة البيت وخليت جوان بغرفتة
ودخل سعيد وامي... يسلممون

..... طلعت لان هاي فرصتي رحت للمطبخ جنت اعرف سميرة هناك
... اتقدمت منة
_باعي سميرة.... بعد منا وجاي مااريد جوان تصعد السطح
وهذا كلامج اعرف اردة بالوقت المناسب .

.... التفتت اله واني مصدومة من حجية وتهديدة... وكلت
_اني محجيت شي.... انت اصريت احجي اني ردت ادخل... وانت كلت الا تحجين

_اني واثق بجوان.... بس حجايتج مااعرف شنو مغزاهه
المهم اني كتلج... وبعد الشغل يتقسم... هي مو خدامه الخلفوج واي كلمة اسمع بيهة طلعت منج اعرف اشلون اردهة بطريقتي
جان يحجي وعيونة تجدح

....... بعد ماحجة اصيل وياي
وحجية كلة اهانة وغلط...... اتحلفت اله
الا اطيح حظة واخليك..... تتلفت وراك

..................
مرت ساعتين وطلع اصيل التفتت على رائد الي اجة علية

_ماما..... عفية اريد اشوف النونو
... باوعت لرائد..... روح شوفهة...
_بيبي متقبل اتكول نايم
_امشي اني اخذك.... فد نمونه هي بنية

...... دخلت للغرفة.... واني اباوع على جوان الي جانت نايمة
_يلة حبيبي روح شوفه
... اتقرب رائد... وهو يشوف هذا الشي الغريب...
ابتسم...
_هههههه ماما.... صحيح هاي راح اتصير زوجتي

..... صفنت سميرة وهي عاقدة حاجبة
_منو كلالك هيج
_بابا.... كال راح نخطب فيروز لرائد.... اي ماما اني اريدهه
_دمشي ولك امشي..... هي بس هاي الناقصة

جرت رائد من ايدة وطلعتة.... وهي النار بكلبة تكبر
من بعد ماحجة عليهة اصيل

................................................

مرت اربع سنين .... على ولادة فيروز...
جانت احلى شي بحياتي.... حتى نستني اهلي
جان شي اكبر من ان اوصفة....
زيدت حبي لاصيل.... وحتى اصيل بدة خبة يكبر الية ولفيروز

بقت المشاكل بالبيت... بس اتعودت
عرفت سميرة مراح اتعوفيني بحالي.... لذلك قرر اصيل نعزل يشوف النة بيت ونعزل بي.. لان المشاكل مستمرة واني ضليت على سكوتي وصبري وياهه

...............................................

ركبت السيارة وبدت تمشي بينة مسافة طويلة
طلعت خارج بغداد....
وبدت تمشي وتمشي وبالاخير

_اوكف هنا....
.. وكفت السبارة.... نزلت واني اباوع على مكان صحراوي....
بديت امشي على حسب الوصف...
وصلت يم صريفة موجودة وواحد كاعد بيهة يبيع جكاير

_السلام عليكم
_وعليكم السلام
_اكو واحد اسمة ابو مراية كالو هنا
_اي تمشين ليكبل وتلكينة... يمة لافتة مكتوب بيت ابو عفاف
هو هذا
_مشكور ورحم الله والديك

.... بديت امشي واني حالفة براس جهالي الة اندمة على الي سواهه

اتذكر بهذا اليوم....
جنت كاعدة.... واشوف جوان كامشه نائل وكاعد اتسولف وياهه وتكلة بعد لتعيدهة
_هااااا اشو كامشة نائل خير ان شاء الله

... محجت وياي... عافتني ومشت
_ولج .... اشو احجي وياج مو بعينج
..... متحملت من سوت هيج رحت من وراهه وجريت سعرهة

_ااااخ......
_من احجي وياج بعد توكفين واتسمعيني
_شسمع منج اذا انتي بس اتريدين حجة علمود تتعاريكين.. اني ميويت شي لابنج....
جان يعارك وي فيروز... كتلة هاي اختك دير بالك عليهة
_انجي ولج اني اتعارك لو انتي..
انوبة لا اركين جهالي

... مااحس الا صوت قوي وراية وهو يصرخ بعلو صوته
_ولج سميرة اشوكت ادخل للبيت وارتاح
_اصيييل...... اتفاجئت من شفتة
.... شوف مرتك... وضبهة يالة ترجع علية

_مرتي تسواج وتسوة عشيرتج.... اناؤ لو بس تنضبين نرتاح... شتريدين منهه دومج مناكرتة

_ترة انبي مشايفة رجال يهد ورة نسوانه.. حجيتة وهي تعوج بحلكهة

.... اتقرب منه وضربة..... متحمل حجايتة
... ضلت صافنة....... وكامشة خدهة وهي اتباوع على اصيل وجوان

.... اني الي بعمري محد ضاربني اجة اصيل ويضربني
... رحت لسعيد... كال انتي غلطانه
طلع اصيل رايح اله.. ومشتكي علية
اني حلفت.... براس جهالي اذا ماادمرة

.................................................

. طلعت من ابو مراية بعد مااخذت الي اريدة
جانت الابتسامة مرسومه على وجي...
واني اشوف وانتظر... نهاية اصيل على ايدي

... وصلت لبيتي... واني جنت منتظرة المغربية اتصير واصعد فوك السطح
واسوي الي كال علية......

...... وفعلا صعدت واني كامشة الورقة... الي كتبهة الية..
الي مكتوب عليهة اسم اصيل وجوان بالطلاسم

... بديت احك عليهة حجر الهبهاب... حجرة بحجرة واني اذكر اسم اصيل وجوان

...... كملت ونزلت.....
واني اشول الكل منجمعين بالهول وهمة يتباركون لجوان

_هااا خير ان شاء الله
... ام اصيل حجت
_اليوم راحت حللت جوان وطلعت حامل... كون يرزق اصيل بولد وين الله... وين ابو غيمة الزركه ويفرحة

.... ضليت صافنة واني اكول بكلبي
_الله لايفرحة لابولد ولا ببنت
يتبع