رواية قمع المشاعر الفصل الخامس وأربعون 45 - بقلم Rozaya1122

قمع المشاعر.... الواحد والاربعون
للكاتبة زهراء ( روزايه)...

‏في بحرَ عيّنيكِ هانت كُلُّ أشواقي،
يارّبة الحُسن هل تنوينَ إغراقِي؟
ما كنت أؤمن بالعيون وفعلها
حتى دهتني في الهوى عيناكِ
عيناكِ بحرٌ تاهت به سفني
وتزعزت به نبضاتُ قلبي وأنفاسي
أنا الذي لا يهزني برقٌ ولا رعدٌ
أعينين متلألأةٌ تهزمُ ثباتي؟
....

قبس.. احساسي بهاي اللحظه واني بين اديه الف شاعر مايوصفه نبضات كلبي السريعه .. عيوني الذايبه .. خوفي ع ارتباكي .. انفاسه الحاره وهي تلفحني

كلما اريد افتح عيونؤ اريد اباوع بعيونه
لا ارادي تنغلق من كدما جنت مندمجه وياا
واني ابادله بكل لهفه وحنان ..

دكات كلبي هي اترجم الشعور البداخلي حسيت علي
وهو يخلي ايده ع گلبي ويهمس يم اذني
هدي حالج حبييتي استرخي شويه..

جنت حاضنته بكل قوتي احس نفسي مغموره بداخله مثل قطعه السكر من تذوب بالشاي هيج حالتي واكثر

نسيت الوحمه !! الموضوع الجان شاغلني سنين طويله
وسببلي عقده نفسيه نسيته بهاي اللحظه..

بده يتلمس بالوحمه بطرف اصبعه لمساته وحبه ولهفته
خلاني انسه وماافكر بيهه ولا انتبهت
شوكت لمسهه وشوكت باسني من عدهه ؟؟
شلون شافهه وتمعن بيهه !!

حته جانت الاضاءه عاليه موظلمه الغرفه خله شفته بشفتي غمضت عيني
بس طول هاي الجوله مافتحت عيني ابد
عشت ويا احساس لحد الان من اتذكره
وكانو بهاي اللحظه صار .. ينتفض كل جسمي
وكل خليه بداخلي تعيش الاحساس من جديد

تقاربت اجسادنا لحد ماتعانقت ارواحنا
اخذ ثار الشوك والحب الي انحرمنه منه بالايام الفاتت
خلاني اعبر عن شعوري بارادتي بدون قيود... بدون خجل
بوقتهه ماهمني لا الم ولا موضوع الوحمه
متجاهله اي شي ثاني يعكر صفو سمرنا..

نام بصفي وسحبني بحضنه واني بعدني مغمضه
جنت مطيعه ومستسلمه بكل جوارحي
ماحسيت غير بوساته على راسي وصوته يرن باذني

مبروك حبييتي مبروك ..
وجان يبوسني مثل العطشان بصحراء
ولگه بركه مي وفرح بيهه

ابتسمت وغطيت راسي بصدره من الخجل
رفع حنكي بأبده وجان يكول وحق الله احبج..

من كالهه دفنت راسي اكثر برگبته حسيت هاي الكلمه
عبالك اول مره اسمعهه من كدما حجاهه من گلبه ..

حسيت بفرحته شكد جبيره وهو يضمني اكثر واكثر لصدره
احس اظلاعي تريد اطك بين اديه ومايكدر يعبر عن فرحته

جان ظهري طالع سحب الشرشف وغطاني بي
لان الغرفه بارده مفتوح بيهه تبريد
غمرت راسي برگبته وبسته بوسات متفرقه منهه

حجه يم اذني دكومين حبيبتي تسبحين !!
هزيتله راسي لان جنت مسلوبه الاراده بس استحي اكوم كدامه واريد الف نفسي بالشرشف يسحبه مايخليني

قبس.. بشار انطيني خلي اكوم شلون اروح للحمام
بشار.. موهسه شفت كل شبر بيج بعد عليمن تستحين!!

قبس.. مومن اول يوم خليني اتعود والله استحي انطيني حباب!!
بشار.. منو كالج اني حباب ! اني بردان اريد اتغطى وانتي كومي اسبحي حته نتعشه

قبس.. رفعت نص جسمي واني لافه نفسي بالشرشف وصرته فوكا دنكت بالكاع اخذت الروب مال السيت ع الاقل هذا اهون لان مبين اليوم مشتغله عنده الخباثه

من دنكت حسيت ايده لامسه الوحمه جان يمشي ايده ع كيف ع طول الوحمه بسرعه رجعت نمت بمكاني ولازمه السيت بيدي استحيت اساله ع شعوره موحلو اكيد وهو يلامس شي خشن وهو هم اكتفه ماحجه بس يبوس بيه..

كمت للحمام سبحت وطلعت لابسه سيت كامل ستن ولافه نفسي بالروب
هو جان واكف يم الميز يشرب جكاره التفت عليه وكال نعيما ياحلو!!

قبس.. الله ينعم عليك حبيبي راح احظر العشه بين ماتسبح
بشار.. ليش ماتجين ناخذ شوط ونسبح فدمره !!

قبس.. بشااار بعدني حته ماذبيت الخاولي من راسي وبعدين عمه بشرى كالت لاتخلي يتقرب بس مره وحده!!

بشار.. حته هنا لاحگتني عمتج بشرى !! وليش هالقوانين
قبس.. موكالت لان اول مره وموزين الكثره خاف اتمرض وتصير عندي مضاعفات..

جنت احجي وادهن بايدي وركبتي بلوشن مال جسم وهو يباوعلي طفه الجكاره بالماعون وهو ينفخ الدخان من حلكه ويتقرب عليه!!

اديه حاوطت جسمي ودنك راسه ع ركبتي وباسني منهه وكال موجوعه؟؟

ميلت راسي بدلع وصار يطبع بوسات ع طول عظم كتفي كتله شو هسه بده عندي الم قبل شويه ماكو حته ماحسيت!!

بشار.. مممم هسه يروح بس ادفي لان الغرفه بارده
قبس.. روح اسبح حته ناكل والتفتت علي وبسته من خده..

راح للحمام واني مشطت وسويت شعري ظفيره وهو شعري موطويل تقريبا جوه كتفي ولفيت نفسي بالروب كمت طفيت التبريد احس نفسي جمدت..

بديت احظر بالعشا ماجبت ويايه.. هم اصدقاءه جابولنه اكو شموع طوال هم اهل الفندق مخليهن فتحتهن وكعدت انتظره يطلع ..

اتذكرت تليفوني مدري وينه كمت دورت علي ماكو
اني حته جنطه ماشلت بيدي كلت يطلع واسأله علي!!
باوعت لتليفونه ع الميز ضغطت ع مفتاح القفل جان مقفول ابتسمت غلقه لان جماعته بزعو كلساع يدكون ويدزون رسائل

طلع من الحمام واني كاعده كدام المرايه
لابس تشيرت ربع ردن رصاصي كتله نعيما
رد عليه وهو يجفف بشعره اخذت الخاولي من عنده وكتله تعال ناكل..

طول مانتعشه واني كلما اباوعله اشوف لمعه فرح ورضى بعيونه اول مره اشوفه هيج فرحان وراضي عليه حته بوساته تنطبع ع ركبتي بكل شغف ولهفه..

هاي الليله العشتهه كلما اتذكرهه تخفت نار گلبي حته لوجنت بركان احساسهه وشعورهه لحدالان متملكني ومتشبع بكل جوارحي..

بشاار عاملني بكل حنيه وفوك كل هذا
جان حبه يتسابق قبل لمساته
خوفه عليه بهذيج اللحظه!! وشلون اندمجت ويا وماحسيت وعبالي بعد ورانه تاكدت اني عشت بمشاعري باحساسي وهو بلهفته خلاني احس نفسي بهاي الليله ملكه وهو اميري..

بعد هاي الجوله العارمه وتقريبا صار الفجر غمضت عيوني شويه لان جنت تعبانه اني قبل يوم مانايمه ..
فزيت الصبح على بوساته بوجهي
فتحت عيني وابتسمت كتله صباح الخير...

بشار.. صباح الورد .. هاي نعمة ربي واني اصبح بهاي العيون
قبس.. مممم يمكن انت مانمت ابد؟؟

بشار.. ماغمضت عيني لحظه ولا شلت عيني عنج جنتي غافيه ماتحسين واني كلساع اخذ بوسه حته تكعدين..
مااهون انام بس شسويلج غير انتي بسرعه غفيتي

قبس.. جنت متوقعه نفسي ماراح اغفه بس انت ظليت تلعب بشعري وماحسيت شلون غفيت لان تعبانه!!

بشار.. تحسين بالم؟؟
قبس.. لا زينه
بشار.. يعني هسه ماكو عذر
قبس.. مايصير موعمه بشرى....

قاطعني ببوسه عميقه من شفتي
وكال لاتخليني اسب عمتج بشرى..

وبسرعه رفعني وصرت ع صدره وعاد باول الليل نفسه بس هالمره باحساس يختلف وكل لحظه اعيشهه ويا اكتشف بشار شكد يحبني يتفنن بحبه ويحير شلون يوصل احساسه وصل عندي مرات احس اني ويا من نقترب نصير روح وحده...

بسرعه كمت سبحت ولميت غراضنه جنه ناوين نسافر بس بسبب المحكمه ممنوع علي السفر الا بعد القرار هو سبح وطلع فتح تليفونه بعده هستوه فتحه جان يدك !!

بشار.. ضحك هاي عمتج بشرى عبالك جانت تنتظر
قبس.. انطيني اجاوبهه خطيه بالهه يمي!!

فتحت الخط كلت الووووووو
بشرى.. وجعوا وكون عله اطك اسنونج ام الدروب غالقه تليفونج واني ابو ابوي اشتعل...

بشار فاتح مايك ومدنك يلبس بجواريبه ويضحك واني كعدت بصفه واحاجيهه واضحك ع عصبيتهه

قبس.. ع كيفج عمه بشار غلقه ماادري
بشرى.. عوفج من بشار بشريني خلصت ع خير؟ خوما تأذيتي؟ خوماسوالج شي؟ تحسين بالم؟

قبس.. اسئلتهه وحده ورا وحده ضحكت وكتلهه اي الحمدلله بس كلت هيج اسمع الهلاهل بالتليفون!!

بشرى.. ولج وكعتي كلبي كلت هاي ثوله مادبرهه خفت عليج يمه لان اول مره وكمت اجيب منا واخبط هنا ..

قبس.. لاعمه اصلا ماحسيت بيهه!!
بشرى.. اي ماتحسين غير البطل يمج وينه ماسمعت صوته بسلا لسه منبطح؟؟

بشار.. ضحك بصوت عالي وكالهه ها بشوره اسمعج
بشرى.. ها ولك ع الخير يابعد اهلي كلي مرتاح؟؟ هاي ام عيون خوماتعبتك؟؟
بشار.. الحمدلله

بشرى.. ابوك جنه وحده تطلك عبالك ليله دخلته الف مره اجه سالني ماخابرتيهم؟؟

بشار.. شنو السالفه اول واحد يتزوج شجاكم؟
بشرى.. لاعمه الفرحه هاي جبيره كرايبكم كلهه هنا ونريد نسد حلوك الكالو بنت سميه خلي يشوفون بعينهم شلون ذموهه

قبس.. عمه والله استحي فشله كلهه تعرف الصار؟؟
بشرى.. ديله هي البارحه كلهه عرست وياكم حته اني عرست ويه عمج ابو حوراء!! تستحي ام عيون لاتاخذنه السوالف يله تعالو ابوك مسوي غده وعازم هواي ناس

قبس.. سديته منهه واجه بالي تليفوني سالته بشار وين فوني ماجبته وياي ماانطته الك فاديه
بشار.. اي بجيب الستره بالباب انطتنيا بس مغلق وظل ع حاله

قبس.. الحمدلله عبالي نسيته وهناك ظل خطيه عمه شفتهه شكد خايفه؟؟
بشار.. قبل مااجي اخذج صاحتني برا كالت ديربالك عليهه ترى قبس جبانه بس اللسان طول بالك وياهه
هسه اروح اگلهه عمه انتي الجبانه طلعت قبس خادعتج!!

قبس.. دغيته بيدي ع صدره لادكول هيج والله استحي
هو غير انت خليتني مااحس شعليه اني!!

بشار.. ديله كومي خلي نطلع لان جماعتي جايين من المحافظات وجدي مااكدرله فزع كرايبه كلهه..

قبس.. هي الزفه بسيارته وجان مخليهه بالكراج مال الفندق حته مااحتاجينه واحد يجي ياخذني طول الطريق لازم ايدي وساعه يبوسهه لو يتغزل بيه..

قريب ماوصلنه منطقتنه التفت عليه جان يكول اذا طلبوا من عندج النيشان لاتشوفي لاي مخلوق خاصه بسمه!!

قبس.. ليش خاف ميصدكون؟؟
بشار.. وهم منو؟؟ حته ميصدكون هذا الشي راجع الي اكيد بسمه راح تحجي بس رديهه لاتسكتين!!

قبس.. وصلنه للبيت هوايه ناس يمهم فوت السياره بالطرمه واول مانزلنه اجت عيني ع عمو عامر لازم بيده رشاشه وادنه للحديقه وكام يضرب وصوت الهلاهل اندمج ويه صوت الطلقات

بشار التهه يسلم ع خواله وكرايبه واني اجتني عمه بشرى وخالته الدكتوره لمياء وطببني جوه رغم البيت بيتي وعشت بي بس بهاي اللحظه الخجل مسيطر عليه..

كرايبهم هوايه بحيث من كدما سلمت وبوست دخت وكامت التكلي مبروك اكلهه الله يعافيج ..

بوست بيبي وكعدت يمهه وكل شويه نسمع صوت طلقات بره ويه كل ضربه اطك هلهوله ساعه من المطبخ ساعه من الغرفه

اجتني فاديه كالت كومي لغرفتج عود جنت مستحيه كمت من يم النسوان ومااحس نفسي غير افوت لغرفه البنات نسيت نفسي تالي صاحت فاديه بيه وغلست..

صعدت لغرفتي اخذت نفس واردد بداخلي الحمدلله والشكر اني سابحه بس فتحت شعري ارتب بي وبدلت اجني خالاته صعدن للغرفه باركلي وكل وحده انطتني ظرف هديه وحته ماسالن عن اي شي ..

محد سال حته عمه بشرى ماكالت اشوف نيشان اكتفت بمخابره الفندق واكفه كدام الميز اعدل بالحمره وطكت طلقات هاي النسميهه خرط بلحظه خفت ورجفت

ركضت ع البرده اباوع اني وفاديه ونرجس يمنه شفت هوايه ناس متجمعه وبشار حاضن رجال شيخ مبين ويتباوسون يمكن شيخ العشيره هذا!!

فاديه.. وكع كلبي هو هيج ياشيخنه تخرط خرط !!
قبس.. شلون هبطه عبالي عركه
فاديه لا الحمدلله الله يحفظنه يله خلي ننزل هسه بيبي تكوم تحجي

قبس.. نزلت جوه كعدت بالصاله الراحه والفرحه البداخلي اتمناهه لكل البنات العيون عليه ومااعرف كل اثنين شجاي يحجن...

حجت وحده بعدين عرفت هاي من اهل الشيخ كالت بالمبارك يمه ان شاء الله يخضر داركم وتشوفون احفادكم

قبس.. الله يبارك بيج خاله ودنكت جان دكول والله فرحتنه جبيره بيج وشيخنه كال الا اروح بنفسي وافرغله مخزن يستاهل بشار وحده شريفه عفيفه مثلج حافظت ع شرفهه ...

حجيت بكلبي واحس نفسي من الخجل راح افوت بهدومي
اكيد جدو حته للشيخ وصلهه فوكاهه فرحانين متعجبه ع بشار ساكت وهم يمدحون بيه يعني عدهم هاي الشغله هي الكل بالكل..

ظليت كاعده لحدما صار الغده صاحت ام بشار اصعدي لغرفتج ارتاحي صعدت بدلت لبست تراك صيفي ومددت احس نفسي هلكانه من التعب وبشار ماصعد ابد فاديه كالت جماعته يمه...

حاولت انام ماكدرت اغفه صارت الساعه ب٣ بدلت ونزلت يمهم خطار والهوسه رايحه كعدت شويه واترخصوا كرايب ام بشار وظلينه وحدنه ماكو غريب بس اخت بيبي حجيه جبيره وجنتهه بكد خاله..

فتحت تليفوني اريد اكتب رساله لبشار اشوفه وينه رفعت راسي ع صوت السلام فرح وفاطمه هستوهن جايات والظاهر ماجانن موجودات واني من الخبصه ما انتبهت عليهن

كعدن يمنه ومبين ع فرح تكابر اصلا واضحه عيونهه مورمه وامهه كلساع ودكلهه من السهر ع التلفزيون عود تريد تضيع السالفه

جنت مدنكه ع التليفون وفززني صوت عمه بسمه وهي دكول
اكول قبس مدام ماكو احد مو المفروض الوحده مثلج تشوفنه النيشان مالتهه..

قبس.. بشار ماقبل كال بالذات عمه بسمه لان هالشي خاص بينه ماكو داعي الكل يشوف...

بسمه.. هااا هوكال بالذات بسمه ..طبعا لان يريد يسترلج شلون بياطريقه والله عفيه علي خوش ردلج اعتبار وخله الطلقات تتسابق ومحد يدري بالمضموم..

قبس.. ابدال ماكاعده تحاجيني هالحجي روحي سالي وتاكدي منه هو يجاوبج

هدى.. عمه احنه اخواته وماما ماسالته عيب هالسوالف والناس تتقدم لوترجع ليورا والطلقات هاي فخر النه كلهه عابت امهه الله يرحمهه وهاي بتهه كدامكم شلون حافظت ع نفسهه

بسمه.. ليش عيب هاي العادات وحده مثلهه مطلكه وعايشه ويه رجال سنتين شنعرف غير نيشانهه يثبت

قبس.. كوه لازمه اعصابي عليهه بس هدى اشرتلي بحاجبهه اسكت وهي جاوبتهه..

هدى.. عوفج عن طلاكهه لان احنه انثق بكلامهه ولو جذب جان ماسكت بشار.. بس اسالج سؤال تقبلين واحد يحاجي بنتج بهيج طريقه وفوكاهه من عمتهه اخت ابوهه

بسمه.. شحاجيتهه من حقنه نعرف ونشوف ونتاكد.. يجوز هو يسترلهه
هدى.. ماشي مدامج مصره حبيبي علوش يوم انطيني تليفوني لان جان يلعب العاب بي..

هسه اخابرلج ع بشار وهو يجي يوضحلج مدامج مصره ع الموضوع..

الحجيه.. هديوه كسري الشر وسدي السالفه وانتي بسمه البنت رجلهه اعرف بيهه واحنه هاي طبيعتنه ماانشوف نيشان موتزوج عمر منو صعدت وشافت نيشان صابرين؟؟

احنه عدنه زلم هم كفيلين بنسوانهم وبس ام بشار الهه الحق تشوف نيشان جنتهه لا انتي ولااني النه حق...

هدى.. ليش بيبي مو مامصدكه وجاي تتهمه بالكذب خلي رجلهه يوضحلهه
قبس.. نقذتني هدى لان اني هجوميه جان كمت افترستهه بس هدى مثل اخوهه تلعب باعصاب الواحد وتراوغ بالكلام

سكتت عمه بسمه واني هم سكتت فرح حرف واحد ماحجت اصلا كعدت نص ساعه وكالت اروح للبيت تعبانه من الركص جذب هي لاحنه ولاعرس شفتهه...
...

شجن..اني شغل ما اشتغل لان عكازاتي واني بس ماظليت حابسه نفسي بالغرفه مثل كل مره وطلعت وتحركت وساعدت بشي بسيط...

جنت كاعده بالمطبخ ومرت عمو عامر تسولف ويه عمه بشرى على الخطار خاف احد يظل للعشه ولازم نطبخ من جديد
بشرى... مواكيد يظلون كلهه راحت بس خاف جماعه عمر لو بشار هسه اذا ظلو نطبخ

بعدهه تحجي اجه امجد الحقنه طب سلم يحجي ويه عمه وعينه عليه يباوعلي من ورا ظهرهه
امجد.. خاله بشار يكول خلي يسوون عشا خابرو جماعه جايين بالطريق

بشرى..هو وينه بشار شو لا اجه لاشفنا موانتم موجودين ولكم عريس انطوا استراحه

امجد.. هم كلهم جماعته ومايكدر يعوفهم كلما يريد يطب اجت مجموعه وخالي يركض ويصيح بشار ..
بشرى.. هاهي راح انسوي عشه وطبت جوه تصيح هدى وماما ظليت وحدي ومرت عامر راحت كومتي صعبه لذلك ظليت كاعده وهو ارتجى ع الكاونتر وصار كدامي

امجد... كلما اشوفج الكاج حليانه بعد اكثر
شجن.. رفعت راسي بعصبيه انت شتحجي ماتستحي!!

امجد .. لا مااستحي بنت خالي حلوه واتغزل بيهه شجن بطلي غرور ادري حلوه وتخبلين مو شليتي حالي وانتي دايره وجهج عني

شجن.. انت بيك شي؟؟ شنو شليت حالك يمك اني بكاعك واسمع امجد بطل هاي السوالف انت مو مراهق ..
امجد.. ليش الحب بس للمراهقين؟؟ شجن دااحجي وياج جديات ليش متنرفزه

شجن.. لان كلامك ينرفز مو اني تك رجل ومااعجب جنابك هسه شكو واكف تحجي هيج ودكول حلوه بس نطقت الكلمه الاخيره فززني صوت غيث واكف بباب المطبخ

حته امجد ارتبك وطلع بدون مايحجي حرف وغيث ساكت لان جان شايل صينيه بيهه كاسات مي خلاهه ع الميز واندار يريد يطلع اجت عيني بعينه!!

صفن بوجهي وطلع كمت واني اسند نفسي شفته طلع للشارع وسد الباب شلون حظ عليه مااجه الا بهاي الجمله..

هوايه اسئله براسي واريد اسال عليهه ليش رجعت علاقه غيث طبيعيه بينه ويجينه وعادي مايحجون بس ظلوا مقاطعين وائل وامه!!

وين كاعد؟؟ وشلون عايش يومه ؟ اكو وحده عنده لو بعده يحبني كم هائل من الاسئله المالهه جواب متمركزه بعقلي..

تهوس المطبخ وكامن يطبخن وخاصه جماعه بشار كل مره يصير عشاهم يختلف ويعتنون بي حته سمج راح عمر يشوي وهم ماشاء الله كلهم اكالين بحيث ياكلون وصوت ضحكهم يوصل يمنه...

رحت كعدت يم البنات شويه وحوراء تخابر بخطيبهه واحنه كلنه مخلين اذانه بصف الفون انريد نسمع وهي تدفع بينه اخر شي كلت خلي اكوم اسوي زلاطه اتلهه بيهه

رحت للمطبخ حاجيت ماما وين الخيار مال الصبح مخلص كالت هسه تسوكوا صندوق بالممر اخذي سله وجيبي طماطه هوايه وخيار لان اريد اشوي طماطه ويه السمج..

اخذت السله ورحت تعودت ع مشيتي كمت امشي بعكازه وحده وكمت اسيطر حته مرات اذا خطوه قريبه امشي بدون عكازه ع رجل وحده..

فتحت باب الممر ادور ع صندوق الخيار كومه صنادق مال مخضر مال العرس زايد بس الخيار ماكو ترست السله بس طماطه واريد افوت للبيت سمعت صوت غيث وهو يخابر قريب ع الممر بس كال اي باجر مااداوم ماخذ اجازه وسد التليفون..

غمضت عيني واخذت نفس احس موبس صوته
سمعته باذاني لا وصل لاعماق گلبي

فتحت عيني جان واكف ابدايه الممر ولازم علاكه الخيار بيده الظاهر راح هو متسوك بس الجكاره بحلكه وهو يباوعلي

لحدماوصل يمي واني لازمه السله حسيت ايدي ارتخت ورادت توكع قويت حالي واني احاجي بنفسي اتحملي شجن هو موالج انتم منتهين هذا ابن خالج موحبيبج..

ماادري شلون رجفت شفايفي ونطقت بدون وعي
وكتله شلونك غيث؟؟

دنك خله العلاكه بالكاع ولزم الجكاره وخرهه من حلكه وكال زين الحمدلله انتي شلونج؟؟

زينه اني ؟؟ وسكتت دنكت راسي وهو ع وكفته احنه باب الممر صاير بالنص واحنه واكفين بنهايه الممر لان من هاي الجهه دتير مداير البيت مخلين سقيفه عن الشمس ...

ردت افوت لان ماكو كلمه نحجيهه انداريت عنه
وكتله من رخصتك!!

اجاني صوته بهدوء وحته لاواحد يسمعنه كال اريد احجي وياج تكدرين هسه؟؟

التفتت اباوعله مدنك راسه ويباوع ع رجلي
اتنهدت وكتله وين؟؟ خاف احد يشوفنه

غيث.. تعالي ورا البيت دقايق مااتاخر
شجن.. ماشي روح انت قبلي بس لااحد يشوفك واني اروح اودي السله واشوف وحده من البنات توكفل

هز راسه ومشه كدامي واني وديت السله لماما كتلهه شويه واسوي زلاطه بعد وكت ورحت لفاديه ماعندي غيرهه جانت كاعده تاخذ سلفي هي ونرجس صحتهه فاديه ماما تريدج

كامت من يمهن واجتني لزمتهه من ايدهه بتوسل فاديه جذب اني اريدج موماما
فاديه.. هو اعرفج جذابه مبينه عبالك داكه دكه

شجن.. فدو الله عليج غيث يريد يحجي وياي بالممر وخاف احد يشوفنه بس كلمتين اشوفه شيريد

فاديه.. صاحت بيه !! شنوووو هم صخام ابن سليمه العار ولج اذا لزمج بشار لو عمر هالمره خاف هذيج المره توزعت الكتله جماعيه لااا حبيبتي هلمره نشيعج للنجف مخبله انتي!!

شجن.. محد اكو عمر طلع وبشار يم جماعته وبالممر الورا الغرفه مال بابا محد يشوف انتي اوكفي بس اشوفه شيريد ولج والله گلبي يتكطع علي..

فاديه.. اني ماعليه ولادخليني بغبائج اني اخاف
من اخوتي ولي وحدج

وبعدين شعنده يحجي ماكو حجي بيناتكم موكلشي انتهه لاتتاملين بشي شجن ترى غيث سراب لاتحلمين واتضيعين روحج

شجن.. هاي شبيج قابل راح اتمعشك ويا بس اشوفه شيريد حبابه فدو سويهه مره وحده
فاديه.. امري لله امشي احسبلج عشر دقايق والله اذا عبرتيهه اصيح ماما عليج..

شجن.. لا مانتاخر مشيت كدامهه وهي بحجه تعزل بالمسواك البممر واني رحت لنهايه الممر وانداريت ورا الغرفه لكيته واكف وثاني رجله ع الحايط

حجيت بخوف وارتباك وعيني ع الممر خاف يجي احد كتله هااا غيث احجي خاف يجون مابيه حيل مشكله

غيث.. جاوبيني بصراحه بس مره وحده جاوبيني بدون كذب
شجن.. بلعت ريگي كتله ع شنووو؟؟

غيث.. امجد شعنده وياج؟
شجن.. ماعنده شي واذا شفته يحجي وياي فهو ابن عمتي ودائما يمنه ماكو شي

غيث.. متاكده ؟؟ بس اني مااشوف هيج
شجن.. شتشوف؟ او قصدك سامع لان انت تتاثر بالحجي الله يسلمك كل كلمه تنكال بحقي لازم صحيحه

غيث.. ماسامع بس اني منتبه علي من زمان
وهسه من شافني ارتبك وسمعت كلامه وياج

شجن.. مدام سمعت كلامه بعد ليش تسال اذا كتلك اكو شي واذا ماكو شنو راح يفرق عندك..

جر نفس وهو صافن عليه باوعت بعينه تخيلي مدري لمحت خيط دمع بعيونه او عبره خانگته ماادري اني عيوني اتجمع الدمع بيهن وغوشن..

دقايق واحنه واحد يباوع بوجه الثاني لاهو حجه ولااني!!
عيونه هي الحجت عاتبته بعيوني شلون صدك وائل وجرحني باختي وخله جمعتنه مستحيله..

وهو هم شفت عتب بعيونه وكانو يكول ليش سويتي
هيج؟؟ ليش ضميتي عني وماخليتني اتصرف
شفت بعينه عتب وندم مسيطر ع الحب والشوك ..

ماكدرت اظل واكفه اكثر بسرعه مشيت حته سريع ردت اعثر لان العكاز فات بين الكاشي بس اريد اوصل لفاديه شح الهوه عليه..

بوجهي للحمام وفاديه سدت الباب ذبيت العكاز وكعدت ع الطبله شنو من قهر كلما اقوي نفسي واكول نسيت اجذب ع نفسي مجرد ماتلتقي عيني بعينه تنهار كل قوتي

اصعب شعور ممكن الانسان يواجهه هو انو يكون السبب
بخراب علاقته ونهايه حبه
وهو هذا الشعور الخانكني اني السبب بعذابي وبعذابه

ظليت كاعده بالحمام شويه كمت غسلت وطلعت احاول الهي نفسي بأي شغله بسبيل انسه او مااكعد وحدي وتاخذني الصفنه للبعيد

قبس... دزيت رساله لبشار كتبتله هاي عود عريس ومن ١١ لحد هسه ماشفتك !!

شويه ورد عليه كاتب كوه كاعد يمهم لزگوا
بس فشله اعوفهم مشتاقلج حييييل..

قريتهه وابتسمت محد اكو حته عمه بشرى راحت لان تعبت وبسمه اجه امجد اخذهه هذا الحجي ب٩ واني صعدت لغرفتي اخذت ملابس ورحت للحمام سبحت وطلعت جففت شعري وانتظره يجي..

سمعت خطواته ع الدرج جنت كاعده ع الجربايه ومتغطيه لان السبلت مفتوح وبارده واني هسه سابحه فتح الباب صرت كدامه

رفعت الغطه ونزلت وهو فتحلي اديه حضنته واحجي اكو واحد هلكد يتاخر اول يوم عرسه ؟؟

وخرني من حضنه ولازم وجهي باثنين اديه
وباسني من خدي الايمن ورجع باس الايسر وكال شبيدي لعد اذا وجبه تروح ووجبه تجي..

تمشيت ويا للجربايه انتبهت ع ملابسه مبدل مونفس ملابس الفندق هاي شوكت بدلت وانت اصلا من اجينه من الفندق ماصعدت..

جنت كاعده ع جربايه ومنزله رجليه بالكاع وهو واكف كدامي نزع ساعته وطلع الفون من جيبه وشمرهم ع جربايه

وكال لا صعدت بدلت وصليت ورا الغده جنتي جوه بغرفه الحجيه يمكم خطار بس جنت مستعجل..

قبس.. ممم محضرتلك الحمام روح اسبح وتعال
بشار.. اسبح واصلي واني بدون عشه لان مااشتهيت اكل

قبس.. راح انزل احضرلك العشه لعد؟؟
بشار.. لااا اتعشه بيج هو اني ضام جوعتي الج

قبس... هههه دروح اسبح عيونك حمر مبين هلكان من التعب هسه تغفى
بشار.. حتلو واني غافي لازم اتعشه مايصير انام بدون عشه اتخربط..

جان يحجي حته بدون مايضحك راح للحمام سبح وطلع صله واني ع كعدتي اباوعله التعب هاده هد وهو البارحه مانايم ولا دقيقه..

راح للباب قفله وطفه الضوه العالي عاف بس ضوه النوم مفتوح هادئ حيل واجه التفت ع جربايه وتمدد وسحبني لحضنه ..

يلعب بشعري ويحجي خوما احد ضوجج او موجوعه؟؟ هزيتله راسي لاااا ..

هنا انطيته الاشاره واخذني بين احضانه بس هالمره عكس ليلتنه الاولى البارحه جان اكثر هدوء بس هسه لمساته صارت قويه...

بنهاية رحلتنا الطويلة..غفينا بحضن بعض
تعبانين..وبالاحرى غفينا نص الليل..
كعدت الصبح قبله بس ماكمت من الفراش

هوجان بسابع نومه من كدما تعبان رفعت راسي من حضنه
وباوعتله صافنه بوجهه شلون نايم والدمار اليم عينه واضح شريان واضح لان يكول من صغري واكع وصاير هيج..

تلمست لحيته وطبعت بوسه ع صدره وكل هذا وهو هادئ
اني هم ماكعدته لان من طلع من السجن لهذا اليوم هو يركض بالشغل...

ظليت نايمه ع ايده انتظره يكعد من كيفه جانت الساعه ب١١ الظهر وهو احنه صلينه الفجر يله نمنه..

مااحس غير الباب يندك ع كيف
ماصحت منو كلت خاف يفز!!
بس تحركت من يمه كعد كتله صباح الخير
باسني وكال صباح النور..

صارت الدكه اقوى اريد البس واوصل للباب خبصتني الدكه خبص صاح هو منووووووز؟؟

اجانه صوتهه واحنه واحد يباوع لثاني اني اني فرح...

يتبببببع.. متابعه ممتعه

الفيديو من تصميم متابعتي العزيزه💓