رواية قوارير محرمه الفصل العاشر 10 - بقلم ذكرى المندﻻوي

صباح الخير
قوارير محرمه
بارت ٣١
للكاتبه ذكرى المندلاوي
٠٠٠٠٠٠٠

ايه
مرت ايام سوده عليه ٠٠٠
البيت متحملته لان الكل ميتحملني ٠٠٠
الكل محملني موت الجد
مرتضى مشفته بس مرتين
بالاولى من رجع من النجف وهو دافن جده وكالوا دفن روحه وياه ولو ما الولد جان ظل ساكن هناك يمه ٠٠٠
جان مبين عليه متأثر كلش بموته ٠٠ضهره منحني
وهدومه متربه ولاف اليشماغ على راسه مبين غير عيونه الحمر من رفع راسه يباوعلي بحسره
مفتهمت شنو قصده٠٠٠
اجت شهد تركض لزمته من امتونه وهيه تبجي وتحضن
لا تبجي من عمري على عمرك ٠٠٠الله لا ينطيهم بلي
جانوا السبب بموته
تحجي وتخزرني ٠٠٠يعني اني السبب
بالله شحجي وياها وهو بياحال٠٠٠بعدها اخذته للحمام الي بصف غرفتي متقصده اكيد
عفتها ورحت الضي الي ليكيتها تعجن خبز بمعجانه
جبيره
كالت الله جابج تعاي وياي ٠٠٠شفت بصفها تلث ٣ معاجين مثلها
ايه
هاي شنو
ضي
الخاتونات ذبنهن كلهن براسي وراحن نامن
ايه
ادري بيهن يعاقبنها لان واكفه بصفي ومترضالهن يحجن عليه ٠٠ضي رغم الي سمعته بعدها وياي ٠٠
ومن ساعتها التهت ولا جابت الموضوع ٠٠٠
كملت وياها العجن ٠٠٠
كتلها شو تاخر مرتضى بلحمام اخاف شهد متكدرله
هو ضخم وهيه ضعيفونه
رفعت راسها ضي تبتسم
ايه
لا تفهمين قصدي غلط ٠٠٠بس داكولج  هو منا مقهور  ومماكل شي من الصبح وهذا الطريق وبجي اخاف
يتخربط وهيه هاي متكدرله ٠٠٠
ضي
لاتخافين عليها صحيح هيه ضعيفه بس لجل  مرتضى تصير قويه ٠٠لا واقوى مني ومنج

ايه
لعد ليش تاخروا ؟؟
ضي
مشفتيها من خشت الغرفتج ؟؟
ايه ٠٠٠تخبلت شنو هل الجرأة شلون تدخل  الغرفتي
وبأي حق ؟؟

لميت العجين بيديه وبدون ماغسل رحت اشوفهم
بعيوني ٠٠٠فتحت باب غرفتي لكيته متمدد حاط ايده على عيونه  وهيه بصفه محوطه بيدها بطنه ٠٠ وجها يم راسه مدري شتهمسله ٠٠٠
الموقف عصبني جيت اسحلها من شعرها الفاتحته
وشامرته على المخده مالتي
همزين جت ضي ولزمتني من ايدي ورجعتني للمطبخ

ضي
شبيج تهدي هسه مو وكتها٠٠
ايه٠٠٠أأشرلها على الغرفه واكول
ششفتيها شلون نايمه بغرفتي لا وبفراشي ٠٠
ضي
ادري كلش زين ادري وهو هذا الي يردونه يعصبنج

حته تغتاضين وتغلطين غلطه عمرج٠٠
ايه
شنو قصدج
انتي اذا سويتليج هوسه الليله ولميتي الكل بحساب نايم ويه مرته وهو لساته دافن  جده شيكون موقف
الكل منه ؟؟
حتفضحينه  المرتضى بليه سبب وهو اكيد ميسكت
حيكون موقفج وياه صعب خاصه بهيج وقت
٠٠٠
ايه
مااكدر ماتحمل ٠٠شفتيها شلون ماخذه راحتها متقصده موو
ضي
ادري ياعيوني هنه وهنادي حادات سنونهن عليج

ايه
شنو قصدج
محملاتج مسؤليه موتت جدهم
ايه
شنووو واني شعليه هو من يومه موات والدكتور كايللكم ايامه معدوده عليمن بعد واني شنو
ضي
ادري بس ٠٠٠عاشرتيهن وعرفتيهن كلش زين
ميحبونج ولا يطيقون يشوفونج ويتمنن اليوم الي يخلصن منج وهل اجه اليوم الي تنطيم الحجه
ايه
وشنهو حجتهن كمشت السجينه وذبحته
ضي
انتي واني كلش زين نعرف هنادي سمعت كل الي
دار بينج وبين هذا الي جاج ٠٠٠ اليوم
ايه
صحيح هنادي جانت موجوده
ضي
اي وراحت  وعلمت  جدي ٠٠٠وهو ماتحمل

ايه
جدج يعرف كلشي عني ليش متحمل
ضي
اكو سوالف مااعرفها انه انتي اعلم بيه بس يجوز
انكشفن شغلات وجانت جديده عليه ومتحمل
ايه
قصدج  عقد زواجي طلع مو مزور ؟؟
ضي
والله ياخيتي مااعرف كتلج انتي اعلم٠٠بس اذا
هذا الحجي عاد مرتضى الحين مو رجلج لان انتي لساتج بذمه ذاك الشاب وعقدج من ابن عمي باطل

ايه
والحل
ضي
انتي گلبچ المن رايد
ايه
اني مرايده بس اربي جهالي بأمان وهذا كله مافكر بي٠٠
ضي
عاد عليمن تعصبتي من شفتيهم سويه
ايه
هااا ماادري صدك ليش ؟؟يمكن لان تجرات واخذت غرفتي بدون متترخص مني
ضي
لا مو هذا الحجي ٠٠عيونج جانت تحجي غير ٠٠
ايه
كتلج اني مافكر بهل السوالف ليش تلحين
ضي
سمعيني زين وخلي هذا  كلامي ترچیه بذنج
مرتضى ابن عمي ميتكرر يعني ماكو مثله وهو احسن
مرشح حته يكون اب لولادج ابقي وياه على نفس
القصه القديمه ٠٠٠وخليه يبقه زلمتج  كدام الكل
الحين متولدين وينكتب قطعه كاع بأسمج وتاخذين حقج ادري بي مياكل حقج حته لو رفضتيه بس كون ماتفضحينه وتكشفين جذبته خاصه يم العشيره
اصبري الحد ماتولدين
تكدرين بذاك الوكت تطلكين منه وتربين جهالج بوجه ابيض٠٠
بحدج لو تبقين على ذمته وتممين زواجكم ٠٠٠
اهه شكلتي ؟
ايه
وهنادي وشهد الي احس من عيونهن كلشي يعرفن
ضي
محد يدري بس هنادي وغلطت غلطت عمرها من خبرت جدي لان جانت السبب بموته ومرتضى كلش زين يعرف هيه السبب
ايه
لعد ليش عيونه احس بيها تلومني وشهد نفس الشي

ضي
شهد تكول الي تسمعه وهنادي خبرتها انتي السبب بس مخبرتها بلقصه ومااعتقد تكدر تفك حلكها بعد الي صار
ومرتضى يسمع بس الي يكوله عقله فاهمه

فهمتج
ضي
وهسه خلينه نغطي العجين ونام مبقه ساعه على صلاه الفجر انلحك نهدي راسنه

ايه
وين انام
ضي
تعالي يمي ولو متتحملينها الهنادي بس هيه ساعه
واظنها نايمه٠٠٠ وصيت ام سعدون الخياطه تشتريلنه
كم دشداشه حاضره نكضي بيهن هل كم يوم ٠٠ وكم قطعه قماش تخيطهن للسابع
ايه
ابتسمت
مدري شكولج ٠٠انتي ملاك نزلي من السما اختي الي ماجابتها امي ٠٠٠

ضي
عليمن ٠٠٠واني جاي احس بلي اتحسيه صدكيني
واتمنى اليوم الي اني ومصعب  نعيش بيت واحد
واخلص من مكرهن وحيلهن هنه ميحبن الخير الحد
مو بس انتي ٠٠٠هاي هيج مخلوقات جايات جاهزات
بعقدهن من الله خلقهن٠٠٠
ايه
استغفرت ربي ٠٠٠وكلت
هو اني من يوم يومي مظلومه والمصايب ترگع
براسي رگع بقت على هنادي وبلاويها٠٠٠

اخخخ لو تعرفين الي مريت بيه يجي يوم واكملج
قصتي
ضي
انشاءالله واني اريد اسمعها ٠٠

ايه
طبينه للغرفه لكيتها فارشه روحها على طول الجربايه وتشخر ٠٠هاي شلون حنام باوعت الضي  ابتسمت٠٠
ماعدج غير مكان البيت متروس وباجر هاي الغرفه
هم تنترس
ايه
وغرفتها  الشهد؟؟
ضي فكت عيونها
هاي شلج بيها
كتلها
اريد انام بساع نعسانه
ضي
بكيفج
ايه
تعاي وياي
ضي
والله معليه بيج روحي وحدج
لعد الخوات المن يرادن مو دكولين اني اختج
ضي
بس مو الهل الحد
ايه
بكيفج
طلعت الغرفتها فتحت الباب مشايفتها هاي اول
شوفه الي بيها٠٠
جانت كلش دافيه ومعطره ٠٠عطرها شامته قبل
اي٠٠٠ عطره هو مالي الغرفه
حسيته هو وياي وبديت اشعر بأمان رغم
هو مو يمي بس حسيت بأمان اول محطيت راسي
غفيت ٠٠٠
بيومها ماأجه شهم ابالي ولا الي صار بينه وكان السبب بموتت جدي ٠٠ضي كلامها خش بعقلي
وبديت افكر بلي نصحتني بي٠٠
شهم مو مال اعتمد عليه٠٠٠ والي صار بيه من وراه ومن
وره اكاذيبه وخداعه الي ٠٠٠

٠٠٠٠صحيت الصبح على هوسه نسوان صريخ وبجي
ونعاوي جنت بعدني نعسانه مااعرف  للساعه ابيش
بس حسيت روحي بعدني مشبعانه نوم وكل الي اريده انام ٠٠٠
٠٠٠
غطيت روحي بلبطانيه كلش زين حته مااسمع
صريخهن٠٠
مرتضى
دخلت للغرفه اخذ فلوس للذبايح من الخزنه الي ضامها بغرفتي والي جانت شهد تشاركني بيها لكن من زعلت منها بلفتره الاخيره حولتها الغير غرفه عقاب الها ٠٠٠
البارحه جنت اتمناها الايه تاخذني من ايدي وتسبحني مثل ماسوت شهد لكيت روحي بغرفتها
محجيت ولا علقت لان هذا الي جنت محتاجه
اشم عطرها حته اغفه واكدر انام
اثنين تمسكت بيهم بحياتي ومستحيل انساهم
جدي وايه
جدي راح وعافني٠٠٠ و ايه ٠٠٠ولو  گلبها مو يمي
بس يكفي نفسها وياي بنفس البيت اعاينها ٠٠٠
اعاين لعيونها الطولها الكل حركه بوجها بديت احفظها واترجمها حته اعرف شتقصد٠٠٠حفظتها صم
اووف
المصايب تكاتفت عليه والمن اشتكي جنت اشتكي
الك ياجدي ٠٠٠متت مية موته بيومها من سمعته وهو ينطقها بلسانه ٠٠
زواجنه حقيقي ٠٠٠المصبرني كلامها وصدها اله

فتحت الخزنه اخذت منه الي اريده وبدلت سلاحي وضميت القديم
رحت للكنتور ابدل الدشداشه بسوده ويشماغ
اختاريت الي اريده
نزعت الدشداشه القديمه دااشمرها على جربايتي
لن  احد نايم عليها معقوله شهد رجعت نامت هستوني
عايفها تسويلي ريوك ٠٠٠
محد يتجرأ ينام عليها غيرها ٠٠ حته هيه متسترجي اتسويها ٠٠الا اني اسمحلها ٠٠تعرف نفسها معاقبها

اتقدمت ورفعت الغطه ولن هيه ٠٠
مصدر همومي وسر مصايبي وشلعه گلبي٠٠
اشجابج عليه مو جنت مرتاح وادور بمكاني وعلى فرشتي ٠٠لا هاي صعبه عليه بعده گلبي مطايب من فراك جدي ادور سوالفج التمرد گلبي ٠٠اوووف يروحي الي رجعتلي سنين ٠٠
رايحه بسابع نومه بحيث من شلت الغطه محست بيه
رجعت الغطه وقفلت باب الغرفه ٠٠٠حطيت القفل بجيب الدشداشه ولفيت الشماغ على وجهي
صحت ضي
اجت تركض
خيرك ابن عمي
كتلها تعالي وراي ٠٠ادري بيهن يتسنطن خاصه شهد
وهنادي ٠٠٠
مديت ايدي بجيب الدشداشه وانطيتها المفتاح
ضي
شنو هذا
مرتضى
اني مشغول بلوادم الجايه تعزي مو وكت الحجي
كوليلها خل تروح تكمل نومتها بغرفتها
ضي
بس البارحه
مرتضى
ادري بيها شتريد تبرر قاطعتها
البارحه راح ويه البارحه ومجنت بوعي وماظن
تتكرر٠٠٠
ضي
صار شيخنه
صحتها
بس مو هساع خليها منا الصلاه الظهر
ضي
صار شيخنه
مرتضى
وخلها تفطر زين مو تنسه روحها حامل ٠٠
صار شيخنه
بعد رايد مني شي
مرتضى
هذا هو روحي ٠٠٠

ضي كلت بروحي عاشك ومبين من عيونك عليمن
تكابر ٠٠الله يكون بعونك٠٠٠
مرتضى
كان اليوم صعب بدت الناس تجينه تعزي من كل المحافظات ٠٠٠٠٠ صيت جدي معروف بكل العشاير
صحت محسن
شنو الاخبار
محسن
كله تمام
مرتضى
الذبايح لازم متتوقف من الصبح للعشه  وصناديك الفواكه وصواني البقلاوه والحلويات لاتنسوها
محسن صار
والزايد وزعوا بثوابه

مديت ايدي طلعت باكيت الجكاره وتذكرته دمعت عيني بعدها الخوفه لا هو يحس بيه اشرب ويختنك
وتجيه النوبه ٠٠
اخر چلماته الي٠٠٠ دير بالك عليها لاتنطيها الذاك
المجرم
امانه برگبتك ٠٠٠لا تنطيها ٠٠بت عمتك امانه وصية ميت ٠٠٠
همست صار جدي امانتك للموت صاينها ٠٠٠
٠٠٠٠

ايه

صحيت على صوت ضي
اكعدي ولج شلون ماشوفج حلتلج النومه على فراش
شيخنه
فزيت
شنو لا تكوليها بعدني هنا ؟؟صدك اني نمت واخذتني
النومه ٠٠دكيت على رجليه واني متربعه
شلون بيه من يوم الحمل صرت اشتهي النوم مشتهاه

لااكل لا شرب بس انطيني نوم ٠٠٠شكد عيب كون حست شهد ٠٠
ضي
وشجابها اهنا؟
ايه٠٠٠استغربت
ليش هاي مو غرفتها
ضي
جانت غرفتها ومن يوم المشكله انتي وياها وشردها
البيت اهلها وردها  عمها بلتواسيل شرط ترجع بس
متبقى بنفس غرفتها حولها فوك٠٠بمكان مصعب
ايه مدري ليش كيفت وسألتها
لعد خطيه مصعب وين راح
ضي
رد البيتهم جدي بالاونه الاخيره جا ممرض بس يفحصه ويروح
ومصعب هم بلنهار يشوفه شرايد وشمحتاج
وبعد اليوم مصعب ماظنه يرجع

ايه
لدكوليها انشاءالله تتزوجون وتكملين بقيه حياتج
وياه وتشوفي على طول وتزهكين منه
ولو انه مستحيل ازهم منه ٠٠٠٠لكن اكولن
الله يسمع منج يارب ادعيلي انتي يتيمه واحس
دعاءج مستجاب٠٠٠٠

انشاءالله
ضي
حسب اوامر شيخنه تردين الغرفتج
فكيت عيوني مصدومه
كون عرف بيه وبس لا انتي كلتيله
ضي
واني شنو ٠٠٠هيه هاي غرفته وانتي داهمتيها
لا ٠٠ واستوليتي عليها ٠٠بليه احم ولا دستور
ايه
يعني شنو ٠٠٠هو شافني

ضي
هزيت راسي بنعم
ايه
فكيت حلكي
عزززه صدك لا صدك تشاقين
ضي
رديت هزيت راسي بنعم شافج وانطاني مفتاح الغرفه حته لحد يحس وتردين الموقعج القديم
ابتسمت
شكد عيب ضربتها لعد غير تحجين
اني شنو هو انتي خليتي واحد يفك حلكه٠٠
ايه
كمت بسرعه من الفراش اباوع يمنه يسره حته
اشرد٠٠بدون مااحد يحس بيه
بس الي ماعنده حظ خاصه وحده مثلي
ضي
وين تعالي تريكي
يمعوده اني بحال ريوك
شهد صارت كبالي وجه بوجه
تخوزر
وين جنتي
ايه
هااا
شهد بصياح
بسرعه أحجي اشجنتي تسوين بغرفه رجلي
ايه
مجنت اسوي شي بسسس
قاطعتنه ضي
اني صحتها ترتب الغرفه وياي الشيخ سلمني
المفتاح
اشرت بعيونها على المفتاح الي بيدها
شهد٠٠٠٠ بشك
مو اني وياه البارحه سوه موصاني

ضي
حبي انتي معتبرج غير
شنو قصدج
قصدي انتي ملتهيه بلناس الجاي تعزي والمفروض انتي هساتج حرمه الشيخ متعوفيهن وتجين ٠٠٠توكفين
نفس وكفته ٠٠٠وترفعين راسه
شهد
هااا بس اني اتعب بسرعه ومابي الطم
ضي
ششش ليسمعنج الحبايب وياخذوها عليج حرمة شيخنه لازم تكون قويه
ايه
ضحكت بروحي شلون فرتها ونستها موضوعنه
عافتنه وراحتلهم وصدك كعدت بصف نسوان عمومتها ومثلت الدور
مشفت احد يبجي بصدق غيره هو مرتضى
الله يرحمه
جان قاسي على
الكل ٠٠وهمه هم مثله قساة القلب٠٠٠عمامي
كلهم يدرون اني بت اختهم ولا يوم نظرولي
نظره حسسوني  بيها بعطف او حب ٠٠٠
٠٠٠٠٠

شهم
تركتها تفكر فتره وارجعلها
رحت لاربيل بعد الحاح من (بنين) ومن عمي
اخذت ملاك وياي ٠٠٠ام سلام رفضت تجي كالت عندي كم شغله اكملها
ناويلهم غير نيه ٠٠٠هلمره
لازم اصفي اموري وياهم واتفرغ لايه وشلون ارجعها
بعد مابيها مجال خلص صبري ٠٠
٠٠٠٠
ام سلام
اول مرجعت للبيت قررت اكتب البيت بأسم ايه
بعد الي سمعته من شهم حسيت بيها حترجع للشارع
اني يالله حسن الختام
خل اسويلي شي ينفعني بأخرتي وماكو شي اكدر اسوي احسن من وطن ابنيلها وطن حته لا تحتاج احد
كملت اجراءات تحويل البيت رجعت للشقه بعدها بأسبوع
خابرني شهم يجي ياخذني
انتضرته ماكو خفت عليه كلش صار الليل وهو ميرد على تليفون
دكيت على ملاك
كالت اني مو وياه بعدني بأربيل
كلتلها انطيني بنين
سلمت عليها جاوبتني من وره خشمها
سالتها بسرعه على شهم
ردت
هو من البارحه بليل اجاه تليفون وبسرعه لم ملابسه
بلجنطه وطلع بدون مينتضر البابا ويكوله هو مسافر
حته بابا استغرب وزعل منه
ام سلام ٠٠٠ظل بالي وين راح الولد؟؟

مرتضى
جنت اجتمع بجماعه جايين من بغداد بعد ماكمل
السابع
ولهناك ماشوف غير ولد راضي ونساوينهم ٠٠٠٠
مزعل
خبرني بجيتهم واحنه عاداتنه اندخل
كبل النساوين والزلم يجون يعزون بلمضيف

صحت ضي خبرتها تجي ايه الغرفتي
ايه
جنت دااصب جاي كالوا اجت وجبه من بغداد
مااحس الا ضي تهمس بذني
الشيخ رايدج بغرفته
ايه
استغربت صاير شي بس لا شهد وهنادي سوللهن سالفه وهم ذبوها براسي هاي الايام كثرن مشاكلهن وياي واني بالعه وساكته الخاطره هو ٠٠٠هو وبس
ضي
روحيله بسرعه
مكلج على شنو
مدري بس كال خلها تجيني بسرعه
عفت الي بيدي ورحت
دكيت الباب
مااحس اله وهو ساحبني من ايدي للغرفه
صرت كباله وجه بوجه
حسيت عنده موضوع ومتردد يكوله الخوف باين بعيونه٠٠الجاحظه
مرتضى
بالج تطلعين فاهمه اهنا تظلين الحد ما اجي وافتحلج بنفسي الباب
ايه
شنو  كون ناوي تحبسني
مرتضى
كتلج اسمعي كلام وبس
ايه
واذا ماسمعت
غصب عنج تسمعين
لا شيخنه اني مو شهد ولا هنادي
جيت اطلع
صاح
ولد راضي هنا وانتي بعد بكيفج جيت احذرج٠٠
ايه
جسمي كله اهتز كلشي مر كدامي
موتت امي وشردتي لام سلام بليله كشره وحبسي هناك لايام وأشهر ٠٠وشهم اووف شهم والي سواه بيه٠٠
دمعت عيني وجسمي احسه كله يرجف وكوه لازمه روحي٠٠٠
لمني بحضنه
مرتضى
اششش ماطولي موجود وراسي يشم الهوى
محد يكدر يأذيج ٠٠٠الا واني مدفون  جوه التراب
ايه
اسم الله
مرتضى
شعور غريب سرى بجسمي من سمعت منها هل
الكلمتين حسيت ملكت الدنيا ومابيها٠٠٠

٠٠٠٠٠
شهم
رجعت اراقبهم بعد ماعرفت بلجد مات وخلص السابع
شفت من بعيد ولد راضي جايين
اكيد حيشوفون ايه
خفت عليها
خاصه من شفت نسوانهم طبن جوه كبل
٠٠٠
ضي
اجت وحده للمطبخ تعاين يمنه يسره  كالت احنه
من بغداد زلمنه اصدقاء الشيخ سألتني على نساوينه
تريد تتعرف عليهن٠٠٠
معجبني وضعها ولا وضع البقيه
بس شهد جلبت بيهن يباتن وبيومها مرتضى
تعصب ٠٠٠اول مرة اشوفه متعصب على مبيات ضيوف بحيث وصلت راد يضربها الشهد٠٠٠

سوينالهن مكان تعشن ونامن وايه بعدها بغرفه الشيخ
وديتلها عشه حسيتها خايفه وممرتاحه
كالت باتي يمي
شلون اخاف هنادي تحس
لعد روحي
هاا تعالي ومن اغفه روحي

شبيج شو مو على بعضج

٠٠٠٠٠

يتبع