رواية قوارير محرمه الفصل التاسع 9 - بقلم ذكرى المندﻻوي

شلونكم حبايبي
انشاءالله بخير
بلنسبه للقصه  بين يوم ويوم
للي يسأل عن موعد نشرها ٠٠النشر يكون نوبات الصبح وو
مرات بليل حسب الوقت ٠٠٠
عذروني عن التاخير ٠٠٠
احبكم
٠٠٠٠٠٠
مرتضى
اني شاب مثل كل الشباب الي بعمري الي اغلبهم
يحبون السهر والونسه ٠٠طلعه وبنات ٠٠مااضم عليكم
ماخلي شي بگلبي من هل الناحيه ٠٠٠عجبني شي
ماخلي بنفسي ٠٠٠اسوي بدون خجل ٠٠بس مو بديرتي
وبين عشيرتي ٠٠لان تقلل من هيبتي كدامهم ٠٠وخاصه همه حاسبيلي الف حساب ٠٠يشوروني بكل مسأله تخصهم بعد جدي متمرض وسلمني زمام الامور كلها بيدي ٠٠٠
وبحكم شغلي اضطر اروح البغداد مثل ماشفتوا
هناك سهراتي واكعد اسامر ويه محسن كاتم اسراري
وصديقي واكثر من اخويه ٠٠٠
ولد عمي مالي دخل بيهم حالهم حال البقيه من العشيره يحترموني واحترمهم بس الي بگلوبهم
الله العالم ٠٠ولازم بكل مجتمع لو عشيره اكو من يدس المكايد حته يوكع غيره بمجرد انوا مطايقه
لان هو احسن منه والناس كلها تحترمه وتسويله اعتبار واله كلمته بين الوادم ٠٠٠
واحد من ولد عمي لااحبه ولا هو يحبني ٠٠الي هو
صلاح ٠٠ابن عمي الجبير ٠٠٠
دائما يدور وراي عل الزله من جنه صغار الحين ماكبرنه٠٠٠
كم مره حاول يخرب بيني وبين جدي ٠٠بس الحمد لله جدي فاهمه وفضحه كدام اعمامي وهم مبطل
عفته محاجيته ٠٠بس خال الي يراقبه من بعيد
حسب اوامر الجدي وحجايته دخلت بدماغي
من كال٠٠٠
اوليدي اسمع كلامي وتحرص منه وخذ حذرك
هذا عكرب واليكره عمره ميحب والحقد
يدفع البشر يكتل اقرب الناس اله عاد شلون انت
الي كارهك من صغره ٠٠٠٠
٠٠٠٠
مره من المرات واحنه بلمضيف اني ومحسن
بحكم صديقي فصحتله عن الي بكلبي وهو  حبي البت خالي وهو(رافد) سمعني
٠٠٠٠
شفتها مرتين من مريت البيتهم عجبتني وخشت دماغي لكن ٠٠٠٠ مجان بينه  حب ولا وصلت للعشك بس  جنت عايزها ام الجهالي
بلمره الثالثه نويت اخطبها ٠٠٠
امي كيفت من فتحتلها الموضوع ٠٠ ٠٠٠٠بس جدي رفض ٠٠رفض قاطع
خلاني بين نارين اما الشيخه وشهد ورضاه عليه
ياأما اخذ بت خالي واطلع من العشيره وتنكسر عصاتي ٠٠٠
اني مجان همي اكون شيخ لا والله الهمني رضاته
لان هو الي رباني وفضلني على ولده الي همه اعمامي ٠٠ماريد اجازي وانسه كل ترباته الخاطر 
حرمه عجبتني وحته لو حبيتها
كتله هذا هو يجرالك الخاطر يبقى راسك طيب بينه
مو مرتضى الي ينكر اهله الجل حرمه ٠٠٠
كبرت بعينه اكثر ٠٠وسلمني اسراره الي جان محد
يعرف بيها ٠٠٠٠

بعد فتره عرفت رافد خاطب بت خالي ريام وجدي
سامع وهم رافض ٠٠بس ابوها قابل ومنطي كلمه
بس الله ياخذ امانته وجدي يودع الدنيه
خاصه هو ايامه معدوده ٠٠٠يعني واعده يزوجها اله
بيوم حنتي سمعت بلخطبه ٠٠٠
ادمرت بداخلي ٠٠٠لو غيره ميهم بس هو ؟؟؟
اعرف ميحبها   وخطبها حته يقهرني ويحرك گلبي   واذا تزوجها حيدمرها تخبلت ٠٠٠شحجي شكول
شنو عذري وبيوم حنتي والكل موجود ماريد
اسويلي مشكله خاصه مالي  اي عذر ٠٠٠هو الي طلبها
عمي والكل راضي وفرحان وتباركوله
صدمني صدمه عمري ٠٠٠٠
جنت بيومها اذا يبزني واحد يمكن ارمي بطلقه
الكل لاحظني بدون ميعرفون السبب ٠٠٠بس محسن
حس بيه ونظراته الي ادكلي تهده ولا تعصب وتخرب
كل الي بنيته هو هذا الي يريده يقهرك ويعصبك
وتاليها ترمي كدام الوادم وبهيجي يوم والسبب
مالك اي سبب
حقير عرف شلون يدرسها ٠٠٠

طلعت بره اخذ نفس خاصه بعد مالاحظوني حته ماباركتله ٠٠
جريت من جيب الدشداشه باكيت جكاير ضامه عن جدي  دخانه موزين عليه محد يشرب بلبيت ممنوع
متحملت جريت وحده وره الثانيه
محسن عينه عليه لا بي يحجي ولا بي يفك حلكه  
بس صافن على الوضع ٠٠٠هذا حال عريس
المصايب كامت تتواله عليه وحده وره الثانيه

خاصه من شفتها الايه وهيه نازله من السياره
الطريق مسدود من الوادم الرايحه جايه ٠٠٠شي تطبخ
وشي تستقبل المعازيم ٠٠
واني وصيتهن للنساوين بغير باب يدخلن هذا مو مكانهن والي تمر منا متشوف مني غير اشد العقاب
والمحروسه بت الاوادم جايتني بدله ٠٠٠مفتوحه من يم سيقانها فتحتها  صفح ٠٠٠اول منزلت بين
وعيون الزلم اكلنها اكل انفضحت وصار عرضي بكل السان ٠٠
صحيح هيه مغشيه  وجها ومتنعرف هيه مني  بس كلامهم دمرني
الي يكول زبد ياربي٠٠٠ والي يكول هاي  الگيمرمن  ديرتنه والي ٠٠٠والي والي٠٠وبيهم بس صافن
منزل عيونه
اني هنا تخبلت بعد ماتحمل سوالفها ٠٠٠تذكرتها من تمسح الجام وهيه بوسط الشارع ٠٠انمردت روحي
مااكدر انسه لعبت روحي بذاك الوكت هدور جملتها
عليه اليوم والله لا اراويها الله حق واكسرها تكسر
واخليها تندم لان مسمعت كلامي ٠٠٠٠
ذبيت جكارتي بلكاع٠٠٠
ورحتلها وجريتها من ايديها ضي وياها ليش مالابسه
مثلها من نزعت العباه وهيه داخله انصدمت اني بروحي متفاجئ على التغيير
حرمه بكل المعاني كأنوا الله سبحانه مخلق غيرها
مالها ثاني ٠٠٠شكد جنت مقهور ومتعصب هدأتني
بمجرد النضر العيونها وخصرها النحيل وجسمها
اليتماوع وشعرها الغجري اليلعب لعب بگلبي كام٠٠٠
نسيت روحي ٠٠ليش اني هنا واشصار وشنو الي رايد منها ٠٠٠
فززتني من الي اني بي وهيه خاله عيونها كبال عيوني٠٠
شتريد مني ٠٠٠كول شكو ساحبني ومخجلني كدام الكل٠٠
التفتت الجدي  نايم ٠٠٠
رجعت  باتجاهة عيوني بعيونها
متحملت مو مره ٠٠٠
بلعت ريكي ٠٠٠
واستغفرت ربي هاي شلون مشكله
اني الصياد جيت انصاد صادتني بزراك عيونها ٠٠
دمرتني فوك مامدمر ٠٠هاي بدال ما اخذها بحضني
حته تنسيني همومي اني الي متى اظل هيج
وكفت مقابلها جني واحد تايه ٠٠حاير بدنياه٠٠٠
حجايتها رجعت وعتني بت الاوادم تلح ٠٠لحوحه بشكل٠٠٠
ايه
سحبني من ايدي كدام العالم وبالاخص خواته وهنادي شكد اكرهه۰۰۰شفالهن گلوبهن
صحت شتريد مني
شو هذا تاخذه صفنه وتجيبه صفنه ٠٠كلت بروحي
اكيد التغيير الي حاصل٠٠٠٠ كلها كالت حينصدم من يشوفج بس مصدكت ٠٠معقوله ؟؟هواصلا كارهني
واني هم كارهته ٠٠٠على شنو مصدوم٠٠٠
حاولت اعلي نبرتي
شرايد مني مدكولي ٠٠٠انت حير بعروستك وخليني اني متونسه بجال جدي
مو هيج جدي
مرتضى٠٠٠التفتت جدي فاتح عيونه يعني منايم
طوال هل الفتره ٠٠٠واكيد ينتضر جوابي الها جدي واعرفه
كتلها واني احاول ابين روحي متعصب بس اني
شنو عركان وغاديه حالتي حاله  موقف٠٠٠محد يتمناها العدوه
رديت
انتي شلون تنزلين بهذا ثوبج كدام الوادم
اني مو منبهجن محد تدخل من ذاك الباب الصبح عليمن صحتجن ونبهتجن ٠٠٠ شلون بيج والتالي
شتردين اموتج بيدي حته يرتاح گلبي٠٠٠

ايه
اولا هذا مو ثوب فستان مال هيج مناسبه وشتريدني البس عباه بلعرس روح شوف خواتك وبنات عمك شلابسات
مرتضى٠٠٠ عصبني كلامها صحت بوجها
مسون سوايتج هنه بعبيهن ومن ذاك دربهن ٠٠انتي
كدام الخلك وسيقانج تنده بلوادم  ٠٠٠٠٠استغفرك ربي
وبعدين مخجلتي ٠٠٠من كل هذا شسويلج اني اليوم
مدكوليلي٠٠٠
يأشر على صدرها ويستغفر
ايه عرفت شيقصد ٠٠يعني اني داسويلهم اغراء مينسه وكفتي بلشارع ومسحت الجام ٠٠
صحت
هاي وصمه عار بجبين بت عمتك مناوي تنساه
لا قبل سويتها بقصد ولا اليوم ٠٠ليش احسك واكفلي
على الزله مو كتلك انت بطريق واني بطريق ٠٠٠
الي يجمعنه كلمه ٠٠٠و وعد ٠٠٠لا تسويها صدك وتمثل دور رجلي وانت تعرف كلش زين ماكو هيجي شي ٠
مرتضى
كوه تخليني اطلع من طوري
جبتها براشدي وصحت بيها
زلمتج ونص لو ما هذوله الي بطنح جان تممت زواجي منج بس يصير خير انه اعلمج

ايه ٠٠٠٠٠رجع يضربني الحقير
وجدي زاح الجهاز من حلكه وضل يصيحه
ولك مرتضى شلون تضربها كدامي ؟؟
هاي ثاني مره تسويها ٠٠٠
مرتضى
جديي
ايه
الدمعه نزلت من عيوني ٠٠٠خزرته
مرتضى
متدري بيه اشلون تمردني من تخزرني بعيونها
الزرك٠٠٠
متدري بيه داموت ميت موته واني احاول مااكربلها
بت الاوادم شسوت وشعملت بيه بذاك اليوم
رجعتني لايامي من جنت اتنضرها تجي واراقبها
من بعيد ٠٠٠جاي اكابر واحاول اتعصب واضربها حته لا ابين روحي ولهفتي عليها ٠٠٠
بودي امسح دموعها واخذها الحضني ٠٠
لكن شي بداخلي يمنعني وهو حبها ال شهم اعرفها تحبه
اكرها من اتذكر شلون سلمت نفسها بكل سهوله اله
حته
اكرهه من اتذكرها جانت رخيصه الكل الوادم
الشك والغيره يمنعوني احبها
هذا الشي خلاني ازيد من اذيتي الها
وكلما اشوفها كبالي احاول اكرهه بليوم الي ولدت بي
لان اني كرهت  اليوم الي ولدت بي ٠٠وصارت كبالي
وکام حبها  ینزرع  ٠٠٠
بگلبلي ٠٠٠
صار ت الحنه وبعدها العرس وشهد صارت حرمتي
اخذتها ٠٠٠واني ماكو بعيني غير عيونها ونظراتها الي بل رايح والجاي٠٠٠كلما اشوف اخزرها ٠٠٠حجه مني
لو تكعد تتغده بلفتره الاخيره اصخرها على شغلات
تافهة حته ادكوم من كدامي واحاول الزم نفسي
بس مستحيل مااكدر ٠٠٠
الى سابع يوم جنت مقرر اسافر
اجلتها  بحجة عندي شغل مهم وهاي كلبتها مناحه
ردتها من الله كتلها ماطولج هيج
بعد شهر مادخل الغرفتج وصحتها الايه كتلها
حضري روحج اليوم يمج ابات٠٠٠٠

ايه
من يوم الحنه وهو حاط كوره بكوري ٠٠٠مرزلني على
الرايحه والجايه
مرات ابجي من سوالفه ٠٠٠يضحكهن عليه ٠٠
وهنه متونسات ويحرضن شهد عليه وهيه هم ممقصره  ٠٠٠٠ادري بيهن كلش زين
يشغلني حته ضهري ينكسر الزم روحي كوه ٠٠
خواته باقيات على گلبي مراحن البيوتهن الحد مايخلص السابع ٠٠٠
وكل شغل البيت تقريبا عليه
تنضيف مسح غسل مواعين وهنه شلون مواعين
تل خاصه الضهريه ٠٠ناس رايحه وناس جايه
وجايات
عود يشتغلن وهنه ٠٠كاعدات بلمطبخ يكرزن حب ويشربن جاي ٠٠٠خاصه فوز وهنادي شكد
يحششن على نساوين العشيره واني طبعا من ضمنهن ٠٠٠
وام مرتضى متونسه البناتها متنطي بيهن
ام ضي تحجي ومحد يسمعلها ٠٠٠
من صاحني مرتضى
جنت داغسل مواعين العشه مال السابع وأنضف بلمطبخ اجلفه اصلا محضرت السبعه ولا كعدت يمهن
اعرفهن حشاشه واكيد يسمعني حجي وتوبت من يوم الحنه ٠٠حرمني اكعد يمهن نزعت فستاني وضليت ابجي بغرفتي بيومها حته عشه متعشيت
وهو ولا يمه ٠٠ضي تمر تقريني وكمت بليوم ساعتين
بديت اعرف اكتب اسمي واسم ابويه وامي
واقرة حساب للميه واكتب الارقام ٠٠٠
بيومها
صاحني تعاي
اني من هل اليوم ابات يمج ٠٠
جنت كارهته بأسلوبه الاخير ويايه بس مكدرت ارفضه ٠٠٠شلون ارفض واني العبده المطيعه
اي نعم الساني طويل على الكل ٠٠اي وحده
تحجي الطها على حلكها بكلمه اقوى منها٠٠٠بس
الشغل ميموت بشر مجنت ضايجه اني احب الشغل
حته لو همه متقصدين اذيتي واعرف كلش زين
بس مجنت اشتكي ٠٠لان جان الوسيله حته انسه
واعيش وجهالي يجون للدنيه بسلام ٠٠٠
مااحاول اكبر الموضوع وخاصه همه حاقدين عليه
ومطايقين شوفتي ويدورولي الزله مثل شيخهم٠٠٠
كتله
صار
مرتضى
شفتها منكعه كل دشداشتها ولازمه ضهرها تتلوى من الوجع ٠٠
والدنيا شته وبرد ٠٠٠عيوني صارت بكصتي شلون هيج ٠٠
ادري بخواتي ميحبنها ٠٠٠ وهاي سوالفهن واني هم زودتها هل الايام
صحت بيهن
شنو ماكو غيرها يشتغل لو اني ماخذها خدامه الجن
كومننن يالله كل وحده تلزملها شغله انتهن جايات
توكفن بعرس اخوجن لو تحشن بلوادم
انتي شيلي هذا السم الحب واستكاين الجاي
اشرت الها
وانتي روحي نزعي دشداشتج متخافين الله ناويه تموتين جهالي
ايه انصدمت مثل البقيه لو ذابه ابره بلكاع جان انسمع صوتها
ام مرتضى
شبيك اوليدي حلمان شنو جهالي
فوز
اخوي هاي منين وشبسرعه
خزرتها وصحت هسه ترحين البيتج مااريدج بعد هنا
فوز
خويه اسفه مو قصدي بسس
ام مرتضى
فهمني اني امك

هنادي
شيفهمج عمه يكلج مرتي حامل
ام مرتضى
وهاي من يمته
مرتضى ٠٠٠نضرات ايه بجفه ونضرات امي وخواتي
والي بلبيت بجفه ٠٠٠بس هذا وكته لازم الكل يعرف
بحملها لجل احميها منهم خاصه امي هيه جايه تشوف وساكته والغبره تشتغل وهيه ساكته
ادري بيها متريد مشاكل بس مو الهل درجه
وادري بروحي طوختها واجه الوكت الازم بي اصون
الامانه واترك حقدي وره ضهري ٠٠٠
والله يعيني على مبلاني ٠٠٠

٠٠٠٠٠
شهم
من سمعت من ام سلام منين تاخذ حبوبها عرفت هاي الصيدليه المن تابعه شكد انذال ٠٠٠٠هيه
هيه المنطقه خربانه وبؤره مال فساد اخلاقي وخلقي
والدوله تايه عنهم وناسيتهم حته لو اخبر يومين وبلواسطه يطلع لان عنده من يطلعه
جبيرهم ٠٠٠يدفع ٠٠
عصابات ومافيات جاي تكبر  والله يكون بعون الناس
الي على نياتها
باوعت الملاك ٠٠٠نايمه مثل الملاك بديت اخاف
عليها خاصه من سمعت بلي صار لام سلام
الوضع ميبشر بخير لازم اطلع بنتي من هل المكان القذر ٠٠٠وشغلي بعد ماارجعله حته لو هددوني
٠٠٠ ٠٠بلقتل
الضابط عماد بذيج المره كلي ديراقبوك احذرهم
كتله لتخاف اني ابوالليل محد يكدر عليه
عماد
اي بس هم دير بالك تره احنه محتاجيك
شهم
اني اذا حافظت على روحي فلخاطر بنتي ملاك
عايش علمودها ٠٠٠جهاد شنو اخبارها
عماد
فص ملح وذاب بس نلكاها لابد تكشف
روحها  تطلع من جحرها ونلزمها وساعتها محد يخلصها مني ٠٠٠

شهم
شوكت تعرس
عماد
ابويه كلك
لا سمعت من الولد الي هناك انت خطبت
عماد
لعد بس انت تتزوج سكيتي ٠٠٠
شهم
يكون ناوي متعزمني
عماد
اشاقه وياك انت وملاك واي واحد من طرفك معزوم
بس مو هل الفتره بس خل اخلص هاي المأموريه
شهم
لتخاف تخلص ويصيرون مثل الجريديه
عماد
دير بالك تخلط بين عملك و الي  بگلبك لا تنسه
شهم
هاي رابع مره اسمعها منك
عماد
واعيد اكرر
شهم
انشاءالله احاول٠٠٠

٠٠٠٠ام سلام
هاا واليدي شو مكلت وصافن صاير شي ؟؟
شهم
ماكو شي بس تعبان وهذا عمي خابرني يريدني
اخابرها الهاي واني مطايقها
ام سلام
ميخالف اوليدي خابرها ميضيع منك شي سايسها
الحد متوصل للي تريده
شهم
هه يضيع يمه يضيع كرامتي واحترامي النفسي بديت استفقدها واني شهم معروف عني شنو ٠٠٠
فدوه الطولك  شكد حلوه بحلكك من كلتها ٠٠٠
شهم
جنت ناوي اغير اسلوبي وياها لان اعرف كلش زين
طيبه گلبها وشكد حاولت وياي واني رافض ومعند
الحد ماخسرتها الروحي ومستقبلي صار بلحضيض
رجعت حته اغير كلشي سيء سويته ودمرني بحياتي ٠٠٠
وجنت حاط على قائمه التغيير
معاملتي لام سلام لان هيه تعتبر بمثابه جدتها الملاك
وملاك تحبها ٠٠٠
لازم تحس بدفو وامان الاسره  وتعيش ٠٠٠
وتحس هاي اللحظات الي جنت فاقدها ٠٠٠اني
ماريد بنتي تعيش الي عشته
ولازم اسوي المستحيل ٠٠٠٠ولا اخليها تصير مثلي
اتفقت ويه  الضابط عماد من اخر مره رحتله
وكشفت مجموعه امور كدامه وهو مقصر من البدايه
ساعدني وكشفلي هواي  امور وبفضله وبفضل مراقبينه كدرت اخلص بنتي
بس الحد هسه ايه صورتها متروح من بالي
وكلما اسأل عماد عنها وشنو اخر الاخبار ٠٠٠
يكلي اصبر حتجيك الاخبار
الى ان ٠٠اتصل بيه وكال
عماد
ابشرك
شهم
خير
ايه بعدها عايشه
٠٠٠٠٠
٠٠٠٠

يتبع