قوم ضمني من بعد قسوتك و أوزن ضلوعي على لحن الحياة و ضمني الفصل العاشر 10 - بقلم سلطانة تجميع @storykaligi نتمنى لكم قراءة ممتعة

رفعت راسها امها بصدمه ضاق صدرها

الدكتور باستعجال مشى لعندها عقد حواجبه باستغراب من انها استفاقت من غيبوبتها !لف بسرعه وطلع ينادي الدكتور المشرف ع حالتها

ام ميهاف بصدمه ودقات قلبها السريعه امتلت عيونها بالدموع فرحه م توصف مو سايعتها الدنيا مسكت ايد بنتها : هنا

انا بجنبك ي روح امك وقلبها

عقدت ميهاف حواجبها بخفيف وعيونها شبه مفتوحه انسابت دمعه شقت طريقها الى م اختفت بين منابت

شعرها بقرب اذنها بأنفاس هاديه بالحزن اللي متقمص ملامح وجهها وهي تهمس بشفايفها الجافه حروف اسمه وبالقوه يوضح نبره صوتها

لفت بأنظارها بدون م تحرك راسها لأمها اللي بكت من فرحتها وبنفس الوقت بحزن يخالط مشاعرها !

بوفاه زوج بنتها بالحاله اللي وصلت لها دخلو الدكاتره بسرعه !

الدكتور لام ميهاف : لو سمحتي تفضلي برا خلينا نكشف عليها

طالعتهم ام ميهاف بانكسار ثم لفت ع بنتها مسحت ع راسها : بطلع الحين ي يمه ان شاء الله بعد شوي برجع لك ! الحمدلله ع سلامتك ي ضناي

رمشت ميهاف ببطئ بدون استيعاب تركت امها ايدها وطلعت بنفس مكسوره فرحتها !! الا ب ابو ميهاف داخل للممر لفت ام ميهاف شهقت لما شافته : احمد !!!

عقد حواجبه اجتمعت الافكار السوداويه بباله بهاللحظه وصل لعندها لف ع شباك الزجاج شاف الدكاتره عندها

لف بخوف ع ام ميهاف : شفيه !! صاير لها شي ! ليه متجمعين عليها !!!! هاااه !!! تكلمي بسرعه ..

ام ميهاف بنبره فرحه بين دموعها : قامت بنتنا فتحت عيونها الحمدلله يارب الحمدلله

توسعت حدقه عيونه بصدمه : هاااااه !

انتي شقاعده تقولين !

لف ع الزجاج يطالعها وهو مو مستوعب !

ام ميهاف : والله قاااامت ! والله

دمعت عيونه من الفرحه : يااارب ! يااارب لك الحمد انك حفظت لي بنتي يالله لك الحمد والشكر

تغيرت نبره ام ميهاف بحزن : بـ..س !

لف عليها ابو ميهاف من لاحظ نبرتها تغيرت

تجهم تعابير وجهه : بس وشهو !!!

ام ميهاف بضيق : تردد اسـ..ـمه

عقد حواجبه الى م استوعب تبددت عقده حواجبه وتنهد بضيق : لااااحول ولاقوه الابالله

لف يطالعها بحزن : الله يصبر قلبتس ي جنه ابوتس انتي الله يعدي هالايام بسرعه الله يعديها

دق جوال ام ميهاف وكانت ام تركي ردت بسرعه من الفرحه : هلا ي اوخيتي

ام تركي : هلابك اخبارك ؟

ام ميهاف بنبره فرح : الحمدلله الحمدلله بخير نشكر البشاره البشاره ميهاف قامت من الغيبوبه الحمدلله فتحت عيونها ..

فزت ام تركي : وشهو

لفو تركي وميعاد عليها بخوف

لفت امهم بفرحه : قامت ميهاف

فز تركي والفرحة تجتاح قلبه !!!

ميعاد بصدمه جمدت : صدق يمه تكفين قولي اللي سمعته صح ..

ام تركي بفرحه : يالله لك الحمد والله كأنه هم وانزاح عن قلبي فرحتيني هاه عساها بخير الحين !

لفت ام ميهاف تطالع ببنتها والدكاتره عندها : والله مدري وانا اختك انتظر الدكتور يطلع من عندها ويفهمنا

ام تركي : يالله بنجي شوي ان شاء الله ونتطمن

عليها وعلميني ي اوخيتي ان صار شي جديد

ام ميهاف بابتسامه : والله م قصرتو وقفتو معنا وتعبناكم

ام تركي : لاتقولين هالكلام ! حق وواجب جيران

مابيننا هالسوالف !!

ام ميهاف بابتسامه : يعطيكم العافيه والله ونعم الجيران

ام تركي : يالله ي وخيتي اشوفك شوي

ام ميهاف : ان شاءالله

وقفلت

ميعاد بفرحه وصدمه : يمه هي قامت خلاص فتحت عيونها !!!

ام تركي : اااااي الحمدلله

تنهدت ميعاد بأريحيه حطت ايدها ع قلبها : يااالله لك الحمد والشكر والله احس براحه الحين

تركي بارتباك من فرحته : يالله امشو اوديكم للمستشفى

ام تركي : يالله يالله ركبي القهوه ع النار ي ميعاد وخلينا نمر ع محل حلويات ونشتري سله حلا وورد للبنيه

ميعاد بفرحه : ابشري من عيوني ..

_

" بيت ابو صقر "

بهدوء وحزن يخيم ع هالبيت بنفسيات اقل م يوصف، عنها انها متدمره ! بضيق اختفت بهجه من يسكن بهالبيت !! كل واحد يستذكر ذكرياته مع المرحوم سيف !! دخل مشعل لعند امه بغرفتها باس راسها وايدها

وقعد ع السرير مسك ايدها : اخبارك ي جنتي انتي

ام صقر بضيق : وشهو اخباري بعد وفاه اخوك

نزل راسه مشعل بضيق : الله يرحمـ..ـه ويغفرله

ام صقر بحزن : وينه صقر ماعاد يدق ولايرسل شصـار له هناك

رفع مشعل راسه يطالعها ! هز راسه بلا : مدري والله

دقيت عليه بس م يرد ننتظر ونشوف وش يصير ..

تنهدت بضيقه : يارب عفوك ورحمتك ! يارب تربط ع قلبي ع فرقاه يارب

همس مشعل بحزن : اميـ..ن ..

" بيت ابو وصايف "

ام وصايف بانهيار بغرفتها تبكي ع ولد اختها : ااخخخ ي حرقه قلبي م شبعت من ريحه

الغاليه م شبعت منه ..

العنود وهي تهدي امها بحزن : يمه تكفين خلاص والله ذبحتي نفسك بالبكى مادري اواسيك والا اواسي بنتك اللي حابسه نفسها من اسبوع هذا قدر ربي خلاص لاتجزعون ولاتعترضون ع اللي كاتبه !

ام وصايف وهي تنوح وتضرب بايدينها ع رجولها : ااااخخ وش يريحني من بعد موته !! ماتت اختي ولحقها وانا ماشبعت منهم

نزلت دموع العنود بآسى عليها !!

_

" وصايف "

بحاله يرثى لها !من درت بالخبر دخلت بنوبه اكتئاب اعتزلت عن الكل وانطوت ع نفسها تنام وتصحى وهي تقلب بمحادثاتها معه وصوره

اللي محتفظه بها بجوالها !! م ينسمع الا صوت بكاها وشهقاتها تتحسر ع فقدانه ! اقسى شعور موجع يمر فيه ابن ادم !

_

" المانيا "

" السفاره "

صقر واعصابه تالفه بقهر بعيونه اللي يحاوطها الهالات ونفسيته المتدمره وذبول ملامحه : وبعدين معكم ! لي اسبوع ادور ع جثه اخوي !!مو قلتو بتوصل

للمطار شصار ليه م وصلت !

المدير : هد نفسك واشرب لك مويه واقعد

ونتفاهم

صقر ع اعصابه : ماابي اتفاهم !! ابي بس جواب ذاك اليوم اتصلتو علي وعلمتوني بالخبر وطلبتو مني استلم جثته بنفس الليله وانها بتوصل م شفت شي !! يعني شلون !! وش هالاهمال ! اخوي ميت والا عايش !! وين جثته دام انكم تقولون انه مات بحادث وين المستشفى وين تراكم لعبتو باعصابي كل يوم اروح وارجع لكم !!

المدير بطوله بال : متفهم شـعورك ي اخ صـ..

قطع عليه الباب يدق

المدير : تفضل !

دخل السكرتير : السلام عليكم اعذروني ع المقاطعه

توجه للمدير وسلمه الاوراق : هاذي الاوراق اللي تخص المتوفي اللي طلبتها ! والمستشفى تواصلنا معهم ويقولون الجثه موجوده بثلاجه الموتي اذا حاب اخوه

يروح حتى يتأكد ..

توسعت عيون صقر بهاللحظه بقلبه اللي انقبض !!!

_

" المستشفى "

بعد م نقلو ميهاف لغرفتها بعد الفحوصات وتاكدو انها باستقرار

ام تركي بفرحه : والله الدنيا مو سايعتني لما دريت انك قمتي !

طالعتها ميهاف بذبول ترمش ببطئ بعيونها

اللي مايله للاحمرار من الدموع اللي تحرق خدها من انسيابها م تنطق الا بكلمه وتسكت لوقت طويل

ميعاد وهي جنبها ع السرير وماسكه ايدها : ي روح اختك انتي والله كانت اصعب ايامي باللي صار فيك !

نزلت ميهاف راسها

همست بدون م تطالع فيـهم بنبره وضح فيها البكى نزلت دمعتها بحرقه مثل حرقه قلبها

: دفـ..ـنوه ؟

طالعوها بصمت بخوف ع حالها وضيق !!

رفعت عيونها دارت بأنظارها بإنكسار وضعف ودموعها تنزل وقلبها يعتصر من الالم : هـ..ـو بقبـ..ـره ؟

قامت امها بعد م حست نفسها بتبكي ! وضمتها

انهارت ميهاف بحضن امها

ضاق صدرهم عليها !!!

دخلت الممرضه : ممكن فيه يطلع برا شوي

انا بيعطي ابره

قامت ميعاد بحزن مسحت ع كتف ميهاف وطلعت

مع امها !

ام ميهاف بضيق حاضنه بنتها

قربت الدكتوره ومسكت ايد ميهاف ومسحت بمسحه طبيه وطقتها ابره مهدئه

ميهاف بشهقات تاخذ مخارج حروفها : قلبـ..ـي يعورنـ..اهخخ

انفجرت ببكى هستيري وامها تشد عليها الى م ارتخت ميهاف وخفت نبره صوتها شوي شوي وتتخذر

حتى دخلت بسبات عميق ..

-

بعد يومين

" ميهاف "

بعد م نزلت من التاكسي وحاسبته

لفت للبيت طالعته بعيونها اللي امتلت بالدموع بغصه مشت بخطوات بطيئه بكل خطوه تستذكر تفاصيل مواقفها مع سيف بحدود هالبيت كل م تقرب

يضيق صدرها اكثر ووصلت للباب بلعت ريقها

بحسره وهي بتفتحه عقدت حواجبها انه مفتوح نزلت دمعتها بظن انه نساه مفتوح قبل م يسافر

دخلت للبيت شالت نقابها برجفه لتكشف وجهها رفعت عيونها بهاللحظه

الا فز قلبها وامتلت حدقة عيونها بالدموع وملامحها اللي بهتت من الصدمة وهي تشوفه قدامها نازل من الدرج

بقت لثواني متصلبه بمكانها نشف الدم بعروقها قوست ثغرها نزلت دموعها بنبره موجعه : ســ..يـ..

صدت وانهارت ببكى هستيري ضعفت رجولها بقوتها اللي تلاشت

وتمرد الضعف بداخلها وسيطر عليها قعدت

ع العتبه قدام الدرج

بصوت مبحوح بتعب والم نفسي قبل م يكون جسدي : ياربـ..ـي اخخ ياربي

رفعت ايدينها وشالت شعرها عن وجهها لفوق راسها

غرست اصابعها بمنابت شعرها وهي تطالع بالارض بهستيريه مثل المجنونه من بين دموعها : بديـ..ت انجـ..ن

دخلت بنوبه بكى : كيـ..يف اتخيل واحد ميـ..ت قدام عيـ..وني

الا بنبره البحه بصوته الرجولي بصدمه يطالعها : ميهـ..ـاف !

جمدت ملامحها بجديه

بعدم تصديق انها تتخيل : صـ..ـ..ـوته ؟ اسمـ..ع صوتـ..ه

رفعت عيـونها ببطئ وهي ترجف ونظراتها ترتفع

من رجوله الى م وصلت لصدره ثم وجهه وارتكزت

عيونهااااا بعيونه بهاللحظه

رمشت ببطئ بالتعب اللي مبين بوجهها واصفراره ..

وعيونها بهالات وانتفاخ من كثر البكى !

عضت ع طرف شفتها بندم وتأنيب انها تتخيله

: تكفـ..ى لاتعذبنـ..ـي

عقد حواجبه وسرعان م كشر وعفس ملامح

وجهه تأوه و شد بقبضه ايده ع حديد الدرج وايده الثانيه ع جرحه

بلحظه م سمعت تأوهه توسعت حدقه عيونها قامت وبالقوه توقف ع حيلها من الرجفه قربت له بخطوات بطيئه ودقات قلبها باضطراب لحد م قربت له ووقفت

قباله رفعت ايدها اللي ترجف لمست بأطراف اصابعها وجهه بشك مثل المجنونه بشك انها تتوهم لما تحسست بإيدها وجهه وشعر عوارضه

سحبت ايدها بسرعه وشهقت بشهقه قويه ! بدت شهقاتها تتعالى نطق بشك وصدمه من حالتها بهمس : شفـ..يك ؟

م حس فيها الا وهي حاوطت ايدينها حول

خصره ودفنت وجهها بصدره العاري

وانهارت بالبكى بصوت عالي ارتد هو ع ورا بخطوه لما ارتمت بحضنه

وغمض عيونه وتأوه لما آلمه جرحه : ميـ..ـهاف بشويش

اجهشت بالبكى وهي متمسكه فيه بقوه

فتح عيونه ببطئ وعقد حواجبه بصدمه متصنم بمكانه بعدم استيعاب باللي صار !

ميهاف تضمه ؟؟؟ حس انه بحلم مو حقيقه ! وهو يعرف بتوتر الوضع بينهم ! وش اللي تغير !!! ليه هي بهالحاله

وتبكي !!

توسعت عيونه بصدمه اول م طرى بباله افكار سوداويه

نطق بخوف : ميهـ..ـاف

بدقات قلبه السريعه اللي حست فيها ميهاف

رفعت راسها عن صدره بعيونها الحمرا المليانه

بالدموع عضت ع شفتها السفليه

صدت عنه بهاللحظه الا ابعد ايده عن جرحه

وحاوط فيها ع خصرها حتى يثبتها وماتتهرب منه

ويطالعها بخوف : شفيه ؟

وهي صاده عنه ببكى تشهق رفعت ايدها وغطت

فيه عيونها قرب من وجهها ونزل راسه يطالعها وبالقوه يتحمل الم

جرحه ونغزاته : طالعيني !حطي

عينك بعيني

غمضت عيونها تشهق

سيف بقله صبر من خوفه : حطي عينك بعيني قلت

ميهاف بتأنيب م فيها القوه انها تطالعه !!

فتح عيونه وع اعصابه لف عليها مسك ايدها اللي ع عيونها ونزلها ومسكها من دقنها ورفع راسها له لتلتقي

عيونها بعيونه بهاللحظه جمدت سيف وهو قد م يقدر يحاول يتحمل :

انطقي اهلي فيهم شي !؟؟ هااه !!

عقدت حواجبها بهاللحظه !

سيف بخوف : تكلمي لاتحرقين اعصابي

هزت راسها ببطئ بنفي همست : لـ..ـلا

غمض عيونه نزل ايده وتنهد بتنهيده عميقه براحه وارتخت اكتافه : الحمدلله

اما هي تطالعه بنظرات غريبه ! تتفحص ادق تفاصيل

ملامحه !! مو مستوعبه ادنى استيعاب انه هو واقف قبالها ؟ بلحمه ودمه ! مو مستوعبه انها تسمع انفاسه مو مستوعبه انها بين ايديه ! مو مستوعبه ان عيونها تلتقي بعيونه ! ترمش ببطئ بلحظه صمت بينها وبين نفسها باللي قاعد يصير !! شوفته شتت لها افكارها ! لخبط

دقات قلبها ! فتح عيونه بلحظه م طالعها وانظارهم ببعض نزلت عيونها بسرعه بارتباك !!

عقد حواجبه من حالتها الغريبه ! من تغيرها !! كيف كانت لما تركها وكيف صارت بعد م رجع !

م حس الا لما شهقت رفعت راسها بوسع

عيونها : هذا وشهو !

زاد من تعقيده حواجبه

ميهاف بصدمه نزلت عيونها بعدم تصديق تطالع بجرحه اللي مغطيه شاش ابيض تحت

خصره ! رفعت راسها له بعدم استيعااب نظراتها تتنقل بسرعه بين عيونه بدقات قلبها السريعه بفجعه بدت تنتفض من الخوف ! : وشـ..هو ذا ؟

حط ايدينه وحضن وجهها بين كفوفه وبنبره

دافيه وهاديه : اهدي ..

امتلت عيونها بالدموع لاشعوريا

لاحظ فيها البكيه وهو حاضن وجهها بكفوفه حط اصبعه الابهام ع شفايفه يسكتها : اشش اشش !بتعذبين قلبك بالنكد والصياح انتي ؟

سيف بشك : قولي لي شفيك ؟ شصاير ؟ وليش جايه البيت بهالوقت !! نزلت عيونها ع جرحه بس رفع راسها بايدينه : طالعي فيني وخلي عنك جرحي !

رفعت عيونها بغصه تطالعه واجهشت بالبكى

حاوطت بايدينها ع رقبته وضمته بقوة عقد حواجبه باستغراب حاوط ايده ع خصرها وضحك بصدمه بوسط تألمه : لهالدرجه مشتاقه لي ؟

ابتسمت بغيض بعدت عنه وضربته ع كتفه

وعيونها بعيونه من بين دموعها : وجع

كشر بابتسامه خفيفه بوسط تألمهه : بشويـ..ش علي

عقدت حواجبها بهاللحظه نزلت عيونها ع جرحه تطالعه

سيف باستغراب واستنكار : م جاوبتيني !

رفعت عيونها له !

استرسل سيف بشك : وش جايبك وليش تبكين ؟

طالعته بانكسار عقلها مو مستوعب انه قدامها !

صدت ومشت بخطوات بائسه بعد استيعاب دخلت للصاله وقعدت ع الكنب غرست اصابعها بشعرها شدت ع ايدينها وغمضت عيونها بقوه وهي تحاول تستوعب !! كيف وصل لها خبر موته ! كيف انتشر هالخبر ! كيف قالو ان اخوه بيستلم جثته كيف رجع ؟

كيف هو حي ؟؟

مشى بخطوات هاديه عشان جرحه ووقف قبالها

واستند بايده ع ديكور الكرسي وهو يطالعها

والف سؤال وسؤال يدور براسه !!!

تأففت ميهاف بضجر : بينفجر راسي !!! ياربي

ابعدت ايدينها عن راسها ومانزلتها باقي بقرب

ايدينها من راسها وهي مغمضه عيونها تحاول

تحل الالغاز الغامضه : كـ..يف ؟؟ فتحت عيونها ورفعتها له تطالعه بدهشه : كيـ..ف !!! كيف انت حي ؟؟؟

استعدل بوقفته بهاللحظه وعقد حواجبه باستنكار من كلمتها : وش قلتـ..ـي ؟

ميهاف بصدمه : كيف انت حي !!!! هزت راسها بعدم تصديق : انا اتخيل !!! احلم ؟؟؟ والا الغيبوبه اثرت علي !!

رفع حواجبه بهاللحظه بصدمه : دقيقه دقيقه !!! مشى لها ووقف قبالها بعدم تصديق باللي وصل لمسامعه

: قلتي غيبوبه ؟؟ والا انا غلطان ؟

ارتخت اكتافها بضيق وصدت : ياربي شقاعد

يصير !!

قعد ع طرف الطاوله قدامها بتأوهات بسيطه : طالعيني وقولي لي كل شـي !

لفت عليه بهاللحظه ونظراتها تتنقل بين عيونه : وش اقـ..ول !!! كيف اهلك بيصدقون انك عايش !!

رفع حاجبه بدهشه : ليه مت انا ؟

طالعته بغيض : تستهبل انت !!

ضحك بخفه : لاوالله صادق

ابتسمت من ضحكته نزلت راسها وحطت ايدها ع جبينها : ياربي عقلي مو مستوعب !!

تلاشت ضحكه سيف بجديه : قولي لي شفيه !

رفعت عيونها له اخذت نفس عميق واستقامت بظهرها

وزفرت بهدوء وبدت تقول له كل شي بوسط اهتمامه بسماعها وتفاجئ باللي يسمعه

وانفجر بضحك !!

عقدت ميهاف حواجبها من رده فعله !!!

ميهاف باستغراب ترمش : وش اللي يضحك ؟

صد ونزل راسه وغطى عيونه بايده

يضحك ! بوسط نظرات ميهاف باستنكار !! : ليش تضحك ؟

نزل ايده من ع عيونه الى دقنه ورفع عيونه لها

وهو كابح بضحكته : لايكون سويتو لي عزا بدون جثه ؟

كشرت بغيض وبقهر : سيف ترا اتكلم بجد !!

نزل راسه ودخل بنوبه ضحك

اما هي بانزعاج من استهتاره : ااي اضحك

م تدري باللي صار فيهم !!

رفع نفسه واستقام بظهره رفع راسه فوق وحط ايده

ع جرحه بتألم

تأوهه : اخخخ ماقدر اضحك

ميهاف بقهر : احسن

نزل راسه يطالعها : شفيك حاقده علي ! مو قبل شوي بغيتي تموتين من فرحتك فيني !

طالعته بحقد : م تستاااهل

قام وهو بيعدل بوقفته بس شهق من قوه الالم

نزل راسه وغمض عيونه بقوه رص بايده ع جرحه

فز قلبها بخوف وقفت : شفيك !!!

عقد حواجبه من الالم فتح عيونه ببطئ بعد م خف الالم

رفع نظراته لها : مافيـ..ني شي

ميهاف بقهر : م تبي تعلمني من وشهو هذا !

تنهد بتنهيده عميقه : جرح خفيف

ميهاف بنظرات ازدراء : لا بالله شايفني بزر !!

طالعها بهدوء يبي يغيضها : من متى كبرتي اصلاً !

ردت بقهر : انت سافرت ورجعت بدون عقلك

ابتسم بابتسامه جانبيه : عذري من اللي شفته

عقدت حواجبها بسرعه : وش شفت !

تنهد ولف ومشى : ولاشي

تنرفزت منه لحقته :

راسي بينفجر من التفكير !!!

وقف وقفت هي وراه ! لف عليها : الا دقيقه !!

ميهاف : يالله تكلم ريحني !!

سيف بجديه : م قلتي لي عن الغيبوبه انتي كنتي بغيبوبه !!

ارتخت اكتافها وتنهدت : الحين رحمتني !!

رفع حاجبه بدهشه : يعني صح !!!

رفعت ايدها تضغط ع جبينها وايدها الثانيه ع خصرها غمضت عيونها وهمست : ايـ..هه

طالعها بصدمه وفتحت عيونها ونزلت ايدينها : مو مهمم هذا !! اللي يهم انت كيف رجعت !! وش خبر وفاتك وكيف قالو انك ميت وانت عايش ؟ ليه قالو تعالو استلمو جثته !!! سيف فهمني ! والله بنجن من التفكير

ابتسم سيف وقرب لها : من خوفك علي يعني ؟

رجعت هي بخطوه ع ورا !

عقد سيف حواجبه بوسط ابتسامته : دخلتي غيبوبه بسببي

اما هي تطالعه من فوق لتحت وترجع ع ورا بارتباك منه !

سيف بابتسامه : لو ادري انه بتوصل كذا كان م سافرت

اما هي ضربت دقات قلبها بسببه بلعت ريقها

اصطدمت بالطاوله بلعت ريقها بارتباك هو استغل

وقوفها وقرب لها ونظراتها تنتقل بين عيونه بسرعه

لما وقف قرب زياده لها

لدرجه انه احنى ظهره بسبب فرق الطول ووجهه بوجهها بانفاسه الدافيه يلفحها

همس بابتسامه هاديه وعيونه بعيونها : لهالدرجه اثر فيك موتي؟

بلعت ريقها وهي تنتفض من الخوف

اتسعت ابتسامته وابتعد عنها بهدوء وراح

للمطبخ بهاللحظه هي غمضت عيونها وتنهدت بتنهيده طويله بعد م انتظمت دقات قلبها

فتحت عيونها بهدوء ولحقته للمطبخ بلحظه م هو طلع المحلول والقطن وبيلف بدون شعور

كان يفكر بشي وم انتبه لنفسه الا ضرب

حافه الطاوله اللي بنص المكتب من خصره

شهق بقوه وتأوه بهاللحظه انحنى بظهره

طاح اللي بايدينه استند بسرعه

ع الطاوله وغمض عيونه بقوه !! اما هي

شهقت بخوف مشت لعنده بسرعه وهي تنتفض

مرعوبه : فيك شي !

بلع ريقه من بين انفاسه السريعه وجرحه

يوجعه ويلسعه ميهاف بخوف مشتته : لاتتحرك

قعد يتنفس بأنفاس مسموعه لدقايق

فتح عيونه وهو يطالع بالطاوله شوي و

رفع نفسه بهدوء : خلاص ! عطيني القطن .

طالعته باستغراب !! نزلت واخذت القطن والمحلول

لف

مشى بخطوات بطيئه وهي جنبه تطالعه بحذر

وخوف ! وهو بيصعد الدرج مسكت ايده ساعدته لحد م وصل

لفوق ودخل غرفته وهو محني ظهره م يقدر يستقيم

من الالم يحس بنغزات !! لحد م وصلو لغرفته انسدح بنص السرير غمض عيونه وهو يتنفس بانفاس سريعه

غطى بذراعه ع عيونه

ميهاف بخوف : مافيه مسكنات !

بلع ريقه وهمس : بعد شوي بيخف

ميهاف بربكه : متأكد

سيف : ايـ..ـه

طالعته بشك وتردد : طيب بروح اتسبح والبس ان بغيت شي نادني والا دق ع جوالي بخلي باب الغرفه مفتوح

همس : طيـ..ب

تركته وهي بهم وقلق دخلت لغرفتها ولحمامها " يكرم القارئ"

تروشت بسرعه وطلعت مشطت شعرها بعد م جففته ورفعته فوق

لبست بجامه وطلعت باستعجال توجهت لعنده

دخلت تنهدت براحه انه باقي قايم

قربت له ونطقت بخوف : خف الالم ؟؟

رمش ببطئ وبدأ جسمه يتخدر همس: اي اخذت مسكن

بلع ريقه واسترسل : روحي نامـ..ـي مافيني شي

طالعته بتردد وهمست : بنام عنـ..دك

عقد حواجبه وهو يطالعها وهمس بتعب : منسدح بالنص ولاقدر اتحرك وين بتنامين ؟

ميهاف : عادي يكفيني

صد وغمض عيونه بتنهد : طيب طفي النـور وقفلي الباب

ميهاف بتردد : مارتاح كذا

فتح عيونه ولف عليها باستنكار : بس انا ارتـ..ـاح كذا بعدين انا جنبك ليه تخافيـ..ن ؟

تنهدت باستسلام طفت النور وقفلت الباب مشت لعنده بحذر وانسدحت ع طرف السرير اما هو غمض عيونه وهو منسدح ع ظهره

م حست ميهاف بنفسها الا نعست ودخلت بسبات من التعب

اما هو م قدر فتح عيونه لف عليها حس انها بتطيح من تحركها

رفع راسه يضغط ع نفسه سحبها لحضنه حتى م تطيح وحاوط بايده ع خصرها

-

" الساعه ٧:٢٣ ص "

سيف وميهاف

فتحت عيونها ببطئ وهي ترمش عقدت حواجبها

باستغراب لما انتبهت انه مو جنبها ! قامت بسرعه تدوره طلعت من الغرفه

صادفته طالع من غرفتها وشايل جوالها : جوالك بيحترق كثر م يدقون اهلك !

توسعت عيونها بدهشه : يوه !!! نسيتهم

اختطفت الجوال بسرعه منهم واتصلت عليهم اما سيف دخل غرفته

على طول ردت امها بخوف وفجعه : الووو !! ميهاف !!

ميهاف بارتباك : هـ..ـلا

امها بخوف : وينك ؟؟؟ مالقيتك بالسرير !!!! ولابالمستشفى وينك فيه ؟؟

بلعت ريقها بتوتر : انـ..ـا !! برجع ان شاءالله شوي

امها بصدمه : وشهو وش ترجعين شوي !! بغينا نموت من خوفنا عليك وتقولين شوي بترجعين والله ابوك معصب م بقى احد بالمستشفى م سأله متى طلعتي ! وين رحتي وين !!

ميهاف : قولي له اني بخير وبرجع واقولكم ع كل شي يالله لازم اقفل مع السلامـه

ام ميهاف : مع السلامة..

سكرت الخط ! ابعدت ام ميهاف جوالها عنها تطالعه !! : اخخ بس اخخخ والله مارحمك ي ميهاف لاكسر هالجوال ع راسك !! انا وش اقول له الحين ! والله بياكلني من العصبيه !

نزلت ميهاف جوالها واخذت نفس دخلت للحمام وانتم بكرامه

اما سيف رن جواله اخذ تي شيرته وطلع اخذ جواله من على الطاوله

شاف رقم غريب شك !لف وقفل الباب ورد

الا بصوت المجهول : صباح الخير

رفع حاجبه سيف : وش تبي بعد ! ن

زل المجهول كوب الحليب ع الطاوله : افا هذا

رد تجازي فيه اللي انقذك بذاك اليوم من بعد الله!

ابتسم سيف بسخريه : ماشاء الله طلعت تعرف ربك !

المجهول : انت تدين لي بحياتك !

سيف : ليتني مت ولا شفت تمننك هذا علي !

ابتسم المجهول : افا م اتمنن ! بس تقدر تقول

اني قاعد اذكرك بفضلي عليك ! كان المفروض انت بقبرك ! لو اني م دخلتك باكبر مستشفيات المانيا وبنفسي اشرفت ع حالتك وكنت معك !

سيف بنظرات برود : ليتني بس شفت وجهك وقتها !

قطع عليه ضحكه المجهول بسخريه : لاتستعجل

رفع سيف حاجبه بشك !! : انت اللي وصلت لاهلي خبر وفاتي بكذب !

المجهول : تقدر تقول اني حبيت العب باعصابهم شوي

سيف بنبره ثقيله بتهديد : اهلي وزوجتي لو اشوف بس انك تمس شي منهم والله لاقلع عيونك بايديني !

ضحك المجهول بخفه : تعافى انت بالاول وبعده هدد !

سيف : حتـ..

قفل الخط بوجهه !!

عض سيف ع شفته السفليه وغمض عيونه وهو يكبح اعصابه

فتحت ميهاف الباب : شتبي ع الفطور !

فتح عيونه ببطئ وهو يلبس التي شيرت بهدوء : بروح لأهلي و بفطر عندهم ..

.

ميهاف : طيب خله بكره والا الليل عشان ترتاح شوي

لف عليها : مشتاق لهم يكفي اللي هم عايشين فيه مابي هاليوم يكون كئيب لهم

تنهدت : براحتك

سيف : ماراح تروحين معي ؟

ميهاف : لا البيت يبي له تنظيف شهر عنه

رفع حاجبه : تنظفينه وانتي تعبانه ؟

ميهاف : مافيني الا العافيه

اخذ مفاتيحه وبايده جواله ومر جنبها : براحتك

نزل لتحت بخطوات هاديه ونزلت معه ميهاف وصل للباب وهو بيطلع الا قاطعته ميهاف : انتبه ع جرحك !! لاتنسى انك م تعافيت !

لف عليها وابتسم بنبره هاديه : طيب

ولف وطلع تنهدت ميهاف بتنهيده عميقه وقفلت الباب

ركب سيارته وحرك بهدوء !

بعد م وصل وقف سيارته ورفع عيونه يطالع ببيتهم حس بتردد ! شعور صعب انه يدخل عليهم فجأه !!! اخذ نفس عميق طفى سيارته وفتح الباب ونزل بشويش ! مشى بخطوات هاديه متوجه للبيت دق جرس الباب بانتظار وربكه ! اما ميري فتحت الباب شهقت ورجعت ع ورا بسرعه حطت ايدها ع صدرها : بسم لله !!! قلب اناااااا بيوقف !!

ابتسم سيف ع صدمتها ! ودخل

مشعل مع امه باستغراب : شفيها ذي تشاهق !

ام صقر بدون نفس : ماعلي منها

تنهد مشعل الا توسعت حدقة عيونه بصدمة ! فو من مكانه بسرعه !!! بهول الصدمه !!

سيف بابتسامه : السلام عليكم

فز قلب ام صقر من سمعت صوته لفت بقت عيونها !!!!

ميري باستعجال ركضت فوق تبشر بيادر وعريب !!! اللي ماااااهي اقل من دقيقه !!!! الا نزلوا بسرعة يركضون

مشعل وهو ينتفض من الصدمه : سـ..ـ..يف؟

امتلت عيون ام صقر بالدموع بدون م تنطق ب ولا كلمه !! اتسعت ابتسامه سيف : شفيك ؟

مشى له مشعل بخطوات سريعه حضنه بقوه غمض سيف عيونه بتأوه بسيط من جرحه لما ضمه وهو يبتسم !!

ام صقر من هول صدمتها تطالع فيه !!

صرخت عريب : سيف !!

ابتعد سيف ع مشعل ولف عليها ركضت وضمته بقوه : ماصدق عيوني ما اصدق !

ابتسسم : م طمعتو اني اموت شكلكم !!

رفع عيونه لبيادر اللي متجمده بمكانها بفجعه حاطه ايدهاع فمها مد ايده سيف لها : تعالي ي عيون اخوك

نزلت دموعها بهاللحظه بغصه مشت له بسرعه وضمته ..

مشعل : الوليد نايم !! ركض له فوق يقومه ! الوليد بنعاس يقاومه اما مشعل سحبه تأفف الوليد بشوشته وحاله مكركب

نزل وهو م يشوف دربه

من النعاس وقفه مشعل قبال سيف

عقد الوليد حواجبه ! وسرعان م بقق عيونه بفجعه لف ع مشعل ثم لف ع سيف : بسسم لله الرحمن الرحيم

اعوذ بكلمات الله التامات ..

ضحك سيف مسكه وسحبه وضمه

الوليد بصدمه وعدم استيعاب : بسم لله جثه تحضني !

ضربه سيف ع ظهره وهو ضامه : صحصح ي ثور

ابتعد عن الوليد اللي طالعه بعدم استيعاب

: ششـ..ـلون ؟

سيف : شكلك مو مستانس اني حي !

رمش الوليد بلعثمه : اي !

رفع سيف حاجبه باستنكار !!

ارتبك الوليد : لالا اقصد لا مستانس اكيد بس

كيف ؟ شلون ؟

طالعه سيف ثم لف ع ام صقر ابتسم بابتسامه

هاديه بنظرات الحنيه بعيونه همس : يمه !! نزلت دموعها بغصه مشى لها بخطوات سريعه

بشوق ولهفه باس راسها

ومسك ايدينها يبوسها بقوه سحبت ايدينها

منه رفع راسه لها امتلت عيونه بالدموع بهاللحظه وهو يشوف محاجر عيونها ممتليه بالدموع

ضمته بقوه واجهشت بالبكى

ام صقر بعدم تصديق : اخ ي وليدي اخ !!! والله احترق قلبي من بعدك والله !!!

سيف : مشتاق لك والله مشتااق

اما اخوانه بحاله حزن ممزوج بفرحه مو مستوعبين اللي يشوفونه !!! بشك انهم بحلم والا واقع؟؟؟

ابتعد سيف عنها وابتسم باس راسها مسح دموعه

ولف عليهم : شفيكم !!! هذاي رجعت خلاص

عاد وانتم بس شغالين نكد وصياح !!

مشعل : عشانك نبكي !!

ضربته ام صقر ع كتفه بعتاب وعصبيه : كله منك كله

لف عليها وكشر وجهه بتألم بسيط : شفيك علي ؟

ام صقر بعصبيه : اسبوع نعنبو حيك اسبوع؟؟ بضيك وقهر ومحزنين !!! اسبوع وانت م ترفع السماعه الله لايبارك ف عدوك وتعلمنا هااااه !!!! جااااي وراز طولك وخشتك قدامنا ياذا الفره فرته تكركر !! بلااك م حسيت ف الهم والضيم اللي حنا فيه الله يعطي عدوك الهم والغم ي جعلك تبتسي " تبكي "

مثل م بكيت وتتقلب الليله ولاااتنام ..

فتح عيونه بدهشه : افاااا

الوليد : ااااااي اديلو ي امي اديلو !!!

عريب : بردي حرتي فيه

ام صقر بنرفزه : لالا بخلي صقر يتوطاه توطي ..

عقد سيف حواجبه باستغراب تلفت حوله : الا صدق وينه !!! م شفته !

مشعل : سافر لالمانيا يدور جثتك ي الطيب

رفع حاجبه سيف بدهشه : بالمانيا !!!

ام صقر : اقعد اقعد عطني اخبارك والله ماراح تنفك مني اليوم ..

قعدو كلهم !

سيف باستغراب : وين ابوي ؟

بهاللحظه انفتح الباب !

بيادر : هذا هو ابوي اكيد ..

دخل صقر بحاله تعب وارهاق وبيأس ان م طلعت

جثته اللي بالمستشفى كان شبه مجنون من كثر التفكير

أول م رفع عيونه لما دخل الصاله قام سيف له

تصلب صقر بهاللحظه حس قلبه توقف !!!!

وعيونه تتنقل بين عيون سيف بعدم استيعاب !

الوليد بدهشه : اوه جاء ماشاء الله شهاليوم المبارك؟؟؟

مشعل بضحك : شكله صنم الاخ !!

ام صقر بفرحه : الحمدلله ع سلامتك

ي يمه يالله لك الحمد انه جمعكم عقبال م تدوم يارب

عقد حواجبه صقر ضيق عيونه بتدقيق ب سيف

وهو دمه يحس نشف بعروقه مو مستوعب

مد ايدينه سيف بابتسامه : شدعوه ! م فرحت !!

رفع حاجبه صقر الا وجهه تلون للاحمر

عريب بتفاجئ: يمه يمه !!! شكله عصب

مشعل : شوفو اذانيه قلبت حمرا !!

مشى له صقر بخطوات سريعه !!! اتسعت ابتسامه سيف وقرب وهو باسط ايدينه

ع امل انه بيحضنه !! م حس الا بضربه

ع صدره بقوه ارتد سيف ع ورا بألم

مسكه صقر من ياقته بكل قهر وعصبيه

مو واعي بنفسه حتى من الصدمه !!! : تلعب فيني !!!!!

طاح سيف ع الكنب صقر وهو يضربه

غمض عيونه سيف بقوه مايدري يضحك والا يتألم من جرحه ..

ام صقر بفزعه تشد صقر من تي شيرته : هااااه اشوفك انهبلت

قوم عنه ي المجنون .

صقر وهو يضرب بسيف : خليني ابرد حرتي

ب هالكلب !!!!

الوليد بضحك : كفو والله كفو !

لفت ام صقر ع الوليد : انت والله ان م تنطم لا اخليك تذوق ضربه هاه !!!

عريب وهي تشوف سيف لما يتأوه من الضرب : خلاص خلاص كتمته حرام عليك !!!

ابتعد صقر وهو عاض ع شفته السفليه وينتفض

من القهر ويطالع ب سيف بحقد !

سيف وهو منسدح ع جنبه اليمين اللي فيه جرحه ومنطوي ع نفسه ووجهه قبالهم !! فتح عيونه بخفيف

يطالع ب صقر اللي صدره يعلو ويهبط ويطالعه !!

ابتسم سيف بخفهه

صقر : فيك حيل ماشاء الله !!!

غمض سيف عيونه وهو يحس بنغزات بجرحه ضغط عليه !!!

رفع نفسه بخفيف ويحاول قد م يقدر يتصنع العافيه قدامهم حتى م يشكون فيه !! وكابح الالم بداخله

تنهد ولف ع امه باس ايدها وراسها !

ام صقر بعتاب : هذا بدال م تضمه وتبوس راسه اخوك الكبير وتتحمد ع سلامته تقوم تهبده ! جعل ابليسك

للهابود اللي يهبده !! طالع صقر بامه و رفع حاجبه بسخريه : ابوس راس !!!! لف ع سيف بننظرات ازدراء : هذا اللي ناقص !!! وين الكبير !!!! مابيني وبينه الا كم شهر ويخسى ولايستاهل !!!!

مشو له اخوانه وسلمو عليه ويتحمدون له بالسلامه ع رجعته من السفر

قام سيف وابتسم : الحمدلله ع سلامتك

صقر : كل تبن لا اكمل عليك الحين !!

ام صقر : اقول راض اخوك انت الثاني بس وخلوني اشوف الفطور ! طول !

قامت بيادر : بجي اساعدك

وطلعو

سيف : افاا م تبي تسلم

طالعه صقر بحقد لثانيه ! ثم قرب وسلم عليه سلام بارد

وصد وقعد

الوليد : احلم ي دكتور سيف ان اخ صقر يرضى بسرعه هذا م يصدق يلقى زله حتى يزعل !

صقر : انت شكل جلدك يحكك !

مشعل : معليش معليش ي اخ صقر عندك سيف حط حرتك فيه ! بس توأمي لاتقرب عليه !! لاتدخلونا ف مشاكلكم !

ام صقر وبيادر يجهزون الفطور ع الطاوله

ام صقر : يالله تعالو افطرو

قامو كلهم وقام سيف وهو بيمشي واستنكر جلوس صقر

: م تبي تفطر !

مسح صقر بايدينه ع وجهه واستند ع ورا : لا

سيف : لاعاد م عندنا حركات الدلع ؟ قم افطر

صقر : مابي غصب هو ؟

قعد سيف : براحتك اجل حتى انا مابي !

طالعه صقر بنظرات ازدراء : ترا انت الكبير ! لاتسوي هالحركات الماصخه !

سيف : قم افطر اجل !

طالعه صقر لثواني و سرعان م تغيرت نظراته للهفه وحنيه مسك سيف وسحبه ووقفه وضمه

ضحك سيف : ادري فيك م تقوى ع فراقي !

صقر : تبيني اصفقك !

ضحك سيف : لا تكفى مو ناقص !

ام صقر بابتسامه ونظرات الحنيه بعيونها : يالله يارب انه م يفرق شملكم ويجمعكم ع طاعته

مشعل : امين يارب

الوليد : خلاص فكو بعض ! تعالو افطرو ميت جوع انا

ابتعد صقر : صدقني ماراح امشيها لك بااقي وراك يوم طويل ماراح تفتك مني

سيف : الله يعيني اجل !! مشو وقعدو ع الطاوله يفطرون

وسيف قد م يقدر يحاول يتقمص الهدوء عكس جرحه اللي التهب عليه من بعد ضربته امس بالطاوله !

وغير ضرب صقر له خلاه يضغط ع جنبه اليمين !

يحاول يكمل فطوره بهدوء

ام صقر بعتاب : هاه ! وراه م تاكل يمه !

رفع سيف عيونه لها : هلا ! الا اكل شفيك !

طالعه صقر : لايكون مسوي دايت الاخ !

سيف ؛ مخلين الدايت لك

طالعه صقر بطرف عينه : نعم !!! ليه وش فيه جسمي كل رجال يتمناه !

الوليد : اموت انا ع الواثقين

لف صقر : اجل تبيني اكون معصقل مثلك ؟

مشعل : كل تبن والله اجسامنا زينه عاد ! لاتغلط !

سيف : جسمي مثل ماهو حتى لما تركت النادي

م تغير كثير !!

صقر : ع الاقل انا للحين مكمل بالنادي !

سيف : خلاص استسلم قدامك

صقر : كمل فطورك بس

ام صقر : الحمدلله والشكر تحرمون نفسكم من نعمه انعمها الله عليكم عشان جسم مرده للدود بالقبر ؟؟؟

بيادر بضحك : والله ي يمه عليك درر !

عريب : تعجبيني

صقر : ي حبك ي يمه للتحطيم

استند سيف ع ورا واخذ مويه وشرب بدأ جرحه يضغط عليه اكثر واكثر ! ناسي ادويه المسكنات ببيته

لف صقر يطالعه عقد حواجبه بمعنى شفيك!

لف سيف يطالعه باستغراب وهو يشرب مويته هز راسه

بمعنى ليه تطالعني !

صد صقر باستغراب وكمل فطوره !

نزل سيف كاس المويه ع الطاوله استقام بظهره

حط ايده اليسار ع جرحه اللي بجنبه اليمين

حاول يكمل فطوره برغم ان بدأ الارهاق ع وجهه

اكثر من اول وهو كابح الالم !

رفع عيونه حاول يقطع الصمت ويبعد انظارهم

عنه : وين ابوي غريبه م افطر ؟؟

صقر باستغراب توه استوعب تلفت حوله : الا والله صدق وينه لايكون مسافر !

الوليد : مدري والله له يومين م جا تلقونه بيرتاح ..

مشعل : حسباله ولده مات ! لازم يشوفه حتى يصدق

سيف بضحك : ي حسافه العزا اللي راح ع الفاضي!

عريب باستغراب : م سوينا عزا !

عقد حواجبه سيف التفت عليهم !!

مشعل : حلف صقر محد يسوي عزا الا لما يجيب جثتك ع انك ميت وكذا ! بنفسه

لف يطالع بصقر بدهشه : صدق ؟

صقر : اجل يكذبون بالله عليك فكر كيف ندفنك ي حمار نسوي عزا بدون جثه ودفن ؟

الوليد بضحك : والله صقر م يمزح واضح انه مضغوط

صقر : بعذري والله اسبوع وانا افرفر بشوارع المانيا وبين السفاره والمستشفيات وبالاخير يطلع حي ولا يتصل ولايعلم !!!!

سيف : م قدرت !

صقر : اعلمك كيف تقدر ! انكتم وافطر قدامي يالله

الوليد وهو يغمز لسيف : ماعليه هذا تعب السفر سلك له

صقر : انت ابلع واسكت

الوليد : ابشر ..

-

" ميهاف "

بدت تنظيف من المطبخ وبعد م خلصت

صعدت لفوق ونظفت غرفته ورتبت ملابسه

والكومدينا استنكرت ادويته ! م اخذها : غريبه ! مو هاذي مسكنات ؟ ليه م اخذه

هزت اكتافها بجهل رتبته ونظفت الحمام وطلعت

لغرفتها وكملت تنظفها قطع عليها رنين

جوالها اخذته من ع السرير شافت

رقمه ! بهاللحظه جمدت لوهله م تدري

ليه هالشعور يفرق الحين !!! اخذت نفس عميق وردت : الو

تركي باستعجال وخوف : ووينك ليه م تردين !

ميهاف : م سمعت الجوال

تركي بصدمه : ليه طلعتي من المستشفى وين رحتي لحالك ؟

ميهاف : اضطريت اطلع

تركي : بالله عليك !! ولحالك ؟ حتى اهلك م يدرون !!!

ميهاف : رجعت لبيتي

تركي : وينك مو بالبيت اصلاً ابوك هناك

ميهاف : اقصد بيتي انا مو بيت اهلي

عقد حواجبه : بيتك شسالفه ؟؟ ليه رجعتي هناك لحالك وش تسوين ؟

ميهاف بارتياح : سيف رجع ليه ابقى عندهم ؟

غمض عيونه وبقله صبر : ميهااف !! ميهاف ركزي معي

فتح عيونه وتنهد : اذكري ربك واستهدي فيه الرجال توفى والله اخذ امانته ! ادعي له بالرحمه والمغفره

ميهاف : هو عايـ..

قاطعها تركي : اسمعي ادري ومقدر وضعك والله واللي انتي فيه وماتنلامين هالشي مو هين بس لاتضغطين ع نفسك وع قلبك ! وتمشين ورا هالافكار ! ارجعي لاهلك وادعي له بالرحمه هذا يومه ومقدر !

ميهاف بانفعال : مو مجنونه انا ! اقولك عايش والله.. .

تركي : ي بنت الحلال ارضي باللي كتبه الله

ميهاف بقهر : اقولك م مات م تفهم انت لازم تشوفه بنفسك ! روح تأكد من اخوه !! هذا هو راح لاهله يسلم عليهم اذا مو مصدقني دق ع اخوه واسأل

عقد حواجبه تركي وحس بجديه الموضوع : تمزحين انتي !!!

ميهاف بجديه وانفعال : اااي ترا عقلي موجود براسي تطمن م انجنيت اللي صار انهم تلخبطو بوفاته ! روح تأكد وشوف

تركي بصدمه : متأكده !!!!

ميهاف : اجل امزح معك؟؟؟

تركي : مو مشكله بسأل مشعل بس ارجعي لبيتكم ..

ميهاف : ماقدر ارجع وهو تعبان

تركي : لاحول ولاقوه الا بالله !!!! انتي وش سالفتك ؟؟

ميهاف : بقفل يالله مع السلامه

تركي : اصبـ..

قفلت الخط ! ابعد الجوال عنه يطالع بصدمه : هاذي شفيها قفلت !!!! بسم لله ي انها انجنت او فيه شي !!! مو معقول اللي تقوله !!! ارسل ع مشعل انه يدق عليه اذا هو قايم !

حتى بس يتأكد من الخبر !!!

" بيت ابو صقر "

ام صقر بتردد : اخبار زوجتك ي يمه ؟ عسى مريتها بالمستشفى وتطمنت ع حالتها

عقد حواجبه سيف : موجوده بالبيت ! مريتها امس

بيادر بدهشه : بالبيت !!! كانت بالمستشفى كنا بنزورها اليوم

عريب: كيف حالها عسى بخير الحين ؟

سيف : اي بخير مافيها الا العافيه

ام صقر بحزن : ي عزتي لها تونا درينا انها زارعه

القلب من شهرين مدري ثلاث

عريب: اي والله اهلها يقطعون القلب من خوفهم عليها

توسعت عيون سيف بصدمة انهم يدرون بسالفه القلب !

الوليد : م تشوف شر ان شاء الله

سيف بصدمه : مين علمكم ؟

عريب : اهلها يوم زرناها بالمستشفى قبل يومين انتفض بهاللحظه بين صدمته بعد م خلص سيف فطوره قام بيروح يغسل

ام صقر : وين ؟ م افطرت ..

سيف : شبعت كملو فطوركم انتم بالعافيه

ام صقر : لحول والله م اكلت

سيف : والله اكلت كملي فطورك انتي

وطلع للمغاسل جهه المطبخ بعد م غسل

استند بايدينه ع المغسله نزل راسه وهو يهوجس بتفكير : اجل يعرفون ب زراعه القلب ع كذا هي بتاخذ هالشي بصفها وبتهددني انها

تلمح لهم !

تنهد ب هم : ان لله وش هالمصيبه !!!! بتبدأ اكيد تستلعن معي !!!! اطلع من مصيبه واطيح بمصيبه ذا اللي ناقصني !

رفع راسه وغسل وجهه بتنهد اخذ المناديل ومسح وجهه اللي مبين عليه التعب ورجع الصاله

وقعد صقر جنب سيف

ام صقر : علمنا ي يمه وش صار تراي هاه مانيب فاهمه وشوله دقو علينا حقين السفاره مدري

شسمهم وعلمونا بوفاتك دامهم مو متوكدين ؟

الوليد : الا والله صدق كيف!!

سيف : مدري والله تو امس دريت باللي صار كنت مشغول ومو موجود بالمانيا اصلاً !

صقر : متى رجعت ؟ سيف : امس

صقر : وجوالك ليه م ترد عليه ؟

سيف : ضاع مني وطلعت شريحه بدل فاقد

رفع حاجبه صقر : بالله !

سيف بغيض : اجل اكذب ؟

تنهد صقر : م يندرى عنك

صد سيف ومسح ع جبينه بعدم تركيز

مشعل : شفيك احسك تعبان؟

ام صقر : اي والله تو هالكلمه ع لساني تونس شي ي يمه ؟

رفع عيونه لها : سمي ! لا مافيني شي

عريب : وجهك مبين فيه التعب قالب اصفر

سيف : من السفر

ام صقر : لاشوفك تسافر مرتن ثانيه هاه ! طالع بنفسك نحفت شوي وبتصير مثل الوليد

الوليد : لحول !! وش به جسمي ! والله زين

الا تبيني امتن !

مشعل : مامتي تحب المربربين

ام صقر : انا لو بايدي ! كان وكلتك حلبه كود تمتن ويزين وجهك

الوليد : حشى بنفاس انا موب ولد والشعر مغطي

دقني !!! انفجرو بضحك عليه اما سيف اللي قد م يقدر يحاول يكبح ضحكته

من الالم وجرحه

صد صقر وهو يضحك ع جهه سيف الا طاحت عيونه

ع جهه تي شيرت سيف من تحت ع الجنب مبلول

عقد حواجبه باستغراب ! انتبه له سيف لف

عليه باستغراب رفع صقر عيونه وهمس : تي شيرتك فيه دم ليه؟

بهتت ملامح سيف بهاللحظه نزل عيونه يطالع لما لمح الدم بسيط وتي شيرته لونه ابيض وهذا

اللي وضحه زياده !!! ارتبك

وهمس : اها جرحت اصبعي عند المغسله

يمكن مسحته بالغلط فيه مدري

صقر : قوم اجل بدل قبل م تشوفك امي وتنشب

سيف : اجل غط علي

قام بهاللحظه

ام صقر : ع وين ؟

سيف : بصعد اجيب لي غرض من غرفتي

طالعوه بصمت م يدرون كيف يفاتحونه بالموضوع ان ابوه فضى

غرفته قبل كم اسبوع بنيه انه يحط زوجته فيه !

صعد سيف فوق بهدوء لحقه صقر !

سيف وهو متوجه لغرفته قاطعه صقر : ع وين

ي الطيب ع وين ؟

لف سيف عليه باستغراب : لغرفتي ! ببدل !

صقر : ملابسك عندي بالغرفه

عقد حواجبه سيف : ليه؟

صقر : بتدري ليه بعدين اقولك امش بدل هناك

تنهد سيف باستسلام ومشى معه دخل للغرفه

عقد حواجبه ملابسه ب شنط : شسالفه ؟

تجاهله صقر وطلع له تي شيرت وعطاه : خذ البس ذا

اخذه سيف مشى صقر وقفل الباب ولف عليه

بلحظه م كان سيف يبي يبدل وقف : اطلع ببدل !

قرب صقر : افصخ بشوف

عقد سيف حواجبه !!!

صقر : افصخ بشوف وش قصتك ؟

رفع حاجبه سيف : لا ماراح افصخ قدامك !

مشى له صقر ومسك تي شيرت سيف بيرفعه الا

رجع ورا سيف بسرعه : بسم لله شفيك انت !

صقر : بشوف افصخ

سيف : اعوذ بالله سافرت ورجعت وانقلب حالك !

صقر : ااي انقلب حالي خلصت يالله شيله بشوف

سيف : وش تشوف !!! وقف صقر يطالعه بنظرات ازدراء : سيف ؟؟ تحسبني غبي ؟

سيف : لاا بس انقلع

مسكه صقر بس رجع سيف ع ورا : ياخي نشبه انت نشبه !! فك

لحظتها دخلت ام صقر طالع فيها سيف تنهد براااحه !

سحب سيف التي شيرت ودخل الحمام يبدل

ام صقر : وش هالازعاج

تنهد صقر : نتحارش مثل كل مره

ام صقر : ي يمه تعبان انت وهو بعد وشوله تتحارشون خله يرتاح وانت بعد

صقر : ان شاء الله

طلع سيف بهاللحظه وهو يعدل التي شيرت ع

جسمه

ام صقر : ي يمه ترا هاه غداك عندنا

سيف : لا والله جيت بسلم عليكم وبعده بروح لخالتي وبرجع لبيتي بتغدا مع ميهاف ..

ام صقر : افااا وكنا بنتجمع !!

سيف : خليها يوم ثاني

ام صقر بتنهد : مامدانا نفرح فيك ولانقعد معك

ابتسم : بكره ان شاء الله بجيك ومعي ميهاف ونتعشى وش تبين اكثر من كذا؟

ام صقر : اذا ع قولتك تسذا ؟ ماعندي مانع

اتسعت ابتسامته قرب وباس راسها وايدها : يالله ي عيني توصيني ع شي ؟

ام صقر : سلامتك ي ضناي

لف ع صقر وضربه ع كتفه : يالله نام انت بعد

وعيونك حمرا

صقر بغيض : اصبر علي بعدين بتفاهم معك

نزل سيف بعد م ودعهم وطلع توجه ع

بيته ع طول تكاسل انه يروح لخالته ام وصايف

فتح الباب ودخل قفل الباب

ولف عقد حواجبه ! البيت كان بحاله نظافه من اللى عكس م تركه !! نزلت ميهاف من الدرج وهي تعدل اسواره يدها عقدت حواجبها لما لمحته وقفت !!

سيف باستغراب : شسالفه !

ميهاف بعفويه : ترا م بخرت ولاعطرت ولاحطيت فواحه

عشان جرحك !

ابتسم : مروقه اشوف !

ميهاف : ارتحت لما نظفته

مرر بلسانه ع شفته السفليه وقرب لها

ارتبكت بهاللحظه وصعد الدرج الى م وصل ووجهه بوجهها وعيونها بعيونه

رفع ايده ومرر باصابعه ع خدها وباسها

ابتعد سيف بهدوء عنها !

فتح عيونه وهي فتحت عيونها بصدمه ترجف !!

عقد حواجبه وهمس : شفيك ؟

رمشت بهاللحظه بسرعه بعدم استيعاب وقلبها

طبول !!! دفته ونزلت بسرعهه بلعت ريقها

وهي مو مستوعبه من التوتر دخلت للمطبخ

فتحت الثلاجه اخذت علبه مويه فتحتها وشربت

نزلت علبه المويه وهي تاخذ شهيق وززفير

تحاول تخفف من توترها لفت بهاللحظه ع دخوله

وهو يطالعها بنظرات هاديه عكس توترها !!! سحب الكرسي وقعد واستند براحهه : افطرتي ؟

رجعت علبه مويتها للثلاجه تحاول تتهرب من نظراته

سيف : م جاوبتي علي؟

لفت عليه بهاللحظه وعيونها بعيونه : ايـ..ـه

سيف : طيب تعالي اقعدي

عقدت حواجبها باستغراب : ليه ؟

سيف : شفيك ؟ ابي اسولف معك

رفعت حاجبها بشك : تسولف ؟؟ معي انا ؟؟ سيف : ليه م تبين اسولف معك؟

هزت راسها : لا مو قصدي انا

تنهدت باستسلام وسحبت الكرسي وقعدت

قباله وهي تبي تضيع الوقت وتكسر حاجز

الصمت : م قلت لي صح ؟ كيف رده فعلهم لما شافوك ؟

ابتسم بعفويه : اتوقع شعره يفصلهم عن الاغماء

ضحكت : م ينلامون ! انا والله حسبت اني انجنيت

واتخيل !

اما سيف قد م يقدر يحاول يكبح ضحكته

عشان جرحه

ميهاف : م صدقو اكيد ؟

هز سيف براسه بمعنى لا بابتسامه

حطت ميهاف ايدها ع خدها واتكت ع الطاوله

وهي تطالعه : شسويت انت ؟

سيف : بكيت

فتحت عيونها ع وسعها : بكيت!!!!

سيف بسخريه : وصحت عندهم ودموعي اربع اربع يشيلوني وانا اطيح من البكى منهار

تغيرت نظرات ميهاف له بحقد وغيض : تستهبل علي !!!

ضحك : مدري عنك !

ميهاف بحقد : شدعوه !!! هذا جزاتي اني بقعد

اسولف

عقد حواجبه : ليه م قلتي لي انك بغيبوبه واهلي زاروك؟

رفعت حاجبها بدهشه : هاه !!!

سيف : شفيك؟

ميهاف : يعني بالله كيف ادري انهم زاروني وانا بغيبوبه!

سيف : يعني اهلك م علموك ؟

ميهاف : فاضيه انا افكر باللي زارني واللي م زارني ؟

سيف : اي صح كنتي منهاره عشان موتي نسيت

طالعته بغيض !! اتكى بايده ع الطاوله وقرب يطالعها بابتسامه

: شفيك زعلتي وكشرتي ؟ ولا كأنك ضميتيني امس !!

قامت بقهر : بتقعد تذلني ع هالشي لسنه قدام!! اروح اكمل شغلي اصرف

وهي بتمر من قدامه الا مسك ايدها : دقيقه طالعيني

لفت عليه طالعت بايده اللي ماسكه ايدها رفعت عيونها له بلحظه م وقف لاشعورياً رفعت راسها ..

سيف : باقي م خلصت كلامي

ارتبكت وهي عيونها تتنقل بين عيونه !

عقد حواجبه بنظرات غريبه فيها : انتي للحين ع علاقه مع اللي اسمه تركي ؟

بهالحظه بهتت ملامحها

بصدمه بلعت ريقها بمراره وارتباك وهي تطالعه وعيونها

بعيونه لمده ثانيه هزت راسها بنفي بهدوء

رفع حاجبه باستنكار : غريبه ! توقعتك مستانسه بوقت م سافرت وبتاخذيـ..

قاطعته بحده وانفعال : تبي المشاكل معي انت تفكر اني بتواصل معه وبخونك تحسب اني مثلك لما تتواصل مع ذي وصايف ؟

صدت وعضت ع طرف شفتها تحاول تتحكم باعصابها

ابتسم بدهشه : كملي طلعي اللي بقلبك ليه سكتي؟

لفت عليه بحقد تطالعه : انت شكلك مشتاق للمشاكل

سيف ببرود وهدوء : ليه زعلانه ؟ من سؤالي ؟ والا غيرتك من وصايف ؟

رفعت حاجبها بدهشه : من وصايف اللي اغار منها الله يستر علينا وعليها ..

سيف : اجل ليه انفعلتي ونطقتي اسمها ؟

ميهاف بسخريه وغرور : انت اللي ليه تنفعل لا احد جاب سيره تركي ؟

سيف : م انفعلت شوفيني هادي !

ميهاف : اجل تبيني اقولك ايه اني اتواصل معه عشان ترتاح ؟

سيف بغيض : تكذبين !

طالعته بحقد ! لفت وطلعت من المطبخ وصعدت لفوق

اما هو بابتسامه تنهد : انا اعرف شلون اخليك تعترفين ..

دخلت ميهاف لغرفتها قفلت الباب بقوه وهي تنتفض

من العصبيه والتوتر رفعت شعرها عن وجهها

وهي تمشي وترجع بنفس المكان : هذا بيجلطني تو بسم لله م كملنا يوم الا انهبل ورجع ع عادته هذا وانا اقول انه بيعقل وبيهجد ويتسنع !

نزلت ايدينها باستسلام ويأس : انا الغلطانه انا ليه ضميته !! ليه ي غبيه

ضربت بايدها ع راسها بعتاب لنفسها ولوم : ليه

حضنتيه !!!!! ليه حسستيه انك تبيه وميته عليه !! نزلت ايدها وضحكت بسخريه واستخفاف : وهو طايح لي بحب وغزل مع هالوصايف !!!! بكل بجاحه يسألني عنها حتى !

م حست الا لما انفتح الباب لفت شافته واقف بابتسامه : زعلتي ؟

ميهاف : انت شتبي ؟

عقد حواجبه : انا ؟

ميهاف بقهر : اااي شتبي قول لي ليه تبي المشاكل والهواش والقهر ليه

ناشب لي حتى وانت تعبان تفكر تحارش ؟

تنهد ومشى لها بهدوء بوسط انفعالها : تكلم انطق م تعبت م تبي تفتح صفحه جديده م تبي ع الاقل يعدي يوم بدون مشاكل ؟

وقف سيف قبالها!

ميهاف بقهر بدون م تتحرك من مكانها حتى واسترسلت بكلامها بنفس واحد : لهالدرجه صعب عليك انك تكون رايق ليوم واحد بس بدون تفاهات وسخافه ؟

تكتفت ورفعت حاجبها بدهشه : اها لايكون

عشان حضنتك ؟

نزلت ايدينها بقهر قربت لهه : الله لايعيده من حضضـ..

الا كااان هو اسرع منها بلحظه اختفى صوتها

لما حط ايده ع فمها يسكتها

سيف بنظرات هاديه : لاتدعين هالدعوه !

-

" بيت ابو تركي "

ام تركي بصدمه : انت صصادق ؟؟

تركي بدون نفس : كلمت مشعل وقال لي هالكلام !!

ميعاد بوسع عيونها : شلون ؟؟؟ شـ..ـلون كيف رجع ؟ كيف عايش ؟ وان يقولون توفى بحادث !!!

تنهد وقام : مدري

وطلع بدون م ينطق شي ثاني !

ام تركي : تهقين ميهاف تدري ؟

ميعاد : يمكن عنده ! لان مالقوها بالمستشفى !!

ام تركي : والله عقلي ماقاعد مايستوعب اللي ينقال !!!!

_

" بيت ابو صقر "

ام صقر : ابيك من بكره ي صقر تجيب لي ذبيحتين مربربتين وطعمهم زين ! ابي لحمهم طري هاه واحمر ماهو اسود وتوديه للطباخ بنزين لاخوك عشا بكره ع خير

صقر : الله ! محد قده ذبيحتين

ام صقر : وانت ي مشعل رح مع بيادر لمحل الحلويات وابيكم تشكلون لي من الحلا والفطاير الزينه هاه للرجال والحريم

مشعل : ابشري ولايهمك

الوليد ضم ايدينه ووقف جنب مشعل : وانا ي طويله العمر وش مهمتي ؟

طالعته امه وباستخفاف : انت ماش مامنك فايده والا اقول ! لاخلك تضيف الرجال

الوليد بدهشه : وش اضيفهم لحالي لالا

مابي ي عيالك يضيفونهم معي والا ابطل!

ضربه مشعل ع كتفه : نلعب حنا ؟

عريب : شكلي والله نفس مهمتك !

ام صقر : عليك نور سنعه

عريب بزهق : لاا مابي عاد !! خلي ميري واللي معها يضيفونهم !

سفهتها ام صقر ولفت ع صقر : دق ع ابوك شوف وينه خله يجي نعلمه كود يلين قلبه لادرى انه عايش وتزين علاقته ب ولده وعشان يكون بكره هنا يستقبل اعمامك

صقر : ابشري

ام صقر : يالله يالله روحو

صقر : تعبان والله خليني انام ولاقمت رحت

ام صقر : شفيك ؟ مين قال لك انك تروح الحين؟

لالا روح ي عين امك ارقى ولين ظهرك ونام

وان شاء الله لاقمت اكل وبعده توكل

ابتسم وباس راسها : ي زينك والله

الوليد وهو بيلف : زين ياالله يمديني اكمل نومتي

مسكته امه بسرعه : ع وين ع وين ابيك انا

تنهد ولف : وش تبيني فيه بعد ؟

_

" سيف وميهاف"

دفت ايده وابتعدت ع ورا : انت فيك انفصام اكيد !!! وش هالمزاج ؟ ساعه تهاوش وتكرهني وساعه تبيني ؟

ابتسم ابتسامه هاديه خلت ميهاف تستفز اكثرها : هذا وانا جايه ومهتمه فيك تقوم تعاملني كذا ليه واقف لي ع سالفه تركي و الا غصب اكلمه الا غصب اني اخونك ؟؟ انا بنفسي م تكلمت عن مقابلتك لوصايف قبل م تسافر !

عقد سيف حواجبه بهاللحظه : دقيقه !! شقلتي ؟

رمشت ميهاف بهاللحظه بسرعه لما استوعبت نفسها نطقت بلعثمه : ولاشـ..ـي

ضيق عيونه بشك وقرب : شقصدك ب اني قابلت

وصايف قبل م اسافر !!

خافت من نظراته فيها قمطت العافيه !!! عقد حواجبه : تكلمي !

ميهاف وهي تصرف السالفه : م ودك ترتاح بدأ وجهك يتعب .

سيف : مالك دخل بوجهي ! انطقي وش قصدك ؟

رفعت حاجبها : يعني تستغفلني انت ؟ ادري انك تقابلها وحتى اني قلت لك بتسافر مع وصايف !!!

رفع حاجبه باستنكار : كذا يعني ؟

تكتفت ميهاف وعقدت حواجبها : الحين دامك تبيها وتحبها ليه تركتها ؟ ليه م تزوجتها ؟

سيف : تبيني اتزوج؟

ميهاف : يكون احسن والله حتى تخف عني !

سيف : وانتي للحين عندك امل اني بخليك ؟

قربت له وضيقت عيونها فيه بتركيز : سؤال انت تتوقع اني اخذت قلب امك غصب ! تتوقع

مني ! ومن حاله اهلي اننا قد هالشي لو نبي قلبها بدون شورك وشور اهلك كان دفعنا ملايين !!

طالعها بجديه وقرب : صدقيني !!! في لعبه بهالموضوع بس بكشفها عن قريب !

طالعته بدهشه : انت عقلك فيه شي ؟؟ بديت اشك انك مجنون !

سيف : لك نص املاكي اذا م كانت فيه لعبه خبيث

انتم ابطالها !

عقدت حواجبها : انتم مين تقصد ؟؟

تنهد وصد : مو مهم تعرفين !

مشت بسرعه ووقفت قدامه : لا مهم تقصد انا واهلي ؟

طالعها ببرود : افهمي بالطريقه اللي تبينها

بعدها عنه وطلع

غمضت عيونها وزفرت بضيق : ياربي جااب

لي الاكتئاب هذااا !!! فتحت عيونها باستسلام ولفت وطلعت

_

" بدأ ينتشر خبر ان سيف عايش مثل البرق

بوسط دهشه وصدمه الكل !! كأنه معجزه من المعجزات كيف انفجعو بخبر وفاته !!! وفوق كل هذا بجثته اللي م وصلت وفجأه بعد اسبوع من الحزن الا يرجع ويكون حي هالخبر مثل الصاعقه لهم !!! بدت تهل الاتصالات ع عايلته وتبريكات برجعته

لهم !!

اما سيف اللي قفل جواله من الازعاجات

والاتصالات اللي كانت بالهبل !!! كانت فرحتهم اكبر من انها تنوصف ب اي كلمه !

_

" بيادر "

بعد م اتصل عليها نايف بصدمه من درا بالخبر

ردت والفرحه مو سايعتها : هلا

نايف بصدمه : قوووولي اللي سمعته انه صح !

بيادر : وش هو ؟؟

نايف بصدمه : سيف عايش ؟

اتسعت ابتسامتها : اايه عايش توه كان عندنا

من ساعه !

نايف بدهشه حط ايده ع راسه : الحمدلله !! يااارب لك الحمد انه عايش

بيادر : عاد بكره بنسوي له عشا لازم تجي وتجيب اهلك

ابتسم : ابشري يالله اجل خليني اكمل شغلي وبعده بدق شوي

تنهدت : اوك

-

عدا نص اليوم بين فرحه الكل وبين صدمتهم ب سيف بدو يجهزون لعزيمه ام صقر ! ولهدايا لسيف بمناسبه

رجوعه من السفر ومناسبه انه عايش بعد م فجعهم بخبر

وفاته !

_

"الساعه 5:13 العصر "

نزل سيف وهو لابس ثوب ابيض عقدت ميهاف

حواجبها وهي طالعه من المطبخ وشايله صينيه

القهوه بفنجالين ! : ماراح تتقهوى معي ؟

سيف : بروح لخالتي بسلم عليها

استغربت بالاول ! الى م استوعبت تنهدت

وصدت : طيب

دخلت للصاله وقعدت ونزلت الصينيه ع الطاوله

صبت لها فنجال قهوه الا هو واقف ع مدخل الصاله يطالعها !

رفعت عيونها له تطالعه باستنكار !

دخل بكل هدوء وقعد تجاهلته ونزلت فنجالها

طالعها بنظرات ازدراء: طيب صبي لي !

لفت عليه : م تبي تروح ؟

سيف : بتقهوى وبعده بمشي

زفرت بهدوء اخذت الفنجال وصبت له وعطته اخذ الفنجال منها وشرب

ميهاف : بتتعشى هنا؟

سيف : مدري يمكن اتعشى عندهم

ميهاف : يعني اسوي لك عشا والالا؟

سيف : بدق عليك واعلمك

تنهدت : طيب

سيف : والا شرايك تجين معي ؟؟

لفت عليه باستنكار ودهشه : اجي ؟

سيف : ليه مستغربه؟

ميهاف بتعجب : مدري ! يعني ليه اروح هي خالتك صعبه مكاني

قرب لها وهمس : بس قلب اختها معك

صدت بهاللحظه بغيض !!

سيف : قومي يالله تجهزي بنتظرك

لفت عليه بصدمه بوسع عيونها : هاااه !!! لا مابي

مافيني حيل

سيف : انا م اخذ رايك ! انا امرك قومي يالله

ميهاف : تستهبل ع راسي م تمكيجت م لبست

م استشورت لا خله بكره

سيف : بكره معزومين عند اهلي !

ميهاف بصدمه : متى ؟

سيف : توك تدرين يعني ؟

ميهاف بدهشه : متى؟ ليه م علمتني

تنهد : نسيت

ميهاف : عزيمه كبيره يعني ؟

سيف : وعلمي اهلك

ميهاف بتأفف : ياربي منك

سيف : قومي يالله

ميهاف : خلاص بكره اشوفها بالعزيمه والا ماراح تجي؟

سيف : قومي الحين قلت

ميهاف بيأس : لا سيف والله ماتجهزت خله

بكره اشوفهم

سيف بحده وجديه : البسي قلت بنتظرك للمغرب ونمشي بعدها يالله

طالعته بغيض وقهر !!!! سيف : اخلصي والا يعني خايفه من وصايف ؟

ميهاف : نعم ؟

سيف : شفيك شوي وبتصيحين ؟

ميهاف : وليه اخاف؟ مسويه شي غلط انا؟

سيف : اجل ليه م تبين تروحين ؟

ميهاف : بس كذا مو مشتهيه

سيف : م تترقع ترا

طالعته بغيض وقهر قامت : مو مشكله

بروح بس اسمعني لو هي حارشتني والا نطقت بكلمه لي م تعجبني صدقني ماراح اسكت

ابتسم بهدوء : شدي حيلك

هزت راسها بقهر : م يحتاج توصي

ولفت وطلعت بوسط ابتسامته !

صعدت لغرفتها حتى تتجهز

بعد م خلصت نزلت ع مهلها رفع عيونه لها لما وقفت ع مدخل الصاله

بكل ثقه وغرور : يالله مو تأخرنا؟

رفع حاجبه باستنكار : اشوفك متحمسه !

ميهاف : لاعادي عندي بس مانبي نتأخر عليهم

تنهد وقام

ركزت بانظارها ع جرحه وهو متوجه لها !

استنكر نظراتها لخصره اليمين ! عقد حواجبه

لحظه م وقف قبالها نزل عيونه لجرحه ثم رفع عيونه

لها نطق باستغراب : شفيك؟

ميهاف بشك : لابس ثوب ابيض ! م تخاف ان

ممكن ينزف جرحك لانك امس ضربت طرف الطاوله وبين الدم!

عقد حواجبه نزل عيونه يطالع بجرحه ! ثم رفع عيونه لها وهمس يبعد الشك : لا م اتوقع مضمده من جديد انا

تنهدت : اوك

طلعت وطلع وحرك متوجه لخالته ام وصايف !

" بيت ابو صقر "

الوليد وهو يقوم صقر : ياخي قوم وش هالنوم !! صقر بتأفف وبصوت ناعس وعين مقفله وعين مفتوحه : حاسدني ع نومـ..ـي

الوليد : ياخي امي اللي راسلتني والله ! قوم اخلص بسرعه

صقر بتأفف : تراي م نمت زين فكني وانقلع عن وجهي لاقمت وقتها اخلص الشغل

الوليد باستسلام : انقلع لاتقوم زين

لف وطلع

_

" بيت ابو وصايف "

لحظه م وقف سيف سيارته بوسط

حديقتهم لف ع ميهاف : خليك لاتنزلين

لين م اقولك !

همست : طيب

لف سيف ونزل بوسط انظار ابو وصايف اللي واقف

ع باب فلته باستغراب طبعاً وصل له علم ان سيف عايش

من اعمامه ومن ام وصايف بعد م بشرتها ام صقر !

ابتسم سيف وهو متوجه له ! تقدم له ابووصايف

وسلم عليه بترحيب وتهليل بحراره: ي ماشاء الله سيف نورتنا والله حي من جا

ابتعد وهو باقي ماسك ايد سيف : والله ي ضاقت صدورنا من بعد اللي سمعناه ! سبحانك ياارب م هقيت انك عايش

ابتسم سيف : شدعوه تبيني اموت شكلك!

ضحك ابو وصايف : افااااا وش هالكلام ! لاوالله اني اعدك ولدي دام ربي م رزقني ب اولاد

ابتسم سيف : تسلم والله عزيز وغالي ادري باللي قلبك بس امزح معك

ربت ابو وصايف ع ايد سيف : حياك وانا ابوك والله ي خالتك بتبكي من الفرحه لاشافتك

سيف : ي حبي لها والله اني مشتاق لها

ابو وصايف : ادخل ادخل وانا ابوك انا بطلع اخلص شغلي وان قدرت برجع الحق عليك

سيف : خذ راحتك ي عم

ودعه ابو وصايف وركب سيارته وحرك ! لحظتها اشر سيف لميهاف اللي نزلت وتوجهت له

تنهدت بهدوء ودخلت معه !

م حس الا ب ام وصايف اللي ترحب فيه بحراره والدموع بعيونها وبفرحه مو سايعتها الدنيا مدت ايدينها : اخيراً هذاك قدام عيوني

م حس فيها الا هي حاضنته بقوه

وتبكي من فرحتها

سيف وهو يربت ع ظهرها : افا شهالدموع والله هذا اني قدامك ومافيني الا العافيه ! بس تكفين

ام وصايف ببكى وحرقه : والله ظهري انكسر م عاد فيني الحيل من بعد وفاه امك !! ماعاد فيني القوه اني اتحمل موتك من بعد موت اخيتي

قلبي حبيبتي اللي راحت وخلتني لحالي انت اللي

بقيت لي من ريحتها اانت ..

ببوسط نظرات ميهاف بحزن تطالعهم تحس بمشاعر غريبه بداخلها بهاللحظه !! دمعت عيونها !

صدت بلحظه سريعه تحاول تسيطر ع نفسها حتى م تبكي

اما سيف بهاللحظه عض ع شفته بالضيق اللي اجتاح صدره من بعد كلامها عن امه بلع ريقه بمراره !!

ابتعد بهدوء وباس راسها وايدها ورفع نفسه يطالعها : الله لايخليني منك

مسحت ع وجهه بحزن : ولامنك ي وليدي

لف سيف ع ميهاف اللي قربت بابتسامه سلمت

ع ام وصايف وابتعدت : اخبارك ي خاله

ام وصايف : بخير ي يمه بخير ! وانتي طمنيني عنك وعن احوالك ؟

ميهاف : بخير الحمدلله

ام وصايف : اخبار صحتك ؟ اعذريني ي عين امي م زرتك بس الله اعلم بحالي وقتها م طلعت من البيت ومافيني القوه والحيله باللي صار ..

ميهاف : معذوره ي قلبي ماتنلامين والله

ام وصايف : حياكم حياكم تو م اسفرت وانورت والله

دخلو للصاله الواسعه اللي تتميز بفخامتها

بدت تضيفهم ام وصايف وقعدوا يسولفون

مو منتبه سيف ل وصايف اللي ع عتبه الدرج واقفه

تطالعه بصدمه مو مستوعبه انه عايش!! انه قدام عيونها بعد م قالت لها امها الا هي

جن جنونها بهاللحظه !!! ضاق صدرها حيل

من شافت ميهاف معه !!! كشرت بضيق : وهاذي ليه جايه وش جايبها معه ! تنهدت تنهيده عميقه من بعد م طالعت بسيف

تحبه تعشقه !! كثر اللي سواه فيها وجرحها الا ان حبها له يخليها تتغاضى عن اللي سواه مستحيل تقدر تتحكم بنفسها وبمشاعرها! كثر م تعاتب

قلبها الا انها تضعف لا سمعت بس باسمه ! والا انذكر

طاريه !!! ف كيف لو شافته !!! تستذكر كل

ذكرياتها الحلوه معه !!! الى حد وفاه امه ! تغير

تغير جذري وانقلب ٣٦٠ درجه ! ابداً مو كأنه

هذا الانسان اللي عشقته بتفاصيله ! وحتى بعيوبه دمعت عيونها بحنيه له ولايامه !! الشوق ماكل قلبها مشتاقه تسمع حتى نبره صوته لانطق باسمها !

ميته شوق لنظرات عيونه بالحنيه والوله والشوق لا طالع فيها بلعت ريقها بضيق ! الا لما لف سيف بعفويه

للخدامه اللي دخلت و طاحت عيونه عليها !! لحظه م شافها تطالعه بحزن وهي سرحانه!! كيف نساها ! كيف نسى ايامها !! كيف هان ع قلبه

انه يجرحها !! هالنظرات اللي تطالعه فيها اوجعت قلبه !

استنكرته ميهاف كيف انه لاف براسه ع اليمين ويطالع مندمج !! استغربت وهو بجنبها رفعت عيونها لمكان م يطالع انتبهت انه يطالعها !!

جمدت بهاللحظه لدرجه انها فهت ولا انتبهت لام وصايف

اللي تكلمها بلحظه م حست وصايف نفسها واستوعبت يوم يطالعها ! الا بقشعريره قويه !!! فز قلبها لنظراته فيها ! لفت بسرعه وصعدت برجفه !

صدت ميهاف بهدوء اما هو زفر بهدوء ولف

طالع بميهاف اللي بادرت ع طول بسؤال لام وصايف

عن احوالها وعن بناتها وهي حاسه بنظراته فيها

بس تتجاهله !

ام وصايف : بخير ي عمري ! عاد تتعشون عندي الليله هاه !

لف سيف ع خالته: ودي والله بس عنـ..

قاطعته ميهاف بعناد : ي عمري والله انتي ماراح اردك

لف سيف يطالعها باستنكار من حركتها !! ميهاف وهي متجاهله نظراته وتطالع ب ام وصايف : ودي اذوق طباخك !

لفت ع سيف وابتسمت : عاد هو دايم يمدح طبخك

ولفت ع ام وصايف وكملت : يقول والله لو تطبخين الشرقي والغربي والشامي ماراح توصلين لطبخ خالتي ! بحياتي م ذقت مثله ولا راح اذوق !

رفع سيف حاجبه بتعجب من الكذب اللي يسمعه!!!

ميهاف بغيره مزح : عاد هاه ي خاله بشوف بالله هالطبخ اللي طاير فيه الزوج المصون !

ضحكت ام وصايف : ي زينك والله ! ابشري من عيوني والله راح تاكلين اصابعك وراه

ميهاف بضحك : جعت من الحين

ام وصايف : عاد والله كثر هالمدح اللي يمدحه بطبخي م اشوفه ياكل عندي الا قليل

طالع سيف بخالته :ودي والله اتغدى واتعشى وافطر عندك ان تبين بس الشغل ومايسوي

لفت عليه ميهاف : افاااا !!! تترك طباخ هالمزيونه وهالايدين

الحلوين عشان شغل!!

لف سيف يطالعها بغيض : ربي حادني ع طبخك

طالعته بدهشه : وش فيه طبخي !!

لفت ع ام وصايف : اسألك بالله ي خاله ذاك اليوم لما عزمتك سويت لكم عشا وش رايك بطبخي !

ام وصايف : والله ماشاء الله تبارك الله انه يهبل نفسي للحين ف هالمصقعه اللي سويتيها

ميهاف بضحك : مشتهيتها شكلك

ام وصايف : اي والله ي يمه مانيب كاذبه اني مشتهيتها

ميهاف : ابشري بكره هاليومين لك صينيه مصقعه من عندي وش تبين بعد ؟ امري

ام وصايف : ي زينك وياحلاه كلامك لاتكلفين

ع نفسك

ميهاف : ابد والله مافيه كلافه تستاهلين

ام وصايف : ي بعد قلبي

سيف بغيض : شدعوه ليه تسوين وترسلين ؟

لفت ميهاف تطالعه باستغراب !

سيف : ادخلي معها المطبخ وسوي المصقعه حقتك يالله بتعشاها مع خالتي

طالعته باستغراب !!! سيف : عادي لاتستحين

حست انه بيرجع لها هالحركه !

ابتسمت بهدوء : عادي

ولفت ع ام وصايف بكل عفويه بابتسامتها : الا والله ي خاله خليني اسويها معك

ام وصايف : وين ي يمه بتكرفين بالمطبخ وحر

وكشختك ؟

ميهاف بابتسامه : شدعوه مابيننا هالامور ي خاله

وانا ودي والله اتعشاه ويتعشى سيف معك

ام وصايف بتنهد : براحتك ي يمه تونسيني والله

حطت ميهاف رجل ع رجل واتكت بايدها ع ذراع

الكرسي لفت ع سيف اللي يطالعها ومبتسم بابتسامه جانبيه !

-

" بيت ابو صقر "

بعد م نزل صقر وهو يفرك بايده عيونه النعسانه

استقبلته امه عند الدرج : شهالنوم ؟

باس راسها وايدها : امري ي الغاليه من التعب والله

ام صقر : ادري ي يمه تعب السفر مير مابه مثل

نومه الليل ! وش تبي بنومه هالنهار والعصر يكفي الشياطين اعوذ بالله منهم

صقر وهو يتمغط : وين وليدوه؟

ام صقر : راح يودي عريب تبي السوق تدهر فيه من درت بالعزيمه

صقر : ي حبهم للسوق المهم بطلع الحين اشوف

ذا المصري عن الذبايح

ام صقر : طيب ي يمهه روح الله معك

صقر : مع السلامه

ام صقر : حافظك ربي ي ضناي

ابتسم وطلع

_

" الساعه ٩:٢٠ "

دخلت ميهاف مع ام وصايف للمطبخ يجهزون للعشا

اما سيف استأذن منهم وطلع حتى يخلص له شغله

" ام وصايف وميهاف بالمطبخ "

ام وصايف : كاميليا جهزي الخضار ل ميهاف وقطعيهم يالله

نزلي ي يمه عبايتك ترا ماعندي عيال وابو وصايف طلع عنده شغل مايجي هالوقت

ابتسمت ميهاف : اوك

طلعت برا نزلت عبايتها وعلقتها بمعلاق الضيوف

وقفت ع المرايه رفعت غرتها عن وجهها عدلت التيور

اللي لابسته ورجعت للمطبخ اخذت صينيه البايركس

والخدامه تقطع لها الخضار

ام وصايف : م قلتي لي اخبار امك وعلومها ؟

ميهاف : ابد والله بخير ي خاله

ام وصايف : وصلي لها سلامي وقولي لها ترا

خاله سيف مبيته النيه انها تعزمك ع القهوه

ميهاف بابتسامه : ي عمري والله م تقصرين لاتكلفين ع نفسك

ام وصايف بدهشه : اي كلاافه الا والله من حبي لك ولامك والله انها دخلت قلبي من قابلتها بعزيمتك وكنت ناويه اعزمها بس من صارت سالفه موت سيف الله

يبعد الشر عنه والله يرد كيد من يبون يأذونه ف نحرهم

دخلت بضيق الله اعلم فيه فقدت اختي من كم شهر والحين افقد ولدها ؟؟ اللي والله انه ولدي من كثر حبي له محدن مثله ولا راح يوصل لربعه ..

ميهاف بتكدر : الله يرحمها ويغفر لها يارب

ام وصايف بحزن : امين يارب امين

ميهاف بشك : الا ي خاله معليش ع السؤال بس هي من وش هو توفت كانت مريضه يعني ؟

ام وصايف بتنهيده حزن عميقه : اخخخ وش اقول بس !! والله موتها كان فجعه لي ولولدها

ميهاف وهي تحاول تستدرجها : كذا فجأه ؟

ام وصايف : هي كان فيها ورم بالمخ من سنه

بس خبت عن سيف وعن زوجها وعني بعد

ميهاف بإهتمام وحزن : لاحول ولاقوه الا بالله !

ام وصايف : طاحت عليهم بيوم وماكان فيه الا سيف شالها واخذها ع المستشفى ع طول وبعد م سوو لها اشعه طلعت نتيجه ورم خبيث بالمخ الله يكفينا شره ااه ي قلبي صكت الدنيا

فينا من كل جهه بذاك اليوم

ميهاف بحزن : ياعمري ! م تنلامون

ام وصايف : مو ان سيف دكتور ف جراحه المخ

والاعصاب مدري وشهو ! ف قال بيتكفل بعمليتها

ميهاف باستغراب : ااي ؟

ام وصايف : كملو الاجراءات وجهزو غرفه العمليات

لان الورم سيطر ع الدماغ مثل م يقول ودخلوها لغرفه العمليات ي ذاك اليوم كلن حاط ايده ع قلبه ! ومنهم

سيف ي عزتي له اكثر واحد متعلق فيها وخايف

ميهاف : وش صار ؟

ام وصايف : طولت عمليتها ١٠ ساعات

ميهاف : ١٠ ساعات !!!

ام وصايف : مانسى كيف طلع الجراح الثاني اللي مع سيف ووجهه مايل للاسود وضايق من شفناه بهالشكل انهبلنا وطاحت قلوبنا انها ماتت !!

ميهاف بصدمه : ماتت ؟

ام وصايف بحزن دمعت عيونها : علمنا بهالخبر

اللي يضيق الصدر ان خطأ طبي بسببه دخلت

بغيبوبه

حطت ميهاف ايدها ع فمها بشهقه مصدومه !

ام وصايف بضيق نزلت دموعها : اي هذا اللي صار

غلط سيف بغلطه كلفت فيه بحياه امه انا مالومه ولا احد يلوم ولدي حبيبي هذا اللي كاتبه

رب العالمين قبل م ينولد ع هالدنيا

طالعتها ميهاف بصمت !!! كان كلامها يعور قلبها !!! هالقلب اللي هو قلب اختها كل كلمه تنطقها ام وصايف تستشعر فيها ميهاف !!

_

"وصايف "

بغرفتها وهي رايحه وراجعه بنفس مكانها

بتوتر وارتباك ودموعها تنزل بضيق !

كيف التقت عيونها بعيونه !!! بنظراته فيها

اشعل نار الشوق والحنين له !! غطت وجهها بكفوفها بانهيار وضيق ..

-

ام وصايف بحزن وضيم : طلعو امه من غرفه العمليات واخذوها للعنايه المركزه ! مانسى شكله كيف انه بقى ف غرفه العمليات م طلع ! مصدوم !

يحاولون اخوانه فيه يطلعونه م نطق بكلمه حتى الدمعه م نزلت من عينه بوقتها !

انفطر قلبي مدري ابكي عليه والا على اوخيتي

نزلت راسها ومسحت دموعها بضيق : ااخخ الله يتغمد روحها الجنه الله يجمعني فيها

يارب ف جنته طاهره والله ي يمه قلبها ابيض

مافي مثله ولابحنيتها سمحه بالوجه وبروحها

والله لها فقيده

ميهاف بحزن : الله يرحمها ويغفر لها يارب

طيب م كان فيه امل تصحى من غيبوبتها ؟

ام وصايف : سافر سيف بعدها باسبوع

وانقطعت اخباره لشهرين ان م خاب ظني حاولو اخوانه يتواصلون معه بس مافيه فايده

الى م رجع بذاك اليوم وليته م رجع الا عقبها بكم يوم م كان ودي انه يتوجع بهالخبر

ميهاف باستغراب : ليه ؟

ام وصايف : رجع وع طول راح للمستشفى ع امل انها قامت ! بس م لقى ضناي الا اخوانه بممر العنايه يبكون

ميهاف بضيق ودهشه: ماتت ؟

اومئت ام وصايف براسها انهارت : ماتـ..ـت بلحظـ..تها

سكتت ميهاف والضيق يجتاح صدرها ام وصايف : اخخ ي وجع قلبي بهذيك الايام

ادري انه تعبان واكثر واحد انكسرت مجاديفه بموتها وفوق كل هذا ابوه يلومه انه السبب بوفاتها !

ادري انه يضحك ويسولف معي ومع غيري بهالوقت

بس قلبه مكسور ! لعب فيه الندم والضمير

م عاد هو سيف الاولي م عاد هو

مشت ام وصايف ومسحت ع عضد ميهاف : عشان كذا ي يمه تكفين اهتمي فيه اخاف يسوي شي ف نفسه خليك جنبه

ابتسمت ميهاف بحزن وهمست : ابشري

" بعد ساعه "

بعد م تعشو وخلصو وقعدو يسولفون معها استاذن سيف من خالته

وودعها وطلعو متوجهين للسياره وهو بيفتح سيف الباب

جمد بهاللحظه استغربت ميهاف الي من الجهه الثانيه

من السياره كانت انظاره لفوق ! لفت ع م يناظر هو

الا انتبهت لعيونه ع زجاج دريشه وصايف اللي واقفه ع جنب

وتطالعه ماهي الا ثانيه الا رجعت وسكرت الستاره

صدت ميهاف بهمس : افتح الباب

استوعب بهاللحظه لف عليها وفتح الباب ركبو

وطلع وتوجهو لبيتهم بعد م وصلو نزلو

ودخلو صعدت لغرفتها ع طول حتى تبدل

الف فكره براسها ! من جهه مشتته من ناحيه قصته مع وفاه امه

ومن جهه من وصايف اللي تجهل سبب تركه لها ع حب ٨ سنين وهي تشوف نظراته فيها اللي تفضحه عيونه بشوقه

وحبه لها !!! لبست بجامتها لمت شعرها لفوق مسحت مكياجها وغسلت وجهها وطلعت مرت ع غرفته وهي بتنزل من الدرج الا وقفت باستغراب ..

#يتـــــــــــــــــــــــــــبع....