" بالمستشفى "
" ميهاف "
وهي بتنام فتحت عيونها باستغراب وشكت اكثر لما انفتح الباب وتقفل بعدها بالمفتاح ! رفعت نفسها عن السرير بخوف بهاللحظه طاحت عيونها بعيونه تنهدت ب ارتياح
مشى لها بخطوات بائسه وقعد ع طرف السرير
قبالها !
عقدت حواجبها باستغراب من ملامح وجهه المخطوفه ونظرات عيونه همست بخوف : سيف ؟
همس ب استسلام وبنبره صوته المليانه. بالوجع : تعبـ..ـ..ـان
زادت من تعقيده حواجبها بخوف مسكت ايده البارده
قشعرت وبايدينها الدافيه طالعته بخوف وقلق : شفيك؟
همس بتألم : سيف هالاسـم انعرفت بقوته !
بهالشخص اللي م يخاف من شي بهالشخص اللي كانت حياته ينحسد عليها ! كنت محاوط من كل جهه ب اهل وحبيبه و اصدقاء وزملاء م كنت مكروه ومنبوذ كنت من نجاح ل نجاح تخرجت دخلت الطب وتخصصت ب جراحه معقده وتخرجت ب معدل عالي وكنت
مطلوب من كل مستشفى اني اتوظف عندهم !
كان الكل يشهد لي بسمعتي وهيبتي ! كنت محظوظ من كل النواحي
فجـأه
نزل راسه وكأنه مو مستوعب نطق : فجـأه كل شي تلاشى وانقلبت حياتي فوق تحت !
غمض عيونه وهمس : بدايتها من وفاه امــي
سحب ايده من ايدها وحطه ع عيونه وبلع ريقه بضعف ! وهمس : كــاره نفسي كاره الضعف اللي انا فيه كاره الخوف من اني اخسر احد ثاني!! فتح عيونه ورفعهم يطالعها بنظرات انكسار : تعبــت والله
وهي تطالعه بضيق وقلبها يوجعها عليه !
قربت منه وضمته لاشعورياً انهار بضعف مثل الطفل بحضنها !
نزلت دموعها وهي تحاول تتماسك وتقويه : كلنــا مرينا بهالمرحـله انكسرنا وانهزينا من داخل انخذلنا من اقرب الناس لقلبنا ! فقدنا وعشنا الوجع وان استمر معنا بيخف وبنتعود عليه يلازمنا ب حياتنا ب ذكريات ! ب اشتياق ولا حنين ولا كره عمر الدمعه م كانت تهز رجوله شخص ! م كانت الا من وجع صادق ! بكاك مو عيب ! إبكي و حرر نفسك من السجن اللي انت عايش فيه لاتمسح دموعك لاتقاوم بكاك ! ولاحتى شهقتك !
غمضت عيونها وعضت ع طرف شفتها بغصه
كيف تقويه وهي اللي كسرته كيف تهديه بين احضانها وهي المذنبه بلعت ريقها ومسحت دموعها بعنف ابتعدت عنه وطالعته بملامح قويه ومسكت ايدينه
وشدت عليه : تحدى كل هالظروف !لاتخليها نهايتك لا تشمتً اعدائك فيك ! كنت وليومك هذا وبتكون سيف بقوته وهيبته انت الشوك بطريقهم مو العكس
اللي م يكسرك يقويك ..
رفع ايده وبابتسامه باهته ارتسمت ع ثغره
وحطه ع خدها :خليك معي مثل نبضات قلبي بوسط ضلوعي فراقك يهـد حيلـي وربك
حطت ايدها ع ايده غمضت عيونها وباستها ..
-
" الجوهره "
وهي بتقوم من فراشها ب جسدها المتعب وعيونها اللي غطتها الهالات بلعت ريقها وهي تمشي بخطوات بطيئه انفتح
الباب وقفت بهاللحظه ! الا بنظرات استحقار
موضي " بنت عمها " : اف وش هالريحه والكتمه !؟ انا مدري شلون اخوي بيتزوجك ي المقرفه !!
طالعتها الجوهره بنظرات حقد صدت عنها بدون نفس !
موضي : هيه انتي لا تطيرين عيونك اف اخلصي يالله واطلعي غسلي الحوش !!
لفت طالعتها الجوهره ب استغراب !!
موضي : لاتطالعين فيني كذا ي حبيبتي انا اخر مره غسلته يالله اخلصي ..
تجاهلتها الجوهره !
موضي : لاتدورين المشاكل يالله !!
تنهدت الجوهره وطلعت وراها الا وقفت لما صادفت فايز توه داخل ! رجعت ع ورا بسرعه
طالعتها موضي ب طرف عينها : ع اساس انك الحين تعرفين الحيا والله ماشفتك استحيتي لما طلعتي مع هذاك الرجال وانحشتي مسويه فيها شريفه !!!!
طالعتها الجوهره بصدمة !!
الا قاطع فايز اخته بحده : موضي !!!!!
لفت عليه باستغراب من نبره صوته الحاده !!
فايز : ثمني كلامك واطلعي يالله
رفعت حاجبها موضي بدهشه !!
اما الجوهره مصدومه من اللي سمعته !!!
موضي باستغراب : شقلت ؟؟
فايز : سمعتيني زين يالله اطلعي وخليها ترجع
لغرفتها !!
موضي بنرفزه : بتغسل الحوش
فايز : لا ما بتغسله
موضي بقهر : وليه ان شاءالله !!!
فايز بعصبيه : موضي قلت لك اطلعي والا بتشوفين شي مايعجبك !!!
طالعته بحقد صدت عنه وطلعت وهي تغلي من القهر !!
اما الجوهره متصلبه بمكانها من الصدمه مو مستوعبه اللي سمعته
الا لما ننطق : الجوهره ..
ارتبكت وبخوف ماقدرت ترد عليه !!
" بيادر "
دخل مشعل باستغراب : شصاير ؟ عسى ماشر !
لفت امه تطالعه !! ثم لفت ع بيادر اللي انخطف لون وجهها برعب زادت رجفتها !!
لفت ام صقر عليه : الا شر !
انفجعت بيادر اكثر ونطقت : لالالامافيه شي والله بس انا زعلتها بموضوع والحين بترضى اكيد
لفت امها تطالعها ب طرف عينها !!!
بلعت ريقها بيادر بخوف من نظرات امها !!
مشعل : شدعوه !!!
لفت امه ونطقت : مابيها تاخذ نايف قول له مالك نصيب عندنا خله يتوكل !
بهتت ملامح بيادر من الصدمة !!!!!
عقد حواجبه مشعل : ليه شفيه نايف والله رجال وماعليه اي كلمه !
ام صقر : تبي تعصيني وتكسر كلمتي انا مو راضيه انها تاخذه بكيفي ..
جف الدم بعروقها من صدمتها بكلام امها ..
-
" المستشفى "
"ميهاف وسيف"
طالعته بنظرات هاديه وهمست : يمكن كلامي
ملخبط بس من قلبي والله ماعرف اعبر
اتسعت ابتسامته بوسط حزنه مسك ايدها
واحتضنها بين كفوف ايدينه واكتافه مرتخيه
وبهمس بصوته المبحوح: بس ريحني وحيـ..ـل
اتسعت ابتسامتها بنظرات استعطاف : الله يخليك
انتبه ع نفسـك والله مالي احد غيرك مابيك ضعيف ! مابيك ترهق نفسك ! كل شي بتتعداه وكأنه ماصار بحياتك !
غمضت عيونها وهزت راسها بشتات : والله كلامي ملخبط مدري كيف اشـ..
الا انقطع صوتها لما حست باصبعه على شفايفها
اتسعت ابتسامته : كلامك وتعابير وجهك ونظرات عيونك تريحني وربك حتى وان كان ملخبط ! يكفيني بس اسمعه ..
طالعته بحنيه وبابتسامتها الهاديه الا م تبددت وتغيرت تعابير وجهها لخوف وحزن !
عقد حواجبه من تعابير وجهها نطق بشك : شفيه ؟
ميهاف بخوف : خايـ..ـفه
سيف : من ؟؟
ميهاف : انت ليه عندي مو كنت بمركز الشرطه ؟؟
رفع حاجبهه باستنكار : تبين الفكه مني ؟؟
ضحكت : لا بس مستغربه !!
عقدت حواجبها بسرعه : لايكون منحاش ؟
اتسعت ابتسامته : لامجنون انا انحاش !
ميهاف : اجل ؟؟؟
سيف : مافيه شي يثبت لحد الان وطلعت كفاله
تنهدت براحه : الحمدلله ..
نزل عيونه بهاللحظه وتجهم تعابير وجهه لما تذكر ابوه ومقتل الشايب !
حط ايديه ع جبينه يضغط بقوه وتنهد
ميهاف : تعبان ؟
رفع عيونه ونزل ايدينه هز راسه باستسلام وهمس : ايــه
ميهاف : طيب روح البيت ارتاح وتعال لي لاقـ..
قطع عليها : بنام معك
سكتت بهاللحظه
همس : اشتقـت لك
ابعدت عيونها عنه ونزلت راسها وهمست : وانا بعد
اتسعت ابتسامته :ماعرفتك وانتي تستحين
رفعت راسها له بسرعه : خير !! سيف بغيض :متعود ان لسانك شبر
ومافيك ذره حيا ! من وين طلع الحيا ذا مدري !
طالعته : اجل انا ماستحي ليه مو انثى !
سيف : الصدق ماقد شفتك بنظره انثى
توسعت عيونها بصدمه !!! : انااااا ؟؟
لفت واخذت المخده بتلف عليه الا ع اخر لحظه سحبها من ايدينها بضحك : وتلوميني لاقلت لك ماشوفك انثى ؟ هذاك بتكفخيني
ميهاف : تستاهل !!!
سيف : مدري متى بحس انك انثى وتستحين ودلوعه !
رفعت حاجبها بدهشه !! : لاوالله ؟ اجل ع وشهو حبيتني ؟
سيف : ع دفاشتك للاسف
طالعته بغيض وهي بترفع ايدها الا تأوهت ب تألم ..
-
" الجوهره "
وهي بتلف حتى تدخل غرفتها الا استوقفها : وقفي !
جمدت بهاللحظه بمكانها !
وهي تسمع خطواته متوجه لها زادت رجفتها
لما صار وراها وهي تتنقل بعيونها حولها من الخوف !
همس : طالعيني
عضت ع طرف شفتها قرب لها بيمسكها الا انسحبت بسرعه ودخلت الغرفه تقدم بينطق : الجـ..
غمض عيونه لما قفلت الباب بوجهه !
اما هي بخوف استندت بظهرها ع الباب وهي تتنفس بسرعه مدري ليه نفرت منه وخافت من نبره صوته اللي حست بغرابتها والا نظرات عيونه اللي لمحتها !
كان هدوءه المفاجئ مخوفها
فتح عيونه وتنهد بتنهيده عميقه بيأس !
كان بيصارحها باللي بخاطره بس ماعطته مجال !
ونفرت منه م يلومها اللي سواه فيها م ينسى بين ليله وضحاها لف باستسلام وطلع ..
_
" نايف "
باستغراب يطالع بجواله ليه قفلت بوجهه !!
ارسل للمره الخامسه ولا ردت !! : هاذي شفيها ماترد كيف يوصل لها طيب !!!
_
" بيت ابو صقر "
مشعل : اي ليه طيب عطيني سبب ؟؟
ام صقر : ماابيه مو عاجبني الله يستر عليه !
مشعل : يمه كلامك غريب !! يعني ليه فاتحه هالموضوع بهالوقت سيف بالمستشفى والفتره اللي نمر فيها م تناسب اننا نفتح هالموضوع ! ف خلي كل شي بعدين
ام صقر بعصبيه : الموضوع منتهي عندي ماله نصيب عندنا خلاص !
مشعل : يمه اذا هي موافقه والرجال م يعيبه شي ليه نرفضه ليه نسبب المشاكل بين العايلتين ؟ انتي سامعه شي شايفه شي عليهه قولي لي !! تربينا مع نايف ونعرفه اكثر من اي احد غيره !
اما بيادر تطالعهم ومنهاره بصمت ترجف !!
لف مشعل يطالع ب اخته ! اللي صدت عنه مالها وجه تطالع فيه !!
لفت امها تطالعها ب عصبيه ونظرات استحقااار ثم طلعت بسرعه !!
طالع مشعل امه : يمه !!!!
م عطته وجهه ! تنهد : استغفرالله ! شصاير لها ؟؟
لف ع بيادر ب حزن عليها : شفيه ؟ وش صاير حتى عصبت كذا ؟
بيادر بخنقه منزله راسها : تكفـ..ى اطلع وخلنـ..ي
زاد من تعقيده حواجبه طالعها لوهله ثم تنهد ولف وطلع
_
دخلت ام صقر لغرفتها وهي تغلي من القهر والعصبيه بلحظتها يدق جوال بيادر وهو بين ايدينها !
رفعته شافت الاسم حبي ! ودمها يفور وزادت عصبيتها رددت وسكتت !
نطق نايف : مابغيتي تردين ! شدعوه وينك ي قلبي؟؟
ام صقر بعصبيه : ياللي ماتربيت اجل هاذي تاليتها ي نايف ي ولد ابوك هذا وانت العاقل الرزين تسوي هالحركات ومع مين بنتي ؟ انسى انك تاخذ بنتي لو تنطبق السما ع الارض مانت ماخذها ..
بهتت ملامحه بهاللحظه من الصدمه ..
-
" بالمستشفى "
بعد ماطلعو رجال الامن وركبو السياره وحركو
تنهد صقر بتنهيده عميقه براحه !!
لف بقلق : وينك ي سيف الحين ؟؟ انا ليه
هربتك غبي والله تعقد الموضوع زياده اوف كيف احله الحين شلون
غمض عيونه ورفع ايدينه يمسح وجهه الى شعره
الا زاد من تعقيده حواجبه فتح عيونه ب شك : لحظه وش عرفهم انه ممكن بيكون هنا ليه ماشكو ببيته ولا شكو ب ببيتنا ؟؟؟
طلع جواله بسرعه ودق ع مشعل اللي ماهي ثواني الا رد : هلا
صقر : الشرطه جت للبيت ؟ سألو عن سيف ؟؟؟
عقد مشعل حواجبه : لاا ليه ؟
صقر : متاكد اسأل امي والا البنات !
مشعل : متاكد والله موجود بالبيت ماطلعت من بعد رجعتي من المستشفى ! ليه شصاير ؟
صقر : لا بس اسأل
مشعل : ماتمشي علي ! اخلص شفيه !!
صقر : يالله يالله مع السلامه بقفل
م كمل مشعل كلمته الا قفل صقر بوجهه !! تأفف ونزل جواله : والله مايندرى عنك ي صقر
كلامك م يطمن !!! الله يستر بس !!
وهو نازل من الدرج الا رن جواله رفعه شاف
رقم ابوه ! استغرب اكثر مو من عوايده ابوه يدق
وخصوصا" هالوقت ! رد عليه : اي هلا بك يبه ..
الشخص : تعال الحين !
وقف مشعل باستغراب : دقيقه مين !
الشخص : ابوك يحتاجك !
انقبض قلب مشعل بخوف : ليه شفيه ابوي شصاير له !!!
الشخص : تعبان
مشعل بخوف : طيب وينه هو الحين عطه الجوال
ابي اكلمه ..
الشخص : مايقدر يتكلم !
مشعل باستعجال: اي مستشفى طيب ؟؟؟
الشخص : مو بمستشفى !
عقد مشعل حواجبه : اجل وين ؟
الشخص : ب ****
مشعل باستغراب : هناك ليه !!!
الشخص : طلبنا الاسعاف بس لسى م وصلت وهو طلب اننا ندق عليك يبيك
مشعل باستعجال : طيب يالله جاي الحين
قفل الجوال بسرعه وطلع باستعجال ركب سيارته وحرك ..
_
" ابو صقر "
رفع عيونه وبحقد : وش تبون فيه !
رفع حاجبه الشخص ونطق ببرود : تقدر تقول نبي نوازي بين الطرفين
عقد حواجبه ابو صقر بخوف !! : وش ناوين عليه !!
دخل المجهول ونبره حاده بحقد وهو وجهه مايل للاحمر وعروق جبينه بارزه بغضب
ودمه يفور : صدقـ..ني محد بيخلصك ويخلص
عيالك من بين ايديني بعد اللي سويته ب ابــوي !!
ابو صقر بصدمه : وش ناوي تسوي الا عيالي الا هم ان تبي شي سوه فيني ولابعيالي !!
ضحك بسخريه وقلبه محروق : نشوف واولهم ولدك مشعل !!
جن جنون ابو صقر بصراخ عالي وهستيري :ان كان فيك خير ورني وجهك ولدي خله حل مشكلتك معي مو مع عيالي ..
-
" سيف وميهاف "
وهي بترفع ايدها بس تأوهت ب الم !
فز سيف بخوف : شفيك !!!
نزلت راسها وحطت ايدها ع بطنها تحت !
سيف : خلاص انسدحي انسدحي ماكان المفروض تتحركين اصلاً !!
رفعت عيونها تطالعه : كله بسببك !
عقد حواجبه : ليه !!
ميهاف : انت اللي حارشتني
ابتسم : اسف خلاص !
ميهاف : طيب خلني اطلع من هنا
عقد حواجبه : نعم !!!!
ميهاف : خلاص تعافيت
سيف : بالله ؟؟ توك اليوم مسويه العمليه امداك
ميهاف : والله تعبت هنا خلني اطلع ع مسؤوليتي
سيف : قلت لك لا
تأففت بضجر : اففف منك ..
_
" صقر "
بلحظه ماهو بيركب سيارته الا دق عليه مشعل
رد صقر بتنهد : مافيه شي ي ابن الحلال
مشعل : قبل شوي دق علي واحد من رقم ابوي
ركب صقر سيارته باستغراب : ايه ؟؟؟
مشعل : ويقول ابوي تعبان ويبيني !
صقر : الرجال اللي يقوله !!!
مشعل : ايه !
صقر : ابوي يبيك انت لحظه لحظه ! طيب
وينه هو !!!
مشعل : حسبالي انه بالمستشفى بس مو فيه
صقر ب شك : وينه اجل ؟؟
مشعل : رايح له انا الحين
صقر : لحظه مشعل انتظرنـ.. الوو !!! مشعل !!! هيه الووو!! وينك ؟؟؟
ابعد الجوال يطالعه م يرد عليه الا انقطع الخط
زاد صقر من تعقيده حواجبه رجع دق بس كان مقفل
بتأفف نزل جواله : استغفر الله ياربي هذا اللي ناقصني هذا مافيه الا سيف هو اللي بيشوف لي حل اكيد
رفع جواله حتى يدق
_
" ميهاف "
لفت بهاللحظه لما وصل اشعار رساله ع جوالها !
اخذته فتحت الرساله قرته و جمدت بهاللحظه
من الطلب " قفلي جوال زوجك وابعديه هاالليله
ولاتخلين اخوانه يوصلون له ! والا اول شخص بيندم هو انتي ! "
سيف : شفيك ؟
رفعت عيونها له بهاللحظه بسرعه : هلا
سيف : شفيك كانك مرتبكه !
ميهاف : لا بس ذي امي كانت توصيني اني اتلحف زين و الصبح بتجيني وبتجيب فطور
سيف : اهاا !
ضيقت عيونها بتدقيق فيه : شفيها عينك ؟؟
عقد سيف حواجبه : شفيها ؟
ميهاف : مدري صايره حمرا مدري جرح ! ضارب شي انت
استغرب : لا شدعوه !
ميهاف : روح شوفها بالمرايه غريبه م حسيت ب الم !
قام ودخل الحمام بهاللحظه سحبت هي الجوال بسرعه
شافت اتصال من صقر قفلت بوجهه و
وقفلت بعده الجوال نهائي وحطته ع الطاوله
طلع سيف : مافيها شي وين حمرا ؟؟
_
" صقر "
وهو يدق بس عطاه مشغول
تنرفز : ياربي شفيهم ذولا اليوم !!!
رجع دق لقاه مقفل !! تأفف بقهر : وش بسوي انا الحين ! كيف اوصل له !
-
" سيف وميهاف "
سيف باستغراب : مافيها شي عيوني ! ميهاف بتدقيق : ورني اشوف !! غريبه اجل اتخيل معليش من التعب
ابتسم : نامي يالله اشوف
مسكت ايده وهمست : نام معي !
همس ب تردد : ودي بس بروح اشوف صقر
شدت ع ايده : لالا لاتروح
عقد حواجبه من رده فعلها ! : ليه ؟
بلعت ريقها ونطقت : لا يعني مشتاقه لك ليه بتخليني محتاجتك اليوم وحيل كيف بتخليني ؟
مسك ايدينها : ادري وانا والله اكثر بس تعبانه انتي ولا فيك حيل ! ارتاحي الليله وبكره بمرك الصبح ان شاءالله
كلها كم يوم ونرجع لبيتنا وبتنامين بحضني
وبتبقين تحت نظري
شدت ع ايدينه : بس مابيك تخليني الليله !
ابيك معي ! روح لاخوك بكره
طالعها للحظه متردد !! ميهاف ب نظرات حزن : ماتبيني ؟؟
سيف : شدعوه اكيد ابيك وخايف عليك بس مشغول بالي !
ميهاف : مو مشغول فيني انت هالفتره مهملني ي سيف
تنهد : ميهاف ! شهالتفكير ؟ انتي اكثر وحده عارفه باللي قاعد امر فيه ! احاول انهي كل شي واستقر
ميهاف بتأنيب سكتت بينها وبين نفسها نزلت راسها بحيره قلبها يعورها ع اللي قاعده تسويه
!! اخبث افعالها بس مجبوره !!
رفعت عيونها وبزعل : بكيفك سوي اللي تبيه
بنام انا الحين !
زاد من تعقيده حواجبه : زعلتي !
انسدحت بشويش وتلحفت صدت ونطقت : لا !
سيف : طيب طالعيني !
ميهاف وقلبها محروق ع اللي تسويه عارفه انها
تبعده عنه ! وهي بين نارين !! ناره ونار ماضيها !
سيف بهمس : طالعيني ! دلوعه !
بلعت ريقها وهي بتردد وحرقه !! تنهد وقعد ع طرف السرير : خلاص بقعد كم ميهاف عندي انا ؟
عضت ع طرف شفتها وقلبها يوجعها بتأنيب !
لثواني معدوده اخذت نفس عميق وتنهدت ولفت عليه ..
_
" صقر "
رفع جواله ودق ع الوليد اللي ماهي ثواني ورد : ي هلا والله ومرحبا ومسهلا ب الاخـ..
قاطعه صقر بنرفزه : اسكت واسمعني
الوليد باستغراب : ابشر سكت
صقر : مشعل كان معك ؟
الوليد : لا بالبيت كان ليه ؟
صقر بعصبيه : اوووف !!!
الوليد : شسالفه ؟
صقر : ابي اتواصل معه ! بس جواله مقفل اقدر اعرف وين مكانه هو الحين ؟؟؟
الوليد : شدعوه استخبارات شايفني ؟
صقر : كل تبن وانقلع عن وجهي ..
_
" مشعل "
وهو يرفع جواله بشك واستغراب ليه انقطع عنه البرج !! حاول يدق ع صقر تنهد ب حلطمه
للحظه ماهو بيرفع عيونه الا توسعت
من الصدمة لما طلعت
السياره بوجهه وتقترب بسرعه لاشعورياً لف بالدريكسون فجأة !!!!!
-
" نايف "
اللي مذهول من الصدمة
حس ان كل شي انتهى بهاللحظه !!! رمى الجوال بعدم استيعاب حط ايدينه ع راسه وكلام ام صقر يدور براسه وكأنه ينعاد ع مسامعه
نطق بدهشه : كيـ..ـف ؟ مستحيل !!! رص باايدينه ع شعره بقوه : مستحيل
اخليها لغيري تحرم تصير زوجه احد غيري !!!
يحس بالبراكين تفجرت ب داخله من القهر
والغيره ب مجرد فكره انها مو له !!!! نزل ايدينه ب يأس وضيقه وبندم نطق : ياربي انا ليه دقيت ؟؟ ليه اوف الله ياخذك ي نايف اكيد هي منهاره
بسببك !!!!
قام وغمض عيونه وغرس اصابع ايدينه بشعره بنرفزه : شسوي شسوي !! فكر ي نايف
شتسوي بهالورطه !!! فتح عيونه ع وسعها بصدمه : لايكون اخوانها درو والله مايرحمونها !!!! ماقدر اقعد هنا مااقدر !!
لف اخذ جواله ومفتاح سيارته وطلع من غرفته بسرعه ينزل الدرج ب عتبتين طلع لبرا ركب سيارته وحركها بسرعه جنونيه !!!
_
" بعد نص ساعه" " بيادر "
وهي محتضنه فراشها ودافنه وجهها بالمخده
وتبكي بحرقه تحس ان روحها تحترق كل م تذكر كلام امها !! " ماله نصيب عندنا "
بشهقاتها المكتومه ابعدت وجهها عن المخده
لما حست نفسها انقطع ومخنوقه !! قامت
لاشعورياً فتحت شباك غرفتها غمضت عيونها
واخذت نفس عميق وترجع تكررها
لحد م حست انها ارتاحت شوي فتحت عيونها ببطئ
الا بلحظتها عقدت حواجبها لما طاحت نظراتها ع السياره اللي وقفت قبال بيتهم ! هالسياره مو غريبه
عليها
ضيقت عيونها بتدقيق للحظه م شافته
نزل من السياره توسعت عيونها بصدمة بشعور الفرح يخالطها الحزن !! وهو قلبه يدق بقوه لما شافها حس بالضعف
بهاللحظه وبغصه اشر لها بمعنى انزلي !
تلاشت ابتسامتها ل حزن هزت راسها ودموعها تنساب ع خدها بمعنى ماقدر !
رجع اشر لها بارتباك بمعنى انزلي ورا !
غمضت عيونها بهدوء بتردد ! لجزء من الثانيه ثم فتحت عيونها طالعته للحظه ثم اومئت راسها بطواعيه
اومي براسه بمعنى انتظرك ! لفت وطلعت بشويش تشيك ع البيت اذا فيه احد او لا !
_
" نايف "
اللي راح من الباب للجهه الثانيه واقف ع اعصابه
ينتظر وبخاطره كلام متوتر ! ابشع شعور
يحس فيه بحياته كله ! للحظه م انفتح الباب
لف وقلبه يدق بقوه بلهفه وشوق و حزن لها هي !!
انصدم وتلاشت احاسيسه بهاللحظه لما شاف ام صقر قباله كأن دمه نشف بعروقه !!!
-
" مشعل "
ع اخر لحظة قدر يسحب فرامل ويوقف السياره
لدرجه اصطدم وجهه بالدريكسون لما وقف
فجأه نزل ايدينه ب صدمه ووجهه ع الدريكسون مو مستوعب اللي صار معه !!! وقلبه مثل الطبول ! كل خليه بجسمه ترجف من هول الصدمه !!! رفع راسه ببطئ بعدم تصديق انه نجى من الموت !!! تنقلت نظراته حوله بصدمه انه عايش !!! م صار فيه شي !!! حرك ايده اللي ترجف ل باب
سيارته وفتحه ونزل وهو يتنفس ب انفاس سريعه
وهو يردد ب الحمد والشكر لربه انه انقذه !! وحيله منهد قعد ع الارض يحاول يجمع نفسه !
غطى وجهه بكفوفه وتنهد بتنهيده عميقه
تريح جوفه لجزء من الثانيه ! بعد م حس انه ارتاح نزل ايدينه وطالع حوله بنظره اخيره تنهد وقام : يارب لك الحمد .. الحمدلله ماصار شي الحمدلله
ركب سيارته وهو بالقوه يتماسك بعد اللي صار !! شعور القرب من الموت يفجع !! حرك ب شويش وهو فيه الرجفه بعد اللي صار ! وكمل طريقه ب سرعه
اقل وقد م يقدر ينتبه ويركز وهو يسوق !
_
" صقر "
ع احر من الجمر وهو واقف مشتت والخوف مسيطر عليه !! انعدم الراحه بقلبه من اللي قاله مشعل !! وهو بيركب سيارته الا استوقفه سيف : صقر !
وقف ولف صقر عليه باستغراب !
الا نطق بعصبيه : م بغيت تجي !!!!
سيف وهو يتنفس بسرعه من الركض : شصايـ..ـر ؟
صقر : مشعل تو قبل شوي داق علي
عقد سيف حواجبه : طيب ؟
صقر بقلق : قال لي ان فيه احد دق عليه من رقم ابوي
استعدل سيف بوقفته ب اهتمام بهاللحظه من سمع كلمه " ابوي " زاد من تعقيده حواجبه
بخوف نطق بسرعه : تكلم اخلص !!
استغرب صقر من هجوم سيف وخوفه !! : بسم لله ! اصبر شوي !
سيف ب قله صبر وبشك : اخلص علي شقال ؟
صقر : دق عليه شخص من رقم ابوي وقال له انه تعبان وقال لي دق ع ولدي مشعل يجي !
سيف بخوف : يجي وين !!!!
صقر : يوم جيت باخذ اسم المكان الا انقطع الخط ومشعل رايح له
توسعت عيون سيف بدهشه : شقلت راح له !!!
صقر : مو متطمن احس فيه بلا !
سيف بعصبيه : وتحس بعد !! دق عليه بسرعه رجعه
صقر : مايرد علي جواله مقفل !
سيف بدهشه : نعم !!!!
صقر : ادق عليك انت وماترد شسوي عاد !!
سيف بهمس : اكيد بالقصر !! متاكد
عقد حواجبه صقر : قصر ؟؟
سيف باستعجال : عطني مفتاح سيارتك بسرعه
صقر : السياره شغاله
ابعد سيف صقر عنه وركب
استعجل صقر بسرعه وركب قبل م يحرك
صقر : ع وين ؟؟؟؟
سيف : ادري وين هالمكان وحرك بسرعه جنونيه !!!
-
" ميهاف "
وهي قاعده فوق سريرها ! تنهدت بتنهيده عميقه : هذا الصح ي ميهاف
غطت وجهها بكفوفها بضياع مابين ارتياح انها
خبرته ان اخوه يبيه وخلته يروح له ومابين
خوفها من اللي بيصير لها وبيدمرها !!
قطع عليها رنين جوالها رفعت راسها انقبض قلبها بخوف من تنبيه الرساله ! وكأنها تهيئ نفسها للمصيبه !
فتحت جوالها بترقب بلحظه مافتحت الرساله
بهتت ملامحها بهاللحظه من الصدمه !!!! لاشعورياً طاح الجوال من ايدينها !!
" سيف وصقر"
صقر بقله صبر : تكلم قول لي وش السالفه وش يعرفك انت بالمكان اصلا ً !
سيف وهو ع اعصابه : دق على مشعل شوفه
يرد والالا !!
صقر : ماودك تعلمني !! لف سيف عليه : معك سلاح !
توسعت عيون صقر بصدمه : وش هو !!!!
سيف بقله صبر : اخلص معك ولالا !!!
صقر : دقيقه ي مجنون وش ناوي عليه !!
سيف بنرفزه : جاوب صقر : لا مامعي اكيد تستهبل انت !!!
لف سيف يطالع ب الطريق وتأفف بقهرر :
استغفرالله !!!
صقر: سيف تكلم قول لي وش ناوي عليه !!
سيف : مو ناوي شي !
صقر : شايفني بزر انت !!
تنهد سيف : قلت لك دق ع مشعل يالله !
طالعه صقر بنظره لجزء من الثانيه ثم صد
واتصل ع مشعل الا تأفف !!
سيف : مايرد ؟
صقر : مقفل !!
سيف بنرفزه : مو متطمن والا ليه هذاك طلب
مشعل يجي له وهو غبي ماصدق ع الله وراح !
صقر : شوف هو ماينلام والله لو راح من خوفه ع ابوي !
سيف : حتى ولو ! يشغل مخه !!!
صقر : خايف عليه والله خايف يسوون شي فيه
سيف : عسانا نلحق عليه قبل م يسوون فيه شي !!
صقر بخوف : الله يستر بس ..
_
" مشعل "
بعد م وصل عقد حواجبه من القصر ! : غريبه وش جابه ابوي هنا !
نزل بشك ومشى لعند الباب الرئيسي الا انفتح له جمد بمكانه لهاللحظه بخوف ! بيرجع خطوه الا صدم بالشخص اللي وراه وهو بيلف لحظتها اظلمت الدنيا بعيونه ..
_
" بعد نص ساعه "
اول م وصل سيف سحب فرامل عقد حواجبه صقر ولف عليه : ليه وقفت هنا !
اشر سيف بعيونه : هذاك هو القصر
لف صقر ع المكان اللي يأشر عليه سيف
ضيق عيونه بتدقيق نطق بصدمه : مو هاذي سياره مشعل !!!!
نزل سيف بسرعه بخوف توسعت عيونه : الا سيارته !!!
سيف باستعجال : انت خلك هنا وانا بتفاهم معهم !
صقر : لالالا والله ماخليك مجنون انت !
لف يطالعه سيف ب قهر : اجل اخليه داخل
صقر : انت تعرفهم !
سكت سيف بهاللحظه ! ثم صد عنه وتنهد !
صقر : جاوب !!
تجاهله سيف ومشى لحقه صقر : سيف
لاترفع ضغطي !!!
سيف : خلك انت هنا حتى اطلع لك مشعل وتاخذه وانا بتفاهم معهم قلت لك
رفع حاجبه صقر ب ازدراء : بالله !
لف عليه سيف : صقر خلك هنا ماراح اطول
بعدين بقولك ع كل شي !
صقر بنرفزه : طيب بنتظرك بس والله لو تعديت النص ساعه ولا طلعت بدخل !
طالعه سيف بيأس ثم صد واخذ نفس عميق
وتوجه للقصر !
اما صقر بخوف ع اعصابه : والله كأني ارسلهم للموت بنفسي يارب تستر !!!
_
" بيت ابو صقر "
جمد نايف بهاللحظه بصدمه !!
ام صقر بعصبيه : ولك عين تجي للبيت هاه !!
اما بيادر تنتفض بخوف وهي تطالعهم من بعيد !! ام صقر : وراه جاي تبي تقابلها بعد والله ي نايف لو انك م تروح دام النفس عليه طيبه لا افضحك وادق ع اخوانها يتفاهمون معك روح الله لايبارك فيك
وهي بتقفل الباب الا كان اسرع منها ومسك الباب
نايف : دقيقه دقيقه دقيقه انا جاي عشان اكلمك والله ي خاله تكفين اسمعيني
ام صقر بعصبيه : وش تبي مالك كلام معي
يالله روح
نايف : خاله واللي يسلمك اسمعيني والله ماراح اطول بس كلها كلمتين ! اناا بحسببه ولدك
ام صقر بقهر : تخسي تكون ولدي !!
تنهد نايف ب انكسار بين ب عيونه ونبره الحزن ب صوته : ادري اللي سويته غلط وسامحيني بس والله لو مو حبنا عفيف
كان م جيت وطقيت بابكم كان م طلبت ايدها منكم ورفضت اني اتزوج غيرها يحرمون علي بنات المسلمين من بعدها رجيتك ي خاله اذا لي خاطر عندك لا ترفضين !!
ام صقر وهي بدت تلين شوي من شافت ملامحه اللي طاغيها الحزن والرجا والخوف من انه يخسرها !
قوت قلبها ونطقت : بس انت م ترضاها ع خواتك
كيف ترضاها ع بنتي هاه وبنت عمك من لحمك
ودمك !!
نطق بضيق : والله ادري ان اللي سويناه غلط
بس انا ابيها بالحلال واللي خلقني ابيها زوجه
وام لعيالي ! مابي احد غيرها ! لاتخلينها تروح لاحد غيري طلبتك ي خاله اني جاي وارجيك عشانها هي وبطلب ايدها هالمره والثانيه والثالثه ! لاتبعدينها عني
طالعته مابين اسى وقهر !
اما بيادر منهاره وميته بكي ب صمت وهي
تشوفه كيف يحاول يتماسك ويقوي نفسه بوسط خوفه وضيقته من فقدانها
ام صقر ب قسوه : الله يستر عليك روح قفلت الباب بوجهه حتى بدون م تعطيه فرصه ينطق !
غمض عيونه بمراره ..
-
" بيت ابو تركي "
ام تركي : يالله ي ميعاد وين الشاهي بسرعه بيبدأ المسلسل
ميعاد وهي تحط الكاسات بالصينيه : يالله جايه
حطت الشاهي والمكسرات وشالتهم ودخلت للصاله
ميعاد : وين يمه م بدأ المسلسل !!
ام تركي : بيبدأ الحين !
نزلت الصينيه ع الارض وقعدت
ام تركي : صبي لي !
ميعاد : تركي وينه صح ؟
ام تركي : يقول انه جاي
صبت لامها الشاهي ومدت لها الكاسه اخذته امها منها !
ميعاد : الا صح يمه متى تبينا نروح للمستشفى !
عقدت حواجبها امها باستغراب : شسالفه ؟
اي مستشفى ؟
ميعاد : شدعوه يمه امداك تنسين مو ميهاف اجهضت البنت م تحمدنا لها بالسلامه !!!
الا ع دخول تركي بهاللحظه
جمد لما سمعها !!!!
رفعت ام تركي عيونها لولدها اللي بهتت ملامحه بهالثانيه !
انتبهت ميعاد لنظرات امها ! لفت وراها الا ارتبكت لما شافت تركي !
قامت امه تبي ترقع الوضع : تعال ي يمه والله مايتفوت هالشاهي !
بلع ريقه وهو مو ع بعضه : بدخل انام تعبان شوي
ام تركي ب اسى : عوافي ي يمه ارتاح بسم لله عليك من التعب
دخل لغرفته وقفل الباب غطى وجهه بكفوفه
بضيق بضياع تنهد ب وجع قلبه ! مشتاق لها م ينفي هالشي !! نزل ايدينه ب استسلام ويأس
وقعد ع طرف السرير ب ضيق همس : كانـ..ت
حامـ.. مـل منه ؟؟
بلع ريقه ونزل راسه : خلاص ي تركــي انساها
انسـى هي مو لك ! ليه للحين هي ببالك ليه
تفكر فيها بعد كل اللي هي سوته ! فيك الحيل
انك تفكر وتهتم لها !! ويفز قلبك لاجابو طاريها !!
_
" ام تركي " : وجع وانتي م جبتي هالطاري الا الحين !
ميعاد : شسويت !!!
ام تركي بحزن : والله ضاق صدره ! ي قلبي عليك ي وليدي
ميعاد : وش يدريني انه جا!! خلاص هي راحت
وشافت نصيبها وهو بعد !! الدنيا م توقف ع احد
ام تركي بضيقه : ماش موب مرتاحه لازم اشوفه
ميعاد : يمه خليه لحاله لاتـ..
تجاهلتها امها وقامت طقت الباب !
تركي : ادخلي
دخلت امه ب ابتسامه وقفلت الباب !
استعدل ب جلسته واخذ نفس عميق يحاول يخفي
تألمه !! قعدت امه بجنبه : اخبارك ي يمه ماعاد نشوفك تطلع من الصبح ولاترجع الا تالي الليل !
تركي : الشغل !
ابتسمت امه وربتت ع كتفه : يالله جهز وراك زواج ع خير
ابتسم ب ابتسامه باهته : خليني القى الزوجة بالاول
امه بابتسامه : ان شاءالله توافق ننتظر ردهم !
عقد حواجبه لف عليها : مين !!!!
ام تركي ب فرحه : اخت مشعل خويك ! عندهم بنيه ماشاءالله تبارك الله اسمها عريب ..
بهتت ملامحه بهاللحظه نطق بصدمه : اخت سيف !!!!!
-
" سيف "
اول م دخل وهو يطالع حوله ببرود وهدوء م يبي يبين لهم خوفه ع ابوه واخوه !
اول م دخل للقصر الا وقف بهالثانيه لما سمع
تصفيق رفع عيونه الا المجهول طلع من
الصاله ب ابتسامه مرعبه مرتسمه ع ثغره
وعيونه مايله للاحمرار ومتورمه من البكي !!
عقد سيف حواجبه !
المجهول بسخريه وبداخله براكين تفجرت
وبنظرات شرسه يطالع ب سيف : اهنيك ع الحيله
الغبيه تتوقع ان ابوك بيشيل عنك جريمتك !
سيف بنبره : وين ابوي ومشعل !!!
اتسعت ابتسامه المجهول بسخريه : فكرت فيهم
بهاللحظه !!!!
تغيرت نبره صوته ل الم وحقد ومن بين اسنانه اللي راصها بقوه
: شفت الخوف اللي في قلبك عليهم !! احساسك بهالشعور انك م تبي تفقدهم !! هذا اللي حسيته انا بولدي وتجدد بهالليله ب ابوي قتلتوه ب دم بارد جايني وانت نافخ ريشك وتسألني عنهم !!!!
صرخ بنبره قهر : اقسم بالله لاوريك ي سيف !!
رفع حاجبه سيف : مين انت !! لهاللحظه اجهل سبب حقدك وانتقامك مني !!
ابتسم المجهول بسخريه : بعذرك ماراح تذكر اللي صار من سنتين !
ثم ضحك : بس تدري شلون ! انا كنت العبها ع هدوء كنت اتسلسل لحياتك وحياه عايلتك بدون محد فيكم يحس ! دخلوني اعمامك بينهم بكل رحابه صدر استقبلوني شاركتهم ب كل شي كل شي يخطرك ع بالك كل هذا بس حتى اوصل لك ! وادمرك !! وماهو بالبعيد عني وصلت!!
الا اشر المجهول ب راسه للشخص اللي وراه !
اللي سرعان م نفذ الامر بطواعيه لف سيف وراه
الا ب الشخص يقفل الباب ! اتسعت ابتسامه سيف ببرود ولف للمجهول : بتسجني ؟؟؟
قرب المجهول وخطى ب خطوات بطيئه وايدينه ورا ظهره والابتسامه م فارقت شفاته بنظرات هاديه ! وكأنه مختل عقلي !! : صدقني ! وانا بهالمكان بالتحديد وبهالليله وبهالساعه ! احلف لك انك ماراح تطلع
من هالقصر الا وانت مستخف الا وانت تتمنى الموت وبتكون مثل الجثه تمشي ب لاروح !!
زاد سيف من تعقيده حواجبه !
رفع المجهول ساعته يطالعها اتسعت ابتسامته اكثر
ثم رفع عيونه ل سيف : لازم اسجل هالليله العظيمه بالتاريخ ! راح تكون محفوره ب عقلك ي سيف ولاتنساها جاء الوقت اللي اكشف لك الاوراق والخبايا جاء الوقت اللي نتصافى فيه ! الدم بالدم تجردت من الرحمه ولافيه بقلبي ذره انسانيه لك .. م اكون "منصور" ان خليتك ترتاح بحياتك وتتهنى ..تبي تودع احبابك ؟
رجعت بيادر ع ورا بسرعه ولفت وصعدت لغرفتها وقلبها يتقطع من البكي !!!
صد نايف عض ع طرف شفته وصدره مكتوم من الضيقه !! كل حماسه وتخطيطه ورسم احلامه
معها تناثرت مثل الرماد قدام عيونه !!! انكسر قلبه للمره الاولى من شاف محبوبته بالزاويه تطالعه وتبكي ب انكسار !!! ماهمه حزنه كثر مايهمه بكاها ! هي قلبه حبيبته وطفلته او ابوها اللي يحتويها واخوها وامنيته الاخيره انه يكون زوجها ..
_
" تركي "
رفع حاجبه بعدم استيعاب : اخته !!!
طالعته امه باستغراب : اي ليه ي يمه ؟؟
قام وضحك بسخريه بعدم تصديق : مالقيتي
الا هي حتى تخطبينها لي !! ليه قلو بنات خلق الله !!
قامت امهه بدهشه من كلامه : وش فيها البنيه ماشاءالله سنع وذرابه ..
تركي بنرفزه : مين قال لك اني ابي منهم والا ابي اتزوج بنتهم !!!
امه بصدمه : وش هالكلام ي تركي !!
تركي بقهر : يمه وش مقصدك من هالزواج ليه هالبنت بالذات ليه بعدين تعالي انتي متوقعه منهم بيوافقون علي يمه انتي شايفه فرق المستوى اللي بينا وبينهم تبينها تترك قصرها والدلع والعز اللي هي فيه وتاخذ تركي اللي سيارته اكسنت !!! وراتبه اللي مايتعدا
٤ الاف وفوقه ديون انا بقدر اغطي ع مصاريفها
و سفرياتها وتمشياتها اللي تبيها !!!
ضحك بقهر : لالالا واضح انك ي يمه م كنتي بوعيك لما خطبتيها
ام تركي : وشوله ماتوافق عليك ماشاءالله كامل وش
زينك ي بختها والله فيك وش ناقصك ! فلوس !!! وش هي الفلوس هاه مايهم الا الاستقرار والراحه وش فرقها بنت احمد لما اخذت ولدهم والعز اللي هي فيه الحين !!!
لف عليها تركي بهاللحظه بسرعه بنظرات حاده لما سمع طاريها ارتبكت امه من نظراته !!
_
" سيف "
رفع ايدينه سيف وصفق وبضحكه سخريه : انا اللي اهنيك ع خطتك ..
" المجهول ، منصور زوج مضاوي عمة سيف اللي عيالها غيث وبندر وريم وريهام ومقرن وهو مدير الشركه اللي يشتغلون فيها مشعل وتركي "
منصور : صدقني بتنسى كيف تضحك بعد اللي بتعرفه !
رفع حاجبه سيف ببرود وبابتسامه : تفضل اطربني !
منصور بابتسامه واسعهه : اللي بقوله بيريح ضميرك بس بيحرق قلبك !
رمش سيف بهدوء وبروده اعصاب !
منصور بهدوء : انا اللي تسببت بوفاه امك وبالخطأ الطبي بيوم عمليتها م كان لك علاقه باللي صار فيها!
تلاشت ابتسامه سيف بهاللحظة وكأن صاعقه نزلت عليه هز راسه ب عدم تصديق بالرجفه اللي وضحت ب نبره صوته والدموع اللي تحجرت ب عيونه : لـ..ـلا لالا مستحــيـل انت تكـ..
بلع ريقه بغصه ونطق وكل خليه بجسمه ترجف : تكـذب انـت تكذب انــا
ركع ب انكسار و نزل راسه وعيونه تتنقل نظراته ليمين ويسار بسرعه
وصدره يعلو ويهبط بسرعه انسابت دمعته
وطاحت ع الارض ضعف وانهارت قوته !
غمض عيونهه وهو يستذكر تفاصيل عمليتها عقله مو مستوعب !!! كيف مو هو اللي تسبب ب وفاتها دماغياً ! كيف مو هو اللي تسبب بوفاتها !!! فتح عيونه وهو يطالع ب ايدينه وبهلوسه همس وبلعثمه : هالايـدين ! هالايدين هي اللي كانت ماسكه المشرط والمقص ! كيف مـو انـا !!!
تنهد منصور ب تنهيده عميقه ونطق بكل برود : تذكر الدكتور المساعد اللي معك ب العمليه !
عقد حواجبه : وش كان اسمه ااااي بدر ! الدكتور بدر هو اللي تسبب بوفاتها ب امر مني ..
رفع سيف عيونه ل منصور وعيونه متوسعة
ع الاخير بصدمة !! جمد الدم بعروقه بهاللحظه من سمع اسمه !!!!
ابتسم منصور : جراح ودكتور شاطر ! عرف كيف ينهي الموضوع ببساطه وسلاسه بدون محد يحس انه هو المتسبب ب وفاتها ونزيف !!
مشى بخطوات هاديه متزنه ب ثقه ل سيف : تذكر اليوم اللي وصلت فيه للسعوديه وللرياض
تحديداً ي سيف ! حبيت استقبلك ب خبر وفاه امك وماقصر الدكتور بدر هو اللي تكفل ب انه يفصل
الاجهزه عنها ! تقدر تقول رحمه فيها
رمش سيف ببطئ وكأن روحه تحتضر بهاللحظات ! اقسى واسوأ لحظات حياته !
خيانه الم فقد ! وكأنه خسر الارض ومن عليها !! استنزفت هالحقيقه كل قوته وطاقته !!! انهاار وجثى ع رُكبه بضعف ب انفاس بطيئه !!
منصور : تتوقع ان حقدي لك كان بهالسهوله وجا هاليوم اللي ي ماسهرني ليالي من تفكيري
وتخطيطي جا هاليوم اللي اجفيت فيه ناس عشانه جا هاليوم اللي اكسر فيه مجاديفك اللي تتسند عليهم طول حياتك ! جيت اهدمك !
ابتسم ب سخريه : وهذاي اشوفك قدام عيوني منكسر وطايح مخذول من كل شي !
عض سيف ع طرف شفته بقوه لدرجه م يحس ب الالم من حرقه قلبه !!!!
نزل عيونه بدموعه اللي تحرق خده !!
ونعوذ بالله من قهر الرجال ودموعهم !!! الا للحظه م ترددت ع مسامعه بنبره السخريه اللي بصوت منصور : وانتهي اوجاعك ب زوجتك الخاينه
رفع سيف عيونه ببطئ وكأن كل اللي حوله صمت
و ترن في اذنه هالكلمه
" زوجتك الخاينه "
عقد حواجبه بعدم استيعاب !! وبالقوه ينطق : كيـف ؟
قعد ع طرف الكرسي وتكتف ببرود : م سألت نفسك مين اللي ساعد زوجتك وزرع لها القلب !
بهتت ملامح سيف بهاللحظه لما استوعب اللي بباله !
اتسعت ابتسامه منصور ب سخريه : اللي طرى ببالك
بالضبط ! انا اللي ساعدتها وزرعت لها قلب امك بتقول وين الخيانه بالموضوع !
استعدل بوقفته ببرود : اقولك ي سيف وين الخيانه كان اتفاق بيني وبين زوجتك حتى اساعدها ب زراعة القلب
ان ! وانتبه للكلام اللي بقوله بعد شوي اتفاقنا كان انها تتزوجك !
توقف قلبه بهاللحظه
ونشف الدم بعروقه !! م كان متوقع ولا واحد بالميه اللي يقوله هو الحقيقه !!!! خصوصاً عن زوجته !!!!
استرسل منصور ب كلامه : وماكان زواجها منك عبث كانت توصل لي الاخبار عنك بتنصدم اي لك الحق بهالشي لانها ممثله شاطره ! كيف كانت تمثل عليك بدايه تعارفك معها ب انها م تدري مين انت ! ولا تبي الزواج منك ولا اي شي!!
عقد سيف حواجبه بشك وهمس : يعـني كنت متفـق مع بـدر انه يخبرنـ..
غمض عيونه لما استوعب كل شي نزل راسه بمراره شعور يخالط دمه !! كل اللي عاشه كان خدعه وغفله وكأنه بحلم وتوه
يقوم منه !! زاد من عضته ع شفته !! قلبه يحترق
ويحتضر من اعماق جوفه !!! منصور ب ابتسامه : ايه انا اللي خبرته انه يقول لك عن زراعه القلب كل شي مدبر ! توقعتك ذكي ولاتمشي عليك ! بس يمكن لانك تمر ب ضغوط نفسيه ب ذاك الوقت ف م خلتك تنتبه وتركز باللي قاعد يصير حولك !
رفع سيف حاجبه وفتح عيونه ! رفع راسه بهدوء وهمس : شسـويت لك ؟
عقد حواجبه منصور : شسويت انت ؟؟؟
ابتسم ب سخريه : قول وش ماسويت !
عقد سيف حواجبه ب عدم فهم !
منصور : ولدي !! ولا اظن انك بتذكره ولاتذكر اللي سويته فيه ..
سيف باستغراب : مين ؟
منصور : علي !
زاد سيف من تعقيده حواجبه : عـلي مين علي؟؟
منصور بآسى وحرقه بنظرات الحقد بعيونه : ولدي !ضناي اللي حرمتني منه ..
قام سيف ع حيله وهو مو مستوعب شي : كيف حرمتك منه تكلم !!
طالعه منصور ب قهر ! نطق سيف بعصبيه
: تكلم كيف حرمتك منه وش علاقتي فيه !!
رفع حاجبه منصور ب قهر : وش علاقتك فيه ؟؟؟؟
سيف : جاوب !!!
منصور : انت اللي قتلته !!!
طالعه سيف بهاللحظه بعدم استيعاب ونطق ب عدم تصديق : علي اللـي قبل كم يوم هـو ولدك ؟؟
ابتسم منصور ب سخريه : لاطبعاً ! هالولد كان
بس ابي اذكرك ف اللي سويته ف ضناي بس واضح انه مو على بالك !! سكت لوهله ! ثم نطق ب حرقه قلب : قبل سنتين جيتك وانا شايل ولدي وادور ف المستشفى مثل المجنون ابي دكتور ابي جراح ولدي بين الحياة والموت كان عنده نزيف داخلي بالدماغ ومحتاج جراحه !! كنت معروف ب اسمك ب افضل الجراحين اللي بالرياض كنت متاكد اني بلقى الحل عندك بعد الله ! طلبتك بالاسم !! وصلت ل مكتبك و ولدي بين ايديني يحتضر
خبرت الممرضه وانا ارجف بخوف من فقدانه !
دخلت الممرضه وخبرتك بس انت وش قلت خله يشوف مستشفى ثاني !! طلعت لي هالممرضه
وقالته بوجهي رجيتها حتى ادخل عليك ! بس انت رفضت !!
طلعت وعطيتني ظهرك ومشيت بخوف ان طيارتك تفوت عليك !
صرخت ب اسمك وبرجا الح عليك ي دكتور ولدي بيموت !! بيروح مني !! فريت ع كل مستشفيات
الرياض كلامهم كان يسم البدن ! ي دكتور
املي فيك من بعد الله ! مستعد احجز لك ع تذكره غير هاذي بس انقذ ولدي !
تجهمت تعابير وجهه بحقد وكراهيه ثم نطق : بس انت وش سويت سفهتني وطلعت ب دم بارد م فكرت في ضناي كان الكبر والغرور طاغيك !!!
رفع ايدينه وبقهر : دفنت ولدي من ثاني يوم ب ايديني هاذي دفنته ب قبره وانت تتمتع ب اجواء اوروبا حلفت واقسمت بالله وانا على ترابه اني لانتقم منك واني لاذوقك من نفس الكاس حلفت بالله اني لاخلي قلبك يحترق
ع احبابك اللي انا مريت فيها
واخيراً جا اليوم اللي امتع عيوني باللي انت فيه انهدم كل شي من حولك !! ماعاد بقى معك احد وحيد مذلول مكسور !! هذا الحال اللي يسر قلبي !
ابتسم سيف : انـت واحد مجنــون ! تحتاج ل علاج
نفسـ..
قطع كلامه ضحكه منصور ب سخريه :ههههههههه هاذي اللي بتكون نهايتك ي دكتور سيف ! مو انا
نزل سيف راسه وغمض عيونه بهدوء يحاول يتماسك
بعد لحظات فتح عيونه بسرعه لما سمع صوت
مشعل : ســيف
رفع راسه بوسع عيونه لما شاف مشعل والسلاح
موجه له !!!
لف سيف ع منصور ب عصبيه : اتركه !!! ثم صرخ : اقسم بالله وبجلالته ي منصور لو صار شي لاخواني لادفنك بايديني والله لادفنك بدون م يرف لي جفن !!!!!
بلحظه برود ضغط ع الزناد وصوب ب رصاصه ع مشعل
صرخ سيف بهستيريه مثل المجنون ركض
لمشعل اللي طاح ع الارض ...
اما عن صقر وهو برا فز قلبه بخوف لما سمع طلقه الرصاص ركض
بسرعه وهو يرجف دخل للقصر وهو يتننفس بسرعه وبهلوسه
الا تسمر بمكانه لما شاف مشعل ب حضن سيف ودمه منساب حوله ! جن جنونه
ركض له : مشعل !
جثى ع ركبه بسرعه قبال سيف : شصار
له تكلم !!
سيف وهو بين انفاسه السريعه : ساعدني
اشيله بسرعه ..
صقر مثل المجنون يتكلم من خوفه وصدمته
: مين اللي اطلق عليه مين !
الا قاطعه صوت من وراه : اناا !
عقد صقر حواجبه من هالصوت !مو غريب عليه !
طالعه سيف بنظرات شرسه
لف صقر وراه ب هدوء الا اتسعت حدقه عيونه
لما شافه نطق ب عدم تصديق : منصور !
سيف بصراخ هستيري : والله لاقلب حياتك جحيم
نزل عيونه سيف ع مشعل اللي يشهق من الالم
نطق وهو يحاول يتماسك : تحمل الحين بننقلك للمستشفى خفيفه ان شاءالله
غمض مشعل عيونه من قوه الالم
رفع سيف عيونه وبعصبيه : ساعدني !
فز صقر بسرعه ومسك مشعل وشالوه وهم متوجهين للباب الا وقفوا
فجأة من الرصاصه اللي انصابت ب الباب لف سيف بسرعه ع منصور اللي لف ب السلاح ع سيف : خطوه بس ! وراح اكمل ع ابوك !
لف صقر ع منصور بصدمه الا ب مشعل يأن من الالم :ماقـ.. ماقـ.. در
منصور بهدوء مرعب : صدقني ي سيف بقتله ب قلب بارد مثل م قتلتو ابوي !!
سيف بصراخ : ابوك اللي اطلق ع نفسـ..
قاطعه منصور ب قهر وحرقه قلب : خسرت ضناي وابوي بسببك انت !!
صرخ بعدها : اطلع ! والا اقتل واحد من عيالك
ماهي ثواني الا طلع ابوسيف وهو يمشي بخطوات بطيئه
طاغيه الحزن والهم !! الى م وصل ل عند منصور
اللي لف السلاح له ونطق ببرود : كلمه اخيره لابوكم !!
ابو سيف بخوف لما انتبه ل ولده : مشعل !!!! شصار فيه !!!
وهو بيمشي الا وقف لما نطق منصور : خطوه وحده بس وبقتله
وقف ابو سيف بضيق والرعب يدب ب قلبه : اترك عيالـ..ـي
لف منصور بسخريه : لف منصور بسخريه : الحين فكرت ب عيالك ؟؟ الحيـ..
م كمل كلمته الا برصاصة اخترقت عظامة !!!
لف ابوسيف بصدمه ع منصور اللي اختل توازنه ب شهقة عميقة
طاح السلاح من ايده !!!
لف ابو سيف وهو مفجوع الا ب بسيف رافع السلاح وببرود مرعب اطلق ع منصور !!!!
وعيون سيف نظراته ببرود ع منصور اللي طايح ع الارض ودمه مسفوك !! اما ابوه يطالعه بصدمة مو مستوعب اللي سواه ولده !
لف صقر بوسع عيونه ع سيف نطق برجفه : سـ..
الا ضعف مشعل وانهارت كل قوته واغمى عليه ! شد عليه سيف بسرعه
ومسكه قبل م يطيح ع الارض !!
اسنده صقر ع كتفه وهو يمسك ب ايده !
سيف ب استعجال : بسرعة خلنا ناخذه للمستشفى !!
طلعو بسرعه لف سيف ع صقر : امسكه زين بقرب السياره
اومئ صقر براسه وهو يحس نفسه ب ضياع وتشتيت
ركض سيف للسياره وهو يحسه كأنه بغفله عقله مو مستوعب اي شي من اللي صار ! كانت هي
اسوأ ليله عاشها ب حياته ! ركب السياره بسرعه وحركها لحد م وصل عندهم نزل باستعجال مسك مشعل وساعد صقر ودخلوه للمقعد اللي ورا وسدحوه
واسند صقر راس مشعل في خذه ركب سيف لقدام دعس ع دواسه البنزين بسرعه جنونيه
وهو ع اعصابه ب انفاس سريعه بوسط دقات
قلبه اللي مثل الطبل لف ع صقر ونطق بعصبيه
: اضغط ع جرحه ب اي شي لا يزيد النزيف
صقر ب ارتباك نزل قميصه وحطه ع جرح
مشعل يضغط بقوه !!
وهو يسمع أنينه من الالم !
لف سيف ع الطريق وهو يشد بايدينه ع الدريكسون بخوف : تحمل مشعل بنوصل !
صقر وهو يحاول يطمنه : خفيفه وانا اخوك تحمل
ان شاءالله بنوصل وبيعالجونك
رفع عيونه ل سيف اللي يشوف لون وجهه مخطوف بقلق عليه بعد اللي صار ! يحس ب ضياع بين مشعل وبين سيف !!
_
" بالمستشفى "
بعد م وصلو نزل سيف وبصراخ دخل لقسم الطوارئ : ابي سرير فيه مصاب !!!
ماهي ثواني الا طلعو الممرضات وهم يدفون السرير بسرعه فتح سيف الباب وطلع مشعل
وقلبه يرجف من الخوف عليه كان بدون وعي تماماً حطوه ع السرير وتوجهو فيه ركض لداخل
الدكتور المناوب وهو يدف السرير : وش حالته
سيف ب خوف عليه : طلقه رصاص ب كتفه
الدكتور المناوب ب استعجال : دخلوه بسرعه ع غرفه العمليات
توجهو فيه بسرعه ع غرفه العمليات وقفو صقر و سيف
ب الممر قبال غرفه العمليات !
اما صقر حاط ايدينه ع راسه ويروح ويرجع بنفس مكانه بخوف : ياارب مايصير فيه شي ! يااارب
استند سيف بظهره ع الجدار بيأس غمض عيونه كل شي بداخله انهار ! كيف اخوه بين الحياه والموت
بسببه وبكل كلمه نطقها منصور ترن ب اذنه !!!
ضعفت رجوله نزل للارض وهو يتنفس ببطئ انسابت
دمعته بضعف بدون م يحس بنفسه !
التفت عليه صقر : الحـ..
الا سكت بهاللحظه لما شاف اخوه طايح ع الارض بلا حول ولاقوه ..
تغيرت نظراته ل اسى ع اخوه !
قرب له وجثى ع ركبته اليمين وهو يطالع ب سيف بضيق : لاتخاف عليه ان شاء الله بيقوم بالسلامه !!
فتح عيونه سيف رفع راسه له ببطئ ! لجزء من الثانيه ثم ابتسسم وهمس : ان شـاء الله
حط صقر ايده ع كتف سيف يواسيه : قوي نفسك اللي صار مالك علاقه فيه اهم ماعلينا
ان يقوم مشعل بالسلامه ! بعدين كل شي نتفاهم عليه ونحله سوى ! لاتفكر فيه انا اخوك ومعك
نزل راسه سيف وابتسم ب ابتسامه باهته !
ورفع عيونه لما شاف صقر واقف وماد ايده لاخوه !
طالعه سيف ثم طالع بايده ! اتسعت ابتسامته
مسك ايد صقر وسحبه ووقفه ربت ع كتفه : لاشوفك بهالضعف !!
مو هو سيف اللي ينهار ويكون بهالشكل !
ابعد ايده وابتسم له
نزل سيف راسه وغمض عيونه وتنهد بتنهيده عميقه من جوف مبعثر !!
" الى بعد ساعتين من الانتظار وعلى الاعصاب "
دخل ابو سيف بخوف للممر : وش صاار !!
رفع سيف عيونه بهدوء لابوه !!
لف صقر بقلق : ماندري للحين م طلع الدكتور !!
ابو صقر بخوف : شلون م طلع الدكتور كم له وهو هنا !!!!
نزل سيف راسه واسند ايده ع جبينه يضغط بقوه !
صقر : هد اعصابك ان شاء الله خير !
ابو صقر بقلق : يارب لاتفقدني ضناي يارب لاتفـ..
الا طلع الدكتور ونزل الكمام عنه
صقر بخوف فز : بشر ي دكتور !!!
رفع سيف راسه وقام ب خوف !!!
قرب ابو صقر وهو يرجف : تكلم يادكتور بشرني عسى ولدي م صار فيه شي !!
تنهد الدكتور : الحمدلله كانت الرصاصه بمكان سطحي وما اثر عليه ! لاتخافون عليه بصحه وعافيه !
تنهدوا براحة !!!
رفع ابو صقر راسه بفرحه: يارب لك الحمد والشكر حفظت لي ولدي
ابتسم صقر بفرحه : الحمدلله !!
غمض سيف عيونه ونزل راسه وتنهد براحه وكأن بثقل الجبال ع اكتافه وانزاح !
الدكتور : راح ننقله لغرفه الملاحظه تحت تأثير البنج تقريباً ٤-٥ ساعات وبيصحى الحمدلله ع سلامته
ابو صقر : الله يسلمك
ابتسم الدكتور وطلع !
صقر براحه : الحمدلله !
فتح عيونه سيف بتفكير ! رفع راسه ولف ومشى
لفو عليه ابوه واخوه باستغراب من رده فعله !! صقر : وين بتروح !
كمل طريقه بدون م يلف ونطق : بطلع ارتــاح
_
" بعد م وصل لبيته "
فتح الباب بهدوء ومشى بخطوات بائسه ب ضياع
وتشتيت كانت ليله صعبه دخل وهو متوجه للدرج
ببطئ والارهاق والتعب مسيطر ع كل خليه بجسمه ب ضيقه صدر ! لمح احد بالصاله !لف صوتها
لما وقفت بخوف نطقت برجفه : سـيف
ضيق عيونه لما استوعب انها ميهاف !! زوجته الخاينه ..
تغيرت ملامحه ل اشمئزاز
مشت بخطوه بطيئه بخوف وحزن مسيطر عليها مشى لها بهدوء
لحد م وقف قبالها ووقفت هي !
رفع حاجبه وهو يتأمل ادق تفاصيل ملامحها !
اتسعت ابتسامته ب كره واستحقار نطق بكل برود : انتي طـ..
كانت اسرع منه لما حطت ايدها ع فمه نطقت برجفه وعيونها غرقانه بالدموع : تكفـى الا هالكلمه لاتنطقها !
عقد حواجبه
ميهاف بضيق وانكسار : الله يخليك لاتقولها
وشهقت ب الم لما مسك ايدها اللي ع فمه ونزلها بالقوه قرب منها وهمس بنظرات شرسه فيها : ماتحسين فيني وانا منقرف منك ومن خيانتك
وكذبك الكره استوطن قلبي ومحى حبك !
انسابت دمعتها بهاللحظه ع خدها هالكلمه اعتصر قلبها منها ب الم
هزت راسها ب رجفه وضيقه تحاول تكذب مسامعها : لـ..ـلا لا لا انـ..ـت تحبنـي
قاطعها بنبره حاده : كيف بكل بجاحه تطالعين ب عيوني وتقولين هالكلمه ! وكأنك واثقه فيها ! واثقه بحبي لك حتى تخونين !
واثقه ب حبي لك حتى اغفر لك ذنبك الاول والثاني وغيره اي حب تتكلمين عنه !
مسكها من حنكها وقربها له وانفاسه يخالط انفاسها وبنبره حاااده : طالعي بعيوني طالعي وقولي لي تلمحين الحب فيهم تحسين لا صح ؟؟ هذا هو اللي بتفهمينه احمدي ربك ان عواقب افعالك وصلت للطلاق احمدي ربك اني م دمرتك ودمرت عايلتك !!! دفها بقوه
وبنبره قهر وبقرف واستحقار : لاعاد اشوفك لابقربي ولابقرب اهلي !! والا اقسم بالله ي ميهاف اني لانزع هالقلب اللي عايشه فيه من ضلوعك انقلعي عن وجهي وورقه طلاقك توصلك الصبح ..
انهارت بهاللحظه لف بيطلع الا استوقفته : انت تحبني ولو طالعتني بنظرات القسوه عشقك لي مفضوح بعيونك !!
رفع حاجبه ب دهشه من ثقتها لف عليها : بايعه روحك ؟؟
بلعت ريقها ب مراره اومئت راسها بغصه :مايهمني وش بتسوي فيني يكفي اني احبك !
ضحك بسخريه :لاتنطقين هالكلمه ! استحقرها من فمك! نطقت بضيق : اسمعـ..ني للاخير !
قرب لها بازدراء : اسمعك تبيني اسمع خياناتك والا تبريراتك الغبيه بدموع كاذبه !!
ميهاف ب رجفه وانكسار : انـا ماخنتـك ! ماخنـ..
قاطعها وهو يقرب منها ببرود وهدوء ويردد : خاينه .. خاينه
خاينه
هزت راسها ب انهيار بنفي وهو يقرب منها وهي تبعد
نطق : خاينـ..
صرخت : ماخنتك والله ماخنتك ولا اخونك
قرب منها وسحب ايدها وهو بيدفها الا حطت ايده ع بطنها وطالعته انكسار وغصه : لاتتركـ..ـنا
كأن النار اللي بجوفه انخمد !!!!
سحب ايده بهاللحظه ورجع ع ورا من الصدمه هز راسه ب عدم
تصديق : مستـ..حيل ؟؟
رفع عيونه لها : ليش تكذبين ع نفسك وتكذبين عـلي ؟؟
ضحك بسخريه وهو مو مستوعب : تتوقعـين
بصدق كذباتك مثـل كل مره ؟
قربت منه ودموعها بعيونها مسكت ايده برجفه بنظرات رجا واستعطاف : والله ماكـذب بتصـيـر ابو والله سيـ..
قاطعها بنبره حاده : و لاكلمه !!!
سحب ايده من ايدها وبصراخ : انتي اجهضتي لاتتخيلين اشياء مو موجوده ماعاد فيه جنين تنتظرينه ماراح تصيرين ام استوعبي لاتخدعين نفسك بهالاكاذيب
ابتسمت من بين دموعها هزت راسها بنفي : ماجهـضوه والله ماجهضـ..
اختفى صوتها لما حط ايده ع فمها وبنظرات القهر بعيونه : اسكتي لا اسمعك تقولينها لاتحاولين ماعاد تفيد هالكذبه حتى ارجع لك انتهى هالزواج !!
ابعدت ايده بحقد وقهر : انا زوجتك وام ولدك وبتكون ابوه رضيت والالا انا حامل وماجهضوه مو مصدقني ابتسمت بقهر : اتصل ع دكتورك وتأكد منه ..
تلاشت ابتسامتها لما شافته صد ويضحك بسخريه اختفت ضحكته بهاللحظه ولف عليها طالعها بغرابه : ليه واثقه لهالدرجه متفقه معه !!
ابتسمت : مستعده اروح معك لاي مستشفى وتتاكد بنفسك مستعد تنتظر معي تسع شهور الى م تشوفه بعيونك
حتى تصدقني
زاد من تعقيده حواجبه لما حس بجديه كلامها : اجهضــوك
قاطعتهه بحده : ما اجهضوني الدكتور تراجع باخر لحظه كان ب امر شخص بس مدري مين سيف صدقني
رفع حاجبه سيف بصدمه : ب امــر شخص ؟
اومئت راسها ب ايه
سيف بعدم تصديق : والألم اللي كنـتي تحسين فيه والتخديـر
تنهدت وقعدت زفرت بعمق : قـال انه تقلصات بالرحم وطبيعي وانا توقعته اجهـاض
ضحك بصدمه : لالامستحيل اكيد يكذب عليك
حطت ايدينها ع بطنها وقوست ثغرها بضيق : بس انا احس انه موجود !
رفع حاجبه : قلتيه احساس مافيه شي يثبت !
تغيرت ملامحها لجديه : كيف يعني ؟
صد اخذ نفس عميق ونطق بقوه قلب : ميهاف اطلعي ولاعاد اشوف وجهك مره ثانيه !
نزلت راسها بهاللحظه ودموعها تنهمر ع خدها بحرقه اومئت راسها بهدوء ثم رفعت راسها بقهر نطقت :براحتك
قامت وتصنعت القوه: ماراح تشوفني ولا بتشوفه انا اللي بكون له الام والابو بعيشه بوهم انك ميت ! وانت مت بالنسبه لي !
غمض عيونه بهاللحظه وهو معطيها ظهره !! لفت ومشت وهي بتطلع الا نطق ب سؤال : خنتيني ؟؟
جمدت بمكانها
فتح عيونه ولف عليها ونطق ببحه حزن :جاوبيني ؟
تلخبطت مشاعرها بهاللحظه ب خوف وضيق وحزن لفت عليه بهدوء للحظه م التقت عيونها بعيونه اللي طاغيها الحزن هزت راسها وهمست : لـ..ـلا
طالعها مابين تردد يصدقها او يكذبها !! بين نارين يجافيها والا يضمها ل ضلوعه
همست ب ضيق : والله ماخنتـك والله
نزل راسه ب استسلام قعد ع طرف الكنبه غطى وجهه بكفوفه تنهد ب تنهيده عميقه !! همس ب قله حيله : تعـبت والله
طالعته ب ضيقه ل جزء من الثانيه ! مشت لعنده ب ضعف وانكسار جثت ع ركبها عند رُكبه وهي تطالع فيه وهو قاعد ع طرف الكنب حطت ايدينها ع ركبه نزل ايدينه عن وجهه بهاللحظه
رفع راسه يطالع فيها !
همست وبنظرات الندم والرجا ب عيونها : سيف انا ميهاف حقتك كيـف اخونـك ؟
رفعت ايدها برجفتها وحطتها ع وجهه بضيق
: كيـف ؟؟
عقد حواجبه بضياع وتشتيت ونظرات عيونه
تتنقل بين عيونها : وكـلامه ؟
طالعته بغرابه : اي كـلام ؟
مسك ايدها اللي ع وجهه ونزله بشويش وهمس : انك خاينه تعرفين ب عمليه زراعه القلب كنتي متفقه معه تنقلين له كل اخباري خدعتيني معه كل اللي صار كانت لعبه قذره منكم قومي ي ميهاف واطلعي مابي اشوف وجهك مره ثانيه
تمسكت ب ايدينه بقوه بصدمه : ماخنتك اقسم بالله يكذب والله انه يكذب !!!
قاطعها : اطلعي
هزت راسها ب مقاومه : والله ماطلع الا اما تصدقني كيف صدقته سيف جاوبني كيف !
غمض عيونه وسحب ايدينه من ايدينها : ميهاف اطلعي
قاطعته بقهر : مااطلع والله ماطلع الى م تصدقني والله ماخنتك ي سيف والله !!!
فتح عيونه وتنهد بهدوء وهو يطالعها ببرود : احفظي كراامتك واطلعي ..
كسرت هالكلمه قلبها لدرجه اختفى صوتها بهاللحظه وكأنها رجعت لوعيها بهاللحظه قامت وهي م تحس ب نفسها بلعت ريقها ب ضيق وضياع همست ببحه : حلفـت لك ولارضيت تصدقني م سمحت لي ابرر لك !
بلعت ريقها انسابت دمعتها ب لاشعورياً رفعت ايدها ومسحتها بسرعه ابتسمت ب ابتسامه باهته : قبل م اطلع بس ابي اقولك شي حطه ببالك ماخنتـك كل كلامه كان كذب ! كان يهددني !
رفع راسه بسرعه لها بهاللحظه
همست : في آمان الله
لفت الا سبقها بهاللحظه لما مسك ايدها ولفها عليه !
طالعته بغرابه من تصرفه !!
سيف بصدمه : اي تهديد!!!
طالعته ببرود همست : الحين اهتميـت ؟؟
تأفف ب قله صبر : ميهاف جاوبي اي تهديد !!!!
نطقت ببرود : ليه بتصدقني والا بتجافيني ؟؟
صد ومرر بلسانه ع شفته السفليه وهو يحاول
يسيطر ع اعصابه تنهد ب تنهيده عميقه لف عليها ومسكها من ايدها وشد عليها بقوه وعصبيه : انطقي !
عفست وجهها ب الم من ايده : فكنـي !
قرب لها وبنظرات حاده :
وش كان يهددك فيه ؟
وهي تطالعه امتلت عيونها بالدموع بهاللحظه
عقد حواجبه تغيرت ملامحها ل ضعف وحزن !! ارتبك من حالها ! : شفيه !!!!
نزلت راسها بلحظتها نزلت دموعها مسك حنكها ورفع راسها له تنقلت نظرات عيونه ب خوف بين عيونها
: قولي !!
بلعت ريقها بغصه همست : هددنـي فيك!
عقد حواجبه بصدمه : شقلتي !!!!
وهي تحاول تكبت شهقاتها !
سيف بصدمه وعدم استيعاب : شلون هددك فيني وش كان تهديده !!
قوست ثغرها ب ضيق : يقول بيقتلـك بدون رحمـ..ـ
اجهشت بالبكا بهاللحظه
اما هو متصنم بمكانه بهاللحظه من صدمته كيف كانت طول الفتره عايشه برعب من تهديداته !!!!
نزل عيونه عليها وهي تشهق من البكا قلبه اوجعه عليها !
سحبها لصدره وحاوط ب ايده اليمين ع ظهرها وايده الثانيه ع راسها غمض عيونه : خـلاص اشششش
انهارت بكي بهاللحظه بحضنه اما هو يمسح ع شعرها : خلاص ميهاف !
ابعدها عن صدره واحتضن وجهها بكفوفه
يمسح دموعها ب اصابعه : خلاص مابي هالدموع م تعبتي من البكى ؟
عضت ع طرف شفتها السفليه بقوه وعيونها مليانه بالدموع : خايـفه يسوي فيـك
قاطعها وحط ايده ع فمها : اشششش ماراح يكون موجود خلاص انسيه !!
مسكت ايده ونزلتها وزادت من تعقيده حواجبها : ليه ؟؟؟
سيف : خلاص لاتجيبين طاري اسمه قفلي ع هالموضوع
طالعته بغرابه ثم تنهدت وسكتت !! صد وغمض عيونه هاذي الليله صار قاتل !! ازهق روح ابن ادم ! رفع ايده وحطها ع جبينه يضغط
بقوه يدري انه بيكون قصاص نهايته !!
فتح عيونه بهدوء وقعد ع طرف الكنبه نزل راسه واخذ نفس عميق بوسط نظرات الغرابه بعيونها
قلبها مو مرتاح !!! : سـيـ..
م كملت الا قاطعها ببرود : قتلته !
شهقت بصدمة !!! غمض عيونه كان ب حاله سكون غريبه !! قد م انه ذنبه عظيم الا انه كان مرتاح ولا يحس بتأنيب
الضمير !! فتح عيونه وطالعها لما حس فيها جاثيه ع ركبها قدامه تطالعه همست برجفه : مــات ؟
همس : ايـه
جن جنونها حطت ايدهاع فمها بفجعه انهارت بالبكى رفعت ايدينها ع راسها
بعدم استيعاب : سيف انت شسويت بيقتلونك والله قصاص
همس ببرود : راضــي
طالعته بصدمه :مستوعب قتلت ادمي ..
صدتت بصدمه مو قادره تتحمل فجعتها قامت وعطته ظهرها انهارت بالبكى تحاول انها تمسك اعصابها بس مو قادره ! فكره انه قتل له شخص وجزاته القصاص مو قادره تتقبلها !
حست بالخنقه وقلبها يوجعها !! هزت راسها
ب ضيق مو متقبله فكره انه يخليها ويبعد !! لفت عليه وعيونها غرقانه بالدموع : بياخذونــك ؟؟
رفع راسه يطالعها بنظرات هاديه !
قوست ثغرها بضيق وصدتت وهي تشهق بلع ريقه بمراره همس : لاتبكين !
لفت عليه طالعته لوهله ب غرابه !!
سيف : هذا شرع الله !
عقدت حواجبها بعدم استيعاب !!!
اتسعت ابتسامته : مو خايف من الموت !
طاحت دموعها بغصه : لاتكمل واللي يرحم لي والديك ماابي انا الخايفه من اني افقدك انا ..
قام ووقف وهو يطالعها بهدوء : مسحي دموعك
طالعته ب ضيق لثواني ! نزلت عيونها و عقدت حواجبها لما خطر ببالها فكره رفعت راسها له بشهقه
استغرب من فعلها مشت له بسرعه وبخوف وهي تنطق بنفس واحد : روح سافر ابعد عن هنا لاياخذونك انحاش انت مالك ذنب هو شيطان !!
مستحيل بيسمعون لك وبيصدقونك والله بياخذونك لساحه القصاص
مسكت ايده وبنبره رجا وهي متقطعه من البكي
: تكفى عشاني الله يخليك اترجاك سافر وانا معك خلنا نبعد عن هنا ماابي ابعد عنك سيف تكفـ..
مسك ايدها وابتسم وهمس بكل راحه : ماراح اسافر ببقى هنا مو خايف منهم ولامن الموت باخذ جزاي ماراح اهرب منه
سكتت بهاللحظه وكأن كل احلامها الورديه انها تكون معه وتكون لها اسره ع قدهم ويربون طفلهم
الاول سوا تلاشت ! كأنها استوعبت لهاللحظه صدمتها ! سحبت ايدها منه وهي ترمش ببطئ : يعنـي بيكون يتيـم ..
اتسعت ابتسامته حط ايده ع خدها : انا متأكد انك بتكونين له الابو والام ! ماراح يحس بفقدانه لي
هزت راسها وهي مقوسه ثغرها ودموعها تنهمر ع خدها : لالالالا تقول هالكلام لاتقوله تكفـ..
شد بايدينه ع وجهها وقربها له وهمس وقاطعها : اسمعيني اسمعيني وركزي !!!!
اللي سويته كانت من حرقه قلبي ونار شابه ب جوفي لها شهور والليله انخمدت مرتاح والله ولا ندمت !
انهارت بالبكى غمض عيونه بهاللحظه وضمها كانت تبكي ب نحيب ..
الا قطع عليهم دق الباب
رفعت راسها بفجعه : الشرطه !!
فتح عيونه باستغراب !!
ميهاف برجفه : لاسيف لاااا
نزل عيونه لها يحاول يهديها : خليك هنا بشوف مين وبرجع
مسكت ايده بخوف : هممم !
سيف بهدوء: برجع لك دقيقه بس !
طالعته بضيق ابتعدت عنه تنهد ومشى بخطوات هاديه للباب مسك مقبض الباب وقف
لوهله غمض عيونه واخذ نفس عميق يتهيأ
فيه للي بيصير له فتح عيونه وبعدها فتح الباب
بهدوء ..
عقد حواجبه بهاللحظه
باستغراب
تنهد صقر براحه :الحمدلله اني لقيتك
ادق عليك ولاترد ليه ؟؟
سيف باستغراب : جوالي بالسياره ليه شفيه؟؟
ثم نطق بخوف لما استوعب : مشعل فيه شي قول !!
صقر : لالالا مافيه الا العافيهه ونقلوه للغرفه
تنهد سيف وارتخت اكتافه براحه: الحمدلله
صقر : انا جاي عشان ذا !
عقد حواجبه سيف: مين؟
صقر : منصور
عفس سيف ملامح وجهه وعبس: شفيه !!!
صقر : ابوي موصيني عليك ويقول لااشوفه يجيب طاري منصور وينساه ولايفكر حتى فيه وبيتصرف هو مع جثته وبيدفنه !
زاد سيف من تعقيده حواجبه : دقيقه دقيقه كيف بيتصرف مجنون ابوي مصيره بينكشـ..
قاطعه صقر بحده : لا اترك الموضوع يحله ابوي ابي منك شي !
سيف بشك : اللي هو ؟
صقر بخوف : علاجك ! تكمله
رفع حاجبه سيف ب استغراب !!
صقر : لاتطالع فيني كذا مثل م سمعت !!
تنهد سيف : ان شاءالله صقر : انا اللي برافقك ترا ف لاتتوقع انك بتسكتني
بهالكلمتين !
سيف بهدوء : طيب
صقر باستغراب : غريبه انك م عاندت !
سيف : مافيه سبب حتى ارفض واعاندً
تنهد صقر : مدري عنك والله ! م اخذ ع كلامك
المهم لاتجيب طاري اللي صار لأي احد قفل السالفه حتى مشعل لايدري لانه م كان
بوعيه وقتها !!
سيف بتعب : ان شاءالله
طالعه صقر بشك !!
سيف ب استغراب : شفيك ؟؟
صقر ب تردد وقلق : هو ليه يبي يتصيدك انت بالذات وش اللي بينك وبينه معقوله م عرفته وانت مقابله ب مجلسنا ذاك اليوم !
تنهد سيف : صقر قفل الموضوع مافيني حيل اتكلم بعدين اشرح لك
زفر صقر بهدوء : اوك براحتك !
حط ايده ع كتف سيف : انتبه ع نفسك من بعد الليله !
اتسعت ابتسامه سيف بهدوء : ابشر
نزل صقر ايده : يالله عن اذنك
سيف : الله معك
لف وطلع دخل سيف وقفل الباب وهو لاف الا انتبه لميهاف اللي واقفه ع مدخل الصاله تطالع ب نظرات قلق قرب لها : مافيه شي تطمني
نطقت بخوف : متاكد
وقف قبالها وابتسم : متاكد امشي ننام تعبان
ومشتاق انك تنامين بحضني ..
ابتسمت ب حيا ..
-
" بيادر"
دخلت لغرفتها وهي تحس انها مكتومه فكره انها ماراح تكون زوجته تكسر مجاديفها تهلك قلبها وروحها !! تعشقه لدرجه تسلم له قلبها لو يطلبه تعشقه بجنون !!
غمضت عيونها ب انهيار غطت وجهها تبكي ب نحيب بحرقه قلبها !!
_
" ام صقر "
وهي بتفتح الباب ع بيادر الا وقفت بهاللحظه وهي تسمع نحيب بنتها وبكاها ! قد ماهي كانت معصبه وغضبانه عليها الا ان تكره تشوف ضناها بهالضعف !! لانت ملامحها ب قهر ع حالها
بس سرعان م تغيرت ملامح وجهها وكشرت لما
تذكرت موقفها مع نايف وسواتهم !!! كيف خانت
ثقتهم فيها !! لفت وانسحبت من عند الباب ودخلت لغرفتها وخلت بنتها ب وسط انهيارها
_
نايف "
وهو قاعد ع اعصابه ب سيارته بعناد واصرار : مستحيل استسلم والله محد ياخذها غيري والله تحرم ع غيري والله وبرجع مره ومرتين وثلاث والف مره اطلبها منك ي ام صقر !! مستحيل اخليها مستحيل !! نزل عيونه ع الدريكسون وحرك السياره
_
" عريب "
وهي قاعده ب روقان مشغله اغنيهه لعبدالمجيد والغرفه ظلام وشموع ونور الاباجوره الخافت
وحاطه قهوتها تتقهوى بروقان الا اتكت ب ظهرهاع هيكل السرير سرحت لاشعورياً ب تركي !
وهي تلعب ب اطراف شعرها ! م تدري ليه ابتسمت مع انها م صادفته الا لمره !! بس شعور صدمتها ب ذاك اليوم لما تقدم لها !! وكأنها سيناريو روايات
ومسلسلات حاكت واقعها اتسعت ابتسامتها ب حيا ..
" صقر "
وهو طالع من عند سيف دق جواله
طلعه شاف رقم ابوه فز قلبه بخوف رد بسرعه : الو هلا يبه شفيه ؟؟ مشعل فيه شي ؟؟
ابو صقر : لا نايم م قام من البنج مافيه الا العافيه بس تعال
عقد حواجبه باستغراب : شسالفه؟؟؟
ابو صقر : تعال اقعد عنده انا بطلع عندي شغل
صقر : ليه وين بتروح؟
ابو صقر : تعال انت بس
تنهد صقر : طيب جاي يالله
قفل منه وركب السياره وحرك ..
_
"مشعل "
بعد ثلاث ساعات من التنويم ! فتح عيونه ببطئ ورجع غمضهم بانزعاج من النور ! عفس وجهه بألم تأوه ! فز صقر بهاللحظه له لما سمعه ! : مشعل !!
بلع ريقه وفتح عيونه بشويش وهو مثل الضباب
عقد حواجبه وضيق عيونه بتركيز الا م استوعب
صقر ابتسم ابتسامه خفيفه براحه !
صقر بعتاب : وجع خوفتني عليك
مشعل بتعب مو واعي : شصـار
صقر : ماصار الا كل خير انت ارتاح بس
تنهد مشعل وغمض عيونه بدون م يحس بنفسه ونام ابتعد صقر وتنهد : الحمدلله انه م صار له شي الحمدلله
زفر بهدوء وقعد ع طرف الكرسي
-
" ميهاف وسيف "
طلعت من الحمام " يكرم القارئ " وهو قاعد ع طرف السرير منزل راسه يضغط ب ايده ع جبينه من الالم طالعته ب اسى ع حاله تدري وتحس ب كثر الالم والتعب اللي فيه !! تدري شكثر هو كتوم ويحاول يخبيه !!
مشت لعنده بخطوات هاديه حس فيها رفع راسه لها وابتسم ! ابتسمت له ابتسامه باهته ع التعب اللي هو فيه !
مشت وقعدت بجنبه طالعها بنظرات هاديه
يغلبها التعب ع شوق وحنين لها ! رفعت ايدها
بهدوء وحطتها ع وجهه لاشعورياً غمض عيونه
وكأنه يحس ب راحه الدنيا تلامس قلبه
وكأنها عارفه حاجته لها ارتخت فيها كتوفه
ولانت ملامحه رفع ايده ومسك ايدها وباس باطن كفها وهو مغمض عيونه !
_
" بيوم جديد "
بيت ابو صقر
فتحت ام صقر الباب ع بيادر بشويش عقدت حواجبها باستغراب مالقتها ب سريرها الا انتبهت لصوت دش المويه بالحمام !
مشت لعند باب الحمام وقفت عليه سمعت شهقات بيادر تبكي بنحيب انقبض قلب امها بخوف حاولت تفتح
الباب مقفل متخوفه من انها تسوي شي بنفسها وكأنها مجنونه : بيادر افتحي الباب
اما وهي تحت الدش ومن بين شهقاتها
تسمع صوت امها ب حزن الدنيا كلها بقلبها نطقت : خليني لحالي
ام صقر بخوف : ي يمه افتحي الباب
بيادر ب انهيار : ماابي خليني
سكتت امها ب تردد تدري لو بتتكلم ماراح تسمع لها !
اوجعها قلبها ع بنتها وماقلب الام الا معنى ل الحنان تركتها وسحبت نفسها بهدوء وطلعت دخلت لغرفتها قعدت ع سريرها والدموع ب محاجر عيونها وكأن بكى بنتها يتردد ب اذنها وكلام نايف امس يدور براسها !
مابين نارين تعاسه بنتها لارفضت والا سعادتها !
ب استسلام بعد تفكير وقلق رفعت جوالها وارسلت ل نايف
" موب راضيه ع غلطتكم اللي سويتوها ولا على حركتك مع بنتي بس موافقه ل زواجكم وماوافقت الا عشانها هي "
من جهه ثانيه نايف اللي ع السرير يطالع ب السقف بعمق تفكير وتعب وجهه ذبلان وعيونه طاغيها الحزن !
فز قلبه ع تنبيه الرساله !!! قام بسرعه واخذ جواله ب امل انها من حبيبته !! فتح الرساله بسرعه وقلبه يدق
قام من سريره بصدمه من الرساله اللي قراها !
جن جنونه بفرحه ضحك بهستيريه من
قوه وناسته حس هم مثل الجبال كان ع كتوفه وانزاح ..
حط ايدينه ع راسه وهو متشقق من الفرحه بحماس : اخيراً اخيراً ..
بلع ريقه ب استعجال كتب لها وهو مرتبك من فرحته " والله بحطها بعيوني وصدقيني محد بيسعدها كثري وادري اللي سويناه غلط وندمان والله ع هالشي اسف ماتدرين شكثر فرحت الله يخليك تاج ع راسي
ي خاله "
ارسلها وغمض عيونه واتسعت ابتسامته
براحه !
_
قامت ام صقر واخذت جوال بنتها وطلعت وتوجهت لعندها فتحت الباب بهدوء شافت بيادر طالعه
من الحمام " يكرم القارئ " ولابسه روب وشعرها مبلل
وعيونها مايله للاحمرار صدت من شافت امها مالها خلق لشي ! تنهدت امها بهدوء ودخلت
قفلت الباب وراها وقفت بيادر ع التسريحه اخذت المشط وهي تمشط شعرها بهدوء والدنيا مقفله بوجهها
وقفت امها ب جنبها ب تردد نزلت عيونها تطالع ب جوال بيادر ب ايدها ل جزء من الثانيه ثم رفعت عيونها لها
نزلت الجوال ع التسريحه قدام عيون بيادر وهمست : خذيه بس اوعديني ي بيادر انك م تكلمينه
ابعدت نظراتها بيادر عن الجوال ببرود وبدون نفس
كملت امها : وانا ارسلت ل نايف وقلت له اني موافقه ع زواجكم
م كملت جملتها الا لفت عليها بيادر بصدمه شهقت : شقلتي !!!!
ام صقر : سمعتيني ! انا مب راضيه ع سواتكم بس
ابي سعادتك شسوي قلبي ماهو مطاوعني ..
م حست الا ب بيادر تضمها بقوه من قوه الفرحه بكت : الله يخليك لي الله لا يحرمني منك يااغلى ام ..
ابتعدت عنها من بين دموعها تتكلم بعشوائيه من فرحتها وحماسها مسكت ايدين امها : احبك والله احبك يمه ..
باست ايدين امها بحراره وباست راسها وابتعدت : والله والله مااكلمه الى م نملك اوعدك وربي
ماكلمه الله يخليك لي ويطول بعمرك
ابتسمت ام صقر من شافت فرحه بنتها ثم نطقت بجديه : شوفي ي بيادر لو ادري انك تكلمينه والله لازعل وارفض هالزواج !!!
هزت بيادر راسها بطواعيه : ابشري والله خلاص ماراح اكلمه
ام صقر : يالله مسحي دموعك وغسلي وجهك والبسي وانزلي
بيادر بفرحه : ابشري
تنهدت ام صقر وطلعت وهي بتنزل صادفت الوليد يناديها : يمه
وقفت ولفت عليه : شفيه ؟
الوليد باستغراب : وينه مشعل مو موجود بغرفته ومختفي من امس !
ام صقر : تلقاه مع اخوياه ..
الوليد : يمه اخوياه هم اخوياي انا معهم امس م كان موجود ادق عليه مايرد حاستي السادسه لتوأمي مب مرتاحه
ام صقر : وش تبربر انت وش حاستك ؟؟؟
الوليد : توأمي وماتبيني احس فيه احساسي يصدق والله بحياته م يختفي عني يوم !!م جا البارحه؟
شكت ام صقر بهاللحظه بخوف من كلام الوليد : دق ع اخوانك والا على تركي وشوفه وينه ماهو بعادته ينام برا البيت !!!
الوليد وهو توه يستوعب : نسيت تركي بروح ادق عليه عسى يدري وين مكانه !!
ام صقر : طمني لاتنسى انتظرك تحت !
الوليد : ابشري
رجع لغرفته ونزلت ام صقر لتحت لطاوله الاكل
قعدت : بسم لله يالله عفوك
الا نزل الوليد بعد دقايق ودخل
ام صقر بقلق : هاه رد وش قال ؟
تنهد الوليد ب هم وقعد : يقول مدري ماشفته
الا العصر وقايل انه بيروح للبيت !
ام صقر بهاللحظه دب الخوف بقلبها : ياويلي
محدن داري عنه جواله مايرد عليه وينه جوالي ادق عليه
الوليد : اهدي اهدي يمكن مع واحد من اخوياه
ام صقر بخوف بعصبيه : وشهو اخوياه مو هم اخوياك بعد دق ع صقر حتى هو معطيه درب
مدري وينه فيه والا سيف واسألهم عنه
يارب تحفظه بحفظك مادخلت لغرفته اليوم يارب تحفظ لي وليدي ..
الوليد : طيب بدق ع صقر خلاص لاتوسوسين يمه !!
رفع جواله بعد م دق ع صقر اللي رد بعد تردد : هلا
الوليد : وينك انت بعد ؟
صقر : ليه شفيه ؟
الوليد : مشعل ادق عليه مايرد ولاجا للبيت البارحه واسأل اخوياي عنه محد يدري شفته انت البارحه!!
تنهد صقر : امي عندك ؟
ارتعب الوليد بهاللحظه من سؤاله : ايه ليه ؟
صقر : لاتبين لها طيب قول لها انه معي ب الاستراحه قاعدين مع الشباب البارحه ونمنا هناك
الوليد ع احر من الجمر : بقول بس شفيه ؟؟
ام صقر زاد خوفها من ملامح الوليد اللي تغيرت !!
صقر : وجع لاتبين لها !! فيه واحد طلق عليه رصاصه البارحه !
فز الوليد بصدمه : شقلت !!!
حط صقر ايده ع وجهه بيأس : حمار انت حمار !!!
ام صقر برعب فزت : شفيه ؟؟؟
صقر : مافيه شي ماجاه الا خدش امي لاتدري
ضحك الوليد حتى م يخوف امه ويرقع :
ي سمجك ي صقر انت
ومقلبك حسبالي سافر بدوني مالت عليكم
يالله انقلع
صقر : مستشفى **** تعال حتى تقعد عنده ابي ارجع للبيت حتى اتروش والبس
الوليد : يالله جاي ..
قفل منه
ام صقر بخوف : شفيه؟ وينه ؟؟
الوليد : طلع مع صقر بالاستراحه ونايمين هناك المهم بروح انا بمره ماعنده سياره وصقر طلع
ام صقر براحه : الله يقطع شيطانه محد بيجيب لي الضغط غيركم والله
الوليد : سم لله عليك يالغاليه المهم خليني اروح لا اتأخر يالله مع السلامه
ام صقر : انتبه بالخط
الوليد : ابشري
وطلع ركب سيارته ب استعجال وحرك
_
" ميهاف وسيف "
وهي طالعه من المطبخ شايله ب ايدها صحن البيض حطته ع طاوله الاكل انتبهت له وهو نازل من الدرج مستغرب
اتسعت ابتسامتها : صباح الخير
ابتسم لاشعوريا مشى لعندها وضمها من ورا
وباسها تحت خدها وابتعد بشويش وهمس : صباح النور
نزل عيونه وهو يطالع ب الاكل وهو باقي ضامها من ورا ومحاوط ايدينه ع بطنها وخده لاصق بخدها : وش هذا ؟
ميهاف باستغراب : فطور وش يعني ؟
سيف : كل هذا انتي مسويته ؟؟
اتسعت ابتسامتها : ايه
رفع حاجبهه ولف عليها : بالله عليك ؟؟؟؟؟
عقدت حواجبها ولفت عليه : شفيه!!
سيف : ع اي اساس تسوين فطور بتجننيني ؟؟؟
طالعته بغرابه : ليه؟
سيف : ميهاف ناسيه اللي ببطنك ؟؟
تنهدت : لامو ناسيته
سيف : لاتسوين فطور ولاتجهدين نفسك والا والله لاتفاهم معك بطريقه م تعجبك!!! طالعته باستغراب : طيب خلاص اعوذ بالله
ابتعد وقعد ع الكرسي. : اقعدي يالله نفطر
سحبت كرسيها بهدوء وهم يفطرون الا قطع الصمت اللي بينهم ونطق : بجيب خدامه تقوم بالتنظيف والطبخ
لفت عليه : لامابي وحده تضايقني ب البيت
طالعها ب استنكار : ماشاورك انا تدرين انتي وش شغلتك تقعدين ترتاحين بدون حركه وتنتبهين مالك شغل فيني اكل ولاابي شي اهتمي ب نفسك
ميهاف : بهتم فيه بس مو اقعد طول وقتي بطفش والله
قاطعها : تطفشين ولا انك تهملينه لاتناقشيني خلاص انتهى
تنهدت ب استسلام : ان شاء الله
نزلت راسها وكملت فطورها بهاللحظه قطع ع سيف تنبيه رساله ب جواله رفعه عقد حواجبه
ميهاف بخوف : شفيه؟؟
فت الرساله ورد ونزل جواله : ابوي مرسل يبيني
تنهدت : اهها
قام بعد م خلص فطوره : المهم بطلع امره
ميهاف : افطر طيب !
سيف : شبعت
وهي بتقوم الا قاطعها : اقعدي اقعدي كملي فطورك وافطري زين مابي ولدي يكون جوعان !
ابتسمت : وجع
ضحك : ياويلك لو شفتك شايلتهم ! بدبر خدامه اليوم لين م اجيب لك وحده
اخذ مفاتيحه وجواله وقرب وباسها من ع خدها : انتبهي ع نفسك وعليه
ابتسمت : وانت بعد بحفظ الله
سيف بهمس وهو محني ظهره و قريب منها : احبك
اتسعت ابتسامتها بخجل : وانا بعد
استعدل ب وقفته ب ابتسامه وبشاشه : يالله مع السلامه
ميهاف : بحفظه
وطلع ..
" بالمستشفى "
دخل الوليد بعد م دله صقر ع الغرفه
رفعو عيونهم له وهو يطالع ب صدمه : مشعلوه والله طلع صادق صقر !!
طالعه صقر بغيض: حسبالك اني اطقطق اجل؟؟
الوليد : شفيه ليه !!
مشعل بتعب ينطق : وجع مافيه الحمدلله ع السلامه وين الورد والحلا !
عقد الوليد حواجبه ورمش بسرعه : يوه !!!
صفق ب ايدينه صفقه وحده : يوه نسيت من خوفي عليك اهم شي اني احبك يكفي عن الورد
مشى لعنده بفضول : شفيه قول لي !!!
صقر :تعال ي حمار صح ! وش قلت لامي؟؟؟
الوليد بفخر : ماعليك اخوك ذيب عرف يصرفها بلحظتها
صقر : اي هين واضح ! المهم خلك عنده بروح اتروش والبس وباكل وبرجع انتبه عليه
مشعل ب تنهد: شايفني بزر!
صقر : اي تحركت وانت نايم بغيت تضغط ع جرحك
قعد الوليد ع طرف السرير : ماعليك روح انا اعرف اتفاهم مع هالبزر
صقر بتعب : برجع ان شاءالله
الوليد : لا لاترجع روح ارتاح واضح ع وجهك التعب
صقر : لامافيني الا العافيه يالله مع السلامه
تنهد الوليد : بحفظه
طلع صقر لف الوليد بحماس وفضول : تكلم قول لي مين هالزفت اللي طلق عليك !!!
مشعل ب تنهد نطق بوسط اهتمام الوليد وتركيزه معه
_
" سيف "
نزل بهدوء بعد م وصل لبيتهم تنهد ب تنهيده عميقه ومشى بخطوات هاديه للمجلس الخارجي اللي ينتظره فيه ابوه فتح الباب بشويش دخل : السلام عليكم
ابوصقر : وعليكم السلام والرحمه ادخل وانا ابوك وقفل الباب
لف سيف وقفل الباب دخل وقعد بكل هدوء قبال ابوه : شصاير ؟
ابو صقر : انا حليت موضوع هذاك منصور وانه مات بسكته قلبيه وان شاء الله الدفن بكره بعد م اخبر عمتك مضاوي بوفاته ! بنستر ع اللي صار وياويلك ي سيف
لو اشوفك رايح للشرطه ومسلم نفسك والله بغضب عليك ليوم الدين هو بغى يقتل اخوك ويقتلك من قبله يستاهل اللي صار له وتنازلت ع الشكوى اللي رفعتها فيك وهذاك ابو علي كلمته والحمدلله انه رجال اجودي وتنازل ماعاد لك علاقه لا بالقضايا وغيره ريح نفسك
سيف بهدوء وبرود : طيب هذا اللي مناديني عشانه؟
ابو صقر بتردد بلع ريقه نزل عيونه ل جزء من الثانيه
بوسط نظرات سيف فيه !! رفع ابوه راسه ب حزن وندم واضح بنظرات عيونه
وبنبره يبين فيها ضعفه وتحسفه : سامحنــي ياولدي ادري والله اني اجفيتك طول هالشهور وثقلت عليك همك
وكرهتك بنفسك والله اني ندمان لو وش ماسوي ادري مانت براضي علي ولا بتسامحني انت تدري بغلاة امك بقلبي والشيطان وسوس لي وخلاني اقاطعك سامحني وحللني ي ولدي والله ماذقت الراحه من بعد
وفاه امك
طالعه سيف بصمت وهو يسمع له للاخير ثم قال:
تتوقع اني بسامحك بليله وضحاها اسامحك بهالسهوله !!
ابو صقر بندم نزلت دمعته ب قله حيله : ماتنلام والله ماتنلام مافيه ابو يسوي بولده كذا ويجافيه حللني
ياسيف ي ولد الغاليه حللني
اخذ سيف نفس عميق : محللك ومسامحك بس ماراح انسى بهالسرعه اللي سويته ! يبي لي وقت ! ووقت طويل حتى انسى ..
ابو صقر ب اسى ابتسم: ماعليه قلبك كبير وادري انك بترضى ع ابوك لاشوفك تقطعني وتقطع اهلك واخوانك هالبيت بيتك وغرفتك جاهزه ان كان تبي تريح فيها انت وزوجتك لاجيتو ..
اومئ سيف راسه بهدوء ثم نطق : عن اذنك
ابو صقر : الله معك ي ولدي ..
لف وطلع ..
" بيت ابو وصايف "
بالصاله العنود وامها قاعدين يسولفون
العنود : والله ي يمه انهبلت عليها اما خويتي من وقتها وهم ناشبين لي نبيها وكلمي اهلك
ام وصايف : وين ماصارت لي فرصه اكلمها يبي لها وقت ع م تقتنع عنيده اختك
العنود : والله م يتفوت ولد الحلال ماشاءالله جمال ورزانه وثقل ووظيفته ب السفاره ولها فيلا بعد لحالها !
ام وصايف : خليني اكلمها اليوم الله يعيني ع م اقنعها
العنود : لاللالا بنقنعها غصب ..
ام وصايف : خلاص اسكتي جت
الا وصايف وهي نازله ودخلت بابتسامه هاديه : صباح الخير
امها : صباح الخير
العنود : مابغيتي تقومين !
قعدت ع الكنب وحضنت المخده : شسوي مانمت الا متاخر
امها : قولي لماريا تسوي لك فطور ي يمه
وصايف : شوي بفطر مالي شهيه الحين
امها بتنهد : براحتك
اشرت العنود لامها بمعنى كلميها طالعتها امها بنظرات حاده بمعنى اسكتي
وصايف ببرود ابتسمت : ادري وش عندكم وسمعتكم البارحه وانتم فوق ع موضوع ذا اللي اسمه طارق
لفتت عليها العنود بصدمه : تتسمعين مو كنتي نايمه
وصايف : لا
امها : اي كنت ناويه افتح لك الموضوع اليوم
قاطعتهم وصايف بهدوء : مبدئياً موافقه الى م استخير ..
العنود بعدم استيعاب : شقلتي ؟!!
امها : وصايف بسم لله فيك حراره ي يمه ولا نايمه للحين ؟
قامت : شفيكم ؟ لمتى بقعد واحط يدي ع خدي اذا الرجال ولد ناس ومايعيبه شي ليه ارفض ؟؟
لفت ع العنود وكملت : بستخير وارد لكم وقتها
لفت وطلعت بوسط صدمتهم من موافقتها بكل هالسهوله !!!!
_
" ميهاف "
وبايدها جوالها تنهدت بكل راحه وهي تمسح
رسايل منصور وتهديداته ب الصور اللي كان هو
يقابلها بموضوع زراعه القلب كانت ع نياتها ! بس كانت خباثه منه حتى ينتقم من سيف ! بعد م مسحت كل شي نزلت الجوال وتنهدت بكل راحه : يارب لك الحمد هم وانزاح ..
-
" بعد اسبوع من الاحداث نستكملها "
" مشعل "
بعد ماطلع من المستشفى وكان ممشي الموضوع ع
اهله ان فيه حراره ويبي له وقت يرتاح فيها وكان
الوليد من يهتم فيه ومحد له خبر لا امه ولاخواته باللي صار ..
_
" بيادر ونايف "
تقدم لها بشكل رسمي بعد موافقتها كانت هالايام اسعد ايام حياتهم انهم صارو لبعض ! عشاق انكتبو ! وبينكتبون زوجين من
اسعد ثنائي بهالحياه ! وتحدد يوم عقد قرانهم
بعد اتفاق بين العايلتين بحمدلله ومنته
_
" وصايف "
بعد استخاره وطوله بال وتفكير ! انزل الله على قلبها الراحه والسكينه والاستقرار ب انها تلتفت لحياتها وتكون مثل اي بنت جزء من احلامها عايله صغيره وزوج حنون واطفالها تحتضنهم ! بكل دعواتها ان الله ينزع حب سيف من قلبها ! استجابت وكأنه كان صفحه من الماضي وطوتها وتفكر بجديه ب حياتها
الجديده ! ووافقت على طارق اللي بنظرها بيغنيها ربي عن كل الرجل وبتشوف الحياه بعيونه
_
" الجوهره "
كانت هالايام اتعس ايامها ب ان فايز صار زوجها ماتطيقه ولاتطيق قربه ولو ان اسلوبه تغير معها ب ١٨٠ درجه وكأنه توه يفتح عيونه ع هالدنيا ويستوعب اللي حوله !! كيف كان وكيف صار ؟ دعوه من دعوات امه ممكن استجابت بعد وفاتها ان الله يهديه ويرشده للصراط المستقيم بدأ يميل بقلبه لها بدون مايحس
بنفسه صح انه يشوفها تجفيه وتخليه ولاتطالع ب وجهه ويوضح بنظرات عيونها الكره له ! بس متفهم لهالشي كثر م كان قاسي عليها الفتره اللي راحت وكان مكرها بعيشتها طبيعي انها ماراح تتقبله بس بيسوي كل اللي بايده بس حتى تحبه وترضى عليه ..
_
" تركي "
انسحب وبكل هدوء عن خطبته من عريب بكل قناعه كان عارف ومتيقن انها مو هي الانسانه اللي تصلح له فيه الف فارق وفارق بينه وبينها
واولهم المستوى المادي فضل انه يلتفت بهالوقت
ويركز ع شغله حتى يسدد ديون ابوه ويطلعون
من بيتهم ويسكنون بغيره ! اهتمامه بهالفتره
هي ب امه واخته الى م ينسى ميهاف نهائياً
بلحظتها بيقرر انه يتزوج ويبني مستقبله مع زوجته ..
_
" عريب "
كثر صدمتها وخيبه املها ب كنسله الخطبه وكيف ان تركي سحب نفسه !!! كان هالشي محطم احلامها اللي بنتها معه ك اي انثى ب عواطفها تبنى وتتخيل نفسها مع الشخص اللي بنظرها فارس احلامها ف النهايه هذا امر الله وهذا المكتوب ولعلها خيره لها ..
"مضاوي
كان هالخبر صدمه لها كيف ان منصور اللي ملك عليها مات ب سكته قلبيه!
وهالشي زاد حزنها حزنين انها ترملت للمره الثانيه ! كثر ماكانت مفجوعه بهالخبر الا ان عيالها كانو محتضنينها ب كل احزانها وواقفين معها حتى تتخطى هالصدمه ..
-
" سيف وميهاف "
وهي ع باب شقه اهلها تطالعه ب حزن وبترجي
: طيب خذني معك
ابتسم وهو ينزل شنطتها : ناسيه انك حامل بيتعبك السفر
ميهاف بزعل مسكت ايدينه : طيب ابي اكون معك ب فتره علاجك
اتسعت ابتسامته وهو يبي يطمنها : كلها فحوصات
وصقر معي وبعدين كل يوم بكلمك فيديو بعد وبتكونين معي ولو انك
بعد مشرق الارض عن مغربها انتي بقلبي وعيوني والله
تنهدت ب اابتسامه باهته : هذا اللي يهمني تكفى طمني لاوصلت وخلك معي دايم لاتغيب طيب ؟ راسلني وقول لي كل شي لاتخبي عني ولا شي تسمعني !!
تمسك بايدها اكثر وهمس : ابشري
ميهاف بحزن خنقتها العبره وامتلت عيونها بالدموع
: بشتاق لك والله بشتاق
عقد حواجبه وبحزن من شاف دموعه : لالالالا
فكيني من هالدموع تعالي تعالي ..
سحبها لحضنه وضمها بقوه : والله ببقى
معك ولاراح تحسين ب بعدي عنك خلاص لاتبكين عاد وش يسكتك انتي ؟؟
ضربتهه ع صدره ب غيض : وجع
بضحك ابتعد عنها : افا المهم ابيك تنتبهين ع نفسك وعليه طيب ؟؟
اومئت راسها بزعل : ان شاء الله وانت بعد
ابتسم : يالله ادخلي
تنهدت بضيقه فتحت الباب ودخلت طالعته ب نظره اخيره
همست : احبك
ابتسم : مو كثري وربك
ميهاف : استودعتك الله انتبه ع نفسك لاوصيك
همس : ابشري يالله ادخلي وارتاحي
اومئت راسها ب ابتسامه هاديه ودخلت وقفلته
تنهد بتنهيده عميقه وطلع وركب سيارته وتوجه للمطار
بعد م وصل وكمل الاجراءات قعد ب كراسي الانتظار الا دخل صقر وقعد جنبه
وتنهد : اوف مابغيت الحق
سيف : حسبالي سحبت !!
صقر : راحت علي نومه والله هاه كيف النفسيه؟
سيف : مافيني شي بخير
صقر : مو متوتر اصلاً وان كنت متوتر ماراح تتكلم اعرفك
ابتسم سيف وصد !
ماهي دقايق الا ارتفع صوت النداء ع الرحله المتوجهه لألمانيا مستودعين الله انفسهم .. م كان اي احد له علم ب مرضه غير صقر وميهاف !
وحتى اهله ماعرفوا سبب سفره وغير ان صقر كذب عليهم انهم مسافرين للكويت لشغل !
كان امله بالله عظيم وانه بيتعافى ويرجع لزوجته ويكون بجنبها ويستقبل اول مولود لهم ويرجع لحياته الطبيعيه
والاستقرار ..
" بعد شهرين "
رجعت الامور لطبيعتها واستقرارها ف بيت كل
من ابطال روايتنا طبعاً م تخلى من المشاكل الخفيفه لكن تستمر الراحه بعد فتره صعبه عاشوها ..!
" سيف وميهاف "
اللي كان معها متواصل كل يوم يتطمن عليها وتتطمن عليه كثر شوقهم لبعض فوق الثلاثين يوم بدون شوفه
واحد فيهم للثاني كانت موجعه !! كانت تواسيه قد التعب اللي هو فيه تدري انه تعبان ويوضح من صوته حتى وان كان يحاول يخفي ! بس تعرفه ! تحس فيه حتى من نبره صوته !! وكل ماتسأله يصر انه يخبي عنها الى م اختفى له ثلاث ايام عنها هالشي خلاها تجنن !! ماتدري هو وينه !!! تدق وترسل بس مايرد !!! كانت ف حاله رعب !! وصل فيها الخوف انها تبي تلبس عبايتها وتروح لاهله وتسأل عنه بس يردها فكره انهم م يعرفون انه ب المانيا وممشين كذبه ان لهم شغل بالكويت !! ماتبيهم يقلقون ويخافون !! انتظار موجع ل رساله منه !!! يفز قلبها لاسمعت
جوالها يدق والا تنبيه رساله تمسكه برجفه ايدينها ع امل انه هو !! بس يخيب ظنها الف مره انه مو هو !
دعواتها ب كل سجده انه يكون بخير وانه يرده لها بعافيته م توقف ، مهلك هالشعور انها تعاني لوحدها بدون محد يدري .. حيل مهلك
_
" يوم الجمعه "
بيوم يشهد له الفرح ب زواج هالعاشقين { نايف , بيادر }
واخيراً هاذي هي الليله اللي بتجمعهم ببعض
_
" بيت ابو صقر الساعه ١١ ونص الصباح "
عريب وهي تدف الشنطه : يالله بيادر اخلصي
طلعت بيادر بتوتر ورجفه تلبس عبايتها
ام صقر بحلطمه : الله يهديكم متاخرين المفروض حنا بالقصر من الصبح !!! يالله
عريب : تونا ببدايه اليوم !!
ام صقر : اخلصن يالله يالله
نزلو لتحت
مشعل بابتسامه ينتظرهم بالسياره بعد م ركبو التفت وراه : هااااه بيادر كيف النفسيه ؟
بيادر بتوتر وع اعصابها : شتتوقع ياربي اوف لاتسالني
صد بضحك : اعوذ بالله هالخوف !!
ام صقر بضيق : ماردو عليك صقر ولاسيف ؟؟؟
حرك مشعل سيارته : لاوالله ي الغاليه !
ام صقر : والله قلبي ماهو مرتاح وش هالشغل اللي بالكويت وشهرين قاطعين شاكتن فيهم ..
مشعل : برجع ادق عليهم شوي واشوف
ام صقر بخوف : يالله تستر عليهم وتحفظهم !!
بيادر بزعل : والله بتضايق لو م يكونون موجودين معي الليله
عريب : شهالحلطمه ! م تدرون يمكن بيسوونها مفاجأه
ام صقر : انا لو اشوفهم علمتهم المفاجأه ع اصولها اخخ بس اخخخخ هذا وهم الكبار العاقلين يسوون هالحركات !!
مشعل : وسعي صدرك يمه وريحي نفسك
ام صقر بتنهيده : يارب تحفظهم وتخليهم ولاتوريني فيهم مكروه يارب ..
الليله ليله تباشير وسرور ..
فرحت عمر طلت قمرها ..
ليله عمر فيها الفرح صار مغمور ..
علق على صدر السعاده صورها ..
" بالعرس "
ب قاعه الحريم الطرب والحماس والرقص ماوقف
بفرحه الكل ب زواجهم !! ب زاويه القصر قاعده ع الكرسي بوسط بهجه الكل
كانت هي الذبلانه ! حبيبها وزوجها كمل له اسبوع ماتدري عنه ! كانت مكسوره ! تتصنع الابتسامه قدام الكل !! سرحانه ب تفكير م حست الا ب ايد
ع كتفها فزت ولفت الا ام صقر بابتسامه قعدت : شفيك ي يمه؟ لايكون تعبانه ؟ الحمل متعبك ؟ كان م جيتي
استعدلت ميهاف بقعدتها وابتسمت : لا ي خاله مافيني الا كل خير بس سرحت شوي
ام صقر : امك قلتي لي بتجي وينها ؟؟
ميهاف : تقول بالطريق
ام صقر : ع خير ان شاء الله الا بسألك ي يمه سيف مارد عليك ؟
تلاشت ابتسامتها لحزن : لاوالله اسبوع مادري عنه ..
ام صقر بضيقه : ياربي هالعيال شسوي فيهم هو ماقال لك وش شغله؟؟
ميهاف : لاا بس قال ان عنده شغل مع صقر ب الكويت ويمكن يطول شوي
ام صقر بضيق : مو مرتاحه الله يستر وبيادر متضايقه ماهم موجودين معها !
ميهاف : م تنلام والله
تنهدت ام صقر وقامت : قومي يايمه اصعدي معي لها فوق وارتاحي شوي
ابتسمت ميهاف وقامت
ام صقر بهمس وهي تتفحصها : ماهو مبين بطنك ب اي شهر ؟
ميهاف بابتسامه : الثالث
ام صقر : ماشاء الله ماشاء الله يالله يارب يحفظك ي زينك اللي يشوفك مايقول هاذي بالثالث زاد حلاك وزينك
اتسعت ابتسامتها ب حيا : الله يخليك لي
ام صقر : انتبهي ع نفسك ي يمه وعلى حفيدي هاه ..
اومئت راسها بطواعيه وخجل مشو وصعدو لفوق ..
_
" قاعه الرجال "
مزدحم من الرجال اللي جو من كل مكان بس
يلبون دعوه هالعايله كانو بقمه حماسهم
الشباب طرب ورقص
اما نايف تعبان من الوقوف حتى يسلمون ويباركون له الحضور
بندر بضحك يهمس : طفشت ؟
نايف : اي والله تعبت رجولي
بندر : تونا بالبدايه ي حلو
نايف : اص م تساعد !
" من ناحيه ثانيه "
ابو صقر بتنهد : الله يهديهم اخوانك ماشفتهم
مشعل : والله زعلان ع بيادر بتتضايق لو ماشافتهم معها
ابو صقر : كلن يسألني عنهم واقول عندهم شغل !
والله انه عذر بايخ وش هالشغل اللي يخليهم م يوقفون ب زواج اختهم !!
الوليد : مساء الخير هاه ردو ؟؟
مشعل : لاوالله مقفله جوالاتهم !
الوليد بقلق : الله يستر بس !
_
" الساعه ١٢:٣٠ بمنتصف الليل "
اعتلى صوت المطرب ب ترحيب وزفه ل نايف اللي دخل لقاعه الحريم عن يمينه ابو بيادر وعن يساره ابوه و وراه الشباب
زاد توتر بيادر وهي فوق تسمع الزفه !!
بعد م زفوه الشباب بقو شوي يرقصون وكلهم حماس !! كانت انتظار الحضور من البنات والحريم عليهم !! بعدها سلمو عليه
وطلعوا ومابقى الا نايف وابوه وابو بيادر والوليد ومشعل
دخلت عريب بحماس ع بيادر : يالله الزفه !
زاد رعب بيادر وتوترها بهاللحظه بلعت ريقها بخوف غمضت عيونها وهي تحاول تتمالك اعصابها وماتتوتر قامت بكل هدوء وطلعت وهي تنتفض من الخوف والمسكه ترتجف بين ايدينها سمت بالرحمن ونزلت من ع الدرج ب خطوات هاديه ع ترانيم الموسيقى وكل الانظار عليها ! كان هو قبالها وواقف ماقدر يبعد عيونه عنها فز قلبه من جمالها وجمال طلتها بالابيض م تنوصف اتسعت ابتسامته اكثر لما شافها تقرب له لحد م وصلت لعندهم سلمت ع عمها وابوها ثم وقفت بشويش جنبه التفتت بعيونها حولها م حصلت لا صقر ولا سيف بجنبها نزلت راسها وهي تحاول تخفي حزنها كانت تبيهم بجنبها ! هاذي ليله عمرها !
قعدو ع كرسي الكوشه م حست الا ب ايده يمسك
ايدها و قرب وهمس ب اذنها بكل لهفه وحب : وفيت بوعدي وقلت بتكونين لي وصرتي
ابتسمت بخجل وقلبها يدق بقوه !
_
" ميهاف وهي قاعده بعيد ومبتسمه ع منظر بيادر وجمالها بوسط ارتباكها عادت فيها الذكريات ل زواجها مع سيف كيف ابتدأ ! م عاشت الفرحه ب ذيك الايام بس ندمانه تتمنى لو انها تعيد زواجهم
وتعيش هاللحظات تتمنى ..
قطع عليها حبل تفكيرها
ببزر يسحب فستانها لفت عليه وابتسمت : شفيه ي ماما؟
الطفل : انتي ميهاف !
عقدت حواجبها باستغراب : اي انا ؟
الطفل ببراءه : تبيك وحده حرمه برا
زادت من تعقيده حواجبها : انا ؟؟
اشر براسه ومسك ايدها : ايه
مشت معه تتبعه لحد م طلعها من القاعه ع
حديقه جانبيه بوسط القصر بعيد عن الازعاج
والناس دخلها للحديقه وترك ايدها !
ميهاف بشك التفتت حولها : وينها ؟ مين اللي تبينني
الطفل: بتجي بتجي
لف وطلع بسرعه وقفل الباب حق الحديقه اللي كان محاوط بسور كامل م يكشف عليهم احد مشت لعند الباب
بخوف : هيه ووين رايح ..
مسكت مقبض الباب
تحاول تفتح بس مقفل جن جنونها بخوف
الا قطع ع عليها بهالنبره !! ببحه صوته الرجوليه ترن بمسامعها !!
بفزه قلبها تجمد كل خليه بجسمها وهي تسمع هالصوت !!
" ماشتقتي لي ؟ "
تصنمت بمكانها بلعت ريقها برجفه ايدينها
التفتت وراها ببطئ بشك من اللي سمعته ؟؟ وهي
تدعي الله انه مايكون وهم !! ماتبي تكذب مسامعها !! ماتبي !
اول ما لفت توسعت عيونها بصدمة وهي تشوفه قبالها ..
#يتبـــــــــــــــــــــــــــــــــــع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!