نزل سيف عيونه لوجه علي بصدمه مو مستوعب ان مأساته تكررت !!!
الممرضه بخوف : مالذي علينا ان نفعله !!!
كان الخوف والصدمه والهلع السائذ بهالجو !!!! بوسط دقات قلبه اللي من قوه سرعتها كأن قلبه
بيطلع من ضلوعه !!!
رفع راسه بسرعه البرق
ونطق بنبره حاده : جهاز الانعاش بسرعه
لفت الممرضه بسرعه وسحبته
له اخذه سيف بايدينه وصدره اللي يعلو ويهبط
من سرعه انفاسه لف ع المريض
وهو يتمتم بين شفايفه بضيق وخوف يعتصر قلبه : لااا يارب لاااااا ياااااارب
حطه ع صدر الطفل انتفض لفوق ابعد سيف جهاز الانعاشش عن صدره ورفع عيونه
بسرعه لجهاز القلب كانت ع نمط واحد بدون اي اشاره لنبض جديد نزل عيونه بسرعه ب توتر
والخوف يزيد لدرجه انه بدأ يتوجع ويتعرق اكثر واكثر
رجع عاد الكره وحطه ع صدره وانتفض للمره الثانيه رفع عيونه لجهاز النبض !!
الممرضه بخوف : لاتوجد مؤشرات حيويه !!!
الجراح المساعد ب آسى وفقدان امل : دكتور مااظن انه بيعـ..
قاطعه سيف بعصبيه : بيعيش إن شاء الله بيعيش !!!!
رجع حط الكبس ع صدره للمره الثالثه وانتفض
الممرضه ب خنقه : لاتوجـ..د اي نبضـ..ـه !
هز سيف راسه بهستيريه وعيونه مليانه دموع : مستحـ.. مستحيـ..ل
رجع يعيدها للمره الرابعه والخامسه ب جهاز
الانعاش القلبي لكن بدون اي منفعه ! .. الموت صديق للإنسان يلازمك حتى بشريان دمك
وبين دقات قلبك ماتشعر فيه الا ب تفكير يراودك !
وبلحظه خاطفه !!! يختطف فيها روحك ويزلزلك وينتزعك من جسدك وإن حاول كل من ع الارض مساعدتك ! ماراح يغير شيء من قدرك ! " هذا يومك "
الجراح المساعد بخوف من حاله سيف الهستيريه !
والممرضات بصدمه كيف يضغط بقوه ع جهاز الكبس !!!
قاطعه الجراح المساعد بنبره خوف : فـ..ـقدنا المريـ..ض
سيف وهو شاد ع اعصابه بقوه لدرجه عروق ايدينه وجبينه ورقبته باارزه ووجهه مايل
للاحمرار وعيونه تحرقه من الدموع وصدره
مكتوم !!
افلت جهاز الكبس من ايدينه بصدمة وعيونه ع علي !! رجع ع وراا
بأنفاس بطيئه !! لوهله تخيل امه ع هالسرير !! بدال علي !!!
هز راسه بصدمه : لـ..ـلا لـ.. لا لا
وكأنه بدأ يفقد عقله !! نزلت دموعه لف وحط جبينه ع الجدار
يبكي بصمت وعاض ع شفته بقوه ضرب بقبضه ايده بقوه ع الجدار
فقد روح ثاني بسببه !!
غطت الممرضه بالمفرش وجه علي بوسط دموعها وصدمتهم !!!!
بلع ريقهه الجراح المساعد بضيق وتردد :
انـ..ـا راح اخبر ابوه
انسحب ب حزن وطلع
انهار سيف بهاللحظه بضعف !!!
بكل ثانيه يلوم فيها نفسه !! ندم وحسره !! كانت حالته يشفق فيها العدو عليه !!
فجأة اقتحم المكان
بصراخ هستيري مثل المجنون من صدمته يتلفت بسرعه حوله : وينه وين !
لف سيف بهاللحظه وهو عاض ع شفته يحاول
يكبح انهياره !! م حس بنفسه الا اصطدم
ظهره بقوة ع الجدار وهذاك يخنقه بقوة وماسكه من ياقته وشاد عليه وعيونه مثل الشرار يتطاير بحقد ونحيب : ولدي انت قتلت ولدي !!
اما سيف بسكون يبلع ريقه بصعوبه م يلومه !!! رده فعله هاذي !!! ذكرته ب ابوه لحظه م عرف باللي سواه ب امه !!!!! كيف قلب عليه وكأنه عدوه مو ولده !!!
ابو علي بين انهياره وصراخه الهستيري : أمنتك على ولدي ولدي انا قتلته !!!
الممرضه بخوف : ماالذي تفعله ياااسيد ؟
الجراح المساعد وهو يحاول يسحب ابو علي
ويبعده عن سيف بس م يقدر !!!
ابو علي بصراخ مثل المجنون : وصيتك عليه انا وصيتك على ولدي الوحيد ضناي وانت قتلته !!!
سحبه الجراح المساعد وبعده عن سيف
اللي ينهار بصمت !!!!
لف ابو علي ع ولده اللي ع السرير والدم يغطي المفرش الابيض وينساب ع الارض
احنى ظهره بضعف وهو يمشي بخطوات الم وقلبه يتقطع بدموعه اللي تنساب بحرقه ع خده رفع ايده برجفه يمسك المفرش شاله عن وجه ولده بلحظه م شافه
انهار بهاللحظه حط ايده ع وجه ولده البارد وقلبه يتقطع وهو يشهق بنحيب : ليـ..ـتني ليـ..ت
م وافقـ..ت على هالعمـ..ـليه اااااخ ي ضناااااي
اخخخ
بكى ب حرقه نزل راسه ع صدر ولده وهو
متمسك فيه بقوه !! بوسط شفقه الجراح المساعد والممرضه !! دمعت عيونهم !!
انسابت دمعه سيف بهاللحظه بحرقه وندم !! لف بسرعه وطلع ب كراهيه يسب نفسه ويلوم الحياه اللي اسودت بعيونه !!!
لحظه ماطلع من غرفه العمليات الا
وقف بهاللحظه ب رجال الشرطه بوجهه
الشرطي : الدكتور سيف عبدالله !!
سيف بهمس : انـ..ـا
الشرطي : تفضل معنا ع المخفر !!
بلع ريقه بمراره نزل راسه ! عرف انها نهايته !!!
الشرطي : تفضل معنا لو سمحت
رفع عيونه طالع فيه لجزء من الثانيه ! ثم
تنهد ومشى بكل هدوء معهمم همس : بروح لمكتبي حتى ابدل ملابسي واخذ جوالي !
طالع الشرطي ب زميله ! ثم التفت ع سيف : اوك
بس بجي معك ..
تنهد سيف بدون نفس ولف ومشى والشرطي معه
دخل سيف لمكتبه نزل اللي عليه اخذ له مسكن
يريحه شوي من الالم والصداع واخذ جواله ومحفظته
وطلع كان بحاله هدوء وسكون غريب !! وكأنه متبلد الاحساس بهاللحظه !
طلع من المكتب وبجنبه الشرطي مشى وهم
متوجهين لباب المستشفى الا يسمع تمتمات اللي حوله : هذا اللي فشل ب عمليته ؟
: الله يرحم الطفل ويصبر قلب اهله
: يقولون خطأ طبي !
: الغلط ع المدير اللي جايبه لهنا م يكفي انه كان متسبب ب وفاه امه !
: شوفو الشرطي معه !
: شكل نهايته سجن !!!
غمض عيونه ورفع حواجبه يحاول يتمالك
فتح عيونه وكمل طريقه لحد م طلع وهو متوجه
لسياره الشرطه ركبو وحركو متوجهين لمركز الشرطه
_
" بعد م وصلو للمركز " بغرفه التحقيق "
والمحقق قاعد قبال سيف : م تدري يعني سبب وجودك هنا؟
سيف بهدوء :انتظرك تتكلم !
قرب المحقق وهو شاد بايدينه ع بعض : انت عليك شكوى بسبب ارتكابك خطأ طبي
والتسبب بوفاه طفل م تعدى عمره ١٠ سنوات
عقد سيف حواجبه : وابوه اشتكى بهالسرعه !!
المحقق بقله صبر : انت تجهل وش بيكون عقابك
لو م اسقطت الشكوى واثبتت التهمه عليك بالادله صدقني بتشيب وانت بالسجن بين اربع جدران ع العموم هي شكاوي مو شكوى وحده ! وكلهم ع خطأ طبي ! وضعك صعب لو بتوكل لك اشطر محامي
بالمملكه ماراح يقدر يساعدك !
سيف باستغراب : شكاوي ؟
لف المحقق ع الباب اللي دق : تفضل !
رفع عيونه سيف بهاللحظه للباب اللي انفتح عقد حواجبه بهاللحظه باستغراب !
المحقق : هذا صاحب الشكوى الاولى ! عبدالله فهد * ابوك !
توسعت حدقه عيون سيف بهاللحظه بصدمه !!!!! كانت اخر توقعاته ان ممكن ابوه سنده هو اللي يشتكي ويبلغ عليه !!!!
لف ع المحقق بذهول !! : شقـ..لت ؟؟؟
المحقق : والشكوى الثانيه من بندر بن حسين ال* ابو الطفل اللي سويت له عمليته اليوم وتسببت بوفاته!! لف سيف ع ابوه وهو مو مستوعب ولاكلمه !!
نطق للمحقق وعيونه ب عيون ابوه وبنبره حاده :
ابي اكلـ..مه لحالنا !
طالعه المحقق لثانيه ! ثم لف يطالع ب ابو سيف !
اللي لف بيطلع قام سيف وبنبره قاسيه : لا تتهرب !!!
وقف ابوه بهاللحظه ! ب تردد !
سيف : واجهني وقول بوجهي كل اللي بداخلك !!!
لف ع المحقق وكمل : لو سمحت اطلع وخلنا لحالنا !
رفع عيونه المحقق يطالعه ب استحقار من اسلوبه !
قام وطلع وقفل الباب !
لف ابو سيف بهدوء ع ولده !
ابتسم سيف بسخريه من بين وجعه : اجل بلغت !!!
بلع ريقه ابوه بهدوء ثم همس ببرود : وتأخرت
عقد سيف حواجبه : تأخرت !
ابو سيف : وندمت اني م بلغت من اول مره ! كان
وقفتك عند حدك ولاخليتك تتمادى وتقتل ارواح وارواح
رفع حاجبه : قتلت ؟
ابو سيف : انت بتاخذ جزاتك مثلك مثل اي دكتور متهور الموضوع ماهو متعلق ف اني ابوك وانك ولدي !!
ابتسم سيف : متعلق ف اني قتلت امي صح !!
ابو سيف : صح اني قسيت عليك طول الفترة اللي راحت ! وطردتك !! بس الحين جاء الوقت
اللي اصحح فيه اغلاطي !
سيف : انك تشتكي علي ؟؟
ابو سيف : لا هذا جزاتك وذمه لازم اوقفك عند حدك عشان ارواح الابرياء !! ثم سكت واخذ نفس عميق بوسط نظرات سيف فيه ب حيره!
تنهد ابوه بهدوء وهمس : اتفقت مع دكتور نفسي
يعالجك ب وقت فتره الحكم والسجن !
جمد سيف بهاللحظه
بعدم استيعاب : دكتور نفسي ؟؟؟
_
" بعد ساعتين " " بالمستشفى "
بعد م استفاقت وهي تحس بضباب حول عيونها الى م تلاشى
ببطئ رجعت غمضت عيونها بهدوء وهي تحس بالألم تحت بطنها !! ودوخه !! فتحت عيونها بشويش عقدت حواجبها وهي تشوف بياض الغرفه التفتت حولها بشويش
استوعبت انها بالمستشفى
_
الممرضه مع الشخص "
الشخص : ادخلي عندها وسوي اللي قلت لك عليه وبعدها بتستلمين فلوسك ..
اومئت براسها بطواعيه لفت ودخلت لعندها : السلام عليـ..
لحظه م شافت ميهاف تتحرك توجهت لها بسرعه : لاتتحركين مو من مصلحتك تو م كملنا ساعتين ع العمليه !
رفعت ميهاف عيونها لها والخوف بدأ يدب بقلبها نطقت بلعثمه : اي عمـ..ـليه ؟؟
الممرضه : عمليه اجهاض للي ببطنك !
اسودت الدنيا بعيونها
بهاللحظه ضحكت بعدم تصديق وهي حاطه ايدها ع بطنها : لالالا مستحـ..يل اكيد غلطـ..ـانه انتي
الممرضه : مو انتي ميهاف احمد ال*** ميهاف وهي بدت تخاف من مصداقيتها همست
: ايـ..ـه
الممرضه : مو سويتي زراعه قلب ف عشان كذا سوينا لك عمليه اجهاض قبل ساعتين !
جمدت اطرافها بصدمه
وانشلت بمكانها !!
نزلت عيونها ع بطنها بعدم تصصديق !!! غرقت عيونها بالدموع هزت راسها : لـ..ـلا لالالا مستحيل يجهضونه
بدون علمي وموافقتي لا !!!!
رفعت عيونها لها بسرعه وبصدمه : زوجـ...ـي!!! زوجي كان هنـ..ـا !! انا جيـ..ت عشان اتطمن ع الجنـ..ين !
قامت والممرضه تحاول تمنعها : لو سمحتـي
مو من صالحك تتحركين فيه ضرر عليك
قاطعتها ميهاف بغبنه وضيقه ووقفت
وهي محنيه ظهرها وضاغطه ب ايدها
ع بطنها بتألم وحسره: انا جايه عشان فحص انتي غلـ..ـطانه اكيـ..د فيه خطأ مستحيل يجهضوه ..
الممرضه : طيب ارجعي للسرير وانا بتأكد !
قاطعتها ميهاف بحده وبعدم تصديق ودموعها تنساب ع خدها وبخوف ترجف : ابي الدكتور اكيد انتي غلطانه وينه ابي اكلمه !!!!
الممرضه : طيب ي قلبي اهدي وارجعي للسرير
وانا بناديه لك
طالعتها ب انكسار وقله حيله ضعفت: ناديـ..ـه
الممرضه : ابشري بس ارجعي انسدحي مو زين لك كثره الحركه
صدت ميهاف ب ضيق تحس نفسها مخنوقه
قعدت ع السرير طلعت الممرضه بسرعه !
وهي ترجف وضايقه فيها الوسيعه
وايدها ع بطنها همست بنبره ضيق :
غلطانيـ..ين اكيـ..د مستحـ..يل انا وابوك نفرط فيـ..ـك مستحيل نجهضـ..ك انت الشـ..ي الوحيد اللي يربطـ..ـنا ببعض انت الشي الحلـ..و بحياتنا بعد م كانـ..ت كئيبه مستحـ..يل نفكر نجهضـ..ـك !
بهاللحظه دق الباب سحبت ميهاف الستاره
وغطت عليها !
دخل الدكتور : السلام عليكم
همست ميهاف وهي تنتفض من الخوف : وعليـ..كم السـ..ـلام
الدكتور : الحمدلله ع سلامتك
عقدت ميهاف حواجبها بهاللحظه بشك !
وقلبها يدق بقوه : ليـ..ـه ؟؟
الدكتور بتأسف : الله يعوضكم ان شاءالله بالبنين
توسعت عيونها بهاللحظه
بصدمه نزلت ايدها عن بطنها برجفة وبلعثمه تنطق : كيـ..ـف يعنـ..ـي !!! انـ..ـت اكـ.يد ملخبـ..ط
قاطعها الدكتور ب اسى : كان هالشي من صالحك
نطت بهستيريه : لالالالا
انتم تكذبون سيف وينه زوجي ماراح يرضـى بهالمهزله هـ..
قاطعها الدكتور :للاسف اخذته الشرطه قبل ساعتين !
رمشت بسرعه بعدم تصديق واستيعاب
وبلعثمه : كيف اخذتـ..ـه الشـ..ـرطه شصـ..ـاير؟
سكت الدكتور ب ارتباك !
نطقت ميهاف بحده وبانهيار : شصاير !
ارتبك اكثر من حده صوتها ونطق : تسبب ب خطأ طبي بوسط العمليه وتوفى المريض !!
جمدت وانشلت كل خليه بجسمها من صدمتها !!!! تمسكت بقوه ب حديد السرير ونطقت وهي ترجف : آي عمليه ؟؟؟ م قـ..ـال لي !!
الدكتور بآسى : عمليه مقرره ل طفل م يتعدى عمره ١٠ سنوات ! عمليه ورم بس م كان التوفيق والحظ من نصيبه
هالمره !
نزلت راسها وهي تتنفس ببطئ بدوخه آسرت راسها من صدمتها !!! تحس الدنيا تدور فيها مو قادره تركز كل شي
انهار وتدمر !!!
نطق الدكتور : حابه نتواصل مع احد من اهلك حتى يرافقك هاليومين بالمستشفى ؟؟
تجمعت الدموع بعيونها بغصه !!! مو قادره تتحرك من الدوخه !!!
الدكتور بشك : لو سمحتي ؟؟
نزلت راسها وحطت ايدها ع جبينها تضغط بقوه
كان هاللحظه اسوء لحظاتها ! الم الاجهاض ودوختها
وصدمتها من فقد جنينها وزوجها !!! كل شي طاح فوق راسها !!! بوسط وحدتها !!!
_
" بيت ابو صقر "
فتح الباب بقوه يمشي بخطوات سريعه
عقد الوليد حواجبه وهو صاعد لفوق يطالعه
مر جنبه صقر بينزل الا وقفه الوليد : دقيقه دقيقه شفيك؟؟
صقر : خلني اشوف حل لهالمصيبه !
الوليد بخوف : اي مصيبه شصاير ؟
صقر وهو ينتفض من العصبيه : ابوي فيه احد غيره !!!
الوليد بخوف : ليه صاير فيه شي وينه !
طلعت ام صقر ع اصواتهم
صقر بقهر : مشتكي ع سيف !!!!
انصدم الوليد وبعدم استيعاب : مشتكي ليه ؟؟ صقر بعصبيه : مشتكي عليه انه تسبب ب وفاه امه بوقت العمليه !! توسعت عيونه بصدمه !!
قاطعتهم ام صقر مفجوعه : ع ولده ؟؟؟
لفو عليها !!
ام صقر بانهيار : حسبي الله ونعم الوكيل فيه كانه يبي يجنن الولد ويبيه يستخف الله لايـ..
سكتت لما دمعت عيونها وبغصه !
صعد لها الوليد ومسكها : اهدي ان شاء الله سوء فهم
صقر : انا بروح اتأكد انت خلك عندها طيب
الوليد : انتظر منك خبر ترا !!
لف صقر باستعجال ونزل وطلع بسرعه !!
" صقر "
بعد م وصل لمركز الشرطه نزل باستعجال
وقلبه مثل الطبل بخوف وتوتر دخل للمركز وسأل عنه ! وجهه الشرطي
لمكانه ب قسم التحقيق ! توجه صقر
بسرعه لهناك بعد م وصل وقف بهاللحظه !!! بنظرات القهر والغبنه
بعيونه بعد م صادف ابوه وهو طالع !!! وقف ابوه بهاللحظه لما شاف صقر !
قرب صقر بقله حيله وهو راص ع اسنانه بقوة
نطق بوجه ابوه بغبنه : سويتها سجنت ولدك اللي من لحمك ودمك خلاص تبي تدمر حياته قول لي تكلم وش تبي منه وش تبي !!!!
قاطعه ابوه بنبره حاده : انا ادرى باللي يصير !!!
رفع صقر حاجبه بسخريه : انت ادرى ع مين تكذب لهالدرجه اعمى عيونك الحقد والكره اللي صار بذاك اليوم بغرفه العمليات
مو بسببه هذا يومها ليه مو راضي تسـ..
قاطعه ابوه بحده : اخوك اللي تسبب بوفاتها
اخوك !!!
ضحك صقر ب استخفاف : تبي تقنعني انه يبي امه تموت ؟؟؟
قرب ابوه وبعصبيه ضغط باصبعه السبابه ع صدر
صقر وعيونه مثل الشرار : اخوك بسببه مات ولد م كمل ١٠ سنوات اليوم بغرفه العمليات !!!
ونزل ايده وكمل بسخريه : وانت واقف قدامي تدافع عنه ..
جمد صقر بهاللحظه بصدمة !!!
_
" ميهاف " " بالمستشفى "
وامها ضامتها لصدرها تحاول تهديها وهي مو مستوعبه ان بنتها كانت حامل !!! : ي يمه هذا قضاء الله وقدره !!
ميهاف بانهيار ونحيب : كنـ..ـت بكـ..ـ..ون ام
ام ميهاف ب اسى وحزن : ي قلب امك انتي مسحي دموعك ربي بيعوضك !! بعدين انتي ناسيه ان صحتك م تسمح ؟؟ استهاضت غضب بهاللحظه !! ابتعدت عن حضن امها بوسط آلامها !
ودموعها وعيونها اللي مايله للاحمرار !! نطقت بنبره قهرر : صحتي مافيها شي انا مافيـني شي انا مافيني شـ..
شهقت من قوه الألم !!!
خافت امها بهاللحظه ومسكتها : خلاص خلاص ي يمه مين قال ان فيك شي حنا بس خايفين
عليك
عضت ع طرف شفتها السفليه بقوه وهي تحاول تكبح بكيها !
وامها من الخوف تمسح ع شعرها وتحاول تهديها
نطقت امها بهمس : حبيبـ..تي ي يمه ربي بيعوضك بداله اثنين وثلاثه واربعه ! وهذا امر الله يمكن خيره ليش تتعبين روحك ؟
حطت ميهاف راسها ع صدر امها وبكت بقله
حيله وامها تمسح ع شعرها وبدت تقرأ عليها
آيات السكينه والطمأنينه يمكن تهدي وترتاح
نطقت من بين انهيارها بهمس : خـ..ذوني معكم
مابـ..ـ.ـي ارجـ..ـع له ..
-
"مركز الشرطه "
صقر بصدمه مو مستوعب : كيف دقيقه قول لي كل شي كيف تسبب بوفاته ؟؟؟؟
طالعه ابوه ب حقد : اخوك يبي من يوقفه عند حده قتل ارواح والسبب غبائه !!
صقر بقهر وبقله صبر: يبه تكلم شلون هو توه متوظف وش عمليته !!
ابو صقر بنبره حاده : هذا الحق لازم يتحاسب عليه وبعدين انا كلمت له
دكتور نفسي ! لازم يتعالج ..
جمد صقر بهاللحظه !!! نطق بلعثمه : اي دكـ..تور تمزح معـ..ـي صح ؟
ابو صقر : شايفني اضحك؟؟
غمض عيونه صقر بقله حيله : لا ي يبه لااا !! فتح عيونه وكمل : ليـ..ـه تسوي فيه كل هذا والله كل اللي صار مو بذنبـ..
بهاللحظه انفتح الباب !
لف صقر وجمد بهاللحظه لما شاف سيف ! مشى له بسرعه وخوف
لاشعورياً حضنه !! عقد حواجبه سيف بهاللحظه وهو يطالع ب ابوه!! صقر وهو ضامه بقوه وبهمس : لاتفكر بشيء
بطلعك من هنا مستحيل اخليك
ابتسم سيف ونزل عيونه رفع ايده وربت ع ظهر صقر : لاتسوي شي
عقد حواجبه صقر وابتعد عنه ب ريبه وشك : لحظـ..ـه ! وش تقول ؟؟ تمزح انت؟
ابتسم سيف بابتسامه باهته وهز راسه ب هدوء
: لا
لف صقر ع ابوه بدهشه ثم لف ع سيف : عاجبـ..ك اللي صاير ؟
سيف بهمس : انا تسببت بوفاته
صقر بضيق : ليـ..ـه انت مالك ذنب !!
سيف : نفـ..س العمليه ! نفـ..س الخطأ ونفس الوقت توتـ..رت !! كأني اشوف امـ..ـي ع سرير العمليـ..ـه كل شـ..ـيء بسببـ..ـي ..
صقر وهو يحاول يهديه وقاطعه بحده : اسكت لا تلوم نفسك ع شي انت مالك ذنب فيه من يومك تقول امي ماتت بسببي وبسببي لاتخليني اشنقك ماراح تنسجن ولا بيحاسبونك ع شي
كان ربك كاتبه انت تسمعني بجيب لك محامي وبيطلعك من اول جلسه !
غمض سيف عيونه ورفع ايده يضغط ع جبينه
ب تألم وصداع قوي عفس ملامح وجهه من الالم!
صقر بخوف : فيك شي ؟؟؟؟
فتح سيف عيونه وهو بدأ يحس بالدوخه ! رفع عيونه وهمس لصقر : زوجـ..تي بآمانتك ي صـ..قر
عقد صقر حواجبه بخوف : ليه شفيه !
مسك سيف ذراع صقر يحاول يتمسك فيه من الدوخه وهو مو واعي بنفسه والدنيا تدور فيه : اجهـ..ـضت شوف وش صـ..ـار فيها طمـ..ني عليها خايـ..ف
انـ..
زادت الدوخه اكثر وبدأ يختفي صوته وطاح على اﻷرض ..
صرخ صقر وهو يمسكه بقوة : سيف ..
-
" بيت ابو صقر "
ام صقر ب ضيقه صدر : وش ناوي عليه ؟؟
مشعل بتنهد متكتف : مايرد علي صقر !!
الوليد : انا بروح !
عقد حواجبه مشعل : وين للمركز ؟
الوليد : ايه
مشعل : تستهبل م تدري اي مركز هو ! وبعدين
وش بتسوي هناك ؟ ماراح تقدر تنفعه بشي !
الوليد : مدري بس ماقعد كذا !! ماندري وش صاير؟
ووش الشكوى وصقروه م يرد !!!
عريب بخوف وضيق : بيسجنونه ؟؟؟
مشعل : لا ان شاءالله ! مستحيل ابوي يسويها !
الوليد : والله مايندرى عنه
ام صقر بغبنه: بيسويها وهو مايشوف الدرب !!
عقد مشعل حواجبه : لهالدرجه يكره ولده؟
بيادر : انت م تشوف فعايله من بعد وفاه خاله غاليه ؟؟
مشعل بتنهد : والله مدري بس ان شاءالله م يصير اللي ببالي
الوليد : انه ينسجن !! لا بيصير ابشرك
ام صقر : وجع لاتتفاول ع اخوك
الوليد : م اتفاول انا !! اقولكم الحقيقه ! انتم شايفين ابوي بذاك اليوم وش سوا فيه يعني متوقعين انه بيتركه !!!
مشعل بقله صبر : انا لو بس اعرف وش اللي يخلي ابوي يرفع عليه شكوى الحين ! بهالوقت بعد طول هالمده !!
الوليد : لالالا انا مستحيل اقعد واحط ايدي ع خدي !
ولا ادري وش يصير عندهم !
مشعل : قول لي وش بتسوي كيف بتعرف اي مركز هم؟
الوليد : بدق ع صقر الف مره لو يحترق جواله لين م يرد وان م رد بدق ع ابوي !
رفع حاجبه مشعل باستخفاف : ومتوقع ان ابوي بيرد عليك وبيقولك اي مركز ؟
الوليد بقله صبر : عاجبتك قعدتنا !
مشعل : لا طبعاً !
الوليد : قوم معي اجل ! لو نفتر ع كل المراكز
اهم شي م نقعد كذا !! تنهد مشعل باستسلام : يالله
ام صقر : ان صار شي دقو علي وطمنوني !
مشعل : ابشري
طلعو بهاللحظه وهم مو عارفين كيف بيوصلون لهم !!
_
" المستشفى "
بعد م نامت ميهاف وغفت بحضن امها ! سدحتها
امها بهدوء ع السرير ولحفتها وطلعت !
ابو ميهاف بقلق : هاه شوضعها الحين ؟
تنهدت ام ميهاف بضيقه : نامت بس وضعها م يطمن !
ابو ميهاف : بروح للدكتور الحين ونفهم منه اللي صار !
ام ميهاف : بروح معك اجل
تنهد : طيب ..
_
" سيف "
بعد م نقلوه لاقرب مستشفى دخل الدكتور لعنده بوسط ترقب صقر بخوف وقلق وش ممكن يكون فيه وهو واقف بالممر وعلى اعصابه
ينتظر خروج الدكتور !!!
بهاللحظه قطع عليه صراخ شخص وراه
بهستيريه : والله والله مااسامحه ع اللي سواه !! وينه !
عقد صقر حواجبه من جنون هالشخص !! الا لما نطق : دكتور جراح
معروف وهو قتل ولدي الله لايوفقه الله لا يبيحه !!!!
بهتت ملامح صقر ..
ابو علي بعصبيه مو مستوعب نفسه :هالكلب مايعيش دام انا حي !! والله لآخذ بثار ولدي !
يتلفت حوله بهستريه : وينه وين ؟؟؟
نزل صقر عيونه لجواله اللي يرن صد
بتأفف ورد
الوليد بدهشه: اخيراً رديت !!
صقر : شفيه ؟؟
الوليد : بسرعه قول لي وينك اي مركز شرطه !!!
صقر : بالمستشفى انا
عقد الوليد حواجبه بصدمه ولف ع مشعل : مستشفى ليه ؟؟؟
صقر بتعب : سيف اغمى عليه
توسعت عيون الوليد بصدمه : اغمى عليه ليه شفيه ؟؟؟
طالعه مشعل بشك وخوف !!!
الوليد بقله صبر : قول لي بسرعه شصاير فيه؟
صقر : مدري للحين الدكتور م طلع من عنده !
مشعل بخوف يطالعه ويطالع الطريق : شفيه؟؟؟
الوليد : طيب اي مستشفى انتم !!
صقر : مستشفى ****
الوليد بتسرع : حلو قريب مننا خمس دقايق واحنا واصلين ..
_
" بالمستشفى "
صقر بهدوء وهو يحاول يمسك اعصابه نطق : شبغيت؟؟
ابو علي وهو من العصبيه مو حاس بنفسه يتلفت حوله !!
قطع عليه صوت صقر !
لف عليه باستغراب !
صقر : ع مين تدور ؟؟
ابو علي بقله صبر وقهر : شدخلك !!!!
صقر : يمكن اعرف اللي تدور عليه !!
ابو علي بعصبيه : الدكتور اللي اسمه سيف ! الله لا يوفقه الله يحرقه بنار جهنم مثل ماحرق قلبي !!!!
صقر بهدوء : ليه ؟
ابو علي وهو ينتفض من غضبه والدموع
متحجره بعيونه وبنحيب : ليه هذا قتل ولدي ولدي اللي استأمنته عليه !!!! ولدي راح من ايديني بسببه ياجعله يجرب هالشعور ويفقد غاليه
يااجـ...
قاطعه صقر بنبره حاااده وبنرفزه : استغفر
ربك لاتدعي هالدعوه !!!
طالعهه ابوعلي باستغراب !!!
صقر بقهر : انت مااتدري وش اللي مرر هو فيه ماتدري وش صار له وبكل بجاحه تدعي اللي صار ب ولدك هذا قضاء وقدر وشي مكتوب استوعب !!!!
ابو علي بصدمه : مين انت ؟؟؟؟
قاطعوهم دخول الوليد ومشعل بخوف : وينه سيف ؟؟؟؟
لف صقر عليهم !
الوليد : قول لي وينه ؟
صقر : اخذوه للاشعه انتظر الدكتور
عقد حواجبه ابو علي باستغراب : يقرب لكم !!
لفو عليه !
بهاللحظه طلع الدكتور !
طالعهم بتردد !
صقر بخوف وترقب : شصار بشر يادكتور
تنهد الدكتور بهدوء ثم نطق : مثل ماطلع لنا بالفحوصات والاشعه المقطعيه تبين ان عنده ورم بالمخ !!
وكأن هالخبر مثل الصاعقه نزلت عليهم بهاللحظه !!!!!!!!!!!
ضحك صقر من قوه صدمته : لالالالااا لااااااا مستحيل
الوليد بفجعه : شقـ..لت عيد !!
بوسط صمت مشعل اللي انشل لسانه من صدمته !!
اما ابو علي بذهول من قوه فجعته انه مريض
ب نفس مرض ولده !!!
الدكتور وهو يحاول يواسيهم : تطمنو راح نعمل اشعه رنين مغناطيسي حتى نتأكد اكثر ! لان ههالفحوصات مبدأيه بس !
صقر بصدمه ضاقت الوسيعه فيه : تكفى قول انك غلطان مستحيل كيف ورم هو م كان يشكي شـ..
الدكتور : بعد م نتأكد راح نشوف اسباب اصابته
بهالمرض ! حالياً نسبه ٥٠٪ شك انه مريض ب هالورم
صد مشعل بضيق غطى عيونه بايده ب ضيق
صقر : طيب متى بتسوون له هالاشعه !
الدكتور : بعد ساعه إن شاء الله يالله مايشوف شر ..
اومئ صقر براسه وهو يحس بالخنقه وكأن الدنيا اظلمت بعيونه بهاللحظه !!
الوليد وهو يحاول يستوعب مفجوع : يعنـ..ـي هو مريض ب مـ..رض امـ..ـه
صد صقر وهو يحاول يمسك دموعه !!!
نطق ابو علي بنبره حقد وغل : ربك مايضيع
حق عبده !! عقبال مااسمع خبر وفاته !
لفو كلهم عليه بهاللحظه ! بصدمهه !!
الوليد : مين انت ؟
نزل مشعل ايده ولف عليه وهو يحاول يستوعب الكلام
اللي سمعه : هيه مريض انت !!!
انفجر صقر بصراخ هستيري : اقسم بالله لو م تنقلع عن وجهي إني لااقبرك بنفسي وبجنب ولدك روح لا اكوفنك هنا واعلمك ان الله حق !!!!
ابو علي بعصبيه : لاتجيب طاري ولدي
ع لسانك بأذن الله بحضر عزاه لأخوك ..
جن جنون صقر بهاللحظه
انفجر وهجم عليه بس مسكوه الوليد ومشعل بسرعه !!!
الوليد وهو يحاول يبعده : خلاص خلاص!!
مشعل بصراخ : انقلع انت ليه واقف !!
ابو علي بعصبيه : والله ماراح اخليه حي والله
صقر بصراخ يحاول يفك نفسه من بين ايدينهم : فكوني عليه فكوني ..
الوليد بعصبيه : روح !!
طالعهم ابو علي بعصبيه وسط خوف من جنون صقر !!
: هين الايام بيننا واذكركم هين !!
لف وطلع دفهم صقر بعصبيه : مسكتوني اخ والله كنت بخنقه بايديني !!
الوليد : مين ذااا !
صقرر : ربي ياخذه هو ودعاويه !!
مشعل : م ودك تقول مين ذاا !!!
صقر : هذا اللي ولده مات اليوم بوسط العمليه اللي سواها سيف له !! وذا المريض يقول انه خطأ طبي
جمدو بصدمه !!!!!!
الوليد : اي ولد وسيف سوا له عميله؟!!
صقر بتعب حط ايده ع راسه وقعد واحنى
ظهره : خلاص لحد يسألني استغفر الله واتوب اليه !!
مشعل بصدمه : عشـ..ـان كذا اشتكى عليه ابـ..وي ؟
قطع عليهم خروج الممرضه من الغرفه :صحى المريض ! اذا حابين تدخلون تتطمنون عليه !
فزو بهاللحظه !
الوليد باستعجال : نقدر ندخل الحين !!
الممرضه : ايه بس لاتطولون لو سمحتو !
وراحت دخلو بهاللحظه لعنده
عقد حواجبه سيف بوسط تخديره من التعب يحاول يركز
اما هم يطالعونه ب اسى وانكسار ع حالته واللي صار له يحاولون يتماسكون قدامه !
مرر بنظراته الهاديه عليهم بوسط تعبه وتخديره
بلع ريقه الوليد وهو يتصنع الهدوء قدامه : الحمـ..ـدلله ع سلامتـ..ك
ابتسم سيف بابتسامه باهته خفيفه : الله يسـ..
غمض عيونه ورفع ايده وحطها ع جبينه من الالم
صد صقر بهاللحظه وهو يحاول يخفي دموعه
وضيقته !!! فكره انه يخسر اخوه اللي كان ب مثابه التوأم له ! شي يوجع ! م يحس فيه الا له فقيد
فتح عيونه وزاد من تعقيده حواجبه لما شاف صقر اعطاه
مقفاه !
لفو مشعل والوليد ع صقر طالعوه بتخوف ان ممكن سيف يشك !
لف الوليد ع سيف وابتسم : اايه شلونك؟
لف سيف ع الوليد ورفع حاجبه بمعنى شفيه!
ابتسم الوليد ب تصنع وتمثيل : شفيك ؟
لف سيف وهمس : صـ..قر !
بلع غصته صقر لما سمع صوت سيف!! يحاول
يتمالك اعصابه مسح وجهه واخذ نفس عميق
وتصنع الابتسامه ولف عليه : هـ..ـلا
سيف : شفيك ؟
لف صقر يطالع ب الوليد ومشعل ! ثم لف طالع ب سيف : مافيني شي ! كنت خايف عليك بس
اتسعت ابتسامه سيف : ترا انا الاكـ..بر !
خنقت هالكلمه صقر نطق وبضيق : ادري بس ماتبـ..يني اخاف ؟
سيف : شايفنـ..ـي بزر ليـ..ـه تخاف ؟
قاطعهم مشعل : ماعلينا تقوم بصحه وسلامه يارب
لف طالعه سيف ثم همس بهدوء : ابـ..وي وينه ؟
عقدو حواجبهم بهاللحظه باستغراب
من سؤاله عنه !
_
" المجهول "
نزل من السياره رفع عيونه للمستشفى اللي فيه سيف
ابتسم بهدوء
الشخص : متاكد طال عمرك انك بتروح له !
طالعه المجهول ببرود : خلنا نفاجئه !
لف ومشى ودخل متوجه لغرفه سيف بعد م نقلوه
لغرفه ليومين او ثلاث للفحوصات !
طلعو الوليد ومشعل
يجيبون ملابس سيف احتياط ل فتره قعدته بالمستشفى اما صقر راح مع الدكتور
حتى يستفسر عن حاله سيف !
_
" سيف "
دق الباب بهدوء استنكر سيف دقه الباب الا دخل
المجهول وبابتسامه واسعه وقف قبال سيف : الحمدلله ع سلامتك !
عقد سيف حواجبه بهاللحظه بشك من نبره الصوت مو غريبه ع مسامعه ابداً !!!!!
رفع راسه بهدوء لحظة
م التقت عيونه بعيون هالشخص بهتت ملامحه بصدمة !! وكأن صاعقة نزلت عليه !!
عقد حواجبه المجهول ب اسى وتصنع : خوفتنا عليك ي سيف !!
رمش سيف وهو مو مستوعب صدمته يحاول يكذب نفسه : دقـ..يقه ..
نزل عيونه وهو يكذب نفسه ومسامعه !
ب عواصف تعصف بداخله من الصدمه والشك كل شي تدمر وانهار قدام عيونه
كل شي !!
مشى المجهول وقعد ع الكرسي وهو يطالعه ب ابتسامه
: لاماشاء الله مافيك الا كل عافيه
سيف وهو مابين شك ويقين انه يحلم والالا !!! لف المجهول واومئ ل واحد من رجاله اللي تقدم ونزل باقه الورد ع الطاوله اللي قبال سيف !
اللي منزل راسه ومعالم الصدمه مسيطره ع وجهه
بنظرات عيونه اللي تغيرت لحده ع باقه الورد !!
المجهول : حبيت اقوم بالواجب واتحمد لك بالسلامه
رفع سيف عيونه له بنظرات ترعب من يطالعها !!!!!
المجهول بسخريه تصنع : افا لايكون ضايقك وجودي !
نطق سيف بنبره تخفي وراها كره وغل وهو مصدوم : انـ..ـت هو !!!
المجهول : ماشاءالله ماتوقعتك بتعرفني واحنا ماتقابلنا الا مره
بنظرات سيف وتجهم تعابير وجهه شد بقوه
ع قبضه ايده وبأنفاسه السريعه والنار اللي شابه بوسط ضلوعه بحقد
وكره : كل هـ..ذا منك انت ؟؟
ضحك المجهول بسخريه : ههههههههههه باقي
ماشفت شي
هز راسه سيف بخفيف بشك وسؤال : ليـ..ـه وش علاقتـ..ك فيني ؟؟
تبددت ضحكه المجهول بهاللحظه : انت دمرتـ..ني
وجا الوقـ..ت اللي اخذ فيه ثآري
عقد سيف حواجبه مصدوم باللي يسمعه !! لف المجهول واشر ل رجاله انهم يطلعون ! وطلعو تاركينهم
ل حالهم !!
قام المجهول ببرود يطالع سيف : تصدق حزنت !
زاد سيف من تعقيده حواجبه بريبه !! استرسل المجهول كلامه ببرود : زوجتك لما خليتها تجهض يالله زين فقدت ولدك عقبال م تفقدها
توسعت عيون سيف بهاللحظه بصدمه جن جنونه فصل المغذي عن ايده وهو م يشوف
من العصبيه وكأن ابليس قدامه !!! : لا تجيب طاري زوجتي !!
انفجر بصراخ هستيري بنظرات شرسه فيه مسك المجهول من ياقته
بقوه ورصه ع الجدار وعيونه مايله للاحمرار
وعروق جبينه ورقبته بارزه بشكل مرعب : الا هي اقسم بالله لاقتلك
واشرب من دمك ..
وهو يخنقه بقوه مو واعي بتصرفاته: والله محد بيخلصـ..
ع دخول صقر اللي فز بصدمه ع صراخ سيف واللي قاعد يسويه
هجم عليه بقوه وسحبه يحاول
يبعده وسيف متمسك فيه بقوه وكأنه بلا وعي مثل المختل العقلي !!! وبصراخ : فكني !!!!
صقر بصدمه مرعوب من حاله سيف
وبالقوه قدر يبعده لورا : شفيك ؟
سيف وعيونه بنظرات حاده مثل الشرار ف المجهول
ويتنفس بسرعه : بقـ..ـتله !!! بقـ..
لف صقر ع المجهول عقد حواجبه لما عرفه !!!
لف صقر ع سيف اللي يطالعه وهو ينتفض
من العصبيه ووجه مايل للاحمرار !!!
عقد صقر حواجبه ب دهشه من حاله سيف !!!! لف ع المجهول وقرب وحط ايده ع عضده
وب انحراج : معليش لو تطلع شوي وانا بلحقك
اومئ المجهول ب راسه ب هدوء وابتسم : مو مشكله ..
وطالع ب سيف وكمل : ماتشوف شر
سيف وهو يطالعه ب نظرات حاده وشرسه وده انه ينحره بهاللحظه ويرتاح !!!
لف المجهول واتسعت ابتسامته ب مكر وخباثه من بعد اللي صار وطلع !
بهاللحظه انهارت قوه سيف واتكئ بدون حيله
ع السرير فجأه لف صقر بسرعه
وبهلع مسك سيف حتى م يطيح !!!
سيف وعيونه ع الباب بصدمه وعدم استيعاب
انه هو هالشخص اللي كان يسعى طول
هالفتره حتى يدمر حياته !!!
صقر بخوف : قوم قوم ..
سحبه قد م يقدر وقعده ع السرير
وبقلق : شفيك !!!
سيف بعدم استيعاب وتصديق وانظاره ع الباب : هـ..ـو ! ي صـ..قر هو !
عقد صقر حواجبه بشك : مافهمت مين اللي تقصده ؟
رفع سيف عيونه ب قله حيله : هـ..و اللي دمر حيـ..ـاتي هو اللـ..ـي حاول يقتلـ..ـني من كنت ب المانيـ..ـا
زاد صقر من تعقيده حواجبه بصدمه !!!
لف ع الباب ثم لف ع سيف يطالعه ب عدم تصديق !!!
تغيرت نبره سيف ل حقد وتهديد : بقتــلـه !! وارتـاح مستحيل بخليه يعيش !! واللي خلق هالروح ماخليـ..
قاطعه صقر : خلاص خله علي انا بعرف كيف بتعامل معه انت بس ارتاح ولاتفكر ب شي
ثاني
عقد سيف حواجبه : وش بتسـ..ـوي !!
صقر : اقولك خلاص لاتفكر فيه انساه !
هز راسه سيف ب نهي : مستحيل اخليك تتولاه
صقر بتشديد ع كلامه : انساه تفهم انا بتصرف معه !!
ثم همس ب ترجي وبنظرات خوف وقلق
: سيف ! طلبتك اهتم بنفسك
نزل سيف راسه وتنهد بتملل رفع ايدينه ومسح وجهه
الى شعره ورجعه ع ورا : فكني من نصايحك
طالعه صقر بحقد : انا قايل محد بيدمرك غير نفسك وعنادك صدقني والله العظيم ي سيف اني
ماسكت لك وبوقفك عند حدك تفهم !!
رفع سيف عيونه له ب نظرات ازدراء !!
صقر : لاتطالعني كذا الحين ارتاح بطلع وبرجع !
تنهد سيف ورجع استند ع ورا واسند راسه ع المخده
وغمض عيونه ! تنهد صقر ولف وطلع !
صادف المجهول واقف ! طالعه صقر لوهله يطالعه ثم مشى له عاض ع طرف شفته ! والمجهول بترقب يطالع ب صقر اللي باين انه مو ع بعضه وقف قدامه !!!
ابتسم صقر ب انحراج : معليش لاتشيل ب خاطرك باللي سواه اخوي ! عشانه
تعبان ف مو واعي باللي يقوله ولا حتى ب افعاله !
عقد حواجبه المجهول ب تصنع الاستغباء : ليه عسى ماشر شفيه !
طالعه صقر ب تردد !
المجهول : تكلم ي ولدي يمكن فيه شي اقدر اساعدك فيه
تنهد صقر : مريض ب ورم ب المخ !
المجهول ب تمثيل متفاجئ : وشهو !!
تنهد صقر بضيق : اللي سمعته
المجهول : لاحول ولاقوه الا بالله ! كنت داري ان
اللي صار قبل شوي بدون وعيه ! لانه كان يقول اشياء مو مفهومه ! انا السبب باللي صار بحياته ! انا اللي دمرته مافهمت عليه انصدمت لما تهجم علي !! كنت حاس ان فيه شي !
صقر : ااي الدكتور يقول لي ان يطبق اوهامه ع الواقع من كثر التفكير !! مو واعي باللي يسويه ابد !
المجهول ب شفقه : مايستاهل اللي صار !
وش ناوي تسوي ؟؟
صقر بضياع وتشتت : مدري ودي اخذه لألمانيا يتعالج هناك بس صحته تتدهور ب شكل يخوف !! مابي اجازف فيه المرض يتطور بسرعه معه وحنا تأخرنا بالعلاج
المجهول ب تمثيل حزن : اعرف لي
دكتور شاطر وان شاءالله بيقدر يساعده من بعد
الله يكون سبب ب شفاءه ..
ابتسم صقر : ماقصرت ماودي تتعب نفسك المجهول : افاااا وش تتعبني فيه !!سيف بحسبه ولدي واخوي الصغير مايهون ع قلبي اشوفه بهالحاله
تنهد صقر بضيق : مشكور
المجهول : بكون ع تواصل معك
ابتسم صقر ب ابتسامه باهتهه : اوك
المجهول . انتبه عليه يالله فآمان لله
صقر : بحفظه
لف المجهول ومشى بخطوات واثقه وارتسم ع ثغره ابتسامه واسعه : باقي ماشفت شي ي سيف اذا ماقلبت كل اللي حولك عليك ودمرت نفسيتك ماكون ولد ابوي !!
دخل صقر رفع سيف عيونه بسرعه :
وينه !!!
صقر وهو يجاريه عشان صحته : طلعت ولاحصلته الكلب صدقني ماراح اخليه تطمن باخذ حقك منه ..
تنهد سيف وغمض عيونه : ماراح ارتاح الا اذا شفته بقبره !!!
طالعه صقر ب تردد وضيق ع حاله !
بهاللحظه انفتح الباب الا ب ام صقر بخوف والدموع بعيونها شهقت من شافت سيف : يمه ولدي !!!!!
فتح سيف عيونه يطالعها !! قربت له بسرعه
وضمته ب حزن وانهارت بدون م تحس ع نفسها
لف صقر يطالع ب الوليد ب حده !
الوليد : شسوي والله هي اللي قالت بجي عجزت امنعها !! صد سيف بضجر !
ابتعدت ام صقر بضيق وحزن تطالعه !
سيف : مافيني الا العافيه
امهه بضيق : ان شاءالله في عدوينك ولافيك ي يمه
صقر وهو يحاول يسيطر ع الوضع : مافي شي يمه
طلعت دوخه بسيطه نزل عنده الضغط لاتخافين
ام صقر بضيق : طمني عليك ي يمهه قول لي
تشكي من شي من وشهو هالدوخه !
تنهد صقر : توي قايل لك ي يمه !!
لفت امه عليه : ماراح ارتاح الا لما يقول لي
صقر : انا بطلع
الوليد : بجي معك
طلعو ! بهاللحظه استقام سيف بظهره ونطق بخوف : ميهاف ! تدرين وش صار عليها هي طلعت من العمليه كيف حالتها ؟؟؟
عقدت ام صقر حواجبها باستغراب وخوف : ليه شفيها صاير لها شي وش عمليته !!
استند ع المخده وارتخت اكتافه بيأس : ماعندك علم اجل
ام صقر بخوف وشك : علم ب وشهو سيف اهرج شفيها مرتك ؟؟
غمض عيونه وحط ايده ع جبينهه يضغط بقوه
وهمس بضيق : اجـ.. اجهضت
ام صقر بصدمه : اجهضت !!!!
فتح سيف عيونه ورفعهم لها بسرعه : دقي عليها
ع اساس تبين تتطمنين لاتقولين اني قلت لك !
طالعته ام صقر باستغراب !! سيف وهو يبي يصرف الموضوع : لاننا متهاوشين
ام صقر : وراه !!
سيف : مشكله تافهه !
ام صقر بعتاب : وتبي تخلي البنيه بدون م تراضيها هاه ضعيفه فوق م انها اجهضت ومتضايقه
تزيدها زياده !!!
سيف : براضيها اكيد بس بالاول كلميها وطمنيني
تنهدت ام صقر ب ضجر : اخخخ منك ومن عنادك
فتحت الجوال تدور رقمها الى م حصلته ودقت
سيف : حطي سبيكر !
طولت تدق وهي ماترد !
ام صقر : م ترد !
سيف بخوف عليها: ارجعي دقي اكيد مانتبهت
استسلمت ام صقر ودقت مره ثانيه الى م ردت
نزلت جوالها : ي يمه البنيه اكيد تعبانه ماراح تكون يم الجوال !
صد وتنهد : يمكن
ام صقر : جبت لك ملابسك ي يمه ان شاءالله تقوم بالسلامه
اما هو بتفكير كيف يتطمن عليها وبنفسه : لازم اطلع واتطمن قبل م يسوي فيها شي !! لازم القى طريقه اطلع فيها من هنا !!!
رفع عيونه بسرعه لام صقر : دقي ع صقر خليه يجي ابيه بسرعه !!
" المستشفى "
الوليد : شقالو عنه؟
صقر : نزل الضغط عنده بس !
ميل شفايفه الوليد ب استغراب : غريبه !
صقر : انتظرني ف مقهى المستشفى واطلب لي كوفي والا اي شي طيب ؟
الوليد : ماراح تجي ؟
صقر : بروح اخلص اوراق المستشفى وبجي
الوليد بتنهد : طيب
تركه ومشى صقر متوجهه ل الدكتور بهاللحظه
قطع عليه رنين جواله ! طلعه من جيبه رد : هلا يمه
ام صقر : وينك ؟
صقر : رايح للدكتور ليه فيه شي ؟؟
ام صقر : سيف يبيك
عقد حواجبه باستغراب : يبيني ؟؟ ليه ؟
ام صقر : مدري بس يقول تعال
صقر : طيب يالله جاي
قفل جواله وبشك : عساه خير !
مشى متوجه لغرفته بعد م دخل
رفع سيف عيونه له !
صقر : شبغيت ؟؟؟
طالع سيف ب امه منيره لوهله ثم لف طالع ب صقر اللي فهم
عليهه نطق : يمه حبيبتي شرايك تروحين عند الوليد تحت ب المقهى ترتاحين شوي
ام صقر : انا جايه له والا عشان قهوه؟؟
ابتسم : لان الدكتور بيجي يفحصه وصعبه اخليك بالممر لحالك بدق ع الوليد يجي ياخـ..
قاطعته امه : لالاتدق عليه انا ادل دربه هو اللي تحت ع اليمين
صقر : ااااي بالضبط اللي الكراسي لونهم ابيض
ام صقر : اي اعرفه
صقر : ان ضيعتي دقي ع الوليد يجي ياخذك
ام صقر ب حلطمه : ادله قلت لك
ضحك : طيب خلاص !
لفت ام صقر ع سيف : انتبه ع نفسك ي يمه لاوصيك لاشوفك مهمل صحتك ! والا ياويلك
ابتسم سيف : ابشري
ام صقر : يالله لاخلص دقو علي
صقر : طيب
لفت وطلعت ! تنهد صقر وقعد ع طرف السرير : تكلم يالله هاذي امي وصرفتها !!
سيف : ابي اطلع من هنا
فتح عيونه صقر بدهشه : وشهو !!!
سيف : بعدين اقولك ليه ! بس لازم اطلع اليوم
والحين !!
رمش صقر بعدم استيعاب : دقيقه دقيقه !! خلني
استوعب شوي !! تبي تطلع من هنا ؟؟!! وش قاعد تخربط انت !! صاحي مستحيل تقدر تطلع واحد من رجال الامن هنا ! ولاتنسى ان عليك شكوى يعني لو بتطلع بتتعقد السالفه اكثر واكثر وبيحطون
لك هروب !!
سيف : ادري !! بس ابي اطلع
صقر : مستحيل ! ماراح اسمح لك
سيف بحده : قلت لك بطلع سواء بمساعدتك والا بدونك !!
رفع حاجبه صقر : يعني مصر !!!
سيف : مجبور !!
صقر : طيب قول لي ليه تبي تطلع ؟
سيف : ابي اشوف زوجتي والابعد ممنوع !!
صقر : دق عليها وخلها تجي لك !
سيف : بالمستشفى هي ي غبي كيف تجي !! صقر : اهاا ! سيف ماقدر اخليك تطلع
سيف بحده : قلت لك لو بطلع بدونك مايفرق معي غلطان اني طلبت مساعدتك !
صقر بتنهد : انت تدري اني مابخل عليك ب فزعتي بس خايف عليك وعلى صحتك !
طالعه سيف ب ريبه وشك بهاللحظه : شقصدك؟؟
صقر باستسلام: ادري انك مريض ب ورم بالمخ ..
بهتت ملامح سيف بهاللحظه بصدمه !!!
صقر ب ترجي : اهتم بنفسك وبصحتك ليه تضغط ع نفسك قول لي ليه عشان مين؟
صد سيف بهاللحظه عنه !
صقر بعتب وضيق : ليه خبيت عني مرضك انا اخوك انا اقرب الناس لك ! كل شي كنت اشاركك
وتشاركني فيه كل شي ي سيف !! ليه م قلت لي !!! ليه كتمت هالشي بقلبك !!!
تجاهله سيف وغمض عيونهه وتنهد !
صقر : م ودك تجاوبني ؟؟
همس سيف : لا
صقر : تتوقع اني بتخلى عنك بمرضك هذا والا تبي تعاقب نفسك بسبب اللي صار ب امي غاليه
الله يرحمها ؟؟
لف سيف بسرعه بنظرات حاده ب صقر !!!
صقر : لاتطالعني بهالنظرات !! ادري وش اللي ببالك !
وادري ب نيتك !! تتوقع انك بترتاح لاتركت نفسك كذا واستسلمت للموت م فكرت ب اهلك ؟ م فكرت ب زوجتك؟
م فكرت ب اقرب الناس لك اخوك!!! وانا حياتي بدونك وش بتكون ؟
صد سيف عنه !!
صقر بتشديد : قول لي جاوبني ؟ وش بتكون حياتي بدونك ؟؟ ليه انت اناني ؟؟ همك بس نفسك !!! ماعمرك فكرت باللي حولك !!
سيف بجلافه : حياتي هاذي !
صقر : هه ! وليه حياتك مين موجود فيها ؟ مو احنا ؟؟
سيف : صقر لاتضغط علي !
ولف يطالعه وكمل : قلت لك هاذي حياتي وانا حر فيها !
تنهد صقر : يعني ماراح تتعالج !
ابتسم سيف ببرود وهمس : لا
رفع صقر حاجبه : نعم ؟؟!!
سيف : مالك شغل !
صقر ب نرفزه : الا لي شغل !!! انت مو ع كيفك
تحدد اذا تتعالج والالا !! انا مااشاورك غصبن عنك بتتعالج
سيف : لا
صقر : والله ببتعالج واللي رفع سبع وبسط سبع انك بتتعالج غصبن عنك !!!
سيف : لاتحلف !
صقر بقهر : شوف انا تحملتك وسلكت لك كثير !! وقلت يالله ماعليه هو مضغوط بسبب المشاكل ! بس تخسي والله ماراعيك بهالشي !!!
سيف : بتاخذني غصب ل غرفه العمليات ؟؟؟
صقر : والله لو اضطريت ؟ بسويها وش يمنعني !!
انت مع نفسك والله ..
غمض سيف عيونه وتنهد !!
صقر : والله لو م تتعالج تدري وش بسوي ؟؟؟
فتح سيف عيونه وطالعه ببرود !
صقر : ببلغ عنك انك تحاول تهرب !!
رفع سيف حاجبه ب دهشه : نعم ؟؟؟
صقر : والله لاسويها !!
سيف : سوها ! بتبرأ منك ولا انا اخوك ي صقر !
تكتف صقر ببرود : تعالج طيب !
مرر سيف بلسانه ع شفاته السفليه وصد بهدوء ب تفكير !
صقر : انا ماراح اخسر شي ! بس انت بتنسجن ولاراح تشوف زوجتك ! ويمكن تسحب عليك !
لف سيف عليه بسرعه بهاللحظه بنظرات حاده !!
صقر : انا بس اوريك الجانب المشرق من حياتك ب تفكيرك
الغبي !
سيف بهمس : طيب اسمعني ! بتعالج بس بشرط تطلعني من هنا !
صقر ب نظرات ازدراء : وتتشرط بعد ؟؟
وش يضمن لي انك م تكذب ويمكن تهرب ؟؟؟
سيف : لاتصير غبي عاد انت والله بتعالج بس ساعدني اطلع !
طالعه صقر بهاللحظه بتردد ! ثم تنهد باستسلام : مدري ليه اجاريك بهالموضوع ! بس بطلعك ! وان كانت نيتك انك تهرب ! اعرف كيف اجيبك وقتها !
سيف : الحين !
صقر : انتظر لليله الحين موجود رجل الامن !
سيف : طيب عطني جوالك دقيقه بس !
طلع صقر جواله ب استسلام وعطاه اخذه سيف
وفتحه دخل الرقم ودق بتوتر وتفكير وقله صبر !! دق وهو كان يائس انها بترد بس مايدري ليه يجرب
مشى صقر وقعد ع الكرسي واستند بتنهيده عميقه
اما سيف ع اعصابه ينتظرها ترد !!
فجأه انعكست توقعاته لما وصل صوتها المبحوح و بتعب لمسامعه تلخبط
شعوره بهاللحظه حس لوهله دقات قلبه توقفت !!
عقد حواجبه صقر ب استغراب من حاله اخوه !
نزل راسهه بهاللحظه وقلبه يتقطع ب حسره
وضيق ع نبره صوتها اللي واضح انها هلكانه من
التعب !! قفلت الخط بوجهه باستغراب ! نزل الجوال يطالع فيه ب ضيق غطى وجهه بكفوفه ب تعب
صقر : فيه شي ؟؟
تنهد سيف بهدوء ونزل ايدينه وهمس : لا
دخلت الممرضه : السلام عليكم
صقر : وعليكم السلام
الممرضه ل سيف : راح ننقلك للدور اللي فوق
غرفتك جاهزه
طالعها سيف ببرود ثم صد !
صقر : اوكك " بعد مانقلوه للغرفه الثانيه انسدح سيف ع السرير
بعد م ساعده صقر وهمس : لاتشيل هم بطلعك الليله بس خليني اتأكد من الوضع !
سيف : ياويلك ي صقر لو سحبت علي !
ابتسم صقر : يمكن اسويها ليه لا !
رفع سيف ايده وضربه ع صدره : بشنقكك !!!
صقر : اهدأ من كذا ي الطيب المهم انا بنزل عند امي و الوليد بطمنهم عنك وبقولهم يروحون للبيت وبرجع لك .
تنهد سيف: طيب
صقر : يالله نام وارتاح لين م اضبط الوضع
اومئ سيف بعيونه ! لف صقر وطلع
حط سيف ذراعه ع عيونه بتنهيده عميقه
من التعب وباله مشغول فيها !!! كان صوتها
مبين فيه تألمها !! نبره البكي واضحه حس نفسه مخنوق !! وده لو يشوفها بهاللحظه
حتى يضمها لضلوعه ويهون عليها يدري انها
بتكرهه وتقسي عليه بس يخاف ! انه يفقدها مثل م فقد غيرها !!! م حس بنفسه لاشعورياً الا غفى ونام بنومه
عميقه
_
" الساعه ١٢:٣٢ منتصف الليل "
فتح سيف عيونه ع صقر وهو يقومه !
طالعه ب استنكار !
صقر : يالله قوم بسرعه قبل م يرجع ذا !!
قام سيف بهدوء ودخل الحمام يغسل وجهه
اما صقر كان يراقب الطريق !! طلع سيف
وقف بهاللحظه لما لمح الممرضه تطالعهم من بعيد ..
لف صقر عليه لما شافه رجع ع ورا وعيونه
ع الممرضه !
همس صقر واشر له ! لف عليه سيف !
صقر : ذي اللي بتطلعنا لاتشيل هم امش معي بسرعه
سيف : متاكد ؟؟
صقر : ايه يالله امش استعجل
مشى سيف بشك طلعو من الممر
فتحت لهم باب الطوارئ للدرج
عطاها صقر الفلوس ولف ع سيف : يالله بسرعه
خلنا ننزل
رقع سيف حاجبه : رشوه ؟؟؟
صقر : مضطرين شنسوي !! يالله اخلص
تنهد سيف وطلع ونزل ولحقه صقر قفلت الممرضه الباب
سيف : كيف صرفت رجل الامن ذا ؟؟؟
ابتسم صقر : افاااا عليك انت بس اعتمد علي وانا اعرف كيف ادبرها !
سيف : ينخاف منك والله " طلع صقر من باب الطوارئ للدرج التفت حوله يتأكد
مافيه احد بعدها اشر لسيف اللي طلع وراه ع طول
وطلعو من باب الطوارئ للمستشفى !
فتح صقر السياره ب الريموت ركبو بسرعه
حرك صقر بسرعه جنونيه وابتعد عن
المستشفى !
تنهد سيف : اخيراً
لف صقر عليه : وش ناوي تسوي الحين ؟
سيف : خذني ع مستشفى ***
عقد صقر حواجبه : عند زوجتك مو خايف انهم يشوفونك ؟؟
لف سيف عليه : بتساعدني
زاد صقر من تعقيده حواجبهه : كيف يعني ؟
سيف : دخلني !
تنهد صقر : مجنون والله !!
_
" بعد م وصلو للمستشفى "
دخل صقر للمستشفى يكلم موظف الريسبشن
اما سيف بالسياره يراقبه ! بعد دقايق معدوده
طلع صقر فتح الباب وابتسم : المفروض تحمد ربك علي
عقد سيف حواجبه : وش قلت له ..
صقر : ابد كذبت بكم كلمه ان امي متنومه مع جدتي وتبي لها ملابس وكنا مسافرين وتو وصلنا وجبنا اغراضها لين م مشت عليه
سيف : من وين لك الحين ملابس ؟
ابتسم صقر : ماعليك !
يالله انزل بس انتبه لايشوفك بيعرف انك الدكتور الشاطر سيف !
صد سيف ب ضجر : وخر عني بس
فتح صقر شنطه السياره طلع منه كيس وحط فيه
فيه كم كيس وغرض يوهم موظف الريسبشن انه ملابس
وطلع مشى وسيف بجانبه ! : غط علي
اومئ صقر براسه : لاتشيل هم !
مشو من جنب موظف الريسبشن وصقر يحاول
يغطي ع سيف اللي منزل راسه وصاد لحد
م دخلو للاصنصير !
صقر : تعرف وين رقم غرفتها !
سيف : ايه
بعد م طلعو من الاصنصير توجهو للغرفه ..
وقف صقر : انا بنتظرك هنا !
مشى سيف بخطوات بائسه وبتوتر
وقف قبال باب غرفتها وهو عنده يقين انها بتطرده
تنهد وهو ع اعصابه فتح الباب بشويش
دخل وقفله الا بهاللحظه انفتح باب الحمام " اعزكم الله "
وهي طالعه بخطوات بطيئه وحاطه ايدها ع بطنها من الألم
رفعت عيونها لاشعورياً و بهتت ملامحها بهاللحظه بصدمه من التقت عينها بعينه !!!!
اما هو يطالعها ب ضيق وحنين ! بس ضميره
يأنبه ع اللي سواه فيها عارف انها ماراح تغفر
له
صدت ب جفاا تحاول تكبح دموعها ب غصه
نطقت : اطـ..لع
سيف ب يأس : تدرين انـ..ـك الوحيده اللي بـ..قيتي لي كل ابواب الدنيــا تقفلت بوجهي لاتجافـيني وتعطيني
ظـهرك اللـي سويته كان عشــانك ورب الخلق عشانك خايـف افقدك !
صدت وعطته ظهرها نزلت دموعها لاشعورياً
كانت تبكي ب صمت وعاضه ع طرف شفتها
سيف ب ضيق وخنقه : فقـدت كل شي ولاابـي
افقـدك !لاتخلـيني انا بحاجــتك مافيه شي
بيعوضنــي عنك !
ثم سكت لوهله ب خنقه وهو يطالع ب تألم
وهي معطيته مقفاها وكأنه مو موجود !!
همس بنبره وجع : مـ..يــهــاف
نزلت راسها بهاللحظه تحاول تكبح بكيتها من
نطق اسمها ب نبره صوته اللي واضح فيها الحزن !! كمل بهمس ب ضيق : لاتـصيرين انتي والزمــن
ضــدي
غمضت عيونها بهاللحظه
وانهارت ب البكي !!
خطى لها بخطوات بطيئه ووقف قبالها وهي
صاده عنه !! همس : طالعيني وقولي انـك معي لو كلهم وقفو بوجهي !!
كلامه كان يزيد من وجعها وانهيارها ! كان يضعفها
مسك حنكها بايده ولفها عليه فتحت عيونها بهاللحظه الغرقانه بالدموع تطالع ب عيونه اللي واضح فيها الحنين والانكسار والشوق والخوف !!
كان بداخله الف شعور وشعور م ينوصف ب حرف ولا بعشرات منه !
عقد حواجبه بهاللحظه ب شعور مخيف
: ليـ..ـه مو قادر اشوف نظرات الحب بعيـونك ؟
انسابت دموعها حزن ع خدها !!!
نطق بخوف : بتخليـني ؟؟؟
م قدرت تنطق ب حرف واحد مكتومه غمضت عيونها ونزلت راسها تحاول تتمالك نفسها
نزل ايده ب بطئ بيأس :
بتخليني ؟
بالقوه نطقت وهمست : انـــت !
فتحت عيونها ورفعت راسها ب هدوء تطالعه ب نظرات قاسيه : دمـرت حياتـي معك انهيـت الشي الوحيـد اللي كان يربطـنا ببعض
ثم تنهدت ب تنهيده عميقه وهمست ب كلمه اخيره : طــــلقـــنــــي !
هالكلمه ترددت ع مسامعه وكأنها مثل الصدى !!
ابتسم ب ابتسامه باهته : بتتخلين عني ؟
نطقت بلحظه م انسابت دمعتها : كنـ..ـت احاول اقنع نفسي اني احبـ..ـك !
هزت راسها ب نفي
وبضيق : بس مافيــه شعور بقلبي لـك
طـول هالفتره ! ولاراح يكـون!
همس ب سخريه بوسط المه : باقـي تحبينه ؟
همست بنبره حزن : حاولـت احبك وقلت طفلنا هو اللي بيجمعنـا بـ..
قاطعها ب نبرهه حاده : خلاص
وابتسم ب وجع : كنت عارف بهالشي بس اكذب نفسي !
صد وبلع ريقه ب غصه يحاول ياخذ نفس وهمس :بتوصلك ورقـه طلاقك ..
لف بسرعه بيطلع
استوقفته ع اخر لحظه بدون م تحس ب نفسها : سسيف !!!
وقف لاشعورياً من نطقت ب اسمه وكانها استوعبت نفسها لما لف عليها
ترددت للحظه !!
عقد حواجبه من صمتها ! لف
نطقت بسرعه : صح اللي سمعته ؟
طالع حوله ب شك ! ثم لف عليهاا ب استغراب !
ميهاف بتردد : بتدخـل السجن ؟؟
همس : ليه يهمك ؟
طالعته ب نظرات حزن : ليـه ؟
سيف : اعاقب نفسي !
ميهاف ب ضيق : اللي صـار ماكان بسببــك ..
ابتسم ب سخريه : تواسيني من خوفك علي والا شفقه؟
نزلت راسها بهاللحظه ب انكسار !
مشى لها ووقف قبالها رفعت عيونها له تطالعه !
_
" صقر "
وهو واقف بنهايه الممر ب انتظار يطالع ب ساعته : تنهد دق جواله رفعه استنكر الرقم رد بشك : الو !
المجهول : الو صقر ؟
عقد صقر حواجبه ب استغراب من الصوت : **** ؟؟؟
المجهول : ايه انا
صقر : هلاوالله ومسهلا
المجهول : اخبارك ؟
صقر : الحمدلله بخير وانت ؟
المجهول : بخير وينكم فيه الحين ؟
صقر . مافهمت !
المجهول : ادري انك هربت سيف من المستشفى
سكت صقر بهاللحظه !
المجهول : صحته بتتدهور ي صقر لازم ترجعه للمستشفى
صقر : ان شاء الله
المجهول : من خوفي عليه اقولك هالشي ولا تطمن مستحيل اقول لاحد انك طلعته
صقر : لا شدعوه واثق فيك انا
المجهول : قول لي طيب وينكم ؟
" سيف وميهاف "
ضيق عيونه ب تمعن : ماعـاد اعرفك ! تحبيني والا تشفقين علي؟
امتلت عيونها بالدموع !
استرسل سيف بهمس :
كبريائك م يسمح لك انك تبين وجودي بحياتك قوليها انا ماحبيتك ولا راح احبك ! قولي انك تشفقين علي وريحي قلبي خليني افقد اخر شي تمسكت فيه
بهالدنيا ! خليـ..
م حس بهاللحظه الا لما ضمته م توقع انها بتسويها !!! لاشعورياً غمض عيونه واحتضن وجهها بين كفوفها يبوسها بقوه ! وكأن كان بعالم ثاني !!
فتح عيونه بهدوء وهمس لاشعورياً : احبــك و اللي خلقني
حاوطت بايدينها حول خصره بابتسامه هاديه : ماقـدرت اخفي حبي لك واكابـر
ابتسم و ضمها
غمضت عيونها ب شعور م تقدر توصفه !
ابتعد عنها بشويش بمقدار شعره تفصل بينهم !
فتح عيونه وهو يطالعها ارتسمت ابتسامه هاديه
ع ثغره لحظتها فتحت عيونها ببطئ والتقت بعيونه
اللي وضحت فيه شوقه العظيم لها وحبه !
لاشعورياً ابتسمت !
همس : ليه سويتي فيني كذا ؟
تنقلت نظرات عيونها بين عيونه وهمست بحزن: مـدري كان فيني شعور القهر ابــي انتقم منك مدري ياسيف والله مدري
سحبها من ايدها وضمها لضلوع صدره: مالومـك ع اللي تحسين فيه بس من خوفي عليك والله مجبور ! مابي افقدك !
ابتعدت عنه وهي تطالع فيه بحزن : ليــه ماقلت لي من البدايه
بلع ريقه وتنهد : حاولت ! بس كنتي عنيده وتبي
تخاطرين بنفسك وصحتك !!
نزلت راسها ب ضيق ! مسك حنكها ورفع راسها
وهو يطالعها : مابي هالعيون تذبل وتحزن !
مسكت ايده وهمست بخوف : مابـيـك تروح
وتخليـني !
حط ايدينه ع وجهها واحتضنها بين كفوفه وابتسم وهو يطمنها : خليك واثقه بهالشي ! مستحيل اني اخليك حتى لو حدتني الظروف ! ابتعد ممكن بس ماراح اتركك ادفني هالخوف !
رمشت ببطئ لاشعورياً امتلت عيونها بالدموع وهمست بغصه : بتنسـجن ؟
اتسعت ابتسامته : مين قال لك ؟
قوست ثغرها ب ضيق وهي كابحه شهقتها : سمعــته
همس ب ابتسامه يبي يطمنها
ولو ان الواقع عكس م ينطقه : يكذبون ! ماراح انسجن طالت وشمخت والله الدكتور والجراح سيف بن عبدالله
ينسجن يخسون !
عضت ع طرف شفتها بوسط م نزلت دموعها
وهي تعرف انه يكذب ! عيونه فاضحته !
صدت بهاللحظه وانهارت
غطت وجهها بكفوفها مثل الطفله تبكي بنحيب !
نزل ايدينه ببطئ ب ضيق ع حالتها !
قرب ولفها عليه وهي تقاومه و تصد تحاول
تتمالك نفسها ! كان اقوى منها ولفها عليه
مسك ايدينها وابعدهم عن وجهها وهمس : ارفعي راسك وطالعيني
كانت تطالع بالارض منهاره ودموعها تنهمر ع خدها
رفع وجهها بايده والتقت عيونها الغرقانه بالدموع
بعيونه
همس : ليه هالبكي هذا انا قدامك !
ميهاف بضيق : ليـه تكذب !
ابتسم : اكذب بوش هو ؟
قوست ثغرها ب انكسار : لاتبتـسم وتخفــي حزنـك عني
بلع ريقه ورفع عيونه يتهرب منها ويطالع ب ايده اللي رفعها و يمسح فيها ع شعرها ب هدوء : صدقيـني مافيني
الا كل عافيـه
همست : قولها وانت تطالع ب عيوني !
لحظتها جمدت ايده !!
لما رفعت ايدينها
وحطتهم ع وجهه نزل عيونه يطالعها !! همست من بين دموعها بغصه : ليه اخفيت مرضك عني ؟
تسمر بمكانه بهاللحظه : كيـف دريتي ؟
ثم ابتسم بسخريه : لايكوني سمعتي بعد ؟؟؟
طالعته بحزن : كل شي تخبيه عني ولا كأني موجوده بحياتك ! خفت انك تفقدني واجهضت الجنين ! بس م فكرت فيني ولا بخوفي اني افقدك ليه اناني انت قول لي ليه تفكر ب نفسك وناسي اللي حولك !
صد عنها وعض ع طرف شفته السفليه !
انسابت دمعتها بضيق : ليه عطني سبب
واحد يقنعني ليه تخبي عني انا ماتبي تتعالج ؟
نزلت عيونها بضيق مسكت ايده لف عليها بهاللحظه لاشعورياً !
نطقت وهي تطالع بايده اللي تحتضنها بين ايدينها ب انهيار : انـت وعدتنـي انك ماتخليـ..
اجهت بالبكا بهاللحظه
سحب ايده من بين كفوفها وضمها له بقوه
وهمس :وانا باااقي ع وعدي !
دفنت وجهها بصدره ب نحيب وبصوتها المكتوم
: لاتخليـني
مسح ع شعرها يحاول يهديها : والله ماخليك مادام ان ايسر صدري ينبض !!
وهو يبي يبعدها حتى يكلمها وهي تقاومه وتتمسك فيه بقوه كان هالشي يضعفه ! غمض عيونه بضيق وهو عاض ع طرف شفته بقوه يحاول يتمالك نفسه !!
تنهد وفتح عيونه بهدوء رفع ايده ومسح عيونه بعنف اللي امتلت بالدموع اتسعت ابتسامته ب تصنع : ميهااف طالعيني !!
ابعدها عن حضنه بالقوه واحتضن وجهها
ورفع راسها حتى تطالع فيه
ابتسم بهدوء ونظرات الحنيه ب عيونه
نطق وهمس : احــــبــــــك اقسم بالله احـــبــك ..
نطقت من بين دموعها : وانـا بــعــد
اتسعت ابتسامته : تطمني مافيني شي لاتفكرين فيني فكري ب صحتك وبنفسك
تأففت بضجر وضيق : كيف ماتبيني افكر فيك !! قول لي كيف ؟
ضحك : انتي توسوسين ! م تفكرين !
قوست ثغرها ب زعل : غصب عني طيب !
ضحك : واللي خلقني اني اعشقك
عقد حواجبه باستغراب والتفت حوله : وين امك صح؟؟
ميهاف : ف البيت ماقدرت تخلي محمد لحاله الصبح بتجيني
تنهد : طيب ارتاحي ونامي وانا بحاول اجي اتطمن عليك من وقت لوقت !
عقدت حواجبها ب انكسار : ماراح تنام معي !
همس : ماقدر !
ثم ابتسم وحط ايده ع خدها : اوعدك بجي لك لاتتضايقين
تنهدت بحزن : طيـ..ب
قرب وباسها من خدها وابتعد : يالله نامي
اومئت راسها بطواعيه !
سيف : احبك
ابتسمت بهدوء : وانا بعد
ابتسم ولف وطلع وهو متوجه ل صقر الا لف عليه
واشر له بايده بمعنى انحاش !
وقف سيف وعقد حواجبه ب ريبه وشك !
صقر ب همس ب استعجال وخوف
: انحاش بسرعه قاعدين يدورونك !!
رجع سيف ع ورا بصدمه !!!
صقر ب عصبيه بهمس :
بسرعة
لف سيف ب استعجال وطلع من الممر يركض و بانفاس متقطعه : الله ياخذهم هــذا اللي ناقصني !!!
لف ع الدرج ونزل بسرعه للدور اللي تحت
وقف ع اخر لحظه وسحب نفسه
وراا ولصق ظهره بالجدار وهو يتنفس بسرعه
وعيونه تتنقل حوله ب شك وخوف !!! وبعد م حس انهم ابتعدو واصواتهم اختفت !
اخذ نفس عميق وتقدم بخطوه لقدام طالعهم
ب طرف عينه ! م حصل احد !
بهاللحظه وبلمح البصر طلع باستعجال وبخطوات سريعه
قدر يطلع من الباب لقسم الطوارئ وقف
عند السياره واستند بظهره ع الباب ورا وهو
يحاول يلقط انفاسه !! وصدره يعلو ويهبط
م حس الا بجواله الثاني اللي عطاه له صقر يدق
طلعه من جيبه بسرعه ورد متوقع انه صقر
يدق من رقم ثاني بس تجهمت تعابير وجهه لما
سمع صوته !!!!
ابتسسم المجهول : شفيك م كأنك استانست !
نطق بجلافه وحقد : شتبي ؟؟؟؟
اتسعت ابتسامته المجهول : القط انفاسك ي حبيبي ماراح يشوفونك دامك ورا السياره
عقد سيف حواجبه بسرعه التفت حوله !! المجهول : بتشكك اللي حولك فيك بهالنظرات ! اهدأ
سيف بحقد ينتفض بقهر : وينك !
المجهول : تتوقع عندك قوه تواجهني !!
سيف بعصبيه : وينك !!
المجهول : تتوقع مني ي سيف اني بوقف ع الشكوى اللي خليتهم يرفعونها ضدك !!
زاد سيف من تعقيده حواجبه : شـ..كوى ؟
المجهول : ابو علي ! الولد اللي قتلته باخذ حقه منك وماراح اوقف !!
عض سيف ع طرف شفته وهو يغلي : انت ان كنت رجال اطلع قدامي وشوف وش بسوي فيك حرام الشنب عليك والله !
ضحك المجهول : ماهرب منك ! بس انتظرك انك توصل لي صدقني مو خوف كثر م اني رايق واستمتع باللي يصير معك وانتظر خطوتك الجايه وش بتكون !
قفل سيف الجوال بوجهه غمض عيونه وهو
يتنفس بسرعه ودمه يفور واعصابه
مشدوده !!
فتح عيونه التفت حوله مالقى احد ؟ مشى بسرعه
وطلع ع الشارع الرئيسي وقف تاكسي وركب
وشياطينه راكبه راسه !!
كان يعرف وين بيلقاه
ويعرف وش نقطه ضعفه !!! م كان يميز اللي قدامه
من قوة عصبيته عطى صاحب التاكسي العنوان وتوجه لبيته بعد م وصل نزل سيف
وخبره ينتظره دخل لبيته صعد لغرفته بسرعه
فتح درجه وابعد الاغراض طالع فيه ب نظره شر !! مسك السلاح واومئ براسه بحقد : والله محد بيخلصك من ايديني !!!
دخله بجيبه ونزل لتحت بسرعه ! ركب السياره
وعطى صاحب التاكسي العنوان ل القصر ! اللي زاره قبل فتره اللي التقى فيه الشايب !
_
" بالمستشفى "
الشرطي : انت ليه موجود هنا اذا ان اخوك مو معك ؟
صقر : قلت لك الوالده ارسلتني حتى اسلم لزوجه اخوي اغراض
الشرطي وهو يطالع ب ايدين صقر : وين الاغراض
صقر : سلمتها لها
الشرطي : طيب وين غرفتها !
طالعه صقر بصمت بهاللحظه !!
_
" سيف "
بعد م وصل نزل من السياره وهو مايشوف
من العصبيه !! الشياطين راكبه راسه !! طلع السلاح من بنطلونه ودخل للقصر ب خطوات سريعه
وصدره يعلو ويهبط وعروق جبينه مشدوده
و وجهه مايل للاحمرار فتح الباب بقوه
وصرخ بصوت عالي ب اسم المجهول : **** !!! اطلع لي !!!
تلفت حوله يدوره !! ثم صرخ بهستيريه : اطلع لي اذا انك رجال اطلع !
الا التفت وراه بهاللحظه ع صوت الشايب : شجابك ؟؟
طالعه سيف بغيض وحقد : وينه ولدك !!!
الشايب بجمود : انت بالمكان الغلط اطلع
سيف بصراخ هستيري رفع السلاح : وينه ولدك !!!
الشايب : بتحسف ع وجودك اطلع واقصر الشر
سيف بقهر : اقصر الشر انا اللي اقصره ؟؟؟
ثم نطق بتشديد وبقهر : للمره الاخيره بسأل !! ولدك وينه !!!!
طالع الشايب ب السلاح اللي بإيد سيف ثم رفع عيونه له وبجلافه نطق : اطلع !!
سيف بعصبيه وهو يغلي من داخل : بتقول لي وينه والا ورب العزه اني لاقتلك حتى يحس بحرقه قلبي !!
الشايب ببرود : سوها
سحب سيف الزناد وبعيونه الشر
الا دخل ابو سيف بهاللحظه بصراخ
وخوف : نزل السلاخ وانا ابوك نزله ..
لف سيف عليه بهاللحظه فجأة م حس الا بإيده اللي ماسك فيها السلاح يتوجه عليه !!!!!!
توسعت عيون ابو سيف بخوف بهاللحظه !!
عقد سيف حواجبه ولف بريبه وشك ع الشايب !
اللي ماسك السلاح بايده وموجهه له !
ونطق بجلافه : انت تبيني اقتلك بنفسي ؟
زاد سيف من تعقيده حواجبه بصدمه واستغرااب !
الشايب بحده : وانت وش قصتك ؟؟؟
ابو سيف بخوف : نزل السلاح ! والله لو صاب
ولدي شي ماعرفك الا انت !!
الشايب بحده : ولدك اللي يطيح نفسه بالمشاكل !! هو اللي يركض ورا الموت
ابو سيف بعصبيه : نزل السلاح
الشايب بنظرات قهر : انا دافعت عنك وحاولت اوخر ولدي عنك بس انت اللي تحوم حوله !
رفع سيف حاجبه بسخريه : انا ؟
مرر لسانه ع شفايفه وضيق عيونه : اجل مين اللي لحقني ل المانيا وحاول يقتلني ؟؟ مين اللي حاول يعتدي علي ؟
مين اللي انتك حرمه بيتي !! قول لي ؟؟ كل هالاسئله اجابتهم شي واحد !
نطق بتشديد وغلاظه : ولدك اللي حال يخرب
حياتي !!! ونهايتها ب الشكوى علي !!
الشايب ب سخريه : وليه مايكون ابوك ؟؟
عقد سيف حواجبه بهاللحظه وتجهم تعابير
وجهه ! لاشعورياً لف ع ابوه اللي يطالع ب الشايب ب صدمه !
نطق سيف بعد صمت عميق كان بينهم ! : يـبـه !!!
لف ابوه عليه بنظرات تردد !
سيف بشك : وضح اللي قاله !!
ابوسيف بارتباك : وش اوضح شايب عايب يبربر بكلام مايدري وش معناه !
الشايب : قول انك ناوي تخليه بمستشفى الامراض النفسيه
برا المملكه وتبعده وتنفيه عن هنا ! قول
زاد سيف من تعقيده حواجبه بهاللحظه !
ابو سيف بعصبيه : وانت وش قاعد تقول كله كان فحوصات بسويها له وهنا بالرياض !! ماعندي نيه اني انفيه ولا اخليه يغترب بعيد عني وعن اخوانه
الشايب : اجل ليه بلغت عليه دام انك ماتبيه يغترب !
ابوسيف ب غيض : هالشي مالك دخل فيه نزل السلاح عنه
الشايب : الحين فكرت فيه الحين بغيته وخفت عليه !
تقدم ابو سيف لعند الشايب وهو ينتفض بعصبيه وقهر : اقسم بالله لو صار له شي ! مااراح ارحمك
لف سيف ع الشايب ونطق بهدوء : كمل !
التفت الشايب عليه باستغراب !
سيف : قول لي وش مخطط هو عليه غير انه يسفرني لبرا !
طالعه ابوه بصدمه ..
الشايب : متأكد انك تبي تعرف !
سيف بإصرار : كمل !!
الشايب : بليله عمليه امك كـ..
فجأة وبلمح البصر سحب ابو سيف السلاح من ايد الشايب وهو بيلفه الا اعتلت صوت طلقه الرصاصة مع شهقة انتفاضه تتوسط ب صدره !!!
لف سيف من الصدمه
حس قلبه توقف لوهله !!ابتعد ابو صقر ع ورا مفجوع وطاح السلاح من ايده !!!
لحق سيف ومسك الشايب اللي انتشر دمه بكل مكان لف كان الشايب بكل قوته ع سيف لحد م مال فيه وطاح ع الارض بوسط حضنه
رفع عيونه يطالع ب ابوه ودمه نشف بعروقه من قوه صدمته وفجعته لدرجه م يرمش !!!
اما ابوه يطالع بالشايب ويطالع ب سيف وهو مستخف مو مصدق اللي يشوفه وكأنه كذبه !!!
سيف بلعثمه يرجف لف يطالع بالشايب يحاول
يصحيه : خلك معي اصحى واللي يخليك الحين بنطلب الاسعاف تحمل تكفى تحمل
رجع ابو سيف ع ورا وهو مو مستوعب !!!
لف سيف عليه : دق ع الاسعاف بسرعه !!!
اما ابوه يطالعه وكأنه عقله مو معه !!
قاطعه سيف بصراخ هزه وكأنه ايقظه من غفلته : دق !!!
طلع ابوه الجوال وايده ترتجف بالقوه يقدر يضغط الارقام
لف سيف ع الشايب :
بتجي سياره الاسعااف خلك معي لاتغفى تكفى
بلع ريقه اللي جف من قوه التوتر والخوف حطه اصابعه
ع عرق رقبته للنبض وعقد حواجبه بشك وخوف ان نبضه ضعيف !!!
همس بصدمه : نبضـ..ـه ضعيف !!
سدح راسه ع الارض واستعدل بجلسته وهو
يتصبب عرق من الخوف حط ايدينه ع صدر الشايب حتى يسوي له انعاش قلبي وهو بيبدأ الا قطع عليه شهقه الشايب وعيونه ترتفع لفوق
الا م جمد وصعدت روحه لرب الخلق !
توسعت حدقه عيون سيف بهاللحظه !! وايده ع صدره بلا نبض يحس فيه !! ارتخت اكتافه بيأس ابتعد ع ورا ب انهياار صد ..
اما ابوه انتفض قلبه بخوف : شفيه ليه تركته !!
رفع سيف عيونه له والدموع ب محاجر عيونه نطق بحرقه : مـ..ــــــ..ـــات
جمد ابوه بهاللحظه بصدمه !!
انتفض سيف مثل المجنون قام دف ابوه وبصراخ هستيري : مات بسببك مات ماقدرت اساعده انقلبت حياتي جحيم بسببك كل شي تدهور بسببك بدال م
انقذ نفسي ابتليت بمصيبه كله بسببك انت
قول لي كيف اطلع من هالمصيبه قول !!
بهاللحظه قطع عليهم صوت سياره برا لفو ع الباب وهم يشوفون نور لمبات السياره تكبس ع القصر
لف ابوه بسرعه وبخوف : مين اللي جا !!
رجع سيف ع ورا ب قله حيله حط ايدينه ع راسه وصد : تعبـ..ت ..
قاطعه ابوه باستعجال : بسرعه اطلع لايشوفونك ..
لف سيف عليه ونزل ايدينه بهاللحظه بعدم استيعاب !!
ابوه وهو يدفه : بسرعه اطلع من الباب الثاني
قبل ماايشوفك احد ويحط التهمه عليك
عقد سيف حواجبه باستغراب !!!
ابوه بعصبيه يدفه : بسرعه اطلع !!
همس سيف بصدمه : وانت !!!
ابو سيف : ماعليك مني اطلع ..
سيف : كيف ماعلـ..
دفه ابوه بعصبية : قلت لك اطلع الحين والا والله مااسامحك والله !!
طالعه سيف بدهشه !!! اما ابوه يتلفت ع الباب ثم لف عليه صرخ بعصبيه : بسرعة !!
لف سيف ومشى بتردد وقف ولف عليه الا ابوه يأشر له بعصبيه !!! لحظتها لف ودخل للمطبخ اللي كان ع يمينه ! وكان له باب خارجي وهو بيفتح الباب الا وقف بتردد انه يطلع والالا !!!! م كان مستوعب اللي سواه
ابوه !!! اللي حقد عليه وكان يكن له بقلبه الكره !! كيف بلحظه يبي يطلعه ويبعده عن هالمصيبه !!!
_
" بيادر ونايف "
وهي بتنام دق جوالها اخذته من ع الكوميدينا شافت اسمه لاشعورياً ابتسمت وردت : الو
تنهد نايف : ااااااااخ هالصوت شكثر مشتاق له
اتسعت ابتسامتها بخجل !
نايف : شفيه الحلو استحى !
بيادر : اخبارك ؟
ضحك : شدعوه صرفتي الموضوع ماعليه بمشيها لك هالمره ! كيف ماسمع هالصوت واكون
مو بخير ؟
بيادر بحيا : دوم يارب
نايف : ااي طمنيني عنك ..
بيادر : بخير الحمدلله
نايف : وسيف اخباره ؟
تنهدت : ع حاله بالمستشفى
نايف بحزن : والله اللي مر فيه مو سهل !! وبعدين هذاك ليه يشتكي عليه ي ولد الحلال هذا اللي كاتبه الله ماله دخل ب باللي سوا العمليه !!
بيادر : يارب تتيسر ويطلعونه ! والله ضايق صدري عليه حيل
نايف : لالا ان شاءالله بيطلع لاتشيلين همه دام وراه صقر طير شلوى والوليد ومشعل ماينخاف عليه
بيادر بتنهد : الله يسمع منك
نايف وهو يبي يغير جوها : ااايه هاه بتوافقين علي ؟
لاشعورياً ضحكت : وجع
نايف بضحك : شكلك بترفضيني
بيادر : ابيك بكلك
تنهد : اااااخخ والله اني اسعد واحد ع هالارض
دام عندي زوجه مثلك
بيادر : ع طول زوجه ! اصبر خلنا نملك بالاول وتتيسر
نايف بعناد : كيفي !!
بيادر : الحين بكيفك والا قبل كنت بتتزوج غيري !
نايف بحلطمه : والله واللي خلقني ي بيادر مو بيدي كان وانتي تعرفين ابوي ! وقلت بس بجاريه بموضوع الخطبه وبعده بطلع عذر واكنسله انتي تدرين شكثر حبي لك
وتدرين بس وقفت بوجهه وبوجهه امي
عشانك
ابتسمت : والله ي نايف ادري شكثر تحبني عشـ..
الا انفتح باب غرفتها بهاللحظه فزت بصدمه وهي تشوف امها !!
-
" سيف "
ع اخر لحظه طلع من باب المطبخ للحديقه الخارجية ! يركض وهو يتلفت حوله بشك انهم شافوه !! بعد م طلع من الباب الخارجي للشارع الخلفي للبيت !
وقف وهو يحاول يلقط انفاسه السريعه
التفت وراه بصدمه وعدم استيعاب : كـ..ـيف خلاني انحاش !!
غمض عيونه وتنهد بتنهيده عميقه !! غطى وجهه
بكفوفه ورفعه لفوق ومسح شعره وتأفف : وش بسوي الحين هذا مات ومين اكلها هووو !!!
صد بضيق : وش بسوي الحين بحياتي كيف بنقذ نفسي منهم كيف بطلعه من هالمصيبه ..
مرت بجنبه سياره تاكسي استوقفها
وركب بسرعه !!
_
" بيادر "
طالعتها امها ووجهها مصفوق من الصدمه !! لاشعورياً جت لعندها وسحبت جوالها منها
بدون م تلحق بيادر انها تقفل ولاحتى تحذف الرقم !!! او تنطق ب حرف واحد !! لسانها انشل
وبردت اطرافها من الخوف !! حطت امها جوالها ع اذنها وبيادر ترجف وبقلبها تدعي انه م ينطق ويقفل !!
الا أنه كان عكس اللي دعته !!!
نطق بشك واستغراب : الو ؟ بيادر ؟ .. الو وينك ي قلب نايف ؟
توسعت عيون امها بصدمة وهي تطالع ب بنتها !!! تجهم تعابير وجهها ب عصبية !
بلعت بيادر ريقها بخوف قفلت امها الجوال وبدون م تحس ع نفسها رمت الجوال بالارض ولفت عليها وصفقتها
بكف من قوته لفت ع الجهه الثانيه !!!
لحظتها اجهشت بالبكا من قوه حراره الكف !! مسكتها امها من بلوزتها وبصراخ وعصبيه : انا ماربيتك ي بيادر هذا وانتي الكبيره العاقله تكلمين من ورانا !! ماوراك اخوان واهل ماوراك رجال تكلمين ومين نايف ؟؟؟ نايف ماغيره ولد عمك !!
دفتها بصدمه : ياربي سترك !! وش هالفضيحه ياارب استرنا ولاتخسف فينا
نزلت راسسها وهي منهااره بالبكى !!
ام صقر بعصبيه : اناااا ماربيتك قولي لي فضحتينا عند الرجال ! بكره وش بيقول بنت عبدالله تكلمني هاااه !! والله ان محدن ياخذك وتقعدين عله ع قلبي وتعنسين انتي مافكرتي ب سمعه اخوانك ! كيف يقابلون اعمامهم والرجال لاهرج هاللي مايستحي كانت تحس ب نفسها قذره لدرجه م قدرت ترفع عينها وتطالع ب امها !!
ام صقر بعصبيهه : انا وش قصرت عليك فيه اخوانك وابوك وش قصرو فيه عليك حتى تسوين هالسواه القشره !! هاه ..
قطع عليهم دخول مشعل ب استغرااب وشك من اللي سمعه !!!!!
-
" بالمستشفى "
" ميهاف "
وهي بتنام فتحت عيونها باستغراب وشكت اكثر لما انفتح الباب وتقفل بعدها بالمفتاح ! رفعت نفسها عن السرير بخوف بهاللحظه طاحت عيونها بعيونه تنهدت ب ارتياح
مشى لها بخطوات بائسه وقعد ع طرف السرير
قبالها !
عقدت حواجبها باستغراب من ملامح وجهه المخطوفه ونظرات عيونه همست بخوف : سيف ؟
همس ب استسلام وبنبره صوته المليانه. بالوجع : تعبـ..ـ..ـان
زادت من تعقيده حواجبها بخوف مسكت ايده البارده
قشعرت وبايدينها الدافيه طالعته بخوف وقلق : شفيك؟
همس بتألم : سيف هالاسـم انعرفت بقوته !
بهالشخص اللي م يخاف من شي بهالشخص اللي كانت حياته ينحسد عليها ! كنت محاوط من كل جهه ب اهل وحبيبه و اصدقاء وزملاء م كنت مكروه ومنبوذ كنت من نجاح ل نجاح تخرجت دخلت الطب وتخصصت ب جراحه معقده وتخرجت ب معدل عالي وكنت
مطلوب من كل مستشفى اني اتوظف عندهم !
كان الكل يشهد لي بسمعتي وهيبتي ! كنت محظوظ من كل النواحي
فجـأه
نزل راسه وكأنه مو مستوعب نطق : فجـأه كل شي تلاشى وانقلبت حياتي فوق تحت !
غمض عيونه وهمس : بدايتها من وفاه امــي
سحب ايده من ايدها وحطه ع عيونه وبلع ريقه بضعف ! وهمس : كــاره نفسي كاره الضعف اللي انا فيه كاره الخوف من اني اخسر احد ثاني!! فتح عيونه ورفعهم يطالعها بنظرات انكسار : تعبــت والله
وهي تطالعه بضيق وقلبها يوجعها عليه !
قربت منه وضمته لاشعورياً انهار بضعف مثل الطفل بحضنها !
نزلت دموعها وهي تحاول تتماسك وتقويه : كلنــا مرينا بهالمرحـله انكسرنا وانهزينا من داخل انخذلنا من اقرب الناس لقلبنا ! فقدنا وعشنا الوجع وان استمر معنا بيخف وبنتعود عليه يلازمنا ب حياتنا ب ذكريات ! ب اشتياق ولا حنين ولا كره عمر الدمعه م كانت تهز رجوله شخص ! م كانت الا من وجع صادق ! بكاك مو عيب ! إبكي و حرر نفسك من السجن اللي انت عايش فيه لاتمسح دموعك لاتقاوم بكاك ! ولاحتى شهقتك !
غمضت عيونها وعضت ع طرف شفتها بغصه
كيف تقويه وهي اللي كسرته كيف تهديه بين احضانها وهي المذنبه بلعت ريقها ومسحت دموعها بعنف ابتعدت عنه وطالعته بملامح قويه ومسكت ايدينه
وشدت عليه : تحدى كل هالظروف !لاتخليها نهايتك لا تشمتً اعدائك فيك ! كنت وليومك هذا وبتكون سيف بقوته وهيبته انت الشوك بطريقهم مو العكس
اللي م يكسرك يقويك ..
رفع ايده وبابتسامه باهته ارتسمت ع ثغره
وحطه ع خدها :خليك معي مثل نبضات قلبي بوسط ضلوعي فراقك يهـد حيلـي وربك
حطت ايدها ع ايده غمضت عيونها وباستها ..
#يتـــــــــــــــــــــــــــبع....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!