" سيف "
اول ماوقف سيارته عقد حواجبه وهو يطالع
بالمكان كان فيلا فاخره استنكر العنوان طالع بجواله يتأكد من المكان عقد حواجبه زياده
رفع عيونه للفيلا
ونزل بهدوء كان الفيلا شبه مظلمه وهذا اللي خلاه يشك اكثر قفل سيارته ومشى بشويش وقف ع الباب الخارجي
مسك مقبض الباب جرب يفتحه الا فتح معه !!! شك !! دخل وهو مو مرتاح بس يبي يلقى حد
للمهزله اللي تصير معه تفحص المكان من حوله وكأنه مهجور من شهور !
وقف ع الباب الداخلي لوهله بتفكير !حاس ان فيه شي ينتظره !!
مسك المقبض وفتحه شك اكثر انه انفتح معه !وقف بمكانه التفت حوله !
دخل وهو يطالع حوله كان المكان مظلم
شغل الانوار استنكر لما سمع صوت شخص يتحلطم بانزعاج : لحول
عقد سيف حواجبه باستغراب !
مشى يتبع هالصوت الى م وصل للصاله
بلحظتها وقف بمكانه !!!
لما شاف شايب ع الكنب بايده عصاته ونظارته الطبيه ع طرف خشمه وهو يطالع سيف
بنظرات بارده ومبين ع ملامحه انه منزعج ! الشايب بجلافه : ليـ..ـه دخلت لبيتي بدون اذن !! رفع حاجبه سيف : مهجور !
الشايب : مين سمح لك ؟؟؟؟
سيف: انا سمحت لنفسي !!
الشايب : وش بغيت ؟
سيف : بغيت شخص اسمه علي !
عقد حواجبه الشايب وتمسك بعصاته : علي ؟؟؟
سيف : مو هذا بيته
وقف الشايب ع حيله : انت من ؟؟
سيف : موب مهم تعرفني ! انا جيت لهالمكان ادور
جواب لسؤالي ! وين علي !!
الشايب وهو يحاول يدقق بملامح سيف !!!
مشى له بخطوات بطيئه غير متزنه ع عصاته : شغل اللمبه كود اني اشوف هالوجه
صد سيف بضجر وتنهد ! مشى بانزعاج شغل اللمبات
غمض الشايب عيونه بانزعاج من النور اللي انور الصاله كلها !
وقف سيف قباله فتح عيونه الشايب بشويش الى م تعود ع النور رفع عيونه يطالع بسيف ! عقد حواجبه : انـ..ـت من وش اسمك
سيف : ي عم ! جيت انا لهنا ابي علي ! وينه !! الشايب : ملامحك ماهي غريب علي !
سيف : يمكن شفتني بمستشفى بس مو هذا كلامنا بسألك وين علي !!
عقد حواجبه الشايب بتدقيق : مستشفى؟
تنهد سيف : انا دكتور جراحه مخ واعصاب ي عم
الشايب باستغراب : وشهو اسمك؟.
زفر بهدوء : سيف
سيف عبدالله مقرن
الشايب : ماش ماقد اوحيت بهالاسم مير ي وليدي غلطان اطلع
سيف : بالاول علمني وين القى علي !!!
للشايب بانزعاج : ابك ماعندي واحدن اسمه علي غلطان
سيف بشك : متأكـ
الا قاطعه الشايب وهو يدفه بعصاته بعصبيه : اطلع لاا الحين افضح بك اطلع
طالعه سيف بشك م عطاه مجال الا دفه الشايب وقفل الباب بوجهه ضرب بعصاته ع الارض بحسره : وش جابك من بعد تالي هالسنين؟
-
" بيت ابو صقر "
ميهاف بابتسامه : عـ..ـادي اذا كنت منتظمه ع ادويتي
عريب بفضول : الا صدق يعني انتي ممنوعه من اشياء مثل تركضين ولاتسبحين ولا الخوف ؟
ميهاف بارتباك : الا اكيـ..د
بيادر : ممنوعه من الحمل صح اذكر قد شفت برنامج جابو حلقه عن القلب والزراعه وكذا ف حسيت بالفضول
لحظتها دقت ع الوتر الحساس لعند ميهاف !
ابتسمت : سـ..ـنه ونص تقريباً
ام صقر : مير الحمدلله ي يمه ع سسلامتس الله كتب لتس عمر جديد
ميهاف بهمس : الله يسلمـ..ك
نزلت عيونها لكاسه الشاهي وشردت بتفكير
بيادر بحيره : مدري وش اخذ معي ملابس للاستراحه
عريب : والله وانا بعد محتاره !
ام صقر : ع كثر ملابسكن محتارات !والله من الفسقه اللي فيكن
ماهي نص ساعه الا رجع سيف دخل وسلم عليهم
قعد يسولف معهم
ماهي دقايق الا قطع عليهم صراخ هستيري : وووينه !! ووووين!
قامو كلهم بخوف !و ابو سيف بعصبيه دخل وهو مايشوف من العصبيه لحظه م شاف
سيف ثار الجنون اللي براسه تهجم بسرعه ع سيف ومسكه من ياقته مثل المجنون : كله منكك كله
صرخت بيادر بخوف : يبه تكفى بعد
ام صقر وهو تحاول تبعد ابو صقر عنه : شفيك
عليه !
اما سيف يطالعه بصدمه
ابو صقر وعيونه مثل الشرار يطالع بسيف :
اناا الغلطان اني ماتبريت منك
وهو يهزه بقوه ويشد ع ياقته مو واعي
بتصرفاته كأنه مختل نفسي م حس الا وهو يشيل الفازه اللي قدامه
فزت عريب بخوف ع صوت امها بصراخ : دقي ع صقر دقي
ركضت بيادر بسرعه ومسكت ايد ابوها
وسحبت الفازه بسرعه برعب اما ميهاف بصدمه متسمره بمكانها
دقت عريب بسرعه ع صقر اللي انهبل من درا !! ماهي دقايق الا وهو يركض وهو بيدخل
تنحنح بوسط خوفه : فيه احد ؟
رفعت ميهاف طرحتها بسرعه وتغطت
ام صقر بصراخ : فكه وش تبيي فيه !!
ابو صقر يهزه بهستيريه : وش هالوقاحة اللي فيك !!
عريب بخوف : بسرعه الحق
دخل صقر و توسعت حدقه عيونه بصدمه
طلعت ميهاف بسرعه وصعدت لفوق
صقر وهو يمسك ابوه يحاول يبعده !! : يبه
فكنا من المشاكل خلاص !!
ابو صقر بعصبيه يصارخ : بلاكم ماادريتو بسواد فعلته ..
دخلو اخوانه ع صراخهم بصدمه وخوف
دف ابو صقر سيف ع وراا بايده : اياااا ال * ليتني ذبحتك بيوم م انولدت
ام صقر بعصبيه : خلاص مابقى كلمه ماقلتها فيه احترم اللحيه اللي عليك ..
ابو صقر بعصبيه لف عليها : تدافعين عنه !!
تدافعين عن واحد باااع قلب امه بعد مادخلت بغيبوبه بسببه ! تدافعون عن **** هااااه !!
اسودت الدنيا بعيونهم
ضحك صقر بعدم تصديق : يبـ..ـه !! شقاعد تقول انت !!
ابو صقر بعصبيه يأشر ع سيف : !! تواسونه
باللي صار بأمه !!! هو كله بسببه هو قلبه الاسود والخبيث !!
لف ع سيف بحقد وكراهيه يطالعه نطق بتشديد : انا انا ماربيت انسان الا ربيت شيطان
ام صقر باندفاع : انت انهبلت وش يبيع قلب امه !!! ماطبك الصحى
مشعل وهو يحاول يهدي الجو قرب ومسك
ايد ابوه : يبه استهد بالله وسم بالرحمن
سسحب ابوه ايده منه : وين اسمي بالرحمن وابليس هذا قدامي وين !!!
رجعت عريب وبايدها المويه : يبـ..ـه تكفـ..ى هد نفسك واشرب
بس صرخت لما اخذ الكاس ورماه بقوه ع سيف !!!!!!!
ارتد سيف ع ورا وهو حاط ايده ع صدره
بألم من ضربه كاس المويه اللي تهشم وانكسر من طاح ع الارض !! ركض صقر له ومسك سيف بسرعه
قبل م يطيح من قلة توازنه !! وهو يطالع بأبوه
بصدمه مو واعي باللي حوله !!
الوليد بصدمه : يبه انت وش سويت وشهو !!!!!!!
انفجرت عريب بالبكى بخوف !!!
بيادر بعدم استيعاب متصنمه بمكانها !!!
مشعل بخوف : سيف فيك شي !!!
احنى سيف ظهره من الالم !!
صقر بهمس بخوف: وقف زين جرحك توه م تعافـ..ـى
ام صقر بخوف والدموع بعيونها مسكت سيف وهي تمسح ع وجهه : عسى م يعورك يمه !!!
صقر : يمه انتبهي للقزاز باخذه انا للمستشفى
مشعل بخوف : اااي خذه موب زين الضربه ع الصدر بسرعه الله يخليك !!
نزل سيف عيونه وهو يتنفس ببطئ بلع ريقه
من الألم !!!!
تأوه تمسك ب صقر لما اختل توازنه اكثر شهقت ام صقر : يمه وليدي !!!!!
ابو صقر بعصبيه بدون م يرف جفنه : يستاهل يحمد ربه اني م قتلته !!
الوليد : يبه فهمني بس شي واحد مين اللي غسل عقلك مين اللي زرع
هالافكار الغبيه براسك مين!
مشعل وهو يساعد صقر وقف سيف معه
صقر لاشعورياً من الخوف نطق : انتبه مشعل انتبه ع جرحه لاترفع ايده
عقد حواجبه مشعل بهاللحظه : وش هو ؟
ام صقر بشك : وش جرحه !
غمض عيونه سيف بقوه بوسط آلامه ماهي ثواني الا استعدل بوقفته سحب ايده من صقر و استند بإيده الثانية ع الكنب فتح عيونه بحقد
يطالع ب ابوه ارتسمت ابتسامه مرعبه ع شفايفه : كشفتني م كذبـت باللي قـ.لته بعته اي بـعته
لفوا كلهم عليه بصدمه !!
سيف اللي يطالع بأبوه وهو يتنفس بأنفاس مسموعه
عقد حواجبه صقر وهو يطالع بسيف : هـيه !
شقاعد تقول انت بـعد ؟
بيادر : سـيف ترا هالموضوع ماينـمزح فيه !!
الوليد بتأفف رفع ايده ومسح ع شعره ورجعه
ع ورا : وبعدين معكم ع
هالسالفه اللي مو راضي تتقفل خالتي بقبرها
الله يرحمها ويغفر لها خلاص ي ناس خلوها ترتاح بقبرها !!!
مشعل بهدوء : سيف واضح انك بديت تخرف
خذه يا صقر ع المستشفى خل يسوون له اشعه
سيف بحده وهو يطالع بابوه : شفيك سكت انطق !!!!
ام صقر : صقر اخذه واطلع
مسك صقر ايد سيف : امـ..
سحب ايده سيف بعنف : فكني خله يتكلم ابي اسمعه !!!
استقام بظهره وكمل بنبره حاده : قول مو هذا الكلام اللي تبي تسمعه انا اللي تسببت ب غيبوبتها انا اللي هربت
وتركتها بين الحياه والموت !! انا اللي بعت قلبها ورجعت بعد وفاتها طيب وش بتسوي قول لي بتروح ترفع علي قضيه ؟
ضحك بسخريه وكمل : ارفع تبي تقتلني هذا انا قدامك سوي اللي تفكر فيه تبي تتبرأ مني موب شي جديد تبريت انت وانتهيت !
قرب سيف بنظرات حاده مثل الشرار وبنبره غضب
لدرجه وجهه مال للاحمر : تبي تحرمني من اخواني واهلي لك اللي تبيه بطلع من هالباب ولاراح تشوفني بحياتك ..
بوسط صدمه الكل وصمتهم بخوف !!!!
ابوه وهو يطالع فيه بغضب !
سيف بانفعال مو واعي بنفسه : كل مره تعيد وتزيد بوفاتها واللي صار تلومني وانا الوم نفسي قبلك وقبل الكل !!!! انفجر بهالللحظه بعصبيه : تحسسني انك الوحيد اللي زعلان ع موتها الوحيد اللي فاقدها..
اشر سيف ع نفسه بحرقه قلب بعيونه اللي مالت للاحمرار : انا اللي اموت باليوم الف مره ومره انا من مسسكت ملفها وسويت لها العمليه أنا
اللي عشت لحظه توقف قلبها بوقت العمليه
انا وتجي بكل برود تقول انت م تحس !!! عشان اني كاتم كل شي بداخلي !! ازدادت ضحكته بسخريه : تبيني ابين لك اني مقهورر !! تبيني ابين لك ضيقتي !!! هز راسه بتوعد : طيب مو مشكله لك اللي تبيه ..
لف وعيونه تتنقل ع المكان اللي حوله وبهمس : لك اللي تبيه ي ابـ..وي ..
اخذ اﻷباجورة اللي قدامه رفعها بوسط صراخهم ورماها بقوه ع الارض
وضحك ضحكه ارعبتهم رفع عيونه لابوه : تبيني اوريك القهر اللي بقلبي والوجع اللي اعيشه !!!
لف واخذ الفازه وضربها بقوه بالجدار
مشى له صقر بعصبيه : خلاص ي مجنون !
دفه سيف ومسك الفازه الثانية ورفعها وهو يطالع بابوه بقهر : برضيك
مو عاجبك لاني ساكت !! برضيك اجل
ورماها بالارض وتهشمت بوسط صراخ بيادر وعريب بخووف !!!!
ام صصقر بصدمه من حاله سيف!!!!
اخذ سيف قطعه الزجاج اللي ع الارض
ومسكها بايده : تبيني اذبح نفسي قدامك ؟
مشعل بخوف وصراخ : يامجنون نزل اللي بايدك ضحك سيف بسخريه وهو يطالع بابوه : شفيك تطالعني بهالنظرات لايكون م عجبـك قول لي وش اللي بيخليك ترتاح موتي هاه !!!!
اول م رفع ايده الا تهجم عليه صقر بسرعة ومسكه ولحقه الوليد وسحب قطعه الزجاج من ايده غمض عيونه سيف بألم عض ع طرف شفته من الوجع
صقر بعصبيه وقهر : صاحي هاااااه !!!
_
" ميهاف"
بخوف تطالع من فوق من عند السور ! وهي تسمع
صراخ سيف وعصبيته وصوت تكسير اشياء
دب الرعب بداخلها ! : هذا وش قاعد يسوي لايكون ضر نفسه !! ياااربي ي سيف وش اللي
قاعد تسويه !!!
_
" تحت "
عريب بشهقه : ايده دم !!!
نزلو عيونهم لإيد سيف الا هي تنزف بجرح مو عميق من قطعه الزجاج !!!
ابو صقر بجلافه : وده هالمجنون المستشفى !!
رفع حاجبه صقر : يبه !!
الوليد : صقر مو وقته يالله اخلص خلنا ناخذه !
بلع ريقه سيف وبأنفاس واضحه ومسموعه
سحب ايدينه من الوليد وصقر وهو يطالع بأبوه بنصف عيونه ورفع حاجبه : مجنون وانت اللي تسويه بولدك
وش تسميه !!!
طالعه ابوه بحقد وصرخ سيف بهستيريه : وش تسميه قول لي !!!!!
صقر بخوف لف ع سيف وهمس : جرحـك ي المجنون
قرب له سيف بخطوات بطيئه وعروق جبينه ورقبته بارزه
وهو شاد اعصابه اشر بايده حوله وعيونه بنظرات حاده بأبوه: كل اللي هنا يدرون !!! كلهم يدرون ان اللي صار غصبن عني !!!! كلهم يدرون اني عشت بالغربه لشهور بس حتى اريح ضميري مو عشان اني خايف منك ولا
من قضيه ولا شي !!!!!!
طالعهه سيف بعيونه اللي تحرقه من الدموع ومايله للاحمرار بنبره تشديد حط ايده ع صدره : انا فــقـدت امـي انـ..
شهق بهاللحظه بألم نزل عيونه ع جرحه اختل توازنه !!
ركض صقر له بصراخ : امسكه مشعل ..
فز مشعل بخوف ومسك سيف من ظهره واسنده ع صدره > صدر مشعل
سيف بدوخه مو قادر يوعي بنفسه
تجمعو عليه اخوانه وام صقر بخوف : جيبي للي مويه بسرعه
سدحه مشعل ع الارض وهو بحضنه : سيف فتح عيونك ..
صقر بخوف قعد وشق ثوب سيف من خصره
الوليد بخوف : شتسوي !!!
صقر وهو يتنفس بسرعه : جرحه !! ان شاء الله
م يكون نزف !
مشعل باستغراب : ااي جرح ؟؟؟
رجعت عريب بسرعه وبايدها كاس المويه اخذته ام صقر
برجفه ايدها صبته بايدها ولفت مسحته ع وجه سيف
وراسه وهي تسمي بالرحمن عليه اما هو
بدون وعي مغمض عيونه وبالقوه يتنفس يحس شي ثقيل ع صدره !! وانفاسه بطيئه ومسموعه
ام صقر بخوف : وش جرحه !!!
صقر باستعجال بعد م شق طرف ثوب سيف
رفع الفنيله الداخليه عن خصره شاف التضميده
شالها بشويش وهو يتأكد من الخياطه
بوسط انظار اخوانه وام صقر بالجرح بصدمه
قرب الوليد بعدم استيعاب اول م شاف الجرح زين رفع عيونه بوسعها ل سيف !! : هذا من وشهو !
لف ع صقر اللي نطق : واحد طعنه لما كان بالمانيا بسفرته
الاخيره !
شهقت ام صقر بخوف : ياويلي ياقليبي ع ولدي !!!
صقر بتنهد براحه : الحمدلله مانزف ! اكيد شددت الخياطه معه
ورفع راسه لابوه وكمل : من الصراخ والقهر
اما ابوه يطالع بسيف بصمت !!!!!
مشعل : خلنا نوديه للمستشفى
صقر : لا بنشيله ونسدحه ع الكنب ! الضغط اكيد نزل عنده !!
ام صقر بضيق وحزن وهي تطالع بسيف : اخخخ ي ضناي اخخ م تهنيت بحياتك !
صقر : ساعدني مشعل وانت بعد
مسكوه وشالوه بشويش وحطوه وسدحوه ع
الكنب !!
اما ام صقر لحظتها قامت ع حيلها بقهر طالعت
ب ابو صقر بحقد وقهر : عسى قلبك ارتااح هلكت الولد بمشاكلك وهواشك مابقيت كلمه ماقلتها ذا من لحمك ودمك ذا ولدك ضناك بكرك تلومه ع شي رب العالمين كاتبه وين بتروح من جزاة الله وين حسبي الله ونعم الوكيل طار عقله بسببك !!! مير ماقول الا الله ياخذ حقه منك الله ياخذه
طالعها ابو صقر بصمت !! ثم لف وطلع بدون م ينطق بشي ! بوسط نظرات عياله فيه ..
_
" ميهاف "
وهي ع اعصابها عضت ع طرف شفتها
بارتباك وشاده ع قبضه ايدينها : وش قاعد يصير !!! اووووف
صقر : اذا قام علموني
عريب بتنهد : طيب
طلعو كلهم ! بلحظه م شافت ميهاف انهم طلعو لبرا
نزلت بسرعه بارتباك
توجهت للصاله وهي بتدخل توسسعت حدقه
عيونها من شافت الصاله مقلوبه فوق تحت !
وشهقت لما طاحت نظراتها عليه وهو منسدح ع الكنب ووجهه باهت اصفر!!! مشت له بسرعه برعب جثت ع ركبها عنده : شفيه !!!
بيادر: مافيه شي لاتخافين !
عريب : داخ شوي
لفت تطالعهم ميهاف بخوف ! ثم صدت تطالعه
شهقت لما تذكرت : جرحه !!
عريب بتنهد : ماصابه شي شافه صقر بخير
ام صقر : تدرين عن جرحه !!!!
رفعت عيونها لها ميهاف ارتبكت : ايـ..ـه
ام صقر بعتاب : وشوله م علمتيني ؟؟
ميهاف : هو ماكــان يبي احد يدري
ام صقر : حتى ولو انا امه !!
ميهاف : اسفه ي خاله والله خفت يهاوشني !
تنهدت بيادر بضيقه : حصل خير
ميهاف بخوف : ليه شصار ؟؟؟
ام صقر بتنهد وقله حيله قعدت ع طرف الكنب : اخخخخخ بسس اخخ ..
_
" عبدالعزيز "
وقف سيارته وركنها ع جنب ! فتح الشباك واستند ع ورا
بشك وتفكير : وش اللي قاعد يقول ذا !!!!
رفع حاجبه بعدم استيعاب : باعت شرفها وش يقصد بهالكلمه وش يقصد يعني هي غشتني عمها غشني !
غمض عيونه وتأفف بقوه : اووف الله ياخذه
الله ياخذه !!!
_
" صقر وهو قاعد بالحديقه ومعه مشعل
اللي نطق : هو متهاوش هناك بألمانيا !
نزل صقر راسه بعد م كان رافعه وفتح عيونه
بتنهد : هذا اللي قاله لي ان بغو يسرقونه وطعنوه ..
مشعل بضيقه : بيجلطني بغموضه والله
صقر : اجل وش تقول عني مو عاجبني فكره
زواجه من البدايه ولاعاجبني اي شي قاعد يسويه احس كل اللي صاير بهالفتره هو مخطط عليه
عقد مشعل حواجبه : كيف يعني !
صقر : مدري والله مدري بس مو مرتاح !
رفع حاجبه لما تذكر : يوه تذكرت العزيمه لبكره
مشعل بتأفف : يوه محد له خلق بعد اللي صار
صقر : بدق ع عمي واستسمح منه بقوله يأجلها لانه تعبان
مشعل : ياليت والله
طلع جواله صقر واتصل عليه ..
_
" ميهاف وسيف "
وهي تدخله بشويش للغرفه
سيف : مافيني شي خلاص
ام صقر بعصبيه : وشهو مافيك شي وجرحك هذا طوله
تنهد سيف : والله اقدر امشي
ام صقر : اسكت وانسدح ع السرير
ابتسمت ميهاف ع عتاب ام صقر !! انسدح ع السرير بهدوء
ام صقر : انا بسكت هالليله مير باتسر والله لاوريك شغلك ي ولد غاليه
ابتسم بابتسامه باهته
ام صقر : انتبهي عليه ي يمه لاوصيتس
ميهاف بابتسامه : ابشري
عريب وبيادر : م تشوف شر
سيف بهمس : الشر م يجيكم
ام صقر : يالله نام وريح نفسك
سيف بهمس : ان شاء الله
طلعو قفلت ميهاف الباب من وراهم لفت ونزلت عبايتها وطرحتها !
مشت وقعدت بجنبه ع طرف السرير وهي تطالعه بضيق
بقى يطالعها باستغراب : شفـ..
لحظتها قامت بسرعه وحضنته بقوة وهي دافنه وجهها برقبته ..
حاوط بايده اليسار حول خصرها غمض عيونه وتنهد براحه وهو يشم عطرها وخصلات شعرها تداعب وجهه وهو يحس بأنفاسها الدافيه تلفح رقبته وجسمها
ع جسمه
همست ببحه ونبره حزن :خـفت عليــك
رفعت راسها بهدوء لحظتها فتح عيونه ووجهها مقابل وجهه وهي تطالعه عن قرب بنظرات حزينه : حيل
رفع ايده اليمين ابعد خصلات شعرها لورا اذنها بنظرات عيونه الهاديه اللي مليانه حنيه
همست بضيق : ليه م تهتم بنفـسك قول لي
ليه تعذب روحـك ؟
تنهد : اهتـم
طالعت بجرحه ثم رفعت عيونها له : واضح
قامت وابتعدت عنه !
عقد حواجبه : ليه بعدتـي
استقامت بوقفتها : بطلع لك شي تلبسه
تنهد : طيب
لفت ودخلت لغرفه تبديل الملابس فتحت الدولاب طلعت له بجامه لفت ورجعت له نزلته ع
السرير ولفت عليه : يالله قوم بشويش
رفع نفسه وهي تساعده همس : م يحتاج هاتي لي المقص راحت للتسريحه وفتحت الادراج تدوره
طالع بثوبه بتأفف : اخخ ي صقر !!حسافه ثوبي
جديد !
ميهاف وهي تطالع بانعكاسه ع المرايه ابتسمت : بعذره من الخوف
رفع عيونه يطالعها باستنكار : بالله !
نزلت عيونها وضحكت !
طلعت المقص لفت ورجعت له
سيف : قصيه حتى انزله
بدت تقص من بدايه الثوب الى نهايته وفسخته له بأريحيه
رفع الفنيله من تحت وفسخها اخذ التي شيرت وبدأ يلبسه وهي تساعده بعد ما كمل لبسه شالت ملابسه ودخلتها لداخل
ورجعت له وانسدحت ع السرير بسط ايده
فهمت وقربت زياده وانسدحت ابتسم
غمضت عيونها لثواني معدوده
قطع سيف حبل هالصمت وهمس : ابيك تهتمين بنفسك و باللي ببطنك !
سرعان م فتحت عيونها ع وسعها ورفعت راسها له !!!!
لحظتها رفعت ميهاف راسها بصدمه !! نزل عيونه يطالعها !! قامت عن حضنه بملامحها اللي باهته من الصدمه !! لدرجه ضاع الكلام رمشت بسرعه تحاول تستوعب
بلعثمه : شقـ.. انـ.. انـا حامـ..ـل ؟؟
ابتسم : ايـ..ـه
عيونها امتلت بالدموع
عقد حواجبه : دقيقه !! بتبكين !
ضحكت بفرحه مسحت عيونها : من فرحـ..تي
سيف باستغراب : لهالدرجه متشفقه ع الحمل ؟
تربعت بجلستها وهي تطالعه مسكت ايده : ماتـ..دري شكثـ..ر فرحتي
تركت ايده وحطت ايدها ع بطنها وعيونها مليانه
بالدموع من الفرحه : بداخـ..ـلي روح
نزلت راسها تطالع بايدها : بهـ..ـتم فيه اكثر من نفسـ..ـي
اما هو اول م نزلت راسها تلاشت ابتسامته
بتأنيب ضمير وهو يشوف فرحتها تكدر اكثر !!!
رفعت عيونها له بابتسامه: متى دريت ؟؟
ابتسم بابتسامه متصنعه : اليوم الصبح
بتكشيره : وجع ليه ماعلمتني هاه !!!
سيف : كنت انتظر الوقت المناسب
استقامت بظهرها وابتسمت بابتسامه واسعه وهي تتكلم بحماس : وش كان شعورك وقتها !
سيف بهمس : فرحت
عقدت حواجبها : بس ؟
سيف : ليه ؟
ميهاف : مدري حسيتك م استانست كثري ؟
فهم انها حست بتكدره ابتسم بابتسامه واسعه
مسك ايدها ونطق : متحمس وش بيكون
ولد ولا بنت متى تعدي هالتسع شهور ذي بسرعه!
تنهدت براحه من سمعت كلامه : حسبالي م تبيه ..
ضحك : افا شهالكلام لاني تعبان شوي لو كنت
بكامل عافيتي كان شفتيني شلتك من وناستي
ضحكت بعفويه لثواني ثم ابتسمت ابتسامه هاديه : عشان كذا ابيك تنتبه لنفسك ولجرحك
سيف بهمس : ابشري
تنهدت بتنهيده طويله : يالله ننام !
انسدحت بحضنه بابتسامه حطت ايدها ع صدره
غمضت عيونها والدنيا مو سايعتها من الفرحه
عكسه تماماً كان هالشي مثل ثقل الجبال ع اكتافه
ب هم وغم !!!
_
" بيت ابو صقر "
دخل صقر وهم بالصاله : يمه ترى خبرت عمي
ابوعبدالعزيز يأجل العزيمه اللي بالاستراحه للاسبوع الجاي ع م يرتاح سيف
ام صقر بتنهد :زين م سويت يمه
بيادر بضيق : وينه ابوي ؟؟
هز اكتافه صقر باستسلام ويأس بتنهد : مدري م قلتو لي كيف سيف الحين ؟؟
ام صقر : الحمدلله بخير ي يمه فوق بغرفته بينام
صقر : اجل بصعد انام يالله تصبحون ع خير
ام صقر : وانت من اهله
لف وصعد فوق الا بهاللحظه قطع عليه تنبيه رساله من
جواله طلعه وفتحه تنهد بعدها بتنهيده عميقه ع رساله ابوه يهاوشه فيها
نزل الجوال وصعد لفوق
_
" صباح يوم جديد "
نزل سيف بهدوء من الاصنصير لحظه م طلع صادف صقر نازل من الدرج انتبه لسيف
وقف قباله : اوه صباح الخير ي المجنون
ابتسم سيف : وانت ماتنسى شي ؟
صقر : لا ! وش مقومك
من السرير وانت تعبان ؟
رفع سيف ايده ومسح شعره بتعب وتنهد نزل ايده : بروح اخلص
لي مشوار وبرجع
رفع حاجبه صقر : وانت م تتوب !
سيف بهدوء مشى ومر من جنبه : لا
صقر بنرفزه مسك ايده : اقعد وخل الشغل بعدين ملحوق عليه
لف عليه سيف بتنهد : خلني اخلصه !
صقر : وش هالشغل ؟
سيف : ليه اللقافه؟
صقر : كيفي !
سيف : لا موب كيفك
صقر : اخلص وش هالشغل !!
سيف بتأفف : بروح للمقبره ارتحت ؟
عقد حواجبه صقر : بتروح غريبه !
سيف بتنهد سحب ايده : ليه غريبه !
صقر : لابس يعني انت م كنت تروح
تجاهله سيف بهدوء وطلع لحقه صقر : بوصلك اجل
سيف وهو يمشي بدون م يلف عليه : اعرف ادل المقبره
صقر : ماقلت شي انا اعوذ بالله بس وين تسوق وانت تعبان !
وقف سيف وتأفف ولف عليه : وبعدين معك وين تعبان جرح هذا طوله قد الاصبع وسويت لي عليه سالفه !
صقر بنظرات ازدراء : هالجرح اللي هالطول ع قولتك بغيت تموت منه اص بس امش قدامي واركب وانت ساكت ..
سيف : ماراح اركب غصب ؟؟
صقر بعناد : اي غصب !! اخلص يالله وانا بعد بزورها
سيف : سبحان الله م فكرت تزورها الا بوقت م بغيت انا !!
صقر : لا امنعني يكون احسن !
صد سيف يأس فتح الباب وركب ابتسم صقر بانتصار
وركب السياره وحرك للمقبره..
بعد م وصلو وقف سيارته نزلو مشى صقر قدام سيف حتى يدله ع قبرها !
لأول مره يراوده هالشعور بخطواته اللي يخطيها
ببطئ ! بآسى وخوف وتردد !
وهو يمشي بهالطريق ! مثل شعوره وهو يدف سريرها
لغرفه العمليات !!بخنقه تضيق عليه صدره ! وقف
وكأن شجاعته تلاشت بهاللحظه !! لف عليه صقر لما انتبه له باستغراب نطق : شفيك !
رفع عيونه سيف له بتردد !
حس صقر فيه وفهم عليه من نظرات عيونه ومشى له وهمس بمواساه
: اللي صار كان مكتوب قبل م تنولد خلّص نفسك من سجن التأنيب والقهر والندم ! وانا اخوك وان كانت هي تحت ايد واحد غيرك بغرفه العمليات ! كان هذا قدرها هو م تغير وبنفس الخطأ والساعه والدقيقه ! ارحم حالك من الضيق والتفكير ..
نزل سيف راسه وغمض عيونه وتنهد بتنهيده مسموعه
لثواني معدوده ! فتح عيونه ورفع راسه ومشى مع صقر
لحد م وقف صقر ولف عليه : هذا هو
بنظرات عيونه الثابته ع قبرها بدقات قلبه السريعه !
بلخبطه مشاعره ! بمراره يبتلعها مع ريقه !! م حس الا بالدموع تتحجر بعيونه بضعف انتشر بجسمه !! بوسط نظرات صقر فيه بآسى ع حاله !
قرب صقر ورفع ايدينه ابتعد سيف بهدوء ورفع
ايدينه بضيق قرأ الفاتحه بعد م خلص رفع كفوفه
ومسح وجهه بحزن ابتسم صقر بابتسامه باهته
وهو يطالع ب سيف ! قرب وربت ع كتفه : انا بنتظرك بالسياره
اومئ سيف براسه بهدوء وعيونه ع قبر امه !
ابتعد صقر ورجع للسياره تارك سيف بوسط صدمته
جثى ع رُكبه نزلت دمعته وشقت طريقها ع خده الى م تلاشت
بين شعر عوارضه لما نطـق بخنـ..ـقه وبلهفه
والشوق يحرق قلبه : اشتـ..قت لك حـ... حـ..يل اشتقت ادري اني انـ..ـاني واني حيوان عشان مازرتـ..ك طول هالشـ..ـهور ! اعتـ..رف لك ان الخوف كان رفيـ..قي بهذيك الايام شعور التأنيب والندم مثل الظل لي يلازمني بكل وقت ! الدنيا اظلمت بعيوني بعد م كنـت اشوفها مِنوره بحياتي ع امل انك بتشـ..فين على امل اني بساعدك بعد الله
نزل راسه وبغصه وضيق نزلت دموعه زياده
وبهمس ترجف فيه نبره صـوته : مانسـ..ى كيف وثقـ..تي فيني
رفع عيونه وكمل بنبره بكى : وثقـ..تي فيني ك ولدك مو دكتـ..وكنت اشوف الراحه بعيـ..ونك قبل غرفـ..ـه العمليات
كنت احس ب الطمأنينه والسكينه ب نبره صوتك !
عض ع شفته ونزل راسه وانهار لما نطق : بس خذلـتك بذاك اليـ..ـوم ولـ..دك خذلـ..ك
قلبـ..ـي مو مرتاح ي يمه مو مرتاح
رفع راسه للسما وغمض عيونه وتنهد بتنهيده عميقه : يااارب هي بين ايديك ارحمها برحمتـ..ك وسع قبرها واجعله من رياض الجنه يااارب اجمعني معها بجناتك
ياارب ارحـ..م ضعفي من بعد وفاتـها
وهمس بنبره هاديه : يارب
نزل راسه بهدوء فتح عيونه ! مد ايده برجفه ترتعش لمس تراب قبرها ! بلحظتها لامس قلبه هالشعور !
شعور الحنين اللي يهلك ابن آدم واشتياق
طلع من جيبه ورقه تأملها لثواني ثم!
قام بشويش بضيق بملامح ذابلها الحزن همس : سـ..ـامحيني كنـ..ت مقصر وانتي حيـ..ـه وقصرت وانتي بقبـ..رك سامحيـ..ني الراحـ..ـه فارقتني بنومي من كثر كوابيـ..س وفارقت حياتـ..ي
زفر بهدوء نزل عيونه وطالع بايده اللي ماسك فيها الورقه وهمس : كان عندي امل اني اكون سبب ف تعافيك من هالمرض !
رفع عيونه وهمس بابتسامه ذبول : وابتليت فيه
خبيت هالشي مثل م انتي خبيتيه ! كنت الومك وقتها بس الحين ! .. لا هالشي بيني وبينك يمه م خبرت احد فيه ولا راح اخبر ! بعيشه مع نفسي ! ان قاومته وان
خذلني وسيطر علي ! زفر : برجع لك بكل يوم
بسولف لك صدقيني ما ماراح اهجرك ! ثم رفع ايدينه ومسح عيونه من الدموع و بهدوء مشى وطلع ركب السياره
طالعه صقر بهدوء ! اما هو م لف يطالعه حاس عيونهم مبين فيه الدموع
صقر بمزح يحاول يطلعه من جوه : اقول !! مو كأنك من زمان م عزمتني ع الفطور؟
لف طالعه سيف ورفع حاجبه بازرداء : مامعك فلوس ؟
صقر : الا معي بس طماع ابيك تعزم !!
صد سيف : طيب عزمتك
استند سيف ع المقعد وغمض عيونه ابتسم صقر
ولف وهو بيحرك الا كمل سيف : بس بتدفع الفاتوره انت
لف صقر يطالعه بغيض : نعم ع وشهو عازمني اجل!
سيف وهو مغمض عيونه : انت مشتاق لكلمه اعزمك وقلتها
تأفف صقر وصد وحرك : هين !!
ابتسم سيف ابتسامه جانبيه !
_
" الشايب "
بنظرات عتب يطالعه : ليه !!! وش له تلاحق الضعيف
طالعه المجهول بنظرات حقد : ليه وتسأل م كفاك اللي سواه فيني ؟
الشايب : راح وعدى اللي صـ..
قاطعه المجهول بقهر ضرب بايده ع الطاوله : لا واللي خلقني ماعدى للحين بذمتي اني
لاوريه واقلب حياته جحيم
الشايب : خلك بعيد عنه وعن اهله محد بيهفم لادخلت السجن !! المجهول بابتسامه سخريه : انسجن واذا يعني اهم شي اني اشفي غليلي
الشايب بتنهد وطوله بال : ربك ماهو براضي عليك
ع اللي تسويه
المجهول : ربي م يرضى بالظلم يكفي اللي شفته
منه !!!
الشايب : هذا قـ..
قاطعه المجهول : وماقلت له من علي لما جاا ؟
الشايب : وانا مهبول اقول له عن واحد مـ..
قاطعه المجهول : لاتنطقها !! لاتنطق هالكلمه وانت عارف انها عكس عندي !!!
الشايب بقله حيله قام : سوي اللي تبيه بس
لاتجيني لاطاح الفاس بالراس تدورني !!!
مشى وطلع تارك المجهول وراه يومئ راسه بحقد : باقي م شفت شي لاخليك تكره حياتك وتكره من حولك ي سيف عبدالله !!!! باقي !!
" عبدالعزيز "
وهو طالع من البيت ! بهاللحظه وقف قبل م يركب السياره لما دق جواله ! طلعه الا شاف رقم عم الجوهره ! عض ع طرف شفته بنرفزه !! وتنهد ورد
عم الجوهره: السلام عليكم
عبدالعزيز : وعليكم السلام
عم الجوهره : ابيك الليله تجي حتى نتفاهم
عبدالعزيز : مافي شي نتفاهم عليه
عم الجوهره باستغراب : كيف يعني ؟
صد عبدالعزيز ونطق بتنهد : كنسلت كل شي لافيه زواج ولاغيره ! وامسح رقمي الله يعافيك
يالله فآمان الله
عم الجوهره بصدمه : وشـ..
قفل عبدالعزيز الجوال وركب سيارته وحرك ..
-
" ميهاف "
وهي بالغرفه ع السرير وايدها ع بطنها بابتسامه
شارده وتفكيرها باللي ببطنها ! وتجهيزاتها
له وش بيكون بنت او ولد ! بكل حماس !! تحس
انضافت سعاده ع حياتها !! م حست الا بالباب
يدق رفعت عيونها واستعدلت بجلستها : مين ؟
ام صقر : هاذي انا يمه
قامت ميهاف وفتحت لها الباب : حياك ي خاله
ام صقر : كم لي وانا ادق ماتسمعين ؟
ميهاف بابتسامه محرجه : معليش ي خاله م انتبهت والله حياك ادخلي
دخلت ام صقر بهدوء قفلت ميهاف الباب وقلبها يدق بسرعه بارتباك من وجود ام صقر فجأه !!!
ام صقر : اقعدي ي يمه
مشت ميهاف بهدوء وقعدت جنبها ع الكنبه
ام صقر : جايتس ي بنيتي عشان اكلمتس بموضوع بس بيني وبينتس هاه
انقبض قلب ميهاااف بهاللحظه بربكه !!
_
" الوليد "
وهو نازل الا لقى ميري بوجهه : وينهم الناس ؟
هزت ميري اكتافها : مافي معلوم
الوليد : افطرو ؟
ميري : بس ماما وبيادر وآريب
رفع حاجبه : وين صقر وسيف ومشعل؟
ميري : بابا صقر وسيف في يطلع من اليوم
عقد حواجبه : بالله طيب خلاص روحي
طلع ورفع جواله دق عليهم !
" بوسط المطعم "
صقر وهو يطالع بالمنيو : وش تبي فطور ؟ شامي
ولا وشـ..
قطع عليه رنين جواله رفع جواله : اعوذ بالله
سيف وهو حاط ايدينه ع رقبته من ورا يحاول يرخي اعصابه المشدوده همس : مين ؟
صقر : الوليد !! جني هالادمي
نزل سيف ايدينه باهمال : شوف وش يبي
رد صقر : هاه
الوليد : وينكم ؟
صقر : وينكم !
الوليد : ادري سيفوه معك ماتطلعون الا مع بعض ي السلق
فتح صقر السبيكر : عيد م سمعت !
الوليد بتشديد : سيف معك وطالعين مع بعض كالعاده ي السلق !!!
رفع حاجبه صقر وهو يطالع ب سيف اللي قرب : هالسلق ان م هجدوك اليوم م نكون عيال عبدالله
بلع الوليد ريقه وبضحك : نفسيات وجع الواحد م يمزح شوي
رفع عيونه سيف لصقر اللي كابح ضحكته ونطق : ايه نفسيات وش عندك؟
الوليد : وش تسوون؟
صقر وهو يقلب بالمنيو : ابد بالمطعم بنفطر
الوليد : الله عليك يااخي يالله اي مطعم كأنكم دارين اني ميت جوع
سيف : ومين قال انك معزوم؟
الوليد : افا م اتفقنا ع كذا ي سيوفي !
سيف : ولاراح نتفق ي ولـ.. لادقيقه حتى اسمك ماله دلع
صقر بضحك : ناده لودي
الوليد بحلطمه : يالله عاد !!!
صقر بتنهد : خلاص امش بس ربع ساعه ان م جيت بنفطر ونسحب عليك
الوليد : افاا عليك اجي لك طياره ي قلبي هات اسم المطعم بس
صقر : برسل اللوكيشن واتس
الوليد : يالله بس لاتفطرون بدوني هاااه ياويلكم والله بزعل
سيف : عساك م ترضى
الوليد : اخخ شويه رحمه ! يالله جاي
قفل
سيف بخبث : ودي امقلبه !
صقر بحماس : بالله ؟
سيف بتفكير اسند ظهره ع الكرسي و بتفكير : مدري ابي شي يجلـ.. الا رفع حاجبه بحماس : لقيتها
صقر : وشهو !
قرب له سيف وبدأ يقوله عن اللي يخططه !
_
" الوليد "
بعد م وصل نزل من السياره نزل نظارته ودقق بالمطعم : شهالمطعم الفخم !!
مشى بهدوء ودخل وعيونه تتنقل حول المطعم الا انتبه لصقر اللي اشر له من بعيد !
مشى لهم الوليد
صقر : الله يعينه
وصل لهم الوليد بابتسامه سحب الكرسي : ي صباح الخير والنـ..
وهو بيقعد م حس بنفسه الا طاح ع الارض
شهق سيف وهو كابح ضحكته : بسم لله
صقر وهو بالقوه ينطق من الضحك : قوم فشلتنا الناس تطالع قوم ..
قام الوليد بسرعه وهو يتلفت حوله بفشله ثم لف ع سيف : انت اللي سحبته !
سيف باستغراب ؛ لا انت م قعدت عليه ي غبي
سحب الوليد الكرسي بغيض وقعد : وجع يطالعوني كأنه محد قد طاح قدامهم بحياتهم !!!
صقر بضحك : م ينلامون طيحتك تضحك
الوليد بألم : والله تعور ع هذيك
ضحك سيف : بواسير
لف عليه الوليد ىضربه ع صدره : وجع !!!
حط سيف ايده ع صدره بتألم : بشويش !!!
لف الوليد وبجوع : اخ ميت جوع
صقر : يالله افطر ازعجتنا !
بدأ يفطر الوليد ويفطرون هم معه بعدها
طالع سيف بصقر اللي ابتسم واومئ براسه ! اما الوليد مو منتبه لهم مشغول بالاكل
رفع سيف ايده واخذ العصير قدام الوليد الا بلمحه بصر كبه ع الوليد اللي شهق وقام
سيف : اوه معليش مانتبهت
الوليد وهو يرفع تي شيرته عن صدره : باااااارد !!!!
صقر : روح روح غسله بالحمام لا يبقع !
الوليد بنظرات غيض وحقد بسيف : انت مين مسلطك علي !!
سيف : مادريت
تأفف الوليد ومشى ودله القرسون ع دوره المياه
الا انفجرو ضحك وقتها !!
قام سيف واخذ جوال الوليد ومحفظته بضحك : يالله قوم بسرعه خله يحاسب لحاله
صقر بضحك قام : يالله !
كلم سيف القرسون ان الوليد بيحاسب وطلعو
بسرعه ركبو السياره وحركو ! بعد خمس دقايق
طلع الوليد وهو يمسح ايدينه بالمنديل ويطالع بتي شيرته بحسره : والله اول لبسه لي م تهنيت !!
رفع عيونه بتأفف مشى للطاوله الا عقد حواجبه مالقاهم !! : بسم لله !!! وين اختفو !! تأفف وقعد وكمل فطوره : بالطقاق اهم شي بطني
بعد م خلصص م انتبه الا بالقرسون يحط الفاتوره قدامه
ع الطاوله رفع عيونه الوليد له : وش ذا ؟
القرسون : الفاتوره ي استاز
عقد الوليد حواجبه ؛ ليه م حاسبو هم ؟
القرسون : عم بيئولو انت اللي بدك تحاسب !
رفع حاجبه بدهشه
صد : كلاب والله
وهو يدور جواله الا شهق مالقى لاجواله ولامحفظته !!!
قاام الوليد بهاللحظه بصدمه وهو يطالع حوله ويتفقد تحت الطاوله جواله ومحفظته !!! بوسط نظرات القرسون فيه باستغراب !!! : في شي حضرتك ؟
لف عليه الوليد بارتباك : جـ..ـوالي ! ااي
جوالي اكيد اخذوه معهم بالغلط بدون م ينتبهون !
صد وبنفسه قهر : والله لاوريكم وجع وش هالورطه !!!
القرسون : طيب شو بتريد تدفع كاش ولا ببطائه ؟؟
لف عليه الوليد وطالعه لمده ثانيه بتفكير وتوهق !! ثم نطق : اقدر استخدم تلفون المطعم ؟
القرسون : اي اكيد تفضل
مشى وراه وهو يتوعد فيهم ع مقلبهم !!
القرسون : تفضل !
ابتسم الوليد بارتباك واخذ السماعه ورفعها
واتصل ع مشعل !
_
" بالسياره "
سيف بضحك : والله ماراح يرحمك
صقر : يخسي !! اخوه الكبير انا
فتح الباب ونزل بسرعه توجه لسياره الوليد وبدأ ينسم كفرات سيارته
اما سيف بضحك يطالعهه !! : يالله م خلصت !!
قام صقر بضحك ورجع ركب : اااي كذا ارتحت
سيف : من الحين اقولك فكره السياره ذي بتتحملها
صقر بضحك : اتحملها ي حبيبي اتحملها
حرك السياره باستمتاع ..
_
" الوليد "
بنرفزه : وهذا ليه مايرد !!!! وجع
عض ع طرف شفته بارتباك وقله صبر
الا بهاللحظه رد
مشعل : الو
الوليد : مابغيت ترد !!
مشعل باستغراب : شفيه م كنت عند الجوال
الوليد : م يهم الزبده تعال لي للمطعم *** وحاسب
عقد حواجبه مشعل : احاسب شسالفه؟
صد الوليد وهمس :اخوانك مقلبوني بمقلبهم الخايس اخذو جوالي ومحفظتي وانحاشو وخلوني بالمطعم ويبون ذولا احاسبهم وانا مامعي شي !
انفجر مشعل بضحك
الوليد بقهر : لاتضحك ناقصك انا تراي متورط مدري شسوي !
مشعل بضحك : روح امسك مواعينهم ي قلبي
الوليد بقهر : تخسي
مشعل : خلاص بجي الشكوى لله
الوليد : استعجل بالقوه صابر ترا
مشعل : لاتتشرط !! اصص
الوليد : هيه مشعلوه لاتخليني اتوطاك انت بعد !
مشعل : لاتهدد لا اسحب عليك الحين وقتها توقف ع مغسلتهم وتمسك صحن صحن !!
ضحك الوليد بقهر : امزح ترا شفيك ماخذ الموضوع بحساسيه
مشعل : يالله تأدب وخلك عاقل شطور ي قلبي
غمض الوليد عيونه بنرفزه قفل الخط تنهد بتنهيده عميقه
وفتح عيونه وابتسم : بعد شوي بيجيب اخوي محفظتي وبحاسب ..
اومئ القرسون براسه : حاضر ..
الوليد : بطلب اسبريسو لو سمحت ع نفس الطاوله تمام؟
القرسون : اوك
مشى وقعد الوليد بانتظار وحلطمه !! بعد نص ساعه تقريباً وصل مشعل دخل للمطعم
الا لمحه الوليد رفع ايده انتبه له مشعل ضحك
وهو يتوجه له سحب الكرسي وقعد : افااا الوليد بقهر : والله لارجع مقلبهم
مشعل : كيف؟
الوليد : مدري بس عطني افكار
مشعل : هيه !! طالب قهوه بعد ؟؟
استند الوليد ع ورا وحط رجل ع رجل :بروق ياخي
مشعل بضحك : فوق المقلب الخايس فيك روقان تتقهوى ؟
الوليد : تقهوى بالله والله حلوه قهوتهم
مشعل : لا م عجبني المكان بحاسب وبطلع
تنهد الوليد : يالله وانا بعد كرهته هم وذوقهم الخايس
مشعل : ذوق شيبان وش ترتجي بالله منهم
الوليد : صادق صح
قامو حاسبهم مشعل وطلعو الا عقد حواجبه : تي شيرتك وصخ والا انا يتهيئ لي ؟؟
وقف الوليد طالع بتي شيرته ثم رفع عيونه لمشعل بغيض : وانت ليه تذكرني !!
مشعل بضحك : ليه كبوه عليك بعد ؟؟
الوليد بقهر : كله من راس سيفوه سحب الكرسي وطحت قدام خلق الله !! مشيتها وسكت
بعدين كب العصير علي وقال يوه بالغلط م قصدت وسكت !!! والنهايه قمت للحمام وطلعت مالقيتهم اختفو سبحانك يارب
انفجر مشعل بضحك هستيري
الوليد بنظرات غيض : مافيه شي يضحك
كبح مشعل ضحكته ومشى ركب سيارته
وهو بيحرك الا انتبه ل الوليد اللي نزل راسه يضحك من الغبنه وقف مشعل ونزل الشباك لسيارته
الوليد : شفيك !
لف الوليد يطالعه بابتسامه قهر ابتعد عن سيارته: طالع ي قلبي وشوف المصخره اللي انا فيها
عقد حواجبه مشعل وهو يطالع الا انفجر بضحك
هستيري : همم سووها ؟؟؟؟؟
الوليد بغبنه: وفيه احد غيرهم؟؟؟
مشعل بضحك: تعال تعال اوصلك
تأفف الوليد ومشى وركب : والله لاخليهم يندمون
حرك مشعل : تبي الصدق حلال فيك اللي يسوونه
ضربه الوليد ع صدره بقهر : كل تبن
حط مشعل ايده ع صدره بتألم : احححح عورتني
الوليد : والله مارحمهم هالاثنين ..
_
" صقر وسيف "
بعد م وصلو للبيت دخلو بضحك
صقر : احسه بيصفقني
سيف : بعذره والله
دخلو للصاله الا لقو امهم !
: السلام عليكم
ام صقر : وعليكم السلام والرحمه ماشاءالله وين رايحين اقعدو
صقر : طلعنا نفطر
ام صقر : ليه البيت مافيه فطور ؟
سيف: هو عزمني وماحبيت ارده
صقر : لاحطها براسي بعد !! ماكملو ربع ساعه سوالف الا دخل عليهم الوليد : ماشاء الله !!
انفجرو ضحك عليه !! مشعل بضحك : حرام عليكم شسويتو فيه!!
سيف : ترا صقر اللي نسم كفراتك !!
طالعه الوليد بقهر وغبنه : نعم؟؟
قام صقر : بدينا بالخيانه والغدر !!! مين اللي جاب فكره المقلب!
هجم عليه الوليد بسرعه الا ابتعد صقر !!!
صقر بضحك : ترا سيف معي
سيف : هههههههههه
الوليد : سيارتي شدخلها بالموضوع ؟؟
ام صقر باستغراب : شسالفه؟؟
مشعل بضحك مشى وقعد جنب امه : تخيلي يمه هالسلق عيالك كبو ع الوليد عصير وطيحوه قدام الله وخلقه ب المطعم وفوق كل هذا سرقو جواله ومحفظته وانحاشو وخلوه بدون ولا ريال وعليه حساب الفطور
وازيدك من الشعر بيت نسمو كفرات سيارته لو
م اني موجود كان اكل تبن !
شهقت ام صقر بدهشه حطت ايدها ع صدرها
ولفت ع صقر : وشهو !!
صقر : والله ي يمه مو مني كله من راس
الهول اللي وراك !
لفت ام صقر ع سيف : انت ؟؟
سيف : شدعوه ترا كلها مزحه شفيها لودي حساسه !
رفع حاجبه الوليد وهو يطالعه بغيض : لودي حساسه؟
سيف : خلاص لاتزعلين ماراح نعيدها مره ثانيه
ترك الوليد صقر ومشى لسيف بخطوات هاديه وبغيض : المقالب موب بكذا ..
سيف : افاا عيب اخوك الكبير انا استحي
الوليد بغيض : تكلم زين
مشعل بضحك : لودي والله تليق
طالعه الوليد باستحقار : انت ابلع لسانك !
لف سيف ع مشعل : شفت انه م يستاهل ؟ انا لو منك سحبت عليه وخليته يوسع صدره بغسل الصحون
مشعل : ع اساس انك انت تستاهل ؟؟
لف سيف ع صقر : لسانهم طويل ! م وريناهم
الشغل !
صقر : احترمو اخوانكم الكبار عيب ..
مشى الوليد لسيف اللي مال ع جنب ع الكنب
ورافع ايدينه بوجهه الوليد يحمي نفسه : لالالا
الا مدت ايدينها ام صقر وهي قاعده جنب سيف
وسحبت الوليد : مهبول !م تشوف جرحه !
الوليد : ي يمه لايغرك ترى مافيه الا العافيه
والله بهذلوني باخذ حقي
ام صقر : خذه من صقر سيف لاتقربه
صقر بدهشه : وشهو شدخلني انا وربي كله من سيف !
سيف وهو مستمتع بالوضع : مالي دخل انت اللي نسمت كفرات سيارته
الوليد : باخذ حقي
ام صقر : انا اخذه ي يمه تبيني اضربه ؟؟
لفت ع سيف وضربته ع فخذه بخفه
ثم لفت ع الوليد : هاه ضربته ارتاح
سيف بضحك : اح يعور
انفجرو كلهم ضحك بوسط نظرات الوليد
بغبنه ب امه !
الوليد : والله مردوده انتم الاثنين
لف بيطلع الا قاطعته امه بضحك : ع وين ؟
لف الوليد : بقوم اغير ملابسي شايفه كيف مبقع التي شيرت؟
سيف : اي والله ريحتك كوكتيل فواكه
طالعه الوليد بنظرات استحقار لجزء من الثانيه ثم
صد وطلع صعد لفوق
تنهد سيف : بقوم اغير وارتاح شوي
ام صقر : هين ماهو بساكت عنك
رفع سيف عيونه لصقر وضحك ثم طلع وصعد لفوق بالاصنصير وتوجه للغرفه فتح الباب بهدوء ..
ميهاف لما لمحته ابتسمت دخل : صباح الخير
ميهاف : صباح النور قفل الباب ونطق : بعد الغدا بنمشي للبيت جهزي الشنط والعصر كذا بنسافر للشرقيه
ميهاف بدهشه : اليوم!!
مشى وانسدح ع طرف السرير بشويش
طالع فيها وهمس : ايه
ميهاف : لا سيف ! قول انك تمزح !
عقد حواجبه باستغراب : ليه؟
ميهاف : توه م تعافى جرحـ..
قاطعها بحلطمه : لاااحول ولاقوه الا بالله من هالجرح اللي ازعجتوني فيه !! مافيني شي ! بروح وبتروحين
معي خلصنا؟
تنهدت بتنهيده طويله : براحتك شسوي عنيد
ابتسم : مو مشتاقه اننا نسافر ونبتعد ويصفى الجو لنا لحالنا ؟
همست بابتسامه : الا
سيف : خلاص اجل لاتناقشيني تجهزين الشنط والعصر نمشي ان شاء الله
اومئت راسها بطواعيه
تنهد : باخذ لي غفوه قوميني ع صلاه الظهر
ميهاف : اوك
تلحف واسند ذراعه ع عيونه اما هي اكتفت تطالعه بهدوء ...
_
" بالصاله "
مشعل بضحك : صدمتوني والله باللي سويتوه
ام صقر : مهاابيل مدري وين هي فيه عقولكم ؟
صقر : افاا ي يمه تراه مزح وبعدين كله افكار سيف
مشعل : والله مستغرب من سيف وش عنده الاخ
تفجرت طاقاته
سيف : شكله بعد مازار قبر خالتي غاليه بدأ يرتاح
عقد حواجبه مشعل : زار قبرها ؟؟؟
ام صقر بعدم استيعاب: متى ؟
صقر : اليوم الصبح رحنا وزرناها
ام صقر : اول مره يروح
لف مشعل بصدمه ع امه : اوول مره ؟؟؟
صقر : اي واصلاً واضح لانه تردد يكمل ويدخل للمقبره المهم سلمنا عليها ودعيت وتركته ياخذ راحته ورجعت للسياره
ام صقر : ياعزتي له يالله يارب انك تغمد روحها الجنه
وتوسع قبرها وترحمها برحمتك
صقر ومشعل : امين ..
_
" الساعه ٢:٣٠ "
بوقت الغدا كانو يتغدون الحريم داخل البيت
اما سيف واخوانه بالمجلس اللي برا بعد م خلصو كل واحد قام لغرفته حتى يريح بعد م تفرقو كلهم
دخل سيف للغرفه :يالله مشينا
لبست عبايتها وعدلت نقابها اخذت شنطتها وطلعو
نزلو لتحت سلمو ع ام صقر اللي نطقت :
حافظكم الرحمن يايمه انتبهو ع انفسكم درب السلامه وعلموني لاوصلتو زين؟
سيف : ابشري يالله فآمان الله
ام صقر : بحفظ الكريم ي وليدي
طلعو ركبو السياره وحركو بعد م وصلو للبيت نزلو
ودخلو نزلت نقابها وهي بتمشي للدرج الا وقفت وعقدت حواجبها لما شافت الصاله نظيفه لفت ع سيف : مين نظفه ؟
سيف : برايك بخليه كذا ؟؟
ابتسمت : لايعني استغربت
سيف باستعجال : يالله يالله بسرعه بنتأخر
ضحكت بعفويه لفت وصعدت لفوق دخلت لغرفتها وبدت تجهز شنطتها بعد م خلصت دخلت لعنده شافته
يسحب الشنطه شهقت : خلها مجنون بتشيلها ؟ انا بسحبها
رفع حاجبه وابعد الشنطه عنها : صاحيه ؟ ناسيه انك حامل وين اللي بتهتم هاه؟
ميهاف : وانت وين اللي بيهتم بجرحه !!
سيف : ومين بيشيلهم بالله روحي تجهزي بس ..
مسكت ميهاف مسكه الشنطه وهي حاطه ايدها ع ايده : والله ثقيله عليك خلها !
رفع حاجبه : انا اشتكيت لك مين الرجال انا والا انتي ؟
ضحكت بعفويه ودلع : انت !
قرب لها واحنى ظهره لمستواها وهمس : اجل خلي عنك اللقافه وروحي تجهزي
تنهدت بتنهيده طويله هزت اكتافها وابعدت ايدها : طيب بكيفك دكتور سيف ماراح انرفزك انا مؤدبه
ابتسم ع عفويتها ودلعها تركته ورجعت لغرفتها
سحب هو شنطته معه ونزلها لتحت بشويش
رجع صعد يبدل ملابسه
" الساعه ٤:٣٥العصر "
طلعت من الغرفه صادفته وهو طالع من غرفته
مرسم وناسف الشماغ ابتسمت كثر م كان
يجذب انظارها ب رزته وعرض كتوفه مشى بهدوء لها لحظه م شمت ريحه عطره بقت لوهله متنحه فيه وكأن هالريحه انعشتها عقد حواجبه بهدوء : شفيك
تنحتي ؟
ابتسمت بعفويه ربكه : لا
نزلت عيونها تدخل جوالها بشنطتها
مسك شنطه سفرها : متأكده م نسيتي شي ؟
رفعت عيونها له ابتسمت وهزت راسها ب لا
ابتسم : يالله مشينا
لفت ونزلت ونزل وراها
: اخذتي القهوه والشاهي معك ؟
طالعته باستغراب : اي بالسله بس م قلت لي ليه ؟
سيف : يالله مشينا
طالعته بغرابه ! هزت اكتافها باستسلام ولفت وطلعو قفل باب البيت ودخل الشنط بالسياره
ركبت السياره وركب ابتسم وهمس : بسم لله
شغل السياره وحرك بعد م وصلو لمحطه وقف
يعبي البنزين لفت عليه باستغراب : سيارتك ماراح تخليها بالمطار ؟
لف عليها باستنكار : اي مطار ؟
ميهاف : ماراح نسافر بطياره ؟
ابتسم : لا قريبه الشرقيه وبعدين ودي نسولف ع راحه وحنا بالخط عشان كذا بنروح بالسياره
ميهاف : تعب عليك
سيف : لا
ميهاف وهي تو تستوعب : اها عشان كذا طلبت مني اسوي قهوه !
ضحك وهو يطالعها
ميهاف بغيض : خبيث
تلاشت ضحكته لابتسامه : المهم بنزل للسوبرماركت بجيب لنا مونه
ضحكت : وش مؤونه ! كله اربع ساعات
سيف : اللي هو بتنزلين معي والا كيف ؟
اتسعت ابتسامتها : لا بقعد بالسياره انت تكفي
تنهد براحه : اوكك
نزل ودخل للسوبر ماركت واشترى من جواهر وماكنتوش
وشيبس وعصاير رجع ركب وحط الاكياس ورا
ميهاف : وش ذا كله!
لف عليها : شدعوه ٤ ساعات ماراح نجوع فيها ؟
ميهاف : كل هالاغراض ؟
سيف : ماراح تضيع لا اخذنا شاليه بناخذه معنا
تنهدت : عنيد
ابتسم حرك السياره ودخلو لطريق السفر المتجهه للشرقيه
تطالع بالشباك عقدت حواجبها لما حست بايده
تحتضن ايدها واصابعه بين اصابعها لفت عليه لما شغل لها الاغنيه بسماعه السياره وبنظرات الحنيه بعيونه وهو يطالعها همس : هاذي
لك اسمعيها !
بدقات قلبها اللي تسارعت بهاللحظه وعيونها بعيونه !! صدت بهدوء ل قدام وهي تسمع كلمات الاغنيه ! كانت كل كلمه تلامس قلبها ! بدت فيها تستذكر
اول ايامها اللي ابتدت مع سيف كيف كانت من الم خوف قهر صراخ ! وكيف صارت من تفاهم حب وعشق !!
اما هو يطالع قباله بهدوء والابتسامه الواسعه مرتسمه ع ثغره بانشراح صدره
وايده تضغط ع ايدها بشويش حتى يحسسها انه جنبها ومعها وفيها !
لبعد م انتهت الاغنيه وهي عايششه ادق تفاصيلها
لفت عليه لما نطق : عجبتك ؟
ابتسمت وهمست ببحه : حـ..يل
طالعها وابتسم لجزء من الثانيه ثم صد يطالع
بالطريق وايده باقي محتضنه ايدها !
_
" المجهول "
وهو قاعد بالصاله عند الشايب ويقلب بالتاب ويشوف اخر تطورات سياسه الدنيا وبايده فنجاله الا قطع
عليه دخول الشخص : السلام عليكم ي طويلين العمر
الشايب وهو ماسك عصاته : وعليكم السلام والرحمه ي وليدي
المجهول وهو يتصفح التاب همس : وعليكم السلام
المجهول : معليش ع الازعاج بس حبيت ابلغك ي طويل العمر ان سيف وزوجته مسافرين للشرقيه
رفع المجهول عيونه بهدوء ورفع حاجبه باستنكار : بالله؟
الشخص : ايه
المجهول : وصلو؟
الشخص : لا بالطربق ومسافرين بالسياره
ضحك المجهول بسخريه واستهزاء : ماشاء الله
سياحه اجل
الشخص: م ندري للحين طال عمرك
المجهول : خلاص اجل نتفاهم بعدين
الشخص: ابشر ي طويل العمر عن اذنكم
وطلع بسرعه
الشايب بغبنه : وانت متى تستحي ع شنبك وتترك
عالضعيف؟؟
رفع حاجبه المجهول بدهشه : ضعيف ناسي
باللي سواه !!
الشايب : لاماني ناسي بس قـ..
قاطعه المجهول : ماراح ارتاح ي يـــــبـــــــه الا لا اخذت حقي بايدي ..
-
" الجوهره "
كعادتها الحزينه والمأساويه قاعده ب زاويه سريرها ومنطويه ع نفسها مثل باقي الايام ! دخلت للحياه
السوداويه اللي يا ماحاولت تهرب منه !! قطع حبل افكارها الباب لما فتح بقوه !
سحبت طرحتها اللي كانت بجانبها دايماً عارفه عادته ف التهجم عليها ، افزعها
دخوله لما رفعت عيونها بسرعه الا بابتسامته
الخبيثه : خفتي ؟؟
تجهمت تعابير وجهها وبقهر وكراهيه له !
فايز بابتسامه سخريه : تتحسرين ع ايامك معه؟
عقدت حواجبها باستغراب !!
فايز بضحكه خباثه : ههههههههه انسيه
مالك طلعه من هالبيت دام انا حي
تبددت عقده حواجبها وتغيرت تعابير وجهها
لغضب جامح
عقد حواجبه : تكسرين الخاطر ي حرام ! بنيتي احلام واحلام انك بتكونين معه وبتتزوجينه !!!
ابتسم بسخريه : م تدرين انه تركك وسحب عليك يدق عليه ابوي له يومين ومايرد تدرين وش قال ؟
استرسل بتشديد : قال كنسلت كل شي ولاعاد تدق علي وانتي ضعيفه بين زوايا هالغرفه تتأملين انه بيجي عشانك بيرتبط ب وحده مثلك هذولا هيهات ياخذك اليوم ويرميك بليلتها ..
توسعت عيونها بصدمه !!!!
فايز بسخريه : لاترفعين سقف طموحك ! زواج وبتزوجك انا سواء رفضتي والا وافقتي م يهمني
لف وطلع تاركها بوسط صدمتها بذهول من اللي سمعته وكأن كل شي تدمر وانهدم قدام عيونها !!!
_
" عبدالعزيز "
وهو قاعد ب زاويه الكوفي غرقان بتفكير م انتبه الا اللي يسحب الكرسي اللي قباله ويقعد
عقد حواجبه عبدالعزيز رفع عيونه الا استغرب انه صقر : بسم لله !!
صقر بازدراء : شايف جني يعني ادق وماترد ليه
عبدالعزيز : كيف دريت اني هنا ؟
صقر : اعرفك م تحب الا هالمكان ماعلينا
استند ع ورا براحه واسترسل بكلامه : ليه م عاد اشوفك !!
عبدالعزيز : مشغول
رفع حاجبه صقر بسخريه : مشغول انت ؟
عبدالعزيز بحلطمه : لاتتمسخر عاد !
ابتسم صقر : ماراح اتمسخر يالله هات جديدك
رفع عبدالعزيز فنجاله لشفايفه وارتشف قهوته ونزله ع الطاوله ..
صقر : صب لي طيب ي قليل الحيا !
طالعه عبدالعزيز بغيض !! ثم سحب الفنجال وصب له
اخذه صقر : يالله تكلم
عبدالعزيز : مافيه شي جديد غير اني سحبت ع ذي اللي اسمها الجوهره وعمها
عقد حواجبه صقر : ليه مو انت ساحب عليهم من البدايه!
عبدالعزيز : لا
صقر بدهشه استعدل بجلسته : دقيقه دقيقه ! لاتقول لي انك كنت ناوي تتزوجها م كنت تكذب بهالشي !
عبدالعزيز : كنت ناوي ! بس خلاص هونت وشلت الفكره من راسي
صقر بارتياح : اشوا زين م تسوي قايل لك هالبنت
واهلها مشاكل بس انت م تفهم !!
-
" بيت ام صقر "
صعدت لها عريب دقت باب غرفه امها اللي ردت : شفيه
عريب : ام تركي تدق بسرعه افتحي
ماهي ثواني الا فتحت امها مدت لها عريب الجوال واخذته ام صقر : غريبه تدق هالحزه !! عريب : ردي يالله
ردت ام صقر : الو
ام تركي ببشاشه :الو ام صقر ! اخبارك ي قلبي
ام صقر : الحمدلله بخير وانتي ي عمري عساك بخير
ام تركي : بخير الحمدلله
ابتسمت وكملت : م ودي اطول عليك ي ام صقر
بس حنا طالبين القرب منكم
عقدت حواجبها ام صقر بهاللحظه !!
ام تركي : نبي نطلب ايد بنتك عريب لولدي تركي ع سنه الله ورسوله ..
_
" سيف وميهاف "
وهم بالطريق قطع سيف حبل الصمت اللي بينهم : مابي احد يعرف بحملك لين م نتأكد ان صحتك سليمه !
ميهاف : ولاحتى امي ؟
سيف : ولا احد يعرف بس انا وانتي !!
ميهاف بتنهد صدت : طيب
لثواني معدوده الا لفت عليه : سيف
همس : عيونه
ارتبكت بهاللحظه من رده المفاجئ !
لف عليها لما شافها ساكته : شفيك سكتي ؟
ابتسمت بارتباك : ولاشي كنت بس بسألك جرحك هذا من كنت ب المانيا بسبب وشهو ؟
عقد حواجبه ولف بعيونه ع الطريق : وليه هالسؤال فجأه ؟؟
ميهاف : مـ..دري كنت افكر فيه
سيف بتنهد : تهاوشت مع اثنين كانو يبون يسرقون
محفظتي و واحد فيهم طعني وبس
ميهاف : متأكد ؟
عقد حواجبه ولف عليها : ليه شاكه اني اكذب ؟
ابتسمت بتوتر : لاا مو كذا بس قلت يمكن تكذب علي عشان م اخاف
ابتسم ثم صد : شدعوه مافيني الا العافيه
صدت وتنهدت براحه : ان شاءالله يارب
عقد حواجبه ولف عليها : اخذتي ادويتك ؟
لفت تطالعه ثم همست : ايه
سيف : لاتاكلينهم الا اذا رحنا للدكتور ونشوف وش بيقول عن حملك
عقدت حواجبها : اي دكتور ؟
سيف : اعرف لي دكتور شاطر بالشرقيه بيفيدنا
رفعت حاجبها : عشان كذا اصريت نسافر !
ابتسم : السفره فينا فينا نتمشى ولا نروح له
تنهدت : اها
رجع الصمت يكون اللي ساد بينهم !
سيف بتردد بينه وبين نفسه انه يتكلم !! وهمس : مرتـ..ـاحه معي ؟
عقدت حواجبها بهاللحظه ولفت عليه باستغراب من سؤاله المفاجئ !
عقد حواجبه من سكوتها لف عليها
سيف : مرتاحه معي
اخذت نفس عميق وزفرت بهدوء ونطقت : بالبدايه
لا بس الحين اختلف الوضع
عقد حواجبه : كيف اختلف الوضع ؟
ميهاف : مرتاحه الحين واكثر والله
ابتسم وصد : موب كثري
لمح بعفويه المرايه اللي بجنب باب سيارته الا عقد حواجبه
ودقق عيونه من السياره اللي وراه ! لهاللحظه
توه يستوعب ان هالسياره كانت وراه من بعد م طلع
من بيته !كانت بنهايه الشارع !!!! كيف صارت وراه
وهو بطريقه للشرقيه لما قربت منهم استعدل بجلسته بهاللحظه بشك ..
-
" تركي "
تركي وهو بالمقهى اسند ايدينه ع الطاوله ومسح وجهه بكفوفه الى شعره نزل ايدينه باهمال وتنهد بتنهيده عميقه وغرقان بتفكير : كيف انساها وابعدها عن تفكيري كيـ..
قطع حبل تفكيره رنين جواله رفعه عن الطاوله استغرب من الرقم
رد : الو
المجهول : ي هلا ويامسهلا ب تركي
عقد حواجبه تركي باستغراب : عفواً مين ؟
المجهول : مع الوقت بتعرفني اكثر مايحتاج اقولك مين !
تركي بشك : امر شبغيت ياخوي ؟؟
المجهول : ان شاءالله كل خير
تركي : تكلم اسمعك !!
المجهول : اتوقع لك معرفه خاصه ب حبيبتك السابقه او نقول خطيبتك اللي المفروض تكون زوجتك بشكل اصح
ميهاف احمد !
انقبض قلب تركي بهاللحظه !!
_
" سيف وميهاف "
وعيونه تتنقل بين المرايه اللي قدام عيونه وبين الطريق يراقب هالسياره !!!
ميهاف : كم بقي حتى نوصل ؟؟
سيف وهو مو معها كل تفكيره محصور بالسياره
اللي تلاحقهم !! استغربت ميهاف سكوته لفت عليه : م سمعتني ؟
اما هو شد بقبضه ايدينه ع الدريكسون بارتباك
زادت من تعقيده حواجبها وهي تشوفه باين عليه التوتر وكأن فيه شي يربكه !! حتى تعابير وجهه كانت ب غضب وتجهم !
همست بشك : فيـ..ـه شي ؟؟
سيف وعيونه ع المرايه نطق بسرعه : ولاشي
رمشت باستغراب لفت قدامها وسكتت
عض سيف ع طرف شفته السفليه بقهر : الله يااخذك
لفت عليه : هلا ؟
تجاهلها سيف وهو يحاول يفكر كيف يطلع من هالمصيبه بدون م يضر نفسه ولايضرها !!
نزلت عيونها ميهاف ع قبضه ايدين سيف بالدريكسون كيف شاد عليهم بقوه لدرجه
عروق ايدينه برزت
رفعت عيونها له وهي مستغربه كيف تغير مزاجه بثواني!!
حطت ايدها ع ذراعه : سيف ؟
لف عليها بسرعه : هلا
ميهاف بخوف : احسك متوتر ليه شاد ع ايدينك ريح نفسك شوي !
طالعها بنظرات الخوف عليها من الشي اللي ممكن ينتظرهم!
ابتسم بابتسامه هاديه ولف للطريق : لاتخافين مافيه شي !
رفع عيونه للمرايه وهو يراقب السياره !
لحظتها اخذ نفس عميق يحاول يهدي فيه نفسه
ويخفف من توتره وارتباكه وهو يشوف السياره كل مالها تقرب الى م تساوت سيارته مع السياره اللي تلاحقهم ع اليسار هي كانت جنبه لف سيف ع يساره يطالع بالسياره كانت مظلله تماماً وسوداء حس ان بيحدونه وهو بيضغط ع دواسه البنزين بيزيد سرعته الا فجأة !!!
- -
" تركي "
المجهول : ابي منك خدمه بسيطه راح تساعد نفسك وتساعدني
تركي بنرفزه : ماعندي لاحبيبه ولاخطيبه ولا هالخرابيط غلطان مع السلامـ..
قاطعه المجهول : دقيقه دقيقه م خلصت كلامي !
خلنا نتفاهم بهدوء ونكون حبايب افضل من اني استعمل اسلوب م يعجبك !
رفع تركي حاجبه باستخفاف : اسلوب م يعجبني تهدد يعني !! المجهول بابتسامه سخريه : لاتقول عنه تهديد خلنا نغير هالمصطلح لشيء اجمل
مثل "نصيحه من محب " بس مافيه مشاوره لطرفك ابداً !
عقد حواجبه تركي بهاللحظه !!!
_
" سيف وميهاف "
فجأة تعدتهم السياره وتقدمت ممنهم لقدام !! زاد سيف من تعقيده حواجبه بصدمه مو مستوعب !! كيف السياره اللي كان يظنها تلاحقهم وتبي تحدهم !! فجأه تتعداه بهدوء بقى يرمش بعدم تصديق لهالدرجه وصل فيه القلق انه يتخيل اشياء مو صحيحه !!! ارتخت اكتافه وقبضه ايده ع الدريكسون
وزفر بضجر من الحال اللي وصلها !
بوسط نظرات ميهاف باستغراب فيه !!! حطت ايدها ع ايده وهو ماسك الدريكسون
بنبره خوف : فيك شي ؟
وكأنه بهاللحظظه استوعب وجودها معه !
لف عليها وتصنع الابتسامه الباهته : لـ..ـلا مافيني الا العافيـ..ـه
ميهاف : متأكد ؟
اومئ راسه بهدوء وصد
نزلت ايدها بشويش وهي تطالعه بريبه وشك صدت عنه ..
_
" عبدالعزيز وصقر "
صقر بتنهد : طيب اخبارك ؟؟
عبدالعزيز : زي الزفت
صقر : وليه ؟
عبدالعزيز : ابي اتزوج واستقر
عقد صقر حواجبه باستغراب : وشهو ؟
عبدالعزيز : م تخبر لي كذا عايله عندهم بنات وكذا؟؟
صقر بازدراء : ليه شقالو لك خطابه وانا مدري !
ضحك عبدالعزيز: لاتطقطق تراي اتكلم جد
صقر : روح لامك وقولها تخطب لك
عبدالعزيز بتنهد : تقول انت مو وجه زواج
صقر : وهي صادقه !!
عبدالعزيز : خلك مني انت ليه م تتزوج وش قاعد تنتظر بيطق عمرك الثلاثين !!
صقر بتنهيده : اخخخ هو بيدي اصلاً لو بايدي كان تزوجت وتلقى معي درزن بزارين ..
_
" وصايف "
وهي رايحه وراجعه بنفس المكان بغرفتها وبايدها جوالها ب هم وتفكير : مستحيل اسكت عن اللي صار هذه فرصتي حتى اثبت له ارسل له ؟؟؟ والا انتظر شوي !!! اخخ ياربي ماودي بس ضيعته مره ولا ابي اضيعه مره ثانيه هاذي فرصه م تتفوت !!!
وقفت بلحظه صمت بينها وبين نفسها بتفكير !! ثم اردفت بعدها ب ثانيه باصرار : لالامستحيل اسكت افوت هالشي من ايدي ! لمتى بقعد البنت الغبيه
اللي طيبتها تاكل حقها لمتى كلن يستحقرني بسبب طيبتي ! لا ي وصايف لاتسكتين هالمره وخلي كل شي ينكشف
فتحت جوالها بتهور ..
-
عقدت ميهاف حواجبها :م قلت لي صح كيف سافرت ودوامك ؟ توك قبل يومين بديت ؟
لف يطالعها : عادي فيه دكتور مناوب عني
لمده اسبوع
طالعته باستيعاب : اهاا عشان كذا حلو تكون ارتحت شوي ليت تقدم لك اجازه عشان جرحـ.. قاطعها : ميهاف !
شقلنا عن الجرح
ميهاف : طيب
صد هو
اما هي بهدوء تطالعه سيف وهو منتبه لنظراتها وعيونه ع الطريق : شفيك تطالعين
ثم لف عليها
ميهاف بنظرات هاديه وحنيه بعيونها : مدري
عقد حواجبه : كيف م تدرين ؟
تنهدت بتنهيده عميقه ثم اتكت ب طرف حنكها ع طرف
كفها وايدها ع التكايه اللي بينهم : احب اتأملك
صد بضحكه عفويه : مابيك تتأملين
ميهاف بضحك : تستحي ؟
رفع حاجبه بازدراء ولف يطالعها : استحي مخلي الحيا لك
ضحكت : مو كثرك
عقد حواجبه : نعم ؟
ميهاف بتشديد : م استحي كثرك
سيف بغيض : من متى الرجال يستحي ؟؟
ميهاف : الرسول عليه الصلاه والسلام كان من صفاته الحيا ليه مستحقر هالشي !
سيف وعيونه تاره ع الطريق وتاره ب ميهاف : عليه الصلاه والسلام م استحقرت بس كثره الحيا ب الرجل شينه !
ميهاف بغيض : يعني تعترف انك تستحي كثير ؟
طالعها : تبيني انزلك هنا ؟؟
نزلت راسها وضحكت بعفويه
سيف : ارفعي راسك وطالعيني ! تبين ؟
رفعت عيونها له وهزت راسها وهي كابحه الضحكه : نزلني عادي
رفع حاجبه : عادي ؟؟
ميهاف بعناد : ايه
سيف : ماراح تخافين ؟
هزت راسها : لا اركب مع اقرب عايله وارجع للبيت ..
رفع حاجبه باستخفاف : مين هالعايله اللي بتوقف
سيارتها بنص الطريق عشان وحده بعبايتها شهبا تأشر لهم مثل الجنيه ؟وعلى وقت المغرب بعد !
طالعته بدهشه : شهبا ؟
صد بضحك : اايه
ميهاف بغيض تطالع عبايتها : والله سودا تلمع
لف يطالعها : انزلي هنا بربع دقيقه بين هالتراب
شوفي كيف يتبدل حالك هذا اذا م تنفستي غبار
ميهاف : يعني بتنزلني ؟
سيف : اي عادي واكنسل حجز السرير ل فردي بدال م يكون زوجي
ميهاف باستعطاف : ماتبيني ؟
سيف بخبث : بدت حركاتها المسكينه اللي مغلوب ع امرها
صدت : نزلني يالله
سيف : ابشري
لفت عليه بدهشه الا لما قرب يوقف السياره ع جنب
ميهاف : بتنزلني ؟
سيف : يالله بسرعه السيارات وراي
طالعته بصدمه !!
سيف باستعجال : يالله شفيك !
تغيرت نظراتها لفت فتحت بشويش
الا حرك السياره وهو يضحك قفلت الباب بسرعه
لما حرك السياره ولفت تطالعه سيف بضحك : ي عمري المطيعه !
ضربته ع كتفه : حسبالي صادق
لما مسك ايدها لفت عليه بهاللحظه الا قرب ايدها
من شفايفه وباسها اتسعت ابتسامتها لاشعورياً
وتبدد كل غيضها بهاللحظه
قطع عليه تنبيه رساله ع جواله !!!!
تجاهلها كان كل تفكيره محصور ب اللي معه!! وكيف يقضي احلى ايامه معها هي بس !! ويكتفي فيها !
_
" بيت ابو نايف "
بغرفه النوم قطعت حبل الصمت ام نايف بسؤالها : الا اقول شصار ع خويك والخطبه ؟؟
عقد حواجبه ابو نايف ورفع عيونه يطالعها : اي خطبه؟؟
لفت تطالعه : ابو اثير
ابو نايف : خلاص كنسلته وتعذرت منه
ام نايف بدهشه : بهالسرعه متى ذا كله !!
ابو نايف : البارحه كنت عنده
ام نايف : وش قال هو ؟
ابو نايف : وش تبين بيقول ؟؟؟
ام نايف : م انصدم ولاسأل وش السبب ؟
ابو نايف : لا م سأل وشوله يسأل ؟ الموضوع كله قسمه ونصيب
ام نايف بتنهد : الله يكتب اللي فيه الخير يارب
ابو نايف : امين الا م ردو عليكم ؟
ام نايف : قصدك بيادر ؟
ابو نايف : فيه احد غيرها ؟؟
ام نايف : لا والله تو امس مكلمتهم كيف تبيهم يردون !
ابو نايف بتنهد : اخخخ من هالولد !! وراه م تكلم من البدايه انه يبيها ؟
ام نايف : يالله عساها خيره يارب ! وش زينها بيادر ان تبي الصدق ماشاء الله اخلاق وجمال وتليق له
ابو نايف : الله يكتب اللي فيه الخير ونفرح فيهم
ام نايف : امين يارب ..
_
" ام صقر وهي قاعده بغرفتها وبينها وبين نفسها تهوجس : كل هذا صار سبحانك يارب
بيومين ورا بعض انخطبن !! بهالسرعه ؟؟؟
قطع عليها دخول مشعل لما دق الباب وفتحه
: السلام عليكم ي طنط
رفعت عيونها امه له : هلا
دخل : فاضيه ؟
طالعته باستغراب : شعندك انت بعد ؟؟
قعد قبالها ع طرف الكرسي : ليه فيه شي ؟
ام صقر : انت عندك خبر ان تركي يبي يخطب اختك عريب !
توسعت عيون مشعل بصدمه : شقلتي ؟
ام صقر باستغراب :توك دريت اجل
قام بسرعه وقعد جنب امه بدهشه : خطب عريب عريب ماغيرها اختي تركي ؟
ام صقر : دقت علي امه وطلبت ايد اختك !
مشعل بعدم استيعاب يرمش !!
_
" سيف وميهاف "
بعد م وصلو للفندق نزلو بهدوء دخلو
لف عليها وابتسم : اقعدي باللوبي وانا بشوف الحجز
ابتسمت بهدوء : اوك
لفت مشت وقعدت ع الكرسي طلعت جوالها وبدت تتصفحه
اما سيف وهو ينتظر يعطونه الكرت للجناح طلع جواله من جيبه وفتحه بهاللحظه عقد حواجبه من شاف رقم وصايف مرسله له بالواتس !!! فهى بالجوال ب تفكير !! ليه مرسله له بهالوقت وبعد هالفتره ذي كلها م انتبه لموظف الريسبشن اللي يكلمه :
حجز جناح 156 الطابق الخامس هذا هو الكرت
الله يسعدك !
كان سيف مشغول باله ومو منتبه !! الا لما رجع يكلمه موظف الريسبشن من جديد : لو سمحت استاذ سيـ..
رفع سيف عيونه له بهاللحظه بسرعه : هلا
موظف الريسبشن : كرت الدخول للجناح تأكد حجزك عندنا ..
ابتسم سيف : معليش م انتبهت
اخذه منه : مشكور م قصرت
لف بهدوء وتوجه ل ميهاف : يالله مشينا
رفعت عيونها له وقامت دخلوا الاصنصير وصعدوا
لفوق طلعو وتوجهو للجناح بعد م نزلو الشنط داخل
دخلو سيف وميهاف بعدهم قفل الباب
تنهدت ميهاف بهدوء ونزلت عبايتها وعلقتها
دخلت للحمام وانتم بكرامه تغسل وجهها
اما سيف نزل شماغه وطاقيته وعقاله وحطه ع الكنب اللي موجود بالصاله لف فتح القلاب
من عند رقبته مشى يشيك ع الجناح بفخامته
كل الاثاث كلاسيك ومطل ع البحر كان هذا اللي يميزه
للحظه م دخل الغرفه مشى وانسدح ع السرير وحط
ايده ع جبينه وغمض عيونه يريح نفسه من تعب السياره والمشوار !
طلعت ميهاف من الحمام وبدت تتلفت حولها ب اعجاب وانبهار من الجناح وانشراحه وقفت ع الجدار اللي كلها
زجاج ومطل ع البحر ارتسمت ابتسامه ع ثغرها ..
تكتفت واتكت ع طرف الشباك وبارتياح همست وهي تفكر وتتكلم مع نفسها بدون م تحس : يارب هالايام الحلوه م تعدي وتروح بسرعه
يارب تبقى كل حياتي وايامي كذا معه كيف تغيرت بس لانه هو تغير معي كيف نسيت كل شي
ومحيته ياترى كنت احبه بالخفى بدون م احس ع نفسي؟
كلامه بذيك الليله كأنه بلسم ع جروحي اللي كانت بسببه
نسيت كل شي بلحظه سموح لهالدرجه حبي له اللي م كنت حاسه فيه خلاني اغفر له كل خطاياه معي لهالدرجه العشق اللي انولد بقلبي له خلاني اشوفه كل شي
بعيوني واكتفي فيه لدرجه قلب امه اللي بوسط ظلوعي تتلخبط دقاته لاسمعت اسمه والا لا لمحت بس عيونه
وملامح وجهه ؟؟ كأني اول مره اعرف هالشعور ؟؟؟ اجل وش كان حبي لتركي ؟؟؟ كان اعجاب ؟؟ اللي يصير لي مع سيف هو اللي يسمى بالحب ؟؟؟ استعدلت بجلستها ونزلت ايدينها واخذت نفس عميق
وزفرت بهدوء : سبحانك يارب اللي بدلت حياتنا بين ليله وضحاها !!
لفت وتوجهت لغرفه النوم اللي بنهايه الممر دخلت
وهي بتنطق الا عقدت حواجبها لما شافته ع السرير وغرقان بنومه بدون م يحس ع نفسه من التعب !
ابتسمت لاشعورياً ع شكله ! فتحت التكييف
وسكرت الستاير وطفت النور مشت لعنده سحبت الفراش وغطته ..
مسكت ذراعه اللي ع عيونه وجبينه ونزلتها بشويش حتى م توجعه لاقام
سحبت شنطتها بهدوء وفتحتها وبدت ترتب ملابسها وملابسه ب الدولاب بعد م انتهت اخذت بجامتها ودخلت
تاخذ شاور بارد بعد تعب المشوار
_
" ام صقر "
نزلت وهي لابسه عبايتها ومتكشخه عقدت حواجبها بيادر وهي داخله للبيت بعد م كانت
بالحديقه نزلت سماعاتها من اذنها باستغراب : الله شهالكشخه ع وين ي الغاليه ؟
ام صقر: بروح لام نايف بتقهوى عندها
بيادر بدهشه : ام نايف ؟؟؟
ام صقر : اي وشوله مستغربه ؟؟
بيادر بترقيع : لالا بس يعني متأخر الوقت ؟
ام صقر : ابك توه مأذن المغرب وش متأخر وش زينه المسيار الحين قد برد الجو
بيادر باستغراب : براحتك
ام صقر : علمي ميري تزين عشا لاخواننس هاه
والا تعالي وشوله تزين لهم عشا وانتي فيه قومي بس حركي عظامتس وسوي لهم انتي وقومي اختس الثانيه
اللي عيونها بتطلع من مكانهن من كثره قعدتها ع الجوال
ضحكت بيادر : ابشري ولايهمك تبيني اشيل لك عشا ؟
ام صقر : لالا مايحتاج بتعشى عندها
بيادر : اوكك
طلعت ام صقر اما بيادر صعدت لفوق عند عريب ..
_
" صقر "
وهو نازل من سيارته بيقفلها الا قاطعته امه : ارجع اركب
فز بخوف ولف : بسم لله
ام صقر بغيض : عساك م تروعت ليه سكنيه وانا مدري ؟
ضحك صقر بارتباك : لا خوفتيني كذا بسرعه ارجع اركب
ام صقر : افتح سيارتك وراه راز الطول !!
ابتسم وهو يطالع ب امه من فوق لتحت : الله الله
شهالكشخه متزبرقه ي ام صقر ع وين لايكون رايحه تخطبين لي ؟
ام صقر : تخسي وتهبي مابقى الا انت اخطب لك واعشم بنيت الناس والعربان فيك؟؟
صقر بتكشير : افا وش زوده سيف عني لما تزوج هاه علميني والله شزيني كشخه ورزه ورزين و
ينضرب فيني المثل وسمعتي تشهد لها كل الجماعه وبعدين ي يمه انا بكرتس !! وراه م تفرحين فيني سيف ترا مافرحنا فيه عرس وطقطقه وسعه صدر ؟
عوضي الفرحه بعرسي هاه !! وبعدين ابد ماعندي شروط
غير انها وحده طويله بيضا وشعرها حرير اسود
وياليت لو فيها غمازه ابي اخق لا تبوسمت شقلتي والله طلباتي ماهي مستحيله ! وانتي عاد الزينه تدورين الزين اكيد وتبين لولدتس المزيون وحدتن مزيونه
ابي افرح بنفسي ي جعلك للجنه ي جنتي انتي هاه شقلتي ؟
طالعته ام صقر بطرف عين : خلصت ؟
كشر بتنهيده : اي خلصت !
ام صقر : اقول دٓيْور واركب سيارتك لا اتأخر عن الحرمه
صقر بحلطمه : اديور ليه م اديور وانا عندي شي غير اني افرفر فيتس ؟
ام صقر : قطع لسانك امك انا وشهو من كثر م افرفر ؟؟
صقر : اركبي يالله ..
#يتـــــــــــــــــــــــــــبع....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!