" ام صقر وصقر "
صقر : اركبي يالله ترا وراي شغل
ام صقر وهي بتفتح الباب تطالعه : اقطع بس
فتحت الباب وركبت اما هو ضحك بقله حيله مغبون ركب شغل سيارته وحرك ..
_
" المجهول "
اول م دخل للبيت وهو يتلفت حوله طلعت
الخدامه من المطبخ
لف عليها المجهول : وين بابا ؟
الخدامه : في ينام غرفه فوق
صد وصعد لفوق توجه لغرفته وقف بشويش دق الباب وفتحه بهدوء شاف ابوه مشغل القران وقاعد ع سجادته وبايده السبحه ويستغفر
رفع عيونه ل ولده
دخل المجهول بهدوء : تقبل الله
تربع الشايب وقصر ع صوت القران وهمس : منا ومنك
قعد المجهول قدامه : اخبارك ؟ عساك بخير ؟
الشايب بتنهد : نحمدالله
المجهول بتأنيب ضمير : زعلت مني ع اللي صار قبل امس؟
الشايب : عشان سيف ؟
تغيرت نبره المجهول لقهر من انذكر اسمه : ايه
الشايب بقله حيله : ياوليدي خله تراه ضعيف ..
المجهول بانفعال : لاتقول ضعيف لاتقول !! هو قـ**** يايبه !!!
نزل الشايب راسه بعد م دمعت عيونه : ي يبه خلني اريح قلبي اللي يحترق بسببه خلني !!
رفع عيونه الشايب له بحزن مكسور : بس انت
اخـ..ذت منه شي عزيز ع قليبه
المجهول : لا مااكتفيت !! ماحسيته محترق كثري انا سنتين وانا دموعي م جفت النار اللي شابه بين ضلوعي م خمدت بسببه هو !! خسرت كل شي حولي بسببه ! وهو سمعته بين كل الناس والجرايد الدكتور سيف والدكتور سيف ولاحد يدري عن سواياه لادفنه وانزله للارض واساويه فيها هذا هو مقداره !!
الشايب بضيق : خاف ربك
المجهول : اخاف ربي بكل خلقه ! الا هذا هو م خاف ربه فيني !!!! ولا ف **** يسرح ويمرح
ولا كأنه غلط بحياته غلطه هي كارثه بعيوني !! م خاف ربه
الشايب بحزن : وش بتستفيد عقبه ؟
المجهول : اشفي غليلي اللي من سنتين م شفى !!! ارتاح ويرتاح بالي اللي ارهقته من التفكير التفت لحياتي بعد م ادمر حياته ..
الشايب بضيق صدر يطالع ب ولده : ماهو انت وليدي اللي ربيته وكبرته ب تعبي ؟ ماهو انت ..
المجهول بنبره قهر : الا انا ولدك بس الظالم ماله مكان بيننا !! الظالم مصيره يشوف الويل من رب الخلق ثم خلقه
طالعه ابوه ب انكسار واكتفى بالصمت يأسر احزانه
تغيرت نظرات المجهول ل حزن وضيقه قرب لابوه وباس راسه ثم مسك ايدينه وباسهم بقوه
رفع عيونه لابوه : سامحني ع اللي سويته واللي بسويه سامحني وادعب لي ي الغالي مابقى لي احد غيرك
بدنيتي والله مابقى ..
الشايب بضعف : الله يسامحك ويهديك ويرجعك لل *** اللي عهدته
تنهد المجهول وقام بهدوء بابتسامه حزينه باهته وطلع
-
" ميهاف "
بعد م طلعت من الحمام " يكرم القارئ "
طلعت برا ل الحمام الثاني حتى تجفف شعرها وماتزعج سيف !
دخلت وبدت تجفف شعرها بعد م جف
رجعته واسدلته ع ظهرها ورجعت للغرفه مشت لعنده وهي تحس بالتعب من بعد السفر انسدحت
بجنبه حطت ايدها تحت راسها وانسدحت ع جنبها
اليمين وهي تطالعه كيف غرقان بنومه ! تتأمل تقاسيم ملامحه الحاده ، اتسعت ابتسامتها اكثر رفعت راسها بهدوء حطت ايدهاع وجهه من الجهه الثانيه وقربت من جهته هي غمضت عيونها وباست خده بخفه م حست فيه الا لما
عقد حواجبه لما حس فيها فتح عيونه بشويش الى م استوعب
لما حس بشفايفها ع خده ارتسمت ابتسامه هاديه ع ثغره
حست ب حركه فتحت عيونها ابتعدت ورفعت عيونها له
ارتبكت لما شافته مضيق عيونه يطالعها بلعت ريقها ب توتر !!! همست : زين صحـ..
م كملت كلامها الا مسك ايدها وسحبها لحضنه
سحب الفراش ولحفها رمشت بسرعه بربكه رفعت عيونها
له : ترا قبل شـ.. قاطعها لما حط ايده ع راسها يثبتها ع صدره وغمض
عيونه يتجاهل تبريرها اللي بنظره تبرير غبي وكان مستمتع ب اللي سوته : اش نامي
بقت تطالعه ب توتر بلعت ريقها !!
_
" بيادر "
وهي بغرفتها ب تنزل الا قطع عليها جوالها يدق رفعته و ابتسمت من شافت رقمه رددت بصوت مبحوح : ي هلا
نايف: حي من سمع هالصوت
بيادر : عيار مو كأنك من ساعه مكلمني
نايف : ماقدر انا ان م سمعت هالصوت
اتنكد ويتنكد يومي كله
بيادر : بسوي العشا يالله قفل
نايف : افاا !! طيب ذوقيني من طبخك
بيادر : يالله تعال واخذ عشاك
رفع حاجبه : صدق ؟
بيادر بضحك : حتى يذبحونك اخواني
نايف : بجي اتعشى عندكم اجل
بيادر : حياك
نايف : اصبري اجل ادق ع صقر واشوف وينه
بيادر : اوكي ..
" بعد ساعتين "
فتحت عيونها بشويش وبنعاس رجعت غمضتهم
بكسل رفعت ايدينها تبعد خصل شعرها عن وجهها
سيف وهو طالع من الحمام عقد حواجبه وهو يطالعها ثم ابتسم : قومي يالله خلي عنك الكسل
فتحت عيونها وتنهدت : كم الساعـ..ـه
سيف : تسع ونص تقريباً
عقدت حواجبها : متأخرين
سيف : قومي نروح نتعشى يالله تراي ميت جوع
ابتسمت : مروق ماشاءالله
اتسعت ابتسامته : تنامين بحضني وماكون مروق ؟
صدت عنه ب حياا
ضحك : وتقولين استحي اكثر منك ؟
ميهاف بحلطمه : يوه منك ومن عيارتك
دخلت للحمام " وانتم بكرامه "
اما سيف لبس ثوبه وقف ع المرايه وهو يقفل القلاب ويمشط شعره ع ورا طلعت ميهاف فرشت السجاده وصلت العشاء بعد م خلصت رفعت عيونها له ابتسمت
وهو يعدل قلاب الثوب " اللي من الرقبه "
قامت بهدوء ورفعت السجاده وحطته ع جنب مشت لعنده اخذت الكبك اللي ع التسريحه ومسكت طرف كمه ولبسته بعد م خلصت رفعت عيونها له وابتسمت : تدري انك تفتن عيوني لالمحتك بالثوب والشماغ
اتسعت ابتسامته وهمس : تدرين اني انفتن لاشفت
شعرك تسدلينه ع ظهرك ب طوله ؟
حمر وجهها بهاللحظه ضربته ع صدره : وجع
انفجر بضحك ع خجلها ابتعدت عنه ودخلت وبدلت وطلعت رفعت شعرها لفوق
اما هو قعد ع طرف الكرسي يلبس جزمته
لفت طلعت عبايتها اللي بشكل انيق من الدولاب وفلات ناعم وشنطتها لبستهم وخلصت لبست ساعتها واسواره ناعمه اخذت جوالها ومحفظتها وحطتهم بالشنطه
قام سيف : خلصتي ؟
رفعت عيونها له وهمست : ايه
لف فتح الدرج اخذ شاحنه المتنقل وعطاها : حطيه معك بالشنطه بحتاجه شوي
اخذته معها وطلعوا من الجناح نزلو بالاصنصير لتحت
وركبو سيارتهم وحركو بعد م وصلو ل مطعم يشهد له منظره بالفخامه لف عليها : يالله انزلي
نزلت وهي مرتبكه كانت هاذي اول حلاوه ايامها معه يقضونها سوا ب رفاهيه ! مسك ايدها لفت عليه بهاللحظه
الا همس : شفيك ؟
ميهاف : تنحت شوي
ابتسم شد ع ايدها بشويش ودخلو
سيف عند الريسبشن : فيه حجز ب اسم سيف عبدالله ال***
موظف الريسبشن : تفضل
مشى معه القرسون يدله ع الطاوله اللي حاجزها
كانت غرفه فوق وصاده عن الكل ب قسم vip
دخلو قعدت ونزلت نقابها وطرحتها رفعت عيونها تطالعه
طلع جواله وحطه ع الطاوله عقد حواجبه وهو يتفقد جيبه : محفظتي شفتي محفظتي ..
ميهاف : شفتها بالسياره
تنهد بضجر : كيف نسيتها بنزل اجيبها وانتي شوفي وش بتطلبين
ابتسمت : اوك
قام ونزل لتحت اما ميهاف وهي تتصفح المنيو الا قطع
عليها رنين جوال سيف اخذته بنيه ممكن ام صقر تدق تتطمن ! الا بهتت ملامح وجهها بلحظه م شافت
اسم المتصل وصايف !
بعد مده قفلت
الا يطلع اشعار رساله ع الواتس منها مكتوب
" افتح ي سيف الرسايل والصور وشوف "
فتحت ميهاف جواله وتحمد ربها انه بدون باسورد
دخلت للواتس وفتحت رساله وصايف الا شافت مجموعه صور فتحت صوره منهم و جمدت بصدمه وانشلت اطرافها !!
لوهله تحس قلبها توقف فزت بسرعه وارسلت
الصور والفيديوهات ع رقمها وحذفت محادثه وصايف بعد بلكتها وحذفت محادثتها وحذفت الصور والمقاطع من الالبوم رجعت جواله بسرعه لمكانه ماهي ثانيه الا دخل سيف
تسمرت بهاللحظه بمكانها من الخوف ! لو تأخرت
بس هالثانيه كان دخل وشاف جواله بين ايدينها !
ابتسسم وقعد : وش بتطلبين !
عقدت حواجبها لوهله ثم استوعبت نزلت عيونها ومسكت
المنيو !
سيف : م عجبك شي ؟
رفعت عيونها له : لا مو قصه كذا بس مدري احترت
اتسعت ابتسامته ونزل عيونه ورفع المنيو يطالعه ! اما هي عيونها ع جواله بتردد وخوف تحاول تستوعب
للحظه اللي قاعد يصير ! كيف وصلت لوصايف الصور؟
وكيف لقطتها حتى !!!! هذا اللي ارعبها مو منتبهه لسيف اللي يسألها : تبين لزانيا ؟؟
ميهاف بارتباك مو معه وعيونها ثابته ع جواله !
عقد حواجبه ولف يطالع لمكان م هي تناظر الا زادت غرابته انها تطالع بجواله !
رفع عيونه لها : شفيك ؟
اما هي مو معه تهوجس بنفسها ..
همس واشر لها : ميهاف !! هيه !!
رفعت عيونها بسرعه له : هلا
سيف بشك : شفيك تنحتي بجوالي فيه شي ؟
ارتبكت بهاللحظه من ملاحظته !!!
ابتسمت ابتسامه متصنعه بربكه : لـ..ـلا بس كنت
افكر ب ابوي
سيف : دقي عليه طيب
ميهاف : لاشوي لارجعنا للفندق بدق عليهم
اتسعت ابتسامته : اوك يالله شوفي وش تبين تطلبين
نزلت المنيو ع جنب ورفعت عيونها تطالعه بابتسامه : اطلب لي انت
عقد حواجبه : وش بيعرفني اللي بيعجبك ؟
ميهاف : عادي اي شي تحبه انت ع ذوقك بيعجبني اكيد ..
نزل عيونه للمنيو وضحك بعفويه !
بلحظتها لفت بعيونها ع جواله ! ب خوف ان وصايف ترسل له من رقم ثاني ! او حتى تتصل !! حست بالحراره وايدينها بدت تعرق من التوتر !!! تحس حياتها ع محك الخطر لف سيف ع القرسون اللي برا
واخذ طلباتهم وراح سحب سيف الستاره وسكرها
لف يطالعها : عاد مدري اذا بيعجبك اللي طلبته والا لا بس انتي اللي قلتي لي هاه !
ابتسمت : بيعجبني دام هم ذوقك ! شفيك !
سيف : ي خـ..
قطع عليه رنين جواله نزل عيونه بتأفف : موب وقته
انقبض قلب ميهاف بهاللحظه بخوف : مين اللي يدق !!
رفع عيونه باستغراب مو من عادتها تسأل هالسؤال : زميل لي
تنهدت : اها
رفع جواله و قفل المتصل !
فتح سيف جواله ودخل للواتس بوسط انظار ميهاف الخايفة !
زاد من تعقيده حواجبه لما م شاف محادثه وصايف !
وهو متأكد انها موجوده حتى انه م فتحها !!
انتبهت ميهاف لملامحه وعرفت انه شك ! رفع
عيونه لها : مسكتي جوالي ؟
بلعت ريقها بمراره بهاللحظه !!!
سيف بتنهد استند ع ورا : يعني مسكتيه
نطقت ميهاف وهي تتصنع القوه عكس خوفها من داخلها : اااي مسكته وفتحته وماعجبني ان ذي وصايف تتواصل معك وبلكتها بعد تبي جوالي اخذه وفتشه وشوف اذا انا اتواصل حتى مع هذاك تركـ..
قاطعها سيف بحده : لاتطرين اسمه ع لسانك !!
سكتت بهاللحظه لما حست انه عصب !!
سيف : مين قال لك اني اتواصل معها ؟
ميهاف بدون وعي تتكلم بسرعه : ازعجتني !! تدق وترسل ليه متى تفهم انك متزوج متى تفهم انك زوجي انا وملكي انا ع كيفها هي وقت م بغت تدق مابي انا
اغار افهم مو لقافه افتح جوالك بس لما شفت رقمها انقهرت غصب عني والله ..
سكتت بهاللحظه لما شافته قرب واتكئ بايدينه ع الطاوله وعيونه بعيونها بنظرات حنيه بابتسامته الهاديه
ارتبكت اكثر : شفيك تطالعني كذا
سيف بهمس :كملي
ميهاف : وش اكمل
سيف بابتسامه : كلامك !
طالعته باستغراب !
سيف : تغارين علي اجل ؟
كشرت بغيض : هذا اللي هامك !
سيف : وهو فيه شي يهمني غيرك ؟
لانت ملامحها بابتسامه : لاا طبعاً
سيف : بغيتي تموتين من الغيره زين م كسرتي جوالي
ميهاف : شسوي مو بايدي وانت من البدايه المفروض مبلكها وحاذف رقمها بعد !
سيف : م دريت انها بترسل !
ميهاف : حتى ولو ! انت لي انا بس لحالي مابي احد ياخذك مني !
اتسعت ابتسامته وبنظرات هاديه ببحه صوته : احبك واحب غيرتك واحب عنادك وكل شي فيك ي ملسونه ..
نزلت عيونها بهاللحظه بخجل
ضحك : تستحين ؟
تنهدت حاولت تضيع السالفه ورفعت عيونها : م تحس انه حرر انكتمت ..
ضحك اكثر : من الحيا !
ميهاف بغيض : شدعوه المطعم حار !!
سيف : المكيف فوق راسك ي ميهاف وين الحر ؟
استندت ع ورا : م يبرد !
سيف : الا بس قولي انك من الحيا والتوتر حسيتي بالحر
ميهاف بغيض : لاا
سيف بعناد : الا
ميهاف : ياربي منك ي سيف !
همس : ي حلو اسمي ع لسانك
طالعته بقهر وهي تشوفه كيف يتغزل فيها ومستمتع ع حياها !
صدت : طولو جوعانه
ضحك وهمس : احــــبــــك والله العظيم احبــك ..
لفت بهاللحظه تطالعه لأول مره تسمعه !! لأول مره ينطق لها هالكلمه ! بنبره صوته اللي أاسرت مشاعرها !
" الجوهره "
قامت وهي بتطلع من غرفتها الا فتح عمها الباب
عقدت حواجبها ورجعت ع ورا !
عمها بنبره جافه : ع وين ؟؟
الجوهره : ابـ..ـي الحمام
عمها : اقعدي ابيك بموضوع
ارتبكت اكثر !!
عمها بنبره حاده : اقعدي م تفهمين !!
رجعت ع ورا وقعدت وببالها الف فكره وفكره عن الموضوع اللي بيكلمها فيه !!!
قعد ع طرف السرير يطالعها !! ارتبكت من نظراته !
عمها : ابيك تتجهزين نهايه هالاسبوع الخميس ان شاءالله
عقدت حواجبها : ليه ؟
عمها : زواجك من فايز ع خير وبيننا بنسوي عشا
بسيط
توسعت حدقة عيونها بصدمه: كيف ؟؟؟؟
عمها : اللي سمعتيه بتتزوجينه ونخلص بتقعدين عاله ع قلبي بيسافر لجده عشان شغله الجديد وتروحين معه وتلزمين بيتك هناك
قامت بقهر وكأن الدنيا اظلمت بعيونها بهاللحظه : مستحيل اتزوجه ع جثتي لو بتزوجه ..
قام عمها وبنبره حاده وجافه : انا ماشاورتك زواج وبتتزوجينه غصبن عنك ولا اسمع لك صوت ..
الجوهره : اموت ولا اني اتزوج هالخسيس امـوت ..
تجاهلها طلع وقفل الباب بوسط صراخها ونحيبها
والدموع بعيونها من الغبنهه !!!!
_
"بيت ابو صقر "
نزل صقر من سيارته ماهي ثواني الا شاف
نايف راكن سيارته ع جنب ونزل قرب لعنده وسلم عليه
صقر : حيا الله نايف ساحبني من هناك عشان
تتعشى وين مافيه مطاعم والا بيتكم م يسوون عشا؟؟
نايف بغيض ضربه ع كتفه : كل تبن ! لازم اعزم نفسي يعني يالنسيب ؟؟
رفع حاجبه صقر بضحك : النسيب يعني ضامن ان اختي بتوافق عليك ؟
نايف : نقول ان شاء الله عاد حاول فيها انت انها توافق !
طالعه صقر بغيض : نعم نعم تبيني اغصبها عليك وش السالفه ؟
نايف : مافيه لا سالفه ولاشي بس من وعيت ع هالدنيا وانا مانسى يوم تقول لي خاله غاليه الله يرحمها " ام سيف"
تراك ي نايف بزوجك لبيادر
تنهد صقر : الله يرحمها ويغفر لها يارب ويوسع قبرها
نايف : امين يارب يالله ادخل حياك
ابتسم لفو ودخلو ..
_
" سيف وميهاف "
ميهاف بهدوء قربت وباين ع ملامحها الحيا : كثر وشهو تحبني ؟
ابتسم : ماينوصف ولا ينعد
ميهاف : بهالسرعه حبيتني وزواجنا بكبره كان ع مشاكل وحقد !
اتسعت ابتسامته : يشهد علي الله اني خاق عليك
بكل مره تعاندين فيها ولاتضحكين ولا تتهاوشين وتبررين
تبريرات غبيه عفويه ! كنت اشوفك بنتي مو زوجتي !! كنت احب احتويك كل مره كنت اكذب نفسي واكذب هالشعور بس تعبت ! راح من عمري ومابقى شي مابي اظلم نفسي
بحياتي هاذي !!
عقدت حواجبها بهاللحظه بشك : راح من عمرك ومابقى شي وش تقصد ؟
-
" بيت ابو صقر "
دخلو للمجلس وقعدو الا بعدها بثواني دخل
الوليد : الله الله نايف عندنا !
قام نايف وسلم عليه
الوليد : حياااك الله مابغيت تشرفنا
نايف بغيض : والله عاد انتظرت العزيمه وانتظرت محد عطاني وجه ! ف عزمت نفسي
الوليد بضحك : افا تدري وانا اخوك مشغول انا
والاكان عزمتك
نايف : انت الوليد عبدالله تكون مشغول اي هين
الوليد : ماش شايل بخاطرك
صقر : روح جيب القهوه والشاهي ي ولد
الوليد بتنهد : ابشر
لف وطلع توجه للبيت ودخل للمطبخ : يالله بسرعه القهوه
بيادر وهي تطلع المكرونه من الكيس : شفيك !
الوليد : نايف عندنا بسرعه هاتو القهوه
فهت بهاللحظه بيادر قلبها رفرف بهاللحظه من طرى اسمه !
ميري : اوكي
الوليد : الله الله توي استوعب بيادر بالمطبخ شعندك ؟
رمشت بثقه : بسوي لك العشا ي قلبي
رفع حاجبه بسخريه : بتسوين لي العشا انا ؟
بيادر : لا انا اكيد لكم
ضيق عيونه بتدقيق وبنظرات خبيثه : متاكده ؟؟؟
بيادر : ايه
ابتسم : احم والله ماندري لمين ! المهم يالله بسرعه ميري القهوه ..
جهزت له بالصينيه وشاله وطلع بوسط دهشه بيادر من كلامه !!!
_
" وصايف "
شدت ع جوالها بغيض وقهر وهي مصدومه
: كيف بلكني يعني برايه الصور فبركه ! مريض هو م يشوف لالالا اكيد انه من العصبيه بلكني بدون م يحس على نفسه مو معقوله يشوف ويسكت !! ذي فضيحه ! والله فضيحه
غمضت عيونها بضيقه صدر مسحت وجهها
: ياربي وش قاعده اسوي والله غصب عني من القهر والله
فتحت عيونها ورفعت جوالها : مافيه الا ادق عليه واعلمه عن هالخبيثه ! والله بتدمر حياته لازم امنعها!!
_
" سيف وميهاف "
ميهاف بشك : جاوبني!!!
سيف وهو يتقمص الهدوء : مافيه شي اجاوبك عليه
ميهاف : الا كلامك له مقصد !!! كيف مابقى من عمرك شي !
استند ع ورا وزفر بضجر : تبينا نتهاوش وننكد طلعتنا ؟
ميهاف : لا بس جاوبني بديت اخاف
سيف: زله لسان
ميهاف : يعني صح ؟
سيف: لا الاعمار بإيد الله محد يدري يمكن انا معك اليوم وبكره لا هذا مقصدي ..
طالعته بضيق !! : لاتقول لي كذا طيب !!
قطع عليهم رنين جواله نزل عيونه طالع الرقم تنكد انها وصايف!!
لاحظت ميهاف ملامحه وهمست : هي اكيد
سيف: ماعلينا
ميهاف: قفله !!
سيف: برد واكلمها قدامك حتى تعرفين انها م تعني لي شي بحياتي !
جمدت بهاللحظه ونطقت بخوف: لا لاترد
فتح سيف الخط وحطه سبيكر : الوو
وصايف بدهشه انه رد : سيف؟!!!
بهتت ملامح ميهاف بهاللحظه بخوف ..
سيف ؛ اي هلا ؟!
وصايف بدهشه : م توقعتك بترد !!
سيف : شبغيتي من اليوم تدقين وترسلين ، فيه شي ؟
بلعت ريقها بتردد كيف تصارحه !
بوسط نظرات ميهاف فيه بصدمه !
وصايف : انـا لازم اقـ..
م حس سيف الا بالجوال انسحب من ايده
رفع عيونه باستغراب وصدمه من ميهاف اللي اخذته وقفلت الخط بوجه وصايف !!
سيف بتعجب: شسويتي !!!
ميهاف وهي تتصنع القهر : ليش تكلمها !!!
سيف باستغراب : اكلمها قدامك يعني لو فيه شي
بيني وبينها كان كلمتها من وراك ماشـ..
قاطعته ميهاف بقهر : مابي تكلمها ! خلاص
نزلت عيونها للجوال عقد حواجبه وهو يطالعها : وش بتسوين؟
دخلت ميهاف ل قائمه المتصلين وعطت رقم وصايف حظر
مكالمه قفلت الجوال بهدوء ورجعته له واستعدلت بجلستها
ونطقت ولاكأن شي صار : متى بيجيبون العشا جوعانه !
عقد حواجبه باستغراب : شسويتي ؟
ميهاف بهدوء وثقه : عطيتها بس حظر مكالمه
رفع حاجبه بتعجب : نعم ؟؟
ميهاف بشك : بتفكه عنها ؟
سيف : طيب بسمعها للاخير م دقت الا ان فيه شي !
ابتسمت ميهاف بقهر : بالله عليك تتوقع اني ماعرف لهالحركات !
عقد حواجبه : اي حركات ؟؟
ميهاف : اعرف حركاتهم هالحريم ! لاتستهين ف كيدهم!
رفع حاجبه وابتسم : ع اساس انك مو منهم !
هزت اكتافها ببراءه : الا منهم بس بريئه وبعدين ليه تشوف حركتي غلط ؟؟ لاتفسرها غيره منها !
انا م اغار منها ولاتهمني والله يستر عليها !! بس مابي احد ياخذك مني ! اغار شسوي مو بايدي
غصب عني
صد وابتسم : مجنونه
ابتسمت وهي تخفي خوفها : مو كثرك
_
" وصايف "
ابعدت الجوال عن اذنها تطالعه بصدمه : قفل بوجهي والا انا غلطانه !!!
لالا بس هو سألني اذا فيه شي !! يعني م يصرفني !! ولو بيصرفني ومايبيني كان من البدايه م رد علي !!! يمكن انقطع الخط من الشبكه ! لالا يمكن كذا
رجعت تتصل عليه استغربت انه يعطي مشغول !
زادت من عقده حواجبها بغرابه ! طلعت ودخلت الواتس
وارسلت له : ليه م ترد ؟
الا كان صح واحد ! وصوره العرض واخر ظهور اختفى !
بهاللحظه شهقت : لايكون بلكني !!!! الا والله عطاني حظر !!!!
_
" سيف وميهاف "
بوسط م هم يتعشون قطعت ميهاف حبل الصمت بشك : سيف !
رفع عيونه لها وهمس : قلبه
ابتسمت ع كلمته ! ماهي الا ثانيه وتلاشت ابتسامتها بخوف : م جاوبتني ع سؤالي !
عقد حواجبه : اي سؤال ؟؟
ميهاف : وش كنت تقصد م بقى عمري شي !
سيف : جاوبتـ..
قاطعته : انت تعبان صح ؟
شاكه انا من فتره
بسبب ادويتك الغريبه !! نزل ملعقته بهاللحظه باستغراب!!
ميهاف بشك : مو متطمنه من الادويه ولا من صداعك وتعبك اللي يجي فجأه وطول هالوقت ساكته
ابتسم : تتخيلين !
تنهدت باستسلام : اتمنى والله انه كذا
سيف : كملي عشاك يالله حتى نطلع نتمشى
ابتسمت بابتسامه هاديه ونزلت عيونها تكمل عشاها ..
_
" بيت ابو صقر "
بلحظه م كانو يتقهوون قطع عليه دخول بندر : مااااشاءلله !!!
طالعوه بدهشه !!
الوليد : بسم لله من وين طلعت !!!
بندر : اجل تتجمعون بدوني ؟؟؟
صقر : وين مجتمعين ؟ بس ثلاثتنا
دخل بندر وسلم عليهم وقعد : ليه م علمتونا نتجمع طيب ؟
صقر : مدري والله م جا ببالي تصدق !
نايف : انا اللي عازم نفسي اصلاً
بندر : ماشاء الله !! وليه م تعزمنا !
الوليد : خلاص اجل ولايهمك الحين بقولهم يجون
بندر : قول لهم يجيبون بلوت بالله معهم مشتهي اكسر رؤوسكم !
رفع حاجبه نايف باستخفاف : بالله عليك !!
بندر : خايف ؟؟
نايف : تخسي والله اخاف منك
الوليد : ياليل بتتهاوشون ؟؟
نايف : نتراهن مين اللي يفوز !!!
بندر بحماس : تم !
صقر : وش العقاب !!
بندر : اللي يخسر يعزم ع العشا
صقر : جاهز عشانا ي غبي
بندر : خلاص الفطور بكره كلنا ي شباب العايله
طالعه نايف : اياااا النذل !!
بندر ب خبث : ضعيف شايل هم خسارتك ودفع الفاتوره ؟؟
نايف : لابالله قول انك انت الخايف !!!
نزل الوليد جواله بضحك : والله ماطمعو كلهم ردو
بندر : بيجون ؟؟؟
الوليد : افا عليك قهوه وشاهي وعشا جاهز وبلوت ولاتبيهم
يجون ؟؟؟
نايف : م عندكم استراحه انتم ؟؟؟
بندر : بيتك وحنا م ندري !!!
" المجهول "
وهو قاعد بسيارته غرقان ب تفكير كيف بيبتدي ب خطوته
الجايه اللي راح تكون الاخيره وتنهي سيف
اللي بتشفي غليله ويرتاح الا قطع حبل افكاره اتصال الشخص !
رد عليه المجهول بدون نفس : شفيه بعد ؟
الشخص بتردد : لقيت مريض طال عمرك ب اسم علي ومريض ب ورم خبيث بالدماغ مع تلف اعصاب
غمض عيونه المجهول لوهله بوجع قلب !!! الشخص بخوف : تبيني اكمل هالخطه والا نكنسـ..
قاطعته المجهول بنبره حاده لما فتح عيونه بسرعه : لا ماراح نكنسل اي شي حول اوراقه ع
المستشفى اللي يشتغل فيه هذا سيف وبلغ الدكتور ياسر ان وظيفته بترجع له خلال هالاسبوع حتى يساعدنا باللي بنخطط له
الشخص بضيقه وتأنيب : بنأثم فيه والله ! خلنا
نتركه
قاطعه المجهول بنبره قاسيه وحاده وجلفه : قلت لك بتحول اوراقه ع هالمستشفى تسمعني وبعدها بنبدأ بزوجته !
عقد الشخص حواجبه بشك : زوجته !!!
المجهول : بنكشف كل الاوراق له وبينتهي كل شي
-
" بيت ابو صقر "
نايف : م عندكم استراحه انتم ؟؟؟
بندر : بيتك وحنا م ندري !!!
نايف : لاتخلصون علي العشا بس
بندر : اقول صب لي ي صقر قهوه بس
ابتسم صقر ع مناقرتهم : حشى طباين
قام الوليد :اجل بقولهم يسوون دله قوه وشاهي زياده
صقر : قولهم يزودون بالعشا
الوليد : طيب
طلع الوليد ودخل للبيت الا بهاللحظه دخل مشعل
: السلام عليكم
قاموا سلم عليهم بدهشه : ماشاء الله نايف وبندر عندنا ؟
قعددو
بندر : ليه مستغرب ؟
مشعل : لا بس من زمان م جيتو
نايف : اصبر بيجون باقي الشله بعد شوي
مشعل : زين والله نتونس شوي اجل بقوم انا اتسبح وابدل وارجع لكم
نايف : نعيماً
قام مشعل : ينعم عليك ي قلبي ... وطلع
_
الوليد "
زودي بالعشا
طالعته بيادر باستغراب : ليه ؟؟
الوليد : بيجون الشباب
بيادر بصدمه : لاعاد سويت العشا وماحسبت زياده عدد !!
الوليد : زودي صنفين والا اكثر وينها عريبوه خليها تساعدك
دخلت عريب : والله اشوف انذكر اسمي شسالفه؟؟
الوليد : م بغيتي تشرفين ؟؟؟
عريب : ماشاءلله اشوفكم مدهرين !!
الوليد : بسرعه يالله ساعديها من اليوم وهي بالمطبخ الضعيفه تكرف لحالها !!
عقدت حواجبها عريب : ليه ؟
بيادر : جايين اخوياه
عريب : لاعاااد !!!
الوليد : بس شباب العايله يالله بسرعه زودو بالعشا وانتي ي ميري بسرعه خلصي القهوه والشاهي شوي وبرجع اخذهم
عريب بحلطمه : ياااربي منك ي وليدوه ليه تعزم
الوليد : اقول اخلصي بس وخلي عنك الحلطمه
كسوله
دفها وطلع
عريب بتأفف : وش عشاهم ذولا بعد !
بيادر: امشي بس ساعديني بدال وقفتك ذي ..
_
" منصور "
وهو يراسل مضاوي " ام بندر " : بنسوي عشا بسيط بعد اسبوع وباخذك لان طولنا الصدق
ابتسمت بهدوء وردت عليه : اللي تشوفه
منصور : ماعندهم مانع عيالك انك تتركينهم لاسبوع نتمشى فيهم !!
مضاوي : لاا شدعوه عيالي كبار بسم لله عليهم
منصور : اجل تم ع خير بعد العشا هذا بنطلع
لدبي نتمشى لاسبوع ونريح راسنا بعيد عن الخلق ونتونس
مضاوي : ان شاءالله
منصور : يالله اخليك بروح لخويي عازمني ع العشا ومبلشني من اليوم الا احضر عزيمته
مضاوي : ههههههههههه خذ راحتك
-
"وصايف "
بحرقه تفكر :ليه !!! توي م قلت له شي حتى!
اوجعها قلبها بهاللحظه كيف تركها ونسى كل شي !
لدرجه فتح له صفحه جديده بحياته وطوى صفحتها وايامه
معها !!! حززت بخاطرها فعلته !! قعدت ع طرف السرير
بصدمه : هاذي نهايه حبي لك ي سيف !!!! تحظرني عشان وحده م تسوى ولاتستاهلك وخبيثه !!وحده تلعب ع الحبلين ! مصدق برائتها ..
"ميهاف وسيف "
طلعو من المطعم ركبو السياره استغربت
ميهاف من سيف اللي ماسك جواله ويراسل
ومندمج !! وعيونه مره ع الطريق ومره ع جواله !
ميهاف : اترك الجوال عنك شوي
ابتسم : دقيقه بس ارد ع صقر > يكذب
كتب سيف برسالته : اوك احجز لي موعد بكره عند الدكتور وبرسلك اوراقها وحالتها الطبيه بعد زراعه القلب وياليت تخلص هالموضوع بسرعه بدون م تشك فيه !
_
" بيت ابو صقر "
بعد م وصلو كل الشباب
واعتلت اصواتهم بحماس اللي يلعب فيفا واللي يلعب بلون واللي متكي يتقهوى ويسولف
نايف : زواجك علي !
طالعه صقر بحقد : ليه شقالو لك م عندي فلوس ؟؟
عبدالعزيز : انا غاسل ايدي ومنشفها بعد من انك تتزوج
غيث وهو يلعب فيفا لف عليهم بضحك : صفني جنبك ي عز
صقر : والله عاد انا رجال ابي راحه البال مو مستعجل لاحق ع النكد والهم
رفع حاجبه مشعل : بالله اجل مين اللي ناشب لامي كل يوم زوجيني ! شوفي لي بنت الحلال !
طالعه صقر بحقد !! الا انفجرو كلهم ضحك !! عبدالعزيز بضحك : اجل تبي راحه البال ؟
نايف : خلاص انا ازوجك والله بنت صديق ابوي
ماشاءالله تمدحها امي ..
عقد حواجبه مشعل : مين ؟
نايف : والله كانو بيخطبونها لي بس رفضت
صقر بحقد : ترفضها انت وتدبسها فيني ؟
نايف : مابي اخذ برا العايله !
طالعه الوليد بخبث : برا العايله هاه
طالعه نايف بحقد : م ودك تسكت!!!
غيث: والله اعرسو خلونا نفرح فيكم نبي نرقص ونتنكس بعروسنا وش ذا؟؟
بندر : هذا اللي همك تتنكس
غيث: نبي الفله ي قلب اخوك
طلال: والله م حسينا ب زواج سيف !
الوليد : اي والله م حسيت فيه !! ابي زواج فخم فخم
صقر : العوض فيني ماعليكم
غيث: انت بالاول القى بنت الحلال وبعدين تكلم ..
_
" سيف وميهاف "
بعد م وصلو للكورنيش استأجر كرسيين ارضيه
مع فرشه وقعدو قبال البحر اللي بمده وجزره يوصل لعندهم ! كان المكان بعيد عن الناس وهادي مظلم ! كان الجو رايق ! ويجيب الاسترخاء
حس ان هاذي فرصته حتى يكلمها بموضوع الحمل
: ميهاف
هي نطقت بنفس الثانيه : سيف
ضحكو !!
سيف : تكلمي
ميهاف : لا انت بالاول
تنهد وهمس: متاكده انك بتهتمين بحملك؟
همست : اكيد
سيف : خايف عليك والله
ميهاف : شدعوه ! بكمل مواعيدي وماراح افوت ولا موعد وبراجع عند دكتور والا دكتوره شاطرين يعني
سيف : العمر بإيد الله الدكاتره ماراح يفيدونك لا صار فيك شي ؟
ميهاف : شفيك متشائم
سيف : مو متشائم بس كثير حالات مرت علينا
وانتي اقري بنفسك ب المواقع ..
ميهاف بخوف بدت تحس بجديه الموضوع : يعنـ..ـي ! تبيني اجهضه !!!
سيف : يجوز بحالتك انك تجهضينه
قاطعته بنبره حاده : لا مستحيل
سكت بهاللحظه وهو يشوف انفعالها والدموع بعيونها !
ميهاف : والله ماراح
اسامحك ي سيف لو كنت مخطط انك تجهضه بدون
علمي !!
عقد حواجبه : كيف اجهضه بدون علمك
ميهاف : بتلقى لك الف طريقه وطريقه حتى تجهضه
تنهد : لاتوسوسين انا بس حبيت افتح هالموضوع واتأكد
اذا انك قادره تهتمين فيه والالا
ميهاف : ابيه !! لو ربي اراد انه م يتم حملي راضيه بس م اجهضه !!!
ابتسم بهدوء : لاتخافين ماراح اخليك تجهضينه اكيد
طالعته بخوف والحزن بعيونها : والله ؟؟
اتسعت ابتسامته : بتحملين وتولدين ان شاءالله وبنربيه مع بعض وبتجيبين غيره وغيره وغيره ابي منك ٩
شهقت بصدمه : ٩!!!!
اتسعت ابتسامته : ايه تسع ومايكفوني بعدد
طالعته بدهشه : بموت ع كذا
تغيرت نظراته لجديه : بسم لله عليك مابي اسمعها
طالعته باستغراب : لا اقوله مزح
سيف : حتى ولو مابيك تمزحين بهالشي ! مايعجبني
تنهدت بربكه : طيب خلاص ماراح اقوله
صد واخذ نفس عميق
رفع رجوله بحيث انه فيه مسافه بين ركبه وبطنه واتكئ
بايدينه ع ركبه وكفوفه ع وجهه زفر بزفره طويله
وهو مغمض عيونه كان كل تفكيره محصور فيها وب امه اللي تركته وب فشل عمليته وب اللوم اللي يلوم فيه نفسه
كأن هالبحر يحاول يمتص بشاعه ايامه ومشاعره
م حس الا بايدها وهي تمسك ايده بخوف
وتنزله عن وجهه لحظه م قربت منه فتح عيونه ولف يطالعها
اتسعت ابتسامتها بهدوء : ماحب اشوفك متضايق لاتخلي حياتك تعيسه ب تفكيرك وهالافكار السلبيه لاتكتم بداخلك
همسس : مافيه شي يشغل بالي غيرك وغير اللي ببطنك
اتسعت ابتسامتها بهدوء وتمسكت بايده بقوه : بنبقى معك ان شاءالله ولافينا شي ابتسم
طالعته بهدوء ثم صدت وهي تطالع بالبحر !! لهاللحظه ! لهالثانيه تلخبطت مشاعرها
وتغير حالها من ذكرت الصور والفيديوهات اللي ارسلتها وصايف حست بدناءه تصرفاتها ..
بلعت ريقها بضيق يكبت ويضغط ع صدرها
همس بنبره هاديه وهو يتأملها : ميهاف
لاشعورياً انسابت دمعتها ع خدها ضحك سيف
بدون م ينتبه لها وهي صاده عنه مسك وجهها
ولفها عليه : مين ماخذ بالـ..
تلاشت ابتسامته بهاللحظه لاستغراب : تبكين !!
قوست ثغرها وحنكها يرجف ودموعها تزيد وتزيد!! كان بوسط دهشته ! كيف وصلت لهالحاله بسرعه !! بوسط شهقاتها وهي بوسط نوبه بكاها وضعفها وهي ترجف والشهقات تاكل مخارج حروفها: اسألـ..ك
بالله تحللني اترجـ..ـاك سويت غلطه والله ماقدر اغفر لنفسي !
نغزه قلبه بهاللحظه !!
-
" بيت ابو صقر "
عبدالعزيز : يالله بلعب !!
غيث : اصبر خلني اكسر راسه بالاول
عبدالعزيز : وجع صقعته اربعه صفر بالاول والحين تبي تكمل م زهقت انت !!
دفه : قوم قوم خلني اكمل عليه
الوليد : اشوفكم تتهاوشون علي انت وياه تراي برضاي خليته يفوز لاتستانس انت الثاني
لا اكسر راسك انت بعد !!
غيث : اقول كل تبن بس جبت اربع اهداف
ب اقل من نص ساعه ببدايه المباراه وقاعد تتفلسف ي شيخ اتق الله بنفسك وقوم خله يلعب معي
طالعه الوليد بحقد !! الا عبدالعزيز مشى ل الوليد وسحبه واخذ اليد منه : يالله توكل ي حبيبي وخلك بس قهوجي
عدل الوليد ياقته ب حقد وهو يقلد عبدالعزيز : قهوجي مالت عليكم وعلى لعبكم ذا ! اخس فيفا
صقر وهو يقلب ورق البلوت بين ايدينه : يالله مين بيلعب معي ؟
مشعل : انا
نايف : وانا معكم
قرب الوليد بيقعد الا دفه صقر : لالالا انت م تتوب كم مره تخسر ؟
عبدالعزيز بضحك : قايل لك خلك ع قهوجي ابرك
قرب طلال : انا بلعب يالله
الوليد: هين انت وياه والله مردكم لي والله
طلال بضحك : ي شيخ روح فكر ع اي مطعم بتفطرنا فيه
الوليد بحقد : تخسون !
نايف بحماس : اسمعو نبي عقاب للي يخسر
صقر : حلو عجبتني يالله وشهو ؟
مشعل : عندي احساس انه عقاب !
ناييف : اللي بيخسر بينجلد !!
عقدو حواجبهم ب استغراب !!!
صقر :كيف ينجلد ؟؟؟
مشعل : كمل !!
نايف : بالشبشب الله يسلمكم
قاطعهم طلال : ي شيخ وش شبشب عندي اخوياي م يجلدون الا ب سيم والا خيزرانه
مشعل : بسم لله !
الوليد : حشى معتقل غوانتنامو !!!
نايف : من وين لنا خيزرانه ؟؟
طلال وهو يطق ايده ع صدره ب شهامه : افااا عليك معي بالسياره
صقر : يالله فز وجيبه
الوليد : الحمدلله والشكر اول مره اشوف اوادم يحبون ينضربون ويتعذبون !!
نايف : وخر لا اجلدك انا صدق !
طالعه الوليد بسخريه : شمر اكمامك ي حبيبي وتعال
قام نايف له اما الوليد واقف بدون اي حركه مسوي انه م يهمه !!!
مشعل : والله ي توأمي انصحك تنحاش ترا ذا له سنين ب الجيم !!
الوليد : هه يحسب اني خايف منـ..
م كمل كلامه الا رفعه نايف وطرحه ارض
انفجرو كلهم ضحك عليه !
نايف : اجل م تخاف !!!
قرب بندر بسرعه وانسدح ع الارض عندهم
بضحك يضرب بإيده ع الارض : 1.. 2 ..
صرخ الوليد : مشعلوه وجع افزع لاخوك ي التيس !
قام مشعل وهو يحاول يدف نايف بس م يقدر من قوه ضحكه
الوليد وهو كابح ضحكته ويحاول يعصب : قاعد اموت ياكلاب طالعوني
صقر بضحك : فكه حرام انكتـ..ـم !! م قدر بندر يكمل نزل وجهه ودخل بنوبه ضحك
كانو كلهم يضحكون بهستيريه ع شكل الوليد
وهو تحت نايف ووجهه مايل للاحمر وخده لاصق بالارض بقوه !!! لدرجه حمر !!
كانو يضحكون بشكل مجنون وهستيري ع شكله
نايف بضحك وهو فوق الوليد : هااااه اشمر اكمامي ؟؟
الوليد وهو بالقوه ينطق : وجع حتى وجـ.. اخخخخخ كتفي ي حمااااار
صقر وهو يالله ينطق من ضحكه : فـ..كه وجهه
قلب احمـ..ر
نايف بخبث : قول اسف عمي !!
توسعت عيون الوليد بصدمه : هاااااه !!!
نايف بضحك : قول اسف عمي نااايف يالله !
الوليد بانفعال : تخسي حتى تخسـ..
شهق لما ضربه نايف ع راسه : مايخسي احد غيرك
م حس نايف بهاللحظه الا هو طايح ع الارض
ع ظهره عقد حواجبه استوعب مشعل اللي
هجم ومسكه ويطالع ب اخوه : بسرعه تعال
قبل م يقوم !!!
حط الوليد ايده ع كتفه بألم : اصبر قاعد اتألم
نايف وهو يحاول يفك نفسه من ايدين مشعل
اللي صرخ : مو وقتك بعدين تتوجع ي حمار ع راحتك بسرعه بيقوم تعال انتقم !!!
قام الوليد ولف عليه وابتسم بابتسامه مكر وخبث : اعلمك مين عمك ي ولد العم انت !
طالعه نايف بنظرات ازدراء : تعال حتى افرشك بالارض انت واخوك !
طلال : تبي مساعده ؟
بندر بحماس : يالله يالله قوم اطرحه ي نايف وانت وليدوه ليه واقف ؟؟ وش تنتظر ؟؟ بسرعه خلص عليه !!
لف يطالعه الوليد : الحمدلله والشكر راضي عن نفسك ي الكبير ! انا قايل معتقل غونتنامو حشى مو اوادم !
طالعه بندر : نعم ؟؟؟؟
الوليد : نعامه ترفس بطنك ي ولد العمه
قام بندر : عيد عيد م سمعت !!
الوليد : مو مشكلتي اذا سمعك ضعيف !
رفع حاجبه بندر : والله ذا واضح انه يحكه ظهره ويبي له جلده !
الوليد : عاد برفسه باصبع رجلي وانت ف الزاويه تقل بريعصي مفلتين عليه بف باف مصروع !!
انفجرو كلهم بضحك ع طقطقه الوليد !
قرب بندر بسرعه رجع الوليد ع ورا وهو بيلف
ع الجهه الثانيه حتى يهجم الا كان بندر اذكى منه ومسكه وسحبه من جنبه وطيحه ع الارض
وثبته بندر بالارض ع طول !!!
مشعل بصدمه : وجع حتى بندر قدر عليك
ي النتفه ياخي انت متى استفيد منك دايم مجلـ..
انقطع صوت مشعل بهاللحظه لما بلمحه بصر سحبه نايف وخلاه تحته ..
صقر بصدمه : يمه اخواني بسم لله افترستوهم ي حمير !!
بوسط ضحك الشباب بهستيريه
-
سيف وميهاف "
نرجع ل ثواني معدوده ل ورا بلحظه م سيف
يسألها وهي شارده بذهنها بتفكير تطالع بالبحر : ميهاف !!!
استنكر صمتها ! رفع صوته اعلى شوي : ميهاف !!
مسك ذراعها : اكلمك !
فزت بهاللحظه ولفت عليه بسرعه طالعته والدموع بعيونها عقد حواجبه من عيونها الغرقانه بالدموع : شفيك !!!
لحظتها وكأنها استوعبت كل شي !!! كل اللي صار انه كان بلحظه تخيل منها !! انها تعترف له !! غمضت عيونها وارتخت اكتافها ب شبه ارتياح !
سيف ب قلق : شفيك تبكين ؟؟
فتحت عيونها بهدوء ورفعت راسها تطالعه
ب دقيقه صمت بينهم !! كانت عيونهم هي الناطقه !
تشجعت وقطعت حبل هالصمت بابتسامه متصنعه باهته : كنت افكر فينا وبمستقبلـ..ـنا
اتسعت ابتسسامته واتكئ ع ايده : بالله عليك ؟؟؟
ميهاف بنبره هاديه وبداخلها يأنبها ضميرها : ليه م يحق لي افكر ؟؟
اتسعت ابتسامته : الا يحق لك بس مابيك ترهقين نفسك بالتفكير اهم ماعندي صحتك !!
اتسعت ابتسامتها : ابشر من عيوني
طالعها بهدوء مسك ايدها وعيونه بعيونها ب ارتياح
: ماراح يصير الا كل خير ! كل عذابنا انتهى
طالعته بربكه وخوف وهي تسمع كلامه ! كان يناقض شعورها !! وبداخلها تتمنى لو انه يصير ! بس م تتوقع
الا العكس !! صد وضحك عقدت حواجبها بهاللحظه من ضحكته ! : ليه تضحك ؟؟؟
سيف وهو يحاول يكبح ضحكته بدون م يطالعها : ولاشي
ميهاف بغيض : وشهو ولاشي !!! الا فيه قول ليه تضحك
سيف : قلت لك ولاشي
ميهاف ب اصرار وعناد : الا فيه شي طالع فيني طيب !!!
نزل راسه يضحك
ميهاف بقهر : يالله طالعني !!!
لف عليها وابتسم : شبغيتي ؟؟
ميهاف : فيني شي يضحك ؟؟؟؟
عقد حواجبه وهو يحاول يكبح ضحكته بهاللحظه !
ميهاف : يعني فيه شي !!!
هز راسه بضحك : لااا
ميهاف : الا اجل ليه لاطالعتني ضحكت
سيف : ههههههههه تذكرت شي وضحكت
ميهاف بفضول : وشهو ؟!!
سيف : وش دخلك ؟
قربت منه وبعناد : بضحك معك طيب !!
سيف : يكفي انا اضحك م يحتاج تضحكين انتي !!
طالعته بغيض !! سيف وهو ممدد ذراعيه ع رُكبه اللي ضامهم لبطنه
قربت ميهاف واستندت بحنكها ع ذراعه وهي تطالع فيه بنظرات بريئه : يالله قول !
ميل راسه وبابتسامه ع نظراتها اللي اسرته : م اتخيلك ام !
تجهمت تعابير وجهها بغيض رفعت راسها : نعم !!
سيف بضحك : والله م تنفعين تكونين ام
شايل هم اللي ببطنك كيف بيكون عنده ام مثلك !
ضربته ع كتفه بقهر : لا والله !ع اساس انك الابو المثالي !!
سيف : والله رحمته ! اوك انا كبير وصابر بس هو بزر حرام وش بيعرفه بالصبر !
عضت ع طرف شفتها من القهر : اجل طلقني
وانا بكون امه وابوه وكل شي بحياته
استعدل بجلسته بهاللحظه : نعم بتحرميني منه؟
ميهاف وهي صاده عنه بثقه : ايه ليه لا
سيف بتهديد :اذا عدتي هالكلمه ماراح تشوفين نفسك الا بالبحر
لفت عليه ب غرور : بكون امه وابوه وعمته وخالته عمه جدته جده اللي يبيه وبيكتفي فيني وينسـ..
شهقت لما قام وشالها ايد تحت رجولها وايد
تحت ظهرها ولف : واضح تبين تنتعشين الليله !
ميهاف بصدمه تتلفت : مجنون انت !! نزلني
مشى فيها متوجه للبحر صرخت بهاللحظه : لالالالا سيف والله عبايتي جديده والجو بيبرد ومويه وقروشه لاااا تكفى الله يخليك اترجاك
لحد م وصل للبحر وهو بينزلها الا تمسكت فيه بقوه شاده عليه
سيف : فكيني !!!!
ميهاف : انت اللي فكني عن البحر والله بتغرق ملابسي وعبايتي وتراااب تكفى !!
سيف : ااااااخ جرحي !!!!
رفعت عيونها له بسرعه بصدمه ارخت ايدينها بسرعه الا احنى ظهره بشويش ونزلها ع طول شهقت من بروده المويه اللي غرقتها بكلها وهي تسمع ضحكاته المتعاليه ع شكلها
_
" الشباب "
صقر بصدمه : وجع شسويتو فيهم !!
غمز بندر ل غيث اللي ورا صقر ! فهم عليه
غيث بضحك هجم عليه طاح صقر
ع الارض ولف عليه بصدمه : شفيك صاحي ؟؟؟
عبدالعزيز بضحك : هههههه والله كلاب فوق انهم عازمينكم طارحينهم بالارض !!!!
لف غيث يطالعه بضحك : حبيت اسدح اخوهم جنبهم
م حس الا ب صقر يضربه ع راسه : بعقلك قوم لا ارفسك الحين !!
غيث : شد حيلك !!!
الا دفه صقر بالقوه وطيحه ع الارض
قام بندر بيفزع لاخوه استغل مشعل الفرصه
وسحبه من رجوله الا طاح بندر ع وجهه
انفجرو كلهم بضحك هستيري
طلال وهو يصفق من الضحك مو واعي بنفسه
رجع ع ورا م انتبه ل صينيه الفناجيل والكاسات وطاح
ع طرف الا شهق وطاح ع ظهره وطاحات الكاسات والفناجيل حسو انفاسهم انقطعت من الضحك المجنون اللي هم فيه !!
مشى له عبدالعزيز وهو ميت ضحك ووجهه مايل للاحمر
يحاول يمسك طلال وبالقوه ينطق: قوم لايشقك الكاسه
طلال ب تألم : الله ياخذه مين ذا الكلب
اللي حاطط كاسته هنا !!!
صقر بضحك : قعدت عليه !! قومه عبدالعزيز : ضاع مستقبلك
الا انصرعو ضحك لما وقف طلال كان ناشب الفنجال ب ثوبه من وراا
كانت حالتهم مثل المجانين اللي يضرب الارض من الضحك
واللي ماسك بطنه م يقدر يوقف من ضحكه
طاح عبدالعزيز ع الارض من شافه
بضحك هستيري !!! م تحمل اشكالهم طلال لف ع وراه لحظه م شاف
الفنجاال انفجر بضحك ع نفسه طلعه : وجع حجامه طبيعيه !!
نايف بضحك : والله ماتترقع !! بغيت تنهي مستقبلك
اخذ طلال الفنجال ورماه ع اخوه ابتعد نايف بسرعه
الا صقع الفنجال ب جبهه الوليد
شهق طلال بضحك : اوووح اووووح والله ماشفت
حط الوليد بايده ع جبهته وبحلطمه : ليه انا ليه ياربي مين داعي علي اليوم
صقر بضحك : والله رحمته قوم وانا اخوك اخذ بثارك قوم
مسك الوليد الفنجال وضربه براس نايف
اللي شهق من الالم لاشعورياً حط ايده ع راسه !!
لف على الوليد: خير !!!
الوليد : اخوك يبغاه فيك مو ذنبي
قام نايف وصفقه ع راسه بوسط محارشاتهم لبعض
وضحك واصواتهم العاليه م انتبهو لابونايف اللي
شده الازعاج ودخل وقف ب ذهول بالفوضى والحال
اللي هم فيه !!! انتبه له مشعل لف يطالع بالشباب اللي مو منتبهين
له ومكملين محارشات ومضاربات وضحك !
مشعل بصصوت عالي يبي يلحق ع الوضع : ياهلا ومرحبا بعمي ابو نايف !!!
لفو كلهم وعم المجلس الهدوء فجأه
لما طالعو ب ابو نايف اللي يطالعهم بنظرات
ازدراء : بعقلكم انتم داخل مجلس رياجيل ولا
مستشفى شهار ؟
" ميهاف وسيف "
طالعته بحقد وهي قاعده ببدايه البحر !!! : والله مالك داعي !!
سيف وهو يكبح ضحكته : والله يبي لك صوره
شهقت لما طلع جواله وفتح الفلاش
صدت ورفعت ايدينها تغطي وجهها صورها اكثر من لقطه
وبضحك فتح الفيديو : والله بتكون ضحكه ل سنه قدام بطالع بهالفيديو وبخلي عيالي يشوفونه
ميهاف : تعال ساعدني ماقدر اوقف احس ثقيله
قرب بضحك مسك بيمسك ايدها الا مسكته بكل ايدينه
وسحبته طاح بجنبها انفجرت بضحك
هستيري لما غرق كله بمويه !!
ميهاف بضحك : تستاهل !!!
رفع وجهه اللي كله متبلل من المويه
وهو يتنفس بسرعه بعدم استيعاب !!! حرك راسه يمين ويسار بسرعه ينفض المويه عن وجهه وشعره لف عليها وهو يسمع ضحكها فتح عيونه يطالعها بحقد !!!!!
ميهاف : لاتطالعني كذااا والله انت اللي بديت !!
نزل راسه وغمض عيونه : سويتيها اجل مافيه شي يضحك
ميهاف بتحسف : قهر مامعي جوالي والا كان صورتك بهالوضعيه !!
قام سيف بحقد : م خفتي ع جرحي لو صار فيني شي ؟
ميهاف : انت م خفت ع حملي طيب ؟؟
سيف : فيه فرق بين الحمل والجرح لو صار فيني شي مين بيساعدني انتي مافيه احد اعرفه بالشرقيه يكون معي ومعك !!!
عقدت حواجبها من شافته يتكلم بجديه !! سيف : شهالسخافه اللي فيك غصب تبين تنكدين علي غصب ؟
ميهاف باستغراب : شفيك اخذت الموضوع بجديه ؟
سيف : ماقلت امزحي !! الا امزحي عادي بس موب بهالحركات الغبيه ذي !!
قامت ميهااف ع حيلها بقهر تطالعه : حركات غبيه اذا تشوفها حركات غبيه ف انت اول من سويتها مو انا !!
سيف : مزحت معك مزح خفيف ! وبعدين انتي نزلتي بنفسي م رميتك ولا سحبتك وين الضرر بالموضوع شايفته مثلك لما سحبتيني مثل المجنونه !!!
رفعت حاجبها بدهشه واستنكار للي يقوله !!!
سيف : امشي نرجع لاعادت من طلعه !!
ميهاف بقهر : دقيقه دقيقه شقلت ؟؟؟
لف عليها : سمعتيني !!!
ميهاف بقهر : انت تحب المشاكل انا امنت بهالشي مستحيل نستانس الا تبي تنكد وتتهاوش !!
سيف : م انكد بس متى تفكرين بعقلك ؟؟ متى ؟
عقدت حواجبها : ليه شقالو لك مجنونه ؟
سيف : طيب امشي نرجع
ميهاف : لاتسكتني !!
سيف : ماسكتك !!
ميهاف بغيض وقهر : انت فيك شي ؟؟؟؟
عقد حواجبه : وش بيكون فيني انفصام مثلاً ؟
ميهاف : جايز ماستغرب عليك شي !!
سيف : دقيقه دقيقه اجل تقولين ان فيني انفصام ؟
ميهاف بغيض : ماقلت !!!
شفت انك تقلب الكلام !! ترا كلها طيحه !!!
سيف : الطيحه ذي خلت جرحي ينفتح بهذاك اليوم !! اذا انتي مستهينه فيها !!
ميهاف : انت م خفت علي !!!
رفع حاجبه باستنكار : اخاف عليك كيف وانا منزلك بايديني للمويه !!! عقلك فيه شي !!
ميهاف : لا مافيه شي بس انت بنفسك م خفت ع جرحك لما شلتني !!!
سيف : اشيلك اي بس م رميت نفسي والله بوسط
البحر !
ميهاف : مو كأنك بالغت شوي !!
سيف : م بالغت بس ابيك تفكرين بعقلك ! انا مو متزوج لي بزر !!!!
فتحت عيونها بدهشه : بزر !!!
سيف : ايه !!
ميهاف : انت اللي غصبتني ع هالزواج ! انت
اللي بغيتني مو انا اللي وافقت حباً فيك ترا وافقت لاني مجبوره !!!! استوعب !!!
سيف : مستوعب ! بس بالعشرينات انتي يعني
حركات المراهقين ولت !!!
رفعت حاجبها : حركات مراهقين ؟ انت اول من بديت فيها !!
سيف : مزحه كانت
ميهاف بقهر وانفعال : حتى انا كانت مزحه ..
سيف : تدرين شلون امشي اركبي يالله بنرجع
للرياض ! م يفيد معك لا طلعات ولا سعه صدر !! مدري وين كان عقلي لما اخذتك !
طالعته بقهر : بالله عليك !!!
سيف : امشي واركبي بسرعه !!!
ميهاف : برجع بس مو ع البيت !!
عقد حواجبه : ع وين اجل ؟؟ ميهاف : عند اهلي
رفع حاجبه : ع كيفك !!
ميهاف : اجل ع كيفك !! بقعد عندهم ارتاح لين
يطيح اللي براسك
سيف : مو براسي شي بس انتي حركاتك سخيفه !
ميهاف بهمس صدت بتأفف : مالسخيف الا انت !
سيف : شقلتي ؟؟
لفت عليه ونطقت بدون نفس : ولاشي
سيف : الا قلتي شي
مشت بتتعداه وهي ترفع نقابها بتلبسه : يالله نرجع
مسكها من ايدها : لحظه لحظه !!
لفت عليه طالعت بايده ثم رفعت عيونها تطالعه !! الا لحظه م اتسعت ابتسامته !
استنكرت وقتها ضحكه !!
ميهاف : وش اللي يضحك ؟
سيف : ههههههه زعلتي ؟؟
ميهاف : لا
مسك حنكها بايده وقرب بابتسامه : الا زعلتي !! والله امزح معك والله
تجهمت تعابير وجهها بغيض ضربته ع صدره
: وجع مزحك سامج
رجع ع ورا بضحك وتألم : بشويش !
ميهاف : والله سخيف والله !!!
مشت بتلف الا سحبها : دقيقه اذا بتزعلين والله
لا ارميك بالبحر !
ميهاف بقهر : اااي زعلت !!!! وخر عني
سيف : اكيد !!
ميهاف : فك ايدي !!! الا شالها شهقت الا هو يضحك ! : يالله !!!
ميهاف بغيض : نزلني !!!
سيف : انتي تعانديني !
ميهاف بقهر : مو تقول جرحك يعورك لما سحبتك !!
ضحك : امزح معك ي المجنونه
ميهاف : اي مجنونه يالله نزلني !!
سيف : بتسكتين وترضين والا ارميك بالبحر من جديد !
ميهاف بحقد وتهديد : والله ياويلك !
رفع حاجبه : نعم !! تهددين !! شكلك م تبتي !!
عقدت حواجبها وهي تطالعه الا لما مشى فيها
حاوطت ايديها حول رقبته بسرعه وشهقت : لالالا امزح والله امزح انا اهدد نفسي والله اهدد نفسي تكفى خلاص متقرفه من نفسي
كلي مويه !!! وقف والمويه ب مد وجزر عند رجوله
رفعت راسها بهاللحظه بهدوء بشك الا هو يطالعها مبتسم : سحبتي كلامك الحين ؟
هزت راسها ب ايه : خلاص ماراح اعيدها !! نزلني بعيد الله يخليك والله فيه هوا وبردت
اتسعت ابتسامته : برجعك بس بشرط !
عقدت حواجبها : وشهو ؟
سيف : عطيني بوسه
طالعته بحقد ونطقت بسرعه بدون م تستوعب : تهبي !!!
رفع حاجبه بدهشه : اههبي ؟؟؟؟
بلعت ريقها بهاللحظه بمراره : لالالالااااا انا اللي اهبي والله طلعت بالغلط والله.
سيف : بس كانت ب قلبك !!
ميهاف : لا مو بقلبي !
سيف : زوجك انا ليه م تعطيني !
ميهاف بضيق : مابي !!
وهو بينزلها الا تعلقت وتمسكت فيه بقوه ودفنت وجهها
بصدره : لالالااااااا الله
يخليك لاااااا
وقف : هااه شقلتي !
ميهاف : م تعودت
سيف : انزلك ؟؟؟ رفعت راسها تطالعه !!
سيف : بسرعه ب عد لثلاثه ان م عطيتيني
بنزلك !!
طالعته بحقد !!!
سيف : واحد !! اثنين !
ترددت بهاللحظه !
سيف : ثلاثـ..
الا قربت بقوه وباسته بلحظه سريعه بوسط
دقات قلبها المضطربه !! جمد بهاللحظه بدهشه انها سوتها !
م حس بنفسه الا اختل توازنه طاحت
وطاح فوقها
صرخت لما المويه دخلت داخل ملابسها
والطين : لااااا اوووف
رفع نفسه عنها وهو وجهه قبال وجهها ضحك
: ربي كاتب لك تطيحين ! ضربته ع صدره : والله كذاب انت وجع
قام عنها بضحك ووقف مد ايده : يالله امشي
مسكت ايده وقامت بحلطمه : شلون بنركب السياره ؟
رفع حاجبه وبنظرات ازدراء : عادي فيه مغسله سيارات اتوقع !
ميهاف : كيف نمشي قدامهم !!!
عقد حواجبه : قدام مين ؟؟
ميهاف : بالفندق ؟؟؟
سيف : شعليك امشي بسرعه وادخلي الاصنصير !! يالله خلينا نرجع نرتاح شوي وبعدين الصبح نجي نفطر هنا
تنهدت : طيب
مشو وركبو السياره رجعو للفندق بعد م وصلو
التفتت ميهاف بشك : اخاف فيه احد باللوبي انت عاد شكلك تحفه !! كلك طين !
سيف : ماشاء الله محد قال لك م تسحبيني !!!
صدت بضحك : والله تحفه كنت !
نزلو من السياره
ميهاف بهمس : انت اطلع قدامي وانا وراك
سيف : عشان م يشوفونك هااه !! اعرف هالحركات
صدت بضحك : يالله بسرعه
تنهد ودخلو بهدوء بسرعه يحاول يوصل للاصنصير اللي حس انه بعيد من قوه م هو متفشل من شكله المبهذل!
لحظه م دخلو الاصنصير بسرعه ع اساس بيرتاحون الا انصدمو من العايله اللي فيه !! سحب ميهاف ع اساس بيطلعون بس قفل بوسط
انظار العايله فيهم باستغراب من اشكالهم ! وكأنهم
كانو ب طين وطلعو !!! اما ميهاف صاده ب فشله
مسكت ايد سيف تضغط عليه ! وهو كابح ضحكته !
كانت اشكالهم تشك وتفجع !!! لحظه م انفتح باب الاصنصير طلعو بسرعه
سكر الباب الا قفل ع عبايه ميهاف حست شي يشدها ع ورا صرخت
بخوف لف سيف عليها الا توسعت عيونه بصدمه مسكها بسرعه ..
"الشباب"
طالعوه ب انحراج !! ابو نايف وعيونه تتنقل حول المجلس بنظرات ازدراء : وش ذا كله !!!! وش هالمصخره اللي انتم فيها مراهقين والا رياجيل ؟؟؟
نايف بتردد : نمزح بـ..
قاطعه ابوه لما طالع فيه : هذا تسميه مزح عذر اقبح من الذنب لاتفكر تتكلم وتبرر مره ثانيه!
كبحو ضحكهم ع شكل نايف !!
دخل ابو نايف ب صرامه : يالله نظفو
طالعو ببعض ثم طالعوه ب استغراب !!
نطق صقر : افاا ي عم الخدامات موجودات م يحتاج ننظفـ..
قاطعهم ابو نايف :رجال وش طولك وعرضك وتعتمد ع خدامه !!!
صد غيث م قدر يتحمل وانفجر ب ضحك !!
ابو نايف وهو يخز غيث : وانت بس تكهكه يالله
نظف معهم !
لف يطالعه غيث وهمس : ابشر
قامو ينظفون المكان وشال مشعل صينيه الكاسات والفناجيل ووداه لداخل حتى يغسلونه
بعد م خلصو قعدو !
ابو نايف : وينه ابوك ؟؟
صقر : امس جا بس م طول وطلع
ابو نايف : وين راح ؟؟
صقر : مدري والله
بندر : كيف م تدري يختفي بالايام ولا تدوره ؟؟
صقر : لادقيت عليه م يرد ويقفل جواله ولايحب احد يزعجه ! ف نخليه ع راحته
ابو نايف : الشكوى لله متى يترك عنه هالطبع
دخل مشعل ب صينيه الفناجيل والكاسات وقعد
اخذ نايف فنجالين وبدأ يضيف ابوه وباقي الشباب
ابو نايف : ابوك شكله مطول بالرد !
عقد صقر حواجبه : اي رد ؟؟
ابو نايف : مامن احدن غريب هنا !
طالعوه الشباب بغرابه !
فهم نايف ع ابوه نزل راسه وابتسم ورفع فنجاله يرتشف قهوته
ابو نايف : خطبه نايف ل اختك
غيث : ماشاء الله !
عبدالعزيز : لحظه لحظه ! نايفوه خطبت تبي تعرس !!!
ضربه ع كتفه : من قدك والله !
نزل نايف فنجاله : م صار شي لسى !
ابو نايف : بيصير بيصير ان شاءلله
الا الشباب بضحك يمازحونه ع انحراجه ..
_
" ميهاف وسيف "
بلمح البصر تدارك الوضع وسحب عبايتها بقوه من الاصنصير وانقطعت اطرافها
لفت ميهاف بسرعه عليه وهي ب انفاس سريعه
ب ذهول وخوف قلبها مثل الطبول !!
نزلت ميهاف عيونها وهي مرعوبه
تطالع ب نفسها رفعت عيونها ل سيف ب استنكار يضحك
كشرت بغيض : وجع لاتضحك والله بغيت اموت
سيف بضحك هستيري : م شفتي شكلك لما سحبك الاصنصير ..
وقتها طلعو عايله من الجناح حقهم !
مشت ميهاف بسرعه وصارت ورا سيف ب انحراج
سيف وهو يبعد ب عناد كابح ضحكته و هي تتمسك فيه بقوه وتهمس
: وجع لايشوفوني مبهذله كذا
سيف : كلهم حريم خليهم يكحلون عيونهم فيك
ضربته ع ظهره بغيض : لاتصير سخيف والله
متفشله غط علي ..
مسكها وسحبها لقدامه وقدامهم وسط دهشتها!!
وهو كابح ضحكته !!! طالعوها الحريم باستنكار واستغراب من حالتها المبهذله !!!
لفت ميهاف بسرعه وعطت ظهرها
لهم ووجهها بوجه سيف !
عضت ع شفتها بغيض وقهر وبهمس : والله مااعديها !
عقد حواجبه وابتسم : افااا مزحه ترا !
ضربته ع ايده من الفشله وبصوت واطي مغبونه : وش هالمزح !!
سيف بضحك : تراهم وراك يسمعونك
رفعت راسها تطالعه بصدمه من صوته العالي
وكأنه يسمعهم !!
لفت وراها الا هم واقفين يطالعونها ويخزونها !! لفت عليه بغضب مسكت ايده وسحبته : بسرعه لغرفتنا
ضحك ع حالها : بشويش ايدي بتنقطع !!
ميهاف بغبنه : امش معي قلت !!!
سيف : اسمعيني بالاول !
ميهاف بعصبيه : مابي اسمع شي امشي
صد بضحك واستسلم ومشى معها
لحظه م وصلو لنص الممر وقفت وعقدت حواجبها وهي تتلفت حواليها : وين غرفتنا ؟
سيف : جناحنا !
طالعته بغيض : اللي هو !!
ابتسم : مدري !
ميهاف بقهر : بسرعه وين !! ترا سيف انا حامل وتعبانه لاتزيد علي
سيف بضحك : الممر اللي ورانا
بققت عيونها بدهشه لفت وراها كان بعيد ! لفت عليه بصدمه : شلون وليه ماعلمتني !!
سيف : انتي سحبتيني !! وكنت بقولك بس سكتيني شفتي مالي علاقه ! بريئ
طالعته بغبنه !!!
سيف : الغلط غلطك سكتي؟!
فكت ايده ولفت ومشت
قاطعها بضحك لما ابتعدت : اضحك عليك
مو من هالممر ! ارجعي ارجعي
عقدت حواجبها ولفت عليه
سيف وهو يحاول يكبح ضحكته : تعالي نهايه هالممر اللي انا فيه
ميهاف بقهر وعصبيه : تستهبل !!!
سيف : شسوي هاذي مشكلتك كل شي تصدقينه !! مشت لعنده ب غبنه تجاهلته وتعدته ..
سيف : ههههه وش هالنار والشرار طيب خليني ادلك ؟؟؟
تجاهلته وكملت تمشي وقف عند باب الجناح
وهي مكمله تمشي قدامه قاطعها بضحك : دقيقه دقيقه مضيعه ارجعي الجناح هنا !
وقفت ولفت عليه لما شافته واقف عند الباب
تنهدت ب ضجر مشت لعنده بس مشى لها وقفت مستغربه
وهو يضحك : امزح معك
واشر لوراها ع الباب اللي ع يمينها : هذاك الجناح حقنا !
رفعت حاجبها وهي تغلي من الغبنه !!!
سيف وهو كابح ضحكته : احسك ودك تشويني
من القهر اللي فيك !
ميهاف بقهر : اششويك وبس ؟؟؟
سيف : هههههه نظراتك تكفي !
ميهاف بقله صبر : بسرعه اخلص !!
تنهد ومشى قدامها وفتح الباب ودخلو ودخلت ميهاف للحمام " يكرم القارئ" بسرعه تاخذ لها شاور من بعد هالبهذله !!!
_
" الشباب "
قاطعهم بندر بهمس : وينه سيف م شفته صح !!
صقر : سافر للشرقيه
ابو نايف : عشان كذا اجل الاستراحه والعشا اللي له !
صقر : يبي يريح شوي بعيد ان شاء الله نهايه الاسبوع وهو جاي
ابو نايف : هذا ابوك واخوك م يقعدون !!!
مشعل : الحب يطلع ع بذره ي عم
ابو نايف : انا مدري وين شغله !!
غيث : هو توظف والا رجع لوظيفته بذاك المستشفى ؟
صقر : لاتوظف ب مستشفى جديد
ابو نايف : ماشاءالله تبارك الله مابغى يستقر
ويتوظف ..
_
" سيف "
وهو طالع من الحمام " يكرم القارئ "
وينشف شعره ب فوطه صغيره
دخل لغرفته انتبه لجواله اللي يرن ع الطاوله مشى له ورفعه عقد حواجبه من الرقم !
رد ورفعه لاذنه : الو
طلعت ميهاف من الحمام دخلت للغرفه شافته
يكلم ! تجاهلته فتحت شنطتها وطلعت لها بجامه
اخذتها معها ورجعت للحمام ولبستها
طلعت وقفت قدام
المرايه فكت الفوطه وبدت تمشط شعرها وهي تطالع ب انعكاس سيف ع المرايه : طيب والدكتور المناوب الحين ماقدر طيب خله هو يمسك حالته ! .. ليه يرفض ؟
ادري انه مضغوط بس مابي امسك هالحاله بهالوقت !
بعد الحاح من المدير تنهد سيف تنهيده عميقه واستسلام : طيب خلاص
المدير : بكره ان شاء الله تكون موجود !
سيف بدهشه : بكره انا مسافر الحين !!
المدير : الحاله طارئه م تستحمل التاخير والله
وهاذي امانه وذمه تحولت جميع اوراقه الرسميه ل مشفانا !
حط ايده ع جبينه يضغط بقوه : خلاص بكره العصر يكون موجود عندي
المدير بابتسامه : ان شاء الله يالله ف امان الله
سيف بتنهد نزل ايده : بحفظه
تأفف : ان لله !!!
عقدت حواجبها ولفت عليه : شفيه !
سيف : جهزي اغراضك بكره الصبح بنمشي
للرياض !
رفعت حاجبها بدهشه : تمزح !!!
سيف : والله
ميهاف : ليه عسى ماشر !
سيف : فيه حاله لازم ارجع وامسك حالته
ميهاف : طيب م ينتظر ؟
سيف : حالته م تتحمل التأخير ابد !!
تنهدت : اوك مو مشكله
لفت وكملت تسرح شعرها قام ومشى لها
حضنها من ورا وحاوط ايدينه ع بطنها واستند
ب دقنه ع كتفها وهو يطالع ب انعكاسها ع المرايه
ابتسم بابتسامه هاديه بتأنيب : اسف
ابتسمت : لاعادي شدعوه قدامنا سنين نسافر فيه ان شاء الله
_
" بيوم جديد "
الساعه ١٠ ونص "
بعد م وصلو وقف سيارته داخل
ونزلت ميهاف ونزل من بعدها نزل الشنط
وحطهم بداخل البيت نزلت شنطه ايدها ع الطاوله
سيف : قفلي الباب وراي ولاتفتحينه لأي احد !
عقدت حواجبها وهي تطالعه : ليه؟ بتروح ؟
سيف : ايه بروح للمستشفى تأخرت
رمشت باستغراب : طيب
سيف بتأكيد : لاتفتحين الباب لاوصيك !!
ميهاف : اوك
لف وطلع قفلت الباب وراه ركب سيارته وحرك بسرعه
ميهاف وهي بتفصخ عبايتها الا بهاللحظه
جمدت وتسمرت بمكانها
لما طلع من المطبخ بابتسامه السخريه مرتسمه ع ثغره : الحمدلله ع السلامه
طالعته برعب رجعت بخطوه ع ورا وهي ترجف ! : كيـ.. كيف دخلت ؟
... بابتسامه : مو صعبه علي لابغيت مكان اوصله ولو كان تحت الارض !
بلعت ريقها بمراره : شتبـ..ـي
اتسعت ابتسامته : احب اللي يفهمني وبدون لف ودوران
_
" المستشفى "
بعد م وصل ركن سيارته ونزل دخل للمستشفى وتوجه ل مكتبه لحظه م دخل ولبس البالطو انتبه للملف اللي ع مكتبه اخذه وفتحه وهو يتصفحه عن حاله
المريض علي اللي بعمر ٩ سنوات
رفع سيف عيونه للي دخل !
المدير بابتسامه : السلام عليكم
نزل سيف الملف : وعليكم السلام
المدير : معليش قطعنا عليك اجازتك بس صدقني الحاله م تتحمل التأجيل ابداً !
قعد سيف ع الكرسي : م خبرتو اهله ان له موعد
هنا اليوم ؟
المدير : الا اكيد ع اساس بيكون العصر بس
صار ظرف لهم ! حالته تزداد سوء ف قدمناه
سيف : طيب ليه بغيتني انا اللي امسك حالته ؟؟
قفل المدير الباب ومشى وقعد وهو يطالعه : هم اللي طلبوك !
عقد سيف حواجبه : كيف يعني ؟
المدير : لك سمعتك المعروفه بين الاطباء المشهورين بهالمجال والناجحين ! عشان كذا جو للمستشفى لما عرفو انك توظفت هنا
رفع سيف حاجبه : بس حالته صعبه هذا وانا بس قريت اول سطرين من اللي مكتوب ب ملفه !
المدير بتنهد : انت اخر امل له !
سيف : حالته تستدعي عمليه !!
المدير : عارف وانت قدها ان شاء الله
سيف : ماقدر اسوي هالعمليه !
عقد المدير حواجبه باستغراب : ليه !
سيف : الدكتور المنـ..
قاطعه المدير : انت اخر امل له ي د. سيف ! لاتترك طفولته تنتهي بسبب هالمرض الخبيث ! من بعد الله اهله وهو معتمدين عليك !
قام : كلنا امل فيك انك بتكون قدها وانت قدها ان شاءالله يالله بروح لا اشغلك موفق يارب
ولف وطلع ! استند سيف بايدينه ع المكتب وغطى وجهه بكفوفه وتنهد بتنهيده عميقه بتعب رفع راسه بهاللحظه لما دق الباب همس : تفضضل
انفتح الباب دخل طفل ب منتهى البراءه ب ابتسامته اللطيفه اللي تأسر القلب !!
قام سيف وابتسم
مد ايده ابو علي : السلام عليكم
صافحه سيف : وعليكم السلام
نزل عيونه ل علي نزل لمستواه : علي ؟
هز راسهه ببراءه بمعنى ايه
اتسعت ابتسامته ومد ايده : انا دكتورك وصديقك سيف
رفع عيونه علي لابوه اللي ابتسم : سلم عليه ي بابا لاتخاف
طالعه الطفل ولف يطالعه سيف بابتسامه !
رفع ايده علي الصغيره وصافحه سيف اتسعت ابتسامه سيف
قام وشال علي وحطه ع السرير : هوباااا خلك مؤدب واقعد بكلم ابوك وبرجع لك
هز راسه الطفل ببراءه بمعنى ايه
لف سيف بهدوء ومشى وقعد ورا مكتبه : تفضل
قعد ابو علي والهم يتقمص ملامحه بحزن
: طمني ي دكتور !
نزل سيف عيونه وهو يتصفح ملف علي والاوراق ب تحاليله و الاشعه ب انواعها !
رفع عيونه لابوعلي : من متى سويتو هالاشعه ؟
ابو علي : اخر وحده قبل يومين هنا بالمستشفى !
رفع سيف حاجبه : هنا ؟؟
ابو علي :الورم سيطر على مخه والاعصاب
مثل م يقولون م عاد يحس ببروده المويه ولا حتى بحرارتها ي دكتور !! السمع عنده ضعف ولاعاد يفهم علينا كثير
سيف : مو تأخرتو ب العلاج والعمليه ؟؟
ابو علي : مافيه احد رضى يسوي العمليه الا بفلوس وتكاليفها والله مو بمقدوري حاولت اخذ قرض بس رفضو ! قد م اقدر احاول اغطي تكاليف ادويته انا واثق فيك من بعد الله انك بتساعده والله املي فيك
نزل سيف عيونه بهاللحظه وبداخله شعور مر بتردد
وكأن ايامه التعيسه اللي عاشها مع مرض امه ترجع
له وتنعاد !!
ابو علي بضيق اجتمعت الدموع بعيونه : تكفى ي دكتور هو ولدي الوحيد مارزقني ربي ب احد غيره لا تخليه رجيتك!
رفع سيف عيونه بهاللحظه له يطالعه ب تردد وشفقه
ابو علي بضيق : مالي الا انت من بعد الله عز وجل
والله ان امه م تنام الليل من تفكيرها فيه !! والله قلوبنا تتقطع وحنا نشوفه يتقلب ع سريره من الوجع ويبكي م عادت تفيد الادويه معه
مرر سيف بلسانه ع شفته السفليه ونطق بلحظه سريعه : لازم تدخل جراحي ! راح يكون ليوم الخميس بإذن لله
عمليته الساعه ٨ الصباح ..
تهلل وجه ابو علي ب فرحه يخالطها خوف : الخميس هذا ؟
سيف : شفت اشعته وفحوصاته ! الورم يتقدم م يستحمل التأخير ابداً !
اومئ ابو علي راسه ب استسلام وقله حيله : ان شاء الله
سيف : بيجهزون اوراق الموافقه ع العمليه ننتظر بس توقيعك عليها ومن اليوم بيتنوم عندنا بالمستشفى الى
يوم العمليه ..
_
" ميهاف "
نطقت بنبره حاده وجلفه : مستحيل اسوي شي شي يضره
عقد حواجبه ... : بس انتي سويتي وخلصتي !
سكتت بهاللحظه ب ضيق ..
" سيف "
بعد م طلعو من المكتب وسيف ماسك ايد علي : بنعرفك ع اصدقاء جدد
طالعه علي باستغراب مو فاهمه !
وقف سيف وطالعه : بيكون لك اخوان بتلعب معهم كثير هالايام فهمت علي ؟؟
هز راسه ببراءه ابتسم سيف ومشو
رفع الشخص جواله وصور سيف من بعيد مع الطفل وارسله ع المجهول ..
_
" عبدالعزيز "
وهو بعز نومه قطع عليه رنين جواله
فتح عيونه بنعاس وضجر : اوووووف !!! رفع ايده يدور جواله ع الطاوله الى م حصله
سحبه ورد بدون م يشوف الرقم : همممم
نطقت بضيق ومن بين شهقاتها : ليه خليتني ؟؟؟
عقد حواجبه بهاللحظه من هالصوت !! فتح عيونه ورفع نفسه : ممين ؟؟
الجوهره بحزن : نسيت صـ..ـوتي حتى ؟
عبدالعزيز بتنهد نزل راسه : ي بنت الحلال اسمعيني انا ماقدر !! ماقدر اتزوجك خلاص م صار نصيب وهذا اللي ربي كاتبه صعبه اني اتزوجك ! انتي نصيبك مو معي !! امسحي رقمي وانسيني خلاص كلن بطريقه
نزلت دمعتها ب انكسار وهمست : الله يوفقـ..ـك
بحياتك
عبدالعزيز : امين وانتي بعد
الجوهره : مشكـ..ـور على كل شي
عبدالعزيز : ماسويت الا الواجب
الجوهره بهمس : ماراح اضايقك وبمسح رقمك .. مع السلامه
تنهد : فآمان لله
قفلت الخط ب انكسار وضيق !
اما هو رمى جواله رفع راسه وتنهد بتنهيده عميقه : مجبور ي عبدالعزيز !!! هذا هو الصح ! انت كنت بتظلم نفسك وتظلم البنت معك !!!
قعد شوي يحاول يجمع افكاره !! ثم تنهد وقام ..
_
" بيادر"
دقت عليه مره مرتين الى م وصل لمسامعها صوته الناعس : هممم
بيادر : نااايم ؟؟؟؟
نايف بصوت ناعس : صباحي بصوتك الحلو
بيادر : لاتصرف ! للحين نايم !!
نايف : شسوي ماخليتيني انام البارحه
بيادر : تمزح !!! امس قفلت ١ ونص !! ليه م نمت!
نايف : طيب احبك
غمضت عيونها بهاللحظه وهو يعرف ب نقطه ضعفها
ابتسم : استحيتي ؟
بيادر : اووف منك اوف
نايف : طيب اعشقك !
بيادر : يالله بقفل بنزل افطر
نايف : ارجعي نامي معي
بيادر : قووم يالله
اتسعت ابتسامته : طيب ..
_
ميهاف "
تشجعت وردت : اطلع برا
اتسعت ابتسامته : متأكده ؟؟؟
ميهاف بعصبيه وصراخ : اطلع برا
... : افا ترا العصبيه مو زين لك لاتنسين انك حامل
تجهم تعابير وجهها بصدمه !!!
... : انتي بتموتين بسبب اللي ببطنك !! وهو بيموت بسبب مرضه !
مشى حتى يطلع وقفته ميهاف بوسع عيونها
من الصدمه : شقلت !!ااي مرض كلمني هيييه !!
لف عليها واتسعت ابتسامته : بجهز قبوركم وبقوم بواجب العزا لاتخافون
لف وطلع بوسط انهيارها من الصدمه !!
-
" بيادر ونايف "
نايف : عطيني بوسه واقوم
رفعت حاجبها باستخفاف : بالله ؟؟
اتسعت ابتسامته : افااا م تبين تعطيني ؟
بيادر : لاطبعاً
عقد حواجبه : خطيبك وحبيبك ! وبصير زوجك
وماتبين تعطيني !
بيادر : لاااااا
غمض عيونه بدهشه رفع حواجبه : اوكك بعديها
هالمره بس خلينا نتزوج ..
نزلت راسها وابتسمت !
فتح عيونه وابتسم : اشوف سكتي ؟ يعني موافقه
تلاشت ابتسامتها : يالله يالله قوم بس
تنهد : طيب بقوم اوووف ! الناس تصبح ع كلام حلو مثل قوم حبيبي يالله اشتقت لك ! وانا اقوم ع صراخ وتهديد !
ضحكت : ي حياتي زعلت ؟
نايف : اااي بزعل اكيد يالله عطيني بوسه وبرضى
بيادر : بنزل تأخرت عليهم شوي اكلمك
تنهد بتأفف : الشكوى لله نصبر
بيادر : يالله باي
نايف : لحظه لحظه !! عقدت حواجبها : شفيه ؟
نايف : وين كلمتي م قلتيها ؟
استنكرت لوهله ! ثم ابتسمت لما استوعبت : اهااا
نايف : ااي ؟؟؟
اخذت نفس عميق وهمست : احبك
ابتسسم : وانا بعد
بيادر : يالله خلني انزل
نايف : اوكك باي
بيادر : باي
قفلت الجوال ونزلت ..
_
" ميهاف "
بعد ساعتين
بالصاله ع الكنب منحنيه ظهرها وحاطه ايدينها
ع راسها تحاول تستوعب اللي قاله لها !!!!
سيف ؟؟ زوجها مريض ؟!! ويخبي عنها مرضه !! ولسبب مجهول !! رفعت راسها وعيونها مليانه دموع
منهاره !! كان تفكيرها ان حتى لو ماتت بيهتم
سيف بولدها !! م توقعت ولو واحد بالميه انه مريض
وان ممكن يموت !!! حتى مرضه تجهله !! طول هالوقت كانت تسترجع اللحظات اللي شافت فيه
تصرفاته الغريبه !!! توها تستوعب كل اللي صار
بالفتره الاخيره ! اللي يثبت انه فعلاً مريض !!! قوست ثغرها بحزن وضيقه ع حالهم !
بهاللحظظه انفتح الباب لفت بسرعه ع الممر
اللي قبال باب البيت ! بخوف وترقب للي دخل !! ممكن يكون هو !!! قامت وهي تتنفس بسرعه
بوسط دقات قلبها السريعه ونظرات الخوف بعيونها ..
الا طلع قبالها تنهدت براحه وارتخت اكتافها وانزاح الخوف عن قلبها لما شافته : هذا انت
عقد حواجبه : ليه كنتي تنتظرين
قعدت وغمضت عيونها : لا
دخل باستغراب : للحين بعبايتك ؟؟
فتحت عيونها طالعت بنفسها ثم رفعت عيونها تطالعه ابتسمت بارتباك: نسيـ..ت افصخها
رفع حاجبه بشك : نسيتي ؟؟ واضح انك م تحركتي من مكانك حتى !
رمشت بارتباك : كنت نايمه من التعب وقمت لما فتحت الباب
هز راسه : اها
قعد بجنبها واستند براسه ع ورا وغمض عيونه
اما هي تطالعه بخوف م قدرت تشيل نظراتها عنه
وكأن كلام هال ... ينعاد ع مسامعها !! حس سيف بنظراتها ! فتح عيونه ولف يطالعها استنكر : شفيك؟؟
بلعت ريقها وابتسمت : ولاشي
تنهد واستعدل بجلسته وهو يطالعها بهدوء
ميهاف : فيه شي بتقوله ؟
مرر بلسانه ع شفته السفليه : يوم الخميس عندك موعد الصبح مع دكتور
عقدت حواجبها : اي دكتور ؟ وليه ؟
سيف : عشان الحمل والا ناسيه ؟؟ بتبدين مراجعه معه عشان صحتك
همست : اوكك
سيف : ذكريني وقتها
ابتسمت : ان شاء الله
سيف : بقوم اتروش وبنام قوميني العصر اذا كنتي قايمه
اومئت براسها : ابشر
ابتسم ابتسامه خفيفه ولف وصعد لفوق
اما هي احنت ظهرها وتنهدت بتنهيده عميقه : يااارب ساعدني .. يارب !
_
" بعد مرور اربع ايام بدون احداث مهمه تذكر غير الروتين " " يوم الخميس تحديداً الصباح "
المستشفى "
بعد م وصلو نزلو من السياره دخلو للمستشفى
عقدت ميهاف حواجبها باستغراب انه جابها لنفس المستشفى اللي سوت فيه زراعه القلب !! كانت تتبعه وهو يمشي بسرعه الى م وصلو
لقسم النساء والولاده للاستشاري
لف سيف : اوقفي هنا بدخل اكلمه
اومئت براسها بهدوء : طيب
دخل اما هي وقفت تنتظره خمس دقايق تقريباً
طلع لفت عليه همس : ادخلي وانا بروح اخلص
شغلي يقول حالتك ممكن تحتاج تنويم ف اذا كتب لك تنويم راح يودونك ع فوق وينومونك ع طول طيب ؟ لاتخافين
عقدت حواجبها بخوف : ليه بس انا م اشتكي من شي حتى يكتبون لي تنويم !
مسك ايدينها : اصصص لاتوسوسين مافيك شي بس لازم يهتمون بحالتك وباللي ببطنك طبيعي ! مو وعدتيني انك تهتمين فيه؟ خلاص اجل خليهم ينومونك وانا بكون فيه
اكيد
بلعت ريقها بخوف : متأكد ؟؟
ابتسم : والله بكون معك وجنبك ولاراح اخليك ! شدعوه قطعه من قلبي انتي
رمشت بتردد : طيب
سيف : يالله ادخلي عنده وانا بخلص شغلي وبرجع لك
همست : اوك
ابتسم لفت ودخلت ب توتر اما هو تنهد بتنهيده عميقه ولف
وطلع توجه لغرفه علي دق الباب بهدوء ثم دخل : صباح الخير
ابو علي : صباح النور
سيف بابتسامه : شفيه الحلو زعلان ؟؟
علي بهمس ببراءه : خايـ..ف
اتسعت ابتسامه سيف : مافيه شي يخوف بس بتنام لساعتين وبتقوم وتقعد الليله بس هنا وبكره ان شاءالله ترجع لبيتكم
عقد حواجبه علي !
ابو علي بابتسامه : بكره ي بابا بنرجع البيت بس
بتنام الحين
اومئ راسه ببراءه وهو ماسك دبدوبه بايده الصغيره
لف سيف واشر للممرضه اللي دخلت وبدت تعطيه ابره المخدر بعد م جهزوه للعمليه !
طلع سيف لقسم العمليات تحديداً بدوره المياه بعد م لبس وغسل ايدينه ولبس القفازات
وقف ع المرايه يطالع بنفسه ب شعور غريب
يراوده ! هذا هو بعد شهور يعيد نفس العمليه ! بنفس الوقت هذا هو يغامر حتى يرجع لحياته السابقه ك الجراح المعروف ب جراحه مخ واعصاب بمدينه الرياض !
نزل راسه وغمض عيونه : تقدر ي سيف !!! الا تمر عليه الذكريات بلحظه خاطفه ! ذكريات عمليه امه
ذكريات استعداده بنفس هالوقت وهاللحظه !! وبنفس العمليه! ب توتر وخوف ! ب انه ينجح او يفشل !! غمض عيونه بقوه !!! وشد بقبضه ايدينه قطع عليه
دخول الجراح المساعد : د.سيف ، جاهز ؟
فتح عيونه بلع ريقه وهو يتنفس ببطئ: ايه
الجراح المساعد : نقلناه لغرفه العمليات ، ننتظرك
استقام ب ظهره ورفع كمامه لأنفه ولف وطلع
لحظه ماهى بيدخل لغرفه العمليات الا استوقفه
ابو علي : دكتور
لف سيف عليه !
ابو علي بخوف بوسط امل : بأمانتك ولدي ي دكتور الله يخليك سوي كل اللي تقدر عليه ! متأمل فيك ان شاءالله وتكون سبب في شفائه من بعد رب العالمين ..
طالعه سيف لجزء من الثانيه بصمت ! هالكلمات كانت تزيده همه اكثر واكثر !!! كانت ك ثقل الجبال ع اكتافه
وصدره !! وده ينطق ويهمس ب قلبه اللي يعصره من الالم
لاتقول ! لاتستأمني على فلذه كبدك ! لاتحملني
مسؤوليه الحياه ولا الموت ! انا فقدت اعز م املك بهالدنيا ب سبب ثقتي ب نفسي اني بكون سبب بشفائها بعد الله ! انا فقدتها بسبب تهوري !!! انا عشت الالم لمره !! مابي اعيد كرتها !!! ابتسم سيف بابتسامه باهته تخفيها الكمامه
اومئ راسه بهدوء ولف وانسحب وهو يمشي
بخطوات توتر ، بائسه ، ندم ، يفصل بين خطواته الخوف وبنظرات عيونه ب ارتكاز ب باب غرفه العمليات اللي كان له رعب !! وكأن هذاك اليوم ينعاد عليه ! بنفس التوقيت بنفس العمليه
ب كل شي !!! وقف ع باب غرفه العمليات رفع
ايده بيدف الباب الا وقف بين حيره وتردد
وندم ! ليه وافقت ع العمليه ؟ ليه تجرأت ي سيف ؟
كأن بداخله شخص ثاني يلومه !!! انت تبي تعيد غلطتك ؟ تبي تعيد فشلك ؟؟ تبي
تبتدي ب رحله مأساتك وتعاستك وعبوسك ؟
نزل راسه وغمض عيونه ل وهله بشهيق وزفير
عميق : يارب ! يارب كون معي ! ولاتتركني وحيد!
توكلت عليك ووكلت امري لك !
فتح عيونه ورفع راسه ونطق بكل هدوء : بسم لله
دف الباب ودخل لغرفه شبه مظلمه ب سرير يتوسطه
وحوله طاقم العمليه بالمصباح اللي بس ينير المكان
مسلط ع رأس علي
سيف : السلام عليكم
ردو كلهم : وعليكم السلام
وقف ع رأس علي المخدر بتخدير كامل تنهد: نبدأ ؟؟ اومئو برأسهم ب طواعيه
سيف : عطيني المشرط ..
_
" ميهاف "
الدكتور : لاتخافين بس هاليومين وتقدرين بعدها تطلعين
فتحت الممرضه الابره ومسحت ايد ميهاف ودخلته بهدوء
ماهي مجرد ثواني معدوده الا تخدرت
ونامت
قام الدكتور : يالله
نقلوها لغرفه العمليات بدو يفسخون عبايتها ويلبسونها ويجهزونها
للعمليه وهي مخدره تماماً دخلوها لداخل !
ودخل الدكتور مع طاقمه الطبي !
كانت هاذي اراده سيف ! مع انه يعرف انها ماراح
تتقبل هالشي ! وبيكون صدمه لها ! ومتأكد انها بتكرهه
اكثر بس مضطر يخاف عليها من اي شي ثاني!! همه الاول والاخير هو صحتها وحياتها ! مايقدر
يخاطر ولايضحي فيها
بدو بالعمليه ...
_
" غرفه العمليات "
سيف وهو بكامل تركيزه بوسط توتر اعصابه
لدرجه من بدايه العمليه ووجهه يتعرق من الربكه
ويتجاهل احاسيسه بالفشل
احساسه انه راح يفقد هالمريض !!هالطفل البريئ اللي سلب الورم طفولته وشقاوته !
بلع ريقه وعيونه ع المخ رفع ايده : ملقاط انسجه !
مدته له الممرضه بسرعه وحطته ع ايده
دخله سيف وبدأ يبعد الانسجه حتى يوصل للورم
سيف بتركيز باللي يسويه : معدل الضغط؟
الممرضه بالانجليزي : الضغط منخفض اقل من ٩٠ مللمتر زئبق في حاله الانقباض ، وأقل من ٦٠ مللمتر
زئبق في حاله الانبساط !
لف براسه بشك بسيط ثم عدله رفع حواجبه ورمش واخذ نفس عميق يحاول يجدد فيه طاقته
الجراح المساعد : انت بخير ؟
سيف وهو يكمل : ايه ، المقبض ؟
مدته له الممرضه اخذه وكمل : ابيك تاخذ ملقط الانسجه وتبعد ب ٢ سم عن يسار الشق المركزي من المخ حتى اوصل للشق الجانبي الورم يمتد لتحت للمخيخ !
اومئ الجراح المساعد براسه بطواعيه وبدأ يننفذ اللي يقوله
سيف باندماج وتركيز باللي يسويه : معدل النبض ؟
الممرضه : ٧٠ نبضه ف الدقيقه يعتبر اعلى من الطبيعي !
مرر سيف بلسانه ع شفته السفليه اللي جفت من التوتر
وقف ايدينه بداخل الرأس ولف ع خفيف رفعت الممرضه
قطعه قماش وبدت تطبطب ع جبين سيف وعيونه وهو
يتنفس بعمق ! بدأ يداهمه الصداع همس بنفسه
: مو وقتك ! اخذت اربع مسكنات !!
الجراح المساعد : حاب ترتاح ؟
فتح سيف عيونه ولف عليه : لا ، الشفره !
بلحظه سريعه عطته الممرضه اخذه وهو بيدخله
الا جمد بهاللحظه
وتوسعت عيونه !!!
الجواح المساعد بنبره خوف وهلع : نزيف
دكتور وش بنسوي ؟
سيف وهو يحاول يتمالك اعصابه وباستعجال : عطيني قاطع النزيف !!
الممرضه الثانيه بربكه : انخفض الضغط و
نبضات القلب تستمر بالانخفاض
سيف وهو يحاول يتماسك بوسط صداعه اللي يزيد والذكريات السيئه اللي تمر ع باله بهاللحظه وكأن الزمن دار فيه ورجع لنفس التوقيت والموقف !!!
الممرضه بهلع : سنفقد المريض !!
الا بهاللحظه رفع سيف عيونه بصدمه
لجهاز قياس النبض لما صفر وبدون اي نبضه !!!
#يتـــــــــــــــــــــــــــبع....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!