بلحظه م تركي بيهجم
مستهيض بغضب لمح مشعل طالع من المجلس من بعيد وكان
ع ايسره تركي وكان جزء من البيت حاجز
قدام مشعل بينه وبين الحديقه إللى فيها
سيف وميهاف وما لمح ع طرف الحديقه
من برا إلا تركي اللي وقف لما لمح مشعل
لف عليه بكامل جسمه يطالعه رمش
بارتباك لف ع سيف وميهاف اللي م انتبهو
له !! عض ع طرف شفته بقهر وده انه
يذبحه بهاللحظه بس م يقدر بسبب مشعل
صد وهو يغلي من العصبيه مشى باتجاهه
مشعل
مشعل باستغراب : شفيك مكشر صاير شي !
تركي بابتسامه متصنعه : لاو لاشي بس العامل
اللي دقيت عليه كنت بقابله بكره بس اجلها
ف نرفزني
مشعل : اهاا ! لاتضايق نفسك ي رجال بتتيسر ادخل خلنا نتقهوى
اومئ تركي براسه بابتسامه بعد م لف مشعل ودخل كشر تركي وتلاشت ابتسامته
لف ع وراه وقلبه يحترق باللي سواه سيف !!
_
"سيف وميهاف "
بقبضه ايده يرص ع وجهها بدهشه من
وقاحتها رفع حاجبه وبجديه : قد كلامك !! بآلم من قبضه ايده اومئت بجراءه برآسها وبنظرات تحدي بعيونها اللي تلمع بالدموع !!
رفع حواجبه بدهشه !! مسكت ايده غمضت عيونها بتألم
ارتخت قبضه ايده إللى م قدرت بنفسها
تنزل ايده فتحت عيونها بلحظتها انسابت دمعتها على لما نطقت : ليه مستغرب مدافعتي
عنه وأنت بنفسك دافعت عن وصايف من كنا
بالمخيم توازنت وتعادلت الكفتين
صد سيف و ارتسمت ابتسامه جانبيه ع ثغره بسخريه واومئ براسه : اهاا فهمت الحين !!
لف عليها وارتكزت عيونه بعيونها : ع اساس الحين
تنتقمين !!
ثم
تلاشت ابتسامته : م يهمني من يكون حبيبك
ذا ! بس دامه انتهك حرمه بيتي وهو عارف بعواقب هالشي ف له اللي يبي !
لف ومشى : بيندم ع لعبته السخيفه
جمد بمكانه ع صوتها إللى بنبره حاده نطقت : إذا انك تفكر تسوي فيه شي ف انا بدخل الحين ع أهلك واعلمهم بلعبتك
الخبيثه ذي من بدايتها ليومنا هذا ي سيف ..
عقد حواجبه بدهشه باللي وصل لمسامعه
لف عليها ببطئ : نعم !
ميهاف وهي تتصنع القوه قدامه : بقول لهم
عن قلب أمك إللى انزرع بصدري ,بقول لهم انك
غصبتني ع الزواج منك بقولهم عن تهديداتك ..
ضحك بسخريه !! ميهاف باستغراب من رده فعله انقهرت : صدقني بسويها
طالعها بنظرات استهزاء
استهاضت بعصبيه مرت من جنبه متوجهه
للبيت م حست إلا بقبضه ايده إللي عصر
عضدها شهقت بآلم لفت عليه ووجهها بوجهه
نطق بنبره حاده بجديه تعابير وجهه : والله ي ميهاف اني لاغصبك تسافرين معي ولاتطبين هنا واحرمك من اهلك لشهور مو شهر ..
عقد حواجبها من تهديده !! أرخى ايده ونزلها ببطئ رفع حاجبه
واومئ براسه بسخريه :
شجاعتك ذي مارسيها وتفنني فيها ع غيري ي ميهاف احمد
أما هي بجمود تطالعه !! سيف : ادخلي يالله !
لف ومشى تاركها وراه بصدمه !! إلى م انتفضت بقهر صدت وهي مقوسه
ثغرها بضيق حياتها كلها ع محك التهديد
والذل والخوف
نزلت راسها بلحظه انهمار دموعها رفعت
ايديها ومسحت دموعها بعشوائيه وعنف
رفعت راسها لفوق وغمضت عيونها واخذت نفس
عمميق : يارب صبرني ضاقت الأنفس يالله
انتقم لي منه جعله ينقهر مثل ماقهرني بحياتي
فتحت عيونها وهمست : جعله ينقهر
نزلت راسها وبلعت ريقها مشت بخطوات بائسه
وتوجهت للبيت
_
"سيف"
دخل بابتسامه واسعه : اعذروني طولت عليكم
صقر : شدعوه اقعد تقهوى عطنا أخبارك ..
بوسط نظرات تركي الشرسه فيه !!
مشى سيف وقعد قبال تركي باستقصاد
وابتسامته مرتسمه على ع شفايفه يطالع بتركي اللي منتبه لنظرات
سيف بس متجاهله ومكمل سؤالف مع مشعل
ع دخول الوليد : السلام عليكم مساء
الخير
الكل : وعليكم السلام
قام تركي توجه له الوليد يسلم عليه
بوسط نظرات سيف إللي م شالها عن تركي
همس صقر بما انه جنب سيف :هيه سيف
سيف وعيونه بتركي : همم !!
صقر وعيونه تتنقل بين سيف وتركي : خلاص ي رجل تراك أكلت الرجال بعيونك
رفع حاجبه سيف ولف ع صقر بنظرات ازدراء : نعم !
صقر : مو بس انا اللي ملاحظ حتى مشعل
شفيك !! تعرفون بعض ؟
تقمصت ملامحه البرود وهمس : لا
صقر : لا تتوقع مني اني اصدقك
صد سيف ببرود : ما راح اتوقع
تنرفز صقر بهاللحظه : بتجلطني والله
بتجلطني
لف عليه سيف وابتسم ابتسامه خفيفه : بسم لله عليك من الجلطه
طالعه صقر بقهر : تطقطق أنت ووجهك !! صد سيف بضحك
تركي بخبث نطق لسيف : أخبار مهنتك ي دكتور !! صدقني متضايق انك تركت وظيفتك بعد ذيك
المشكله احسن الله عزاك بأمك هذا قضاء وقدر لا تلوم نفسك ربي م كتب انها تعيش ع ايدك ولا ع أيد غيرك ..
سكت الكل بصدمه من سؤال تركي !! لفو ع سيف اللي تلاشت ابتسامته وجمدت
ملامحه !!
"الحريم "
ميهاف اللي قاعده ع طرف الصاله مكتفيه بالصمت وتطالعهم وهم مندمجين كلهم بالسوالف
إلا بهاللحظه قطع عليها سؤال أم تركي : أخبارتس
ي يمه واخبار حياتس الجديده
طالعت فيها ميهااف بإستنكااار !
ميعاد بتشره : عاد انتي الله يهديك ي مهوفهه
م عزمتينا والا انا كنت ناويه احضر زفتك واعطيك الهديه إللي جهزتها لك !
أم صقر باستغراب : ليه هو صار زواج
لفت ميهاف ع أم صقر بصدمه !!!
طالعتها ميهاف بارتباك لجزء من الثانيه ثم لفت ع ميعاد وامها تطالعهم بقهر
طالعت فيها ميعاد باستغراب !! استعدلت ميهاف بجلستها تغيرت نظراتها لنظرات تحدي وثقه رفعت حاجبها
ونطقت بهدوء : والله ي قلبي م كان فيه عرس مجرد م ملكنا أخذني ومشينا ذا اللي صار أما اذا قالو عندكم ان فيه عرس عالمي والخ ف هذا شي ثاني !!
امعنت ميعاد النظر فيها بصمت بقهر نطقت : شدعوه حبيبتي هذا اللي وصلني
تجاهلتها ميهاف وصدت تطالع بأم صقر : تطمني خالتي كثر القيل والقال عندهم كالعاده يطلعون اشاعات واقاويل كذب ..
لفت ميعاد ع أمها اللي لفت عليها هي من
بعد كلام ميهاف الأخير
طالعت فيهم ميهاف ببرود
_
عقد سيف حواجبه بعد م استوعب كلام تركي : من وين تدري أنت !
طالعه تركي باستغراب ثم لف ع مشعل إللي انخطف لون وجهه بارتباك وهو يطالع بتركي وبداخله يدعي
إنه يسكت ولايقول!!
لف تركي ع سيف : مشعل قال لي
رفع سيف حاجبه بدهشه لف ع مشعل اللي تمنى الأرض تنشق وتبلعه !!
مرر سيف بلسانه ع شفايفه بنظرات عتب بمشعل لجزء من الثانيه
صد سيف بهدوء لتركي وابتسم بنظرات
ازدراء : م اتوقع اني بحاجه لمواساتك
عقد تركي حواجبه من بجاحه سيف ورده أما اخوانه يطالعونه بارتباك
م استغربو رده لأنهم يعرفون بحساسيه هالموضوع عند سيف !!
تركي : م قلت شي ليه فهمتني غلط
اتسعت ابتسامه سيف بسخريه من كلامه : أنت الوحيد اللي مستحيل اغلط بفهمه !!
اتسعت عيون مشعل بدهشه واستغراب !! لفو صقر والوليد ع سيف بصدمه!!
طالعه تركي بتعجب !! أشر مشعل لصقر انه ياخذه ويطلعه !
انتبه له صقر لف ع سيف وابتسم بابتسامه
متصنعه : إلا صدق أمي تسأل عنك تعال معي
حتى تسلم عليها
لف يطالعه سيف ببرود ثم لف ع تركي : م يحتاج ترقع الموقف هو ذكي ومتأكد انه فهمها
عصب مشعل وأشر بعيونه لصقر اللي نطق : ي كثر مزحك ي سيف يالله قوم معي
طالع سيف بتركي نظره اخيره ثم قام بهدوء وطلعو لبرا مبتعدين عن المجلس
وقف صقر سيف ووقف قباله بعصبيه : وش هالرد والانفعال !!
ضحك سيف ببرود : يستاهل محد قال له يتلقف
صقر بقهر : الرجال
عزاك ف وفاه امي غاليه ..
تلاشت ضحكه سيف وبنظرات حاده : الااااا
هالانسان لا تفكر تدافع عنه
عقد صقر حواجبه باستغراب وشك : ليه !! وش بينك وبينه ! تعرفه أنت صح عشان كذا انصدمت لما شفته !!
سيف : وش بي,,,
قطع عليه صوت ابوه بنبره حاده
وش جابك انت !!
لف صقر ع ابوه بصدمه !! : يبه قصر صوتك
فيه ضيوف
ابو صقر بعصبيه : أنت انكتم ..
غمض سيف عيونه وزفر بزفره عميقه !!
لف أبو صقر ع سيف بغضب ضربه ع صدره امسكه من ياقته ولفه
عليه : رد وش جابك ؟
فتح سيف عيونه ويطالعه بنظرات هاديه ..
أبو صقر بغضب : م قلت لك م تطب ولا تعتب
عتبه الباب !! ليه بهيمه أنت حتى م تفهم !! هاااه ي دكتور انطق وين لسانك !! وين قوه شخصيتك تتفرعن علي بوقت مرض امك ووين !!!
لف صقر بهاللحظه بصدمه ع سيف اللي
مكتفي بالصمت فك نفسه من ابوه ومشى وتعداه متوجه لسيارته
قطع عليه صوت ابوه بنبره الكره والحقد : الله ياخذك مثل م اخذ ربك
أمك من قبلك كان أنت السبب بوفاتها
تسمر سيف بمكانه وكآن قلبه توقف لوهله بدعوه ابوه !!
لف صقر بوسع عيونه ع ابوه بفجعه : يبه!! يبه استغفر ربك !! هذا ولدك ..
أبو صقر بعصبيه : ماعندي ولد بهالاسم
ولايشرفني اكون ابوه ..
رمش سيف ببطئ ومشى لحد م وصل ركب سيارته
وحرك بسرعه جنونيه ..
صقر بضيق وقهر : يايبه خلاص والله كل مالك تضيق عليه حياته وتكرهه بنفسه أدري ان هو غلط ادري ..
أبو صقر والقهر ياكل قلبه أكل وهو يطالع بسياره سيف إلى م اختفت : غلطته ذي
خلت الرحمه تنزع من قلبي
لف ع صقر بتهديد : لاعاد تجيبون
طااريه ولااشوف خشته بهالبيت والا والله محد يلوم نفسه غيرك ي صقر!
صد وطلع تنهد صقر بضيق وحسره : يالله من عنادك ي يبه
تأفف بحزن لف ورجع للمجلس
_
الساعه 11:25 الليل
بعد م راحو أهل تركي !
ميهاف وهي تتصل ع سيف أكثر من مره بس م يرد
تآففت بقهر وبهمس : مو وقتك تسفه
دخلت أم صقر بعد م نزلت الصينيه الخدامه قدامهم
مدت ام صقر كاسه الشاهي لميهاف : مارد عليتس
أخذت ميهاف الكاسه منها وهزت راسها بالنفي
بيآس : لا ..
أم صقر بعد م اخذت كاستها وارتاحت بجلستها : والله غريبه ماهو من عوايده يترك قعدته مع إخوانه
والضيوف ويروح
تنهدت ميهاف إلا رن جوالها رفعته وردت بعد
ماشافت اسمه : الو
بعد م وصل لمسامعها صوته المبحوح بنبرته
الهاديه : هلا
استنكرت صوته : نايم !
سيف : لا وش بغيتي !
ميهاف : شفيك نسيتني شكلك تعال اخذني
تنهد : تجهزي
ميهاف : جاهزه ب,
قفل الخط بوجهها قبل م تكمل كلمتها
نزلت جوالها بقهر من حركته
أم صقر : بيجي !
ميهاف : آي
بعد نص ساعه دق بوري قامت ولبست عبايتها و وصلتها أم صقر للباب ودعتها ميهاف وطلعت
فتحت باب السياره وركبت عقدت حواجبها
باستنكار لما شافته منسدح ع ورا ومنزل مقعده
ومغمض عيونه : فيك شي !
فتح عيونه ببطئ ولف بنظرات عيونه عليها
ارتبكت هي..
صد بعيونه ببطئ عنها رفع ظهره ودعس ع الدواسه وحرك بعد الصمت بينهم إلى م وصلو نزلت من السياره
ودخلت للبيت ودخل وراها وصعدت لغرفتها وبدلت ملابسها
ومسحت مكياجها بعد م علقت فستانها بالدولاب عقدت حواجبها بتفكير : يعني بيسافر وياخذني معه والا كان يهدد !
غمضت عيونها وزفرت بضيق لما تذكرت تركي : ياااربي والله صدفه خايسه فيه وفي اهله
فتحت عيونها وزفرت : دنيا تخوف كيف تعرفو ع بعض !! كيف وصل هو واهله لهنا !! ياررب سترك لاتكبر المشاكل !!
لفت وطلعت من غرفتها توجهت لغرفته بهدوء اخذت نفس عميق تتمالك فيه اعصابها : اهدي ي ميهاف وكلميه بهدوء ولاتتنرفزين
فتحت الباب بهدوء بعد م كان مطرف شوي
وطلت براسها لداخل وجسمها برا
رفع عيونه لها وهو قاعد ع طرف السرير
بيلبس صدت بعيونها عنه و بارتباك : معليش
وهي بترجع ورا وتطلع إلا قطع عليها صوته
بنبره هاديه : لاتطلعين
لفت عليه بدهشه
لبس تي شيرته وقام وهو يعدله ع جسمه
ويطالعها : ادخلي
ميهاف بارتباك : لابعدين نام أنت تصبح ع خير
قاطعها : ما راح انام الحين
طالعته بتردد
سيف : ادخلي
هزت اكتافها باستسلام تنهددت استقامت بظهرها وفتحت الباب ودخلت بخطوات هاديه
سيف : قفلي الباب
طالعته بخوف !
سيف بتنهد نزل ساعته ع الكوميدينا : حتى تبرد الغرفه
قفلته ومشت وقعدت ع طرف السرير ضمت كفوفها لبعض بتردد كيف تفتح الموضوع
قعد جنبها وهو يشيك ع جواله نزلت عيونها ع جواله ثم رفعت عيونها له : بتسافر بكره !
همس : إن شاء الله
ميهاف بارتباك : لحالك ص,,ح !
ابتسم بخفه لف عليها وهمس بهدوء : تطمني
ماراح اخذك
تنهدت براحه وتنفست الصعدااء صدت و
ارتخت اكتافها : اشوا
لفت عليه بهاللحظه بجمود استعدل بجلسته
ووجهه بوجهها ارتبكت من نظراته الغريبه
فيها بعد م تلاشت ابتسامته وبسكونه : مو مرتاح
عقدت حواجبها باستغراب !!
صد وضحك لما استوعب تنهد !!
ميهاف بهدوء : ليه !
نزل ايده يطالع بالارض بتفكير
ميهاف بشك : قصدك لسفرتك !
مرر بلسانه ع شفتهه واومئ براسه ب ايه
ميهاف : تعوذ من ابليس وافكاره وسافر
بلحظه م استقام بظهره ولف عليها ووجهه
بوجهها بقرب منها : لأنك تبين الفكه
جمدت بهاللحظه !! ضحك ع ارتباكها بمده ثواني اختفت ضحكته
واطال النظر فيها
وبقت عيونها معلقه بعيونه .. .
حست بمغص وخوف في بطنها من نظراته
ميل راسه واتسعت ابتسامته وهمس بصوته
المبحوح : كل هالخوف بس عشاني قربت !
رمشت ورا بعض بهاللحظه وقامت بسرعه طلعت طالعها باستغراب صد وضحك
_
ميهاف
دخلت وقفلت الباب واستندت بظهرها عليه
بصدرها اللي يعلى ويهبط بانفاسها السريعه حطت ايدها ع قلبها اللي مثل الطبل تحاول تهديه نطقت بصدمه : حي,,وان كيف كيف تجرأ !! استقامت بظهرها غمضت عيونها ومشت رفعت شعرها عن وجهها لورا : أنا الحماره اللي رحت له انااا !!
فتحت عيونها نزلت ايدينها وهزت راسها
تحاول تبعد هالافكار السوداويه عنها !! انسدحت بسريرها غطت
وجهها بالمفرش بقهر وتوتر من اللي صار ..
_
"الصباح "
بعد م وصلها نزل من السياره ونزلت وراه
وقفت عند شنطه السياره من ورا فتحه ونزل شنطتها
اما هي واقفه تطالع بشنطته إللي داخل
بتفكير كان حجمها وسط وواضح انها ثقيله
ليه ووين مسافر وكل هالمده !! انتبه لنظراتها لشنطته بلحظه م لف عليها عقد
حواجبه لف يطالع بشنطته قفل باب شنطه السياره
لحظتها وعت رفعت عيونها له
مسك شنطتها ومشى ومشت وراه دخلها
لداخل العماره نزلو لتحت من الدرج لحد م وصل
لشقتهم طلع من جيبه 2000 ومده لها : ذا مصروفك وقت سفريتي
عقدت حواجبها م توقعته يعطيها اخذته بارتباك
سيف : م أظن راح تحتاجين شي أبوك موجود وبيغنيك عن حاجتي يالله فآمان لله ..
نطقت باستغراب : ماراح تدخل تسلم عليهم !
سيف : يمكن نايمين ولا ودي اتأخر ع الرحله ..
سكتت بتردد وهي تطالعه لما لف نطقت بنفس واحد : ليش بتسافر !
وقف ولف عليها باستغراب !!
ميهاف بارتباك من نظراته: يعني وين ! دوله اجنبيه !
ابتسم : لاتهتمين إلا انك بترتاحين مني وترجعين لحياتك اللي قبل يمكن الله استجاب دعواتك انك م تشوفيني ابد ويمكن تخيب لاتتآملين ولا تيأسين
عقدت حواجبها زياده من كلامه
سيف : ادعي اني اوصل بالسلامه
لف صعد طلع وقبل م يركب سيارته وقف
يطالع ببيت تركي لنظره اخيره !! صد وركب
م انتبه للسياره اللي لحقته وبصاحبها اللي اللي دق ع المجهول : حرك طال عمرك للمطار ..
المجهول بغلاظه صوته وبسخريه : حلو ! بنونسه ونرافقه بهالسفره ع خير
-
ميهاف
بلحظه م دخلت لبيتهم كان فاضي عرفت انهم راحو يقضون اشغالهم نزلت عبايتها وطرحتها ونقابها وعلقتهم دخلت لغرفتها ارتسمت ع شفايفها ابتسامه شوق ولهفه لكل زوايا هالغرفه اشتاقت لهاا واشتاقت لايامها
هنا نزلت شنطتها ع السرير وفتحت دولابها
بدت ترتب ملابسها فيه ماهي دقايق الا سمعت
باب الشقه يدق !
عقدت حواجبها باستغراب !! : شكلهم رجعوا !
فزت من مكانها بسرعه وطلعت لهم فتحت
الباب بابتسامه الا تلاشت ابتسامتها
بلحظه م شافته واقف !!
عقدت حواجبها باستغراب ودهشه تطالعه !!
سيف : تطمني جاي بس حتى اخذ مفتاح البيت
نسيته معك
رمشت بلحظه م استوعبت : اها المفتاح دقيقه
دخلت لداخل فتحت شنطتها طلعته لوهله
وقفت بشك وش يبي بالمفتاح وهو مسافر !! تأففت من هالغموض والشك !! لفت وطلعت له مدت له المفتاح بلحظه م اخذه
ميهاف : متى رحلتك ؟
سيف : بعد ساعه ونص
اومئت راسها بتنهيده : اهاا
نزل راسه وهو يقلب المفتاح بايده
ومرر بلسانه ع شفته السفليه بتفكير
امعنت النظر فيه : فيه شي !
رفع عيونه لها وابتسم بابتسامه باهته
همس بنبره هاديه :
مو يقولون قلب الام م يخطي لا حس !
طالعته بجديه وتخوف بهاللحظه !!
استرسل سيف بنظرات هاديه : مو قلب امي
بين ضلوعك !
قرب منها بهاللحظه وعيونه تتنقل بنظراته بين عيونها : جاوبيني ع هالسؤال بس وريحيني ..
طالعته بخوف وارتباك من هدوءه ونظراته وكلامه!!
همس سيف ببحه صوته الرجوليه : القلب اللي بداخل جوفك مرتاح لسفرتي !!
لحظتها كأن لسانها انشل بسؤاله اللي صدمها
بقت تطالعه بصمت تجهل كيف تجاوبه !!
همس : جاوبيـ..يني
صدتت وشتت عيونها عن عيونه بلعت ريقهاا
اما هو يطالعها بانتظار جوابها !! بلعت ريقهاا لجزء من الثانيه رفعت عيونها له
وهمست : ايه
عقد حواجبه !! نطقت ميهاف باصرار : ايه مرتاح
ابتسم و
اخذ نفس عميق واستعدل بوقفته : يالله فآمان لله
همست بتردد : بحفظـ..ـه يارب
اتسعت ابتسامته ولف وطلع غمضت عيونها
وتأففت : يااربي وش قاعده اسوي انا
فتحت عيونها باستسلام وقفلت الباب
_
" بالمطار "
كمل اجراءات الرحله وهو متوجه لمقاعد الانتظار
صطدم فيه شخص بقوه
ارتد سيف ع ورا وحط ايده ع كتفه بألم !!
الشخص بتعذر : معليش اسف م انتبهت اعذرني
كنت مستعجل
سيف : حصل خير
صد ومشى متوجع من الضربه ب كتفه اليسار
الشخص وعيونه ع سيف رفع جواله واتصل
: تم طال عمرك دخلته بجيبه م شك لما صدمته
اتسعت ابتسامه المجهول ..
مشى لمقاعد الانتظار قعد ع الكراسي طلع جواله يشيك عليه لدقايق الى م رفع
عيونه ع صوت النداء للرحله المتوجهه تحديداً لميونخ ! تنهد بتنهيده عميقه قام
وتوجه للبوابه وهو بيمر بنقطه التفتيش الاخيره قبل م يتوجهون لبوابه الدخول للطياره وهو واقف بالطابور مو منتبه
لأعين الشخص اللي يراقبه من بعيد
وينتظره يتقدم ويوصل لنقطه التفتيش
مرر سيف نظراته ع اللي حوله ببرود وتملل
صد وهو عافس وجهه بألم من كتفه اليسار !! تقدم بهاللحظه لدوره دخل لجهاز الفحص
ابتسم الشخص من بعيد
اما المجهول يطرق باصابعه ع ذراع مقعده
بابتسامه وهو يطالع بالشاشه قدامه لكاميرات
الطياره بابتسامه ينتظر بس يمسكونه !! كيف
بتكون رده فعلهه لاشاف اللي بجيبه !!!
بترقب وانتظار منهم عليه !!!
_
" بيت ابو ميهاف "
ام ميهاف : بس م طريتي لي هالسفره !
ميهاف : كانت فجأه..
ابو ميهاف : ع خير ي يبه مشتاقين لتس جت
هالسفره بوقتها البيت من دونتس شين
ابتسمت : والله حتى انا فاقدتكم
ام ميهاف : والله ام يوسف تسأل عنتس كثير كانت تبي تزورتس حتى
ميهاف : ي عمري والله اشتقت لها حيل الا وينه حمود ؟
ام ميهاف : ي يمه بالمدرسه بيرجع بعد ساعه والله بيستانس لاشافتس
اتسعت ابتسامتهاا !
_
" بيت ابو صقر "
نزل صقر من الدرج بتأفف جواله ع اذنه يدق ع سيف
نزل جواله بقهر : وجع الحين قفلت جوالك !!!
ام صقر باستغراب وهي طالعه من المطبخ ع صوت صقر : شفيه ي يمه؟ من هو اللي مقفل جواله
صقر : لا ولاشي يالله تأخرت فآمان الله
وطلع ركب سيارته وتوجه له لبيته !
" بيت ام بندر "
غيث وهو داخل للبيت صادف امه لابسه
عبايتها
عقد حواجبه : ع وين ي الغاليه !
ابتسمت ريهام : احم احم بتروح تسوي تحليل زواج
طالعت فيها امها بعصبيه وغيض : اسكتي
ضحك غيث: يالحلو يالحلو تحليل زواج اجل بوديك انا
مضاووي : لالا ي يمه بيوديني السايق روح نام وارتاح
غيث بضحك ؛ من الحياا خلاص ع راحتك
مضاوي باستعجال من الفشله : يالله مع السلامه
وطلعت بسرعه بوسط ضحكهم !
_
" سيف "
بهاللحظه استوقفه الموظف : لو سمحت
ارجع
عقد سيف حواجبه باستغراب طلع ورجع
لهم : فيه شـ..
سكت باستغراب وشك لما شاف السكيورتي جايين باتجاهه !!!
اتسعت ابتسامه المجهول بهاللحظه واستعدل بجلسته باهتمام وحماس !!!
سيف طالع فيهم باستنكاار !! لف ع الموظف بشك : شصاير ؟؟
الموظف وهو يأشر للسكيورتي حتى يستعجلون له !
اما سيف نظراته تتنقل بين السكيورتي وبين الموظف بتعجب مو مستوعب !! لف ع الموظف : غرا !! وش صاير حتى توقفني !!
الموظف وهو مو يم سيف بعيونه ع السكيورتي اللي لحد م وصل له وقفو
السكيورتي ١ باستعجال : وينه !!!
طالع فيهم سيف باستغراب
الموظف بارتباك لف ع سيف واشر
عقد حواجبه سيف باستغراب !! من جهه ثانيه تعالت ضحكه المجهول بانتصار واستمتاع ع موقف سيف !!!
_
" صقر "
بعد م وصل لبيت سيف نزل توجه للباب
الخارجي رن الجرس بانتظار
عقد حواجبه وهو يطالع من الباب لداخل الحديقه
م لقى سياره سيف !! رفع جواله يتصل عليه الا مقفل
كشر بتأفف نزل جواله عن اذنه : يااربي هالادمي وين ينقلع !!! بيجلطني والله بيجلطني
يأس واستسلم : متى بترد ي سيف متى !!
تنهدد وركب سيارته وحرك ..
_
" ميهاف "
طلعت من شقتهم وصعدت فوق لعند ام يوسف وهي متحمسه تبي تفاجأها وهي بتضغط ع الجرس قطع عليها صوت من وراها لفت ميهاف ع طول
ميعاد : ميهااف !!
طالعتها ميهاف باستنكار وتعجب !!
ميعاد : اخبارك !!
ميهاف باستغراب : بخير !
ميعاد : ماشاءالله رجعتي شكيت بالاول اذا انتي والالا
ميهاف ببرود :اي بقعد كم يوم هنا
ميعاد : اها حلو طيب ..
سكتت بتردد وحيره
عقدت حواجبها ميهاف بشك : فيه شي !!
طالعتها ميعاد بتوتر : هاه ؟ لا مافيه شي
ميهاف : طيب
لفت بتدق الباب قاطعتها ميعاد : ميهااف
تنهدت ميهاف ولفت عليها : هلا
ميعاد : تعالي معي ابي اكلمك بشي
رفعت ميهاف حاجبها باستنكار : م اظن ان يربطنا شي حتى نتكلم فيه !!
ميعاد : تكفين ي ميهاف خليني اقول لك وارتاح
والله هالشي يقرقع بقلبي من زمان
ميهاف : اسمعـ..
قاطعتها ميعاد باصرار : يالله ميهااف والله كلها
كم دقيقه !!
سكتت ميهاف وهي تطالعها !!
اصرت ميعاد : يالله تكفين
استسلمت ميهاف : خلاص الشكوى لله بس دقيقتين ترا !
مسكتها ميعاد من ايدها وسحبتها معها:
اووووك من عيوني ونزلو وطلعو
_
" سيف "
بلحظه م اشر الموظف
ركضو السكيورتي طالعهم بشك ان معه شي !!!
الا للحظة م تعدوه السكيورتي لوراه
لف سيف ع ورا يطالعهم كانو يلاحقون واحد لف الموظف ع سيف : معليش اخرتك تفضل روح الفحص مافي شي مشبوه اومئ له سيف باستغراب ومشى ..
لحظتها انخطف لون
وجه المجهول بصدمه ووقف : شلون !!!
قطع ع المجهول اتصال الشخص
رد المجهول بصدمه وعصبيه : تكلم انت !! مو كنت حاطه بجيبه ..
الشخص بدهشه وعدم استيعاب : احلفك لك والله العظيم حطيته بجيبه والله !!
المجهول : اجل فسر لي كيف دخل وتعدا التفتيش م مسكوه ولاحصلو شي !!
الشخص بعدم فهم وبصدمه : والله مدري كيف طلع مدري !!
المجهول : هو انتبه لما حطيته بجيبه !!
الشخص : لاااا متأكد م انتبه
تأفف المجهول بعصبيه : وهاااذي فشلت هااااه !!!
الشخص بارتباك : بتأكد بنفسي طال عمرك
قفل المجهول بوجهه بعصبيه ضرب
بايده ع الطاوله وبنظرات حاده وشرسه بشاشة التلفزيون : قدرك ي سيف هالمره شافع لك !!! بس واللي خلقني اني
لااوقف لك وبكون جحيمك اللي بتنشوي
فيه !!
_
" ميهاف وميعاد "
وهم يتمشون بممشى الحديقه اللي جنب العماره
ميعاد بارتباك كيف تفاتحها بالموضوع : ميـهـ..ـاف
طالعت فيها ميهاف بتفكير !! لفت ميعاد عليها بخوف وتوتر : اسمعيـ..ني
عقدت ميهاف حواجبها !! وقفت ميعاد قبالها ووقفت ميهاف بمكانها تطالعها !!
ميعاد : سامحيني ع كل اللي صار
طالعتها ميهاف باستغراب !!
مسكت ميعاد ايد ميهاف : تكفين سامحيني والله اسفه وندمانه ع قد شعر راسي المفروض م كان اقولك هذاك الكلام بس وربي من العصبيه والصدمه م كنت واعيه بنفسي اشتقت لك واشتقت لايامنا مع بعض والله اشتقت
طالعت فيها ميهاف بصمت مصدومه
ميعاد بحزن : تكفين ارجعي لي ميهاف صديقتي واختي وحبيبتي تكفين ! اسفه ع كل كلمه قلتها والله اسفه !!
تغيرت نظرات ميهاف لهدوء وبحنيه ابتسمت وكأن جبال من الهم كانت ع اكتافها وانزاحت : صار اللي صار اهم شي انك عرفتي اني مستحيل ابيعك وان هالشي صار غصب عني
اتسعت ابتسامه ميعاد: يعني رجعنا صديقات ..
ابتسمت ميهاف : من يومنا صديقات حتى
وان زعلنا من بعض ..
ميعاد بفرحه : ماتدرين شكثر فرحتيني
ضحكت ميهااف : ي بنت لاتفضحينا بحماسك
اللي حولنا يطالعون
ميعاد بفرحه : بالطقاق م همني
لفت وصارت جنب ميهاف مسكت ايدها ومشو
_
طلع سيف وركب الطياره توجه بكل هدوء
لمقعده وقعد استند ع ورا وربط حزام الامان
غمض عيونه وزفر بزفره طويله وعميقه من جوفه !
بهاللحظه قعد بجنبه الشخص
فتح عيونه سيف لف طالعه الا نفس الشخص
اللي اصطدم فيه من رجال المجهول ! ابتسم لسيف
اللي طالعه ببرود وصد
تنرفز الشخص بتهديد بنفسه : لاكسر خشمك ع هالغرور ..
رجع سيف غمض عيونه بتعب حتى ينام
بعد م اقلعت الطايره وهي بوسط السما
بعد ساعه ونص تقريباً بوسط مراقبه الشخص
ع سيف نزل عيونه لجيبه ثم رفع عيونه لسيف تاكد انه نايم اخذ نفس عميق نزل عيونه ع جيب سيف مد ايده بشويش وعيونه تاره ع وجه سيف وتاره ع جيبه دخل ايده ببطئ يحاول يشيك ع اللي حطه بجيب سيف
بلع ريقه بارتباك نزل عيونه لجيبه دخل ايده زياده بتوتر ورجفه من انه يصحى !!!
م وعى الا لحظه م رفع عيونه بلحظه عابره الا
بهتت ملامحه بصدمة
بلحظه م شاف سيف يطالعه ورافع حاجبه باستنكار وبنظرات ازدراء يطالع فيه !!
انشل لسان هالشخص بتوتر ورعب !!!
نزل عيونه سيف باستحقار يطالع بايد الشخص بجيب
جكيته !! رفع عيونه ببرود للشخص وميل راسه
عقد حواجبه وهز راسه بمعنى وش بغيت !
بلع ريقه هالشخص بمراره طلع يده ببطئ ورجفه
بوسط نظرات سيف البارده فيه !!!
الشخص بلعثمه : انـ..ـا
انا كنـ.. كنت ابي مناديـ..يل اايه كنت ابي مناديل
واستحيت اقومـ..ك !
طالعه سيف باستحقار تجاهله وصد وقف
المضيفه ببرود : لو سمحتي ! مافيه مقعد فاضي ؟
المضيفه : الا اكيد بس شو فيه ؟ م ارتحت هون ي استاز ؟
سيف : لا
ولف يطالع بالشخص بازدراء !! ثم لف يطالع بالمضيفه : اللي بجنبي ازعجني !
المضيفه : اهها مش مشكله تفضل ي استاز
قام سيف ببرود واخذ جواله ومشى للجهه الثانيه من الطايره ! بوسط غيض وقهر الشخص ضرب بايده ع ذراع الكرسي بعصبيه ..
_
" بعد ساعات وصلت الطياره لارض
المانيا - ميونخ "
اول ماوصل لسلم النزول من الطايره وقف بهاللحظه مرر بنظرات عيونه ع السماا الملبده بالغيوم والجو البارد ! غمض عيونه واخذ نفس عميق !! هذا انا ارجع لك ي المدينه البائسه ! دفنت فيك احزاني
ولملمت نفسي بين شوارعك وع ارضك وضمدت جروح
مازالت الامها فتح عيونه وزفر ونزل بكل هدوء
دخل للمطار واستكمل اجراءات الوصول طلع من المطار وهو بيأشر الا وقف قدامه تاكسي
نزل وفتح شنطه السياره اللي ورا اعطاه سيف الشنطه
وركب ورا فتح الشباك حرك التاكسي ..
السواق بالانقلش : الى اين !
سيف : لـ****
وانسدح براسه غفى بدون م يحس بنفسه الى م طال الطريق اكثر واكثر !!
فجأة فتح عيونه ع البااب لما انفتح بقوه
الا بشخص يسحبه ع برا ورماه بقوه ع الارض سيف بعدم استيعاب رفع راسه الا بضربه ع رقبته خلت الدنيا تظلم بعيونه ..
-
ميهاف ! وهي بتلف بتاخذ جوالها طيحت الفازه جمدت بهاللحظه بعيونها ع القزاز المتناثر
ع الارض !
بوسط نغزات بقلبها بعدم راحه حطت ايدها ع يسار صدرها وهي عافسه وجهها
_
"سيف"
اظلمت الدنيا بعيونه وطاح ع وجهه !
الشخص بأمر ع اللي معه : خذوه داخل
تحركو بطواعيه مسكوه ورفعوه عن الارض
ودخلوه لداخل مستودع كبير وفاضي تماماً !
نزلوه وربطوا ايدينه بحبل !
اما هو فاقد وعيه م ي حس باللي حوله
رفع الشخص الجوال وصور سيف وارسله ع المجهول
واتصل بعد م وصل لمسامعه صوت المجهول
رد الشخص: تم طال عمرك
ابتسم المجهول بانتصار : اخذو جوازه وبطاقاته
الشخص : ابشر
_
" بيت ابو صقر "
دخل صقر بتأفف وهو ماشي بيصعد لفوق الا قطع عليه الوليد اللي قاعد بالصاله مع امه وعريب : اووه شفيه الاخ شاطفنا لا سلام ولاكلام ؟؟
وقف صقر ولف عليه بدون نفس !
عقد حواجبه الوليد : اوه مكشر !!
صقر بنرفزه : بخنقك مع سيف صصدقني
ام صقر باستغراب : سيف ؟؟ شفيه شصاير ؟
لف صقر ع امه وهز راسه بدون خلق : ولدكم ذا
بيجنني والله ي يمه بيجنني
الوليد : شسالفه ؟
صقر : اختفى مدري وينه !!! مالقيته ببيته حتى
ولا بأي مكان
الوليد باستحقار : بالله ذا سالفتك كانه شي جديد ع سيف دايماً مختفي من متى يقعد بمكان ويستقر !!
صقر : بيوم عزيمه مشعل لضيوفه تهاوش سيف مع ابوي برا وعاد ابوك م قصر عطاه كم كلمه تسم البدن وختامها دعوه محترمه ..
تنهد الوليد بضيق : لااا تقولها !! عشان كذا طلع ولارجع
صقر : صدقوني هالولد اذا م انتحر والافكر بالانتحار هاذي نعمه ومعجزه
ام صقر بعصبيه : فااال الله ولافالك قطع وش هالحتسي
صقر : هذا الواقع
تنهد وصد وصعد لفوق !
ام صقر بعصبيه : اااخخخ من ابوكم ااخخ ان م طير عقلي م اكون بنت ابوي
عريب بضيق : اخاف سيف يكرهنا ي يمه باللي يسويه ابوي !
الوليد : جت الدراما كوين !!
كملت عريب بحقد طالعته : انكتم !!
ام صقر : هاتي هاتي جوالي خليني ادق عليه اشوف قامت عريب واخذت الجوال ومدته ع امها اللي اتصلت
ع سيف وكان مقفل تأففت بانزعاج : مدري وش فايده هالجوال معه دامه يقفله !! رجعت اتصلت ع ميهااف بعد دقيقه
ام صقر : الو بنيتي ميهاف !
عقدت ميهاف حواجبها : خالتي ؟؟
ام صقر : اخبارتس ي يمه شعلومتس ؟
ميهاف باستغراب : بخير وانتي
ام صقر : بخير ي يمه بسألتس عن سيف
ميهاف : وصل هو ؟؟ لانه م دق ولا ارسل
لفت ام صقر ع عيالها بشك : وصل
ميهاف باستغراب: سافر
ام صقر بصدمه: سافر!!!
استعدل الوليد بجلسته باهتمام !! عريب بعدم استيعاب !
ميهاف بشك : ليه م علمكم هو ؟
ام صقر : لاواالله ي يمه م مر علينا ولاودعنا حتى
ميهاف : اعذريه ي خاله كان مستعجل واكيد نسى
ام صقر : طيب ي يمه وين سافر ومتى ؟
ميهاف : اليوم الصبح بس م قال لي ع وين اللي اعرفه برا البلاد ..
ام صقر باستغراب : غريبه وش الطاري !!
ميهاف : مدري والله حتى انا مستغربه من سفرته فجأه كانت
ام صقر : ي بنيتي م دق عليتس ولا قالتس وصل والا م وصل !
هزت راسها ب هم : لا والله دقيت وجواله مقفل كان
ام صقر : اايه اخوه صقر دق عليه م رد وراح يمكم للبيت بس م لقى احد..
ميهاف : ايه نزلني عند اهلي وسافر
ام صقر : اهاا ، شوفي ي قليبي ان دق عليتس
والا ارسل لتس علميني
ميهاف : ابشري وانتم بعد علموني لاوصل لكم منه خبر
ام صقر : ان شاءا لله يالله م اطول عليتس ي يمه فآمان لله
ميهاف : بحفظه يارب
وقفلت !
الوليد : وين مسافر ؟؟ وين ؟
ام صقر : انتظر شوي البنيه تو قفلت !!
الوليد : ي يمه جاوبيني !
ام صقر : م تدري تقول سافر اليوم الصبح لديرتن اجنبيه م قالها
عريب باستغراب : غريبه يسافر بدون م يعطي خبر
الا ع نزول صقر ودخوله : مين ؟؟
الوليد : طلع سيف مسافر ..
عقد صقر حواجبه باستغراب واهتمام : دقيقه دقيقه
قعد ع الكنب بجنب امهه : مسافر ؟
ام صقر : اي دقيت ع مرته وعلمتني
لف صقر بدهشه رافع حاجبه : مااشاءلله من وين طلعت السفره ذي؟
الوليد : سافر اليوم الصبح وبرا بعد..
لف يطالعه صقر بدهشه !! ثم لف ع امه : شلون كذا فجأه طيب ليه م علمنا ع الاقل يجي يسلم علينا قبل م يسافر !!
عريب : مستغربه والله منه
تأفف صقر : هالادمي بيقهرني والله
ام صقر : انت وش تبي فيه م سافر الا له شغل ..
صقر : م قالت متى بيرجع ؟؟
ام صقر : وين تدري الضعيفه ؟؟
صد صقر وتنهد بضجر الا بهاللحظه دخل ابوه وقف قبالهم ثم لف ع جنب : ادخلي
عقدو حواجبهم بهاللحظه ع دخول
هالبنت لهم وقفوا بإستنكار ودهشه
الوليد بعدك استيعاب : يبـ..ـه ؟ من ذي ؟
ابو صقر : زوجتي ..
بهتت ملامهم بهاللحظه!!
_
" سيف "
عقد حواجبه وهو منزل راسه من الالم الضربه اللي كانت ع رقبته فتح عيونه ع خفيف رجع غمضهم يحاول يستوعب
اللي صار ! كل اللي يتذكره ان فيه احد سحبه وطيحه وفجأه صار كل شي اسود بعيونه !! انتبه لخطوات الشخص باتجاهه غمض عيونه بسرعه بهاللحظه بتمثيل انه فاقد الوعي بعد م عرف بالوضع
الشخص بحده : م قاام ذاا ؟
رد عليه اللي قباله : لا
مشى الشخص واثنى ركبته واستند عليه
مسك شعر سيف ورفعه له ضربه ع وجهه خفيف : هيييهه !! انت اصحى
اشوفك اخذت راحتك !! هيييييه !! ضربه مره ثانيه وثالثه م قام !! زهق الشخص فك ايده بحيث ان سيف لاشعورياً
نزل راسه لتحت وع انه فاقد وعيه !
قام الشخص : اجل انتظرو الى يقوم
و علموني
الشخص٢ : حاضر
عقد سيف حواجبه بشك جاهل سبب وجود
هالاشخاص وسبب احتجازه عندهم !!!
زفر ببطئ بتفكير كيف يتخلص منهم بأسرع وقت !
_
" بيت ابو صقر "
لفو كلهم ع ام صقر اللي نظراتها تتنقل بين ابو صقر وبين البنت بصدمة !!
ضحك صقر بعدم تصديق : يبـ..ـه الله يهديك وش قـ..ـاعد
تقول انت ؟؟
ابو صقر : اللي سمعته
الوليد بانفعال : شلون زوجتك كيف ؟
ابو صقر بعصبيه : م بقى الا ترفع ايدك علي ؟؟
عريب بربكه من صدمتها : ليـ..ـه ؟
ع نزول بيادر مستنكره اصواتهم وازعاجهم : عسى ماشـ..
اختفى صوتها من وجود بنت لابسه عبايه بجنب
ابوها !
بيادر باستغراب : ميـ..ين ذي ؟
الوليد بقهر : حياك تعالي باركي لابوك ع زواجه
لفت بيادر بوسع عيونها ع الوليد !! ثم لفت ع ابوها : كيف ؟
ابو صقر : اشوف والله طلع لك لسان ي الوليد ؟
ضحك الوليد بسخريه : م انلام والله من هالوضع !!
الجوهره بنبره بين فيها الرجفه : بنتظـ..ـرك بالسياره !
ابو صقر : اقعدي !!
صقر بدون وعي وبقهر :يبه بدال زواجك هذا كان فكرت ب ولدك اللي اختفى بعد كلامك اللي يضيق الخلق
ابو صقر اللي استشط بعصبيه : قطع الله حسه لااشوفك تجيب طاريه
عندي تفهم !!!
صقر بعصبيه : هذا انت تفكر نفسك الوحيد
اللي متوجع بعد اللي صار لامي غاليه م تدري انه هو اكثر واحد فينا متألم ومغبون !! باليوم يموت الف مره ومره بس انت احساسك متبلد وانا انـ..
اعتلى صوت ابوه بنبره حاده وعصبيه : اصصص ولاكلمة اصصصص ..
عض صقر ع شفته بقهر هز راسه ولف وطلع من البيت بخطوات سريعه
ابو صقر : بتسكن بهالبيت !!
طالعوه بدهشه !!
عريب : وين مافيه غرف ؟
ابو صقر : بغرفه اخوك الرخمه سيف خلي الخدم يفضونها من ملابسه وعفشه ويطشونه ..
_
" ميهاف "
بلحظه ماهي ترتب غرفتها قطع عليها تنبيه رساله من جوالها عقدت حواجبها مشت واخذته من ع سريرها رفعته لها وفتحت الرساله بدأت تقرأ شيء ف شيء و توسعت عيونها بصدمه !!!!!
-
" بيت ابو صقر "
الوليد بسخريه : لالا قول انك تمزح يبه !!
طالعه ابوه بنظرات حاده : شايفني اضحك ؟؟ تغيرت تعابير الوليد لقهر : واضح انها خربت
من الاخير شفيك عليه شفيك م يكفي كلامك له م يكفي انك طردته وبكل مره تهينه حتى قدام زوجته بذيك المره
انت م اكتفيت م طفشت قووول لي تكلم لمتى بتقعد تلومه ع شي كان مكتوب ومقدر !! لمـ..
سكت لما صرخ عليه ابوه بصراخ عالي : كلمة وحده وبتلحقه برا هالبيت !
طالعه الوليد بقهر همس : هـ..ذا اللي بيصير اصلاً
لف واخذ جواله بضيق
عريب مسكت ايده : وين مو من جدك بتطلع
سحب الوليد ايده منها : اصبرو بس
ولف ع ابوه بقهر : بيجيكم الدور قريب !
ولف وطلع بخطوات سريعه تعبر عن غضبه وقهره
ام صقر بنظرات عتب ويسودها الحزن بعيونها صدت بكل هدوء ومرت من جنبهم وصعدت لفوق
لفت بيادر ولحقت امها والدموع بعيونها
طالعت فيهم عريب وهي مو مستوعبه اللي قاعد
يصير نزلت دمعتها بغصه مشت بسرعه وصعدت
لفوق
الجوهره بتوتر : ليت م جيـ..ـنا
ابو صقر : مصيرهم بيعرفون الحين والابعدين وبيرضون بهالسالفه
لف : ي ممممميررري !!! ممممميرري !!!!
ثواني وصلت لعنده : نأم بابا !
ابو صقر بأمر : لمي ملابس سيف واغراضه
بكيس والاشنطه وطلعيهم ابيك تضضين لي الغرفه بهالساعه تفهمين !
عقدت حواجبها الخدامه باستغراب !!
ابو صقر بحده : شفيك واقفه خلصي علي ..
اومئت راسها بارتباك ولفت وصعدت لفوق
_
" ميهاف "
قعدت ع طرف السرير وهي مو حاسه برجولها
بتوتر ودهشه !! هالرساله نزلت راسها وغطت وجهها بكف ايدها اليمين
وايدها اليسار ماسكه فيه جوالها!! نطقت بعدم استيعاب : ياربـ..ي وش يبـ..ـي مني !
شهقت لما رن جوالها رفعت جوالها بسرعه
وبقت عيونها : يدق !
قامت وهي تنتفض من التوتر وهي تشوف رقمه بلعت ريقها برجفه !! لخلبطت دقاات قلبها اتصاله
غمضت عيونها اخذت نفس عميق لداخل جوفها وزفرت ببطئ : اهدي ي ميهاف اهدي
فتحت عيونها وردت ورفعت الجوال لاذنها وهمست : الـ..
انقطع صوتها لما وصل لمسامعها صوته الدافي بنبره هاديه : ميـ..ـهاف
عضت ع طرف شفتها بتوتر ودقات قلبها مثل الطبول م قدرت تنطق تحس لسانها انشل بهاللحظه !!
تركي : انتي معي ؟؟ همست وهي بالقوه يوضح صوتها :: اسـ..تغربت من رسالتك ! وش الموضـ..وع اللي بغيتني فيه ؟
اخذ نفس عميق وتنهد بابتسامه : عرفت كل شي ..
جمدت بصدمه : وشو ؟ .
تركي : بالسبب اللي خلاك تتزوجينه !
جمدت بصدمه
تركي بعتب : ليه م قلـ.تي لي انك مغصوبه ضاقت فيني الدنيا والله ي ميهاف ضاقت..
قوست ثغرها بضيق يحتوي قلبها بالدموع اللي اجتمعت بعيونها
تركي : ليه خليتيني اشيل بقلبي عليك ؟؟ همست بنبره تبين فيها الرجفه : مـ..ـاقدرت
تركي : ككيف م قدررتي حاولت اوصل لك مره مرتين ثلاث عشر وانتي تصدين
ميهاف بضيق : لانـ..ـي ع ذمتـ..ـه ماقـ..در
تركي بعصبيه : لا تقولين ع ذمته لا تقولين هالزواج من اساسه باطل وبينتهي !!
عقدت حواجبها !! من كلمته الاخيره ! : كيـ..ف بينتهي ؟
تركي : ي انك تطلبين الطلاق !! او انا بنفسي بنهيه
رمشت بعدم استيعاب ! قامت : وش قـ..ـاعد تقول انت؟
تركي بجديه : اللي سمعتيه !
ميهاف : بتتهاوش معه مثلاً ؟؟ بتوقف بوجهه وتقول طلقها ذي اللي كنت ابي اتزوجها !!؟
تركي باصرار وعناد : ااااي اقول ليه م اقول !! يحسب اني خايف منه ؟
ميهاف : تكفى لا
تركي : ليه تظلمين نفسك معه ليه ؟ ثم استرسل بعتب : م هقيتك بهالضعف !!! كنت اشوفك قويه وتاخذين حقك بايدك ! مستحيل تلينين وتضعفين وتذبلين بسبب اي شخص !!
عضت ع طرف شفتها السفليه بلحظه م نزلت دموعها وانسابت ع خدها !
تركي بقهر : ليه تسمحين له يتحكم فيك مثل الخادم تحت رجوله وين كرامتك ؟ وين عزه نفسك ؟
نزلت راسها بقله حيله اوجع قلبها كلامه !! نطق بنبره حزينه : مو هاذي مـ..يـهاف اللي حبيتها
مو هـ..ـي ارجعي ميهاف الاوليه اللي عشقتها بكل مافيها ارجعي لي وعدتك ان ولا اسم غير اسمك ينكتب بجنب اسمي ب عقد القرآن وانا ع وعدي محافظ وبوفي فيه !! بس اتركيه وتطلقي منه
يكفي شهر ونص من عمرك راح هدر معه !! ارجعي لي ي ميهاف ارجعي
نزلت جوالها بضعف وانهيار استندت بايدينها
ع الطاوله نزلت راسها لاشعورياً اجهشت بالبكا بضيق
وحزن يثور بداخلهاا !!
_
"صقر"
ب كوفي وهو قاعد ويهز رجله بنرفزه من الاحداث اللي صارت ! قطع عليه صوت عبدالعزيز اللي مر بيروح للطاوله اللي بالزاويه لمح صقر : اوه ولد العم وش هالصدفه الحلوه
رفع عيونه صقر له تلاشت ابتسامه عبدلعزيز من نظرات صقر اللي مكشر ومنفس
قعد عبدالعزيز قباله ب استغراب : افااشفيك ؟؟ شصاير
صقر بعصبيه لاشعورياً يبي يفرغ اللي بداخله : تخيل ابوي دخل علينا ووقفت بجنبه وحده
والا يعرفنا فيها ع انها زوجته ولا بعد تعلمني اختي يقول لها هذا بيتك ي الجوهره مثل ماهو بيت ام صقر وعيالها
بهتت ملامح عبدالعزيز بصدمه :الجوهره!!!
-
ميهاف "
لحظه م دخلت امها عليها : ي يمه سـ..
عقدت حواجبها وسكتت من شافت ميهاف تتصدد وتمسح دموعها
قربت امها باستغراب : ميهاف ؟
همست بنبره صوتها المبحوح : هـ..ـلا
مسكتها امها من كتفها ولفتها عليها
طالعت فيها امها بدهشه من عيون بنتها المدمعه : تبكين ؟؟ شصاير؟
بخوف حطت ايدينها ع وجه بنتها : شفيتس خوفتيني تكلمي
قوست ميهاف ثغرها لاشعوريا بحزن !
ام ميهاف بخوف : تكلمي وشو له هالدموع
ميهاف بضيق نزلت عيونها
ابتسمت امها وضحكت : اها عرفت الحين
رفعت عيونها ميهاف بسرعه بصدمه وخوف !! امها بضحك ضربت ميهاف ع كتفها : اشتقتي له ؟ امداتس توه سافر اليوم
رفعت عيونها ميهاف بوسعها لا امها اللي نطقت بضحك : تراه واضح بعيونتس لا تكذبين ..
_
" سيف "
فتح عيونه ع خفيف ورفع راسه ببطئ ولف يطالع بالمكان حوله
اتصل الشخص ع خويه اللي م اخذ
دقيقتين الا دخل ابتسم بابتسامه واسعه : ي الامير النايم اخيراً صحيت !
استند سيف براسه ع العامود يطالعه بهدوء
وببرود !
الشخص باستغراب : غريبه والله م اندهشت ولا سألت انا ليه بهالمكان وكيف ؟
اكتفى سيف بالصمت والبرود مكتسي
ابتسم الشخص و مشى وجثى ع ركبته قبال سيف يطالعه : انت تدري بسبب كل اللي قاعد يصير لك ؟
ابتسم سيف بابتسامه جانبيه خفيفه بسخريه !
الشخص ١ لف ع خويه وهو رافع حاجبه باستنكار
قام هالشخص والتفت ع خويه : تعال معي شوي ..
وطلعو بقى سيف لحاله بهالمستودع الكبير
تنقل بنظرات عيونه ع المستودع الواسع نزل راسه
وابتسم بخفه بعد م حرر ايدينه من الحبل اللي م ربطه
واحد من رجاله زين ! قام سيف بسرعه الا تأوه
بألم من رقبته !! رفع راسه ولف بنظرات سريعه عن المكان انتبه للباب الخلفي لف ع وراه ثم لف ع الباب بسرعه ركض وهو بيطلع انتبه لاغراضه !
اخذهم معه وطلع بسرعه يركض بسرعه
م وعى بعد ثواني الا ع صراخ الشخص بهستيريه : انحاش !!!
دخل سيف بين الاشجار بمكان مجهول كأنه غابه وبهالظلام يركض ويتخبط بين الاشجار والغصون بانفاسه السريعه من الركض
بعد دقايق طلع بسرعه ع شارع
الا لحظظتها رفع ايده باستعجال وهو محني ظهره ويلهث من التعب يأشر للسياره اللي جايه فتح عيونه بفرحه اول
م وقفو له تقدم بخطوتين لهم وبالانجليزي : لو سمحـ..
اختفى صوته بعد م شاف ملامح هالشخص ! كيف وصلو له بهالسرعه !! رجع ع ورا بصدمه لما نزلوا كلهم له !!!!
-
" ميهاف "
نزلت راسها بارتباك !!
ام ميهاف : تراه زوجتسس بالشرع ماهو شي تستحين منه ! ادري انتس مشتاقه له ان شاء الله كله كم يوم وبيرجع لتس
جمدت ميهاف وهي تطالع بامها اللي نطقت : هاذي هي البنت اول رجل بحياتها تتعلق فيه وماتشوف مثله اخخ ي قلب امتس متعبتس الحب اجل ..
نزلت راسها ميهاف بهاللحظه ابتسمت امها : يالله انتظرتس بالمطبخ خالتس ام يوسف بتجي
لاتطولين
وطلعت صدت ميهاف بهاللحظه وانهارت بالبكى وبنبره صوتها الباكي : اي شـ..وق ي يمـ..ـه اي شـ..وق وحب تتكلمين عنه مع هالانسان ؟؟
_
" صقر و عبدالعزيز "
عبدالعزيز بدهشه وسع عيونه يطالع ب صقر اللي استنكر صدمه عبدالعزيز ! : اي اسمها الجوهره ! ليه !
بلع ريقه عبدالعزيز : لا مصدوم ان عمي سواها ..
تنهد صقر بضيق واستند ع ورا : والله سواها وانا اخوك
عبدالعزيز بشك : طيب كيف تعرف عليها؟ وين طاح عليها؟
صقر : مدري والله علمي علمك ..
عبدالعزيز بتفكير سكت بصدمه ونطق بدهشه لما تذكر فز : وسيف م عنده علم باللي صار ؟
صقر : انت وين وسيف وين !
عقد حواجبه عبدالعزيز باستغراب : ليه ؟
صقر : مو موجود الاخ مسافر برا
عبدالعزيز بدهشه :مسافر بسم الله قبل شهر ونص رجع امداه يسافر !!
صقر : قهرني بسفرته م جاب طاري السفر ابد !! فجأه نلقى الاخ مسافر بدون ما يعلمنا ولاحتى يسلم ع امي قبل م يروح !! م درينا الا من زوجته ! ومقفل جواله بعد ! بس هين والله لا اتوطاه لاشفته
عبدالعزيز : يوه ! ومتى بيجي طيب !
صقر : خله بالاول يرد علي وبعدين نشوف متى يرجع !
سكت عبدالعزيز بتأنيب وخوف وبنفسه : ي خوفي هالبنت تفضحني وتجيب طاري والا طاري سيف ! ان لله انا ليه نكبته !! والله بيذبحني صقر لادرى !!! تنهد بتنهيده طويله !
صقر : المهم دامك جيت وش تبيني اطلب لك ؟
رفع عبدالعزيز عيونه له بعدم استيعاب : هـ..ـلا
صقر : وش اطلب لك !!
عبدالعزيز بربكه : اي شي
سكت وبنفسه : لازم اوصل لها هالبنت بنفسي
واتأكد لازم !!!
_
" سيف "
رجع ع ورا بخطوه مصدوم كيف وصلو له !! اول م نزلوا رجع ع ورا بسرعه وعيونه تتنقل بينهم بعدم استيعاب !!! رجع بخطوات سريعه ع ورا لف وركض بقوه
الشخص بصراخ هستيري : امممسسسكوووووه
ركضو له هرب بخطوات سريعه وهو يلهث بأنفاس سريعه
التفت وراه الا فجأه انخسف ع تحت من فوق منحدر ..
-
" بيت ابو صقر "
بالصاله قاعده بيادر وجنبها عريب يطالعون ب الجوهره اللي م فسخت نقابها حتى وقاعده ع الكرسي بارتباك صاده بعيونها عنهم !
وابو صقر قاعد بالكرسي اللي جنبها
عريب بهمس : ودي اقوم افقع وجهها !
بيادر بهمس: اهدى من كذا لاتدورين المشاكل ..
عريب : ميته قهر مقهوره ليه يسوي فينا كذا
بيادر : اش قصري صوتك
تأففت عريب وقامت : بصعد لامي الجو يجيب الملل والضيق
طلعت بدون م تطالع بابوها اللي طير عيونه فيها بعصبيه !!
خافت بيادر من نظرات ابوها ثانيتين الا قامت
ابو صقر بعصبيه : ع ووين !!!
بيادر :بصعد !
ابو صقر : جيبي القهوه وضيفي عمتك
طالعت فيه بيادر بدهشه!!!
ابو صقر : مثل م سمعتيني لاتبقين عيونك فيني قومي يالله
طالعت فيه بيادر بقهر !
الجوهره بهمس : لا مابي شي روحي ي قلبي
لفت تطالعها بيادر ثم صدت وهي تنتفض بقهر
وطلعت وصعدت لفوق
الجوهره بهمس : تكفى لاتسوي هالحركات وتكره
البنات فيني ! والله م الومهم والمفروض ان يكون عندهم خبر من قبل ..
ابو صقر : كيفي وهذا اللي انا ابيه ماهو شي جديد امهم كانت الثانيه ليه معصبين !!
عقدت الجوهره حواجبها باستغراب : ليه ؟ الاولى وين يعني؟
صد ابو صقر وتجاهل سؤالها بضيق
طالعته الجوهره بتفكير !!
_
" تركي "
طلع من بيته وهو بيركب سيارته الا وقف يطالع
بشباك غرفتها شغال لمبتها ارتسمت ع شفايفه ابتسامه هاديه وهو يتذكر صوتها المبحوح بنبره ارتباك
تتكلم معه غمض عيونه ع هالشعور الحلو اللي
بخاطره م يتخيل حياته بدونها !! م وعى الا ع صوت جواله يرن فتح عيونه بتأفف : حتى الواحد م يقدر يتخيل
براحه !
طلع جواله شاف رقم مشعل تنهد ركب سيارته ورد
_
"سيف"
انقلب ع نفسه من فوق لتحت تأوه من قوه الضربه بجبينه ع الحصى والحجر
وهم واقفين فوق المنحدر يطالعونه رفع وجهه بخفيف عفس وجهه بألم كشر من نور الكشاف ع وجهه
شافهم اول م انتبه انهم ينزلون له حاول يرفع
نفسه تأوه من قوه الالم وجمد اول م نزلوا لعنده !!!
رفع سيف نفسه مرة ثانية بقوه وآلامه ابتعد ع ورا وهو محني ظهره
وينزف دمه ع عينه !! من جرحه اللي بنهايه حاجبه بلع ريقه
لف شد ع نفسه وركض
لحقوه بسرعه وهم مصدومين ان فيه حيل يركض ويقاوم !
مسك سيف كتفه اليساره
وكمل يركض وهو يتلفت وراه الا هم يلحقونه رجع يصعد لفوق بسرعه رغم الالم والوجع الا انه صامد وشاد حيله كل تفكيره محصور في انه يهرب من ايدينهم !! بعد تعب وارهاق وألم وهو يتنفس بسرعه
وصل ع نفس الشارع
لمح سسيارتهم ع يمينه بعيده بكم متر واقفه يوم
كانو يلحقونه لف ع ورا يتأكد انهم مو وراه !
لف ع السياره ركض بشويش من التعب
قرب من السياره ب شك ان فيه احد !! كانت فاضيه تنهد براحه ركب السياره باستعجال دعس ع الدواسه بسرعه جنونيه وتعداهم بلمح البصر !!!
لحظه م طلعو ع الشارع صنموا بصدمه لما شافوه اسرع فيها
استند سيف ع ورا وهو يتنفس بسرعه وصدره
يعلى ويهبط شغل النور ورفع عيونه للمرايه اللي قدامه
رفع ايده يلمس طرف حاجبه اللي ينزف !
عفس وجهه من الالم نزل عيونه يدور المناديل
لقاه ع طرف المقعد اللي بجنبه اخذه بسرعه ومسح الدم اللي نزل ع عينه اليسار كمل طريقه
وانظاره ع ورا بترقب ان ممكن يلحقونه !! بعد ساعه من حبس الانفس والتعب والهلاك وصل لداخل المدينه !
ركن السياره بشارع عام بالزحمه والاسواق نزل وقفل الباب مشى بخطوات سريعه
يحاول يبتعد عن السياره باعتقاده ممكن يراقبون تحركاته وهو فيها دخل بين الناس والزحمه مشى وقعد ع الكرسي مهلوك غمض عيونه وهز راسه
يحاول يركز ويستوعب اللي قاعد يصير معه !كأنه ب فلم بسيناريو اكشن بحت بعيد عن واقعيته ك انسان عادي !
رمش ببطئ يحس جسمه بدا يتخدر وبخمول مو طبيعي ببدايه سيطرته عليه ! م حس الا ب وحده بكامل زينتها قعدت جنبه
عقد حواجبهه وهو شبه واعي
حطت ايدها ع صدره ونطقت بالانقلش : ماذا بك !
ميل راسه يطالعها باستنكار مو مستوعب !
الا دخلت ايدها بذراعه بحزن : هيا لآخذك عزيزي يبدو انك متعب وجهك شاحب
بدون م يحس ع نفسه وقفته معها : لآخذك الى شقتي ترتاح قليلاً
بعد خمس دقايق من تعبه يترنح بمشيته وهي متمسكه فيه دخلو المبنى وصعدته لشقتها ودخلو قفلت الباب ودخلته للغرفه سدحته ع السرير ابتسمت وقربت له
. -
" بيت ابو ميهاف "
ام يوسف بفرحه : والله ماتدرين هاه شكثر فرحتي لما دريت انتس راجعه
ميهاف بضحك : اشوفك اشتقتي وحنيتي لي..
ام يوسف : افاا ماعاد فيه احد يمر علي ويقعد
عندي ويونسني ويتقهوى قهوه الضحى معي ليه م تبيني اشتاق
ميهاف : والله الصدق اني اشتقت لتس ي خاله
ان شاء الله هالشهر بعوضتسس ماعليتس
ام يوسف : ايه لاتقهوينا البسي عبايتس وخلينا
نطله نفرفر بالخيمه اللي مسوينه بالزاويه بجنب
الجامع يمدحونها
ميهاف : ميت قلبتس ع البراقع ؟
ام يوسف وهي تمسح بايدها ع برقعها : اي والله ان الحريم براقعهن يهول القلب ولاسألتهن من وين براقعتسن ؟ قالن الخيمه والخيمه
ميهاف بضحك : من عيوني
ام يوسف : الا هاه اخبارتس واخبار رجلتس عساتس مرتاحه معه ..
سكتت ميهاف بهاللحظه تطالعه بثانيه صمت عميقه !
وارتسمت ابتسامه مجامله : الحمدلله بخـير كلنا خليك مني انتي طمنيني عنك
ام يوسف : هاه بدت تستحي لاجبنا طاري زوجها وين حسك ؟ كل ذا حياا وين ميهاف اللي لسانها يلوط اذانها ؟
ميهاف بتكشير : يوه شفيكم علي اليوم انتم !!
ام يوسف : ليه به احد قايل هالحتسي ؟
ام ميهاف بضحك : ااي انا مير والله ان حكيي صدق ..
قامت ميهاف : بقوم اجيب لي صحن
دخلت للمطبخ بسرعه
ضحكت ام يوسف : والله صايره تستحي هالبنت
ام ميهاف : الزواج عقلها وخلاها راكده !
وقفت ع المغسله غمضت عيونها وبتأفف : حتى وهو بعيد يذكرون اسمه بكل وقت ومكان !!!
فتحت عيونها وبضجر :من اليوم الاول بعد ! كابوس هذا
_
" بيت ابو صقر "
بيادر بحزن تواسي امها : ي يمه لاتنقهرين والله
م يسوى تحرقين قلبك عليه
ام صقر : الشرع حلل اربع وماحنا عباد الله اللي
نعترض ! بس ماهو بهالطريقه ؟ لا كرم زوجته ذي ولا حط لي تقدير ! ابوكم ماعاد هو بعقله
بيادر : ادري يمه من بعد وفاه امي غاليه وهو متغير بس لاتشيلين بخاطرك عليه ان شاء الله نكلمه ويمكن يرجع لنا ابوي الاولي
ام صقر : اصصص ولاكلمه لاشوف وحده فيكم مكلمته خلوه مثل ماهو ! يطيح الجنون اللي براسه ويطخ
_
" عبدالعزيز "
ركب سيارته بتفكير وقهر : والله لو ادري بس انها هي والله لا اسحبها وارجعها لاهلها غصب
انا الحماار انا اللي وديتها
لبيت ام سيف انا اوف ي سيف انت بعد نكبتني وسافرت الحين كيف اوصل لها ؟ كيف اقابلها !! مافيه الا اخذ رقمها بس كيف ؟
ضرب بايده ع الدريكسون بقهرر : اااخخخ بتجلطنـ..
فجأه سكت لما خطر بباله فكره !!
_
" سيف "
اول م قربت منه حيل عقد حواجبه وهو يحس الدنيا تدور فيه وكأن ضباب غطى ع عيونه بشبه وضوح يشوفها !! م حس الا بايدها ع صدره
لما قربت من وجهه صد ع جنب وعفس وجهه يحاول يصحصح يحس جسمه باقي متخدر بخمول مو طبيعي
يسيطر عليه
مسكت وجهه ولفته عليها ونطقت بالانقلش : ماذا بك ؟
ضيق عيونه يحاول يركز فيها وبكلامها !
جيسي : استرح قليلاً سأعمل لك مساج
رفعت ايدها ومسحت ع وجهه بنبره اعجاب
تطالع بعيونه : كم انت وسيم ؟
قربت زياده له بلحظه ماهي بتقرب اكثر و...
الا صد بسرعه ودفها عنه !!
بقت تطالعه لما قام بعدم اتزان يضغط ع نفسه قد م يقدر طلعع من الغرفه
مرر نظراته حوله مضيع م يدري وين الباب !
استند بايده ع الجدار ونزل راسه ويضغط بايده الثانيه ع جبينه من التعب والخمول اللي فيه !
م حس الا بايدها ع ظهره عقد حواجبه فتح عيونه ولف عليها ميلت راسها وابتسمت : لماذا انت حزين ؟
رمش ببطئ وصد بتأفف همس ببحه صوته : وين البـ..
استوعب انه نطق بالعربي غمض عيونه بضجر نطق بالانقلش : اين البـ..ـاب
فتح عيونه لما وقفت قباله وحاوطت بايدينها ع رقبته : لماذا لاتود ان تسهر معي ؟
طالعها باستغراب وهو بالقوه يرمش ويفتح عيونه بكل ثقل جسمه مستند بايده ع الجدار !
زفر بقرف نزل ايده من ع جبينه ومسك ايدها بيبعدها عن رقبته الا تمسكت فيه زياده
طالعها باستنكار !! وقربت وهمست بدلع : ليس هنا احد ابق معي لنستمتع !
اما هو بدون قوه وحيله نطق : مابـ..
حطت ايدها ع فمه : اششش لاتتحدث فقط لاتخرج وكن معي
قربت اكثر منه وهمست : سنستمتع كثيراً
غمض عيونه بضجر وقرف والدنيا تدور فيه !! لثواني معدوده
وفتح عيونه عقد حواجبه بعدم استيعاب !
نطق وبالقوه يوضح صوته : ميـ..ـهاف ؟
جيسي باستغراب : من ؟
مرر نظراته بين عيونها وملامحها ونطق بدون وعي رفع ايده حطه ع وجهها : ميهـ..ـاف ؟
ابتسمت جيسي ومسكت ايده : هيـ..ـا
عقد حواجبه بدون اي احساس مشى معها
قعد ع الكرسي وهو مو مستوعب الا لما قربت
وقعدت ع رجوله ابتسمت !
سيف بإرهاق مسند راسه ع ورا ويطالعها بنصف
عيونه اللي طغى عليه التعب : كيـ..ف وصلتـ..ـي لعندي ؟
قربت جيسي له اكثر رفع ايده ومسح باطراف اصابعه ع خدها وكله وهم انها ميهاف : كنـ..تي رافضـ..ـه تسافريـ..ن معي ؟
-
" ميهاف "
وهم طالعين من سوق الخيمه صادفوا ام تركي وتركي بيدخلون !
التقت عيون ميهاف بتركي اللي لاشعورياً ابتسم
وقفت ام تركي ببشاشه : مااااشاءلله مااشاءلله سبقتونا والله ع سوق الخيمه
ام يوسف بضحك : ي هلافيتس
ام ميهاف : اخبارتس ؟
ام تركي : والله بخير وانتم ؟ طمنوني عنكم
ام ميهاف : الحمدلله بصحه وعافيه نشكر الله
ام تركي بتفاجأ : ميهااف ي هلا والله ي يمه
ماشاء الله متى جيتي ؟
ميهاف : اليوم الصبح
ام يوسف : لايفوتس بضاعتهم جويده والله
ام تركي : والله لو داريه كان رحت معكم نتفرج
ام يوسف : دامه المغرب قدامنا وقت ماعليتس
يالله بندخل معتس
ام تركي : صدق ؟ والله زين م تسوون !
ميهاف : طيب انا برجع للبيت
ام ميهاف : انتظريني يمه بروح معتس
ام تركي : افا ماراح تمشين وتتفرجين معنا؟
ماعليك البيت قريب بلفه الشارع بعدين هي بنت وش كبرها ماراح تضيع !
ام يوسف : امشي تونسي معنا دام ماعندتس شي
ميهاف : روحي معهم البيت قريب م يحتاج ترجعين وانا بسوي عشا ابوي
ام ميهاف باستسلام : امري لله اجل روحي وانتبهي ع نفسك
تركي : انا بخلص لي كم شغله وبعده برجع ..
ام يوسف : وشو له ترجع ؟ م حنا ضايعين البيوت قريبه روح روح الله يستر عليك
ابتسم : اوكك اجل
دخل لداخل السوق اما ميهاف لفت بتمشي
الا قاطعها تركي : ميهاف
بلعت ريقها بارتباك وهي تنتفض من الحيا ع صوته !
لفت وبهمس بدون م تطالع بعيونه : هـ..ـلا
تركي : امشي شوي هنا ع جنب حتى اكلمك
رفعت عيونها تطالعه باستغراب : شتبي ؟
تركي : بس بقول لك كلمتين ! والله ماراح اطول
طالعته بتردد وحيره !! تركي باصرار : يالله بس نصد عن الناس شوي
ميهاف : بس دقيقه !! ابتسم : مو مشكله
مشت وراه ع جنب عند الشجره والسيارات اللي صاده عن الخيمه شوي
وقفت قباله : شبغيت ؟
تركي : زعلتي من كلامي اليوم ؟؟
طالعته لثانيه !! ثم هزت راسه بنفي : لـ..لا ليه ازعل من الحق ؟
ابتسم براحه : خفت انك شايله بخاطرك علي والله ..
تنهدت : معك حق باللي قلته ومقرره اني اتطلق منه بس انتظره يرجع من سفرته
تركي بقهر : جعله م يرجع !!
ميهاف : لاتدعي !! مهما صار يبقى زوجي
قاطعها بعصبيه : لا تقولين زوجي !!! لاتنطقين بهالكلمه ..
بلعت ريقها وهي تطالعه بتخوف من عصبيته ! : خلاص طيب لاتعصب !
تركي باصرار وقهر: انتي لي وبتبقين لي ذاك الحيوان بيطلقك غصب !
صدت ميهاف ونطقت بتملل : خلاص لاتجيب طاريه مابي اسمع اسمـ.. اختفى صوتها بلحظه م التقت عيونها بعيون امها من بعيد ..
-
" بين ابو ميهاف "
دفتها امها لداخل البيت بعصبيه تنتفض
قفلت الباب ولفت عليها بصراخ : وش كنتي قاعده تسوين معه !!! هاه !!
ميهاف بارتباك تطالع بامها : وش اسـ..
شهقت بخوف لما امها قربت وسحبت النقاب
وطشته ع الارض ومسكت بنتها من عضدها
بنظرات شرسه وبعصبيه مثل البركان : لاتردين علي بسؤال وش كنتي تسوين مع هاللي م يتسمى !!! ليه واقفين ع جنب صادين عن عيون الناس !! هااااه طالعي فيني ي ميهاف لاكسر العصا ع راستس
لفت ميهاف بخوف وصدمه تطالع بامها !
والدموع بعيونها : م سـ..ويت
قاطعتها امها بصراخ هستيري : وش اللي يبيك
فيه اسود الوجه ولحالكم بالزاويه !
ميهاف بارتباك تطالع بامها وبلعثمه ! وقلبها مثل الطبول !!!
ام ميهاف بعصبيه : والله ان م نطقتي لاعلم ابوتس والله !!
ميهاف برعب يدب بقلبها بين نبضاته وصدمه !!!
" بيت ابو صقر"
وقف عبدالعزيز قبال بيت عمه ابو صقر !
مرر نظرات عيونه ع البيت : كيف اوصل لها ؟؟ كيف ؟؟
غمض عيونه وتنهد بتنهيده عميقه فتح عيونه ونزل توجه للباب دق الجرس
وهو يتمنى انها تطلع او يلمحها حتى !! ماهي دقيقتين الا فتحت ميري الباب
ابتسم عبدالعزيز : وين صقر ؟
هزت اكتافها ميري : مايأرف
عبدالعزيز وهو يحاول يماطل : كيف ماتعرفين م جا هنا هو اليوم ؟
ميري : فيه العصر يطلع بسورعه
عبدالعزيز : اهاا ! طيب وبابا ابو صقر هنا ؟
ميري : لا يطلع قبل عشره دقيقه
رفع عيونه عبدالعزيز يطالع بصدمه بدون م يوعي بميري
وكلامها الا الجوهره طالعه من الصاله بعبايتها ونقابها بتروح للمطبخ
لفت ع الباب و تسمرت رجولها بالارض
لما شافت عبدالعزيز توسعت عيونها بصدمه
اما عبدالعزيز بدهشه عرفها من عيونها
نزل عيونه عبدالعزيز للخدامه : جيبي لي كاس مويه بالله
طالعته بغيض ثم نطقت : اوك
لفت ودخلت ميري لداخل بلحظه مارجعت الجوهره ع ورا !
تقدم عبدالعزيز شوي تلفت حوله يشيك محد فيه ثم لف عليها اشر عليها تطلع يبيها
عقدت الجوهره حواجبها بخوف واستغراب !! عبدالعزيز بعصبيه اشر لها وبهمس : اخلصي
لف وطلع قعد بسيارته دقايق طلعت للشارع تتلفت حولها
فتح الباب ونزل اشر لها ! شافته بقت بمكانها تطالعه بخوف اشر لها بانزعاج وعصبيه : يالله
بخوف مشت لعنده
وهي بتركب السياره الا بلحظه م سطع نور لمبات
السياره من بعيد عقد حواجبه عبدالعزيز
اول م استوعب انها سياره عمه ابو صقر !!!!
-
" المانيا - ميونخ "
بالفندق طلع من باب الفندق وهو يترنح بمشيته وقف واستند بايده ع الباب نزل عيونه
ع قميصه اللي مفتح ازراره العلويه
تنرفز بسبب اللي صار رفع ايده وقفل ازاريره !!
اخذ نفس رفع عيونه ومررها ببرود وعدم استيعاب ع الناس الماره !!! بلع ريقه بصمت عميق
غمض عيونه بانزعاج من اللي صار مو مستوعب كيف كان بيستسلم !!! كيف وصل فيه الحال !!! كيف تخيلها للحظة ميهاف !! اين تلك وأين ميهاف ! فتح عيونه وتأفف مشى بخطوات بائسه بضياع
مشتت !! م يدري وين بيروح !!! خفت الزحمه بعد تأخر الوقت !! وهو يمشي انتبه لظلين للشخصين اللي وراه !
عقد حواجبه باستنكار وشك انه هم !!! لف بهدوء بطرف عيونه شاف هالشخصين
اكبر منه !! صد عنهم وكمل مشيته بدون نفس !! اخذ ع يمينه ع الشارع العام بشك !
الا هالشخصين لفو وراه !
بدأ يستوعب الوضع
استعدل بوقفته وبمشيته حط ايدينه ع جيوبه تأفف مامعه شي يركب فيه التاكسي !!! ولا حتى شي يقدر فيه يدافع عن نفسه لو تعرضو له !
نطق بينه وبين نفسه بندم : انا وش خلاني اسافر !!! ليه تهورت !
بتنهد :حتى شقتي بعيده عن هالحي ! كيف بوصل لها !!!
لف ع الشارع الفرعي حس بحركه غريبه
وراه عقد حواجبه وبطئ بمشيته ! مرر عيونه حوله !
المكان هادي وتقريباً فاضي الشارع !
لف بهدوء وببطئ باستنكار ! فتح عيونه بتفاجئ
هالشخصين مو موجودين !!!! التفت حوله بسرعه مثل المجنون بذهول !! متأكد انهم وراه !!! متأكد انه شافهم بعيونه وحتى يذكر اشكالهم !!! حتى انهم لفو معه ع هالشارع !
شايف ظلهم وحاس بحركتهم وراه !!! مافيه مجال انهم يلفون !! كل اللي حوله مسكر من بيوت ومحلات !!! وبعيده المسافه يبي لهم يركضون حتى يدخلون
ف الممرات !!! مستحيل حتى يكونون رجعو ع ورا
للشارع العام !! لان ابتعدو عنه !! وكأن الارض انشقت وبلعتهم !! نزل راسه بسرعه بالصداع القوي
اللي اجتاحه احنى ظهره وتأوه بقوه من الالم !! رفع ايده وغرسه بشعره وشد ع مقدمه
رآسه لوهله فتح ورفع عيونه حس بكل اللي حوله يدور ويدور !!! وانفاسه بدت تتبطائ اكثر واكثر !!
اختل توازنه وانخفض عنده الضغط !! رجع ع ورا وهو يمرر نظراته يدور اي كرسي يقعد عليه بس م كان الا طريق فاضي تماماً !
رفع حواجبه بحيث انه يركز اكثر مشى وهو يترنح
بمشيته للجدار حتى يستند عليه بلحظه م هو بيوصل الا يشوف الجدار يتحرك ضيق عيونه باستغراب يحاول يستوعب اللي يصير م حس بنفسه الا اظلمت الدنيا بعيونه وطاح ع وجهه ..
. -
" عبدالعزيز "
جمد بهاللحظه بصدمه
وهو يطالع بسياره عمه متوجهه لهم !!!
لفت الجوهره تطالع فيه !لف عبدالعزيز بسرعه عليها وبصراخ بوسط ارتباكه :اركبي بسرعه !!!
قمطت من صراخه !! لفت وركبت باستغراب !
ماهي ثواني الا وصل ابو صقر وقف سيارته
قبل م يدخل للقصر ونزل شباكه : ي هلا والله بعبدالعزيز
ابتسم عبدالعزيز بارتباك : هـ..ـلا ي عم اخبارك عساك بخير ؟
ابو صقر : الحمدلله بصحه وعافيه وانت اخبارك واخبار الاهل ؟
عبدالعزيز : بخير
ابو صقر : حياك ادخل تقهوى
عبدالعزيز : لا مستعجل والله ي عم جيت بس
ابي صقر بس مالقيته !
ابو صقر : دق عليه
عبدالعزيز : دقيت بس مقفل مو مشكله بكره اشوفه شكله مشغول
ابو صقر : ع خير ان شاء الله يالله مع السلامه
عبدالعزيز : مع السلامه
تنهد براحه وتنفس الصعداء لما شاف عمه حرك
ودخل لداخل لف وركب السياره بسرعه شغلها
الجوهره بخوف : جاااء بيدورني الحين اكيد
خلاص بنزل
قاطعها بعصبيه : ع قص رقبتي ان نزلتي !! طالعته بصدمه وخوف !! الا حرك السياره
الجوهره بترجي : الله يخليك رجعني والله لو بيدري بيعصب !!
عبدالعزيز : اسكتي مابي اسمع لك صوت !! طالعته بدهشه !!!
عبدالعزيز : انا مدري ليه اخذتك ذاك اليوم للبيت انا الغبي انا ابتلشت وابلشت الناس فيك !!!
بصمت تطالعه بوسط عصبيته وانفعاله !!! همست : لوين بتاخذنـ..ي طيب ؟
عبدالعزيز : ماالك شغل !!!
طالعته بقهر صدت بنرفزه !!
" بعد م وصلو لمنتزه صاد شوي ع الناس مافيه احد !! نزل من السياره فتح لها الباب ونزلها وقفت تطالعه باستنكار !! عبدالعزيز : انطقي يالله وش جابك لعندهم كيف تزوجتيه ؟ كيف رضيتي ع نفسك؟؟
عقدت حواجبها باستغراب !! : وانت وش دخلك !
رفع حاجبه بدهشه : وش دخلني هذا يصير عمي !!!!
فتحت عيونها ع وسعها : عمك !!
عبدالعزيز بقهر : اجيبك لبيت مرته الاولى ي الجوهره عشان بس استر عليك ليومين !! تروحين تتزوجينه والله لو درو عياله باللي انا سويته كان ذبحوني وتبرا مني ابوي حتى تنقلعين وتختفين من حيـ..
قطع عليه صوت من وراه : تعرفها !!!
انقطع صوت عبدالعزيز بهاللحظه !! لف ببطئ
بشك يحاول يكذب مسامعه الا اسودت الدنيا بعيونه من شاف صقر واقف يطالعهم
وملامحه بانت عليه الغضب وهو بالقوه ماسك اعصابه : انطق ليه ساكت !
الجوهره برعب رجعت ع ورا !!
عبدالعزيز بصدمه مصنم ..
-
" بيت ابو صقر "
ابو صقر بانفعال : كيف مافي معلوم !! مو انتي
بالبيت ؟! هااه
ميري : مايدري
ابو صقر : مو موجوده بكل البيت وين تروح يعني فيه احد هاوشها والاشي !!!
هزت اكتافها ميري بمعنى مدري !
انفجر ابو صقر بعصبيه : وانتي ليه موجوده بالبيت دامك م تدرين !!! ميري بخوف طالعته !! ابو صقر بعصبيه : انطقي !! اهرجي
نزلت عريب ع صراخ ابوها : شفيه ؟
ابو صقر بعصبيه لف عليها : وين راحت عمتك ؟
عقدت حواجبها باستغراب : وانا وش يدريني !
تقدم لها ابوها بخطوات سريعهه بغضب : لاتدرين !! تدرين بس ماتبين تقولين !
طالعته وهي مفجوعه من انفعال ابوها وكلامه !
دخلو مشعل والوليد للبيت وقفو باستنكار من عصبيه ابوهم !!
ابو صقر بصراخ : قلتو لها كم كلمه تسم البدن !!! وطردتوها اكيد !!
توسعت عيون عريب بصدمه : نطردها شدخلنا فيها اصلاً يمكن هي فهمت واستوعبت
الغلطه اللي سوتها وانحاشـ..
م حست الا بالكف القوي اللي لف وجهها للجهه
الثانيه بصراخ ابوها العالي : اصصصص
قطع الله هالصوت !!
وقفوا اخوانها مصدومين !!
ابو صقر بدون م يوعي ع نفسه مسكها من طرف
بلوزتها ركض له مشعل مسك ابوه يحاول يسحبه
اما الوليد مسك عريب وخلاها وراه وهو واقف
قبال ابوه !!! اما هي مصنمه بمكانها
بصدمه انسابت دمعتها بحرقه مثل لسعه الكف
اللي يحرق خدها من قوته !!
الوليد بعصبيه : تمد ايدك عشان ذيك !
مشعل : يبه شفيك ؟
ابو صقر بعصبيه : اقطع لسانك لا شفتك تتكلم
بهالاسلوب
دف مشعل عنه وصعد لفوق ! اجهشت عريب بالبكا
بحرقه ! لف الوليد بحزن ع حالها مسكها وضمها : خلاص عاد الحين وش يسكتك !!
مشعل بتنهد : ان لله مسحي دموعك والله م يليق عليك البكا !
_
"ميهاف "
ام ميهاف بصراخ : اهاااا الحين خفتي من
ابوتس ولاخفتي من الله اللي فوقكم !!
قربت وبعصبيه تضغط ع عضد ميهاف : انطقي وش بغاك فيه هالتركي !
بالزاويه تتهامسون !! عن انظار الناس ناسيه انك
متزوجه انتي وع ذمه رجال هاذي نهايه تربيتنا فيك هااه !!!
طالعتها ميهاف بارتباك !! : انـ..
فجأة انفتح باب الشقه لفت ميهاف و توسعت عيونها وهي تطالع بابوها اللي تجهم ملامحه ونطق بعد م سمع كل شي وفهم : مع تركي ؟
بلعت ميهاف ريقها حست بهاللحظه نهايتها ع ايده !!!
اما ام ميهاف بصدمه نزلت ايدها عن ميهاف !!
لحظة م قرب ابوها رجعت ميهاف ع ورا برجفه !
وقفت ام ميهاف بوجهه بارتباك وخوف: احمد والله فهـ.
رفع ايده بوجهها ونظراته ع ميهاف : ابعدي عن طريقي و لا تتدخلين ..
ام ميهاف بخوف لفت ع بنتها !
اما ميهاف مصنمه بمكانها وكل خليه بجسمها ترجف من الخوف !!
ابوميهاف بنبره هاديه مخيفه : وش كنتي تسوين معه !
بدقات قلبها السريعه مثل الطبول !! قرب ابوها لها : وش كان يبي منك ؟
ام ميهاف بخوف تتنقل نظرات عيونها بينه وبين بنتها !!
ابو ميهاف : م ودك تتكلمين يعني !
ميهاف بلعثمه انشل لسانها بهاللحظه من الرعب !!
الا ع صرخه امها لما ابوها رفع ايده وضربها
ع وجها كف يحرق خدها من قوته لف وجهها ع الجهه الثانيه !
وبصراخ : بلعتي لسانك ..
بصدمه نزلت دموعها وعيونها ع الارض
رفعت عيونها ببطئ لابوها بغصه عضت ع طرف شفتها
لفت بسرعه ودخلت غرفتها ضربت الباب بقوه وقفلته
انهارت بالبكى والضيق !!!
_
" عبدالعزيز "
صقر : انطق يالله !! عبدالعزيز : كل شي صار بالصدفه
رفع حاجبه صقر بسخريه : صدفه !!! عبدالعزيز : بفهمك كل شي بس هد اعصابك !
لف صقر ع الجوهره : بما انك طلعتي من البيت
ماشوفك راجعه له والا والله لاقلب حياتك عليك ! سامعه ؟
لف عبدالعزيز ع الجوهره اللي تطالعه بصدمه وخوف!! لف صقر ع عبدالعزيز : تكلم !!
لف عبدالعزيز عليه مرر بلسانه ع شفته السفليه وتنهد : اوك
لف ع الجوهره : اقعدي بالسياره !
طالعته بربكه !! تنهدت ولفت وركبت السياره
تقدم له عبدالعزيز واستند ع مقدمه سياره صقر بسط صقر ايده ع السياره بقله صبر : تكلم يالله !!
_
" سيف "
م وعى الا ع اصوات اللي حوله يحاولون يصحونه
فتح عيونه ببطئ ! ورجع غمضهم وتأوه بألم
رفع ايده وغطى فيه عيونه
اللي ممن حوله بارتياح انه صحى ! فتح عيونه بهدوء
عقد حواجبه وهو يطالع فيهم مجتمعين حوله !
كانو شابين وبنت !
نطقت البنت : هل انت بخير ؟
بلع ريقه وعفس وجهه بتعب ! رفع ظهره عن الارض ساعده الولد ورفعه و وقفه
نطق : هل تريد مساعده ؟
هز راسه سيف ب لا ومشى بدون م ينطق حرف واحد حتى
وقف ! ثم لف عليهم ونطق : هل لديكم سياره؟
طالعو ببعض ثم لفو عليه ونطقت البنت : نعم لدينا !
سيف : هل تستطيعون ايصالي الى ****
الولد : نعم نستطيع لكن كيف نثق بك ؟
سيف ببرود: حسناً لا اريد
ولف نطقت البنت : سنوصلك
لف وطالعهم باستنكار !
مشو معه لحد م وصلو سيارتهم وركبو وبعد م وصلوه
لفو عليه : هذا هو ؟
اومئ راسه ب ايه وشكرهم ونزل
صعد لفوق فتح باب شقته وللحظه م دخل
وقفل باب الشقه وهو بيشغل الانوار الا عقد حواجبه ..
-
" ميهاف "
قاعده ع سريرها بغصه وكميه قهر يستوطن قلبها !! رفعت ايدها برعشه تحسست فيه ع خدها بلسعه الكف
اللي يحرقها ! نزلت دمعتها بضيق !!
قطع عليها دخول امها ! رفعت عيونها ميهاف
لمحت امها ! بقهر صدت عنها ! تنهدت امها بتأنيب
قفلت الباب ومشت لها وقعدت بجنبها ! صدت ميهاف زياده بزعل !
حطت امها ايدها ع ظهرها وبلوم : ي يمه لاتزعلين منا انتي تدرين هاللي صار من خوفنا عليك ! م نبي لك
المضره ! محد يرضاه ع بنته لو شاف هالشي وش تبين اجل الناس يقولون !!
عضت ميهاف ع طرف شفتها بضيق !
ام ميهاف : المفروض انك تطلبين من الله التوبه وتعذرينا مو تزعلين !
لفت ميهاف عليها بنظرات دهشه وقهر ! : اطلب التوبه واعذركم ع سووء ظنكم فيني بايعين ثقتكم فيني انتم؟
عقدت حواجبها امها باستغراب : سوء ظننا ؟؟ مو هذا اللي شفته مو سمعته !!!
بلعت ريقها واستقامت ظهرها وباندفاع : كان يبي اني اتوسط عند سيف حتى يوظف اخته او يوظفه هذا اللي كان يبيه وانتم وش كان تفكيركم اني اخون زوجي ! ومع مين ؟ مع ولدد الجيران !! مجنونه انا ؟؟
_
" سيف "
رفع حاجبه بشك للصوت للي وراه ! مرر بنظراته
بريبه قدامه لف راسه ببطئ ل ورا وبكل شك وبترقب للي ينتظره ! للحظه م لف براسه الا
تنهد بأريحيه لف بكامل جسمه
زفر بزفره عميقه مرر بلسانه ع شفتهه السفليه
قفل الباب ببرود وشغل الانوار ولف مشى بخطوات
غير متزنه بتعب يسيطر عليه نزل جاكيته وبعدها
فصخ تي شيرته ورماه ع الارض بإهمال وتوجه
لغرفته اللي احتوته بأسوء حالاته !! احتوت ذاك الانسان المهزوز ! اللي مدمر داخله
بكل زوايا هالغرفه تحمل فيه مأساه له ! رمى نفسه
بدون اي شعور ع السرير اللي هجره من شهرين ! هالسرير اللي احتضنه بين نسيج فراشه
كل ذره حزن بجوفه ! سحب المخده اللي كانت ومازالت تتبلل بدموعه كل اخر ليله يعيشها ! دفن وجهه فيها
واطلق تنهيده عميقه بين مشاعر مهزوزه وانكسار !
كانت هاذي الشقه بالنسبه له المهرب من سوداويه الدنيا !
نظرته لشقته هي النجاه من اللي حوله وبوحدته !! لدقايق معدوده الا رفع راسه ببطئ بشك وريبه !!!!!!!!!!
#يتـــــــــــــــــــــــــــبع....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!