قوم ضمني من بعد قسوتك و أوزن ضلوعي على لحن الحياة و ضمني الفصل السابع 7 - بقلم سلطانة تجميع @storykaligi نتمنى لكم قراءة ممتعة

حست الصحون بتطيح من ايدينها !

بس لحق وكان اسرع منها ومسكها وحطها بالرف العلوي !!

ابتعدت ع ورا ولفت عليه تطالعه من فوق لتحت بدهشه !! : انت فيك شي؟

عقد حواجبه : لا ! ليه ؟

ميهاف بشك تطالعه : تعبان ؟

حطت ايدها ع جبهته : فيك حراره شكلك !

ابتسم : ليه؟

نزلت ايدها وهي مو مستوعبه : غريبه راضي علي اليوم بدون صراخ ولا هواش مثل العاده ! شسالفه!!!

حاوط ايدينه حولها : م يعجبك العجب انتي !

كشرت بحلطمه : لا

اعتدل بوقفته وابتسم : طيب خلصي ترتيب

ابتعد عنها وطلع بوسط صدمتها !

هزت راسها بغيض وبقهر : مجننون موب بعقله !!

رجعت تكمل ترتيب وبعد م خلصت من المطبخخ

طلعت ناداها للصاله : تعالي !

وقفت ع مدخل الصاله : شتبي !

سيفك : تعالي بوريك !

تنهدت باستسلام مشت ووقف قباله !

اشر لها بجنبه : اقعدي

زفرت بضجر وقعدت لف عليها الجوال : شوفي !

اي واحد احلى ! امشي ع اليسار

اخذت الجوال وبدت تقلب بين الصور للجلسات

ميلت شفايفها بتفكير وحيره !!

اما هو استند براسه ع وراا !

ميهاف بتردد : عجبتني ثنتين !

لفت عليه

سيف : اللي هي؟

قربت من عنده وقربت له الجوال : شوف ذي

ورجعت على الصوره اللي ورا : والا هاذي اي وحده اختار ؟

قلب بين الصورتين : احس الاولى احلى لون الابيض مريح

رفعت حاجبها باستنكار : والله طلعت ذويق خلاص اطلبها

اخذ جواله وارسل لصاحبه الجلسات واستكمل فيه الطلب اما ميهاف مستنده ع كف ايدها تطالعه

بعد م خلص نزل الجوال

ميهاف : طلبته !

رفع راسه واومئ ببطئ وهمس ببحه تعب : ايـ..ـه

م حست فيه الا لما انسدح براسه ع رجولها

بوسع عيونها بهاللحظه تأكدت انه موب بوعيه !

غمض عيونه وزفر بعمق وهمس : لاتتحركـ..ين

اما هي بجمود تطالعه !! فتح عيونه ووجهها فوق وجهه ابتسم بهدوء : قربي

عقدت حواجبها وبخوف : ليه؟

رفع ايده ومسك رقبتها من ورا وسحبها له وقربها حيل منه وباسها ..

ارخى ايده ع رقبتها

ابتعدت ع وراا بسرعة وهي مو مستوعبه تحس بالخوف ونفسها كل ماله يضيق !! دفته وقامت بسرعه ركضت وصعدت لفوق ..

اما هو انسدح براسه ع الكنب بعد م دفته وعيونه ع الدرج وهو يشوفها تركض ضحك ع شكلها وخوفها ! م توقع من هالحركه انها بترتبك هالقد وبتوتر ؟؟ اقل شي توقعه انها بتهاوشه

كالعاده وبلسانها اللي م يسلم منه !!!

اما ميهاف دخلت للغرفه بسرعه ودقات قلبها مثل الطبول بخوف وهي ترجف !! مو مستوعبه ! كيف تجرأ يسوي هالحركه ؟

حطت ايدها ع قلبها تحاول تطمن نفسها وتهدي من نبضاتها السريعه غمضت عيونها ورفعت ايدينها ومسحت ع شعرها وبهمس : هدي ي ميهااف ! م يسوى

عليك ترتبكين عشان حركته السخيفه ذذذي !!!

فتحت عيونها وبقهر : اووووف غبيه لو اني م قمت !! لو اني بس عطيته كم كلمه حتى يستحي ع دمه !!!

قوست ثغرها بلحطه وتأفف لما قعدت ع طرف السرير : الحين اكيد بيقول اني استحيت !! اكيد بيحط بباله اني منحرجه من هالحركه ومستانسه عشانها وبيعيدها الف مره

_

" بيت ابو ميهاف "

بغرفه النوم !

ابو ميهاف باستغراب : وشلون رجعت له وهي

ماتبيه شلون؟؟

ام ميهاف بكذب : الله يصلحك هذا بدال م تفرح ان ربي جمعهم ع خير واصلحهم تروح تزعل؟؟

ابو ميهاف : انا ماقلت شي ي مره !! بس مستغرب

هي امس م تبيه وتصيح حتى م ترجع له شلون

بليله بس رجعت له !! هو لما جا وش قالتس ؟

ام ميهاف : مدري عن شي خلاص شي بينهم وانتهى

ماعلينا اهم شي انه عرف بخطاه وصلحه

ابو ميهاف بقهر : وانا مو ولي بنتي ؟؟ وراه م كلمني ! ليه هالبيت مافيه رجال؟؟

ام ميهاف : يوه منك ي احمد ! انت مختفي من امس والرجال م حب يطول السالفه راضاها ورجعو لبيتهم وراه هالزعل ! المفروض انك مستانس موب قاعد تتحلطم !!

تنهد : لاحول ولاقوه الا بالله الاصدق وش العزيمه ذي اللي تقولين عنها !

ام ميهاف : تقول انها عازمه اهله ومن هالكلام ..

ابو ميهاف باستغراب : هو وراه م عرفنا ع اهله !!

ام ميهاف : يمكن الرجال م لقى له وقت ومشغول !

اعذره انت عاد

ابو ميهاف : وانتي بس تتعذرين عنه !!

ام ميهاف : ان لله

_

" الساعه ١٢:٢٣ منتصف الليل" " ميهاف "

وهي تتقلب ع السرير مو راضي لحد الحين تحس بهالشعور حطت ايدها ع بطنها لما مغصها من الخوف فجأة دق الباب شهقت ورفعت راسها ع صوته: ميهاف

ضحك لما سمعها تتأفف !

بعناد نطق : ميهااف !

رفعت راسها وبحلطمه : هااااه !

سيف : افتحي الباب

ميهاف : بنام

سيف : افتحي طيب ماراح اطول

ميهاف : شتبي ؟؟

سيف : افتحي قلت !!

ميهاف بقهر : سيف !! ترا والله وراي شغل بكرا

وحوسه خلني انام تأخر الوقت

سيف : قلت لك ماراح اطول افتحي الباب !

رفعت عيونها بتفكير : ماراح تطول ؟؟

ابتسم : لا !

قامت واخذت نفس عميق : واجهيه ي ميهاف ولاكأن شي صار لاتحسسينه انك متفشله !

مشت وفتحت الباب بهدوء : نعم !

عقد حواجبه وهو يطالعها : ليش م نمتي ؟

كشرت بغيض : بالله عليك هذا سؤال تسأله؟

ضحك دفها شوي ودخل اما هي طالعته بدهشه

لما انسدح ع سريرها توسعت عيونها بصدمه

: شتسوي ؟؟؟

غمض عيونه : مارتحت بغرفتي

عرفت انه ينرفزها مشت لعنده بضجر مسكت ايده وهي تحاول تستعطفه : سيف قوم خل عنك هالحركاااات والله بنااام

سحب ايده وفتح عيونه يطالعها : قلت لك تعبان

ومارتحت بغرفتي !

ميهاف : خلاص نام تحت بالصاله على الكنب !

سيف : ماحب انام بمكان مكشوف !

كشرت بقهر !! : خلاص نام بالمجلس وقفل الباب !

سيف : مارتاح بنومه الارض !

عضت ع طرف شفتها بقهر : لاوالله !!!

طالعها بتعب : شفيك علي ؟

تركت ايده وتكتفت بغيض : انت فيك شي ؟؟؟ حركاتك صايره تنرفز اليوم !!

ميل راسه ع المخده وطالعها بهدوء وهو يرمش ببطئ : ليـ..ـه !

ميهاف : مدري عنك !!! هزت راسها بقهر : تدري شلون !! انت نام هنا زين

وانا بنااام بغرفتك ..

وهي بتلف مسك ايدها : لا دقيقه !!

لفت عليه باستتنكار طالعت بايده ثم رفعت عيونها له : شفيه ؟؟

سيف بهمس : خليك معي !

تنرفزت وسحبت ايدها : لاااا انت اكيد مهلوس اليوم وش شارب !

ضحك : لا اذا قسيت م عجبك ! وان حنيت عليك

بعد م عجبك ! وش الحل معك؟

ميهاف : والله تقسى اهون من انك تحن وتتصرف هالتصرفات الغريبه ذي !!! هاذي مو شخصيتك ليش تتصنعها !!

مسك ايدها وسحبها لعنده وقعدها قباله : نامي عندي هالمره !

رمشت بسرعه بذهول ودهشه : سيف ترا والله

بديت اشك فيك !!!

غمض عيونه وتنهد : شسـ..وي! ابي اصلح اخطائي قبل مـ..

فتح عيونه وتنهد بهاللحظه لما استوعب نفسه

عقدت حواجبها بفضول : قبل وشهو ؟؟؟

مرر بلسانه ع شفته السفليه وهمس ببحه تعب : ولاشي

شكت فيه اكثر من نبرته : تكلم قبل وشهو !! ابتسم : قبل ماروح

استعدلت بجلستها باهتمام : لادقيقه فهمني وين بتروح ؟

طالعها لجزء من الثانيه ثم استعدل واتكى ع هيكل السرير : ماقلتي لي وش بتلبسين !

رفعت حاجبها بنظرات ازدراء : ليه تصرف الموضوع!

سيف : مين قال اني اصرف

قام : المهم نامي تأخر الوقت !

طالعته بطرف عينها !! طلع وتركها بوسط استغرابها تنهدت باستسلام

وانسدحت وتلحفت بتفكير بكلامه الى م

سحبها النوم الى ظلامه !

_

" الصباح بيوم جديد "

الساعه 8:19

ميهاف اللي قامت ع رنين جوال سيف ! رفعت

جوالها تطالع بالساعه وبنصف عين مفتوحه من النعاس !

تنهدت وقامت بكسل دخلت للحمام وانتم بكرامه

_

سيف

بصوت ناعسس رد : الـ..ـو

ام صقر : اثرك نايم !! سيف وهو يمسح عيونه : ايـ..ـه

ام صقر : اسمع انزل افتح الباب للسايق جايب الخدامه يالله

سيف : يوه ! نسيته ..

ام صقر : يالله تراه ازعجني وهو يدق ينتظرك تفتح

تنهد وقام طلع من غرفته وهو نازل لتحت : يالله بفتح له

ام صقر : وعلم ميهاف ان كان تحتاج شي تقول لي

لاتستحي

ابتسم من بين نعاسه : ابشـ..ري

فتح الباب ودخلت الخدامه : قود مورنينق بابت

سيف : قود مورنينق !

ام صقر : يالله خلني اقفل وراي اشغال

سيف : اوك ي الغاليه

قفل جواله ع نزول ميهاف باستغراب وقفت تطالع بالخدامه وفيه !

قفل سيف الباب ومشى

ميهاف : مين ذي ؟

سيف : الخدامه ارسلتها امي منيره حتى تساعدك !

عقدت حواجبها : تساعدني لا ماحتاجها والله ليش كلفت ع نفسها وارسلتها!

تنهد وصعد لفوق وهو مار من جنبها : خلي الدلع عنك

لفت عليه : بتنام !

كمل صعوده لفوق : ايه

تنهدت ولفت ع الخدامه نزلت بابتسامه سلمت عليها

: صباح الخير

ماريا : صباح الخير

ميهاف : افطرتي ؟؟

ماريا : نعم ماما

ميهاف بتنهد : طيب نظفي البيت وانا بدخل للمطبخ ابدأ بشغلي

اومئت الخدامه براسها بطواعيه وبدت بالشغل ..

_

" العصر "

نزلت بسرعه للمطبخ وهي رافعه شعرها كله فوق

بعد م استشورته دخلت

وصادفت سيف : جبت الحلويات !

سيف : ايه ولا تطلعين برا ! قاعدين يركبون الجلسه !

ميهاف : صدق ؟ اشوا م طولو

لف عليها وعقد حواجبه : ليش م تجهزتي مابقى شي ع المغرب !

استندت ع الطاوله بجنبه لفت وجهها بوجهه : بلبس ي دكتور سيف تطمن

رفع حاجبه : بالله !

رفعت حاجبها بثقه : ايه

لف وهو بيمد ايده ع التشيز ومسكت ايده وسحبته : لاااا ياااويلك

طالعها بطرف عينه : خير ان شاء الله ! بس حبه !!

ميهاف : لااا انا مسويته ع العدد مابي ينقص

طالعها بطرف عينه ثم طلع لفوق حتى يتسبح !

6:34 المغرب"

ميهاف "

بعد م سوت شعرها ستريت وبأطرافه ويڤي رجعته لينسدل بطوله ع ظهرها

حطت مكياج خفيف وبعد ما كملت ابتسمت برضا وفرحه ع مكياجها كيف ضبط معها!

اخذت فستانها اللي بلون لحمي فاتح ولبسته مسكت شعرها وحطته كله ع جنب ولفت ايدها ع ورا حتى تسكر السحاب

وعقدت حواجبها مو راضي يرتفع معها لفوق !

ميلت شفايفها وحكّمت مسكتها فيه حتى تسحبه

بس كان ناشب عند البدايه م تحرك ولو سم واحد

رمشت بسرعه بلعت ريقها بارتباك : لااا والله مو وقتك !

عضت ع طرف شفتها

وهي شاده بكل قوتها بتسحبه بس م قدرت

حست انه بينقطع تركته

واحنت ظهرها وهي تتنفس بإجهاد وحلطمه : ياربي مابقى شي

وبيجون اوووف

لفت بسرعه وهي يالله تمشي حتى م تطيحح

اخذت جوالها..

و فتحت عيونها ع وسعها بشهقه لما شافت الساعه: تأخرت !

لفت بسرعه وبارتباك فتحت الباب وهي ماسكه

فستانها من ورا بالسحاب اللي ممتد لآخر ظهرها

وتنادي وهي منخرشه من الوقت عند الدرج : ماااارياا ي ماااريا

يااااربي وين راااحت

لفت بقهر بس جمدت مكانها لما شافته عند باب غرفته يعدل الكبك حق كم ثوبه بإستغراب

من صراخها : شفيك ؟

بلعت ريقها بإرتباك : ولاشي

رجعت ع ورا لغرفتها م قدرت تلف حتى م يشوف فستانها

اللي مفتوح ظهره من السحاب !

اصطدمت بطرف الباب !

عقد حواجبه وعيونه تتنقل فيها من فوق لتحت : شسالفتك تمشين بالمقلوب !

ميهاف : كيفني ياخي عاجبتني مشيتي

رفع حاجبه بإستنكار بلعت ريقها دخلت وسكرت الباب بسرعه مشت للتسريحه وقفت بحلطمه رجعت مسكت السحاب

وهي تحاول تسحبه لفوق بس م سسحب معها

تنرفزت بقهر : الله ياخذك!

بلحظه دخول سيف م انتبهت له وهي تتحلطم

عقد حواجبه : ليه هالصراخ ؟

لفت بسرعه له بوسع عيونها : كيف دخلت؟

رفع حاجبه لما شافها ماسكه ظهرها من ورا : لايكون عشانه

م سكرتيه !

بلعت ريقها بارتباك مشى لها رجعت ع ورا وهو يتقدم

ميهاف بربكه : الا سكـ..

سكتت لما مسكها ولفها بظهرها عليه

شدت بايدينها ع ظهرها بس ابعد ايدها حست

بالاحراج ووجهها انخطف لونه لما حست بأيده البارده يلامس

خصل شعرها وظهرها ويبعده اقشعر جسمها بقوه ..

حس بقشعريرتها ! ابتسم بخفه مسك السحاب اما هي نظراتها تتنقل بالارض وهي ترجف !!

بلعت ريقها وقلبها مثل الطبول !! م حست فيه الا لمااا قفل السحاب

لاشعورياً من قوه ارتباكها ابتعدت ع ورا بعد

م قفله ولفت عليه وبلعثمه :شكـ.. شكراً

لفت للتسريحه اخذت ساعتها برعشه ايدها

طاحت ع التسريحه اخذتها بتأفف وارتباك

وهي حاسه ب نظراته الثابته عليها !!

اتسعت ابتسامته وهو يشوف ارتباكها !! نطق وهو يغيضها : شفيك ؟

لبست ساعتها ونطقت بدون م تلف عليه : ولاشـ..ـي

اخذت التركيه " الحلق " للاذن ولبستهم وهي تنتظره بفارغ الصبر انه يطلع !! رفعت عيونها عليه : تأخرت !

عقد حواجبه : انا والا انتي !

ميهاف : طبعاً انت !

رفع حاجبه : عادي وش عندي بيكون !

ميهاف بحلطمه :سيف تكفى اطلع قبل م يجون !!

اتسعت ابتسامته : ليه ؟

ميهاف بتكشيره : كيف ليه !! لو جـ..

قطع عليها رنين الجرس !

شهقت : هاااه شفت !! جو بسرعه بسرعه انزل واطلع من ورا

سيف :طيب انزلي استقبليهم والا بتخلينهم ع الباب !

لفت بسرعه اخذت الصندل لبسته بلحظه م تعثرت الا مسك ايدها

رفعت عيونها بسرعه له بصدمه!!

سيف : بسم لله عليك بشويش !

رمشت بسرعه بعدم استيعاب تطالعه لجزء

من الثانيه لما دق جرس الباب من جديد !

شهقت : تأخرت !!!

سحبت ايدها من ايده ونزلت بإستعجال وهي متمسكه بالجدار حتى م تطيح الا ع ماريا وهي تفتح الباب

ابتسمت ببشاشه وفرحه لما شافت امها سلمت عليها وابتعدت ودخلتها : حياك يمه حياك

اخيراً جيتي !

اخذت الاغراض من ايدها : خليه عنك

لفت للخدامه : مااريا تعالي شيلي الاغراض !

ام ميهاف بإعجاب تتنقل عيونها بالبيت لما دخلت: ماشاءالله لا اله الا الله ي يمه مااشاءلله تبارك الله

ابتسمت ميهاف : كيف عجبك ؟؟

ام ميهاف : شدعوه يمه مايعجبني ؟ ماشاءلله لامن اثاث ولا غيره ! تستاهلين ي يمه

اتسعت ابتسامتها : ي قلبي انتي

ميهاف وعيونها تتنقل حول امها : وينه حمودي ؟؟

ام ميهاف : والله ابوك مشغول اليوم تراكمت عليه اشغال امس ويبيه يساعده

كشرت بزعل : يوه عاد بغيته يغير جو

ام ميهاف : بيجي شوي !

ام ميهاف : الا وين رجلتس ؟

ميهاف : فوق !

ام ميهاف بهمس : هاه بشري كيف وضعتـ..

قطع عليها سيف ببحه صوته الرجوليه : هلا ولله نورتينا

لفت ميهاف عليه وهو نازل من الدرج

ام ميهاف ببشاشه وتهليل : هلا يمه

سلم عليها بوسط نظرات ميهاف فيه ..

سيف بابتسامه ابتعد : نورتينا والله

ام ميهاف : البيت منور بأهله وانا امك !

جمدت ملامحه بهاللحظه من سمع اخر كلمه نطقت فيها

انتبهت ميهاف لتعابير وجهه ! بس لحق ع نفسه

وابتسم بابتسامه باهته : حياك حياك ادخلي

البيت بيتك

دخلو للصاله

ام ميهاف : تسلم ي يمه م قصرت

لف سيف ع ميهاف : انا بطلع ان بغيتي شي دقي

على السايق لان جوالي بقفله

ميهاف : طيب

ام ميهاف : افااا ع وين ي يمه اقعد تقهوى معي

خلني اخذ علومك

ابتسم : ااعذريني ي خاله تأخرت خيرها بغيرها ان شاء الله يالله فآمان لله !

ام ميهاف :بحفظه ي وليدي

طلع سيف الا ام ميهاف دفت بنتها : روحي لرجلتس لين م يطلع وعطيه كم كلمه حلوه شفيتس مرتزه قدامي !

ميهاف بتأفف : يوه ي يمه ! كأنه ميت ع كلامي عاد خليه يروح

ام ميهاف بحده مسكت عضد بنتها : ميهااااف !

خلي عنتس العناد والله اني داريه محدن مجنن الولد غيرتسس !

تنهدت ميهاف بإستسلام وقهر مشت حتى بس

تسلك لامها !

مشت لعنده بلحظه ماهو فتح الباب الا حس فيها

لف استنكر لما وقفت قباله !

جمعت كفوفها وضمتهم ببعض وهي تطالعه

وبتردد !

عقد حواجبه : تبين شي ؟

ميهاف لاشعوريا نطقت : لا

رفع حاجبه باستنكار : بالله ؟

تنهدت : بتـطول ؟؟ طالعها بازدراء : لاوالله ! ذا سؤالك؟

كشرت بغيض قربت وهمست منه: ياخي بس رد علي بنفس طيبه امي غاصبتني اني اودعك ! وجع

طالعها باستغراب و ضحك

ضربته ع صدره : اششش لا تسمعك !

سيف بهمس : يعني تبينا نمثل حركه الزوجين السعيدين !

كشرت بغيض!

ضحك : ابشري ماراح اطول

تنهدت : يالله مع السلامه استودعتك الله

ابتسم : ادري مو من قلبك

جمدت ملامحها م عطاها مجال تنطق الا طلع

استنكرت تصرفه !! تنهدت قفلت الباب وراه

ورجعت لامهاا !

ام ميهاف : راح ؟

ميهاف : ايه تعالي بوريك وش سويت حلويات

مشو دخلو للمطبخ

ام ميهاف : ياااامااااشاءالله والله انه اوسع من مطبخنا

ضحكت ميهاف : اي اضيع فيه

طلعت ميهاف الحلويات من الثلاجه

وصفتهم ع الطاوله : هاه رايك ؟؟

ام ميهاف : ياماشاءلله وش هالزين وهالسنع!! ابتسمت ميهااف ع مدح امها

ام ميهاف : لالالا بنتي محدن قدها بهالسنع تحصني يمه لاينظلونتس شوي

ضحكت : ياااخي اموت انا ع هالتغزل والمدح

بهاللحظه قطع عليها صوت سياره برا

ام ميهاف : شكلهم ضيوفتس !

ميهاف : بروح ارحب فيهم وانتي يمه تكشخي

فوق بغرفتي ع اليمين

ام ميهاف : يالله

طلعت ام ميهاف وصعدت لفوق اما ميهاف تنهدت وفتحت الباب الا بأم وصايف !!

تصنعت الابتسامه ورحبت ف ام وصايف وبنتها

العنود ! : هلا والله ومرحبا

سلمت ع ام وصايف : هلا بك ي قلبي اخبارك ؟

ابتعدت ميهاف : بخير وانتي؟

ام وصايف : بخير ي يمه

لفت وسلمت ع العنود ببرود مثلها

ابتعدت ع ورا وضيفتهم لداخل ! استنكرت ان

وصايف م حضرت عزيمتها ! بس تجاهلت هالاستنكار م همها من تكون وجودها من عدمه واحد بالنسبه لها!

بعد م دخلو للصاله وقعدو

ام وصايف : شكلنا اول المعازيم

ابتسمت ميهاف : اايه

ام وصايف : بتجي عمتس ام صقر ؟

ميهاف : ان شاء الله

حطت العنود رجل ع رجل : الا وصايف كانت بتجي بس م قدرت ع اخر لحظه صديقتها بتجيها للبيت

طالعتها ميهاف ثم ابتسمت بتسليك لها وصدت : عن اذنكم !

طلعت من الصاله الا امها نازله

همست : هاه شرايتس ي يمه ؟

ابتسمت ميهاف وغمزت : الحلو حلو لو بخيشه رز ي حلو انتي !

ضربتها امها بحيا ع كتفها : بسك عاد جو احد من المعازيم ؟

ميهاف: ايه خاله سيف وبنتها تعالي اعرفك عليهم

تنهدت ام ميهاف ومشت معها دخلو للصاله

قامت ام وصايف والعنود سلمو عليها

ميهاف : هاذي امي !

ام وصايف ببشاشه : ي هلا والله عاش من شافك م بغينا

ابتسمت ام ميهاف : تسلمين ي قلبي

رن الجرس ! طلعت ميهاف وفتحت الباب كانت عايله سيف رحبت فيهم لداخل !

وبعدها بدو يجون المعازيم ويمتلي المكان

طلعو لبرا للجلسه بعد م اجتمع الكل !

بين سوالف وضحك وكان الوضع مريح لميهاف

وفرحه ان امها اندمجت معهم ! وهم نفس الشي !

قامت العنود ودخلت لداخل ومعها جوالها !

شكت ميهاف فيها !

استإذنت وقامت ودخلت للبيت ووقفت لحظتها

لما سمعتها تهمس : جااااء ؟

الا بلحظه م فتحت العنود السماعه للسبيكر

: دقايق م اسمعك انا !

وصايف بارتباك :قلبي يعورني من دق علي وقال

ابي اشوفك !! ا

العنود : تتوقعين وش يبي ؟

وصايف برجفه : مدري بس قلبي يرجف والله جااا جااا ..

العنود بضحك : ي عزتي ع الخبله تدوج بين الحريم مو داريه عن هوى داره

عقدت ميهاف حواجبها باستغراب !!

الا بهاللحظه لما وصايف نطقت : خليك ع الخط بفتح له !!

العنود : اوك

فتحت الباب له برجفه

سيف : مساء الخير

وصايف بارتباك : مسـ..ـاء النور

بهتت ملامح ميهاف

بصدمة !!!!

وكأن الدنيا تدور فيها !!

عقدت حواجبها

بعدم استيعاب وعيونها تتنقل بالفراغ بصدمه!! رجعت ع ورا بهاللحظه بخطوه تبين فيها رجفتها ! مهما كانت تكرهه ! وتستحقره م يوصل فيه انه يهين كرامتها ويستغفلها !! لفتت وبغصه بلعت ريقها بلحظه م شافت بيادر داخله ابتسمت

ميهاف لها بابتسامه باهته ومليانه تصنع !!

بيادر : مهوفه ابي شاحن عندك؟

برجفه ايدها ووجهها منصفق يالله تنطق : موجـ..ود بالصـ..ـاله

ابتسمت بيادر ولفت ودخلت للصاله ! اما ميهاف مشت

وهي تحس انها بدون وعي واستوعاب بنفسها الى م طلعت لعند الحريم !

قعدت بجنب امها وهي بالقوه تتماسك !

ام ميهاف وهي مندمجه تسولف مع منيره ام صقر !

لفت ام صقر ل ميهاف : الا ي يمه بشري عسى

تعرفتي ع جيران !

ميهاف بدون وعي تطالع بفنجال القهوه بتفكير !

لفت امها عليها لما لاحظت سكوت بنتها !

ام صقر باستغراب تطالعها !

ام ميهاف بهمس : يمه !

مسكت ايد بنتها : ميهاف !

بهاللحظه رفعت ميهاف عيونها بسرعه لامها

وبهمس ولعثمه : هـ..ـلا

ام ميهاف باستغراب : فيتس شي ؟

بلعت ريقها وابتسمت : لـ..ـلا

ام ميهاف : المره تسألتس شفيتس !

عقد حواجبها باستغراب : مين ؟ اي سؤال؟

ام ميهاف : ام صـقر !

لفت ميهاف عليها بهاللحظه بابتسامه : هلا خالتي

ام صقر بضحك : شصاير بتس شكلتس م نمتي زين !

ابتسمت ميهاف : شدعوه بس سرحت شوي امريني خالتي شقلتي !

ام صقر : اسألتس يمه اذا تعرفتي ع جيرانتس ولاباقي ؟

ابتسمت ميهاف : لا والله للحين م حصلت لي فرصه حتى اتعرف عليهم !

ابتسمت ام صقر : عاد تعرفي ي يمه حتى بعدين لاطفشتي تتزاورون ع بعض !

ميهاف بهمس وهي مخنوقه : ان شـ..ـاءلله ..

تنهدت بهاللحظه وهي تحس عيونها تحرقها

من الدموع وهي كابحه غصتها بداخلها وجوفها يحترق !!! الكره اللي بقلبها بهاللحظه !

م ينوصف !! احترمت زواجها منه حتى انها

م طرت تركي قدامه ولا مره !! اما هو ببجاحه يطري

وصايف الف مره ومره !!! نزلت عيونها لايدينها اللي ترجف

غمضت عيونها وتنهدت بهدوء تحاول توازن نفسها !! تتمنى ان هالعزيمه تخلص بسرعه !! بلحظتها رن جوالها حمدت ربها انه دق حتى تطلع بهاللحظه

قامت من مكانها بوسط اندماج المعازيم بينهم ! بدون م يلاحظونها ! دخلت ميهاف لداخل مرت من المطبخ تجاهلت العنود بدون م تلف

عليها صعدت لفوق دخلت لغرفتها بسرعه وقفلت الباب

قفلت جوالها واستندت براسها ع الباب غمضت عيونها

بهاللحظه انسابت دمعتها بحرقه مثل حرقه قلبها

اهانها وذلهااا وااهاان كرامتها بدون م يرف له جفن !

اخذت نفس عميق مشت بسرعه للتسريحه

اخذت المناديل مسحت دموعها حتى م يخرب

مكياجها اخذت تهف بايدينها ع عيونها اللي تحرقها من الدموع !

ضاق صدرها غمضت عيونها واستندت بايدينها

ع التسريحه تنهدت بتنهيده عميقه : اهدي ي ميهاف ! مو هو اللي يكسرك ويذلك !! مو هو!!!

فتحت عيونها ورفعت راسها للمرايه وهي تطالع بنفسها رمشت بهدوء الا ع رن جوالها بين ايدها ! نزلت عيونها

له شافت رقم ابوها تنحنحت وردت

بنبره يبين فيها لهفتها عليه : هلا والله

ابو ميهاف : كيفتس ي بنيتي ؟

ميهاف : بخير وانت ؟

ابو ميهاف : بخير ي يبه دامتس بخير ! طمنيني

عنتس ؟ عساتس مرتاحه !

ميهاف غطت وجهها بكف ايدها اليسار : الحمدلله

ابو ميهاف : وين امتس م ترد ع جوالها؟

نزلت ايدها وتنهدت : قاعده مع الضيوف جوالها مو معها اكيد

ابو ميهاف : متى تبيني امرها !

ميهاف : لا يبه من الحين ! الساعه ١١ تو م تعشينا

حتى طيب ؟

ابو ميهاف بتنهد : ع خير ي يبه

ابتسمت : ان شاء الله

ابو ميهاف:يالله ان خلصت خليها تدق علي

ميهاف : اوك

ابو ميهاف : فآمان لله

ميهاف : بحفظه يارب

قفلت جوالها ونزلت راسها وتنهدت بعمق

استعدلت بظهرها عدلت شعرها وطبطبت على عيونها

اخذت جوالها ومشت ونزلت ولا كأن شي صار

ع نزولها من الدرج صادفت العنود اللي طلعت من المطبخ

طالعت بميهاف وابتسمت ولفت وطلعت لبرا هزت ميهاف راسها بقله صبر : غثى !!

طلعت لبرا مع المعازيم وهي راميه كل شي ورا ظهرها مو وقته حتى تحرق اعصابها ونفسها عشانه !!

" ابو صقر "

بعد م وصل لبيت ام سيف رحمه الله عليها

وقف ع الباب ودقه ثلاث مرات حتى ان كانت

الجوهره فيه ! تنتبه

فزت ع الباب لما دق !! ابو سيف: افتحي

مشت بسرعه للباب وبرجفه : هـ..ـلا

ابو سيف : افتحي ي بنيتي ابيك بموضوع

ارتبكت بخوف : بـ..

قاطعها : عليك الامان والله ي بنيتي ابيك بس بموضوع بسيط

ارتبكت بالاخير استسلمت من بعد ترددها وفتحت الباب

و...

_

" تركي "

بلحظه م ركب سيارته حاس بالضيق من امس

مو راضي يروح عن باله منظرها لما طلعت معه !

تافف بغضب اخذ جواله واتصل ع مشعل حتى يقابله ..

-

" ميهاف "

بعد م تفضلو الضيوف للعشا وتعشو

وميهاف بدم بارد تجاهلت كل شي !

بعد م تعشو قعدو بالصاله اما البنات برا

ميهاف وهي ماسكه كاسه الشاهي وحاطه رجل

ع رجل بكل ثقه وشموخ قدام العنود بعناد ع الساعه ١١ بدو يروحون المعازيم شوي شوي

الى م كانت ام ميهاف اخر وحده الساعه ١٢ ونص

ميهاف بابتسامه : تكفين يمه زوريني مو تقطعين!!

ام ميهاف : طيب ي يمه من عيوني يالله ي يمه ابوك ينتظر براا لااطول عليه

ميهاف : اوك فآمان الله وسلمي لي عليه وخذي

الحلويات ذي تقهوي عليها بكره مع ام يوسف وسلمي لي عليها

ام ميهاف : ان شاء الله ي يمه مع السلامه

ابتسمت ميهاف الى م طلعت امها تنهدت وقفلت الباب

نزلت الصندل ع طول : يوه يارجولي !!! وش هالتعب ؟؟ مشت ع رجولها العاريه وهي بتعب ابتسمت : اخخخخ الحمدلله البيت مثل ماهو والمطبخ ! يارب

تسعدها هالخاله يااارب > تقصد ام صقر !

مشت قفلت الانوار وخلت نور الاباجوره شغاله

وصعدت للدرج فوق دخلت لغرفتها حتى تبدل !

_

" بيت ابو صقر "

ام صقر باستغراب ؛ انتي وش تقولين !!

الخدامه ؛ ماما انا يسوف في هدا بابا سيف ينام

غرفه ! ومدام غرفه ثانيه !

ام صقر : ي وجهه االله متزاعلين !!

الخدامه : هادا ماما المدام اغراض هيا عطور ملابس كل سي في غرفه وبابا سيف في غرفه انا في ينظف

ماما ! iam sure !

ام صقر بدهشه : لااااا اله الا الله !! فيهم بلااا هالاثنين ماهي معقوله زواجه بهالسرعه والمشاكل اللي هم فيه!

ماش ماهم طبيعين !! لفت ع الخدامه : خلاص نامي انتي الحين ! وياويلتس اذا في يتكلم هاه لاحد ثاني !

هزت الخدامه براسها بطواعيه وطلعت ام صقر وبراسها يدور الف فكره وفكره !!

_

" ميهاف "

مسحت مكياجها ولبست بجامتها رفعت شعرها كله فوق بكعكه عشوائيه مشت ونزلت لتحت دخلت للمطبخ اخذت كوبها وحطت فيه الكابتشينو

صبت فيه المويه الحاره وهو تحركه بالملعقه ع الطاوله بلحظتها حست بصوت لمحت انعكاس سيف ع القزاز اللي قدامها وهو يمشي لها بهدوء بمقصد يخوفها رفعت حاجبها

وكشرت بحقد ! بلحظه م مسكها سيف من خصرها

تصنعت الشهقه والخوف وبلمح البصر لفت بسرعه وكبت على صدره وبطنه كله الكابتشينو الحار..

صرخ من قوه م احرقه بوسع عيونه !

ميهاف بتصنع وتمثيل وهي مستانسه بداخلها : يوه !!

رجع ع ورا وهو ماسك ثوبه ومبعده عن صدره من قوه م يحرقه

يتنفس بسرعه !!

رفع عيونه لها : شسويتي ؟؟؟

ميهاف بلعانه وبتمثيل : يوه م قصدت والله

هزت راسها بلحظه م استوعبت انها حلفت : استغفر الله ياربي دقيقه دقيقه!

لفت بسرعه اخذت الكوب وعبته مويه دافيه مايل للحراره من الحنفيه لفت بسرعه وكبته

عليه صرخ بقوه !

ميهاف بنذاله وهي تستمتع بتألمه : تراه

مويه باارده خله يبرد عليك

طالعها بوسع عيونه صرخ : وين باردة ؟!!!

ميهاف باستغباء : شفيك؟؟

رمش بسرعه وهو يتنفس بأنفاس مسموعه من قوه م يوجعه وحار لف بسرعه وطلع باستعجال يركض لفوق وهو يفك ازارير ثوبه ابتسمت بخبث : بااااقي م شفت شي ي الخاين !! تحسبني مذلوله ؟ تخسى

لحقته بسرعه لفوق دخلت للغرفه الا بلحظه م شافته

يفسخ ثوبه وعاض ع شفته من قوه الالم

ميهااف بهمس تتصنع تأنيب الضمير : معليش

م شفتك خوفتني انت م دريت وقتها

تجاهلها وهو يحس صدره بيتشنج من حراره الكابتشينو

مر جنبها بسرعه و لحقته

ميهاف : وين بتروح !

سيف بدون وعي : بنقلع اتروش بمويه بارده

الله ياخذني ليه تلقفت انا ليه !!!

ميهاف : دقيقه دقيقه بروح افتح لك المويه بالحمام

سبقته ودخلت

دخل لغرفه التبديل فسخ فنيلته ورماهاا

شاف صدره العاري مايل للاحمرارر بقوه ع

عض ع طرف شفته جلده يحرقه !! فسخ السروال ولبس شورت حتى يبرد عليه

وبصدره العاري مشى بسرعه بيدخل للحمام

صادفته ميهاف وهي طالعه بققت

عيونها لما شافته عاري ! : ششفـ..

م كملت كلامها ودفها عن وجهه بسرعه ودخل للحمام باستعجال قفل الباااب

لحظتها ابتسمت بخباثه

لما سمعت شي بالحمام عنده طاح : سيف !

م رد عليها بس صرخ لما فتح المويه..

طلعت بسرعه وانفجرت بضحك : والله لاطلع لك قرون ي سيف عبدالله هين ي انا ي انت بهاللعبه !!

توجهت لغرفتها اخذت سكينول الليمون وصبته

ع القطن لين م غرقته وصبت فوق القطن نفسه

عطر طلعت ورجعت لغرفته

وقفت ع باب الحمام وهي تسمعه يسب ويلعب

هزت راسها بتهديد : تونا ي سيف

فتح باب الحمام وطلع بوجهها وقفت وعيونها بعيونه بشكله اللي غرقان بمويه كله

وشعره المبلول اللي ع وجهه بعشوائيه ورموشه مبلله

وقطرات المويه تنزل من ع شعره الى وجهه وصدره العاري

-

" مشعل وتركي "

مشعل : يالله اهم شي صحصحت !

تركي : اي والله كنت متضايق وطلعتني من ضيقتي ي شيخ

ابتسم مشعل : شفت كيف اني وجه خير وبركه اصلاً وجهي بنفسه يفتح النفس

تركي بضحك : مو كأنك زودت العيار شوي !!

مشعل بضحك : شدعوه يالله خلني اروح طفشني الوليد وهو يدق متحديني ع الفيفا !

تركي : يالله فآمان لله

مشعل :بحفظه

توزعو كل واحد ع سيارته

_

" بيت ام سيف "

الجوهره وهي كل تفكيرها محصور باللي

قاله عبدالله " ابو صقر " لما جاها العشاء !

نزلت راسها بلحظه م اجتمعت الدموع بعيونها

كيف وصلت لهالحد !! كيف حدوها ذل اهلها

واهانتهم لها حتى انها تنحاش من بعد م كانت

مأسوره عندهم ! تنهدت بتنهيده عميقه من جوف مهزوز

_

" ميهاف وسيف "

بهاللحظه شتت نظراتها بحقد !!

سيف بقهر : ليه المويه حاره؟

لفت عليه وعقدت حواجبها باستغراب : اي مويه؟

تجاهلها وهو يحس من الالم مو قادر يتوازن

حتى بمشيته قعد ع طرف السرير وهو يتنفس

بأنفاس سريعه !!

رفع عيونه لها : وين كريم الحروق !!

اما هي عيونها ع صدره اللي مايل للاحمر

رفعت حاجبها بخبث ع انتقامها له !!

عقد سيف حواجبه باستغراب ! : اكلمك انا !

طالعته بهاللحظه : هلااا لبيه !

مشت له : ايه حاطه بالقطن الكريم

قام وهو بياخذه من ايدها الا ابعدت ايدها

: لالا انا اللي بحطه لك !

غمض عيونه وتنهد باستسلام رفع ايده ورفع

شعره عن جبينه غرس ايدينه بشعره المبلول

بهاللحظه حطت القطن ع صدره

وهي تتذكر كل كلمه كانت تنطق فيها العنود مع وصايف !

يتجدد فيها الحقد والكراهيه له ! كيف اهان كرامتها الف مره ومره وكأنها عبد مذلول له !

رفعت عيونها بهاللحظه له لما ابتعد ع وراا وصرخ

من الالم حط ايده ع صدره اللي بدأ يتورم

ويلسعه !! : وش ذاااا !! عقدت حواجبها باستغباء متصنع : شفيك ذا كريم للحروق شدعوه لهالدرجه يعور !!

عقد حواجبه من قوه الالم : تستهبلين !

ميهاف : شفيك ؟

دفها وتوجه للحمام بسرعه هزت ميهاف اكتافها بعدم مبالاه مشت ورمت القطن بالزباله اعزكم الله

وهي بتلف وتطلع بهاللحظه سمعت شي يصطدم بالارض بقوه ركضت بسرعه ودخلت للحمام شهقت لما شافته طايح ع ارضيه الحمام وانتم بكرامه عض ع طرف

شفته من قوه الالم اما هي بصدمه تطالعه !!

" بيادر "

أول مابدأت عيونها تغفى صحت ع رنين جوالها تأفف بانزعاج وكسل اخذت جوالها وهي بتقفله فز قلبها ع اسمه ورقمه استعدلت بجلستها بهاللحظه بارتباك ترد والا م ترد ! : لالا ي بيادر لاتردين اسفهيه مثل م سفهك !!

قفلت بوجهه وفتحت جوالها الا برسايل

كثيره بالواتس عقدت حواجبها باستغراب !

فتحت الواتس وتوسعت عيونها بدهشه من كميه

الرسايل اللي هو ارسلها طلعت للسناب نفس الشي

واغلب البرامج !! كله يبيها ترد عليه ضروري !

عقدت حواجبها باستغراب رجع دق ! تأففت وردت بنبره جافه : نعم !!!

نايف : افاااااا م تردين عليه !!

بيادر : شتبي اخلص !

نايف : زعلانه ؟

بيادر : اخلص وش تبي ؟

نايف : زعلانه يعني ؟

بيادر بتأفف : شتبي !! نايف : عشان اني م رديت عليك هاليومين !

بيادر : انت ادرى !

ضحك : طيب احبك

بيادر : خلصت ؟؟

نايف : اعشقك !

بيادر : بقفل

نايف : والله اموت فيك واللي خلقني اني م انشغلت الا عشانك !

بيادر : كثر من هالكذب

نايف : والله ثم والله اني رحت اخلص اوراقك للماجستير مو انتي تتحلطمين قبل يومين عنها !

عقدت حواجبها بهاللحظه : نعم؟

نايف : شفتي كيف انك ظلمتيني !

استعدلت بجلسستها بصدمه : يعني انت !! طول الفتره اللي راحت كنت شلون يعني !! مو مستوعبه !!!

ضحك : وانا عندي احد يشغلني بحياتي كثرك ؟

_

" ميهاف وسيف"

مشت لعنده بسرعه جت بتمسك ايده بس رفع ظهره عن الارضيه

وهو يتأوه من الالم !

ميهاف بدهشه : شلون زلقت!!

قام ع حيله : انا مين داعيي علي!!!

رمشت بعدم استيعاب !

سيف بتأفف طلع ولحقته هي: شلون طحت بسم لله!

سيف وهو يمشي ببطئ من الالم اللي بظهره

:طيحت علبه السايل وانا داخل للحمام وانكب

ميهاف: اححح !!

دخل لغرفه التبديل وهو يدور له بنطلون طلعت لغرفته ماهي ثواني الا هو طالع كان لابس

بنطلون قطني وتارك صدره وجسمه العلوي

عاري من الالم

مشى وقعد ع طرف السرير من الالم دايخ !!

رفع عيونه لها : جيبي لي ثلج

طالعته لجزء من الثانيه ثم لفت ونزلت لتحت وهي تتحلطم : احسن هذا ولاشي باللي سواه وبيسويه فيني!!

اخذت الثلج ورجعت لفوق دخلت اعطته كيس الثلج اخذه وحطه ع صدره تكتفت وهي تطالعه رفع عيونه لها !

وهي شتت نظراتها عنه بسرعه ونزلت عيونها عضت ع طرف شفتها

والنار يحرق جوفها حررق لهالدرجه مستغفلها ويوطى كرامتها ؟؟؟

كشر وعفس وجهه من لسعات الحراره اللي بصدره

تنهد : يبي لي اروح للصيدليه

اما هي بنظرات قهر تطالعه لأول مره تحس

انها مهانه لهالدرجه !! استغفاله لها يوجعها !

تكرهه ولاتطيقه رغم قلب امه اللي يفز بين ضلوع صدرها له !! بس كرامه جنس حواء فوق كل الحدود اللي انوجدت بهالحياه !

ملت وهي مثل العبد المذلول له ! تحت رجلينه بكل كلمه يأمر عليها فيه ! وبكل كلمه يجرحها فيه !! وبكل فعل يستقصد يعور قلبها فيه !! تعبت وهي تقاوم هالذل والاهانه ! تعبت وهي تستحقر نفسها

الف مره ومره عشان رجل اهانه يقال انه رجل ! بنظرها هو ذكر !! ويكرم الرجال منه !

بلعت ريقها بغصه لفت بسرعه وطلعت من الغرفه توجهت لغرفتها وهي ضايقه فيها الوسيعه

وهي مقهوره ع نفسها وانها سمعت له وطاعته بكل اوامره وهو يقلبها ع مزاجه وهوااه !! وكأنها مقيده بين حدود

مزاجيته وانانيته وقساوه قلبه !!

دخلت للغرفه ضربت الباب بقوه وهي تغلي بداخلها م حست بنفسها الا اجهشت بالبكاا

مشت بخطوات بائسه ماعاد فيها الحيل انها تمثل القوه قدامه وكأنها جبل م يهزه ريح! بين طيات حزنها ووحدتها تنهار ! وهي قدامه بتصنع وتمثيل انها شامخه ! صعب عليها انها تعيش بين شخصيتين!

م حست بهاللحظه الا لما انفتح الباب ! لفت لاشعوريالما شافته يطالعها باستغراب تجاهلته ولفت بسرعه

مسحت دموعها بعنف وعشوائيه بلعت ريقها وهي تدعي الله

انه يطلع ولايلمح دموعها وانكسارها !! م حست الا بخطواته لها كل م يتقدم الا تزيد نبضات قلبها لفت عليه وبنبره حاده

شوي وهي صاده بعيونها عنه :سيف اطلع بنام !

وقف قبالها باستغراب ونظراته تتنقل ع مجرى دموعها اللي شق طريقه ع خدها

صدت بكل وجهها لما حست بنظراته ياكلها

اكل !

همس : شفيك ؟

تنحنحت بنبره باكيه وهي ماسكه نفسها حتى م تنهار : بنـام اطلـ..

اختفى صوتها لما مسك وجهها بايده ولفها عليه بس صدت تقاومه م تبي تطالع فيه بتعرف نفسها انها بتنفجر من القهر وبيستانس انه قدر ينتقم منها شد بقبضه ايده

ع وجهها وثبتها لوجهه لتلتقي عيونها بعيونه بنظرات هاديه

وحنيه وب البحه اللي بصوته : شفيك !

قوست ثغرها لاشعورياً مثل الطفله وهي بالقوه كاتمه بكيتها بقلبها !

قرب لوجهها لما لمح الزعل بعيونها وبنبره خوف وضح بصوته : فيه احد ضايقك؟ !!

نطقت وبعيونها اللي تلألأت بالدموع : اكـ..رهك ..

عقد حواجبه بهاللحظه بإستغراب من نطقت هي بهالكلمه !

رفع حاجبه بشك : شصاير ؟

بهاللحظه انسابت دمعتها بحرقه لاشعورياً وبعيونها الغرقانه بالدموع بعيونه !

سيف بإهتمام وعلى اعصابه : ميهاف ! انطقي ..

رمشت ببطئ وقله حيله ! صدت عنه

بضيق وهي بتمشي مسكها من معصم ايدها

ولفها عليه !

نطق : شسالفتك ؟

طالعت بايده ثم رفعت عيونها تطالعه : شتبي ؟

سيف : ابيك تتكلمين !

سحبت ايدها من ايده وببرود وبحه تعب: مافي شي اقوله

رفع حاجبه بإستنكار : لاوالله!

ميهاف بقله حيله وبدون خلق : فكني يكفي اللي فيني خلاص !

سيف باستننكار : لاوالله ! ع وشهو زعلانه مو شفتي امك ! مو خليتيها تتعرف ع اهلي مو تونستي معهم ! والاعشان قلت اعزميهم!! ترا العزيمه بالاول والاخير لك انتي حتى تدخلين

معهم ! ليش معصبه ومحمقه الحين !

رمشت بتعب : خلصت ؟

صد بقهر وتأفف !

لفت ومشت ابعدت الفراش وقعدت وهي بتنسدح

لف ووقف قبالها بإستنكار: : بتنامين !!!

رفعت عيونها له بتعب وبتنهيده : تراي تعبانه بعد هالعزيمه خلني انام والله مالي خلق لك ولالشي تكفى

سيف : انطقي بالاول وبعدها بخليك تنامين !

كشرت بقهر و اندفعت عليه بدون م توعي بنفسها : مافيني شي بس كذا ابي اقولك اني اكرهك كيفي !!!

عقد حواجبه من اندفاعها الهستيري !

ميهاف بعصبيه : يعني تحس ان هالكلمه شي جديد عليك من يومي وانا اقولك اني اكرهك

واكرهك واكرهك ! واكره اللحظه اللي جمعتني فيك !!

سيف : وعلى اي اساس تصارخين ومنفعله م اذكر ان ازعجتك هاليومين ولا قسيت عليك !

صدت ونفخت وجهها بتأفف ! لفت عليه بعصبيه : والله ي سيف عبدالله المقرن !! والله لو تفرش لي الارض ورد وتطيرني فوق فوق فوق !! اني لابقى اكرهك ولاراح يكون بقلب امك اللي بداخلي مثقال ذره حب لك !! هالقلب بيكون اسود مثل سواد افعالك فيني والله اقولك كرهي لك ماراح يقل بيوم !! هالقلب انسى انه بيبقى يحبك !! ماهو ف ضلوع امك لاتنسى!!

م حست بهاللحظه الا لما دفها ع ورا وطاحت ع السرير هو فوقها ووجهه بوجهها رفع حاجبه : والله طالت وشمخت ي ميهاااف احمد !!! شكلك اشتقتي للهواش !

طالعت فيه بنظرات حقد لفت بعيونها ع رقبته

لجزء من الثانيه ! ثم لفت عليه ونطقت بقهر :

وش هالعلامه اللي برقبتك !!

عقد حواجبه بهاللحظه : وش قلتي !

ميهاف : وش اللي برقبتك !

استنكر سؤالها ثم أبتسم بسخريه : ليه يهمك !

طالعته بغيض: م يهمني بس مستنكره !

صد وضحك بحقد وسخريه اما هي شبت النار بجوفها من استخفافه فيها

لف عليها تلاشت ضحكته إلى ابتسامه سخريه

واستهزاء : أدري وش تفكرين فيه بس مو هو إللي ببالك !

عقدت حواجبها بهاللحظه

قرب منها ورفع حاجبه بازدراء : لو ابي اسوي

هالشي كان سويته أيام عزوبيتي ! مو بوقت م

تزوجت !

جمدت ملامحها بهاللحظه بدون أي تعابير

ضحك باستخفاف : ليه لا يكون حس بالك اني

مثل تركي وشرواه !

حست دمها يفور بهاللحظه من ذكر اسمه ع لسانه

انتبه لنظرات الشر بعيونها والحقد

ضم حواجبه : افا م ترضين أطري اسم حبيبك !

عطف شفتها السفليه بغيض

بهاللحظه تذكرت وصايف والمكالمه

إلا هااجت نطقت بنظرات التحدي اللي لمعت بعيونها : اااايه ماارضى عندك اعتراض ي دكتور

سيف !! طالعها لجزء من الثانيه باستنكار من هالجراءه إللى فيها

ثم صد ومرر بلسانه ع شفته السفليه بوسط نظرات

الانتصار بعيونها انها نرفزته م حست إلا هو لاف عليها طالعها بهدوء : ع اساس انك نرفزتيني

الحين بكلامك عن ذا تركي وش هالعقل إللي برأسك !

ميلت راسها وضحكت باستخفاف فيها : أنا مجرد مرايه تعكسك وتعكس أفعالك مثل م انك تحاول تنرفزني ب وصايف فانا رده فعل لك ببساطه انرفزك فيه !

رفع حاجبه وهو يسمع كلامها ابتسم بخفه

ثم رفع نفسه من كان فوقها وقام قعد ع طرف

السرير ورجله اليمين ثانيها تحت ركبه رجله

اليسرى وايدينه بحضنه يطالع بالجدار بفراغ

أما هي قامت واستعدلت بجلستها وهي تطالعه

بريبه واستنكار من صمته !

لف عليها : جهزي شنطتك الخميس الجاي بنزلك عند أهلك قبل م اسافر

عقدت حواجبها بهاللحظه بشك وصدمه : هاااه !!!

صد وقام : مثل م سمعتي

لف وهو بيمشي فزت من مكانها ووقفت قباله

بدهشه : دقيقه دقيقه

وقف باستنكار يطالعها

ميهاف بصدمه : بتخليني عند اهلي ! ما راح اقعد

هنا لحالي !

سيف وهو يغيضها : اجل ما راح اخليها بخاطرك خليك لحالك هنا لشهر

توسعت عيونهاا بصدمه : لالالالا والله مو قصدي ..

سيف : أجل سدي فمك رمشت بلحظتها بسرعه : بتسافر لشهر ليه !

رفع حاجبه بنظرات ازدراء من كثر أسئلتها

مسكها من وجهها وسحبها له وعيونه بعيونها

بفرق الطول إللى بينهم ضايعه قدامه : بتكثرين اسئله بتنثبرين بين زوايا هالبيت

بلعت ريقها فكها ومشى وقف ولف ع صوتها لما سألت : لايكون تزوجت وذا شهر عسل

نطق بصدمه : شدراكك!

جمدت بصدمه ..

"بيادر "

عند بيادر إللي قاعده ع طرف السرير ومتكئه

براسها ع ايدها والابتسامه م تفارق شفاتها كيف انه يفكر فيها ويهتم لادق اهتماماتها وهي كانت تتكلم بعفويه !

نطقت بحلطمه : اوف منك ظلمتيه هذا انتي

دايما ي بيادر متسرعه اووف أاخ ياربي أنا وش سويت بدنيتي حتى

تنعم علي بهالنعمه !

استندت برأسها ع المخده غمضت عيونها

والابتسامه مرتسمه ع شفاتها

_

"صقر "

بلحظه م أمه قاعده عنده بغرفته تسولف : ي يمه ودي لو انك تقعد مع أبوك شوي والله هاليومين زايد م عاد ياكل وبس يفكر

صقر : طيب يمه يمكن عشان المرحومه

أم صقر : لالا اقولك زايد ي يمه أنا ابخص فيه

صقر بتفكير : يمكن عشان سيف آنبه ضميره

جايز !

أم صقر : لالا ماهو عشانه قلب أبوك مايلين

بعد إللي صار ي يمه قاسي وقلبه من حجرر

صقر بنهيده ضيق : إن لله ي يمه والله كان عندي أمل أنهم يتصالحون !

أم صقر : شسوي ي وليدي والله اني ادعي ليل ونهار حتى يرجعون لبعض بس الشكوى لله

محد يدري باللي كاتبه ربك

تنهد صقر : طيب يالله نامي حتى م نتأخر عن موعدك بكره الصبح

قامت أمه ع حيلها : أي والله تأخر الوقت يالله ي يمه تصبح ع خير

صقر : وانتي من اهله

طلعت أمه ..

وهو انسدح هو ع ظهره بتتفكير بحال سيف وابوه !!

_

"بيت أبو تركي "

أم تركي : ماشاءالله واضح ي يمه أنهم ناس اجاويد

تركي : أي والله ي يمه أما مشعل بكفه ثانيه

ميعاد وهي حاطه ايدها ع خدها وتسمع كلام تركي عن مشعل واهله

تنهدت : اخخخخ حمستني أقابلهم

تركي : أفكر اني اعزمهم بعد م استلم الراتب

أم تركي : اعزمهم ي يمه ..

ميعاد : صح اعزمهم

تركي : أن شاء الله

_

ميهاف وسيف "

جمدت بهاللحظه بدهشه : صددق!

رفع حاجبه بشك : كيف عرفتي ! تراقبيني !

هزت راسها بلا : قلتها بعفويه بس م توقعتها

جد !

مشى لها كل م يتقدم هي ترجع ع ورا بارتباك حست أنها جابت العيد !

وقفت ووقف قبالها : متوقعه اني برضى فيك طول عمري !

ابتسمت بسخريه : ولا أنا بعد برضى فيك

تنهد بتنهيده طويله : م تبين الراحه !

تكتفت بغيض : مين المجنون إللى م يبي الراحه !

سيف : انتي

كشرت بوجهه تجاهلها ولف ومشى

استعدلت بوقفتها بهاللحظه لما شافته تجاهلها وطلع لحقته كان منتبه انها وراه بس سفهها دخل لغرفته ودخلت معه

اتقدم ع السرير بعد م شغل المكيف حط ذراعه

ع عيونه : قفلي النور واطلعي

ميهاف بغيض تنرفزت وهي واقفه عند الباب نطقت بكل جراءه : عشان كذا كنت عند وصايف اليوم تخططون لهالسفره !

نزل ذراعه عن عيونه وفتحهم ولف عليها بعدم تصديق باللي سمعه طالعها بصدمهه مو مستوعب إللي هي نطقته

استعدل بجلسته بدهشه من كلامها : عيدي إللى قلتيه !!

ميهاف : م يحتاج أعيده سمعته زين

رفع حاجبه من جراءتها : والله طالت وشمخت

ي ميهاف أحمد

ارتبكت بهاللحظه من كلامه لما وقف هو لحظتها استقامت هي بوقوفها ونزلت ايدينها

بعد م كانت متكتفه بلعت ريقها بخوف

لما مشى لها : اشوفك تماديتي !

وقف قبالها وعيونه بعيونها ّ إللى تتنقل نظراتها فيه !

همس : مين انتي حتى تسإليني هالسؤال وتحاسبيني

ميهاف بدون رد

سيف : بلعتي لسانك !

حست بأطرافها تثلج من الارتباك

رفع حاجبه وبنظرات ازدراء : ليه كنت عندها

وش بتسوي !!

توسعت حدقه عيونها بصدمه توقعته أقل شيء ينكر !! كل مالها تنصدم

فيه وف شخصيته أكثر واكثر

بعيونها إللى معلقه بعيونه وهي تحس

بالنار شابه بين ضلوعها وتأكل قلبها أكل م تحبه وتكرهه بس أقل شي يحترم انها زوجته وبينهم عقد بشرع الله وسنه رسوله

شتت نظراتها عنه لفت بسرعه وطلعت

بخطوات سريعه دخلت لغرفتها وضربت

الباب بقوه وقفلته أما هو باستغراب من رده فعلها يدري أنها م تطيقه بس ليه

انقهرت هالكثر ! تنهدد بلامبالاه

قفل بابه ومشى وانسدح ع السرير

بانتظار ان عيونه تغفى

_

" ميهاف"

وهي متنرفزه والدموع بعيونها

رفعت راسها تحاول تقاوم من أن دموعها

تنزل : م يستاهل دموعك لاتبكين ي الغبيه

لاتبكين ! مسحت عيونها بعشوائيه

شالت مفرشها وانسدحت دفنت وجهها بالمخده بقهر !!

الصباح

" بيت أبو صقر "

وهم يفطرون قطع عليهم مشعل : يمه

أم صقر : سم ي وليدي

مشعل : تعرفين خويي إللي جاء قبل يومين

تركي اقصد

أم صقر : أي وش فيه

مشعل : أفكر اعزمه هو واهله بالويكند

بيادر : اوه

عريب بارتباك من سمعت اسمه !!

أم صقر : هاذي الساعه المباركه ي يمه تعلمهم خلنا نتعرف عليهم ..

الوليد : ودي اشوفه هالصديق الجديد اعزمه

مشعل : خليها بينا طيب لاتعزمين أحد

أم صقر : بس بعزم زوجه اخوك

مشعل : أي إذا ع سيف وزوجته عادي

أم صقر : ع خير ان شاء الله

_

اول م طلع سيف من غرفته ماهي ثانيه بينهم

إلا طلعت ميهاف من غرفتها شافته مرسم وكاشخ استغربت وكشرت صدت

ونزلت لتحت تنهد ونزل من بعدها

دخلت للمطبخ هي..

سيف وهو مار متوجه للباب : لاتحسبيني بالفطور

ميهاف بكراهيه : تخسي اني أفكر افطرك !!

أما سيف طلع وركب سيارته وهو بيحرك إلا قطع عليه رنين جواله برقم غريب ضم حواجبه باستنكار رد : هلا !

بالصوت الجهوري الغليظ : سيف !

زاد من تعقيده حواجبه : مين معي !!

المجهول : احسن الله عزاك ي سيف ف وفاه أمك

عقد حواجبه سيف بهاللحظه واستعدل بجلسته باستغراب !! : تسلمم م قصرت ! بس مين معي !

المجهول : أدري اني متأخر ف تقديم الواجب

بس م عرفت إلا البارحه

سيف بتعجب : اعذرني م عرفتك !

المجهول : مو مهم تعرفني ! بس حبيت

اني اكون ببدايه طيبه معك قبل م تشوف

العكس

عقد سيف حواجبه زياده ثم ضحك بسخريه : لحظه لحظه قاعد تهدد أنت الحين !

المجهول : انتبه ع نفسك وحاول تطول بالك باقي م شفت شي

سيف : وش بشو ..

قفل المجهول الخط بوجهه

أبعد سيف الجوال عنه يطالعه لما قفل الخط رفع حاجبه باستنكار واستهزاء : يالله صباح خير !

رمى جواله ع المقعد إللى بجنبه وشغل السياره

وحرك

_

"بالمستشفى"

صقر : يالله يمه ينادونك ..

قامت ع حيلها : كآنه بيهذر فوق رأسي بحتسي

ماله داعي بطلع

صقر بضحك : ي يمه هو دكتور ويعرف ويفهم

بحالتك

أم صقر : لالا محدن أبخص فيني

صقر : طيب يالله لانتأخر عليه

دخلو لعند الدكتور.

_

"سيف "

بلحظه وصوله للمستشفى دخل ودخل الاصنصير للاداره فوق طلع وتوجه لمكتب المدير العام للمستشفى وقف عند السكرتير : السلام عليكم

السكرتير: وعليكم السلام والرحمه

سيف : ابي أقابل المدير إذا هو موجود

السكرتير : موجود بس عندك موعد مسبق !

سيف : قول له الدكتور سيف وبيعرف

السكرتير بتفاجأ قام: اوه معليش هو خبرني إن إذا جيت ادخلك ! تفضل تفضل

تنهد سيف ببرود ومشى من بعد السكرتير

فتح له الباب وضيفه لداخل مشى سيف بهدوء

ظ

المدير بترحيب وببشاشه : ي هلا والله حياك ي دكتور سيف

صالحه سيف ببرود : هلا بك

المدير : تفضل تفضل وش حاب تشرب !

سيف : ولاشي مستعجل الله يسعدك اختصر الموضوع

المدير بتنهد أشر للسكرتير بمعنى اطلع

طلع وقفل الباب مشى المدير وقعد ورا مكتبه : أخبارك عساك بخير !

استند سيف ع المقعد : بخير

المدير : حتى م أطول عليك بفاتحك بالموضوع ..

حط سيف رجل ع رجل واتكئ بإيده ع ذراع الكرسي واصابعه ع شفايفه باستماع المدير وعرضه

_

" الشركه "

تركي : لا لاتحرجني والله كنت ناوي اعزمك

مشعل : والله لاجيك بس بالأول أنت لبي عزيمتي

لك ولاهلك الخميس هاه !

تركي بتنهد واستسلام : شسوي فيك أنا !!

مشعل : لاتسوي شي غير ان تشرفني انت والأهل

تركي بتنهد : بشوف الأهل وأرد لك خبر

مشعل : خذ راحتك

_

" المستشفى"

لحظه خروج سيف من الاصنصير صادف صقر وأمه طالعين من الممر متوجهين للبوابه

ضيقت عيونها أم صقر بتدقيق : موب ذا سيف ولا شبيهن له !

رفع صقر عيونه : وين! اوه إلا هو

انتبه لهم سيف ابتسم

من لمحهم مشى لهم بكل هدوء

عقد صقر حواجبه : ي هلا والله بالاخو

سيف : هلا بك

ولف ع أم صقر : أخبارك يمه

أم صقر باستغراب وشك شهقت: وش هو إللى بوجهك من هو مقصوف الرقبه إللى ضاربك !

سيف : حادث بسيط

أم صقر بخوف : يااوجه الله متى

سيف :لاتخافين شي بسيط وانتهى

غمز سيف لصقر بمعنى صرف السالفه

ضحك صقر ونطق : شعنده الاخ كاشخ ومرسم وبمستشفى

سيف بابتسامه : ابد عندي شغل وخلصتها

صقر : أجل حياك للبيت تقهوى معنا

سيف : تسلم م قصرت بس بطلع عندي شغل ثاني

صقر بتنهد : براحتك أجل

أم صقر : ي يمه ملحوق ع الشغل تعال نبي نأخذ

اخبارك

سيف : والله مستعجل

تنهدت أم صقر باستسلام : ع خير ان شاء لله يالله ي صقر خلنا نرجع حامت تسبدي من المستشفى

ضحك صقر : ابشري يالله مع السلامه

سيف : فآمان لله

طلعو من المستشفى ركب سيف سيارته وحرك

_

ميهاف

وهي تبدأ تنظف البيت بشكل سطحي وخفيف

بعد م خلصت قعدت ع الكنب وأخذت الريموت

تقلب بقنوات التلفزيون بتملل رفعت عيونها الساعه شافت الساعه 11 تنهدت : أقوم اسوي لي غدا أحسن بدال هالقعده ..

قامت ودخلت للمطبخ فتحت باب الثلاجه

ابتسمت من شافت روبيان : جت من الله

طلعته وبدأت تكشن الغدا

_

" سيف "

ركن سيارته عند باب البيت بهاللحظه حس بشي يخنقه أكثر واكثر فتح ازارير ثوبه العلويه هز راسه يحاول يشتت هالشعور عنه تعوذ من ابليس طفى سيارته ونزل توجه بخطوات هاديه وبارهاق يعتليه دخل للبيت عقد حواجبه من ريحه الطبخ إللي يشمه ! قفل الباب بهدوء وباستغراب نزل مفاتيحه ع الطاوله بهاللحظه جمدت بدون حركه لما سمعت صوت لفت وهي شايله الصحن ع اساس انها مو منتبهه لجيته دخل ووقف ع باب المطبخ تجاهلته ولاكأنه موجود

بقى يطالعها لثواني معدوده وهي منتبهه لنظراته بس سافهته كملت تقطيع للبصل دخل وأخذ علبه

المويه من الثلاجه وطلع وصعد لفوق وهو يفتح

ازارير ثوبه وكل ماله يختنق دخل ورمى شماغه

وعقاله وطاقيته ع السرير باهمال دخل للحمام وأنتم بكرامه غسل وجهه ورقبته بمويه بارده وهو

يتنفس بنفس عميق طلع وبدل وقعد ع طرف السرير ..

نزل راسه وغرس أصابعه بشعره الاسود الكثيف غمض عيونه

نزل ايده باهمال رفع عيونه ع صوتها بنبره جافه : خلصت ادويتي

رمش ببطئ وتعب : العصر بجيبه

ونزل راسه

ميهاف بعناد : بعد الغدا لازم أكله

رفع عيونه لها لجزء من الثانيه يطالعها

همس : تعالي

رفعت حاجبها باستنكار !! سيف بتعب مد ايده : تعالي

طالعته بشك وخوف !!!

لفت بسرعه وطلعت من غرفته م تدري ليه حست بالخوف نزلت لتحت بارتباك دخلت للمطبخ

وهي تحس بالتوتر ! : شفيه ذا !! بسم لله متناقض مره يبيني

وعشر م يطيقني بديت أشك ان فيه شي !! هزت راسها تحاول تشتت هالتفكير عن بالها : شدخلك فيه ي ميهاف!! بالطقاق إللى يطق رأسه

لجهنم أن شاء الله شعليك منه تحملي هالاسبوع كلها كم يوم وبترجعين لاهلك وتفتكين منه

اخذت نفس عميق وزفرت بهدوء تحاول تتمالك اعصابها !

_

بيت أبو تركي

بلحظه م دخل تركي

إلا امه طالعه وبايدها صحن الغدا طالعته بدهشه : تركي !!

تركي : السلام عليكم

أم تركي باستغراب نزلت الصحن ع السفره : وعليكم السلام ي يمه غريبه جاي الحين !

ميعاد وهي طالعه من غرفتها وقفت باستنكار : مبكر اليوم

تركي : برجع الساعه 4 العصر

دخل للمطبخ غسل ايدينه وطلع وقعد : ميت جوع

أم تركي : بالعافيه ي يمه بالعافيه

تركي : الله يعافيك ي الغاليه

بدو يتغدون إلا قطع عليهم تركي : يوه صح نسيت اعلمكم

طالعت أم تركي ببنتها إللي باستغراب ردت : شفيه!

تركي : خويي مشعل إللى قلت لكم عنه

أم تركي : أي !!

تركي : عازمنا يوم الخميس عنده بالبيت هو واهله

أم تركي بدهشه : صدق !!

ميعاد : يوه وأحنا كنا ناوين نعزمهم

تركي : والله أهله وهو مصرين إلا نلبي العزيمه

وأنا والله استحيت ارده ..

أم تركي بتنهد : على خير ان شاء الله

_

ع كرسيه الفخم بالجلد الاسود وبايده فنجاله

ونظره الثابت ع الارض بفراغ بتفكير

قطع حبل أفكاره دخول دكتور ياسر : السلام عليكم

ابتسم المجهول بابتسامه خفيفه : وعليكم السلام

رفع عيونه لدكتور ياسر إللي قعد ع الكرسي قباله : طلبت تشوفني عسى ما شر

المجهول : بتتوظف بمستشفى *** بنفس وظيفتك إللى بالمستشفى إللى قبل

رفع حاجبه دكتور ياسر بدهشه : صدق !! مو

هو نفس المستشفى إللى كان يشتغل فيه هالزفت سيف

ابتسم المجهول : عشان كذا مستقصد أنا هالشي ..

عقد حواجبه ياسر بشك : دقيقه دقيقه وضح لي أكثر

_

"سيف "

قام وهو يحس بثقل جسمه يسيطر عليه أكثر واكثر بلحظه ما اختل توازنه وهو بيتمسك بالكوميدينا اندفع بتعب وطاحت الاباجوره بهاللحظه

رفعت عيونها ميهاف لفوق لما سمعت صوت

شي يضرب بالارضيه !!! عقدت حواجبها باستغراب : ذا شفيه استخف !!

صدت بلامبالاه تكمل شغلها بلحظه ماهو ضعفت رجوله بالآلم إللى سيطر ع كل خليه بجسمه

جثى ع ركبه وهو يحس بالاكسجين بدأ ينعدم من الغرفه همس بنبره مهزوزه : ميها .. مي.. غمض عيونه بقوه من الالم إللى يعتصره يجهل السبب إللى يخليه يتعب هالقد !! صدره يذبحه من الضيق والاختناق

والدوخه تآسره أسر وهو يحاول يتنفس

قد م يقدر فتح عيونه ع خفيف

وبدأ يتمتم بكلمات : قوم ي سيف ق..وم اوقف ع رجول..ك

بلع ريقه الجاف عض ع طرف شفته ومسك

بايده طرف الكوميدينا واستند بقوته الضعيفه

إلى م وقف ببطئ ويشد ع نفسه أكثر واكثر إلى م وقف ع حيله غمض عيونه بآنفاس متثاقله ع صدره وهو باقي متمسك بالطاوله ومقوس ظهره ..

_

ميهاف

شالت الصينيه وتوجهت للصاله قعدت ع الكنب

وحطت الصينيه ع الطاوله فتحت صوت التلفزيون ع المسلسل وبدت تتغدى

_

أما سيف قعد ع طرف السرير غطى وجهه

بكفوفه بإعياء ! لدقايق حس جسمه بدأ يسترخي وتخف الدوخه نزل ايدينه وتنهد بتنهيده طويله وعميقه إلى م حس نفسه بدأ يرتاح

أما ميهاف بعد شالت صحونها وغسلتهم

تثاوبت بنعاس مشت وقفلت التلفزيون والأنوار

وصعدت لفوق

أما سيف قام بتعب يسحب رجوله آخذ الكنترول ضغط ع زر التشغيل بس م اشتغل التكييف

عقد حواجبه باستغراب شيك ع الزر الذي بالجدار

شغال بس التكييف خربان زفر بضجر وتأفف

رماه ع السرير فتح الدرج آخذ أقراص المنوم

وطلع من الغرفه صادفها وهي بتدخل لغرفتها

نطق بصوته المبحوح : بتنامين !

لفت عليه وهمست ببرود : ايه

صدت ودخلت م حست بعد ثانيتين إلا هو

داخل بعدها لفت ع صوته لما نطق :نامي بغرفتي إذا م تبين مكيف

وأنا بنام هنا

رفعت حاجبها بنظرات ازدراء : نعم!

مشى بعدم مبالاه لسريرها : التكييف بغرفتي خربان

ميهاف :حر اليوم كيف انام هناك !! خلاص نام أنت بالصاله والا بالمجلس

انسدح ع السرير بتعب : ابي السرير

ميهاف : وأنا وين انام ي حضره جنابك !!

رفع عيونه لها : نامي بجنبي والا دبري نفسك ..

كشرت بغيض هزت راسها بتوعد وبنفسها : هين !!

نطقت ببرود متصنع : م يهم

مشت وقفلت الستاير وقفلت الباب إلى م

أظلمت الغرفه شغلت التكييف

استنكر رده فعلها انها بتنام معه !! سحبت الفراش وانسدحت عطته ظهرها

وغمضت عيونها وهي مستقصده بروده

أعصابها تدري أنه كان متوقع منها انها تعصب

تنهد وهو منسدح ع ظهره ويطالع بالسقف

بعد م طال الصمت بينهم والهدوء قطع

هالسكوت همسه : ميهاف

ميهاف : بنام لاتزعج

سيف : طالعيني

كشرت بضجر فتحت عيونها ورفعت راسها عن المخده ولفت عليه : نعم !!

طالعها بنظرات هاديه رفع ايده ابعد باصابعه

خصل شعرها إللي منسدل ع وجهها ونطق ببحه

صوته الرجوليه :

تبين تسافرين معي !

عقدت حواجبها باستغراااب رمشت وهي مو مستوعبه إللي سمعته

طالعته بعدم استيعاب للي يقوله

عقد حواجبه بانتظار لردها : شقلتي !

تغيرت نظراتها بهالحظه بكراهيه وتقمص

البرود ملامحها : لا

صدت وانسدحت وتلفحت استنكر هو بهاللحظه

رفضها مرر بلسانه ع شفته السفليه وصد

عنها

ميهاف بشك وتفكير بنفسها : هذا وش يحس فيه مريض بانفصام والاكيف ! مو ع اساس ان يبي ذي الزفته تروح معه كيف الحين يبيني اسافر معه !! بسم لله بديت أشك فيه

بقت لثواني بحيره وتفكير بينها وبين نفسها !

ثم لفت عليه بلحظه م شافته مغمض عقدت حواجبها وهي تشوفه فهت فيه بتفكير كيف لشخصيته المزدوجه وبحدتها ورثته عن ملامحه

الحااده كيف بشكله وهو نايم يأسر نظر من شافه

ويعطيه ع انه حنون من هيأته بغض النظر عن حده ملامحه !! بس بالواقع افعاله قاسيه مثل قساوه قلبه

تتنهدت بتنهيده عميقه

صدت وانسدحت همست بنفسها : هانت ي ميهاف

كلها أربع ايام وبترجعين لاهلك يارب م يرجع لي يارب تكون آخر مره اشوف فيها وجهه

غمضت عيونها وزفرت بقله صبر !

_

" بعد أربع ايام "

بدون إي أحداث تذكر بين ميهاف وسيف غير البرود والتجاهل من كل الطرفين !!

أما سيف يطلع من الصبح ومايرجع إلا العصر وهذا اللي خلا ميهاف تستنكر انشغاله المفاجئ بس م تنكر انها مرتاحه بانشغاله عنها خف

احتكاكه فيها وهواشهم عن أول بكثير !!

_

يوم الخميس الموعود

الصباح طلعت ميهاف وهي ترفع شعرها فوق نزلت لتحت وهي تتثاوب بكسل دخلت للمطبخ صادفت سيف بالمطبخ يسوي له كوب من ظرف قهوه

مرت من جنبه ميهاف طلعت كوبها ثم لفت عليه : لا تنسى المغرب توصلني لعند خالتي أم صقر

عقد حواجبه باستغراب ولف يطالعها : ليه !

رفعت حاجبها تطالعه بسخريه ثم صدت تغسل

الكوب : الليله معازيمهم بيجون

تأفف : يوه نسيت م ظنتي بحضر عندي شغل بخلصه قبل م اسافر

ميهاف ببرود مشت لعلبه السكر: بكيفك بس وصلني وبعدها سوي إللي تبي مو لازم تحضر

طالعها لجزء من الثانيه ثم تجاهلها آخذ كوبه وطلع

وقبل م يركب سيارته إلا قطع عليه تنبيه رساله

ركب سيف سيارته ونزل كوبه فتح الجوال

زفر بضجر : ذا وش يبي !! كانت رساله من المجهول اللي كانت تتضمن كلام مهم عن امه حذف سيف الرساله بعدم اهتمام ومبالاه رمى جواله و شغل سيارته وحركها وهو جاهل هالرساله اللي كانت بتغير من حياته ..

-

" بيت أبو صقر "

بوسط تجهيزاتهم للعزيمه

أم صقر بتوجيه : ميري يامال لعدوك الصمخ

م توحيني !!

ميري : ايس فيه ماما !

أم صقر : طلعي الطقم الابيض والذهبي حق القهوه

ع دخول الوليد وهو يدندن :ست الحبااايب ي حبيبه صباح الفل والكادي ي كادي انتي

أم صقر : شعندك مروق !! مواصل هاه اشوف

عيونك بكبر الفناجيل حمر

الوليد بضحك : عاد والله عيوني طالعه عليك ي منيره تسبيني وتسبين نفسك إفاا !!

ضربته ع كتفه : أنت م تستحي هاه

ضحك وهو يمسح ع مكان الضربه : مااشاء الله

والله ان حليب الزنجبيل كل صبح طلع له فايده

معك ي الغاليه

أم صقر بعصبيه : وراه م تقلب وجهك ي ذا الفره

فرته

الوليد : مقبول السب منك مقبول يالله تصبحين مدري تمسينن ع خير

أم صقر : نام نام وفكني منك

ضحك الوليد : الأيام بيننا ي أم صقور

لف وطلع

لفت ام صقر ع ميري : شفيتس واقفه اخلصي طلعيهن

_

الساعه 6:38"

بعد م وصلو تركي واهله

ميعاد بانبهار واعجاب : مااااشاااءلله هذا بيتهم

أم تركي : قصرهم ماهو بيتهم ماشاءالله لا إله إلا الله

ميعاد : توترت وربي

وقف تركي قدام الباب نزلو

أم تركي : بسم لله ع بركه لله

ودخلو بعد م فتحت لهم الخدامه إلا استقبلوهم

أم صقر وبناتها بترحيب وتهليل وببشاشه

_

" ميهاف وسيف "

بعد ماوصلو لف عليها قبل م تنزل : ترا بتأخر عليك لاتدقين وتزعجيني

ميهاف ببرود : بكيفك

لفت ونزلت أما هو وقف سيارته قبال المجلس

بنيه انه بيسلم ع صديق مشعل وبياخذ فنجال ويطلع ..

ميهاف

بعد م فتحت لها الخدامه دخلت ونزلت عبايتها وهي تتجهز ع مرايه الاستقبال

أم صقر بابتسامه : اكيد هاذي مرت ولدي

تعطرت ميهاف وأخذت شنطتها زفرت بهدوء

وابتسمت ودخلت عليهم بخطوات هاديه ونعومه

الا بلحظة م التقت عيونها بعيونهم تلاشت ابتسامتها وتسمرت بمكانها بصدمة

لاحظو أم صقر وبناتها ميهاف ووجهها لما انقلب !!

وميعاد إللي وقفت من صدمتها لفت تطالع بأمها إللى طاح من ايدها فنجال قهوتها من صدمتها

_

سيف

دخل عليهم برزته بالشماغ مرسم

مشعل بابتسامه : وهذا اخوي سيف وصل

صقر : حياك الله ي الآخو

قام تركي ولف

ابتسم سيف ولف بعيونه للضيف : الله يحيي,,

انقطع صوته وبهتت ملامحه بصدمة من وجهه بوجه تركي !!! إللي توسعت عيونه لاشعوريا من صدمته

عقد مشعل حواجبه ولف ع صقر إللى يطالعهم باستغراب من رده فعلهم !! نزل تركي ايده مفجوع بعد م رفعها حتى يسلم عليه !!

بيادر وعريب باستغراب منهم !! أم صقر وهي مو فاهمه شي : عسى ماشر ياجماعه

قامت أم تركي بتنحنح تبي ترقع الوضع

وبابتسامه مزيفه : ي هلا والله ببنيتي ميهاف

عريب وبيادر بصدمه : تعرفونها !!

أم تركي :إااي كانت من جيرانا الله يذكرهم بالخير قبل م ننقل

لفت ميهاف تطالعها بعدم استيعاب !!

ميعاد إللى وجهها تلون ابتسمت بارتباك : هلا ميهاف صدفه غريبه

مشت لها ميعاد وسلمو ع بعض بسلام بارد من وسط صدمتهم !!

ابتعدت ميهاف ولفت وسلمت ع أم تركي

إللى ترحب فيها بحراره : بالإعلان ومرحبا

ب مهوفه مشتاقين لك وللاهل

سلمت عليها ميهاف وهي بقلبها : والله انك

انجس خلق الله اي شوق !! ابتعدت عنها

أم صقر : ماااااشااءلله جمعكم ربي ببيتي والله انها اسعد صدفه تفضلو تفضلو

قعدو أما ميهاف راحت للكرسي اللي مقابلهم

وقعدت وهي تطالع ب ميعاد وامها

أم تركي بابتسامه متصنعه : أخبارك ي يمه وأخبار الأهل

رفعت حاجبها ميهاف من اسلوب أم تركي : بخير وأنتم !

أم تركي : الحمدلله الحمدلله ي بنيتي بصحه وسلامه

أم صقر : أجل ماشاء الله جيران !! ي محاسن

الصدف ع قولتهم

أم تركي : ايه ايه يازينها من صدفه دام ربي جمعنا فيها

طالعتها ميهاف بتعجب من لسان أم تركي المعسول !!

رفعت ميعاد عيونها والتقت بعيون ميهاف اللي اطالت نظرها فيها بعتاب ع كلام ميعاد اللي جرحها بليله زواجها !!

قطع ع ميهاف صوت أم صقر : ميهاف سيف ي يمه عند الرجال !

استوعبت ميهاف لفت عليها بوسع عيونها

_

بلع ريقه تركي بغصه رفع ايده إللى ترجف من القهر إللى بقلبه اتعس لحظات حياته

طالع سيف ف يده ثم رفع عيونه له إلا ارتسمت

ابتسامه جانبيه ع ثغره بخفه

قرب وصافح تركي وسلم عليه

سيف همس بإذن تركي وهو يسلم عليه : احييك قدرت توصل لبيت اهلي

بس صدقني انتقامك ذا بينقلب عليك وعلى اهلك ..

عقد تركي حواجبه باستغراب وصدمه كيف

إنه حلل سيف الموقف والصدفه بخبث نيه !! ابتعد سيف وعطاه نظره اخيره ثم صد قعد صب لها مشعل فنجال قهوه باستغراب من الوضع إللي بينهم اخذه سيف : مشكور

لف بنظراته ع تركي إللي انخطف لون وجهه

رفع سيف الفنجال لشفايفه وعيونه مرتكزه ع تركي

أما صقر نظراته تتنقل بين سيف وبين مشعل بشك !

بعد م شرب سيف قهوته نزل فنجاله وقام : عن اذنكم شوي

قام وطلع للحديقه رفع جواله بإذنه بعد م اتصل عليها في مر بلسانه ع شفايفه بقله صبر ردت بنبره فيها الارتباك : هلا

سيف : اطلعي للحديقه أبيك

توترت أكثر : شوي طي,,

قاطعها سيف بحده : قلت لك اطلعي!!

ميهاف تنهدت بضيق وطلعت للحديقه

شافته معطيها ظهره عضت ع طرف شفتها بارتباك مشت له حس بحركه وراه لف إلا شافها

وقفت قباله : شفيه !

رفع حاجبه بدهشه : وتسإلين بكل برود

رمشت بطفش : إذا قصدك أهل تركي ف لاتتعب نفسك لأن حالي من حالك مادريت إلا لما شفتهم

سيف : و على أي اساس هو يفكر يتجرأ ويجيب

اهله ويطب هالبيت

ميهاف باستغراب : هم اصلا انصدمو من شافوني

واكيد هو بعد نفس الشي يعني بتقنعني انه

مستقصد هالحركه !! مستحيل يسويها

طالعها بسخريه : تدافعين عنه !!

طالعته بجديه ونظرات تحدي : إي ادافع عنه

لأني عارفه بنواياه !! ثم ابتسمت وقربت منه وبنظرات استهزاء رفعت ايدها وحطت اصبعها السبابه

ع صدره : لأنك خبيث!! فتشوف كل إللي حولك

بهالنظره !! دايماّ نواياك ونظرتك للدنيا

سوداويه سودت عيشتي وماكتفيت !! ناوي عليه وعلى اهله !!

طالعته باستحقار من فوق لتحت ثم ارتكزت عيونها بعيونه : وش هالقلب اللي بين ضلوعك اسود مثل سواد أفعالك والحقد يمشي بعروق دمك م مليت من حياتك الكئيبه إللى كلها تملك وسيطره

بغير حق !! حتى أمك إللى بقبرها م ,,

انقطع صوتها لما حط ايده ع فمها وبنظرات حاده مثل حده ملامحه : حدك!!

تغيرت نظراتها لحقد مسكت ايده ونزلته

وبقهر نطقت بلحظه م لمعت عيونها بالدموع :

زواج وخليتني اتزوجك بالغصب وبذل وتهديد

واهانه !! أهلي وحرمتني منهم !! تمشيني ع مزاجك وإللى تستهويه نفسك ! تآمرني مثل العبد المذلول لسيده !!

ضحكت بسخريه من بين دموعها إللي شقت طريقها ع خدها ونطقت بنبره مهزوزه :وماعلى ميهاف إلا السمع والطاعه لك

حطت اصبعها ع صدرها وبحرقه مثل حرقه

دموعها ع خدها : كسرت قلبي قدام الكل

اعتلى صوته ع صوتها بحده : لاتنسبين شي لك وانتي م تملكينه

سكتت ونزلت ايدها ببطئ وابتسمت بهدوء : لا تعيش نفسك بهالاوهام هالقلب ما عاد هو لصاحبته الاوليه

قربت منه ونظراتها تتنقل بين عيونه: لو تدري ب الكره إللي انزرع فيه لك لا تتحسف ع كل إللي سويته حتى تتملكني وتتملكه

طالعها بنظرات غريبه : مقصدك انك زرعتي فيه

حبك ل هذا تركي

ميهاف بهمس: اعزه الله من إن اسمه ينذكر ع لسانك حبيته قبلك وبحبه وأنا معك وبحبه من بعدك سواء بقلبي الاولي والا بقلب غيري..

وهي بتصد م حست الا بقبضه ايده اللي كآنها من فولاذ مسكها من وجهها ولفها عليه بقوه

وهو دمه يفور بنظراته الشرسه اللي ارعبها !!!

م كانو منتبهين لتركي اللي كان بعيد عنهم بمسافه ويسمع كلامهم وبكل صدمه وذهول الا بلحظه ماشاف حركه سيف ثارت شياطينه واندفع بتهجم ..

#يتـــــــــــــــــــــــــــبع....