رواية قُـربَاْن الفصل الثالث 3 - بقلم xM8_ria

قُـربَاْن
بارت "٣"

الجامعه قررت تقسم الطلاب كل اربعه بمجموعه وحده والصدف لعبت دورها وخلت أبطال قصتنا بمجموعه وحده

مريم:غفران رح تروحين؟
غفران:اي اكيد لا تكولين ما رح تروحين
مريم:ما اريد اريد اكعد ادرس
غفران:يلا حبابه لحظه من العمر هاي
مريم:ما اريد
غفران:مو بكيفج
مريم:أمري إلى الله

"ثاني الصبح"
غفران تكعد بمريم
غفران:مريم يلا كعديي
مريم تحجي وهيه بعدها نعسانه
مريم:يعني الواحد ميكدر ينام شويه
غفران:لا ميكدر يلا كومي حضري

"نجي لسيف وجوزيف"
جوزيف:شكد الك خلك ترتب
سيف:احسن منك وجهك كوه تغسله
جوزيف:وع
سيف:ها المن الاكل
جوزيف:الي سويته لا اجوع بالطريق
سيف:عافيه
جوزيف:حسبت حسابك هم
سيف:مشكور ضلعي

الكل تحضر ساعه 8:00 ضبط وانتظرو عند باب الجامعه انطوهم أوراق كل واحد مكتوب اسمه ويه المجموعه الي رح يمشي وياها

مريم:اهوو هم وياهم
غفران:شكلنا ما رح نخلص

يلتقون هم الاربع
"مريم وجوزيف بنفس الوقت"
ايععع همم هذهه/هايي
سيف وغفران بنفس الوقت
هاي شبيكم

عمت لحظه صمت لمده دقيقه

جوزيف:رح تضلون هجي؟
سيف:لا يلا امشو خل نصعد السياره

يصعدون السياره ومريم تكعد يم غفران وجوزيف يم سيف

مريم:يعني هاي الجامعه شكد ناس بيها اله هو ويانه
غفران:هسه مصار شي معليج منه
مريم:اوفف
........
جوزيف:ترى الجامعه بيها بنات غيرها
سيف:البنيه ما سوت شي ترى انت الي شاد وياها
جوزيف:لو نايم احسن

بعد ساعه تقريبا يوصلون لـ(قصر ويستمنستر)
أشهر مكان بلندن

ينزلون من السياره
مريم تسحب غفران وهيه فرحانه
مريم:غفران شوفيي شكد المكان حلوو
غفران:يجنن مشايفه هجي من قبل
مريم:هاج لزمي الكاميرا اخذيلي صوره

تاخذ غفران لمريم صوره وياخذون صور سوه وتضل مريم تصور كلشي تشوفه على مود يبقى ذكرى

يمشون هم الاربع سوه بانحاء القصر وياخذهم الوقت ومايحسون اله الوقت صارت ساعه 7:00

سيف:اضن هسه لازم نرجع
جوزيف:كاتبين على البطاقه وقت الرجوع
سيف يشوف البطاقه
سيف:لكم اصلا لازم الرجوع ساعه 5:00
مريم:يعني معقوله راحو وعافونا؟
غفران:لا ما اضن هذه نظام اشنون يعوفنا
سيف:اروح اتأكد واجي

يروح سيف ويشوف السيارات راحت ومحد ضل من طلاب الجامعه

سيف:عافونا
غفران:وهسه شنون رح نبقى هنا واحنا اصلا ما نندل الشوارع
سيف:هدو اكيد رح نرجع
تجين نروح نسئل الحراس او الأمن يتصلون على الجماعه خل نلكه حل
غفران:اوكي جايه
مريم:واني وين اروح
غفران:انتي وجوزيف ابقو هنا خاف تجي السيارات

مريم تاشر بوجها لغفران انو متريد تبقى يمه
غفران ترد الاشاره وتكلها خل تتحمل

مريم "بصوت ناصي
اني اعلمج بسيطه

يرحون غفران وسيف يطلبون المساعد وجوزيف ومريم كاعدين على الكرسي
بينما الاثنين كاعدين ومحد طايق الثاني تطلع مريم دفترها الصغيره ترسم بيه وتضيع الوقت جوزيف يطلع الأكل ويضل ياكل مريم جوعانه بس ما تطلب منه ينتبه جوزيف عليها وعلى رسمها ودقه شغلها

يمد جوزيف صحن الاكل
جوزيف:اكيد ما ماكله اخذي
مريم:شكرا ما اشتهي
جوزيف:سمعت بطنج تقرقر
مريم:مره ثانيه سوي اكل اكثر

"تاخذ الأكل"

جوزيف:من يمتى ترسمين
مريم:تقريبا صارلي 10 سنين
جوزيف بتردد
رسمج حلو
مريم:شكرا.. "واضافت لكلامها"
شكرا على الكعك ترى ادري انت الي حطيت الصحن

"يستحي جوزيف ويحاول ينكر بس ميكدر

جوزيف:تأخرو
مريم:هسه يجون

"الجانب الثاني"
غفران:تعبت رح اكعد
سيف:خل شويه نستراح
بينما كاعدين يدك صديق سيف "ضياء
يفتح الخط وجانت المكالمه كاميرا

سيف : شلونككك لك مشتاقلك
ضياء:حمدلله بخير لك العراق مو حلو بدونك
سيف:السفره الجايه اني وياك
ضياء:ان شاء الله
ضياء:لك هاي الي يمك مو جانت وياك بالحفل
سيف يستحي وميدري شيسوي
سيف:ما اسمعك
ضياء:لك هاي الحلوه
غفران جاي تشرب ماي وتغص بيه
سيف:لك النت يمي ضعيف.. يكطع الخط

سيف يدور وجه مستحي من غفران ويغير الموضوع

سيف:امشي خل نرجع يمهم اتأخرنا
غفران بعدها مصدومه بس جاوبته
غفران : يلا نرجع

يرجعون ويبشرون مريم وجوزيف ان الأمن اتصل على الجامعه ورح يرجعون لسكن بسس الجامعه رح تعاقبهم لتاخرهم واهمالهم وتخصم منهم درجات

12:00
بغرفه مريم وغفران

مريم:هسه زين نقصت منا درجات
غفران:عادي مو مهم نعوضها

يدك تلفون غفران يطلع المتصل اختها ساره
غفران:هلووو سارهه
ساره:حبيبتي غفران شلونج
غفران:زينه الحمد لله مشتاقتلكم وين أمي وابوي خل اسلم عليهم
ساره تنطي التلفون لأمها وابوها وتضل غفران تحجي وتضحك وياهم
مريم تشوف غفران شلون فرحانه تحجي ويه امها وابوها ويضيق صدرها وتضوج لان تذكرت امها وابوها
تطلع مريم من الغرفه بدون صوت وتروح توكف بالمرر مال السكن
ام غفران:وين مريم
غفران:مادري جانت هنا قبل شويه اضن طلعت تشتري
ام غفران:ديري بالج عليها ماما هاي مثل اختج يتيمه ماعدها احد
غفران:اكيد لا توصيني

نرجع عند مريم الي طلعت ضايجه وطلعت من جوه ملابسها قلاده تشيل صورتها هيه وامها تباوع لصوره بكل اشتياق وحزن
مريم : تمنيتج موجده جان هم اكعد اخابرج وابشرج واكلج شيصير وياي

" ألجـانب الثاني "

بين ما سيف و جوزيف كاعدين يتابعون المباراة بين ريال مدريد وبرشلونه يدك تليفون جوزيف
ويكـون المتصل أمه يروح للبلكونه حتى يرد

جوزيف : الو
ساندرا : هاي القبيحه مره ثانيه وياك؟
جوزيف : عن شنو دتحجين
ساندرا : صوره السفره مال يوم
جوزيف : اي شبيها
ساندرا : يعني انت عفت كل البنات و واكف يم هاي
وبكل صوره هي وياك
جوزيف : ماما ترا صدفه
ساندرا : لتكلي ماما ماريد اكون ام لشخص فاشل ويحب الفاشلين

يقطع الخط ويطلع وهو مُحطم ومكسور من اقرب الناس اله صدفه يشوف مريـم واكفه وحدها ودتبجي
يقرر يروح يوكف يمها

جوزيف : شبيج؟
مريم : مابيه
جوزيف : ليش دتبجين
مريم : تذكرت امي
جوزيف : اذا مشتاقتلها اتصلي عليها
مريم : الله يرحمها
جوزيف : اءء اسف
مريم : لا عادي ، وانت شبيك
جوزيف : ياريت اكو ذكريات حلوه وي اهلي حتى اذكرهم بيها
مريم : شبيهم؟
جوزيف : اهلي دوم يحطموني ويكلولي فاشل وخصوصا لمن طلعت معدل 98 صارو يعاملوني معامله شخص مسوي جريمه خصوصا امي حيل مغروره وتهتم للمظاهر وكلام الناس وكل ماتحجي وياي تكلي فاشل.
مريم : لتهتم لكلامهم المهم انت نجحت وهسه انت من الـ١٠ المتفوقين
جوزيف : عادي اسأل؟
مريم : تفضل
جوزيف : شلون ماتت امج

تتنهد مريم وتبدي تحجي "
مريم : امي جانت مصابة ب الاكتئاب بسبب ابويه ومعاملته النا راحت لـ هواي دكاتره ومحد كدر يعالجها وجانت دوم تكلي صيري دكتوره وعالجيني و اجت فترا تعبت حيل بيها وبيوم من الايام اجيت اكللها انو اخذت درجه كامله وشفتها منتحره
بسبب هالشي حبيت علم النفس وتخصصت بيه حتى اعالج الي مثل امي وانفذ وصيتها

جوزيف : الله يرحمها ، زين ابوج عايش؟
مريم : ماصار هواي من توفى

" يعم الصمـت لفتره وبعدها يضحكون ثنينهم بصوت عالي

ترجع مريم لغـرفتها وتشوف غفران نايمه وشعرها على وجهها
توخر شعرها بأيدها
مريم : أنتي الوحيده الي بقيتيلي، اتمنى ماتعوفيني لو تخذليني مثلهم

" ثاني يـوم "

غفران : اليوم معندي هواي محاضرات ف حروح لقسم الموسيقى اعزف
مريم : اني اليوم عندي كومهه
غفران : الله يساعدج

تخلص غفران المحاضرات وتروح قسم الموسيقى حتى تعزف بيانو دوم جان ملجأها الوحيد الي تنسى بيه مشاكل حياتها

جوزيف : سيف رح ارجع للسكن تعبت
سيف : حروح لقسم الموسيقى اريد اشوفه
جوزيف : اوكي

يروح سيف ويسمع ايقاع اغنيه هو يحبها
يندمج وي اللحن ويدخل وهو يغني الاغنيه
ينصدم لمن يشوف....

للحكايه بقية..