رواية قُـربَاْن الفصل الرابع 4 - بقلم xM8_ria

يروح سيف ويسمع ايقاع اغنيه هو يحبها
يندمج وي اللحن ويدخل وهو يغني الاغنيه
ينصدم لمن يشوف غُفران منزله راسها ومندمجه بالعزف
وهو يغني " يـامن هواه "
استمرت غُفران بالعزف وسيف بالغناء ومارفعت راسها ابد لحـد ما كملت العزف ورفعت راسها وانصدمت لمن شافت الطلاب متجمعين ويضفقون ومن ضمنهم جوزيف ومريم

مريم : عزا شكد حلوين
جوزيف : اول ماشفتج حسيتج تحبين العزف
غفران : امبيه
سيف : انت مو على اساس تعبان ورحت للسكن
جوزيف : غيرت رايي
سيف : غفران عزفج حلو
غفران بخجل : وانت هم صوتك حلو
مريم : رح تضلون هنا ترا جعتتتت
جوزيف : شرايكم اطبخلكم؟
سيف : اوكيه
يروحون للسكن مال سيف وجوزيف واثناء ماجوزيف يطبخ تقرر مريم تتعرف على سيف اكثر

مريم : سيففف
سيف : ها
مريم : شكد معدلك
سيف : ١٠٠
مريم : ماشاء الله
يدك تليفون سيف ويطلع برا حتى يرد
سيف : الو
ضياء : اني زعلان منك
سيف : ليش
ضياء : اخر مره قطعت الخط بدون متحجي لان سالتك على هاي الحلوه
سيف : يعني انت دتشوف البنيه كاعده يمي وتحجي عليها
ضياء : بس والله لايكين لبعض
سيف : ضياء انجب

" الجانب الثاني "
غفران : جوزيف شلون تعلمت تطبخ
جوزيف : من اني وصغير احب الطبخ وجنت اقرا كتب واشوف برامج وتعلمت
غفران : طبخك طيبب لدرجه مريم اكلت الكعك كله وما انطتني

تتلعثم مريم وتخجل من كلام غفران
مريم "بهمس": اني اعلمج

جوزيف : غفران عادي تشوفين سيف وين لان تاخر واريد اصب الاكل
غفران : اوكيه
تروح غفران وتسمع محادثه سيف وصديقه ضياء
ضياء : ماعرفت شسمها
سيف : غُفران
ضياء : خويه من نبرة صوتك مبين واقع بالحب
سيف : طلعت عازفه بيانو
ضياء : يعني ترهمون سوا تقريبا نفس الهوايه
سيف : انت ليش كوه تريد تشبكنا
غفران : اءء سيف

يخجل سيف ويتوتر ويخاف غفران سمعت كلامه
سيف : باي ضياء بعدين نحجي
ضياء : روح جتي حبيبه الكلب
غفران : جوزيف كلي اجي اصيحك
سيف : تمام جاي

بعد ما اجو سيف وغفران والكل كعد على ميز الطعام وياكلون

غفران:عزاا شكد طيب
سيف:عاشت ايدك
جوزيف: شكرا.. وانتِ مريم شرايج

وهو جاي يباوع لمريم لكاها غافيه وراسها على الصحن

غفران تضحك
غفران : عادي لتتعجبون هيه هجي اي مكان تشوفه تنام لتكعدها
سيف:جان عدها محاضرات هواي
غفران:عاد هيه مع كل هذه التعب كملت صحنها
جوزيف:كملو اكل

يكملون اكل وغفران تريد ترجع لسكن تضل تكعد بمريم

غفران : مريم كومي لازم نرجع
مريم : دقيقه ماما هسه اكعد

"هنا غفران تدري مريم تذكرت امها اخذت دور الام وكومتها

غفران : يلا ماما رح تتأخرين كومي
تكوم مريم وهي مو بوعيها كامل وتنسى اصلا شنو قالت

غفران:يلا باي اشوفكم باجر
سيف وجوزيف:باي

بعد ما راحت غفران

سيف:مريم بعدها متأثره بجو بيتهم (يضحك)
جوزيف:لا امها ميته يمكن شافتها بالحلم
سيف:ما جنت ادري الله يرحمها
جوزيف:الله يرحمها

ثاني يوم في صباح العراق

عم ضياء(جاسم) :اجتلي سفره لندن
ضياء:صدككك
جاسم:رح اخذك تشوف سيف
ضياء:الله يخليك عموو ربي يحفظك انت نعمه من بعد ابوي الله يرحمه
جاسم:تستاهل

يروح ضياء ويه عمه بس بدون ما يكول لسيف يريد يفاجئه يوصل ويبات اول ليلة هو عمه بالفندق ضياء جان يعرف وين سيف يدرس راح اله بالجامعه وضل يدور لحد ما لكاه

ضياء يلوح بيده ويكول بصوت عالي
ضياء:سيفففففف
سيف يسمع الصوت وهذه الصوت مو غريب عليه يلتفت ويضل يدور لحد ما عينه اطيح على ضياء يروح ركض اله ويحضنه

سيف:لككك شجابك هنااا
ضياء:اجيت برجليه
سيف:مشتاقلك كلششش
ضياء:واني اكثر ضلعي ما صدكت عمي جابني
سيف:ليش ما كلت
ضياء:حبيت افاجئك
تجي غفران يم سيف هيه ومريم
غفران تسلم على سيف وضياء بس مريم مامنتبه جاي تضم أغراضها وضياء لازم يضيف لمساته ويضل يكرص سيف من ورى ويهمس
ضياء : لك هاي الحلوه
سيف : اسكت لتفشلنا

مريم ترفع رأسها تريد تسلم وتشوف ضياء
مريم:ضياءءء
ضياء:مريمووووو
تحضنه بكل قوه
مريم : هاي شجابك ويمته اجيت
ضياء : انتِ شجابج اصلا ما ادري بيج هنا
مريم : طاح حضك كبران وصاير زلمه
ضياء : مثل ما كبرتي وصرتي شطولج
سيف:هاي شنو تعرف مريم
ضياء:لك غير جنا نلعب بيت بيوت
مريم:ليش انت تعرف سيف
ضياء:مريم شبيج سيف جان ويانا هذه الولد الي عنده باسكل

مريم ترجع بيها الذاكره

مريم:كولل والله
ضياء:والله شبيج
سيف:لحظه بس لا أنتِ مريم الي جنتي دوم تبجين لان ما اصعدج البايسكل
مريم:لكك اييييي انيي
سيف:احنا بنفس الجامعه وما عرفتج
ضياء:بيكم زهامير
غفران:اني اطرش بالزفه

*يبدون يضحكون ويرجعون الذكريات لحد ما يجي جوزيف ويسلم عليهم ويوكف يم مريم

ضياء:ها مريم خوش عندج ذوق
مريم تضرب ضياء
مريم:اسكت الله يشيلك متعرف شويه تسد حلكك
ضياء:شدعوه يابه ترى لايكين لبعض حته غفران وسيف حلوين سوه

مريم وسيف يعرفون طبع ضياء فاه يستسلمون لأمر الواقع

مريم:ضياء حبيبي شرايك نروح ناكل

جوزيف عاف كلشي وركز على كلمه"حبيبي" عباله خطيبها

راحو كلهم كافتريا حتى ياكلون بس جوزيف همس لغفران

جوزيف:هذه شنو يصير لمريم
غفران:صديق الطفوله ليش
جوزيف:هجي اسئل شو ذاب ميانه
غفران : هو صديقها منزمان فـ عادي

ضياء : سيف امشي نروح نجيب الاكل
سيف : اوكي
ضياء : لك هذا الاشقر حياخذ حبيبتك
سيف : استغفر الله
ضياء : ماشفته شلون قريب منها ومدري شديحجي
سيف : وانيي شككو
ضياء : اي مبين لدرجه حيطلع نار من عيونك من الغيره

يجيبون الاكل ويرجعون حتى ياكلون واثناء ما همه دياكلون ضياء يبدي يسال جوزيف وغفران حتى يتعرف عليهم

ضياء : غفران
غفران : نعم
ضياء : شنو تخصصج
غفران : صيدله
ضياء : وانت جوزيف
جوزيف : جراحه اعصاب
ضياء : حلو يعني كلكم مجموعه طبيه
مريم : ضيييياءءء
ضياء : شكو
مريم : امداك شكد جنت مشتاقتلك
ضياء : انيي اكثثثر
سيف : شرايكم نروح لقسم الموسيقى؟
كلهم : اييي
يروحون لقسم الموسيقى وكل شخص يروح لـ  الالة القريبه لـ كلبه
مريم "كيتار"
جوزيف"طبول"
غفران"بيانو"
سيف "يغني"
ضياء : كلكم مبدعين ترهمون تصيرون فرقه
سيف : فكره حلوه
غفران : بس دراستنا شلون
اقترح عليهم ضياء يبدءون بالعزف سيف بدء يغني وكل واحد ولازم اله موسيقيه وضلو يعزفون واندمجو بالعزف تعجب ضياء وكأنهم فرقه قديمه من زمان سوه ضياء تونس عليهم وكام يركص ومن خلصو ضل يصفق الهم

ضياء:وين جنتو ضامين هل المواهب
مريم:لتخافون على الدراسه اكيد ما رح نهملها بعد ما اجينه كل هل المسافة احنه هسه ما رح نشغل بالنه بموضوع الفرقه خل تجي العطله وندرب اكثر بكل عطله
سيف:اتفق ماكو غير هذه الحل
غفران:واذا ما نجحنا
مريم:ماكو شي مستحيل وبعدين احنه نجرب ما خسرانين شي
جوزيف:نحاول
ضياء:ياريت اكدر اضل وياكم أكثر
سيف:ليش عمك ما مطول؟
ضياء:لا الشغل الي عنده هنا مو هواي
مريم:اخذ أقامه
ضياء:مريم مو شي سهل واني متعلم على العراق احس مكدر اعيش هنا
مريم:رح اشتاقلك تذكرني بأمي دوم جانت تكلك انتبه لمريم من الشارع
ضياء:اني اصلا مشفت امي جنت أعتبرها ام الي
جوزيف:لا تذكرون الأحزان

.......

*مرت ايام قليله على هل الحادثه والوضع طبيعي ويوم من الايام الكل كاعد بسكن جوزيف وسيف*

مريم:جوعانهه
غفران:توج اكلتي
مريم:واذا
ضياء:بس ناقص تاكلينا
مريم:تموت واكلك ويه الدود
ضياء:عافيه حبيبي
مريم:على راسي
غفران:رح تضلون هجي تحجون بهل المسطلحات
جوزيف:امشو فوك السطح نشوي كباب ودجاج
مريم:اييييي عفيههه

             فرح لان عجبتها الفكره

راحو فوك واخذو كل المعدات الازمه والجو جان بارد بس مع ذالك ضلو حضرو كلشي ومضلو يشون

غفران بردت وصارت خدودها حمر
ينتبه سيف عليها وينزع السكارف مالته

سيف:اخذيه
غفران:لا شكرا ما احتاج
سيف:اخذيه الجو بارد لا تتمرضين

تاخذ غفران السكارف

ضياء:شكلك لكيت جنه لامك
سيف:معليج منه
ضياء:يلا نشوي بعرسكم ان شاء الله
مريم:ضياء حبيبي هواي تحجي ما تاكل

تاكل الغيره جوزيف كلما مريم تكول كلمه حبيبي مع انو هيه مو قاصدتها بعدين يتذكر هم بس أصدقاء ويهدء هل الشي غيرته

تروح مريم تاخذ شيش دجاج بس الشيش حار ويحرك ايدها

مريم:ااخخ ايدييي
ضياء:ثولل
مريم:مو وقتك جاي تحركني

جوزيف يجيب الضمادات والمرهم

جوزيف:جيبي ايدج
مريم:شتسوي بيها
جوزيف:يعني شرح اسوي غير اداويها

تمد ايدها مريم

جوزيف:ليش ما تنتبهين
مريم:ما ادري شفت النار مطفيه عبالي بارد
جوزيف:انتبهي لنفسج ترى امتحانات وهاي ايدج اليمنى الي تكتبين بيها وترسمين
ضياء:شكد مركز لعد

يستحي جوزيف ويسكت

مريم:معليك ضياء دمه خفيف
ضياء:طالع عليج

تعيب عليه مريم بوجها

سيف:يابه شكد تتعاركون
ضياء:انت بس شوفهم شكد حلوين سوه

مريم تستحي وتسحب ايدها من ايد جوزيف وتلزم ايد ضياء

مريم:احنه هم حلوين سوه
ضياء:هم صدك

يبدون يضحكون *

مريم:مدام صدك سويلي لفه خل اكل مكدر احرك ايدي
جوزيف:اني اسوي
مريم:لتعب نفسك
جوزيف:لا عادي

ضياء يهمس لمريم"حبيب القلب طفر.. مريم تتعب من سوالف ضياء وتضربه على كتفه

تجي بزونه تشم ريحه الشوي وتتقرب من غفران الي تخاف من البزازين

غفران:يمهه مريم وخريها

توكف غفران وره سيف وهيه لازمته قوي

سيف:ترى ما تسوي شي امبينه اليفه
غفران:حتى لو اخاف منهم
مريم:شكبرج بعد تصيرين

مريم تحب البزارين عكس غفران وتنطي قطعه من اكلها لبزون يجي يم مريم ويضل يلعب وياها ويروح

مريم:اريد اشتري واحد
غفران:وان شاء الله رح تحطيه ويانه
مريم:ياريت اكدر
ضياء:راحت البزونه تكدرين توخرين من سيف

تنتبه غفران على نفسها وتخجل وتوخر

يأشر ضياء لسيف بعيونه ويكول بهمس"تحبك

مريم:شوفو النجوم
غفران:تخبل
سيف:سبحان الله شكد حلوه
ضياء:حتى السماء حلوه هنا
جوزيف:هيه نجوم
مريم:تعالو ناخذ صوره

يتجمعون بمكان واحد كلهم وره مريم وضياء يلزم الكاميرا وياخذ صوره وتبقى الصور ذكريات

ضياء : تعالو خل نكعد ع الطرف نتامل النجوم
كلهم وافقوه الراي عدا غفران
مريم : هاي البنيه من كلشي عدها فوبيا
سيف : تخافين من المرتفعات؟
غفران : اي
يلزم ايدها ويكعدها يمه
ومريم يم جوزيف وضياء بالنص
سيف : لتباعين جوه خلي تركيزج بس ع السما
تحس بدوخه وتسند راسها ع كتف سيف

بهلاثناء ضياء يصورهم بدون مايدرون ويدز الصوره لام سيف
ضياء : يمه باعي ابنج وجنتج المستقبليه شكد حلوين

مريم وجوزيف يتأملون السما والنجوم بهدوء وصمت
لحد ما تجي فراشه وتوكف على ايد مريم
مريم تتذكر امها وتبجي

جوزيف : مريم شبيج
مريم : جانت دوم تكلي اذا متت رح اجيج بهيئه فراشه
يمسح دموعها بايده ويحاول يهدئها

جوزيف : المفروض انتي  هسه تفرحين لان هيه وياج
وهيه اكيد متحب تشوفج حزينه يلا ابتسمي علمودها
مريم : كلامك صح
تبتسم "
جوزيف : شلون صارت ايدج؟
مريم : تمامم مداحس بألم
جوزيف : مره ثانيه انتبهي

يقاطع كلامهم صوت ضياء وهو يكول
ضياء : انتو كل واحد ملتهي وي حبيبته وعايفيني
هنا الاخ خايف ع حبيبه الكلب لتدوخ والثاني خايف ع ايدها واني حتى بـ حجي مامعبريني
امداكم

غفران : ضياء بيبي بليز فرق بين الاصدقاء والحبايب
ضياء : اني بيبي؟
مريم : دتكلك حبيبي
ضياء : غفو ترا اني ضياء مو سيف
غفران : اهوو ترا كلمه عاديه
سيف : عوفيه هو هيج طبعه

ضياء يدز الصور الي صورها
صوره سيف وغفران يدزها لـ "سيف"
وصوره جوزيف ومريم يدزها لـ"مريم"

يشوفون الصور بنفس الوقت وينصدمون
مريم : امداك ضياء
سيف : اني جنت بس اتصال ومخلصان من سوالفك وهسه جيت يمي
ضياء : شسوي ياخي حلوين
سيف: بس للامانه الصوره حلوه
ضياء : اي مو ادري عجبتك
للحكاية بقيه...