تحميل رواية «قربك حياه وبعدك منفي» PDF

في فيلا كبيره يبدو عليها الفخامه والاناقه في كل شئ فهي تشبه القصر ..وخاصة في احدى الغرف وهي غرفة عمر الشهاوي المهندس ورجل الاعمال المشهور ذو ٢٩ من عمره والذي يمتلك امبرطوريه كبيره متخصصه في الهندسه واعمال البناء

يرن في الغرفه منبه احد الهواتف بصوته المعهود يعلن انها السابعه والنصف صباحا

مسك عمر الموبيل من جانبه وقفله

قام من مكانه ودخل الحمام الملحق بالغرفه واخد شاور

خرج وبداء يجهز عشان يروح للشركه ارتدي بنطال جينز من اللون الرصاصي وبليز من اللون الاسود وتحته قميص من اللون الرصاصي ايضا

صفف شعره الاسود بعنايه ووضع عطره الخاص

نزل على الدرج بهدوء يشبه هدوء القصر الذي يعيش فيه فهو يعيش لوحده ووالديه متوفين منذ عدة سنوات...

نزل على الدرج قابلته مديرة منزله وتدعى نوال

نوال وهي تقف امامه باحترام وتنظر في الارض صباح الخير ياعمر بيه الفطار جاهز لحضرتك

عمر :لا مش هفطر خليهم بس يعملولي قهوه ويجيبوها في اوضة مكتبي

نوال بطاعه:تحت امرك يافندم

واتحركت من قدامه

عمر وراح اتجاه مكتبه ....

________________

في فيلا اخرى وهي فيلا صلاح علام

نزلت اسيل على الدرج بخطوات سريعه

كانت ترتدي فستان من اللون الازرق وحجاب من اللون الاسود

الجميع يجلس على مائدة الفطار

اقتربت منهم بابتسامتها المعهوده

اسيل :صباح الخير

الجميع :صباح النور

اسيل واقتربت من نسرين ووضعت قبله على خديها

اسيل:صباح الخير ياخالتو

نسرين بابتسامه واسعه صباح الخير ياقلبي عامله ايه؟؟

اسيل:الحمدلله كويسه

اقتربت من صلاح ايضا ووضعن قبله على خده بحب صباح الخير ياخالو

صلاح وهو يربت على كتفيها بحنان صباح النور ياقلب خالو اقعدي افطري يلا

جلست بجانب يارا ابنة خالها وتعتبر صديقتها

وعلى الجانب الاخر كان يجلس مروان بن خالها ايضا

فهولاء هم عائلتها

فوالديها توفوا وهي في سن العاشره

فعاشت في بيت خالها

وتعتبر نسرين هي اللي مربيها وبتعتبر يارا ومروان اخواتها وهما كمان بيعتبروها اختهم

الجميع يأكل في صمت

يقطعه صلاح:اعمل حسابك انت جاي معايا اجتماع اللي رايحه في شركة الشهاوي

مروان بتذمر انت مش قولت مش هتدخل الشغل دا

صلاح:لا هندخله

مروان بتأفف تمام...

مروان وقام من مكانه اخد مفاتيحه

مروان:انا سابقكم على الشركه

نسرين:كمل اكلك

مروان وهو يتجه للخارج بملل شبعت..

يارا:شكله اضايق ..بابا لو هو مش عايز يجي اجي انا ..انا محضرتش قبل كده اي صفقه معاك

صلاح:لا انا عايز مروان معايا المره دي

نسرين ووجهت كلامها ل صلاح كنا متفقين نروح انا وانت

صلاح:انا قاصد اخده لازم يدخل في جو الشغل شويه مروان مش واخد الموضوع جد ويومين في الشغل وباقى الاسبوع مسافر في مكان خليه يجي يشوف اصول الشغل عامل ازاي

نسرين:اللي تشوفه

اسيل وقامت من مكانها فهي تكره الحديث عن الشغل والصفقات عكس يارا التي انغمست مع والداها وعمتها في الشركه من وقت ما اتخرجت

انا همشي بقا اتاخرت على الجامعه

نسرين: هتخلصي امتى؟؟

اسيل:الساعه٤

نسرين:تمام متتأخريش

اسيل:تمام يلا سلام

الجميع:سلام

خرجت من الفيلا

وجدت السائق في انتظارها ويدعى عم على

اسيل :صباح الخير ياعم على

عم على:صباح الخير ياهانم

اسيل وهي تدخل العربيه وتجلس في الخلف ياعم على انا زي بنتك قولتلك كذا مره متقولش كلمة هانم دي

عم على:مقدرش انتي عارفه دي تعليمات نسرين هانم مقدرش اكسرها اتاذي في شغلي وانتي ميرضكيش اتاذي

اسيل:ابدا والله مايرضيني ..بس على الاقل بيني وبينك قولي باسمي وقدامهم قول هانم دي

عم علي ابتسم بطيبه طيب هنروح على فين؟؟

اسيل بابتسامه خفيفه الجامعه طبعا هو احنا ورانا غيرها

عم على واتحرك بالعربيه واتجه للجامعه

_________________

دخل الشركه بخطوات سريعه

من بين همهمات الموظفين ومن يراه يقف له احتراما وتقديرا له لما لا ..وهو عمر الشهاوي صاحب امبروطورية الشهاوي على الرغم من صغر سنه نجح في تحويل شركة والده الصغيره التي وراثها عنه الي مجموعة شركات كبيره ولها اسمها بين الشركات يتميز بشخصيته القويه التي يعرفها الجميع..

اتجه الى الطرقه المؤديه الى غرفة مكتبه

قابله في الطريق يحيى وهو مهندس صاحب ال٣٥عاما فهو صديقه ومش بس كدا دا بن عمته كمان يعمل معه منذ عشر سنوات ويعتبر دراعه اليمين

يحيى:حمدلله على السلامه

عمر:الله يسلمك

اتجهوا على مكتب عمر

وقفت السكرتيره فور رؤية عمر

عمر وهو يتجه داخل المكتب خليهم يبعتولي قهوة

السكرتيره وتدعى نهى:حاضر يافندم

عمر ويحيى دخلوا المكتب

عمر جلس عى كرسي مكتبه وفتح الاب توب

يحيى وقعد قصاده

يحيى:الساعه واحده عندنا اجتماع مع شركة علام

عمر بتعجب وهو ينظر في الاب توب غريبه مش كنا خلصنا وقالوا مش داخلين معانا شغل

يحيى:ايوه فعلا بس اتفاجئت امبارح باتصال من صلاح علام شخصيا بيطلب يبدا شغل جديد

ابتسم عمر بسخريه لف يعني وملاقش ..

يحيى:مش بالظبط بس هما اذكى من كدا مش هيلقي شعل يكسب من زي ما هيكسب معانا

عمر:كنت حابب عدم شغلهم كنت عايز ارتاح من قرافهم ..شغلهم مش بيعجبني ..ومش عارف من اصلا اللي داير الشركه صلاح والا نسرين والا مين بالظبط...عموما الشغل المرادي بشروطي يايحيى عاجبهم على كده عاجبهم مش عاجبهم الباب يفوت جمل زي مابيقولوا

يحيى:ماشي ياعمر عشان كدا اصلا عملت مقابلتهم الساعه ١عشان تكون انت موجود

عمر:تمام يلا عشان نشوف شغلنا...

_______________

في الجامعه

كانت تقف تنتظر صديقتها

جاءت وهي تجري عليها

مي:معلش يا اسيل اتاخرت عليكي

اسيل:يابنتي في ايه انا قلقت عليكي برن مش بتردي

مي:معلش كنت بتخانق

اسيل بتعجب نعم بتتخنقي؟؟؟؟!!

مي:ايوه تخيلي سواق التاكسي عايز ياخد مني ٣٠ جنيه ليه؟؟ انا غلطانه اصلا كنت ركبت المشروع احسن

اسيل:تقومي تتخانقي مع الراجل حرام عليكي بجد ..كنتي على فكره كلمتني وكنت عديت عليكي بدل ماتتخاتقي مع السواق

مي:اسكتي يابنتي انتي طيبه اصل في سواقين كدا بيستغلوا الناس انتي عايزاني اسيبه يضحك عليا دا كمان لو مش الناس بعدوني عنه كانت عرفته قيمة نفسه

اسيل:بس بس خلاص كمان لميتي الناس ..يابنتي انتي بنت مينفعش كدا يامي بجد

مي:اومال هسيب حقي..مقدرش بصراحه اموت لو سكت ومتطلعش اللي جوايا

اسيل:خلاص خلاص..يلا اتاخرنا على المحاضره نكمل كلام بعد المحاضره

واتجهوا الى المحاضره

_______________________

في شركة الشهاوي

كان يجلس هو وابنه في غرفة الاجتماعات

مروان بضيق:الساعه واحده ونص وعمر بيه لسه متكرمش وجيه يقابلنا هو احنا مش ميعادنا واحده

صلاح:اهدى شويه الغايب حجته معه

مروان بغضب:حجة ايه يابابا هو بيذلنا هو مفكر نفسه ايه يعني...

قاطعه صلاح بغضب اسكت شويه ومتنساش اننا في شركته

كاد مروان ان يتحدث ولكن الباب اتفتح ودخل عمر ووراه يحيى

عمر ولاحظ الضيق على وجههم وخصوصا مروان

عمر وقعد على كرسي في المقدمه معلش اتاخرنا شويه عليكم الشغل اخرنا

مروان كان هيرد بس صلاح سابقه ورد ولا يهمك ياعمر بيه

صلاح ووجه كلامه ليحيى ازيك يا يحيى

يحيى بابتسامه خفيفه اهلا يا صلاح بيه

ثم وجه كلامه لمروان ازيك يا مروان

مروان بابتسامه هادئه اهلاا

فالعلاقه بين يحيى وعائلة صلاح علام لم تكن الشغل فقط لان يحيى بن عم اسيل وقبل ما يشتغل مع عمر كان بيشتغل في شركة علام لانه كان يريد انه يكون قريب من اسيل ابنة عمه وهو يعلم انها لها نسبه كبيره من اسهم الشركه.. ولكن بعد كدا اشتغل مع عمر

عمر:تمام نبدا كلام في الشغل

يحيى وحط ورق قدام صلاح ومروان

وبدوا يقروا العقود والشروط

بعد دقائق

صلاح :احم بس ياعمر بيه الشروط دي صعبه علينا يعني على الاقل نمشي ببنود كل سنه

عمر وهو يحرك دماغه بالنفي للاسف ياصلاح بيه الشروط المره دي اتغيرات ومش ينفع تتغير

مروان بعضب :لا طبعا مش هتنفع ازاي اساسا ندفع المبلغ دا قبل الشغل

عمر ببرود مميت :والله هي دي الشروط لو مش عاجبكم مفيش مشكله

مروان ووقف بعصبيه وصوت عالي انت انسان مستفز ومستغل كمان انت بتتحكم فينا على ايه

عمر رفع وشه وبصله بغضب

صلاح بتوتر:مروان اخرس..انا اسف ياعمر بيه ..مروان لسه ميعرفش اصول الشغل ميقصدش اللي قاله

عمر وضغط على شفايفه بضيق طالما هو ميعرفش اصول الشغل مكانش المفروض جيه ياصلاح بيه

مروان كان هيتكلم بس صلاح بصله بتحذير

عمر وكمل كلامه وهو بيوص لصلاح ومتجاهل مروان انت بتدفع مبلغ تافه على فكره انا اللي بمولك كل حاجه في مشروعك وكل حاجه بتوصلك ولو احتاجت بفلوس كمان بمولك وكمان انت في الاخر تخسر الشغل والخساره بتبقا عليا قبل عليك

بعدها قام وقف

ثم وجه كلامه ل يحيى

عمر:شوف يا يحيى لو صلاح بيه حابب يمضي العقود يمضي لو مش حابب خلاص وانا في مكتبي

وخرج عمر

يحيى:ايه ياجماعه هنمضي والا ايه؟؟

صلاح اتنهد بتعب:هنمضي يايحيى ..بس الشروط صعبه اووي علينا

يحيى:ياصلاح بيه عليك وعلى غيرك كل الشروط كدا

مروان بغضب:واحنا ايه اللي يجبرنا على كده

يحيى:لانك محتاج هنا شغلك هنا بيبقا ليك مكسب اكتر واكيد دورت وشوفت وبعدين احمد ربنا ان عمر وافق انه يمضي معاكم بعد اللي انت قولته

وقت صلاح بصله

يحيى بتوتر خفيف اكيد يعني عمل خاطر لصلاح بيه...

___________________

في الجامعه بعد المحاضرات في كافتريا الجامعه

مي :احنا هنفضل كدا كتير يا اسيل

اسيل وهي تنظر في احد الكتب ثواني بس يامي

مي:يابنتي حرام عليكي هي الثواني دي مش بتخلص بقا ..بقالك ساعه بتقولي ثواني انا جعانه هموت من الجوع

اسيل وهي تنظر حواليها وطي صوتك في ايه هتفضحني ايه ؟؟؟ كنت عايزه اخلص الكتاب دا النهارده وارجعه المكتبه النهارده

مي:ابوس ايدك خليه بكره انا جوعت بقا يلا نروح ناكل في مكان

اسيل وهي تغلق الكتاب ماشي يلا انا عارفه اصلا اني مش هخلص حاجه منك

مي:والله انتي تاعبه نفسك على الفاضي والست في الاخر ملهاش غير بيتها وجوزها ومطبخها

اسيل:هههههههههههه لا والله

مي:اه والله ..والا نسيت انتي بنت زوات مبتدخليش مطابخ

اسيل:دا احنا عندنا حظر من الموضوع خالتو مش بتوافق نهائي يدخل الموضوع

مي:ههههههههه يا سلام لو عرفت اني دخلتك وخليتك تعملي ملوخيه

اسيل:هههههههههههه هتعلقك ..بس كان يوم حلو ياريت يتكرر

مي:حاضر المره الجايه هخليكي تعملي الباميه...

ولالاتنين ضحكوا

________________

في شركة الشهاوي

يحيى دخل على عمر المكتب وحط الورق قدامه

عمر:ايه مضوا؟؟

يحيى وهو يجلس ايوه مضوا ..بس غريبه بجد تخيلت بعد كلام مروان مش هترضى تمضي معاهم عقود

عمر:كفايه ان ابوه اتأسف قدامه وبعدين مش معقول دا بن صلاح علام ازاي سايبه كدا مش مفهمه قوانين الشغل

يحيى:مروان مش حاطط في دماغه الشغل اصلا ومش بيطل سفر

ابتسم عمر بسخريه اه نسيت انك قاربهم

يحيى:بنت عمي لها اصلا اسهم في الشركه دي بنسبه كبيره

عمر:بجد انا مش عارف انت ازاي اصلا سايب بنت عمك عايشه مع ناس زي دي والا مع اصلا اللي اسمها نسرين

يحيى:دا اللي انت متعرفوش انها بتموت في نسرين دي ..بس ياعمر هي اختارتهم مقدرش اخلى تيجي تعيش معانا غصب عنها اهم حاجه احافظ على علاقتي بيها تخيل اما بنت عشر سنين تقولك مش هقدر اسيب هنا عمري طبعا ما هغصبها

عمر:ما علينا .المهم ماتيجي نتغدا انا وانت في مكان انا اصلا مافتطرتش

يحيى بدهشه كل القهوه دي ياعمر ومأكلتش بجد بتموت نفسك

عمر:ما انا هأكل اهوه يلا بقا قفل شغلك على ما اقفل انا هنا....

_______________

في فيلا صلاح علام

دخل هو يتحدث بغضب

قابلته نسرين

نسرين:في ايه مالكم؟؟

صلاح بغضب:شوفي الاستاذ كان هيبوظ شغلنا مع عمر الشهاوي بتسرعه

مروان:انا مش عارف انتوا متمسكين بيه ليه دا انسان متكبر ومغرور

صلاح بضيق:سامعه وهناك كمان غلط فيه ..انا تعبت بجد منه هيفهم سياسة الشغل امتى

نسرين وقربت من صلاح:اهدا بس انت متتعصبش ياصلاح اطلع ارتاح وانا هقعد مع وافهمه

صلاح وطلع فوق

نسرين وقربت من مروان ايه يا اخي انت مش عارف ان ابوك مريض قلب اللي انت بتعمله دا

مروان بضيق:انا مش عارف انتوا متمسكين بالشغل مع عمر دا ليه؟؟

نسرين:محتاجلنه وشغله افضل شغل وبعدين مجرد اسمنا جمب اسمه بيعمل شغل ..وبعدين يامتخلف انت رايح تغلط في الراجل بشركته

مروان:اصل انتي مشوفتيش بيتكلم معانا ازاي وببرود ازاي

نسرين:عارفه ..واتعلم انت كمان تكون كدا عشان تعرف تمشي الشغل....

_______________

تاني يوم

في فيلا الشهاوي

عمر صحي على صوت موبيله

عمر ومسك الموبيل وفتح الخط

عمر بصوت متشحرج من اثر النوم الووو

يحيى:ايه دا معقول لسه نايم

عمر وفتح عيونه ببطئ ليه هي الساعه كام؟؟

يحيى:الساعه ٩

عمر وقام قعد مكانه يااه محستش بنفسي مسمعتش المنبه اصلا ..تمام ربع ساعه وهكون عندك

عمر وقفل مع يحيى وقام دخل الحمام اخد شاور ولبس بنطال من اللون الاسود وبليزر اسود وقميص من اللون الابيض

نزل بسرعه على الدرج

واتجه الى الخارج

كان السائق في انتظاره

عمر وهو يتجه ناحية العربيه:صباح الخير ياسيد

سيد:صباح الخير يابيه

سيد وفتحله باب العربيه الخلفي

عمر وركب واتجهوا الى الشركه

وتحركت ووراهم سيارة الحرس الخاصه به

_______________

كانت تخرج من احد المكاتبات الخاصه لبيع الكتب

كانت تتحدث في هاتفها المحمول

اسيل:ايوه طبعا انتي عارفه اني محتاجه وكان لازم اجيبه

مي:طيب كنا رحنا جبنا سواء يا اسيل

اسيل:مش مشكله انا فوقت بدري والمحاضره لسه الساعه١١ قولت اجيبه واجي على المحاضره

مي:تمام خلاص انا هطلع بعد شويه واقابلك هناك

اسيل:تمام هجيب تاكسي واجي على طول

مي:ليه وعم على فين؟؟

اسيل:النهارده اجازته وصعب عليا اخرجه النهارده من بيته

صاحت مي بمرح ياسلام ربنا يخليكي للغلابه يا اوختي

اسيل:انتي بتهزري انا فعلا بتكلم جد بيصعب عليا اخرجه من وسط ولاده

مي:لا والله عارفه ان قلبك طيب ياقلبي

اسيل قفلت مع مي

كانت بتبوص في الموبيل وبتعدي الطريق

فجاءه عربيه اخدت فرامل بسرعه وخبطت فيها

اسيل وقعت على الارض

في العربيه

عمر كان بيتكلم في الموبيل سمع صوت فرامل العربيه وفجاءه وقفت

عمر للسواق:في ايه ياسيد؟؟؟

سيد ونزل بتوتر قدام العربيه

عمر رمى الموبيل بسرعه في العربيه ونزل

لاقى بنت واقعه قدام العربيه وبتحاول تقوم

عمر وزق سيد اللي تقريبا واقف بتوتر وبيبص للبنت بخوف

عمر وقرب منها انتي كويسه؟؟

اسيل ورفعت ووشها ببطء وظاهر على وشها الخضه كويسه...

عمر وبص وفي عيونها اللي لونها زيتوني وحس انه سرح فيهم..

اسيل دورت وشها بحرج من نظرته

وبصت حواليها بتوتر للحرس اللي كان محاوطهم

عمر...

ر

اسيل وبصت حواليها بخوف من الحرس اللي واقفين حوليهم

عمر ولاحظ دا

عمر بجديه للحرس ارجعوا ماكنكم

الحرس اتحرك ورجعوا عربيتهم

اسيل حاولت تقوم من مكانها هي حاسه ان ذراعها بيألمها شويه

عمر حاول يساعدها وهي بتقوم

بس هي رفضت بذوق

اخيرا وقفت وبداءت تعدل في فساتنها الاسود ويوجد به نقاط من اللون الابيض وترتدي حجاب من اللون الابيض

اسيل كانت بتاخد انفاسها بسرعه وكان باين عليها الخضه

عمر وشارو بايده لرئيس الحرس بتاعه

وبسرعه جيه وكان معه زجاجة ميه

عمر فتح واداها ل اسيل

عمر:اتفضلي

اسيل ابتسمت بخفه وتمتمت بخفوت شكرا

شربت رشفه بسيطه ورجعتها تاني لعمر

دورت بعيونها على الكتاب اللي كان معها

عمر ولاحظ دا بسرعه وطي وجاب الكتاب

عمر وهو بيدلها الكتاب:انا بعتذر لحضرتك جدا ممكن نروح دلوقت مستشفى

اسيل:لا لا مش مستهله انا الحمدلله كويسه حصل خير

عمر مينفعش لازم اطمن عليكي الاول نروح دلوقت اقرب مستشفى

اسيل :لاحضرتك مش مستهله انا هأخد تأكسي وامشي مفيش اي مشكله

عمر:طيب خلاص لو مش عايزه تروحي مستشفى لازم اوصلك بنفسي للمكان اللي هتروحيه

اسيل مكنتش عارفه تعمل ايه

واقفت متردده هي متتعودتش تركب عربية خد غريب او مع حد غريب

عمر ولا حظ ترددها

عمر:انا المهندس عمر الشهاوي

اسيل وحست ان الاسم مألوف لها ابتسمت بخوفت اسيل خالد

ابتسم عمر بقوه اتشرفت بمعرفتك يا اسيل

اسيل بخفوت:شكرا

عمر:تمام ..تسمحيلي اوصلك بقا

اسيل حركت راسها بإيجابيه

عمر اتفضلي

عمر واتحرك ناحية العربيه اللي السواق كان قاعد واول ما شاف عمر قرب منه نزل من العربيه

عمر بجديه والضيق ظاهر على وشه:هات المفاتيح

سيد :والله ياعمر بيه انا..

وسكت مكملش من نظرة عمر ليه واللي فهمها كويس وهو عارف انه مش بيحب السواقه بسرعه وبيحبها بتأني

ادله المفاتيح

دخلت اسيل ودخلت :على فكره هو ملوش ذنب انا اللي غلطانه متأذهوش لو سمحت

عمر بصلها وابتسامه خفيفه على وشه

اسيل وكملت:انا اللي كنت ببوص في الموبيل وعدت الطريق وما اخدتش بالي من العربيه واصلا انا كويسه مفيش اي حاجه حصلت

عمر للسواق ريح اعصابك النهارده وتعالى بكره

سيد :حاضر ياباشا

واتحرك وبص ل اسيل باتمننان وشكر

اسيل بصتله بابتسامه خفيفه

فاقت على صوت عمر وهو فاتح لها باب العربيه

عمر:اتفضلي

اسيل وركبت شكرا

عمر وركب مكان القياده وشغل العربيه وبداء يسوق

وعربية الحرس وراه

______________________

في شركة علام

نسرين:طيب هنعمل ايه احنا مش معانا المبلغ اللي عمر طالبه قي البدايه دا

مروان:انا قولت كدا والشغل دا اصلا بخساره

صلاح بضيق لو عندك حل تقول معندكش ياريت تسكت

مروان زفر بضيق

نسرين :قولنا محتاجين الشغل دا وهنعمل شغل تاني من وراه كتير

يارا:انا عندي فكره

صلاح:ايه هي؟؟

يارا:احنا ممكن ناخد الفلوس اللي في البنك ونشتغل بيها

صلاح لاطبعا مش هينفع وبعدين دي اكتر من نصها فلوس اسيل

يارا:ماشي احنا هنشتغل بيها وفي الاخر من المكسب هنرجعها وزياده

مروان:وافرضي خسارنا

يارا:ياسيدي خلي عندك تفاؤل وبعدين كدا كدا هنوفر الفلوس في الاخر

نسرين:فكره بردوه

صلاح:مش هينفع ناخد فلوس اسيل

نسرين:مفيش قدمنا حل تاني دلوقت...

_________________

في عربية عمر

اسيل كانت راكبه جمبه وحاسه بإلاحرج

عمر :شكلك لسه بتدرسي

اسيل:احم ..اه انا في تالته كلية صحافه واعلام

عمر:انا قولت كدا بردوه شكلك صغير وياترى بقا صحافه والا اعلام

اسيل: ان شاء الله صحافه

عمر:تمام.بالتوفيق

اسيل:شكرا

وصلوا عند الجامعه

اسيل:ماشي تمام انا هنزل هنا خلاص

عمر:لو حابه اوصلك جواه معنديش مشكله

اسيل باعتراض لا لا شكرا ميرسي اووي لحد كده وارجو ان مكونش عطلت حضرتك

عمر:لا ولا تعطيل ولا حاجه

عمر وخرج كارت من قدامه دا كارت بتاعي لو احتاجتي اي حاجه كلمني

اسيل اخدت الكارت بإحراج

نزلت من العربيه واتحركت كانت مي واقفه قدام باب الجامعه منتظرها

جريت عليها

وعمر اتحرك بعربيته

مي وقابلتها اتاخرتي ليه كدا؟؟

اسيل بتعب:معلش حصل موقف بعدين هحكيلك

مي :في ايه ؟؟وبعدين انتي نازله من عربية مين دي مش عربية مروان او حد عندكم في البيت

اسيل:مركزه انتي اووي

مي:ايوه طبعا وبعدين انا عارفكي مش بتركبي مع اي حد ومال وشك اصفر كدا ليه

اسيل وحكت لها اللي حصل باختصار

مي:يعني كنتي راكبه مع عمر الشهاوي بجد

اسيل:ايوه .هو انتي تعرفيه؟؟؟

مي:طبعا يابنتي هو دا ميعرفوش دا اشهر من عصير بيست انتي مش عارفه والا ايه

اسيل:الاسم مألوف بالنسبه ليا حاسه اني سمعته قبل كدا

مي:دا موس في شغل الهندسه يابنتي واكيد خالك كمان عارفه

اسيل وهي تحرك كتفياه بعدم المعرفه معرفش المهم يلا عشان المحاضره لان دراعي وجعني اووي

مي:لو تعبانه نروح مش لازم نحضر

اسيل:لا نحضر المحاضرتين ونمشي..

________&&&&&&&&&&&&___

عند عمر

وصل الشركه بخطوات سريعه

قابله يحيى ايه يابني اتاخرت ليه وقفلت فجاءه وبرن عليك مش بترد

عمر وهو بيقلع البليزر وعلقه في مكان خااص بيه

عمر :مفيش البيه شكله كان لسه مصحيش من النوم وخبط واحده واحنا جايين

يحيى بقلق:وايه اللي حصل؟؟؟

عمر:الحمدلله جاءت سليمه والبنت محصلهاش حاجه عرضت عليها اوديها مستشفى رفضت المهم وصلتها لحد جامعتها والحمدلله عدت

يحيى:الحمدلله ان محدش اتأذى

عمر وفتح الاب توب قدامه الحمدلله

يحيى:هندخل المناقصه الجديده

عمر:اه طبعا انت بتسأل

يحيى:عمر مابلاش لو خدنا المناقصه دي من عادل السباعي هتبقى خامس صفقه ناخدها منه

عمر:طيب وانا اعمل ايه اللي مش اد الشغل ميشتغلش

يحيى بضيق من هدوء عمر الراجل دا مش ساهل ومش هيسكت

عمر بضيق:خفيف يعمل اللي يعمله انا مبخافش من حد

يحيى:عمر انا مش عايزك تعادي حد

ابتسم عمر بسخريه ليه هو انت فاكر ان كل اللي حواليا بيحبوني مش كل اللي بيضحك في وشي يبقا مطلعها من قلبه

يحيى:بس على الاقل اللي بيضحك في وشك دا وهو مش بيحبك عاملك حساب عشان كدا بيضحك في وشك لكن اللي زي عادل السباعي دا ممكن يعلن الحرب في العلن عادي

عمر:اعلى ما في خيله يركبه مش هخاف من شوية البلط_جيه اللي حواليه...يحيى بالله عليك خلينا في شغلنا بدل ما هنضيع وقت في كلام فاضي...

_________________________

في فيلا صلاح علام

دخلت اسيل

كانت يارا ونسرين قاعدين

اسيل بتعب:مساء الخير

الاتنين:مساء النور

اسيل وقربت منهم وقعدت بتعب

يارا:مالك يا اسيل شكلك مرهق

نسرين:طبعا تاعبه نفسها طول الوقت على المذاكره والمكاتب والكتب

اسيل بضيق خفيف:ياخالتو بحب دراستي وعايزه احافظ على ترتبتي اني الاولى كل سنه

نسرين:لو على ترتيبك سهله

اسيل:لا طبعا مش هوصل لحاجه متكونش حقي وتعبت فيها

نسرين بملل:انتي حره

اسيل:وبعدين دا اصلا مش السبب

يارا:اومال في ايه؟؟

اسيل:اصل عملت حادثه

يارا ونسرين قاموا بخضه من مكانهم وقربوا ليها

نسرين وهي تحسس عليها بخضه حادثة ايه ؟؟وكلمتيناش ليه

اسيل:متخضيش ياخالتو انا كويسه بس عربيه خبطت فيا وانا معديه الطريق

نسرين:ومروحتيش المستشفى ليه اطمنتي وكلمتي الشرطه

اسيل:شرطة ايه ياخالتو وبعدين انا اصلا اللي غلطانه وكمان صاحب العربيه كان في منتهى الذوق والرقه ووصلني لحد الجامعه حتى عرفني بنفسه اسمه عمر الشهاووي

يارا. بدهشه:نعم مين؟؟!

اسيل:المهندس عمر الشهاوي انتي تعرفيه؟؟

يارا كانت هتتكلم بس نسرين ضغطت على ايديها

نسرين:لا منعرفوش المهم انك كويسه

اسيل:اه كويسه الحمدلله ..انا هطلع استريح بقا

نسرين:ماشي ياحبيبتي

اسيل طلعت

يارا قربت من نسرين:ليه مخلتنيش اقولها اننا نعرفه

نسرين:كدا هفهمك بعدين ..اطلعيه وراها دلوقت وافهم بالظبط اللي حصل

يارا :تمام

____________

ابدلت اسيل ثيابها

كانت تنظر الى الكدمه اللي في دراعها

كانت تمسك باحدى الكريمات لتضعها عليها

طرقات خفيفه على الباب وانفتح الباب

يارا ودخلت دماغها من فتحة الباب الصغيره

يارا:,اعتقد لسه منمتيش

اسيل بتعب لا تعالي

يارا:قولت اجي ارغي معاكى و..

نظرت الى ذراع اسيل بدهشه ايه دا يا اسيل ايه اللي في دراعك دا؟؟!

اسيل:متخافيش دا مكان الخبطه

يارا:طيب قومي نروح اي مستشفى وكمان نطمن على دراعك

اسيل:يابنتي مفيش حاجه مستهله انا هحط الكريم دا وهبقا كويسه

يارا ومسكت منها الكريم وبدات تدلك لها دراعها دي خبطه جامده يابنتي هو ما كانش شايف والا ايه؟؟

اسيل:دا السواق اللي كان سايق وكان هيرفده بسببي بس انا قولتله انا اللي غلطانه لاني كنت ببوص في الموبيل

يارا باستفسار:هو ايه اللي حصل بالظبط

____&_______________في المساء

يعني هي قالتلك كدا

قالت هذه الجمله نسرين وهي تجلس في غرفتها هي ويارا

يارا:ايوه ياعمتو ..قوليلي بقا بتفكري في ايه؟؟

نسرين:روحي نادي مروان من اوضته وتعالي دلوقت

يارا:ليه؟؟

نسرين :نديله بس وهتفهمي

_______________

في غرفة اسيل

كانت تجلس على مكتبها وتمسك احد الكتب

انفتح الباب

مروان بقولك عايز شاحن

اسيل واخدت حجاب من جمبها ولبسته يابني قولتلك مليون مره خبطت قبل ما تدخل مروان انا محجبه ودي حاجه بضايقني

مروان:بس يابت انتي كارته اصلا

اسيل:لا والله مروان انا مش بهزر بعد كدا تخبط

مروان وكإنه مش سامع كلامها بقولك عايز شاحن

اسيل:والشاحن اللي انت واخده من يومين

مروان :مش فاكر تقريبا سيبته في الشركه

اسيل:على فكره دا رابع شاحن تاخده مني واشتري غيره

وجابت شاحن من جمبها وادتهوله

مروان:حبيبتي يا اسيل يلا سلام

وخرج من الاوضه

يارا قابلته واخدته على اوضة نسرين

اسيل موبيلها رن

اسيل بصت للموبيل

وظهرت ابتسامه واسعه على وشها

اسيل وفتحت الخط السلام عليكم

يحيى:وعليكم السلام ازيك يا اسيل عامله ايه؟؟

اسيل:الحمدلله يا ابيه عامل ايه واخباركم؟؟

يحيى :الحمدلله تمام احنا كويسين

اسيل:وطنط وساره اخبارهم ايه؟؟

يحيى:كويسين الحمدلله ايه الدراسه بتاخدك مننا كده مفيش اي اتصال

اسيل:انا عارفه يا ابيه اني مقصره معاكم بس انت عارف الجامعه بقا

يحيى:ماشي ياحبيبتي اهم حاجه انك كويسه

اسيل:ساره مش هتنزل قريب

ساره اخت يحيى ومتزوجه ومسافره خارج مصر مع زوجها وعندها ولد اسمه ياسين

يحيى:هي هتنزل بس مش عارف امتى على حسب اجازة جوزها

اسيل:تمام...

______________

في غرفة نسرين

مروان وقف بضيق:انتي بتقولي ايه لا طبعا مستحيل

نسرين:ليه مستحيل

مروان:ملاقتيش غير عمر الشهاوي

نسرين:مالوه عمر الشهاوي دا اي حد يتمنى وبعدين احنا هنعمل هما اتعرفوا على بعض النهارده احنا بقا هنحاول نقربهم لبعض وتكون اسيل موجوده في الاماكن اللي هيبقا موجود فيها

مروان:انا مش موافق على الموضوع دا وممكن يأذيها

نسرين:تفتكر عمر الشهاوي هيأذي بنت عمره طبعا

مروان ووجه كلامه ليارا اللي بتسمع بصمت

مروان :ساكته يعني مش سامعلك صوت انتي موافقه على كده

يارا ل نسرين يعني هو مش هيأذيها ياعمتو؟؟

نسرين:مش هيأذيها وبعدين احنا هنقربهم من بعض بس ومتنسوش كمان انها بنت عم يحيى

ثم وجهت كلامها لمروان ها هتساعدنا والا ايه؟؟ دا على فكره فيه مصلحه للشغل

مروان: ماشي بس اعملي حسابك انتي ناويه على حرب وهتكون ضحيتها اسيل...

ر

بعد يومين في فيلا الشهاووي

في وقت متاخر من الليل

كان يقف في شرفة غرفته

ابتسم بخفه وهو يتذكر ابتسامتها الهادئه عيونها الزيتونيه والتي تحمل براءة وهدوء العالم

توترها والذي لم يراه من وقت طويلا في فتاه

احقا كذلك؟؟؟فهو يتعامل مع سيدات الاعمال وهن الذين يتصفن بالجراءه بحكم عملهم ..للحظه تمنى لو يخرج من هذا العالم ويصبح مره اخرى طالبا جامعيا ويقابلها في هذا العالم ابتسم بسخريه على نفسه وعلى تفكيره ..لما لم يأخذ مثلا رقم هاتفها بحجة الاطمننان عليها ايتسم مره اخرى بسخريه

ايعيش مثلا مرهقة سن التاسعة عشر وهو في سن التاسع والعشرون ؟؟!!

اتمنى لو يقابلها مره تانيه لو صدفه مثلا ..ولكن القدر لايتكرر مرتين...

تنهد بتعب فهو حقا لم يعش اي شئ انغمس في الحياه العمليه منذ ان كان في الجامعه

فاق من شردوه على حركه

شاف حد بينط من فوق سور الفيلا الخلفى

عمر دخل بسرعه فتح خزنته الموجوده في الاوضه

وخرج منها مسدس

خرج من الاوضه بتاعته ونزل جري لاحظ حركه في مكتبه

عمر وقرب من المكتب وفتح الباب ووجه المسدس قدامه

عمر:اقف مكانك وسيب الورق اللي في ايدك

الشخص رمى الورق ورفع ايده باستسلام

عمر وقرب منه ووجه المسدس لراسه

عمر:انت مين وجاي تعمل ايه؟؟

:جاي اسرق فلوس يابيه

ابتسم عمر بسخريه واللي جاي يسرق فلوس بيدور في الورق ليه؟؟

الرجل بصله بخوف وسكت

عمر بغضب:انطق جاي هنا ليه؟؟

الرجل:جاي اسرق يابيه

عمر وضربه برجله في اسفل بطنه انطق جاي ليه؟؟

الرجل بتوجع ااااه اااه يابيه جاي اسرق

في الوقت دا الحرس جيه على صوت ووقفوا قدام الباب

عمر بعصبيه ساخره لسه جايين يابهوات صحوا النوم

البيه بقاله اكتر من ربع ساعه هنا حسابكم معايا تقيل يا...

عمر وقرب من الرجل ومسكه من مقدمة قميصه انطق ياض بدل ما اخلصك عليك الدقيقه دي انت اصلا متسواش ربع جنيه عند اللي باعتك

الرجل بخوف وتلجلج لانه عارف ان كلامه صح وهينفذ كلامه صالح بيه رشوان اللي باعتني عشان ورق الصفقه

عمر وبيحاول يفتكر الاسم صالح رشوان مين؟؟

الرجل بتوتر:مدير..اعمال عادل بيه السباعي

عمر وابتسم بسخريه هو صالح بتاعك دا اهبل والا عادل السباعي معدتش بيعرف يختار الناس اللي يشتغلوا معه هو انا هحتفظ بورق صفقه مهمه زي دي هنا في خزنة مكتبي

رئيس الحرس:نخلص عليه ياباشا

عمر:لا سيبه هبعت معه رساله للبيه بتاعه يوصلهاله

______________________

تاني يوم في فيلا صلاح علام

مروان:يعني انتي عايزني اكلم بسمه نصر

نسرين:ايوه وتخليها تجيلي هنا

يارا:انتي عايزه بسمه في ايه؟؟

نسرين:لما تيجي هتعرفوا...

_____________________/في شركة الشهاوي

يحيى بقلق:كل دا حصل ياعمر ومكلمتنيش ليه؟؟

عمر:الموضوع مش مستاهل كل القلق دا وبعدين الواد كان في ايدي عامل زي الفرخه الغرقانه

يحيى:لا ياعمر لا مينفعش انت لازم تزود حراسه معاك وعلى الفيلا

عمر بسخريه :ما البشوات جايين بعد مامسكت الواد وبعدين مالك يايحيى ما تجمد كده

يحيى:يا عمر انا خايف عليك الراجل دا غدار

عمر:قولتلك مبخافش قبل كدا وبعيدها ليك تاني مش عادل السباعي اللي يخوفني

يحيى:طيب عشان خاطري بلاش المناقصه دي المره دي بس

عمر بضيق خفيف يحيى مش كل شويه هنتكلم في الموضوع دا مش هوقف شغلي عشان حد انا بشتغل وبتعب مش هقف عشان غيري مش عارف يعمل زي

يحيى اتنهد بتعب وسكت هو عارف انه مش هيرجع في قراره

____________&&&

في مكان اخر وهي فيلا عادل السباعي

عادل السباعي وقام من مكانه بعصبيه انت بتقول ايه ياصالح ابن مصطفى الشهاوي بعتلي انا الكلام دا بيهددني

صالح وبص في الارض

عادل وقرب منه بغضب وانت ازاي تتصرف من دماغك وتبعت حد فيلته

صالح:كنت عايز اساعدك ياباشا

عادل:بن مصطفى الشهاوي مش اهبل هو عارف هو بيعمل ايه ومش هيحتفظ بورق مهم في مكان زي دا

صالح:ما احنا مش لاقيين طريق ندخله منه

عادل:طبعا هو اسراره كلها مع يحيى الجمال

صالح:طيب ياباشا مانشوف يحيى دا يمكن يساعدنا

عادل:مستحيل يحيى دا بن عمته تقطعه هنا مليون حته ومايخونش ابن خاله انا عارف دا...

_______________________

في فيلا صلاح علام

كانت تجلس هي ويارا في حديقة الفيلا

اقتربت منها الخادمه تخبرها عن وصول الضيفه المنتظره

نسرين وقامت بترحيب اهلا اهلا يابسمه نورتي الفيلا

بسمه:اهلا بيكي يانسرين هانم منوره بوجودكم

(بسمه نصر سيده في منتصف التلاتينات بتحب الفلوس والسهر والحفلات وكل فتره تتجوز ووتطلق)

بعد التسليم جلسوا جميعا

بسمه:مروان بلغني وهو بيكلمني انك عايزاني في موضوع مهم

نسرين:ايوه ..معدتش بشوفك تعملي حفلات زي الاول

بسمه:معلش الميزنيه مقصره معايا شويه

نسرين وخرجت شيك من معها ليه بس طيب اتفضلي دا مين عشان تعملي الحفله اللي نفسك فيها

بسمه وخدت الشيك وابتسمت لما شافت المبلغ

بسمه:بس دا بمناسبة ايه سلفه يعني

نسرين:تو تو دا هديه مني ليكي عايزاكي تعملى حفلة عيد ميلادك

بسمه:بس انا عيد ميلادي بعد شهرين

نسرين:ياستي نقدمه شويه هيجرى حاجه

بسمه:لا عادي مش هتفرق كل يوم في حياتنا جديد

نسرين بابتسامه شاطره ..بوصي بقا يارا هتكون موجوده في الحفله وكمان اسيل اللي هتيجي دلوقتي من الجامعه وتعزميها

بسمه:تمام ..بس بردوه مفهمتش هتسفيدي ايه؟؟

نسرين:عايزاكي تعزمي عمر الشهاوي

بسمه:اشمعنا عمر؟؟

نسرين:يعني يبقا عيد ميلاد بنت خالته و ميحضروش

بسمه:لا بقا تفهميني انتي عايزاه ايه بالظبط

نسرين:افهمك بوصي ياستي...

______&&&&_&&&&&

في الجامعه

مي:كان يوم مرهق اووي النهارده انا مش بحب اليوم اللي بيبقا فيه ساكشن ومحاضرات

اسيل:انت ياحبيبتي مش بتحبي كل الايام عادي

مي:لا والله بحب يوم الجمعه عشان بيبقا اجازه وبنام كتير

اسيل:هه‍هههههههه بتموتي في النوم ياربي

مي:طبعا النوم حاجه جميله

اسيل:طيب يلا عشان نروح لاني مرهقه جدا

مي:ماشي صحيح نسيت اسالك دراعك عامل ايه؟؟

اسيل:الحمدلله احسن...

_____________بعد ساعه في فيلا صلاح علام

اسيل بضيق:انا مليش في جو الحفلات دا

نسرين:الست عزمتك بنفسها عيب اوي لو مروحتيش

اسيل:عادي يعني وبعدين هي مش صاحبتي مثلا او حاجه انا اعرفها معرفه سطحيه

يارا:دا لسه يوم الخميس يا اسيل نبقا نشوف الموضوع دا

اسيل:ربنا يسهل ..عن اذنكم انا مرهقه وطالعه ارتاح

اسيل طلعت

يارا:اهدي ياعمتو عشان انتي عارفها عنديه انا هقنعها براحه

نسرين:انا ماصدقت اقنعت بسمه انها تعمل كدا لانها كانت خايفه من عمر واهوه كان قدامك

يارا:ايوه...تعرفي انا مشوفتش عمر الشهاوي قبل كده غير صور

نسرين:عشان كدا انتي اللي هتروحي مع اسيل لانه ميعرفكيش

___________________

بعد يومين في مكتب عمر الشهاوي

كان يجلس هو ويحيى في مكتبه بيخلصو شغل

طرقات على الباب

عمر:ادخل

دخلت نهى السكرتيره

نهى:مدام بسمه نصر موجوده بره وعايزه تقابل حضرتك

عمر بتعجب بسمه خير؟؟ ايه الي جابها دي؟؟

يحيى:قابلها وشوفها عايزه ايه

عمر ل نهى :ماشي دخليها

خرجت نهى

ودخلت بسمه

بسمه بابتسامه واسعه:مساء الخير

الاتنين مساء النور

بسمه وجلست على الكرسي المقابل لكرسي يحيى

بسمه:ازيك يا بشمهندس يحيى

يحيى بابتسامه خفيفه:ازيك يابسمه عامله ايه؟؟

بسمه :انا كويسه

بسمه ووجهت كلامها لعمر ازيك ياعمر

عمر بملل:كويس يابسمه ..خير ايه سر الزياره السعيده دي

بسمه :شوفت يا بشمهندس يحيى يرضيك معاملته دي وانا بنت خالته مش بيساأل عني خالص

عمر بصوت هامس من بين اسنانه ماهي دي المصيبه

يحيى بابتسامه :لا طبعا ميصحش ياعمر

عمر:بسمه لخصي وقولي جايه ليه وبطلي لف ودوران

بسمه :طيب مش هتطلب ليا حاجه اشربها

اتنهد عمر بضيق

يحيى وقام من مكانه وهو بيضحك انا خارج وهبعتلك حاجه تشربيها

خرج يحيى

عمر :ها خير يابسمه لخصي وقولي عايزه ايه عشان اعتقد انك شايفه اني مشغول وانتي معطلني

بسمه:حاضر انا عيد ميلادي يوم الخميس وكنت عامله حفله صغيره كدا وكنت عايزاك تحضر

عمر:كل سنه وانتي طيبه بس انتي عارفه انا مش فاضي للحفلات والحورات دي

بسمه:لا ياعمر عشان خاطري انا بتشرف بيك بين اصحابي

عمر وخرج شيك وكتب فيه مبلغ

عمر وادلها الشيك

بسمه ومسكت الشيك وشافت المبلغ ابتسمت ابتسامه واسعه

بسمه:ميرسي اووي اووي ياعمر هستناك

عمر:هحاول...

______________________

مساء الخميس في فيلا صلاح علام

يارا:يا اسيل هنروح نغيير جو

اسيل:يا يارا انا مليش في الجو دا

يارا:طيب ساعه بس ونرجع على طول

تنهدت اسيل بتعب ماشي سا يارا اديني عشر دقايق هجهز

___________في فيلا الشهاوي

نزل على الدرج كان يرتدي بليز من اللون الازرق الفاتح وبنطال من اللون الكحلي وقميص من نفس اللون ويصفف شعره بعنايه

تنهدت بتعب فبسمه طوال اليوم وهي بترن عليه عشان الحفله لدرجة انه قفل الموبيل بسببها

اقترب من العربيه

عمر:يلا ياسيد روح انت انا هسوق انا لاني هرجع متاخر

سيد ونزل:حاضر يابيه تصبح على خير

عمر :وانت من اهله

عمر وركب العربيه وراح على بيت بسمه

______________

في فيلا علام

خرجت يارا واسيل

من الفيلا وراكبوا عربية يارا

اسيل كانت ترتدي فستان من اللون الموف الهادي ضيق من فوق ونزل بوسع وحجاب من نفس اللون ولكن بدرجه مختلفه

يارا:كانت لابسه فستان من اللون الاسود يصل لبعد الركبه بقليل وتطلق شعرها الناعم العنان

في عربية يارا

يارا:يعني يابنتي كنتي حوطي اي حاجه على وشك كدا دا احنا رايحين حفله

اسيل:لا انا بحب اكون بطبيعتي كدا مليش في جو الميك اب دا

يارا:بمرح انتي حلوه وقمر في كل حالتلك ياقلبي

اسيل وابتسمت بخفه ..مش عارفه ليه مصممين اجي الحفله دي ليه

يارا بتوتر بتحاول تداريه عادي يعني يابنتي هو انتي بتخرجي اصلا دانت مش بتخرجي غير للجامعه او رايحه مكتبه

وصلوا عند بيت بسمه

اسيل:يارا متسبنيش جو لوحدي تفضلي جمبي

يارا:تمام متقلقيش

دخلوا الحفله وبسمه قابلتهم ورحبت بيهم. وخصوصا ب اسيل

اسيل كانت واقفه جمب يارا وبتبص على الناس هي مش متعوده على الاجواء دي

اسيل:فات ربع ساعه من الساعه هانت

يارا:اسيل بجد استمتعي بالوقت ايه دا هتمسكي الساعه

عمر دخل الحفله وبسمه قابلته

يارا اول ماشافت عمر دخل بصت عليه بتمعن وهو داخل بثقه وجسم رياضي وباين انه جنتل حتي في ملابسه

يارا :اسيل انا في ناس صحابي هروح اسلم عليهم وارجع بسرعه

اسيل:متسبنيش لوحدي

يارا وهي تتحرك من مكانها مش هتاخر عليكي ثواني بس...

بسمه بترحاب شديد اهلا ياعمر مبسوطه انك جيت

عمر بابتسامه خفيفه عشان بس متزعليش يابسمه..جوزك فين؟؟

بسمه :ايه دا انت متعرفش اني اطلق..ت من خمس شهور

عمر بصدمه يخربيتك دا رابع جوازه

بسمه:كان خنيق ومتعب..المهم سيبك منه اهو راح لحاله..تعالى بقا اما اعرفك على ناس صحابي

اسيل كانت واقفه كانت بتبص حواليها على الناس

كانت حاسه بالملل دورت بعينها على يارا

كانت واقفه مع ناس صحابها بنتين وولدين واقفين بيتكلموا

بنت وكانت اسمها سها

سها:ايه دا مش دا عمر الشهاوي

ولد اسمه خالد

خالد:ايوه هو ماهو قريب مدام بسمه

بنت تانيه اسمها عبير

عبير:قمر اووي نفسي اتجوز واحد شبه كدا

ولد تاني اسمه عمار

عمار:ومستنيه ايه اهوه قدامك روحيله

سها:على فكره ملوش جو الصحوبيه والحب دا راجل اعمال وجد اووي كمان

كل دا يارا واقفه تسمعهم ومش بتشارك في الحديث بتسمع بس

خالد :بقولكم ايه سيبك بقا من عمر الشهاوي هنسهر فين بعد الحفله

بسمه اخدت عمر وراحت عند اسيل

اسيل واتفجاءت ببسمه وهي بتحط ايده على كتفها

بسمه :اعرفك بقا ياعمر دا اسيل خالد ..دا بقا يا اسيل البشمنهدس عمر الشهاوي بن خالتي وراجل اعمال مشهور

اسيل وبصت بدهشه ولسانها اتجمد وبصتله بدهشه

والكلام كله اتجمد

عمر كمان مكانش مصدق انه شايفها هنا اخر مكان توقع انه يشوفها فيه

عمر بابتسامه:ازيك يا اسيل

اسيل بتوتر:اهلا يابشمهندس

بسمه انسحبت وراحت تسلم على ضيوف وصلوا

عمر:عامله ايه؟؟

اسيل:وهي بدور عيونها في المكان كويسه

عمر:متوقعتش اشوفك هنا

اسيل :ولا انا

عمر:عامله ايه في الكليه؟؟

اسيل:تمام

عمر ولاحظ انها بتدور بعيونها

عمر:انتي بدوري على حد؟؟؟

اسيل بإحراج:لا

عمر:على فكره انا علاقتي كويسه برئيس الجامعه ممكن اوصيه عليكي

اسيل بضيق خفيف لا شكرا انا مش محتاجه توصيه وعموما انا بطلع الاولى كل سنه ومش محتاجه حاجه زي دي

عمر وابتسم بخفه ايه خلاص زعلتي كدا ليه انا مقصدش ازعلك

اسيل اكتفت بالصمت في الوقت دا يارا قربت منهم ولاحظت ان اسيل متغيره

يارا:مساء الخير

الاتنين:مساء النور

اسيل:يارا بنت خالي

وشاروات على عمر بشمهندس عمر الشهاوي

عمر:اهلا وسهلا انسه يارا

يارا:اهلا بحضرتك يابشمهندس

اسيل:قربت من يارا بصوت هادي يلا نمشي بقا بقالنا هنا اكتر من ساعه

يارا:اوك تمام

في الوقت عمر كان بيتكلم مع واحد

اسيل ويارا انسحبوا بهدوء ومشيوا

يارا جاءت تشغل العربيه مشتغلتش

نزلت وفتحتها من قدام ورجعت قفلتها تاني

اسيل:في ايه؟؟

يارا:مش عارفه العربيه مش راضيه تشتغل

اسيل بضيق :افندم اومال هنروح ازاي

يارا:مش عارفه

اسيل ونزلت من العربيه هنلاقي تاكسي هنا؟؟

يارا:مش عارفه

اسيل:يارا في ايه بجد انا على فكره قولتلك ناخد معانا عمي على عملتلي سبع الرجال وقولت هسوق انا

يارا:مكنتش عارفه انها هتعمل معانا كدا

اسيل:خلاص هكلم مروان يجي ياخدنا

يارا واخدت منها الموبيل لا مروان اصلا مش هيسمعك زمانه سهران مع اصحابه

اسيل:طيب هنعمل ايه؟؟؟

يارا:مش عارفه

وبعدها انفجرت في الضحك شكلنا وحش اووي

اسيل هي كمان ضحكت

فضلوا بعدها منتظرين اي تاكسي يعدي مفيش

عمر نزل واتفجاء بيهم واقفين

عمر :مساء الخير .محتاجين مساعده واقفين كده ليه؟؟

يارا:ايوه عربيتنا عطلت

اسيل بصتلها بلوووم

عمر:تمام اتفضلوا معايا هوصلكم

اسيل كانت هترفض بس يارا كانت اسرع في الرد

يارا:مش عايزين نتعب حضرتك

عمر وهو ينظر ل اسيل اللي حس بالرفض في عيونها لا تعب ولا حاجه

اتجهو لعربية عمر

يارا ركبت في الكرسي الخلفي

اسيل اضطرت انها تركب قدام جمب عمر

طوال الطريق صمت يقطعه احيانا كلام يارا اللي كانت بتراقب نظرات عمر ل اسيل

مش شايفه خالص فيه عمر اللي بيتكلموا عنه في الشغل والكل بيعمله الف حساب

يارا طلبت منه ينزلهم ونزلوا قبل فليتهم واسيل لحظت كدا بس رجحت كدا

نزلوا وشكروه وهو ومشي

دخلوا الفيل وقابلوا نسرين

نسرين :انبسطوا؟؟

اسيل:عادي انا اصلا مليش في الجو دا عن اذنكم انا طالعه ارتاح

7

نسرين وقربت من يارا ايه اللي حصل

يارا وحكت لها كل حاجه حصلت

يارا:اول ما بسمه رنت عليا عرفت انه نازل

فضلت اشغل اسيل بالكلام لحد ما نزل وعرض طبعا علينا يوصلنا ..اسيل كانت هترفض بس انا لحقتها وقبلت

نسرين:برافوو كده نخوش بقا على الخطوه اللي بعدها

_________________________

في غرفة اسيل

بدلت ملابسها وقعدت على السرير

موبيلها رن وكانت مي صاحبتها

اسيل:الو

مي:ايو يااسيل عامله ايه رجعتي من الحفله

اسيل بضيق:ايوه

مي:ومالك بتردي كدا ليه منبسطيش

اسيل:لا طبعا منبسطش انا مليش في الجو دا وبعدين حصل موقف مضايقني

مي:موقف ايه؟؟

اسيل حكت لها على موقف عمر واللي مضايقها

مي:يابنتي الراجل في منتهى الذوق انتي ايه اللي مضايقك

اسيل:يا مي مش حابه كده انا بردوه معرفوش

مي:لا انتي عارفه وموصلك مره للجامعه

اسيل بضيق:انتي هبله يابت دي مره وصدفه هو كان قريبي

مي بهزار دا احلى صدفه كان يوم حبك اجمل صدفه

اسيل:والله انتي مجنونه روحي يامي روحي نامي انت غلطانه اني اصلا اتكلمت معاكي

مي :اهدي بس ياقلبي انتي متوتره ليه؟؟

اسيل:فعلا يامي انا اما بشوف البشمهندس دا ببقا متوتره اووي..

_________________________________

عدي يومين بعد الحفله

في شركة علاام

يارا:مش فاهمه يعني المطلوب مني

نسرين:المطلوب انك تكلمي اسيل وتخليها تقابلك في المطعم دا بس انتي مش هتروحي تقابليها

يارا:ليه؟؟؟

مروان:يابنتي عشان عمر هيكون هناك النهارده اجازته وبيروح يتغدى في المطعم دا بيفضل هناك وقت طويل

يارا:تمام

نسرين:رني بقا عليها

يارا وخرجت موبيلها ورنت فعلا على اسيل

يارا:ايوه يااسيل

اسيل:ايوه يارا في حاجه؟؟

يارا:لا متقلقيش كله تمام انا بس كنت عايزه انا وانتي نتغدا سوا بعد محاضراتك يعني لو فاضيه بعد ساعه

اسيل:تمام انا عندي ساكشن هخلصه ونتقابل بس تعدي عليا بقا لاني الصبح ملقتش عمي على تقريبا مقدرش يجي النهارده

يارا وبصت لنسرين وفهمت انها اللي مخلتش السواق يجي

يارا:هاتي تاكسي وخلاص يا اسيل

اسيل:تمام

يارا:احفظي بقا عنوان المطعم مطعم...في...

اسيل:اشمعنا المطعم دا؟؟

يارا:عادي يعني جديد وهنجربه

اسيل:ماشي تمام

____________________

بعد ساعه في احد المطاعم

كان يجلس هلى احدى الطاولات

رن هاتفه المحمول

عمر وفتح الخط بترن ليه عليا النهارده اجازتي

يحيى:هسألك بس على حاجه في الشغل

عمر:اجلها لبكره يايحيى

يحيى:مش هينفع يابني اسمعني بس

عمر :لا وبعدين...

عمر وقطع الكلام لما لاقها داخله

اتأمل فستانها السيمون وحجابها الرقيق البسيط وهي بدور بعيونها على حد مكنش مصدق معقول القدر في صفه كدا؟؟؟!

اسيل واخدت تاكسي من قدام الجامعه وصلت لحد المطعم دخلت دورت بعيونها في المكان على يارا ملاقتهاش عرفت انها موصلتش

قعدت على احدى الطاولات

النادل وقرب منها

عند عمر :يحيى اقفل دلوقت هكلمك بعدين

وقفل من غير مايسمع رده

على تربيزة اسيل واللي كانت قريبه من عمر

النادل:تحت امرك يافندم اؤمرني

اسيل:لا معلش مش هطلب حاجه دلوقت عشان منتظره ناس

النادل :تمام زي ماتحبي حضرتك

النادل مشي

اسيل مسكت الموبيل وفضلت ترن على يارا اللي مديها مغلق

اسيل :اوووف بقا يا يارا موبيلك مقفول ليه

عمر فضل يبص عليها شويه ياترى منتظره مين؟؟

اسيل حطت الموبيل جمبها

وفجاءه

:مساء الخير

اسيل ورفعت وشها اتجاه الصوت

اسيل وفتحت عيونها بدهشه

اسيل بخفوت مساء النور

عمر:ايه الصدفه الجميله دي

اسيل وابتسمت بحرج

عمر:ممكن اقعد والا في مشكله؟

اسيل:اتفضل يابشمهندس

عمر وقعد

عمر:اول مره اشوفك هنا

اسيل:انا اول مره اجي هنا

عمر:شكلك منتظره حد

اسيل:ايوه بنت خالي كنا متفقين نتقابل هنا بس هي لسه مجاتش

عمر:طيب ممكن اعزمك على حاجه لحد ما هي تيجي

عمر مادهاش فرصه ترد

وشاور للنادل

النادل وقرب منهم تحت امرك ياعمر بيه

عمر: تشربي ايه؟؟

اسيل بحرج:تمام ممكن عصير

عمر :نوع معين؟؟

اسيل بخفوت :مانجا

عمر:تمام وانا قهوه ساده

النادل تحت امرك يافندم

واتحرك من مكانه

اسيل وموبيلها رن وكانت يارا

اسيل وفتحت الخط

ايوه ..انتي فين.. ليه؟؟

اسيل من بين اسنانها وخلتني اجي ليه؟؟

تمام ماشي سلام

اسيل ووقفت وبتلم في حاجات هي مش هتيجي فا انا همشي

عمر وقف هو كمان طيب اشربي العصير الاول

كان النادل جيه بالمشروبات

اسيل واخدت رشفه من العصير

اسيل:ميرسي اووي يابشمهندس انا همشي بقا

عمر وحط مبلغ من الفلوس على التربيزه

عمر:انا كمان خارج

خرجوا من الكافيه

عمر:ركنه فين؟؟

اسيل:لا انا مش معايا عربيه انا هاخد تاكسي

عمر:لا طبعا تسمحلى اوصلك

اسيل بحرج:لا مش مهم اصل انا رايح لوحده صاحبتي

عمر:تمام هوصلك هناك

اسيل بإحراج تمام..

في العربيه

الصمت هو سيد الموقف يقطعه عمر

عمر:بتحبي دراستك اووي دايما كل اما اشوفك يكون معاكي كتب

اسيل بابتسامه خفيفه:ايوه بستخدمها في الابحاث

عمر:ما انتي ممكن توصللها عن طريق النت يعني الكتب دي تقدري تجيبها من على النت

اسيل:عارفه بس انا بعشق الورق وبحب اكتب كل حاجه بايدي

ابتسم عمر بخفه على كلامها

عمر:بس شكلك شاطره

اسيل:هههههههههه بيقولوا

عمر ووقف العربيه

اسيل بصتله باستغراب وقفت ليه؟

عمر:كنت عايز اتكلم معاكي شويه ممكن؟؟

اسيل:نتكلم في ايه؟

عمر:اسيل من غير لف ودوران انا معجب بيكي

اسيل بصت قدمها بتوتر متوقعتش انه يقول كده

عمر:انا عارف انك اتفاجاءتي اني قولت كده بس انا اصلا رجل صريح وواقعي ومش بحب الف اودر في حاجه انا معجب بيكي من اول يوم شوفتك فيه وصدقني معرفش ايه الصدف الغريبه اللي بتجمعني بيكي دي بس بجد حاسس انه قدر اكتر ماهو صدفه من اول مره شوفتك وانا اتمنيت اقابلك تاني وفعلا اللي اتمنته حصل مش هضيع فرصه ربنا ادهالي اني اعترفلك المره دي عشان ياعالم هنتقابل تاني والا لا

اسيل كان قلبها بيدق وكانت متوتره جدا ونفسها تختفى من العربيه

فضلت تفرك في ايدها من التوتر والخجل

عمر بابتسامه خفيفه:مش مستاهله كل التوتر دا

اسيل وضغطت على شفايفها بحرج بشمهندس انا

عمر:مش عايز اسمع منك رد دلوقت فكري براحتك في الموضوع

اسيل وحركت دماغها بايجابيه وبحرج

عمر ودور العربيه

وصلوا للمنطقه اللي ساكنه فيها مي

عمر:انهي عماره؟؟

اسيل وهي بتبص تقريبا دي

عمر:نعم؟تقريبا ازاي صاحبتك ساكنه في انهي عماره

اسيل :ايوه هي دي لان عمو خليل قاعد هناك اهوه

عمر بدهشه :افندم ؟؟!عمو خليل مين

اسيل ببراءه:عمو خليل البواب دا راجل طيب اووي

عمر :وانا مالي ولو عمو خليل مش موجود مش هتعرفي العماره

اسيل:الله ما انا عرفتها انت اللي عايز تلخبطني

عمر بدهشه:هو انا كلمتك يابنتي ..عموما انزلي واما توصلي فوق عند صاحبتك رني عليا وعرفيني انك وصلتي

اسيل :تمام

عمر:معاكي رقمي؟؟

اسيل وافتكرت الكارت بس قالت لا مش معايا

عمر :طيب اكتبي ٠١...…

اسيل :سجلت الرقم

عمر:انا مش هتحرك من هنا غير لما ترني عليا واطمن

اسيل:تمام...

نزلت من العربيه ودخلت مدخل العماره

عمر فاضل مراقبها وهي داخله وبتتكلم مع البواب وبتبتسم ببساطه كأنه حد قريب ليها فاضل باصص عليها لحد ماةاختفت من قدامه..

وافقت امام شقة صديقتها ووضعت يديها على الجرس

مي وفتحت الباب

مي:العماره كلها نورت يا قلبي

اسيل:دا نورك ياميوش

بعد السلام

اسيل:طنط عامله ايه؟؟

مي:الحمدلله احسن دلوقت بس نايمه

اسيل:سبيها مرتاحه

مي:انتي نازله من عربية مين؟؟

اسيل:ياربي على الردار يابنتي انتي دخلتي الكليه الغلط مكانك مع الشرطه

مي بتفاخر طبعا اتعرض عليا ورفضت

بجد بقا نازله مع مين ؟؟؟شوفتك وانا في البلكونه

اسيل:دا عمر الشهاوي

مي:بجد؟؟دا مش صدف دي بقا

اسيل :بجد مش عارفه انا نفسي مستغربه اللي بيحصل واللي حصل النهارده

ثم صاحت فجاءه نسيت ارن عليه

مي:ترن على مين ؟؟؟

اسيل وشورت لها بايدها اصبري بس

اسيل ورنت على عمر

اسيل:الو ايوه انا وصلت عند مي

عمر:تمام انا همشي انا بقا ..احم ..هنتكلم تاني

اسيل بتردد مش ..عارفه

عمر :تمام ..هستنى منك مكالمه لما ترجعي

اسيل:تمام

عمر:سلام

اسيل:سلام

اسيل قفلت مع عمر لقت مي متنحه ليها

مي:لا تقهمني بالظبط ايه اللي حصل.....

__________________

عمر وصل الفيلا

لاقى يحيى منتظره

عمر:يابني ارحمني حتى يوم اجازتي

يحيى:انت عارف ان في شغل لازم انت تخلصه

عمر:طيب تعالى في المكتب

قعدوا في المكتب وبدواء يشوفوا شغلهم

يحيى:ما اخدتش الحرس ليه معاك؟؟

عمر بملل:يايحيى انا رايح في مكان عام مش معقول هاخدهم معايا وانشرهم في المكان واقرف الناس اللي قاعدين في المكان

يحيى:بس انت كدا بتجازف بحياتك

عمر:انت اللي مكبر المواضيع...

____________________

مي:طيب انتي عايزه ايه اكتر من كدا الراجل قدم السبت

اسيل:مي انا خايفه انا عمري ما كان ليا تجارب وحب وكلام زي دا

مي:معتقدش اللي زي عمر دا عنده وقت للتجارب دا راجل عملي وجد

اسيل:مش عارفه انا خايفه اوووي

مي:متخافيش يا اسيل عمر دا اي واحده تتمناه انت بجد تستاهلي واحد زيه يااه اخيرا هبقا صاحبة العروسه

اسيل:مي بطلي جنان عروسة ايه ؟؟

مي:قولي بس إن شاء الله ..اسيل انا عايزه اقولك على حاجه انتي مش هتصرحي بيها نفسك انتي مكان معجبه مغرمه

اسيل:بت هوش هوش اخرسي الاغاني واكله دماغك بجد

مي:طيب بوصي في عيوني كدا وقولي لا

ابتسمت اسيل بخجل

مي:عيب عليكي دا احنا صحاب اسيل انا عايزاكي تقارني الموقف دا لما شهاب اللي معانا في الكليه قالك انه معجب بيكي بس كنتي مضايقه ازاي وزعلانه عكس دلوقت مش هنكر انك تايهه بس ماياله

اسيل:دا اللي مخوفني يامي.....

__________________

عند عمر

الساعه كانت١١

عمر مسك الموبيل وبص فيه

عمر في نفسه معقول لسه مروحتش

حط الموبيل جمبه

بعد شويه رن

عمر اول ما شاف رقم اسيل ابتسم

يحيى بصله مين؟؟

عمر :احم مفيش رقم غريب وكنسل عليها

يحيى:طيب ماترد شوف مين

عمر:لا مليش مزاج ارد ..بقولك ايه يايحيى كفايه بقا النهارده شغل نرتاح نكمل بكره في الشركه

يحيى:تمام .زي ما تحب انا هروح بقا

عمر:ماتبات هنا النهارده

يحيى:انت عارف بقا مينفعش اسيب عمتك لوحدها

عمر:ماقولت نتجمع هنا مع بعض

يحيى:انت عارف البيت غالي عندها قد ايه ومترضش تسيبه

عمر:ماشي يايحيى زي ماتحب

يحيى:تصبح على خير

عمر:وانت من اهله

يحيى خرج وركب عربيته ومشي

عمر مسك الموبيل ورن على اسيل

_________

عند اسيل

كانت قاعده مع يارا اللي كانت مدهوشه من اللي اسيل بتحكيه ومش مصدقه ان عمر قال كده ل اسيل

موبيل اسيل رن

اسيل :دا هو

يارا:تمام انا هخرج انا وردي

يارا وخرجت وطبعا راحت تدي التقارير ل نسرين

اسيل وفتحت الخط

اسيل :السلام عليكم

عمر:وعليكم السلام عامله ايه؟؟

اسيل :الحمدلله كويسه انا شكلي صحيت حضرتك من النوم

عمر:نوم ايه انا كنت بشتغل معلش كان جمبي ناس ومكنتش عارف ارد

اسيل:يعني انا معطله حضرتك عن الشغل

عمر:والله حضرتي انبسط لما شوفت رقم حضرتك وهنبسط اكتر لما تبطلي حضرتك دي وتنادي باسمي

اسيل:يابشمهندس مينفعش انا..

قاطعها عمر :كمان بشمهندس؟؟! اسيل انا بحبك ومن اول مره شوفتك فيها

لحظات من الصدمه يسكنها الصمت البالغ لم يكن غير انفاسها المتسارعه من جرائته

يقطعها عمر

عمر:ممكن متسكوتيش ردي عليا اسيل ..طيب هسألك سؤال في اي سينز والا لا؟؟ جوبي اه او لا

اسيل حست ان وشها بيطلع سخونه ومش قادره تتنفس

عمر:لو مش جاهزه انك تردي على السؤال دلوقت عادي براحتك بس بلاش بشمهندس او حضرتك دي ماشي؟

اسيل:ماشي

عمر:قولي ماشي ياعمر

اسيل:.….......

عمر:عشان خاطري متسكتيش

اسيل بحرج :ماشي

عمر:يا ايه؟؟

اسيل بخفوت:ياعمر

عمر :اجمل عمر دي والايه

اسيل وابتسمت بخفه

عمر :عندك محاضرات بكره

اسيل:ايوه ٣

عمر:تمام روحي نامي بقا وانا كمان هنام عشان عندي شغل كتير بكره هبقا اكلمك

اسيل :تمام..

عمر:تصبحي على خير

اسيل:وانت من اهله..

___________________

تاني يوم اسيل وصحيت من النوم

بصت في الموبيل كان فيه مكالمتين من عمر واضح انه صحي بدري بصت في الساعه كانت ٩

فكرت ترن عليه بس تردد لانه دلوقت اكيد في الشغل

قامت وجهزت واستعدت عشان تروح محاضراتها

راحت الكليه وقابلت مي حضروا محاضره

وكان فيه فاصل وقت بين المحاضره التانيه

قاعدوا في الكفتريا

اسيل مسكت كتاب وفضلت تقراء فيه وتكتب في اسكتش معها

مي :ايه الاخبار؟

اسيل ورفعت وشها من الكتاب اخبار ايه؟

مي:اخبار عموره

اسيل ابتسمت بخفه لما قالت اسمه مفيش كلمني امبارح اسيل حكت ليها كل اللي حصل

مي : طيب ليه مرنتيش عليه الصبح لما رن عليكي

اسيل:اتحرجت يكون وراه شغل واعطله

مي:طيب جربي ترني لو رد تمام مردش خلاص

اسيل وخرجت موبيلها هي كانت من جواه عايز تعمل كده بس متردده

مسكت الموبيل ورنت عليه

___________________

عند عمر

كان في الشركه هو ويحيى بيخلصوا شغل في مكتب عمر

موبيل عمر رن

عمر بص للموبيل وابتسامه تلقائيه ظهرت على وشه

مسك الموبيل في ايده ومازال مبتسم

ومش واخد باله من يحيى اللي قاعد ومركز معه

عمر:خمس دقايق بس راحه كده هرد على الموبيل

يحيى:تمام هطلب قهوه اطلبلك معايا

عمر وهو بيقف ويتجه الى احد الشباشبيك الموجوده في غرفة المكتب ماشي

عمر وفتح الخط

عمر:الو

اسيل بخجل ايوه صباح الخير

عمر:صباح الورد على عيونك

ابتسمت اسيل بخجل

مي شاروت لها انها هتروح تجيب حاجه وترجع

عمر:رنت عليكي الصبح بس مردتيش

اسيل:كنت نايمه ومسمعتش الموبيل

عمر وبيحاول يكتم ضحكه تمام

اسيل بضيق خفيف:على فكره الموبيل كان سيلنت عشان كده مسمعتوش

عمر:ههههههههه تمام...

عمر وهدا صوته عشان يحيى وحشتني على فكره

اسيل:احم ..انت اخبارك ايه؟

عمر :وحشتني بردوه

اسيل بحرج:ميرسي

يحيى كان بيبص على عمر هو حاسس ان في حاجه جديده في حياته فرح من جواه هو كتير بيتمنى يكون له حياه واسره بدل الوحده اللي عايش فيها

عمر:تمام اكيد هشوفك قريب

اسيل:تمام

عمر:لسه مش عايزه تجاوبي على سؤالي

جاله صوت يحيى يلا ياعمر القهوه هتبرد الخمس دقايق خليصو

عمر:ماشي جاي

عمر :طيب خلاص انا هقفل دلوقت هخلص شغل واكلمك

اسيل:ماشي تمام مع السلامه

______________

بعد اسبوع

عمر واسيل كانوا بيتكلموا على. طول اسيل كانت تحكيله عن يومها في الجامعه

وفي يوم

في مكتب عمر

عمر ورفع سماعة مكتبه

عمر:نهى كلمي بشمهندس يحيى وخليه يجيلي

نهى:حاضر يافندم

بعد دقايق جيه يحيى

يحيى:ايوه ياعمر طلبتني

عمر وهو بيبوص في الاب توب جالي تليفون ان في شغل واقف بقاله يومين

يحيى:اه شغل شركة علام

عمر ورفع وشه وبصله ليه هي الفلوس موصلتهمش؟؟

يحيى:لا كل حاجه واصلهم من تاني يوم ما مضينا العقد

عمر:ومتصرفتش ليه حسب البنود اللي في العقد

يحيى:انا بعتلهم انذار وكلمت المدير المالي للشركه وقالي ان فيه مشكله في الوضع المالي

عمر بعصبيه مش مشكلتي انا عندهم مشاكل ماليه شغلي انا يقف ليه؟؟ وبعدين متكلمش المدير المالى انت تكلمللي صلاح علام اللي جيه ومضى العقد معانا هنا

يحيى:اهدا بس ياعمر

عمر بضيق:اهدا ايه يايحيى من اولها شغلهم مش مظبوط اسحب يايحيى الشغل منهم وانهيلي الموضوع دا

يحيى:عشان خاطري ياعمر اعتبره رجاء شخصي انا هتصرف وحل الموضوع دا الشركه هتقف نهائي لو سحبت منهم الشغل وينت عمي كده هتخسر

زفر عمر بضيق وخبط بايده على المكتب

عمر:ماشي يايحيى بس اعمل حسابك دي اخر مره هسمح بده وبعد كدا اي شغل خاص بالشركه دي هيكون معايا انا تسيبني انا مني لهم

يحيى:تمام...

_________________________

في شركة علام

نسرين كانت في مكتبها كانت تفكر في حل لمشكلة الشغل

رن الهاتف

نسرين ورفعت السماعه:الو

يحيى:مساء الخير يامدام نسرين

نسرين:مساء النور مين؟؟

يحيى:انا يحيى الجمال

نسرين:اهلا بشمهندس

يحيى:اهلا ..شوفت حل للمشكله والا لسه؟؟

نسرين ابتلعت ريقها بتوتر:لسه بشوف

يحيى:اممم ..ماشي عموما انا هحليلك المشكله المره دي ودا عشان خاطر اسيل وبس وحقها ميضعش على الارض ..لكن المره الجايه عمر مش هيسمح بكده

نسرين:تمام

يحيى:سلام

وقفل الخط

فجاءه الباب انفتح عند نسرين

يارا ببكاء:عمتو الحقي بابا وقع اغمى عليه

نسرين قامت بسرعه

وجريت على مكتب صلاح

واتصلوا بالاسعاف ونقلوه المستشفى

______________

اسيل رجعت البيت بعد الكليه

اما وصلت البيت ملاقتش حد واستغربت معقول يكونوا لسه مرجعوش من الشغل

نادت احدى الخادمات وسالتها وعرفت انهم في المستشفى وخالها تعبان

جريت بسرعه واخدت تاكسي

وراحت على المستشفى

_________________

في المستشفى

امام غرفة العنايه

مروان ونسرين ويارا التي كانت تجلس تبكي خوفا على ابيها

نسرين بضيق:انت متخلف بجد انا مرتضش اقوله عشان ميتعبش تروح انت تقوله عشان يموت مننا

مروان:مكنتش اعرف انه هيتعب وبعدين كدا كدا كان. هيعرف هي دي حاجه هتستخبى لما عمر بيه كان هيسحب مننا الشغل

نسرين بغضب:كنت هحل الموضوع وانا فعلا حليته مع يحيى الجمال

في الوقت دا اسيل دخلت بتجري عليهم وكانت بتبكي

اسيل ببكاء:ايه ياخالتو اللي حصل خالو مالوه؟؟

نسرين حضنتها اهدي مفيش حاجه هيبقى كويس الدكتور خرج وطمنا وساعتين وهناخده ونمشي

اسيل:ايه اللي تاعبه كدا وصله للمستشفى

نسرين:مشاكل في الشغل بس الحمدلله عدت

اسيل:الشغل دا حاجه مقرفه بجد حرام عليكم هو ميستحملش كدا

نسرين:خلاص مش وقته الكلام اقعدي بس استريحي

اسيل وقعدت جمب يارا وحضنتها وهما الاتنين بيعيطوا

فضلوا قاعدين شويه موبيل اسيل رن

بصيت في الموبيل كان عمر عملت المكالمه صامت

ثواني ورن تاني

مروان وكان قاعد جمبها

مروان وقراء الاسم مكتوب عمر

مروان بضيق وصوت عالي ما تردي على الزفت دا والا تقفليه

اسيل واتنفضت بخضه من صوته

نسرين بصتله بعتاب

نسرين:قومي ياحبيبتي ردي على موبيلك

اسيل وقامت واخدت الموبيل وبعدت شويه عنهم وردت

نسرين بضيق:انت بتزعق فيها ليه؟؟

مروان بغضب:انتي عارفه مين بيرن عليها؟؟ دا عمر بيه اللي سبب في اللي بابا فيه دا

نسرين:السبب في دا انت مش هو ..ثم حتى لو كده هي ملهاش ذنب ومش هسمحلك تبوظ كل حاجه بعملها بسبب تهورك دا

______عند اسيل

مسحت دموعها وردت

اسيل بصوت مخنوق من اثر العياط الو

عمر:ايوه ياقلبي عامله ايه؟؟

اسيل :كويسه

عمر:مال صوتك ؟؟انتي كويسه؟؟

اسيل:ببكاء خالو تعبان في المستشفى

عمر:ليه ايه اللي حصل؟؟

اسيل:مفيش هو مريض قلب وجاتله ازمه بس الحمدلله لحقوه

عمر:طيب اديني عنوان المستشفى انا هاجيلك..

عمر:اسيل اديني عنوان المستشفى انا هاجيلك

اسيل:لا ياعمر احنا شويه وهنروح مفيش داعي تتعب نفسك وتيجي

عمر:طيب مش محتاجه ادويه اوي اي حاجه محتاجاها ممكن اجبها ليكي او ابعتهالك

اسيل:شكرا اووي ياعمر كل حاجه موجوده هنا

عمر:طيب انا عايز اطمن عليكي

اسيل:اطمن انا كويسه والله

نسرين وعلى مسافه :اسيل يلا هنمشي

اسيل:حاضر جايه

عمر:خلاص تمام اما تروحي تكلمني

اسيل:حاضر ماشي

اسيل قفلت مع عمر

وراحت عند نسرين واطمنت على خالها بعد ما الدكتور اطمن عليه وكتب ليهم خروج

روحوا البيت

اسيل وقربت من صلاح النائم على السرير

اسيل:الف سلامه عليك ياخالو ربنا يبعد عنك اي شر

ابتسملها صلاح بوهن

يارا:انا هفضل مع بابا الليلادي ياعمتو

نسرين :لا مش هينفع انا هفضل جمبه وانتي ارتاحي عشان بكره هتروحي الشركه واطلعوا بقا عشان هو يرتاح

مروان وقرب من صلاح انا اسف يابابا مكنتش قصدي اتعبك

صلاح وضغط على ايده بضعف وابتسم بتعب

نسرين :كفايه يامروان سيبه يرتاح

خرجوا وفضلت نسرين مع صلاح

صلاح بصلها نظره فهمتها

نسرين بحنان:اطمن ياصلاح انا حليت كل حاجه مع يحيى نام وارتاح

صلاح وملامح هديت وغمض عيونه بتعب

&&&&&&&&&&&&&&&

اسيل وطلعت اوضتها

مسكت موبيلها ورنت على عمر

اسيل:الو

عمر:ايوه يا سيلا روحتي البيت؟؟

اسيل:ايوه وصلنا من شويه

عمر:خالك عامل ايه؟؟

اسيل:الحمدلله هو بياخد وقت على مايتحسن

عمر:ربنا يشفيه

اسيل:ياارب

ثم صاحت فجاءه واووو الجو بيمطر ياعمر

عمر:ايوه بداءت تمطر هنا كمان

اسيل:انا بحب الشتاء اوي على فكره وياسلام وبحب اكل ايس كريم وهي بتمطر كدا احساس ممتع

عمر:لو عايز اجبلك دلوقت ايس كريم اجبلك

اسيل :ههههههه لا مش للدراجادي

فضلوا يتكلموا شويه ويهزرو وبعد كدا قفلوا وكل واحد راح نام

______________________

تاني يوم اسيل صحيت من النوم

جهزت نفسها وقررت تروح الجامعه

نزلت تحت وراحت على الغرفه اللي فيها صلاح عشان تطمن عليه

اسيل:صباح الخير

نسرين:صباح النور

اسيل وقربت من صلاح وقبلت خده صباح الخير ياخالو عامل ايه؟؟

صلاح بصوت متعب:الحمدلله ياحبيبتي احسن

اسيل:الحمدلله ياحبيبي

نسرين:انتي خارجه والا ايه؟؟

اسيل:ايوه رايحه الجامعه

نسرين بضيق خفيف:جامعة ايه في يوم زي دا الجو وحش النهارده مش لازم تروحي

اسيل:لا عندي محاضرات مهمه مش هينفع مروحش

نسرين:يابنتي ما المحاضرات بتنزل على النت ابقي نزليها واسمعيها

اسيل:لا انا بحب احضر محاضرتي في الكليه

نسرين كانت هتاكلم بس صلاح قاطعها

صلاح بصوت متعب سبيها براحتها يا نسرين

نسرين:ماشي متتاخريش

اسيل:ماشي

اسيل وخرجت

ركبت العربيه مع عم على وراحت على الجامعه

___________________

عمر صحي ودا كان يوم اجازته

بص في الساعه كانت ١١

قام اخد شاور ولبس ونزل

نوال مديرة منزله قابلته

نوال:صباح الخير يافندم

عمر:صباح الخير لو سمحتي يانوال عايزه قهوه وتجبهالي المكتب

نوال:حاضر يافندم

عمر دخل مكتبه وخلص شوية شغل وشرب قهوته

مسك الموبيل ورن على اسيل

رن وكنسلت عليه

توقع انها في المحاضرات

وفعلا بعدها وصل رساله على الواتساب انا في المحاضره نص ساعه وهخلص

عمر وبعتلها طيب انا عايز اشوفك وحشتني

اسيل فضلت شايفه الرساله شويه

وبعدين ردت دي اخر محاضره هتخلص الساعه واحده

عمر ورد عليها

تمام هجيلك قدام الجامعه

اسيل:تمام

وفعلا بعد نص ساعه وصل عند الجامعه

بص في الساعه كانت واحده

رن على اسيل

عمر:الو خلصتي

اسيل :ايوه انا خارجه من المدرج اهوه

عمر:طيب انا بره قدام الجامعه

اسيل:تمام بس همشي عم على السواق وهجيلك

عمر:تمام

اسيل خرجت من الكليه هي ومي

مي:اسيل روحي انتي وملكيش دعوه بيا

اسيل:يابنتي كدا كدا عمو على مروح هو هيوصلك ويرجع على الفيلا وخلاص

اسيل وخرجوا من بوابة الجامعه

اسيل وراحت عند عم على وكلمته

اسيل:عم على انت هتاخد انسه مي معاك توصلها لبيتها لاني خارجه مع ناس صحابي وبعدها تقدر تروح على الفيلا ولو عايز تروح بيتك مفيش مشكله انا مش هخرج النهارده تاني

عم على:طيب ارجع اخدك بعد ماتخلصي يابنتي

اسيل:لا ياعم على صحابي هيوصلوني

عم على:ولو نسرين هانم سألت اقولها ايه؟؟

اسيل:قولها اني خرجت مع ناس صحابي وانا هبقا اكلمها

عم على:تمام يابنتي

عمر كان واقف بعربيته وشاف اسيل وهي بتكلم السواق

عربية السواق اتحركت وهو ووقف بعربيته قدامها

عمر وخلع نضارته الشمسيه ايه كل دا بتديله تقرير والا ايه

اسيل وابتسمت بخفه وسندت على شباك العربيه لا بس كنت بقوله انه هيروح مي معه

عمر:اممم ..طيب اركبيي يا اميرتي

اسيل وابتسمت بخفه وفتحت الباب

دخلت وقعدت وكانت شايله كتب كتير معها

عمر:يابنتي نفسي اشوفك من غير كتب ايه دا كله

اسيل:دي كتب جبتها النهارده من المكتبه

عمر:ياسلام على الاجتهاد

اسيل:ايه عندك شك؟؟

عمر:لاطبعا عارف ان حبيبتي مجتهده وشطوره

اسيل ابتسمت بخفه

:ممكن احطها في الكرسي اللي وراه

عمر:طبعا العربيه كلها تحت امرك وصاحب العربيه كمان

اسيل بابتسامه خفيفه:ميرسي

عمر:ها تحبي نروح فين؟؟

اسيل:اممم انا جعانه

عمر :تمام نروح اي مكان ناكل فيه

عمر اتحرك بالعربيه وووقف قدام مطعم

نزل من العربيه

وفتح ل اسيل الباب

اسيل بابتسامه شكرا

عمر وشاور للحرس خليكوا هنا

الحرس انتظر في العربيه

وعمر اخد اسيل ودخلوا المطعم طلبوا اكل وبدوا يإكلوا

اسيل كانت محرجه في الاول بس حاولت تاكل غير ان فيه بنات وشباب في التربيزه اللي قصدهم تقريبا بيبصوا عليهم

عمر:مش بتأكلي ليه؟؟

اسيل:احم ...باكل

اسيل عارفه اللي التربيزه قصادهم دول صحاب يارا اللي كانوا في حفلة بسمه

عمر:مش مرتاحه صح؟؟

اسيل:يعني

عمر:طيب يلا قومي نمشي

اسيل وبصت على بره من الزجاج اللي جمبها الجو بيمطر بره اما يهدى نخرج

عمر وبص على الزجاج:ماشي تمام

في التربيزه اللي جمبهم

سها:مش دي اسيل قريبة يارا ومروان

عبير:ايوه يابنتي هي

سها:غريبه ايه اللي جمعها مع عمر الشهاوي

عبير:انا ملاحظه دا من يوم حفلة بسمه شكل الموضوع فيه حوار

سها:بصراحه هو مز ومكانه دي تبقى وقعت واقفه

خالد:ماهي كمان قمر انا عارف هي مدرايه الجمال دا وراء الحجاب ليه

عبير بضيق:والله عجابك يعني؟؟

خالد:لا مش قصدي انا بقول بس

الجو بداء يهدا

اسيل وعمر خرجوا من المطعم

ركبوا العربيه

عمر فتحلها باب العربيه

ودخلها وقفل

شاور لحد من الحرس وكلمه

والحرس مشي على طول

دخل عربيته

اسيل وكانت بترتعش تعرف الجو دا جميل اووي بحبه

عمر:جميل ايه انتي هتموتي مني من البرد

عمر وقلع الجاكت بتاعه

عمر:البسي دا تدفي شويه

اسيل بحرج لا مش لازم وعشان انت متبردش

عمر:لا متقلقيش عليا انا مش بردان

اسيل ولبست الجاكت كان فيه ريحة برفانه اللي علقت في مناخيرها

عمر ومسك موبيله وبص فيه

اسيل:هو انت منتظر مكالمه كل شويه تبوص في الموبيل

عمر:اه مكالمة شغل

اسيل:حتى يوم اجازتك شغل بجد افصل شويه

عمر:غصب عني الشغل بيفرض نفسه عليا

طرقات خفيفه على زجاج شباك السياره

عمر فتح الزجاج وخد حاجه من احد الحراس

وقفل الزجاج تاني

عمر وفتح الشنطه اللي اخدها من الحرس

وخرج من علبيتين وكونوا ايس كريم

عمر :اتفضلي ياسيلا

اسيل بفرح الله ايس كريم واووو الله ياعمر

عمر وابتسم بخفه بالهنا والشفاء استمتعي بقا الجو بيمطر بره اهو ومعاكي ايس كريم

اسيل وهي بتاكل :انت عرفت منين اني بحب المانجا والشكولاته

عمر:قلبي حس

اسيل:بتكلم جد

عمر:عادي يعني شغلت دماغي انتي بتحبي المانجا واي بنت بتحب الشكولاته لو الاتنين ماكس مع بعض اكيد هتحبيهم

اسيل:برافوا عليك. وانت بقا بتحب بايه

عمر:لا انا جايب فانيلا انا اصلا مليش في المثلجات والجو دا

موبيل عمر رن

عمر وفتح المكالمه بسرعه

عمر:الو ايوه يحيى

اما قال يحيى اسيل بصت وابتسمت وافتكرت يحيى بن عمها وحست انه واحشها ونفسها تشوفه

يحيى:ايوه ياعمر مبرووك اخدنا المناقصه

عمر بسعاده:تمام اوي كده روح نام انت بقا

يحيى:هو انا هعرف انام بسببك دا خامس مناقصه ناخدها من عادل السباعي

عمر:اللي عنده يعمله

يحيى:عنده كتير

عمر:ولايهمني

يحيى:انت فين توقعت انك تيجي الشركه النهارده

عمر:لا انا بره في مشوار كدا

يحيى:اممم مشوارك كترت مش هتحكيلي بقا

عمر:قريب ان شاء الله

يحيى:تمام يلا اسيبك انا بقا سلام

عمر قفل مع يحيى

عمر ل اسيل:وشك حلو عليا

اسيل بابتسامه واسعه بجد

عمر:اه بجد اخدت مناقصه هتفرق معايا اووي هتنقلني نقله مهمه

اسيل:شكلك بتحب شغلك اووي ياعمر

عمر:شغلي هو كل حياتي تقريبا

اسيل:بس بحس لما بتتكلم عن الشغل بتبقا جد اووي بتتحول

عمر وابتسم بخفه عمر وفتح موبيله

عمر بوصي كدا

اسيل وبصت ايه دا لايف ..دي كااام

عمر:ايوه دي كاميرات عندي في الشركه

دا شكل الشركه من بره

اسيل:واوو شكلها حلوه

عمر وحرك على كاميرا تانيه دا الدور الاول في اسانسرين واحد لمدراء الاقسام والمهندسين والتاني للموظفين والعمال واي حد غريب داخل الشركه هي طبعا مش تفرقه بس تنظيم

الدور التاني بقا مكتبي

اسيل:اممم غامض شبهك

عمر ورفع حاجبيه باستغراب انا غامض من قال كدا

اسيل:انا اللي بقول بجد انت مبتقولش عنك حاجه يعني انا قولتلك اني بابا وماما متوفين وعايشه في بيت خالي

انت مثلا مقولتش حاجه عن مامتك وباباك ولا اخواتك

عمر:وانتي مسألتيش

اسيل:هو انا لازم اسال

عمر وكمل اللي في الناحيه هناك دا مكتب يحيى

الدور التالت دا بقا فيه مكاتب المهندسين وقصاده هنا في الناحيه التانيه مكاتب اداريه

اسيل وشاورت على امن كان واقف دول امن

عمر:ايوه

ظ

اسيل:ياحرام بيتعبوا اووي الناس دي

عمر:كل واحد بياخد على قد تعبه

اسيل:بس حرام بيفضل كدا تقريبا طول الليل

عمر:اسيل دي شغلته وبياخد عليها فلوس

اسيل:دي دايما نقطة خلافي مع خالتو اني اوقات بروح السواق وممكن اقضيها تاكسيات

عمر:طيب ليه؟؟

اسيل:بيصعب عليا انا بحس انه اكيد اما بيروح بيقعد مع ولادوه وبيفرحوا بوجوده مش معقول انكد عليه بجد واخرجه من بيته تاني

عمر:اممم لا دي حورات تانيه انتي عارفه يا اسيل انا لو فتحت كام بالصدفه ولقيت حارس زي دا نايم مثلا وربي اعلقه قدام الشركه

اسيل:حرام ياعمر

عمر:حرام ايه؟؟ الشركه فيه ورق مهم وبعدين هو جاي هو عارف انه هيكون كدا وبياخد مرتب مجزي جدا يبقا يعمل بيه

اسيل:بس الرحمه حلو ياعمر

عمر بتريقه وبيقلد اسيل صعب عليا اخرجه من بيته انكد عليه واخرجه من بيته تاني

اسيل وضحكت هو انا بتكلم كدا

عمر :عايز قلبك يجمد شويه انتي هتبقي زوجة عمر الشهاوي

اسيل وردتت بخفوت زوجتك

عمر:طبعا اومال هنفضل مقضينها مطاعم وعربيات

..بوصي انا داخل على شغل مهم هخلصه وتاخدلي ميعاد مع خالك

اسيل ابتسمت بحرج

عمر:اوعي تفكري يا اسيل انا اتولدت لقيت الشركه دي كدا او ورثتها كدا لا انا ابويا كان مصطفى الشهاوي كان مهندس وفتح شركه

كان حلمه اني اكون مهندس وقبل ما نتيجة الثانويه تبان باسبوع بابا اتقتل

اسيل وحطت ايدها على بوقها بخضه

عمر:ايوه فرامل عربيته كانت مفكوكه وللاسف اتايدت ضد مجهول

النتيجه بانت ودخلت هندسه

كان عمو كامل المحامي بتاع بابا وصديق عمره فضل جمبي لحد ما اتعلمت الشغل بقيت اواصل بين الشغل والدراسه بعد سنه امي ماتت مش هنكر اني اتهزيت ضربتين في الراس توجع بس بردوه الضربه اللي متموتش تقوي مكنتش بنام ولا باكل مش مهم المهم اني اوصل للي انا عايزه كبرت شغلي اشتغلت مع ناس بره مصر ووسعت مجالي عملت بدل الشركه الصغيره دي شركات اسمها في السوق امبرطورية الشهاوي

ورجال الاعمال اللي كنت وسطهم سمكه صغيره في وسط حيتان بقوا النهارده يتمنوا يشتغلوا معايا ومش بس كدا دا انا اللي بشغلهم شركاتهم كمان

اسيل كانت بتسمعه وكان صعبان عليها جدا وحست انه مش مره بقليل عشان يوصل لكده

اسيل بابتسامه خفيفه كنت حاسه ان اللي انت في دا مش من فراغ انت لو كنت اتولدت وكل دا عندك مكنتش هتبقا ناجح كدا انت بجد اي حد يعرفك لازم يكون فخور بيك

عمر وابتسم بخفه وانا بموت فيكي ياسيلا انا مش بس بموت فيكي انا عشقتك وخلاص

اسيل وشها جاب ميت لون وبقت مكسوفه

عمر:لا متحمريش كدا احنا لوحدنا والشيطان تالتنا

عمر ولاحظ ان في حد بيلف حولين العربيه

عمر وخرج موبيل وطلب احد الارقام

ثواني وكان رئيس الحرس واقف قدامه

رئيس الحرس:تحت امرك ياباشا

عمر وبصوت واطي واصل لرئيس الحرس شوفلي مين اللي بيلف حولين العربيه ..على فكره بقاله اكتر من عشر دقايق بيلف

رئيس الحرس:حاضر ياباشا

عمر قفل زجاج العربيه

وبزرار ضغط عليه نزل ستاير زجاج العربيه

اسيل:هو في حاجه؟؟

عمر:لا ياروحي مفيش حاجه بس عشان الجو برد

اسيل:انا الجاكيت دا مدفني مش بردانه انا هاخده ليا

عمر:ميغلاش عليكي ياقمري انا ..هو وصاحبه كمان

اسيل وابتسمت بخجل هي فعلا لو عايزه فعشان حاسه ان عمر قريب ليها وشمه ريحته فيه لكن مش عشان مدفيه

اسيل:انا بهزر لا طبعا انت لوخرجت كدا من العربيه هتاخد برد

عمر:لا متقلقيش على فكره مش دايما بخرج بجواكت دا نادر فانا متعود على كدا

_______________________

في فيلا علام

نسرين:اسيل اتاخرت ليه انا هرن عليها

مروان:متتعبيش نفسك دي مع عمر باشا

يارا باستغراب :عرفت ازاي

مروان:انتي ناسيه اني براقبه ياذكيه

يارا:اه صحيح افتكرت

___________________

عند عمر واسيل

اسيل كان قاعده في العربيه بتتصور

عمر كان قاعد يتفرج عليها ويضحك

عمر:يابنتي دي الصوره العشروميه بجد

اسيل:على فكره في الاخر هختار منهم صور معينه وامسح الباقي

عمر: كمان؟؟؟!

اسيل: عمر تعالى اتصور معايا

عمر اخد منها الموبيل واخدلهم كذا صوره مع بعض واسيل كانت بتعمل حركات مجنونه

بعد شويه جيه رئيس الحرس عند عمر

ووطى بصوت هامس وقال كلام لعمر

عمر بدهشه:نعم؟؟ مروان؟؟

ر

عمر وصل اسيل لقرب الفيلا

عمر:ممكن اعرف مينفعش اوصلك لقدام الفيلا ليه؟؟

اسيل:ياعمر خايفه حد يشوفني وانا نازله من معاك ويسألني بصراحه مش هعرف ارد واقول ايه

عمر:ماشي خلاص عموما هانت

اسيل وقلعت الجاكت

عمر:لو مدفيكي خليه ياحبيبتي

اسيل:لا خلاص وعشان انت كمان متاخدش برد

اسيل اخدت كتبها ونزلت

عمر:اما توصلي كلمني اطمن عليكي

اسيل بابتسامه اطمن مش هتاكل ياعمر الخطوتين دول

عمر من جواه قلقان مش فاهم مروان بيرقبه ليه وطالما بيرقبه من فتره يبقا اكيد شاف اسيل معه

فاق على صوتها

اسيل:انا همشي بقا قبل الجو ما يفكر يمطر تاني

عمر:تمام...

اسيل مشيت عمر فضل واقف بالعربيه لحد ما اختفت من قدام عيونه

مسك

الموبيل ورن عليها

اسيل وبصت للموبيل بابتسامه

اسيل:ايوه انا داخله البيت اهوه

قابلتها يارا:ايه التاخير دا كله

اسيل شاورت على الموبيل

فعرفت انها بتكلم عمر

عمر:تمام انا هروح انا بقا وهبقا اكلمك تاني

اسيل:تمام

اسيل قفلت مع عمر

اسيل:خالو عامل ايه؟؟

يارا:لسه فاكره خالك عمر نساكي الدنيا

اسيل بابتسامه النهارده اجمل يوم في عمري

يارا:اممم لازم تحكيلي بقا

اسيل:خلاص هطمن على خالو ونقعد نتكلم انا وانتي

_____________________

في مكالمه بين عمر ويحيى

يحيى بتعجب:مروان!!!

عمر:تخيل باعت واحد يراقبني ويبلغه تحركاتي

يحيى:ليه؟؟

عمر:معرفش بجد انا مستغرب المتخلف دا باعته ليه الواد نفسه مش عارف ومش معه اي سلاح ولا اي حاجه ومهمته يبلغه تحركاتي وبس

يحيى:عموما يعني مروان مفيش قلق منه

عمر:هو انت مفكرني خايف منه دا نكره دا انا افعصه بوصوباع رجلي الصغير وبعدين باعت واحد غبي زيه من اول قلم اعترف بكل حاجه....

________________

بالليل

مكالمه بين اسيل وعمر

اسيل:نفسي اعرف انت قلقان عليا ليه كدا

عمر:اومال هقلق على مين يعني

اسيل :ماشي بس مش لدرجة عايز تيجي توصلني الجامعه وتعطل شغلك يا عمر

عمر:مش يمكن عشان بتوحشني طول الوقت

اسيل:امممم اهرب بذكاء انا عارفه اصلا مش هترد غير اللي انت عايزه

عمر وضحك بس اتووه في اخر الضحكه

اسيل باستغراب :مالك؟؟

عمر بألم بيحاول يدرايه في صوته مفيش حاجه

اسيل:مش عارفه انا من اول المكالمه حاسه صوتك متعب كدا

عمر:متقلقيش هبقا كويس

اسيل:لا بجد في ايه؟؟

عمر بصوت متعب:يابنتي مفيش

اسيل:عمر انت مخبي حاجه في ايه والله انا هزعل لو متكلمتش بجد

عمر واتنهد بتعب مش فكرة اني مخبي الحوار عادي معدتي واجعاني شويه هي حساسه شويه

اسيل:اكلت حاجه تعبتها مثلا

عمر:بوصي اختصارا للحوار مش باكل اي حاجه متلجه او حاره او اسبيسي بتعب بعدها

اسيل بزعل:يبقا انا السبب عشان اكلت معايا ايس كريم طيب اساعدك ازاي ياعمر

عمر: يابنتي اهدي اولا الموضوع دا معايا من سنين اصلا حوار قديم كدا وانا اخدت برشمتين كان الدكتور كاتبهولي في ايطاليا وهبقى كويس كمان شويه

اسيل بصوت فيه زعل متاكد؟؟

عمر :اه بجد متقلقيش ..بس ايه محدش يعرف الحوار دا يحيى اللي بيعرف انا بدخل التوليت امتى ميعرفش

اسيل وضحكت بقوه تماام سرك في بير

عمر:هو شخص واحد بس كان زمان يعني مقابلتوش بقالي سنين

اسيل :ويا ترى شخص والا شخصه؟؟

عمر وضحك بقوه لا اطمني شخص

اسيل:طيب ليه مش عايز حد يعرف وليه مش قايل لصاحبك دا مع اني بحس انه قريب ليك اووي مع بعض طول

عمر:بس اكيد بردوه في حاجات خاصه مش عايز حد يعرفها

اسيل :طيب ليه قولتلي؟؟

عمر:اممم لانك رووحي في حد مش بيتكلم مع رووحه

اسيل وابتسمت بقوه جواه مش مصدقه انها قابلت حد بيحبها كدا

عمر:روحتي فين فكري معايا بصوت عالي

اسيل بابتسامه معاك...

ـــــــــــــــ_ــــــــ

تاني يوم

في شركة علام

يارا وبتتكلم في الموبيل

يارا:تمام ياعمتو انا هخلص معه كل حاجه متقلقيش ..لا هو ميعاده بعد نص ساعه ..ماشي خلاص..ماشي مع السلامه

وصل الى شركة علام

دخل يحيى الشركه ويستعيد جميع ذكرياته

فهو اول ما ابتداء شغل كان هنا في شركة علام وافتكر لما مشي من الشركه كان شايف الشركه في طريقها للإنحدار

الشركه شكلها متغيرش كتير لكن الاسخاص اتغيرت

سأل عن مكتب نسرين

ووصل لحد عنده

كانت السكرتيره قاعده

يحيى:مساء الخير

السكرتيره:مساء النور

يحيى:انا واخد ميعاد مع مدام نسرين

السكرتيره: ايوه يافندم انسه يارا منتظره حضرتك جو

يحيى:انسه يارا مين؟؟ انا ميعادي مع مدام نسرين وبعدين انا متصل قبل ما اجي وانتوا ماكدين الميعاد

السكرتيره :مدام نسرين مش موجوده

يحيى بضيق:يعني ايه مش موجوده احنا هنهزر

في الوقت دا خرجت يارا

يارا وهي بتقرب مني اهلا بحضرتك يا باشمهندس يحيى نورت شركه

يحيى بهدوء عكس ما في داخله طبعا اهلا بحضرتك

السكرتيره بلغتني ان مدام نسرين مش موجوده طبعا مش سايب شغلي ومعطله واخد مفروض ميعاد معاه عشان هي ما تكونش موجوده

يا را ابتسامه خفيفه طيب ممكن نتكلم جوه

يحيى بعد اقتناع تمام

يارا بهدوء اتفضل

دخل يحيى ويارا المكتب...

----------

في مكان اخر وهو شركة عمر

كان في مكتبه بيخلص شغل

موبيله رن

بص على الموبيل وابتسم

عمر وفتح الخط

ايه الصباح الجميل دا

اسيل وابتسمت بخفه صباح الخير

عمر:شكلك لسه صاحيه من النوم

اسيل:ايوه معندش محاضرات النهارده

عمر:اممم واحشتني على فكره

اسيل بخجل:وانت كمان

عمر:بجد ..يعني ممكن اشوفك النهارده؟؟؟؟

اسيل:مش عارفه ..كمان عمو على السواق مجاش النهارده

عمر:عادي اجي اخدك انا

اسيل:لا مش هينفع ياعمر لو حد سألني اقوله انت مين؟؟؟ وبعدين تقريبا الكل موجود هنا عشان خالو تعبان انت عارف

عمر:اممم خالك عامل ايه ؟

اسيل:الحمدلله احسن كتير

عمر:طيب كويس ..طيب ايه بقا الحل؟؟

اسيل:مش عارفه ..شكلك فاضي النهارده

عمر:مش اووي بس افضالك ياسيلا

فجاءه الباب اتفتح بعنف

:سكرتيرتك بتقولي اني لازم اخد ميعاد عشان اقابلك وانا اكيد مش هستنى

عمر ل اسيل:سلام دلوقت هكلمك تاني

ولم يسمع ردها وقفل الخط

اسيل بصت للموبيل باستغراب وانه قفل على طول

بس قالت يمكن جاله شغل مهم

قامت دخلت الحمام واخدت شاور

وقررت تنزل تطمن على خالها

______________&_&&__

في شركة علام

يارا:تمام كدا يابشمهندس

يحيي تمام يا انسه يارا

يارا:واكيد هيبقا بين حضرتك والشركه تليفون في اي جديد

يحيى:تمام...بس انا مكندش اعرف انك شاطره في الشغل كدا

ابتسمت يارا بخفه لا انا بحب الشغل شويه

يحيى سبحان الله عكس اسيل خالص

لحظه يارا اتوترت لما جاب سيرة اسيل وجاء في دماغها موضوع عمر

حتى يحيى لاحظ دا وبصلها باستغراب شويه

يارا وبتحاول تكون طبيعيه هههههههههه لا اسيل بتحب الدراسه اكتر انت اكيد عارف دا

يحيى :اه عارف طبعا ..ربنا يوفقها في اي حاجه تحبها

يارا:ياارب اسيل تستاهل كل خير يابشمهندس

يحيى :ايوه ..ياريت الدنيا كلها زي اسيل في طيبتها

يحيى وتحمم بس ياريت لو انتي فعلا بتحبي شغلك تحاولي تطلعي الشركه من اللي هي فيه بدل العك دا

يارا:ازاي يعني احنا على طول بنعمل كل حاجه عشان نخلى الشركه احسن حاجه

يحيى:مش باين وبدليل اللي احنا فيه دا ..انا هنصحك نصيحه بما اني كنت شغال في المكان دا وبقالي اكتر من١٠سنين وانا في المجال دا بردوه في حاجات كتير تساعدي انك ترفع المكان دا لفوق اووي وفي بردوه حاجات سهله اووي تخليه ينزل لتحت فياريت تحافظي عليه وتقدري تعملي اللي غيرك مقدرش يعمله

يارا بابتسامه خفيفه:تمام..شكرا على النصيحه

يحيى:وهو يقوم يقف العفو

يارا ووقفت هي كمان بس مش غريبه انك بتديني النصيحه دي

يحيى:مش فاهم تقصدي ايه؟؟

يارا:انت اكيد في مصلحتك اننا نفضل محتاجين لكم

يحيى بسخريه بتهزرى على اساس انكم الشركه الوحيده اللي بنشتغل معها واللي تحبي اقولك على عدد الشركات اللي بنشتغل معها..والا بلاش عشان متتخضيش ..وعموما اذا مكانش النصيحه دي لوجه الله لواحده لسه في بداية طريقها فدا عشان بنت عمي ليها تقريبا ٦٠٪من اسهم الشركه دي والا دا مش في اعتباركم

يارا بتوتر وهي تحرك ايدها في شعرها لا طبعا حق اسيل محفوظ

يحيى:تمام ..عموما انا همشي ولو في جديد كلميني

يحيى ومشي خطوتين ورجع تاني

وقرب منها على فكره لو لبستي حجاب وخبيتي الشعر الجميل دا هيكون احلى

يارا ورفعت حواجبها وبصتله بتعجب

يحيى وشاور لها بايده سلام

يحيى خرج

يارا قعدت على الكرسي وابتسمت بخفف

يارا بابتسامه لذيذ اووي يحيى دا بس مش ساهل ابدا

___________________

في فيلا علام

نزلت اسيل على الدرج

كانت نسرين تجلس في اللفينج

اسيل وقربت منها:صباح الخير

نسرين بابتسامه خفيفه:صباح الورد عامله ايه ياروحي

اسيل وقربت منها وحضنتها الحمدلله ياخالتو كويسه

نسرين:صاحيه بدري ليه

اسيل:بدري ايه ياخالتو الساعه١٠ دا في ناس بتصحي من الساعه٦مثلا

نسرين وهي عارفه انها تقصد عمر مين الناس دي بقا تعرفيهم

اسيل بتلجلج مش بالظبط يعني اكيد في ناس كتير بتصحى الساعه ٦

نسرين:ايوه طبعا اكيد

اسيل بهروب:خالو فين وعامل ايه؟

نسرين:خالو نايم مريح شويه

اسيل:طيب هو احسن؟؟

نسرين:اه الحمدلله احسن

_____________

في شركة الشهاووي

نهى :والله يا عمر بيه حاولت امنعه بس..

قاطعها عمر :روحي انتي على مكتبك

نهى:تحت امرك يافندم

نهى خرجت

عمر ووقف قصاد عادل السباعي

عمر بملل:خير

عادل السباعي بعصبيه:لا مش خير ابدا يابن الشهاووي

عمر بعصبيه خفيفه:ايوه يعني في ايه؟؟

عادل:انت عارف في ايه دي خامس مناقصه تاخدها

عمر ببرود وبعدين

عادل بعصبيه وبعدين ايه هو انا بحكيلك حكايه..في ايه مسيطر على السوق كله وحاطه في جيبك

عمر ببرود انا محتطش حاجه في جيبي ولاجات على حق حد انا بشتغل وبتعب لحد ما اوصل وكمان منعتش حد بيشتغل او مثلا بعت حد على فيلتك بسرق ملف خاص بالمناقصه مثلا

عادل بغضب اكبر:بتلعب بالنار يابن الشهاووي وانت مش قدها

في الوقت دخل يحيى اللي تفأجاء من نهى ان عادل السباعي موجود جوه مع عمر

عمر ببرود اكتر وايه كمان اصل انت مسلي اووي النهارده الصراحه

عادل بغضب وقرب من عمر:هقتلك يا بن الشهاووي

في الوقت دا ادخل يحيى ووقف بينهم

عمر:خوفت انا والا ايه انا عندي استعداد دلوقت اخلى رجلتك اللي واقفين تحت دول يشيلوك اربعه دلوقت بس مش طالبه معايا يوم ما الوث ايدي متكونش بدمك الزبا..له دا

عادل بغضب انا هعرفك مين عادل السباعي يابن مصطفى الشهاوي

عمر:اللي عندك اعمله وانا مستني اهوه انا مبخافش

عادل بغضب وبص ليحيى عقل بن خالك يايحيى عقل بن خالك بدل ما تكون نهايته على ايدي

عمر بغضب:اطلع بره وقتك خلص

عادل السباعي خرج بغضب كبير

يحيى لعمر:ليه ياعمر الراجل دا مش سهل واي كلام قاله مش تهديد وخلاص يعملها وانا عارف

عمر:اعلى ما في خيله يركبه انا مبخافش يايحيى

يحيى بعصبيه:يا عمر انت حياتك مش غاليه عندك ليه؟؟ياعمر انا بخاف عليك

عمر:يحيى انا بقولك ميقدرش يعمل حاجه والا عايز يعمل حاجه بيعمل على طول مش بيهدد...وكفايه بقا كلام ضيعنا وقت على الفاضي...قولى عملت ايه مع شركة علام ووصلت لا ايه..

ر

في فيلا صلاح علام

نسرين:يعني خلصت كل حاجه معه

يارا:ايوه طبعا انتي سايبه وراكي رجاله ياعمتو مش اي كلام

نسرين:طيب كويس تمام

اقتربت منهم اسيل

اسيل:اكيد بتتوشوش في الشغل

يارا:هههههههههه ايوه ..على فكره البشمهندس يحيى بعتلك السلام

١

اسيل:بجد شوفتيه فين؟؟

يارا:كان عندنا في الشركه بيخلص شغل

اسيل:بجد دا واحشني اووي مزورتهمش هروح قريب ازورهم

يارا بابتسامه واسعه سال عليكي بقا وقالي سلمليلي عليها كتير

نسرين كانت مستغربه من طريقة يارا اول مره تتكلم على شغل كدا ماهي على طول بتقابل ناس مش اول مره...

_________

في المساء

اسيل كانت في اوضتها

موبيلها رن كانت الساعه١١

ابتسمت بخفه ومسكت الموبيل وفتحت

اسيل:الو

عمر بصوت مرهق:ايوه ياروحي

اسيل بحرج:ايوه انا افتكرت انك نمت

عمر:تفتكري انا اقدر انام من غير ما اكلمك

اسيل:مال صوتك شكلك تعبان

عمر:شويه الشغل كان كتير النهارده

اسيل:ربنا معاك براحه على نفسك شويه وبعدين مش انت بتقول عندك قريبك خليه يشيل عنك شويه

عمر:ماهو قريبي مش بيقعد هو كمان وبعدين في شغل مش بيخلص من غيري

اسيل:ربنا معاك ياارب يا عمر وتبقى اكبر مهندس في الدنيا دي كلها

عمر بحب:يارب ياسيلا وانتي معايا

ابتسمت اسيل بخجل وقالت بخفوت إن شاء الله.

عدى اسبوعين

في شركة الشهاوي

يحيى كان في مكتبه

موبيله رن

كان رقم غريب

يحيى وكان في ايده ملف بيبوص فيه

يحيى:الو

:ايوه يابشمهندس صباح الخير

يحيى:صباح النور ايوه مين

يارا:انا يارا علام

يحيى وقفل الملف وابتسم بخفه اهلا عامله ايه؟؟

يارا:تمام كويسه وحضرتك؟

يحيى:تمام

يارا:انا بعت لحضرتك ملف هيوصل مع المدير المالي للشركه تقريبا في خلال نص ساعه

يحيى:تمام بس مش كان المفروض تجبيه وتيجي

يارا بتردد:مش هتفرق يعني عادي

يحيى:تمام ..كان نفسنا تشرفينا في المجموعه بس خلاص على راحتك يا استاذه يارا

يارا:انا مشغوله هنا شويه يعني

يحيى:تمام بالتوفيق ..اوك تقريبا هو وصل اصلا هقفل دلوقت هخلص الشغل معه سلام

يارا :سلام

يارا وحطت الموبيل

هي كمان نفسها تروح تخلص الشغل معه بنفسها بس مش هينفع تروح شركة عمر الشهاووي

اتنهدت بضيق وقررت تكمل الشغل اللي في ايدها

___________________

تاني يوم في شركة الشهاوي

عمر:يعني ايه يايحيى؟؟

يحيى :يعني مش هينفع غيرك يسافر للشعل دا ياعمر عشان نختصر في الوقت

عمر:تمام خلاص هحجز طيارا بالليل

يحيى:لا اطمن انا حجزتلك طيارة الساعه٢

عمر بدهشه انت بتهزر يا يحيى دا فاضل٤ساعات

يحيى:عشان ترجع البيت تاخد شنطتك وتروح المطار

عمر:مكنش عارف يعمل ايه اتفاجاء بموضوع السفر دا هي مش اول مره يحصل بس كان جواه متلخبط كان بكره هيقابل اسيل وكمان لو هيسافر مش عارف امتى هيرجع اول مره يكون متلخبط كدا

بص في الساعه اللي في ايده كانت الساعه١٠.٢٠

ركب عربيته وشغلها

مسك الموبيل ورن على اسيل بس مكنتش بترد

...............

في الجامعه

اسيل خرجت من المحاضره

مي:فهمتي حاجه؟؟

اسيل:ايوه طبعا

مي:هههههههههههه طيب انا ليه حاسه اني مجمعتش حاجه

اسيل:ههههههههه لانك اصلا بتنامي

مي:طيب ايه هنحضر حاجه تاني

اسيل:ايوه هنحضر الساكشن

مي:طيب تمام

سمعوا صوت هزاز وكان موبيل اسيل

اسيل وخرجت الموبيل من الشنطه

اسيل وبصت في الموبيل واتفأجاءت انه عمر

اسيل:دا عمر

مي:طيب ماتردي

اسيل :الو

عمر:ايوه ياسيلا مش بتردي ليه؟؟

اسيل:كنت في المحاضره ياعمر في حاجه؟

عمر:تمام انا قدام الجامعه بره اطلعلي حالا

اسيل وشاروت لمي وخرجت بسرعه

عمر كان واقف بعربيته

قربت منه

وفتحت العربيه وركبت جمبه

اسيل:صباح الخير

عمر:صباح الورد

عمر واتحرك بالعربيه

اسيل:على فين؟؟

عمر:هنقف في مكان اهدا شويه هرجعك متخافيش

اسيل:احنا مش متفقين هنتقابل بكره

عمر وركن على جمب

رجع بظهره لوراه شويه

وجاب بوكيه ورد

عمر:اتفضلي يا اجمل سيلا

اسيل وبصت للبوكيه واخدته الله ياعمر ميرسي اووي

اسيل وفضلت تشم ريحته بحب بس حسيت ان فيه حاجه

حطت ايدها ولقت سلسله

اسيل مسكتها في ايدها كدا

كانت عباره عن قلب وجواه حرف Oكبير وجو حرفOحرفA

اسيل بصتلها باعجاب

اسيل بدهشه ايه دي ياعمر

عمر باستعباط:معرفش ممكن حد يكون ناسيها مثلا

اسيل:ياسلام؟!! تحفه اووي ياعمر

عمر:دي اقل حاجه ممكن اقدمها ليكي ياسيلا

اسيل:بس ياعمر دي شكلها غاليه اووي

عمر:بس بقا ازعل مفيش حاجه في الدنيا تغلى على سيلا

اسيل بابتسامه هاديه:ميرسي اووي ياعمر

عمر كان هيرد

بس موبيله رن

عمر وبص في الموبيل كان يحيى

عمر:ايوه ياهندسه

يحيى:ايوه ياعمر انت فين؟؟

عمر:انا مشوار كدا هخلصه و....

قاطعه يحيى متهزرش ياعمر هو دا وقت مشاوير هتتاخر على الطياره

عمر:يابني خلاص انا رايح اهوه وشنطتي جاهزه في الفيلا

اسيل بصتله باستغراب شنطة ايه؟؟

عمرخلص كلام مع يحيى

اسيل:انت مسافر والا ايه؟؟

عمر:ايوه مسافر المانيا في شغل

اسيل بدهشه مختلطه بالزعل المانيا ايه ياعمر !!!

عمر:شغل ياسيلا

اسيل:طيب مكنش ينفع حد غيرك يسافر

عمر:للاسف لا

اسيل:طيب هترجع امتى؟؟

عمر:مش عارف هخلصه واررجع على طوول

اسيل بزعل :ماشي

عمر:خلاص بقا مش عاوز اشوفك زعلانه كدا قبل ما امشي وبعدين ليكي مفاجاءه عندي بعد ما ارجع

اسيل:مفاجاءة ايه؟؟؟

عمر:لما ارجع بقا يا قلبي

اسيل تمتمت بهدوء تمااام

عمر بعدها وصلها للجامعه

وطلع هو على الفيلا واخد الشنطه وراح اعلى المطار خلص الاجراءت وركب الطياره وسافر على المانيا

________________بعد ساعتين

في منزل صلاح علام

في غرفة اسيل

كانت قاعده وماسكه البوكيه في ايدها

وكمان السلسله وتتفرج عليهم

الباب خبط

اسيل ورجعت البوكيه وراء ظهرها

اسيل:احم ادخل

الباب اتفتح وظهرت يارا:قاعده لوحدك ليه ياحجه

اسيل واخدت نفسها تعالي خضتيني كنت مفكره انك حد تاني

يارا ودخلت وقفلت الباب ليه في ايه؟

اسيل وخرجت البوكيه من وراء ظهرها

يارا:واووو ايه دا؟!!!!

اسيل:عمر جبهولي النهارده

يارا:تحفه اووي يا اسيل

اسيل وخرجت السلسله وجابلي دي كمان

يارا ومسكت السلسله تحفه يا اسيل الله

اسيل:جالي عند الجامعه كان مسافر المانيا

يارا:بجد؟؟؟ليه؟؟

اسيل:مش عارفه جاله شغل مفأجى

يارا:امممم وانتي بقا زعلانه؟؟

اسيل:اه طبعا ..كنا اصلا هنخرج بكره وبعدين اول مره يسافر شغل بعيد كدا

يارا باستغراب لدرجه دي حبتيه يا اسيل

اسيل بحرج مش عارفه بس حاسه انه يستاهل الحب دا يارا انا اسعد واحده في الدنيا دي

يارا وابتعلت غصه في حلقها

ابتسمت بزيف

يارا:ربنا يسعدك ياقلبي انا هنزل بقا نتقابل على العشا

_______&_&_

نسرين:وايه تاني؟؟

يارا:مفيش حاجه تاني بس انا خايفه ياعمتو

نسرين:ليه؟؟

يارا:اسيل حبته اووي وخايفه عليها

نسرين:طيب ماهو كمان حبها وحبها اووي كمان

يارا:بس انا مش عارفه رد فعله ايه لما يعرف..

قاطعتها نسرين:يعرف ايه واحنا مالنا هو اتعرف عليها عندنا

يارا:بس بردوه خايفه

نسرين:متخافيش مش هيحصل حاجه هو كمان حبها هي مختلفه بالنسباله فعشان كدا حبها

.......

عدى ثلاثة ايام

عمر كان بيكلم اسيل كل يوم بس مكالمه صغيره يطمن عليها ويطمنها عليه ويقفل

اسيل كانت في اوضتها بتذاكر

رن موبيلها وكان رقم غريب

اسيل وبصت شويه للرقم

وقررت ترد

اسيل:السلام عليكم

:وعليكم السلام وحشتني ياقلبي

اسيل:مين معايا

:معقول مش عارفه انا مين؟

اسيل:لا مش عارفه

:انا زعلانه انك مش عارفني...

في احدى المناطق

وخاصة في احد المنزل

تعالت ضحكات اسيل

اسيل:ياسلام وعامله فيا مقلب

ساره:لا طبعا انا مش عارفه ازاي نسيتي صوتي

اسيل:بجد كان صوتك متغير في الموبيل

ساره:عشان بس عندي برد انتي عارفه بقا من تغير الجو

اسيل:احمد عامل ايه وليه مش نزل معاكي

ساره:احنا كنا متفقين هننزل مع بعض بس هو شغله اجله الاجازه لسه كمان شهرين فانا قولت خلاص هنزل انا واقعد معاكم الشهرين دول وكمان شهرين لما احمد يرجع عشان بجد كنتوا واحشني اووي

اسيل بحب:وانتي كمان والله ياساره انا بحس اصلا بالدفا وانتي موجوده في مصر هنا

ساره واخدتها في حضنها انتي كمان اختي يااسيل

اسيل:صحيح ياسين فين؟؟؟

ساره:نايم جوه هو وماما

اسيل:بحرج وانا عامله كل الدوشه دي دا زمان طنط قلقت

جاءت إمراءه في الخمسون من عمرها

زهيره:طيب بس انتي اعملي الدوشه دي وتيجي كل يوم يااسيل

اسيل وقربت منها وسلمت عليها وحضنوا بعض

واحشتني ياطنط

زهيره:بعتاب ياسلام لو كنت واحشاكي كنتي جيتي زورتني

اسيل:ببعت لحضرتك السلام على طول مع ابيه يحيى

زهيره:بردوة مبتجيش تزورني الا لما تكون ساره هنا والا خالتك محرجه عليكي زيارتك لينا

اسيل بنفي:لا خالص خالتو مستحيل تعمل كدا

ساره بصت ل زهيره بعتاب خلاص بقا ياماما اسيل جاءت اهيه

زهيره:انا زعلان على شقتها هنا اللي مركونه ونصيبها وحال هو مش هنا بيتها والا ايه

اسيل بإحراج:بيتي طبعا يا طنط بس انا اتعودت على هناك مش اكتر

ساره متدخله في الحوار وحست بإحراج اسيل خلاص بقا ياماما اسيل تعمل اللي يريحها

ثم وجهت كلامها ل اسيل تعالي يااسيل نجهز الغداء

______________________

في فيلا علام

نسرين:خرجت امتى؟؟؟

الشغاله:من حوالي ساعه

نسرين:مقالتش رايحه فين؟؟؟

الشغاله:لا يافندم

نسرين :طيب روحي على شغلك

نسرين ومسكت الموبيل

ورنت على اسيل

_________

في منزل يحيى

اسيل:واحشني اكلك ياساره

ساره:تسلمي ياقلبي

اسيل:تعرفي اني مدخلتش مطبخ من زمان اووي بقالي سنين انتي عارفه عندنا ممنوع

ساره:هي خالتك لسه؟

اسيل:ايوه طبعا انتي عارفه القواعد

ساره:اممم وهي عامله ايه وخالك ويارا ومروان

اسيل كويسين الحمدلله خالو كان تعب الفتره اللي فاتتت بس دلوقت بقا احسن

ساره:طيب الحمدلله

موبيل اسيل رن وكانت نسرين

اسيل وفتحت الخط

اسيل:ايوه ياخالتو

نسرين:ايوه يا اسيل انتي فين؟؟

اسيل:انا في بيت يحيى

نسرين بضيق:بتعملي ايه عندك

اسيل:ساره رجعت من السفر وكنت بسلم عليها

نسرين:وازاي تروحي من غير ما اعرف

اسيل:عادي اد..مكنش حد موجود في البيت

نسرين:ترن عليا يا اسيل وتعرفيني

اسيل:تمام

نسرين:هترجعي امتى؟؟

اسيل:مش عارفه بس اكيد هقضي اليوم هنا

نسرين:امممم ماشي بس حاولي متتأخريش

اسيل:تمام

اسيل وقفلت مع نسرين

ساره:ايه خالتك زعلانه انك هنا والا ايه؟؟

اسيل:مش بالظبط بس انا جيت من غير ما اقولها

ساره:امممم خالتك لسه زي ماهي شكلها متغيرتش

اسيل:انا عارفه انكم عايزين ان انا اجي اعيش هنا و..

قاطعتها ساره يا اسيل انا مش فارق معايا طالما انتي مرتاحه اهم حاجه انتي مبسوطه وبس

المهم سيبك من الحوار دا انا حاسه انك فيكي حاجه مختلفه

اسيل بابتسامه ازاي؟؟

ساره :مش عارفه في جديد في حياتك؟؟

اسيل:مش بالظبط

ساره:يعني ايه؟؟؟في حب مثلا

اسيل ابتسمت بخجل

ساره:امممم طيب تقرير بسرعه لان شكل الموضوع كبير

اسيل حكت لساره على عمر بس مدخلتش في تفاصيل كتيره وحصوصا عن عمر

ساره:يابنتي يعني هي العيله ناقصه مهندسين

اسيل:تصدقي مخدتش بالي

ساره:هههههههههه ياسلام بس اهم حاجه يكون جد وبيحبك يا اسيل ومتثقيش في حد بسهوله عشان انا قلقانه عليكي

اسيل:لا طبعا عمر مختلف عن اي حد مش زي ما في دماغك

ساره:اممم اسمه عمر عمر ايه بقا يمكن نعرفه؟؟

اسيل:اسمه عمر الش....

قطع كلام اسيل

دخول طفل في سن الخمس سنوات

ماما

ساره:تعالى يا ياسين

اسيل وقربت من ياسين وحضنته وحشتني ياقلبي ماشاء الله كبر يا ساره

ساره:ايوه يابنتي احنا دلوقت بقينا خمس سنين مشوفتهوش

ياسين:مين دي ياماما؟؟؟

اسيل:عاجبك كدا اهوه مش عارفني قولنا نزلوا ماسجنر ونتكلم

ساره:انتي عارفه احمد رافض موضوع النت دا

اسيل :لسه بردوه

ساره: ايوه دي اسيل اللي كنت بوريلك صورتها يا ياسين فاكر

ياسين بلماضه اه افتكرت

اسيل بحب:ياروحي انا قلبي ياناس هات حضن كبير بقا

______&&&________

في شركة الشهاوي

يحيى كان في مكتبه كان بيخلص شغل طبعا عمر سافر وساب عليه شغل الشركه

موبيله رن

بص للموبيل جمبه

فاضل باصصص للموبيل شويه وكأنه مستغرب الاتصال

يحيى وفتح الخط الو

يارا:الو ازيك يابشمهندس

يحيى:اهلا انسه يارا عامله ايه؟؟

يارا:تمام وحضرتك؟

يحيى:حضرتي كويس

يارا:احم كنت عايزه اجبلك الورق اللي كان ناقص اللي كنت محتاج امضيت بابا عليه

يحيى:تمام ماشي مفيش مشكله

يارا:طيب تمام انت لو لسه موجود في الشركه ممكن اجبهولك

يحيى:ايوه يعني قدامي ساعه كدا

يارا:خلاص تمام ربع ساعه وهكون عندك

يحيى :تمام

يحيى قفل مع يارا وموبيله رن

وكانت ساره

يحيى:ايوه ياساره عاملين ايه

ساره:احنا تمام وعاملين غداء ونأمل انك تيجي تتغدى معانا

يحيى:صعب انا عندي شغل كتير هنا

ساره:يعني حتى لو قولتلك ان اسيل هنا

يحيى:بجد ..طيب اديني اكلمها

اسيل واخدت التليفون من ساره

ايوه يا ابيه

يحيى:عامله ايه ياقلبي

اسيل:الحمدلله وحضرتك

يحيى:انا تمام الحمدلله.... انا مش هقدر اجي على الغداء بس هخلص واجي على طول متمشيش قبل ما اجي وانا هبقا اوصلك عشان انتي واحشني يا حبيبتي

اسيل:ماشي يا ابيه حاضر

يحيى قفل مع اسيل

والباب خبط

يحيى :ادخل

الباب اتفتح وظهرت منه يارا

يارا بابتسامه خفيفه:مساء الخير

يحيى وبادلها الابتسامه مساء النور اتفضل يا انسه يارا

يارا وقعدت قدامه

دا الورق اللي كان ناقص

يحيى وابتسم بخفه ايه مالك مستعجله كدا ليه طيب هتطلبلك حاجه تشربيها

يارا بإحراح مش لازم

يحيى:لاطبعا اول مره تشرفينا هنا لازم تشربي حاجه

يارا:تمام يبقا قهوه مظبوط

يحيى ورفع الهاتف جمبه وكلم البوفيه اتنين قهوه مظبوط

يحيى وبص في الورق اللي يارا حطته قدامه

يحيى تمام كدا

يارا:تمام

القهوه جاءت وفضلوا يتكلموا شويه مع بعض في حاجات خاصه بالشغل وخارج الشغل

يحيى حس ان تفكيرهم متقارب نوعا ما ويارا حست دا كمان بس طبعا مع اختلاف البيئات

يارا حست ان يحيى فعلا زي ما اسيل كانت بتحكي عنه

نزلوا مع بعض من الشركه

يحيى وصلها لعربتها وركبت يارا ومشيت

وبعد. كدا ركب عربيته وروح هو كمان على بيته

وصل وكانت اسيل هناك وزهيره وساره

قعدوا كلهم مع بعض وبعد كدا يحيى وصل اسيل

وطول الطريق يتكلموا مع بعض

وصلوا عند الفيلا

اسيل:ماتيجي تسهر معانا شويه

يحيى:لا سهر ايه انا ورايا شغل من بدري

اسيل:ربنا يوفقك يا ابيه

يحيى:ياارب ..خودي بالك من نفسك بقا وركزي في مذكرتك

اسيل:ماشي حاضر

يحيى:اسيل لو احتاجتي اي حاجه عشان خاطري كلميني

اسيل بحب:ربنا ميحرمنيش منك يا ابيه

بعد كدا ودعوا بعض اسيل دخلت ويحيى روح على بيته

دخلت كانت نسرين وصلاح في اللفينج

اسيل:مساء الخير

الاتنين مساء النور

اسيل وسلمت عليهم

صلاح:عامله ايه ياحبيبتي؟

اسيل:الحمدلله ياخالو

نسرين:ايه ولاد عمك عاملين ايه؟؟

اسيل :الحمدلله ياخالتو كويسين

نسرين:وساره كويسه؟؟

اسيل:اه الحمدلله وياسين ابنها قمر ماشاء الله

نسرين:اهم حاجه تكوني انبسطي

اسيل:اووي ياخالتو كان يوم حلوو

________________

تاني يوم في فيلا علام

يارا:يعني انتي عايزه ايه دلوقت

اسيل:عايزه اجبله هديه زي ماهو جبلي حاجه

يارا:طيب في دماغك حاجه معينه

اسيل:لا مش عارفه

يارا خلاص تعالي نروح نشوف كدا

وقرروا يخرجوا ويشتروا هديه لعمر

وفعلا خرجوا وبعد لف كتير قدروا يختاروا هديه

وكانت عباره عن بوكس موجود فيه ساعه ومج مكتوب عليه عمر وكمان معه ساعه يديه

رجعوا على طول الفيلا

عدى ثلاثة ايام

كانوا في الجامعه

مى:يابنتي اكيد مشغول عشان كدا مش بيرن

اسيل:بس واحشني اووي يامي وكمان قلقانه عليه اصلا

موبيل اسيل رن

اسيل بصت واتفأجاءت دا عمر

مى:طيب ردي بسرعه

اسيل:الو

عمر:اطلعلي قدام الجامعه حالا

اسيل وقامت وقفت بجد ياعمر؟؟

اسيل واتحركت بسرعه

وبعدين رجعت تاني اخدت الهديه اللي كانت جايبه ودايما سايبه في شنطتها عشان هو على طول يفأجاها ويجي

مي:على مهلك بس

اسيل ورحركت دماغها بالايجاب

خرجت بره الجامعه

و...

ر

خرجت بره الجامعه

كانت عربية عمر واقفه

كان قاعد في الكرسي الخلفي

اسيل وقربت من العربيه بلهفه وحشتني

عمر وبص على سيد السواق

عمر:لوسمحت ياسيد هاتلي مايه من السوبر ماركت دا

سيد :حاضر يابيه

ونزل من العربيه

اسيل وشعرت بالحرج

عمر وفتح لها باب العربيه

اسيل:سوري ياعمر مأخدتش بالي انه موجود مكنتش مركزه

عمر:ولا يهمك ياقلبي براحتك قولي اللي انتي عايزاه

وانتي كمان وحشتني اووي

اسيل:بقالك كذا يوم مش كلمتني

عمر:معلش ياروحي كنت مشغول انا جاي من المطار عليكي على فكره

اسيل ابتسمت بخفه

اسيل بحرج اتفضل

عمر:ابتسم وبص للي في ايدها

عمر:ايه دا؟؟

اسيل:دي هديه بسيطه كدا عشانك

عمر واخدتها وابتسم بخفها ممكن افتحها واشوفها

اسيل:ياريت عشان اعرف رأيك

عمر فتحها وخرج الساعه

عمر:واوو تحفه اوي

عمر خلع الساعه اللي كان لابسها ولبس دي بدالها

اسيل ابتسمت بفرح

عمر خرج المج والمدليا ذوقك رقيق شبهك على فكره

اسيل:بجد ياعمر عاجبوك

عمر:اكيد طبعا ياقلبي دول اجمل هديه جاتلي في حياتي كلها

ووضع قبله خفيفه على ايدها تسلم ايدك

ابتسمت اسيل بفرح

عمر:كنت عايز تجبيلي رقم خالك عشان اكلمه

اسيل بخجل تمام انت ممكن تكون عارفه هو بردوه مهندس

عمر:بجد ..طيب اسمه ايه وبيشتغل فين؟؟

اسيل:لا عنده شركه

عمر:اسمه ايه

اسيل:اسمه صل...

قاطعها

موبيل عمر رن

وكان يحيى

عمر:ايوه يايحيى

اسيل بصتله كدا وافتكرت يحيى بن عمها

يحيى:ايوه ياعمر حمدلله على السلامه

عمر:الله يسلمك

يحيى:وصلت فين دلوقت؟؟

عمر:انا في مشوار كدا ومش هتأخر

يحيى:افندم مشوار ايه بقا لا انا اختى بقالها اسبوع هنا هي وابنها ومش عارف اقعد معاهم وبعدين مش هتعرفنا حكاية المشاوير دي بقا؟؟؟

عمر:ايه ايه براحه مش حاضر اناجاي على طول

يحيى:بس متتاخرش لان في شغل هنا مستنيك

عمر:تمام مش هتأخر

عمر قفل مع يحيى

عمر:معلش بقا ياحبيبتي انا همشي يحيى بقاله اسبوع شايل الشغل فوق دماغه كفايه عليه كدا

اسيل بتلقائيه هو يحيى دا شكله ايه؟؟

عمر بعد فهم :ايه؟مش فاهم

اسيل:بحرج:لا خلاص مفيش

عمر سلم على اسيل ونادى للسواق وطلع على الشركه

___________________

في شركة الشهاووي

في مكتب عمر

كان يحيى يجلس على احد الكراسي

وتجلس امامه نسرين

يحيى:بشمهندس عمر شويه وجاي والشغل الخاص بالمشروع دا معه هو

نسرين:تمام تفتكر هيوافق على السلفه

يحيى بجديه:معرفش دقايق وهيكون هنا وتعرفي رأيه

نسرين بصتله بصمت وسكتت

بعد دقايق وصل عمر

اللي تفأجاء بوجود نسرين

عمر :مساء الخير

الاتنين:مساء النور

عمر وخلع الجاكت اللي كان لبسه وحطه في المكان المخصص ليه

وجه كلامه للسكرتيره

قهوتي يانهى

نهى:حاضر يافندم

عمر وحط الحاجه اللي اسيل مديهاله على المكتب

نسرين وشافت الحاجه عرفت انه قابل اسيل

ابتسمت بمكر وفرح من جواها

فاقت على صوت عمر

عمر:خير مدام نسرين نفسها مشرفنا

يحيى:مدام نسرين عايزه سلفه ياعمر

عمر:سلفه ليه على فكره لسه في فلوس قديمه لسه بتندفع كدا مش هينفع الموضوع هيفلت من ايدكم كدا اوعي تكوني مفكره اني مش فاهم انكم مشغلين كذا مشروع صغير جمب مشروعي وبتمولوا دا من دا انا عارف وساكت بمزاجي

نسرين وابتلعت ريقها بتوتر

عمر وكمل وعموما انا مش طالبه معايا نكد النهارده اديلها يايحيى اللي هي عايزاه

يحيى:تمام

يحيى وبداء يجيب ورق وقعد يكتب شوية حاجات

موبيل عمر رن

عمر بص في الموبيل وابتسم

نسرين ولاحظت دا

عمر وفتح الخط

عمر:الو تمام ..روحتي تمام ماشي هخلص شغل واكلمك تمام سلام

نسرين وكانت مركزه مع عمر

فاقت على صوت يحيى:ماشي اتفضلي امضي يابشمهندسه

نسرين:ومسكت الورق وبداءت تمضي...

____________________

في المساء في منزل صلاح علام

يارا:راح لها الجامعه النهارده

نسرين:اه عارفه

يارا:عرفتي ازاي مروان قالك؟؟

نسرين:لا شوفت الهديه معاه

يارا:اه صح انا نسيت انك كنتي هناك

نسرين بنصر:بس شكله وقع صح

يارا:طلب منها رقم بابا

نسرين:عادي تدهوله

يارا:انا خايفه ياعمتو خايفه اووي

نسرين:خايفه ليه هو احنا عملنا حاجه

يارا:ياعمتو انا خايفه على اسيل

نسرين:متخافيش بيحبها ومش هيأذها..

_____&&&&___&&&

بعد يومين

موبيل اسيل رن

اسيل:الو

عمر:حياتي عامله ايه؟؟؟

اسيل بابتسامه:انا حلوه الحمدلله

عمر:ما انا عارف

اسيل بحرج وانت؟

عمر:انا تمام بقولك ايه فاضيه ساعه النهارده

اسيل:ليه؟؟

عمر:انا عارف انك بتذاكري بس مش هعطلك كتير هعرفك على حد قريبي كدا

اسيل:تمام..

عمر قفل مع اسيل بعد ما اتفقوا على ميعاد الساعه٣

بصت في الساعه كانت واحده

قامت واخدت شاور وخرجت طقم تخرج بيه

بس افتكرت ان عمو على مش موجود

راحت لغرفة يارا

في غرفة يارا

كانت بتتكلم في الموبيل

يارا:صراحه انا مكنتش ليا رغبه لفكرة المشاريع الصغيره بس عمتو ومروان ليهم رغبه في دا

يحيى:على فكره اني ادخل مشروع واحد وينجح كامل افضل من كل دا

يارا:اممم اكيد طبعا

يحيى:تمام انا هقفل دلوقت لاني خارج لما ارجع نتكلم

يارا:تمام

يحيى:سلام

يارا:سلام

يارا قفلت مع يحيى والباب خبط وكانت اسيل

اسيل :بتعملي ايه؟؟

يارا:مش بعمل قاعده

اسيل كنت عايزه منك خدمه صغيره

يارا:اممم خيرا

اسيل هقابل عمر الساعه٣ وعمو على مش هنا ممكن تيجي توصليني

يارا:تدفعي كام؟؟؟

اسيل:بجد بقا

يارا:ماشي اوصلك انا كدا كدا هروح البيوتي سنتر واما اخلص اعدي عليكي نرجع سوا

اسيل:اوووكي

بعد ساعه في احد المطاعم

كان عمر ويحيى ومعه ياسين

عمر:وساره عامله ايه؟؟

يحيى:كويسه الحمدلله بعتالك السلام

عمر:هاجي اشوفها ان شاء الله ..ماشاء الله ابنها كبر

يحيى:ايوه حبيب خالو ماسك فيا وانا نزل قولت اجيبه يغير جو ويشوف عروسة خالو عمر اللي وقعته دي

عمر:هههههههههههه

يحيى:انا اصلا مش مصدق انك اخيرا في واحده في حياتك اصلا يابني دا انت الستات بتخاف تكلمك

عمر:هي مختلفه يابني مش زي الستات اللي انت بتشوفهم في الشغل دوول

يحيى:امممم والست المختلفه موصلتش ليه

عمر وبص في ساعته الساعه تلاته الا عشىر فاضل عشر دقايق لسه هي مواعيدها مظبوطه

يحيى:ياسلام في ست مواعدها مظبوطه

عمر:اه هي بالثانيه

بعد خمس دقايق موبيل عمر رن وكانت اسيل

عمر:الو

اسيل:ايوه ياعمر انا قدام المطعم

عمر:تمام انا خارجلك اهوه

عمر وقام وقف هجبها بس من بره

يحيى:تمام

يحيى كان من جواه مبسوط ان عمر بداء حياه جديده وشايف ان دا هيفرق معه في حاجات كتير زي انه طوال الوقت بيغامر في شغل كتير يمكن لما يبقا ليه حد يخاف عليه يهدا شويه

عمر خرج كانت اسيل قدام المطعم

عمر:اتاخرت عليكي؟؟

اسيل:لا متأخرتش هو في حد معاك جوه

عمر:ايوه ما انا قايلك عايز اعرفك على حد

اسيل:مين بقا

عمر:بن عمتى وصاحب عمري ودراعي اليمين في شغلى

اسيل:اها

اسيل وعمر قربوا من المكان اللي موجود فيه يحيى

ياسين اتحرك بسرعه وجرى على اسيل وحضنها

ياسين بفرح:اسيل

اسيل وحضنت ياسين اللي اتفاجئت بوجوده

اسيل:ياسين حبيبي جاي مع مين هنا

ياسين:مع خالو

في الوقت دا يحيى وقف مكانه وشاف اسيل وعمر وياسين. الا ماسك في ايد اسيل

يحيى في دهشه اسيل!!!!

عمر:انتوا تعرفوا بعض منين

يحيى:دا اسيل بنت عمي

يحيى وسلم على اسيل

وكلهم قعدوا

عمر الصمت حل عليه ومليون تفكير في دماغه

يحيى وحاسسس بيه

اسيل:وطنط عامله ايه وساره

يحيى:تمام ياحبيبتي وانتي اخبارك

اسيل:الحمدلله

يحيى:امتحانتك امتي

اسيل:اهوه خلاص بعد بكره

يحيى:ربنا يوفقك

اسيل:ياارب

يحيى:البشمهندس صلاح عامل ايه؟؟

اسيل:الحمدلله الفتره دي احسن

يحيى:تقريبا لسه منزلش الشغل

اسيل :لا لسه خالتو ويارا ومروان هما اللي ماسكين الشغل

يحيى وبص لعمر:امممم

يحيى ووجه كلامه لعمر اللي كان ساكت هو عارف انه اتفاجاء مكنش يعرف ان اسيل بنت عمه وخالها صلاح علام وعارف هو بيفكر في ايه

يحيى:ايه يابني مش هتطلب لنا حاجه نشربها

عمر:احم تمام

ونادى على النادل وطلب لكل واحد مشروبه

اسيل:عمر كان جايبني يعرفني عليك يا ابيه

ابتسم يحيى بخفه ايوه

اسيل:وهو بتكلم عنك كنت بحس ان انت

يحيى:طيب ليه مسألتيش عليا

اسيل:اتحرجت اسأله بصراحه بس كان احساسي صح

اسيل وبصت لعمر اللي ساكت تماما واستغربت جدا دا

اسيل:في حاجه ياعمر مالك ساكت ليه؟؟

عمر بضيق بيحاول يداريه مفيش مصدع شويه

اسيل بانتباه:الف سلامه عليك مالك؟؟

يحيى وبيتابع في صمت

عمر:متقلقيش كويس

موبيل اسيل رن

كانت يارا

اسيل وبصت للموبيل

ااسيل:ايوه يايارا

يارا:ايوه يا اسيل انا منتظركي بره قدام المطعم

اسيل:لحقتي خلصتي

يارا:مش بالظبط عمتو تعبانه شويه ومروان كلمني ولازم نرجع

اسيل بخضه ليه مالها

يارا:مش عارفه اخرجي بقا

اسيل وقامت واقفت ماشي جايه على طول

اسيل واخدت شنطنها معلش انا همشي دلوقت خالتو تعبت شويه ولازم ارجع

يحيى وعمر بصوا لبعض

يحيى:تمام ماشي روحي انتي ابقى طمنينا عليها

اسيل واتحركت

وخرجت ليارا

عمربغضب:تمثليه سخفيه زي اللي عاملنها

يحيى:بس اسيل ملهاش فيها

عمر:وانت عرفت منين؟؟

يحيى:بنت عمي وانا عارفها كويس

ابتسم عمر بسخريه دي تربية نسرين

يحيى:عمر انا واثق من اسيل ملهاش في الحورات دي كلها وبعدين تعالى هنا انت ازاي مكنتش تعرف انها بنت عمي وبعدين اتعرفت عليها فين

عمر حكي ل ليحيى من اول ما اقبل اسيل

يحيى:وازاي مسألتش عنها دا انت اي حد بتشتغل معه بتعرف تاريخ ميلاده ازاي متسألش عن شريكة حياتك ياعمر

عمربوجع بيحاول يدريه مكنتش عايز غيرها بس مكانش فارق معايا حاجه تانيه

يحيى:وانا متاكد والله ان اسيل خارج الموضوع دا

عمر ووقف كله هيباان

يحيى ووقف هو كمان على فين ياعمر متعملش اي تصرف متهور

عمر وساب يحيى ومشي ركب عربيته وانطلق بسرعه

وعربية الحرس وراه

وصل عند بيت بسمه نصر

نزل وطلع على شقتها

_________________

اسيل ويارا وصلوا الفيلا

قربوا من نسرين اللي كانت قاعده على كرسي وبتمثل التعب

اسيل بخوف:مالك ياخالتو في ايه؟

مروان :كان مغمى عليها

اسيل:وقربت منها الف سلامه عليكي ياخالتو نكلم الدكتور افضل يامروان

نسرين:لا انا كويسه انا بس مكنتش فطرت

اسيل:ليه ياخالتو بس طيب اعملك ايه؟؟

نسرين:مفيش حاجه ياحبيبتي متقلقيش عليا انا بقت كويسه دلوقت

اسيل:بجد ياخالتو

نسرين:اه ياحبيبتي..اطلعى يلا غيروا عشان نتغدى سوا

اسيل اتحركت وطلعت على اوضتها

مروان:ايه اللي حصل هناك

يارا:محصلش حاجه مدخلتش اصلا انا كلمتها وهي خرجتلي بره

نسرين:محدش خرج معها

يارا:لا محدش خرج حتى انا متكلمتش معها في حاجه بس مش عارفه انا قلقانه اصلا مين قال لكم ان يحيى هناك

مروان:الراجل اللي مخليه يراقب اسيل قالي انها قاعده معاهم

نسرين:المهم دلوقتي خليكي جمبها ولو كلمها عرفيني

يارا:تمام

__________________

الشغاله فتحتله

عمر بغضب:بسمه هانم فين؟؟

الشغاله:نايمه حضرتك

عمر:صحيها وعرفيها اني عايزاها

الشغاله واتحركت بسرعه وراحت لبسمه

بسمه خرجت بسرعه

بسمه:عمر مش مصدقه انك هن...

بسمه مكملتش الكلمه وكان عمر ماسكها من شعرها

بسمه بتوجع اه ياعمر في ايه ااااه

عمر:ايه اللي خلاكي تعرفيني على اسيل

بسمه:اااه عادي

عمر وساب شعرها وضغط على رقبتها بقوه ولازقها في الحيطه اللي وراها

بسمه بصوت متشحرج هكل..م بس سيبني

عمر وخفف ايده شويه

عمر بغضب وصوت يرج المكان انطقي

بسمه:مدا..م نسرين ومروان ويارا

عمر وخفف ايده شويه ليه؟؟؟

بسمه:معرفش هما طلبوا مني اني اعرفك عليها وخلاص مش اكتر مقالوليش سبب

عمر بوجع وهي كانت تعرف دا؟؟

بسمه بصتله بترددد

بسمه:...