تحميل رواية «قربك حياه وبعدك منفي» PDF

عمر بوجع وهي كانت تعرف دا؟؟؟

بسمه بصتله بتردد

عمر وضغط على رقبتها انطقي انتي لسه هتفكري

بسمه بتوجع اااه ااه لا ..لا متعرفش حاجه

عمر وخفف ايده شويه وانا ايه اللي يأكدلي انك مش كذابه

بسمه بتوجع ودموع من الوجع والله مش بكذب انا روحي تحت ايدك دلوقت هي متعرفش حاجه البنت مكنتش عايزه اصلا تيجي الحفله وهما اللي اقنعوها

عمر:وانتي عملتي دا مقابل ايه يابسمه اكيد معملتهوش لله كدا

بسمه بتلجلج كنت محتاجه فلوس ومدام نسرين دفعتلي ..فلوس

عمر وسبها فوقعت على الارض

عمر ونزل لمستواها وقرب منها وبصوت شبه فحيح الافعى

تبيعي ابوكي عشان الفلوس ..عارفه لو مش صلة الدم اللي بيني وبينك كنت قتلتك دلوقت يمكن اترحمتي مني دلوقتي بس سافري تروحي في اي مكان غير دا والله لو قابلتك صدفه ماهتترد لحظه اني اقتلك ساااامعه

بسمه بخوف وحركت دماغها بالايجاب حاضر ..حاضر

عمر خرج من عند بسمه وركب عربيته وساق بسرعه عاليه جدا لدرجه ان الحرس مكانوش قادرين يلحقوه بالعربيه

وقف فجاءه

رئيس الحرس نزل وراح لعربية عمر كان مستغرب جدا لانه عارف ان عمر مش بيحب السواقه بسرعه وبيحب التأني في السواقه

وصل عنده كان عمر حاطط دماغه على عجلة القياده

رئيس الحرس :عمر بيه حضرتك كويس؟؟

عمر رفع رأسه ببطء وعيونه كانت شبه لون الدم

عمر:اسبقوني على الفيلا

رئيس الحرس بصله بتردد وفضل واقف مكانه لانه شايفه في حاله مش طبيعيه

:

عمر بصله كان لسه واقف

عمر بغضب:ايه مسمعتششش

عمر وخبط على عجلة القياده وبغضب كبير قاله امشي من وشي

رئيس الحرس اتحرك بسرعه من مكانه واخد الحرس ومشيوا

عمر فضل يبوص حوليه شمال ويمين بتوهان

عيونه جيت في المرايه وشاف لونها المتغير

موبيله رن وكانت اسيل

كنسل عليها اكتر من مره

رنت تاني قفل الموبيل

عمر ومسح على وشه بتعب

ياريتني ماشوفتك ولا قابلتك ياريتني ما حبيت

عمر وضرب على عجلة القياده بغضب انا كنت فين وانا بعمل كل دا ....دماغي كانت فين انا عمر الشهاووي اقع في خدعه زي دي...

ابتسم بسخريه مفكرين نفسهم اذكياء والله لندمهم على كل دا

__________________

اسيل ليه ياعمر مش بتردد وقفلت موبيلك ليه في ايه

دخلت عليها يارا

يارا:عامله ايه ياسيلا

اسيل:كويسه برن على عمر مش بيرد وكنسل والموبيل اتقفل بعدها

يارا بتوتر:يمكن وراه شغل اكيد لما يفضى هيرن عليكي

اسيل:ممكن بس اول مره يعمل كدا وبعدين كان النهارده متغير

يارا :ازاي؟؟؟

اسيل:مش عارفه بس كان ساكت كدا ومش عمر الطبيعي

يارا:اكيد مضغوط في الشعل وكدا ذاكري انتي ببس عشان امتحانك اللي بعد بكره دا

اسيل:ماشي

_____________________

يارا نزلت

كانت نسرين قاعده تحت

نسرين:ها الاخبار

يارا بضيق الاخبار مطمنش

نسرين:ليه؟؟

يارا:كنسل عليها ومش بيرد

موبيل نسرين رن

نسرين وبصت على الموبيل وكانت بسمه

نسرين:دي بسمه

يارا:طيب ردي عليها

نسرين:ايوه يابسمه عامله ايه

بسمه بصوت متغير زف.ت اسمعني عمر عرف كل حاجه وجالي وكان هيموتني انا مسافره

نسرين:امتى الكلام دا؟

بسمه:من ساعتين عمر مش هيرحم حد انا اول مره اشوفه كدا شكله حب البنت

وبحمد ربنا اني طلعت من تحت ايده حيه

نسرين:طيب مكلمتنيش على طول ليه

بسمه:على ما فوقت بقولك كنت هموت تحت ايده سلام عشان انا مسافر سلام

بسمه قفلت على طول

يارا: العمل ياعمتو

نسرين:اهدي بس

يارا:انا خايفه على اسيل

نسرين متخافيش مش هيأذيها.....

___________

عمر رجع الفيلا

لاقى يحيى مستنيه

يحيى اول ماشافه ايه ياعمر كنت فين الساعه واحده انا قلقت عليك

عمر ببرود تقلق ليه يايحيى هو انا عيل صغير

يحيى ومستغرب بروده كنت فين كل دا ياعمر وليه بعت الحرس

عمر :ياسيدي خايف عليا هي موته والا اكتر دا حتى الواحد يرتاح

عمر جيه يمشي يحيى مسكه من ذراعه في ايه عمر ايه اللي حصل

عمر:متخافش يايحيى مش هأذي بنت عمك

يحيى:ياعمر انا مجبتش سيرة بنت عمي انا قلقان عليك انت وعايز اعرف ناوي على ايه

عمر:ناوي اطلع انام عشان عندنا شغل كتير متاخر كفايه لاعب عيال بقا اكتر من كدا تصبح على خير

ومشي وساب يحيى وطلع على فوق

يحيى روح لانه شاف ان الكلام دلوقت ملوش لازمه معه

_______________

تاني يوم في شركة الشهاووي

يحيى راح في ميعاده واكتشف بوجود عمر

يحيى:عمر بيه جوه!!!وصل امتى انا جاي في ميعادي متأخرتش

نهى:يافندم دا وصل قبلي انا جيت لقيته هنا

يحيى ودخل على عمر

كان بيشتغل وجمبه ملفات كتير اووي

يحيى:صباح الخير ياعمر

عمر بصوت مرهق :صباح النور

يحيى ووقف بصله شويه شكله كان مرهق وشكله منامش

واتفأجاء اكتر لما لاقه بيخرج سيجاره وبداء يشرب فيها

يحيى:ايه دا ياعمر انت رجعت تدخن تاني

عمر:عادي يايحيى ايه المشكله

يحيى:انت ناسي انت كنت مبطلها ليه عندك حساسيه وغلط عليك

عمر ببرود وكإنه مسمعش حاجه خود الملفات دي راجعها انا تقريبا مخلصها ونزلها بعد كدا الاداره

يحيى اتنهد بضيق واخد الملفات وخرج

__________"________

عدى اسبوع

الوضع زي ما هو اسيل بداءت امتحانات

كل يوم ترن هلى عمر مش بيرد او يكنسل او يقفل الموبيل

في يوم في الجامعه بعد الامتحان

مي:بس الامتحان كان فيه نفطتين صعبين

اسيل.......

مي:اسيل؟؟

اسيل بشرود:ايه يامي؟؟

مي:بكلمك الامتحان كان عامل ايه معاكي

اسيل:عادي اهو اتحل وخلاص

مي:لسه مردش عليكي

اسيل واتجمعت الدموع في عيونها لا ..ومش عارفه في ايه؟؟

مي:طيب مش معاكي رقم تليفون الفيلا

اسيل وسكتت شويه وكأنها بتفتكر وكمان افتكرت يوم ما قالها انه مش بيدي الرقم دا ل اي حد

ايوه معايا عمر كان ادهولي عشان لو معرفتش اوصل عن طريق الموبيل

مي:خلاص رني عليه

اسيل وخرجت الرقم من موبيلها وفعلا رنت

اسيل:الو

نوال:ايوه مين؟

اسيل:لو سمحتي كنت عايزه اكلم بشمهندس عمر

نوال:بشمهندس عمر مش موجود حضرتك في الشركه

اسيل :طيب لما يرجع ممكن تعرفيه اني اتصلت بيه

نوال:اقوله مين؟

اسيل:قوليله اسيل خالد

نوال:تمام حضرتك

اسيل قفلت

مي:اكيد هتبلغه لما يرجع

اسيل:اكيد ..قلبي مش مطمن يامي

مي:يابنتي خير ممكن يكون مشغول

اسيل:لدرجة ميكلمنيش

مي:اسيل عمر رجل اعمال كبير مش مهندس وبس...

اسيل:تتهدت بتعب ماشي..

________________

عمر رجع الفيلا في وقت متأخر

قابلته مديرة المنزل نوال

نوال:حمدلله على السلامه يافندم

عمر بإرهاق الله يسلمك

نوال:احضر لحضرتك العشا

عمر:لا انا هنام

نوال:في تليفون جيه لحضرتك هنا

عمر:مين؟

نوال:واحده اسمها اسيل خالد بتقول لحضرتك كلمها ضروري

عمر:امتى الكلام دا؟؟

نوال:الساعه٢

عمر:تمام

_____________عدى كمان اسبوع

وعمر منغمس في الشغل ليل نهار

واسيل مشغوله في امتحانتها نوعا ما

وكان اخر يوم امتحان

كانوا خارجين من الامتحان

مي:الحمدلله اخيرنا خلصنا امتحانات

اسيل :الحمدلله

مي:ايه لسه عمر مكلمكيش

اسيل:لا مع اني كلمته قدامك في البيت

مي:مايمكن ما بلغهوش

اسيل بحيره مش عارفه

مي:طيب رني تاني واسالي كدا

اسيل خرجت الموبيل

ورنت

ردت عليها نوال

قالتلها انها بلغت عمر

اسيل:اهي قالت له ومتكلمش

مي:يعني ايه؟؟؟

اسيل:يعني هروحله

مي:انتي انتجنتي لا يا اسيل مينفعش

اسيل بدموع:انا يامي هتتجنن فعلا لو مفهمتش في ايه

مي:طيب اهدى في اكيد طرق كتير نعرف في ايه

اسيل:يامي عايش حياته وبيروح الشركه يبقا في ايه بقا انا هروح ولازم افهم في ايه

مي:لا مينفعش

اسيل سابتها ووقفت تاكسي ومشيت على طول

مي خرجت موبيلها ورنت على يارا

فضلت ترن كتير لكن مردتش عليها

اسيل نزلت من التاكسي قدام الشركه

بصت عليها كان مكتوب مجموعة شركات الشهاوي للهندسه والبناء والتعمير

شكل الشركه مش جديد عليها كانت شايفه مع عمر على الموبيل

دخلت الشركه

شعرت بدقات قلبها وهي ترجف

القت نظره سريعه شافت موظف في الرسبشن

الموظف:تحت امر حضرتك

اسيل:لو سمحت كنت عايزه اقابل بشمهندس عمر

الموظف:تمام بطاقة حضرتك

اسيل وخرجت بطاقتها

الموظف وجها للكمبيوتر اللي قدامه وزي مايكون حطها على جهاز تعريف

الموظف:اتفضلي

اسيل اخدت البطاقه وركبت الاسانسير

وصلت للدور اللي فيه مكتب عمر

كانت السكرتيره موجوده

اسيل:مساء الخير

عبير:مساء النور تحت امر حضرتك؟

اسيل:كنت عايزه اقابل البشمهندس عمر

عبير:اسم حضرتك؟

اسيل:اسيل خالد الجمال

نهى وبصت شويه على الكمبيوتر اللي قدمها

بس اسم حضرتك مش موجود في المواعيد النهارده

ممكن تاخدي ميعاد بس هيكون يوم الثلاثاء

اسيل:لا معلش ادخلي قوليله اسيل خالد بره

نهى :انا اسفه مش هينفع

اسيل:لا هينفع ..تمام هوريكى هينفع والا لا

اسيل واتحركت وراحت اتجاه المكتب

ونهى وراها حضرتك مينفعش كدا هتعمليلي مشكله

اسيل وفتحت الباب...

ر

اسيل فتحت الباب ودخلت

اسيل:السكرتيره بتاعتك بتقولي اخد ميعاد وانا طبعا مش هستني مواعيد

عمر بس بصدمه اخر حاجه توقع انها تيجي بنفسها

نهى:يافندم حاولت امنعها بس..

عمر شاورلها بايده انها تخرج

نهى واتحركت بهدوء وخرجت وقفلت الباب وراها

اسيل وقربت من عمر اللي كان قاعد على مكتبه

اسيل:في ايه ياعمر مش بتردعليا ليه بقالك اسبوعين

عمر وهو بيبص في الاب توب عادي يعني مشغول

اسيل:طيب ليه موبيلك مقفول ولما ارن عليك مش بترد او تكنسل

عمر ببرود ظاهري:خلاص بقا يا اسيل كانت فتره وانبسطنا وخلاص

اسيل:بعد فهم يعني. ايه؟

عمر:يعني انا محبتكيش او حسيت انك مش مناسبه ليا

اسيل ثوان مصدومه من كلامه ازاي يعني كل دا كان كذب

عمر:مش بالظبط بس اتسلينا انا وانتي

اسيل وقربت من عمر وبقا وشها في وشه طيب ياعمر انا عملت حاجه زعلتك قولي لو انا عملت دا ومش عارفه

عمر بجمود ظاهري يتصف ببالبرود:بالعكس انتي كيوت خالص بس سوري انتي مش مناسبه ليا

اسيل وخبطت على المكتب واشمعنا حسيت دا دلوقت

عمر بصلها واتفاجىء من طريقتها

اسيل وكملت بدموع طيب ليه ..ليه ياعمر ماكنت سابني في حالي اما انت مش واثق في حبك ليه جيت قولتلي ليه انا كنت عايشه في حالي ومرتاحه والله مابحب حتى اأذي حد ليه تأذيني بالشكل

ومسحت دموعها بايدها بعشوائيه

.انت عارف انت عملت ايه انت رفعتني لسابع سما ودلوقت بتنزل لسابع ارض ليه ياعمر

عمري ماحسيت بالامان غير معاك انت ليه ادتني امان الدنيا كله وفجاءه بتاخده دلوقت

عمر وحس لحظه انه هيضعف اعتقد وقتك انتهى انتي شايفه انا مشغول قد ايه

اسيل بعصبيه ودموعها نازله:والمفروض انا اقول حاضر ياعمر بيه تحت امر حضرتك اوامرك وامشى وانفذ ..

اسيل وعلت صوتها اكتر لا ياعمر بيه انا مش السكرتيره بتاعتك ولا شغاله عندك

انا بس عايزه اقولك حاجه انك احق.ر انسان عرفته في حياتي انا بكرهك بكرهك بحجم الحب اللي حبتهولك .بكرهك لان انت اكترحد جرحني في الدنيا

اسيل وخرجت

عمر بغضب ووقع كل حاجه المكتب بايده

اسيل مشيت في الطرقه بخطوات سريعه

قابلها يحيى اللي اتفجاء بوجودها

يحيى:اسيل انتي هنا؟؟

اسيل بصتله وكانت دموعها نازله

ومشيت بسرعه وسابته

يحيى اتحرك بسرعه وراح عند عمر

دخل المكتب

كان المكتب حاله غير العادي كل اللي على المكتب

على الارض

وقف وراء عمر اللي كان واقف جمب الشباك اللي بيطل على الشارع

عينه على بوابة الشركه

اسيل خرجت ومشيت

يحيى:قولتلها ايه ياعمر؟قولتلها ايه مخليها منهاره كدا

عمر ومازال على وضعه قولتلها اني محبتهاش واني كنت بتسلى بيها وانها مش مناسبه ليه

يحيى:ليه ياعمر تجرحها كدا ليه انا عارف اسيل كويس متستاهلش كل دا انا عارف حبتك قد ايه لو مكنتش حبتك مكنتش جاءت هنا بنفسها

عمر ودور وشه ليه اعمل ايه قولي اعمل ايه اقولها اقرب ناس ليكي حطوكي في طريقي عشان احبك وتبقى نقطة ضعفي وبردوه مش هينفع اجوزك

يحيى:ليه ياعمر؟؟

عمر:انت عارف ليه مش بعد السنين دي كلها هحط ايدي في ايد اللي قتل ابويا

يحيى:ياعمر احنا معندناش دليل ان هو معندناش دليل واحد ان صلاح علام هو اللي فك فرامل عربية خالي

عمر:انا بقا سامعه قبل الحادثه بيوم وهو بيهدد بابا انا هيقتله لو مسبلوش الصفقه دي

يحيى:تهديد لكن منعرفش حصل والا لا ياعمر في اقاويل كتير والدنيا وقتها كانت متلغبطه وبعدين التحقيقات كلها اثبتت انه برئ

عمر:لان ملاقوش دليل يحيى متحاولش هو هيفضل متهم قدامي لحد مايطلع واحد تاني ان هو اللي عمل كدا.......

_____&&&&&&&&________

اسيل خرجت من الشركه

مكنتش عارفه تعمل ايه

فضلت ماشيه وهي بتبكي موبيلها رن

خرجته وقفلته

فضلت ماشيه لحد ما حست بالتعب لاقت رصيف قعدت عليه وفضلت تعيط....

_____________

في منزل صلاح علام

يارا:قفلت الموبيل

نسرين:والحل هنعمل ايه ازاي تروح هناك

يارا:انا اتفأجئت لما مي كلمتني بعد الاجتماع

نسرين:هنطمن ازاي انا خايفه يأذيها

يارا بضيق:يأذيها؟؟مش انتي قولتي بيحبها وعمره ما يأذيها

نسرين بتردد:مش لدرجة تروحله بنفسها

يارا:اسيل لو جرالها حاجه لهسامحكم ولاهسامح نفسي

دخلت اسيل عليهم

الاتنين شافوها جروا عليها

يارا:اسيل انتي كويسه؟

اسيل بصتلها بصمت وطلعت على فوق

يارا:تفتكري قالها ايه؟؟

نسرين:مقالهاش حاجه لوكان قالها حاجه مكنتش جاءت هنا اطلعي شوفي قالها ايه

يارا اتحركت بسرعه وطلعت وراها

خبطت بخفه ودخلت

كانت اسيل نامت على سريرها

يارا قربت منها

كانت نايمه ومغمضه عيونها ودموعها نازله

يارا:اسيل انتي كويسه؟

اسيل........

يارا وحضنتها بخفه طمنيني عليكي ياحبيبتي

اسيل مش بترد ودموعها نازله وبس....

__________

في المساء

عمر رجع بعد ما خلص شغل

طلع على اوضته دخل الحمام الخاص به واخد شاور

صورة اسيل مش راضيه تروح من قدامه وكلامها يتردد جواه وبيموته في كل لحظه عمره ما ظلم حد واول ما يظلم يظلم اكتر انسانه حبها في حياته وياريتها تستاهل الظلم دا

مسألش عنها مكانش فارق معه اي حاجه لو حتى كانت بنت مين ابوها حرامي قاتل اي كان كان هيخطفها ويبعدها عن كل الدنيا دي بس دول لا دول اخدوا اعز انسانفي حياته كلها ابوه واللي بعد ما مات حياته كلها ادمرت

بس والله لاندمهم على كل دا

خرج من الحمام

لابس لبس بيتي مريح

ونزل يشتغل في مكتبه هو دافن نفسه في الشغل ليل نهار...

_____________

عدى اسبوع

في فيلا علام كل الوضع بيزداد سوء مع اسيل

اللي مش بتاكل وعايشه تقريبا على المحاليل ورفضه الكلام نهائي

الدكتور:زي ما قولت لحضراتكم الانسه مشكلتها مش عضوي نفسي هي تقريبا في حاجه كبيره مزعلها عشان كدا رافضه الاكل والكلام

نسرين:طيب والحل يادكتور ايه؟؟

الدكتور وخرج كارت من جيبه دا رقم دكتور نفسي وبيجيى كمان البيت لو هي مش حابه تروح عياده

يارا:واخدت الكارت انا هرن عليه

وفعلا اخدت الرقم ورنت عليه

نسرين وصلت الدكتور

موبيلها رن وكان يحيى

نسرين اتردد ترد بس لازم ترد

نسرين:الو

يحيى:اسيل مش بترد على. موبيلها ليه؟

نسرين:نايمه

يحيى:نايمه بقالها اسبوع مش بترد

نسرين بتردد:لا طبعا..بس هي مش عايزه ترد على حد

يحيى:امممم ماشي بس والله اسيل لو جرالها حاجه ماحد في الدنيا هيرحمك مني سامعه لان انا عارف انك اساس كل الحورات دي

وقفل الخط في وشها

نسرين اتنهدت بضيق ورمت الموبيل جمبها

جاءت يارا

يارا:انا كلمت الدكتور واتفقت معه هيجي بكره

نسرين:ماشي

يارا وقربت منها في ايه مالك؟

نسرين:يحيى لسه قافل معايا

يارا قلبها انقبض وبلعت ريقها بتوتر كان عايز ايه؟؟

نسرين:عايز يعرف ليه اسيل مش بترد عليه

يارا:وقولتله ايه؟؟

نسرين:قولتله انها مش عايزه ترد على حد بس هو شاكك وكمان هددني

يارا:طيب والحل لو فضلت كدا هنقول ايه؟؟؟

نسرين بحيره وخوف مش عارفه مش عارفه

يارا وقعدت بتعب وتفكير مش عارفه هتواجه يحيى ازاي وخصوصا انه من يومها مرنش عليها

&&&& ________

تاني اليوم الدكتور جيه

يارا قابلته

يارا:اهلا دكتور بلال

(بلال نصار شاب في الثلاثينات من عمره كان بيشتغل في المانيا ولسه راجع دكتور نفسي)

بلال:اهلا بحضرتك انسه يارا طبعا حضرتك اللي كلمتني على الموبيل

يارا:ايوه حضرتك انا اللي كلمت بخصوص بنت عمتي اتفضل هي موجوده فوق

بلال:طيب ليه متكونش الجلسه في الجنينه احسن هوا متجدد

يارا:للاسف هي مش راضيه تخرج من الاوضه هي اصلا رافضه كل حاجه اكل وشرب وكلام اي حاجه

بلال:ايه اللي وصلها للحاله دي؟

يارا بصتله بتردد

بلال:لا اتكلمي دي هتبقى المريضه بتاعتي وبعدين كوني عارفه انا دا طبعا محدش هيعرفه ولو انتي مش شايفه اني قد الثقه دي مفيش داعي نكمل والف ارجع تاني

يارا:مش بالظبط يادكتور بس انا كمان في حاجات مش فاهمه هي كانت بتحب واحد وحصل مشكله وسابوا بعض بس انا معرفش تفاصيل اللي حصل بينهم ووصلها لكدا

بلال:تمام خلاص وصليني بها

يارا دخلت الاول قعدت اسيل عدلت لها حجابها

يارا:اتفضل يادكتور بلال

بلال ودخل مساء الخير

اسيل بصتله بنظرات مش مفهومه

يارا:دا دكتور بلال يا اسيل هيتكلم معاكي شويه

اسيل وبصت بصمت

يارا:تمام حضرتك تشرب ايه؟

بلال:تمام ممكن نسكافيه

يارا:تمام هبعته لحضرتك

يارا خرجت

بلال بص حواليه كانت الشبابيك مقفوله

بلال اتحرك وفتحها

اسيل حطت ايدها على وشها من الضوء

بلال بص حوليه

كان في كرسي عند مكتب

بلال :معلش بقا هناخد الكرسي بتاعك شويه

اخد الكرسي وحطه قدام السرير اللي قاعده عليه اسيل

خلع البليزر اللي كان لابسه

وقعد

كانت اسيل بتبصله بصمت

بلال وصعبت عليه اد ايه الجمال دا بيتعذب وخصوصا لما شاف المحاليل في ايدها

ابتسم بخفه على نظرتها ليه

بلال:ايه بقا اللي مقعدك في الكتمه دي مفيش احسن من كدا والشمس الجميله دي

اسيل بصتله بصمت

بلال:تمام اعرفك بقا نفسي بوصي ياستي

انا بلال نصار دكتور نفسي درست طب نفسي هنا جامعة القاهره بعد ماخلصت دراسه قولت بس السفر زي اي شاب حلمه السفر سافرت عندي حاليا٢٩ سنه داخل على التلاتين اللي يريحيك احسبيه

وقتها اسيل سرحت

بلال وحس ان السن دا فكرها بحاجه معينه

كمل فضلت ٥سنين في المانيا

وقتها اسيل دموعها اتجمعت في عيونها

بلال وحس ان في كمان حاجه مرتبطه بالمكان دا

بلال وكمل

وبعد الخمس سنين قررت ارجع هنا مصر

بس تعرفي مصر اتغيرت اووي عن الاول حتى ناسها كمان اتغيرت

بلال فضل يتكلم في مواضيع مختلفه قدام اسيل

صحيح هي طوال الوقت ساكته بس يكفي انها بتسمعه خلص الجلسه اللي تقريبا كانت مدتها ساعتين

سلم عليها

ونزل قابلته يارا

يارا:ايه الاخبار يا دكتور

بلال:تمام هي تقريبا عندها صدمه كلاميه ونفسيه

يعني تقريبا حصل حاجه او سمعت حاجه هي مكانتش متوقعها المهم دلوقتي تحاولوا انها تاكل عشان موضوع المحاليل دا مينفعش

يارا:والله يادكتور بحاول معها كل يوم

بلال:مفيش حاجه اسمها كل يوم طول الوقت متمليش لحظه

يارا:حاضر

بلال خرج من فيلا علام

وركب عربيته ومشي

شاف مطعم

نزل وقرر يتغدى فيه

قعد على احدى الترابيزات

وطلب اكل معين

وهو قاعد عين جاءت على حد يعرفه

بلال في نفسه معقول هو عمر الشهاوي

بلال وقام بسرعه

وقرب من تربيزة عمر

بلال:عمر وحشتن...

بلال مكلمش الكلمه لان الحرس منعه

بلال :عمر وحشتن...

الحرس وقف قصاد بلال وحجبه عن عمر

بلال:في ايه ياعم دا صاحبي..

عمر ونزل فنجان القهوه وبص اتجاه الصوت

عمر:سبوه

الحرس بعد عن بلال اللي قرب من عمر

بلال بلهفه وحشتني ياعمر

عمر بصله شويه وكأنه بيفتكر من دا

بلال وهو بيقعد قصاده في:بتهزر مش فاكرني؟!! يابن الذوات

عمر وقام وقف بسعاده مختلطه بالدهشه بلال نصااار

الاتنين حضنوا بعض

بلال:والله وحشتني يابن الذوات

عمر بابتسامه وانت كمان ..لسه فاكر الكلمه دي؟؟

بلال:اه طبعا يابني دا انا مفتكركش غير ييها واحشني يا ابن الايه والله ..ايه بس حرس ونظام

عمر ابتسمت بملل والله نفسي امشيهم

بلال بتعجب:طيب سايبهم ليه؟؟

عمر:حوار طويل ..المهم انت اخبارك ايه ورجعت من السفر امتى

بلال:رجعت من حوالي ٣شهور تقريبا

عمر:ايه رجعت ليه مليت والا ايه؟

بلال:مش بالظبط بس حسيت اني نفسي ارجع او تقول تعبت من الغربه

عمر:بس اتغيرت طولت شعرك واستايل لبسك اتغير عن الاول

بلال بهزار:اكيد احتليت من الالمان

عمر:ههههههههههه لسه دمك خفيف زي ما انت..والحاج محمود نصار موافق على دا

بلال:ابويا اتوفى من اربع سنين

عمر بزعل:سوري انا معرفش الله يرحمه

بلال:عادي يابني انا عارف ربنا يرحمه ويغفرله

عمر:انا كنت بحبه اووي كفايه انه كان شخص كريم ومضايفته ملهاش مثيل

بلال:وهو كمان كان بيحبك ياعمر

عمر:قولي بقا وبتستغل ازاي دلوقت

بلال:بشتغل في مستشفى خاصه وبروح جلسات في البيوت وكدا

عمر:بجد ازاي؟؟

بلال:عادي يعني في ناس مش بتحب تروح لدكتور مستشفى او مثلا مش عايزه تؤدي ولادها هناك فا انا بروح للمريض انت عارف الموضوع عندنا في مصر حساس شويه عكس المانيا

عمر:اممم ربنا يوفقك لو في حاجه معينه عايزني اساعدك فيها انا موجود

بلال:لا ياعم تشكر انا عارف ان بقينا فوق يعني شوفت شركتك قبل كدا على النت ودورت على اكونتك القديم ملقتوش

عمر:انا قافله من زمان وعامل واحد تاني

بلال:حاولت اوصلك وانا بره كتير ومعرفتش وبعد مارجعت بفتره روحت الفيلا بتاعتكم القديمه بس لقيتها مقفوله

عمر:اه انا سايب هناك من حولي ٦سنين

بلال:انا كان معايا عنوان الشركه وكنت هجيلك بس سبحان الله قابلتك هنا صدفه

عمر:ايوه احلى صدفه يابلال

بلال:وانت اخبارك ايه اتجوزت والا لسه ؟؟

عمر للحظه حس بوجع جواه وافتكر اسيل

بلال:ايه يابني روحت فين؟؟

عمر:لا لسه

بلال مرضيش يزود كلام لانه حس في حاجه

بلال قلبها بهزار شبهي يعني

دا

عمر بانتباه انت ليه فعلا لسه دا ايوك كان عايز يجوزك وانت في الكليه

بلال:ههههههههههه عشان كدا سافرت

عمر:طيب مفيش حد كدا والا كدا في المانيا

بلال:يابني انا صعيدي حتى لو شكلي ولبسي اتغير فعقلي لا بتوع المانيا دول مينفعونيش

صمت لثوان

يقطعه ضحكات بلال بصوت عالي

عمر بصله بدهشه ..وضحك هو كمان وكأنه فهم ضحكه ليه

عمر بضحك وطي صوتك الله يحرقك الناس بداءت تبص علينا

بلال وهو بيضحك:فاكر ياعمر يوم الكشري والدقه

عمر:هههههههه خلاص بقا يابنى انسى

بلال:ههههههه انسى ازاي وانت كنت هتموت مني

عمر:ههههههه ماهو بصراحه محدش يأكل كشري الصبح

بلال:يابني هو احنا كنا لوحدنا ماكان فيه ناس كتير على العربيه غيرنا كتير

عمر:هههههههههه ماهو لحد النهارده عندي حساسيه بسبب الموضوع دا ومش بأكل اي حاجه حاره واو متلجه وبتعب لما بأكلها

بلال:هههههههههه هو انا سميتك بن ذوات من فراغ...

عمر وبلال فضلوا يتكلموا مع بعض في حاجات كتير

وبعد كدا اخدوا ارقام وعناوين بعد وكل واحد رجع على بيته

_______________________________

بعد يومين

بلال كان عنده جلسه مع اسيل

وكالعاده هو بيتكلم وهي بتسمعه بصمت

بلال كان واقف قصاد الشباك بيرتشف من فنجان القهوه

بلال بيعملوا ،عندكم القهوه حلوه اووي بتكون مظبوطه بشكل

ابتسمت اسيل ابتسامه خفيفه

بلال لاحظ بس معلقش

بلال:ليكي في القهوه شكلك؟؟

اسيل:حركت دماغها بلا

بلال:اممم حسيت كدا بردوه

بلال وسحب كرسي وقعد قصاد اسيل

بلال :ايه بقا اللي مزعل ست البنات من الدنيا دي وكمان ويستاهل كل اللي انتي عاملاه في نفسك دا

اسيل وضغط على شفايفها ودموعها نزلت

بلال واخد منديل من علبه كانت جامبه وادهولها

اسيل واخدت المنديل ومسحت دموعها

صمت لثواني

قاطعته اسبل وبصوت متشحرج من اثر السكوت

اسيل: كنت بحبه اووي ..متوقعتش انه يجرحني كدا..

بلال واتكلم عادي ومظهرش مفاجئته انها اتكلمت

:لانه انسان مش ملاك معرض انه يغلط ويجرح ويخون كمان

اسيل:بدموع طيب ليه من الاول قالي انه بيحبني ليه فجاءه ظهر في حياتي وبقيت اشوفه في كل مكان وحب واحلام وخلاص هيطلب ايدي من خالو وفجاءه مش بيحبني واكتشف اني مش مناسبه ليه

بلال:يبقا ميستأهلش دموعك دي ولا كل اللي انتي عاملاه دا

اسيل ببكاء:وسهل اووي كدا اخود الموضوع عادي..واقول مش فارقه وميستاهلش

بلال:بوصي ياستي هو طبيعة الفراق بيبداء صعب وبيوجع اي كان نوع الفراق بس مع الايام وجعه بيقل لما بنهدا كدا ونقدر نستوعب الصدمه والواقع اللي بيقنا فيه وبنرجع نرتب حياتنا بس اهم حاجه احنا نساعد نفسنا

اسيل وبلال فضلوا يتكلموا كتير لدرجة انهم عدوا الساعتين

بلال لاحظ ان اسيل متحفظه في اي معلومات عن الشخص دا حتى اسمه مش بتقوله ودا كان مخيله مش قادر يفهم الحكايه بالظبط

لكن هو احترم دا

موبيله رن

كان عمر ونسي انه كان موعده انه هيتغدى معه عنده في الفيلا

بلال ويص في ساعته

بلال:ياااه الوقت عدى مإخدتش بالي

اسيل:اسفه لو عطلتك

بلال:لا عادي ولايهمك يا اسيل

موبيله رن تاني فاستذان منها ورد

بلال:الو ايوه

عمر:ايه يابني اتاخرت ليه ؟؟

بلال:معلش ياصاحبي انا نص ساعه وهكون عندك

عمر:تمام عشان احنا جوعنا على فكره

بلال:انتوا مين بقا؟؟

عمر:واحد هنا عايز يسلم عليك

بلال:اممم تمام ماشي انا مش هتأخر

بلال قفل مع عمر

بلال:سوري بقا يا اسيل هنكمل الجلسه الجايه واحد صاحبي عازمني على الغداء انا كنت نسيت الوقت اصلا

اسيل:عادي مفيش مشكله سوري لو اخرتك

بلال:ياستي اي حاجه فداكي المهم انك اتكلمتي وطلعتي اللي كنتي كاتمه جواكي دا عموما لسه هنتكلم كتير...

اسيل:تمام ..بس بليز محدش يعرف الموضوع دا هما غير يارا فمش عايزه حد يعرف

بلال بدهشه:انتي بتهزري طبعا الكلام محدش هيعرفه ولاحتى هتكلم فيه مع يارا ..على فكره انتي لو مش واثقه فيا مش هاجي هنا تاني

اسيل:مش فكرة ثقه بس الموضوع مش عايزاه حد يعرفه

بلال:لا دا ولا غيره ولا اي حاجه نتكلم فيها انا وانتي هتطلع ابدا

اسيل:تمام..

_________________________

في اوضة يارا

كانت واقفه قصاد الشباك

اتنهدت بتعب لما افتكرت من اسبوع لما قابلة يحيى في احد النوادي

كان هو وساره اخته وكان معاهم ولد صغير توقعت انه ياسين بن اخته وكان شكلهم بيتمشوا

يارا اول ما شافتهم كانت عايزه تتهرب من مقابلتهم قبل ما يشوفها عدت من جمبهم

لكن ساره لمحتها

ساره بتلقائيه يارا ازيك؟

يارا وقفت بتوتر

يارا ابتلعت ريقها وابتسمت بتوتر ساره ازيك عامله ايه؟

ساره وقربت منها :الحمدلله

سلموا على بعض

ساره:اخبارك ايه ؟

يارا:الحمدلله

يارا ووجهة كلمها ليحيى اللي كان واقف ولابس نضارته الشمسيه

يارا وكانت حاسه قلبها هيقف ازيك يابشمهندس

يحيى ببرود ومن غير ما يبص ناحيتها كويس

ساره:اسيل عامله ايه كويسه؟

يارا:اه الحمدلله كويسه

ساره:سلميلي عليها وقوليلها اني زعلانه منها مش بترد عليا

يارا وبصت ليحيى انه تقرببا مش قال لساره حاجه

يارا :حاضر

ساره:تعالي بقا نعزمك على حاجه

يارا:لا معلش انا متاخره النهارده مره تانيه

ساره:طيب نوصلك؟؟

يارا:لا شكرا انا معايا عربيتي عايزه حاجه؟؟

ساره:شكرا ياحبيبتي

فاقت لما لاقت بلال واقف مع نسرين في الجنينه بس كان شكلها مبسوط

خرجت من اوضتها بسرعه ونزلت بس هو كان مشي

يارا وقربت على نسرين هو دكتور بلال مشي كنت عايزه اطمن على اسيل

نسرين بفرحه قالي انها اتكلمت

يارا بسعاده مصحوبه بالدهشه بجد ياعمتو

نسرين:اه والله

يارا سبتها وطلعت جري عند اسيل فوق في اوضتها

____________________

بلال وصل عند فيلا عمر

الامن فاتحله الباب

ودخل بعربيته

اتفأجاء هناك بيحيى وفرح جدا ان شافه

بلال:والله واحشني يايحيى

يحيى: وانت كمان يابلال احسن حاجه انك رجعت

عمر :اتاخرت كدا ليه؟

بلال: كنت في شغل معلش والوقت سارقني

عمر:قصدك الكلام سرقك؟؟

بلال :تقدر تقول كدا فعلا حاله كانت ملعبكه شويه

يحيى:بتتعب اوي انت في الشغل دا يابلال

بلال:اتعودت والله يايحيى

عمر:هو اصلا بيحب وجع القلب زمان اتحايلت عليه يدخل علمي رياضه ويكون مهندس معايا

بلال:اوووف رياضه ايه انا مبطقش سيرتها

عمر:طيب يلا عشان الغداء جهز

قعدوا التلاته اتغدوا سوا

________________

دخلت من غير ما تخبط على الباب

كانت اسيل بتصلي وساجده

يارا قعدت جمبها

كانت بتعيط من الفرح وهي بتبصلها وصوتها بيهمس وهي بتصلي

اسيل خلصلت صلاه

يارا حضنتها بفرح وهي بتعيط وكمان اسيل

يارا بدموع انا فرحانه اووي انك اتكلمتي

اسيل ومسحت دموع يارا بايدها بس متعيطيش انا كويسه دموعك دي عندي غاليه يا يارا

يارا وزادت في العياط اكتر

اسيل :خلاص بقا يا يارا كدا هتخلني اتعب

يارا ومسحت دموعها لا خلاص خلاص.. كفايه تعب بقا

والاتنين حضنوا بعض اكتر

________

عند عمر

خلصوا غداء وطلعوا قعدوا قدام البسين

بلال:البسين مغري اووي للنزول

عمر:ماتيجي ننزل

بلال:معملنش حسابي

عمر:هخليهم يجبولك ميو ..ماشي يايحيى؟؟

يحيى:ماشي تمام

دخلوا اوضه لبسوا فيها وخرجوا

نزلوا البسين

بلال:انت طبعا اللي عامل الفيلا دي ياعمر

عمر:مش بالظبط بس يحيى هو اللي مجهز فيها اكتر حتى مهندس الديكور هو اللي كان جايبه

بلال:ذوقك حلو يايحيى تسلم ايدك

يحيى:تسلم ياصاحبي

بلال:بس غريبه فكرة تقفيل البسين دي

يحيى:دي فكرة عمر هو اللي عمالها لسه قريب

بلال اشمعنا يعني ياعمر فكره غريبه شويه ولو متجوز او بتفكر كنت قولت عاملها عشان كدا

وقتها عمر ويحيى بصوا لبعض

يحيى لاول مره ياخد باله ان ممكن كان عامله عشان اسيل هو فكر تغير وفكره جديده وبس لكن هو عمله في الفتره الاخيره

بلال لاحظ وحس ان في حاجه

صمت لثوان

بيقطعه عمر عادي ياعم اهو تغير

عمر وبعد عنهم شويه وقف في جمب وسرح في دنيا تانيه

فلاش باك

اسيل:اه بجد بحب السباحه اووي عشقي كدا وشاطره فيها كمان بس للأسف مش بعرف امارسها

عمر:ليه يعني..اعتقد في بسين عندكم في الفيلا

اسيل:ايوه موجود بس انت ناسي ان عايشه مع خالي وابنه واكيد مش هبقا براحتي ووبصراحه موضوع الحجاب كمان حاسه انها حاجه غريبه ومتنفعش ..انا عارفه ان في ناس كتير محجبه وبتمارسها بس انا معرفش اعمل كدا وليا لبس معين معرفش اغيره

عمر:اممم فهمت خلاص لما نتجوز هتمارسيها زي ما انتي عايزه

اسيل:ازاي دا انت عندك حرس اكتر من شعر رأسك

عمر:ههههههههههه على اساس عدتيتي شعر رأسي عموما خليها مفأجاه هتعجبك

عند بلال ويحيى

بلال:صاحبك ماله؟؟

يحيى وهو بيبص على عمر اللي شكله في دنيا تانيه مالو؟؟

بلال:بيسرح مننا كتير

يحيى بهزار:انت هتعمل علينا دكتور نفسي

ابتسم بلال بخفه بجد مش عاجبني ماله في ايه مش عمر انا عارف عمر كويس انا كنت معه في اصعب اوقات ومكنش كدا كان اقوى من كدا ايه اللي كاتمه جواه اووي كدا

وقتها موبيل عمر رن

عمر طلع واخد البشكير وحطه عليه

مسك الموبيل

عمر:الو

:مساء الخير يابشمهندس

عمر:مساء النور مين ؟؟

:معاك كمال رشوان

عمر:اهلا كمال بيه حمدلله على السلامه

كمال الله يسلمك

عمر:اتمنى المدام تكون بقت احسن

كمال:الحمدلله بقت احسن

عمر:حمدلله على سلامتها

كمال:الله يسلمك...كنت عايز اقابل حضرتك عشان نكمل الشغل

عمر:تمام تشرف في اي وقت في الشركه

كمال:طيب انا كنت عايز نتعشا سوا عندي بكره نتكلم في شوية حاجات قبل مانمضي العقود

عمر:والحاجات مينفعش نتكلم فيها في الشركه

كمال:يعني مش عايز ناكل عيش وملح مع بعض

عمر:مش دا المقصود بس انت عارف اني مشغول طوال الوقت

كمال:دا طلب من واحد قد والدك

عمر باحراج :تمام ياكمال بيه

كمال:هستناك بكره الساعه٧

عمر:تمام ..مع السلامه

كان بلال ويحيى خرجوا من البسين

يحيى:ايه كمال رشوان رجع

عمر:اه رجع وعازمني بكره على العشاء عنده

يحيى وقعد قصاد عمر خير؟؟

عمر :مش عارف هنعرف بكره

فضلوا يتكلموا مع بعض الثلاثه

وبعد كدا كل واحد روح بيته

________________

تاني يوم

عمر راح على بيت كمال رشوان

كمال استقبله هو وزوجته فريده

كمال:اهلا اهلا يابشمهندس

عمر:اهلا بحضرتك يا كمال بيه

فريده:والله مبسطوين ان حضرتك منورنا

عمر:دا نور حضرتك وحمدلله على سلامتك

فريده بابتسامه :الله يسلمك

نزلت على الدرج فتاه في منتصف العشرينات

ودي فرح بنت كمال وفريده وبنتهم الوحيده فتاه جميله ورقيقه تتمتع ببشره خمريه وعيون عسليه وشعر بني

كانت ترتدي دريس ببكم وطويل وبسيط لونه ازرق ووتطلق لشعرها البني العنان

اقتربت منهم وابتسمت بهدوء

فرح:مساء الخير

الجميع:مساء النور

كمال:تعالي يافرح

ثم وجه كلامه لعمر اعرفك ياعمر بيه فرح بنتي مهندسة ديكور

عمر بابتسامه خفيفه:اهلا انسه فرح

فرح وقابلته نفس الابتسامه اهلا بشمهندس

ر

نهوى الرحِيل حِينَ تنتهي كُل حُلولِ البقَاء، نحملُ علىَ أكتافنَا أوجَاعنَاً بِرأس مُنخفضْ وخطواتٍ ثقيلة.

عدى اسبوع

اسيل بداءت تخرج

رجعت لحياتها بداءت تروح مكتبات وتجيب كتب ماهي دي اكتر حاجه بتحبها بعد السباحه

اسيل كانت راجعه مع عم على في العربيه

موبيلها رن وكانت مي

اسيل وفتحت الخط الو

مي:ايه يا اسيل واحشتني

اسيل بابتسامه خفيفه وانتي كمان يامي

مي:الحمدلله انك كويسه والله كنت كل يوم بطمن عليكي من يارا انا بس معرفتش اجيلك ماما كانت تعبانه اووي

اسيل:ايوه يارا قالتلي ..هي عامله ايه دلوقت

مي:الحمدلله لسه راجعه بيها من المستشفى امبارح

اسيل:طيب انا هجيلك دلوقت

مي:لو تعبانه انا كنت هجيلك

اسيل:لا انا كدا كدا قريب منك عشر دقايق وهكون عندك

مي :تمام..

_____________________

في شركة الشهاوي

عمر ويحيى كانوا بيخلصوا شغل

يحيى:مقولتيش عملت ايه مع كمال رشوان

عمر:عادي اتكلمنا في شغل بس مش كتير هو هيجي هنا يوم الاربعاء نتكلم في كل حاجه

يحيى:تمام

وقام وقف انا هنزل الشغل دا الاداره وارجع

عمر:تمام ..عامل حفله يوم الخميس بمناسبة رجوع مراته

يحيى وهو واقف:تمام روحها انت بقا

عمر: لا لازم تيجي هيبقا فيها شغل اكتر

يحيى وقعد قدامه مليش في جو الحفلات دا

عمر وطلع سيجاره وولعها

عمر وخرج دخان معلش تعالى على نفسك المره دي يايحيى انا عايزك تكون معايا وبعدين اصلا ليك كارت دعوه وصلوا الصبح

يحيى: تمام ياعمر انا هاجي....

____________________

في فيلا علام

رن هاتفه المحمول

مروان وقرب وكان رقم غريب

مروان:الو

:ايوه بشمهندس مروان

مروان:ايوه مين معايا؟؟

:واحده معجبه

مروان وانفجر ضاحكا والله وايه كمان

:يعني عجبك الكلام

مروان:بقولك ايه اطلعي من الحوار دا حمدلله على السلامه الاول

فرح:الله يسلمك ..كارت الحفل وصل عندكم

مروان:ايوه من الصبح

فرح:لازم تيجي بقا

مروان:اكيد مش هفوت دا

فرح:تمام هستناك بقا..اه صحيح سجل رقمي بقا

مروان تمام ياقمر

__________________

وصلت عند مي اللي قابلتها بفرح

واحتضنتها بسعاده

مي:واحشتني ياقلبي

اسيل:وانتي كمان يا مي ..طنط عامله ايه؟؟

مي:الحمدلله يا اسيل.. الايام اللي فاتت كانت صعبه اووي

اسيل:معلش مكنتش جمبك

مي وهي تضغط على ايد اسيل بحنو انا اللي اسفه مكنتش جمبك خالص بس غصب عني

اسيل:المهم هي بقت دلوقتي احسن

مي:اه الحمدلله

اسيل وخرجت ورقه

مي:ايه دي؟؟

اسيل:دراجاتك النتيجه ظهرت

مي ومسكت الورقه وبصت فيها شويه الحمدلله لسه في الترتيب ..وانتي يا اسيل

اسيل:الحمدلله طلعت الاولى بردوه

مي وحضنتها بفرح الحمدلله .......

_________________________

تاني يوم

كانت اسيل في جلسه مع بلال

بلال طلب منها انهم يقعدوا في الجنينه

بلال:ايوه يابنتي هواء هنا متجدد

اسيل:تمام

بلال:عامله ايه النهارده؟؟

اسيل:تمام الحمدلله

بلال:شكلك بقيتي بتخرجي

اسيل:ايوه كنت في المكتبه من ساعتين كدا

بلال:اممم بتحب الكتب انتي اووي

اسيل: ايوه بلاقني نفسي فيها

بلال. وابتسم بخفه مع اني بشوفك كيوته كدا

ابتسمت اسيل بخفه واتكلمت بمرح ولا كيوته ولاحاجه انا بردوه لما بتعصب ببقا حاجه تانيه

بلال:ازاي يعني؟؟

اسيل:يعني يوم ما قالي انه مش بيحبني وانه كان بيتسلى بيا انا شتمته كتير اووي قولتله انه واطي وحقير

بلال :ياشيخه ؟؟!دا اقصى ما عندك

اسيل: انت بتتريق ..هو مينفعش يتقاله كدا

بلال:يعني ايه مينفعش اسيل انا اعرف ستات بتخلي الراجل اللي يأذيها يلف حولين نفسه

اسيل:مش دا ولا انا

بلال:ليه هو مين؟؟

اسيل بصتله بصمت لثوان

قاطعه بلال:اسيل انا مش بسألك عشان اعرف تفاصيله او هو مين او عايش فين او حتى اسمه ايه ..وملاحظ انك متحفظه في اي معلومه ومقدر دا

اسيل بعيون دامعه:الفكره انه جوايا حاجه كبيره ..اقولك انا خلاص مش هقدر احب تاني مستحيل هقدر اعيش المشاعر دي تاني خلاص مستحيل هقدر ارتبط بحد اي نوع من الارتباط انا شايفه ان مفيش حد زيه حتى لو هو مكانش يستاهل دا

بلال:الايام بتنسي يا اسيل وربنا قادر يغير القلوب

بلال وحاول يغير مجرى الحديث

عارفه الانسان طبيعته بياخد انطباع واحد عن الشخص اللي قدامه وبيشوفه بنظره واحده دايما

يعني مثلا عندك انا عندي واحد صاحبي وقت ما تشوفيه تقولي بن ناس نضيفه انا دايما اقوله انت بن ذوات..

ابتسمت اسيل بخفه

بلال:اه والله اهله كانوا ناس كويسه ومستواهم كويس وناس مثقفه ابويا انا بقا كان راجل صعيدي عنده قد اللي عند ابوه عشر مرات اراضي وبيوت يعني من ناحية الغني انا اغنى منه برغم كدا هو عنده كاريزما في نفسه بردوه انه بن ذوات من وقت ما قبلته في ثانوي لحد. النهارده متغيريش في نظري ..حتى انتي يا اسيل في نظرى اموره مش بعاكس طبعا. ..هاديه وبسيطه ثم اكمل بصوت منفخض وطريقه مرحه

وبيني وبينك اكتر واحده متواضعه في البيت دا

انفجرت اسيل في الضحك

بعد كدا اتكلموا شويه وبلال مشي

برغم كدا بلال حس انها بقت احسن ودا فرحه جدا

_______________________

يوم الخميس

في منزل كمال رشوان

وخاصة في حديقة الفيلا الخاصه بيه

كانت تقام الحفله اللي عملها عشان شفاء زوجته

كان يقف هو وزوجته وابنته في استقبال الضيوف

وصل عمر ويحيى مع بعض

سلموا عليهم

كمال طلب من فرح انها توصلهم لجوه

وفعلا وصلتهم

جلسوا على احد الطاولات

فرح وقعدت تتكلم معاهم

عمر عرفها على يحيى

وبدواء ثلاثتهم يتحدثون

في الوقت دا وصلت نسرين ويارا ومروان

وسلموا على كمال وزوجته

يحيى وقابل ناس يعرفها استاذن منهم حد خد هو وبداء يتكلم معاهم في شغل

عمر وفرح فضلوا يتكلموا

فرح:انا بجد نفسي افتح مكتب بس للاسف مش لاقيه مكان

عمر:ليه في اماكن كتيره

فرح شوفت كذا مكان بس مش عجبوني

عمر بتفكير:طيب انا عارف مكان لوحابه تشوفيه

فرح:ياريت

عمر:خلاص تمام وقتةماتبقي فاضيه كلميني وانا هوصلك ليه

كانوا بيتكلموا

في عيون تانيه واقفه بتشاهد دا

يارا بسخريه:دا شكل واحد حبها شوفي هو هنا عامل ازاي وهي عامله ازاي ومش عارفه حتى ترجع ليومها العادي

نسرين:هو انتي مفكره حتى لو هو بيموت فيها هيظهر دا مستحيل

يارا وعبونها جاءت على يحيى اللي كان واقف ممع بعض الاشخاص وبيتكلم ..قد ايه نفسها تتكلم معه واحشها الكلام معه

هي عارفه انه مش طايقها بسبب موضوع اسيل

فاقت على صوت فرح اللي قربت منهم وبتسلم على نسرين

فرح:اهلا بيكي يابشمهندسه

نسرين:اهلا بيكي يافرح وحمدلله على سلامة ماما

فرح:الله يسلمك

فرح وقربت من يارا ازيك يا يارا

يارا:الحمدلله يافرح اخبارك ايه؟؟

فرح كويسه الحمدلله اومال فين مروان

يارا:كان هنا بس مش عارفه راح فين

فرح:خلاص انا هشوفه

فرح اتحركت وراحت تشوف مروان ولاقته

فرح:ايه يابني مختفى ليه؟

مروان:ابدا لقيتك مشغوله مع عمر بيه الشهاووي

فرح:اه بشمهندس عمر دا رجل في منتهي الذوق

مروان:اممم طيب كويس ربنا يجمع على خير

فرح بعدم فهم يجمع ايه؟؟؟

مروان:مش بتقولي في منتهى الذوق ناقص تقولي كيوت

فرح:مش للدرجه دي وبعدين شكله موس شغل وبابا بيعمل حساب لشغله معه اوووي

مروان بسخريه طيب كويس اهوه تهوني على بابا شويه

فرح بضيق خفيف:في ايه مروان مالك النهارده؟؟

مروان:مالي يعني ..اختي وبتمنالها الخير

فرح بضيق:اختك ايه بطل بقا التمثليه السخيفه دي

مروان بضيق:التمثليه دي انتي اللي اختراعتيها وبداءتيها كمان

فرح وزقته بخفه بايده يابنى ادم وقتها كنت بهزر معاك انا بابا وماما عارفين اني بحبك

مروان:بس انا شايف اننا اخوات زي ما انتي قولتي

فرح:اوووف بقا يابني بقا بطل طريقتك دي انت بقالك عليها سنتين...

_________________

كان عمر وكمال واقفين بيتكلموا

اقتربت منهم نسرين

فضلوا يتكلموا في شغل

كمال انسحب يسلم على ضيوف وصلوا

عمر وبص لنسرين برفووا التمثليه السخيفه اللي عملتها انتي وولاد اخوكي

نسرين باستعباط انا مش فاهمه حاجه

ابتسم عمر بسخريه هتفهمي لما اخليها ز فت على دماغك واعرفك انتي. بتلعبي مع مين

نسرين وابتلعت ريقها بتوتر وهي عارفه انه مش بيهدد وبس

يحيى كان قاعد على احد الطاولات بيراقب الموقف وعارف ان عمر مش هيتنازل بسهوله

فجاء حد قعد قدامه

وكانت يا يارا

يحيى بصلها ومتكلمش

يارا:عامل ايه يابشمهندس

يحيى بصلها ومردش

يارا بعيون دامعه انا عارفه انك زعلان مني بس والله الموضوع مش زي ما انت فاهم يحيى انا..

قاطعها يحيى انا شبعت تمثيل كفايه بقا ..قدامك في الحفله دي ناس كتير ورجال اعمال هيعجوبكي افضل مني ليكي وهتعرفي تتعاملي معاهم

وقام وسابها

يارا دموعها نزلت غصب عنها ...اه هي حبته يمكن عشان مش شبه اللي هي عايشه فيه مختلف بس الظاهر انها وصلت لطريق مسدود من البدايه

رفعت عيونها كان مروان واقف

بصلها بتساؤل بس هي تجهلت دا

يارا::مش يلا نروح بقا

مروان:يلا انا اصلا اتخنقت من جو الحفله دي

يارا:عمتو فين؟

مروان:هشوفها وهنروح

_______________________

تاني يوم

بلال خرج بعربيته عشان يشتري اكل من سوبر ماركت

لف شويه وجاب معظم الحاجه

فجاءه خبط حد بالعربيه

بلال ونزل بسرعه

بلال :سوري بس انا ضربت كلاكس اكتر من مره وانتي تقريبا مسمعتيش

مي بعصبيه:ليه شايفني طر..شه مبسمعش

بلال بضيق:معرفش انا بقا

مي:انت اللي سايق ومش شايف ان في بنى ادمين غيرك ماشيه على الارض

بلال:ليه سايق طياره

الناس بداءت تتلم حوليهم

مي ووطت على الارض وبداءت تلم الحاجات اللي وقعت منها

بلال بإحراج لو سمحتي قوومي وانا هلملك الحاجه مطوتطيش كدا الناس واقفه

مي:بضيق ملكش دعوه ملتمسش حاجه

بلال بصلها بضيق

مي اخدت حاجتها ومشيت حاجه تقرف

بلال زفر بضيق وركب عربيته وراح على شقته

__________________

عمر صحي من النوم

بص في الساعه كانت٢ م

عمر:ياااه نمت كل دا مستحش بنفسي

قام واخد شاور افتكر بلال

فكر يكلمه ويجي يتغدى معه

مسك الموبيل وقرر يرن عليه

بلال ووقف بالعربيه قصاد العماره

موبيل رن

قفل العربيه وفتح الخط

بلال بصوت زهقان:ايو ياعمر

عمر:ايه يابني صباح الخير

بلال وهو طالع على السلم صباح الخير ايه ياعم قصدك مساء الخير

عمر:مش هتفرق مالك زهقان كدا ليه؟؟

بلال:مفيش حاجه

عمر:طيب ماتيجي تتغدى معايا النهارده

بلال:طيب ماتيجي انت هجهز اكل يعجبك

عمر:وليه تتعب نفسك الشغالين هنا يجهزوا اكل لينا

بلال بهزار مش عايز تأكل من ايدي ياسي عمر

عمر:ههههههههههه ودا من امتى يااوختي

بلال:بجد تعالى بقا اهو حتى تشوف الشقه وكدا ونغير مكان

عمر:تمام اديني العنوان

بلال:العنوان..........

عمر:تمام

بلال:متتأخرش بقا

عمر:ماشي ..هكون عندك على ٥كدا

بلال:تمام

بلال قفل مع عمر

مي خارجه من شقتها بترمي كيس زباله في باسكت قدام الشقه

اتفأجات ببلال طالع على السلم

بلال كمان تفاجأ انها ساكنه في نفس العماره

بلال تجاهلها وطلع على السلم

مي بضيق كمان ساكن معايا في نفس العماره حاجه تقر..ف

بلال وهو مازال طالع على السلم ومدالها ضهره انا ساكت بس عشان انتي واحده ست غير كدا كنت وريتك القرف بجد

مي:لا الصراحه خوفت انا كدا

ودخلت ورزعت باب الشقه

بلال زفر بضيق وكمل طلوع سلم هو اصلا طلع السلم عشان يخرج الطاقه السلبيه ومركبش الاسانسير

ودخل شقته وبداء يحضر الاكل عشان عمر

وفعلا الساعه٥ عمر وصل هناك

اول ما وصل عند العماره افتكر انه موصل اسيل هنا معقول دي عمارة مي

طلع ووصل للشقه اللي ساكن فيها بلال

بلال جهز الاكل واكلوا سوا وفضلوا يتكلموا شويه

بلال:بقا تبقا في حفله ومتاخدنيش يا اسطى

عمر:ههههههه اسطى!!! انت يابني كنت شغال فين في المانيا وعموما هي اصلا كانت حفلة شغل

بلال:ماشي

موبيل عمر رن

كان رقم غريب

عمر:الو

:مساء الخير

عمر:مساء النور مين؟؟

فرح:انا فرح رشوان يابشمهندس

عمر:اه اهلا يافرح ازيك

فرح:الحمدلله...حضرتك كنت عايزه اعرف المكان اللي موجود فيه المكتب

عمر بتذكر اه تمام

فرح:حضرتك فاضي دلوقت

عمر:تمام ماشي

فرح طيب اقابل حضرتك فين؟؟

عمر :قابلني في ....

فرح:تمام

عمر قفل مع فرح

وقام وقف

بلال:ايه ياعم في ثانيه بعتني عشان م..زه

عمر:لا دا حوار كدا هبقا اقولك عليه بعدين

بلال:تمام

عمر ومشي

قابل فرح في المكان اللي قالها عليه

كان هناك موجود شقه دور ارضي كبيره

فرح:دي جميله اووي

عمر:خلاص تمام تقدري تبدائي شغل فيها

فرح:طيب فين صاحبها عشان امضي معه العقد

عمر:اعتبري نفسك مضيتي اعتبريها بتعتك

فرح:مش فاهمه

فرح باستيعاب هي الشقه دي بتاعة حضرتك؟؟

عمر:ايوه اعتبارها هديه مني ليكي

فرح:لا يابشمهندس دي هديه غاليه اووي انا مش هقدر عليها

عمر:ياستي اعتبرها بدايه صداقه هديه من صديق لصديقته

فرح:بس

عمر قاطعها

عمر:خلاص بقا تقدري تبدائي فيها شغل من بكره لو تحبي...

بعد كدا كل واحد ركب عربيته وروح

عمر كان مستغرب نفسه هو صحيح مش بيتخلى عن مساعدة حد بس بالذات مع الستات مش اووي

يمكن ساعد فرح لانه حس انها فيها من براءة اسيل

صحيح مش نقس الشكل ولا حتى استايل اللبس بس فيها حاجه شبها يمكن قرب السن اوحتى البساطه في الكلام

نزل من العربيه وادى المفاتيح للبواب

دخل الفيلا دخل على مكتبه وقرر ان هو يشتغل يمكن الشغل ينسيه

___&&&&&&&&------

عدى اسبوع

بلال كان عند اسيل في جلسه ويتكلم معها

صحيح مش بيروح طول الوقت لكن هما بقووو صحاب اكتر من دكتور ومريضته كمان شاف انها بقت احسن

كانوا قاعدين في الجنينه كالعاده

اسيل:لا استنى بقا هعرفك على واحده صاحبتي جايه دلوقت

بلال:تمام هتتأخر

اسيل:لا على وصول..اهي جاءت اهيه

مي قربت منهم

مي اول ما شافت بلال انت؟؟؟!

بلال ووقف:دي صاحبتك يا اسيل مش معقول

مي وقربت اكتر وبضيق قالت:مش معقول ليه مش عاجبك مثلا

بلال:بس يابت اخرسي

مي بضيق:بت في عينك انت شايفني بلعب قدامك في الشارع

بلال:شارع ايه؟؟بس يا بيئه اخرسي

مي بغيظ:بيئه في عينك

كل دا واسيل واقفه بينهم مصدومه ومش عارفه تسكتهم

اسيل :بس بقا ياجماعه في ايه انتوا تعرفوا بعض

مي:معرفة السواد

بلال:يابنتي والله انا ساكت عشان احنا في بيت ناس

اسيل:بلال فهمني انت في ايه؟؟

مى:دا بلال دا دكتور ..دا دكتور على ما تفرج

بلال :انا مش هرد عليكي لان مستواي اعلى من اني ارد عليكي

مي بسخريه:ايوه انت ساكن في الرابع وانا في التالت معلش

بلال كان هيرد

بس اسيل صرخت بس بقا والله حرام

وراحت وقعدت على احد المقاعد

مي راحت قعدت جمبها وبلال كمان اسيل بقت في نصهم

صمت لثوان

قطعته اسيل اللي انفجرت في الضحك على شكلهم

بلال كمان ضحك ومي..

في منزل علام

كانوا اخر النهار

نسرين:هنعمل ايه؟؟

مروان:مش عارف احنا مش معانا المبلغ اللي عمر عايزه دا ولاحتى اللي في البنك

نسرين:يارا نقدر نجمع المبلغ دا والا لا؟؟

يارا سرحانه وفي دنيا تانيه وتفكر في كلام يحيى

نسرين بنبره اعلى يارا انت فين انا بكلمك

مروان وبص ل اخته وفاهم اللي هي فيه معقول في حاجه بينها وبين يحيى اخر حاجه توقعها وهو كان فين

يارا :مسمعتش ياعمتو بتقولي ايه؟؟

نسرين:مالك يا يارا بقالك فتره مش عاجني

مروان وبيلصلها ومستني اجابه

يارا وبصتلهم بتوتر :مفيش حاجه ..كنتوا بتقولوا ايه

نسرين:هنعمل ايه في فلوس عمر

يارا:مش عارفه مفيش مزانيه تكفي دا هنحتاج فلوس

نسرين بتعب:انا عارفه ان هو هيضربنا في مقتل

مروان بضيق:ولما انتي عارفه ورطينا في المواضيع دا كله معه ليه

يارا:مروان اهدى

مروان بغضب:اهدى ايه وزفت ايه مش كفايه اسيل اللي فوق دي وحياتها متبدله والبيه عايش حياته وكمان بيبهدل فينا

يارا برجاء ابوس ايدك وطي صوتك اسيل فوق لو سمعت حاجه هتتعب تاني

مروان كمل بسخريه موجوعه خودي عندك يانسرين هانم البيه ادا لفرح رشوان شقه بتاعته في مدينتي تعمل في مكتب هندسي هديه وياعالم ايه اللي هيحصل كمان

نزلت اسيل على صوتهم العالي

اسيل وقربت منهم في ايه صوتكم عالي ليه

الكل بص لبعضه بصمت

يارا :مفيش مشكله في الشغل

جمبها

اسيل:مشكلة ايه؟؟

يارا بتردد فلوس محتاجنها وكده

اسيل: فلوس ايه وانا ممكن اساعدكم

كلهم بصوا لبعض

نسرين وقعدت على الكرسي ودموعها نزلت

اسيل وقعدت جمبها مالك ياخالتو بتعيطي ليه عشان خاطري متعيطيش قوليلي بس هو كام

نسرين وعياطها زاد

اسيل وبصت ليارا كام يا يارا قولي انتي اكيد عارفه

وقولي يامروان كام؟

مروان :انا طالع اوضتي

مروان واتحرك

اسيل :قولي يا يارا كام؟؟

يارا:اسيل احنا هنتصرف

اسيل:مش انا ليا في الشركه يبقا لازم اقف جمبكم في وقت ماتكونوا محتاجني

يارا:٢ مليون

اسيل:خلاص انا هجيبهم

_____________________

في شركة الشهاووي

عمر ويحيى بيخلصوا شغل في مكتب عمر

الصمت هو سيد الموقف

يقطعه عمر

عمر:مبتتكلمش يعني ساكت؟؟

يحيى:عادي مفيش حاجه اتكلمها

عمر:والا زعلان

يحيى بعد فهم:هزعل ليه؟؟

عمر:عشان شركة علام متوقعتش ان اعمل كدا

يحيى:لا انا عارف انك هتعمل كدا بس مسألة وقت . بس انا لو هزعل هزعل عشان بنت عمي مش عايزه تخرج في الاخير متلقيش نفسها كسبت حاجه

عمر وابتسم بسخريه موجعه متقلقش هي بتحبهم

يحيى وابتسم بسخريه والحب فادها بايه

عمر وفهم هو بيرمي ل ايه

عمر بمكر:وبنت عمك بس هي اللي تهمك في بيت صلاح علام؟؟

يحيى:تقصد ايه؟؟

عمر كان هيرد موبيل يحيى رن

يحيى وبص على الموبيل

كانت اسيل

يحيى استغرب واتفاجاء في نفس الوقت

يحيى وفتح الخط الو

اسيل:ازيك يا ابيه

يحيى:الحمدلله يا اسيل انتي عامله ايه؟؟

عمر بصله اتمنى للحظه انه ياخد الموبيل وبيسمع صوتها اه واحشته ومش هينكر دا حتي بينه وبين نفسه

يحيى قام ووقف جمبك الشباك

يحيى:عايزه المبلغ دا كله ليه

اسيل:محتاجاه يا ابيه بيع ليا حاجتي وهاتلي المبلغ دا

يحيى:من طلب منك الفلوس دي

اسيل:محدش طلب مني بس عشان خاطري يا ابيه انا عايزه يكون جاهز في خلال يومين

يحيى:واتاكد انها عايزاه للشركه لان عمر مديهم مؤهلة الدفع يومين

يحيى:تمام يا اسيل اما يجهز هكلمك

يحيى قفل مع اسيل

ورجع تاني عند عمر

عمر لاقه شكله مضايق

عمر:هو في حاجه

يحيى وقعد اسيل عايزه ابيعلها حاجتها عايزه فلوس عايزه ٢مليون جنيه

عمر بتعجب عايزه المبلغ دا في ايه؟

يحيى وابتسم بسخريه تتفتكر عايزاه ليه..ماهي على طول بتدفع التمن..

____________________

عدى يومين

يحيى وقابل اسيل عشان يديها المبلغ

شكلها بهتان هو عارف الفتره اللي فاتت كانت صعبه عليها بس للاسف هو مش بايده حاجه يعملها عشانها ياريت كان يعرف من الاول يمكن كان ساعدها

سلموا على بعض وقعدوا

اسيل:شكرا يا ابيه

يحيى:العفو بس مش معني كدا اني راضي عن تصرفك دا

اسيل:مش انا ليا في الشركه دي لازم اساعد

يحيى:اشمعنا في الخساره والمكسب يعني مشوفتكيش اخدتي

اسيل:ما انا عايشه معاهم وبصرف وكدا

يحيى:بتصرفي ايه انتي اللي بتصرفيه ميجش ربع ارباحك الشهريه ونفس الوقت معرفش هما الفلوس بتروح منهم فين

اسيل:اصلهم تقريبا شغالين في مشاريع كتير

يحيى ومحبش يتناقش معاها لانها مش فاهمه كل الحورات تمام المهم انا بعت المزرعه وسبت البيت طبعا هو كدا كدا انا اللي هشتريه لان طبعا هو مشترك بيني وبينك بس انا عايز اسبهولك يا اسيل وقت ما تحتاجيه تلاقيه

اسيل:شكرا يا ابيه..طنط وساره وياسين عاملين ايه؟؟

يحيى:الحمدلله كويسين نفسهم يشوفوكي

اسيل :قريب هاجي ازورهم

________________

عدى اسبوعين

في مكتب عمر

يحيى بذهول انت بتقول ايه ياعمر

عمر ببرود متصنع ايه المشكله عايز اتجوز

يحيى:واشمعنا اخترت فرح

عمر:ليه بتسال في انطباع وحش عنها مثلا

يحيى:بالعكس البنت محترمه ومحدش قال في حقها حاجه بس ليه ياعمر بتعاند في مين في نفسك

عمر وكأنه مسمعوش انا شايفها مناسبه ليا انا فتحت الموضوع مع كمال رشوان وقالي هياخد رأي بنته

يحيى بصله بصمت شويه براحتك ياعمر

__________________

في بيت كمال رشوان

كمال:ايه رايك يافرح

فرح بذهول وصمت متوقعتش كدا ابدا

فريده:والله انا شايفه انا فرصه حلوه مش نلاقي احسن من كدا

كمال:اهم حاجه هي تكون عايزه دا يافريده

فرح بصتلهم بصمت

كمال:خودي وقتك وفكري يابنتي وردي عليا بس عايزك تاخدي بالك الراجل دا شغلي كله معه مش عايز اخسره في جميع الاحوال وخودي قرراك براحتك

______________________

في منزل صلاح علام

مروان كان في اوضته

موبيله رن

كانت فرح

ابتسم بخفه ماتكلموش تقريبا من كذا يوم

مروان:الو

فرح:ايوه ازيك

مروان بهزار:احسن منك

فرح:طيب كويس

مروان:ايه انتي لسه زعلانه؟؟

فرح:انت اصلا عبرتني وحتى اتصلت وسالت

مروان:معلش كان في حوار في الشركه كدا وعلى ماخلصته

فرح:عمو صلاح عامل ايه؟؟

مروان:كويس تمام

فرح:مروان انت بتحبني؟؟؟

مروان اتفأجاء من سؤالها بس اتكلم بجديه مخلوطه بالهزار طبعا بس زي اختي

فرح بعصبيه انا بتكلم جد مش بهزر دلوقت

مروان بعصبيه:وانتي نهزري وقت ما انتي عايزه وتتكلم جد وقت ما انتي عايزه

فرح:تمام انا اسفه على اللي حصل زمان مكنتش اقصد والله كنت بهزر معاك يومها انا بحبك واكتر منك كمان يامروان

مروان:هو الحوار دا طالب معاكي الايام دي ليه

فرح:مروان اسمعني الموقف مش مستحمل اصلا عمر الشهاوي طلب ايدي من بابا وبابا مستني ردي

صدمه لمروان ابتلع ريقه ببطء

فرح :تعالى اطلبني من بابا وانا هوافق انا عايزك انت

مروان ببرود ماتوفقي دا حتى فرصه حلوه ليكي ولابوكي

فرح بصدمه من كلامه انت عارف انت بتقول ايه؟

مروان ببرود متصنع اه بجد وافقي وتبقى زوجة عمر الشهاوي صدقني هتفرحي ابوكي اووي

فرح:تمام هوافق يا مروان بس بكره تندم على اللي انت بتعمله دا

فرح قفلت وانفجرت في العياط هي عارفه انها لو ارتبطت بعمر مش هينفع تسيبه عشان شغل باباها

دخلت عليها فريده

فريده بقلق:في ايه يافرح؟؟

فرح بكت اكتر

فريده وخدتها في حضنها اهدي بس في ايه؟؟

فرح ومسحت دموعها:انا موافقه على موضوع عمر الشهاووي

فريده:انتي اتكلمتي مع مروان في الموضوع دا

فرح ودموعها نزلت اه والبيه بيقولي وافقي دي فرصه

فريده:انا معنديش شك انه بيحبك بس معرفش مالوه

فرح:بيعاند ياماما وبيكابر ومش عايز يتعرف بحبه بس والله هربي ..يه

________________________ما يفعله الغياب بالحب هو تماماً ما تفعله الرياح بالنار، فهي تخمد الحرائق الصغيرة وتزيد من شدة الحرائق الكبيرة

عمر ورجع الفيلا بعد يوم شغل متعب

حاسس انه مخنوق

وقف شويه قدام البيسين

بيفتكر كلام يحيى

صحيح هو اوقات بيختلف مع يحيى بسبب ان يحيى على طوال عاطفي عكس هو لما بيكون جد عاطفته دي مش بتشتغل اصلا لكن حاسس فعلا انه بيعاند في نفسه بيوجع في قلبه هو يمكن بقرار بينهي وجود قلبه خالص بس هو اتعود على كدا لو مكانش كدا مكانش ووصل للهو فيه

ن

من غير اي مقدمات نط في البيسين بلبسه وكأنه عايز يطفئ نار جواه فضل مده هو معرفش قد ايه وبعد كدا طلع غير ملابسه

قرر انه ينام بص في الموبيل كانت الساعه ٢بعد منتصف الليل استغرب هو ازاي محسش بالوقت

فضل يفكر شويه

تاني يوم فاق على صوت الموبيل

وكان يحيى

عمر وفتح الخط

عمو وبصوت متشحرج من اثر النوم الو

يحيى:ايه دا معقول نايم لسه

عمر :ليه الساعه كام؟؟

يحيى:الساعه ١٠

عمر وقعد على السرير:يااه انا نمت كل دا

يحيى:عادي لو حابب متجيش النهارده والغى المواعيد ليوم تاني

عمر:لا لا انا نص ساعه وهكون عندك

عمر وقفل مع يحيى مستغرب هو نام كل دا ازاي بقاله فتره تقريبا مش بينام

احساس انك تكون ظالم حد دا بيكون صعب اووي وخصوصا لما تظلم حبيبك

بص في موبيله لاقى مكالمات كتير وكمان من كمال رشوان

استغرب انه مسمعش كل دا

عمر قام واخد شاور ولبس ملابسه وراح على الشركه

وصل الشركه

ودخل مكتبه كان يحيى منتظره في المكتب

عمر ودخل صباح الخير

يحيى:صباح النور

عمر وقعد على كرسيه العملاء وصلوا

يحيى:لا لسه نص ساعه

عمر:تمام

يحيى:كمال بيه راشون اتصل بيك هنا

عمر :ايوه هو رن عليا بس مسمعتش الموبيل هخلص شغل وارن عليه

يحيى بصله بتردد عمر انا عايزك تحسب كل حاجه قبل ما تعملها

عمر:ومن امتى وانا اما بعمل حاجه مش بحسبلها كويس

عمر وغير الموضوع اطلب لنا قهوه مصدع

يحيى اتنهدت بتعب وقام طلب قهوه ليهم...

____________________

عدى اسبوع

عمر راح لبيت كمال رشوان

واتفق معه هو وفريده وفرح ان الخطوبه هتكون اخر الاسبوع في الفيلا. عندهم اتفقوا انها هتكون مقتصره على الاقارب والاصحاب فقط وفي الفرح يبقوا يعزموا الكل

عمر وفرح تقريبا اتفقوا بهدوء على كل حاجه خاصه بالخطوبه من الشبكه

عمر ساب فرح تختار زي ما تحب بحجة انه مشغول لكن هو في الحقيقه وهو مش قادر يعمل دا فرح كمان اختارت وهي حيرانه ومش عارفه اللي بتعمله صح والا غلط

__________________________

في فيلا صلاح علام

كانوا على الفطاربيفطروا

نسرين:هي اسيل لسه نايمه

يارا:لا تقريبا خرجت

نسرين:ليه بدري كدا

يارا:كانت هتجري شويه في النادي وبعدها هتروح المكتبه

موبيل مروان رن

بص في الموبيل وكانت فرح

مروان:الو

فرح:صباح الخير

مروان:صباح النور

فرح:قولت لازم اول واحد اعزمك على خطوبتي قبل حتى ما اكلم يارا

مروان وابتلع غصه مبرووك

الكل بصله لما قال كدا

فرح ببرود متصنع الله يبارك فيك مش تسأل مين العريس عموما انت عارفه وانتوا بتشتغلوا مع بعض المهندس عمر الشهاووي

ابتسم بسخريه موجوعه

فرح:يلا باي عشان اكلم بقيت اصحابي اه متنساش هستناك عندنا في الفيلا سلام

فرح قفلت

مروان رمي الموبيل على السفره پإهمال

نسرين:في ايه؟؟

مروان دي فرح رشوان بتعزمني على خطوبتها

يارا ونسرين بصوا لبعض بدهشه وخصوصا انهم عارفين ان في بينهم حورات

نسرين:ازاي دا؟؟

مروان:زي الناس..مش عايزين تعرفوا مين؟

يارا:مين؟؟

مروان:عمر الشهاووي

نسرين بغضب:يا برو.دك وعادي كدا

مروان بغضب: وانتي زعلانه كدا ليه انتي فاكره انه كان هيستنا بنت اختك

نسرين:اتكلم باداب يامروان وبعدين ايه اللي حصل انت مش كنتي ناوي تخطب فرح

مروان واتحرك واتكلم وهو يتجه للخارج غيرت رأي

يارا وبصت لنسرين:اسيل لو عرفت انه خطب هتموت

نسرين بصتلها بصمت وسكتت

_________________________

يوم. الخطوبه

كانت حفله بسيطه في فيلا كمال رشوان

كان موجود يحيى وساره ووالدته وطبعا ياسين الصغير

واتعرفوا على فرح واسرتها

بلال كمان كان موجود اللي اتفاجاء بعمر بيكلمه قبلها بيوم وبيعزمه على الشبكه

كمان كان موجود اصحاب فرح

اللي كانوا بيصورا كل لحظه

بلال وقرب من عمر وفرح اللي كانوا قاعدين

بلال وسلم عليهم

بلال:مبرووك ياصاحبي

عمر:الله يبارك فيك يابلال

عمر ووجه كلامه لفرح اعرفك دكتور بلال صاحبي

عمر وكمل بشمهندسه فرح خطيبتي

بلال:اهلا بيكي ومبرووك

وراح قعد في مكان بعد ماسلم على

يحيى واسرته واتعرف عليهم وبارك كمان لفريده وكمال بعد ما يحيى عرفه عليهم

دخل مروان اللي وجوده كان مفاجأه بالنسبه لفرح تحيلت انه مش هيحضر او حتى ميقدرش يشوفها وهي قاعده جمب عمر

دخل بكل بروود وراح عشان يسلم عليهم

عمر اتفأجاء بوجود مروان وخصوصا ان هو معزمش اي حد من بيت صلاح علام

بس اكيد فهم انهم معزومين من ناحية كمال رشوان افتكر انه كان باعت واحد بيراقبه بيطمنوا ان الخطه ماشيه تمام ابتسم بسخريه

مروان:مبروك يابشمهندس

عمر بابتسامه بارده شكرا

مروان ووجه كلامه لفرح مبروك

فرح بابتسامه واسعه الله يبارك فيك يامروان عقبالك

مروان:ميرسي

مروان ومشي وراح لفريده وكمال وباركلهم

سلم على يحيى واسرته اللي متفأجش اووي بوجوده لانه يعرف ببصحو بية فرح ليهم وانها كانت طول الوقت مع مروان ويارا

قعد على احدى الترابيزات

بلال اللي شافه وقرب منه

بلال:ازيك يابشمهندس مروان

مروان ووقف بابتسامه خفيفه اهلا دكتور بلال

بلال بابتسامه واسعه اهلا بيك

بلال وقعد معه على نفس الترابيزه

جو من الصمت مفيش فيها غير نظرات مروان لفرح

وهي بتتصور جمب عمر

نظرات كلها حب وغيره وحسره معقول خسرها بسهوله كدا يعني عمر الشهاووي ملاقش غير فرح والا دا عقاب ربنا ليه بسبب اسيل اسيل اللي لحد النهارده مش قادر يبوص في عينها

وفرح اللي بتختلس النظرات ليه وعايزه توصله انه مش فارق معاها وهي بتتصور مع عمر

لو تركت العين الدموع تعرف مجراها ، لأصبحت مثل السيول التي تنهمر في كل مكان، فما أصعب أن تقف الدمعة على طرف الأعين وأن تظل تسجنها حتى لا يراك أحد

بلال:البشمهندس صلاح عامل ايه والبشمهندسه نسرين

مروان مازال بيوص على فرح وفي دنيا تانيه ومردش على بلال

بلال وبص اتجااه ما بيبص

ورجع بصله بتمعن

مروان بعدها قام وقف بعد اذنك انا همشي

بلال بخفوت اتفضل

انتهت الحفله اللي فضلت حوالي ٣ساعات

الكل روح على بيته

______

في منزل صلاح علام

يارا كانت في اوضتها وماسكه الموبيل

فجاءه لاقت صور لفرح وعمر على كل مواقع السوشيال ميديا

يارا:وبعدين بقا ياارب اسيل مش تشوف كل دا

موبيلها رن

كانت مي

مي:ايو يا يارا

يارا:ازيك يامي عامله ايه؟

مي:كويسه هو عمر خطب؟؟

يارا:انتي عرفتي منين؟؟

مي:لسه شايفه على الفيس خطب واحده اسمها فرح رشوان

يارا:ايوه اوعي تكوني قولتي حاجه ل اسيل

مي:لا مقولتش ..بس اكيد هتعرف الفيس كله منزل صور كتير لهم

يارا:ايوه انا شوفت

مي:طيب هنعمل ايه مع اسيل انا خايفه عليها

يارا:انا هحاول مخلهاش تشوفهم

مي:تمام

يارا قفلت مع مي

وراحت على اوضة اسيل

بس لاقتها نامت لانها بتصحي كل يوم بدري تروح النادي

حمدت ربنا جواها ان على الاقل الليله دي تعدي على خير

____________

تاني يوم اسيل صحيت من النوم

صلت الصبح وبداءت تجهز حاجتها عشان تخرج زي كل يوم ماهي مش معقول هتفضل طوال الوقت قاعده في البيت كداللفراغ والتفكير يقتلها النهارده قررت تروح النادي وتقابل مي وتتغدا هناك معاها

جهزت شنطتها والحاجه اللي محتاجاها فيها وطبعا اي كتاب بتحبه

مسكت الموبيل وفضلت تبوص فيه شويه

____

يارا صحيت من النوم وقررت تلبس وتعدى الاول على اسيل دا اذا لحقتها قبل ما تخرج

خلصت لبس وخرجت من اوضتها وراحت على اوضة اسيل

خبطت بخفه ودخلت على طوول

اتفجاءت لما لاقت اسيل قاعده على السرير وماسكه موبيلها ودموعها نازله على خدها بغزاره

يارا قربت منها وابتلعت ريقها بتوتر

وقالت بصوت خافض اسيل

اسيل رفعت راسها وبصتلها ودموعها نازله ورفعت لها الموبيل في وشها كانت صوره لعمر وهو فرح وهو واقف وفرح جمبه وحط ايدها على كتفه

اسيل ومازلت تبكي:كنتي عارفه صح ؟؟ ماهي فرح صاحبتك

يارا وقربت منها عرفت قبل الخطوبه بيوم لما كلمتني وعزمتني

اسيل وحركت دماغها بالايجاب تمام...

قفلت الموبيل وحطته في شنطتها

وشالت الشنطه على اكتافها

يارا:هتروحي فين؟؟

اسيل ومسحت دموعها هروح النادي واتغدى مع مي متستنونيش على الغداء

يارا مكنتش عارفه تقولها ايه وخصوصا احساسها انها جزء من سبب للي هي فيه

اسيل نزلت ويارا نزلت وراها

اسيل خرجت على بره على طول حتى

مردتش على نسرين اللي كانت واقفه

يارا ونزلت وراها وقربت منها

نسرين:هي مالها؟؟

يارا بزعل:شافت الصور......

___________________

عمر تاني يوم راح على الشركه في ميعاده

يحيى :توقعت انك مش هتيجي النهارده

عمر وهو قاعد على كرسي مكتبه ليه يعني

يحيى:انا كلمت الحرس امبارح قوليلي انك رجعت الساعه ٢اطمنت منهم عليك مردتش اكلمك لتكون مشغول

عمر:ايوه اتعشينا وسهر نا شويه وروحت فرح ورجعت على الفيلا

يحيى:تمام

عمر ورفع سماعة هاتف جمبه اطلبلك قهوه معايا؟؟

يحيى:ماشي تمام

عمر وطلب قهوه ليهم

يحيى:مالك شكلك مش في المود؟؟

عمر وهو بيفتح لاب توب قدامه مفيش منمتش كويس ومصدع شويه

______________

ليس كل ما تعرفه يريح قلبك.. فبعض الأمور أجمل لو بقيت مجهوله

اسيل راحت على النادي

جريت شويه وبعد كدا مي كلمتها واتقابلوا

قعدوا شويه

مي كانت بتتكلم واسيل بتسمعها وبس

مي لاحظت انها شارده

مي:في ايه يا اسيل مالك مش بتتكلمي ليه؟؟

اسيل مردتش عليها بس مسكت الموبيل وفتحت على صور عمر وفرح

اسيل ووجهت الصور في وش مي

اسيل بضيق خفيف ودموع مكبوته دي بقا اللي مناسبه ليه

مي وبصت كانت صور عمر وفرح

مي:كبري دماغك هو ميستاهلكيش بكره يقعد معها شهرين ويسيبها

اسيل واتكلمت من مبيت دموعها لا دي خطبها على طول مش هيسبها يامي اكيد بينه وبين باباها مصالح شغل

مي:مين دي انا معرفهاش

اسيل وهي بتمسح دموعها دي فرح كمال رشوان باباها رجل اعمال وليه شغل في الابنيه والتعمير وكدا صاحبة يارا ومروان ولاد خالي وانا عارفه الناس دي كويس

وابتسمت ومن بين دموعها بسخريه انا عايشه في وسطهم ممكن يكملوا حتى لو مش طايقين العيشه مع بعض عشان المصالح اللي بينهم

اسيل وكملت ببكاء انا بس صعبان عليا اني كنت مخدوعه فيه كدا نفس الضحكه اللي في الصور هي نفس ضحكته في كذا صور متصورها معايا معقول اكون مش بفهم كدا في الاشخاص وبينضحك عليا

مي وقامت قعدت جمبها وحضنتها طيب ممكن تهدي عشان خاطري ميستاهلش دموعك دي

اسيل وخرجت من حضنها ومازلت تبكي انا بس نفسي افهم استفاد ايه لما عمل كدا فيا بجد

مي:طيب بطلي عياط دموعك دا اغلى من ان هي تنزل عشان واحد زيه

__________________________

عمر رجع بعد الشغل

بص في الساعه كانت ٥مساء

طلع على اوضته خلع البليزر

قعد على السرير بتعب

اصعب حاجه لما تبقا بتمثل في حياتك لما تبقى تبني اوهام على جسر ايل للسقوط لما تبقى عايز تثبت للعالم كله عكس اللي جواك وانت نفسك مش مصدق اللي انت بتعمله

فتح احد الادراج

وخرج منه موبيل

ورن على احد الارقام

اسيل كانت نايمه بعد مارجعت من النادي وكأنها بتهرب من كل حاجه بالنوم

موبيلها رن

في الاول سمعته بس متحركتش ومع استمرار الصوت

قامت بصت على الموبيل كان الرقم كان بريڤت

اسيل وبصوت نايم الو ..الو

محدش رد

اسيل وشالت الموبيل من على ودنها وبصت فيه كان الخط مفتوح لسه

اسيل :الو ..مين؟؟

عمر..

الفراق حديثه الصمت وعندما يفيض بنا يكون لسانه الدموع لا ندرى أنبكى عليهم أم نبكى على أنفسنا القلب كان ملكاً لهم هم ولكن عند فراقهم يصبح القلب فارغاً باهتاً كأنما هو متعلق بهم وحدهم وكأن الأرواح كانت متصلة بحبل من الوداد فانقطع ذاك الحبل فجأة فتمزقت قطعة من روحك فتتقيد بألم كبير وحزن لا يفارقك أبداً حتى وإن تظاهرت بعكس ذلك.. تغيب شمس الأحبة عن سمانا فيصبح الكون كلّه ظلامٌ دامس، يصبح الكون كله من دون أيّ ألوان وملامح أو أصوات، لم يعد سوى صدى أصواتهم ترنّ في أذانِنا، لم نعد نرى سوى صور وجوههم، لم نعد نتذكّر سواها، لم نعد نتذكر سوى نظرات أعينهم عند وداعنا

اسيل وقعدت على السرير الو..الو

عند عمر

اول ماسمع صوتها قعد على السرير بإهمال

تعالت انفاسه

اسيل ودموعها نزلت الو ..مين بيتكلم

عمر فاضل حاطط الموبيل على ودنه

ودامعه ساخنه نزلت من عيونه دامعه قادره انها تحرق كل اللي حواليه مسحها بايده افتكر ان اخر مره عيط يوم وفا.ة امه ...

بس حابب يسمع صوتها وبس كان متخيل اما يرتبط بفرح هينسي بس فعلا يحيى قال بتعاند في نفسك ياعمر

فاق على صوت اسيل اللي كان كله عياط الو ..الو وكأنها حاسه ان هو

عمر قفل الخط

وبكل غضب وقع كل حاجه على التسريحه ومسك زجاجة برفيم فضل يخبط بيها على المرايه لحد ما ايده اتعورت

عند اسيل الخط قفل

انفجرت اكتر في العياط بكت بصوت عالي

يارا فتحت عليها الباب وفتحت النور

قربت منها بخوف

يارا:اسيل في ايه مالك ايه اللي حصل؟؟

اسيل بتبكي بصوت ومش بتتكلم وكانت بترتعش جامد

يارا حضنتها اهدي ياحبيبتي اهدى

اسيل هديت شويه بشويه وراحت في النوم في حضن يارا

____________عند عمر

طرق على الباب بخفه

عمر وكان قاعد على السرير وواضع رأسه بين كفيه

عمر بصوت عالي:ايوه في ايه؟؟

الشغاله بخوف:بشمهندس يحيى تحت ودكتور بلال

عمر وزفر بضيق وافتكر انه كان متفق معاهم هيجوا يسهروا سوا ويتعشوا مع بعض

عمر:ماشي بلغيهم ١٠دقايق ونازل

الشغاله:حاضر يا فندم

عمر لسه واخد باله من ايده اللي بتنزل د..م

قام دخل الحمام واخد شاور

ولبس رباط ضاغط على ايده

نزل كان بلال ويحيى منتظرينه

رسم ابتسامه مزيفه على وشه

عمر :اهلا بالشباب

سلم على بلال ويحيى

بلال:ايه ياعم مال ايدك؟؟

يحيى هو كمان استغرب انت كنت ماشي من الشغل كويس

عمر:مفيش ازازة برفيم وقعت انكسرت كنت بشيلها بايدي اتعورت

يحيى وبلال بصوا لبعض بعدم اقتناع وسكتوا

عمر :بقولكم ثواني وجاي

بلال:الماتش ابتداء مصر بتلعب يابني عايز اسمع

عمر:خلاص روح الايفنج وافتح عليه

عمر راح للشغالين طلب منهم حد يطلع يتضف غرفته

وكمان يجهزوا عشاء

راح عند بلال ويحيى اللي كانوا في الايفنج وبيشغلوا الماتش

بلال:صاحبك مالوه مش عاجبني

يحيى:ولا عاجبني

عمر قرب منهم فسكتوا

بلال قعد ويحيى وكمان عمر

جو من الصمت مكانش بيقطعه غير كلام بلال شوط يابني ..ايوه كدا

عمر سرحان في دنيا تانيه كان مفكر لما يسمع صوتها هيرتاح بالعكس حس ان نار الفراق حرقته اكتر

ويحيى مركز معه ومش عارف اخرتها ايه

الكل انتبه لصوت موبيل عمر لما رن

عمر وبص كانت فرح

عمر:الو

فرح:ايوه ازيك؟؟

عمر:تمام وانتي؟؟

فرح:كويسه...انت تمام انا قولت اطمن عليك انت مرنتش النهارده

عمر:انا كويس سوري كنت مشغول النهارده

فرح:تمام المهم انك كويس تصبح على خير

عمر :وانتي من اهله

عمر قفل مع فرح ولاقى بلال ويحيى بيبصوله

عمر في ايه مالكم بتبصوا كدا ليه؟؟؟

بلال:ايه يابني اومال فين حتة اقفلي انتي الاول لا اقفل انت الاول

يحيى:وضحك جامد

عمر:بقولكم ايه موجعوتيش يلا بقا انا مأكلتش من الصبح

قعدوا اكلووو مع بعض والاكل مش خالي من هزار بلال طوال الوقت.....

_____________

بعد ساعه يارا دخلت تتطمن على اسيل اللي كانت سايبها نايمه

فتحت الاوضه بهدوء

وصرخت اول ما شافت اسيل واقعه على الارض

الكل جيه على صوتها

اول واحد وصل مروان

مروان بخضه في ايه؟؟

يارا ببكاء الحق اسيل واقعه على الارض ومش بترد عليا

مروان وشالها وحطها على السرير ايه اللي حصل؟

يارا ببكاء مش عارفه دخلت لقيتها واقعه

حاولي يفوقها بس مفاقتش

مر وان شالها هنطلع على المستشفى

خدها وخرج من الغرفه

نسرين قابلتهم

نسرين بخضه في ايه مالها؟؟

مروان وهو شايلها مغمى عليها ومش بتفوق

كلهم ركبوا عربية مروان وراحوا على المستشفى

يارا ببكاء انا لازم اكلم دكتور بلال

عند عمر

قاعدين بيسمعوا الماتش ويتكلموا

موبيل بلال رن

بلال بص في الموبيل باستغراب

بس قرر يرد

بلال:الو

يارا ببكاء ايوه يادكتور انا اسفه على الازعاج بس اسيل تعبانه

بلال وقام وقف اهدي بس وفهمني في ايه؟؟

يارا ومازلت تبكي فجاءه دخلت الاوضه عليها ولقيتها مغمي عليها اصلا حصل شوية حورات الايام اللي فاتت

احنا رايحين بيها على المستشفى

بلال :طيب المستشفى فين؟؟

يارا:في...

بلال:تمام ..مسافة الطريق وهكون عندك سلام

بلال قفل مع يارا واخد مفاتيحه على اللي كانت على التربيزه

عمر:في ايه يابني مين في المستشفى؟؟

بلال:مفيش دي حاله عندي ولازم اروح

يحيى:هو الشغل بالليل كمان؟؟

بلال:لا دي حاله طارئه انا همشي وهبقا اكلمكم

بلال خرج واخد عربيته وراح على المستشفى

الكل كان موجود هناك واتفأجاء كمان بمي اللي كانت موجوده

قرب منهم

وسلم على الكل ماعدا مي اللي كانت واقفه وراه وبتحاول تتجاهل وجوده

بلال سأل على الاوضه اللي فيها اسيل

يارا شاورت على الاوضه

يارا:هي فاقت بس انا خايفه ترجع لحالة السكوت تاني

بلال :متقلقيش بس انا هدخل لها واشوف

طرقات خفيفه على الباب

ودخل

كانت قاعده على السرير وعيونها حمره من العياط

بلال وشد كرسي كان موجود في الغرفه وقعد قصادها

بلال:ايه يا اسيل في ايه؟؟

اسيل ودموعها نزلت بغزاره خطب يا بلال خطب واحده تانيه

بلال ببرود:وايه يعني مايخطب

اسيل بصتله بصدمه من بين دموعها

بلال:عايزاني اقولك ايه يعني معلش متزعليش انتي اقوى من كدا هو عايش حياته ومكمل وانتي لسه واقفه عنده لا ..على فكره الانسان دا لو جالك راكع تحت رجليكي اياكي ترجعيله ميستاهلش اللي يوصلك لكل اللي انتي فيه دا ميستاهلكيش يا اسيل انتي تستاهلي اللي يعرف قيمتك

بلال فضل يتكلم مع اسيل شويه

ومشي بعد ما اطمن انها خلاص هتخرج وترجع على البيت

خرج من المستشفى

اتفجاء بمي اللي كانت واقفه بتوقف تاكسي

بلال ووقف قدامها ..اركبي

مي ومن غير ماتبصله لا شكرا

بلال بصلها شويه

وبعد كدا نزل من العربيه

راح عندها فتح باب عربيته ودخلها وقفل الباب

بلال لف الناحيه التانيه يركب

مي بعصبيه:انت اتجننت على فكره انا ممكن اصوت واقول انك خاطفني والم عليك الناس

بلال ملتزم الصمت بداء يدور العربيه

مي:انت يابني ادم انت سبيني انزل

بلال:بطلي رغي بقا وحورات وبعدين مش احسن ماتركبي تاكسي مع حد غريب

مي:ياسلام يعني انت من بقيت اهلي

بلال بضيق خفيف:اوووف بقولك ايه انا دماغي مصدع ومش طالبه كلام الليله دي اسكتي شويه

مي بتوتر بتحاول تداريه وانا مسكتش؟؟

بلال:هسكتك انا بطريقتي ووقتها هتزعلي بجد

مي بصتله بضيق وسكتت

_________________

عدت فتره ومش فيها جديد

الدراسه بداءت واسيل رجعت لحياتها بين الدراسه والكتب والمكتبات

مي معها طول الوقت

وبلال كمان طوال الوقت بيكلمها ويطمن عليها

فرح بداءت تجهز الشقه اللي اخدتها من عمر وعشان تفتح المكتب الهندسي بتاعها

هي وعمر كلامهم مش كتير ودا تقريبا مريحهم هما الاتنين

مي كانت نازله للكليه

بلال كمان كان نازل للشغل

بلال:صباح الخير

مي بخفوت:صباح النور

بلال:رايحه الكليه

مي باختصار:اه

بلال:تمام تعالي اوصلك في طريقي

مي:لا شكرا انا هاخد تاكسي

بلال:لا انا اوصلك افضل

مي بضيق:وانا قولت لا هو انت ولي امري

بلال:بطل الدبش دا على الصبح ويلا عشان اوصلك

مي وعلت صوتها هو انت فاكرني ايه حاجه سهله وكل اما تشوف خلقتي اوصلك والا انا واحده صايعه من اللي كنت تعرفهم في المانيا هجري وامسك فيك لا اصحى وفوق انا انسانه محترمه ومتربيه مش زي اللي انت تعرفهم

بلال وسط دهشته من كلامها وضيق ظهر على وشه

لا واضح دا

وقتها كان خرج حد من الجيران راجل كبير في سن الخمسين سنه اسمه صابر

صابر:في حاجه يامي يابنتي

مي:لا ياعم صابر مفيش حاجه دا الدكتور بس كان بيسألني على حاجه وجاوبته

مي واتحركت ونزلت على تحت

بلال وركب هو الاسانسير وسط ضيقه من طريقتها نزل وركب عربيته وراح على شغله

مي راحت على الجامعه وكانت اسيل منتظريها هناك

حضروا محاضرتين وكان فيه فاصل بين المحاضره الاخيره

قعدوا في الكافتريا

طلبوا حاجه يشربوها

مي كانت ساكته ودا على غير طبعتها

اسيل:مالك يامي ساكته مش بتتكلمي يعني على غير العاده

مي:عادي ..مفيش حاجه

اسيل:طنط كويسه

مي:اه الحمدلله

اسيل:طيب في ايه شكلك مضايق

مي بتردد اصل حصل موقف الصبح كدا وحاسه اني كنت اوفر

اسيل :موقف ايه؟؟

__________

عند بلال

كان في مكتبه في المستشفى

كان مضايق و مش طايق اصلا الكلام مع حد

مستغرب بجد طريقتها وايه كمية الكلام اللي قالتها دي معقول تكون مفكراه طان مقضيها في المانيا

فاق على موبيله بيرن كان عمر

تردد انه يرد لانه مش في المود ومش حابب الكلام

بس رد

بلال:الو

عمر: ايوه يابني فينك بقالنا كذا يوم متكلمناش

بلال:معلش ياعمر مشغول شويه

عمر:مالك شكلك مضايق

بلال:مفيش حوار كدا بعدين هبقا احكيلك عليه

عمر:طيب نتقابل النهارده ماتيجي نسهر شويه مع بعض

بلال:لا بلاش النهارده انا مش في المود خليها بكره افضل وياريت نتقابل في مكان بره الفيلا

عمر:تمام زي ما تحب

__________________

اسيل بضيق:حرام عليكي بجد بلال محترم خالص هو انتي مفكراه سواق هتقوليله كدا

مي بزعل:والله ماكنت ناويه اقوله كدا بس معرفش لاقتني بقوله كدا

اسيل:يامي كذا مره قايللك بلاش الطريقه دي بجد انتي بنت

مي:بصراحه دي الطريقه اللي بتدافع بيها عن نفسي

اسيل:والطريقه دي مش مع كل الناس ..وبعدين بلال هيأذيكي ليه ثانيا هو شايف من باب الجدعنه انه يوصلك بدل التاكسي

مي:معرفش بقا ..بس انا مكنتش عايزه اركب معه

اسيل:اممم انا عارفه انتي بتهربي

مي بتوتر:ههرب من ايه يعني؟؟

اسيل:بلاش الطريقه دي عشان تعمليها على حد غيري ..على فكره هو مبين خالص اعجابه ومفيش مره كلمني غير لما يسأل عنك

مي بفرح داخلى:بجد؟؟

اسيل بعصبيه خفيفه دا قبل اللي حصل الصبح ..انا لو مكانه معبركيش اصلا

مي بضيق:طيب اعمل ايه دلوقت؟؟

اسيل:سبيني هحاول اصلح اللي انتي عملتيه

____________________

اخر النهار

بلال روح بعد الشغل

اخد شاور

وبداء يجهز اكله وبيحاول يخرج من دماغه موقف اللي حصل الصبح بجد اثر على كل يومه

لسه كان هياكل موبيله رن

بص في الموبيل وكانت اسيل

اتنهدت بضيق

وابتسم بسخريه على نفسه وهو بيدي نصايح للناس في حل مشاكلهم وهو طوال اليوم متنكد بس حوار من مي

الموبيل رن تاني وكانت اسيل

واضح انها مصممه وعايزه تتكلم

فتح الخط

ورد بهدوء عكس العاصفه والضيق اللي من صاحبتها

بلال:ايوه يا اسيل ازيك

اسيل:تمام انتي اخبارك ايه؟؟

بلال:انا تمام بتغدا تعالي اتغدي معايا

اسيل:ميرسي ...عشان كدا مردتش اول مره سوري انا هقفل وابقى اكلمك تاني

بلال من جواه مش عارف دوول صحاب ازاي

بلال:لا لا عادي مش هتعطلني ولا حاجه انتي عامله ايه؟؟

اسيل:انا تمام الحمدلله وانت؟؟

بلال:انا كمان تمام الحمدلله

اسيل بتردد:بلال كنت عايزه اتكلم معاك شويه

بلال:بخصوص؟؟

اسيل:مي بصراحه هي قالتلي على اللي حصل منها الصبح

بلال:طيب ممكن بلاش كلام في الموضوع دا قفلي افضل

اسيل:يبقى انت زعلان على فكره هي متقصدش حاجه هي طيبه جدا على فكره

بلال بسخريه:اااه اووي

اسيل :بجد والله . انت عارف ايه مشكلتها انها متخيله كدا انها بدافع عن نفسها واخده كل حاجه بالكلام والصوت العالي

بلال:ليه هي صاحبتك ملهاش عين تشوف ودماغ تفكر بيها ان اللي قدامه دا يتقاله كدا والا لا

اسيل:بوص يابلال باختصار كدا بس بيني وبينك مي عايشه هي ومامتها لوحدهم بابها ميت من سنين ولاملهاش اخوات وخالها الوحيد عايش في المنصوره وملهاش اعمام حتى فطول الوقت حاسه انها لوحدها ومشغله لسانها وتبين للي قدامه انها قويه ومش خايفه وواخده الموضوع دا دافع كدا..صدقني هي متقصدش انها تقولك كدا بس والله هي دي طريقتها على طول حتى مع زميلنا في الجامعه

بلال:ماشي يا اسيل عادي بقا انا اصلا خلاص هعتبر انها مش ساكنه هنا ولا انا اعرفها طمنها مش هضايقها تاني

اسيل:بس انا عايزه اصالحكوا على بعض وخصوصا ان هي حست بغلطها

بلال:عادي انا مش زعلان حصل خير

اسيل:طيب انا كنت عايزه اشوفك اتكلم معاك شويه

بلال:تمام وقت ماتحبي

اسيل:طيب ايه رائيك بكره

بلال:تمام

اسيل:الساعه ٥ في كافيه .....

بلال :تمام

_______

تاني يوم

اسيل راحت هي ومي على الكافيه

قعدوا وانتظروا بلال

اسيل:اهدي بقا متوتره ليه؟؟

مي:انا شكلي هقوم اروح قبل مايجي

اسيل:ليه اجمدي كدا واعتذرليه عشان انتي غلطتي

مي:ربنا يسهل

بلال وصل الكافيه وزي ماتوقع كانت اسيل ومي

بلال قرب منهم والقى السلام عليهم

وقعد قصادهم

بداء يتكلم عادي مع اسيل

مي كانت حاسه بالاحراج وخصوصا انها اول مره تتحط في الموقف دا دايما بتقول اللي عايزا ومش بتعتذر بس كان بيبقا مع ناس متعرفهومش

طلب لهم مشاريب وبداو يشربوا

اسيل وقامت واقفت اناهروح التوليت واجي مش هتاخر

مي ووقفت انا جايه معاكي

اسيل وزقتها وقعدتها ومن بين سنانها مش هتإخر جايه على طوول

اسيل وراحت اتجاه الحمام

جو من الصمت

يقطعه بلال اللي بيكلم في موبيل

بلال:ايو ياعمر بعتلك اللوكيشن

عمر:تمام هشوفه وعلى٦كدا نتقابل

بلال:تمام هستناك سلام

عمر:سلام

بلال قفل الخط واتفجاء بمي اللي اتكلمت على طول وكٱنها كانت بترتب كلامها

مي:اسفه مكنتش اقصد اللي قولته امبارح

بلال بابتسامه خفيفه:مش لايق عليكي دور الهدوء دا

مي:بضيق:يعني انا غلطانه

بلال:انتي عندك شك انك مش غلطانه؟؟

مي:مكنتش اقصد على فكره اللي قولته امبارح

بلال:تمام عموما انا قبلت اسفك

مي بضيق:انت علي فكره ديكتاتوري

بلال:اطلاقا على فكره ومش بحب جو الاعتذار والحورات دي بس انتي كنتي اوفر وعشان بعد كدا تبقا عارفه ان اي كلمه هتخرجيها من بوقك هتتحسبي عليها..اتعودي تشغلي عقلك اكتر من لسانك

مي:انت هتشغل بقا مهنتك عليا وتعمل عليا دكتور نفسي

بلال:مي انا معجب بيكي..عايز اقولك عديت مرحلة الاعجاب كمان

مي بصتله بصدمه ووشها بقا الوان

بلال وكمل برغم الصدمه االي شايفها على وشها

بلال:لو شخص غير كان قال الكلام دا ليا انا مستحيل كان يجمعني معه مكان واحد بس بجد انا حبيتك ..وانا عايز اجي اقابل ولدتك نتخطب ونتجوز انا مش بتاع حورات انا في الاول والاخر رجل صعيدي

مي وابتلعت ريقها بتوتر وصمت

جاءت اسيل

اسيل وقعدت:اتاخرت عليكم؟؟

بلال بابتسامه خفيفه:لا عادي براحتك

اسيل وبصت على مي:اللي كان شكلها متوتر وساكته

اسيل:مالك؟؟

مي وابتلعت ريقها مفيش حاجه

اسيل وبصت لبلال اللي غمز ليها بطرف عينه

اسيل وفهمت انه قالها حاجه

مي:مش هنروح بقا؟؟

اسيل:اوكي ماشي يلا

مي قامت وقفت واخدت شنطتها

وكمان اسيل

بلال:متقعدوا شويه هعرفكم على واحد صاحبي

اسيل:خليها مره تانيه

بلال :تمام

بلال خرج معاهم يوصلهم

كان عم على منتظرهم بالعربيه

مي ركبت العربيه

اسيل ووقفت تتكلم مع بلال

بلال:هبقا ارن عليكي

اسيل تمام هتنظر مكالمتك

اسيل وركبت جمب مي

بلال وقفل باب العربيه

ووجه كلامه لعم على

بلال:عامل ايه يا راجل ياطيب

عم على:الحمدلله يادكتور

بلال:سوق على مهلك بقا وخلي بالك منهم

عم على في عنيا

في الوقت دا وصل عمر بعربيته اللي بلال باعتله اللوكيشن بتاع الكافيه عشان يتقابلوا فيه

عمر واتفأجا بالعربيه اللي بلال واقف عندها مش غريبه عنه

عمر بخفوت :اسيل

بلال كان واقف وبيتكلم مع اسيل وعم على

عم على اتحرك بالعربيه

عمر ووقف قدام بلال بعربيته

بلال:ايه دا جاي في ميعادك بالظبط

عمر بصله بصمت وفي دماغه مليون فكره بلال واسيل معقول؟؟؟

عمر ووقف قدام بلال بعربيته

بلال:ايه دا جاي في ميعادك بالظبط

عمر بصله بصمت وفي دماغه مليون فكره بلال واسيل معقول؟؟؟

بلال:ايه يابني بكلمك انزل يلا الكافيه دا بيعمل قهوه تحفه تعالي ننزل نشرب

عمر:لا انا همشي

بلال بتعجب:تمشي ايه هنروح فين؟؟

عمر:مش هنروح في مكان انا هرجع على الفيلا

بلال:في ايه ياعمر مالك؟؟

عمر وشغل العربيه مروح يا بلال سلام

عمر واتحرك وروح بالعربيه

بلال مستغرب ومش فاهم في ايه وعمر متغير كدا ليه

ركب هو كمان عربيته ورجع على شقته

______________

عدى كذا يوم

عمر عصبي جدا في الشغل وفي الفيلا كمان ومش طايق كلمه من حد حتى من يحيى

فرح ومش بيرد على تليفونتها

كان في الفيلا

الخدامين بلغوه ان بلال تحت منتظره

نزل وهو جواه مش عايز يبقابله

بلال اول ما شافه ايه يابني مش بترد على موبيلك ليه؟؟

عمر وبيحاول يبتسم مفيش مشغول شويه

بلال:حتى يوم اجازتك ..انا زعلان منك ياصاحبي

عمر:معلش انت عارف انا مشغول قد ايه

بلال:ماشي خليهم يعملولي قهوه لاني مشربتش قهوتي وجيت اشربها معاك

عمر وطلب من الشغالين قهوه ليه ول بلال

اتكلموا كتير

عمر في نص الكلام:عمرك حبيت يابلال؟؟

بلال ابتسم بخفه اه حبيت من اول يوم شوفتها فيه يا اخي الواحد سافر المانيا وشاف بنات كتير واتعامل معهم بس قلبي مدقش غير هنا يوم ما شوفتها

عمر ابتسم بخفه وهو جواه نار ان بلال بيتكلم عن اسيل

بلال وكمل خلا ص انا قررت اخطبها وقريب ان شاء الله

عمر:بالسرعه دي؟؟

بلال:ايوه ايه المشكله طالما بحبها وحاسس ان هي كمان بتحبني هستنا ايه وانا راجل صعيدي مليش في اللف والدوران

عمر:حاسس مش متأكد كمان؟؟

بلال:مش بالظبط بس انا عرضت عليها ومستني ردها بس حاسس خير ان شاء الله

عمر :مش يمكن تكون بتحب حد تاني او جواها حد تاني

بلال بتعجب في ايه ياعمر انت تعرفها اصلا عشان تحكم بدا؟؟

عمر بهدوء مصتنع مش قصدي حاجه يابلال انا هعرفها منين انا بس يعني بقولك عشان تبقا واخد بالك من الحاجات دي

بلال:لا انا عارف ومتاكد انها ملهاش في الحورات دي وبعدين عارف من صاحبتها واقرب واحده ليها ان هي مش مرتبطه بحد اصلا ولا ارتبطت قبل كدا

عمر:من قالك اصلا ان صاحبتها مش بتكذب

بلال بشك في ايه ياعمر مالك بتتكلم بثقه كدا ليه وكانك تعرفها

عمر:مش قصدي انا اقصد اني عارف البنات بيبقا ليها حورات

بلال:لا حورات البنات دي انا عارفها اكتر منك وانت عارف دا

عمر بصله وسكت

بلال:في ايه ياعمر في حاجه عايز تقولها

عمر بخنقه بيحاول يداريها لا يا بلال. مش عايزه اقول حاجه ..انا بس مش عايزك تخوض تجربه وتخسر فيها

بلال: يا عم الموضوع ابسط من كدا وان شاء الله مش هتبقا تجربه وحشه ولا حاجه

بلال قعد مع عمر شويه وبعد كدا روح على شقته

______________

فات اسبوع

مي كانت كلمت مامتها ووافقت لكن هتكلم اخوها ويجي من المنصوره ويقعد معه

وفعلا اخوها جيه

وحددوا لبلال ميعاد يجي يقابله

بلال قابل خال مي واتفق معه على كل حاجه وكمان يوم الخطوبه اللي هو بعد اسبوع وكمان هيكتبوا الكتاب ودا كان طلب بلال

فضلوا يجهزو كل حاجه واسيل كانت طول الوقت معاهم

بلال حجز المكان اللي هيكون فيه الخطوبه

وجهز كمان الدعوات

وفي يوم الصبح

اخد كذا افينت وراح على شركة عمر

دخل الشركه وطلع على مكتب عمر

في الطريق قابل يحيى اللي سلم عليه بحب

يحيى:واحشني يابني فينك؟؟

بلال:معلش الايام اللي فاتت كنت مشغول شويه

يحيى:خير يعني؟؟

بلال:ايوه خير ماهو انا جاي عشان كدا ..فين مكتب عمر

يحيى :هناك تعالى

يحيى وبلال راحوا على مكتب عمر اللي اتفاجاء بوجود بلال

سلموا على بعض

بلال وخرج الدعوات

انا جاي اعزمكم على خطوبتي اخر الاسبوع ودا الايفنت

يحيى وصاح بفرح بجد مبرووك يادكتره

بلال بابتسامه واسعه الله يبارك فيك ياهندسه

عكس عمر اللي تقريبا في دنيا تانيه

عمر وبيحاول يظهر ابتسامه على وشه مبرووك يابلال

بلال ومش عارف عمر في ايه الله يبارك فيك ياعمر

يحيى :ومين بقا سعيدة الحظ ولحقت تعرفها امتى؟؟

بلال:والله كل حاجه جاءت بالصدفه بس الحمدلله كله نصيب

يحيى:واسمها ايه بقا؟؟

كل دا وعمر مش عايز بلال ينطق اسمها ونفسه اللحظه دي تختفى من الدنيا

بلال:اسمها مي عزمي بتدرس في صحافه واعلام

ساكنه كمان معايا في نفس العماره

عمر واتكلم بصدمه وفرحه من جواه مي؟؟!!

بلال بتعجب :ايه تعرفها؟؟

يحيى اتكلم مي صاحبة اسيل بجد؟؟

بلال:ايه دا انت تعرف اسيل؟؟

يحيى:ايه يابني اسيل بنت عمي

بلال:اه صح اسمها اسيل الجمال ازاي ما اخدش بالي

يحيى:بس مي محترمه ومؤدبه بجد وانت تستاهل كل خير يا بلال

بلال بابتسامه :تسلم ياصاحبي

بلال وكمل دي دعوه ليك واسرتك تيجي بقا

يحيى:ان شاء الله هنيجي

بلال وقرب من عمر دي دعوه ليك وكمان دي دعوه فرح هستنكوا

عمر:تمام الف مبرووك يابلال وربنا يتمم بخير

بلال بتذكر اه على فكره في كتب كتاب وانا عايزكم شهود معايا فماتتاخروش

______________________

يوم الخطوبه

الكل اتجمع في المكان اللي فيه الخطوبه

اسيل كانت مع مي في كل حاجه

راحت البيوتي سنتر

بلال راج واخدها من هناك

راحوا القاعه دخلوا في مكان في القاعه وبدوا يكتبوا الكتاب

بلال بص حواليه مكانش موجود غير يحيى اللي فهم نظراته وقرب منه

يحيى: وقرب من اذنه عمر مش هيعرف يحضر مشغول شويه

بلال بضيق: وبصوت هادي عمر دا واط..ي بس اما اشوفه بس

كتبوا الكتاب ويحيى شهد عليه هو وكمان واحد زميل بلال في المستشفى

بداءت الحفله في جو من الفرحه الكل كان موجود وناس من قرايب بلال من الصعيد ويحيى واسرته وكمان مروان ويارا ماعدا عمر وفرح

انتهت الحفله في جو من الفرحه والسعاده

بعد كدا كل واحد روح على بيته

بلال اخد مي بعد ما استاذن من خالها وراحوا اتعشوا في مكان

تاني يوم في مكالمه بين عمر وفرح

فرح:دكتور بلال خطب؟؟

عمر:ايوه مين قالك؟؟

فرح:عرفت من على الفيس بس غريبه انت حضرت الخطوبه؟؟

عمر:لا هو كان جايب هنا ايفنت ليا وليكي بس انا مكنتش فاضي اروح

فرح:ليه دا صاحبك وبعدين بشمهندس يحيى كان هناك

عمر:ياااه دا انتي متابعه الاخبار بقا

فرح :مش بالظبط بس هو منزل صور على الفيس وكان فيها بشمهندس يحيى فعرفت وكدا

عمر:تمام ..المهم قوليلي وصلتي لفين في تجهيز المكتب

فرح:خلاص اهوه قريب اووي هيكون الافتتاح

عمر:طيب كويس

فرح:كنت عايز اخد رايك في شوية حاجات كدا بس مش هينفع في الموبيل

عمر:خلاص نتقابل بكره في مطعم...

فرح:تمام

____________

تاني يوم فعلا في المطعم واتغدوا مع بعض واتكلموا في حاجات خاصه بمكتب فرح

عمر وهو قعد معها اتفاجاء بدخول بلال ومي

بس متكلمش

بلال في الاول ما اخدتش باله بس لما قرب شافهم

بلال لمي:تعالي اعرفك على ناس صحابي

مي:صحابك مين؟؟

بلال ومسكها من ايدها تعالي بس

بلال وقرب من تربيزة عمر

اللي اول ما شافه قام وقف وابتسم بخفه

بلال:مساء الخير على الناس اللي زعلان منها

عمر ومد ايده وسلم عليه خلاص بقا يابني ما كلمتك وعرفتك اني كنت مشغول

فرح بابتسامه :مبرووك يا دكتور

بلال:الله يبارك فيكي بس على فكره انا بعتلك ايفنت مع عمر

فرح:عارفه عمر قالي بس هو كان مشغول سوري بقا في الفرح هنكون موجودين ان شاء الله

مي كانت واقفه على بعد سنتيمترات واقفه مصدومه

عمر وبلال صحاب ..طيب ياترى بلال عارف ان عمر هو اللي عمل كدا في اسيل

فاقت من تفكيرها على صوت بلال وهو بيشدها بخفه من ايدها

بلال وقرب مي منه وحط ايده على كتفها

اعرفكم مي خطيبتي

بلال وشارو على عمر بشمهندش عمر الشهاوي

وكمل وهو بيشاو غلى فرح بشمهندسه فرح رشوان خطيبته

فرح بابتسامه واسعه وهي بتقرب على مي وتسلم عليها مبرووك ياروحي

مي بابتسامه باهته الله يبارك فيكي

عمر ولاحظ طريقة مي وفهم اللي بيدور في دماغها

وبرغم كدا اتكلم عادي مبرووك

مي بابتسامه اقل من انها تكون خفيفه شكرا

فرح:بس اعتقد اننا اتقابلنا قبل كدا في بيت بشمهندس صلاح صح؟؟

في الوقت دا عمر بص لمي وحاول يداري توتره وهي كمان بصتله

بلال ولاحظ دا بس محطش في دماغه لكن لاحظ طريقة ردوود مي المختصره ودا عكس طبيعتها

مي:وهي بتحرك رأسها بالايجاب ااه

عمر:طيب اتفضلوا اقعدوا معانا

بلال وحاسس ان مي مش مرتاحه

بلال بهزار لا ياعم مش عايزين عزول احنا هنقعد في مكان تاني

عمر وفرح ابتسموا بخفه

وبلال استاذن منهم واخد مي وقعدوا على تربيزه بعيده شويه

مي اللي حمدت ربنا جواها ان بلال موافقش يقعد معاهم حست انها كدا بتخون اسيل

قعدوا شويه وطلبوا حاجه يشربوها

مي بضيق بتحاول تداريه هو دا صاحبك؟

بلال:ايوه عمر صاحبي من ثانوي هو صاحب عمري اصلا

مي:ياااه

بلال:وكمان فرح بنت كويسه وبسيطه انتوا بردوه ممكن تبقوا بعد كدا صحاب

مي بضيق:لا معتقدش

بلال:ليه يعني وعلى فكره هي شخصيتها فيها شبه كتير من اسيل

مي :محدش زي يا اسيل ولادي ولا غيرها

بلال ولاحظ انها واخده الامور بحساسيه مش عارف ليه

النادل حط قدامهم المشاريب

مي كانت بتبوص على عمر وفرح

فرح كانت بتوري عمر حاجات على الموبيل خاصه بالمكتب بتاعها صعب عليها اسيل اكتر وخصوصا انها عارفه انها لسه من جواها بتحبه

بلال ولاحظ نظرات مي لفرح وعمر والضيق اللي ظهر على وشها

مي وبصتله بتوتر ورفعت كأسة العصير وبداءت تشرب

قعدوا شويه وبعد كدا روحو

تاني يوم في الجامعه

اسيل ومي خلصوا محاضرات

قرارو انهم يقعدوا في الكافتريا شويه

اسيل:مش عارفه ليه حاسه انك عايزه تقولي حاجه ومتردده

مي بتوتر:لا

اسيل:متاكده؟؟؟

مي بترددد هو في حاجه بس مش عارفه...

اسيل:في ايه يابنتي متقلقنيش متخانقه انتي وبلال؟؟

مي:لا مش كدا

اسيل:طيب ايه؟؟

مي بتردد عمر

اسيل حست بوجع جواها بذكر اسمه مالوه؟؟

مي:طلع صاحب بلال

ثم اكملت وهي تبتلع ريقها بتوتر قابلناه هو وفرح في مطعم وبلال عرفني عليهم وطلع صاحبه من زمان اووي

اسيل وبترسم البرود وايه يعني؟؟

مي:هو ايه ؟؟انتي مش حاكيه لبلال كل حاجه

اسيل:ايوه بس مقولتلوش هو ومين ولاحكيت حاجه عنه كنت بتكلم عن نفسي بس حتى اسمه مقولتوش

مي:عشان كدا ..بس انا لازم اقوله على الموضوع وخصوصا انه بيقول فيه اشعار ومخدوع فيه زي ما احنا كنا مخدوعين

اسيل:لا متقوليش حاجه عادي ايه المشكله

مي:بس..

اسيل قاطعتها عادي ماهو يحيى اهو بن عمي وبيشتغل معه بلاش يحيى هو بردوه بن خاله عندك مثلا في البيت خالو وولاده وخالتو بيشتغلوا معه

مي بدهشه:بجد؟؟!

اسيل:ايوه اكتشفت دا من اسبوعين لما كنت قاعده مع خالوا وكان بيمضي على ورق وكان مكتوب عليه شركة اسم شركة عمر...يعني مش هتيجي عليكي انتي وبلال

مي:انتي مش متخيله انا كنت مصدومه ازاي لما بلال كان يعرفني عليهم وكنت هموت من الغيظ ونفسي اقتلهم بايدي

اسيل وابتسمت بوجع عادي يا مي

وكملت وهي بتتنهد بوجع انا كنت فتره في حياة عمر ممكن يكون كان بيتسلي زي ماقال بس هو دلوقت عايش حياته وارتبط بواحده متاكده انه من الصعب يسيبها لان بينه وبين باباها شغل

اسيل ودموعها نزلت بس انا مش هفضل عايشه دور الضحيه انا كمان لازم هعيش حياتي

مي وقامت وحضنتها والله يا اسيل ميستاهلك ولا يستاهل دموعك دي

اسيل بدموع هو عايش حياته عادي انتي مس بتشوفي هي بتمزل الصور على الفيس وعلى الواتساب وعايش حياته معها انا بس اللي وجعني اني ازاي كنت مخدوعه فيه كدا

ثم اكملت وهي بتمسح دموعها اوعديني متحكيش حاجه لبلال مهما حصل

مي وهي مازلت حضنها :حاضر اوعدك

عدى اسبوعين وكل واحد مشغول في حياته

مي كانت راجعه من الكليه

كانت هتركب الاسانسير

فجاءه حد حط رجله

مي بصت كان بلال

مي بابتسامه :ايه دا انت راجع بدري

بلال وضغط على زر يقفل الاسانسير ايوه خلصت شويه بدري

مي:خلاص بقا تعالى اتغدا معانا انا مجهزه غدا

بلال:لا بلاش يوم تاني

مي:ليه بجد ..لسه هتطلع تجهز او تطلب

بلال:بلاش اجي كدا بدون ترتيب عشان طنط متضايقش

مي:ماما عمرها متضايق منك على فكره بالعكس

بلال وقرب منها وحاوطها بايده اللي حطها على جدار الاسانسير هاجي بس بشرط

مي وبصت لايده بتوتر وهي بتزقه في صدره زقه ضعيفه بايدها شرط ايه؟؟

بلال ومازال على وضعه قوليلها بقا

مي بتتصنع عدم الفهم اقول ايه؟؟

بلال وقرب اكتر انتي عارفه بطلى استعباط

مي وضغط على شفايفها بتوتر بلال احنا في الاسانسير حد يدخل

بلال:مراتي وانا حر

مي:لا احنا مخطوبين مراتك دي بدري عليها لسه

بلال:لامراتي غصب عنك انتي ناسيه كتب الكتاب والا ايه

مي وانتهزت الفرصه وزقته لواره

في الوقت دا الاسانسير اتفتح

خرجوا الاتنين منه

مي:متتاخرش بقا هنستناك

بلال:انا مش جاي ..انتي منفذتيش شرطي

مي:بلال متهزرش بقا وبعدين انا قولتهالك كتير قبل كدا

بلال:في الرسايل.... في الموبيل انا عايز اسمعها كدا واشوفها من بين شفايفك

مي وحست بالحراج لا انا هدخل بقا عشان اتاخرت على ماما وعلاجها

بلال كان هيرد

بس خارج عم صابر جارهم

صابر:في حاجه يا ولاد واقفين كدا ليه؟؟

بلال وزفر بضيق لانه مش بيحبه ولا بيرتاح له

مي:مفيش حاجه ياعمو صابر

بلال لمي: ادخل يلا نكمل كلام بعدين

.صابر متدخل يابني ماتغدا معها زي ما بتقولك

بلال واضايق لانه حس انه سمع كلامهم

بلال ببرود عكس الضيق اللي جواه منه ملكش دعوه

مي وقربت من بلال وبصوت واطي ايه يابلال دا راجل كبير عيب كدا

بلال بغضب خفيف:انتي مدخلتيش ليه يلا ادخلي

مي بصتله بتوتر من شكله ودخلت وبلال بعدها طلع على شقته ولم يعير اي اهتمام لصابر اللي كان واقف

اخر النهار نزل واتغدا معاهم

وبعد الغداء بلال وقف في البلكونه

مي وقدمت له الشاي

بلال:كنت هاجي جواه عشان اشربه مع طنط

مى:ماما مش بتشرب شاي ...بس هي بتسمع التلفزيون

بلال واخد رشفه من الشاي تسلم ايدك

مي بابتسامه بالهنا

بلال:بقولك ايه عندناinauguration كدا وعايزك تيجي معايا

مي:افتتاح ايه؟؟

بلال:فرح خطيبة عمر هتفتح المكتب الهندسي بتاعها وبعتت ايفنت ليا انا وانتي على الشغل

مي بضايق:انا مش هاجي

بلال:ليه؟؟

مي:انا معرفهاش ولا هي صاحبتي ولا حاجه اروح اعمل ايه بقا

بلال:تيجي عشاني انا

مي كانت هترد

بس بلكونه جمبهم اتفتح وكان عم صابر

الاتنين بصوا ناحيته

عم صابر:مساء الخير ياولاد

بلال وزفر بضيق وشد مي لجوه ودخلوا

مي:اهدا شويه انت مضايق منه كدا ليه؟؟

بلال:مش مرتاح له مش عارف مش قابله اساسا المهم سيبك منه هتيجي معايا بكره بقا

مي:مش عايزه اجي

بلال واتنهد بضيق مي انا عايزك معايا انا مش هروح من غيرك على فكره

مي بصتله بضيق وسكتت

تاني يوم

كان الافتتاح المكتب الهندسي بتاع فرح

كان في ناس كتير ومن الضمن يارا ومروان ويحيى وطبعا عمر

يارا ودخلت هي مروان وسلموا على فرح وعمر اللي اصلا مش قابل وجودهم

يارا وعينها جاءت على يحيى اللي كان واقف على بعد شويه وبيتكلم مع احد الاشخاص افتكرت انه عملها بلوك على كل حاجه الواتساب والخط والانستا وكمان الفيس فضلت تبوص عليه قد ايه كان واحشها ومش واخده بالها من مروان اللي مركز معها

بلال ومي دخلوا

وسلموا على الكل

بعد كدا وقف يتكلم هو عمر وفرح ومي اللي تقريبا واقفه بس ومش بتشارك في الحوار اصلا

بلال: هروح بس التوليت وراجع وبص لمي اللي حركت دماغها بالايجاب

فرح بابتسامه واسعه:نورتينا بجد يامي

مي وبتحاول تبتسم شكرا

فرح وحد نادى عليها

فرح :عن اذنكم واتحركت من مكانها

عمر وقف هو مي في جو من الصمت

قطعه عمر:اسيل عامله ايه؟؟

مي بضيق:كويسه اووي .وبعدين بتسأل عنها ليه هي اصلا فارقت معاك ما انت عايش حياتك اهوه وبتحتفل

ابقى اسأل بلال وهو يقولك هي عامله ايه ومرت ب ايه

بلال خرج من التوليت

وراح لعند مي قرب منهم وهو نظره عليهم

لاحظ طريقة مي وهي بتتكلم ومتعصبه بس مش عارف بيتكلموا في ايه

قرب منهم

بص شويه كدا ولاحظ تغيرهم وخصوصا مي

بلال:مالكم في ايه؟؟

عمر بابتسامه خفيفه مفيش عن اذنكم

بلال وبص لمي اللي ابتلعت ريقها بتوتر

استتى تتكلم بس هي سكتت

بلال ما تكلمش قعدوا شويه وبعد كدا اخدها وخرج وكل دا متكلمش ولا وجه اي كلمه ليها

ركبوا العربيه في صمت

كل دا بلال دماغه هتنفجر حاسس ان في حاجه ناقصه او هو مش عارفها معقول يعني!!!

وقف العربيه فجاءه

لدرجة مي اتحركت من مكانها

مي بخضه:في ايه يابلال؟؟

بلال بغضب:اللي بينك وبين عمر يامي؟؟

مي

ر

بلال بغضب:ايه اللي بينك وبين عمر يامي

مي بصتله بصدمه معقول دا اللي وصله

مي :انت بتقول ايه انا اساسا اعرفه

بلال:تمام ..واما انتي متعرفهوش كانت واقفه شكلك بتتخانقي معه ليه؟؟

مي بتوتر:انا مكنتش بتخانق انا بتكلم عادي

بلال لاحظ توترها وكذبها

حاول يكون اهدا :طيب تمام هو عمل حاجه ضايقتك او اتصرف تصرف مش كويس

مي: لا

بلال:تمام ..في مشكله انا معرفهاش قديمه مثلا

مي وبتحاول تختصر في الكلام قولتلك مفيش حاجه.ووبعدبن انا اول مره اشوفه يوم ما عرفتني عليه في المطعم

بلال:كدابه ..ومبتعرفش تكدبي كمان انا دكتور نفسي يامي والكلام والحورات دي شغلتي ومش بس كدا نظراتك انتي وعمر مش مرياحني من يوم المطعم ولاطريقتك مع فرح اللي دايما متفاعله عليها ومضايقه منها من غير سبب واخيرهم النهارده وانا بحاول اكون هادي وبقولك في ايه احكيلي

مي وسكتت مكنتش عارفه ترد على بلال اللي بيبوصلها ومنتظر اجابتها بس هي وعدت اسيل مش هتخلف وعدها معها مش هتبقى هي كمان عليها

ابتلعت غصه في حلقها واتكلمت بتوتر داخلى وخوف بتحاول تدرايه مفيش ...حاجه

بلال بصلها شويه وعارف انها مش صادقه

مي كانت بتحاول متبصلوش

بلال بضيق:تمام....

ضرب بايده على عجلة القياده بضيق وبداء يشغل العربيه

وصلوا عند العماره

نزلوا من العربيه

ودخلوا الاسانسير كل دا من غير كلام

بلال ضغط على الدور الثالث والرابع

مي فهمت انه مش هينزل معها

الاسانسير وقف عند الثالث خرجت من الاسانسير

كانت لسه هتتكلم

بس بلال ضغط على الاسانسير قفله وطلع

مي دخلت شقتهم

وانفجرت في العياط...

________________

كان يجلس في غرفته

وهو يتصفح هاتفه المحمول

فرح كانت منزله صور ليها هي وعمر من الحفله

مروان وابتسم بسخريه

مروان وبعتلها رساله حلوو اوووي يلا انا منتظر الفوتو اللي بعدها لاقيين على بعض اووي

فرح وكتبتله بغيظ ميرسي

فرح جواها ماشي يامروان والله ل افرسك اكتر

مروان:وبعتله ايموشن😝

فرح:انت عايزه يامروان بستفزني ليه؟؟

مروان:هو انا كلمتك انا بس مبسوط ليكي انتي وعمر باشا

فرح:ايوه حارقك اووي عمر باشا

مروان شاف الرساله وبصلها بضيق ومردش عليها

فرح وابتسمت وهي كمان متكلمتش

بس قالت غبى ومغرور كمان

دخلت عليها مامتها

فريده:ايه بتكلمي نفسك؟؟

فرح: لا يامامي.. مفيش

فريده: كنتي قمر يوم inauguration المكتب وعمر كمان كنت خايفه تتحسدوا

فرح وحركت فمها بسخريه اممم

فريده:عمر ماتكلمش معاكي عن وقت الجواز

فرح بخضه:لا جواز ايه دلوقت لسه شويه ياماما

فريده:ماشي بس مش بحب فترة الخطوبه الطويله

فرح:ماشي بس لسه شويه....

_____________________

عند عمر

كان قاعد في الفيلا

افتكر كلام مي

اتنهد بتعب وحس بنغزه جواه قد ايه اسيل مكنتش تستاهل كدا منه اد ايه واحشته وكمان ضحكتها وبراءتها

وهدوءها وبسطتها اوقات كتير بيحس ان فرح فيها شبه منها بس هو مش جو قلبه غيرها

مسك الموبيل

وفتح فولدر معمول بباسورد

كان فيه صوره هو واسيل مع بعض في عربيته

فضل يتفرج عليهم وجواه مليون ندم انه خسر اللحظات دي

___________

بعد اسبوع

في فيلا صلاح

كانت اسيل تنزل على الدرج

قابلت نسرين

اسيل:صباح الخير ياخالتو

نسرين بمرح قصدك مساء الخير الساعه٢ بعد الظهر

اسيل:انا صحيت من بدري بس كنت بخلص البحث بتاعي

نسرين:تمام

اسيل:فين يارا؟؟

نسرين :يارا في اوضتها

اسيل :تمام هطلع لها

في غرفة يارا

الظلام يحل الغرفه

تجلس هي في احد اركان الغرفه وتبكي وهي تتذكر

فلاش باك

في يوم الافتتاح

كان يقف منفردا بعد ان انهى حديثه مع احد الاشخاص

اقتربت يارا منه وهي ترى ان هذه فرصه للتحدث معه

يارا:مساء الخير

يحيى وبصلها ورد ببرود مساء النور

يارا:عامل ايه؟؟

يحيى:كويس

يارا:ممكن نتكلم شويه

يحيى:مفيش بنا كلام لا في شغل ولا غير شغل واعتقد انتي عارفه دا كويس

يارا وفهمت كلامه لانه مشترط في مقابلات الشغل ان يكون نسرين او صلاح

يارا:يحيى انا ..

قاطعها يحيى بحده اسمي بشمهندس يحيى متشليش الالقاب

يارا بتوتر:تمام يابشمهندس يحيى انا عايزه اتكلم معاك

يحيى بصلها بصمت

يارا واستجمعت قوتها انا اسفه لو اللي عملته ضايقك

يحيى وابتسم بسخريه الاولي اللي تتأسفلها اسيل اللي اللي لحد النهارده مش عارفه ترجع لحياتها بس انتي معندكيش القوه اللي تعمل بيها كدا

يارا وهي متماسكه دموعها اسيل لو قولتلها متاكده انها هتسامحني

ابتسم يحيى بسخريه عشان كدا عملتوها بقلب جامد

يارا بصوت مخنوق طيب انا غلطت اني شاركت معاهم ومستحيل اعمل كدا مع اي حد

يحيى :من الاخر كدا عشان تنسي الحوار دا والحورات اللي في دماغك انا وانتي مش هيجمعنا اي كلام ولا اي مكان في الدنيا ..

فاقت على صوت الباب بيتفتح

دخلت اسيل

وولعت النور

اتفاجئت ب يارا اللي كانت قاعده في احد الاركان ووشها كله دموع وعيونها منتفخه من العياط

اسيل وقربت منها بخضه:يارا في ايه؟؟؟

وبداءت تحسسس على جسمها بخوف

يارا وصوتها بقا عالي في البكاء

اسيل وحضنتها بخوف يارا في ايه بالله عليكي

يارا بداءت تهدا في حضن اسيل

اسيل قومتها وقعدوا على السرير

اسيل لما حست انها هديت في ايه مين مزعلك يا يارا؟؟؟

يارا بصوت متشحرج من اثر البكاء مفيش حاجه

اسيل بصتلها بعدم اقتناع

يارا وهي تمسح دموعها بالمنديل لما اقدر اتكلم اكيد انتي اول واحده هحكيلك

اسيل:تمام ..بس اهم حاجه متزعليش نفسك كل حاجه بتعدي مهما كانت صعبه اسألني انا

يارا بخفوت تمام

_______________

تاني يوم في الجامعه

مي:يعني كان مالها؟؟

اسيل :مش عارفه بس انا شاكه ان الموضوع فيه حب وكدا يارا قويه ومش اي حاجه تأثر فيها الحب بيضعف

مي بضيق:الحب والزفت

اسيل:اممم مالك بقالك اسبوع كدا مش في المود انا مش راضيه اضغط عليكي وبردوه عارفه ان اكيد في خصوصيات

مي بصتلها بصمت وسكتت

اسيل:بس انا بخاف من سكوتك بتبقى غلطانه لكن وليكي الحق مبعرفش اسكتك

مي:الموضوع مش كدا يا اسيل

اسيل:ليه في ايه؟؟

مي بتردد الحوار حاجه تانيه

اسيل:في ايه يامي متقلقنيش

مي:انا هقولك بس متزعليش من حاجه

اسيل بقلق:في ايه يامي؟؟

مي وحكت ل اسيل اللي حصل بالتفصيل

اسيل:وبقالك اسبوع ساكته ليه مش قولتلي

مي:ماهو انا مش عايزه ازعلك

اسيل:هزعل ليه بلال وعارف كل حاجه ماعدا انه عمر وانا مكنتش بقول عشان هو معرووف والا عشان روحتى الافتتاح لو كنت اخدتي رأي كنت هقولك روحي مينفعش كان بلال راح لوحده وبعدين ما يارا. ومروان ويحيى كانوا هناك عادي بعني

مي بدموع مكبوته بقالي اسبوع مش عارفه اوصله ولا بشوفه ومش عارفه اعمل ايه ومش عارفه حتى لو كلمته هقولك ايه انا وعداكي يا اسيل اني مش هقول ومكانش ينفع اخلف وعدي ليكي

اسيل وحضنتها بحب انتي كل يوم بتثبتلي انك الحاجه الوحيده اللي اخترتها صح

تاني يوم اسيل مكانش فيه جامعه

بعد الظهر راحت ل بلال العياده

بلال اتفجاء من وجودها بس توقع اللي هي جايه عشانه

بلال:اهلا يا اسيل تشربي ايه؟؟

اسيل:لا ميرسي يا بلال انا لسه شاربه في البيت قبل ما اجي

بلال:انتي اول مره تشرفني في عيادتي

اسيل:وانا مش غريبه يا بلال

بلال:لا طبعا انتي اختي يا اسيل وانتي عارفه

اسيل بابتسامه عارفه

صمت لثوان وبلال بيبص ل اسيل ومنتظرها تتكلم لانه بجد جاب اخره ومكنش ناوي خير مع مي وخصوصا انها ملهاش رد فعل خلال الاسبوع وكأنه مش فارق معه

قطع تفكيره اسيل

اسيل: كنت عايزه اتكلم معاك شويه بخصوص مي

بلال:وانا سامعك طالما انها معندهاش الجرأه انها تيجي تقوله بنفسها

اسيل:الموضوع مش زي ما انت فاهم

بلال بصلها بصمت

اسيل:احنا فعلا نعرف عمر

بلال وبصلها بتركيز وحاسس ان دماغه هتنفجر من اللي بيدور في دماغه

اسيل :بس الموضوع خاص بيا انا

ثم اكملت بتردد عمر دا الانسان اللي كان مرتبط بيا انا

بلال:بعد فهم ازاي ..اسيل انا مش عايز حورات انا في مليون حوار في دماغي لما بربطهم ببعض ببقا هتجنن

اسيل:يا بلال افهمني انت عارف كل حكايتي عمر دا الشخص اللي انا كنت حكتلك عنه

بلال بصدمه:مستحيل

اسيل:ليه مستحيل

بلال:عمر مستحيل يعمل دا عمر ايه اللي يجبره انه يخدع بنت ويفهمها انه بيحبها وبعد كدا يسيبها او مثلا يكون بيتسلي بيها عمر لا فاضي لدا ولا محتاج يعمل دا

اسيل:ماهو دا اللي انا كنت بقوله ليك قبل كدا

بلال :دي مش اخلاق عمر صاحب عمري وانا عارفه اكيد في حاجه غلط

اسيل بدموع محبوسه انا مش بكدب عليك وهو عمر الشهاووي وكمان لو مش مصدقني

اسيل وفتحت موبيلها وفتحت فولدر الصور اللي عامله برقم سري دي صوري انا وهو في عربيات مختلفه واعتقد انت عارف عربياته كويس انا مكنتش حذفتهم

بلال واخد الموبيل منها وفضل يبوص في الصور بصدمه فعلا عمر وعربيته وكمان وستاير العربيه مقفوله واسيل وهي لابسه جاكت عمر

وهو واسيل متصورين كذا صوره مع بعض

اسيل:الصور دي اصلا كانت في الشتاء قبل انت ما ترجع مصر ..واعتقد اني مقدرش افبرك الصور بالحرفيه وطالما صاحبك اووي كدا اكيد عارف بردوه ان حاجاته مميزه

بلال وحط الموبيل على المكتب :انا مش بكدبك يا اسيل انا مصدووم بجد ان عمر يعمل كدا ومعاكي انتي

اسيل:واعتقد انت عارف ان يحيى بن عمي

بلال:ودا اغرب كمان يحيى مكانش ليه رد فعل معه

اسيل:يحيى مكانش يعرف غير في الاخر وبعدين هو بن خاله بردوه وبينهم شغل كتير ابقى بظلمه لو دخلته في الحوار دا ولا دخلت اي حد اصلا وبعدين انت زعلان ليه انا اكتشفت من اكتر من اسبوعين ان الكل اللي في البيت بينهم وبين عمر شغل فعادي يابلال

بلال بصلها وسكت

اسيل:المهم اناةدلوقت بتكلم معاك وانا بعتبر نفسي في جلسه مش عايزه حد يعرف دا لو سمحت

بلال:اعتقد انتي عارفني كويس يا اسيل

اسيل :عارفه يا بلال انك قد الثقه ...المهم دلوقت تتكلم انت ومي

بلال:وليه مي مقالتليش الكلام دا

اسيل:لاني كنت واخده وعد عليها انها مش تقولك حاجه وخصوصا بعد ما عرفت انك انت وعمر صحاب وكانت بنتعامل كدا مع عمر وفرح عشاني ويوم ماكان في الافتتاح كان عشاني مش زي ماانت فهمت. كدا وعلى فكره هي لسه قايله ليا امبارح ومكنتش عايزه تقولي عشان خايفه ازعل انها راحت inauguration وانا لقيت ان الكلام مينفعش في الموبيل فقررت اجيلك هنا

بلال:مين يعرف موضوع عمر دا غيري انا ومي وطبعا يارا

اسيل:يحيى كمان وبس مش عارفه مروان عارف والا لا

بلال:تمام

اسيل:كلم مي بقا ..انا مقولتش لها اني جايه على فكره...

-----------------------

بلال خلص شغل العياده

ورجع على العماره

بس مرجعش فاضي

خبط على شقة مي

اللي فتحت واتفأجئت ببلال اللي واقف وحطت قدام وشه بوكيه ورد

بلال:مسا التماسي

مي سكتت ومردتش

بلال:يبقا زعلانه

مي واتجمعت الدموع في عيونها

بلال:طيب ممكن ادخل

مي وبعدت من قدام الباب

بلال دخل وقفل الباب

بلال ووقف قدام مي متزعليش مني كنت هتجنن بجد وسكوتك كان مجنني اكتر

مي:انت مش واثق فيا

بلال:بطلي هبل انا لو مش واثق فيكي هكتبك على اسمي ليه..بس حوطي نفسك مكاني اما تبقي انتي وصاحبي ومش اي صاحب بغض النظر عن حوار اسيل وان عمر بحكاية اسيل دا واطي بس هو صاحب عمري

مي:بس هو فعلا واطي وندل وميستاهلش حبها ابدا

بلال:خلي الكلام دا في قلبك ومتقولهوش في وشي كدا وبعدين احنا سمعنا من طرف واحد المفروض نسمع من الطرفين ..عموما مش وقته طنط فين؟

مي:ماما بتقرأ قرأن في الصالون

بلال ودخل سلم عليها

عايده:اهلا ياحبيبي فينك بقالك اسبوع

بلال:معلش ياطنط كنت مشغول

عايده:ربنا يقويك خلاص بقا اقعد اتغدا معانا مي مراحتش الكليه النهارده وعامله اكل حلو اووي

بلال:لا بقا خليها مره تانيه

عايده:لا هزعل انت اصلا حماتك بتحبك كدا كدا

بلال وابتسم بقوه وانا كمان والله بحبها

عايده:ايه يامي ما تقولي يابنتي لخطيبك يقعد يتغدا معانا

مي بحرج:ماتقعد انا مجهزه اكل بتحبه اتغدا وابقى اطلع

بلال وابتسم بخفه ماشي

قعد واتغدا معاهم وبعد كدا طلع على شقته

_________________

تاني يوم

اسيل كانت قاعده في غرفتها بتذاكر

موبيلها رن وكانت ساره بنت عمها

اسيل:الو

ساره:ايوه يا سيلا عامله ايه؟؟

اسيل:تمام ياقلبي اخبارك ايه وياسين عامل ايه؟؟

ساره:تمام ياقلبي وانتي اخبارك ايه؟؟

اسيل:الحمدلله

ساره:بقولك ايه ماتيجي نتقابل المغرب في النادي وحشاني ونفسي اشوفك

اسيل:تمام وانتي كمان

وفعلا المغرب راحت وقابلتها

كانت هي وياسين

حضنوا بعض باشتياق

وقعدوا طلبوا حاجه شربوها

وقعدوا يتكلموا في اموور مختلفه

عمر وفرح كانوا في النادي وراجعين على بيت فرح عشان العشاء اللي كان بينه وبين والدها وهيتكلموا في الشغل

فرح:انا بجد بشكرك اووي ياعمر

عمر:على ايه يابنتي عادي يعني

فرح:لا بجد انت متعرفش هو كان محتاج الشغل ازاي وظروفهم صعبه اووي وبابا معندوش مكان في الشركه وهو كان رافض اي مساعدات نهائي

عمر:اناعلى طوول بحتاج موظفين متقلقيش

فرح وشافت ساره وياسين وهما قاعدين مع واحده بس. هي شكلها مش غريب عليها

فرح :مش دي ساره وياسين ابنها؟

عمر وبص اتجاه ما فرح اتكلمت

فرح:بس مش عارفه مين قاعد معاهم

عمر وبص وبصوت هامس اسيل....

فرح:ايه بتقول ايه؟؟

عمر:مفيش انا بقول نمشي بقا عشان منتاخرش

فرح لسه هتتكلم

كان ياسين جري عليها طنط فرح

ساره واسيل بصوا اتجاه ياسين...

ر

ياسين جري على فرح

ياسين:طنط فرح

فرح بابتسامه كبيره ياسين عامل ايه ياحبيبي؟؟

في الوقت دا ساره واسيل بصوا اتجاه ياسين وهو مع فرح

ساره قامت وقفت بابتسامه

اما اسيل ففضلت قاعده بجمود ومتحركتش وبتحاول تكون قويه

وفرح قربت منهم

فرح بابتسامه مساء الخير

ساره بابتسامه هي كمان وبتقرب تسلم عليها مساء النور ازيك يافرح عامله ايه؟؟؟

فرح:الحمدلله

في الوقت دا عمر قرب منهم ومكانش حابب يتحط في الموقف دا

سلم على ساره

وساره بداءت تعرفهم ب اسيل

فرح بابتسامه :اه طبعا اسيل احنا معرفه قديمه بس متقابناش من فتره كبيره

اسيل ووقفت بهدوء وحاولت تظهر ابتسامه بارده على وشها

فرح :عامله ايه واخبارك؟؟

اسيل وبترد ببرود:كويسه

ساره وهي بتبص على عمر اللي واقف بجانب فرح

دا عمر بن خالي وفرح خطيبته يا اسيل

اسيل ببرود وهي مش باصه اتجاه عمر :تشرفنا

بعدها قعدت بهدوء على الكرسي

عمر اكتفى بالابتسامه وبصلها بهدوء قد ايه كانت واحشاه وكان نفسه يشوفها

فرح استغربت من طريقة اسيل وعارفه دايما انها بشوشه ومتواضعه

كمان ساره استغربت دا

بس قالت

ساره:اتفضلوا اقعدوا شويه معانا

فرح:معلش مره تانيه بابا وماما منتظرنا على العشاء

اسيل ورمت موبيلها بضيق على الطربيزه

ساره وفرح بصوا ناحيته باستغراب

لكن عمر بص الناحيه التانيه ونفسه يخرج من الموقف دا بقا

ساره لـ فرح:تمام

عمر وفرح مشيوا

وساره قعدت تاني جو من الصمت

ساره:مالك يا اسيل؟؟

اسيل وبتحاول تبتسم :مفيش مالي

ساره:هي فرح دي ضايقتك قبل كدا؟؟

اسيل وتنهدت بتعب كان نفسها مش يبان عليها الضيق

اسيل:لا بالعكس احنا علاقتنا سطحيه معرفه قديمه كنا بندرب سباحه مع بعض زمان اووي في اعدادي وهي صاحبة ولاد خالي مش اكتر ..

عمر وفرح ركبوا العربيه

عمر كان سرحان بيفكر قد ايه كانت واحشاه ونفسه يشوفها

ابتسم بخفه عليها مش بتعرف تمثل ابدا ومش عارفه تتخلى عن برائتها

فاق على صوت فرح

فرح:عمر

عمر:ايوه بتقولي حاجه

فرح:بقول؟؟؟!انا تقريبا بقالي ساعه بتكلم وانت مش هنا في حاجه؟؟

عمر:احم ..لا ابدا مفيش ..كنتي بتقولي ايه؟

___________________$$$$___________

اسيل خلصت مع ساره ورجعت

دخلت اوضتها

بدلت ملابسها

فتحت احد الادراج وخرجت منها السلسله اللي كان عمر جايبها لها هديه

نزلت دمعه من عيونها لما افتكرت وهو ماشي مع فرح

لبست السلسله واتأملت في نفسها في المرايه قد ايه اتمنت ان عمر هو اللي يلبسها ليها

مسحت دموعها وراحت على سريرها وقررت تنام

ــــــــــــــــــــــــــــــ

عدى اسبوع

في مكتب فرح كانت قاعده مع واحده صاحبتها اسمها سها

فرح:ايه يابنتي ارجع انا من السفر تسافري انتي

سها : هههههههههه ايوه بس تعرفي انك وحشتني اووي

فرح:وانتي كمان والله

سها:بس ايه حكاية الخطوبه دي

فرح:قصدك خطوبتي انا وعمر

سها :ايوه اما عرفت اتفاجئت ومروان وحب العمر راح فين

فرح بضيق:مروان دا مجنني بجد

سها:ازاي ؟؟وبعدين صحيح ايه وقعك في عمر اكيد عن طريقي اونكل كمال

فرح:ايوه وهو بصراحه شخص محترم وكويس

سها:بس غريبه ارتباطكم دا

فرح:ايه الغريبه فيه يعني؟؟؟!

سها:بصراحه قبل ما اسافر عمر كان مرتبط واحده وتوقعت انهم هيتخطبوا

فرح بتساؤل:مين دي؟؟

سها:لا بلاش عشان معملش بينكم مشكله

فرح :يابنتي قولي بقا هي مين؟؟

سها:اسيل الجمال

فرح بدهشه مين؟؟ مستحيل

سها:لا يابنتي

وكانوا مع بعض دايما وكمان في النادي بجد انا كنت مستينهم يتخطبوا او كدا

فرح وافتكرت يوم ما قبلت اسيل كانت فعلا متغيره ومش عايزه تسلم عليهم وبداءت تربط حاجات كتير ببعض

تاني يوم فرح وطلبت من عمر انهم يتغدوا مع بعض

عمر وافق وفعلا اتقابلوا

فرح:بقولك فارس بن خالتي كانت عايز يخطب وكنت بفكر اقوله على اسيل بنت عم يحيى

عمر وابتلع الاكل بصعوبه وحط الشوكه على الطبق هو انتي هتشتغلي خاطبه

فرح بابتسامه بارده لا عادي ايه المشكله يابخت من وفق رأسين في الحلال مش بيقولوا كدا بردوه

عمر وحس بخنقه

خرج سيجاره وبداء يدخن بضيق لمجرد ما فكر انها ممكن للحظه تضيع من ايده

فرح ولاحظت توتره

فرح :ها مقولتش رائيك

عمر وخرج دخان السيجاره راي في ايه؟؟

فرح:في موضوع اسيل وفارس

عمر وابتسم بسخريه خلاص جمعتيهم في حوار

فرح وبتحاول تستفزه بصراحه البنت اموره ومؤدبه ومحترمه ورقيقه وشايفاهم لاقين على بعض

عمر بصلها بصمت هو اصلا اوقات كتير بيفكر يخطفها ويتجوزها ويهرب من كل الناس والوضع اللي هو فيه دا

فرح:هتساعديني؟؟؟

عمر:هساعدك في ايه؟؟انا مليش في الحورات دي

فرح:يعني يحيى صاحبك وانت عارف بنت عمه وكدا

عمر وحس ان فرح بستفزه او في حاجه معينه في دماغها

عمر وطفي السيجاره وابتسم ببرود تمام هكلمه

فرح بانفعاليه :عادي كدا

عمر بصلها شويه واتكلم ببرود اممم عادي هكلم يحيى على طول

فرح ورشفت رشفه من العصير تمام

فضلوا شويه وبعد كدا عمر وصلها لبيتهم

عمر وقف بالعربيه قد ام فيلا كمال رشوان

فرح:اول ماتكلم يحيى عرفني

عمر مسح على شعره بملل تمام

فرح :تصبح على خير

فرح جاءت تنزل عمر وقفها بصوته

عمر:فرح على فكره انتي مش شاطره في التحوير في يوم ماتيجي تعملي دا ميبقاش على عمر الشهاوي

فرح ورجعت قفلت باب العربيه

فرح يبقا نتكلم على المكشوف افضل

ابتسم عمر بسخريه

فرح:انت واسيل كان بينكوا حاجه

عمر:مش من حقك تعرفي دا وانت ليكي مني احترام علاقتنا من وقت ما ارتبطنا

فرح:على فكره انا مش مضايقه من دا

عمر بصلها باستغراب

فرح بتردد عادي انا كمان بحب حد

عمر بعصبيه خفيفه نعم ياختي

فرح بتوتر واتعدلت في قعدتها احنا اتفقنا على المكشوف

عمر:انتي عارفه معنى اللي بتقوليه دا ايه

فرح:عارفه اننا مش هنكمل ..انا بس عايزه افهم لو انت فعلا واسيل بتحبوا بعض ليه مكملتوش

عمر:في اسباب بتبقا غصب عننا

فرح بدهشه :مش معقول عمر الشهاووي اللي بيقول كدا

ابتسم عمر بسخريه تخيلي؟؟

فرح:لا افهم بقا

عمر وحكى لفرح كل الموضوع

فرح:بجد مش مصدقه وهما يعملوا كدا ليه

عمر:هما طول الوقت بيستغلوا اي فرص عشان يوصلوا للفلوس مش دي المشكله انا حتى لو كنت كملت مع اسيل كنت اقدر اوقفهم عند حدهم انا مشكلتي في حوار خالها دا

فرح:بس انت بتقول مش متاكد ان هو اللي عمل كدا

عمر:مش هنكر دا بس طول ماهو موضع شك فهو متهم في نظري

فرح:بس حرام الحب دا يضيع كدا ..وبعدين انت كدا ظلمتها على فكره

عمر:ماهو دا اللي واجعني وتاعبني هي متستاهلش كدا

فرح :وانا اقول البنت طول عمرها بشوشه ذوق ورقيقه يوم ما قبلتنا ماكنتش طايقنا بجد

ابتسم عمر بخفه

كملت فرح: اصل بجد انا علاقتي بيها مش سطحيه اووي ادربنا مع بعض سباحه كتير والبنت متواضعه اووي وبسيطه بس هي بطلت لما لبست حجاب

عمر:ايوه هي بتحترم حجابها ..اسيل دي اجمل بنت انا شوفتها في حياتي

فرح بهزار ياسلام عمر الشهاووي بيقول شعر...بجد حرام ياعمر لازم ترجعوا لبعض

عمر:صعب

فرح:ليه بجد هي ملهاش ذنب

عمر:تفتكري اصلا هتوافق ترجع ..انا كنت سخيف معها اخر مره في مكتبي

فرح:لو بتحبك هتنسا ..وهي فعلا بتحبك لسه...بس استنى مش اما نلخص من حورانا

عمر :صحيح من الشخص اللي انتي بتحبيه

فرح:مروان علام

عمر بدهشه ملاقتيش غير دا!!!

فرح:من غير غلط لو سمحت انا بحبه حتى لو ايه

عمر:يابنتي حرام تظلمي نفسك

فرح:بحبه من سنين ومتسألنيش ليه...

__________________________

بعد عدة ايام

في فيلا صلاح علام

في الليفنج

كانت تجلس نسرين ومروان ويارا

يارا قامت وقفت وهي ماسكه الموبيل

يارا بدهشه مش ممكن

نسرين:في ايه؟؟؟

يارا:عمر وفرح سابوا بعض

نسرين بدهشه هي الاخرى:امتى دا؟؟؟

يارا:انا لسه شايفه هما الاتنين منزلين بوستات من حوالي ساعه

الاتنين بصوا لمروان اللي قاعد بصمت وبرود

يارا:هي فرح مش عرفتك الموضوع دا

مروان:انا وفرح اصلا مش بنتكلم اصلا

وسابهم وطلع على فوق

_______________

في مكالمه هاتفيه بينهم

مي:عرفت ان صاحبك ساب خطيبته

بلال:ومالك بتقوليها وانتي فرحانه كدا

مي:اللهم لا شماته بس كنت عارفه ان دا هيحصل وقولت كدا ل اسيل مصدقتنيش يلا اهو ذنبها حسبي الله

بلال بضيق:يابنتي متحسبنيش على صاحبي

مي:بعد كل دا ولسه زعلان عليه

بلال:اولا كويس اووي ان هو وفرح سابوا بعض خطوه كويسه دلوقت افضل من بعد كدا ثانيا طول ما انا مسمعتش منه زي ما سمعت من اسيل واتاكدت انه غلطان فهو في لسه في نظري اجدع واحسن صاحب ومش اي صاحب دا صاحب عمري ومتغلطيش فيه يامي

_________________

تاني يوم

عند عمر

قرر انه مش هيروح الشركه اليوم دا

موبيله رن كان يحيى

قرر يرد عليه لانه تقريبا كان قافل موبيله امبارح من بعد ماشير بوست انفصاله هو وفرح

عمر:الو

يحيى:ايه يابني اخيرا فتحت الموبيل برن عليمك من بالليل

عمر:معلش كنت محتاج افصل شويه

يحيى:يبقا اللي على السوشيال ميديا دي حقيقي انت وفرح فركشتوا الخطوبه

عمر:ايوه حقيقي الموضوع انتهى ..انا مش هاجي الشغل النهارده

يحيى:تمام زي ما تحب

____________

بعد يومين في الجامعه

كانت اسيل ومي في الكافتريا

مي:مش شايفاكي مبسوطه يعني؟؟

اسيل:مش فاهمه؟؟

مي:المفروض تفرحي ان عمر وفرح سابو بعض

اسيل:وافرح ليه انا مشكلتي مكنتش مع فرح ..الله اعلم حالها ايه دلوقت

مي بسخريه حالها ايه هو انتي مبتفتحيش فيس دي بتشير مهرجنات وصور والدنيا حلوه

اسيل بهدوء:ماشي الله يسهلها

مي:اسيل هو عمر ولو رجع هتوافقي ترجعي

اسيل بوجع مي بليز متفتحتش اي كلام كل اللي بيحصل دا مصحاش حاجه فيا انا مش عايزه اتكلم في الموضوع دا

مي:خلاص ماشي هقفل

_________________

في احد الكفيهات كان يجلس عمر وفرح

فرح:ها هتعمل ايه؟؟

عمر:مش عارف لسه مش حاسس الموضوع سهل

فرح:اكيد هتبداء من حد قريب ليها زي يحيى مثلا

عمر برفض لا طبعا يحيى ايه مش هينفع وبعدين عشان تبقي عارفه اسيل برغم طيبتها عنيده جدا

فرح:يبقا عايزين حد بيأثر عليها ..ايه رايك نكلم ساره

عمر بتفكير تمام ..وبقولك ايه يلا نقوم انا بداءت اضايق من نظرات الناس

فرح:هههههههههه ايوه زمانهم بيقولوا من يومين فركش والنهارده مع بعض في كافيه

بعد كدا خرجوا من الكافيه

وراحوا عند بيت يحيى

رنوو الجرس

فتحت ساره اللي اتفاجئت بيهم الاتنين مع بعض

ابتسمت بصدمه بتحاول تدرايها

ساره:اتفضلوا

فرح:طبعا متوقعتيش تشوفينا مع بعض

ساره:لا عادي ربنا يصلح الامور

فرح:هي متصلحتش ولا حاجه

ساره وبصت لعمر بعد فهم

فرح وابتسمت نقعد بس وهنفهمك. ياسين فين؟؟

ساره:يحيى خرج هو وياسين بيفسحوا شويه

قعدوا وساره جبتلهم حاجه يشربوها

عمر وبداء يتكلم مع ساره وفهمهما كل الحوار

ساره:اممم كدا فهمت هي اسيل كانت حكاتلي عن الموضوع دا في البدايه بس مقلتش ان انت

عمر:لانها مكنتش تعرف اننا قرايب

ساره:عشان كدا يوم ما اتقالبنا في النادي كانت متغيره معاكم كنت حاسه مش عايزه تسلم عليكم اصلا لدرجة اني فكرت ان بينها وبين فرح مشكله ..طيب بردوه مفهمتش انا مطلوب مني ايه

فرح:هنقولك مطلوب ايه منك اسمعي ياستي

...

____________________

تاني يوم

اسيل كانت نايمه صحيت على صوت الموبيل

اسيل وبصت في الموبيل كانت ساره

اسيل بصوت نايم ايوه ياساره

ساره:ايه دا نايمه لسه معندكيش محاضرات

اسيل:لا النهارده مفيش

ساره:طيب ماتيجي تقعدي معايا شويه وتتغدي معايا

اسيل:ماشي تمام اديني بس ساعه افوق واجيلك

ساره:تمام ياروحي

وفعلا بعد ساعه راحت لساره

خبطت على الباب بمرح

وساره فتحت

اسيل:ياسين فين؟؟؟

ساره:يابنتي طيب سلمي عليا الاول

اسيل وسلمت عليها

اسيل:ها ياسين فين؟؟

ساره:ههههههههههه نايم

اسيل:اه لا نصحيه بقا لانه وحشني طبعا ابيه يحيى في الشغل

ساره:ايوه

اسيل:وطنط فين؟؟

ساره:بتقراقرأن في اوضتها

اسيل:تمام ..طيب انا جايبه بيجامه معايا عايزه اغير ادخل اي اوضه.

ساره:بوصي الاول في هنا حد عايزك

اسيل وبصت اتجاه الصالون كان عمر واقف

اسيل وبصت لساره وعيونها بداءت تدمع

ساره وقربت منها عمر عايز يتكلم معاكي اسمعيه

اسيل..

اسيل بغضب:انا همشي

ساره مسكتها من ذراعها اسيل استنى اسمعي عمر وبعد كدا ابقي امشي لو عايزه

ساره ودخلت احدى الغرف

عمر وقرب من اسيل انا اسف

اسيل وابتسمت بسخريه اسف على ايه على ايه على اني كل يوم بنام معيطه والا ثقتي في نفسي الا هزاتها والا يومي العادي اللي مش عارفه ارجعله والا لما جتلك وسمعتني كلام جارح في مكتبك

عمر:اسف على كل حاجه

اسيل:وانا مش قابله اسفك انا مستحيل اامان لوحدك زيك تاني تفرشلي الدنيا ورد وفي يوم وليله تيحي تقولي مش بحبك انتي مش مناسبه ليا

عمر:طيب نقعد وهفهمك

اسيل:لا مش عايزه افهم مش عايزه اسمع منك حاجه

عمر:انا كان فيه بيني وبين خالك مشاكل في الشغل وبره الشغل ومكنتش اعرف انه خالك بس لما عرفت بصراحه وقتها دماغي وقف التفكير فقولت اللي قولتهولك في المكتب

اسيل بعصبيه عذر اقبح من ذنب ودلوقت المشاكل خلصت نرجع ولما ترجع المشاكل تسيبني

عمر:من قالك ان المشاكل انتهت . منتهتش لسه.بس انا بجد مش قادر ابعد عنك يا سيلا انا بحبك

اسيل وغمضت عيونها ودموعها نزلت وحست انها اتهزت من جوه قد ايه كانت واحشها الكلمه دي منه

عمر وحس انها هديت شويه

قرب منها والله بحبك ياسيلا

اسيل وبعدت عنه وانا اسفه مستحيل يجمعنا مكان واحد تاني

اسيل وفتحت الباب ونزلت

عمر وزفر بضيق ومسح على شعره بتعب

ساره وخرجت من الاوضه

ساره:معلش اديها فرصه كان جرح مش ساهل عليها

عمر:تمام انا همشي ..بس ابقى رني اطمن عليها

ساره بابتسامه حاضر متقلقش انا هكلمها

اسيل نزلت من عند ساره

خرجت من البيت ووقفت تاكسي

روحت على الفيلا

عدى اسبوع على ابطالنا

عمر كل يوم بيروح الشركه ودافن نفسه في الشغل

اسيل وكانت بتروح الكليه وبتحضر المحاضرات وتقعد وقت كبير في المكتبه وكانت بتفضل لوقت متاخر

مي كانت بترجع البيت عشان مامتها

في يوم

موبيلها رن وكان فيبراشن

كان بلال

اسيل بصت للموبيل باستغراب وخصوصا انهم تقريبا الفتره الاخيره مش بيتكلموا كتير كانت بتبعد عن اي حد قريب من عمر حتى يحيى مكنتش بترد على مكالماته

لمت حاجتها وخرجت بره المكتبه

كان بيرن تاني

اسيل وفتحت الخط:السلام عليكم

بلال:وعليكم السلام..ازيك يا اسيل عامله ايه؟؟

اسيل:الحمدلله وانت؟؟

بلال:انا تمام...ايه يابنتي مكانش عيش وكفته محدش بيسمع صوتك

اسيل:معلش بقا انا مشغوله دراسه وكدا وبعدين بطمن عليك من مي

بلال:اممممم انا عارف انك داحيحه بس. بردوه صحابك لهم حق عليكي

اسيل:اكيد

بلال:بقولك ايه عايز اتكلم معاكي في موضوع كدا

اسيل:موضوع ايه؟؟

بلال:لا مش هينفع هنا..انا في العياده ماتيجي نتكلم شويه

اسيل:والموضوع دا مينفعش فون

بلال:لا لازم نتكلم فيس تو فيس

اسيل:طيب بخصوص ايه؟؟

بلال:اما هتيجي اقولك ها انا قدامي ساعتين هنا

اسيل:طيب نص ساعه وهكون عندك

اسيل خرجت من الجامعه وركبت تاكسي

نزلت قدام العياده

ودخلت الموظفه اللي هناك دخلتها

كان بلال قاعد على مكتبه

ابتسم بخفه لما شافها

بلال:نورتينا يا اسيل

اسيل وجلست على كرسي قدامه دا نورك بسيطه عيادتك ومريحه

بلال :دي شهاده انا اعتز بيها ياصديقتي

اسيل:كنت عايزني في ايه بقا؟؟

بلال:طيب اطلبك حاجه تشربيها

اسيل:لا مش مهم قولي بقا عشان انا تقريبا من ٧الصبح بره والساعه دلوقت خمسه وعايزه اروح

بلال وتحمم في الحقيقه مش انا اللي عايزك

ثم شاور على احد الكراسي في احد الجوانب دا عمر اللي عايز يتكلم معاكي

اسيل وبصت بتفاجئ على عمر اللي كان قاعد على كرسي وقام وقرب منهم

اسيل وقامت وقفت بضيق وانا مش عايزه اتكلم

بلال:اهدي يا اسيل اهدي واسمعيه

اسيل:سمعته ومش مستعده اسمع حاجه تاني انت سمعت اقتنعت ؟؟؟ولو اقتنعت انا مش عايزه ارجع لواحد زي دا

عمر بضيق:ماتلمي نفسك بقا انا ساكت عشان مقدر زعلك

اسيل بعصبيه:ولو مش ساكت هتعمل ايه يعني؟؟

عمر بغضب اسيل متنسيش نفسك

بلال متدخل:ماتهدى ياعم في ايه الحوار مش كدا

عمر وزفر بضيق طيب سيبنا لوحدنا

اسيل:لا يا بلال انا اللي همشي

بلال:يابنتي اهدي مش كدا يا اسيل

اسيل:لا مش انت اللي كنت بتقولي لو رجع راكع تحت رجليكي اياكي ترجعله

عمر بص لبلال بغيظ

اسيل:محكتلوش وصلني ل ايه

ثم اكملت بعيون دامعه

انت اكتر واحد شوفت انا وصلت ل ايه

بلال ووقف قدامها طيب اهدي

عمر ورجع بلال ووقف هو قدامها طيب انا اسف على حاجه مريتي بيها بسببي وعارف اني وجعتك بس والله بحبك

اسيل وهي بتمسح دموعها وانا مش بحبك وكفايه بقا ابعد عني ياعمر لان اسيل بتاعة زمان معدتش موجوده

اسيل واخدت شنطتها وخرجت على طول

عمر وقعد على كرسي ومسح على وشه بضيق

بلال وقعد قصاده

بلال:روق هتعدي بس اديها شويه كدا وانت اكيد عارف انها عنيده بس بتلين بسرعه

عمر بضيق:وانت يامتخلف رايح تقولها لو رجع راكع تحت رجلك مترجعلوش

بلال:الله؟! اعمل ايه يعني ماهو بصراحه اللي هي حكاته يضايق ومكنتش اعرف حوراتك دي وبعدين على فكره هي لهاحق تخاف ترجعلك اصل اللي انت بتقوله ليها مش مقنع ياعمر ايه شوية مشاكل بيني وبيني خالك مش حوار بردوه

عمر:ماهو انا مش هينفع اقولها على الحوار التاني عشان متتعبش للاسف بتحبهم اووي يابلال

بلال:عموما هي هتهدا بس اديها شويه كدا كرامتها وجعها لكن اسيل مفيش اطيب من قلبها

وبعدها انفجر من الضحك

بلال من وسط ضحكاتك انا مش مصدق ان عمر الشهاووي اسيل الكيوت تعمل فيه كدا وبيلف حوالين نفسه

عمر:اخرس ياض

بلال وكمل وهو بيضحك دا انت عندك رئيس الحرس قد الحيطه دي وبيعملك حساب تيحي اسيل تطلع القديم والجديد

عمر:بس يا وا..طي انت شمتان

بلال:لا ابدا بس الصراحه البت كانت بتموت ياجدع دي قطعت الكلام.. سيبها ترضي غرورها كأنثى وتثبت لنفسها انها اخدت حقها

___________________________

في احدى الكفتريات

كان يجلس هو وفرح

فرح:يعني بجد مش عارف تقنعها

عمر:انا عارف مش هتتنازل بسهوله بس مش هسبها

فرح بابتسامه واسعه ايوه بقا متسبهاش ..بجد لو كنت ينفع ادخل كنت ادخلت بس حاسه ان تدخولي هيعقد الامور

عمر:لا انا اصلا قررت اني هيكون مني ليها يقنعها يا انشاء الله هقنعها

ابتسمت فرح بقوه

في الوقت دا دخلت يارا واسيل ومي

اللي كلهم اتفأجوا بعمر وفرح

ولان المكان عباره عن مقاعد وقدامها تربيزات فكانوا قاعدين جمب بعض

عمر وفرح الاتنين بصلهم بصمت وهما كمان اتفجاءو بيهم

مي بهمس هو في ايه؟؟

يارا:يلا نقعد افضل

اما اسيل فبصت لعمر بضيق ولو قربت منه شويه ممكن تمو..ته

قعدوا وطلبوا حاجه يشربوها

اسيل كانت بتخطف النظرات ل عمر وفرح

اللي كانوا بيتكلموا

فرح بابتسامه اسيل لو طالت دلوقت تقت.لك مش هتردد لحظه

عمر بابتسامه عارف

عند اسيل

كانت بتبوص عليهم بضيق وتحرك رجليها بغضب كل اما فرح تضحك

يارا ومي ملاحظين دا

مي:هما مش سابوا بعض ازاي قاعدين هنا؟؟

يارا:عادي نوع من الصداقه

اسيل بصتلهم بصمت وسكتت

عمر وفرح قاموا يمشوا عمر وساعدها تلبس الجاكت لان الجو كان بيمطر

الحركه دي ضايقت اسيل ورمت كتاب كان قدمها على التربيزه وعمل صوت

مي ويارا بصوا لبعض بصمت

فرح وابتسمت لعمر ومن بين اسنانها حسابك هيبقا تقيل كدا

عمر ابتسم بمكر

ونادى على الجرسون واتكلم معه وبعد كدا مشي هو وفرح

تحت نظرات اسيل اللي كلها ضيق وغيره

عمر خرج هو فرح

الجرسون وقرب من تربيزة اسيل

الجرسون:انسه اسيل

اسيل بصتله ايوه

الجرسون:عمر بيه سايب لحضرتك دا

اسيل وبصت على اللي في ايده وكان ايس كريم مانجا وشكولاته

الجرسون حطه ومشي

اسيل ابتسمت بخفه ومسكت العلبه في ايدها انه لسه فاكر دا

كان مي ويارا بيبوصلها بابتسامه ظاهره على وشهم

اسيل بضيق مش عايزه اصلا

اسيل وحطته على التربيزه مش عايزه

______________________

بعد اسبوع

اسيل خرجت من الجامعه هي ومي

اتفجاءت بيحيى اللي قرب منهم

يحيى:السلام عليكم

الاتنين:وعليكم السلام

اسيل:ازيك يا ابيه عامل ايه؟؟

يحيى وبصلها بعتاب الحمدلله مش بتردي على موبيلك ليه؟؟

مي:طيب يا اسيل انا همشي ولما تروحي كلميني

مي ومشيت

يحيى:ممكن نقعد مع بعض شويه؟؟

اسيل:تمام في كافتريا قريبه من هنا ممكن نروحها

وفعلا راحوا وطلبوا حاجه يشربوها وقعدوا يتكلموا

اسيل:سوري يا ابيه بس بجد انا كنت حاسه اني محتاجه ابعد شويه

يحيى:ساره حكتلي على اللي حصل وموضوع عمر وانا متاكد ان دا السبب اللي كان مخليكي مترديش عليا

اسيل بصتله بحرج وسكتت

يحيى:تفتكري انا كنت هخليكي تعملي حاجه مش عايزاها

اسيل:والله انا عارفه قيمتي عندك وانك اكتر حد بيخاف عليا بس والله مش مكنتش قادره اتكلم

يحيى:انا مقدر دا ..ومش بفتح ف اي كلام انا جاي اطمن عليكي وخلاص

اسيل:ربنا ميحرمناش منك يا ابيه طمني عن طنط وساره وياسين

يحيى:الحمدلله تمام كويسين........

_______________________

بعد عدة ايام

في وقت متاخر من الليل

في شقة بلال

عمر وبلال سهرانين مع بعض

وكانوا بيلعبوا بلايستيشن

صاح بلال بفرح وسع يابن للصعايده يكسبوا في اي مكان

عمر ورمى ذراع البلاستيشن ياعم انا اصلا مش بحب اللعبه دي

بلال :ايوه قول كدا عشان خسرت..بقولك قوم نعمل قهوه

بلال وقام اتجه ناحية المطبخ وشغل ماكينة القهوه

عمر وقام وراه

عمر:بقولك ايه انا هروح

بلال:ياعم اقعد بقا ماتبات معايا النهارده بكره الجمعه

عمر:لا ..يحيى هيجلي بكره عندنا شغل

بلال:يحيى مجاش معاك ليه دا انا مكلمه بنفسي

عمر:مش مظبط اصلا بيحب شكله

بلال:اممم بس يحيى مش بيخرج مشاعره بسهوله

عمر:على الرغم انه عاطفي اكتر ودايما شايل هم اللي حواليه

كل واحد مسك فنجان قهوه وخرجوا على اللفينج

بلال :الاشخاص العاطفين دول بيتعبوا في حياتهم. المهم قولي وصلت لفين مع اسيل

عمر وهو بيرتشف من فنجان القهوه مش بترد عليا وتقريبا ببعت لها رسايل كتير وبتشوفها مش بترد

بلال :هههههههههههه احسن

عمر:على فكره انا مش زعلان انا سايبها تعمل اللي هي عايزاه ..هي بتحاول تثبت لنفسها وليا اني مش فارق معها وبتربني يعني وانا سيبها تدلع براحتها

بلال:طيب لو رجعتوا هتعمل ايه مع قرايبها دوول

عمر:انا اعرف اوقفهم عند حدهم كويس بس المشكله موضوع خالها دا وخصوصا اني بفكر افتح القضيه من تاني

فضلوا يتكلموا في مواضيع مختلفه

عمر بعدها نزل

وركب عربيته وعشان يروح على الفيلا

عمر كان ملاحظ في عربيه ماشيه وراه

عمر زود السرعه شويه

العربيه كمان بقت اسرع

وفجاءه

قربت منه خبطت عربيته اكتر من خبطه

عمر وعربيته اتحركت لمكان مش متزن واتقلبت وهو فيه

والعربيه التانيه مشيت بسرعه من جمبه

الناس اتجمعت حولين عربية عمر

وحاولو يعدلوا العربيه ويخرجوه

وطلبوا الاسعاف

_______

بلال وكان بيكلم مي على الموبيل

لاقى رقم عمر بيرن

استغرب شويه

بس قفل معه ورد

بلال وفتح الخط

بلال:ايه يابني لحقت اوحشك

:حضرتك صاحب الموبيل دا عمل حادثه والاسعاف اخدته على المستشفى وحضرتك اخر حد مكلمه

بلال بخضه وقام من مكانه مستشفى ايه؟؟؟

بلال عرف اسم المستشفى ولبس بسرعه ونزل اخد عربيته ومشي

في الطريق رن على يحيى اللي رد بعد كذا مره لان الساعه كانت داخله على٣ الصبح

بلال وصل المستشفى ويحيى بعده بشويه

عمر كان في اوضة العمليات

يحيى وبلال كانوا منتظره في الطرقه اللي قدام العمليات

يحيى قلقان عليه وفي نفس الوقت مضايق منه انه خرج من غير الحراسه

بعد ساعتين تقريبا خرج من غرفة العمليات

واتنقل لغرفه في المستشفى

__________________

عند اسيل

رن موبيل اسيل الساعه ٩ص

وكانت مي

اسيل بصوت نائم الو

مي:شكلك لسه نايمه

اسيل:وانتي صاحيه بدري ليه؟؟

مي:عادي مش عايزه انام

اسيل:مالك حساكي عايزه تقولي حاجه في ايه؟؟؟

مي بتردد:اصل في حاجه بس مش عارفه بقا اقولك والا ايه

اسيل:في ايه يابنتي متقلقنيش

مي:عمر

اسيل بانتباه مالوه

مي:عمل حادثه امبارح بالليل

اسيل..