رواية #قصة_هديل الفصل الأول 1 - بقلم غير معروف

هدوله بنيه كلش حلوه بيضه وعيونهه عسليه شعرهه بني وجهه مدور مثل الكمر خدودهه مثل التفاحات كل من شافهه تمناهه ..حبابه ومؤدبه ومرحه ضحكتهه تارسه البيت; حبيبة ابوهه وامهه اخر العنقود المدللة
ماخذه صفات الاولاد اكثر من صفات البنات
ليييش ؟؟؟😏😏
لان عايشه ويه 4 ولد
2 اخواني ...علي الجبير واحمد الصغير <br>
2 ولد خالتي (مصطفى الجبير وعلي الصغير)وبنفس الوقت يصيرون ولد عمي لان خالتي متزوجه عمي <br>
ابويه لما حب امي وخطبهه بفتره الخطوبه عمي كبل ويه خالتي وحبهه وتزوجو عائله حبجيه 😍😍😍<br>
وعيت ع الدنيا واني بنص 4 ولد اخذت كل صفاتهم&nbsp; يصبغون البيت اصبغ وياهم يلعبون طوبه او بلي ستيشن العب وياهم بايسكلات ركبت وياهم شاهده ع كل سوالفهم المكسره وامينه اسرارهم <br>
اموووت عليهم <br>
رئيس العصابه اخويه علي والمساعد مالته مصطفى <br>
واحنا اني واحمد اخويه وعلي الصغير ابن خالتي المنفذين <br>
حتى خالتي جانت تكل لامي ولج معقوله هاي بنيه&nbsp; <br>
مااصدك اشوف هدوله تكبر وتصير مثل البنات <br>
بيت عمي قريبين علينه بنفس المنطقه ويوميه لو همه يجون يمنه لو احنا نروحلهم ونبقه سويه لحد الليل عمو وبابا يلعبون طاولي وماما وخاله يسون العشا واحنا نكعد نقره دروسنا شلون دراسه نصهه تسخت وضحك بس اني جنت حيل شاطره مو مثلهم <br>
اووووف احلى ايام عشناهه <br>
كبرت صرت سادس ابتدائي بديت اتغير شكلي تغير وجهي صار بس خشم والحب تارس وجهي جسمي تغير وهذوله الاربعه بس يعيبون عليه&nbsp; خرررب شكد جنت اكره شكلي بهذيج الفتره <br>
المهم ماما لزمتني كلتلي ماما انتي كبرتي بعد ميصير ليل ونهار مكضيتهه ويه اخوانج وولد خالتج&nbsp; كتلهه هذوله اخواني ما اكدر اعوفهم واني متعوده عليهم وخالتي هم تحجي ويايه ولج خاله ميصير انتي بس تكمزين حتى مشي متعرفين تمشين مثل البنات طلعن روحي اطلع <br>
وصلت صف سادس ابتدائي واول مره بكلوريا نجحت وطلعت اولى وعلي ابن خالتي هم جان بكلوريا بس هو ثالث متوسط وهم نجح وسولنه اهلنه حفله وعزيمه....... علي اخويه نجح من سادس اعدادي بس عاد السنه تحسين معدل وصار هو ومصطفى ابن خالتي يداومون نفس الصف اثنينهم سادس واحنا داخلين وياهم انذار اما احمممممد اوف احمد رسب وعاد الخامس <br>
تخيلو صارو اربعتهم بمدرسه وحده خطيه المدير تخبل من وراهم <br>
اني من نجحت من السادس بالعطله ابتعدت عنهم شويه وكضيتهه بالمطبخ اتعلم طبخ من ماما لان خطيه امي موظفه والبيت كله براسهه وبهذيج الفتره تمرضت صار عدهه انزلاق اني اتحملت مسؤوليه البيت مره من المرات اجه علي ابن خالتي&nbsp; الصبح فات للمطبخ كال لج هاااي وينج قزومه ظل بالي عليج مداشوفج ( طبعا اني طولي 162يعني مو كلش قزمه ههههه بس هوه حيل طويل )كتله شسوي محبوسه بهالمطبخ وتنظيف البيت تعرف ماما مريضه كال اي الله يساعدج كال دتعالي مريلنه خلي نشوفج كتله ان شاء الله بلكي بليل احاجي ماما اذا بيهه حيل نجيكم كال اوك <br>
راد يطلع من المطبخ اندار عليه كال ولج قزومه مدري شمتغير بيج ضحك وطلع وراهه اني مدري شبيه احس بروحي حراره تطلع من اذاني ومغص صار ابطني وكلبي يدك سريع رحت للحمام اغسل بوجهي واباوع لنفسي بالمرايه وجهي صاير احمر دم واحجي ويه ع المرايه لج هديل وجع شبيج <br>
ما اعرف بهذاك الوكت شنو الحسيت بي ما فهمت نفسي صدك عمر المراهقه عجيب غريب.......تاااااابع