رواية #قصة_هديل الفصل الخامس 5 - بقلم غير معروف

طول فتره العطله مرت علينا ايام كلش حلوه اني وعلي نتفاهم بالنظرات احنا نروحلهم وهمه يجونه ونطلع سفرات لو نطلع نتعشا احنا واهلنه سويه لو نروح زيارات لكربلاء والنجف والكاظميه مره من المرات رحنا لكربلا حتى نزور تعرفون بكربلا ماكو بنيه تمشي بدون عبايه واني ما اعرف البس العبايه تسحل ورايه وعلي كل شويه يعدلهه ويكلي ان شاء الله يوم الاعدلج بدله عرسج اني اكله وانت حاضر ان شاء الله هو يتخبل ولج اكص السانج كولي وانت رجلي ان شاء الله واني بس اضحك وهو يصير عصبي سدي حلكج ولج انوب لابسه عبايه شطالعه كمر خررررب بعد ماكو عبايه ممنوع تلبسيهه ......

خلصت العطله ورجع الدوام والتعب والسنه ثالث وبكلوريا وعلي سادس اتفقت وياه منتشاوف هوايه وننتبه هالسنه ع دروسنا ومدرستنا ظل يلح عليه كال خلي اجيبلج موبايل كتله ما اريد لو اريد جان خليت بابا يجيبلي كال اني ما اكدر انام الا اسمع صوتج يله وانتي متقبلين احجي وياج ع الارضي ولا تقبلين يوميه اجيكم شلون يعني كتله عود اني اخابرك خررررب شكد يلح 😒😒 كمت بليل اخابره بس اكله تصبح ع خير واسده; اجتي فتره منتشاوف بيهه واني ما اكدر

اخابره وملتهيه بين دروسي وامتحانات واساعد ماما بلبيت مره خابرت بليل ردت اكله تصبح ع خير جان يكلي هديل انزلي كتله وين انزل كال انزلي لطرمه افتحيلي الباب كتله يمعود روح لتسويلي مشكله بهاليل والدنيا تمطر تزخ كال اذا متفتحين الباب راح اطفر ويسمعون اهلج كتله هسه نازله نزلت فتحتله الباب هااا علي شصاير كال شصاير اني راح اتخبل حيل مشتاقلج كتله الصبح نتشاوف قبل الدوام بس روح كال ولله ما اروح اذا متكليلي احبك انتي تحبيني لولا

كتله هسه هذا الحجي وكته كال جاوبيني تحبيني لولا كتله اي كال لعد ولا مره كايلتلي احبك كتله باجر اكلك بس روح كال ولله ما اتحرك منا اذا متكوليهه خررررب شلون قهر كتله ولله احبك وهذا كام يكمز واخذ اديه وباسهن تصبحين ع خير يا احلى شي بحياتي وجان يروح دخلت للبيت واشوف علي اخويه يفتر كال ولج هاي شنو منكعه وين جنتي كتله هااا بالطرمه كال انتي مخبله شسوين بهالمطر ياربي شكله كتله هااا مو طيور الحب ما مغطيهن ورحت غطيتهن كال دمشي

يالحنينه روحي بدلي ملابسج ....

يمه كلبي راد يوكف شكول عليك يا علي هالايام اخويه علي يدك ويايه ناعم كل شويه محتاجه شي هدوله لو يجيبلي نسكافه لو يدرسني كتله علاوي حبيبي اني اختك احجي شرايد كال ولج ولا تعبر عليج ...

هدولتي اريد اخذج ويايه للكليه واني كمت اكمز لك كول ولله كال اصبري خلي افهمج اخذج ويايه ومناك نطلع عدنه سفره خررررب اريد اكوم اركص من الفرحه 😍😍😍 ومن تجين ويايه راح اكلج ع بنيه ويانه بالكروب اني حاط عيني عليهه وانت صادقيهه واخذي منهه حجي شوفيهه مخطوبه مرتبطه كتله ماشي ....

اخويه علي حلو شكل واخلاقه بعد احلى يستحي وخجول شكله اشكراني وطويل عيونه شهل يعني مثل الذهبيات من نمشي اني وياه صدك اخوان بعكس احمد اجلح املح 😏😏مرات يكل لابويه وامي اني صدك ابنكم لو لكيتوني بالشارع 😂😂😂😂 .......

وره يومين علي اخويه كال حضري روحج باجر تجين ويايه بس حضريلنه اكلات للسفره كتله انت بس اخذني وتدلل ولله اني ماقصرت وحضرت الاكل لحم بعجين ومقبلات وحبشكلات وملابس جديده وكشخه بس المشكله شورابي ما حافتهن قبل وابد محلوات واني بيضه مبينات بوجهي خالتي نبهتني عليهن كالت ولج هديل باجر يسوج نصبه بالكليه ع شواربج هسه عبالهم ولد 😂😂😂 ماما مقبلت كلتلهه لا خلي تولي شنو تحفهن خالتي كالت معليج بامج روحي جيبي خيط وتعالي شنو اني عليه بس اربيج ما الي كلمه عليج ماما كالت امري لالله شكول بعد

هيه خالتي جرت الخيط ع وجهي واني فضحتهم بالعياط كمت ابجي من الوجع يمممممه الوجع واني اعيط جان يطب علي اني مخليه ايدي ع حلكي يكلي شبيج اهز براسي وأأشرله ع سني كلهم شنو هديل شالعه سنهه وهاي خالتي تضحك تكله ولك يا سنهه غير حفيتلهه شواربهه وعلي يركض ورايه للمطبخ ولج افتحي الباب خلي اشوفج واني منهزمه منهم 😂😂😂😂😂

كعدت الصبح من ال5 احضر بروحي دوام الكليه سالفه تعبانه ساعه 6 يجيهم الخط واني بدوام المدرسه بالكوه اكعد ب7 ونص اسحل بنفسي كملت وطلعنه اني وعلي اخويه صعدنه بالخط وعرفني ع الولد والبنات كلش حبابين وصلنه للكليه اخذني علاوي للنادي مالتهم وعرفني ع الكروب مالتهم بس البنيه الي اخويه معجب بيهه بعدهه مجايه اصدقاء علي كالو خلي نتريك جابو ريوك وكعدنه ناكل واني اصنف ع البنات الكاعدات من يحجن كله سدوووووك ..ياااااي ..مشان الله ...

هياتي عود حياتي  ياكلن اللفه مال الكيمر بالشوكه ياااي هذوله اصدقاء اخويه اختنكو من الضحك ما كدرو يكملون اكل كلوله لك علي شنو هاي اختك سينما علي كلهم هاي زعطوطه مالتنه هيه ضحكت البيت وخله ايده ع جتفي وجرني يمه بهاي الاثناء دخلت بنيه فدووووه تجنن جان راسا صارت عينهه ع علي شلون لازمني وارتبكت وضاجت..... تاااابع