رواية #قصة_هديل الفصل الرابع 4 - بقلم غير معروف

اني انصدمت من حجايته كال لتصفنين امشي عندي حجي وياج مشينا بس شنو اني بس ارجف ومرتبكه كال شبيج ترجفين كتله بارده جان الجو حلو موكلش بارد نهايه شهر الثاني كال دتعالي اني ادفيج كتله انجب لك شنو هالحجي هو تخبل ولله بعد اذا كلتي نجب اكسر سنونج كتله ماشاء الله هالايام كله تحجي بالتكسير كال شسوي كلبي مكسرني تكسر كتله شبي كلبك ابو البنات حقك تتكسر من وره العلاقات متلحك عليهن اشو هذا كام يضحك كتله كافي ع شنو تضحك كال شكلج

يموت ضحك لمن تغارين عليه كتله انت مو صاحي عندك تهيؤات كال وداعت هذني العيون الوسيعه الي مدمراتني تغارين عليه انوب اني اريد ارد علي ما اكدر انلصمت لساني اختفى كال هديل ولله اني احبج وليل ونهار افكر بيج بعمري ما حبيت غيرج اني مخليته يكمل حجي كتله اوكف اوكف شنو بعمرب محبيت غيرج هو انت شكد عمرك انت كلك 17 سنه واني 14 سنه كتله علي هذا مو حب هاي خرابيط مراهقه وانت لان شفتني منطيتك مجال ظليت مجلبلي انت عبالك اني حالي حال

هذني الي تحجي وياهن كتله علي تره اني اهلي تعبانين عليه وماعندي هاي السوالف والعلاقات ولا مره حاجيه ويه شخص ولا مره انطيت فرصه لاحد كال انتي شجاي تحجين احنا غير مربيج ع ادينه امج جانت عدهه دوام وانتي ربيتي يمنه بحظن امي عيب هذا الحجي انتي عرضي وشرفي شلون العب عليج بس ولله هدوله اني احبج وغايتي وقصدي شريف وياج اهم شي عندي بس انطيني فرصه وفتحيلي كلبج واني باقيلي بس سنه واتخرج بس اعبر السادس وانتي شويه تكبرين والباقي سهل

وبلكي الله يباوعلج وشويه ينطيج طول اني عفته ومشيت صاح ورايه هديل اموت عليج قزومتي اني ما اندريت ظليت امشي واضحك الي يشوفني يكول هاي تخبلت احس كلبي يريد يطير بس اخخخ ع المغص كل ما يحجي ويايه تظل بطني تلويني ووجهي يصير حااااار عبالك نار تطلع من اذاني

وصلت للمدرسه رغم هوسه البنات واعدادهن كومه بس اني احس بروحي امشي بفراغ ولا عبالك اسمع اي شي بس صوت علي باذني.... من وصلت شافتني مريم اجتي شبكتني وكالت احبج كتلهه ولج مشتاقتلج المدرسه مو حلوه بدونج وجانت لابسه الساعه كالت شكرا حياتي تجنن واني عايدتهه بعيد ميلادهه شافتني لابسه نفس الساعه كالت خلي نتبادل بيهن حتى كل وحده تبقى شايله حرف الثانيه ونبقى دائما نتذكر بعض ... مريومتي عشق فدوه لكلبهه ....

كتلهه مريم عندي موضوع وياج كالت كولي اريد احجيلهه وجان تجي مدرسه الرياضيات خرررررب جنا نموت منهه كلشي متفهم; ما اتذكر اسمهه بس جان لقبهه الشلغمايه 😂😂😂😂 وهاي مريم ضلت تحوص تريد بس تعرف شنو الموضوع جان تسوي روحهه متخربطه واني ضليت اعيط ست الحكيلي مريم تخربطت كالت شبيهه كتلهه ما متريكه ويمكن شاكين بيهه سكر كالت يلا نزليهه جوه بدون متخبصولي الصف بلا عليكم الله هذا رد دكولي ماعدهه الا العافيه حتى لو اتخربطت بالجذب بس المهم تخربطت; صدك شلغمايه المهم نزلنه اني ومريم المتخربطه 😂😂 واشترينا عصاير ونساتل وكعدنه بالساحه نسولف وناكل يمكن عدت الحجي 5 مرات وكل ما اكمل مريم تكلي عيدي الحجي عليج الله...

الله احلى ايام كلهه طلعت من خشمي بعدين .

خلص الدوام ورجعت للبيت الضحكه تارسه وجهي شافتني ماما كالت هااا اليوم عصافيرج طايره تصالحتي ويه مريم كتلهه اي الحمدلله بعدني دا احجي ويه ماما جان يدك التلفون الارضي مال البيت بابا رد جان يصيحلي هديل هذا علي يريدج يكول ناسي دفتر يمكم تعالي شوفي شيريد رديت علي طبعا ابويه كدامي هااا علي شتريد وهذا كعد يقرالي غزل ومشتاقلج عمري كتله لا مو يمنه الدفتر سديته ورحت للغرفه بس كلبي يريد يوكف خررررب اني شورطني ويه هذا

ويوميه من اروح للمدرسه لو من ارجع الكا واكفلي بالباب اكثر المرات هوه يوصلني يوم بعد يوم اتعلق بي اكثر صرت احسه النفس الي اتنفسه وهو هم يحبني ولا يوم زعلني ترك سوالف البنات والموبايل.....

بهاي السنه اجه قرار الاعفاء اني شديت حيلي وانعفيت بكلهن ما عدا الاحياء والعربي اجتي فتره الامتحانات وامتحنا والحمدلله اني وعلي نجحنا وعلي اخويه ومصطفى ابن خالتي; صاروا ثاني كليه اما احمد جنا كاعدين ع نار لان جان سادس وما صدكنا نجح صح معدله قليل بس الحمدلله من خلص من السادس وهوه جان يريد يدخل معهد ميريد 4 سنين كليه اصلا لو ما بابا وماما حتى المعهد ميريده 😂😂..... تابع