رواية #قصة_هديل الفصل السابع 7 - بقلم غير معروف

كال خلصتي بجي لو بعدج كتله خلصت احجي كال انتن النسوان لازم تنكدن ع الواحد يعني شنو الي يريد يصير مثلا اهلي هسه اذا اكلهم اريد هدوله راح يطيرون من الفرح وانتي اهلج اكيد هم يفرحون انتي بس خليج واثقه مني وهاي هيه كتله اني واثقه منك بس ما واثقه من الظروف كال خليج متفائله وان شاء الله ميصير غير كل خير كتله ونعم بالله ...ياااا علي نسيت اعايدك ههههههه كل عام وانت حبيبي الاول والاخير ...خرررب هدولتي; هذا الحجي اليه كتله شعندي غيرك ياضوه عيوني 😍😍😍 اروح فدوه لعيونج قزومتي ..يلا كومي غسلي وبدلي بعد شويه اجيكم كتله ماشي
وره شويه اجانه وانطاني ورده وعلبه صغيره ورديه; فتحتهه جايبلي كلاده سلسله وبيهه مداليه ع شكل ملاك تجنن حسيتهه احلى هديه اجتني وبيومهه سوينه حفله بليل وبابا جاب محبس ذهب لماما وتونسنه
مرت الايام بسرعه وامتحنا بكلوريا اني نجحت بس علي عنده دور ثاني لان اجل مادتين امتحن وجاب معدل زين هو جان حلمه كليه فنون بس عمي ماقبل وتعارك وياه وعلي اجه يمنه بقه اسبوع اجه عمي كال صيحولي علي كله شوف لو اني لو كليه الفنون تريد تصيرلي مطرب تاليتك تغني بالاعراس شوف الدنيا ذبح وصلخ تالي يذبوك اليه جثه يم الباب جان هذاك الوكت الطائفيه مشتغله والذبح بفلس المهم كامو يصيحون اجا بابا كال لعمي ع كيفك وصلي ع النبي كول يا الله المهم صالحوهم وعلي قدم ع الكليه وطلعله هندسه ولله اني كيفت همزين ما صار مطرب انوب يشتهر وهو حلو شيخلصني من المعجبات 😂😂😂 علي صار اول كليه واني صرت رابع اعدادي الايام تركض ركض انوب اجاني قهر سجى ...سجى وحده لزكه جلبت لعلي كل شويه ادك علي... هاي علي نسيت الدفتر... هاي علي اريد هاي المحاضره.... مرات اذا اني يمهم لو هوه يمنه ينطيني الموبايل يكلي كليلهه نايم ..طالع اي شي بس خلي اخلص منهه اني بدون كلشي اغار علي انوب طلعتلي سجى .... عبالي علي من يصير بالكليه راح يتغير عليه بس ابد ولا تغير بقه نفس حبه ونفس اهتمامه حتى وهوه بالدوام يخابر عليه يوميه ب1 وربع الظهر يدري بهذا الوقت ارجع للبيت واذا بالدوام الظهري هم يخابرني قبل لا اطلع عمري ما حسيت حبي لعلي خطا ولا خلاني اندم واني وياه ابد بالعكس جنت دائما احمد الله لان خلاه بطريقي بحياتي ماباوعت ولاتمنيت احد غيره جنت ادعي ربي لايصير شي ويفرقنا ...وجان يجي عيد الحب وهذا ثاني سنه نحتفل بي خابرني; بليل وره الساعه 12 وتعايدنه وثاني يوم لكيت الصبح رساله كال اطلعي بالحديقه تلكين هديتج بنص الشجره مال الياس طلعت ركض لكيت علاكه وبنصهه لعابه تجنن ووياهه ورده وكارت مكتوب بي (كل عام وانتي الحبيبه الي لا قبلهه ولا بعدهه حبيبه )
واني هم اشتريتله هديه اخذتله ساعه ع شكل سوار رجالي كلش حلوه
بهذي الفتره خالتي حاسه بينا تشوف موبايل علي من يدك وهوه كاتب حبيبتي شايفه الرقم وعارفته مالتي حاجيه ويه علي بالموضوع بس علي ما وصلي خبر
فديوم اني بالبيت الصبح جان دوامي ظهري وماما بالدوام اجت خالتي صاحتلي كالت تعالي خلي نسولف اني وياج اجيتهه كولي خاله خوماكو شي كالت تعالي يمي واسمعيني تدرين انتي من اجيتي للدنيا جنتي حيل صغيره وناعمه اول طفل شالج علاوي ابني جان يحبج يغار من كل الجهال الا انتي ميقبل احد يجي يمج يكول هاي اللعابه مالتي مياكل الا انتي وياه واذا اجتي امج من الدوام واخذتج من عنده يبجي ويصرخ وراج .... البارحه ما استغربت من سالت علي عليج وكلي اي احبهه لان حبه الج من الطفوله هدوله خاله لاتكسرين خاطره مثل ما يحبج حبي وخلي بعيونج
طول ما خالتي تحجي اني ابجي وخاله هم كامت تبجي كالت ولج وتالي نكضيهه بجي اليوم ولج خاف متحبي وتبجين اني اهز براسي اكلهه لا
دحجي بداعتي تحبي ولج لولا كتلهه اموت علي جان ضلت تضحك دكومي انتي شلون جنه حتى كلاص مي ماقدمتي لام رجلج ههههههههه .....تاااابع