رواية #قصة_هديل الفصل الثامن 8 - بقلم غير معروف

وخلص الرابع اعدادي اكثر الدروس انعفيت بيهن جان الرابع عام ماكو علمي وادبي يعني مرحله صعبه نوعا ما امتحنت بس 3 دروس بهذيح الفتره اخويه علي تخرج ورحنا ويا للقاعه والحفله تجنن وايوته طالعه تخبل واهلي شافوهه وشافو اهلهه وانعجبو بيهم امي طول الحفله كاعده يم ام ايه وكركركركركر دك سوالف عرفت اصلهم وفصلهم وكلشي عنهم مو اكلكم محقق كونان ميلحكهه 😂😂😂😂 علي ومصطفى ولد خالتي وخالتي هم اجوي ويانه شلعبو بالحفله ماخلو واحد كاعد

وره ماتخرج علي اخويه بشهر تقريبا فتح موضوع ايه ويه اهلي وكلهم اني احبهه وهيه بنيه مؤدبه واريدكم تخطبولياهه بس حاجو اهلهه الخطوبه اطول سنه يعني ع عطله السنه الجايه يلا نتزوج لحد ما اكون نفسي.... احنا الحمدلله عدنا خير من الله بس علي راد يشتغل يلا يتزوج يعني ميقبل يكولون اهله يصرفون علي المهم لكه شغل الصبح يداوم بشركه اهليه وبابا كال راح افتحلكم محل مال موبايلات انت واحمد تكعدون بي العصر والحمدلله الله وفقهم

رحنا اني وماما لاهل ايوته شلون ناس ملوك ورده مال الله كالو البنيه بنتكم شتريدون تسون شتجيبون بكيفكم والخطوبه عادي خلوهه سنه اكثر لحد ما علي وايه يحددون موعد الزواج وحددنه وياهم موعد يجون المشايه ويلبسون حلقات ويعقدلهم السيد وصارت الخطوبه تخبل اجوي كل كرايبنه العمات والخالات والعمام والخوال واجوي مريومه وامهه وبعدين وره ما عقدو شغلنا الدي جي والركص والجكليت (ونشكر من كال اخذوهه نشكر من عمهه وابوهه )

(عفيه عليك علاوي شلون دبرتهه احلى حمامه بالقفص صدتهه) كلبناهه كلب ..... وعلاوي حبيبي كل شويه يكلي يوم لالنه هدوله ..وانتبهت ع حمودي يباوع ع مريومه ويبتسملهه شكد فرحت بيومهه..... بس بهذاك اليوم اكو واحد طلع روحي فد لزكه منووو؟؟؟ حيدر ابن عمتي فد واحد مكروه وسوالفه مكسره كل شويه وكلي هدوله ع كيفج شطالعه اليوم ويغمز ومدري شيسوي اني ما اطيقه ....

خلصت الخطوبه ورجعنا للبيت وهم سوينه حفله الدنيا ما لمتنا من الفرحه ماما كلت لحمودي يوم لالك حبيبي ولك حمود اخوات العروس خوش بنات وحلوات جان هوه كلهه لايمه ما اريد اني عروستي بعدهه صغيره جاي منتظرهه شويه تكبر واخذهه اني ما تحملت ضليت بس اضحك امي تخبلت ولكم ليش متحجولي شنو اني امكم لو هديل امكم سوالفكم كلهه يمهه الج الله يا امال (ماما اسمهه امال ) هاي تالي ولدج الي ربيتيهم😂😂😂😂.....

; وراهه بيومين اجانه حيدر وراهه ب3 ايام هم اجانه لزك لزكه ليش ما بالصدفه اجه علي ويشوفه وتكب العركه انتي شنو مكابلته وليش ما لابسه حجاب كدامه (اني كدام كرايبي ماالبس حجاب ) بعد مطلعين بدون حجاب اصلا لطلعيله نهائيا ولتشوفي وظل يصيح... علي صح يحبني بس اذا صار عصبي يظل يخيط ويخربط وكلامه كلش يجرح ....

هااا واخت حيدر تمارا تحب علي ودائما تلمحله بس بيوم خطوبه اخويه شافت علي لازم ايدي ويضحك ويايه وهيه تخبلت ولا تشوفني بعينهه يعني يجوز هيه قرت براس اخوهه حيدر بعد الله اعلم بس همه اثنينهم نفس الخباثه

علي من ظل يصيح عليه اني زعلت كتله شكرا هسه انت هاي ثقتك بيه كتله اني اشوف واسمع واسكت كال تعالي شنو اشوف واسمع كتله شوف سجى كل متخابر واني ارد عليهه تكلي انتي اخت علي واني الف مره كايلتلهه علي ماعنده اخوات لو سوالف تمارا كل شويه جارتك من ايدك واني اغلس واسوي نفسي ولا شايفه .... ليش؟؟ لان واثقه منك واكول تحبني ...

بس شوف نفسك انت واثق بيه لولا عفته ورحت ظل يومين يدك عليه وما ارد علي اليوم الثالث اجه للبيت واعتذر كال ولله موقصدي بس تدرين بيه اغار عليج وهاي سجى اللزكه اني اعلمهه وتمارا تدرين بيه شكد اكرهه اصلا اكرهم كلهم هيه واخوانهه شكد ثكيلين ع المعده وتصالحنا طول العطله جانت تجي ايه يمنه علي يجيبهه وكلش حبيناهه وهيه هم تحبنا وجنا نطلع سويه ...

خلصت العطله وصرت خامس اعدادي وعلي صار ثاني كليه ما ظل شي وننخطب اني وعلي لان خالتي كالت بس تكملين سادس نحجي بالموضوع وهيه هم ملمحه يم ماما وامي كلش فرحت...... تااااابع