رواية قصة من حياتي الفصل الخامس 5 - بقلم نور الخالدي

#قصه_من_حياتي

اني عمري 33 سنه عشت طفولتي من عمر 7 سنوات اشتغل وي أبويه حداده وكل الي يشوفني يصور اني ولد إلى ماصار عمري 11 ابويه غير الشغل فتح محل مواد غذائية وهماتين اشتغل ويا صرت صف اول متوسط بطلت و ضليت    اشتغل ويا و  اروح وي امي لسوك هو الشورجه نسوك البضاعة ونرجع بيه إلى المحل وضليت على هذا الحال إلى مصار عمري 15 سنة

بعد ماكدرت أضل  اشتغل كعدت بل بيت  ونسيت أذكر أني السادسة بين اخواتي وحده ازغر مني وعندي اخ واحد أكبر مني بهوايه تقريب خمس سنوات بس ميحب يشتغل يدرس  ازوجو خواتي واخويه وصل السره الي انخطبت بعمر 21 سنة خطبني صديق أخوية صديقه من الطفولة اهلي فرحوا
بي واصرو اني اوافق عليه صارت القسمة وزوجت بس اهلي مطلبوا مهر عالي ولا غرفة زينه من طبعهم ميشرطون على العريس على كد امكانيته صار الزواج بعد أربع شهور خطوبه
ازوجت بس محسيت نفسي عروسه مافرحت  لان معاملته مو حلوة
  رغم هو مكمل دراسة بس عقله همجي لا يتكلم ولا يصرف وياي كعروس

وأول يوم عرسي  اني جنت مريضه ميصير يتقرب الي من كتله مااكدر تعارك وياي ليش مكتلي و نأجل  العرس وجان الزواج بلبيت وحاره ماكو لا مبرده لا مكيف كمت ابجي وماكدرت حاره حيل نزل على أبو صعدو مبرده خلوها
بالباب الغرفة بس ضلت حاره هو الظاهر  متعود نام وعافني ضليت إلى مغفيت وحدي ضليت أسبوع على هذا الحال يوميا عركه وياي إلى يوم السابع صرت زينه الحمد لله
شافني اصلي عرف اجاني أخذ الي يريده وعافني وراح بدون لا كلام ولا أي شي عبالك مجبور عليه مع العلم هو رايدني وخطبوني بس ماحسسني بفرحت عروس خلصت إجازة العرس ورجع لشغله هو رغم الشهادة العاليه بس ماكو مامتعين   يشتغل عامل بمعمل مواد احتياطية اسبوعيته 25 الف يعني متكفي اي شي
واني والله متعوده من اهلي مااطلب فلوس جانوا اهلي حالتهم متوسطة بس الحمدلله مخلوني ناقصني شي شترولي كلشي بجهازي
زوجي انطاني 150 الف يعني بس اشتريت بيهم مكياج  وانطوني فلوس قبل الزواج اشتري ملابس  يعني بعد الحمدلله مامحتاجه مصرف بدا
  يشتغل يطلع ساعة سبعة ألصبح يرجع ساعة خمسة العصر يضل  يتفرج تلفزيون إلى وقت العشه نتعشه ونصعد فوك ميحجي وياي إلى اني احجي وبس يتقرب مني يأخذ الي يريده ويبتعد  وينام يعني ميخليني احس ويا باي شي كل الي يضل وياي تقريبن عشر دقائق لا كلام  ولا قبله متبادلة بينه ولا أي شي مع العلم اني حلوه الحمدلله جسمي حنطاوي وشويه متروسه عيوني سود واسعة شعري سرح طويل خشمي وحلكي زغار والله هذي مواصفاتي والكل يسموني الهندية وهو مااعرف شيريد أكثر
اني سألته  أيام الخطوبة كال اني اريدج ومعجب بيج  بس ليش هيج تعاملة
المهم تعودت على هذا الحال مااشكي إلى أي أحد اسمع كلام خواتي عن ازواجهم وشلون يتعاملون وياهن بس اني مااحجي عن حياتي وشلون تقضي وي زوجي
ماعنده اي رومانسية أو عاطفه مرت الأيام وبدت مشاكل اخواته وياي والغيرة شما اسوي ميعجب اشكيله كانو ميسمع ميجاوب مر على زواجي 3 أشهر كامو يحجون ليش ماصار حمل ويسمعون كلام اجه يوم كال اخذج للدكتورة نشوف ليش ماكو حمل رحنه سوت كل الفحوصات طلعت طبيعية كالت أريد هو يسوي فحوصات حجت ويا وافق سوى
هماتين مابي شي ورا كم يوم تمرضة
  اثاري حامل عرفوا عدهم عادي ولا فرحوا
مرت ايام الحمل صعب علية  ضغط يصعد وهو ماكو إحساس بس يريد رغبته
الدكتورة  ماكو ال اروح يم اهلي امي تاخذني دكتوره حتى منعتني من المشي ومن الرجال وعرف وعادي واهله نفس الشي ومن عرف بيه بنيه ضاج صار موعد الولادة حسيت بوجع اخذوني لجده كالت هاي تولد بعد أربع ساعات يعني ساعة 9بليل  اخذوني إلى مستشفى العلوية جان وقتها الظروف   موزينه سنة 2005شهر 11 يوم 2 دخلت المستشفى بس وحدي ممنوع أحد يدخل   وياي زوجي وأمه وأبو ضلوا   بره دخلت ممر طويل و اظلم    اسمع بس الصراخ مال النسوان الي جاي يولدون  وصلت صالت الولادة بس اني فقدت ارجف ومرعوبه اول مرة اشوف شلون يولدون وماشاء الله العراقيات الممرضات شلون يتعاملون كله فشار وغلط صاحت بيه نامي على السديه فحصتني كالت انتي مو هسه تولدين إلى الفجر روحي اكعدي بره لو روحي للبيت اني فرحة طلعت أركض كتلهم خل روح ماريد اولد رجعنه للبيت ناموا كلهم حتى زوجي هم نام وعافني ضليت اتوجع بس ساكته بس ماحس كمت بطفله صارت الساعة بل وحده بليل زاد الوجع نزلت على عمتي كعدتها
هي وعمي ضاجوا
شلون اروح هسه ممنوع التجوال كعدت زوجي كام يصيح يريد ينام طلعنه اني وعمي وعمتي

وصلنه يم السيطره مال الزعفرانيه وكفونه شافوا حالتي طلعت ويانه سيارتين شرطة وصلونه اني كمت اصرخ ماريد هاي المستشفى خفت منها اخذوني إلى مستشفى الجراح والشرطة اخذوا فلوس عشه هم  دخلوني تقريبا ساعة ثنتين
ماكو أي أحد بس حارس الباب نايم كعد من سمع دكت الباب دخلوني فحصتني الممرضة كالت ضغطج صاعد حيل مستحيل تولدين طبيعي الا عملية اني كتله بس خلصوني عمتي ماقبلت كمت ابجي كتلهم اهلي يدفعون لفلوس راسن دخلت عملية صحيت شفت بنتي وسميته على بنت الإمام الحسين عليه السلام وجان كلهم يحجون ليش هذا الاسم اجتي امي الصبح ساعة ستة وضلت يمي إلى ساعة 11
طلعنه للبيت امي مقبلت اروح يم عيالي اخذتني يمها ضليت عشرين يوم مدلاله يجي زوجي يشوفني كل أسبوع
للعلم  بيتهم قريب بسياره عشر دقائق
رجعت يمهم وهو كام يشتغل غير شغل توظف   بل خضراء بمكتب تابع للسفارة الامريكيه  ضل خمسة سنوات صار عندي ولد سميته طه والحمد لله أحوال زوجي المادية تحسنت
بس زادت المشاكل وي اهله على الفلوس على المصرف تعرض أبو حادث جان قريب على انفجار صار بغداد بس متاذه شي بسيط قرر يفتح محل كهربائيات وشغله بي ابو ورا فترة والده   اخذ المحل منه صار مااله حق يداعي بفلوسه

وجان وياي نفس الشي متغير اي شي بطبعه  صار عنده فلوس وداينت  من اهلي فلوس اشتره بيت بس صار حرب من اهله على البيت ماتطلعون بي رغم همه مشاكل يوميه على اتفه لأشياء  بس خباثه شلون آرتاح اجا يوم كال اني قدمت على الهجرة الى امريكا توافقين تجين وياي واذا متوافقين آروح وحدي حجيت وي اهلي محد عترض اني ضليت ساكته اذا اهلي ماكو رد منهم شلون اكلهم ابقى عدكم  قبل لا يقرب السفر عرفت نفسي حامل هو انجن شلون ماريد روحي نزلي اني خفت كلت ال امه كامت تحجي عليه سكت كمل إجراءات  السفر صرت اني حامل بشهر الخامس سافرنا....
.
.
.

من بغداد إلى الأردن والى ألمانيا وإلى أمريكا صار السفر يومين ونص وصلنه استقبلنه صديقه أخذنا لبيته واجوي موظفين  من المكتب المسؤول  على الي يهاجرون تغدينه واخذونه لشقه الي محضريه النه شقة زينه بس اني مامرتاحة  خلصت اليومين بس ابجي وهو على اقل شي يتعارك تعارك وياي حتى بطياره كدام الناس 
مرت ثلاث اشهر يعني شويه مرتاحه يتصلون اهله بين يوم ويوم واهلي هماتين صرنا عزاز كودن بالغرب اجا يوم الولادة وحدي مااعرف أحد زوجت صديقه ماحبيته متقربت منه بس صارت عندي علاقة وي مرآة جبيره كامت تزورني بقت يم اولادي وهو اخذني للمستشفى وياي بنيه عراقية موظفه بهذا المكتب دخلوني عملية ولدت ابني الزغير سميته امير بقيت ثلاثة أيام محسيت بشي من ألم لو بشي مدلل عبالك ابيت اهلي وأكثر معاملة حلوه إحترام ونظافه هو بقى يمي يومين والثالث اجتي يمي نفس المرأة وهو بقى يم بنتي وابني ألصبح اخذو آمير طهروا وهو اجه واولادي ويا وهم تعارك وياي كودن اني مااعرف لغة واجوي يردون يسون أوراق الجنسية قبل لا يوصل من عرفوا اني ماعندي لغة اجلوا بس عافوا الاوراق  طلعت للبيت الساعة سبعة العصر والحمد لله  عبالك مامسويه عملية بس من اتحرك احس بألم عافني وراح يم أصدقاء نظفت البيت على كيف وسويت عشه بس حسيت شكد صعبة الغربه ماعندي احد وبهذا الوقت اذكرت دلال امي ابنتي وابني وضليت على هذا الحال سبوع وحدي محد يدري بيه ولا يسال وهو شتغل وشتره سياره ورا لسبوع   العراقيات كلهم اجوي يباركون وكلهم تفاجأوا    بيه البيت نظيف ومرتب واولادي سبحتهم حتى البيبي سبحة والحمد لله جان ثاني يوم أريد اروح لطبيب افتح اخياط العملية اجت عليه نفسه البنية الي اخذتني للمستشفى بالثناء  أريد اركب السيارة حسيت بوجع بطني بعملية رحت للطبيب فتحت العملية جان تكول هاي مفتوحة من الجهه اليمنه وكالت باجر يجون عليج للبيت من المستشفى انتي لا تتحركين هواي رجعت للبيت حجيت الزوجي رد لعد شلون منو يهتم بلبيت ولاولاد اجوي ثاني يوم حجوا ويا وشافوني كالو هاي مفتوحة لازم يوميا يجون ممرضات يشوفوها وضليت نفس الشي يوما اشتغل وهو عايش مثل الملك مداير بال وأقل شي صياح وعرك مطابت العملية إلى ثلاثة شهور وهو بهذا الوقت بده يتغير اسوء من قبل غيرنا الشقه انتقلنا إلى غير مكان منطقة شعبية الساكنيه بس اسبانيين عبالك مو باامريكا والشقه عتيكه  وصخه وهماتين تحملت وحجيت وهو يطلع للشغل من العصر إلى الخمسة الفجر يرجع وهذا كله هو بس احجي وياه يتعارك اشوفه يتصل بتلفون ويحجي انكليزي
بس ماافهم صار عندي إحساس يخوني ضليت اراقبه كام ميتقرب مني ولا يباوع عليه بس أسأل يكوم يصيح انتي تتوهمين كام يطلع
يوم السبت هو عطله هنا يطلع من الساعة تسعة بليل يرجع بأ2و 3  من أسأل ايكول وي أصدقائي يوم من الأيام دخل
للحمام سمعت التلفون رحت فتحته رسالة جان هو مسوي بل لابتوب  ترجمة للعربي  رحت ترجمت الرسالة طلعت موعد وي بنيه واجهته نكر كتله اتصل برقم كدامي هو اتصل بس اثاري غير رقم حجه صوت رجال  بس اني مصدكت ضليت اراقب كلشي تغير حتى كام ميصرف على البيت ولا على الأولاد من أريد ملابس يوديني المحلات العتيك اشتري حتى المسواك مو بكيفي اشتري دمر حياتي وكل هذا وساكته فد يوم جاي اصفح بل لابتوب مااعرف شلون فتحت الايميل اجتي أبالي خيانته وجان اشوف  رسالة ترجمتها عبلك مزوجين حب وغرام عمري ماسمعت منه فد يوم  الكارثة الك صورة هو وحده أمريكية عجوز بلخمسين عمره تخبلت كمت عشيت اولادي ونومتهم ونتضرت إلى أن اجه من الشغل بلخمسه الصبح من دخل شافني كاعده على الكرسي وكدامي لابتوب هو ميسلم شي طبيعي ذب الجنطه مالت الأكل اني سالته وين جنت كل شنو تسالين غير بشغل قابل جنت اتونس بس بصوت عالي
بهذا الاثناء  اني صرخت بي كتله اسكت لا تكمل درت الشاشة عليه هو انصدم جان يكول شلون كدرتي تفتحين الايميل كتله ربك يريد يفضحك لأن تجذبني من احجي رد عليه شتريدين اسوي تردين تطلكين هو جان عباله اكول أي بس اني كتله لا ابقى بس تعوف هاي السوالف كال اي ماشي
أخذ سبوع يمشي عدل وزين ورا رجع نفس الشي وازيد خلصت سنة ثانية علينا واحنه بأمريكا وتحملت ضيم العيشه بهاي المنطقة كلها حراميه ويبيعون مخدرات يوميا تطوق بشرطة ويصير الرمي واني اضل مثل الدجاجة ألم اولادي واطفي الاضوية
  واكعد ادعي رب العالمين يفرجه اجه يوم كال راح اشتري بيت لأن الحمدلله عنده فلوس من شغله بالعراق واشتغل بأمريكا هم راتبه زين هو هم بخيل مايصرف واني أخاف مااطلب فلوس
المهم قبل لا يشتري توفه أبو وأصدقائه عرفوا كلهم اجوي عليه شافو المكان الي ساكنيين بي كلهم كاموا يحجون عليه كلوله شلون اتامن  تعوف زوجتك واولادك بهذا المكان النسوان هم كاموا يحجون عليه والله سوينه فاتحه بلحسينيه هي عبارة عن بناية طابقين الفوك للرجال والجوه للنساء طبخت اني قسم وساعدتني العراقيات كلمن سوت شغله وحضروا الكل حتى هنود مسلمين شيعة وخلصت على خير ورا فترة كام يدور على بيت ولكه بيت مكانه زين ويم ناس عراقيين سادة انتقلنا وهو نفس الشي متغير على حاله وصرت اني عبالك عدوته صارت صديقتي وحدة علوية وحبابه وبنتي دخلت مدرسة وهو كام يجاوز عليه وكمت اشوف اشياء أبشع من الصور واضل اليل كله ابجي على حضي واني الله شاهد عليه مامقصره باي شي رغم كل لشفته وبقيت
اطبخ اطيب أكل وكله تعرف اكلي شلون طيب هو بس هذا الشي مادحني بي
وبيتي نظيف واولادي هم نظيفين وماانام اذا مااسبح وتعطر والبس لبس مال نوم و انتظر  إلى أن يجي الفجر اسوي الأكل والشرب من يجي تعبان يلك جاهز يصعد فوك يشوفني كاعده ميباوع عليه عبالك مو زوجته يضل كاعد يأكل ويكتب بلابتوب ويضحك عرفت يحجي وياه وحده من عرفت حاجيته وكمت ابجي كتله ليش اني شنو ناقصني وهيج تسوي يرد انتي مابيج نقص خيرته بيني وبينه يكلي ماعوفه ضل شاد وياي مره فتحت باب الحمام عليه لكيته فاتح فديو هو وياه وهم صارت عركه وثاني يوم هم لكيت صور بلتلفون هو وياه صور لا أخلاقية بنفس البيت الي شترى قبل لا نسكن بي ونكر يكول جذابة وضربني وطلعت رحت لبيت صديقه ورجعني لبيتي وماقبل يسمع شي منه وشكيت يم رجال سيد ومسؤول

.
.
.
.
على الجالية العراقية وتصل عليه ورد مااسمح أحد يدخل ابيتي وراهه بفترة يوم صايمة جان اصور شهر رجب شهر الخامس يوم 18 سنة 2013 صارت بيه مصيبة جنت اسوي غده الأولاد واله هو قبل لا يروح لشغل طك الطباخ وحركني النار اشتعلت بيه حتركت كدام عيونه  حرك النار تاكل بيا  اولادي يصرخون وهو يشوفني كدامه بس سحب الضل من الكلبيه مالتي واني طفيت روحي ذبيت روحي بلكاع وكمت اتمرغل وطفيت وبنتي من شافتي فتحت الباب وطلعت تصرخ ودك ابوب الناس اجوي شافوني محروكه خبروا الشرطة والسعاف واني عريانا وناس تتفرج عليه طلبت من بنتي تتصل على صديقتي تجي إجوي الاسعاف شالوني واجت صديقتي هي وزوجه اني بس اصرخ أمانة بركتكم  ديرو بالكم على اولادي وبهذا الوقت اني نمت صحيت ورا شهرين هاي الفتره كله جنت بغيبوبه من صحيت مااشوف بس خيال وارجع انام شويه شويه كمت اصح كمت احس يجي هو وأمه اصورت مرجعني للعراق بس بعدين كمت اسمع كل الي يمي يحجون انكليزي عرفت هي جايه داز عليه بس اني من صحيت مااذكر اولادي واخاف من عنده هو وأمه  من احس بيهم اغمض عيوني يصورون نايمة كمت اصحصح بس مااكدر احجي لأن واني بلغيبوبه نفسي مقطوع مسويلي فتحه بلعومي مخلين اوكسجن كمت اكعد على كرسي وكامو يفتحون للكمبيوتر وي مترجم ويحجون حاولوا يخلون قطعة من البلاستيك بلعومي اكدر شوية احجي ونصدمت فد يوم واني كوه مسيطره كاعده ولازميني جان المترجم يسأل شنو شعورج من عرفتي كفوف ايديج مقطوعه اني مرديتي كتله شنو يعني مافتهمت حسوا بيه متفاجه  سدو لاتصال ورجعت نمت من كثر الدوه  المسكن واني كلشي مااشوف من جسمي كله مضمد ويغذوني بانبوب نازل من خشمي إلى بلعومي صرت شوية احسن اجوي كالوا راح ينقلوج إلى دار رعاية فترة وترجعين اني اسمع بس مارد ونضري قليل ودوني لهذا الدار شويه كمت اوعى ومثل اول ضل هو وأمه يجون بين يوم ويوم ومرات هم يخلون هاي الي تساعدني احجي كمت أسأل على اولادي يكولون زينين بس ممنوع يجون يزوروج مرت شهرين اني كل أسبوع يوديني بل سعاف للمستشفى كاموا يجيبون مترجمة بنيه مصرية كمت أسأل عرفت اديه مقطوعه وبعدين عرفت صدري شايلي وعندي عملية بطني مامسدوده زين لأن سالت على شغله انو اشوف صونده من بطني نازلة للكاع بجهاز واشوف كل كم ساعة تجي ممرضة تشوفه وتفرغ دم آب قوطيه طلعت اثاري واني بلغيبوبه امعائي متوقفة رايدني يعرفون شنو السبب فاتحين بطني طالع عندي فتحه بلمصران مااعرف شلون نزرف وضاله بطني مفتوحة إلى ان تاكدوا نسد المصران سادين الفتحة مال بطني بقطعة جلد خفيفة ويسندوه بقطعة سفنج ويخلون لصونده فوك تسحب الدم ضليت بهذا الدار ست شهور شويه بديت اتحسن بس زوجي من يجي هو وأمه يضل يتوسل لا تكولين اني مساعدتج بلحريق ويبجي ومانع كل احد يزورني من العراقيين فد يوم اجه كالي راح اتصل باهلج حاجيهم اني فرحة بعد فراق سنة اني بلمستشفى مااعرف شبيهم اتصل خله التلفون على اذاني واني كوه احجي يادوب ينسمع امي سمعت صوتي كامت تبجي وابويه هم يبجي كضوه صراخ وبجي اني تعبت وتخربطت سد التلفون وراح هو وامه اني بدو يسولي علاج طبيعي وتمارين ماحسيت فد يوم اجه هو وأمه كعدو شويه اجوي عليهم كلولهم بعد ممنوع تبقون هواي الكم ساعة واحدة ويرحون وراه بيوم اجتي المترجمة جان تكلي بعد زوجج ميجي سالت ليش شكو كالت اخذو الشرطة كام يجون العراقيين يزورني والنسوان يجيني عمتي تكعد تتوسل بيه انتي بيدج برائت  ابني ضلت ورا ماابنه نسجن شهر ورجعت للعراق بقوا العراقيين يجون كامو يحجون عليه شيسوي من اني بلمستشفى وهو وحده بلبيت واولادي يم بيت صديقتي ضلوا يراقبوا
شيسوي من يتصلون عليه يردون يسالون عليه يكلهم اني يمه وزينه وهو بلبيت وجايب صديقته ومرات يجون للمستشفى وهم يتصلون يكلون انت وين يكلهم يمه من عارف بيهم يراقبو امبلغ إدارة المستشفى يمنعون الزيارات بس الله كشفه لأن ظالم واني استمريت على الرياضة والعلاج وكمت أحاول اوكف بهاي الفترة عرفت اولادي ماخذتهم الدولة ومخليهم يم عائلة أمريكية  صبرت إلى أن فد يوم كالو هذا السبوع يجيبون اولادج يزوروج اني مصدكت ضليت ماانام اليل وكمت أحاول اكعد بكرسي متحركة اجا
يوم الزيارة اجوي كالو ميصير يشوفوج بغرفتج اكو غرفة خاصة لزيارة كالوا هسه اجوي راح ناخذج شالوني وكعدت بلكرسي رحت فتحوا
الباب فراق سنة وكم شهر شفت اولادي ابني ازغير عفته عمره سنة وست أشهر صاير جبير بس ميعرفني بس شلون حس بيه من دخلت وهو مثل واحدة نصدم راسن دنك راسه وضل منتجي على الميز وابني الجبير اجه حضني بس مااعرف شيكول ناسي العربي وبنتي صافنه بوجهي اني من شفتهم بس ابجي مااكدر احجي شويه المترجمة كالت ابنج يكلج اني عبالي انتي ميته وضل يمي معافني وشويه بنتي تقربت بوسته بس هي شويه تعرف عربي جابولهم هداية ابني الزغير اجاني يكلي افتحي الهدية الي اني كمت ابجي شلون افتحه واني اديه مقطوعه هم هوا يحجي انكليزي  ضلوه يمي أربع ساعات وراحو وراهه بليل قبل لا انام توسلت برب العالمين وترجيته ارجع امشي الخاطر اولادي ونمت كعدت الصبح حسيت اكدر احرك رجليه حاولت ازحف لطرف السرير شوي وصلت اجتي الممرضة شافتني اجتي تقربت مني انطيته اديه لزمتني وكفت بهذي اللحظه   كامت تبجي جان الكل يتوقع اني بعد ماامشي اجوي كل الممرضات ودكتوراه
متفاجئين   اني وكفت ورا كم يوم شالوا الصونده الي بخشمي وكامت الممرضة توكلني شي بسيط وراه بسبوع سدوا الفتحة الي بلعومي وكمت أكل واكدر اشرب مي وره سنة وسبع اشهور صرت امشي طبيعي قرروا ارجع للمستشفى اسوي آخر عملية وراها اكدر اطلع للبيت ودوني للمستشفى وصار وقت العشه تعشيت وجابت الممرضة العلاج اخذته بس اني بهاي اللحظه شالوا السفنجه والصونده من بطني عليه بس شاش خفيف أثناء مااخذت العلاج صار الم بمعتي وتقيات ونفس اللحظه انفتحت بطني وطلعت مصاريني ومعتي اني كمت اصرخ والممرضه حولت بلخاولي تسد بطني وتصيح بعلوا صوته الكل اجوي شافوني اني بين الصاحيه والمغمه عليه راسن سوو المغذي واتصلوا بدكتور اجه  نمت بعد ماادري صحيت الصبح أريد مي ميقبلون رجعت من جديد ضليت أربع ايام ممنوع اتحرك وممنوع اشرب اي شي ومصاريني مخليهم بمثل الجيس البلاستيك اجه
.
.
.
الدكتور كال باجر العملية اجت ساعة العملية ودوني سوهه صحيت اني بلغرفه والم قوي بطني وبفخذي من الصفحة سالت المترجمة كالت شالوا جلد من فخذج سدو بطنج من صفحة بس ضلت فتحه ميكدرون يسدوه هسه ضليت فترة بلعنابه المركزه تقرب شهر وراه نقلوني لغير طابق صارت عندي حاله نفسية بس ابجي مااعرف احجي لغة ال مترجم وهو يصير المغرب اني اكوم اصرخ بعلوا حسي أفكار باهلي أخاف أحد مات واولادي الي مااعرف وين راحوا اني ماعندي أي رقم تلفون من العراقيين يجون الدكاترة  يكعدون يمي ويتصلون على مترجم بتلفون ويضلون يسالون بس كولي تعرفين منو ونجيبه الج وضليت على هذا الحال تقريبا تلث شهور فد يوم اجه الدكتور يسأل بيه واني ادعي واقره آيات بكلبي وجان أذكر اسم الشركة الي جان يشتغل بيه زوجي واعرف صديقه هم ويا اني راسن صحت أذكر اسم رديت الاسم للمترجم اسم الرجل واسم الشركة الدكتور حاول يطلع اسامي الشركات لكه الاسم موجود ورقم أخذ المعلومات وكال باجر اتصل اجه ثاني يوم الجمعة اني كل يوم جمعة ياخذون الغير طابق بي مكان مثل المصله للمسلمين ياخذون اروح اصلي واقرا قران مع العلم كل الدكاترة والممرضات مسيح قليل اكو موظفين اسلام بس يعرفون ويحترمون الإسلام جابلي الدكتور قرآن عربي إنكليزي والحمد لله صليت ودعيت عند رب العالمين بس أريد أحد يطمني على اهلي واولادي والحمد لله للعصر اجه الدكتور كال اتصلت وعرفت الرجل وكتله عليج وكال باجر اجيها فرحت وخايفه اجه يوم السبت اجوي ثنين عراقيين اعرفهم وعدهم رقم اهلي اتصلوا اطمنت عليهم وسمعت أخبار اولادي زينين بس محد يكدر يشوفهم ال من اهلهم يله عاد كامو كل أسبوع يجون يزورني النسوان وجابولي تابلت كمت اتصل باهلي يوميا وعرفت بعد سوالف على زوجي طلبت من الدكتور يجيبلي محامي أريد ارفع قضية طلاق وجابلي بنيه محاميه سوت دعوة وعرفت زوجي مسوي توكيل للمحامي مالته يبيع البيت كلت للمحاميه سوت حجز على الفلوس قرر القاضي نص فلوس البيت الي
خلصت ثمن أشهر واني بلمستشفى ساعدني الدكتور على اشوف اولادي والحمد الله كامو يجون كل أسبوع أربع ساعات وهاي كل الفتره اني معتي طالعه يخلون عليه الجيس البلاستيك يوميه يغيرون واحد وبهاي الفترة تعبت حيل بسبب الكانونه يخلون وحده حجم جبير تبقى مدة شهرين يله تتغير يصير بيه تسمم بدم واوصل للموت أو سبحان الله اطلع منه آخر شي قررو يسولي ادين اصطناعية اجوي شافوا اديه كالو لازم بعد ينبتر منه من الايد اليمنه كالوا لازم نأخذ موافقة منج وافقت سوو العملية والله لا يشوف كل واحد الم الي شفته يعني خلو اقوه مسكن ألم بلوريد مثل المغذي واني اصرخ الحد ماخف اوره بشهر صارت عملية معتي نزلت المصارين ليجوه وحده وراه سوو العملية صحيت من البنج عبالي نفس اليوم طلعت اني شهر بغيبوبه نقلوني لغير طابق ضليت شهرين وكالو راح اطلعين بس موللبيت بيتج انباع والغراض باعوه ضلت الفلوس يم رجال سيد زوج صديقتي ونقلوني لدار الرعاية بس مو نفس القديم هذا أبعد صرت بعيده محد يجي يزورني بس هذا السيد يجي كل شهر وعشت وي ناس كلهم كبار بسن نسوان ورجال اني ازغر وحده سولي ادين وكمت اتمرن عليهم واولادي يجون كل أسبوع وصلت أخبار على العراقيين يحجون عليه ليش عايفه اولادهه عند المسيح فد يوم اجه الرجل ويا مرآة متوسطة بلعمر عرفني عليه طلعت أمريكية سوده مسلمة كال هاي عده إجازة مال رعاية لازم تخليني محامي ينقل اولادج يمه وافقت خلو محامي ورا فترة صار النقل يمه ضلت مستمرة الزيارات والله حجيت وي المساوله برعاية أريد اطلع تعبت ومليت من العيشه يوما واحد مصبح ميت اني من يمي اصير كابه واحزن يومين والله كالوا نهاية الشهر انتي اطلعين بس بشرط تلبسين اديج ثمن ساعات بليوم وافقت كلشي اسوي بس خل اطلع اجاني خبر صار الطلاق كامت المساوله دور على شقة بلمجمعات الحكومية حضرت محكمة زوجي وحجيت الي صار وراها اجاني الخبر الصدمة طلع من السجن هو قضه سنتين بسجن
اجه اليوم الي  اطلع من الشقه  بعد سنة ونص بدار صاروا كلهم يعرفون ويحبوني تعلمت احجي انكليزي طلعت جان يوم الجمعة الساعة وحدة الضهر  شهر الثامن يوم خمسة 2016 سولي حفله بسيطة واجيت لشقه وبنات من جمعية مال رعاية المرأة جابولي فراشات وجربايه وشغلات للمطبخ  يعني شغلات هواي نمت اول ليلة ابيتي وحدي صارت عندي مساعدة تجي من الصبح إلى الضهر تروح اولادي صارت زياراتهم مرتين بلسبوع والمسلمين الهنود وباكستان يساعدوني بغراض البيت ومرات يجيبون مصرف وصار زيارة اولادي يجون الجمعة ويباتون إلى يوم الاحد  يرحون وبعطل المدرسة يجون يمي وصارت محكمة بخصوص اولادي قدموا تقارير عني زينه وافق القاضي يجون عندي بعد ميرحون اول يوم اجوي يمي جان واحد واحد 2017 والحمد لله هسه هما يمي واني قايمه بواجبهم من كل النواحي صدوك ماعندي جفوف بس الحمدلله تعلمت كلشي اسوي اطبخ واكنس وامسح اغسل ملابس صدوك اني مريضه وفوك طاقتي جاي اسوي بس راضيه اولادي ولازم اتحمل مسؤوليتهم  والحمد لله صارو كبار كلهم بلمدرسه بنتي صار عمره 12 والولد واحد 9 واحد 6 وشطار بلمدرسه ويحاولون يساعدوني بأشياء مااكدر اسويه لأن ماحب البس اديه الصناعية واني جاي اكتب بطرف المعصم وهذا جزء من الي عشتا محجيت ايام العذاب الي شفته والحمد لله يجي يوم وتفرج وشكرا لحضرتج سمحتي اكتب قصة حياتي واذا حابه تنشر  عادي بس ارجو بدون ذكر أسماء ولا البلدالي اني بي