رواية قصة من حياتي الفصل السادس 6 - بقلم نور الخالدي

#قصه_من_حياتي

تعرفون شنو اكرة امي  امووت منها
اقرا قصص نوبات اكو بعض البنات مضايقات من عيشت أهلهم لو من العيال  الله اتمناها بس مستورين وسمعتهم طيبه

اتحمل  كلشي
هذا الحجي حجيتها لان ما اكدر احجي لاحد اريد افرغ اريد تندعولي الله يوفقني بحياتي الجديدة

قصتي اقصد مصيبتي هي اهل مو خوش ناس سمعتهم بل منطقة مو حلوة بل الاصل اني مصلاوية
فتحت عيوني الاب 24سكران
الام تفتر ماكو شي اسمه ام وتلم اطفاله ماعرف شلون كملت الابتدائية ما  اتذكر  امي فد يوم تقريني لو كالت تعالي شعندج واجب
احنا 4بنات ولد وعيت على الدنيا واشوف بطلات الخمر بل بيت عادي
ريحة البيت متنطاق  الوالد عادي يطبون يطلعون اصدقاء ابويا من يجون يطببونه  بل الغرفه   منطلع امي وياهم عادي حتى بدون حجاب
لحد ميطلعون يله يطلعونه
ابوية  ...من صار السقوط
كام يجيب صناديق مشروب اشكال بطاله قواطي  تقريبا 4  5انواع 
كام يبيع مشروب بل بيت ونوبات يجون للبيت شباب يشربون ويطلعون  الباب 24 تندك على مشروب المنطقة ضاجو من عدنه لان سيارات ودراجات 24 ساعه شكد رادو يشيلونه بس محد كدر
عبالك العالم كله تشرب
المهم حتى نوبات ابوية ماكو امي تطلع تبيع اختي الجبير عادي

اني صرت ثالث متوسط البنات ينهزمون مني محد تقبل تصادقنين من اطلع من المدرسة للبيت اشكال اسمع حجي ويلحكوني للبيت
احجي لامي ميفيد

اخر شي وحده من بنات جوارينا بس بعيدين  كمشتني  كالت انتي لان اهلج يبيعون مشروب وسمعتهم موزينه  البنات اهلهم محذريهم منج
كتله هو شنو شبي المشروب 
اني هنا كلشي ماعرف عبالي شي عادي لان فتحت عيني على هل شي
كالت اسمعي
هذا حرام الله ذاكر بل قران   شاربين وحاملين  والبايع حرام   يعني انتو اكلكم  وشربكم كل حرام
وسمعتكم بل منطقة موزينه
اني ضليت صافنه نجحت من ثالث
صارت العطلة كاعدة بل بيت كمت اسمع محاضرات للدكتور احمد الوائلي بل راديو
من سمعت عبالك صحيت من غيبوبة بس ابجي
احنه اربع بنات خواتي الاصغر مني 2 اتزوجن  أخذهم عمي...
عمي ساكن الموصل  ميدري   ابويا شيشتغل   الكل يعرف ابويا عنده معمل مال ثلج ميدرون بي يبيع مشروب لان اهل ابويا عايشين بل موصل وكل 3سنوات  يجون مرة   ومن صارت الاحداث طريق الموصل بغداد كلش خطر
المهم خواتي اتزوجن للموصل خلصن من الضيم بقيت اني واختي الكبيرة ...والدي  من كثر الشرب صار عنده  تشمع على كبد واخر لحظات حياته هو يشرب لان مدمن يعني مات هو يشرب ....
اخوية حمودي عمرة 13سنه سودة علية راح للبانزين خانه يجيب نفط صار انفجار وحترك ومات حتى جثه مالكينه مجرد عظام طبعا اكتب وابجي من اذكر هذا الموقف ابويا من مات مابجيت عليه مثل ما بيجت على اخوية المهم
بقينا 3نفرات اني وامي واختي

امي مستمرا ببيع الخمر اخوها كام يبيع وياه لان ربح وفلوس كومه 

اختي الكبيرة سبحان الخالق
علية جمال من خلقها اتفنن بيها 
عبالك لبنانية تركيا
بس مو زينه الف واحد مصادقه ويموتون عليه والمصادقتهم كلهم مزوجين
للعلم حتى مو بنية وامي تدري بهل شي وعادي عدها
اختي شكد حاولت تعرفني على شباب بس صديتها اتعارك وياه و عازله نفسي نهائيا
ملتهية بدراستي 
حبست نفسي بل غرفه مااختلط وياهم لان بيئه نكسه  امي واختي
نفس الطينه
صارت احداث الموصل خواتي وبيت عمي طلعو التركيا
وبيت جدي راح بيبتي اخذت ذهبها وفلوسه وراحت سكنت يم بتها ب سليمانية  
اني بعد ما اتحمل  العيشه لان البيت صار دعارة علني يعني
بل ليل من انام اقفل الباب على نفسي لان اخاف يصعدلي واحد سكران
والي يجون كلهم   ومسئولين بل دولة  عندي هاي صديقتي الوحيد الي علمتني اصلي واقرا قران واسمع محاضرات نطتني  سجاده وقران لان بل بيت ماعدنه شي اسمه قران او سجادة
صديقتي الي اعز من امي فعلا صديقتي نصحتني  كالت اطلعي  من اهلج لان الاكل والشرب  حرررررررام
لاتنجرفين  ويا  اختج  ...
فكرة وين اروح
امي ابوها وامها ميتين وكلمن ملتهي بحياته اصلا عدهم الشرب عادي يعني مااكدر اشتكي يمهم
اهل ابويا نفس شي كلهم طلعو تركيا
فكرة بيبيتي ام ابويا
عايشة بيت الوحدها وعمتي ساكنه قريب عليه
خابرت عمي الي بتركيا كتلة اريد رقم بيبي
اخذت الرقم منه
ملاحظه امي وبيبيتي مثل الحية والبطنج  من سنه 1994 امي اخذت ابويا واجت البغداد بعد محجت وياه ابد بس ابويا جان يروح يشوف امه ويرجع
هواية تفاصيل يرادلي دفتر ابو الالف المهم
اتصلت بيبتي كمت ابجي وحجتله كل سوالف امي واختي وخالي الكلب
كالتلي لمي غراضج
و روحي لكراج النهضة  ركبي اربيل
اني انتظرج هناك ب اربيل
يومين افكر شلون انهزم
اخاف اركب من الكراج
شيكلون عليه
فكرة اروح الشركة اسجل على سفرة لاربيل واتفقت ودفعت مال نفر
خابرت بيبي كتلة هيج وهيج سويت
كالت عفية قبل لا طلعين كوليلي
ورا سبوع ساعة 6صبح طلعت من بيت لميت غراضي
طبيت اشوف اختي لكيت لا امي ولا اختي محد ماكو والبيت فارغ
طلعت وركبت المنشأ   وي الناس امنت لان عوائل وياي
وصلت اربيل ساعه 4العصر متت من الازدحام وتعب
خابرت بيبي كتلة وصلت لفلان فندق
ورا ربع ساعة  اجتني وكدام ابو الشركة كتلة هاي بيبي اني ماارجع وياك
خفت يكول علية انهزمت ويا واحد لو شو شنو يطلع عليه

امي لليل يله دكت عليه وتذكرتني
وصلت سلمانية وامي يله اتذكرتني
كتلة اني يم بيبي مااكدر اعيش وياكم
جان تكلي انتي لا بنتي ولا اعترف بيج وسدت الموبايل اني نزلت دمعة من عيوني ماعرف حزن لو فرح
كسرت رقمي وبعد ما اتصلت بيها
هاي صالي سنة 8تشهر من عفت بغداد وبيت اهلي 
عايشة يم بيبي على تقاعد مالته
و توظفت  بشركة اهلي شايله مصرفي

عايشة اني وبيبي اداريها لان جبيرة
اجيت ونس وياه وكلش حنينه علية
وعمتي الله يحفظه الي صارت مثل امي تعلمني وتنصحني
وخواتي متواصلة وياهم الي بل خارج احجي وياهم بس امي واختي ماعرف شي عنهم
لان حتى خواتي الي بل خارج امي كطعت علاقتها بيهم
ا اخر شي وسمعته عن امي متزوجه هي واختي متزوجين الاب والابن
يعني امي متزوجه الاب
واختي مأخذ الابن
وللعلم الاب والابن متزوجين وعدهم عوائل
الاخبار وصلتني عن طريق صديقتي
اتمنى من الله بعد مااشوف لا امي ولا اختي
واصلا مااحن الهم ابد
لليل نهار ادعي الله يحفظ بيبتي
ماعدي غير بس الله وهي
اسفة على الاطالة