رواية قصة من حياتي الفصل السابع والعشرون 27 - بقلم نور الخالدي

#من_بريد الصفحة

مرحبا حبيبتي اريد احجي جزء من معاناتي
طبعاً حبيت واحد عن طريق الفيس بوك سنه وبعدين خطبني بس هواي صارت مشاكل واهلي عاندتهم واخذته طبعاً اني بدوله وهوه بدوله بس رجعنه للعراق تزوجنه وهسه اني داسحبه يمي اني عايشه بدوله اجنبيه المهم زوجي هوه عصبي هواي بس قبل الزواج مجان هيج يعني مع العلم اني تزوجت بس ١٤ يوم ورجعت بسرعه حتى اسويله معامله ويجي يمي بس وره الزواج تغير حجيه تغير اسلوبه يعني يفشر ويغلط عليه من يصير عصبي اتشاقه ويا يسويها مشكله جبيره يعني حتاريت شلون اتعامل ويا والله تعبت منه اني احبه ومااكدر بدونه بس بنفس الوقت مداتحمل احس روحي اريد انفجر بس مداعرف شلون هوه مو قريب عليه واطلع قهري بي داعاني ومن يصير شويه زين احجي ويه اكوله ليش هيج تحجي مو عيب احنه صغار قابل يكولي اني من اصير عصبي هيج اخربط لاتاخذين بكلامي من اصير عصبي بس كلش يأذيني بحجيه ومااعرف شلون اتعامل ويا والله تعبت منه هوايي حساس واقل شي يسوي مشكله يعني اذا اتاخر مااجاوبه ع تلفون دقيقه هاي يعني اليوم كله نتعارك بنات نصيحه اذا اهلكم مراضين على زواجكم لا تتزوجون اذا اهلكم مراضين عليكم لان مراح تتهنون