رواية قصة من حياتي الفصل السادس والعشرون 26 - بقلم نور الخالدي

#من_بريد الصفحة

اني مزوجه وعندي ثلاث اطفال اول خمس سنوات زواج جان عندي بنت كضيناها بس عركات لان  اتعلم عل قمار
بعدين اجاني ولد كلت بلكي يصير زين وخاطر الاطفال ابقى لحد مصارلي ثلاث اطفال اعرف غلط ميصير اجيب طفل لزوج فاشل بعد الي صار صار

زوجي عصبي كلش كل كلمه احجي لو انقاش لو اي طلعه لازم عركه  مع العلم اني دارسه واعيه وشكلي مرتب جدا واحاول اشتغل علمود انهي الصراع المستمر
اهلي مو قريبين عليه
بعدين  درست وبوكت الدراسه تعرفت على مطلقه من نفس بلدي اعتبرتها اختي وصديقتي وجانت توكف هوايه ويايه من ناحيه الماده لان زوجي قمار جان مفلسني دايما !
وكلشي جانت اكثر شخص يطب ويطلع ويايه  وجان زوجي يتعارك يكول من شكلها مو راحه لان جانت كلش حركه بصراحه بس كلبي طيب  محد مجان عندها كلت بلكي احاول اهديها واعلمها الطريق الصحيح  جانت اصغر مني بجم سنه ورا فتره تقريبا ٨ اشهر اكتشفت هاي الانسانه مو طبيعية  وجانت تروح لطميه وتتعرف على نسوان مطلقات ويحبون سوالف مال سحر  وصار عندها صديقه مقربه وهمين مطلقة وهيه من النوع المنفتحه
كلش يعني تطلع وطب ومايهمها احد
جانت دائما تكولي اطلكي اطلكي قمارجي ومايهتم بيج بحيث هيه جانت تتعرف يومية على واحد شكل
واني جنت كلشي احجيلها حتى الشخص الي حبيته قبل الزواج وهي كالت مدام بعدج تحبي كملي وحاجي وعوفي زوجج يعني عقلي خربته جدا يعني مشيت ويه انسانه غلط واني عرفت هل شي غلط بس لنو جنت عايشه بكابوس ومشاكل زوجي فكرت  اذا احجي ويه الشخص الي جنت احبه اكبر زنى تعتبر
استغفرة الله مخليت هل فكرة
المهم حاولت ابتعد عنها وانهي صداقتي بيها نهائيا لان اني حياتي مكفيتني مشاكل
اشو نهيت كلشي وهاي كامت تهدد بيه وتريد تخرب بيتي هي وصديقتها المقربه هاي لان  كلت انو اني صداقتي وياكم مااكدر استمر اني صاحبه اطفال وعائله
وصلت لمرحله انو اروح محكمه واقدم عليها بلاغ لن تهددني وصارت تفضح بيه وين ماتروح لحد مايوم تعاركت وية زوجي وكلما يتعارك ويايه يعيرني بصديقتي لان سمعتها طلعت   كلش موزينه 
بس   جنت احبها جنت اعتبرها اختي كلما نتعارك صارت مثل الكابوس يجيب اسمها ويكول شنو مسويه هي انتي همين مسويه
وكال اني اكدر اجيبها واعرف انتي شنو مسويه وياها بس كال خاطر الا طفال اني باقي وياج
يعني كل هذا القهر الي عشته والتجارب الصعبة الي مريت بيها فلسني ومجان عندي فلوس دائما
هسه هوه يشك بيه ويكول عني كلام مو زين نهايا بكل نقاش
اني عندي يقين واصل حجي عنده من هيج يشك بيه بس بدون دليل طبعا
اني تعبت لا كادره احجي لاهلي
لان اول يوم امي سمعت بهاي صديقتي كالت بنتي هاي البنت مو من ثوبج ماسمعت كلام امي وزوجي جان دايما يكولي هاي اتعبج كتله لا خطية حبابه
يعني اني منا زوجي ومشاكلنا
ومنا هاي تفضح بيه بس حجي مع العلم اني ممسويه شي غلط مجرد حجية اله عن ماضي وانتهى مامسوية شي غلط
جنت اعلمة وانصحة بس للاسف مافاد من ابتعدت عنها خفت على نفسي واطفالي وسمعتي لان كمت اشوف اشياء كلش وصخه وانصحة مفاد بيه الكلام ابتعد عنها
الي اريدة شلون اتصرف وياه زوجي واخلي يبعد الشك عني ؟

ملاحظة اي تعليق غير لائق بلوك