رواية قصة من حياتي الفصل الثامن 8 - بقلم نور الخالدي

اني وحيده الأمي امي من جابتني اتعسرة ولادته حيل بحيث سبوع تطلك  بيه من جابتني اندعت انو بعد ميصير عده اطفال لان تعبت

وفعلا امي بعد مصار عده غير بس اني تعبت عليه حيل ودللتني 
دخلت الجامعه وتعرفت على صديقه جايه من نجف بل الاقسام الداخليه هاي صديقتي صارت الي اخت وصديقه بمعنى الكلمه وكانت تنصحني على الزين والشين  فد يوم اتوسلت بيه تجي تبات يمي كالت خلي اخابر اهلي اذا يقبلون من عيني
اتصلت واني كاعده يمه اتصلت على اخوه مقبل  اخذت التليفون وسلمت  عليه كتله اني ماعدي اخوة اني بس وحدي لا اخت ولا اخ لاترفضلي  طلب توسلت بي قبل
المهم وره فترة قصيرة اجاني اتصال الساعه 12 بليل
كلت الو
كال ممكن اتعرف بل كمر
اني انصدمت
كتله انته منو كال معجب
اني سديت الخط
وصلتني عدة مسجات
و ضل يتصل. اني ماارفع خط  ...
ضل تقريبا سبوع يتصل مااجاوب 
راح مااتصل بعد

فديوم رحنه زيارة للنجف صديقتي اتوسلت بيه تعالي اتغدي  يمنه لان كانت عطله  ...
رحنه اني وماما اتغدينه    يمهم شفت اخوه كلش حلو وعجبني ...
وصلنا بسيارته للامام صار تعارف بين العائله .وره فترة دزلي طلب بل فيس عرفت اخو صديقتي وافقت  ...
صارت صداقة بيناتنه اتحولت الى حب بعدين ....
كلي اني اريدج على سنه الله ورسوله
لا العب ولا اي شي
امي جانت متقبل اتزوجني اله وياه
كعيدي تريد ...
كتله بس امي تريدني وياه واني بس هل وحده شلون اعوفه واروح للنجف
طبعا اهله مقبلو رادو بت خالهم ميردون غريبه ...ضلت مشاكل ويه اهله ...
اني انسحبت كتله  خلص اهلك ميردوني ماافرض نفسي عليهم
كلمن يروح بدربه
هو اتخبل اني غيرت خطي وغيرت كلشي لان ضليت بين نارين امي متقبل اروح للنجف ولا اهله يقبلون ابنهم يروح البغداد ...وره شهرين
اجتي امه وصديقتي اني تفاجأت هذا حجي الخطوبه كله وره متخرجة  من جامعة

امه تنازلت وافقت يعيش بغداد بس إجت من وره خشمه  ...
رادت صديقتي رقمي لان يريد يتصل بيه كتله ابد اله تصير مشايه مال الزلم 
وصار من قسمتي وتزوجت وشتغل ب مطار بغداد موظف  وراتبه ممتاز   وره ماازوجنه كال اختبرتج بل موبايل اتصلت عليج بليل ب12 بس مانطتيني مجال اني ضحكت كتله طلعت انته كال اخذت رقمج من اختي بدون علمه المهم

اخذت الطابق الثاني بيت اهلي وعشت وياه اجمل ايام  عمري عبرت السنه ومصار حمل راجعت والحمدالله  يوم الي حللت وطلعت حامل مصدكت    حصير ام جانت امنيتي اخلف عشره لان انحرمت من الاخوه كلت اله اترس البيت جهال
وكل سنه اجيب واحد

وصلت ل9اشهر الطبيبه كالت الطفل تعبان لازم عملية. يوم الي رحت للطبيه كان يوم الاثنين ..والخميس موعد العملية ...كتله حبيبي اريدك يمي سبوع كامل تبقه يمي كال اشيلج بعيوني بس جيبي اشوف النونو بعيني وتكومين بسلامه  قبل العملية بيوم رتبنه البيت اني وياه رحنه لسوك اتسوكنه حتى طلي أشترى حتى من ارجع يذبح وجه الله

صار الخميس هو اخذ اجازه سبوع من دوام   ...حضرت الجنطه ورحنه للمستشفى
كعدنه  بل غرفه الي انام بيه  دانتضر الطبيبه تجي واني خايفه هو حاظني  يكلي لاتخافين راح تجي الاميرة الصغيره وايده على بطني
بهل للحظه   دك التليفون حسيته ضاج كتله شبيك كال المدير يريدني هسه
كتله شيريد؟
كال يردني اكو اوراق محتاجه توقعي اله هسه اروح كتله اوكف لتعوفني بهل للحظه صاحو اسمي ادخل للعمليات حضني وباسني كالي لاتخافين واني ابجي حسيت بهل للحظه بعد ماشوفه   مسح عيوني وصلني للباب كالي لاتخافين لاضغطج يصعد دخلت للعمليات
هوو راح يوقع
راح بعد مشفته 
توفى بحادث اصطدام ب لوري 
اني جبت لينا للدنيا هو فارق الدنيا
شكد محتاجته هسه اني وحيده .وبنتي وحيده هم
  من وفاة ولحد الان اسودة الدنيا بعيني وكلشي حلو اندفن وياه
مر على وفاته 3سنوات راح اجمل شي بدنيتي
اصعب شي فراق الاحبه 💔💔💔اسفه على الاطاله