رواية قصة شوق وسلفتها الفصل الأول 1 - بقلم غير معروف

هو عشان مبخلفش في الكل في البيت ييجي عليّ كده. هي دي مش حكمة ربنا يعني. أنا مش عارفة الناس دي نوعها إيه. النهاردة كان سبوع سلفتي وأنا واقفة لقيت حماتي بتقولي وإيدها ع كتفي شدي حيلك يا شوق عاوزين نفرح بعوضك. بصيت لها وعيني كلها غيظ من كلامها. وقولت لها لما أحمد يرجع من السفر بس حاضر يا ماما. شالت إيدها من عليّ.

وقالت هاتي الغربال وفعلاً مسكت الغربال وهي بتبص لي وقالت اسمعي كلام أمك واسمعي كلام أبوك وفضلوا كلهم يضحكوا وأنا قلبي بيعيط من جوا لقيت سلفتي العقربة شالت ابنها وقالت خدي يا شوق شيليه وادعي بس بتتعوج وقالت يمكن ربنا يديكي. ردت حماتي وقالت والله مفيش فايدة وكلهم قعدوا يضحكوا 😒.

وبيدهسوا عليّ لمجرد إني مش بخلف لقيت نفسي خرجت بره وجسمي بيرتعش وحسيت إني مرهقة وسندت بإيدي ع الباب وهما كلهم جوا مبسوطين وحسيت إن التفكير هيموتني وطلعت ع شقتي وفتحت الباب وقفلته وحسيت بصوت بيكلمني ويقولي إشمعني أنتي اللي مبتخلفيش اتجننت وبقيت أدور في الشقة هو في إيه بالظبط.

أنا إيه اللي بيجرالي أنا حاسة إن جسمي بيتكتل وكأني حد ربطني أنا مش عارفة أتحرك وبقيت أكلم نفسي وقولت دي أوهام وقومت من مكاني وقولت أنا هنزل السبوع أحسن أنا لو قعدت لوحدي هتجنن وقومت دخلت الحمام وغسلت وشي ونزلت السبوع وكلهم مبسوطين وأنا تعيسة من جوايا من جرح هم لي ومن كلامهم الجارح. ولمحت بعيني أشرف أخو جوزي واقف يبص عليّ أوي.

لقيت نفسي جسمي متلج وصوت رجع تاني بس المرة دي جوايا وبيقولي أخو جوزك قدامك اهو خدي حقك من مراته العقربة بتعايرك إنك مش بتخلفي خديه منها علشان تحسي بالقهر زي ما قهرتك وقولت في سري أعوذ بالله من الشيطان الرجيم إيه اللي بفكر في ده. ده لو حصل فيها خراب بيوت ووقفت مكاني واتسمرت. لقيت سلفتي بصوت واطي وبتقولي أنتي عمرك ما هتحملي أنتي أرض بور خلي بالك أنا جبت عروسة لجوزك وحماتك عارفة؟ بس أنا قولت لها شكرا والف مبروك مقدما.

أميرة: شوق أنتي جبله ما زعلتيش. شوق: وأزعل ليه أنا هطلّق. وقولت في سري أنتي اللي خربتي ع نفسك. بس أميرة سلفتي قالت لي أنتي عايزة تتطلّقي يا شوق. قولت لها أه عشان جوزي يتجوز ويجيب عيل عشان تفرحوا بيه وتعملوا سبوع حلو زي ده. مش أنتي خلاص شوفتي عروستك؟

وحماتي جت واحنا بنتكلم وبرضو مش مبطّلة وقالت تعالي يا أميرة كلمي أشرف جوزك يا ست الستات وأنا النار بتغلي جوايا وخلاص ع كده أنا الشيطان لعب في دماغي خلاص وبيقولي خدي حقك خدي جوزها منها وساعتها هي هتتقهر وتتلم. أما بالنسبة لأحمد جوزي مش فارقة كتير ع طول مسافر وأنا اللي عايشة في غلب ومعايرة هنا. أشرف: مالك واقفة لوحدك كده ليه يا شوق. شوق: واقفة بتفرج ع سبوع. أشرف: عقبالك.

شوق: يارب ❤ اتمنى أخلف ولد من راجل زيك يبقى من ظهر راجل. أشرف: عارفة أنتي طول عمرك حلوة. شوق: بجد بس أحمد ع طول سايبني ومسافر وأنا لوحدي في الدنيا دي 😒 ومليش حد حتى أمي مش بتعرف تزورني من حماتي أصلها صعبة ما أنت عارف. أميرة: مالكم في حاجة أنتوا واقفين كده ليه. أشرف: مفيش واقف مع مرات أخويا. أميرة: مرات أخوك أه طيب أدعيلها نشوف عوضها لحسن خلاص أمك جابت آخرها خلاص وشافت عروستها وأنت عارفاها كويس.

وأشرف اتحرج قدام شوق ومسك أميرة من دراعها وقال تعالي إيه اللي بتقوليه ده. أميرة قالت بصوت مسموع وشوق سامعة كل حاجة وقالت دي مبتخلفش وجوزها طفشان منها عشان مش عارفة تجيبله عيل يفرح بيه. ده القطط بتخلف لامؤاخذة وهي مش عارفة هههههههههه. أشرف: إيه الكلام ده باتّلي جهل دي حكمة ربنا واسكتي لا تسمعي حرام عليكي. أميرة: ده جبله وقالت بتقول هطلّق يلا في داهية. أشرف: هتسكتي ولا هقلبها عليكي.

أميرة: خلاص متزعلش تعالي شوف ابنك عشان تعرف إني ست الستات. أشرف: ابني عبدالله وبنتي منى ربنا يبارك فيهم. أميرة: يارب ولسه ولدين كمان. أشرف: لا حول ولا قوة إلا بالله قولي يارب. عن إذنك هشوف المسكينة دي سمعت ولا لا وفعلاً أشرف خرج وشاف شوق واقفة وقالها شوق ادخلي جوا. شوق: أنا طالعة شقتي بس ليا طلب عندك القولون عندي ملتهب وفي برشام مش لاقياه ياريت تدور عليه ولو لقيته أنا فوق في شقتي.

أشرف: حاضر نخلص من الليلة دي وأنزل أجيبهولك. شوق: ربنا يعزك. وتليفون شوق رن وقالت عن إذنك يا أشرف أنا طالعة وفعلاً طلعت وردّت ع التليفون وكان أحمد جوزها وكان بيطمّن عليها وقفّلت معاه وفضلت تبص لحيطان الشقة ودخلت أوضة الأطفال وقالت أنا كلّفت نفسي وعملت أوضة أطفال ليه عشان مخلّفش وكمان أتعاير ع حاجة مليش يد فيها ع رأي أميرة سلفتي دي القطط بتخلف بس أنا لأ 😭.

وقامت شوق فتحت شباك أوضة النوم وقعدت ع الأرض وقالت هو ده ظلم يارب إشمعني أنا مخلّفش ومفرحش أنا تعبت خلاص. بس أنا قلت لازم أقهرها زي ما بتقهرني العين بالعين والسن بالسن وأنا هانتقم وهاخد حتة منها هاخد أشرف منها. أما أحمد هيطلّق بس أحرق قلبها وقلب حماتها عليها ست الستات بتاعتها أنا هوريهم العقارب دول. وتليفون شوق رن وقالت دي فاطمة صاحبتي وردّت ع طول وقالت فاطمة وحشتيني. فاطمة: مال صوتك يا شوق إيه ده أنتي بتعيطي.

شوق: مضايقة شوية تعالي عايزة أقعد معاكي شوية. فاطمة: حاضر هلبس وأجيلك الساعة لسه 9 بس مش هتأخر. شوق: تعالي أنا مستنياكي. وشوق قفّلت مع فاطمة ومستنياها عشان تقعد معاها. وشوق قالت إيه ده نفس الصوت وحطت إيدها ع ودانها وقالت صوت غريب ده جوايا وكل مرة يقولي خدي جوزها خدي حقك بس المرة دي شوق قالت أنا هاخده وهخليه خاتم في إيدي وهخليها تتعذب وتتقهر. وعدّت ربع ساعة وجرس الباب رن فاطمة صاحبتها.

فاطمة: مال القمر مضايق من إيه أوعي تقولي مسألة الخلفة والعيال ده أمر ربنا يا حبيبتي. شوق: 😭 مفيش غيره أنا بتذل كل يوم يا فاطمة من حماتي وسلفتي كأن مفيش ست غيرها خلّفت تصوري سمعتها بوضني بتقول لأشرف جوزها إن القطط بتخلف يعني إيه حسبي الله ونعم الوكيل. فاطمة: هي البت دي مش هتسكت أنا قولت لك كذا مرة وقفيها عند حدها في ناس كده بتيجي بالعين الحمرا إنما الطيبة بتاعتك دي متجيش معاها.

شوق: أنا عايزة أتكلم معاكي أنا قررت أتطلّق وهاخد منها النعمة اللي هي فيها وأخد منها أشرف وأقهرها وخلي حماتها تنفعها بقى. فاطمة: تطلّقي يا مصيبتي لا لا. شوق: مفيش حل غير كده. فاطمة: لأ في حل وحل هيجيب من الآخر. شوق: هو ده اللي فكرت فيه أنا مقهورة لازم أقهرها وأقهر حماتها خرابين البيوت أنتي ناسية إنها بنت أختها عشان بتحبها إنما أنا غريبة. فاطمة: اسمعي مني وحياة أمها الغالية لا أخليها تندم ع كل دقيقة ضايقتك فيها.

شوق: 😭😭😭😭😭. فاطمة: احنا نخليها تتجنن وتتدخل مستشفى المجانين ولما تتجنن تبقى لا تصلح أم وتاخدي عيالها تربيهم وكده حماتها مش هيبقى ليها عين وأنتي اللي هتربي العيال وده غصب عنهم كلهم وساعتها أنتي اعملي الغلبة الطيبة وخدي العيال وقولي بأعلى صوتك دي مجنونة. شوق: طيب وهنّجنّنها إزاي. فاطمة: هقولك هو مش جنان جنان بس هخليها تعضّ الأرض أنتي عارفة إني بقف في صيدلية فايز أخويا وأفهم في أنواع البرشام هجبلك برشام ...........