رواية قصة شوق وسلفتها الفصل الثاني 2 - بقلم غير معروف

و هجبلك برشام أخليها تهلوس. وشوق قالت لفاطمه صاحبتها بصوت واطي: يخربيتك برشام هلوسة. والله هي تستاهل أكتر من كده بس أخاف حد يعرف حاجة دي تبقى مصيبة. رددت فاطمة وقالت: ما انتي كنت ناوية تاخدي جوزها منها وتطلقي مكنتش مصيبة يعني لو خايفة بلاش. شوق: أنا مش خايفة دي بتقهرني يا فاطمة ربنا ما يوريكي سمها هي وخالتها. فاطمة: خالتها مين اه اه حماتك العقربة معلش نسيت.

المهم اسمعيني كويس علشان كل اللي هقوله مش هعرف أتكلم في تاني. عاوزاكي تقعدي معاها وقت طويل 🤭 مع إني عارفة إنك مش بطيقها من كلامها السم بس استحملي لحد ما تغور في ستين داهية وبعدين خدي بنتها في حضنك ع طول خليها تاخد عليكي. شوق: ماشي هعمل كده. فاطمة: شوق لازم تنفذي مش ماشي وخلاص. شوق: بقولك أنا مقهورة هنفذ متقلقيش ما أنا عارفة إن ده كله علشان مصلحتي. فاطمة: أنا هجبلك البرشام من ورا أخويا فايز وخلي بالك محدش يعرف حاجة.

ولما أجيبلك البرشام حطيه في شاي أو في أي حاجة تكون دافية علشان يدوب بسرعة وهي متحسش بيه لأن مع الوقت مش هتحس بنفسها وبأفعالها. شوق: مينفعش تاخده كله ونخلص مرة واحدة علشان أنا هعملها كل شوية شاي كده تشك فيه. فاطمة: بطلي غباء مش كل شوية في اليوم مرتين وبعد كده هقولك تزودي الجرعة.

المهم هنفضل وراها لحد ما تتجنن وتروح مستشفى المجانين وترتاحي من قرفها ويبقى كده ضربتي عصفورين بحجر واحد وتعوضي حرمانك من الخلفة وكمان من غير طلاق لأنهم غصب عنهم كلهم انتي اللي هتربي أولادها وانتي الحنينة عليهم بعد أمهم وكمان هيتعلقوا بيكي وبرضو خلصتي من سلفتك العقربة وحماتك مش هيبقى ليها عين تتكلم معاكي أولاً علشان بتربي عيال ابنها وعيال بنت أختها المجنونة اللي عرتها قدام ابنها وهتخلصي من قرفها ثانياً بقى وده الأهم إنها ياما هزقتك هي وبنت أختها وعايروكي وفي الآخر بتربي عيالها يعني انتي كده بطلة يا بت 🤭😍😅.

شوق: ياريت أتمنى أخلص من كل ده وأرتاح ليه يارب أنا مخلفتش زي أي ست مكنش حصل كل ده ياما أتهانت واتعايرت عندك حق في كل كلمة يا فاطمة. فاطمة: عارفة يا شوق انتي أجمل بنت في المنطقة كلها. شوق: جميلة بس انتي عارفة أنا متعلمتش أنا جاهلة حتى في الكتابة والقراية عندي كان نفسي أتعلم الجهل وحش أوي. فاطمة: ما أنا قدامك اهو خدت إيه من التعليم واقفة في الصيدلية مع أخويا فايز ولا راجل بص في وشي مش عارفة ليه. شوق:

مش عارفة ليه يا فاطمة احنا متربيين مع بعض العيب في أخوكي فايز المنطقة كلها بتاخد من عندي برشام ومخدرات ومبوز شباب المنطقة. فاطمة: كذا مرة اتكلمت معاه وقولت له كفاية احنا مش بنكسب شوية. بس ووحياتك ولا بيسمع ليه ولا حتى لأمي. شوق: يلا بقى قومي علشان محدش يعرف إنك عندي وحماتي تشوفك وتحس بحاجة. فاطمة: أنا عارفة مبتقبلنيش والله ولا أنا كمان من القلب للقلب. شوق:

النهاردة كلهم مشغولين ومش فايقين مشغولين بالمولود الجديد علشان كده قولتلك تعالي المهم يلا انزلي وأنا هنزل وراكي أخد البرشام. فاطمة: لا مش دلوقت أنا بكرة هتصل بيكي وأقولك تيجي تاخديه أنا هقوم سلام يا حبيبتي. وقامت شوق وفتحت باب الشقة لقت في وشها أشرف أخو جوزها وقالها: إيه ده انتي رايحة فين يا شوق وكمان فاطمة هنا ازيك يا أنسة فاطمة. فاطمة: الحمد لله بخير عن إذنكم بقى أنا ماشية يا شوق سلام.

وفاطمة مشيت وسابت أشرف واقف مع شوق. وأشرف قال لشوق: أنا ملقتش برشام القولون اللي انتي عاوزاه. شوق: برشام إيه يا اه اه اه ما هي كانت فاطمة هنا وكان عندهم في الصيدلية وجابته. أشرف: طيب كويس بس ابقي خلي بالك من البنت دي سمعت أخوها مش حلوة. شوق: دي صاحبتي الوحيدة مقدرش أبعد عنها وبعدين دي مش بتيجي خالص غير كل سنة مرة وبعدين كتر الخير جت وجابت البرشام لما عرفت إن القولون مموتني ربنا يسترها. أشرف:

اللي تشوفيه يا مراتي الغالية أنا هنزل والف سلامة عليكي. شوق: الله يسلمك و. وأشرف نزل على شقته. وشوق قالت في سرها:

خلاص بقى مع إني كنت راسمة عليك انت علشان أقهرها بس فاطمة غيرت خطتي خالص بس البت فاطمة دي دماغ حلوة يااااه بعد ما كنت مقهورة ومضايقة حاسة إني مبسوطة لمجرد بس إن سلفتي أميرة تمشي من البيت بس هي اللي عملت كده من معايرتها ليه وكل شوية في الرايحة والجاية تعايرني إني مش بخلف ياااه عدم الخلفة ده كسرة بجد 😭 وبالذات مع الناس اللي زي حماتي وسلفتي العقارب منهم لله أنا حاسة إني جعانة قوي أنا حتى ما أكلتش حاجة في السبوع من كتر الزن والقرف لما أدخل المطبخ أعملي كوباية شاي باللبن وسندويتش.

فعلاً شوق دخلت المطبخ وعملت الشاي وسندويتش ودخلت أوضة نومها وفتحت التليفزيون وتأكل وتشرب الشاي وراحت في النوم. وفي صباح اليوم التالي شوق صحيت على نفس الكابوس المزعج وقالت: إيه ده نفس أعرف تفسير الحلم ده بس ده مش حلم ده كابوس ومزعج كمان. وقامت لبست هدومها ونزلت وهي نازلة عدت على شقة حماتها وشافت أميرة قاعدة عندها. أميرة: رايحة فين يا أم شوق لا لا معلش يا شوق. شوق: نازلة رايحة عند أمي أصلها تعبانة شوية. أميرة:

عارفة يا شوق أصل حضن العيل بالدنيا طول الليل وأنا نايمة وفي حضني عبدالله ومنه يا مش عارفة من غيرهم كنت هعمل إيه يا لو كنتي عندك عيال مكنتيش فكرتي في أحمد جوزك خالص سافر بقى ولا قاعد أصل العيال تحسي كده إنهم بيزهقوا من كتر دوشتهم. شوق: صدقيني حضن الراجل بالدنيا وربنا يباركلك في جوزك وعيالك. وشوق قالت في سرها: انتي فعلاً تستاهلي اللي هعمله فيكي حتى حضن عيالك خسران فيكي. شوق: هاتي عبدالله كده. وشوق أخدت الولد

على إيدها وقالت في سرها: بكرة تبقى ابني أنا وأنا اللي هربيك ومش هتقول لماما لغيري. وقالت: عبدالله شبهه عمه بالظبط سبحان الله. أميرة قالت بغيظ: اه فعلاً. شوق: أنا نازلة. أميرة: مش هتستأذني من خالتي اه قصدي من حماتك. شوق: أنا عارفة إنها نايمة ابقي قوليلها مع السلامة علشان هتأخر وع فكرة هبقي أسلمك على ماما. أميرة قالت بغيظ: يلا تروحي ما ترجعيش.

وشوق نزلت بسرعة وكلمت فاطمة وقالت إنها هتقف تستناها علشان تاخد منها البرشام بس فاطمة طلبت منها تروح ليها الصيدلية هي واقفة وفطرة الصبح بتكون واقفة لوحدها. وشوق قفلت معاها وراحت على الصيدلية وفعلاً لقت فاطمة لوحدها وخدت منها البرشام وخبته وعرفت من فاطمة إزاي هتستخدمه وفاطمة قالت لها على الأعراض اللي هتبان على أميرة وبرضو هتكون على اتصال بيها 👌.

وشوق قالت لفاطمة إنها هتروح عند مامتها علشان محدش يشك فيها ويكون كلامها مظبوط قدام أميرة وحماتها. وفعلاً شوق راحت لمامتها وقعدت معاها واتغدت وفي وسط الكلام شوق قالت لأمها على الحلم وإنه كابوس وبتقوم مخنوقة منه وقالت لأمها إنها هتمشي علشان اتأخرت وطبعاً لأن أمها عارفة حماتها وسلفتها بيضيقوها أوي. وشوق راحت البيت وأول حاجة عدت على شقة حماتها وقالت: ازيك يا ماما. الحماة: الحمد لله أميرة قالت إنك مامتك تعبانة خير. شوق:

الحمد لله شوية برد وراحوا لحالهم. أميرة: انتي وصلتي اهلاً وسهلاً يا شوق. شوق مسكت أميرة وقالت لها: يا حبيبتي يا أم عبدالله اقعدي هعملك غداً من إيدي لأن انتي بترضعي وابنك لازم يتغذى. أميرة: أنا لسه واكله مع خالتي. شوق: خلاص أنا كمان اتغديت عند ماما بس مش شربتش شاي هغير هدومي ونشربوا مع بعض. وطلعت شوق على شقتها تغير هدومها وخدت برشامه هلوسة معاها علشان تحطها في الشاي وقالت: أنا هحط لها اتنين علشان أنجز وأفرح فيها.

وخدت برشمتين هلوسة ونزلت على شقة حماتها ولقت أميرة وحماتها بيتكلموا ومنة بتلعب في الصالة وعبدالله نايم على حجر أميرة. شوق قالت في سرها: يخربيتك انتي عامله زي القطط ولا باين عليكي إنك لسه والدة إيه ده. ودخلت المطبخ وعملت الشاي ومسكت البرشام الهلوسة علشان تحطه في الشاي وتليفون شوق رن وردت وكانت أمها وقالت لها: خدي معاكي واحدة حبيبتي ست الشيخة بتفسر الأحلام وقولتلها على الحلم بتاعك وقالت لازم أسألها بنفسي. وشوق قالت:

هاتيها بسرعة. وفعلاً كلمت شوق وطلبت منها تحكي الحلم بكل تفاصيله وشوق ابتدت تحكي الحلم وخلصت بس الشيخة قالت لشوق حاجة غريبة شوق اتبرجلت واتلغبطت وحطت برشامه هلوسة في كوباية وواحدة في الكوباية التانية وقالت للشيخة: انتي بتقولي إيه.....