رواية قسور والمهره شامه الفصل الرابع والعشرون 24 - بقلم أسيل

شامه:ضاع... جان ضايع وين لكيته

_لكيته بيت المزرعه يم الدرج

مسحت دموعها بسرعه ورجعت فوتت ايدها بجيبها ابتسمت جان سوارها الي نطيته الها وكالت وهي تباع عليه

شامه :جانت اول هديه منك هل مستعزه بيه ومن ضاع كلش انقهرت عليه و وصيت عمه صبيحه اذا تلكاه تنطيني خبر و وصيت البنات هم

_حته اذا ضاع اجيب الف واحد الج غيره

شامه :ما اريد غيره أريده هو

وغمضت عينها ومسحت دموعها بسرعه ومشت كملنه مشي صرت اني من جهة الشارع اخاف يصير شي من الشارع تعثرت لزمتها بسرعه وبقت لازمه ايدي كل قوتها وكالت وهي مستحيه وايدها بارده وترجف

شامه :به.. بعدني غبيه ما انتبه

_حشاج بس بعدج دايخه

شامه :لا والله بس يمكن لان تعبانه شويه

مشينه حاضنه ايدي ولازمه بيه كل قوتها وكلت الها

_انتي بخير

شامه:ها

_شنوو ها انتي بخير شبيج

شامه :أي أي

_شبي كلبج؟ البارحه نشرتي هيج شي ليش هاي اول مره

شامه :لا هيج

_تره مو غريب عنج وهل ما تحجين الي

شامه :خلي اعزمك على شي

_شنو

شامه:كهوة باباروتي قريب هياته

_ليش تغيرين الموضوع

سحبتني ضحكتك و فتنه كعدنه يم الجامعه الدنيه بدت تمطر اخذت المنيو شامه وطلبت هي الي الأشياء الي تحبها وكهوة والها نفس الشي واخذ النادل المنيو وراح بقت تباوع وأيدها ترجف لزمت ايدها كل قوتي باوعت عليه ونزلت راسها بقت تباوع على أيدي وأيدها وتحرك بأصبعها على أيدي بهداوة وكالت

شامه :تعرف بيه ما اعرف اجذب لا تصر

_كلتي اكو وجع بقلبج

شامه :ماكو وجع مصار بقلبي

_لبيت رغبتج وهاي مر اكثر من سنتين وانا مو وياج مرتاحه بهل شي انتي مرتاحه بهل وضعيه

شامه :أي

_ زين رفعي راسج وخلي عينج بعيني وكولي اي وانا صدكي حته ورقه الطلاك اوصلها لباب بيتكم

شامه:مبروك حامل مرتك

_شنو

شامه :شنو شنو مو حامل صارت مرتك شفت نوران وايدها على بطنها وكل ما اتصل واحجي ويه عمو وعمه تتقياء وتفتر كبال عيني حته تحسسني هي الي نفذت الشي الي اني ما كدرت انفذه الك

_انا من زوجي بنوران لهذا يومي ما ماس شعره من راسها وما مقترب منها ولا مفكر تصير بين ايدي حرمه غيرج

شامه :ما.. ما أكدر اثق بعد بيك وجعت قلبي ت.. تعرف من.. من ضربتني كبالها والله... والله تمنيت يومها انهزم منك.. الك تفهم شقصد من ضربتني حسيتك واحد غريب شخص ثاني ردت انهزم واركض ل قسور الي يحميني... غلطت وياك غلطت وياكم كلكم بس ما جنت استحق كل هل وجع منك اني موافقه ابقه على ذمتك بس ما ارجع وياك اخذ نوران حرمه الك وخلي هي تخلف الك... لا لتخليها تاخذ مكاني قسور ليش ليش ما اجيت شفتني من

_من انتحرتي اجيت وطردتيني

شامه :والله ما اذكر والله تمنيت من افتح عيني الكاك كبالي

_لج وراس امي وابوي اجيت وتخبلتي من شفتيني

شامه :ما اذكر

_لج اجيتج من انتحرتي وكل عيد ميلاد اوكف باب البيت عسى المحج لمحه وحده ويرتاح قلبي اجيت ثاني يوم من صار بيج سكر وبقيت كاعد وراج بالسينما من بقيتي تبجين على فلم خايس شنو الي بجاج بيه ما اعرف بس الي عرفته قلبج يوجعج كل يوم انتضر منج مكالمه وما اتصلتي

شامه :اتصلت بيك بيومها ردتك يمي وجاوبت نوران جنت تسبح ليش ليش تسبح

_ليش اسبح يعني قابل ما اسبح لحد مترجعين

ضحكت شامه وصارت عيني بعينها وابتسمت جاب النادل الحلويات شربت الكهوة وقسمت الي وخلتني اكل وهي هم اكلت وكالت

شامه:ليش تسبح وهي وياك بالغرفه

_والله ما اخليها تفوت بس هي كل مره ترجع تفوت

شامه :ليش باقيه وياك وانت هم باقي وياها ليش

_علمود اصرف عليها

سكتت ورادت تاكل بعدت الحلويات مو زينه عليها عبست وجهة ومسحت شفتها بأيدي مصيت اصبعي وبقيت صافن بوجهة ماكو حجي ما أكدر احجي وره شويه طلعنه للبيت وصلنه فتحت الباب ولكت حسام و ابوها كام ابوها وسلم علينه بقينه طول اليوم نسولف شوينه وهي سوت مقبلات جانت تضحك وتسولف رجعت الضحكه والفرحه بوجهة وما قبل نروح ابوها وهل بقينه اني وحسام جنه نسولف الساعه صارت ب 2 ونص باوعت عليها نايمه على الكرويته كمت شلتها أشر الي ابوها على مكان غرفتها شلتها وجانت ضعفانه وزنها قال خليتها على الجربايه نزعتها نعال البيت على شكل أرنب لابسته وفوتت رجلها جوه الغطه لابسه السوار الي تصورته ضاع تمددت بصفها مشتاق لعطرها لوجهة شكد مشتاق الها بقيت صافن عليها احرك اصابعي بشعر راسها وما حسيت على نفسي من نمت فزيت الصبح على دكه تليفونها باوعت جانت براء سديته تحركت ونامت على صدري دك قلبي بسرعه بقيت احرك ايدي بخصلات شعرها بست كصتها ورجعت غمضت عيني ما اريد اكعد ما مرتاح هل راحه من سنتين غفيت ومن فتحت عيني نايمه بحضني ضهرها على صدري وراسها على ايدي حضنتها سحبتها لصدري واشتميت عطر شعرها تسحر باوعت على الساعه تأخر الوكت والله ما اريد اكوم واعوفها بس مجبور وسحبت نفسي على كيف نزلت جوه كعدت حسام حته نطلع سوه بشغله انا وياه ما قصر ابد وياي خلصت الشغل اخذت السياره رجعته للبيت وكلت اروح اجيبها من الشغل اندل مكان شغلها رحت المكتبه الساعه ٤ تخلص هيج وكت وكفت يم الباب وشفتها تشيل كارتونه وبيها كتب ومبينه تعبانه وبدت تصفط بيهم وطلع هذاك الجلب الي وياها بالكليه و وكع الكتب وضحك وهي عصبت ضربته بالكتاب واجتي براء دفع براء كل هاي بلحظه ولزم شامه من شالها رادت تضربه و لوى ايدها فتت للمحل بس شافني دفعها لزمته من ياخته وضربته كلة وكسرت خشمه ضربني هو هم بوكسي وطلع ركض من المكتبه بقت تباوع عليه والدموع تنزل من عينها خايفه مني خايفه تحركت و وكعت بالكاع فاقده الوعي بسرعه شلتها و ويايه براء نقلتها للمستشفى الي تشتغل غيداء بيها وكالت براء الها على الي صار وهي تبجي وترجف خايفه على شامه وره شويه طلعت وكالت

غيداء :نفس الحاله للمره الثالثه هامله صحتها ونفسيتها تعبانه وتاركه الدوه تعبتنه كلش ومتقبل تحجي شبيها تحرك بدمها بس من جوه موفرين الها كلشي وما مانعين عنها شي وهي بعدها تاكل بنفسها تعبتني وتعبت بابا وياها خليت الها مغذي خلي تخلص وتطلع تعال شبيه راسك يا الله راح تجلطوني انت وياها جانت تحجي وضايجه من شامه عقمت جرح عيني فتت الها فزت اول مشافتني بقيت واكف وكلت الها

_أكدر أفوت

شامه:اكيد فوت

تقربت كعدت وبست ايدها رخت ايدها وكلت الها

_لازم ارجع للبيت شغلي و... بس حبيت اطمئن عليج انتبهي على نفسج راح ابقي حسام هنا جم يوم بحال هذا المخنث تقرب منج انتبهي على نفسج

شامه :ب.. بس

ما كدرت اسمع كلمه ثانيه منها كمت وخليت شفتي يم شفتها وبستها اخذت نفس بقت لازمه بأيدي بس سحبت ايدي وطلعت بالطريق حجيت ويه حسام يعرفلي منو هذا وليش متقرب من شامه وشنو غايته تعبت كل مره تنضر الي بهل نضرات مواثقه بيه حيل وياي .....

#الكاتبه

شايف من تبين عود مامكسور...
وتضحك وبضحكتك تنزل الدمعه؟
ضكتها وكمت ادور على هوى بسرعة منها وكمت احس بحركة الفلاح من يوصل حصادة ويحترك زرعة....

مر شهر على اخر مره شامه شافت بيهة قسور شعل النار بقلبها وراح رجعت تحن اله اكثر من الاول وتريده يمها ومتكدر تشوفه الرساله وتخاف منه يظن هي لحد هسه ما مصدكه بيه بس بنفس الوقت خافت ترجع ويصير كلشي ضدها اما احمد اختفى من بغداد ما لكه حسام اله اي أثر وبقه يتراسل ويه براء الي بده يحس بشي اتجاهة وهي كذلك وما كدر يحجي لشامه ولا براء تكدر تكول شي لشامه تخاف تخسر صديقتها فبقت ساكته بس بداخلها تحس بندم لان ما حجت ولا اخذت رأيي شامه جانت كاعده بنص المحاظره من دك تليفونها مجاوبت رقم غريب ورجع دك اكثر من مره طلعت بره المحاظره وجاوبت وجان معاذ اعتذرت منه ومجانت تعرف هذا رقمه وكال

معاذ:تكدرين تجين هسه

شامه :والله يا قلبي كلت لنوال بعد يومين اجي افاجئ الحجاج لا تكول الهم راح اجي وتخربها علينه

معاذ:قسور محتاجج هواي

شامه :شنو

معاذ : ابوي انطاج عمره وقسور نكسر يا خيتي كسرت عمره

🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤

هلاااااااا لكم شهل تفاعل والنبي صدمتوني وين لعد جنتو قبل 🙄🙄

لا لا تستاهلون انزل الكم بارتات بسرعه والله فدوه رحت الكم ولكل كلمه كلتوها

احب اجلطتكم بقفلاتي 😂😂😂😂😂