رواية قسور والمهره شامه الفصل السادس والعشرون 26 - بقلم أسيل

#شامه

هاي مرت ايام قسور هادئ بشكل مو طبيعي بحيث من يكعد على السفره يبقه صافن على مكان ابوه احاول اسولف وياه احجي هو بس يجاوب اي لو لا ومن احس نفسي ثكلت عليه اسكت وهو يسحبني وينام بحظني على رجلي ابقه العب بشعره نومه قليل هالك نفسه بالشغل كل مره من احجي وياه احاول افهم شنو أكدر اسويه يكلي خليج يمي وابقه يمه بالغرفه اليوم عرفت بيه رايح يزور قبر عمو من نوال هو ومعاذ وبقيه الولد راحو وراح يرجع باجر..... رجعت براء ويه بابا و غيداء لبغداد اليوم واني كلت الهم راح ابقه واريدهم يدزون بقيه اغراضي سلمت عليهم ورجعت للبيت تأخر الوقت بقيت كاعده يم عمه فيروزه نسولف ونهون عليهة وعمه فيروزه خلت عمه صبيحه بالكوة تروح لبيتهة... ومن نامت عمه فيروزه كلنه صعدنه لغرفنه قسور تليفونه مطفيه وعايفه على الميز من توفه عمو ما شاله وياه سبحت كعدت كبال المرايه نفتح الباب كمزت جنت امشط بشعري من شفت نوران فايته مثل عين الكحب* مخليه كحل وشعرها صابغته اصفر عبالك مغمسته ب الأوكسجين صح حلوة بس جمالها مو راحه اكو حلوات بس ما ينبلعن تخصرت وخلت ايدهة على خاصرتهة مخليه مكياج بكل صلافه ولا تستحي وكالت

نوران :ليش بقيتي ليش ما رجعتي لبغداد شناويه تسوين هنا

_دخيل الله نوران مو وكت مشاكل روحي طلعي من غرفتي وصوتج عمه هسه نامت

نوران :ساقطه دايحه يا مسربته شبعتي من زلم بغداد وهسه رجعتي لقسور شناويه تسوين برجعتج

_اكلج لسانج لا اشكج بالنص وما يوكف بعيني احد وروح عمو هسه امسح الكاع بيج اسويج وصله مسح اطلعي من غرفتي كتلج

نوران : بروحتج كلهة هو نايم بحضني وعلى صدري

مبتسمه وتلعب بشعرها مشيت آلهة وضحكت باوعت آلهة بطرف عيني وكلت وجنت قريبه منها

_ اذا قصدج قسور هو الي نايم لا حبيبي اطمئني ما يحب غيري وما يصير الج واعرف بروحتي لبغداد كل هل مده ما مس شعره من راسج من يوم زواجكم وزواجكم بس شكل قسور ما يخلي وحده على صدره غيري ولا شفته تمس شفه وحده غيري قسور رجلي بس ألي يحبني بس الي مو انتي الحشره تجين تقارنين نفسج بيه

نوران :ش.. شنو

_لا عبالج ما اعرف منو الي دفعتني و موتت الطفل الي بطني عرفتي بيه راح ارجع اله وما اتركه يومهة ودفعتيني من الدرج وسويتي نفسج مو انتي وسكتي وذنب الطفل الي مات يبقه بركبتج

ضربتني نوران راشدي كل قوتهة رجعت ليوره وضحكت بخباثه من ضربتني راشدي تأكدت هي دفعتني حسيت بيومها بس احد دفعني من الدرج بثنين ادينه من ضهري ودفعني من الطابق الثاني للكاع بس جنت اكول اخاف متخيله لو خيال جنت اغالط نفسي وكالت

نوران :تره محد راح يصدك كلهم يعرفون بيج مرايده قسور وكتهة لان اخذني حرمه والطفل هذا انا الي اجيبه واصير ام هذا البيت وكلهم خدم الي من صغيرهم لجبيرهم والله لأخليج نعال تصيرين الي

قسور:والله لاخليج تحلمين بهل بيت يا بنت الكلب ولج والله لاهجم بيتج وبيت الخلفوج

_يعني انتي

ما حسيت بنفسي بس كمزت الها وسحبتها من شعرها المعطب حركت قلبي بقيت ابجي ضيعت سنتين من عمري حرمتني من شي جنت اتمناه طول عمري لزمني قسور عضيت ايده بحركه فقدت نفسي بحيث سحبتها للغرفه وسديت الباب برجلي قسور يريد يسحبني ما عفتها سمعت صوت نوال واكفه بصدمه وقسور يكلها تبعدنه وما حسيت بس ركعت راسها بالكاع وهي ضربتني على صدري رخيت ولزمها قسور من ايدها ردت اكوم لزمتني نوال وكال قسور بعصبيه

قسور :طالك طالك طالك يا ساقطه لاخليج تندمين على اليوم الي كتلتي بيه الطفل الي بعده مجاي للدنيه وانتي يا قرده حسابي وياج من ارجع نوال لا تخلينها تطلع

ماخلاني احجي ضربهة راشدي وسحبهة وصاح على معاذ سد الباب عليه بقيت ابجي وشرحت لنوال شنو صار نوب هي هم شبعت بجي وياي اجه الأشتر وبأيده عيسى وكال

الأشتر :بال ريحته جايفه

ضحكت وكامت شالته مشه الأشتر مسح دموعي باسني وكال

الأشتر :بقيج تضحكين هسه يجي عمو

حظنته فدوه لطوله يحجي حجي اكبر منه كلهم يكولون يشبه قسور من جان صغير وصدك نفس الشخصيه القويه وكلت لنوال تروح ترتاح وتأخر الوكت كلش بقيت قلقه نفتح الباب جنت كاعده على الجربايه عصبي جان وكال

قسور :فايت اسبح وما اريد اسمع اي شي بخصوص نوران وحسابج عسير وياي ( عسير ليمون 😂)

بقيت ساكته عيونه براسه صايره دماراته ناطه مبين حارك الدنيا فات سبح وطلع ينشف بشعره بس باوع عليه درت وجهي خفت الصراحه منه تقرب مني كعد على الجربايه كبالي نحنى فوكايه تمدتت على الجربايه طاوعته خله راسه على صدري الصراحه جسمي جان يرجف وكال

قسور:لا تخافين مني

_ل.. لا مو.. هيج

قسور:ليش ما كلتي الي هل شي ليش ما كتيلي على نوران انتي جنتي رايده الطفل اعرف مو ذنبج مات بس ما جنت أتصور رايدته

_اي.. اي ردته... لان جان منك ومكدرت اتخلى ع. عنه جنت.. نازله اكول أل.. إلك بس حسيت احد دفعني مجنت متأكده وما.. ما ردت اظلمهة بس هي أكدت على حجيي جنت.. فرحانه

مكدرت اسيطر على دموعي مسحت دموعي بسرعه بس خانتني شهكتي رفع راسه ابتسم بس باوع بوجي نزل راسه رجعه على صدري وكال

قسور:اعذريني

خليت ايدي على ووجهة وبقيت احركهة على لحيته وكال

قسور:كل الي جان أبالي اذا رجعت من كبر ابوي وما لكيتج تنتضريني شراح اسوي ضنيت رحتي لبغداد ويه اهلج

_مستحيل اعوفك وانت بهل حاله

قسور:واذا صرت زين

رفعت راسه بأيدي بقه يباوع عليه بسته من خشمه وعينه وخليت شفتي على كصته وبسته من كصته ابتسم وكلت اله

_ما اتركك مااكدر

سحبني بسرعه وصرت جواه بقيت اباوع عليه قرب شفته من ركبتي باسني صارت شفته على شفتي عمق البوسه وأيده الي على خاصرتي ضغط بايده انيت وابتسم يعرف نقاط ضعفي وما تركني لحد صلاه الفجر ... فتحت عيني على صايح النسوان جوه فتحت عيني بالكوة بسرعه كعدت والجرجف على صدري لازمته ردت اكوم ولزمني بسرعه قسور سحبني لصدره جان بس بالبجامه صار صدري على صدره وكال

قسور :عوفيهة هاي بان ومحمد

_اي بس لازم ننزل

قسور :ما استقبلهم اني امي فهمت القصه وما راح تقصر ومعاذ جوه والولد حسام و فاروق بالديوان ما انزل نفسي لمستواهم اي شراح تسوين

_خل.. خلي اسبح

قسور :سويه

_لااا مستحيل

ردت اكوم وما احسه غير شايلني صرت مثل البزونه بأيده قلبي راح يوكف وهو عادي عنده يضحك يسوي الي براسه يسويه ردت اطلع سحبني من خاصرتي وضحك و سحب الجرجف ضحك وباسني عمق البوسه وابتعد وكال

قسور :شهريار صارت ام بمهره من زبردج كهرمانه سميتها والحين انا الي اريد طفل منج

#الكاتبه

تكله
خذني يمك بعد ماضل كل عذر لاتعتذر
ليل عمري وعمرك مخلص بعد مابي صبر

كاللهة اخذج واخذ عيونج وياج
يالـ عيونج أعز من كل شـي عندي
مَعزة آخر رصاصه بجيب جندي ..🖤

هاي مرت ايام هادئه البيت شويه صارت بيه حركه بس كل شي بيه ذكره لضرغام قسور صار خليف ابوه صار مشغول هواي صار يبات بره البيت هواي وهاي شامه عاذرته تتصل مرات حته بس تسمع صوته وتكله مشتاقه اله تختنك من المكان المابيه قسور اجتي سويره وكالت إلها تحظر نفسها راح يطلعن يرحون لمطعم على الشط رفضت جانت تعبانه بس نوال جبرتها وراحو كل النسوان للمكان جان محجوز بس الهم كعدو يضحكون ويسولفون رفعت راسها تباوع على التلفزيون وشافت قسور بلقاء جان بغداد مجتمعين شيوخ العشاير كلها فطلبت يعلون التلفزيون وبقت تسمع اللقاء والمذيعه ذبحت نفسها على قسور وتتغزل بيه وجماله وضحك وكال الها نفسها ما تغيرت من ايام الجامعه هيج طبعها وكل شويه سألته شي شخصي وسئلته

المذيعه:متزوج

قسور :اي

المذيعه:سمعنه بيها زوجه اخوك جانت

قسور :الاصح زوجه ابن خالتي

المذيعه :وعندك زوجه ثانيه بس طلكتها شون أخذت وحده مطلكه وانت شيخ وابن شيخ

قسور :ليش احس أسئلتج بس تخصني الي وهل اسئله ما الها صله بموضوعنه

المذيعه:شيخ البنات يسألن تاخذ ثالثه ورابعه والشرع حلل اربعه

ضحك قسور وماجاوب ونصت التلفزيون نزلت راسها جانت مبتسمه كعدت وبدت تأكل دز رساله الها ما حجت شي بقو البنات الي وياها بالكليه وغريبات يدزون الها صور صورتها المذيعه ويه قسور على حساب الانستا غلقت التليفون ونست وين هي من قهرتها ما كدرت تبقه كامت بسرعه وطلبت من السايق يرجعها للبيت وطلعت بسرعه ورجعها للبيت وره شويه فاتو البنات الها وسوت نفسها نايمه والحقيقه ما كدرت تغمض عينها شغلت التليفون فتحت الرسائل

قسور:راح ارجع باجر للبيت باجر

قسور:ليش ماجاوبين

قسور:ليش تليفونج مغلق

قسور :بس تشوفين الرسائل جاوبيني ماشي

سدت التليفون مكدرت تسيطر على دموعها بجت ونامت قسور بقه بقلق نام كعد الصبح لكاها دازه رساله اله مكتوب بيها

شامه((مشفت الرسائل جنت مشغوله ويه البنات ورجعت هلكانه تعب ونمت هسه شفتهم انتبه على نفسك)

صار شغل اله ومكدر يرجع وهي جانت متحظره وفرحانه راح تشوفه بقت الليل كله تنتضره كاعده على الجربايه لحد ما طلع الصبح يله كامت من الجربايه غيرت لبسهة ونزلت تساعد البنات وتضحك وتسولف كانو ماكو شي لحد ما اجاها اشعار رساله صوره بيها قسور والمذيعه واكفين بالمطار سوه ودز قسور رساله بنفس الوقت الها

قسور(حبيبي لازم اسافر للأردن اليوم ضروري انتضريني بأجر الصبح راجع ان شاء الله)

بجت مشت نوال الها ورادت تفهم شكو هزت شامه راسها وصعدت لغرفتها اليوم كله شامه ما نزلت من غرفتها صار يومين شامه ما مغمضه عينها ومتكدر تنام بقت كاعد بالكاع فاتحه الشباك والبرده الألوان وبوردات الرسم بالكاع لابسه ثوب كصير اسود بدون ردانات رافعه شعرها وترسم ندك الباب وجان الوكت متأخر ما حجت ولا التفت شامه فات قسور كل الي اباله هي نايمه بس شافها كاعده التفت عليه ودارت وجهة وكالت بصوت مبحوح وبارد

شامه:الحمد لله على السلامة

قسور:الله يسلمج بس شعجب

راد يكمل حجي لبست السماعات بأذنهة نصدم لرده فعلها ما سوه شي خله أغراضه بالكاع وسد الباب فات للحمام سبح وخلص لبس ملابسه وهي بعدها ترسم ضاج من تصرفها صار اله عشر ايام بره البيت ورده فعلها بارده وحته سلامها بارد باوع عليها وتمدد على الفراش جان تعبان مر يومين على هل وضع شامه تحجي ويه قسور على كد السلام او تحظر الي يريده قسور كل ما يحاول يقترب منها تصده وحته من تنام وياه بالجربايه تنطي ضهرها بيوم من الايام اتصلت بحسام سحب قسور التليفون وسده بقت تباوع عليه وكال

قسور :شرايده منه

شامه :ياخذني لعمه صبيحه صار فتره مشايفتها

قسور :شنو مو رجلج كدامج ما تكدرين تحجين اله

شامه :هسه مو مشكله خلي اروح

مشت لزمها من زندها ودفعها على الباب نضربت بيه وفزت ثبتها بثنين اديناته على الباب بقت تباوع عليه وكال

قسور:ما ترحين

شامه :م.. ماشي

تفاجئ من رده فعلها رخى إيده ورجع ليوره ويباوع عليه وكال

قسور :شصاير

شامه :ماردت اشغلك عن شغلك

قسور :رايده اتركيني

شامه:لا.. بس ما امنعك اذا سعادتك ويه س.. سوسن ما أكدر امنعك

قسور :شنو

شامه :عن اذنك اكمل شغلي

قسور :سوسن منو

شامه :لا تسوي نفسك متفهم المشكله كلهم دزو الي صورك انت وياها من ايام الجامعه وهي تحبك فأرجوك لا تعيد سالفه نوران الي تحبه سويه بس خليني ارتاح لان تعبت من كل شي تعبت وهواي تعبت قسور ارحمني

قسور :من كل عقلج هيج تحجين؟

شامه :خلي أكمل

قسور:شامه

صاح بيها بصوت عالي فزت وباوعت عليه وبلحظه هيج ثواني البيت كله نضرب بطلق نهجم هجم سحب قسور شامه بعدها من الشباك وحظنها ودنك راسها على صدره جانت وحاظنها كل قوته رفعت راسها تباوع بوجهة وهو هم بقه صافن

🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋
حبيباتي بنياياتي قليباتي أحس البارحه البارت ما راضيكم
يله السماح السموحه يزعلكم بارت واحد وعشرين واراضيكم بارت اثنين وعشرين هههههه
لحد يكول بارت صغير اموت نفسي الفين كلمه تقريبًا