رواية قسور والمهره شامه الفصل السابع والعشرون 27 - بقلم أسيل

بقت تباوع عليه وهو هم بالكاع كاعدين بعيد عن الشباك كال وهو مخلي ايده على رأسها 

قسور:حبيبي بيج شي
شامه :ل... لا لا. شنو.. صار

باسها من كصتها سحبها لصدره وصاح بسرعه على معاذ وهو يفتح الباب بس مخلي راس شامه مدنك....

قسور:معاذ انتو بخير

معاذ:الغالي بخير  احنه بخير وانتو

قسور :عيسى الأشتر وينهم

معاذ :بحظني امي وي.. وين

قسور :يم ام حسام انا اخذتها قبل شوي

فتح قسور الباب مال غرفه وبعده حاضن شامه راسها على صدره و حاضنها كل قوته فات لغرفه معاذ ونوال تبجي وحاضنه ابنها الأشتر وترجف وكال

قسور :خليكم هنا نازل انا

معاذ:ما اعوفك

قسور:خليك ويه وليدك هنا خليك

معاذ:مخبل على كص ركبتي اخليك بوحدك

قسور:ابنك توه كام يوعي للدنيا خليك وياهم  المكان خطر

شامه :لا.. ل تروح

قسور :خليج وياهم راجع الج

نوال: روح أسند خيك وانا والولد نروح فدوه الكم

قسور :استغفر الله يرجعلج خيتي بإذن الله

طلع قسور شال اسلحته وطلع معاذ وياه وبدت المواجهات وقسور يصيح ومعاذ هم ابتعدو من البيت نزلت شامه ونوال من ابتعدو والولد بحضن نوال و الأشتر لأزم ايد شامه وصار بوجهم 2 ملثمين وصاحو ركضت نوال وشامه وكعت شامه بالكاع وصاحت على نوال تطلع بره البيت الأشتر يسحب ايدها حته تكوم بس اذت رجلها بثواني صار كل هذا صاحت بيه بعصبيه يروح يبعد امه ودفعته وركض الأشتر سحب امه و الرجال ضربها على خاصرتها وبقت تصيح نوال على معاذ والاشتر يصيح على عمه وهي تركض وشافت شامه يسحبونها وهي تصيح وتبجي ركض قسور ومعاذ وصاح عليهم أشر الأشتر لشامه وشاف واحد بيهم ضرب شامه على وجهة حته تسكت وصاح قسور راد يضرب طلق عليهم وصاح معاذ بيه مايسويها يروح يضرب شامه خلوها ب الصندوك مال سياره وهي تبجي وتصيح بأسم قسور وقسور الي نص عمره راح بشوفتها كدام عيونه نخطفت ويركض بس يريد يوصل ألها طلعو ب السياره ركض للشارع وراهم وكدامه صار فاروق وحسام بسياره فاروق مشه قسور بسرعه فتح الباب مال سايق وطلع فاروق وصعد ليوره ولحكهم قسور وكال

قسور :ولد الكلب ولد الكلب والله لادفنكم بأيدي

حسام : النسوان ما صار بيهم شي

قسور :اخذوها اخذوها كبال عيني

بقه يضرب بالستيرن مثل المخبل وصافنين عليه الولد جان يسوق مثل المخبل وكال

حسام :اخذو منو

قسور :شامه شامه

اتصل معاذ بفاروق وجاوبه

فاروق :أخذها يم سويره وخلي سويره تروح وياكم لبيت المزرعه.. الحين اخبرهم الحرس يتشدد على بيت ابو حسام لا لا... خلي الصبح تجي الغاليه ما يصير تطلع لا انا اخاف عليهم من الدرب خبر لكل ينشرون حرس على حدود الديره

قسور:كلهم على بساتين ابو قصي ينشرون فايتين اله الحين بسرعه

بدو يخففون سياقه الي كدامهم السياره طلع فاروق سلاحه وحسام هم وكال

قسور:شمعرفكم بالي صار

فاروق :وصلنه تهديد اذا ندخل بموضوعك ننكتل

قسور :وليش اجيتو الموضوع مو شقه

حسام:محد كال لك احنه مو زلم ونترك شيخنه وره ضهرنه لان خايفين على ارواحنه

قسور : محشومين

جانو يريدون يرمون السياره وصاح بيهم شامه بالصندوك صارو بعيدين عن سياره الحراميه طك تاير السياره مال حراميه وكف قسور السياره بسرعه طلعو الحراميه يضربون طلق على سياره قسور وقسور والولد هم نهزمو بسرعه الحراميه طلع قسور يركض لصندوك السياره ورادو بسرعه يركضون وراهم حسام وفاروق وصاح بيهم قسور يرجعون فتح الباب وشاف شامه بحاله رعب مو طبيعيه راد يطلعها ضربته متقبل احد يطخها ايدها كلها ضربات وجروح هلكد ما ضربت  صندوك السياره حته تطلع ثوبها كصير ورجلها مجرحه شفتها وحاجبها لزمها كل قوته وطلعها بقت واكفه وصافنه عليه والدموع تنزل من عينها متكدر تاخذ نفس خله ايده بسرعه على وجهة والثانيه على خاصرتها وسحبها لصدره وكال

قسور :هدي اني هنا يمج يمج مابيج شي والله مابيج شي يمج يمج اني

شهكت جسمها كله يرجف دار فاروق وجهة وحسام مشه بعيد كعد قسور وشامه بالكاع وهي بحظنه متكدر تاخذ نفس وكال

قسور:اهدي ابوس ايدج هدي نفسج شوفي والله يمج يمج

لازم ايدها ويبوس بيها رجلها متكشفه وصدرها نصه مبين الثوب كصير  وكل جسمها مبين اجوي الرياجيل بسرعه من كل مكان عرفهم فاروق ربع الشيخ و ولد الديره صاح فاروق ما يتقربون وكلهم يبعدون ركض حسام بسرعه لسياره فاروق وكال اله بطانيه موجوده بالصندوك جديده وفتحها بسرعه طلعها ومشه للشيخ وهو منزل راسه انطاها اله وبسرعه لف بيها شامه وغطه راسها فوتها بالسياره وسد الباب وكال وهو يباوع على الزلم

قسور:اذا انتو صدك زلم وربعي انا ناخيكم وطالب منكم طلب وطول عمري اضل مديون الكم بس جيبولي هل كواويد المخنثين لحدر رجلي

كلهم صاحو اله ابشر بقت تكح شامه صعد بصفها وكلهم للمستشفى بسرعه باوع على ايدها بيها دم وشاف ايدها الثانيه على خاصرتها وبسرعه وخر ايدها راد يرفع الثوب بعدتها شامه وهزت براسها وصلو للمستشفى دخلها حسام قسم خاص بيه كل معارفه فوتها بسرعه لغرفه خاصه فاتت دكتوره جبيرة وكال قسور لفاروق يروح ياخذ كل أوراق السياره وكلشي بيها وراح بسرعه فاروق  وبقه واكف قسور باب الغرفه طلعت من الغرفه الدكتوره راد قسور يفوت ما خلته  وكال

قسور :ليش

الدكتوره :البنيه بحاله صدمه تحتاج راحه انطيتها مهدئ والحين البنات يكشفون على ضلعها عدها رض قوي البنيه شنو حالتها شيخ شلي صاير

قسور:ثار ناس ما يعرفون الله رادو ياخذونها تراها حرمتي مرتي والهوى الي اتنفسه لا تسأليني كان انا الي ضاربها لو كاتلها لج والله هاي بنيتي

حسام :خيرك شيخ

قسور :ولا شي بس اريد اشوف وجهة

حسام :انا ما كدرت أخبر احد ان شامه الي نوخذت كلت الهم ثار

قسور:زين ما سويت

الدكتوره :تعرفه حسام

حسام :اي دكتوره سلمى هذا زوج بنت عمي لا تخافين هذا الشيخ قسور ابن ضرغام

الدكتوره :والنعم منك شيخ اعذرني ما جنت اعرفك

طلعت الممرضه وانطت ورق للدكتوره وكلبت بيها وكالت

الدكتوره :اطمئن بخير تراها بس نخليها تحت المراقبه للصبح

قسور أكدر اشوفها

الدكتوره :تفضل شيخنه

فات قسور جانت نايمه عيونها حمره وشفتها مجروحه وحاجب عينها تقرب قسور سحب الكرسي وكعد يمها لزم ايدها وباسها تقرب من عينها وباس عينها وتقرب من شفتها باسها على كيف بقه يحرك بأصابيع ايده وكال

قسور:لج بنيتي فتحي عينج انتي ملكتي كل حياتي انتي صرتي كل شي حلو بحياتي انتي نور عيوني والله لأخذ الثأر من الي مسج بهل طريقه واذاج هيج احد يمد ايده على بنيتي  انتي كل حلوه بحياتي والله لادفنه بثنين اديناتي  بس اصبريلي وصيري بخير وهسه تشوفين فتحي عينج بنيتي

غص بآخر كلمه دمعت عينه تحركت شامه حس على ملامحها الوجع بين عليها كام وداس دكمه اجتي الممرضه بسرعه وسئلها ليش تتوجع فحصتها وعدلت ابره المغذي وكالت

الممرضه:لا تخاف شيخ تراها بخير بس بدت تصحصح ان شاء الله تكوم بالسلامه

ندك الباب ونفتح جان معاذ مشه وطلع من الغرفه وجانت سويره ونوال وحسام موجودين سديت الباب نوال حالتها وشكلها مو طبيعي عيونها مورمه من البجي وكال بسرعه الها

قسور:شصاير شبيج منو وياج ليش هيج عيونج حجه احد وياج

نوال :ل.. لا

معاذ :شنحجي وياها وانا مفهمهة شامه اهم من روحها عافتها وركضت بالوليد

نوال: اسفه اعتذر

حجه معاذ بعصبيه وشهكت نوال مشه قسور ولزم معاذ من ياخته ودفعه على الحايط كل قوته وخنكه فز حسام وسحب قسور من ايده بس دفعه قسور لحسام وضرب معاذ بالحايط كل قوته وكال

قسور : لك معاذ وروح العزيز وغلاه شامه اذا رجعت حجيت لو حسست ام الأشتر بأي ذنب والله ادفنك وما يرف الي جفن انت من كل عقلك جاي تعاتبها والله لو صار بالأشتر لو عيسى شي انا الي ما اسامح نفسي ولا اسامحك والي سوته نوال احسن شي وانت جاي تحجي هيج

مشه فاروق ودفع قسور من معاذ وكال بعصبيه

فاروق :احترمو المكان الناس كلها تباوع عليكم واذا ردتو تتعاركون طلعو بره المكان مو كبال الحريم تبينون رجولتكم ويا معاذ حقك عليه اختي غلطت

قبل لا يكمل حجيه لكمه قسور ووكعه بالكاع ودفع معاذ ومشه لنوال وخله ايده على رأسها فزت نوال وكال

قسور :لا تخافين بنيتي بخير وراح ترجع بعافيتها وزين ما سويتي ولو ما سويتي هيج جان انتي و ولدج و شامه ما ندري بيكم وين ما وين وحجي هل كواويد اخوج الي عود صار خير ورجلج لا تسمعينه واذا جان عندي خاطر عندج لا تبجين ولا تلومين نفسج كوليلي شصار

لزمت نوال بطرف عبايتها وكالت وهي منزله راسها

نوال:ش.. شيخ نزلت اني وياها م.. ماعافتني فوك ما قبلت البيت هادئ جان.. و نزلت وشفنه اثنين يم الباب دفعتني حته اطلع من باب المطبخ وصاحت على الأشتر يهزمني وركضت انا في والاشتر وهي بقت تشمر أغراض عليهم ركضت وراي بس.. بس وكعت من لزموها رادت رادت تنهزم بس ضربها على خاصرتها برجله ضربوها هواي اذوها اعذرني اعذرني شيخ والله خفت وهي بقت بقت تصيح عليه ما عرفت شسوي

قسور :هدي غاليه مصار شي بأمان يمي والله احسن شي اخذتي هو هل قرار والله لو مسامعين صوتج وجايه النه جان هسه بمصيبه احنه لا تخافين ولا تخليها تشوفج بهل حاله حسام انت بحسبه اخوي انت انا طلعت بطرك هل بجامه والتي شيرت و تكرم هل شحاطه رايد منك ملابس ارتاح بيها بنطلون وبلوز

حسام :طلبك ع راسي شيخ تدلل

قسور :سالم راسك ما تقصر خذ واحد منهم وياك و بقو واحد هني يم البنات اخذو راحتكم بس تصحى انا انطيكم خبر والي يضل هنا وروح ابوي اذا سمعته يسمع نوال كلمه والله ادفنه

رادو يحجون فات وسد الباب مشه ورجع كعد يمها مرت ساعات غير قسور ملابسه وباقي يباوع عليها تحركت فتحت عينها لازم ايدها خله ايده على وجهة فزت باوعت عليه وبدت الدموع تنزل من عينها وكالت بصوت يرجف

شامه :نوال والاشتر عيسى عفتهم عفتهم

قسور :حبيبه قلبي هدي هدي والله بخير وبره منتضرين يشوفوج

شامه :سوو.. شي ليش اخذوني.. اخذوني خلوني بالصندوك ما.. ما اذكر شصار

قسور :والله ما سوو شي وداعتج وروح ابوي ما سوو شي الج انا لحكتهم بس خلوج بالصندوك والربع كلهم فزعو النه من طلعتج من الصندوك جانو يركضون منهزمين مني انتي جنتي بصدمه وانطوج مهدئ

شامه :ل.. ليش ماما زين ماما فيروزه

قسور:ماعدها علم بالي صار بس تدري تكلب الدنيه وتتخربط ونعوفج ونبقه محتارين بيها عاد خلي بس بيج محتارين

ضحكت بس تحركت توجعت رجعت غمضت عينها حظنت ايده ونامت جان جسمها تعبان حيل سدت ايدها كل قوتها على ايده طلع الصبح فتحت شامه عينها وشافت قسور على نفس الحطه ونفس كعدته وأيدها بأيده وحته اظافرها صايره بجلد ايده صايره آثار زركه رخت ايدها وكالت بصوت مبحوح وهو يباوع عليها بكل حنيه وخوف عليها

شامه :بيش الس.. الساعه؟

قسور :بالعشره الصبح

شامه :اوووف وانت بعدك يمي

قسور :تصورين أكدر اعوفج لو جفن يرف الي بعد الرعب الي عشته بدونج

شامه :س. ساعدني خلي اكعد

ساعدها فاتت الممرضه وهي مبتسمه فتحت البرده والشباك وكالت

الممرضه :صباح الخير يا حلوه تصدكين زين وكعدتي لان الممرضات كلهن يتعاركن يردن بس يفوتون بالغرفه حته يتحارشن برجلج

شامه :ههه يحب وحده وعنده علاقه بيها

بقه صافن عليها ضحكت الممرضه عبالها تشاقه فحصتها وطلعت المغذي من ايدها وكالت

الممرضه :هسه راح ادز ريوك لو راح توصون شي صحي الها

قسور :مشكوره بس انا وصيت الها وعمتها دازه الها اشياء تحبها

الممرضه: ربي يحفظكم خلي اساعدها تغسل

قسور :انا راح اساعدها

شامه :ل...لا كمل شغلك عندك لقاء اليوم

قسور:اشكرج خيتي انا اعتني ب البقيه

ابتسمت وطلعت باوع على شامه وكف ونزع الستره مالته ورفع ردانه وكشفها لزم ايدها ساعدها توكف بس مكدرت بقت لازمه بأيدها جان يشيلها فزت وحست بالوجع ب خاصرتها وكال

قسور:اعتذر

فتح باب الحمام جانت بثوب المستشفى وبس ب ملابسها الداخليه كعدها قرب المغسله وسد الباب بقت تباوع عليه رادت تحجي أشر إلها متحجي وكال

قسور:شنو راح تكولين راح اسوي الي أبالي ف اختاري تغسلين جسمج حته ترتاحين شويه

شامه :أ.. أني ح.. حسبح

قسور :اني راح اسبحج

شامه :ل.. لا اني اني

قسور :خلاص انتي سبحي راح انطيج ضهري بس تخلصين انطيني خبر حته اساعدج بملابسج البنات جابو ملابس الج

شامه :انتظرني ب.. بره

قسور :ما اطلع

انطته ضهرها وكالت الها يفتح الشرايط مال ثوب المستشفى فتحه وندارت عليه انطاها ضهره فاتت للشاور وسدت البرده غسلت جسمها على كيف وغسلت شعرها جسمها وخاصرتها يوجعونها سدت المي ومدت ايدها حته تاخذ الخاولي نشفت جسمها ورجعت مدت ايدها وكال

قسور :اطلعي اني البسج

شامه :ل.. لا انطيني

قسور:تره شايف كل جسمج وكلشي احبه بجسمج ما يحتاج تستحين

شامه : انطيني الملابس الداخليه

كالت بعصبيه وكحت انطاها بسرعه خاف عليها اخذتهم ولبست بس الفانيله واللباس مكدرت تلبس حماله الصدر بسبب وجع جسمها مدت ايدها حته تاخذ بقيه الملابس فتح البرده فزت بقه يباوع على جسمها نزلت راسها والدموع ترست عينها وكالت

شامه :لا تباوع هيج علي

🦋🦋🦋🦋🦋🦋🦋🦋🦋🦋🦋🦋🦋🦋🦋🦋🦋

فراشاتي ان شاء الله هل بارت يعجبكم بمناسبه وصول القصه ل ١٠ الألف واحد قارئها 😍💕✊🏼

شكرا الكم من كل قلبي وفدوه لعيونكم الحلوات