رواية قسور والمهره شامه الفصل السادس 6 - بقلم أسيل

هاي شويمه بنيتنه ههه شامه
هاي يمكن اقرب صوره لشخصيه البطله 🥺

#شامه

جنت بالمطبخ اساعد عمه صبيحه بالأكل اجه حسام بسرعه وفات وراه عمو مصطفى وعمو صاح على بابا ردت افوت بس سدو الباب شو شسوه هل خبيل وبديت اطبخ واساعدها نضحك اني وياها يا الله شكد تذكرني بماما ربي يحفظها تاخرو جوه فتح الباب حسام عيونه براسه صعد فوك سمعنه ضربه قويه فزيت وكالت عمه هذا باب الجيران يجوز وكع لو شي وما حسينه بس الباب يندك اريد اغسل ايدي وبابا يصيح لا اطلعون من المطبخ نكسر الباب بسرعه طلعت اباوع على الباب هذا قسور اي وربي هذا قسور وراه رجال جبير بده يتعاركون ويضربون بعض اني اصيح على حسام حته يهدأ ماكو فقد... فقد وقسور هذا الأنسان الواعي الهادئ فقد نفسه اول مره اشوفه بهل شكل المرعب حسام محترك بنار ويحرك قسور بكلامه وحجيه والكل حوله شابين نار وهذا نازل تحدي بي فقدت اعصابي وضربته راشدي حته يصحى على نفسه بقه صافن هاي اول مره اضربه سد ايده خفت الصراحه بس خفت عليه خفت على عمه وربي حتنجلط من الرعب طلع ضارب ولد ومعوقه ويتفاخر فقدني نفسي فوتوه بالكوة للغرفه وقفل بابا الباب عليه وبقه يضرب ويغلط على الولد الي ضربه وقسور يهدد راح يعوق حسام شون ابن خالته وعمه صبيحه نهاارت سئل الشيخ عليه ورأسا كتله اخذني اني اتزوج ابنك ما اعرف شون طلعت مني بس اعرف راح يموت حسام اذا ما سويت شي لان ابنه الي مربيه وحاسبه حساب ولده تعوق مقعد صار وقسور السلاح بأيده وفاروق يسحب بي ما كدر وبقيت اباوع وقسور يهدد وحسام عزيز على قلبي ما اكدر اخويه وزين هاي عمه عمه صبيحه تموت إلي ما شفت منها بس الخير هيج يصير بيها بقيت صافنه شسوي وافقت فز وباوع عليه يريد يحجي وياي مكدر ولا اني كدرت كله بسببه ردت بس ينطق بحرف ردت اي شي منه ماكو اي شي عيونه دم صارت من العصبيه دمارات ركبته وأيده سد ايده كل قوته التفت على ابوه وطلبت منه كلمه رجال محد يتقرب من اهلي وقاصده قسور اريد بس يرجع بكلامه بس ماكو وعدني أبوه وانطاني كلمه رجال محد يقترب من اهلي ما راد ياخذني الصراحه لهذاك بس بقه ساكت منو راح يهتم بيه وهو معوق طك قلبي انا حسام طلع يصيح ويسب ويلغط على هذاك الولد وتحدى قسور وكفت بسرعه كبال حسام من سحب قسور السلاح رفع فاروق ايد قسور بثواني وضرب طلقه بالسكف وكعت كلشي اسود صار بعيوني وكعت بحضن حسام ما اكدر اخذ بنفس يعني لو مواكفه كبال حسام جان..جان كتله و..ويعرف بيه احبه مثل اخوي وهو إلى ساندني بأكثر أوقاتي تعب يعني هو ما سيطر على نفسه بأخر ثانيه وعى اني راح اتأذه ورفع المسدس لا اكدر احجي ولا اكدر اسكت وكتله اني اتزوجه عرضت نفسي على واحد ما احبه ولا اعرفه فتحت عيني اريد احجي وياه بس اريد اشوف قسور كمت بالكوة واكفه و يضرب السياره بكل قوته وابوه سحبه يريد يوكفه ورجع يضرب كل قوته وجعني قلبي ومشه بسرعه وراه فاروق يصيح عليه ومحسيت على نفسي بس بالمستشفى ....

#الكاتبه

🔅🔅🔅🔅🔅🔅🔅🔅🔅
هو لم يخذلها وداعه لها ...
لكنها قالت لقد خذلني ظرف الوداع نفسه ...
لقد كان وداع بارد أقل من حجم محبتها...
قالتها وهي تضع يدها فوق قلبها ((كان وداعاً باهت وتخلي بارد لم استحقه)) ....

🔅🔅🔅🔅🔅🔅🔅🔅🔅

احترك قلبها وقلبه بيومها إلى جان رايدها وحالم بيها صارت لإبن خالته الي متربي وياهم  بس معتبره اخوه حبست روحها بالغرفه ما طلعت ولا حجت ويه احد كل الوقت حابسه نفسها بالغرفه من عرفت سافر وتخلى عنها الي جان واعدها بوطن هدم حيلها وعافها بوحدها هو ما تحمل يبقه بنفس المكان بس طلع عدي من المستشفى سافر بدون ما يكول لأحد ..غلق تليفونه وراح وهاي مرت ايام حجت الي صار ويه غيداء تخبلت رادت تجي وحذرتها بقت تبجي وتتوسل بيها تشرد وابوها نفس الشي بس رفضت... كسر قلبها قسور جانت تتصور راح يساعدها لو شي بس تخلى عنها وخافت على حسام ..وحسام الي ميباوع بوجها ..واجه اليوم الي عقدت مهرها وصارت زوجه عدي تخلت عن كل أحلامها واغراضها تركتها بالغرفه الي سوتها الها صبيحه وحلفتها تبقه نفس حطتها ومحد يدخل الها... حسام حابس نفسه بالغرفه حته ما كدرت تودعه لان هل بيت بعد راح يحرم عليها بجت بحركه وهي تودع أهلها مو لان مصار الها اي حلم ولا كدرت تحقق أحلامها لا بجت لان قسور مراح يكون الها راحت ابوها تخبل بقه كاعد بالباب يومين من راحت وهاي مر شهرين على روحتها ما شافت قسور جان اول يوم الها بالبيت مثل جهنم متعرف احد وفاتت لغرفه بس هي وعدي بيها واول يوم شمر عليها الكوب بس وكع بالكاع وسمعها كل الأهانات وهي بقت تبجي وساكته وبقه على نفس اسلوبه وهي تسكت صارت مثل الميته بينهم تنظف لان متعرف تطبخ وهاي نوال تنقهر عليها وكذلك معاذ جان يشوفها كاعد باب الغرفه طاردها تبجي ويفوت للغرفه يخلي نوال اطلع الها غطه ما شافت أهلها ولا أهلها كدرو يجون الها ضرغام جان يخاف الله بيها ما يأذيها ولا يقبل احد يأذيها بس مايعرف وراه شصاير ...ونوران بنت عم الولد جانت مشوفه شامه المر جانت تغسل الزوليه بهل جو البارد وترجف ومشت نوران وشمرت التايت كله على الزوليه وكالت

نوران:اغسليها زين لا والله اروح لعدي واكله يجي يشوف ماخذه راحتها لهل فصليه ..قسوووور

صاحت بأسمه وفز كلشي بداخلها وبقت راسها نازل بالكاع جمدت مكانها مشه مبتسم بس تسمع صوت مفاتيح يحركها بأيده وكال

قسور:هلا بالغاليه

نوران:هلا بنور العين وشمعه البيت

قسور:وشبيج ولج ويه هل مسكينه تصيحين عليها

نوران :والله ما تعرف شي مفالحه بشي مثل البهيمه

قسور:لا تكطعين رزقها تركيها يا بنت الحلال وبهل برد تنظف و انتي شعندج واكفه بهل برد فوتي وانتي بنتي ما عليج كملي شغلج وانا ازيدج

نوران:ولك عزااا ما عرفتها ههههههه هاي مكسور الرقبه الفصليه الي زوجوها لعدي

وكع السويج من ايده وهي مدارت وجهة ولا باوعت عليه والدموع تنزل من عينها بقت تغسل كام ميكدر ياخذ نفس لابسه ثوب اسود عريض ومبهذله وشعرها ضافرته وكال بالكوة وصوته يرجف

قسور:ه..ها..اي شامه..

نوران:اي امشي راح تفرح عمه بس تعرف بيك هني

سحبته وهو ميكدر يشيلها من راسه ولا المنظر الي شافها بيها ما راد يرجع بس ابوه تعبان ورجع جان ما يكدر يشوف الي حبها كدامه ومو آله امه اول ماشفته هلهلت وشافه معاذ وحضنه وسلم عليه وجان معاذ مشاكل ويه عدي معاذ ميتحمل عدي وعدي لسانه طويل فجان عدي يحترم ويخاف بس من قسور... وره ساعه ونص بقت بره ومن فاتت مدنكه راسها قسور تفكيره كله يمها ويهز برجله ما طوله كاعد فاتت الغرفه غيرت ملابسها بسرعه ونزلت تحضر وياهم الأكل وسمعت صايح عدي نرعبت بقه يصيح عليها باوعت على فيروزه واشرت الها تروح ومشت بسرعه فاتت الغرفه وكال

عدي :انتي مطيه ...غبيه حماره..كتلج لا تغيرين مكان اغراضي لا تلمسين شي من اغراضي بنت الساقطه هي خدامه كاوليه انا كلت الج لا تحركين أبوج الكواد من مكانه امج الكحبه ما علمتج شون القنادر العتك على راسج ما تتحرك من اكو الج لا تحركيهن

(سوري ع الكلمات هههه بس حته اعيشكم اللحظه)

شامه:شنو محتاج اجيب الك
عدي:وين النفاضه مال جكاير

جانت على الميز ما محركتها بس يريد يفرغ عصبيته بيها مشت اخذتها وخلتها كدامه مشت تريد تطلع لزم النفاضه وشمرها عليها يم رجلها وشكت رجلها وما سمع بس صيحه قسور الي هزت البيت وباوع عليه بصدمه

قسور:لك عدي

عدي:ق..قسور

قسور:انت شسوي ولك؟انت شون تحجي وتتصرف هيج شهل حجي

عدي:لحد يدخل بينه فصليه

قسور:ادفنك ورب الكعبه اذا سمعت من احد هل كلمه مو فصليه البنيه بنت ناس وعوائل وتدرون زين احنه من يوم يومنه ما نرضى بشي اسمه فصليه وثانيا انا هنا الكل بالكل ورب السموات اذا اسمع صوتك طالع لو شويه مره ثانيه ورب الكعبه ادفنك ما نسمع قله أدبك مره ثانيه

عدي:هي فصليه وخدامه جوة رجلي

قسور:عددي ولك

صاح بصوت عالي مشه ولزمه معاذ وابوه وكالت شامه وهي واكفه ب الزاويه

شامه:اجيب الك شي تأكله قبل ما تشرب الدوه

عدي:ما اشرب زهر مر ابطنج وابطن اهلج طالع وما اريد اشوف شكلج الزفر

وطلع ركعت تجمع الكزاز ورجلها تنزف طلع عدي بسرعه من الغرفه يباوع عليها بس هي ما رفعت راسها ابد متريد تشوف وجهة ابد وخاصا بهاي حالتها كسره القلب مو هينه عافها تخلى عنها بأكثر وقت احتاجته بيه وهسه اجه يدافع عليها طلع من الغرفه ايده ترجف ...

💚💚💚💚💚💚💚💚💚💚💚💚🖤💚💚💚💚💚💚💚💚🖤💚💚💚💚

اييي ليش ليش هل تفاعل الي يكسر القلب 💔 وينكم الي تتفرجون بدون تصويت ولا تعليق

الصراحه اذا ما شفت تفاعل راح الغي هل قصه 😣