رواية قسور والمهره شامه الفصل السابع 7 - بقلم أسيل

#قسور

من شفتها وانا عبالي خدامه احس حركه بصدري ساعه ونص بالبرد بس منتضرها تفوت ابوي يحجي وياي بس انا بالي كله يمها هاي الي جانت ايدها ملفوفه بالحرير هيج يصير بيها امي فرحانه وتضحك وياي ونسولف بس انا ما أكدر كاره كل شي من سمعت صايح عدي باوعت بوجه معاذ وابوي وامي ساكتين عادي عدهم باوعت على معاذ وكال

معاذ:حجيت وياه بس ما يفيد مئذي البنيه ونكول نصبر حالته النفسيه تعبانه

_تعبانه نفسيته من شوكت هيج

معاذ:من اجتي البنيه للبيت محد يكدر يسيطر عليه..

كمت ما كدرت اسيطر على روحي والبيت كله يسمع غلطه واهاناته الها كلبي محروك عليها... البنيه انا ما رضيت ياخذونها زوجه اله بس ابوي بعد كال حجايه وما يرجع بيها ابوي واعرفه سكتت وتركت الديره من ما كدرت اسوي شي جبان (اي وربي زين تعترف جبان الي يترك وحده حبته بنص الطريق شيعتبر مثلا) وكعدت بغداد لحد ما يخلص كل شي ما أكدر اشوفها كبالي تصير لغيري فتحت باب الغرفه واشوفها واكفه كبال الكزاز دنكت تلم الكزاز وانا اهدي بيه وهو محترك خلص كل غلطه ومسبته عليها باوعت عليها صارت عيني بعينها ورجف كل جسمي على نضراتها الي ميته بدون اي احساس وجهة الي جان جنه العافيه ذبلان حجيت وياه اريد بس اهدي وهو لسانه فالت صحت بيه وباع عليه وراسا سمعت صوتها وكالت

شامه:جوعان تريد اجيب الك الأكل

غلط عليها وطلع دنكت تكمل تلم الكزيز طلعت بره معاذ يريد يحجي وياي ما كدرت ابقه بالبيت ختنكت احس البيت نهدم عليه كمت ما أكدر اجر نفس

#شامه

مشتاقه لغيداء وصوتها مشتاقه اشوف بابا الي كل يوم اشوفه من بعيد يطمئن عليه اضحك بس اشوفه وأشر اله واطمنه كل شي زين.... بس هو كلشي يوجع بيه من تصرفات عدي لو تصرفات نوران ونضرات اخوها المقززه يحاول يحجي وياي بس ابتعدت منه ما ارتاح اله قلبي مر اسبوع على رجعته ولحد هسه ما أكدر اباوع بعينه من اسمع صوته قلبي يدك بسرعه من يمر من المكان عطره يترس ريتي كلها شكد اشتاق اله بس ما أكدر ما أكدر اسامحه اكثر من مره شاف ابويه وشافني وافوت بسرعه للبيت ما يحجي شي ويدنك راسه ويفوت لغرفته عدي كام ميكدر يحجي لو يتصرف شي كدامه بس بيني وبينه بالغرفه يأذيني هواي الحجيه فيروزه عصبيه ونار تفور مرات تكوم من تشوفني لغير غرفه حقها تكرهني ابنهم صار عاله بسبب ابن عمي بس مرات تكول لنوال روحي صعدي الها ملابس او اكل حرام بس كدامي عصبيه عرفت من يومها قلبها جبير وعرفت هم تعرف عمه صبيحه من زمان وجانو حبايب بس ما اعرف ليش تخاربو جنت انشف شعري هسه سبحت وما احسه غير فايت عدي شارب باوع عليه أشر الي اروح يمه ما اقتربت منه اكره الي يسكرون ردت اطلع وما احسه غير ضاربني بالكرسي المتحرك وكعت ردت بس اخلص منه سحبني من شعري وكع بالكاع بقيت بس ابجي واتوس بيه يعوفني بقه يضربني كل قوته ويصيح اكرهج اكرهكم اريد بس يفك ايده من شعري يضربني على جسمي كل قوت ضربني على وجهي وما حسيت غير معاذ فايت وصار نار يريد يوخرني ميكدر اله حسيت بركبتي كزازه وصاح

عدي:هاي فصليتي انا الي اختار شسوي بيها انتو اختاريتوها وانا الي اريح قلبي اطلع لا افوته بركبها واذبحها

معاذ:لك عدي حرام عليك شارب شارب انت هاي مو فصليه

نوال:صخام لك عدي مسكينه حرام عليك

فوت الكزازه بركبتي طلعت نوار بسرعه وضربني على وجهي شك شفتي حسيت بطعم الدم ضربني كل قوته وخله الكزاز يم عيني غمضت عيني وصاح

عدي : فتحي عينج... معاذ لا تتقرب والكعب افوتها بنص زردومها كتلك لا تتقرب

ضربني على قلبي بعكس ايده فتحت عيني وشهكت وما احس غير قسور ساحب عدي ودافعه كل قوته ضربه راشدي وصاح على نوال هل مره اني اباوع عليه وهو داير وجهة هيج مقززه بعينه صرت اني كله بسببه وهو ميباوع حته بوجهي

قسور :نوال اخذيها لغرفتج

رادت تلزمني فزيت ورجعت ليوره بقيت اباوع عليها وعدي يكلي اله يذبحني بنص الليل بس يروحون ضربه قسور وسحبه ويكله

قسور:تسكر وتفوت للبيت شارب ما خليت النه احترام يا كلب

فوته للحمام لزمتني نوار فزيت والدموع تنزل من عيني خليت راسي يم صدرها شهكت وكلت الها

_اريد باا.با بس..بس اشم عطره...راح..راح..مني

قسور:صيري زينه وانا اخذج اله وعد

طلعتني نوار فوتتني لغرفته انطتني ملابس منها وبقت تمسح الدم بقيت ساكته فاتت فيروز وكفت بسرعه كمت من فراش نوال بقت تباع عليه نزلت راسي وكالت

فيروز:خليها تبقه يمج اليوم نضفي جروحها زين

وطلعت كعدتني نوار بقت تحجي وياي واني ما أكدر حته اجاوب كل طاقتي خلصت بس اهز براسي كعدت تواسيني وتحرك ايدها على راسي تهون عليه وجعي

#قسور

كاعد بمكتبي اخلص شغل عندي وما اشوف غير نوال تكلي الحك عدي تخبل كمت بسرعه كل جسمي رجف اذه شامه ركضنه وشفته يضرب بوجها صايره مثل الدم بين ايده فقدت نفسي بس شفتها بهل حاله سحبته ضربته وكلت لنوال اطلعها رادت نوال تلزمها خافت ورجعت ليورة سحبته وفوته جوه المي سكران جان طلعت واشوفها تكول لنوال تريد اشوف ابوها كسرت قلبي كتلها اني اخذج راسا سكتت وكامت ويه نوال وفات معاذ وكال

معاذ:ابوي ما يرضى تشوف

_اعرف ابوي معاند بس ابوي على غلط

معاذ وانا جن ما سمعت شي

يعني موافق ابن امي وابوي رحت انا ومعاذ لدار ابونه وأمنه وحجينه الي صار امي تخبلت ما رضت كامت وكال معاذ الها وين كالت اله لاب كلبها تريد تشوف البنيه وابوي صارت دم وهل مرت خمس ايام وين ما اروح بالبيت اشوفها كدامي اليوم امي عازمه النسوان ومشيت من المطبخ سحبتني امي من ايدي وكالت

فيروز:اشبيك جنك فرخ دجاج مذبوح بس تلوب يا ولد خليني أخذلك بنت بأن نوران شوفه شوفها شنو حلاوتها

_الي تشوفيه يمه

وسمعنه كسر مواعين التفت للمطبخ وصارت عيني بعينها لزمت الميز وركعت تجمع الكزاز ما كدرت توكف على رجلها وكالت الها

فيروز:صعدي لغرفتج

سديت ايدي كل قوتي طلعت من البيت احس كبر هل دنيا ماكو شي يوسعني رحت لفاروق لكيته كاعد بقه يباع عليه ونزل راسه ما حجه شي كتله

_احجي ليش نخرست

فاروق:شحجي فهمني انت تحب وحده صارت مرت عدي وما هديت ومحد يعرف القصه شنو لا عدي يحجيها ولا حسام ومحد يرضى يتنازل وما نعرف السبب بس الي اعرفه شامه نضلمت منك ومن اهلك من عدي من حسام ومنك انت الي وثقت بيك

صحت بيه ولازم بيه من ياخته ضربني كله بكصتي بقينه نتضارب انا وفاروق لحد ما حسيت ما بقه بيه ذره طاقه ضحك فاروق الي وجهة مدمى وكال

فاروق:كبرنه وبدينه نتعب بسرعه يا شيخ

ضحكت وخله ايده على ضهري وابتسم جنه يهون عليه كسره قلبي تنهدت نزلت راسي....

🔅🔅🔅🔅🔅🔅🔅🔅🔅🔅🔅🔅🔅🔅🔅🔅🔅

هلو هلووووو لا البارت السابق تفاعلكم احسن تره والله ما اريد شي بس الي رايدته تفاعل حته اتشجع وانشر الكم اسرع 🌝