رواية كسرة قلب الفصل الخامس عشر 15 - بقلم نور الشمس

لا مو حامل

وفاء..يجوز حامل اتأكد بالاول يلله اطلگ خطيه تكسر بختها شسوت حته تطلگ هاي انت الماترضا بالعيبه

تنوعتله تنهد وخزرها بعينه گلها گتلج مو حامل متأكد وبعد لا تتجادلين وياي موضوع بيني زبينها وانتها مايحتاج ابرر لا الچ ولا الغيرج
خواتها خزرنها رباب عضت شفتها الها تنبهه لايعصب هيه گالتله براحتك وفيصل گله انت ادرى بكيفك ابو كرم احنه من تزوجت ماسألنه ليش ولا من تريد اطلگ نسأل شي يخصك هذا وانت جبيرنه وفاهم
مامحتاج تشورنه
..فيصل مو تكبر مني يشهد الله موضوع بيني وبينها مااحچي علمودها مااريد يصير حچي

اني اسمعهم وانغثيت حيل مو بيدي من ينجاب طاريها اتخبل
دنگت راسي وعدلت لثامي صاحني هوه

..شيخه تعاي وياي عدليلي فراشي دار على محمد گله اذا تعبان روح انت وعايلتك وغداكم يجيكم محمد عبالك كاعد على اعصابه من كله الشيخ ضحك وگال يلله امشونه راحت مرته وخلت مريم  وي بنات عمها يساعدن عماتهن
بقوو فيصل ونسوانه الثنين وولدهم والبنات
اتنوع النسوان فيصل صح تصير بينهن مشاكل بس كلش عاديه وره ساعتين يتصافن جنهن خوات وولدهن متخاوين كلش بگلبي اكول ماادري شلون هيج يكعدن ويكومن سوه اثنينهن حلوات وكل وحده بيهن عدها ميزة جمال تختلف وعدهن كلمة فيصل ماشيه بدون نقاش هوه بالمقابل كلش عادل بينهن واشوفهم عائله متماسكه
زين انه ليش تخبلت وحته عقلي تيهته گمت اتصرف بدون وعي وكتمت هواي هواي بداخلي ادعي البرود وانه نار بيه
يمكن طبيعتهن تختلف
گام الشيخ وانه سرحانه افكر ندستني امي اگوم
طفرت من مكاني رحت للغرفه چان صاعد فوگ
صعدت وراه صار شگد ماداخل هاي الغرفه صار اشهر
گلبي احسه يريد يطلع من كثر دگاته
فتت للغرفه لگيته مبدل ومتمدد
ضحكت وانه متلثمه نذكرت ضحكتي شلون تخوف تحولت الضحكه الحزن
گال
..تعاي ليش بطيتي علي وليش واگفه تعاي اريد اشبع من هالحظن صار هواي مفارگه

..سكتت وكربت عليه لان حته الحچي يطلع مخربط مني

..حبيبه لاتضوجين وربج ترجعين احلى من الأول
جر مني اللثام گال حركي حاجبج

..حاولت هواي ماتحرك گتله مايتحرك

..تعاي يمي فتح ايده خليت راسي دار علي
بده بأيده يفرچ  الجهه المشلوله
كال

..الصار بيج انه السبب بي كله مني بس انتي هم طلعتي ماتعرفيني وطلعتي عيني زياده

..لا مو منك انت شعليك گوه حجيتهن وبالي يمه من شفت اثر العمليه بصدره

..لا انه السبب وانتي كابرتي هواي لو مطلعه البگلبج چا ارتاحيتي اخخ ياشيخه علگمتي رياگي (ضوگتيني المر)
وانه اقنع بيج واحلفلج وانتي ما مصدگه كون امسح هاي الاربع اشهر من حياتنا ونرجع انه وانتي وولدنه وحبنه بدون الكسره البينه ادري مهما رجعنه ومرت الايام تبقه كسرة گلبج وكسرة گلبي هم

..انت ليش مكسور شبي عادل تگدر تگلي

.عوفي كلشي هسه غمضي وانه افرچ وجهج يمته مانعستي نامي وانه هم انام ورانه طلعه العصر

..وين نروح

..اخذچ للطبيب

ماعارضته ولا اريد اعارض فرحت بلكي ارجع مثل الأول
ماادري شگد نمت گعدت لگيته نايم
ركزت بشكله
وجهه الحنطاوي ولحيته الي مخففها تلوگله هواي
حواجبه المتقوسات قريب للمختلطات
خشمه طويل حلوو الرصعه الي بحنچه مبينه بعد مامخفف اللحيه
اموت عليها الرصعه الي بحنچه
تذكرت گبل من جنت ماارضا يطول لحيته هواي اگله ماتبيين وانه اريدها تبيين
مديت ايدي حركتها على وجها
وحركت ابهامي ع حنچه
ابهامي يتحرك ومركزه بي فجأه فززني من حاول يعض ابهامي

..فوگاها انتي الخفتي وفزيتي

..خوفتني والله

..انه النايم واشوف وحده حلوه تلعب بحنچي المفروض افز بس الصار بيه غير

..شصار

..الصار انه خدرت وارتاحيت وهالوحده هيه الفزت موجنج تتحرشين

..هههههه مشتاقه الها

..وهيه هم مشتاقتلچ گومي حضري روحچ نطلع انه اخذچ

..بس انه وياك

..اي ليش تردين احد ناخذه

..لا بس خاف انت تعبان

..لا كلش زين انه انتي التعبانه نمتي ماصدگتي

..بس لا بعدك مامتغدي لا اجه سبع راد يكعدج عفتج وانه نزلت اتغده كتلهم غداج يخلونه نزلي تغدي حته نطلع
..مااريد نروح ومن نرجع اكل

..براحتج

بدل ونزل گبلي اتنوعله هيبه وشكله يخبل طول بجسم
لبس دشداشه بيضه بروش فضي بالردن غتره ابيض واسود وعگال وعباه رصاصي
عطره ترس الغرفه
بدلت ونزلت مالي واهس الكلشي وجهي يخوف
من شفته بهذا  الجمال حسيت بخوف واحراج
اليشوفني بهذا حالي يگول جريمه هاي اله
نزلت كاعد بين خواته وامي وولده وولدهن داير مادايره گالن شلون صرتي جاوبتهن الحمدلله كالن امي كالت ليش للطبيب روحو الشيخ بلاسم يعالج الشرجي كلها لا يمه ناخذها طبيب نشوفه شيكول واذا ماتحسنت اخذها الشيخ بلاسم

..اجاه اتصال حاجاه سلم ورحب وكله هلا بيكم يلله جايكم. دار عليه

..ام كرم تانيني ربع ساعه ونروح جايين اهل عادل اذا تردين تغدي بين مانروح تره بس اليوم الي باجر تجيني ناس

..كتله براحتك ..وين اتغده انه من سمعت باهل عادل جايين مية فكره ابالي اجت هسه تطلع حاكل ويسويها حظي بس لايوازوه يرجعها احس نار بيه طلعت بره گمت الوب رحت من يم الترك اريد اسمع قليل محمد وصگر وكرم كلهم بالديوان محد طلع حته اسمع اخبار
اسمع اصوات عاليه بس ماكو شي
اجت سعاد كالت وين رحتي عايزه حرك انتي ولج وجهج واندار من التفكير والغيره البيج بعد وين تردين بروحج لاتخافين حجايته وحده الشيخ

..مو بيدي ام مهدي والله خايفه حيل

..تعاي تعاي فوتي جوه حميتلج الغده اكليلج لكمه وكولي يالله ولدج مكسزر خاطرهم عليج حته سبع يسال يكول شبي حلك ماما صيري سباعيه تعالجي ورديلهم ذيج شيخه المتفحه
حچيها فتح جروحي اكثر منين ارجع والمصايب وراي وراي
رحت وياها ماكدرت اكل شويه امي لفتلي وكوه اكل ومستحيه حلكي مااعرف اكل بي مااكدر حته الماي كوه ينشرب نصه يطيح علي
شويه واجه الشيخ

..يلله حبيبه اذا ماعندج شي نتوكل

..رباب كالتله ها خويه شصار

..من نرجع نسولف مستعجل هسه

..طلعت وهوه كدامي السياره عاليه واحس مابيه حيل اصعد الها فاتحلي الباب وصاعد مشغل السياره
كوه صعدت وابالي فكره شحجوو وشكالوو
ابتسملي وحرك السياره
صار شگد ماطالعين انه وياج

..هواي

..اي التهي عنكم بالطلايب حكج علي بس طيبي نسافر انه وياج وحدنه

..كتله ان شاءالله اريد افتح موضوع دجله مااكدر وبالي مو يمه
سكتنه اثنينه مد ايده طبطب على رجلي

..يامره كافي تفكرين خلص الموضوع اطلگت ولاتسألين شلون

..فزيت عبالك جاهل ووعدوه بسفره لو لعابه يريدها.شلوون ضحكك

..گتلج بدون شلون عوفيها الله يستر عليها ويسعدها تره هيه هم مظلومه

..سكتت وماردت اجامل
گال شعرج طالع عدليه ولمي عباتچ زين راح نوصل
دخلنه على طبيب اعصاب
شرح الحاله اله گله شنو العدها صدمه ضغط نفسي تعب ارهاق
فهد گله  كلهن
انطاني علاج وكله تعلج دائما
وتحاول تتعالج طبيعي
رجعنه للبيت لأن اتاخر الوكت
محد سال عن دجله الظاهر كلهم عارفين قصتها
الكل سالوني شنطوج علاج وشكال الطبيب
جاوبناهم وجهالي اجو يمي يبوسون بيه
وبأبوهم
البنات راحن وبقينه بس احنه
فهد سال صگر
گله امتحاناتك شگد باقيلها وتخلص

..باقي امتحان واحد

..خوش حته نخطبلك وراها

..شيخ خليني فكر زين والله بعد ماتنعاد

..صگر انت ابن شيخ واخو شيخ شغلته يحل هاي الطلايب ويمشي بحظ وبخت اذا انت ماحليت سالفتك وزكفتك عند احد عيب عليه احكم بعد بهيج قضايا ومثل ماگتلك انت اخو شيخ ومستقبل شيخ
البنيه ماعجبتك اءا ماعاجبتك ليش تورطها وتورط روحك بالحرام

.عجبتني بس مااثق بيها

..انت جرجرتها وهسه ماتثق شلك بهاي لاتعبني فكر زين واسبوع ونخطب الك

سكت صگر وانه هم ملت اشجعه حجي فهد صح

كرم ساكت ماحجه شي يشبه طبع ابوه يسكت ويستمع ويشارك قليل بالكلام

امي شربت علاجها وراحت تنام
صعدت وفهد صعد وراي

گال تعاي يمي وبده يفرچلي وجهي

ماجنت احس بأي شي
ثاني يوم ال
نيا انگلبت ناس الي جايب ذبايح والي صناديگ عصاير
ماشفنه الشيخ الحد الليل واستمرت ايام على هالحال

بقينه شكم يوم ماكو تحسن امي كالت مو كلت الكم اخذوها الشيخ بلاسم
فهد كال باجر انه اخذها
سعاد كالتله اذا عالم تجيك انه اخذها وياي واحد من. الولد
كلها لا انه وياها اروح افرغ روحي ساعه

من طلع هوه سألت سعاد
كتلها ماعرفتي شلون طلكها
گالت عمها طالب من فهد بس هوه وياهم يگعد وفهد امطلع اخوانه كلهم وولده
ماراضين يطلعون خايفين على اخوهم وصايح عليهم ابو كرم ومطلعهم
ويكول صلاح من طلعوو راضين ويتشكرون منه والشيخ ماراضي يحجي
بداخلي فضول بس شعليه اهم شي خلصت
ثاني يوم رحنه الشيخ بلاسم وحجاله فهد كلشي
رجال جبير كوه يحجي
وايده ترجف
يمه ميز زغير فتحه بي قاعده حذاء قديم كلش منتهي
گال تعاي گربي علي گربت وفهد كام من مكانه اجه يمي گعد مقابيلي
وقري كلش من الشيخ
ضرب وجهي خفيف تلث ضربات
وقره علي وطلع بطل زيت بي مواد مااعرفها بس حثاله بالزيت مبيين اكو اضافه عليه
انطاني منه وكال الفهد انت بيدك فرچ وجهه حيل راح يبدي يوجعها بس استمر حته لو ماخلتك وانتي بويه اتحملي تنوعت الفهد ضايج حيل ويفرك بوجهه كل شويه ..كال لاتباوع بمرايه
وارجعولي يومين بعد المغرب تعالو اقره عليها
طلعت منه من طبيت للبيت امي كالت يمه صلاوات متحسنه
ضحكت انه وفهد شبساع يمه
تعبانه وضايجه تمددت بحظنها وكرم باسني
راح فهد يصلي من خلص صلاته
سويت عشه مااكل كال بس انطيني العلاج
اكل فاكها وشرب علاجه
ضجت عليه حسيته  ماارتاح ماانطيته مجال صار شكم يوم محتار بيه
گال يلله يابه مو تهوسون حبوبتكم مالها خلك وامكم مريضه وانه تعبان
اشرلي اصعد وگال الكرم عينك على سبع نومه يمك
صعدت سبحت وبدلت لكيته گاعد اسرلي اتمدد على رجله خليت راسي دنگ باسني بگصتي
بده يخليلي دهن ويفرجلي
عادي ماكو وجع هواي استمر نص ساعه بده يأذيني حيل گمت انز لو الزم ايده گال اتحملي حبيبه معناها راح اطيبين
واستمريت ع العلاج اسبوع بس من يفرج حيل اتاذه من يخلص يبوسني
بيوم واكفه ع المرايه وره عشر ايام
حركت وجهي تحرك حاجبي
فرحت حيل نزلت الدرج لاكاني يريد يشوفني اشرتله كتله اتحرك حاجبي

..يالله الحمدلله تعاي اكمل علاج الج
صعدت وياه قفل الباب باسني براسي  وضحك

..معناها طبتي هسه تعالي بحظني حته اطيبين اسرع

نزلت وره ساعتين الأمي الشيخ تعبان وراد ينام
لكيت اني وجهالي يمها كلهم تحرك حاجبي فرحزلي كلهم
درت على صگر حضر روحك باجر خطوبتك الشيخ يكول

..سواها يعني خوش احضر ليش لا

يتبع

البارت بدون مراجعه ناويه اكتب اسرع واطول بس اجاني شخص عزيز وأجل  الناويه عليه