رواية كسرة قلب الفصل الرابع والأربعون 44 - بقلم نور الشمس

يسعد اوقاتكم متابعيني الغوالي ❤

راح اشتاق الكم 💛

================

كرم ..

رجعت وانه افكر بالصار فرحان بروحي والاصرار العندي تذكرت ابوي رغم فرحته بالعقد وباركلي گبل لايطلع بس اكو تردد او فرحه ناقصه حسيتها يمكن متخوف منها خاف تطلع مو ع المرام او اطباعها مو مثل اطباعنه بس انه كلي ثقه بيها راح تخلي يحبها ويحبها هواي هم

بالليل الكل ناموو عماتي والولد تعبانين ووراهم طريق امي وابوي اتفقوو وياهم بالطريق يلتقون يطلعون نفس الوكت يعني ماراح اشوفهم انتظر الامتحانات تخلص ولازم اشد حيلي وانطي مجهود اكثر حته ابين الوالدي انه بعدني على نفس الاصرار وماكو شي يلهيني

تمددت وانه اتذكر
شلون من دخلت اشوفها چنت مامصدگ روحي
خلص كلشي وصارت الي
من طلعو الكل وبقينه بس اني وهيه
ظليت اتأمل ملامحها وروحها الطيبه الي عشكتها روحي احسها شفافه وعفويه
حاچيتها

..حبيبتي ارفعي راسچ خل عيونچ بعيني اريد اتأملهن براحه وبعد مااداري نظراتي
تره محد سلب مخي وباگ گلبي غيرهن
رفعت راسها وانه اشوف وجناتها حمر
قربت عليها رفعت راسها وخليته بين اديه بست وجناتها وهمستلها

..فدوه للتخجل سمعيني صوتچ كليلي احساسي صح لو انه رايح زايد

عينها جانت تسألني بس مانطقت حسيت منتظره جواب مني ونظرات عينها هيه السؤال

..انه حسيت انتي تحبيني او مهتمه الي
دنگت راسها وشبكت اديها بتوتر وتحرك باصابعها بخفه 

..اي هواي أحبك شخصيتك حلوه وتعجبني وهيه الي جبرتني احبك مااشوف احد يستاهل گلبي غيرك

صوت التليفون گطع ذاكرتي

براق جان المتصل

..لك بذات اليوم ولا اتصلت خلصت مصلحتك لو شنوو

..هههه انه وياك مابينه مصالح واذا تحسبها صح تره بعدهي توها بدت

..اها يعني بعدك بقبضة ايدي لعد عشاي باچر عليك

..ههههههه گبل لتشوفني وجهك الثاني ابو المصالح تره بدون متگول انت والشباب باچر عشاكم عليه بس بلغلي اخت حضرتك گلها مريتي من باجر تعوف خطها وانه الاوصلها وارجعها وتره مااكلها ولا ابلعها بس اشوفها وعيوني ماتاكل هههه

..ههههههههه والله عيونك مو بس تاكل تبلع بس تدلل هسه اکلها وخابر زوجتك واتفق وياها متگول ام اروجه لتخاف مدام عقدت بعد امن

..الحمدلله بلغها واتصل بيه حته اتأكد

ومن ثاني يوم صرت انه اخذها وارجعها
بهذا الوقت نحچي كلشي وانطيها اطباع اهلي واعرف طبعها اكثر
خابرت ابوي اكثر من مره وخليتها تسلم عليه وتحاچي وهيه عفويه ومحبوبه نفسيتها حلوه وحسيته ارتاح نوعا ما بس ابوي واعرفه ميحكم ع البشر ويتاكد منه الا لمن يشوفه ويجربه بأكثر من موقف بدون ميحسس المقابل

مرت الأيام وعلاقتنه كلش حلوه والكل صار يعرفنه بالدوام ويعرفون علاقتنه وهيه خطيبتي وتعتبر زوجتي والوقت الي اشوفها بي بالدوام وبس لان جنت انشغل بدراستي 
اهلي صار اشهر مرايح الهم علمود امتحاناتي
قربت الأمنحانات وخلصتهن وصار لازم اروح
طلبت من عمتي نطلع انه وارجوان تعشينه بره واشتريت الها ملابس وانطيتلها مصرف رفضت مثل كل مره بس اجبرها تاخذ لأن هاي عاداتنه من عقدت وصارت على ذمتي امام الله ملابسها ومصرفها انه المسؤول عنهن
چنت بكد مافرحان اشوف اهلي ضايج لأن راح اشتاق الها وانه يوميه تعودت اشوفها والعطله فترتها طويله
وصيتها وكتلها فتره واجي اشوفج ديري بالچ على نفسچ وخليج دائما متواصله وياي

ثاني يوم رجعت للبيت فرحان بشوفتهم امي مشتاقلها هواي ابوي الي ولا يوم يفوت اذا ميتصل بيه مرتين او تلاثه مرات احسه ماخذ دور امي اكثر وحته هيه مستسلمه اله وانه معتبرتني حصته اشوفها وي اخواني تهتم بهالتفاصيل اكثر لأن ابوي مايعاملهم مثلي اعرف هالشي مايعني يحبني اكثر منهم او هيه تحب اخواني كثر لا اكو ترابط روحي او تشابه اطباع انه اشوف نفسي مثل ابوي او احاول اصير مثله وهوه يشوفني الأقرب اله
سلمت عليهم الكل كعدت واجونه بيت صگر سلمت مرته وفاتت وهوه اجه وراها من شافني ضحك من سلم وقرب يريد يبوسني همس بأذني شلونها ام الحليب

ضحكت بصوت عالي وگتله تسلم عليك هواي تگول اكوو ولد شاب ماشال عينه مني اذا يريد يجدد انه حاضره شفت مرته دارت علينه وعينها صارت عليه

..الله يبهذل احوالك جا انت شبيك مشهور هسه شيخلصها وياها ام نص عقل 

..والله انت اعرف چا اذا تدري بيها ماترضا وتسود عيشتك عيونك غمضهن يخوي مامتوازي
شفتها گامت البيتهم واخذت ولدها وراحت امي ةابوي عطلوها ع الغده مارضت گالت لا امي وحدها اجيت اسلم واروح
باوعتله وراحت
گال

..هاك استلم هاي بداية العاصفه تعذرت بأمها الي راحت اليوم على ام سجاد جارتها عدهم عرس وگالت اظل يمها لليل همه يجيبوني يعني هاي طلعتها عاصه وراها تسكت ساعتين او اكثر ماتحچي حچايه تريدني انه ابدي واخوك شيسوي يغلس ويسوي روحه مامنتبه بعدها تطحن بروحها طحن تحچي تحچي تحچي لدوانه اسكت اسكت لمن انفجر واول صوت وخزرة عين تنزل دمعتها وعمك السبع تموع روحه لو شاف دمعه من عينها اروح ارضي وانه الممنون

..ضحكت والله انت مستاهل ياهو الجابرك تلعب بالنار ادري بيك بس السان وتحبها مرتك بعد هالحچي الزايد والعين الفارغه شكوو

..شسوي بعد مااگدر الا انطي رأيي تره شمااحبها وشما اتسوي انه مااتغيير يااخي احب الحلوات وهاي عمتك رجلها شبعته شتايم حرگته حرگ هوه واهله ادري اكو احد يعوف هيج جماره ويطلگ

..ولك استحي نسيبتي صارت يعني عرضي

..ولايهمك العرض واحد

حاچيت امي اسألها على عمتي وفاء واخبارها گالت زينه وبيتها وحد وذيج مرته وحد بس عمتك چانت ناويه اترركه الذيج مرته الثانيه وغيرت رايها وطبعها وياه ورجعته الها وصار يموت عليها اكثر عناد بمرته من درت بيها اخت مرت حماها وجانت طابه طالعه البيتهم
بعدهي تتعارك وي الكل بس وياه لا صارت ماكو انعم منها وهوه شگد جان يحبها صار يحبها اكثر وعبالك هيه العروس مو ذيج عاد عمتك لو حطت براسها احد تنهي وذيج حظها مصخم وخلاها ضره الوفاء
ضحكت وانه اتخيلها صدك حظها مصخم مثل ماتكول امي حاجيت صگر

..بعدك مو صلح وياها

..لا والله بليلة عرس احمد رحت للعرس للعشه وكلبي وجعني عليها رجعت وكعدت ابيتي بساعة الزفه ومن رموو طلعت وسمعت شهگاتها بقوه وهيه بحديقة بيتكم اجيتها وبدون مااحچي كلمه حضنتها وهيه هم ماقصرت شكت كلشي بگلبها واسيتها وردتها ترجع قويه وتغيير من نفسها اذا تحب رجلها واذا ماتريده تنساه وتعيش الجهالها وبس بس هيه لا مثل ماكالت امك هواي احسن من گبل وحته من تجي ماتدخل بأحد مو خوف ولا غيرت اطباعها لا ماتريد احد يتشمت وهيه تعرف ماكو شي ينضم وكلشي يوصل

هذا هوو المهم تغيرت الحمدلله

..عوفنه منها مرتك شلونها

..تسلم عليكم كلكم
حاي احجي ورن تليفونه
گال

..هاك بدينه وهسه شسوي راح اغلس واعوفها واسوي التليفون صامت مو كتلك سكتت سكتت وملت وهسه صار وكت اللسان يطلع

..هههه احسن شي من الاخير انت انفجر وخل ينزلن الدموع ورضيها اذا انتو واحد فاهم الثاني ليش المشاكل

..والله من اشكالك تجينه المشاكل اذا انت عمتك زفاء ماتگلي اعاتبك ليش

..هههه روحلها خطيه اذا اتريد اكلها انه ناصب عليه

..عوفك منها ماعليك الجهاز صامت

..براحتك ..رجعنه نسولف واسأل علي وكرار على وضعهم ولوله وشاهين يمي يلعبون وكل واحد السانه اطول من الثاني توهم بادين يفتهومن ويحجون بطلاقه رغم الكسره الي بلسانهم  صكر  مركز وياهم يضحك ويعاند بيهم اجته رساله عيني صارت عليها صدفه

..صگر تعال بسرعه

ضحكت گتله اجاك امر اقراه
قراها وعگد حاجبه شبيها هاي الظاهر اتخبلت
ماتحچيني بهالطريقه

..يمعود عادي لاتستحي انه وياك واحد ..كول كل مره محد يدري وابلعها هالمره تريد تنكر جي صدفه شفتها بس وانه اقره تخيلت صوتها وهيه تصيح

..صگر تعال بسرعه

.. ابتسمت كافي عوفك منها ختولي غيرت الموضوع يمه باچر موعد لقاحات الجهال

گالت خوش باجر نوديهم
كرم والولد انشغلوو بالسوالف وانه بالي يمها هاي صدگ تخبلت شكم مره اگلها شقه انه هذا طبعي اتشاقه وماارضا تحاجيني بهالطريقه كل مره ارضيها على اتفه الاسباب واتعودت انه الها هالمره حته روحه مااروح الا اخليها تفقد عقلها فد مره حته تحجي واطيح حظها اذا تجاوزت لو علت صوتعا لو امرت
شلون سالفه هاي الا تغثني يعني هسه لو ماتعرف طبعي هم خوش

ظليت ساعه ساعه ونصتقريبا واجوو الجهال کالوو
امنه گامت تبچي

..گمت اشوفها مامعقوله تبچي الهذا السبب
شبيها ولكم ليش تبچي
كال بطنها توجعها
من گال هيچ شي ةضربني براسي تخردلت بس لا صار وقت تولد وانه ابالي زعلانه شنساني ياربي
طلعت بخطوات سريعه وصلتها وشفتها گاعده ولازمه ظهرها وتبچي بس شافتني گالت

..وين چنت ليش هيچ صگر ليش عايفني من شوكت اتصلت وراسلتك راح اموت وانت حاير بالحلوات. وفلانه حلوه وفلانه تخبل بلكي الله ياخذ روحي وانت تاخذ راحتك اكثر

انه منا متخردل وخايف وهيه ادعي على روحها وتعاتب بيه خوفي زاد

..كافي حبيبه اسم الله عليج عمرج طويل ان شاءالله  الله ياخذ الي يغثچ گومي بسرعه صيري سباعيه وخل اصيح امي تجي ويانه ماادري والله ماادري بيج اطلگين
دنگت عليها گومتها ولفيت عليها شال انطيتها العبايه كومي للسباره فتحتلها السياره وصحت امي تاخذ غراضها وتصعد رجعت  صعدت واتذكرت الجناسي شفت روحي متوتر وخايف صحت علي يسوق گتله تعال اوياي انت خاف كرم تعبان
ماقبل وگال لا انه اروح وياك
گعدت يمها وهيه صارت بيني وبين امي اسمع صوت ونها وهيه تحاول تكتم اوجاعها احس روحي راحت لزمت ايدها

..حبيبه الله يسهل ان شاءالله ادعي الله يرجعج سالمه الي والجهالج شده وتكضي بس صيري قويه

وصلنه المستشفى وبين ساعات الانتظار والقلق صار أيهم

فرحتي بي جبيره واول مره امه ننسه تعاتب لو تعارك هذا الولد من هسه فادني

شيخه..

صار ايهم وحيل فرحانين وفهد گال مثل كل مره شنسوي للولد نسويله وكلشي عليه امها ماكلنالها الا من احت من العرس ولكتها جايبه مره جبيره ومو مال تقلق

مرت ايام والعطله بعدهي ابدايتها بس كرم حيل متشوش وضايج
فهد انتبه اله وگال هوه عنده بيت ابغداد مجهز وكامل وكدامه دراسه سنتين بعد واكثر وهيه هم سنتين ليش مايتزوجون هناك ومن تخلص دراستهم يجون

فهد..

شفت كرم متوتر ويكتب بسرعه جنونيه غبالك يعارك بالتليفون ويهز برحله بتوتر مسح وجهه ورفع شعره
وبعده على نفس وضعه وعصبيته

حاچيته

..كرم شبيك بويه شنعي الغاثك

..ماكو بويه لاتهتم مابيه شي افكر بالنتيجه

..والنتيجه هيج تتعارك وي جهازك عليها

..مسحت وحهي وباوعتله يابو كرم ماادري شگلك بس سالفه غثتني لايظل بالك ماكو شي

..شبيها خطيبتك

..رغم ضوجتي ضحك على احساس ابةي لو صاير ضابط تحقيق يلوكله كتله بديت تحقق وياي وراح شويه شويه الگي روحي حاجي كلشي
مابيه شي يابه بس امها واخوها يردون يسافرون الخوالهم للخارج طالبيهم علمود علاج البيبتها وسفره هم وامها تريدها تبقه عد عمتها يعني عمة امها لأن مامحصليلها فيزه مناك وانه مااگدر اخليها عد عمة امها اكثر من شهرين وعدهم ولد ومااعرفهم اصلا ولا هيه عدها علاقه بيهم حاه ابناتهم بس امها مضطره وانه هم مستحيل اقبل

..الله حابها اجت من حانبك من امس ارد افتح الموضوع وياك ردت اكلك البيت المأجره اثثه واتزوج بي واستقر ومن تكملون تعالوو

..صفنت وانه احس ماكو غيرها حل الي بس صعبه گتله بويه انه اخاف خاف انشغل ويرادلي درلسه وجهد وهيه هم خاف ماتگدر تكمل

..اذا انتم عدكم اصرار ماتنشغلون توكل بالله وگعدوو واستقروو واحنه نجيكم كل فتره واذا تريد بوكت امتحاناتكم امك تجيكم

.ضحكت لا مو من گلبك وتكدر تفاركها انت

..هههه مااكدر بس للغالي نميل على ارواحنه شويه وهم انه مااتركم حضرولي غرفه وياكم وجهزوو الغرفه الثانيه النه

..گبل الغرفه عيونه بس خل اشوفها واحاول اقنع امها
حاچيتها وانصدمت بموافقتها السريعه حسيت روحي نقذتها من موقف عيشتها ابيت عمة امها وصار لازم اقنع امها قررت اروح الصبح
سافرت الهم وحاجيتها وبعد جدال طويل بكل هدوء گدرت اخذ موافقه
ولازم خلال هالاسبوعين كلشي يكمل ظليت انه ابغداد واحوني اخواني وجهزوو البيت گلبناه گلاب اتفاجأت بالغرف من وصلت وشفتهن غرفتين يعني الوالد مايشاقه وهوه الي موصي علي يجيب غرفه اله هم ويجهزهن سوه وبأمتحاناتنه يجون يمنه
كملنه تجهيزنه وانشغلنه اول اسبوع حته اتصالاتنه قلت من التعب بس اخلي راسي ع المخده انام
ولازم العرس يصير بولايتنه وبمنطقتنه بأعتبار انه اول ولد للشيخ ولازم العرس ماكو احسن منه
گبل موعد العرس بيومين اجت امي وسويتلها حنه ابغداد بقاعه
چانت ضايجه حيل على امها وبعد يومين تودعها وحته ويانه البيتنه ماتروح حسيتها ضايجه راح تكون وحدها بهيچ يوم وحته امها مو وياها لأن موعد سفرها بعد يوم من العرس وماتلحك تجي وترجع اتذكر بيوم الي اخذتها من بيتها الصبح وياي امي وكرار. بسيارة وحدهم بقو بالباب بس امي نزلت تسلم على امها وتحاول تهديها وتكلها بامانتنه باقي  الولد رجعوو يجهزون العرس وي ابوي هناك
حاجتني امها ودموعها مغرگه وجهه وهيه توصيني عليها
جاوبتها ارجوان بعيني اخليها لاتخافين عليها ترحون وترجعون بالسلامه احنه شكم يوم وراجعين هنا البيتنه وتلگونه منتظريكم 

..اخذتها من ايدها ضغكت عليها بخفه احاول احتويها ويارب اگدر اسعدها

..حبيبه وياي انسي ضوجتچ وادعيلهم يرجعون بالسلامه انه وياچ وانه كلشي الچ
گعدت يمي بالصدر وطول الطريق اشوفها متوتره شگد احاچيها واهديها واطمئن بالها احسها متوتره تتحاوب وياي وبس اسكت ترجع الحالتها
زصبنه وصيت امي عليها وخوفي عليها زاد من وصلنه ولازم اروح ومااشوفها الا البعد باچر بيوم العرس حسيت خوفها زاد وصيت عليها مرت صگر وامي
وانشغلت بالتجهيزات بعدها بس ظليت كل شويه اخابرها
صارت الحنه ونبهت امي ماتخلين وحده من بنات عمي تغثها ادري ماعاجبهن الغريبه وادري بيهن مايسكتن مو كلهن بس منهن خاصتا بعد ماسمعت عمي معاتب ابوي ليش انه اتزوج وعلي خاطب وعاقد گباي وكايله الاثنين يدرسون يعني ماكوو عذر ابوي مجاوبه كرم اكبر ومسؤول اكثر وعنده بيت هناك بس علي لا مو ذيج المسؤوليه ولا عليه اعتماد قوي ولايگدر يفتح بيت بالبصره صعب عليه والاهم مرت كرم غريبه مااگدر اخليها اكثر بينما انتوو لا زهراء مثل ماهيه بنت فيصل هي بنتي ونمون عليها

هذا الشي خلاني اخذ حذر وااوصي امي اكثر
اتصلت بيها بالليل جانت تبجي على امها صح بس كالت مرتاحه من ناحيتهم محبوبين
وامي كالت ماانطيت فرصه الوحده تحاجيها لأن ماتيهتها ابد گعدت يمها

چنت تعبان عرسنه ثگيل والحنه والدبچ العالي سطر راسي
اخذت حبوب راس ونمت
گعدت من الفجر واتذكرت گعدة صگر وملامتي اله وضحكت

مر يوم العرس بتعب وتحاضير وغده وعشه ومعاتب الکرايب بيهم مايستحون اليوم العرس ويعاتبون ليش ماتخذت من بنات العمام والي بگلبي محد يدري الهسه مجروح منهم عناني وبنتهم الي بكد ماحبيتها صرت اكرها واتندمت ع اليوم الحبيتها بي لأن انانيه ومغتره بتفسها بحيث عاجبها اظل اعزب بس حته يگولون مااتزوج غيرها لكن الهذا اليوم ماانسه الايام الحلوه بيهن وحنين گلبي ودگاته الي تعزف بين ضلوعي على ذيج الأيام بس هسه مااشوف منها بس جرح وكسرة گلب
حاصتا بعد ماشفتها بيوم الزفه من صارت گبالي وعروستي چانت بيدي تمسكت بعروستي اكثر من شفتها وشددت قبضة ايدي عليها
حسيت ماكو بگلبي هسه من ناحيتها بس جرح  والبگلبي ارجوان وبس

گعدتها بالصتله وگعدت يمها شويه وطلعت
وره العشه 
زفوني الغرفتي وچانت الغرفه جديده ومجهزه من كلشي غرفة عراريس حلوه والبيها وردتي احلى من كلشي حلووو

انتبهت عليها گامت قربت عليها بستها براسها واخذتها الحضني

..جوان من هسه اسمچ جوان ..گلبي وروحي انتي اتمنى من الله يقدرني اسعدچ واخليچ ملكه ملكة گلبي وروحي
متوضيه حته انصلي انه متوضي اذا بعدچ اجيبلچ ماي لهنا تغسلين وتتوضين خاف تستحين اطلعين بس تره القاط الثاني محد بي هسه بس انه وانتي
گالت متوضيه
توجهت للقبله وصلين على طرف بدلتها دعيت دعاء ليلة الزفاف
خلصت اخذتها الحضني وهمستلها بدلي حته تتعشين
طلعت للحمام غسلت وبدلت وانه هم بدلت تعشينه ومااكلت غير لگمتين وگوه بلعتهم حسيتها خايفه

..حبيبه لاتخافين ولاتتوترين ولاتضوجين اريدج فرحانه مثلي ابتسمتلي خجلانه ومنوو يگلك مو فرحانه
اخذتها الحضني همستلها
امنت خوفها وامتلكت جسدها بعد ماامتلكت روحها وحبها الي الچان واضح عليها وفاضح مشاعرها
طلعت واخذت سلاحي الي محضره ابوي الي ومخلي ابغرفتي بدون مااحاچي واحد منهم صعدت فوگ وظليت ارمي

سمعت صوت سلاح ثاني يرمي تنوعت من فوگ شفت ابوي طالع ويرمي بره خارج بيتنه وچنه يگل للناس كلها هذا كرم مو عاجز وكسرة گلبي بي عالجتها

شفت العالم التمت وتبارك اله نزلت جوه وامي صعدتلها باركلي ابوي ودموعه تلالي بعيونه فرحان اكثر من فرحتي بروحي
شويه وصعدت شفتها غاسله ومبدله غسلت واخذتها الحضني ونمت براحه وخالي من الهموم الأول مره انام وانه ماافكر اباجر وبحياتي التجي

من ثاني يوم  وصارت تحاول تتأقلم
وخاصتا وي ابوي اشوفها مهتمه بي
مرت فتره عرفها وعرف اخلاقها وحبها
العجبه بيها اكثر حشمتها چانت حيل محتشمه من اخواني وكل واحد يحي البيتنه مبتسمه بوجه الخطار وحته عمتي وفاء حبتها واول مره تحبلها وحده من الجناين سبحان الله شني الي خلاها تحبها مانعرف

اول فتره حاچتني على موضوع منع الحمل لأن هيه تدرس حچيتلها الصارلي بالتفصيل اكثر لأن هيه تعرف بشكل عام وگلتلها انه ماخذ على روحي اذا ماطلعت عقيم اول فترة زواج ابد ماامنع حمل مرتي ولا اوافق تمنعه واعتبرته عهد بيني مابين الله فأنتي حاولي تفهميني
او اكوو ايام فترة التبويض عندج احاول اتجنبعا المهم انتي ماتاخذين شي يمنع

وصح اعتمدنه هذا الشي
فتره ورجعنه البيتنه حياتنه حلوه قربت الامتحانات واجوو اهلها ومامو شي يشغلها

داومنه  ولازم اطبق هالسنه بالمستشفى 
جنت اوصلها الدوامها وارجع وبالرجعه امها تمرلها
بفترة الامتحانات تروح الامها وانه ابقى بالبيت اراجع الى ان اخلص بالليل اجيبها وارجع هيه مراجعه وانه هم
بالامتحانات النهائيه اجونه امي وابوي ماقصرت امي چانت تحضر كلشي بس شفت جوان هيه الي چانت خجلانه من امي هواي رغم امتحاناتها بس چانت تساعد واني هيه الي ترفض وابوي صار هواي يحبها
اخر يوم امتحانات طلعنه وره الضهر بنفس اليوم البيتنه وامي وابوي ويانه وصار موعد عرس علي اتزوج اول اسبوعين من العطله وجان مرحله رابعه بس من المشاكل الي تصير والحجي اليوصله جان يضوج گال اتزوج احسن
بيوم الطلعت النتائج خابرني براق وگال اثنينكم ناجحين فرحتي چانت ماتنوصف حسيته انجاز النه اثنينه اتغلبنه على كلشي
وخلصت السنه على خير ونجحنه
اثنينه
انتقلت انه مرحله سادسه
ولازم هالمره مجهود اكثر  وراح ابدي ادرس دراسة الاعصاب وعمليات جراحيه والولاده
لان كل مرحله والها دراستها وتدريياتها ومابقن بس ذني النه اخر مرحله
بقينه شهرين يم اهلي ورجعنه للبيت
نكمل العطله ابيتنه

جنت مخليها بحضني والعب بشعرها ومبتسم وانه اتذكر اول لقاء الي وياها

حاچتني

..حبيبي اگلك موضوع

..گولي حبيبه

..يمكن اني حامل

..طفرت من مكاني صدگ والله

..يمكن مو اكيد

..وليش هسه يلله تحچين غير تگولين من وكت حته نتأكد
باجر من الصبح اخذچ

بيومها للصبح مانمت وانه اتخيل شلون راح ابلغ ابوي واتخيل فرحته هوه وامي الهسه مافتحوو موضوع الحمل وياي وبالعاده همه يسألون بس مارادو يحسسوني يمكن خايفين او بعدهم قلقين من هالناحيه

صار الصبح گعدتها وانه ابوس خدها وافرك بخشمها

..گومي حبيبه يلله ماظل صبر

..بعد وقت والله

..اعرف وداعتچ اعرف بعد وقت بدون ماتجرين الكلمه بس ماكو صبر بعد اخذيني على گد عقلي

اخذتها المركز صحي قريب
طلبت سرنجه من المحلل وانه سحبتلها دم انطيته العينه وامتظرت والخوف اتملكني ماادري ليش حسيت اكو رجفه بگلبي

صاح بأسمها اخذت الورقه قريتها حامل
اشرتلها تگوم وطلعت السيارتي بسرعه
صعدت وفتحتلعا الباب صعدت جريتها عليه بستها براسها وايدها

..مبروك حبيبه حامل

..الله يباركلك واني خفت عبالي ماكوو شوشفتك تمشي سريع عبالي ضايج

..لايعمري اصلا احس روحي طاير امشي بالفضاء مو ع الگاع

خابرت ابوي اول واحد بلغته فتحت سبيكر

..الوو

..هلا كرم هلا بويه شلونك مرتك شلونها

..بخير الله يسلمك جريت نفس ودگات گلبي تزيد
يابوو كرم مبروك راح تصير جد والله وكبرناك وانت بعدك شاب وشيخ الشباب

..شنوو ماسمعتك ..چنت اريد اركز انه سمعت لو تخيلي

..يابه مبروك عليه وعليك ارجوان حامل

..الف الحمدلله يارب الف الحمدلله مبروك كرم حبيب ابوك تستاهل يالغالي هذا الي منتظره وادعي ربي يوميه يفرحني بهالخبر

..سمعته يصيح امي واخواني والكل فرحان والتليفون صار من ايد الأيد واصواتهم هيه الي تعرفني بيهم

سديته منهم واتصل صگر حسيته فرحان الي اكثر من فرحته بروحه من صار اب

ومرت مرحله بحياتي بصعوبتها بحلاوتها هيه چانت مرحله اخيره حملها متعب جانت تجاهد حته تقرالها شويه بدون ماادوخ امها جانت مهتمه بيها وحته بيه اكلها وشربها براق هم وامه جان يجيبلها شنو تريد بيبيتها تسوي وگفتهم ماانساها صح همه اهلها وواجبهم هم بس اعتبره طيب منهم

مرت الأشهر وانه اداوم بالمستشفى واتعرفت على هواي اطباء وكبيبات وممرضين وممرضات وعلاقاتنه بحدود الاحترام چنت مجد بعملي لأني كالب النجاح وبفوق ودرجه مو نجاح عادي ردت اثبت نفسي اكثر واكثر وابيين للكل ماكوو شي يكسرني

شيخه ..

علي تزوج ومرته وياي ابد ماحسستها انه عمه مثل ماجنت احبها واعاملها صرت احبها اكثر وهيه هم مداريه عمها وتعرف انه شنو اريد بدون ماانخاها واكلها السنه اخر سنه وكرم بس يخلص امتحاناته يحي وفهد بده يبنيله بيته من بده يبني حسيت زهراء ضاجت اخذتها على صفحه وحاجيتها كتلها صبري محد يبقه اول وتالي كلهم طالعين بس كرم يخالف اتعود يستقر وبيته وحد من جان ابغداد مااعتقد من يرجع يرتاح ومرته هم خطيه وغريبه انتي كلنه نحبج وبتنه وعمج هم بس يصير عدكم جهال يطلعكم مايبقيكم
اقتنعت ورجعت طبيعيه
بيوم اتمرضت لبوة واخذتها للطبيبه العصر اخذني صگر للطبيله چنت منتظره السره
وشويه وسمعت صوت مو غريب عليه تسجل اسم ابنها

رفعت راسي شفتها دجله
بيدها طفل نفاس والثاني يمشي توه
من شفتها انعصر گلبي وشبت النار بيه چني توني شايفتها عروس الفهد احچي وي روحي كافي ولچ انسيها تزوجت وعدها ولد شافتني هيه واحت سلمت عليه وحچت هواي حچي تعتذر وتگول ماشفت مثلكم ناس وطلبت ابريها الذمه شگد ماكارها ايامها وكارهتها هيه واخوها بريتهم الأثنين وماانكر فرحتلها من شفت جهالها وياها
ورجلها يهتم بيها دخل جابلها ماي وعصير الأبنها فرحت لأن حسيت مستحيل تتلاگه دروبنه بعد وهاهيه طلعت من حياتنه بس كسرة گلبي ماراحت ولاانساها رغم دلاله الي ومحبتي بگلبه بس ايام صعبه مرت عليه ماتنسي
بيومها رجعت ومبيين عليه ضايجه

من احه من الديوان سألني شلونها لبوه گتله بلاعيمها واذنها الوسطى ملتهبه
گال بس

..اي بس ..وانطاني علاج الها

..چا شبيچ هيچ ضايجه ضامه شي گولي

..لا والله مابيها شي

.. چا شبيچ انتي شني المضوجچ

..ردت اگله شفت دجله سكتت خفت يضوج هوه هم لان دايما يگول بگد كسرة گلبج اضعاف كسرة گلبي بصديقي وصاحبي الي قشمرني وانه مو سهل اتقشمر فززني من گال

.. شبيچ حبيبه غير تحچين اشش
دگ تليفوني
هذا كرم يتصل

..كرم

بيوم صادف اخر امتحان الها بأخر سنه وانه چنت بعدني مامخلص
چانت بشهرها عشرين يوم يوميه علما تخلص انه روحي خالصه بالي كله يمها
خلصت امتحاني وشفتها متصله عليه اكثر من مره اتصبت بيها ورحت الكليتها المفروض بعدهي تمتحن هسه ليش متصله

الطريق كله اخابر ماكو رد

ارجوان..

قبل الامتحانات بدت عندي لويات والام اذتني شويه اتصلت بكرم اسأله حته يگلي شلون اتصرف لأن هوه يوميه يگلي من تحسين هيج الم بهيج مكان اتصلي بيه او بلغيني حته اتصرف مارد كلت مااشغله خل يمتحن
دخلت امتحاني وشويه اللويات خفن اخر سؤتل فجأه زاد الألم كملت گوه وانه احس الوجع يجيني فجأه يخبط بطني وظهري ويروح

طلعت شداخءت التليفون لگيته هواي متصل تمشيت شويه واتصلت شفته دخل من بعيد

شويه اجيت ابحي بس اتمالكت نفسي حان خوفي اكثر من اوجاعي

..هاحبيبه شخيرج شو وجهچ اصفر شبيچ

..كرم عندي الام قويه تجي وتروح

..تعاي امشي نروح للبيت هسه

..لا للمستشفى مااگدر

..كل شگد تجيج الألام

..كل ربع ساعه او اكثر

..بعد وكت تعاي حبيبه لاتخافين روحي للبيت غسلي حضري غراضج وانه وياچ مااعوفچ نخابر امچ تجي ويانه

..لا لتکلها ضغطها يرتفع بس انت لاتعوفني

..مااعوفچ شلون اعوفچ وياچ انه جاي احاچيها وشفت وحها تغيير اخذتها للكراج
صعدتها ورحت للبيت غسلتلها بماي دافي بزياده ينطي للحراره اكثر

شفتها بدت تتوجع اكثر اخذت جنطتها واخذتها ورحت خابرت الطبيبه تشرف على تدريبي هيه
گالت اني انتظركم
من شافتها گالت بعد الها يرادلها وقت خلتنه بعيادتها
وبدت كل ماتزيد الامها ادلك ظهرها الها الحد ماشفتها وصلت
اجت الطبيبه واشرفت بنفسي على ولادتها جابت من شفت لطفل دموعي نزلت خوف عليها وفرح وانه اشوف ابني انكتني الطبيبه وگالت انته بنفسك قص الحبل السري
گصيته بأيدي وانه اسمع صوته يبچي احساس ابد ماينوصف حسيت بديت بدايه جديده بحياتي
خليته على صدرها مسحت عرگ جبينها بستها براسها وانه اتحدملها ع السلامه
اخذت التليفون وخابرت ابوي اريده اول شخص يدري
خابرته

..الوو يابه اسمع صرخات حفيدك نور دنيتي

..اللهم صل على محمد وأل محمد ع الخير حبييب يتربى بعزك ودلالك

..بعزك انت يابه تربي مثل ماربيتنه ان شاءالله
گلي شتريد اسمي

..بويه بكيف امه هيه التعبت انه شني

شيخه..انربط الساني ودموعي نزلت دموع فرح واته اسمع بچيه ودي اكير يمهم هسه بس حركني فهد من گله امه هيخ التعبت وبكيفها ماگدرت اسكت گتله هذا ياهوو اليحچي هيچ جا شگد خلفت ولا واحد خليتني اسمي

..ضحكت وكرم بعده ع الخط انه وانتي وحد احنه واحد مابيناتنه

..سمعتهم وضحكت يابه متفقين اول اسم انت تسمي هيه هم تريدك انت تسمي

..محمد.. سمي محمد يابه خير الأسماء ان شاء الله ربي يسلمه جايينك باچر ان شاءالله لو الوكت يسمح جا هسه جايين بس تدري اخوانك يمتحنون وصگر وديته بطلابه للبصره بمكاني وانه تعبان اليوم اجيت من السماوه مااگدر اسوق بعد

شيخه

رحنالهم ثاني يوم اخذت تميمه ذهب والذبايح ذبحنه فده اله السلامته وسلامة امه
قررت اظل هناك اداريها هيه وابنها ولأن كرم يتاخر يلله يتخرج بقيت فتره يمهم واتخرج كرم رجعنه كلنه وسويناله حفله احلى من العرس بعد
الف الحمدلله رغم الي مر علينه لكن بقوتنه وقوة ايمانه والمحبه الي بينه تغلب ع الحقد والكراهيه
گدرنه نتجاوز كل الصعاب صح الجرح يبقى وينذكر
بس ايامنه الحلوه اتغلبت ومحبتنه عالجت جروحنه وخففت منهن

النهاية ..

اتمنى القصه عجبتكم گدرت اوصل الكم منها العبر

شيخه تگول
من گعدت فتره ابيت كرم ارجوان نصحتني انزل الوات باد اتسله بي بعد ماشفتها مندمجه بقصه وسألتها عنها كانت الأحد الكاتبات حبيتها
وحچتلي القصه ونصحتني اقره ع الوات باد
قاريه قصتي الكتبتها قبل فتره
اكره اعرافهم لكنها حيتني عجبني اسلوب الكتابه وقررت احچيلج قصتي جائز تعجبج
وفعلا دخلتلي وحچتلي الصار وياهم تأثرت بموضوع زواج فهد والأثر بيه موضوع صديقه قررت اكتبها
بس تخلص حكايتي مع النصيب وفعلا بعد يومين او اقل باشرت بيها

اتمنى تكون عجبتكم

تحياتي الكم

البارت بدون مراجعه والقصه من باجر ابدي بتعديلها ان شاءالله

شكرا الكم والدعمكم حبايب