رواية كسرة قلب الفصل الثالث والأربعون 43 - بقلم نور الشمس

من نطق الموافقه ماي بارد ونزل عليه شگد ماجانت اعصابي تفور هدأت انتبهت الروحي عيوني بعين ابوي اني غلط اعرف بس مابيدي حيله غيرها رغم فرحت بحچايته بس فرحتي مو كامله ..دنگت عليه گعدت بمستواه مقابيله ثنيت رجلي بويه لاتگلي هيچ اذا الك مااهتم چا ياهوو اليهمني اخذت ايده بستها مااريد هيچ حته فرحتي مو كامله ليش يابو كرم
اذا ماتباركلي وانت تضحك واشوف الفرحه بعيونك مااتزوج العمر كله اظل هيچ
بس گلي الليله الصرت بيها ياليله وانكتب عليه الحزن عاشر محرم سابعه بس جاوبني حته افهم
ليش كل مااريد افرح واگول ياالله الدنيا ضحكتلي ترجع تغييم بوجهي
مو انت تگول انت مو ابني صديقي
اسمعني مثل مايسمع الصاحب صاحبه
يبوي انه متعلعل ايام وليالي وانه مخلي فكرة مستحيل اتزوج وانه عاجز واذا مو عاجز عقيم
انت تدري شني الدافع الخلاني اراجع واسافر واسوي شي مامقتنع بي الي هوه العقد المنقطع تدريني كلش زين اعرف هالزواج وان كان حلال لكن الي يصير بي اشكال وهواي امور متناقشين بيها انه وياك
شني الخلاني اطلع من مبادئي غير الظروف الاصعب مني الجبرتني تدري شني الجبرني عيونها من اول يوم شفتها
من گبل اربع سنين چانت طالبة اعداديه وشفتها ابيت خالها
وصار اكو امل بروحي وهاي الفتره كلها اراقبها
زين گلي انت شفت بيوم انه تصرفت تصرف يزعلك
فدوه اروحلك جاوبني لاتسكت هيچ

..جنت اسمع كلشي ومثل ماطلب اسمعه بصفتي صديق كرم اغلى ولدي عندي جنت اتمنى يجي ويكلي رايد بس انصدمت برادته وحاولت اقسي وياه بس ماگدرت من سألني جاوبته وانه گلبي يتفتت عليه

..لا والهذا يابوك انت عصيت بأصعب موقف الزواج مو بس حب وانت مايحتاج افهمك انت فاهم

..بويه اعرف والله اعرف بس والله مالها ذنب ولو تعرفها انت تحبها وراح تتفاجأ بتربيتها واخلاقها وحشمتها انه تربيتك واعرف اختار ..زين گلي اكوو يوم خيبت ضنك بشي

..هم لا

..هالمره نفس الشي ماراح يخيب ضنك بيه والله
راح تشوفها ملاك مو بنيه وحته انت راح تحبها
زين اسألك وخلينه هادئين
انت مو خطبت الصگر بنت الاوادم والناس الخيرين الي من اصول زينه وتالي شطلعت وشني الصار يعني المظاهر خداعه والانساب ماترفع شأن لو مربيها هوه مالومك بس هوه ماشايفها والله من سنين بالخارج حته ع برامج التواصل مامتواصلين

..بس يبقه ابوها

..اي طبعا بس بالأسم يعني هسه شاهين ربته امي وربا ويانه وتعرفه كلش زين من يكبر بعد شكم سنه وينرفض علمود امه الي ماشايفها الا القليل كلش عداله هاي الله يرضا انت المربي ترضاها

..لا لان اعرف تربية امك وتربيتي وصگر احنه اثنينه ربيناه واثق منه بس هيه مااعرف كلشي عنها من تصير اب تفهمني

..والله فاهمك بس انه اعرفهم اعرف امها وبيبيتها وخالها اعرف كلشي عنهم وبشنو يفكرون
بعدين ابوها خريج فنون جميله عازف على اله يعني هوه عنده هذا فن وهوايه وزوجته اكثر من مره رايدته يترك بعد مادرس وره زواجهم بفتره وچانت موافقه ع الدراسه الاسباب طموح وهوايه لكن من اتخذها شغل اله حاولت وياه يترك بكل طريقه بس هوه يحب شغله لذلك انفصلوو وحته نفقه ماتاخذ منه تگول امواله اموال حرام ومااوكل بنتي حرام اخوها فهمني كلشي واصلا نصحني اتركها بس اني مااكدر
هيج ناس يستاهلون يتعاملون حالهم حال الكيوليه مثل ماتگول

..الي تريده شني مو گتلك يجرالك بعد ليش هالنقاش

..اريدك انت واريد كلشي برضاك
اريد ابوي الاعرفه الي يحس بيه ويفهم انه شريد من عيوني
اريد ابوي الي حاسديني عليه اخواني واصدقائي اريد ابو كرم الكله حنيه مااريد منك جفه

..گلبي عصرني عليه عيونه الذبلانات محاولاته الي حاولهن مره بصوت عالي وعصبيه ومره بهدوء
چنت اتامله واريد من نفسي الرضا انه اريد ارضا عنه واريد افرحله بس مو بيدي مو هذا النسب المتمني وخاصتا كرم ردتله شي من مستواه بس هوه رايد ومن شفته هيچ خفت اخسر ابني اما اخسر صحته والثقه بنفسه وبالزواج
او اخسر احترامه الي واجبره يكسر حچايتي لان الاصرار الشفته بعيونه والي وصلي من نبرة كلامه ماشفته حته بزواج مريم ومن رادها حسيته مستحيل يفرط بيها
من حاججني وگلي كل شخص وتربيته حسيت بالي ارتاح ويمكن يطلع صدك هوه ابوها فنان ماخذشهاده يعتبره دراسه تطوزر انه عندي شي مو من مستواي وماتتشرف بي بس البنيه هم شني ذنبها ظليت افكر ابالي وانه عيني عليه تريد احسم قراري
تنهدت وگتله

..انطيني مهله يومين يومين بس اروح بنفسي واتأكد من كلشي وبهذن اليومين انت ماتدخل ابد وترجع الدوامك من باجر اذا كلشي مثل ماتگول واتأكد من الشغله الي ابالي انه اخطبها بنفسي بس اكو شغله مخوفتني ليش اجذب عليك

..ماعاش الي يخوفك انت بس گلي كل التفكر بي وانه وياك نطلع بنتيجه ترضينه الاثنين

..واذا شرطت عليك تسكن يم اهلها هم يجي يوم وتعوفني كرم ؟گبل كلشي انت اذا ناوي تستقل انه ماعندي مانع بس بعربنه ويمنه واذا مو بعربنه بولايتنه الي مخوفني تشرط انت تروحلها وهذا الشي مااعارضك بي ولا اشرط بس اگلك حگ رباي ومداراتي الك خلي گبال عينك مثل ماكبرتك وصرت شاب واعي وعندك شهاده ومحترم عند الجميع وكل اليعرفك حگي اشوفك وافرح بيك واتنومس من يگولون ابن فلان هنا دكتور وخانسان خلوق ومؤدب المهم اريدك يمي وقريب عليه وظلت بعد يمك انت شتتصرف براحتك

..مستحيل يابه والله مااعوفكم ابد ولا اطلع من الولايه بس اذا شفت الاستقلال يريح الكل استقل بس حالي حال صگر يمكم وحواليكم

..وانه هذا الأريده خليت ايدي على ايده لاتفكر ابوك مايگدر يكسر گلبك بس خليني بين عيونك ولو صارت صدگ اتمنى تكون مثل ماگلت عنها

..بست راسه وانه مبتسم وفرحان رغم راد مني يومين انتظار بس حسيته وافق جنه يريد يتاكد من شغله
يابه سامحني ولو ادري اعتذاري مو كافي بس بس الأعرفه گلبك يوسعني انه واغلاطي وان شاء الله يطفه صوتي وبعد مايعله عليك بس القريته جرحني والرساله نهت كلشي بيه وزادت اصراري

..لو ماالرساله مااعيد النظر وافكر بموضوعك انه مااريد احد يكسرك ولا اريدك تبيين مكسور الاي بشر كان شغل ابوها خلي بينه احنه العائله وحته وفاء لحد يذكر يمها شي
واذا صار وادخلت سامحها باجر حنة رجلها اتحملوها
انه حته مااحظر واكسر خاطرها بعرسه راح اروح البغداد هم اسأل ع الي ابالي وهم عذر كافي الأحمد اكله عندي شغل

كرم...

كمت من يم ابوي فرحان اريد اروح ابشر امي
صاح وراي

..كرم روح الأخوك صگر يريدك صارله يومين يريد يحصلك ومايگدر يفوتلك اليوم مااجه وشفته العصر ضايج مامتعود تعوفه هالگد روحله وخل يجي واتعللوو هنا وافرحوو
الدنيا ماتسوه زعل ولاضوجه وخلي ابالك كل الگلته والسويته والردت اسوي الخاطرك
وشوف خاطرك شكبره عندي محد گبلك خلاني اثني واتراجع عن قراري حته امك

رجعت حضنته وانه افكر هم اكو مثل ابوي
هم اكو شخص يفكر بالكل وبكلشي واخر همه نفسه
رحت الصگر وخليته هوه اكيد يسولف الأمي
طلعت فرحان والضحكه شاگه وجهي
لاكتني عمتي وفاء من شفت عيونعا نورمات وصوت شهگاتها الماتكدر تخفيهن اختفت ضحكتي وضجت عليها شگد تتظاهر بالقوه وهيه داخلها منهار
حاجيتها
..عمه لاتبچين مايستغني عنچ والله يحبچ بس انتي
ردت احجي وسكتت مو مال الومها ردت اكلها غيري اسلوبج
مسحت دموعها وگالا لاعمه مابيه شي لاتخاف خل يتزوج بالعافيه عليه بس ينساني بعد ارجع البيتي بس هوه لا اريده ولا يوصلني جهاله يريدهم يودي عليهم وانه ابلغ فهد يگله ويبلغه بشروطي

..براحتچ عمه بس ارتاحي وكلشي ينحل

طلعت الصگر دگيت بابه وطلعتلي مرته

..شلونج خويه اخبارج

..الحمدلله ياهلا بكرم شلونك اتفضل فوت

..صگر هنا لو طالع سيارته موجوده هوه وين

..جوه بس نايم اكعده الك

..لا خلي هيه هم دنيا ليل باجر اشوفه اعتذر مو وكت جيه وانه مدري شلون بدون تفكير اجيت بس اعرفه هوه يسهر

..صح بس اليوم ماله خلگ ونام

شيخه ..
من اجه فهد وحچالي الصار ضجت على كرم بس فرحتله وتشكرت من فهد گتله

.اريد من الله يحفظك النه ويخليك النه خيمه تحمينه من الدنيا وبلاويها فدوه اروحلك الفرحه الفرحتها ماصايره متت عليه وهوه يصيح وبلاعيمه تشحطت ابني مو هيج دومه هادئ بس الله اليعلم شني بگلبه وخلاه هيج ينفجر بس انه خايفه خاف يروح وتصير شوفته حسره بكلوبنه

..انه هم مثلج بس حاجيته وظلت يمه بعد
تعاي يمي شو خل اشوفچ شو انتي تزغرين والدنيا تگلي كلشي بينه كبر احنه كبرنه والولد كبروو علي عقد وكرم رايد وشكم سنه ونصير جد وجده
واحلى جده شابه كاشان يتجدد

.. ضحكت لاتكبرني هيچ بساع لو صرت الله كريم

..وحته لوصرتي.. بعيوني احلى البنات واعقلهن بس بسالفه ماتعقلين

..شني بالله

..ماتقتنعين الزواج شرع الله واليتزوج يظل على دينه مايكفر..هسه زلمة وفاء يريد يعرس انه ياهو مالتي مبوزه بوجهي وحته زينه مامتزينتلي ليش عود وحايتني بنفس ثوبچ من شوكت هاي جاانتي كل ماياخذ واحد تتكدرين علي

..اخخ والله مو بيدي نار بصدري جاانتم حگم شمظريكم بضيم المره بساعتها انه جربت نارها الغيره بوكتها انت تسمع المهاويل ومسلطن

..ياهوو هاذ المسلطن غير عيوني مافارگت شباچ غرفتچ لاتذكريني ايام صعبه مرت علينه كلنه
هسه جهزيلي غراضي باجر انه مسافر وي كرم هوه الدوامه وانه الشغلي وبعدها انه وحضني متانينج مو تنزلين يم ولدج ماعليهم صاروو زلم حته عيب كل شويه يمهم نازله

..ياا وشني العيب غير ولدي

..جا طلابه كبروو وهسه بس انه مسؤوليتج جاي احجي واندك الباب شاهين ولبوه
دخذيهم وامشي خل انام ارتاحي هسه خو محد گعدها من نومها غير هذا ابن الچلب اريد اشوفه شجابه بهالوكت
نزلت واسمعها تصيح وراي

يا فهد والله لو عاتبته ازعل هلا بيهم بكل وكت جا انت تريد تفشلني دون تذب حچي يمهم

..ضحكت وصارو گبالي بالصاله صگر وكرم

ولك انت وابنك تظلون غثث

..هلا شيخ ..جا انت تدري ابو طبع مايغيير طبعه
انت أيس منه بس لاتذب كلشي بابني اسأل كرم وگله ياهو الصعده الكم بنتك الفقيره

..مااخلف فقره انه
ردت انام ومن دريت بيك جاي نزلت حته نسولف چنت متانيك
عبالي تجي وي كرم

..مالي خلگ العصر نمت من وكت وهسه كعدت شبعان نوم ام رضا گالت كرم جاي يشوفك وانه متاني شوفته خليتهم واجيت وشاهين جلب وياي

..سولفلك الصار موو

..بعد بس الي فهمته بشارة خير ان شاءالله

..اريد احچي وياك حته لاتگول ظلمني وخله ابنه يتزوح الرايدها ونبأ ماخلاني اخذها

..گبل لاتكمل انه مو هيچ افكر ولاحاس بيك تفرق وماله داعي نسولف بهالموضوع اصلا خلي مو ابالي وكروم يستاهل

..لا اله داعي انه من رضيت لأن البنيه الكل تحمد باخلاقها عكس نبأ من سألت عنها
وام البنيه مهندسه موظفه والكل يحمد باخلاقها يعني هواي فرق والأهم هيه تعرف ابوها غلط لذلك مقاطعينه وانه اريد اتأكد من هاي واحسم قراري نهائيا حته نروح نخطب ان شاءالله بس اريدك راضي عني ومااريد تكول ظلمني

..شيخ كل هذا مو ابالي ومثل ما گلت اكو هواي اختلاف وانه الحمدلله الله عوضني وتره نبأ عمري مارايدها بس انتو ملتقتنعون هيه رادتني ولو ما اهلعا ووضعها جان تزوحتها عادي بس مو راده لايظل ابالك ماراح اگول يفرق عمرك مافرقتني بالعكس

..ريحت بالي الله يريح بالك

كرم ..

ثاني يوم رجعت للدوام وابوي اباله خطه ومااعرف شناوي لو شنو الي يفكر بي
يومين مرن علي بسنه تفكيري متشتت وكل هذا وناسي اهلها يوافقون لا امها ترضا تنطيها لمن خابرني ابوي وكال توكل بالله وفاتحهم حته ينطونه موعد بكد مافرحت بده الخوف والقلق يتسلل الروحي
هالمره طلبت من براق اشوفها بمكان عام وبس احچي وياها وردت منها توگف وياي او تحاول تقنع امها اذا ماوافقت حسيت من براق انو هيه مراح توافق والسبب منطقتي ومحافظتي البعيده عنهم
رراق وافق اشوفها بمكان عافم
فهمتها كلشي سويته علمودها وگلتلها اذا انتي رايدتني حاولي توكفين وياي وانه اقنع امچ
وانتظر منكم خبر عن طريق براق
ومرن يوم ويومين واسبوع واكثر وماكو جواب وابوي بده يسألني استحيت منه شلون وكفت بوحهه وسويت المستحيل لمن قنعته وانه مامتأكد توافق لو لا

لازم اشوفلي كريقه احاجيها وبراق مايفيدني اعرف كلشي بيده سواه ولازال يقنعها
اخذت رقمها من زميله الها وهيه تعرف كلشي بيناتنه
خابرتها من حاجتني بجت وعرفت رفض امها قطعي
ابقه گدامي الا اروح بنفسي الدائرة امها واطلب اتكلم وياها يمكن اخفف من خوفها واريح بالها

ثاني يوم رحت للدائره وطلبتها من شافتني هلت ورحبت مابين عليها شي استقبلتني احسن استقبال طلبت منها نحجي بمكان عام
استأذنت وطلعت حچيتلها كلشي واهمهن انه اريد بمحافظتي بس اكدر ابنيلها بيت يليق بيها لكن اول اشهر زواج يم اهلي افرحهم بينه وحته يعرفون اطباعها وتعرفهم وماتحس بالغربه وبعدها نطلع
ونستقل
كل موضوع قالقها طمنتها من ناحيته والأهم جانت متخوفه من شغلة ابوها تأثر عليها وخاصتا بمجتمعاتنه انصدمت من عرفت اني اعرف وقابل وحته ابوي قنعته
گالت يصير خير افكر واردلك
طلبت منها ماتتأخر لأن الوالد بعد السويته بده يلح علي
بالليل خابرني براق گال الجمعه التجي تفضلوو يمنه
جان فرحان وناصب علي
سديت التليفون وخابرت ابوي بلغته
صكر جان يمهم بس سديت الخط وي ابوي خابر والليل كله ناصب وينكت نمت فرحان هالايام انشغلت بين الدوام والتجهيزات اجوو اهلي گبل بيوم البيتي وصارت المشيه
من النسوان بس امي وعماتي سعاد ورباب
مرت صكر من الطريق تتعب ماجايه
واخواني كلهم حاظرين وصگر وبس عمي فيصل جاي
وهتا معارف ابوي هواي
امي وعماتي راحن قبل المشيه بيوم العصر يشوفنها وانطتهم تجهيزات العقد جانت عاداتهم مصاريف العقد عليهم بس عاداتنه تكول كلشي علينه وبعد ملحه من امي واصرار انطتهم كلشي يحتاجوه اجت فرحانه بجنتها وكل شويه تتغزل بيها يمي ع اساس انه ناقص وتزيد شوكي الها
ثاني يوم گعدت الصبح ماجني امسي على گاع لا عبالك طاير
اتخيل الكل فرحان الي حته البالشارع المايعرفني احساس حلوو كل الأكدر اكوله اشعر بالسعاده الابديه
وصار وقت المشيه طلعنه كلنه ومن طلعت المشيه رجعو على امي وعماتي جابوهن وجابو شيخ وعقدنه
بس چانت طريقة العقد تختلف بالعاده الي بمناطقنه والمعروف عدنه وعند اكثر العالم انو العقد وكاله
الي صار يمهم وزاد ارتباكي العقد مباشر چان الشيخ يطلب منها تردد الكلام واني انطي القبول
حته هيه حسيتها ارتبكت وهيه تردد
وعلامات التعجب الي اشوفها بوجوه اهلي الي جانو قريبين عليه بس هيه جنت بس صوتها اسمعه ماشفتها الا لمن تم العقد

دخلت عليها وشفتها كلشي بيه فرحان ابتسامتي انرسمت وانه اشوف كولها وحمالها شعرها والفستان الابيض الي ظاهر مفاتنها ابتسامتها الخجوله المرسومه على محياها
بنص هلاهل امي تبريكات امها العالم فرغ من كل الحواليه انه وياها وبس
اخلصت المراسيم وكانت بس حلقات تلبيس على اختياري طلبوو المهر حفله خاصه بقاعه المعارفهم بوقت ثاني وافقت واني اريد اسوي كلشي يسعدها
حسيت گلبي انشرح بشوفتها
كملت الامور الي تطلب بالعقد امها اخذت النساء للهول وبقينه احنه بالصاله گالت ابقو براحتكم
دقايق وساعه مرت ماحاس بيها الا لمن تليفوني رن
جاوبت غصبا عني بعد مالحوو بالأتصال

..الوو

..ولك ادري لزگت خو مالزكت شبيك ماشايف صدگ جذب مشتولين بالباب متانينك شني معناها حته النسوان ملن من السوالف ورادن يرحن تعال يخوي لاحگ ع السوالف والشوف وكلشي

..ضحكت اريد اشوف ياهو يلوم ابوي من سماكم الغثه
شتريد ولك ماتخليني جاماترحون تيهتوو الدرب

..تعال تعال انه مااتحرك الا انت وياي حته الله مايرضا هسه لو مريتي وياي ماميت عليك اجرلي فندق واولي تعال لا افشلك يم عمتك الصاكه واكلها ضايعلنه ولد يمكم بربك هيه مره لو تخبل

..ولك كافي سد التليفون جايك وعود انطي ام رضا رايك بعمتي

..ههههه الا رايدها تولد من وكت خل المره الله ساتر عليها

سديت الخط وانه اضحك ترخصت منها وطلعت تشكرت من عمتي وامي وعماتي طلعن وهنه يضحكن جامبتت فدنوب

كتلهن لو يخلوني جابتت شفايتلي ابات

طول الكريق ماخلصت من نصبات صگر وكرار
اخر شي گال ضاملكم مو خبر صاروخ ولو بيكم خير تستحون هسه وترحون بهالعصريه لولايتكم

..كتله شكوو وانت ماتروح شمعنه همه بعدين انه دوام عندي مااكدر اروح

.. انه اكلك ليش شوف سيارة ابوك ورانه كدامنه

..لا ليش عود صدك وين راحوو

..راح اخذ امك ويريد يزور الامام الكاظم عليه السلام مو بس هاي طلب من عمك فيصل يروح وياهم حته يرجع عماتي وهوه وامك حجزوو فندق هناك

ضحكنه كلنه وانت الله مسلطك عليهم كتله يصير خير اشوفه باجر واحچيله كلشي

..احجيله احجيله بس احجيلي هاي عمتك شتخلي الوجهه وهيج صاكه تسبح بحليب خو مو بحليب

..يتبع