رواية كسرة قلب الفصل السابع عشر 17 - بقلم نور الشمس

خابري وماعليچ

..ليش ماتتصل انت اذا السالفه مو عاديه

..مايرد علي

..ضل بالي اريد اعرف السالفه خابرته جاوب

..كل الهلا بام كروم امي الغاليه فدوه رحت الهالصوت شلونچ

..بعد امك وگلبها نصيت صوتي ومشيت بعيد رحت للمطبخ
ولك شمسوي اخوك يفور انت ماتخابر خطيبتك

..وين مولي عنها هسه سديت الخط وانتي خابرتي ليش شكوو

..انه ادري عبالي ماتخابر وتسأل

..لا جابيمن اگضي الليل شلون مااحاچيها

..اريد احچي وحسيت ايد اندمت اخذت الجهاز مني
عرفته فهد
..الووو

..هلا شيخ

..ولك ليش ماترد علي

..جانت عندي محاضره

..مو انه مااعرفك ازغيرون وتضحك علي واصدگك ادري بيك عرفت عليمن رايدك

..ضحكت شيخ حشاك انه فدوه الراسك شني المضوجك مني ايدي راسي اكصهن گدامك

..تريد تهديني وماتگدر لو موحچيك هذا
جاوبني على گد السؤال نبأ محمد جاسم تبتعد عنها لو اكسر رجلينك

..انصدمت شمعرفه بيها وين عرفها تلفتتت حسيته يراقبني

..تحچي لو لا

..اي شيخ صار بس شني المشكله

..انت تدري وانه ادري شني  الصار

..بس مو ابالي تدري انه خاطب والله ماعندي شي وياها

..انت ماعندك هيه عدها شويه شويه يصير عندك والهذا اسمعني زين راح ارقيك من خاطب المتزوج
اخذ مرتك واعلن زواجك واعقل بعد

..شيخ مو وكتها

..تعال ونتفاهم ماكو اعزم العالم ع الخميس اليجي واوازيك صدگني اسويها

..اصبرلي باجر بعده  انه جاي

سديت التليفون وانه راسي يفتر منين يعرفها لا وانوب اسمها الثلاثي
صح خطيبتي احچي وياها واحبها يعجبني شكلها حجيها بس ماعندي ثقه لأن طاحت من اول محاوله ماصدتني ولا تعبت بحبها
وهاي نبأ سألت هواي عنها وردت اشوف كل البنات هيچ يثقن بساع لو لا اريد اعرف الخلل وين
بس تعبتني هواي صار شهرين من داومت اركض ركض وراها وهاي صار  اسبوع يلله لانت وبدت هيه التسأل علي وهيه التجيني الشيخ شمدري
گاعد افكر وگطعت صفنتي نبأ

..هلاو صقر شلونك عيني

..ضليت اتلفت الحمدلله انتي شلونج

..من شفتك كلش زينه صرت 

..الله يسلمچ

..احسك مو مرتاح عندك موعد او شي شغله

..اي عندي شغله شوفي هذا احمد اجه نطلع انه وياه سوه اخذي راحتج انتي
فلتت منها وانه اتلفت ياهو الوصل للشيخ موضوع نبأ
اشرت الاحمد يطلع گبلي

..شكو ابو الصقور شبيك

..يمعود الشيخ خابرني وسألني على نبأ

..بربك

..اي والله

..لك اخوك جان بالمخابرات شمعرفه بيها

..ماادري وراح يقدم زواجي

..اي ع الخير خلي نفرح بعرسك

..افرحوو شكوو عليك وانه الهم ذابحني

..البنيه مو تكول احبها وتسمع كلامي وشتكلها تنفذ بعد شكوو

..ماادري البيه شني هذا المحيرني لا اگدر ارتاح وياها ولا بدونها تعودت عليها وگمت احبها بس ماادري احس اكو حاجز بيناتنه

..والله ماادري يجوز لأن استعجلت بالخطوبه انت الي بعمرك بعد وينهم ووين الزواج اقل شي مرحله ثالثه يلله

..مو تعرف ظروفي انت وتعرف الصار

..الله كريم بس انت غلطان البنيه مالها ذنب
بكلشي كل ذنبها حبتك

سكتت وبكلبي كلت ذنبها من اول محاوله سلمت روحها الي حته مارفضتني مره
وره الخطوبه هواي جربتها اتصلت بيها من عدة ارقام ماتجاوب يجاوب ابوها لو تتصل بيه وتكلي هذا الرقم ضوجني حاجي خلصني منه
سويت حسابات بغير اسماء واحجي وياها وماتجاوب وتحظرني
اه ماادري شوكت ارتاحلچ

جاي افكر وخابرتني

..الوو

..حبيبي ضوجتك موو

..لا ليش گولي شعندج

..اشتاقيتلك

..گبل نص ساعه انتي وياي شبسرعه اشتاقيتي

..حبي ليش مابلغتني

..عليمن

..ها تسويها مفاجأه موو بس هيج ميصير همزين الشيخ خرب الخطه وخبر بابا حته احضر نفسي

..عليمن غير افهم

..صح زواجنه بعد شهر مساع الشيخ خابر بابا وخاله امك اقصد تجي العصر تيجيب فلوس التجهيز 

..هاا

..شنو ها بعدك ناوي تضم عني

..حاولت امثل حرامات خربوها علي يلله اذا عرفتي جهزي روحج

حجينه شويه وانه كوه اجاملها
سديت الخط وخابرت امي

..الوو

..يمه شني معناها هاي

..شني هيه شبيك.هاد علي شكووو

..لشوكت الشيخ يتحكم بيه مو جاهل انه كبرت كبرت وانه اخوو مو واحد من ولده كافي لهنا وبس

..افا عليك هاي تاليها هذا مجازه تعبنه عفيه عليك عاشت ايدينه على هالربايه

..تنهدت يمه مو قصدي مو هيج بس شني معناها من مخابر ابو دعاء العرس الشهر اليجي

..جا شيسويلك يريدك.تعقل وانت ترد ليوره ولك مصاحبلك وحده هناك مدري منين مامنين انت شبيك شناوي علينه لمن تگبعنه برايه سوده وتلطش وجوهنه تالي اعمارنه

..يمه انه مو هيچ

..والله اليضحك على بنات الناس هيچ واكثر
هاي مخابرتك الي حرگت گلبي عفيه بصگر عفيه بعدك ماخذيت وانصاح على مرتك وتستنكف

..يمه الله يخليج لاتزعلين بس حلوه يعني ادري من دعاء بموعد زواجي

..تعال والله كريم تعرف فهد مايسوي شي الا يخاف تلعب بذيلك ويحاول يربطك

..جاي باجر انه يمكم بعد مااتاني الخميس

..خوش

سديت التليفون وامي گالت شبي هذا
..زعلان ويحچي فهد مخبر اهل خطيبته قدموو العرس ودعاء كايلتله
..وفهد ليش ماگله

..تعرفين فهد وسوالفه اباله سالفه وراي

صحت سبع اسبحه وابدل اله
كملت ورحت للولد اراجع ادروسهم وياهم

..كرم يمه شلونك بالدراسه

..الحمدلله يمه كلش زين

..الحمدلله

طلعت اكمل شغلي بين مايرجع فهد وره ماخابر صگر طلع
بوكت الغده اجه

صبيت الغده وانطيتهم جاي صعد گبلي كملت مطبخي وصعدت وراه

..خابرني صگر زعلان يكول شلون ماادري بزواجي

..يطبه طوب هذا يموتني ناقص عمر انه اگله اكطع علاقتك بيها منعولة الاهل وهوه يسد تليفونه منا وتجيني صوره واگف وياها

..ياهو الودالك

..مالچ غرض اعرف اجيب اخباره انتي لو تعرفين هاي بتمن چا عذرتيني

..ياا عرف هيه منا

..عرف بس ولت منه من سنين وماخلصنه منها

..فدوه هاي ياهي وشلون عرفت بيها

..عرفت صدفه اخاف من صكر وسوالفه ووصيت عليه خبروني يراقب وحده ويحاول وياها
وبعدها هيه گامت تسال عليه وعلى اهله وفلوسه وتالي تحاول تجره الها لمن سألت عليها طلعت مصيبه
نفيتهم منا تلاگوو هيه وصگر
ومحمد ماعندي مانع اطلعهم من العراق كله

..غير اعرف ياهم

..تعاي فرجيلي راسي وانه اول وتالي اكلج مو هسه

سكتت لان عصبي ضل بالي هاي ياهي ومنين اريد اتذكر ياهم الطردهم فهد
منا
ياا بكلبي صخام اذا صدگ
طرگاعه هاي شوداها الصكر حظي لو حظه لو حظ فهد
ثكل راس فهد بحظني حسيته نام خليته ع المخده وطفيت الضوه وطلعت
نزلت محتاره شسوي وشحجي مدري الي ابالي مدري انه غلطانه

رجعت خابرت صكر احاول اوهسه بالعرس

..هلا يمه طلعت من الدوام شكليت ماكليت

..هلا يمه اي طلعت بعدني اريد اخذ وياي اكل من بره وراجع للقسم

..من باجر اجهز العرسك فرحانتلك حيل ومن هسه ادگ واركص انه واخوانك الزغار

..الله يديمها يمه فرحتكم تفرحني اكثر من العرس لاگتني سيطره مايرضون احجي بتليفون واسووق اشوي احاجيج

..براحتك يمه

صگر ..

ماردت اطوول وياها واضوجها انه اصلا مو فرحان كلشي گاعد ينفرض علي مو وضعيه هاي
الخطوبه فرض العقد العرس
انه مو زغير ولا احب احد يفرض شي علي
اخذت اكل ورحت للقسم
لگيت جماعتي حامين الاكل وانه هم فتحت العلاليگ وگعدنه ناكل نكته منا سالفه منا صار الضحك
نسيت روحي ونسيت ضوجتي شويه ودگ تليفوني
هاي نبأ

طلعت وحاجيتها بره
..هلا نبأ محتاجه شي
..محتاجتك
..اي گولي شمحتاجه
..احبك
..انه لو تحبين كل واحد يسأل عنچ
..احبك انت صقر
..اي وشتحبين مثلا اجيج هسه اخطب تره انه خاطب
..اووي لتجيب سيرة خطوبتك ادمرت من عرفت بيك خاطب

..اووي كلشي ولاتدمرين عليمن مدمره بويه مواعدج وانه ماادري بلكي انتي هم يدري بيج فهد ويكلي بنات ناس وتقشمرهن وتعال اخطب ويگبعني بيچ للمره الثانيه

..امممم انت مو مواعدني بس مو بيدي قلبي خفقلك

..لا لا احنه مامتفقين هيچ لاتتماوعين ولاقلبج ولاقلبي  تره هيج تجرجريني رسمي للرذيله وانه اصلا داخلي ارض خصبه بسرعه اثمر وياجن
واذا هيج اتزوج بنات الكليه كلهن اخوي مايرضه بالعيبه وانه حته لو گاعد اكل مثل هسه هيه تجيني

..انت الظاهر تخاف

..اكو واحد مايخاف هوه الوكت وانتن تخوفن الله يشهد مااخاف بس منچن النسوان المشكله شني انتن تخوفن وتداون مثل الأبره للجاهل تخوفه وتاذي بس تشافي

..هههههههههاي ضحكتني خوش تشبيه تره مو بس الجاهل حته اني اخاف من الأبره

..سهله يمعوده غمضي وماتحسين

..اممم شنو هسه اعتبر نفسي كبل الصقر الحلوو

..عادي اعتبري ليش لا بس لاتگليلي اريد زواج شهر واتزوج وزوجتي حليوه تخبل وانه هم هاويها يعني مصيبه وحده كافي علي لاتكليلي تزوجني ماناقص مصايب

..لا انت الراح تطلب مني زواج خلي هالشي ابالك

..انتي اذا تضلين وره طلبي ترحين هناك تاخذين من حور العين لان لو كبلت وياج ٩٠سنه هم مااكلج اريد اتزوجج حته لااضحك عليج ولايگلولي صكر تقشمر ابنات العالم عمي انتن تقشمرن زلم وحك الله الناس مدري شمالها ذابينها بينه وبس

..مو مهم هسه مو مال نتعاند نشوف بالاخير منو يفوز واذكرك

..عود الله كريم هسه روحي خل اخابر مريتي

سديته وخابرت

..الوو

..هاي ويامن انتظار

..وي جدتي تخابرني من النجف تسأل عن احوالي ويامن يعني لو امي لو فهد لو صاحب الي

..شبيك عصبي ياگلبي غير بالي يمك

..يسلم بالچ وراعيه ابدي جهزي العرس مثل ماگال الشيخ ويجوز اقرب اسوي

..لا فدوه ليش هيج ماالحك

..شتلحگين هيه شرايه اسبوع كافي

..اريد اشياء حلوه

..لو تلبسين كونيه انتي حلوه وتخبلين ع العموم بكيفچ بس صاير اشتاقلچ وعاجبني اطبق الحچي صار مايفيد

..عفيه لاتحجي هيج استحي والله

..فدوه لخدودچ لازم وردن هنيال الشافهن هسه

..استحيت وماجاوبت

..ضلي هيچ تختلي يصير خير اول وتالي لاگفچ ضحكت روحي حبيبه تصبحين على خير

سديت التليفون وانه اريد اعرف روحي ليش وياها اتناقض اريدها ومااريد احبها واشتاقلها واخاف بنفس الوكت
زين هاي نبأ اعرف روحي مااميل الها وحاجيتها بصراحه ليش ماعافتني مو فهد يكول البنيه تريد زواج واستقرار فهمتها ماكو زواج شتريد بعد
المفروض تنسحب

مرت ايام ونزلت الأهلي غلست على فهد مارحتله ثاني يوم مثل ماوعدته كتله امتحانات واجلتها للخميس
رجعت وانه فرحان بشوفتهم
سلمت وتغدينه وخلصنه وبدت محاضرة فهد اكد عليه اترك نبأ عبالك يعرفها حسيت اكو سر بس هيه مو منا هيه من بغداد
ماحچيت وكتله صار
العصر رحت اشوف دعاء
امي توصي اخذ هيج هديه ولا تروحلها فارغ
وفهد انطاني مصرف كال خلي بيدها
طلعت منهم وانه افكر ليش مشتاقلها وكاره الروحه

يتبع

حبايبي شلونكم
بارت لعيونكم بس لدققون كله سحگ اكيد