رواية كسرة قلب الفصل السادس والعشرون 26 - بقلم نور الشمس

مساءالخير على وجوه الخير ❤

فهد ..اششش خلوه لحد منكم يحاچي عوفونه وحدنه
محمد وفيصل توكلوو وخلونه وحدنه

محمد..صگر يرادلك تأديب الدلال فسد اخلاقك

صگر ..احس معدتي تفور وتگلب بيه قهر اذا مافرغت ضوجتي يمكن اموت فوگ قهري والصدمه الانه بيها فهد مايريد يشوفني ولايحچي وياي بشنوو غلطت انه شوكت باقي الهالساعه بالديوان حته محد باقي يمه بس اخواني جانو يتحاسبون ع الشغل ومن شفت جمعتهم وانه مبعديني حيل ضجت شبيه انه وهيج باعديني عنهم حته اخواني عرفوو بيه راح اطلگ ومرتي مو يمي بالجذب محد سألني منهم شني مشكلتك وشصار وشراح تسوي چنت مالي شغل بيهم مكتفي بفهد تالي حته فهد اتخله عني حچيت وانه قاصد كلامي صدگ اذا مايريدني اطلع انه مو زغير يخافون علي والي صار وياي مو شويه خلاني اعيد حساباتي ولازم اعتمد على نفسي وبس
ماقصر وياي رباني وكبرني بعد بيش اطلبه
محمد غلط عليه وسكتت ضل يحجي فهد سكته وطلع للباب ورجع فيصل جره يريده يطلع وهوه رجع عليه بسرعه طگني بطرف ايده صارت الطگه على حلكي خليت ايدي شفت دم من شفتي .. صاح علي فهد..
وفيصل جره المشكله مربط اخوي اكبر مني ومايدري شبيه وشتارس گلبي يمكن عد اكثر الناس عادي اخوو طگ اخوو بس اني چانت هاي النهايه شي منفوخ واقل طخه ينفجر هيج انه چنت
تنوعت الفهد الي ضاج من تصرف محمد وگل الفيصل اخذ اخوك طلعه مابيكم واحد يحترم گتلكم اطلعوو شني معناها هاي
ودار عليه يريد يحجي احس ضاع الهوه عليه اكو حسره تتكسر بالصدر يصعب عليه النفس اجره اختنگت وهمه بعدهم واگفين فيصل يجر بمحمد ومحمد يغلط ويحچي انطيناه مجال وانت دللته
شهكت الهوه بقوه اريد اتنفس مربط ماگدر اسوي شي ولا اگدر اسكت جريت قميصي من يم صدري فتحته بقوه شفت الدگم تناثرت فهد
فهد صاح صگر بويه شبيك ليش شگيت زيجك
تعال مالك غرض بيهم لاتروح اوگف
اختنگت وبس احچي حچايه وحده انهار السكوت افضل طلعت منهم مريت من يم محمد وعيني بعينه خليت ايدي على حلكي بي دم شوفته الدم متعمد عيوني تگله عاشت ايدك اذا تعتبر السويته صح
طلعت وصوت فهد وفيصل وراي
ركضت مااريد اسمع صوتهم ولا ادري بركضتي وين اوصل بس اتذكر ركضت هواي
بعدت عن بيوتنه
گعدت اريد ابچي مااگدر اريد الحسره تطلع ماطلع بيدي
قررت ارجع للبيت اخذ هدومي ومستمسكاتي واطلع بعد ماالي ضله بس هسه اكيد منتظرينيي خل يجزي الوكت واطلع
تليفوني ماجايبه اخر مره عفته بغرفتي
ضليت اعيد ذاكرتي انه غبي المفروض اعرف عدها شي من چانت اطوول مكالماتها من ليلة العرس حسيتها وياي جسد بدون روح بليلتها ماارتاحيت ابد وانه افكر شبيها وشني الصاير وياها
چان عرفت من خلت راسها براس امي وهيه تدري شني امي بالنسبه الي والفهد چانت تسوي مشاكل وتخليني اتعارك وياها بكل طريقه وانجبر نتزاعل بالليل واتركها مااقربلها
من تتحجج بكلشي حته مااتقربلها
اني غبي هواي بررتلها بداخلي وحبيتها حبيت كلشي بيها الدرجه ماگمت اميز اللهفه والبرود
گمت الحيلي ارجع للبيت احسن
الچلاب اصواتها قريبه مني  ولو طاح بيدهن واحد يملخنه دنيا ليل وحته لايت ماعندي هسه يلله صحيت على روحي دورتلي عصا يمي چبيره اخذتها ورجعت
طبيت للبيت البوب مامقفليها يمكن الخاطري
دخلت على كيف اتسحب لگيت فهد متانيني بالصاله
من شافني گام

..تعال صگر تعال بويه شلونك شلون صرت

..الساني خشب اريد انطق حرف مااگدر بس عيوني تحچي ضليت صافن علي گلي تعال نسولف ماانام اليوم اذا ماحچيتلك.كلشي

..ابو كرم اعذرني عليت صوتي ماكو شي ينحچي انه راجع الدوامي مو بس ع الدراسه لا چنت ناوي اترك بس بعد الصار ابعد احسن وهناك جماعتي يلهوني وانه اريد انسى

..معذور انه ماازعل منك انه زعلان عليك انت وكرم اشرلي بأصابعه وهوه يصفهن سوه انت وكرم هيچ عندي متساوين وغلاكم يختلف عندي لاتتصور مامهتم بيك بس انه اشوف روحي جزء من الصار وياك يمكن انت صح من گتلي مااثق يمكن شايف شي لو حاسبشي بس انه جبرتك السويناه احنه سوينه بأصلنه انت ماغلطان الغلط بيها
لاتتصور بس على حچييك اتأكدت هاي الفتره كلها انه ادور على صاحب الأرقام
لأن من انت داومت امك ودت هدومها وذهبها وراها ولگت بعلبة الذهب تليفون ثاني وبي رقمين نفس الرقم الي موجود بتليفونها الشفته انت ورفم ثاني هم راجع النفس الشخص
بعد ماوصلت الأسمه ومنين هوه من معارف الي عرفته هوه ابن خالتها يسكنون بغداد الولد عسكري
مالنه حق انطالب بي ونحگه لأن العار ع الأهل احنه عيال والدم والعظم للاهل حته لو شايفهم بعينك مالك حق تكتل اهلها اولى بيها
من گتلك بقيها واصبر عليها ردت اشوفها واراقبها واعرف منو الوراها ابوها خوش انسان مايستاهل ردتك تبقيها للستر حته لو تتركها بس انت هم عاقل وتركتها بدون ذكر الأسباب
هسه نبدي صفحه جديده تنساها وتنسه كلشي يتعلق بيها وتثبت النفسك انت مو ضعيف ونبأ ابتعد عنها

..رفعت راسي اله معناها يعرف نبأ تحاچيني وبيناتنه لقاء ولو بسيط بس واصل اله ..
اريد اشوفها اخر مره بس اسألها وانطيها شروطي للطلاگ بهدوء

..ياهي تقصد

..دعاء

..شتريد منها

..مااسوي شي والله بس اريد اعرف ليش قبلت بيه اذا مارايده ومصير الي ابطنها  نحدده ابني مايضل اذا ولد واذا بنيه من تجيب اخذهم

..اكيد اذا تزوجت يتربون يمك

..مالي علاقه تتزوج ماتتزوج مايخصني ..كل هذا مايهمني شيخ الي يهمني انت ليش مجافيني انت تدري شگد متعلق بيك انه تتذكر من چان ابوي عايش وچنت جاهل انه وين اگعد والمن اشكي اذا احد غثني الك لو الأبوي مو چنت تگلي انت ابني وانه ابوك ليش تعةفني وانه بحاجتك هذا الضوجني واذا تلوم روحك انت السبب بالصار لا انت مالك دخل مثل ماتگول انت عملت بأصلك واصلا بوكتها هذا الصحيح بس هوه كلشي امتحان جان يباوعلي وعيونه كلها حزن مسح على راسي وگلي انت سبع تتعداهن ذني كلهن الطگه الماتموتك تقويك رفع راسه وابتسم تعاي شيخه أبنچ بطل ماؤنخاف عليه تعاي حاچي شوف امك من سمعت بالصار دموعها ماوگفت مو زين عليها ولا ع الجاهل ابطنها بس ماتاخذ حچايه حاچيها انت بلكي تهدأ انه گايم اصلي صلاة الليل
شيخه شوفي وتعاي ارتاحي ماراح انام اتانيچ مو تبطين

ابتسمت رغم البيه من شفت ابتسامته ونظراته وشلون خايف عليها هيچ جنت اتمنى اعيش حياتي چنت ماخذ فهد قدوه الي بسمالگيت مثل شيخه تستاهل الدلال
شفت امي عيونها مورمه

..هاي ليش يمه ليش هيچ عيونچ شعليه انه مايصيرلي شي
..ادري بيك سبع فدوه الگلبك تربيتي صگر اذا عندك ذرة محبه الي اريد تكسر شوكة شماتك وتقوه اكثر واكثر مااريدك تنكسر ولااريد شي يأثر بيك اريدك صگر مثل ماسماك فهد عمر الصگر ماضعف
ترضاها يكولون امه فسدته بالدلال خلته عود طري مايتحمل كلشي

..لا ماارضا بس گليلي شتردين مني اسوي مو ضعيف انه والله مو ضعيف بس هواي الضغط العليه هواي

..وانت اكبر منه واكبر من كلشي صير مثلي نسيت المريت بي نسيت شلون انت تصبرني وتريدني قويه اليوم اوصيك نفس الوصيه

..عيوني الچ يمه التردينه يصير انه اصلا باچر اروح اشوفها وبعدها اطلع الدوامي وماارجع الا وانه ناجح ان شاءالله الخاطرج انتي بس لو عليه مااسوي شي واضل بمكاني لأن ماعاد يهمني شي

..بعد امك انت ..لاتروح الها خلها تولي خاف اهلها يسمعونك حچي

..لا انه رايح اغير كلشي واگلب الطاوله عليهم مثل مايگولون ابوها جاي يضغط على فهد هواي.انه راح انطيهم شروطي لو اعترضوو احچي كلشي

..مايصدگونك يصدكون بتهم

..مااحچي بدون دليل يمه روحي ارتاحي ضحكت فهد يريدچ لايطردني هسه بهالليل

..يلله يمه نام وارتاح ربك يحلها
طلعت منه رحت الغرفتي هسه يلله ارتاحيت من سمعت محمد طاگه وهوه رايح بعيد وشفت فهد ضايج عليه دنوعي ماوگفت ماعنده حظ هالولد والله مؤدب وسبع وسخي وكل صفه حلوه بي ليش ماعنده حظ
وهاي مرته صلفه من حاچيتها انه تگلي عبالي راح احبه بس طلعت احب ابن خالتي اكثر قبل عبالي علاقتنه صداقه بعدين اكتشفناها حب وماكدرت احب صگر رغم محاولاتي
من حرگتي گتلها الشيخ وداني اتأكد منج بعد مالگينه التليفون وتأكدنه من الرقم ماتخافين اگل الأمچ

..ماتگليله ادري لأن صگر ماراد احد يدري يخاف على نفسه مو عليه حته تهدديني

..اجت امها وماگدرت احچي شي والحچي بطرف الساني ارد اكوله تعوذت من ابليس وخفت من فهد مايرضا فززني من صفنتي صوت فهد

..وين بالچ وانتي اجيتي وكعدتي وبالج مو يمي

..ابتسمت بالي يم صگر وسالفته الي ماچانت ع البال اخخ كبل چنت اتمنى يكبرون وارتاح همه كبروو وكبرت مشاكلهم وياهم وصار كلشي خارج سيطرتنه
گعد يمي وهوه لازم چفي

..هوه هذا حال الدنيا ومهما يكبرون بعيونه زغار ومشاكلهم تشغلنه اكثر منهم الله كريم صگر سبع ماينخاف عليه خلي هالمره امتحانه صعب وعندي احساس هاي الشده تبني ماتهدمه ان شاءالله مادام احنه وياه ماينخاف عليه

جرني عليه وانتي بالچ على صحتچ لاتحركين بدمج دوم. تمدد وگال تعاي هنا اشرلي على ايده خليت راسي عليها وجهي صار عليه ضحكت بطني جاي تضايقني ومبعدتني عنك هواي
خله ايده على بطني وضحك الگبله مابعدوني عنچ والاكبر منه يبعدني هوه
فهد خليني هالمره اعرف جنس الطفل كل مره تگلي كليلها لاتگلج بس اريد اجهز منا وجاي شلون اجهز اذا مااعرف جنس الطفل

..براحتچ بس لاتگليلي انه اريد مثل كل مره ماادري بي شني لمن اشيله بيدي فرحتي تصير غير

..اي بس خل اگلك سر

..رفعت حاجبي صارت اسرار بيها گولي هههه

..كل مره انه ادري بيهم ولد ومن الخامس هم بس انت تكلي لاتعرفين ومااگلك شيصبرني هالگد مااعرف الي ابطني

..ههههههه لاياخاينه واذا عرفتي هالمره هم لاتگليلي مااريد ادري من وكت

گعدت ثاتي يوم واسمع صوت ضحك من غرفة كرم رحت شفتهم صگر وكرم يضحكون ويشاقون صبحت عليهم وحمدت الله

طلع صگر رايح الاهل دعاء
ضليت ادعي ربي يبرده ويهدي اعصابه
طلع كاشخ ويخبل يمكن يريد يثبتلها مامتأثر

صگر..
لبست بنطرون كتان بيجي قميص ماروني وساعه مشطت شعري وعدلته وطلعت عبالك راح ادوام بكليتي مو رايح البيتهم
ماانكر دگات گلبي اتسارعت من صرت قريب الشارعهم

دگيت الباب طلعلي ابوها متفاجأ ورحب وهلا عباله جاي ارجع
سلمت ودهلت وگلت اريد اشوفها اخر مره گبل الطلاگ حته نتفق

..انت ليش ماتخجل جاي تشوفها وتريد اطلگ

..غلط لاتغلط عمي محترمك انه ..اريد احچي وياها ضروري وعندي شروط الحچي بيناتنه والشروط يمكم

..وفوگاها جاي تتشرط شني السوته بنيه تتوحم وماتريدك اني صوجي انطيت مره الجاهل صدته مره يدبسبب وحامها يريد يطلگ صدگ ولد العرب مهما درستوو وتحاولون تتطورون تبقون همج

..ضحكت صيحلي بنتك انت يالمثقف والفاهم ومادام الحچي صار طگ خل اسمعكم وهيه موجوده

..بنتي مالها جيه وانت گاعد

..صياح لاتصييح اسكت وانه احچي

..تسكتني وانه ابيتي

..ابو الحگ يسكت كل باطل
بنتك يالمثقف والفاهم جذبت عليك وانه طلبت منها عبالي اوادم وتقدرون ماردت افضحكم وهسه وبعد انه ماافضحكم الا ذا انتو فضحتو ارواحكم هاذا شي راجع الكم

..لاتغلط بحچيك صگر لاتتبله على بتنه عيب عليك

..مامتبلي واسألها وهاي تليفوناتها موجود كلشي بيها

..ومنو يگول مو تلفيق

..كلشي يمك يثبت انت بعد مافاهم السالفه وتصيح تلفيق
بنتك ماتريدني مو مثل ماكالت تتوحم لا بنتك تخابر الليل كله وانه بس تعاركني وترفضفراشي كل عشر محاةلات مره تخليني ومبينه مو وياي ماادري سني الجابرها ترضا بيه مادام خليتوني احجي ابدي من البدايه وهيه صيحها واسألها
حچيتله كلشي وحته فهد شلون مطلع الرقم وعارف اسم الولد وعلاقته بيهم وشنو شغله انصدموو والاب حسيت شويه وگلبه يوكف هيه ماطلعت لانكرت ولا ايدت بس كلشي بدليل شوفتهم كتلهم صيحوها اخر مره احاچيها يمكم
الاب رفض
گتله بس بلغها الطفل ادير بالها عليه مادام هيه حامل بابني مصرفها مني من يصير انه اخذه
ومااريد منعا شي ومشكولة الذمه على كل حچايه حچتها الي خلتني اعيش بأمل بيها وتالي كسرتني
بعد ماجان الأب يحجي بصوت عالي ونظرة عينه الحاده تحول الهادئ مكسور ضجت من شفته هيج تحول بدقايق وضلت ابالي شغله البنت شنو تفكر من تكسر غين ابوها واخوها علمود نزوه وتفرط بزوجها وتيتم ابنها شني الي يخليها تأذي ناسها وتسعد نفسها وبالتالي هيه مستحيل تعيش بسعاده وكاسره هواي گلوب

طلعت منهم واحس هم انزاح مني بس ماچنت متمني احچيلهم كلشي همه الجبروني مادام وصلت يشوفون ارواحهم احسن مني لا هنا كلشي ولا هاي
چنت متوقع هيچ يحچي ابوها ومتحضر احجيله كلشي صح مامتمني بس اعرف ماكو غير حل
من هذا اليوم كلشي تغيير بيه
صرت انسان ثاني ماكو شي يهمني ماانطي الشي اكبر من حجمه افكر اباجر بالجايني هواي قررت امتحن واتحنت وشديت حيلي وخلصت الامتحانات ونبأ ابتعد عنها رغم ادري بيها تحبني وتأكدت وهواي مواقف ثبتتلي بس ادري ارتباكنه مستحيل ومااريد اكسر گلبي اكثر بقت علاقتي وياها بحدود كل ماتحاول تتخطاهن انبهه
رجعت اخر يوم امتحانات وعطلت
فرحان بروحي نجحت ونجاحي زين وان شاءالله السنة التجي من البدايه اشد حيلي
رجعت والكل مترقب جيتي خواتي اول مره يشةفني بعد الطلاگ
وفاء جانت فرحانه اكثر من الكل ماادري صدفه تكره دعاءماادري هيه من النوع الي ماتحب نسوان اخوها هههه والباقيات گالن ختولي ماتستاهلك الحلوو بالنسوان بوكت الخطوبه سونها الي ملكة جمال ومن عرفن اتفصلت يردن يرضني  ماكو عيب ماطلعنه بيها رغم هيه جميله وجمالها ماينكر بس اكتشفت الجمال لاشيء اهم شي الخلق والطيبه

فرحت بلمتهم وفرحتهم محمد مااجه ومن ذاك اليوم مامتحاجين
من شفت الكل ملمومين بس محمد وعايلته ماكوو عرفته مايجي اباله زعلان وحته فهد مالح عليه الخاطري
طلعت اتمشيت عليهم بوكت الغده يعوفون شغلهم ع العمال ويجون العوائلهم
رحت البيته وصحت من الباب
اهل الدار تضيفون لا

..هلا بالضيف عرفته من صوته صگر

..هلا بيك ابو جاسم حظنته وبسته ليش الاهل منجمعين وانت ماكوو تعالو وياي ع الغده حاسبين حسابكم
مرته سلمت ومريم واخوانها گال غداهه جاهز اختك طابخه نكمل غدانه ونجي

.لا جيبوو وتعالوو وياي
تانيتهم ماطولو طلعنه للبيت فهد فرح والكل كيفو بيهم گعدنه مثل كل مره غمزت الكرم
هاي الخاطرك بس رحت يمه ودنگت عليه شد حيلك واخطب تره مريم كبرانه ومتاضل اكثر خليها ابالك

..ولك شخطب بهذا حالي

..اسبوع وينشال وكلشي يرجع تمام

..مو اكيد احتمال يراد علاج طبيعي واحتمال احتاج بعد عمليه

..گول يالله وماتحتاج ان شاءالله

..ان شاءالله ..اگلك اريد منك خدمه

..تأمر انت گول

..عيد ميلادها بعد اسبوع واريد هديه

..ضحكت ولك انت مو هيين خوينس وكله من جوه الجوه شمدريك بعيد ميلادها حته اهلنه مو من النوع اليحتفلون وحفظته منهم يمكن بس انه الفقير بيكم انت ابوك فهد لو غيره عليمن تطلع ماتگلي

يتبع ..

بدون مراجعه حبايب

وراح اكمل جدورتي واكيد الكل مشغول بالطبخ 😉