رواية كسرة قلب الفصل السادس والثلاثون 36 - بقلم نور الشمس

طبعا هذا نشرته للي سألوو شنوو مهاويل
ولأن مااسمع بس المرتضى حرب وعلي الشيخ منهم اختاريت الكم مرتضى حرب

                ...............................

طلعت امشي وراه شفته گاعد بره

..يابه مامليت كافي ماتعودت مو الك انساها

..ماكو شي والله عادي تره حبيت اشتم هوه مو الي ابالك گتلك ماافكر بيها والله يسعدها بس هم مامعقوله انسى وامحي كل ذكرى مو بيدي
الأجن على بالي ذكرى بالحاضر كلشي ماالها يمي ولا انه اهمها الله يحفظ راعي بيتها ويسعدها روح ارتاح وراك گعده وعرس خلك مني

..راح اخليك لأن ادري بيك سبع ومو انت الي تكسرك مشاعر قديمه

..انه هيچ مثل ماتگول .كمت الحيلي اروح انام احسن حبييب ابوو شاهين وداعت عيونك جني ورد لاضايج ولا شي لو مارجليني والبيهن جان ادبجلك للصبح بس ولا تهتم باچر اخلي السمره تهلهل بزفتك

صگر..
ادري هسه گلبك يدبچ من الفرحه ورجليني رجلينك لاتهتم
تعال خل نگعد يم ابوك شويه ونروح انام

..يلله امشينه

رحنه گعدنه شويه وبين الضحك والسوالف
فهد شال لوله خلاها على متنه وگال الامي شيخه جيبي شاهين وتعاي يلله ورانه غبشه نگعد من وكت نامي حته ترتاحين

ضحكت كتله وانت هامك السهر
جيبوو شاهين اريده يمي اليوم
اخذته منهم ومن راحوو صعدت الغرفتي اتمعن بيها باجر تعجبها لو لا
اهم شي عد نسوانه وزلمنه الغرفه نجاره صاج عراقي ومن دروو جايب تركي كلوو راسي اكل
مو زينه وموزينه يابه خل تظل سنه وبس هم كافيه كلش كافي اخلص بيها شهر العسل هيج الوانها تبث السعاده الروحي عاندتهم وجبتها
لونها ابيض واسود قليل كلش
الفرشه عجبتني ع الأنترنت ووصيت عليها من بغداد
والتحفيات ذوق امي شيخه كلش حلوات
فتحت الكنتور وانه اشوف هدومها الي ودتهن بيد امي هيه ترتبهن لأن ماعدها احد يجي وعدنه عيب المره تدخل بيت رجبها گبل العرس حته لو رادت ترتب غراضها مشكلتها ضحكت وانه اعرف اكوو عادات عدنه مو صحيحه بس مستمرين بيها وصارت جزء منه
عجبني ذوقها وعجبتني الألوان والفضول اخذني استمريت وانه اتنوع كل قطعه تخصها ولگيت روحي مبتسم بدون مااشعر سافرت وياهن لبعيد صوت شاهين فززني من عالم الخيال
رحت بسته وشلته خليته بحضني
ماادري شوكت نام ونمت وياه من التعب
گعدت الفجر صوت المؤذن اليمنه يأذن
رحت غسلت وتوضيت سنعت صوت فهد يكبر
صليت ورحت يمه
گعدت امي وخواتي وصلن وبدن يحضرن
شغلهن شفت الولد نايمين وهالمره بالصاله لأن كلهم متجمعين ولد اخواني وخواتي عدنه اريد اعبر من الفرشات ماكوو
صحت گوموو ولكم انه العريس گاعد انتم ليش نايمين گوموو هوسولي يلله
گام ضرغام يضحك گال دگول ياالله بعده ابوي يكبر تريدنه ندبچ هسه

..ابوك يصلي اله والامة محمد كلها يخوي صليت وگضيت وهوه بعده يصلي الأمه والأبوو ضاء مافي الذمه مدري هديه مدري شني الله اليعلم
ندست علي كوم ولك گوم

طلع كرم من غرفته
شافني وضحك انه ماشايف هيچ عريس دگعد استچن تثگل علينه عود تتأخر واحنه نگعدگ

..وليش اجذب متوازي مو زين نمت من الفرحه انه

صحت امي ام شيخه يمه يمه
بروح الاعزاز تعاي غنيلي
ضحكت يايمه فدوه الفرحتك ادلل بس ماصايره هاي عاد خل تطلع شمس

..لا شلي بالشمس هيچ اريدچ تغنيلي حتع اسمع منچ من تلتم النسوان كلشي مااحصل اطبع وانه ماسامعچ تعاي

التمن خواتي يضحكن گالت يمه والله بعدني حته مامتريگه وارعش من السكر ماافيدك هسه

غنت رباب وماصدگن وفاء ورباب وحده ترگص ووحده ادگ ع الباب

صاحت امي من المطبخ
سعاد عليج الله علي صوتچ اريد اسمع تره اعوف الريوگ واجيجن

علت صوتها وغنت

  تلوموني شتردون مني يهل المجر
  فوك ضيم الله عليه اهل المجر

   فاتن من يمي فاتن
  سبعه من ضلوعي ماتن
 
يم ثوب اخضر نباتي
تسوين امي وخواتي
وحته ابوي الرباني
يلوموني شيردون مني اهل المجر

گتلها اخ وصلت للأبوو
لا مااريد هاي غيرها غيرها

فهد گال خوش متلگين صباح الله خوش ادعيه من الصبح ادري عدنه عرس بس مو هيچ
وانت من الصبح گاعد ادور غنه جا فاتح القرءان وداعي الله يوفقك بهالليله وراك زفه وعرس

ضحكت گتله ادري فرحان جاالله يعذرني الفرحتي ولايهمك هسه اقره الأيات الحافظهن
وهالليله موجديده عليه لاتخاف اخو فهد انه الظاهر مكتوب علينه نثني تنوعت المرت محمد گتلها ماباقيلنه بس محمد وهم السنه يردفها ان شاءالله

..فال الله ولافالك من الصبح

..ههههه درت على الولد يلله شباب شوفوو شغلكم انه راح انام ساعه واگعد حته ارتب روحي اول مناسبه ماانكرب بيها هاي

رجعت يم شاهين نمت ساعه وگعدت

مر اليوم بين الغده وانه وروحي وتحضيراتي الوكت يركض ركض
الضهر وديت كرم  هوه ياخذها للصالون
ومرت ساعات وصارت الزفه
لبست قاط نيلي وقميص ابيض الرباط ممااحبه ابد گوه لبسته مجبور
طلعنه للزفه واحس گلبي يريد يطلع
فهد وصه ممنوع الرمي بالولايه ممنوع وديرو بالكم تنكسر حچايتي ترجعون هنا وارموو فوگ محد يمنعكم بس هناك عالم هواي وماكو مساحات فارغه
وصلنه نزل فهد گبلي اخذها من ايدها وحطها بأيدي
چانت كلها مغطايه بأبيض مامبين منها شي
همستلها حبيبه الحمدلله صرنه سوه الله لايفرگنه عن بعض 
اخذناها وطلعنه امها وجهالها تأكدت صعدوو
رجعنه للبيت وصلنه البيتنه شفت كرم صعد فوگ يرمي حرگ الجوو حرگ
شفته من جام السياره
نزلت وانه حاير شلون اضمها من هاي الناس والدنيا المگلوبه
گتلها لاتخلين شي يطلع منج ابد امشي على كيف نزلي لأن البيوت المبنيه المضايف منعت افوت السياره جوه
ومن الباب الثاني مااگدر ادور لأن الطباخين هناك من جهة خوالي
نزلتها وشديت ايدي على ايدها مااسمع شي ولا مركز بالي كله يمها طببتها للبيت كعدت وياها شويه همستلها

..حبيبه نورتي بيتي ودنيتي لاتخافين ولاتتوترين انه طالع ارتاحي

طلعت يم الزلم سوو العشه وكملوو وهااساعات يمشن بطيء
گال فهد يلله راح نزفك العالم تريد ترجع لهلها وانت هم ارتاح يم مرتك
وده كرم ع النسوان يتحضرن
تقدمت كدامهم وفهد بصفي
ولد.عمي ولد اخواني يهووسون

بصاية حيدر زفيناه

ماانكر اكوو رهبه وشعور حلوو
كل هالاجواء ماعايشها ولا ابالي هيچ حلوه

فتحت الباب ودخلت سديت الباب وهمه ظلوو يهوسون يم الباب مستمرين
شفتها واگفه بستها براسها
..هذا الجمال كله الي ماچنت ادري بروحي هيچ محظوظ

..دنگت وانه اسمعه مبتسمه وخجلانه شعور حلوو حسيته وياه چنت اشوف بعيونه حب ماصاير ولا شايفته قبل
باس راسي وعيني وخدي
رفع جفوفي باسهم

..رفعي راسچ علي لاتدنگين ارتاحي
گعدي لاتظلين واگفه
گعدت على طرف الچربايه نزعت سترتي وگتلها بدلي ارتاحي

..شويه وابدل كوه طلعت مني

..لا مو شويه هسه ومن الأخر طلعه مااطلع من اطلع معناها خلص كلشي وانه بعدني بوسه طويله مابايس ضحكت وانه اشوف وجهه انخطف لونه
حبيبه بدلي مايحتاج اطلع والله وانه هااطلع حته لاتطول عليچ
گالت غمض شويه فدوه

..اغمض ليش لا غمضت عيني لحظات وفتحتها شفتها گامت تروح وره لچربايه مناك
گتلها بس انتي اكوو معلومه ماتعرفينها عني
شفتها فتحت طرف السحاب ومتحاره بي ماينفتح
گلت شنوو وهيه تحاول تفتحه
تقدمت عليها كتلها من انام لو اغمض عيني مايطبگن اجفوني اثنينهن لا بس واحد ينطبگ
صفنت عليه

..يا ليش

..تقربت عليها بسرعه .حته افتح البدله واشوف الجمال ضحكت بصوت عالي وانه اشوفها مصدگه الخدعه
وهيه تفاجأت بالسويته گبل لاتنطق حرف جريتها علي قبلتها بهدوء
وانه اهمس
مشتاق الهذا اليوم صار اشهر
وبهاي الاشهر ملكتي گلبي سنين ليگدام والگبلج سنيني مييته
اخذتها الحضني امنت خوفها وحسستني بالأمان الأمان الجنت فاقده استقرار حب وعاطفه
ملكتها وصارت زوجتي شركة عمري بكلشي
احلى الأوقات گضيتها وياها
بستها براسها واچف ايدها

..مرتاحه فرحانه مثل فرحتي
شفتها عيونها لمعت وهزتلي راسها

..جوابچ مامبينه مرتاحه بالچ يم الولد موو

..نزلت دموعي اي

..لاتخافين عليهم ماعليهم شي يم جدتهم ولو ادري بيج تخليهم يرجعون وياها ماارضا عليچ والله
انه هم مفارك شاهين اليوم تعاي بحضني والصبح همه يمج
بس غسلي حته نتعشه ولو انه اتعشيت وشبعت ومحتاج احلي شتگولين
شفتها توترت ضحكت لا حبيبه ادري بيچ جوعانه اكيد نتعشى وبعدها نحلي 

حوراء..

گعدت الصبح مالگيته يمي استحيت اطلع اريد اروح اغسل
اجت امه
سلمت عليه وتباركتلي وجهه مبتسم وجميله بشكل
عمرها مو مال عمه بس تحييرت شأكلها
ردت احجي وترددت گالت

..گومي روحي الحمام تره محد هنا مفرغين الطابق الكم ان والشيخ نمنه جوه من البارحه وهذا الاسبوع كله الكم لمن تاخذين راحتچ

..تشكرت منها وطلعت سبحت وانه ابالي اگول وين راح من الصبح غير يظل وياي قابل اني اعرفهم

رجعت وكفت انشف شعري ع المرايه وامشط حته اخلي مكياج
انفتح الباب شفت صگر والجهال
طاح المشط بيدي وانه مبهوته بشوفتهم عبالك سنه ماشايفتهم مو ليله شبكتهم اضحك فدوه الكم ياروحي
تشكرت صگر
گال يلله حته ننزل نتريك
نزلت واصعب يوم عليه هوه هذا اليوم عوائلهم هواي ماعرفت اي وحده ولاحفظت احد غير الشيخ وشيخه وعائلتهم واخته سعاد بس والباقي احسهم مامرتاحين الوجودي خفت منهم وخوفي على جهالي اكثر من اشوف جهالهم هواي وكل شويه عركه ومدافع

مرت الأيام ويوم احلى من يوم وياهم تعودت عليهم كلهم
حته الشيخ يشاقي ويضحك ومو من النوع المتكبر ابد
ضحكت وانه اتذكر ثاني يوم العرس من نزلنه
الضهر الشيخ گال الصکر

..بالله الله يرضا انه مهجر وانت يمي غارك بالعسل شيخه تگول عيب نصعد غرفتنه خاف نضايقهم
بويه شنهي انزز كاعكم قنع امك تلغي الفكره تره اهججكم اشوفك انت مثل البش كلساع ناكع وطالع تنشف وانه هنا راسي يم راس سبع وضرغام
اريد مريتي واريد انگع حالي حالك
خاف ابالك انت هذا الأسبوع عريس ومان علينه
انه بكل سنيني عريس

ضحكوو كلهم واني صرت بنص ثيابي مامتعوده على هيج شي اجيت ابجي من الحيا والموقف الصرت بي
شافتني شيخه هيج صاحتني يمها وغييرت الموضوع الضاهر هيه متعلمه عليهم
كطع صفنتي صوت صگر يحاجي كرم
بالتليفون وفهمت كرم مطلع جواز ويريد يأشر الفيزه
صگر كله گلت الأبوك
جاوبه لا استحي انت حاچي

..سهله انه احاچي عليمن مستحي ..ويامن تروح انت

..وحدي ويامن يعني

..لو اگدر جا رحت وياك اخذ واحد من جماعتك

..انه مفكر اخذ براق اعزمه على سفره وهناك احچيله كلشي

..اي خاف يحتاجلك عمليه مثل ماگال الطبيب اذا يحتاج سويها

..اسويها اكيد ماارجع الا وانه حال الموضوع لأن تعبت

..الله كريم الله يسهل

ظل بالي اسأل صگر بس استحيت وهوه حاول يغلس
گام من يمي ورن تليفونه وراه
رحت صحته گالت عمتي ام كرم توه طلع
لح بالأتصال وترددت ارد لو لا
خاف شي ضروري بس اني شعليه وارد
شويه ووصلت رساله
من الفايبر ظهر الاسم ع الشاشه
سجينة حبك
كاتبه
..مبروك يانور العين

يتبع ..

عذرني ع التأخير كتبته بتلاثه لأن الخطار طلعوو تلاثه الا عشره يعني صار دقايق كتبته
واذا اكو اخطاء غلسوو