رواية كسرة قلب الفصل الثامن 8 - بقلم نور الشمس

..دجله دجله وينج تعاااي هناا
الكل جمد بمكانه منتظرين الشيخ مايثور هيجبيناتنه
اذا اكو مصيبه
عيونه عليه وهوه بالصاله منتظرها تطلعله اجت تركض

..ها شيخ

..أنتي من شوكت تتواصلين وي عمامج

..اني ابد مامتواصله

..لاتخبليني واصله حدها محترمج الخاطر عادل احچيلي حته اعرف اتصرف

..بجيت والله شيخ مامتواصله وي احد مااعرف عنهم شي من سنين شلون اوصلهم انه

..لا اله الا الله ..شلون يعني الصدگ عدمن اريد افهم ولج عمج گدام شيوخ العشاير يگلي انت متزوج بتنه جبر وهيه تريدنه ننقذها

..مستعده احلفلك بكتاب الله مامتواصله وياهم
خليت ايدي على گلبي بس لايحلفني

..عوفي كتاب الله عوفي ووخري من يمي الحلف عليهم وهمه اليحلفون
لاكتني شهامه شكو شيخ شصاير

..لاتهتمين سوالف تعبانه مضمومه الي جريت حسره  ومشيت
طبيت الديوان وحاجيتهم بعلو حسي

..بتكم نكرت وانه مصدگها لأن ماكوو تواصل بينكم شلون تكولون هيه رادت منه ناخذها منك وتريد ننقذها

عمها ..والله ياشيخ احنه نحلف ابني اجاه اتصال من بنت عمه تريده ينقذها وانت ماخذها غصب

..مسحت لحيتي بيدي ماغاصبها على شي حگي اريده منكم تعديتوو على بيتي وانه شيخ حموله صوبتوني وصوابكم جتال انه حگي ما اتنازل عنه وبتكم الك انت تدخل تحاجيها وتسمع منها مو انه الاخذلي مره غصب
انه اخذتها لعيون اخوها صديقي ووكفاته هواي الي
عمها كال اشوفها وافهم
حاجيت صگر اشرتله يروح يصيحها واخذت عمها وگعدنه بمكان منفرد وهيه نكرت كلشي وعمها گال حكك يوصلك وبتنه دير بالك عليها غلطنه لاتحمله عليها
واحنه هم مانعوفها
طلعنه ويم الشيوخ گال احنه الغلطانين والله اليعلم منهو الراد يوگع بيناتنه
اتعذر الرجال وراح وانه ظليت بحيرتي مااعرف الصح ياهوو بيهم ومنهو هذا الهيج اتهمني

خلصت المشيه ورجعت للبيت صعدت الغرفة شيخه فوگ سبحت وبدلت واتمددت ع الجربايه اجت شافتني ماحجت بس تحججت بقراية ولدها وراحت
صار الليل ونزلنه عشه ولمه اباوع الصگر تليفونه كل شويه يدگ

..اكل وعوف تليفونك شبي مايسكت انت شنهي سالفتك

..شيخ لايظل بالك ماكو شي ربعي يشاقوني وگاعد نتفق عدمن ناخذ دروس تقويه

..خوش دير بالك على دراستك
خلص العشه واجو الولد يمي
حبيت اسالهم على قرايتهم ويومياتهم بالدوام وهنا
وسبع بحظني كل شويه شابكني
اجت دجله شيخ احضرلك فراشك بغرفتي ليش تضايق ام كرم تعال هنا نام

..حيل ضوجني حچيها ..ليش شيخه شكتلچ لو اجتهاد منج اعتبرتيني مضايقها

..لا شفتها نايمه يم ولدها الضهر

..انتي شعليچ بيها تراقبينه انتي

..لا بس..

..لاتبسبسين البيني وبين شيخه محد يدخل بي لا انتي ولاغيرچ مفهوم

..سكتت واستحيت من ولده كلهم باوعولي صاح صوت گمزني

..مفهوووم

..اي اي على راحتك

عفت ولدي وگمت اول مره احس روحي مجروح وگلبي مكسور صدگ شيخه كسرتني مو حلوه بحقي ابد تجي تنام يم ولدها
حته لو زعلانه تخلي هالشي بيناتنه وماتفضح علاقتنه
اليوم احچيلها كلشي وارد اشوف حلها

صعدت للغرفه وهيه موجوده متمدده على جربايتها بس وصلت يمها رفعت الغطه
هيه گامت جرت فراش وفرشته بالكاع

..شيخه تعاي احجي وياج عيب هاي التصرفات انتي شلون تنامين جوه وانه هنا ليش تبينين للكل انتي رافضتني

.گتلك تنساني

..كافي عناد وعيب انه زلمتج وابو ولدج وحبيبج كبل ذن كلهن تعرفيني وحافظتني اكثر من روحي لاتهينيني وتكسرين گلبي اكثر كلش كافي الصار گبل شوي شلون تنطين مجال الضرتج تستغل نقاط ضعفج

..انت الجبتها وهذا التريده انت اتحمل

..توقعتج اذكى من هيچ

..طول عمري ذكيه مافادني ذكائي اريد اجرب اتغابه

..لا اله الا الله ..تعاي خل احچيلج

..مااسمع شي

..بعدج تحبيني ادري ليش تعذبين روحچ وتعذبيني تدرين بيه عطشانج

..احبك بس انه وياك.انتهينه

..خل احجيلج وانتي بعد ظلت يمچ لاتخسريني شيخه من تخسريني معناها اخسر روحي

شوفي احجيلج زواجنه من طلب عادل مني اتزوج اخته وره يومين طلبت اشوفها على انفراد بعلم امها واخوها ابيتهم قبلوو اشوفها بحكم احنه اثنينه كبار وواعين
هيه عمرها ٣٨وانه عمري ٤١يعني مو مراهقين ونخووف ولان همه الي رايدين الزواج صار وكعدت وياها
واتفقنه على زواجنه يكون شكلي حته بدون علم عادل وامها

..يعني عمرها مو فوك الاربعين

..لا

..مبين عليها اكثر

ضحكت لأن مهتمه العمرها وتقارنه وي شكلها ..ماعلينه اتفقنه
مااتقربلها ووره الزواج بسنه اطلگها بس حته اثبت للناس هيه مطلگه واليتزوجها يعرف هيه مو بنيه

..والرمي الصار بليلة عرسك

..حته الناس تعرف هيه بنيه وبعد محد يلومها وردت اريح صاحبي باخر ايامه

..وشنو اليثبت كلامك

..مااحتاج اثبات كلامي هوه اثبات خلي ابالج لو متقربلها اگلج ومااخاف منج وحته اكون صريح مو بس حبج المنعني هيه هم ماردت اظلمها اتزوجها ومااحبها ولا احب اكمل حياتي وياها ماردت اعودها على شي تفتقده بعدين وتجي اطالبني بعدين ومتاكد انه مااهواها وردت  كلشي يكون طبيعي وماجنت ناوي احجيلج لان اجه ابالي تهينيها او تنشرين الخبر  بحكم غيرت النسوان تعمي بس هسه وصلت حدها وياج اريدج وانتي تبعديني والعرس هم جزه وكته بعد ماتحجين بشي ياذيها البنيه خاصتا عرفتي نيتي و هسه عرفتي علاقتنه شني  يتغيير عندج شي لو ابقه بعينج خاين ولازم تنسيني
وخلي ابالج الكلام بيناتنه وبس مايطلع منا ابد

..يعني گدام العالم هيه زوجتك

..اي لمدة سنه

..معناها مااتغيير شي الناس تشوفك متزوج عليه

..الناس تهمج اكثر مني

..يهمني نظرة الناس الي ومااحب العطف بعيونهم

..قوتج ماتخلي احد ينظرلج نظرة عطف

..انت ليش مااطلكها

..بشهرين بس صعب راح العالم تحملها ذنب ومجتمعنه تعرفينه وهاي وصية صاحبي لاتخليني اعيد الحجي كل مره

..وانت ليش شايل همها

..هسه جاوبتج وصية صاحبي

..صاحبك اهم

..لااله الا الله ..مامكربلها والله وراس كرم ابني وجبيري ماطاخها ابد

..ودلعها وبوساتها الك

..اعرف هاي بيوم الي اتصلت عليه هواي واجيت اشوفها فاجأتني ومن دخلت الغرفه رزلتها واجيت اطگها بس كالت رادت تحرك غيرتج عليه حته تقبلين وتصالحيني لأن تحس بالذنب تجاهي

..ضحكت وانت صدگت

..مايهمني اصدك او لا المهم انتي

..انه شني

..هسه ماترحميني وتجين يمي بعد ماعرفتي كلشي

..مادام كدام الناس زوجتك انساني

..جاي تغلطين صدگي ماراح اتوسل بيج اكثر من هيج

..تسوي فضل من تتركني وتنسه مكان غرفتي

..عفيه بنت عمي الله محييج اطرديني موو

..سكتت وطلع هوه عصبي

مانزلت انه الثاني يوم جان طالع مشيه  بغير محافظه
كرم كال ابوي طلب تنزلين هدومه العندج كلهن ينزلن جوه

..وين ينزلن

..بغرفته الجهزناها بصوابه

..صار هسه انزلهن

..يمه ليش

..درت عليه شني ليش

..ليش هيچ تسوين انسي الصار كافي اول مره احس ابوي مكسور واول مره يشكيلي

..يستاهل السواه بيه مو قليل

..تعرفين شني يكلي انطتني امل بصوابي شفتها متلهفه  عليه بس امك صدمتني
صح فرحت لان اعتبرني صديق اله وحجالي بس ضجت عليه وهيج الشيخ بعد حته محاول مايحاول وياج

..وره ماينفذ وعده وي مرته عود انه اقرر بوكتها لو اسامح لو لا

..راجعي قرارج لاتتندمين

..اذا ابوك شكالك واعتبرك صديق اله مو معناها كبرت وصرت اتعلم امك

..مو هيج يمه عذريني 

..روح كرم طول عمرك.ابن ابوك وشيفكر انت مثله
عفته وصعدت الغرفتي مااكدر اتقبله كل مااتذكر ذيج الليله والصار بيه اكرها بوكتها وبعدهتا ارجع احن اله
مر اليوم واجه بالليل حضرتله عشه گال مااريد اريد انام

طلعت اشوف امي اليوم اجت من خوالي وبعده سكرها مو مستقر

كعدت ثاني يوم الصبح على صوت فهد يحچي وي امي ويشاقيها حضرت الريوك وجبته يمهم شرب جاي وكام

امي حجت عليه رجلج لاتزعلينه مبيين ماله خلك حاولي ترجعينه الج هاي مرته ماميت عليها مبيين
ماحاجيتها بس حسراتي جاوبنها

مر يومنه بين شغل الصبح وجية البنات
وسوالفهن وضحكهن

وبين فهد الماادري بأخباره

صعدت متأخره الغرفتي سبحت وطلعت ع السريع لابسه ثوب قصير لونه چويتي
ذبيت الروب العليه وفتحت الضوه يا هاي منو مطفيه بعد وكته فتحته شفته متمدد ع الجربايه وعينه عليه فزيت

..فهد شجابك

..جابني الشوگ

..انت مو طبيعي انه شگتلك

..حجي اللسان مايمشي على الگلب ورادته ادري بيج ترديني مثل مااريدج
گرب عليه ولزم وجهي بينه جفوفه

..حبيبة فهد انتي ..وروحه ..وگلبه ..وكل حياته وعمره ..
چان يهمس همس
غمضت عيني مستسلمه حسيت شفته لمست شفافي
استسلمت اله ثواني وفجاه اجت ابالي فكره نفس الي يصير بيه والحاله الهوه بيها تصير وي غيري وي ضرتي
انعاد عليه شريط ايام عرسه فجاه دفعته حيل وبعدت من يمه

..انت نسيت انه شگول الك كل ماتجيني

..مااتوقعتج هيج حقوده وگلبج اسود شيخه مو هاي الي حبيتها بعد مافهمتج واقسمت الج مامتقرب الها تجاوبيني هيج سهله تدللين اصلا انه استاهل

..شفت عيونه صارن دم وكوه جر نفسه ابتعد عني ويرفع شعره بايده يرجعه للخلف سهله شيخه مو صوجج صوجي بعد هاي تصرفاتج لاتعتبين علي

..عفته يطلع متأكده مايعوفني ومرته مبيين مو رايدها هوه لو رايد مييت عليه الخاطري مايگرب الها

ثاني يوم الصبح نزلت شفت صكر متاخر ع الدوام

..ولك يمه گوم عندك درس خصوصي ناسي انت امتحاناتك گربت

..گايم يمه صباح العافيه على عيونج

..صباح الورد ع الورد
مر فهد من يمنه هز ايده وگال الصگر الله ربك ناس تتمنى الدلال وناس تفوي بي

ضحكت على حچايته وطلعت
اشوف باقي جهالي وخلص يومي على هالروتين
بس اشوف هالايام دجله متغيره تصرفاتها وحته لبسها معدلته الالوان قبل جانت كلها تشعشع هسه تلبس الوان حلوه والمحيرني منين تشتري وومنين تفوت غراضها الداخل البيت بس صايره تجيب كل الألوان الي يريدهن الشيخ عبالك واحد يغششها بشني يحب وشني يكره

مر شهر اكثر ونفس الروتين وفهد مشيات وطلايب وشغل
وكل مايريد يتقربلي ابعده احس گلبي مامرتاح
حته ارجعله ماكو شي يوخر الحسره البيه

بيوم بالليل نزلت عطشانه وشعري محلول ولابسه ربع ردن متاكده الولد نايمين وصكر شفته ساد بابه ونايم من زمان
نزلت على كيف اريد ادخل المطبخ

سمعت همس

..ليش ماتجرب حياتك وياي ليش رافضني حرام عليك انه هم مرتك ومحاسب كدام الله الي حقوق يمك

..تنهدت لا اله الا الله ماغشيتج انه بنت الحلال متفق وياج على كلشي من البدايه

بيدي كلاص مي مااعرف شلون طيحته نزلته وياي اريد اخذ مي الغرفتي هوه والدولكه طاح الكلاص من ايدي
طلعت هيه من المطبخ شفتها لابسه ثوب نوم بس مخليه مثل الشال على متنها من دخلت تفاجأ هوه بيه وانه دموعي تصب اريد اوكفهن ماكو

قرب عليه جيتي بوكتج محتاجج واريد انام مااكدر
ارحمي حالي يصير اتخيلج يلله انام وانتي بيني وبينج بس درج
جانت ظلمه مايشوف دموعي
دفعته عني وشهگت
..ميل عني لاتگرب

..انتي جاي توازيني الشي ابد مااحبه وكل مره اگول بعد مااكربلج وارجع انتي مني وكل شويه ذالتني محد غيرج كاسر گلبي والله حرامات حرامات وصلنه لهنا

..كسرة كلبي مو شويه

..روحي وخلي عنادج يفيدج
طلعت من البيت گعدت بره دنيا لليل وماكو احد محتار افكر انه شني السويته ياربي
كل السويته دين ورجعته الصاحبه سترت بنيه وانت توصي بالستر
مرتي احبها ومامقصر وياها تعاقبني على شي مابي ذنب يمك بس عند المره اكبر ذنب شرحتلها وفهمتها وماتفهم شسوي ياالهي
صافن وافكر بروحي وحالي وشفت صگر اجه من بين النخل
گمت الحيلي وانه منا روحي محتصره

..ولك انت وين جنت مو على اساس نايم امك تكول نايم شطلعك بهالليل

..شيخ لاتصيح انه افهمك

شيخه ..

وره ماصعدت وانه افكر اريده بس كرامتي ماتسمحلي لازم يطلكها كبل السنه لو ينتظرني الناس شمدريها بي مايجيسها وانه مااريد كدام الناس ماخوذعلي مره وتنحسب ضره

جاي افكر واسمع صوت فهد رج البيت رج

خليت ايدي على گلبي دخيلك ربي شني الصار

يتبع ..
اسفه للتاخير بس النت جان متوقف يمنه هسه يلله جتي الشبكه 
البارت بدون مراجعه انصدموو بالسحگات ههههه