رواية كسرة قلب الفصل الثامن والثلاثون 38 - بقلم نور الشمس

❤ عيد سعيد وكل عام وانتو بالف خير ❤
  ينعاد عليكم بالصحه والسلامه ويحفظ احبابكم
هذا عيديه الكم ولو تأخرت بس والله مشغوله بشكل وقتي كلش ضييق

              _________________
    

فيصل ..شوكت خطبتوو منين العروس شني السالفه غير نفهم

..ماخاطبين وعقد عقد منقطع بس علنت حته من نخطب اله محد يرفض تدرون اقرب الناس اله مارضوو ينطونه عيني على محمد وحچيت هسه من يريدله وحده لو بنت الباشا اخذها اله

محمد..بعدك ماناسي السالفه ولايهمك بناتنه موجودات وخل يفوت ويتخيير

..بكيفه باليهواه گلبه  بس بناتكم انطوهن لاتعطلوهن بعده هسه يدرس خو مااتانون سمچ بالشط مو هيچ گتلي گبل شكم سنه حچايتك هم بيها صحه
درت على صگر خابره الي خل احاچي

صگر..
اول مره اشوف فهد يستفز اخواني وحسيتهم ضاجوو حيل بس ماحجوو شي الحگ وياه
خابرته
..رن مره مرتين مارد
گتله شيخ مشغول ماجاي يرد بعدين يخابر
محمد ظل فتره گاعد بس حيل ضايج مبيين يمكن ضوجته لأن الشيخ ماناسي كلشي وخجله كدام الكل ويمكن مقهور على كرم بعد ماحس بغلطته
وليش ماانطاه فرصه صح كلشي قسمه بس هوه استعجل وجان حجيه وي فهد بوكتها مو بمحله
اترخص من الشيخ وطلع وفيصل هم وره شويه وطلع ظلن خواتي باركن الفهد وأمي وطلعن
حوراء مثل الاطرش بالزفه تريد تعرف شصاير ماتعرف ولاتگدر تسأل گدامهم راحت للمطبخ تشتغل وانه يم الشيخ ظليت.. متانين كرم يتصل  اتصل وحاجاه فهد جان فرحان كلش
خليتهم براحتهم وطلعت سمعت شاهين يبچي
رحت اشوفه لگيت حوراء مرتبكه وتغسل الشاهين
.. فدوه لاتبسطه والله بسطته وادبته مايدري بي اجه يركض وترادموو جانت تغسل بحلك شاهين شفته طالع دم وتحچي على ابنها رضوان
اخذته منها جيبي خل اشوفه بعدين ابسطمن ماعيب عليج هيچ تحچين شايفتني جاهل كدامج شني فرقه عن شاهين جهال ماعليهم شي جيبيهم وياج وتعاي
اخذت شاهين وصعدت
وهيه صعدت وي جهالها گتلها خليهم يلعبون سوه ماعليهم لاتعاتبين ولدج عليه لايغارون منه وابالهم حبيتي اكثر خليهم يلعبون ماعليهم شي

گالت عادي اسألك سؤال

..كرم شنوو شوكت عرس وياهي مرته وليش الاجواء متوتره بجي ورمي وناس اجت وراحت شكوو

..ماكوو شي انه افهمج حجيت بس مادخلت بالتفاصيل بس فهمتها
سمعت فهد صاحني نزلت جوه انطاني تليفوني وگال اربع ايام ويجي كرم

فرحت بي وبذاك اليوم طار النوم من عيني گاعد للصبح
وره يومين 
بقينه منتظرين تحليله بس گبل لايجي بيوم
خابرنه كال كلشي تمام وحته عقم ماعندي والنسبه كلش زينه
بيومها فهد بانت فرحته اكثر وطلب ذبايح ومن الشارع وزعهن فده
وگال هديته وفرحته كنوز الدنيا ماتكفيها
بس اول مايجي يبدل سيارته
وينطي سيارته العلي
وعلي ماصدگ گبل لايجي كرم استولى ع السياره واخذها
ثاني يوم الكل متحضر الجيته حته محمد وعائلته وفيصل ونسوانه وبناته والولد الكل ابيتنه
رحت انه وعلي للمطار نستقبله
واول ماوصلو هوه وصاحبه رحنالهم سلمنه وعزمنه الولد ماقبل گال امي وحدها ومشتاقلها مااكدر اتأخر تعذروني رجع ويانه كرم والطريق كله ناصبين عليه
كتله خوش تلگه ابوك مسويلك خوش استقبال

..هههه مشتاقلهم امي وابوي انه طاك كلبي على شوفتهم

..لاتجذب يخوي بحالهم انت بس صدگ نسيت اگلك
الكل منتظر يباركلك عريس بدون عروسته

..ها ليش صدگ تحچي شمدريهم همه ولك بس لافضحتني

ضحكت انه وعلي جاوبه

..يافضيحه انت شفايتلك لو صكر حاجي ولك ابوك جر اسلاحه بليلتها خلصله شاجور لم امة محمد والشيخ بنفسه يرمي خله الناس كلها ابيتنه عاد هوه ابوك ماقصر برر موقفه وگال شگال هوه؟ كله صكر

كرم..خايب ماتحچي شگال

علي..گال الليله عرس كرم

كرم ..بربك تحچي صدگ لو ناصب علي

علي ..لا والله احجي الصدگ

صگر..وتعال شوف الوجوه انه اول واحد انصدمت

كرم ..ضحكت من فرحته ابوو كرم خلوه يستاهل الفرحه فرحت هسه اكثر من دريت بي هيج مسوي براحته شيگول خل يگول بس لو مدبريلي عروس حته لو كد ماادخل عريس جاي ايد وره وايد كدام هاي وين لاگينها هههه

صگر..عمامك گالوو خل يجي ويتخيير

كرم..لا لا ابد لا اجي ولا اوصلهم ماقصروو بناتهم الهم الله يستر عليهن

علي..شوو ماراضي جنك

كرم..مااريد كلشي منهم يظلون عمامي احترامهم واجب وبس
وهسه خو مالگه العشيره بالبيت

صگر..من الزغير للجبير دبر روحك عود هههه

..هههه هذا هوو ماكو اشكال افرح بفرحتهم

وصلنه للبيت الكل موجودين صح بس سلمت وفتت عادي حالها حال اي عزيمه عدنه
عمامي سلامهم اختلف هالمره وبدوو يلمحولي على بناتهم والعرس وجان جوابي بعد كدامي تلث سنوات دراسه ومو ابالي زواج

شيخه ..
بيومها حوراء شالت اكثر الشغل خته تخليني ارتاح صارت خالها حال ولدي من احن حموواتي ونسوان حماي من شافنه هيج ضاجن
كاللها شني تصيحينها يمه غير مرت حماج هيه
جاوبتهم مادام ابو شاهين يسميها يمه اني وياه
والوكت كله يضايقن بيها لمن حجيت عليهن وطلبت منهن ؤسكتن يلله وحته سعاد ورباب مارضن كالن الوفاء ومرت محمد شلجيتي وياهن
مرت محمد چانت كلش زينه من صاحبت وفاء صارت مثلها ولاجن ذيج اخلاقها وحته مرت فيصل مثل الحيه تگرص وتضم راسها تذبلها حجايه وتسكت وتخليهن يچلبن بيها
من طبوو كرم وصگر عفتهن ورحت اتلگيت ابني وره فتره من رجعت لگيت حوراء تمسح دموعها
گتلها شبيچ ياهو وياج
گالت ماكو شي
وفاء گالت محامي انتي الها شعليج بيها
چنت فرحانه ومااهتميت الهن تركتهن بس ظل بالي يم حوراء طب صگر من شافته من بعيد غسلت وجهه وي طبته هيه تنشف بوجهه سلم على خواته ودارلها
..حوري شبيهن عيونج
.ابتسمت اله من ااصابون طب بعيوني

..جا وجهچ هم يرادله صابون غير بحفنة ماي يلمع

..ضحكت ونسيت كلشي وامي شيخه ضحكت
وخواته هم من صعد صاحني تعاي حضريلي الحمام عركان ومحتر
صعد وطلعت وراه ارد اروحله

..وفاء گالت يلوك للعروس تحضر حمام جااستحيتي مخلفه منه اثنين ونسيتي وصرتي تتماوعين يم صگر ادفنن الزلم منا وتلگن منا امهات الحظ الگاعد
سمعت صاحن عليها
مشيت بسرعه ودموعي تمطر خليتله الملابس على يدة الباب وگتله امي صاحتني مااگدر اظل عدنه شغل گال روحي هذا هوو ماقصرتي
نزلت حته لا يشوفني

بنزلتي گالت شوفونها مو اكلچن گادره وتتمسكن راحت ذبتلها دمعتين يمه وهسه يجي يهلهل

باوعتلها ..انتي شبيچ وياي شمسويتلچ انه والله ماحجيت ولاكتله ماگلت والله نزلت دموعي اردود شكد اكره عيوني الفاضحتني عبالك جاهله بس ابجي شلون اخذ حقي مااعرف
امي گالتلها اذا ماسكتي اصيح فهد هسه والله خلني فرحانه بسلامة ابني ولاتسوون طلابه كافي
سكتن وكمل يومنه گبل لاتطلع رادت تاخذ اكل الرجلها وولدها باقين ابيتهم
وكفت يمي
ام ارجوله ناوشيني علاگه ضحكن نسوان اخوها وجاوبنها والله عليچ سوالف
ظلت بگلبي حچاياتهن وصعدت الغرفتي

كرم...
من طلعوو رحت لامي چانت واگفه ع الطباخ تخدر گهوه الأبوي اجيتها من وراها حضنتها شلونها الغاليه
مشتاقلج يمه فدوه الطولچ اروح

..بعد امك وكلبها مو بكثري كروم يمه دورلك وحده منا منا بين ماتدرس وتتخرج كون انت عارف كلشي عنها ومقتنع حته ازوجك يانور عيني وفرحة گلبي انته يمه مو تزوج ماناوي تظل هيج طول العمر موو

..ضحكت لايمه ليش اظل اتزوج ان شاءالله بس مو هسه من الگيها ومثل ماوصيتي اعرفها واحبها اگلكم عليها

..چا خوش شوفهن زين بنات عمك وعماتك

..لا يمه لاعمي ولا عماتي مااريد منا بعد خلوني على راحتي

..براحتك اهم شي بقناعتك

..ان شاءالله

بليلتها گعدنه احنه الشباب وحدنه بعد ماصعدوو امي وابوي ومرت صگر هم والجهال صگر سألني عن تجربتي وي الزواج المنقطع وهوه يدري شگد انه كارهه قبل بس اضطريت وسويته گتله مثل رأيي مااتغيير شي مااشوفه صالح بس للي مضطر علي واغلب الي يسووه مايهتمون التفاصيله عوفنه من الحلال متأكد هوه حلال ومسنود بروايات قويه بس 
انه عن نفسي اشوفه غلط ويدمر المجتمع والرجال راح يحس فرق يعني انه مامتزوج وانت تفهمني المتزوج قبل يطلب اكثر اهتمام ودلع ومن هالسوالف انه مامتزوج واشوف هواي فرق بينهن وبين بنات البيوت الي متربين ع العيب والحرام والمايصير والي تجهل كل معلومه عن هالموضوع
انه ولد وحسيت الفرق رغم بعدني مامتزوج بس اكو اشخاص متزوجين من يشوفون هيج ماتكفيهم زوجاتهم مايلگون الي شافوه بغيرهن هنا يصير ضرر
واكثرهم ينسى فرق التربيه والبيئه والتجربه راح يتركون زوجاتهم ويميلون الهالدرب
هذا رأيي مااتنازل عنه مهما صار والي شفته اكدلي
يعني انه تزوجت هالمره
من اتزوج ماراح انتظر من زوجتي نفس المعامله اكيد مخلي ابالي الفرق وحاسب حساب الكلشي بس الأكثريه مراح تعذر ولاتفرق لذلك يرجعون الذاك الطريق وهذا مو بصالح العوائل

..هم صح
هسه گلي شعجب ناوي تروح البغداد وبعد دوامك مو بادي

..مو هسه ارتاح اسبوعين واروح عزمني براق على عقده واكيد اروح قبل يوم او اكثر حته اساعده لان ماعنده احد اخوانه مسافرين

..شعجب مستعجل ابن بغداد اعرفهم مو من وكت يعرسون الا يتخرجون ويتعينون يلله

..بنت عمه يحبها من الزغر وهسه بس يعقد والزواج اخر مرحله بس راد يعلنها رسمي

..الله كريم يوم الألك ان شاءالله ونفرح بيك
صعدت لگيت حوراء تبچي

..شبيچ ليش تبچين
زاد بجيها اكثر غير افهم شبيچ احد غاثچ شبيچ

..مسحت دموعي مابيه شي والله امي مريضه وارد وبالي يمها

..حبيبه من الصبح روحيلها جيبيها وياج ترتاح وانتي تخدمينها شوفي حاولي تقنعيها ماباقي البيتنه اقل الشهر ويكمل وهناك تجيبينها يمج وترتاحين
مسحت دموعي وانه فرحانه باهتمامه ابتسمتله
..تدري شگد احبك

..هاا هاي وياي تحچين شگد بالله

..بگد ماتحسب حساب الي والجهالي والكلشي بگد الدنيا والبيها

..جريتها عليه وشعندي انه غيرچ گولت امي ام شيخه احبل اجيب
على طاري الحباله اريد ابنيه منچ

..ضحكت بس لاتسميها اسمائكم المعروفه

..لا حاجز اسمها من زمان اسميها نبأ شرايج

..دفعته بقوه دوخر عني والله اگلب الدنيا عليك مو عبالك اسكت اصلا حته ابنيه بطلت مااريد

..افداهم بروحي اليغارون اركدي اشاقيچ لو صارت انتي سميها بكيفچ

کاعد احچي اندگ باب الغرفه سبع كال زلم بالديوان وياهم مره ومتانينك بالديوان ابوي گال صيحه

..ولك بيش الساعه هسه هيه مال ديوان دنيا نص الليل

..ماادري بس يردونك
..شفتهم انت

.. اي بس المره ماشفتها منزله راسها

نزلت انه اصلا بعد مامبدل
حاچيت امي وكرم شكوو ياهوو يم فهد

..امي سكتت وكرم يدگم بدشداشته گال على كيفك هدي خل نروح سوه بس عليك الله برد اعصابك لاتثور يمهم وتفشل ابوي

..هوه غير اعرف شكوو تره اعصابي تلفت

..ام شاهين جايه تشوفه

يتبع ...