رواية كسرة قلب الفصل التاسع والثلاثون 39 - بقلم نور الشمس

..ام شاهين جايه تشوفه

..لا اله الا الله وتالي وياها ماراح اخلص انه ..وين جانت هسه جايه تشوفه وبهالليل حلمانه شني

..دخلت سلمت وبسلامي صارت عيني بعينها شگد اكرهتها وصرت اشوف ذاك الجمال قباحه
فهد گال تعال اگعد واسمع منهم

..شيخ انه منهم كلشي مااسمع ولا اريد اسمع وخاصتا هاي حچايه وحده ماتنطق صوتها مااريد اسمعه انت احچيلي همه شرايدين بهالليل

..تريد تشوف ابنها وتگول صار اشهر ابجي واليوم ابوي يلله وافق يحاجيكم

..وين چانت هيه تعرفه ابنها هسه من تشوفه بشارع بسوك تعرفه وين جانت من شمرته وهوه طفل نفاس ماراضع شي من صدرها ولا مفكره تنطي شي حته حليب مامجهزته وهيه تعرف راح تشمره علينه وين چانت اريد اعرف انه انتوو هم عدكم ....تنهدت وسكتت الحجي بعد ماينفع وانه هم مااكدر احچي انتوو مهما يكون بضيافتنه وكاعدين بديوان الشيخ ومايجوز بي بس الحچي الموزون والي بخاطري احچيهن كلهن شينات راح ابلعهن مثل مابلعت غيرهن مو الخاطرج ولا الخاطر ابوج لا انه احترام النفسي
اهلنه يگولون لحيه احشمها ولحيه احشم لحيتك منها
وانه اريد احشم روحي عنكم ولد ماالج يمي من تشتاقيله اتذكري هوه نفسه الذبيتيه وهوه ابن يوم
نفسه الماردتي تربينه حته لايشغلج عن  محبوب الگلب  نفسه العفتي واتزوجتي وره شهرين هوه نفسه
شني الخلاج هسه نحبينه وحله بعينچ

..ابني مو بكيفك تمنعني

..صحت لا بكيفي واريد اعرف ياكيف يمنعني ابنج التحچين عنه ماسهرتي عليه ليل ولا گعدتي ليله تراقبين صخونته خاف تزيد
كلهن انه سويتهن ذني ودموعي چانت تصب عليه ليشي ختلف ع الجهال ليش ماكو ايد ام ناعمه تحضنه
وتشوف حرارته وتحتوي
ليش وليش وليش

فهد..شفت عيونه لمعت وتاثر وهوه يحچي خفت عليه يضعف گدامهم وهذا مااراضاه صحت صگر حچيك وياي عوفهم همه ام تريد تشوف ابنها خلها تشوفه الوجه الله

..شيخ تره حته الله مايرضا والله ميرضا الله خلقنه كلنه وكل شخص عنده شي يقدمه هيه شقدمت من امومتها شنطت حته بالمحكمه تنازلت عنه

..ميخالف اعمل باصلك وجيبه تشوفه

..ماردت اكسر حچاية الشيخ ابوها وخوالها اثنين گاعدين ماحجوو شي ينتظرون الشيخ هوه يتصرف
كتله هوه نايم ولو ماتسوه اگعده من نومته الخاطرها بس خل يجي صگر يجيبه الكم انه بعد ماعندي شي وياكم وخلي ابالچ هذا اخر يوم تجين هنا على شاهين مو اطردج بس اذا تردينه الچ بالشهر يوم ساعه مو اكثر ساعه تشوفينه وترجعينه

طلعت واسمعهم يحجون ويتشكرون
صعدت بوسته وكعدته انطيته الكرم دايخ كوه يفتح عيونه
تنهدت احس همومي رجعتلي خليت ايدي على وجهي ورجعت راسي
وتالي وياي رحجعت دعاء وصارت ام براسي
وين جانت ماخلفت مانسته
بس الوجه الله ميخالف كلشي يهون مو الخاطرها الخاطر شاهين خاف من يكبر عباله انه مانع امه عنه

حسيت ايد انمدت على اديه سحبتهن
شفتها حوراء
ظليت صافن عليها منتظر منها زعله حجايه تكمل المغثه البيه

..صقر لاتهتم السويته صح الخاطر شاهين مهما يكون هيه امه وكلش كافي تعب الحمل والولاده يخليك تقدر امومتها

..هيه الماقدرت مو انه ..انتي مو تشوفين روحچ وعبالچ كلها مثلچ ايام واراقبچ ماتنامين لمن تنوميهم يلله تجين وترتاحين وتمدين ظهرج ونوبات عبالج انه نايم تتسحبين تراقبينهم وتغطينهم وتجين ماادري ليش تخفين اهتمامج بيهم عني بس هذا اهتمامچ زاد حبچ بداخلي اكو ثقه چانت معدومه بدت ترجع بروحي وتصرفاتج خلتلي امل ارجع اشفا من جروحي
انتي ام صح غيرج والي يتصرفن عكسج جرم تتسمه ام ودعاء منهن
جاي احچي وسمعت صوت شاهين يصرخ اريد اكوم انفتح الباب جابه كرم وهوه يبجي بصوره هستيريه
گمتله اخذته وبوسته شبي شسوتله هاي

..شبيك صگر شتسويله يعني اصلا ماقبل يروحلها ولأن اخذته كوه تريده بحضنها شبع بچي وحاولت تسكته ماسكت اتهبل وابوي گال ودي الأبوو يسكته
اخذته وانه احضن بي انت هم ماحاس هيه امك حقك شني شفت منها

بيومها اخذته الحضني ودي اخلي بين ضلوعي اقربه الگلبي احمي من كلشي

ثاني يوم گعدت وهوه بعده على نومته گعدت من وكت اريد اشوف العمال ماباقي شي ويخلص البيت وعندي عوائل بالمؤسسه يراد نجهزهم للشته گبل لايهاجمهم البرد فجأه
بوسته ونزلت لگيت امي وحوراء گاعدات رادني اتريگ مااشتهي شربت جاي واجه فهد مبدل يريد يطلع عنده مشيه ابغداد رايدينه ولد من عمامنه هناك متعاركين وجايين يمشون عليهم ولازم هوه موجود
حاجاني وگال خل ابنك يعرف هاي امه وهءا وضعها عوده يشوفها حته لو كبر مايكول حرموني منها سوي العليك وخلها هيه وربها اليجازيها
جاوبته ونعم بالله ومشيت اكمل شغلي

كرم ..
رحت البغداد قبل العقد بيومين
اشترينه الملابس سوه اني وياه وكل التحضيرات اخر يوم گتله اتفرغ النفسك وانه كلشي يردونه الاهل اجيبه ولان هواي اروحلهم يعرفوني زين امه واخته ابد مااتحرجن مني عادي يطلبن شني يردن
الضهر ماباقي للعقد ساعات بس رحت البيتي بدلت وحضرت نفسي وكملت واني راجع بالطريق خابرني براق

..الوو لك هاي وينك اتأخرت حبي هيانه بيتك شدعوه هالگد طولت

..ولك ياهيانه بهاي الازدحامات ولاجنك كاعد ابغداد يتراوالك يم اخوانك باوربا رايد شي يبعد العين گول اليوم المعرس يامر ويدلل

..ههههه حبيبي كروم كلشي متوقف على جيتك اني مشغول ولازم اروح اجيب الشيخ اليعقد النه وانتظرك شاهد وشسمه رايد بمهمه من نوع ثاني

..ههههه بيها شسمه انطقها كول

..رايدك تاخذ الاهل توديهم قبلنه البيت عمي حته نروح احنه اخر شي

..ولو انتم عدكم كلشي عكس بس من عيوني تدلل غالي والطلب رخيص

..هههههه لعد متگلي شنو الصح عدكم

..ماكو غلط الاثنين صح بس احنه عدنه يرحون الزلم ومن يتفقون على حاضر غايب وكلشي يطلعون ويبقه بس العريس واخوانه يجن النسوان يعقدون ويبقه العريس والباقي يتوكلون وها اها سده لأن وصلت المدخل قريب ع المدارس انه

..ماكو فرق زين واصل اعتمد عليك يعني اروح

..روح ولايهمك
رحتلهم نولت دگيت الباب طلعتلي الحجيه
..هلا كرم هلا حبيبي تعال اتفضل

..هلا بيج يمه حبيبه ماعندي وكت خليني اخذكم اوصلكم لاهل العروس هم يلله نطلع الأزدحامات
ونوصل ع الوكت

..اي يوم جايه معندي شي يأخرني البنات كلهم راحوو وخواتي همات تعرف هيه بنت عمه البراق وبنت خالته امعا اُختي تصير الأكثريه راحوو بقينه اني واروجه ارجوان تعالي يوم الاغراض اخذتهم امچ موو
..اي بيبي كولشي اخذت بس احنه بقينه بروحنه
شفته صافن عليه باوعت النفسي شلابسه اني اصلا ملتمزمه بديني وحريصه اكون جميله بس محتشمه شفت فستاني طويل وشالي ثابت حاولت اعدله واخفي اطراف شعري اخاف ظاهره
رحعت اشوفه باقي على نفس النظره سلمت عليه
مرحبا

..من شفتها سرحت بجمالها للمره الثانيه هاي البنيه ليش وياها انسى غض الابصار وحفظ الاعراض صح مااباوعلها بنظرة سوء بس كافي اسرح بعيونها وجمالهن وانه اشوف ابداع الخالق وملامحها الجميله معناها فتنتني ونظراتي الها موحلوه وماترضي الله ولا تليق بيه وبتربيتي الجامعه راح تصيرلي مرحله رابعه بيها الكل اشوفهم خوات واخاف الله بيهن انوب عرض صاحبي
صحاني صوتها گالت مرحبا

..نزلت عيني وكتلها كلا الهلا شلونچ

..تمام الحمدلله

صعدت بالسياره هيه وخالتي ام براق
طول الطريق عيني منها وارجع اتعوذ الشيطان شيخلصها وياي اليوم
وصلتهم ومن نزلن گتلها اي شي تحتاجونه گلولي

..شكرا خاالوو موجود ونگُله اذا احتاجك هوه يگُلك متقصر 
هيه فاتت وانه مستغرب روحي شبيه انه وحجيت هيج بس خيه عفيه عليها خوش صحتني
كمل العقد ورجعت وايام مافاركت خيالي
وهالمره اخذت وعد على روحي انسى كلشي وابدي من جديد بس خايف هم مو نصيبي يارب اذا مو نصيبي لاتعلق گلبي بيها
صرت اتحلف يوم بعد يوم بس ارجع اراقبها السنه هيه مرحله ثانيه هندسه تقنيه قسم اجهزه طبيه يعني اداوم ويانه نفس الكليه العام استحي اروحلها وي براق السنه بس يبدي الدوام ماراح افوتها اريد اعرف عدها شي لا يجوز احد مواعدها بزواج وهالفكره وحدها قلقتني
گبل ماافكر لاي شي لأن مااعرف شني وضعي

صگر ..
مرن شهرين بيتي كمل ماباقيله بس اثاث ونجهز على كيفنه لأن مرتاحين
بيوم كلنه مجتمعين خابرني كرم

..ابو الصگوور اريد منك خدمه

..ضحكت حيل لازم الطلب ثگيل صار شگد ماكايلها من صار شاهين
انه گدامك انت تامر ماتطلب

..مايامر عليك ظالم عندي بنيه وياي زميله مو اكثر وطلبت مني مساعده وانه مو گادر وحدي يرادلي حزام اشد بي ظهري وماكو حزام اقوى منك يشد ظهري ويقويني

..صارت بيها حزم وبنات كول ولك شنهي سالفتك

..تعال وانه احچيلك
سديته منه وانه اتذكر اول يوم شلون عاملتني وشلون استخفت بيه وبلهجتي وحته بأسمائنه
تذكرت ثاني مرحله بدوو شويه شويه يدخلون بكروبنه وبراق صادقهم الولد والبنات بدن شويه شويه يلتحقن بنفس الگروب چنت مامهتم الهم ورغم شگد رادوو اقزي ميانه وياهم واصادقهم واشوفهم ندمانين بس انه مااكدر الهسه حجيهم بأذني وانه بيه طبع مثل ابوي الاخذ منه موقف هذا هوو مااذي صح بس بعد نفسي ماتتقبله
وايام واشهر وصار سنتين صرت عادي اسلم واضحك ونسولف بس مااعبر هالحدود يعني داخل الكليه بس حته ارقامنه مامتبادلينها وبس اني مامختلط بيهم همه يعرفون السبب بس مغلسين يحاولون او مكتفين بهالحد من الصداقه

تذكرت البارحه جنت مييت تعب الليل كله اقره مشايف النوم غير ساعه وربع بس
الحمدلله تعبي ماراح وجاوبت گعدت بالكافتريا مرجع راسي ع الكرسي ومغمض احرك اصابعي بحركه دائريه مركز ع المناطق التوجعني
سمعت صوت شهگات يمي
فتحت عيني شفت رفل ويمها قمر تكلها حاجي شبيچ احنه شنو اتفقنه عدلت گعدتي
سلمت قمر
شلونك كرم
..هلا خيتي هلا بيج شكو شبيها رفل شصاير

..حاجتها قمر احچي فله گولي

..شتحچي رفل شبيچ رايده شي اگدر اساعدچ

..فدوه ماعندي غيرك والله اموت مستقبلي يدمر فكرت انتحر وقمر شارت عليه اجيك اخر حل وبعدها ماادري اذا ماكدرت تساعد انتحر واخلص

..شبيچ شصاير غير افهم

..تعرف علاقتي بقيس

..تنهدت اي اعرف شبي قيس شسوه
ظلت تبچي بقوه قيس يبتزني بالصور الي عنده ويريدني اطلع وياه الشقه حجتها وگعدت للگاع تبچي
ظليت اتلفت

..كومي يمعوده فضحتي روحچ شبيچ ياكل تبن هالعار اطلعين الشقه شني وياصور الي موديتها انتي اشبيچ ماتگليلي ياعقل الطلعتي بي طبيه وين اكو شريف يطلب صور ماشايفج هوه مو يمچ ويعرفچ انتي شني
سكتت وانه احس روحي جزء منوالصار الها لأن يوميه اريد احذرها منه وغروري مايسمحلي احاجيها يوميه ارد اگلها دربه مو زين واتذكر شلون انتقصت مني واكول خلهاوتعرف الناس على حقيقتها وخل تشوف المثقف ابن الاكابر واخلاقه
محيل ضجت من روحي كتلها اهدي وانه ماخليچ لاتخافين
..مسحت دموعها وهيه تشهگ صدگ تحچي كرم فدوه اروحلك صدگ يعني لك حته حسن واصدقائي التعرفهم حاسبتهم اكثر من اخوان اتبروو مني وگالولي الغلط منچ دبري روحچ يعني أمّن بيك مراح تعوفني

..امني ماراح اعوفچ بس قيس مو سهل ماتعرفينه انتي
هسه ابقي على تواصل وياه وكل معلومه وصليها الي

راحت هيه واحس راسي يريد ينفجر

خابرت صكر ثاني يوم اجاني وهيه گالت اليوم الضهر لقائنه يريده بشقه بالكراده اروحله وهددني عنده نسخ وماادري شلون تفض

.مالچ علاقه بس گبل لاطلعين گليلنه وعندي لاقطه انطيها اىج خليها بالسياره وحاولي اطولين وياه بالمكالمه وفتحي سبيكر  استدرجيه يهددج وينطيج العنوان بصوره موضحه حته نروحله
وراچ وتصير دخلتنه سوه

..سديته وكتله يلله صگر نروح

..نروح ليش لا صيده واجت للحلگ صار هواي مامبرد گلبي بواحد دوني
اخخ كون يدري بينه فهد جاكال هاي سوالف صكر وورط كرم بيها مايدري بيك راس البله

..ضحكت وانه احضر سلاحي الي جابه صگر وياه وهوه هم يحضر بدلنه وطلعنه منظرين العنوان منها

شويه واتصلت بيه ظليت اسمع شني يگلها احس نار وشبت بضلوعي ياغيره سز هذا شيحچي شيگول

يتبع ..

بعض المتابعين يردون اختصر وبعض يردوها بالتفصيل
كلولي اختصر لو استمر بالشرح السلس بالتفصيل
اعتمد على تصويتكم

البارت بدون مراجعه وكوه كملته صايره كسوله وره رمضان مالي خلگ كلشي ارجوو المعذره حبايب تره والله مو قصدي أخركم او اخليكم تنتظرون اكثر
بالعكس هالشي يحز بداخلي متابعيني تهمني راحتهم
❤